இன்றைய செய்தி,நாளைய வரலாறு. நாளைய வரலாறை படிப்போம்.

சனி, 31 மார்ச், 2012

முக்கிய ஆய்வு,,,


_____ஏப்ரல் 1 முட்டாள்கள் தினம்.?
ஒரு ஆய்வு[?]
இந்நாள் எவ்வாறு எப்போது ஆரம்பமானது என்பதில் தெளிவான வரலாறு இல்லாதபோதும் பிரான்ஸ் நாட்டிலேயே இது முதன்முதலில் அனுசரிக்கப்பட்டது எனத் தெரிகிறது.

16ம் நூற்றாண்டு வரை ஐரோப்பாவின் பல நாடுகளில் ஏப்ரல் 1 இலேயே புத்தாண்டு தினம் கொண்டாடப்பட்டு வந்தது. பின்னர் 1562ம் ஆண்டளவில் அப்போதைய போப்பாண்டவரான 13வது கிரகரி அவர்கள் பழைய ஜூலியன் ஆண்டுக் கணிப்பு முறையை ஒதுக்கி புதிய கிரேகோரியன் ஆண்டுக் கணிப்பு முறையை நடைமுறைப்படுத்தினார். இதன்படி ஜனவரி 1 அன்றுதான் புத்தாண்டு ஆரம்பமாகின்றது.
எனினும் இந்தப் "புதிய" புத்தாண்டு தினத்தை ஐரோப்பிய தேசங்களும், அவற்றின் மக்களும் உடனேயே ஏற்றுக் கொள்ளவில்லை. அதற்குச் சில காலம் எடுத்தது. பிரான்ஸ் 1852ம் ஆண்டிலும், ஸ்கொட்லாந்து 1660ம்ஆண்டிலும், ஜேர்மனி, டென்மார்க், நோர்வே போன்ற நாடுகள் 1700ம் ஆண்டிலும், இங்கிலாந்து 1752ம் ஆண்டிலும், இந்தப் புதிய புத்தாண்டு தினத்தை உத்தியோகபூர்வமாக ஏற்றுக் கொண்டன.
புதிய வழக்கத்தை ஏற்றுக் கொண்டு ஜனவரி முதலாம் தேதியை புத்தாண்டாகக் கொண்டாடத் தொடங்கிய மக்கள் இந்த பழைய வழக்கத்தைப் பேணி ஏப்ரல் மாதம் முதல் தேதியில் புத்தாண்டைக் கொண்டாடுபவர்களை ஏப்ரல் முட்டாள்கள் என்று இவர்கள் அழைத்தார்கள். இதலிருந்து ஏப்ரல் முட்டாள்கள் தினம் ஆரம்பமாயிற்று என்பது பலராலும் ஏற்றுக் கொள்ளப்பட்ட ஆய்வு ஒன்று தெரிவிக்கின்றது.

எனினும் 1582ம் ஆண்டுக்கு முன்னரேயே 1508ம் ஆண்டில் பிரான்ஸ் தேசத்தில் முட்டாள்கள் தினம் கொண்டாடப்பட்டு வந்துள்ளது என்பதற்கு சான்றுகள் உண்டு. அதேபோல் டச்சு மொழியிலும் 1539ம் ஆண்டுக் காலப்பகுதியில் முட்டாள்கள் தினம் பற்றிச் சொல்லப்பட்டிருப்பதை அறியக் கூடியதாக உள்ளது.
1466ம் ஆண்டு மன்னன் பிலிப்பை அவரது அரச சபை விகடகவி, பந்தயம் ஒன்றில் வென்று மன்னனையே முட்டாளாக்கிய நாள் ஏப்ரல் முதலாம் தினம் என்றும் கூறப்படுகிறது.

ஒவ்வொரு செயல்பாட்டுக்கும் ஒவ்வொரு நாள் இருப்பது போல, ஏப்ரல் முதல் நாள் முட்டாள்கள் தினமாக உலகெங்கும் கொண்டாடப்படுகிறது.
இந்நாளில் ஒருவரையொருவர் எந்த விதத்திலாவது ஏமாற்றுவதில் குறியாக இருப்பார்கள். அவர்கள் கூறும் தகவல்களை உண்மை என்று நாம் நம்பிவிடுகிறோம். ஆனால் அத் தகவல்கள் உண்மையல்ல என்று பின்னால் தெரிய வரும்போது முட்டாள்களாகி விடுகிறோம்.
அப்போதுதான் தோன்றும்.... ஓ.... இன்றைக்கு ஏப்ரல் 1-ம் தேதியல்லவா? நம்மை முட்டாளாக்கிவிட்டார்களே என்று எண்ணத் தோன்றும். மனதுக்குள் ஒரு புன்சிரிப்பு தோன்றி மறையும்.
இந்த ஏப்ரல் முட்டாள்கள் தினம் ஏற்பட்ட விதத்தைப் பார்ப்போம்.
 

முட்டாள்களுக்காக ஒரு தினத்தை ஏற்படுத்த வேண்டும் என்ற யோசனையை முதன் முதலில் வெளியிட்டவர் பாஸ்வெல் என்பவர் ஆவார்.
சூரிய வழிபாட்டிற்கும் இந்த விழாக் கொண்டாட்டத்துக்கும் சம்பந்தம் இருப்பதாக பழைய நூல்களிலிருந்து தெரிய வருகிறது.
ஆதிக் குடிகளான ùஸல்ட் இன மக்கள் வியூ என்ற சூரியக் கடவுளைக் குறித்து இதை வசந்த விழாவாகக் கொண்டாடினர். இந்த விழாவின் முக்கிய அம்சம் ஒருவரையொருவர் ஏமாற்றி கிண்டல் செய்து மகிழ்வதாகும்.
இப்படி முட்டாள்களாக்கப்படுபவர்களை பிரான்ஸ் நாட்டில் ஏப்ரல் ஃபிஷ் என்று அழைக்கின்றனர். ஏனென்றால் அன்று காகிதத்தால் செய்த மீன் வடிவம் ஒன்றை ஒருவரின் முதுகில் அவருக்குத் தெரியாமல் ஒட்டி வைத்துவிட்டு அவர்களை ஏப்ரல் ஃபிஷ் என்று கூவிக் கூவி அழைப்பார்கள்.
முதலில் ஏப்ரல் முதல் நாள் முழுவதும் இந்த விழா கொண்டாடப்பட்டது. மாலை வரை அடுத்தவர்களை முட்டாள்களாக்கிக் கொண்டிருந்தனர்.
பின்னர் நண்பகல் வரைதான் இந்த வேடிக்கைகளைச் செய்யலாம் என்ற முடிவுக்கு வந்தனர். 

