இன்றைய செய்தி,நாளைய வரலாறு. நாளைய வரலாறை படிப்போம்.

புதன், 30 அக்டோபர், 2013

" சூரிய" மோசடி விபரம்.!

suran
ஒன்றும் பதற  வேண்டாம் .
கல்லடி பட்ட உம்மன் சாண்டி யே பதற வில்லை.தனது தவறுதான் .என்று சொல்லி விட்டார்.கல்லெறிந்த கட்சி அச்சுதானநதனே நேரில் ஆறுதல் சொல்லி கல்லடியை குணமாக்கி விட்டார்.
நாம் இப்போது இவ்வளவு களேபரங்களுக்கும் காரணமான சூரிய சக்தி [சோலார் பேணல் ]மோசடியை பற்றி பார்ப்போம்.

கேரளத்தைச் சேர்ந்த சரிதா நாயர் தன்னுடைய ‘டீம் சோலார் எனர்ஜி கம்பெனி’ என்ற நிறுவனம் மூலம் சோலார் பேனல்களை விற்பனை செய்து வந்தார்.

2 ஆண்டுகளுக்கு முன்பு, ‘மின் தட்டுப்பாட்டை தடுப்பதற்கு கேரள அரசு சூரிய ஆற்றல் மூலம் மின்சாரம் உற்பத்தி செய்யும் திட்டத்தை வகுத்திருக்கிறது. அந்த திட்டத்தின் மூலம் தோட்டங்களிலும், பண்ணை வீடுகளிலும் சோலார் பேனல்களை பொருத்தி அதன் மூலம் மின்சாரம் உற்பத்தி செய்ய அரசு திட்டமிட்டு இருக்கிறது. 

அவ்வாறு கிடைக்கும் உபரி மின்சாரத்தை அரசே நியாய விலைக்கு வாங்கிக் கொள்ளும். 

இத்திட்டம் மக்களை சென்றடைய வேண்டும் என்பதற்காக அரசு மானிய விலையில் உபகரணங்களையும் வழங்க இருக்கிறது. இந்த திட்டத்துக்கான சோலார் பேனல்களை கேரளம் முழுவதும் விற்கும் உரிமையை கேரள முதல்வர் உம்மன் சாண்டி எங்கள் நிறுவனத்துக்கு வழங்கி இருக்கிறார்’ என்று கூறி, கேரள மக்களிடம் முன்பணமாக ரூ.5 லட்சம் முதல் 50 லட்சம் வரை வசூலித்திருக்கிறார் சரிதா நாயர். கேரள முதல்வர் உம்மன் சாண்டி கையெழுத்திட்ட சான்றிதழையும் வாடிக்கையாளர்களிடம் காட்டி பணம் வாங்கியுள்ளார்.

suran

ஆயிரக்கணக்கானோர் லட்சக் கணக்கில் பணம் கொடுத்து பல மாதங்கள் ஆகியும் சோலார் பேனல்கள் ஒருவருக்கும் வழங்கப்படவில்லை. இதனால் ஆத்திரமடைந்த கோட்டயம் வாடிக்கையாளர் ஒருவர், டீம் சோலார் எனர்ஜி கம்பெனி மீதும், சரிதா நாயரின் மீதும் வழக்கு தொடர்ந்தார். உடனே கேரள காவல்துறை இவ்வழக்கை தீவிரமாக விசாரித்தபோது சரிதா நாயரின் ரூ.10 கோடி மோசடி அம்பலமானது.
இந்நிலையில், “சரிதா நாயரின் சோலார் பேனல் மோசடி சான்றிதழில் உம்மன் சாண்டி கையெழுத்திட்டு இருப்பதால் அவருக்கும் மோசடியில் தொடர்பு இருக்கிறது” என எதிர்க்கட்சிகள் போர்க்கொடி தூக்கின. இதைத் தொடர்ந்து கேரளத்தில் போராட்டங்கள் வெடித்தன. சரிதா நாயரின் நிறுவனத்தை நிர்வகித்து வந்த பிஜூ ராதாகிருஷ்ணனையும் போலீஸ் பிடித்து விசாரித்தனர். அப்போது உம்மன் சாண்டி கையெழுத்திட்ட சான்றிதழை உம்மன் சாண்டியின் உதவியாளர் டெனி ஜோப்பன் என்பவரும் பாதுகாவலர் சலிம் மாலீக் என்பவரும் தயாரித்துக் கொடுத்த உண்மை வெளிவந்தது. இதனைத் தொடர்ந்து அவர்கள் இருவரும் கைது செய்யப்பட்டனர்.
பிஜூ ராதாகிருஷ்ணனின் கூட்டாளியும், டீம் சோலார் எனர்ஜி கம்பெனி நிறுவனத்தின் விளம்பரப் படங்களில் நடித்தவருமான ஷாலு மேனனுக்கும் சோலார் பேனல் ஊழலில் தொடர்பு இருந்ததால் அவரும் கைது செய்யப்பட்டார்.
முதல்வர் அலுவலகத்தில் என்ன நடக்கிறது என பொதுமக்கள் தொலைக்காட்சியிலே பார்த்து தெரிந்துகொள்ளும் ‘முதல்வர் தரிசனம்’ திட்டத்தை நாட்டிலேயே முதல்முறையாக உம்மன் சாண்டி அறிமுகப்படுத்தினார். தொலைக்காட்சியில் ஒளிபரப்பான காணொளி காட்சியில் சரிதா நாயர் முதல்வர் அலுவலகத்துக்கு வந்து போவது போன்ற காட்சிகளும் பதிவாகி இருந்தன. சோலார் பேனல் விவகாரம் புகைய ஆரம்பித்த நேரத்தில் இந்த காணொளி காட்சிகள் வெளியானதும் உம்மன் சாண்டியின் தலை உருள ஆரம்பித்தது. இதனைத் தொடர்ந்து எதிர்க்கட்சிகள் ‘சோலார் பேனல் ஊழலில் உம்மன் சாண்டிக்கும் பங்கு இருக்கிறது’ என சொல்லி முதல்வரை முற்றுகையிட ஆரம்பித்தனர்.

suran

"முதலில் சரிதா நாயர் என்பவர் யாரென்றே தெரியாது ."என்று சாதித்த சாண்டி பின்னர் காணொளிகள் வெளியான பிறகு சும்மா சந்திப்பு நடந்தது.ஆனால் ஊழல் நடக்கவில்லை என்று இன்றுவரை புலம்புகிறார்.

ஆனால் கேரளா எதிர்கட்சிகள் அதை நம்ப மறுக்கின்றன.முதலில் சரிதாவை யாரென்றே தெரியாது என்றவர்தானெ இவர் .என்கின்றன.

ஊழல் செய்தாரோ இல்லையோ .காவல்துறை தடுத்தும் தான்தான் சென்று கல்லடி வாங்கினேன்.காவல்துறை மீது தவறில்லை என்கின்ற முதல்வரும்.
தனது கட்சியினர் கல்லடியால் காயமுற்றவரைமருத்துவமனை சென்று  பார்த்து ஆறுதல் சொல்லும் எதிர் கட்சித்தளைவரையும் பார்த்தால் இங்குள்ள தமிழக நிலை பெருமூச்சைத்தானெ தருகிறது.
-------------------------------------------------------------------------------------------------------------------------------------------------------------------------
 மதச்சார்பின்மை பாதுகாப்பு மாநாடு!

