இன்றைய செய்தி,நாளைய வரலாறு. நாளைய வரலாறை படிப்போம்.

வியாழன், 31 மே, 2012

புகை நமக்கு பகை.


இன்று புகையிலை எதிர்பு நாள்,

புகைக்கப் புகைக்க சுகமாக இருந்து, புற்று நோய்க்குக் கூட்டிச் செல்வது தான் புகைப்பழக்கம். இந்தியாவில் புகை யிலை பயன்படுத்துவோரின் எண்ணிக்கை அதி கரித்துக் கொண்டே போகிறது. புகைப்பிடிப் பவர்கள் தங்களுடைய உடல் நலத்தையும் கெடுத்துக் கொள்வதோடு, அருகில் உள்ள வர்களின் உடல்நலத்தையும் சேர்த்துக் கெடுக் கின்றனர்; சுற்றுச்சூழலையும் சீரழிக்கின்றனர்.“அபாயகரமான பொருள்” என்று எச்ச ரிக்கை வாசகத்தோடு சிகரெட், பாக்கு உள் ளிட்ட போதைப் பொருட்களை உற்பத்தி செய்ய அனுமதிக்கிறது மத்திய அரசு.
சுரன்

கடைகளில் “அபாயகரமான போதைப் பொருள்” என்ற எச்சரிக்கை அட்டையை வைத்துவிட்டுத் தயக்கமின்றி விற்பனை நடைபெறுகிறது. புகையிலைப் பழக்கத்தின் பிடியில் சிக்கிய வர்கள் அந்த எச்சரிக்கையைப் பொருட்படுத் தாமல் சிகரட், பீடி, ஹான்ஸ், மாவா, பான் பராக் என வாங்கி பயன்படுத்துகின்றனர்.இந்தியாவில் ஆண்டுதோறும் இறந்து போகிறவர்களில் 9 லட்சம் பேர் புகையிலை அடிமைகளானவர்கள். அதாவது நாள்தோ றும் 2,500 பேர்!
வறுமை, பஞ்சம் பட்டினியிலும், கலவரங்களிலும், இயற்கைச் சீற்றத்திலும் கூட இவ்வளவு பேர் மடிவதில்லை.இந்திய அரசுக்கு புகையிலை வர்த்தகத் தால் ஆண்டுக்கு 32 ஆயிரத்து 500 கோடி ரூபாய் வருவாய் கிடைக்கிறது. அதே நேரத் தில், புகையிலைப் பொருட்களை பயன்படுது வதால் ஏற்படும் நோய்களுக்கு பொதுமக்கள் 37 ஆயிரத்து 500 கோடி ரூபாய் செலவிடு கின்றனர் என்று ஒரு புள்ளிவிவரம் தெரிவிக் கிறது. தனிமனிதரின் பொருளாதாரம் திட்ட மிட்டே சீரழிக்கப்படுவதோடு, மனித வளம் வீணடிக்கப்படுகிறது.
சுரன்

ஒரு புறம் காடுவளர்ப்பு, வனப்பாதுகாப்பு என்று பேசிக் கொண்டி ருக்க, 2 லட்சம் ஹெக்டேர் காடுகளும், அதனை சார்ந்த நிலங்களும், புகையிலை பயிரிடுவதற்காக என அழிக்கப்பட்டுள்ளன.புகையிலையை மூன்று வகைகளாக பிரிக்கலாம். புகைக்கும் புகையிலை (பீடி, சிகரெட், சுருட்டு, ஹூக்கா), மெல்லும் புகை யிலை (வெற்றிலையுடன் புகையிலை, ஹான்ஸ், சைனிகைனி, பான்பராக், மாவா, மாணிக் சந்த் உள்ளிட்ட குட்கா வகைகள்), நுகரும் வகை (மூக்குப்பொடி).மெல்லும் வகை புகையிலை பொருட் களில் 3,000 வகையான நச்சுப் பொருட்கள் உள்ளன. புகைக்கும் வகையிலான புகை யிலை பொருட்களில் 4 ஆயிரம் வகையான நச்சுப் பொருட்கள் இருக்கின்றன.இவற்றுள் ஹெக்சாமின் (தீப்பெட்டியில் உள்ள உரசும் பகுதி), நெட்ரோ பென்சீன் (பெட்ரோலில் உள்ள நச்சுப் பொருள்), அம் மோனியாக (தரை, கழிவறையை சுத்தப்படுத் தும் திரவம்), பினாயில் (பூச்சிக்கொல்லி), காட்மியர் (கார் பேட்டரியில் பயன்படுத்தப் படும் திரவம்), மீத்தேன் (பெட்ரோலியம் வாயு), எத்தனால் (ஆல்கஹால்), அசெட்டோன் (நகப்பூச்சு சுத்தப்படுத்தும் திரவம்), நாப்தலின் (ரசகற்பூரம்), ஸ்டீரிக் அமிலம் (மெழுகு தயா ரிக்க பயன்படும் அமிலம்), ஹைட்ரசன் சையனடு (விஷம்), கார்பன் மோனாக்சைடு (வாகனங் களில் இருந்து வரும்புகை) உள்ளிட்ட 200 வகையான நச்சுப் பொருட்கள் மிக ஆபத்தா னவை.
சுரன்

ஏனெனில் அவை புற்றுநோயை உருவாக்கும் தன்மை கொண்டவை.
இந்த புகையிலை பொருட்களை பயன் படுத்துவதால் வாய், தலைமுடி, உடைகள், கைகளில் துர்நாற்றம் வீசுகிறது. பல் மற்றும் கைகளில் கரைபடிகிறது. கண்களை சுற்றி சுருக்கங்கள் உருவாகி மனிதனின் அழகுத் தோற்றத்தைச் சீர்குலைக்கின்றது. நுரையீரல் கோளாறும், மூச்சுத்திணறலும் ஏற்படுகிறது. வாய், குரல்வளை, நுரையீரல், மூச்சுக்குழாய், உணவுக்குழாய், சிறுநீர்ப்பை, சிறுநீரகம், கணையம், கர்ப்பப்பை வாய் ஆகிய அங்கங் களில் புற்றுநோய்கள் உருவாகிறது. வாய், குரல்வளை, நுரையீரல் பகுதிகளில் வரும் புற்றுநோய்க்கு 90 விழுக்காடு புகையிலைப் பழக்கமே காரணமாக உள்ளது.புகையிலை பொருட்களை தொடர்ந்து பயன்படுத்தும் போது இதயம், ரத்தக்குழாய் தொடர்பான நோய்களை தீவிரமாகிறது. புகையிலை பயன்படுத்துவோரில் பெரும்பாலா னோர் மாரடைப்பால் மரணமடைகின்றனர். புகையிலை தொடர்ந்து பயன்படுத்தும் போது ஆண்மை குறைவு, சக்தி இழப்பு ஏற்பட்டு இனப்பெருக்க கோளாறுகள் உருவாகின்றன.புகை பிடிப்பவர்களுக்குப் பக்கத்தில் இருப்பவர்களுக்கு நுரையீரல், மூக்கில் நீர்கோர்த்துக் கொள்வது, புற்றுநோய், மார டைப்பு, கண், மூக்கு, தொண்டையில் எரிச்சல் ஆகிய பாதிப்புகள் உண்டாகின்றன.
சுரன்


குழந்தை களுக்கு மூச்சுத் திணறல், காய்ச்சல், ஆஸ் துமா, வளர்ச்சி குறைவு, அறிவு வளர்ச்சி குறைவு, மூளைவளர்ச்சி குறைவு, எடை குறை வாக பிறத்தல் போன்றவை ஏற்படுகின்றன. நிக்கோடின் என்ற, மூளையை அடிமைப் படுத்தும் பொருள் புகையிலையில் உள்ளது. இது கஞ்சாவை விட பல மடங்கு அடிமைப் படுத்தும் சக்தி வாய்ந்தது. 60 மில்லி கிராம் நிகோடினை ஒரே நேரத்தில் உட்கொண்டால் ஆரோக்கியமான மனிதன் சட்டென்று இறந்து விடும் அபாயம் இருக்கிறது. சராசரி மனிதர் களோடு ஒப்பிடும்போது புகைப்பழக்கம் உள்ளவர்களின் ஆயுட்காலம் 26 ஆண்டு கள் வரை குறைகிறது. ஒவ்வொரு சிகரெட்டி னாலும் புகை பிடிப்போருக்கு வாழ்நாளில் 14 நிமிடங்கள் குறைகிறது... பாதிப்புகளின் பட்டியல் ஊர்வலமாய் நீள்கிறது.மத்திய பிரதேசம், கேரளம் ஆகிய இரு மாநிலங்களிலும் மெல்லும் வகை புகையி லைப் பொருட்களுக்கு அந்த மாநில அரசு கள் தடை விதித்துள்ளன. அதேபோன்ற தடையை தமிழகத்திலும் கொண்டு வர வேண் டும் என புகையிலை விழிப்புணர்வுப் பிரச் சாரத்தில் ஈடுபடுவோர் கோருகின்றனர். புகையிலை உள்ளிட்ட போதைப்பொருட் களைக் கட்டுப்படுத்த தமிழகத்தில் சட்டங்கள் என்னவோ இருக்கத்தான் செய்கின்றன. அந்தச் சட்டங்களை மாநில அரசு கறாராக செயல்படுத்த வேண்டும்.
சுரன்