அதன்
பிறகு முட்டாளாக்க முயல்பவர்கள் முட்டாள்களாகக் கருதப்பட்டனர்.
இப்படியொரு பழக்கம் கனடா, நியூசிலாந்து, இங்கிலாந்து, ஆஸ்திரேலியா, சைப்ரஸ் மற்றும் தென் ஆப்ரிக்காவில் இன்றும் தொடர்கின்றது.
கிழக்கு நாடுகளில் இந்த முட்டாள்கள் தினம் கொண்டாடப்படுவது வழக்கில் இல்லை. ஆனாலும் மேலைநாட்டு மக்களைப் பார்த்து இப்போது நாமும் இதைக் கொண்டாடிக் கொண்டிருக்கிறோம்.
ஏப்ரல் முதல் நாளை அரசாங்க விடுமுறையாக அறிவிக்க வேண்டும் என்று பல நாடுகளில் விவாதங்கள் எல்லாம் நடைபெற்றன. முடிவில் விடுமுறை தேவையில்லை என்று முடிவு செய்யப்பட்டது.
_________________________________________________
பணக்கார நகரம்,
இந்தியாவில் பணக்கார நகரங்களின் வரிசையில் கர்நாடக மாநிலத்தின் தலைநகர் பெங்களூர் முதலிடம் வகிக்கிறது. மும்பை நகரம் இரண்டாம் இடத்தைப் பெற்றுள்ளதாக நுகர்வோர் விலை குறியீடு குறித்த ஆய்வின் அடிப்படையில், இந்திய ரிசர்வ் வங்கி வெளியிட்டுள்ள செய்தி அறிக்கையில் தெரிவிக்கப்பட்டுள்ளது.


நுகர்வோர் விலை குறியீடு என்பது உணவு, உடை, இருப்பிடம், போக்குவரத்து செலவு அடிப்படையில் கணக்கிடப்படுகிறது. 
இந்தக் கணக்கெடுப்பில் தலைநகர் டில்லி நகரம் மிகக் குறைந்த மதிப்பைக் கொண்டுள்ளது.
பெங்களூர் நகரத்தில் சமையல் எரிவாயு உருளை ஒன்றி்ன் விலை 415 ரூபா, கொல்கத்தாவில் 404, மும்பையில் 402, புதுடெல்லியி்ல் 399, சென்னையில் 393.50 என்று உள்ளது.
அடிப்படை தேவைகளுக்கான பொருட்களின் விலை மாதா,மாதம் உயர்வது  பெங்களூரைப் பொறுத்தவரைவழக்கமாகிவிட்டது.அதற்கு கை நிறைய சம்பளம் பெறும் கணினி நிறுவனங்கள் பெங்களூரில் அதிகமாக உள்ளது முக்கிய காரணமாக உள்ளது.
மும்பை போன்ற பெருநகரங்களில் வசிக்கும் மக்கள் தங்களின் ஊதியத்தில் சுமார் 40 சதவீத அளவு வரை வீட்டு வாடகைக்காகச் செலவிடுவதாக அந்த ஆய்வில் தெரியவந்துள்ளது.
___________________________________________________________________________
உலகில் நம்முடன் வசித்து வந்த சிட்டுக்குருவி மட்டுமில்லை.கீழே வரும்அழகிய பறவையினங்களும் உலகை விட்டு விரைவாக மறைந்து வருகின்றன.இப்பறவை இனங்கள் 
இவ்வாறு மறைய மற்றொரு உயிரினமான மனிதன் தான் காரணமாக இருக்கிறான்.





பழைய மனை புகு விழா,...?

மார்ச் 28ம் தேதி சசிகலா அனுப்பிய விளக்க அறிக்கையில், எப்போதுமே போயஸ் கார்டனில் ஜெயலலிதாவுடனேயே இருந்துவிட்டதால், அதிமுகவிற்கும், முதலமைச்சர் ஜெயலலிதாவிற்கும் எதிராக தனது உறவினர்கள் மேற்கொண்ட நடவடிக்கைகள் குறித்து தனக்கு எதுவுமே தெரியாது என்றும், தான் குற்றமற்றவர் என்றும் சசிகலா கூறியிருந்தார்.
 சசிகலா அனுப்பிய விளக்க அறிக்கை ஏற்றுக் கொள்ளப்படுவதாகவும் ஜெயலலிதா தனது அறிவிப்பில் குறிப்பிட்டுள்ளார்.

ஒரு நாடகம் கிட்டதட்ட கடைசி கட்டத்தை எட்டியுள்ளது.அடுத்து போயஸ் தோட்டத்தில் சின்னம்மா நுழைந்து விட்டால் திரையை கீழிறக்கி 'சுபம்"அல்லது வணக்கம் போட்டு விடலாம்.அதுவும் விரைவில் '
போயஸ் தோட்டத்தில் அக்காவுடனேயே தங்கிவிட்டதால் சின்னம்மாவுக்கு வெளி உலகில் நடப்பது எதுவுமே தெரியாமல் போய் விட்டது.அதையும் அம்மா புரச்சி தலைவி ஏற்றுக்கொண்டு நடவடிக்கைகளை[?]திரும்ப பெற்று விட்டார்.

அக்காவுடனே யே இருந்ததால் கணவர் நடராஜன் கட்சியினரிடமும்,அதிகாரிகளிடமும்,மக்களிடமும் பதவி-வேலைக்கு பணத்தை வாங்கிக்கொண்டு முதல்வரிடம் காரியம் சாதித்தது எதுவுமே சசிக்கு தெரியாது .பாவம்.
தினகரன்,சுதாகரன்,விவேகானந்தன்,வெங்கடேஷ்,இளவரசி திவாகரன்,ராமச்சந்திரன்,ராவணன் போன்றோர் தோட்டத்துக்குள் நுழைந்து குளப்பியது எல்லாமே சசிக்கு இப்போதுதான் தெரிந்திருக்கிறது.பாவம்.
குடும்பத்தார் பணம் வாங்கிக்கொண்டது தெரியாமல்தான் அவர்கள் குறிப்பிட்டவர்களுக்கு தேர்தலில் வாய்ப்பு,அமைச்சரவையில் பொறுப்பு எல்லாமே வழங்கியுள்ளார். 

இவ்வளவு சின்னப்பிள்ளைத்தனமாக இருப்பவர் மீது இதுவரை எதற்கு நடவடிக்கை எடுத்தார்கள்.
இவர்-இவரின் குடும்பம் சொன்னதுக்கெல்லாம் தலையை ஆட்டி இதுவரை இவர்கள் "தேவராட்டத்துக்கு"தாளம் போட்ட ஜெயலலிதா மீதுதானே நடவடிக்கை எடுக்க வேண்டும்?
பாவம் ஜெயாவும் என்ன செய்வார்.அவரும் இவர்கூடவே இருந்ததால் வெளியுலக நடவடிக்கைகளே தெரியாமல் இருந்திருப்பார்.
இவர்கள் சொத்துக்குவிப்பு வழக்குக்காக போட்ட நாடகத்தை "சுரன்" ஏற்கனவே பறஞ்சிருக்கிறது.

அதை நம்பாமல்.இவர்கள் "வெளியேற்ற" கண்ணீர் நாடகத்தை நம்பியவர்களை தான் வெளியுலகம் தெரியாத அல்லது புரிந்து கொள்ளாத அப்பாவிகள் என்று சொல்ல வேண்டும்.