மார்க்சிஸ்ட் கம்யூனிஸ்ட் கட்சி, இந்திய கம்யூனிஸ்ட் கட்சி, பார்வர்டு பிளாக், புரட்சிகர சோசலிஸ்ட் கட்சி ஆகிய நான்கு இடதுசாரிக் கட்சிகளின் சார்பில் மதவெறி எதிர்ப்பு மற்றும் மதச்சார்பின்மை பாதுகாப்பு மாநாடு தலைநகர் புதுதில்லியில் உள்ள  நடைபெற்றது. 
suran
சமாஜ்வாதிக் கட்சி பொதுச்செயலாளர் ராம் கோபால் யாதவ்  பீகார் மாநில முதல்வரும் ஐக்கிய ஜனதா தள தலைவர்களில் ஒருவருமான நிதிஷ் குமார், மார்க்சிஸ்ட் கம்யூ னிஸ்ட் கட்சியின் பொதுச் செயலாளர் பிரகாஷ் காரத், சமாஜ்வாதிக்கட்சித் தலைவர் முலாயம் சிங் யாதவ், அதிமுக நாடாளுமன்றக்குழு தலைவர் தம்பிதுரை, மதச்சார்பற்ற ஜனதா தள தலைவரும் முன்னாள் பிரதமருமான தேவகவுடா, குடியரசுக் கட்சித் தலைவர் பிரகாஷ் அம்பேத்கர், ஐக்கிய ஜனதா தள தலைவர் சரத்யாதவ், பிஜூ ஜனதா தள தலைவர் ஜெய் பாண்டா, ஜார்க்கண்ட் விகாஸ் மஞ்ச் தலைவரும் முன்னாள் முதல்வருமான பாபுலால் மராண்டி, அசாம் மாநில முன்னாள் முதல்வரும் அசாம் கணபரிஷத் தலைவருமான பிரபு லால் மஹந்தா, இந்திய கம்யூ னிஸ்ட் கட்சித் தலைவர் ஏ.பி. பரதன், பார்வர்டு பிளாக் தலை வர் தேவபிரதா பிஸ்வாஸ், பஞ் சாப் மக்கள் கட்சித் தலைவர் பாதல், ஆர்எஸ்பி தலைவர் சிபி கோஸ்வாமி, தேசியவாத காங்கிரஸ் பொதுச் செயலாளர் ஜி.டி.திரிபாதி உள்ளிட்ட தலை வர்கள் உரையாற்றினர்.
இம்மாநாட்டிற்கு தி .மு.க போன்ற கட்சிகளுக்கு ஏன் அழைப்பில்லை?
மோடி நண்பரும் பாஜக அனுதாபியுமான ஜெயலலிதா கட்சிக்கு அழைப்பு.நேற்றுவரை பாஜக தயவில் கூட்டணியில் ஆட்சி செய்த நிதிஷ் குமாருக்கு அழைப்பு.
மார்க்சிஸ்டுகள் குறிப்பாக தமிழக தோழர்கள் தற்போது எடுக்கும் முடிவுகள் மிக தவறாக உள்ளன.
suran
அதிலும் அவர்களின் ஜெயலலிதா அபிமானம் மிக அசிங்கமாக -அப்பட்டமாக தெரிகிறது.ஜெயா அரசின் தவறுகளை அவர்கள் கண்டுகொள்வதில்லை.சுட்டிக்காட்டவும் செய்வதில்லை.மொத்தத்தில் கட்சிக்கொடியில் அரிவாள் -சுத்திக்குப் பதில் இரட்டை இலை,வேட்டியில் முக்கறை இல்லாதது  மட்டும்தான் இப்போதைய நிலை.
மக்களவை தேர்தலுக்குப்பின் காங்கிரசு - பாஜக தொங்கலில் இருந்தால் தனது மக்களவை உறுப்பினர்களை கொண்டு  பிரதமர் பதவியில் மோடியை ஜெயலலிதா அமர்த்தும் நிலை உருவாகும் என்பது  பிரகாஷ் காரத்துக்கு தெரியாமலா இருக்கும். ?
--------------------------------------------------------------------------------------------------------------------------------------------------------------------
புது வீடு கட்ட ஆசையா?

 புதிதாக வீடு கட்ட  திட்டமிட்டவர்களுக்கும் ,அல்லது வீடு கட்டும்  தொழிலில் இருந்தாலோ உங்களுக்கு இந்த "SWEET HOME 3D" மென்பொருள் மிக உபயோகமாக இருக்கும். 
இது இலவசமாக கிடைக்கும்  சாப்ட்வேர். 
எளிதில் மனதில் தோன்றுவதை வரைபடமாக வரைய உதவும் .அதே நேரத்தில் கட்டிடத்தின் முப்பரிமாண தோற்றத்தையும் நமக்கு தரும். மேலும் கதவு ஜன்னல், போன்றவற்றை பில்ட் இன்னாகவே வைத்திருப்பதும் இந்த மென்பொருளின் சிறப்பாக சொல்லலாம். 
suran
கட்டில் சேர் போன்ற இண்டீரியர் பொருட்களின் ஸ்டேண்டர்ட் அளவுகளின் பில்ட் இன்னாக கொடுத்திருப்பதால் நம் தேவைக்கேற்ப பொருத்தி பார்த்து அறையின் அளவுகளை மாற்றி கொள்ளவும் மிக எளிதாக இருக்கிறது. நீங்கள் ஆட்டோகேட் அல்லது   3D Home Architect உபயோகித்திருந்தால் இந்த மென்பொருளை உபயோகிக்க எந்தவித சிரமமும் இருக்காது. அது தெரியாதவர்கள் உபயோகிப்பதற்காக சிறிய அறிமுக விளக்கம் மட்டும். இதில் உள்ள அளவுகள் அனைத்தும் சென்டி மீட்டரில் உள்ளீடு செய்ய வேண்டும். 10 அடிக்கு 10 அடி எனில் அதை முதலில் செ.மீ.க்கு மாற்றிக்கொள்ளுங்கள் 10 அடி = 305 செ.மீ.

மேல் வரிசையில் plan மெனுவில் create walls என்பதை க்ளிக் செய்யவும். பின் வலது பக்க பேனலில் க்ளிக் செய்து அறை அளவுகளை கொடுத்து வரைய ஆரம்பியுங்கள். ஓரு அறை போன்ற அமைப்பு மட்டும் வந்தால் போதும் மற்றவற்றை எடிட் பண்ணும் வசதி இருக்கிறது. எந்த சுவரை எடிட் செய்ய வேண்டும் என விரும்புகிறீர்களோ அந்த சுவரை டபுள் க்ளிக் செய்தால் அந்த சுவரின் அளவுகள் தனி விண்டோவில் தெரியும் அதில் நமக்கு தேவையான நீளம், அகலம் மற்றும் உயரத்தை மாற்றிக் கொள்ளலாம்.

சைடு பாரில் இருக்கும் டோர்ஸ் அண்ட் வின்டோஸ் ஆப்ஷனை பயன்படுத்தி தேவைப்படும் கதவை தேர்ந்தெடுத்து ட்ராக் செய்து ப்ளானில் தேவைப்படும் இடங்களில் வைத்து விடுங்கள். விண்டோவிற்கும் இதே முறையில் செய்யுங்கள். இதில் பெட்ரூம், பாத்ரூம், சமையலறை மற்றும் ஹால்களுக்கான பர்னிச்சர் செட்கள் இன்பில்ட் ஆக இருப்பதால் நமக்கு தேவையானவற்றை தேர்ந்தெடுத்து வைத்து பார்த்து கொள்ளலாம். இதில் நாம்  திருத்த தேர்வு செய்து நமக்கு தேவையான அளவுகளை மற்றும் வண்ணங்கள் மற்றும்  அளவு களை மாற்றி நம் விருப்பம் போல் அமைத்து மாதிரி வடிவை பார்த்து தேர்வு செய்து கொள்ளலாம்.
--------------------------------------------------------------------------------------------------------------------------------------------------------------------
suran



புதன், 16 அக்டோபர், 2013

வறுமை ஒழிப்பு தினம்


suran

 உலக வறுமை ஒழிப்பு தினம் 1987 அக்., 17ல் உருவாக்கப்பட்டது. பின் ஐ.நா., சபையால் இத்தினம் அங்கீகரிக்கப்பட்டது. 
வறுமையை ஒழிக்கவும், அனைவருக்கும் அடிப்படை வசதிகள் கிடைப்பதை உறுதி செய்யவும் உலக நாடுகள் நடவடிக்கை எடுக்க வேண்டும் என ஐ.நா., வலியுறுத்துகிறது. இந்தாண்டு "பாகுபாடின்றி வறுமையை ஒழிப்பது' என்பது இத்தினத்தின் மையக்கருத்து. 
பிரான்ஸ் நாட்டை சேர்ந்த ஜோசப் ரெசின்கி. இவர், சிறு வயது முதலே வறுமைக்கு எதிராக போராடினார். இவரது முயற்சியால் தான் உலக வறுமை ஒழிப்பு தினம்  உருவாக்கப்பட்டது. 
உலக மக்கள் தொகையில் 129 கோடி பேர் முற்றிலும் வறுமை நிலையில் வாழ்கின்றனர். இதில் 40 கோடி பேர் இந்தியாவிலும், 17 கோடி பேர் சீனாவிலும் உள்ளனர். இந்தியாவில் 32.7 சதவீதம் பேர், சர்வதேச வறுமைக் கோட்டுக்கும் கீழே வாழ்கின்றனர் 2008ல் "உலக வங்கி' நடத்திய ஆய்வில் தெரிவிக்கப்பட்டுள்ளது.
மக்கள் ஏழ்மை நிலையில் தள்ளப்படுவதற்கு அரசியல்வாதிகள், ஊழல், லஞ்சம், கல்வியறிவின்மை, வேலைவாய்ப்பின்மை, விலைவாசி உயர்வு, புதிய தொலைநோக்கு திட்டங்களை செயல்படுத்தாமல் இருப்பது என பல்வேறு காரணங்கள் உள்ளன. 
ஏழ்மை நிலையில் இருப்பவர்களை, ஒரே நாளில் வசதியானவர்களாக மாற்றிட முடியாது. ஆனால், இப்போதிருந்து பல தொலைநோக்கு திட்டங்களை தீட்டினால், வரும் சந்ததியினரும் தொடர்ந்து வறுமைக் கோட்டிலேயே வசிப்பதை தவிர்க்கலாம். கல்வி வழங்குவதன் மூலம் வறுமையை ஒழிக்கலாம். 