மக்களின் ஆரோக் கியத்தோடும், சமுதாயத்தின் வளத்தோடும் சம்பந்தப்பட்ட இந்தப் பிரச்சனையில் மத்திய மாநில அரசுகள் முழு அக்கறை செலுத்தி மக் களிடைய தீவிரமான விழிப்புணர்வுப் பிரச் சாரத்தை எடுத்துச் செல்ல வேண்டும். புகை யிலை போதையின் பிடியில் மாட்டிக்கொண் டவர்கள் அதிலிருந்து விடுபடும் சுய போராட் டத்தை தங்கள் மனதிலேயே நடத்தி போதை பழக்கத்தில் இருந்து மீள முன்வர வேண்டும்.
முன்பு திரைப்படங்களில் மது,அருந்துவது புகைப்பது வில்லன்களை சித்தரிப்பதற்காகவும்.கதாநாயகன் கெட்ட பழக்கங்கள் அறவே இல்லாதவனாகவும் காட்டப்பட்டனர்.
இப்போதைய படங்களில் புகைப்பது மட்டுமல்ல,மது அருந்துவதும் தவறில்லை என்பது போல் கதாநாயகனே நடிப்பது மிக தவறான செயலாகும்.அதை தடை செய்வது புதிதாக இளையோர் இப்பழக்கங்களுக்கு அடிமையாவதை தவிர்க்கும்.

-செ.கவாஸ்கர்,
________________________________________________________________________


புதிய தளபதி



ராணுவ தளபதியாக இருந்த வி.கே. சிங் இன்று ஒய்வு பெற்றார். அவர் ராணுவ மரியாதையுடன் வழியனுப்பி வைக்கப் பட்டார்.
சுரன்1972-ஆம் ஆண்டு மார்ச் மாதம் பிக்ரம் சிங் லைட் இன்ஃபாண்ட்ரி ரெஜிமெண்டில் சேர்ந்தார். 40 ஆண்டுகால ராணுவ வாழ்க்கையில் பல இடங்களில் தனது சேவையை ஆற்றியுள்ளார் பிக்ரம்சிங். அவருக்கு மனைவியும் 2 பிள்ளைகளும் உள்ளனர்.
தொடர்ந்து இந்திய ராணுவத்தின் 25வது தலைமை ராணுவ தளபதியாக பிக்ரம் சிங் இன்று பதவியேற்றுள்ளார். 59 வயதாகும் பிக்ரம் சிங் அடுத்த 2 ஆண்டுகள் மற்றும் 3 மாதங்களுக்கு தலைமை ராணுவ தளபதியாக பதவி வகிப்பார் என்பது கூறப்படுகிறது. 
இந்த பதவிக்கு முன் பிக்ரம் சிங் கொல்கத்தாவில் உள்ள கிழக்கு ராணுவ படையின் தலைவராக இருந்தார்.ராணுவப் பயிற்சிப்பள்ளியில் இருந்த காலத்திலேயே சிறந்த யுக்திக்கான பதக்கம் பெற்றுள்ளார். தந்திரம் மற்றும் தலைமைப்பண்புகளுக்காக இவருக்கு தங்க பதக்கம் வழங்கப்பட்டுள்ளது. 
மேலும் கார்கில் போரின் போது இராணுவ செயலக இயக்குநரகத்தின் பொறுப்பில் இருந்த அவர், ஊடகங்களுக்கு போரில் எடுக்கப்படும் யுக்திகள் மற்றும் இது தொடர்பான செய்திகளை விரிவாக கொடுத்திருக்கிறார். இவர் கர்நாடகாவில் உள்ள பெல்காம் ராணுவ பயிற்சி பள்ளியின் பயிற்சியாளராகவும் பணியாற்றியுள்ளார்.
இவராவது பீரங்கிகளுக்கு குண்டு குறைவில்லாமல் பார்த்துக்கொள்வாரா/
____________________________________________________________________________________________

சுரன்

தீக்கதிர் கருத்துப்படம்.
___________________________________________________________________________________________
சுரன்


புதன், 30 மே, 2012

ஜூன் சில குறிப்புகள்.

முக்கிய மானவர்களின் பிறந்த தினங்கள்.

______________________________________________

•ஜுன் 2 (1943) - இளையராஜா (இசையமைப்பாளர்)
•ஜுன் 3 (1924) - மு.கருணாநிதி (தி.மு.க.
தலைவர்)

சுரன்

•ஜுன் 8 (1930) - எம்.என்.விஜயன் (எழுத்தாளர், பேச்சாளர் மற்றும் கல்வியாளர்)
•ஜுன் 9 (1949) - கிரண் பேடி ஐ.பி.எஸ். (காவல்துறை, முன்னாள் அதிகாரி)
•ஜுன் 11 (1947) - லாலு பிரசாத் யாதவ் (பீஹார் அரசியல்வாதி)
•ஜுன் 13 (1909) - ஈ.எம்.எஸ்.நம்பூதிரிபாட் (பிரபல கம்யூனிஸ்ட் தலைவர்)
•ஜுன் 19 (1947) - சல்மான் ருஷ்டி (நாவலாசிரியர்]
•ஜுன் 20 (1952) - விக்ரம் சேத் (பிரபல
எழுத்தாளர்)
•ஜுன் 27 (1838) - பங்கிம் சந்திர சாட்டோபாத்யாய (வங்கக் கவிஞர்)
•ஜுன் 28 (1921) - பி.வி.நரசிம்ம ராவ்
(முன்னாள் பாரதப் பிரதமர்)


நினைவு தினங்கள்
 _____________________
 •ஜுன் 1 (1996) - நீலம் சஞ்சீவ ரெட்டி
முன்னாள் குடியரசுத் தலைவர்)
 •ஜுன் 2 (1988) - ராஜ்கபூர் (பிரபல இந்தி

சுரன்

நடிகர்)
  •ஜுன் 18 (1858) - ராணி லட்சுமிபாய் (ஜான்ஸி ராணி, மராத்தி-சுதந்திரப் போராட்ட
வீராங்கனை)
  •ஜுன் 27 (2008) - சாம் மானெக்ஷா (இந்திய ராணுவ வீரர்)
 •ஜுன் 30 (1917) - தாதாபாய் நெüரோஜி
(இந்திய எழுத்தாளர், சுதந்திரப் போராட்ட வீரர்)

முக்கியதினங்கள். 

_____________________

 •ஜுன் 4 - வன்கொடுமைக்கு ஆளான குழந்தைகள் தினம்
 •ஜுன்5 - சுற்றுச் சூழல் தினம்
 •ஜுன் 8 - பெருங்கடல்கள் தினம்
 •ஜுன் 8 - மூளைக்கட்டி விழிப்புணர்வு தினம்
 •ஜுன் 14 - இரத்ததானம் செய்வோர் தினம்

சுரன்

 •ஜுன்17 - பஞ்சம், வறட்சிக்கு எதிரான போராட்ட தினம்
 •ஜுன் 23 - ஒலிம்பிக் தினம்
 •ஜுன் 23 - ஐக்கிய நாடுகள் சபை பொதுச் சேவை தினம்
 •ஜுன் 26 - போதைப் பொருள், கடத்தல் எதிர்ப்பு தினம்
 •ஜுன் 26 - ஐக்கிய நாடுகள் சபை-பயங்கரவாதத்தால் பாதிக்கப்பட்டோர் ஆதரவு தினம்

முக்கிய நிகழ்வுகள்.

_______________________

 1-6-1955 - தீண்டாமைக்கு எதிரான சட்டம் அமல்படுத்தப்பட்டது.
 •1-6-2001 - நேபாள நாட்டு அரசரும் அரசியும் மற்றும் குடும்பத்தினர் பலரும் கொல்லப்பட்டனர்.
 •2-6-1966 - சர்வேயர்-1 என்று பெயரிடப்பட்ட அமெரிக்காவின் விண்கலம் நிலவில் பத்திரமாகத் தரையிறங்கியது.
 •2-6-1953 - ராணி எலிசபெத் -2, இங்கிலாந்தின் அரசியாக முடிசூட்டப்பட்டார். உலகெங்கிலும் இருந்து 8000 தலைவர்கள் விழாவில் பங்குபெற்றனர்.
 •5-6-1980 - மணிப்பூர் மாநிலத்தின் தலைநகரம் இம்பாலில் மணிப்பூர் பல்கலைக்கழகம் ஏற்படுத்தப்பட்டது.
 •6-6-1984 - அமிர்தசரசிலுள்ள தங்கக் கோயிலில் பயங்கரவாதிகளுக்கு எதிரான தாக்குதலை இந்திய ராணுவம் நடத்தியது.
 •9-6-1998 - குஜராத் மாநிலத்தில் பெரும் புயல் வீசியதில் 1,040 பேர் கொல்லப்பட்டனர்.
 •12-6-1964 - நிறவெறிக்கு எதிராகப் போராடியதற்காக நெல்சன் மண்டேலா ஆயுள் தண்டனை பெற்று சிறையிலடைக்கப்பட்டார்.
 •12-6-1990 - இந்தியாவின் இன்சாட் -ஐடி செயற்கைக் கோள் வெற்றிகரமாக விண்ணில் செலுத்தப்பட்டது.