____________________________________________________________________________

புதர் மண்டிய சீனச்சுவரில் ஒரு நடை.
_____________________________________________________________________________________________
எழிலான ஆங்கூர் வாட் கோவில்.
கம்போடியாவின் வரலாற்றுப் புகழ் மிக்க அங்கூர் வாட் கோயிலைப் பாதுகாப்பதற்கென ஆத்திரேலிய அரசு 1 மில்லியன் ஆத்திரேலிய டாலர்களை நிதியுதவியாக வழங்கியுள்ளது.
அங்கூர் வாட் கோயிலைப் போன்ற அமைப்புடைய இந்துக் கோயில் ஒன்றை இந்தியாவின் பீகார் மாநிலத்தில் நிர்மாணிக்கும் 20 மில்லியன் டாலர் திட்டம் ஒன்றை மகாவீர் மந்திர் அறக்கட்டளை என்ற இந்து நிறுவனம் ஒன்று தொடங்கியுள்ளது. அங்கூர் வாட் கோயிலுக்கு 25 மைல்கள் தூரத்தில் பன்னாட்டு விமான நிலையம் ஒன்றை அமைக்கவிருப்பதாக கம்போடிய அரசு அறிவித்துள்ளது.
_____________________________________________________________________________________________

வெள்ளி, 30 மார்ச், 2012

மின் அதிர்ச்சி


 பாகிஸ்தானில் நிலவும் கடுமையான மின் பற்றாக்குறையையும், இதன் காரணமாக மக்கள் மத்தியில் ஏற்பட்டுள்ள கொந்தளிப்பையும் மன் மோகன்சிங்கிடம் கூறிய கிலானி, இதை சமாளிக்க இந்தியா உதவ வேண்டும் என்று வேண்டினார்.
கிலானியின் கோரிக்கையை ஏற்று, பாகிஸ்தானுக்கு 5 ஆயிரம் மெகாவாட் மின்சாரம் உடனடியாக வழங்க, மன்மோகன்சிங் ஒப்புக் கொண்டார். அவசர கால தேவை அடிப்படையில் இந்த மின்சாரம் வழங்குவதாகவும் அந்த மின்சாரம் பஞ்சாப் மின்பாதை வழியாக, பாகிஸ்தானுக்கு விரைவில்அனுப்பவும் ஏற்பாடு செய்யப்பட்டுள்ளது.இதற்காக , கிலானி நன்றி தெரிவித்துக் கொண்டார். 
இங்கு தமிழ்நாடு இருளில் கிடக்கிறது.அதற்கு ஒரு மத்திய அமைச்சர் மின்சாரம் தர வாய்ப்பில்லை என்கிறார்.
அண்டை நாடு அதுவும் நம் மீது வன்மம் மனதில் கொண்ட நாடுக்கெல்லாம் மின்சாரம்.சொந்த நாட்டில் ஒரு மாநிலத்துக்கு மின்சாரம் கிடையாதா/
இதில் இன்னொரு உண்மையும் இருக்கிறது.

மின் தட்டுப்பாட்டை விலக்கி கிலானி கெஞ்சும் குரலில் கேட்டு பெற்றுக்கொண்டார்.நமது முதல்வரோ வாயை திறந்து கேட்டதாகவே தெரியவில்லை.விட்டால் மத்திய அரசு ஒதுக்குகிறது என்கிறார்.
ஆனால் கருணாநிதி ஆட்சி காலத்தில் மத்திய அரசிடம் இருந்தும் மற்றைய மாநில அரசுகளிடமிருந்தும் மின் சாரத்தைப் பெற்று இரண்டு மணி நேரம் தடை மட்டுமே.அதுவும் காலையில் மட்டும் என்றும் சென்னையில் அதுவும் இல்லாத நிலையை வைத்திருந்தார்.
ஆனால் இவ்வம்மையாரோ மத்திய அரசிடம் கேட்பதே கவுரவத்திற்கு இழுக்கு என்ற எண்ணத்தில் இருக்கிறார்.மற்றைய மாநிலங்களிலும் வாங்க மறுக்கிறார்.

அது ஏன் ? மின் தடை என்று தமிழ் நாடு முழுக்க அலறுகிறார்களே.அப்படி என்றால் என்ன என்பதுபோல் அதைப்பற்றியே கண்டு கொள்ளாமல்.வாயை திறக்காமல் அல்லவா இருக்கிறார் முதல்வர்,வாயைத்திறந்தால் அடுத்த தலைவர்களை கருணாநிதி,நடிகர் விஜய்காந்து போன்றவர்களை தாக்கவும்-சவால் விடவும்தானே.
அவரை குறை கூறுவது கூட தவறு.இவ்வளவு மின் தடை,,பேருந்து கட்டண உயர்வு,பால் விலை உயர்வு,வரிகள்,விலைவாசி உயர்வு போன்றவை இருந்தும் ஒரு இடைத்தேர்தலில் ஒட்டு மொத்தமாக வாக்கு பொத்தானை இரட்டை இலைக்கே போட்டு மற்ற கட்சியினரை காப்புத்தொகையை இழக்க வைத்த மக்கள் இருக்கும் வரை தமிழ்நாட்டில் தினமும் கேப்பையில்  நெய்யும் வடியும்- பணியார மழையும் பெய்யத்தானே செய்யும்.?
மின் கட்டண உயர்வு வரும் மாதம் முதல் இருக்கும்.
ஆனால் மின்சாரம் மட்டும் இராது.

ஏப்ரல் 1 - ம் தேதி ஞாயிற்றுக் கிழமை
 [முட்டாள்கள் தினத்தில் இருந்து]
 முதல் தமிழகத்தில் மின் கட்டணம் கடுமையாக உயர்த்தப்பட்டுள்ளது.
இந்தக் கட்டண உயர்வை தமிழ்நாடு மின்சார ஒழுங்கு முறை ஆணையம் என்ற பெயரில்அறிவித்துள்ளது.
அதன்படி ஒவ்வொரு இரண்டு மாதத்துக்குமாக, 
• 100 யூனிட் வரை ரூ. 2.60 .
(அரசு மானியம் ரூ.1.60 - நுகர்வோர் கட்டணம் ரூ.1.10). {தற்போது 1 யூனிட் 85 பைசா.} 
• 101 யூனிட் முதல் 200 யூனிட் வரை ரூ. 2.80
(அரசு மானியம் ரூ.1.00 - நுகர்வோர் கட்டணம் ரூ.1.80) 
• 201 யூனிட் முதல் 500 யூனிட் வரை ரூ.4.00
(அரசு மானியம் 50 பைசா - நுகர்வோர் கட்டணம் ரூ.3.50). இதில், முதல் 200 யூனிட்களுக்கு ரூ. 3-ம், 201 வது யூனிட்டிலிருந்து 500 யூனிட் வரை ரூ. 4-ம் கட்டணமாக வசூலிக்கப்படும்.

• 500 யூனிட்டுகளுக்கு மேல்- ரூ.5.75 (இதில் அரசு மானியம் கிடையாது). 



• ஒவ்வொரு நுகர்வோரும் 2 மாதங்களுக்கு ஒருமுறை சர்வீஸ் சார்ஜ் என்ற முறையில் ரூ. 20 கூடுதலாக அரசுக்கு தண்டம் செலுத்த வேண்டும். 