Click Here
அனைவருக்கும் சுத்தமான தண்ணீர், சத்தான உணவு, மருத்துவம், வேலைவாய்ப்பு, சுகாதாரம், கல்வி, உடை, இருப்பிடம் என அடிப்படை வசதிகள் கிடைக்க வேண்டும். இவை இல்லாத அனைவரும், வறுமை நிலையில் இருப்பவர்கள் என கருதப்படுவர். பட்டினி மற்றும் வன்முறைக்கு வறுமை வழி வகுக்கிறது.
இந்தியாவை பொறுத்தவரை வறுமையில் இருந்து அரசியலுக்கு வந்த தலைவர்கள் பலர் வறுமையை ஒழிக்க அயராது பாடுபட்டு சுவிஸ் வங்கியில் கணக்கு வைக்கும் அளவு சாதனை செய்துள்ளார்கள் .ஆனால் அவர்கள் தங்களது  வறுமையை மட்டுமே ஒழிக்க முயற்சி செய்து வென்றுள்ளனர் .இதுதான் இந்திய வறுமையின் நிலை.
இந்திய வறுமையை ஒழிக்கும் தலைவர்களுக்கு கடுமையான வறுமை ஏற்பட்டுள்ளதுதான் இந்தியாவின் சோகம்.
கடைசி தகவல் :
சுவிஸ் வங்கிகளில் கறுப்பு பணத்தை பதுக்கிய இந்தியர்களின் பட்டியல் அந்த வங்கியின் ஆதாரங்களில்இருந்து சுமார் 700 இந்தியர்கள் மட்டும் ரூ.12 ஆயிரத்து 740 கோடிக்கு கறுப்பு பணம் பதுக்கி வைத்திருப்பது தெரிய வந்தது.ஆனால் சுவிஸ் வங்கியில் கணக்கு வைத்திருக்கும் இந்தியர்களின் எண்ணிக்கை 80000 என தெரிகிறது.
------------------------------------------------------------------------------------------------------------------------------------==================================================
--------------------------------------------------------------------------------------------------------------------------------------------
சீக்ரெட் வில்லேஜ்':
------------------------------

 தமிழனின் ஹாலிவுட் படம்.

--------------------------------------

தி சீக்ரெட் வில்லேஜ்':ஒரு தமிழனின் ஹாலிவுட் படம். இம்மாதம் உலகம் முழுவதும் வெளியீடு.  இந்திய வம்சா வழியைச் சேர்ந்த தமிழர் சுவாமிகந்தன் இயக்கத்தில் உருவாகியுள்ள "தி சீக்ரெட் வில்லேஜ்' என்ற ஹாலிவுட் படம், தமிழ் உள்பட பல மொழிகளில் உலகம் முழுவதும் வெளியாக உள்ளது.


சுவாமிகந்தன் இந்தியாவில் பிறந்து வளர்ந்து, அமெரிக்காவில் செட்டில் ஆனவர். அங்கு திரைப்படத் தயாரிப்பு, விஷுவல் எபெக்ட்ஸ் மற்றும் திரைப்பட மார்க்கெட்டிங் பற்றிய படிப்பை நியூயார்க் பல்கலைக் கழகத்திலுள்ள ஃபிலிம் ஸ்கூலில் படித்தவர். இவர் இயக்கத்தில் முதன் முதலாக 2008இல் வெளிவந்த "கேட்ச் யுவர் மைன்ட்' என்ற படம் பரவலாக இவரை அறிமுகப்படுத்தியது.

சுவாமிகந்தன் இயக்கும் இரண்டாவது படம்தான் "தி சீக்ரெட் வில்லேஜ்'. இப்படம் திரில்லர் படமாகும். அக்டோபர் மாதம் இப்படம் உலகம் முழுவதும் வெளிவர இருக்கிறது. தமிழனின் ஹாலிவுட் படம் வெற்றி பெறட்டும்!

-------------------------------------------------------------------------------------------------------------------------------------------------------------------
suran




"மோடி தாசன் '