சுரன்

 •16-6-1966 - சாதாரணத் தொழிலாளியாக இருந்த வாலெண்டினா விண்வெளி வீராங்கனையான தினம். சோவியத் நாட்டு விண்கலத்தில் பயணம் செய்து விண்வெளியில் வலம் வந்த முதல் பெண்மணி என்ற சாதனையை நிகழ்த்தினார்.
 •19-6-1981 - ஆப்பிள் என்ற பெயரில் இந்தியாவின் தொலைத் தொடர்பு செயற்கைக் கோள் விண்ணில் வெற்றிகரமாக செலுத்தப்பட்டது.
 •21-6-1948 - ராஜாஜி இந்தியாவின் கவர்னர் ஜெனரலாக நியமிக்கப்பட்டார்.
 •21-6-1991 - இந்தியாவின் ஒன்பதாவது பிரதம மந்திரியாக பி.வி.நரசிம்மராவ் பதவியேற்றார்.
 •21-6-1998
கூடங்குளத்தில் அணு உலை அமைப்பதற்கான ஒப்பந்தம் இந்தியாவுக்கும் ரஷ்யாவுக்கும் இடையே கையெழுத்தானது.
 •23-6-1927 - அகில இந்திய வானொலி தனது ஒலிபரப்பை முதன்முதலாக பம்பாய் மற்றும் கல்கத்தாவில் துவக்கியது.
 •23-6-1985 - ஏர் இந்தியாவின் கனிஷ்கா விமானம் அட்லாண்டிக் பெருங்கடல் மீது பறக்கும்போது வெடித்துச் சிதறியதில் 329 பேர்
இறந்தனர்.

________________________________________________________________________________________



350 ஆண்டுகால கணக்குப்புதிரின் விடையுடன்.அதை தீர்த்தவர்.
350 ஆண்டுகளுக்கு முன்னர் கணக்கை போட்டுவிட்டு சென்ற சர் ஐசக் நியூட்டன்[1643-1727]

விடையை பார்த்தாகி விட்டது,கணக்குதான் என்ன என்றுதெரியவில்லை,
________________________________________________________________________________________________________


ஒரு மக்கள் பிரதிநிதியின் காதல் கதை.

அசாமைச் சேர்ந்த காங்கிரஸ் எம்.எல்.ஏ டாக்டர் ருமி நாத் என்பவர் பேஸ்புக் மூலம் தனக்குக் கிடைத்த காதலரை மணப்பதற்காக தனது கணவரையும் குழந்தையையும் பிரிந்து விட்டு காதலனுடன் ஓடிவிட்டார். மேலும் காதலர் சார்ந்த இஸ்லாம் மதத்திற்கும் அவர் மாறியுள்ளார். அவருக்கும், அவரது காதலருக்கும் திருமணமும் நடந்து விட்டது.
அசாமில் போர்க்கோலா தொகுதியைச் சேர்ந்த காங்கிரஸ் எம்.எல்.ஏதான் ருமி. இவரது கணவர் பெயர் ராகேஷ் குமார் சிங். இவர்களுக்கு 2 வயதில் மகள் உள்ளாள்.
ரூமிக்கு பேஸ்புக் மூலம் ஜாக்கி ஜாகிர் என்பவர் அறிமுகமானார். இந்த நட்பு நாளடைவில் கள்ளக்காதலாக மாறியது. இருவரும் தீவிரமாக பழகி வந்தனர். இந்த நிலையில் தனது கணவரையும் குழந்தையையும் விட்டுவிட்டு வீட்டை விட்டு ஓடிய ருமி, ஜாகிரையே மணந்து கொண்டு விட்டார்.
முன்னதாக இதுகுறித்து ராகேஷ் குமார் சிங் போலீஸில் புகார் கொடுத்திருந்தார். அதில், மருத்துவப் பரிசோதனைக்காக ருமி சில்சார் மருத்துவக் கல்லூரி மருத்துவமனைக்குப் போயிருந்தபோது அவரை கடத்தி விட்டதாக கூறியிருந்தார். விசாரணையின் போதுரூமி பேஸ்புக் காதலரை மணந்து கொண்ட செய்தி தெரியவந்துள்ளது.
இந்த சம்பவம் அப்பகுதியில் பெரும் பரபரப்பை உண்டாக்கியது. மதக் கலவரம் உருவாகும் நிலையும் ஏற்பட்டு விட்டது.அதை தடுப்பதற்காக சில்சார் பகுதியில் மத்திய காவல் படை குவிக்கப்பட்டுள்ளது.
32 வயதான ருமி, தனது காதலருடன் வங்கதேசத்துக்குப் போய் விட்டார். ஒரு மாதத்திற்கு முன்பே ஜாகிரை அவர் மணந்து விட்டார். அப்போது அவரது திருமண புகைப்படம் உள்ளூர் தொலைக்காட்சிகளில் ஒளிபரப்பானது. அப்போது அதை நித்தி போல் மார்பிங் என்றுருமி மறுத்திருந்தார். ஆனால் இப்போது காதலருடன் தலைமறைவாகி விட்ட டார்.
இந்தக் கல்யாணத்தை நடத்தி வைத்தது மாநில அமைச்சர் சித்திக் அகமதுதான் என்றும் அவர் கூறியுள்ளார். இதையடுத்து முதல்வர் தருண் கோகாயிடம் முறையிட்டுள்ளார் ராகேஷ் சிங்
தனது இரண்டாவது கல்யாண் குறித்து ருமி கூறுகையில், ஜாகிர்தான் எனது சட்டப்பூர்வமான கணவர். எனக்கும், ராகேஷ் சிங்குக்கும் எந்தத் தொடர்பும் இல்லை. 
அரசியல் காரணங்களுக்காகத்தான் எனது 2வது கல்யாணத்தை நான் முன்பு மறுத்தேன். சுய விருப்பத்தின் பேரில்தான் நான் மதம் மாறினேன். எனவே இந்து திருமணச் சட்டம் எனக்குப் பொருந்தாது. விரைவில் எனது மகளை நான் எனது பொறுப்பில் சட்டப்படி எடுப்பேன் என்றார்.
இரண்டு ஆண்டுகளுக்கு முன்பு நடந்த ராஜ்யசபா தேர்தலின்போது பாஜக சார்பில் எம்.எல்.ஏவாக இருந்தவர் ருமி. அப்போது அவர் காங்கிரஸ் வேட்பாளருக்கு மாற்றி வாக்களித்தார். இதையடுத்து அவரை பாஜக கட்சியிலிருந்து நீக்கியது. இதையடுத்து அவர் காங்கிரஸில் இணைந்தார் என்பது நினைவிருக்கலாம்.
ரூமியின் வாழ்க்கை எல்லாமே கள்ளத்தனமிக்கதுதான் .
நம் மக்கள் தங்களது பிரதி நிதிகளாக தேர்ந்தெடுப்பவர்களின் தரம் வர வர கீழ்த்தரமாகியுள்ளது.உ.பி. யில் சமீபத்தில் தேர்ந்தெடுக்கப்பட்ட ச.ம.உறுப்பினர்களில் பலர் கொலை,கொள்ளை வழக்குகளில் சிக்கியவர்கள்தான் என்று அறிவீக்கப்படுள்ளது.
____________________________________________________________________
சுரன்

"சோலை" -நினைவு.

சோலை.
=========
தனது சுவையான ஆணித்தரமான அதேநேரம் கண்ணிய மான எழுத்தாளர்.
அவரின் கட்டுரைகளைப்படிப்பதற்காகவே மக்கள் குரல்,மக்கள் செய்தி,அலை ஓசை போன்ற தினசரிகளைமுன்பு படிப்பதுண்டு.இப்போது நக்கீரனில் தொடர்ந்து எழுதி வந்தார்.
சுரன்

எம்.ஜி.ஆர் நடத்திய "அண்ணா" நாளிதழில் எழுதியவர் சோலை.ஆனால் பொதுவுடமைவாதி அவர்.
எம்ஜிஆரால் ஜெயலலிதாவின் அரசியல் ஆலோசகராக வலம்புரி ஜானுக்கு முன் நியமிக்கப்பட்டவர்.ஜெ எழுதிய கட்டுரைகளுக்கு இவரின் கருத்துக்களும்-கரங்களும்தான் உதவியது.
ஆனாலும் இவருக்கு ஜெயுடன் ஒத்துப்போகாததால் விலகிவிட்டார்.
அதன் பின் பல்வேறு இதழ்களில் சுதந்திரமாக எழுதியவர் சோலை.
தனது 80 வயது வரை சாகும் வரை பேனாவை நிறுத்தவில்லை.
அவரின் இழப்பு மிக கொடுமையானது.சின்ன குத்தூசியை இழந்த நமக்கு சோலை இழப்பும் பேரிழப்புதான்.
சோலை போன்று எழுத முயன்று தோற்றுப்போனவர்கள் பலரைத்தெரியும்.அக்கூட்டத்தில் நானும் உண்டு.
சுவையுடன் அரசியல் கட்டுரைகளை சம்பந்தப்பட்டவர்கள் கூட வெறுப்பை காட்டமுடியாதவாறு கண்ணியமாக எழுதிட இனி யார்?