• வாடகை வீட்டில் குடியிருப்போரின் சப் மீட்டர் கணக்கில் எடுத்துக் கொள்ளப்படாது. இதனால் வாடகை வீட்டில் குடியிருப்போர் அதிகளவு கட்டணம் செலுத்தும் கட்டாயத்துக்கு ஆளாவார்கள்.
தொழிற்சாலைகளுக்கான மின்சார கட்டணம் 37 சதவீதம் உயர்த்தப்பட்டுள்ளது.

இந்த கட்டண உயர்வு வரும், ஏப்ரல் 1- முதல் அமலுக்கு வருகிறது.

இந்த மின் கட்டண உயர்வு மக்களை பாதிக்காது.அவர்கள் முன்பு செலுத்தியதை விட குறைவாகவே கட்ட வேண்டிய நிலைதான் வரும். மக்கள் இக்கட்டண உயர்வால் பாதிப்படையக்கூடாது என்பதால்.ஏப்ரல் முதல் மின் தடை 12 மணி நேரமாக்கப்படும்.இதனால் மக்கள் மின் கட்டணம் அதிகமாக அழவேண்டிய நிலை ஏற்படாது என தாயுள்ளத்துடன் முதல்வர் புரச்சித்தலைவி தெரிவித்துள்ளதாக தெரிகிறது.

இந்த மின் கட்டண உயர்வு மூலம் தமிழ் நாடு அரசுக்கு ஆண்டிற்கு ரூ.7874 கோடி ரூபாய் கூடுதல் வருமானம் அரசுக்கு கிடைக்கும் ,

 இதில் இன்னொரு கொடுமை.மின்சார ஒழுங்கு முறை ஆணையத்திடம் ஆண்டுக்கு ரூ.9742 கோடி வருமானம் கிடைக்கும் அளவிற்கு மின் கட்டண உயர்வு இருக்க வேண்டும் என தமிழக அரசு தெரிவித்திருந்தது. 
_____________________________________________________________________________________________
டாலரை கை கழுவ  முடிவு-                                          பிரேசில்-ரஷ்யா-இந்தியா-சீனா-தென் ஆப்பிரிக்கா இணைந்து புதிதாகவளர்ச்சி வங்கி உருவாக்க திட்டம் 
அமெரிக்காவில் மையங் கொண்ட முதலாளித்துவ பொருளா தார நெருக்கடி மேலும் மேலும் ஆழமாக தீவிரமடைந்துவரும் நிலையில், தங்களது பொருளாதா ரங்களைப் பாதுகாத்துக் கொள்ளும் முகமாக தங்கள் நாடுகளுக்கு இடையிலான வர்த்தக பரிவர்த்த னையில் டாலரை கைவிடுவது என ‘பிரிக்ஸ்’ நாடுகள் மிகவும் முக்கியத்துவம் வாய்ந்த முடிவி னை எட்டியிருக்கின்றன. 


உலகின் மக்கள்தொகையில் 40 சதவீதம் பேரை கொண்டிருக் கிற பிரேசில், ரஷ்யா, இந்தியா, சீனா மற்றும் தென்னாப்பிரிக்கா ஆகிய ஐந்து நாடுகளின் கூட்ட மைப்பான ‘பிரிக்ஸ்’ மேற்கொண் டுள்ள இந்த முடிவு உலக அரங் கில் பெரும் அதிர்வலைகளை ஏற் படுத்தியுள்ளது.

டாலரை கைவிடுவது மட்டு மின்றி, புவிக்கோளத்தின் தெற்குப் பிரதேசத்தில் அமைந்துள்ள மேற் கண்ட ஐந்து நாடுகளும் இணைந்து ‘பிரிக்ஸ் வளர்ச்சி வங்கி’ அல்லது ‘தெற்கு வளர்ச்சி வங்கி’ என்ற புதியதொரு வங்கி கட்டமைப்பை உருவாக்குவது என்றும் முடிவு செய்துள்ளன. இதுதொடர்பாக அனைத்து சாத்தியக்கூறுகளை யும் உடனடியாக ஆய்வு செய்து பணிகளைத் துவக்குமாறு தங்க ளது நிதியமைச்சகங்களுக்கு உத் தரவிடுவது என்றும் முடிவெடுத் துள்ளன.

அமெரிக்கா மற்றும் மேற்கத்திய வளர்ச்சியடைந்த முதலாளித்துவ நாடுகள், உலகெங்கிலும் உள்ள வளர்முக நாடுகள் மீது தங்களது பொருளாதார நெருக்கடியை மடை மாற்றம் செய்துவிட்டு, தாங்கள் மட்டும் தப்பித்துக்கொள்ள தீவிர மான முயற்சிகளில் ஈடுபட்டுள் ளன. மேலும் நெருக்கடியால் துரத் தப்படும் அமெரிக்க ஏகாதிபத்திய மும் அதன் மேற்கத்திய கூட்டாளி களும், அதிலிருந்து மீள்வதற்கு உலகம் முழுவதிலும் உள்ள எண் ணெய் வளத்தை கபளீகரம் செய்வ தற்கு கடும் முயற்சி மேற்கொண் டுள்ளன. இதற்காக லிபியா, சிரியா, ஈரான் என வரிசையாக போர் முழக் கம் செய்துகொண்டிருக்கின்றன. இதனால் உலக எண்ணெய் வளம் கடும் அச்சுறுத்தலின் பிடியில் சிக்கியுள்ளது.

இந்தப்பின்னணியில் லத்தீன் அமெரிக்க நாடுகள் தங்களுக்கி டையே கூட்டமைப்பை உருவாக்கி தங்களது சொந்த நாணய மதிப் பின்அடிப்படையிலேயே வர்த்த கத்தை மேற்கொள்வது உள்ளிட்ட பல முடிவுகளை அமலாக்கி வரு கின்றன.


பிரிக்ஸ் உச்சி மாநாடு
, கடந்த சில ஆண்டுகளாக வளர்முக நாடுக ளின் நலன் காக்கும் நோக்கில் சர்வதேச அரங்கில் முனைப் போடு செயலாற்றி வரும் ‘பிரிக்ஸ்’ கூட்டமைப்பின் 4வது உச்சி மாநாடு புதுதில்லியில் வியாழ னன்று நடைபெற்றது.

பிரேசில் ஜனாதிபதி டில்மா ரூஸெப், ரஷ்ய ஜனாதிபதி டிமிட்ரி மெத்வதேவ், இந்திய பிரதமர் மன்மோகன் சிங், சீன ஜனாதிபதி ஹூ ஜிண்டாவோ மற்றும் தென் ஆப்பிரிக்க ஜனாதிபதி ஜேக்கப் ஜூமா ஆகிய தலைவர்கள் பங் கேற்றனர்.