suran


தமிழருவி மணியன் 
--------------------------------------






காந்திய மக்கள் இ யக்கத்தின்ஒரேதலைவரும்,தொண்டருமான  தமிழருவி மணியன்,இப்போது காவிக் கொள்கையில் கரைந்து விட்டார் போல் தெரிகிறது.
பாஜகவின் அறிவிக்கப்படாத கொள்கைப் பரப்புச் செயலாளராக மோடிக்கு வாக்காலத்து வாங்கி மேடைகளில் மட்டுமின்றி எழுத்துக்களிலும் மோடியாயணம் பாடி வருகிறார்.
கடந்த 2 ம் தேதி மதுரையில் நடைபெற்ற காந்திய மக்கள் இயக்க 4 - ஆம் ஆண்டு துவக்க விழாவில் தமிழருவி மணியன் பேசிய பேச்சுகளுக்கு கிடைத்த எதிர்வினையைத் தொடர்ந்து தற்போது தனது எழுத்தை வாக்குமூலமாக எடுத்துக்கொள்ளுங்கள் என்று இதழ் ஒன்றில் பில்டப் செய்துள்ளார்.
என்னைப் பொறுத்தவரை ஈழத்தில் தமிழ் மக்களைக் கொன்றதற்குத் துணைபோன காங்கிரஸ் அரசு கருவறுக்கப்பட வேண்டும். அதற்காகத்தான் மாற்று அரசியல் வேண்டும் என்கிறேன்.
 இடதுசாரி கட்சிகளான சிபிஎம், சிபிஐ ஆகியவற்றுடன் ஒரு வருடமாகப் பேசி வந்தேன்.
திருப்பூரில் நடந்த பிரமாண்ட கூட்டத்தில் இரண்டு இடதுசாரிக் கட்சிகளையும், வைகோவையும் இணைத்து மாற்று அணியாக அறிவிக்க எவ்வளவோ பாடுபட்டேன். 
சிபிஎம் கட்சியினர் எப்போதுமே வித்தியாசமானவர்கள். மண்ணில் நடக்காமல், விண்ணில் நடக்கக் கனவு காண்பவர்கள். தனி ஈழத்தை நாங்கள் ஆதரிப்பதில்லை; அதனால் வைகோவுடன் இணைய முடியாது என்றார்கள்.
இந்த நிலையில் மாற்று அரசியல் அணியை, நான் எப்படி முடிவு செய்வது? அந்த சிந்தனை முற்றுப் பெற்றது. மாற்று யோசனை செய்தேன். 
பாஜக இன்று பத்து சதவிகித வாக்கு வங்கியுடன் வளர்ந்துள்ளது. 
அதேபோல வாக்கு வங்கியுள்ள தேமுதிக, மதிமுக ஆகியவை சேர்ந்தால் தமிழகத்தில் சுலபமாக வெற்றி பெறலாம். காங்கிரஸை இவர்களால்தான் வீழ்த்த முடியும் என்று நினைத்தேன்."
- என்று தமிழருவி கூறியுள்ளார்.
ஒவ்வொரு கட்சிக்கும் ஒரு கொள்கை உள்ளது. காந்திய மக்கள் இயக்கத்திற்கு கூட கொள்கை என்று வடிவமைக்கப்பட்டுள்ளதாகத் தெரிகிறது. ஒன்றுபட்ட இலங்கைக்குள் சுயாட்சி அதிகாரம் தமிழர்களுக்கு வழங்க வேண்டும் என்ற மார்க்சிஸ்ட் கம்யூனிஸ்ட் கட்சி தொடர்ந்து வலியுறுத்தி வருகிறது. அதன் நிலைப்பாட்டில் தமிழருவிக்கு மாற்றுக்கருத்து இருக்கலாம்.
அது அவர் விருப்பம். பாஜக ஆட்சிக்கு வந்துவிட்டதைப்போன்ற கனவுடன் மண்ணில் கால் பாவாமல், விண்ணில் மிதந்து வரும் தமிழருவி மணியன், இலங்கைத்தமிழர்களுக்காக பிறப்பெடுத்தவர் போல பேசுகிறார். 
ஈழம் பற்றி யும் அதற்காகவே கருணாநிதியை துரோகி என்றும் மேடை  தொறும் திட்டி வரும் தமிழருவி மணியன் தற்பொது அடியாள் சேவகம் செய்யும் பாஜக, ரத்தவெறி பிடித்த ராஜபக்சேவிற்கு சிவப்பு கம்பள வரவேற்பைக் கொடுத்ததை  மறந்து விட்டுப் பேசிக்கொண்டே போகிறார்.
கடந்த 2012 ஆம் ஆண்டு செப்டம்பர் 20 ம் தேதி மத்தியப் பிரதேச மாநிலம் சாஞ்சியில் நடந்த புத்தர் விழாவிற்கு வந்த இலங்கை ஜனாதிபதி இராஜபக்சேவை வரவேற்று ராஜஉபச்சாரம் செய்த சிவராஜ் சிங் சௌகான் எந்த கட்சியின் முதல்வர்? 
suran
ராஜபக்சேயை வரவேற்று அடிக்கல் நாட்டச்செய்த  ம.பி. பாஜக முதல்வர் சவுகான். 
அவர் கட்சி பாஜக தான் என்பதை மணியன் மறந்து விட்டாரா?அல்லது மறதி வியாதியா?
தமிழ் நாட்டில் அணைவரும்[தமிழருவி உட்பட ] ராஜ பக்சே இந்தியா வரக்கூடாது என்று போராடிய பொது அனைத்தையும் புறந்தள்ளி அப்போதுதான் தமிழர்கள் ரத்தத்தால் கறை பட்ட கரங்களை கொண்டு அடிக்கல் நாட்டினார் பா ஜ க முதல்வர் சிவராஜ் சௌ கான் .
தமிழருவி, இராஜபக்சேவிற்கு கறிவிருந்து வைத்த சிவராஜ் சிங் சௌகானுக்கு கறுப்புக்கொடி, வேண்டாம் கண்டனக்கொடியாவது எழுத்தில் ஏற்றினாரா? அப்படிப்பட்ட பாஜகவிற்குத் தான் தமிழருவி பல்லக்கு தூக்குகிறார்.
இதில் கொடுமை என்னவென்றால், சாஞ்சிக்கு இராஜபக்சே வரக்கூடாது என்று எதிர்ப்பு தெரிவித்து கைது செய்யப்பட்ட மதிமுக பொதுச்செயலாளர் வைகோவையும் துணைக்கு அழைத்துக்கொண்டு தமிழக வீதிகளில் வலம் வருவதற்கு தமிழருவி மணியனுக்கு தைரியம் வருகிறது என்றால் மக்கள் எல்லாவற்றையும் மறந்து விட்டார்கள் என்ற நினைப்புத்தான் காரணம்.
தமிழருவி மணியன் பேச்சாளர் மட்டுமல்ல: நல்ல படிப்பாளி.
எப் போதும் உலக நாடுகளின் தலைவர்களைப் பற்றி பேசிவிட்டுத்தான் உள்ளூருக்குள் போவார். 
அப்படிப்பட்டவர் என்ன சொல்லியுள்ளார்? 
suran
“இந்தப் பாவத்தை வாழ்நாளில் இன்னொரு முறை நான் செய்ய மாட்டேன் என்று முஸ்லிம் சமுதாயத்திடம் மோடி மன்னிப்பை வேண்டுவது தான் நியாயம். பல்வேறுபட்ட சமயங்களைக் கொண்ட இந்தி யாவின் பிரதமர் நாற்காலியில் அமர அப்போதுதான் மோடிக்கு முழுத்தகுதி வாய்க்கும்” என்று மோடிக்கு யோசனைகளை அள்ளி வீசி யுள்ளார்.
உச்சநீதிமன்றம் சொன்னதையே கேட்காத மோடி, தமிழருவி சொன்னவுடன், தாவிக்குதித்து வந்து மன்னிப்பு கேட்டிடுவாரா?
நரேந்திர மோடி ஆட்சி நடைபெறும் குஜராத்தில், நடைபெற்ற கல வரத்தில் 1044 அப்பாவி முஸ்லிம் மக்கள் கொல்லப்பட்டனர். 2548 பேர் காயமடைந்தனர். 223 பேர் காணாமல் போனார்கள். 919 பெண்கள் கணவர்களை இழந்து விதவையானார்கள். 606 குழந்தைகள் தாய், தந்தையற்ற அனாதைகளாக்கப்பட்டனர். இது மத்திய அரசு வெளியிட்ட புள்ளி விபரம் தான். ஆனால், உண்மையான இழப்புகள் ஏராளம் என்பதே முஸ்லிம் மக்களின் கருத்தாக உள்ளது.
இத்தனை கொடுமைக்கும் காரணமான மோடி மன்னிப்பு கேட்டால் சரியாகி விடுமா? 
அப்படி என்றால் இலங்கைப்படுகொலைகளுக்காக இராஜபக்சே மன்னிப்பு கேட்டால் போதுமா ?
“குஜராத்தில், கடந்த 2002- ஆம் ஆண்டு நடைபெற்ற கலவரத்தின்போது, நான் செய்ததெல்லாம், சரியானது தான். என்று கூறிய மோடி, “நாம் காரின், பின் சீட்டில் பயணிக்கும்போது, ஒரு நாய்க்குட்டி, காரில்விழுந்து அடிபட்டால், நமக்கு வருத்தம் ஏற்படுமா, இல்லையா... வருத்தம் இருக்கத் தானே செய்யும்! அதேபோன்ற வருத்தம் எனக் கும் இருந்தது” என்று குஜராத் படுகொலையின் போது தனது மனநிலையை தொலைக்காட்சிகளுக்கு அளித்த பேட்டியில் கூறினார்.
suran
இந்த செய்தியை அனைத்து பத்திரிகைகளும் கொட்டை எழுத்தில் பிரசுரித்ததை தேர்ந்த படிப்பாளியான தமிழருவி மணியன் படிக்கவில்லையா? இரத்தம் குடிக்கும் பூனைகள், ருத்ராட்சம் அணிந்து வந்தாலும் அதன் இதழோரத்தில் வழிந்தோடும் குருதியின் வாசனை தேசமக்களுக்குத் தெள்ளத் தெளிவாகத் தெரியும். தேர்தலில் ஒரு  வாக்கு கூட இல்லாத இயக்கத் தலைவர் தனது அரசியல் தரகு வேலை மூலம் தனது சுய உருவத்தை வெளிக்காட்டியுள்ளார்.
ஈழப் பிரச்னையில் கருணாநிதியை குறை கூற இவருக்கு என்னதகுதி உள்ளது.சிபிஎம் கட்சியை விமர்சிக்க என்ன அருகதை உள்ளது.இவரின் தரகு வேலைக்கு இன்னொரு ஈழ ஆதரவாளர் -தியாகி வைகோதான் சரியாகி உள்ளார் என்பது இன்னொரு கொடுமை.
வாக்குமூலம் அளிப்பதன் மூலம் நாடாளுமன்றத் தேர்தலில் பாஜகவிற்கு இறுதி அத்தியாயத்தை தமிழருவி எழுதி வருகிறார்.
suran
நீலப்படம் புகழ் "நித்தி"யுடன் மோ டி 

- ப.கவிதா குமார்
-----------------------------------------------------------------------------------------------------------------------------------
ஒவ்வொருவரும் அவரவர் உயரத்துக்கு எற்றபடி எடை இந்த அ ளவு இருக்க வேண்டும் என ஒரு கணக்கீடு உண்டு.
அதை சுரு க்கமாக.பி.எம்.ஐ. (பாடி மாஸ் இன்டக்ஸ்) என்று சொல்லுவார்கள் .அந்தக் கணக்கீட்டை வைத்து தான்  ஒருவர் சரியான எடையுடன் உள்ளாரா, கூடுதல் எடையுடன் உள்ளாரா, சராசரியைவிட குறைவான எடை கொண்டவரா அல்லது உடல் பருமன்  உள்ளவரா என்பதைக் கண்டுபிடிக்க முடியும். 
* 18.5 க்கும் கீழ் என்றால் சராசரியை விட குறைவான எடை கொண்டவர்கள்.
* 18.6 முதல் 24.9 வரை என்றால் நார்மல் எடை கொண்டவர்கள்.
* 25 முதல் 29.9 வரை என்றால் அதிக எடை கொண்டவர்கள்.
* 30 மற்றும் அதற்கு மேல் என்றால் உடல்
பருமன் கொண்டவர்கள். 