வாழ்க்கை
____________
தமிழகத்தின் மூத்த பத் திரிகையாளரான சோலை அவர்கள் இன்றைய திண் டுக்கல் மாவட்டம் அய்யம் பாளையத்தில் ஒரு விவசா யக் குடும்பத்தில் பிறந்தவர். அவருடைய இயற்பெயர் சோமசுந்தரம். இளம் வயதி லேயே பெற்றோரை இழந்த அவர் பாட்டியால் வளர்க் கப்பட்டார். அங்கேயே பள்ளிப்படிப்பை முடித்த பின் மதுரையிலுள்ள மது ரைக்கல்லூரியில் இண்டர் மீடியட் வரை படித்தார். பின்னர் காந்தி கிராமத் திற்குச் சென்ற அவர் வினோ பாஜியின் பூமிதான இயக்கத் தால் ஈர்க்கப்பட்டார். அவ ருடன் சேர்ந்து இந்தியா முழுவதும் நடைபயணம் சென்றார். சில ஆண்டுகளுக் குப்பின் காந்தி கிராமம் திரும்பிய அவர், பத்திரிகை களுக்கு கட்டுரைகள் எழுது வது, மொழியாக்கம் செய் வது என்பதைச் செய்து வந் தார். 1958ம் ஆண்டில் சீனா வின் விவசாயம் குறித்து அவர், ஜனசக்தி நாளித ழுக்கு கட்டுரை ஒன்றை அனுப்பினார். அந்தக் கட்டு ரையைப் படித்த ஜனசக்தி ஆசிரியரும் கம்யூனிஸ்ட் தலைவருமான ஜீவா, சோலையை சந்திக்க விரும்பி அவரை வரச்சொன்னார். அவருடைய எழுத்து ஆர் வம் குறித்து அறிந்த ஜீவா, ஜனசக்தி ஏட்டில் உதவி ஆசிரியராக பணியாற்றும் படி கேட்டுக்கொண்டார். அவ்வாறு சோலை உதவி ஆசிரியரானார்.ஜனசக்தியில் அவர் ஏரா ளமான கட்டுரைகள் எழுதி யுள்ளார். எந்தக் கடினமான விஷயத்தையும் எளிய வார்த் தைகளில் சிறிய வாக்கியங் களில் எழுதுவது அவரது சிறப்பு. 1963ம் ஆண்டில் கட்சி யில் தத்துவார்த்த கருத்து மோதல் உருவாகி வந்த நேரத்தில் ஜனசக்தியிலி ருந்து வெளிவந்த சோலை, மார்க்சிய-லெனினியத்தை உயர்த்திப்பிடிக்கும் நோக் கோடு வார இதழ் ஒன்றை துவங்க விரும்பிய கட்சியின் மாகாண கவுன்சில் உறுப்பி னர் எல். அப்புவுடன் சேர்ந்து 1963ம் ஆண்டு ஜூன் 29ம் தேதி தீக்கதிர் வார இதழை வெளிக்கொண்டு வந்தார். அடுத்த பல மாதங்களுக்கு அதன் ஆசிரியர் போல் அவர் செயலாற்றினார்.
பின் னர் குடும்பச்சூழல் காரண மாக இந்தியன் எக்ஸ்பிரஸ் ஏட்டில் பழிவாங்கப்பட்ட தொழிலாளர்கள் கூட்டுறவு முறையில் துவக்கிய ‘நவ மணி’ நாளிதழில் துணை ஆசிரியரானார். பல ஆண்டு களுக்குப்பின் ‘மக்கள் செய்தி’ நாளிதழின் பொறுப்பாசிரி யர் ஆனார். 1972ம் ஆண்டில் எம்.ஜி.ஆர் திமுகவிலிருந்து பிரிந்து அதிமுகவை துவக் கியபொழுது அண்ணா நாளிதழை துவங்கினார். எம்.ஜி.ஆர். அதன் ஆசிரிய ராகவும் சோலை அதன் பொறுப்பாசிரியராகவும் பல ஆண்டுகள் செயல்பட் டார். பல ஆண்டுகளுக்குப் பின் அவர் பத்திரிகைக ளுக்கு கட்டுரைகள் எழு தும் பத்திரிகையாளரானார். சோவியத் நாட்டிற்குச் சென்று வந்த அவர், ‘புதிய வானம், புதிய பூமி’ என்ற தலைப் பில் தனது அனுபவங்களை எழுதியுள்ளார். சுமார் ஆயிரம் கட்டுரை களுக்கு மேல் எழுதியுள்ள சோலை, ஏகாதிபத்தியத் திற்கு எதிராகவும், மதவாத சக்திகளுக்கு எதிராகவும், பன்னாட்டு நிறுவனங்க ளுக்கு எதிராகவும், பெரு முதலாளிகளுக்கு எதிராக வும் ஏராளமான கட்டுரை கள் எழுதியுள்ளார். அவருக்கு வயது 80. அவருக்கு மனைவி சரோஜாவும், 2 புதல்விக ளும், மூன்று புதல்வர்களும் உள்ளனர்.

_________________________________________________________________________________
"டெங்கு"


இன்று தமிழகம் முழுக்க பயமுறுத்தி பரவிக்கொண்டிருக்கும் உயிர் பலி "டெங்கு"காய்ச்சல் வராமல்தடுப்பதற்கு உரிய மருத்துவ முறைகளை .
இங்கு "ஆயுர் வேத மருத்துவம்"தளத்தில் இருந்து மீள்பதிவாக பதிவிட்டுள்ளேன்.
"டெங்கு" வராமல் உங்களை முடிந்த அளவு பாதுகாத்துக்கொள்ளுங்கள்.
இந்த ஆயுர் வேத மருந்துகள் "டெங்கு:வை மட்டுமல்ல.இது போன்ற விடக்காய்ச்சல்,ஆங்கில மருத்துவ முறையில் இனங்கான முடியா மர்மக்காய்ச்சல்[?]களுக்கும் உபயோகிக்கலாம். 
சுரன்




  1. டெங்கு வராமல் தடுக்க -நில வேம்பு கஷாயம் தினமும் -காலை மாலை முப்பது மிலி வெறும் வயிற்றில் -மூன்று வாரங்கள் தொடர்ந்து எடுத்து கொண்டால் டெங்கு முதலான வைரசினால் பரவக்கூடிய காய்ச்சலை தடுத்து விட முடியும் ..
  2. டெங்கு காய்ச்சல் பரவக்கூடிய இடத்தில் உள்ளவர்கள் ,,குழந்தைகள் முதல் பெரியவர்கள் வரை இதனை சாப்பிட்டு வந்தால் நல்ல பலன் கிடைக்கும் 
  3. இந்த நில வேம்பு கஷாயம் -குடிநீர் எளிதாக அருகில் உள்ள ஆரம்ப சுகாதார நிலையத்தில் -சித்த மருத்துவ பிரிவில் -இலவசமாக கிடைக்கும் 
  4. நிலவேம்பு தயாரிக்க நினைப்பவர்கள் ..இந்த கட்டுரையை( இங்கே கிளிக் செய்யவும் நிலவேம்பு குடிநீரில் உள்ள ஒன்பது மூலிகைகளின் படங்கள் ) படித்து எளிதாக வீட்டிலே தயாரிக்கலாம் ..தயாரிக்க பயன்படும் மூலிகை பொருட்கள் அருகில் உள்ள நாட்டு மருந்து கடைகளில் கிடைக்கும் ..
  5. நில வேம்பு கஷாயம் கசப்பு சுவை உடையது ..கசப்பை தாங்காதவர்கள் பனங்கற்கண்டு சேர்த்து கொள்ளலாம் ..அல்லது தேன் சேர்த்து கொள்ளலாம் ..
  6. ஆயுர்வேதத்தில் ..அம்ருதாரிஷ்டம்  இருபத்தைந்து மில்லி மருந்து சம அளவு வெந்நீருடன் காலை மாலை பருக ..வராமலும் தடுக்கலாம் ...வந்தாலும் பயப்படாமல்  ஓட ஓட விரட்டலாம் ..அம்ருதாரிஷ்டம் பற்றி படிக்க இங்கே கிளிக் செய்யவும்நோய் எதிர்ப்பு சக்தி தரும் -எந்த வித காய்ச்சலையும் குணபடுத்தும் -அமிர்தாரிஷ்டம்-Amrutha Arishtam
  7. மேலும் சடங்க பானியம் என்னும் -நில வேம்பில் உள்ள ஒன்பது பொருட்களில் உள்ளவற்றில் ஆறு மூலிகைகளை கொண்டு தயாரிக்கப்படும் குடிநீரும் நல்ல பலன் தரும் -இது பாட்டில் மருந்தாக பல கேரளா கம்பெனிகள் தயாரிக்கின்றன ..
  8. மேலும்வெள்ளை அணுக்களை குறைக்கும் காய்ச்சலையும் சரி செய்யும் -காய்ச்சலை சரி செய்யும் பீரங்கி -பார்ங்யாதி க்வாத சூர்ணம்-டெங்கு காய்ச்சலுக்கும் நன்றாக பயன்படும் -இதுவும் ஆயுர்வேத மருந்து கடைகளில் கிடைக்கிறது 
  9. எனது பழைய கட்டுரைகளில் கூறியுள்ள காய்ச்சலுக்கு பயன்படும் இந்த மருந்துகளும் நன்றாக பயன்படும் ..
  10. மூலிகை பாராசிட்டமால் -ஸுதர்சன சூர்ணம்-Sudarshana choornam-என்ற மருந்து -எல்லாவிதமான காய்ச்சலுக்கு தடுப்பு மருந்தாகவும் ,காய்ச்சலை குணமாக்கவும் பயன் படும் என்பதில் இந்த கட்டுரையில் சவால் விட்டது போல் இப்போதும் என்னால் சவால் விட முடியும் .
  11. மேலும் சித்த மருந்துகளில் பிரம்மானந்த  பைரவம் ,வாத சுர குடிநீர் ,மிக மிக குறைந்த அளவிலே லிங்க செந்தூரம் போன்றவையும் காய்ச்சல் வராமலும் வந்தாலும் தடுக்கவும் உதவும்
டெங்கு காய்ச்சல் வந்த பின் ஆயுர்வேத சித்த மருத்துவம் என்ன செய்ய வேண்டும் 