இம்மாநாட்டில் உலகப் பொரு ளாதார நிலைமை குறித்து தீவிர மாக பரிசீலித்த அவர்கள், தங்களது நாடுகளுக்கிடையே நடக்கும் வர்த் தகம் உள்ளிட்ட அனைத்து ஒத் துழைப்புகளையும் மேம்படுத்துவது என்றும், கடனுதவி, வர்த்தகம் உள்பட தங்களுக்குள் நடக்கும் பரிவர்த்தனைகளில் இதுவரை இடம்பெற்றுவரும் நாணயமான டாலர் என்பதை கைவிடவும், தங்களது சொந்த நாணயத்தின் அடிப்படையிலேயே வர்த்தக நடவடிக்கைகளை மேற்கொள்வது என்றும் முடிவு செய்தனர்.சர்வதேச வளர்ச்சி வங்கியாக செயல்படும் உலக வங்கி, கடந்த பல ஆண்டுகளில் வளரும் நாடுகளின் தேவைக்கு பொருந்தியதாக இல்லை. வளரும் நாடுகளுக்கு அளித்த நாணய நிதியுதவி போதுமானதாக இல்லை. விவாதிக்கப்படுகின்ற பிரிக்ஸ் புதியதொரு வளர்ச்சி வங்கி, இந்த குறைவை நிறைவு செய்யும். இந்த புதிய வங்கி, பிரிக்ஸ் நாடுகளின் நாணய மூலவளங்களைப் பயன்படுத்தி, பிரிக்ஸ் நாடுகள் மற்றும் வளரும் நாடுகளின் வளர்ச்சியை முன்னேற்றும். வளர்ச்சி வங்கி உருவாக்குவது உள்ளிட்ட இந்த முடிவுகளை மாநாட்டின் நிறைவில் செய்தியாளர்களுக்கு பேட்டியளித்த பிரதமர் மன்மோகன் சிங் வெளியிட்டார்.
சுகுமாரன்

______________________________________________________________________________________________உடலுக்கு நன்மைதரும் கஞ்சிகள்.

சீன முறை,


சீனா பெரிய நெல் உற்பத்தி நாடாகும். இந்தியாவைப் போல வடக்கு பகுதியில் வசிக்கும் மக்கள் கோதுமை உணவு வகைகளை அதிகமாக சாப்பிடுகின்றனர். தென் பகுதி மக்கள் முக்கியமாக சோற்றைச் சாப்பிடுகின்றனர். ஆனால், வட பகுதியிலும் தென் பகுதியிலும் வசிக்கும் மக்கள் அனைவரும் கஞ்சியை(conjee) உட்கொள்ள விரும்புகின்றோம். சீனாவில் கஞ்சி உடல் நலத்துக்கு நன்மை பயக்கும் உணவு வகையாகக் கருதப்படுகிறது. பண்டை காலம் தொட்டு, சீன மக்கள் கஞ்சியின் மருத்துவப் பயனை அறிந்து கொள்ள துவங்கினர். நோய் தடுப்பு, உடல் நலத்தை வலுப்படுத்துதல், ஆயுள் நீடிப்பு முதலிய பயன்களை கஞ்சி பெற்றுள்ளது என்று சீன மக்கள் கருதுகிறனர். உடல் நலத்துக்கு நன்மை தருவது பற்றிய சீனப் பாரம்பரிய கருத்தின் படி, வெவ்வேறான பருவங்களில் வெவேறான வகை கஞ்சிகளை உட்கொள்ள வேண்டும். இன்றைய நிகழ்ச்சியில் இது பற்றிய விபரத்தை உங்களுக்கு அறிமுகப்படுத்துகின்றேன்.
சீனப் பாரம்பரிய மருத்துவ இயல் கருத்தின் படி, ஓராண்டின் 4 பருவங்களின் மாற்றம், மனிதரின் உடல் நல மாற்றத்துடன் நெருக்கமான தொடர்புடையது. வானிலையின் மாற்றத்துக்கிணங்க, உடல் நலத்தைப் பாதுகாக்க வேண்டும். இதில், வயிறு மற்றும் மண்ணீரலை பாதுகாப்பது முக்கியமானது என்று சீனப் பாரம்பரிய மருத்துவவியல் கருதுகிறது. மருத்துவர் su feng zhe கூறியதாவது
வாழ்க்கையில் வயிறு மற்றும் மண்ணீரல் பாதுகாப்பதற்கு முக்கியத்துவம் அளிக்க வேண்டும். தற்காலத்தில், மக்களின் வாழ்க்கை தரம் உயர்ந்து வருகிறது. உணவு வகைகளின் காரணமாக நோய்கள் ஏற்படுகின்றன. உணவு வகைகள் முதலில் வயிறு மற்றும் மண்ணீரலுக்குள் நுழைகின்றன. சத்துணவு வகைகள் உடம்பின் பல்வேறு பகுதிகளுக்கு அனுப்பப்படுகின்றன. தேவையற்றப் பொருட்கள் கழிவுப் பொருட்களாக உடம்பிலிருந்து வெளியேற்றப்படுகின்றன. ஆகையால், வயிறு மற்றும் மண்ணீரல் வளர்சிதை மாற்றத்தை ஏற்படுத்துகிறது என்று கருதுகின்றோம். உடம்பில் வளர்சிதை மாற்றம் சீராக இயங்காவிட்டால், பல நோய்கள் ஏற்படும். ஆகவே, வயிறு மற்றும் மண்ணீரல் மக்களின் உடல் நலத்துக்கு மிக முக்கியமானது என்று அவர் கூறினார்.
வயிறு மற்றும் மண்ணீரலின் நலம், உடல் நலத்துக்கான முன் நிபந்தனையாகும். இவற்றின் நலத்தை எப்படி பாதுகாக்க வேண்டும்? வாழ்க்கையில் உடல் நலத்துக்கு நன்மை பயக்கும் சில கஞ்சி வகைகளைச் சாப்பிட வேண்டும் என்று மருத்துவர் சூ முன்மொழிந்தார். வயது, உடல் நிலைமை, பருவம் முதலியவற்றின் படி, வேறுப்பட்ட கஞ்சி வகைகளைத் தேர்ந்தெடுப்பது, உடல் நலத்தைப் பாதுகாக்கும் மிக எளிதான வழிமுறையாகும். சந்தையில் அதிகமான காணப்படும் உணவு மூலப்பொருட்களை வாங்கி, வீட்டில் கஞ்சியைச் சமைக்கலாம். சரியான உணவு வகைகளைப் பயன்படுத்தினால், நல்ல பயன் பெறும்.
வசந்தகாலத்தில் இனிப்புப் பொருட்களை அதிகமாகவும் புளிப்புப் பொருட்களை குறைவாகவும் சாப்பிட வேண்டும் என்று சீனப் பாரம்பரிய மருத்துவவியல் கருதுகிறது. Lily பழம், நுரையீரலுக்கும் வயிற்றுக்கும் நல்லது. அதைச் சாப்பிட்டால், உடல் வெப்பத்தை தணிக்க முடியும். 20 கிராம் lily பழம், 100 கிராம் அரிசி, உரிய அளவிலான கற்கண்டு ஆகியவற்றைத் தயாராக வைத்துக்கொள்ளுங்கள். முதலில் Lily பழத்தை தண்ணீரில் போட்டு வேகவிடுங்கள், பிறகு, அரிசியையும் இதில் சோர்க்கலாம். வேகவிடுக்கப்பட்டப் பிறகு, கற்கண்டை இதில் போடுங்கள். மிகவும் எளிதான தயாரிப்பு முறை தான்.
கோடைக்காலத்தில் கசப்பு சுவை கொண்ட பொருட்களைக் குறைவாகவும் கார்ப்பு சுவை கொண்ட பொருட்களை கொஞ்சம் கூடுதலாகவும் சாப்பிடலாம். மாசிப்பறுப்பு, தாமரை தண்டு ஆகியவற்றைப் பயன்படுத்தி கஞ்சியைத் தயாரித்து சாப்பிடுங்கள். இவ்விரண்டும் உடலின் வெப்பத்தைக் குறைக்கும் பயனுள்ளன. முதலில் பாசிப்பறுப்பை வேகவிடுங்கள். சுமார் 30 நிமிடங்களுக்குப் பின், சுத்தம் செய்யப்பட்ட அரிசியை வாணலியில் போடுங்கள். மேலும் 15 நிமிடங்களுக்குப் பின், சிறிய துண்டுகளாக வெட்டிய தாமரை தண்டை வாணலியில் சேர்க்கலாம். மிதமான சூட்டில் தொடர்ந்து வேகவிடுங்கள். சுமார் 10 நிமிட்டங்களுக்குப் பின், இந்த தாமரை தண்டு கஞ்சி தயார்.