------------------------------------------------------------------------------------------------------------
கேழ்வரகு... ரொம்ப நல்லது.!
-------------------------------------------------------------
கேழ்வரகில் கால்சியம், இரும்பு சத்துகள் அதிகம் உள்ளது. 
பாலில் உள்ள கால்சியத்தை விட கேழ்வரகில் அதிக கால்சியத்தை கொண்டுள்ளது.
 கேழ்வரகை  கொண்டுதான் ராகி மால்ட் தயாரிக்கிறார்கள்.
கேழ்வரகை தினமும் உணவில் சேர்த்தால் உடல் வலுபெறும். நோய் எதிர்ப்பு சத்தியை அதிகரிக்கிறது. உடல் சூட்டை தனிக்கும். 
suran
குழந்தைகளுக்கு   கேழ்வரகுடன் பால், சர்க்கரை சேர்த்து கூழாக காய்ச்சி கொடுக்கலாம்.
 இது  குழந்தை வளர்ச்சிக்கு பெரிதும் உதவுகிறது. 

தினம் கேழ்வரகு கூழ் சாப்பிட்டு வர குடற்புண் குணமடையும். மாதவிடாய் கோளாறு கொண்ட பெண்கள் இதை சாப்பிட்டு வர மாதவிடாய்  பிரச்சனைகள் தீரும். அதிக எடை இருப்பவர்கள் எடையை குறைக்க விரும்பினால் கேழ்வரகு சாப்பிடலாம். இது உடல் எடையை குறைக்கும். 
 கேழ்வரகில் உள்ள நார் சத்துக்கள் மலசிக்கலை தடுக்கிறது.
 நீரிழிவு நோயாளிகள் கூட கேழ்வரகால் செய்த பண்டங்களைச் சாப்பிடலாம்.நோயாளிகள் கேழ்வரகை, அடை, புட்டாக, செய்து சாப்பிடலாம் .
 கூழ் அல்லது  கஞ்சியாக சாப்பிடக்கூடாது. 
இதை கூழாக செய்து குடித்தால் கொலஸ்டிரால் குறையும். 

இதில் இரும்பு சத்து அதிகம் உள்ளது இது இரத்த சோகை நோய் வரமால் தடுக்கிறது. இதில் அதிக அளவு கால்சியம், இரும்பு சத்து உள்ளன.  கர்ப்பிணி பெண்கள் தினம் உணவில் சேரத்து கொள்ளலாம். குடலுக்கு வலிமை அளிக்கும். 
உடலில் உஷ்ணத்தை சமநிலையில் வைத்திருக்கும்.  தானியங்களில் அதிக சத்துமிக்கது கேழ்வரகு. இதில் புரதம், தாது உப்பு, சுண்ணாம்புச் சத்து, இரும்புச் சத்து மற்றும் உயிர்ச் சத்துக்களும்   இருக்கின்றன.
 கேழ்வரகு குடலுக்கு வலிமை அளிக்கும். 
------------------------------------------------------------------------------------------------------------
இத்தாலி கடன் நெருக்கடி -
--------------------------------------------50 வரலாற்று சிறப்பிடங்களை விற்க முடிவு
-------------------------------------------------------------------------