  1. காய்ச்சல் வந்த பின் முதலில் பட்டினி கிடப்பது நல்லது ...ஆயுர்வேதத்தில் லங்கனம் பரம ஔசதம் என்பார்கள் ...சத்தான எளிதில் செரிக்கூடிய கஞ்சி வகைகளே மிகவும் நல்லது ..திட உணவை முற்றிலும் காய்ச்சல் குறைந்தாலும் தவிர்ப்பது நல்லது
  2. ஊசி மருந்தை கொண்டு உடனடியாக காய்ச்சலை குறைக்கிறேன் என்று ஸ்டீராய்ட் கலந்த ஊசிகளை  தவிர்ப்பது நல்லது ...உங்களுக்கு ஊசி போட போகும் மருத்துவரிடம் இந்த ஊசியிலே டெக்சா அல்லது ஸ்டீராய்ட் இல்லேயே என்பதை உறுதிபடுத்துவது நல்லது ...ஏனெனில் ஸ்டீராய்ட் உடனடியாக காய்ச்சலை குறைக்கலாம் ...ஆனால் அதில் ஆபத்து அதிகம் ..
  3. மேலே சொன்ன ஆயுர்வேத மருத்களையும் சித்த மருத்துகளையும் சாப்பிடலாம்..
  4. ஆங்கில மருந்தோடு கூட நான் சொன்ன மேலே சொன்ன ஆயுர்வேத சித்த மருத்துகளை எடுத்துகொள்ளலாம் ...ஆங்கில மருந்தில் டெங்கு காய்ச்சலுக்கு மருந்தில்லை என்று அவர்களே சொல்லிவிட்டார்கள் ..
  5. ம்ருத்துன்ன்ஜய  ரசம் ,விஷம ஜ்வரான்குச லோஹம் ,வெட்டுமாரன் குளிகா போன்ற மருந்துகளும் நல்ல பலன் தரும் 
டெங்கு காய்ச்சலால் இரத்த தட்டுக்கள் குறைகிறதே ..இதை தடுக்க ,சரி செய்ய வழி இல்லையா ?
  1. இரத்த தட்டுக்களை குறைய விடாமல் காக்கவும் ,இரத்த தட்டுக்களை மிக வேகமாக இரத்த பிளாஸ்மா ஏற்றுவது போல் வேகமாக கூட்ட அற்புத மருந்து ஆடாதோடை மூலிகை ...இது ஆயுர்வேதத்தில் இரத்த பித்த நோய்களில் மிக சிறந்த மருந்தாக கூறப்படுகிறது ...எனவே ..ஆரம்ப நிலையில் இரத்த தட்டுக்கள் குறைந்த நோயாளிகள் ( அதாவது ஒரு இலட்சத்திற்கும் மேல் இரண்டு இலட்சத்திற்கும் உள் உள்ளவர்கள் )..இந்த ஆடாதோடை இலையை சாறு எடுத்து அதனை சற்று சூடு செய்து ஐந்து முதல் பத்து மிலி அளவுக்கு ஒரு வாரம் சாப்பிட்டு வர  நல்ல பலன் தெரியும் ...ஒரே நாளில் அணுக்கள் கூடியிருப்பதை கண் கூடாக பார்க்கலாம் 
  2. ஆடாதோடை பச்சை இலை கிடைக்காதவர்கள் ..ஆடாதோடை குடிநீராக கடைகளில் இருந்தும் ,அரசு ஆரம்ப சுகாதார நிலையத்தில் இருந்தும் பெற்று கொள்ளலாம் ..
  3. ஆடாதோடை இப்போது வசாகா என்ற மாத்திரையாக ஹிமாலய கம்பெனி தனி மூலிகை கேப்ச்யூளாக தாயாரிக்கிரார்கள் ...அருகில் உள்ள மருந்து கடைகளில் இதை எளிதாக பெற்று கொள்ளலாம் 
  4. மேலும் மஹா மஞ்சிஷ்டாதி கஷாயம் ,இரகத்த பிட்டதாந்தக லோஹா மாத்திரைகளை,சீந்தில் சேர்ந்த மாத்திரைகளை  சாப்பிட்டும் அதிகமாக்கி கொள்ளாலாம் ..இரத்த தட்டுக்கள் ஐம்பதாயிரத்திற்கு உள்ளே உள்ளவர்கள் இதை மட்டும் சாப்பிட்டு ரிஸ்க் எடுக்க கூடாது ..அவர்கள் அருகில் உள்ள மருத்துவமனையில் இரத்தம் ஏற்றுவது நல்லது ..
சந்தேகங்களை எனது மெயில் முகவரியில் கேட்கலாம் ..
நாங்கள் ..மேலே சொன்ன மருந்துகளை எங்களது கிளினிக்கில் இலவசமாக பல நோயாளிகளுக்கு கொடுத்து வருகிறோம் என்பதை தெரிவித்து கொள்கிறோம் ..நோயாளிகள் சீக்கிரம் குணம் அடைகிராரர்கள் என்பதே அதில் சிறப்பு ..

நன்றி:ஆயுர் வேத மருத்துவம்.தளம்

Read more: http://ayurvedamaruthuvam.blogspot.com/#ixzz1wNNWqZrV

செவ்வாய், 29 மே, 2012

இந்து மாக்கடல் யாருக்கு?

20 ஆம் நூற்றாண்டின் முதற்கொண்டே இந்தமாக்கடல் முக்கியத்துவம் வாய்ந்ததாக மாறிவந்திருக்கின்றது. இருப்பினும் 21 ஆம் நூற்றாண்டில் அதன் முக்கியத்துவம் பன்மடங்காக அதிகரித்து வருகின்றது. 



இதன் காரணமாக இந்தியாவும், சீனாவும் இந்து மாக்கடலில் ஆதிக்கம் செலுத்தி, தம் நலன் சார்ந்த போட்டியிலீடுபடுகின்றன. இந்து சமுத்திரத்தில் உள்ள பல நாடுகளில், சீனா தன் துறைமுகங்களை மிகத் தீவிரமாக அமைத்து வருகின்றது. அதன் மூலம் அதன் கடற்படை இந்தப்பகுதியில் படிப்படியாக அதிகரிக்கப்படுகிறது.
இந்தியா, சீனாவை இந்து மாக்கடலில் தோற்கடித்து அதன் கடற்படைவராமல் செய்ய முயல்கின்றது. இதற்கு இந்தியாவிற்கு அமெரிக்கா பூரண ஒத்துழைப்பும் உள்ளது. இருப்பினும் சீனாவின் செல்வாக்கை இரு நாடுகளாலும் கட்டுப்படுத்த முடியவில்லை. 