இலையுதிர்காலத்தில் எந்த வகை கஞ்சியைச் சாப்பிடலாம்? மருத்துவர் சூ கூறியதாவது
இலையுதிர்காலத்தில் கசப்புச் சுவை கொண்ட உணவு வகைகளைக் குறைவாகவும், புளிப்புச் சுவை கொண்ட உணவு வகைகளை கூடுதலாகவும் சாப்பிடுங்கள். காரணம் இலையுதிர்காலத்தில் மழை குறைவு, வானிலை அவ்வளவு வெப்பமானதல்ல. கசப்பு மற்றும் கார்ப்பு உணவு வகைகளைச் சாப்பிட்டால் உடலின் வெப்பத்தை அதிகரிக்கும். புளிப்புச் சுவை கொண்ட பழ வகைகளில் காரிம அமிலம், நார்ச்சத்து ஆகியவை நிறைந்திருக்கும். அவை செரிமானத்தை முன்னேற்றி, வயிறு மற்றும் gutஇன் செயல்களை அதிகரிக்கசெ செய்யும். ஆகவே, இக்காலத்தில் ஆப்பிள் ஆரஞ்சு முதலிய பழ வகைகளை அதிகமாக சாப்பிடுங்கள் என்று அவர் கூறினார்.
நன்றி:cri


வியாழன், 29 மார்ச், 2012

தல [வலி] பதி



பிரதமருக்கு ராணுவ தலைமை தளபதி வி.கே.சிங் எழுதிய ரகசிய கடிதம் அம்பலம் ஆகியுள்ளது, நாட்டின் பாதுகாப்பு தொடர்பான கடிதம் இவ்வாறு வெளியானது எப்படி?
சுகுமாரன்


ராணுவ தலமை தளபதி சிங்கின் செயல்பாடுகள் அனைத்துமே தகுதிக்கும் ,பொறுப்புக்கும் மீறிய செயலகளாகவே அதுவும் தவறானதாகவே இருக்கிறது.முதலில் தனது பிறந்த ஆண்டு தொடர்பாக அரசை எதிர்த்து ஒரு தளபதி நீதிமன்றம் சென்றதே தவறான நடைமுறையாகும்.
அடுத்து இவ்வளவு காலம் வாயை மூடிக்கொண்டிருந்து விட்டு ராணுவத்துக்கு குறிப்பிட்ட நிறுவனத்தின் ஆயுதங்கள் வாங்க ஒப்புதல் அளித்தால் தனக்கு ஸி14 கோடி லஞ்சம் தர ஒருவர் பேரம் பேசியதாக கூறி சர்ச்சையை ஏற்படுத்தியது. இது குறித்து சிபிஐ விசாரணைக்கு உத்தரவிட்டுள்ளதாக ராணுவ அமைச்சர் அந்தோணி கூறியுள்ளார்.அந்த குற்ற சாட்டிலும் லஞ்சப்பிரச்னையை முன்பே நடவடிக்கை எடுக்கும்படி எழுத்து மூலம் கொடுக்காமல் வாய்மொழியாகக் கூறி பின் விசாரணை வேண்டாம் என்றுள்ளதைப் பார்த்தால் தளபதியார் தன்னை சுத்தவானாகக் காட்டிக்கொள்ளும் முயற்சியா என்று சந்தேகம் வருகிறது.
 அடுத்தபரபரப்பாக முன்பு பிரதமருக்கு வி.கே.சிங் எழுதியதாகக் கூறப்படும் ரகசிய  கடிதம் இன்னொரு குண்டாக வெடித்துள்ளது." ராணுவ தளவாடங்கள், டாங்கிகளில் நிரப்பும் வெடிமருந்துகள் போதுமான அளவு இல்லை என்றும் இரவில் தாக்குதல் நடத்தும் திறன் நமது படைகளுக்கு குறைவாக உள்ளது எனவும் நாட்டின் பாதுகாப்பு கேள்விக்குறியாகி உள்ளதாக" பிரதமர் மன்மோகன் சிங்குக்கு வி.கே.சிங் கடந்த 12ம் தேதி கடிதம் எழுதியதாக அந்த கடித அதுவும் ரகசியக் கடிதம் வெளியானது எப்படி.நிச்சயமாக அரசு தரப்பில் இருந்தல்ல .பின் நமது தளகர்த்தர் சிங் மூலம் தான் கசிந்திருக்க வேண்டும்.
ஆக இவரைப்போன்றவர் இதுவரை இந்தியாவின் பாதுகாப்பின் முக்கிய இடத்தில் இருந்தது நமது நாட்டின் பாதுகாப்புக்கே அச்சுறத்தல் .நல்ல வேலையாக அவரின்  திரு விளையாடல்கள் அவர் ஓய்வு பெறும் நிலையில் ஆரம்பமாகியுள்ளது.முன்பு என்னவெல்லாம் நடந்ததோ?
மாநிலங்களவையில் நேற்று வி.கே.சிங்கின் கடிதம் வெளியானது குறித்துஅவர் மீதுஅரசு என்ன நடவடிக்கை எடுத்துள்ளது? என்று பா.ஜ. தலைவர் வெங்கய நாயுடு கேள்வி எழுப்பினார்.