-இத்தாலியில்கடன் நெருக்கடி மிகக் கடுமையாக அதிகரித்திருக்கிறது. இதனை சமாளித்திட அந்நாட்டில் அரசு வசம்முள்ள 50 வரலாற்று சிறப்புமிக்க இடங்களை விற்க முடிவு செய்துள்ளது.
 ஐரோப்பிய ஒன்றியத்தில் உள்ள நாடுகளில் பட்ஜெட் பற்றாக்குறை என்பது அந்நாட்டின் உள்நாட்டு உற்பத்தியில் 3 சதவிகிதத்திற்கு மிகாமல் இருக்க வேண்டும். ஆனால் இத்தாலியில் தொடர்ந்து ஏற்பட்டு வரும் கடுமையான நெருக்கடியின் விளைவாக பொது பட்ஜெட் பற்றாக்குறை 3 சதவிகிதத்தை விட அதிகமாக அதிகரிக்கும் நிலை உருவாகி உள்ளது.
ஏற்கனவே அந்நாட்டில் நிலவி வந்த பொருளாதாரநெருக்கடியை சரி செய்திடபல்வேறு சிக்கன நடவடிக்கைகள் அறிவிக்கப்பட்டு நடைமுறைப்படுத்தப்பட்டு வருகிறது. 
suran
குறிப்பாக பொதுச்செலவினங்களுக்கான நிதியை வெட்டி சுருக்கப்பட்டுள்ளது. இதனால் பல்லாயிரக்கணக்கான உழைக்கும் மக்கள் கடுமையான பாதிப்பிற்கு உள்ளாகி வருகின்றனர். அரசின் நடவடிக்கையை கண்டித்து பல்வேறு தரப்பினரும் போராட்டத்தில் ஈடுபட்டு வருகின்றனர். கடந்த 10 ஆண்டுகளில் இல்லாத வகையில் அந்நாட்டின் பொருளாதார வளர்ச்சி மிகவும் குறைவான அளவிலேயே இருந்து வருகிறது. 
இதன் விளைவாக அந்நாட்டில் வேலையில்லாத திண்டாட்டம் மிகப்பெரிய அளவில் அதிகரித்து வருகிறது.
இதற்கு அந்நாட்டின் பிரதமர் என்ரிகோ லீட்டா இளைஞர்களிடம் மன்னிப்புக் கோரியிருந்தார். மேலும் நாட்டின் கடனை அடைத்தவுடன், புதிய வேலை வாய்ப்புகள் உருவாக்கப்படும் உன உறுதிமொழி கொடுத்திருந்தார். இந்நிலையில் தற்போது இத்தாலி அரசின் கடன் அளவு அதிகரித்துக் கொண்டே வருகிறது. இதனால் அந்நாட்டின் பொதுப்பட்ஜெட்டில் பற்றாக்குறை 3 சதவிகிதத்தை விட அதிகரிக்கும் நிலை உருவாகியுள்ளது. இதனை சமாளித்திட அந்நாட்டில் உள்ள வரலாற்று சிறப்பு மிக்க இடங்களை, விற்று அரசின் கடனை அடைப்பது எனஅந்நாட்டு அரசு முடிவு செய்திருக்கிறது. அதற்கான முயற்சியில் அந்நாட்டின் கருவூலத்துறை இறங்கியிருக்கிறது. இதன் மூலம் இத்தாலி அரசிற்கு இருக்கும் கடன் அளவில் 42 கோடியே 50 லட்சம் யூரோக்களை அடைக்க முடிவு செய்திருக்கிறது. அதன்படி இத்தாலியில் உள்ள 18ம் நூற்றாண்டு அரண்மனை, மிலன் நகரில் உள்ள வில்லா மிரபிலோ, பிராக்சியானோ நகரில் உள்ள ஓர்சினி ஓடிஸ்கல்சி கோட்டை உள்ளிட்ட வரலாற்று சிறப்பு மிக்க இடங்கள் மற்றும் நினைவு சின்னங்கள் விற்பதற்கான முயற்சியில் இத்தாலி அரசுஇறங்கயிருக்கிறது.
 அரசின் இந்த நடவடிக்கை குறித்து அந்நாட்டின் சொத்து விற்பனைதுறையின் நிபுணரான, ரூபர்ட் ஃபவ்செட் கூறியதாவது,
இது போன்ற நெருக்கடியான நிலையில் எந்த ஒரு அரசாக இருந்தாலும் கடன் நெருக்கடியில் இருந்து மீட்டெடுப்பதற்கான வழியைத்தான் தேடும் அதுதான் ஏதார்த்தம். ஆனால் இது போன்ற வரலாற்று சிறப்பு மிக்க சொத்துக்களை பாதுகாக்க அதிக அளவில் செலவுகள் ஆகும்.
 இதனை பாதுகாப்பதற்கான ஏற்பாடுகளை செய்யாவிட்டால் அதனை தொடர்ந்து நிர்வாகிக்க முடியாமல் போகும் நிலை ஏற்படும். நாம் முன்னோர்கள் சேர்த்து வைத்த மிகப்பெரிய சொத்து, புகழ் எல்லாம் இணைந்ததுதான் இந்த வரலாற்றுச் சிறப்பிடங்கள். இதனை தனியார் நிறுவனங்கள் வாங்கலாம். 
அதனை மீண்டும் பயன்பாட்டிற்கு கொண்டு வருவதுஒவ்வொருவருக்கும் நன்மை பயக்கும். 
அதே நேரத்தில் அதனால் வரும்பணம் அந்த பகுதியில் உள்ளுர் மக்கள் பயன்பெறும் வகையில் அந்த மாநிலத்தின் அரசு கருவூலத்தில் போட வேண்டும் என்று கூறினார்.
----------------------------------------------------------------------------------------------------------------------------------
அல்லா என்று சொல்லாதே !
--------------------------------------------
மலேசியாவில் முஸ்லிம் அல்லாத பிற மதத்தவர், இறைவன் என்பதை குறிக்க  ‘அல்லா’ என்ற சொல்லை பயன்படுத்துவதற்கு அந்நாட்டு நீதிமன்றம் தடை விதித்துள்ளது.
2009 ஆம் ஆண்டில், தி ஹெரால்டு செய்தித்தாள் அல்லா என்ற சொல்லைப் பயன்படுத்த விசாரணை நீதிமன்றம் அனுமதி அளித்திருந்தது.
இந்த நிலையில், இது தொடர்பாக மேல்முறையீடு செய்யப்பட்டது.
இதை விசாரித்த நீதிபதிகள், அல்லா என்ற சொல் கிறிஸ்துவ பயன்பாட்டில் இல்லை என்றும், ஒரு சமூகத்தில் இது தேவையற்ற குழப்பங்களை ஏற்படுத்தும் என்றும் தெரிவித்தனர்.
இந்தச் சொல் முஸ்லிம்களுக்கு மட்டும் பிரத்யேகமானது என்றும் நீதிபதிகள் தெரிவித்தனர்.
-------------------------------------------------------------------------------------------------------------------------யாசர் அராபத்
--------------------------------------
கொலை செய்யப்பட்டார்?
----------------------------------------------
பாலஸ்தீன மக்கள் விடுதலை இயக்கத்தின் தலைவர் யாசர்அராபத்   இறக்கும் போது அணிந்திருந்த உடையில் பொலோனியம் -210 என்ற கொடிய கதிரியக்க படிமங்கள் இருப்பதைசுவிஸ்நாட்டு விஞ்ஞானிகள் மீண்டும் உறுதி செய்துள்ளனர்.
பாலஸ்தீன மக்கள் விடுதலை இயக்கத் தின் தலைவராக இருந்த யாசர் அராபத் 2004ல் பிரான்ஸ் சென்றிருந்தார்.
suran
 அப்போது அங்கு உடல் நலக்குறைவு ஏற்பட்டது. அதனைத் தொடர்ந்து அங்குள்ள ராணுவ மருத்துவமனையில் சிகிக்சைக்காக அனுமதிக்கப்பட்டார். ஆனால் இறுதியில் சிகிச்சை பலனின்றி உயிரிழந்தார். அப்போதே அராபத்தின் மரணத்தில் சந்தேகம் இருப்பதாக அவரது ஆதரவாளர்கள் தெரிவித்தனர். மேலும் அவரது உடலை ஆய்வு செய்ய வேண்டும் என்றும் கேட்டுக் கொண்டனர். ஆனால் அப்போது இக்கோரிக்கை நிராகரிக்கப்பட்டது.
பின்னர் அல் ஜஜீரா தொலைக்காட்சி நிறுவனம் அராபத் இறுதி நாட்களில் பயன்படுத்திய ஆடைகள் மற்றும் உள்ளாடைகளை சுவிட்சர்லாந்திற்கு அனுப்பி அதனை உயிரியல் சோதனைக்கு உட்படுத்தியது. அதில் 9 மாத கால ஆய் வுக்குபின்னர் பொலோனியம் -210 என்ற அணுஉலைக்கு பயன்படும் கொடிய விஷத்தை பயன்படுத்தி அவர் கொல்லப்பட்டிருப்பது உறுதி செய்யப்பட்டது. இதன் பின்னர் அவரது மனைவி சுஹா உள்ளிட்டோர் அராபத்தின் உடலை தோண்டி எடுத்து பிரேத பரிசோதனை செய்யவேண் டும் என பாலஸ்தீன ஜனாதிபதிக்கு கோரிக்கை விடுத்தனர்.
மேலும் அவரது ஆதரவாளர்களும் அராபத்தின் உடலை ஆய்வுக்கு உட்படுத்தி உண்மையை உலகிற்கு சொல்ல வேண்டும் என கேட்டுக் கொண்டனர்.இதனைத்தொடர்ந்து யாசர் அரபாத்தின் உடலை தோண்டியெடுத்து மீண்டும் பரிசோதனை செய்ய பாலஸ்தீன நிர்வாகமும், அரபாத்தின் மனைவிசுகாவும் சம்மதம் தெரிவித்தனர். இதனைத் தொடர்ந்து பாலஸ்தீன் விசாரணைக்குழு தலைவர் தவ்பிக்திரவி மற்றும் ரஷ்யா, பிரான்ஸ், சுவிட்சர்லாந்தை சேர்ந்த அனுபவம் வாய்ந்த மருத்துவ நிபுணர் குழுவினர், அராபத்தின் கல்லறையில் இருந்து உடலை தோண்டி எடுத்து மாதிரிகளை சேகரித்தனர். இதில், அரபாத் கடைசி நேரத்தில் அணிந்திருந்த உடைகளை அவரது மனைவிசுகா ஆய்வுக்காக அளித்திருந்தார். உடை மற் றும் அவரது உடல் ஆகியவற்றி லிருந்து 38 மாதிரிகள் சேக ரிக்கப்பட்டன. ஆனால்இந்த ஆய்வு முடிவு இதுவரை அதிகாரப்பூர்வமாக வெளி யிடப்படவில்லை.இந்நிலையில் இங்கிலாந்தில் இருந்து வெளிவரும் லேன்சிட் என்ற மருத்துவ வாரஇதழ் யாசர்அரபாத் மாதிரிகளை பரிசோதித்த நிபுணர்களை சந்தித்து பேட்டி கண்டுள்ளது.
அதில் கதிரியக்க விஞ்ஞானிகள் யாசர் அரபாத் உடையில் பொலோனியம்210 என்ற கதிரியக்க படிமம் இருப்பதை உறுதி செய்துள்ளனர் எனதெரிவித்துள்ளனர் இந்தகொடிய விஷத்தன்மையுள்ள கதிரியக்கம் உடலில் சென்றுகுமட்டல், வாந்தி, சோர்வு,வயிற்றுபோக்கு, கல்லீரல்செயலிழப்பு, சிறுநீரகம் செயலிழப்பு உள்ளிட்ட பாதிப்புக் களை உடனடியாக உருவாக் கும் என தெரிவித்துள்ளனர். 
இதன் மூலம் யாசர் அராபத் பிரான்சிஸில் இருந்த போது பொலோனியம் 210 என்ற கதிரியக்க விஷம் வைத்து கொல்லப்பட்டிருக்க லாம்எ ன்று  தெரியவருகிறது. 

----------------------------------------------------------------------------------------------------------------------------------

திங்கள், 14 அக்டோபர், 2013

உயிர் காக்க...


ஒரு பயிற்சி!