உலகில் மூன்றாவது பெரியகடல்பகுதியான இந்துமாக்கடல் 47 கடற்கரையோரங்களைக் கொண்ட நாடுகளை உள்ளடக்கியுள்ளது. வங்களா விரிகுடா, அராபியக் கடல், மலாக்கா தொடுகடல் என்பன இந்து மாக்கடலின் முக்கிய கடற்பகுதிகளாகும். 
டிக்கோயா காசியோ, இலங்கை, அந்தமான் தீவுகள், மொரிசீயஸ் என்பன இந்துமாக்கடலின் தீவுப் பகுதிகளாக காணப்படுகின்றன.இந்தத் தீவுகள் புவிசார் அரசியலில் முக்கியத்துவமிக்கவைகளாகவே எப்போதும் இருந்து வருகின்றன.
சீனா மற்றும் இந்தியா ஆகிய ஆசிய வல் லரசுகளின் பார்வையில் இந்தக் கடல் பிராந் தியமும் அதனைச் சூழ்ந்த நாடுகளும் வணிக ரீதியில் முக்கியமானவை. அதற்கடுத்ததாகவே தம் பாதுகாப்புக்கு இந்தக் கடலைப் பயன்படுத்துவது பற்றி இரு நாடுகளும் சிந்திக்கின்றன. 
சீனா பாரசீக வளைகுடாவிலிருந்து போர்முஸ் நீரினையினூடாக 80% எண்ணெயினை கப்பல் மூலம் தனது நாட்டுக்கு எடுத்துச் செல்கின்றது. அத்தோடு தனது 85% மான உற்பத்திகளைசீனா, மத்திய கிழக்கு, ஐரோப்பிய நாடுகளுக்கு எடுத்துச் செல்கின்றது.
மறுபுறம் இந்தியா தனது 60% மான எண்ணெய்த் தேவையை இதன் வழியாகவே கப்பல் மூலம் பெற்றுக்கொள்கின்றது.

மேலும் 55% ஆன தனது உற்பத்திகளை மத்திய கிழக்கு, ஐரோப்பிய நாடுகளுக்கு எடுத்துச் செல்கின்றது.  
இராணுவ ரீதியிலும் இந்தியம,சீனஅரசுகள் இந்துமாக்கடலின்  முக்கியத்துவத்தினை உணர்ந்த வகையிலும் செயற்பட்டு வருகின்றன. 
உலக வல்லரசு என்ற இடத்தை பெற முயலும் இந்த இரு அரசுகளும் தமது கடல் பலத்தினை இந்துமாக்கடலில் அதிகரிக்க முயன்று வருகின்றன. சீனா தமக்கு பலமான எதிரியாக இந்தியாவைக் கருதுகின்றது. 
இந்தியாவிற்கு ஆதரவாக அமெரிக்கா இருந்து வருகின்றது. இதனால் இப்பகுதியில் அமெரிக்கா இந்தியாவுடன் இணைந்து இந்துமாக்கடல் ப்பகுதியில் சீனாவைத் தலை தூக்கவிடாமல் செய்வதைஇலக்காகக் கொண்டு இயங்குகின்றது. இந்த விடயத்தில் சீனாவும் இந்தியாவினை தோற்கடிப்பதன் ஊடாக அமெரிக்காவின் செல்வாக்கினை இந்தப்பகுதியில் இல்லாமல்  செய்யும் நோக்கிலேயே தீவிரமாகச் செயற்படுகின்றது.

உலகில் எண்ணெய் நுகரும் நாடுகளின் பட்டியலில் இரண்டாவது இடத்தில் சீனா உள்ளது. சீனா நாள்தோறும் 7.5 மில்லியன் பீப்பாய் எண்ணெய் பரல்களை பாரசீக வளைகுடாவிலிருந்து, இந்து மாக்கடல் வழியேகிழக்கு சீனாவிற்கு எடுத்து வருகின்றது. மேலும் அடுத்து வருகின்ற 25 ஆண்டுகளில் 100 பில்லியன் அமெரிக்க டாலர் பெறுமதியான எண்ணெயினை மத்திய கிழக்கு நாடுகளிலிருந்துஎடுத்துவர சீனா திட்ட மிட்டுள்ளது. 
இதனை நோக்கமாகக் கொண்டே அது மியான்மர்(பர்மா), சிட்டக்காங் (பங்களாதேசம்), அம்பாந்தோட்டை (இலங்கை), காபாடர் (பாகிஸ்தான்) போன்ற துறைமுகங்களை மிகத் தீவிரமாக அமைத்து வருகின்றது. இவற்றை அமைப்பதன் ஆரம்ப கட்டம் வர்த்தக நோக்கமாகவே காணப்படுகின்றது. இருப்பினும் இவற்றைப் பாதுகாப்பது என்ற ரீதியில் ஆங்காங்கே இந்த துறைமுகங்களுக்கு அண்மையில் சில இடங்களில் கண்காணிப்பு மையங்களை சீனா அமைத்து வருகின்றது. 

இது சீனாவின் நீண்ட கால இராணுவ வியூகமே உலகில் நான்காவது எண்ணெய் நுகரும் நாடான இந்தியா அடுத்து வருகின்ற 10 ஆண்டுகளில் தனக்குத் தேவையான 90% ஆன எண்ணெயை ஈரானிடம் இருந்து பெற எண்ணியுள்ளது. இதற்கான உடன்படிக்கையினை 2009 இன் பிற்பகுதியிலே இரு நாடுகளும் கைச்சாத்திட்டுக்கொண்டன.
இந்த எண்ணெயை இந்தியாவிற்கு கொண்டு வர இந்துமாக்கடல் முக்கியத்துவத்தினை முன்கூட்டியே அறிந்து கொண்டுள்ளது. இதன் அடிப்படையிலேயே 2005 ஆம் ஆண்டிலிருந்து சேது சமுத்திரத் திட்டத்தின் பணிகளை நிறைவேற்றுவதில் இந்தியா தீவிர ஆர்வம் காட்டி வருகிறது.

மேலும் ஐரோப்பிய, மத்திய, கிழக்கு நாடுகளில் வர்த்தகத்தில் கணிசமான அளவு சந்தையைக் கைப்பற்றி உள்ள இந்தியா அந்த நாடுகளுக்குத் தமது உற்பத்திகளை ஏற்றுமதி செய்வதற்கு கப்பல் போக்குவரத்தினையே நம்பியுள்ளது. இதன் அடிப்படையிலும் சீனாவின் கப்பல் போக்குவரத்தினைக் கண்காணிப்பதற்குமான அந்தமான், நிக்கோபார் தீவுகள், மாலே தீவுகளில், கரக்கா கொக்கோ போன்ற தீவுகளில் கடற்படை கண்காணிப்பு முகாம்களை அமைத்து வருகின்றன.
மேலும் அண்மைக் காலத்தில் தமது கடற்படையினை விஸ்தரிப்பதிலும், நவீனமயப்படுத்துவதிலும் இந்தியா ஈடுபட்டு வருகின்றமை குறிப்பிடத்தக்கது.
சுரன்

பல காலமாக அமெரிக்காவின் ஆதிக்கத்தில் காணப்பட்ட இந்து மாக்கடல்தற்போது இந்தியா, சீனா ஆதிக்கத்திற்கு உட்பட ஆரம்பித்து விட்டது. இந்த இரு நாடுகளும் பொருளாதார ரீதியில் பலம் பெற ஆரம்பித்ததனால், தனது கட்டுப்பாட்டில் இந்து மாக்கடலைவைத்திருக்க முயல்கின்றன. இதன் வெளிப்பாடாக இந்தியாவுக்கும் சீனாவுக்கும் இடையிலான போட்டி மிகவும் முக்கியமான கட்டத்தை அடைந்துள்ளது.
சீனா இதற்காகவே இந்து மாக்கடலில் அமைந்துள்ள நாடுகளுக்குப் பெரியளவில் பொருளாதார உதவிகளைச் செய்து வருகின்றது. குறிப்பாக பர்மா, பங்களாதேசம், இலங்கை, பாகிஸ்தான் போன்றவற்றில் தனது துறை முகங்களை அமைத்துள்ளது. இந்த நாடுகளில் தனது பலத்தினை தக்க வைக்க முயல் கின்றது. இந்தியா, சீனாவின் இந்த முயற்சி களை முறியடிக்க பல வழிகளிலும் முயன்று வருகின்றது. இதனால் இந்தியா அமெரிக்காவுடன் இணைந்து தனது கடற்படைத் தளத்தினைப் பன்மடங்காக பெருக்கி வருகின்றது. சீனாவுக்கு எதிராக இந்தியாவை கொம்பு சீவி விடுகிற வேலையை அமெரிக்காசெய்து வருகின்றது.
சுரன்

எனவே இனி வரும் காலங்களில்இந்தியா-சீனா இடையிலான போட்டி உச்சமடைந்து போர் போன்றஆபத்தான நிலை இந்து மாக்கடலால் உருவாகலாம்.
சீனாவின் பக்கம் நிற்கும் ரஷ்யாவும் இந்தியாவின் பக்கம் நிற்கும் அமெரிக்காவும் அளிக்க இருக்கின்ற ஆதரவு பலத்திலேயே இந்தக் கடல்யார் கையில் என்ற எதிர்காலம் இருக்கிறது.
ஆக இது இந்திய-சீனா மோதலாக இல்லாமல் அமெரிக்க-ரஷ்யா மோதலாகவும் அதன் மூலம் உலகப்போர் கட்டத்தையும் அடையும் ஆபத்துள்ளது.
போர் விளைவிக்கும் ஆபத்தை உணர்ந்து இரு நாடுகளும் இணைந்து தங்களுக்குள் ஒப்பந்ந்தம் செய்து கொள்வதே அனைவருக்கும் நல்லது.அமெரிக்க கொம்பு சீவலுக்கு மயங்கிவிடக்கூடாது.
சுரன்

தான விற்பனை ?