 ஐக்கிய ஜனதா தள தலைவர் சிவானந்த் திவாரி ராணுவ தலைமை தளபதி வி.கே.சிங்கை டிஸ்மிஸ் செய்ய வேண்டும் என்று கோரினார். சிவசேனா, கம்யூனிஸ்ட், சமாஜ்வாடி உறுப்பினர்களும் கோஷமிட்டனர்.
மீண்டும் அவை கூடியபோது எதிர்க்கட்சித் தலைவர் அருண் ஜெட்லி, ‘‘ரகசியமாக இருக்க வேண்டிய ராணுவ தளபதியின் கடிதம் வெளியானது கவலையளிக்கிறது’’ என்றார். மார்க்சிஸ்ட் உறுப்பினர் சீதாராம் யெச்சூரி, ‘‘நாட்டின் பாதுகாப்பு தொடர்பான ரகசியங்கள் கசிவது வருந்தத்தக்கது. பொறுப்பானவர்கள் மீது நடவடிக்கை எடுக்க வேண்டும்’’ என்றார்.
இதற்கு பதிலளித்த ஏ.கே.அந்தோணி, ‘‘பாதுகாப்பு, ராணுவ பலம் தொடர்பாக பிரதமருக்கு ராணுவ தளபதி கடந்த 12ம் தேதி கடிதம் எழுதியுள்ளார். இந்த கடிதம் வெளியாகி இருக்க கூடாது. இதில் அரசு பொருத்தமான நடவடிக்கை எடுக்கும். நாட்டின் பாதுகாப்பு விஷயத்தில் சமரசத்துக்கே இடமில்லை. தாய்நாட்டின் ஒவ்வொரு அங்குலத்தையும் காப்போம். நமது ராணுவத்தை உலகின் பலம் வாய்ந்த ராணுவமாக மாற்ற தேவையான எல்லா நடவடிக்கைகளையும் அரசு எடுக்கும். இது தொடர்பாக எதிர்க்கட்சி தலைவர்கள் கூறிய கருத்துக்கள் மகிழ்ச்சியளிக்கிறது. நமக்குள் கட்சி வேறுபாடுகள் இருந்தாலும் நாட்டின் பாதுகாப்பு என்று வரும்போது நாம் அனைவரும் ஒன்றுதான்’’ என்றார்.
சுரன்


நேற்று காலை பிரதமர் மன்மோகன் சிங்கை அந்தோணி சந்தித்து பேசினார். நிதியமைச்சர் பிரணாப் முகர்ஜி, உள்துறை அமைச்சர் சிதம்பரம், ராணுவத்துறை செயலாளர் சசிகாந்த் சர்மா ஆகியோர் உடனிருந்தனர். வயலார் ரவி தாக்கு: இதனிடையே, டெல்லியில் பேட்டியளித்த மத்திய அமைச்சர் வயலார் ரவி, ‘‘வயது சர்ச்சை விவகாரத்தில் நீதிமன்றத்தை அணுகியும் வி.கே.சிங்குக்கு பணிக்காலம் நீட்டிக்கப்படவில்லை. அதனால் வி.கே.சிங்குக்கு ஏற்பட்ட விரக்தியைதான் பிரதமருக்கு அவர் எழுதிய கடிதம் காட்டுகிறது’’ என்றார். தனது பணிக்காலத்தை நீடிக்க வயதை குறைத்ததை அரசும்-நீதிமன்றமும் ஒத்துக்கொள்ளாததற்காக ஒரு பொறுப்பான தலைமை தளபதியார் இப்படியா சின்னப்பிள்ளைத்தனமாக நடந்துகொள்வது.
அது சரி.அந்த ரகசியக் கடிதத்தில் உள்ளவை என்ன?


கடிதத்தின் முக்கிய விபரங்கள்
  • * எதிரிகளின் டேங்குகளை தோற்கடிக்கும் அளவுக்கு நமது டேங்குகளுக்கு தேவையான வெடிபொருட்கள் இல்லை.
  • * விமானப்படை 97% பயனற்றதாகிவிட்டது.
  • * பாதுகாப்பை உறுதிப்படுத்தும் என்ற நம்பிக்கையை விமானப்படை அளிக்கவில்லை.
  • *தரைப்படைக்கு தேவையான போதுமான ஆயுதங்கள் இல்லை.
  • * இரவில் போர் புரியும் திறன் தரைப்படைக்கு மிகவும் குறைவாகவே உள்ளது.
  • * சிறப்பு கமாண்டோ படைக்கு அவசியமான ஆயுதங்கள் இல்லை.
  • * தீவிர கண்காணிப்பில் பெரிய அளவில் வெற்றிடம் உள்ளதுங
இந்திய ராணுவம் பலவீனமாக இருப்பதாகவும் ஆயுதங்கள் பற்றாக்குறை இருப்பதும் உண்மை என்றால் அதை ஏன் இவ்வளவு காலம் ஒரு தலைமை தளபதி ராணுவ அமைச்சகம்-அமைச்சரிடம் தெரிவிக்காமல் வாயை மூடிக்கொண்டிருந்தார்?. ராணுவ விஷயங்களை ராணுவ அமைச்சர் அந்தோணியிடம் தெரிவித்திருக்க வேண்டும்.அமைச்சர் கண்டு கொள்ளவில்லை என்றால் பிரதமரிடம் கூறியிருக்க வேண்டும்.இதை எல்லாம் சிங் ஏன் இதுவரை செய்யாமல்நமது பாதுகாப்பு ஓட்டைகளை கடிதத்தை ரகசியமாக பிரதமருக்கு அதுவும் இந்த 12ம் தேதி எழுதி விட்டு பரகசியமாக வெளியேயும் கசிய விட வேண்டும்.இதன் மூலம் தான் ரொம்ப நல்லவன் என்று காட்டவும் பிறந்த ஆண்டு சர்ச்சையில் தனது பெயர் கெட்டதையும் சரி செய்ய முயன்று கடைசியில் இன்னும் அதிகமாக நன்னடத்தையைஅசிங்கமாகிக்கொண்டுள்ளார்.
ஓய்வா? விடுப்பா?_____________________
ராணுவ தளபதி வி.கே.சிங் தனக்கு எழுதிய கடித விவரம் ஊடகங்களில் வெளியானதால் பிரதமர் மன்மோகன் சிங் மிகவும் அதிருப்தியடைந்துள்ளதாக கூறப்படுகிறது. ராணுவ தளபதி பதவியில் இருந்து வி.கே.சிங்கை நீக்க வேண்டும் என்று பல்வேறு கட்சிகளும் வலியுறுத்தும் நிலையில், மத்திய அமைச்சர்கள் அந்தோணி, பிரணாப் முகர்ஜி ஆகியோருடன் மன்மோகன் நேற்று ஆலோசனை நடத்தினார். இந்த பிரச்னையில் அடுத்து என்ன நடவடிக்கை எடுப்பது என்பது பற்றி ஆலோசனை நடந்தது.
அரசுக்கு இப்போது இரண்டு வழிகள் உள்ளன. 

  1. இன்னும் 2 மாதங்களில் வி.கே.சிங்கின் பதவிக்காலம் முடியும் வரை அவரின் கோமாளித்தனங்களை சகித்து கொண்டிருப்பது 
  2. அவரை கட்டாய விடுப்பில் செல்ல வலியுறுத்துவது '

 அரசு இரு வழிகளையும் ஆலோசித்து வருகிறது. 
இந்திய நாட்டின் மிகப்பெரிய பொறுப்பில் இருந்து அதுவும் ராணுவத்தளபதியை நீக்குவது தவறான முன்னுதாரணங்களை உருவாக்கி விடக்கூடாது என்றும் அரசு எண்ணுகிறது.