எங்கு வேண்டுமானாலும்,யாருக்கு வேண்டுமானாலும், எப்போது வேண்டுமானாலும் மாரடைப்பு வரலாம்.
ஒருவர் நெஞ்சு வலி என்று மார்பைப் பிடித்துக் கொண்டதுமே,  அதை வாயுக்கோளாறு என்று நினைத்துக் கொள்கிறோம். வாயுக்கோளாறுக்கு நமக்குத் தெரிந்த மருத்துவத்தைச் சொல்கிறோம். செய்கிறோம்.
மாரடைப்பின் காரணமாக நெஞ்சு வலி ஏற்பட்டிருந்தால், உடனே மருத்துவமனைக்குச் செல்ல வேண்டும். தாமதிக்கும் ஒவ்வொரு நிமிடமும்  ஆபத்தாகிவிடும்.'
முதலில் எல்லாம் வயதானவர்களுக்குத்தான் மாரடைப்பு வந்தது. இப்போது சிறுவர்களுக்கே மாரடைப்பு வந்துவிடுகிறது. இதற்குப் பல்வேறு காரணங்கள் இருக்கின்றன.
நெஞ்சு வலி வந்தால் உடனே மருத்துவமனைக்கு அழைத்துச் செல்ல வேண்டும். அங்கு தேவையான பரிசோதனைகள் செய்வார்கள். வாயுக்கோளாறா,
 அசிடிட்டியா?
 மாரடைப்பா?
 எதனால் நெஞ்சு வலி என்பது உடற் பரிசோதனைக்குப் பிறகுதான் தெரிய வரும். அதற்குப் பின்பு உரிய மருத்துவம் செய்வார்கள்.
ஆனால் நாம் என்ன செய்கிறோம்? 
நெஞ்சு வலி வந்தவருக்கு குடிக்கத் தண்ணீர் கொடுக்கிறோம். வாயுக் கோளாறு என்று நினைத்துக் கொண்டு சோடா கொடுக்கிறோம். மார்பில் தைலங்களைத் தடவி மசாஜ் செய்கிறோம்.
மாரடைப்பின் காரணமாக நெஞ்சு வலி வந்திருந்தால், இப்படியெல்லாம் செய்வது ஆபத்தில் முடிந்துவிடும். இரத்த ஓட்டம் தடைபட்டு இரத்தம் அங்கங்கே நின்றுவிடும்.
எனவே மாரடைப்பு ஏற்பட்டவரை அருகில் இருப்பவர்கள் உடனே மருத்துவமனைக்குக் கொண்டு செல்ல வேண்டும்.
ஆம்புலன்ஸோ, வேறு வாகனங்களோ வருவதற்காகத் தாமதிக்கும் ஒவ்வொரு நொடியும் உயிருக்கே ஆபத்தைக் கொண்டு வந்துவிடும் என்பதால், விரைந்து செயல்பட வேண்டும்.
முதலில், மாரடைப்பு வருவதற்கான காரணங்களைத் தெரிந்து வைத்திருப்பது நல்லது.
மாரடைப்பு பரம்பரையாக வர வாய்ப்புண்டு.  சர்க்கரை வியாதி உள்ளவர்களுக்கு மாரடைப்பு வரும். 
அதிக ரத்த அழுத்தம் உள்ளவர்களுக்கும் மாரடைப்பு வரும்.
 இப்படி உள்ளவர்கள் நெஞ்சு வலி என்று சொன்னால் மாரடைப்பு வர அவர்களுக்கு அதிக வாய்ப்புண்டு என்று தெரிந்து அருகில் உள்ளவர்கள் உஷாராகிவிட வேண்டும்.
ஒருவருக்கு உள்ள அறிகுறிகளை வைத்தும் மாரடைப்பா?
suran
 இல்லையா?
 என்பதையும் தெரிந்து கொள்ளலாம். 
மாரடைப்பு ஏற்பட்டால் அதிகமாக வியர்க்கும். வாந்தி வரும். இதயத் துடிப்பு அதிகரிக்கும். படபடப்பு ஏற்படும். இடது தோள், இடது கைகளில் வலிக்கும். மூச்சுத் திணறல் ஏற்படும். சிலர் மயங்கி விழுந்துவிடுவார்கள்.
எனவே நெஞ்சு வலி என்று சொன்ன ஒருவரை  உட்கார வைக்கக் கூடாது. 
நேராகப் படுக்க வைக்க வேண்டும். 
தலையை மட்டும் ஒரு பக்கம் திருப்பி வைக்க வேண்டும்.
 ஏனென்றால் தலை நேராக இருந்தால் வாந்தி வரும்போது அது திரும்பவும் வாய்க்குள்ளே போய் மூச்சுக் குழாயை அடைத்துக் கொள்ளும் அபாயம் உண்டு. 
மாரடைப்பு ஏற்பட்டு மயங்கி விழுந்த ஒருவர்  நினைவுடன் இருக்கிறாரா? இல்லையா
? என்பதைத் தெரிந்து கொள்ள அவருடைய பெயரைச் சொல்லிக் கூப்பிட வேண்டும்.
 அதற்கு அவரிடம் இருந்து எந்த எதிர்வினையும் இல்லை என்றால் அடுத்து அவர் மூச்சு விடுகிறாரா? என்று பார்க்க வேண்டும். பிறகு கழுத்தருகே கை விரலை வைத்து அவருக்கு நாடித்துடிப்பு இருக்கிறதா? என்று பார்க்க வேண்டும்.
ஒருவேளை நாடித்துடிப்பு இல்லையென்றால், அவருடைய நெஞ்சில் கை வைத்து, செங்குத்தாக அழுத்துவதற்குத் தேவையான நிலையில் அவர் அருகே மண்டியிட்டு அமர வேண்டும்.
நடு நெஞ்சில் ஒரு கையை வைத்து, அதற்கு மேல் இன்னொரு கையை வைத்து அழுத்த வேண்டும். இவ்வாறு முப்பது தடவைகள் அழுத்த வேண்டும்.
அதற்குப் பிறகு, அவர் தலையைத் திருப்பி, அவருடைய வாயில் வாயை வைத்து மூச்சுக் காற்றை  அவருடைய  வாய்க்குள் இரண்டு முறை விட வேண்டும்.
suran
மாரடைப்பு வந்தவர் மூச்சுவிடுகிறாரா? என்று பார்க்க வேண்டும். 
மூச்சு விடவில்லை என்றால் மீண்டும் முப்பது தடவை கைகளை வைத்து அழுத்தி, இரண்டு முறை அவருடைய வாய்க்குள் மூச்சுக் காற்றை விட வேண்டும்.
ஆம்புலன்ஸ் வரும் வரை இந்த முதல்  உதவியைச் செய்ய வேண்டும். இந்த முதல் உதவியினால் மாரடைப்பு வந்தவரின் தடைபட்ட சுவாசம் சீர்படும்.
 ரத்தம் ஓட்டம் நடைபெறும். உயிருக்கு ஆபத்தான நிலையில் இருந்து அவரை மீட்பதற்கு இந்த முதல் உதவி உதவும்.
இந்த இதய இயக்க மீட்பு உதவி யை ஆங்கிலத்தில்
"Cardiopulmonary Resuscitation (CPR)' என்பார்கள்.
---------------------------------------------------------------------------------------------------------------------------------