உலகம் முழுவதும் ஒவ்வொரு மணி நேரத்துக்கும் மனிதனின் ஒவ்வொரு உறுப்பு விற்கப்படுகிறது. 
அதிலும்" மனிதனின் சிறுநீரகம்தான் இப்போது கள்ளச் சந்தையில் அமோகமாக விற்பனையாகிறது" என்று உலக சுகாதார நிறுவனம் தனது ஆய்வறிக்கையில் தெரிவித்துள்ளது. 
சுரன்


கள்ளச் சந்தையில் சிறுநீரக விற்பனைதான் அமோகமாக லாபத்தைப் பெற்றுத் தருவதாக உடல் உறுப்புகளை விற்கும்சேவையில் ஈடுபட்டுள்ள உடலுறுப்பு வியாபாரிகள் கூறுவதாக அந்த ஆய்வு கூறுகிறது.
மாற்று சிறுநீரகம் தேவைப்படுவோரிடம் ரூ1,28,500 ரூபாய்க்கு விலை பேசிவாங்கிக்கொண்டு, வறுமையின் காரணமாகவோ அல்லது பொருளாதார தேவைக்காகவோ சிறுநீரக தானம் செய்வோரிடம் வெறும் 3,200 ரூபாய்மட்டுமே தரப்படுவதாகத் தெரிகிறது. சிறுநீரகத் தேவைதற்போது உலக அளவில் அதிகரித்துள்ளது.இதனால், கள்ளச் சந்தையில் அதன் லாபமும் அதிகரித்துள்ளது.இதிலும் கஞ்சிக்கு வழியில்லாமல் சிறு நீரகம் விற்போர் ஏமாற்றப்படுகின்றனர்.
சுரன்


போதை அடிமைகள் சிலர் போதைமருந்துக்கள் வாங்கவும்-சிலர் போதையில் அவர்களுக்கு தெரியாமலும் சிறு நீரகம் எடுக்கப்படுகிறது.ஆப்ரிக்க ,இந்திய மக்கள்தான் சிறுநீரக விற்பனையில் முன்னணியில் உள்ளனர்.
------------------------------------------------------------------------------------------------------------------------------------------------------------------------------------------------------------------------
------------------------------------------------------------------------------------------------------------------------------------------------------------------
ஜூலை 9 இணையம் முடக்கமா?

கம்ப்யூட்டர் வைரஸ் காரணமாக வரும் ஜுலை மாதத்தில் உங்களது இணையதளம் தொடர்புகொள்ள முடியாமல் போகலாம் என்று சர்ச் என்ஜின் இணையதளமான கூகுள் எச்சரிக்கை விடுத்துள்ளது.
சுரன்
இவ்வாறு வைரசால் பாதிக்கப்பட்ட கம்ப்யூட்டர்களை நாங்கள் சரிசெய்து தருகிறோம் என்று உலகம் முழுவதும், மோசடியாக ஆன்லைன் விளம்பரம் ஒன்றை ஹேக்கர்கள் பரவவிட்டதை அடுத்து இந்த பிரச்சினை தொடங்கியுள்ளதாக கூகுள் தெரிவித்துள்ளது.

பாதிக்கப்பட்ட கம்ப்யூட்டர்களிலிருந்து அரசு கம்ப்யூட்டர்களை பாதுகாப்பதற்காக, சில மாதங்களுக்கு முன்பு பாதுகாப்பு வளையம் ஒன்றை அமெரிக்காவின் எப்பிஐ அமைத்தது. ஆனால் அந்த அமைப்பு ஜுலை 9-ம் தேதி அன்று, தனது பாதுகாப்பு வளையத்தை மூட உள்ளதால் பாதிக்கப்பட்ட மக்களுக்கு இணையதள சேவை கிடைக்காது என்று எச்சரிக்கப்பட்டுள்ளது.
எப்பிஐ சில மாதங்களாகவே விளம்பரம் ஒன்றை வெளியிட்டு வந்தது. அதில் ஒரு இணையதளத்தை பார்க்குமாறும், அதைப்பார்த்தால்தான் தங்கள் கம்ப்யூட்டர் வைரசால் பாதிக்கப்பட்டுள்ளதா என்பது தெரிந்து விடும் என்று கூறியிருந்தது. மேலும் அவ்வாறு பாதிக்கப்பட்டிருந்தால் அப்பிரச்னையை எப்படிக் கையாள்வது என்றும் தெரிவித்திருந்தது.
அவ்வாறு வைரசால் பாதிப்புக்கு உள்ளான கம்ப்யூட்டர்கள் ஜுலை 9-ம் தேதிக்குப் பின்னர் இணையதளத்தை தொடர்புகொள்ள முடியாது என்று கூகுள் தற்போது எச்சரிக்கை விடுத்துள்ளது.
-------------------------------------------------------------------------------------------------------------------------------------------------------------

இப்போதைய ஹாலிவுட் பட வசூல் வரிசை.


1. Men in Black 3, $55 million, first three days; $70 million, first four days
2. The Avengers, $37 million, three days; $46.9 million, four days; $523.6 million, fourth week
3. Battleship, $10.8 million, three days; $13.8 million, four days; $47.3 million, second week
4. The Dictator, $9.6 million; $11.8 million, four days; $43.6 million, second week
5. Chernobyl Diaries, $8 million, first three days; $9.3 million, four days

6. Dark Shadows, $7.5 million, three days; $9.4 million, four days; $64.9 million, third week
7. What to Expect When You’re Expecting, $7.15 million; $8.85 million, four days; $23.9 million, second week
8. The Best Exotic Marigold Hotel $6.35 million, three days; $8.2 million, four days; $18.4 million, fourth week
9. The Hunger Games, $2.75 million; $2.85 million, four days; $395.9 million, tenth week
10. Think Like a Man, $1.4 million, three days; $1.8 million, four days; $88.7 million, sixth week
_________________________________________________________________

அதிக விலை சிகப்பு வைரக்கல்.

ஹாங்காங்கில் நடந்த ஏலத்தில் ஆறே நிமிடங்களில் எதிர்பார்க்காத அளவுக்கு அதிக விலையில் இளஞ்சிவப்பு வைரைக்கலலொன்று விலை போயுள்ளது.
மார்ஷியன் இளம் சிவப்பு வைரம் என்று அழைக்கப்படும் அந்த வைரக்கல் 12 காரட்டுகள் அதாவது சுமார் 2.5 கிராம் எடை கொண்டது. இவ்வகையான வைரம் மிக மிக அரிதானது என்று கூறப்படுகிறது.
சுரன்

வட்டவடிவில் இருக்கும் இந்த வைரக்கல்லை பெயர் வெளியிட விரும்பாத ஒருவர் தொலைபேசியின் மூலமே17.4 மில்லியன் டாலர்களுக்கு ஏலத்தில் வாங்கியுள்ளார்.
இந்த வகையான ஒரு வைரக்கல் விற்கப்படுவதும் இதுதான் முதல் முறையாகும்.
1976 ஆம் ஆண்டு அமெரிக்கா செவ்வாய் கிரகத்துக்கு ஒரு செயற்கை கோளை அனுப்பியதை நினைவு கூறும் வகையிலும், அந்த கிரகத்தின் நிறத்தை குறிக்கும் வகையிலும் இதற்கு மார்ஷியன் வைரம் என்று பெயரிடப்பட்டது.
இந்த வைரக்கல் எட்டு மில்லியன் அமெரிக்க டாலர்களுக்கு ஏலம் போகும் என்றுதான் எதிர்பார்க்கப்பட்டது.
இதே போன்ற வைரம் பிரிட்டிஷ் அரசி எலிசபெத்துக்கு 1947 ஆம் ஆண்டு அவரது திருமணத்தின் போது பரிசாக கொடுக்கப்பட்டது. 23. 6 காரட் எடை கொண்ட அந்த வைரம் பின்னர் மேலாடையில் அணிந்து கொள்ளும் ஒரு நகையில் பதிக்கப்பட்டது.
வில்லியம்சன் பிங்க் என்றழைக்கப்படும் அந்த வைரம்தான் இப்போதும் உலகளவில் மிகவும் பிரலமான வைரக்கல் என்று கருதப்படுகிறது.
தற்போது ஹாங்காங்கில் ஏலத்துக்கு விலைபோயுள்ள மார்ஷியன் வைரக்கல், அமெரிக்க வைரவியாபாரி ஹாரி வின்ஸ்டன் கடையில் பட்டைத்தீட்டப்படாத வைரமாக இருந்தது.
அமெரிக்கர்கள் செவ்வாய் கிரகத்துக்கு அனுப்பிய விண்கலம் அங்கு சென்றடைந்ததை சாதனையை நினைவு கூறும் படி பட்டைதீட்டும் போது இந்த வைரம்இளஞ்சிவப்பு நிறமாக செவ்வாய் கிரக நிறத்தில் இருப்பதாக அதற்கு மார்ஷியன் வைரம் என்று பெயர் சூட்டியுள்ளாராம்.
_____________________________________________________________________________________________________

கிரிக்கெட் போட்டி முடிவு ஆட்டம் போடும் முதல்வர் மம்தா பானர்ஜி.
சுரன்


சுரன்



திங்கள், 28 மே, 2012

பாதுகாப்பது யார்?