ஆனால் சிங் போன்றவர்கள் இன்னும் இரு மாதத்தில் தற்போதுள்ள கெட்டப்பெயரை போக்குவதாக எண்ணிக்கொண்டு இன்னும் ஏதாவது சில்மிசங்களை செய்து தொலைக்கக்கூடாதே?
______________________________________________________________________
_______________________________________________________________________ஜல்லிக்கட்டு சில காட்சிகள்.
சுரன்


சுரன்


சுரன்

சுகுமாரன்

சுகுமாரன்

சுகுமாரன்

செவ்வாய், 27 மார்ச், 2012

வெட்டி விட அழுத பணம்,,,,,,,,.

பின்வரும் புகைப்படங்களில் உள்ள முன்னாள் தம்பதிகள் உலக அளவில் அறிமுகமானவர்கள்தான்.
இப்போது விவாகரத்தில் உள்ள இவர்கள் விவாகரத்து அதாங்க வெட்டிவிட அழுத பணம் எவ்வளவு என்ற விபரம்தான் கீழே வரிசையாக வருகிறது.பார்த்து ஏக்கம் கொள்ளுங்கள்.
ரூபர்ட் முர்டாக்[ஸ்டார் டி.வி.உட்பட ஊடக ஏகபோகதாரி] -அன்னா
கைமாறியது 1.7 மில்லியன் டாலர்
அட்னான் காசோகி- சொர்யா ,கைமாறியது.874 மில்லியன்.
கிராய்க் மெக்காவ்ஸ்-வெண்டி-460 மில்லியன்
மெல்கிப்சன் -ரொபின் 425 மில்லியன்
ரொமன் அப்ரமொவிச்-ஐரீன் 300 மில்லியன்
மைக்கேல் ஜொர்டான் -ஜுயானிடா 260மில்லியன்
சார்லஸ் எட்கர்-மார்லேன் 200 மில்லியன்[மார்லேன் படம் சிக்கவில்லை]
நெய்ல் டைமண்ட்ஸ் -மர்சியா மர்பி 150 மில்லியன்
ஹாரிசன் போர்ட் -மெலிசா மதிசன் 118 மில்லியன்
கிரேக் நார்மன்ஸ் லாரா அன்ட்ரசி 103 மில்லியன்
டைகர் வுட்ஸ் -எலின் நார்டெக்ரென் 100 மில்லியன்

இவர்களின் விவாகரத்து க்குப் பின்தான் பணம் பெற்றவர்கள் வாழ்வு மகிழ்வாக வசதியாக அமைந்திருக்கும் என தெரிகிறது.
_________________________________________________________________________________

கூடங்குளம் உண்ணாநிலை கைவிடப்பட்டது?



இன்று கூடங்குளம் போராட்டக் குழு தலைவர் உதயகுமார் உட்பட, போராட்டக்கார்களின் காலவரையற்ற உண்ணாவிரதப் போராட்டம் கைவிடப்பட்டது.
save image
 ஆயினும் கூடங்குளம் விவகாரத்தில் வெவ்வேறு வடிவத்தில தொடரும் என உதயகுமார் தெரிவித்துள்ளார். கூடங்குளம் அணுமின் நிலையத்திலுள்ள பிரச்சனைகளை பற்றி 9 சர்வதேச அமைப்புகளுக்கு புகார் தெரிவிக்கப்படும் என உதயகுமார் கூறினார். 
இன்று திடீரென நெல்லை மாவட்ட ஆட்சியருடன் ராதாபுரத்தில் போராட்டக்குழுவினர் பேச்சு வார்த்தை நடத்தியதாகவும் அதைத்தொடர்ந்து உண்ணாவிரதப் போராட்டத்தை கைவிட்டதாகவும் தெரிகிறது., அப்படி என்ன பேச்சுவார்த்தையில் கூடங்குளம் அணு உலையை மூடி விடுவதாகவா
சொல்லப்பட்டிருக்கும்? போராட்டத்தை படிப்படியாக கைவிட பேச்சு வார்த்தை ஒரு வசதியாகப்பயன்பட்டிருக்கிறதோ?
கூடங்குளம்

ரூ205 கோடியில் குடியரசுத்தலைவரின் உலக சுற்றுலா?


முந்தையக் குடியரசுத் தலைவர்களின் அயல்நாட்டு பயண செலவுகளைவிட தற்போதைய குடியரசுத் தலைவர் பிரதிபா பாட்டீ லின் அயல் நாட்டு பயண செலவு கூடுத லாகி ரூ.205 கோடியை எட்டியுள்ளது.
பிரதீபா பாட்டீல்


நாட்டின் முதல் பெண் குடியரசுத்தலைவராக 2007ம் ஆண்டு ஜூலையில் பதவி யேற்ற பிரதிபா பாட்டீல் தனது 5 ஆண்டு காலத்தை 4 மாத காலத்தில் நிறைவு செய்கிறார். தனது பதவி காலத்தில் 22 நாடுகளுக்கு 12 முறை சுற்றுப்பயணம் மேற் கொண்டுள்ளார். அவர் தென் ஆப்பிரிக்காவுக்கு பய ணம் மேற்கொள்வார் என கூறப்படுகிறது.

தகவல் அறியும் உரி மைச்சட்டத்தில் குடியரசுத் தலைவரின் அயல்நாட்டுப் பயணச் செலவுகள் கேட் கப்பட்டதில், அயல்நாட்டு பயணத்திற்கு போயிங் 747-400 விமானத்தை பயன் படுத்தியதில் ஏர் இந்தியா வுக்கு ரூ.169 கோடிக்கு மேல் ஆகியுள்ளது. பிரதிபா பாட்டீலின் வெளிநாட்டுப் பயணத்தின்போது அவ ரதுக் குடும்பத்தினரும் சென்றுள்ளனர்.

பூடான் நாட்டுக்குச் சென்ற பயணத்தின்போது சிறிய ஜெட் விமானம் பயன் படுத்தப்பட்டது. தங்கும் வசதி, உள்ளூர் போக்கு வரத்து, தினப்படி இதர உதிரி செலவினங்கள் வகை யில் வெளியுறவுத்துறை அமைச்சகத்திற்கு ரூ.36 கோடி செலவாகி உள்ளது.

தகவல் அறியும் உரிமை சட்டத்தின்கீழ் 3 ஆண்டு களாக தாக்கல் செய்யப் பட்ட மனுக்களுக்கு நிர்வா கத்தினர் பதிலளிக்கத் தயங் கினர். பாதுகாப்புத்துறை அமைச்சகம் குடியரசுத் தலைவர் பயணம் செய்த ஏர் இந்தியா வாடகை விமானத் திற்கு கட்டணம் செலுத்தி யுள்ளது.

பிரதிபா பாட்டீல் பய ணத்திற்கு ஆன ரூ.169 கோடி யில் பாதுகாப்பு அமைச்ச கம் ரூ.153 கோடி அளித் துள்ளது.