முல்லைப்பெரியாறு அணை வலுவாக இல்லை என்று கொஞ்சகாலம் அரசியல் நடத்தி மதுரை,தேனி மாவட்ட மக்களை கொதிக்க வைத்த கேரள அரசு இடையில் கொஞ்சம் பேசாமல் இருந்தது .சரிதான் கொஞ்சம் பொறுப்பாக இருக்கிறது என்று நினைத்தால்.
சுரன்

இப்போது தனது குசும்பை மீண்டும் முல்லைப்பெரியாறில் காட்டிவருகிறது.
நீதிபதி ஆனந்த் குழு அணை ஆய்வுக்காக "அணையின் உறுதியை சோதிக்க சில இடங்களில் துளையிட்டு மாதிரியை எடுத்து சென்று ஆய்வு செய்தது.அதன் அடிப்படையில் அணை வலுவாக இருக்கிறது என்று குழு முடிவும் செய்து அறிக்கை கொடுத்துவிட்டது.
இப்போது சோதனைக்காக துளையிட்ட இடங்களை மீண்டும் பூசி அடைக்க சென்ற பொதுப்பணித்துறையினரை அணையின் பக்கமே நெருங்க கேரள காவல்துறை விடவில்லை.
அடுத்த நாள் சென்ற போதும் அதே தடைதான்,
மத்திய அரசிடம் தமிழக அரசு இந்த பிரச்னையை சொல்லியபோது வழக்கமான செவிடன் காது சங்குதான்.
இப்படி துளைகளை அடைக்காமல் இருந்து விட்டாலாவது அணை பல்கீனமாகி விடாதா?அதன் மூலம் அணையை ஓரங்கட்டி தான் நினைத்ததுபோல் புதிய அணை கட்டலாம் என்ற பரந்த மனப்பான்மைதான் கேரளாவுக்கு.
மத்திய அரசு இன்னும் வாயை மூடிக்கொண்டு இருப்பது மீண்டும் இரு மாநிலங்களிடையே கலவரத்தை உண்டாக்கிவிடும்.
முல்லைப்பெரியாறு அணையை பராமரிப்பது தமிழ் நாடு பொதுப்பணித்துறை.
அதற்கு பாதுகாப்பு கேரள காவல்துறை .வேடிக்கையான இந்த பாதுகாப்பை இனி மத்திய பாதுகாவல் படையினரே செய்ய வேண்டும்.அல்லது அதை தமிழக காவல்துறையினரின் வசமிட வேண்டும்.தற்போதைய நிலமைக்கு அதுதான் சரியாக இருக்கும்.
சுரன்

மத்திய காவல் படையினர் வசம் இருந்தால்தான் கேரள அணை அரசியல் கொஞ்சம் அடங்கும்.
மத்திய அரசு இதை செய்ய யோசித்துக்கொண்டே இருந்தால் இடுக்கி மாவட்டத்தை தமிழகத்துடன் இனைத்து விடுங்கள்.எல்லா பிரச்னைகளும் ஓய்ந்து விடும்.பராமரிப்பும்,பாதுகாப்பும் தமிழ் நாடு என்றாகி விடும்.
அணை உடைந்தாலும் பாதிக்கப்படுவது தமிழகமாகி விடும்.கேரளா அரசியல் நடத்த இயலாமல் போய்விடும்.
என்ன மன்மோக்ன் சிங்.?காங்கிரசு அரசு கேரளாவில் இருப்பதால்தானே இதை எல்லாம் செய்ய மாட்டேன் என்று செவிடன் போல் நடித்துக்கொண்டிருக்கீறீரகள்.அதுதான் உங்களுக்கு பலகீனம்.அணை பலகீனமல்ல.
அது எப்படி மன்மோகன் சிங் விலைவசி உயர்வு,பெட்ரோல் விலை உயர்வு,அணு சக்தி ஒப்பந்தம்,சில்லறை வணிகத்தில் அந்நியர் நுழைப்பு எது என்றாலும் தீயைக்கொளுத்தி போட்டு விட்டு ஒன்றும் தெரியாதவ்ர் போல் பொம்மை போல் மக்களவையிலும் ,மக்கள் மத்தியிலும் வலம் வருகிறீர்கள். சரியான ஆளைத்தான் பிரதமர் வேலைக்கு சோனியா தெர்ந்தெடுத்திருக்கிறார்.
கோபப்படாதீர்கள் நீங்கள் கையை ஆட்டிக்கொண்டு நடந்து வருவதைப்பார்க்கும் போது தம்பிப்பாப்பா வைத்திருக்கும் சாவி கொடுத்த பொம்மையைப்போலேயே இருக்கீறீர்கள்.
தலைப்பாகையும் ,தாடியும் தான் வித்தியாசம்.
{நமது பதிவை படித்த உம்மன் சாண்டி பயத்தில் துளைகளை அடைக்க அனுமதிப்பதாகக் கூறியுள்ளார்.என்று போட்டால் நம்பவா போகிறீர்கள்.ஆனால் துளையை அடைக்க கேரள அரசுஒத்துக் கொண்டதாக செய்திகள் வெளியாகியுள்ளன.}
_________________________________________________________________________________

இரண்டாம் உலகப் போர்


சில புகைப்படங்கள்.
_____________________


சுரன்

திரும்பி வந்தால்தான் அடுத்த முத்தம் கிடைக்கும்.

சுரன்

சுரன்

சுரன்

சுரன்

சுரன்

சுரன்

சுரன்

சுரன்

சுரன்


சுரன்

சுரன்

போர்முடிந்தது.எஞ்சிய தோழர்களின் ஆனந்தம்.
_________________________________________________________________________________

ஞாயிறு, 27 மே, 2012

இனி சண்டை போடா ஜாக்கி சான்


புரூஸ்லிக்குப்பின் அதிவேக குங்ஃபூ சண்டைகள் மூலம் உலகெங்கும் ரசிகர்களைப் பெற்றுள்ள சீன நடிகர் ஜாக்கிசான்,இனி சண்டை படங்களில் இருந்து தான் ஓய்வுபெறப்போவதாக அறிவித்துள்ளார்.அதற்கு அவரின் ஐம்பத்தெட்டு வயதும் ஒரு காரணம்.
விரைவில் வெளியாகவுள்ள சைனீஸ் ஸோடியாக் தான் தான் அதிரடி சண்டைகள் போடும் ஜாக்கிசானின் கடைசி சண்டை படமாக இருக்கும்.
சுரன்

"நான் என் கலையுலக வாழ்க்கை நெடுகவும் அதிரடிசண்டைபடங்களில் நடித்துவந்துள்ளேன். ஏதாவது ஒரு கட்டத்தில் அதற்கு ஒரு முடிவு வரத்தான் வேண்டும். நானே நடித்து, இயக்கி, தயாரித்து, சண்டைக் காட்சிகளை அமைத்துள்ள இந்தப் படத்துடன் இந்த அறிவிப்பை செய்வது மிகவும் பொருத்தமாக இருக்கும் என நான் நினைக்கிறேன்." என்றார் ஜாக்கிசான்.
அதிரடி நாயகன் என்ற நிலையிலிருந்து தான் ஓய்வுபெற்றாலும், நடிப்புத் திறமையை வெளிப்படுத்தக்கூடிய பாத்திரங்களில் தான் தொடர்ந்து நடிக்கப்போவதாக ஜாக்கிசான் தெரிவித்துள்ளார்.
சுரன்

நாற்பது ஆண்டுகாலமாக சண்டைக் காட்சிகள் நிறைந்த படங்களில் நடித்து வந்துள்ள ஜாக்கிசான் மயிர்க்கூச்செரிய வைக்கும் சாகசங்களை திரையில் நிகத்தி உலகெங்கும் ரசிகர்களைப் பெற்றுள்ள நடிகர் ஆவார்.
சண்டைக்காட்சிகளில் நடிக்கும்போது பல தடவைகளில் உடலில் கடுமையாக அடிபட்டு காயங்களுக்கும் எலும்பு முறிவுகளுக்கும் ஆளானவர் இவர்.
ஐம்பத்தெட்டு வயதாகி விட்ட தனக்கு சண்டை பட சாகசங்களில் ஏற்பட்ட காயங்களால் சகல விதமான உடல் வலிகளும் இருப்பதாகக் கூறுகிறார்.
நடிகர் ராபர்ட் டி நீரோ மாதிரி நடிப்புத் திறமையை வெளிப்படுத்த தான் விரும்புவதாக ஜாக்கிசான் தெரிவித்துளார்.
சுரன்

சைனீஸ் ஸோடியாக் படம் பிரான்ஸின் கான் திரைப்பட விழாவில் அறிமுகப்படுத்தப்பட்டுள்ளது
ஆர்மர் ஆஃப் கார்ட் படத்தின் வரிசையில், ஜாக்கிசான் புதையல்களை தேடிப்போகும் கதையம்சம் கொண்ட ஆக்ஷன் படமாக சைனீஸ் ஸோடியாக் வருகிறது.
சுரன்
                                
____________________________________________________________________________________________________________-