ஆண்ட்ராய்ட் போன் வைரஸ் 





ஆண்ட்ராய்ட் சிஸ்டத்தினைத் தங்கள் மொபைல் போன் மற்றும் டேப்ளட் பிசிக்களில் பயன்படுத்துவோர், அதிக ஜாக்கிரதையுடன் இயங்க வேண்டும் என Computer Emergency Response TeamIndia (CeRTIn) கேட்டுக் கொண்டுள்ளது.
 இந்திய வெளியில், இந்த வைரஸ் மிகவும் செயல் துடிப்போடு காணப்படுகிறது.
இது ஆண்ட்ராய்ட் பதிப்பு 4.2.2 (ஜெல்லிபீன்) முந்தையை ஆண்ட்ராய்ட் சிஸ்டம் பயன்படுத்தும் சாதனங்களைப் பாதிக்கிறது. 
இந்த வைரஸ், தான் புகுந்த சாதனங்களில் உள்ள எஸ்.எம்.எஸ். மற்றும் தனி நபர் தகவல்களைத் திருடி அனுப்புகிறது.
 இதற்குக் காரணம் ஆண்ட்ராய்ட் சிஸ்டத்தில் காணப்படும் சரியற்ற குறியீட்டு வழுவே ஆகும். இதனைப் பயன்படுத்தியே, இந்த வைரஸ் பரவுகிறது. இவை இந்த சாதனங்களில், பல அப்ளிகேஷன்களில், கெடுதல் விளைவிக்கும் குறியீடுகளைப் புகுத்துகின்றன.
 இதனால், அந்த அப்ளிகேஷன்களின், ஒரிஜினல் குறியீடுகள் பாதிக்கப்படுவதில்லை. பயனாளர், தான் பயன்படுத்துவது, ஒரிஜினல் அப்ளிகேஷன் என்ற எண்ணத்திலேயே தொடர்ந்து பயன்படுத்துகையில், கெடுதல் ஏற்படுத்தும் குறியீடுகளின் அடிப்படையில் தகவல்கள் திருடப்படுகின்றன. 
இமெயில் முகவரிகள், மொபைல் போனின் தனி அடையாள எண்கள், அனுப்பப்பட்ட மற்றும் பெறப்பட்ட செய்திகள் ஆகியன திருடப்பட்டு அனுப்பப்படுகின்றன.
இந்த வைரஸ் மூலம், அப்ளிகேஷன் ஒன்றில் உள்ள பைல்களின் அதே பெயரில், புதிய பைல்களைப் பதிக்கிறது. இதனால், எந்த சோதனைக்கும், முதலில் உள்ள ஒரிஜினல் பைல் உள்ளாகிறது. ஆனால், பின்னர் செயல்பாட்டில், திருட்டு பைல் இயங்கி, சேதத்தினை விளைவிக்கிறது.

அது மட்டுமின்றி, போனைப் பயன்படுத்துபவருக்குத் தெரியாமலேயே, அந்த போனிலிருந்து இந்த வைரஸ் அழைப்புகளையும், தனிச் செய்திகளையும் அனுப்புகிறது. இதற்கு எதிராக என்ன பாதுகாப்பு நடவடிக்கைகளை எடுக்க வேண்டும் என, சைபர் கிரைம் பிரிவு காவல்துறை அறிவுறுத்தியுள்ளது. அப்ளிகேஷன் ஒன்றை இன்ஸ்டால் செய்வதற்கு முன்னால், அதற்குத் தேவையான அனுமதியைச் சோதனை செய்திடவும். 
நம்பிக்கை யற்ற இணைய தளங்களுக்கான லிங்க்கினை, கிளிக் செய்திட வேண்டாம். மொபைல் ஆண்ட்டி வைரஸ் ஒன்றின் மூலம், போன் முழுவதனையும் சோதனை செய்திடவும். நம்பிக்கையற்ற தளங்களிலிருந்து எதனையும் டவுண்லோட் செய்திட வேண்டாம். 
முழுமையாக நம்பிக்கையான தளங்கள் என்று தெரிந்த பின்னரே, எந்த புரோகிராமினையும் டவுண்ட்லோட் செய்து பயன்படுத்துங்கள். 
கூகுள் பிளே ஸ்டோர் போன்ற தளங்கள் தரும் அப்ளிகேஷன்களையே பயன்படுத்தவும்.
நன்றி:தினமலர் 
------------------------------------------------------------------------------------------------------------------------------------
வாழ்நாள்சாதனையாளர்"  கமல்ஹாசன்"      

மும்பையில் நடைபெற உள்ள  சர்வதேசத் திரைப்படவிழாவின் போது நடிகர் கமல்ஹாசனுக்கு வாழ்நாள்சாதனையாளர் விருது வழங்கப்படும் என்று அறிவிக்கப்பட்டுள்ளது.

இதுவரை, ஓய்வுபெற்ற நடிகர்களுக்கு மட்டுமே வழங்கப்பட்டுவந்த இந்த விருது தற்போது திரைக்களத்தில் இயங்கிக் கொண்டிருக்கும் கமல்ஹாசனுக்கு வழங்கப்படுவது பற்றி செய்தியாளர்களிடம் கமல்ஹாசன் பேசுகையில், "

"இந்த விருதுக்கு நான் தகுதியானவனா என்பது தெரியாது" என்று கூறினார். தொடர்ந்து,"இந்த விருதுக்கு என்னைப் பரிந்துரை செய்ததற்காக மகிழ்ச்சி அடைகிறேன்.
இது எனக்கு உற்சாகத்தை ஏற்படுத்தும். இன்னும் உழைக்க வேண்டும் என்ற எண்ணத்தைத் தூண்டி விடுவதாகவும் இருக்கும். ஆயினும் வயதான நடிகர்களுக்கு கொடுக்கும் இந்த விருதை வயது குறைந்த கமலஹாசனுக்கு கொடுக்கலாமா என்று பேசுபவர்களுக்கு நான் ஒரு விஷயத்தை சொல்லிக் கொள்ள விரும்புகிறேன்.
நீங்கள் கொஞ்சம் பொறுத்து இருங்கள் இந்த விருதை வேண்டாம் என்று மறுக்கவும் வேறு வயதான நடிகர்களுக்கு கொடுங்கள் என்று பரிந்துரை செய்யவும் நான் யோசித்துக் கொண்டு இருக்கிறேன்" என்றும் கமல் கூறினார். 
இனி அதிக இந்திப் படங்களில் நடிக்க இருப்பதாகவும் அவர் தெரிவித்தார்.
suran
கமல்ஹாசன் வயதான நடிகர்களை விட அதிக நாட்கள் தனது திரையுலக வாழ்வை கடந்துள்ளார்.

52ஆண்டுகள்.அதுவே அவரை வாழ் நாள் சாதனையாளராக்க போதுமானது என மும்பை திரையுலகினர் தெரிவித்தனர்.

சென்னை திரையுலக 100ஆண்டுகள் ஜெயா அரசு விழாவில் கடைசி வரிசைக்கு தள்ளப்பட்ட கமல்ஹாஸனுக்கு இந்திய திரையுலக மும்பை மய்யம் சரியான மரியாதையை செய்கிறது.

அதை புறந்தள்ளாமல்கமல்ஹாசன் ஏ ற் று க் கொள்வதுதான் முறை.

அதுதான் சென்னை அதிமுக கட்சி திரையுலக கூ லிகள் நடத் திய அம்மா புகழ் பாடும்100 ஆண் டுகள் விழா அவ மானத்துக்கு தரும் பதிலடியாக இருக்கும்.
 -----------------------------------------------------------------------------------------------------------------------------------
suran

ஞாயிறு, 13 அக்டோபர், 2013

ராதிகா சரத் குமாரால் சிக்கலில் சூர்யா?


suran

மாடர்ன் தியேட்டர்ஸ் சுந்தரம்  இலவசமாக கொடுத்த நிலத்தில் பிரம்மாண்டமான கட்டிடத்தில் தென்னிந்திய திரைப்பட வர்த்தக சபை இயங்கி வருகிறது. 
இந்த வளாகத்தை கட்ட அனுமதி தந்து அடிக்கல் நாட்டியவர் அன்றைய முதல்வர் டாக்டர் கலைஞர். 
இந்த பிரம்மாண்டமான கட்டிடத்தின் ஒரு பகுதியில் சிறு திரை அரங்கம்  இருந்தது. 
தற்பொது அது இடிக்கப்பட்டு அங்கே கட்டிடம் கட்டப்பட்டு வருகிறது. அதற்குள் ஒரு  திரையரங்கம் அமைக்கப்படுகிறது. 
 இதைநவீனமாக  டிஜிட்டல்,குளுகுளு வசதியோடு வடிவமைத்து இருக்கிறார்கள். வர்த்தக சபை தொடர்பான விழாக்கள், திரைப்பட தயாரிப்பாளர்கள் சம்பந்தப்பட்ட நிகழ்ச்சிகள் எல்லாம் இதில் நடத்திக்கொள்ள முடியும்.
இத் திரையரங்கம்  கட்டுவதற்கு ஒரு கோடி ரூபாயை  வழங்கி இருக்கிறார் நடிகர் சூர்யா.சும்மா இல்லை இத் திரையரங்கத்திற்கு 
நடிகர் சூர்யாவின் தாயார் லட்சுமி அம்மாளின் பெயரை சூட்டவும் வர்த்தக சபை நிர்வாகம் சம்மதம் தெரிவித்துள்ளதால்தான் .
suran
அதில் ஒன்றும் இப்போது செய்தி இல்லை.இந்த சூர்யாவின் கனவு ராதிகா வால்  கழிந்து விடும் போல் இருக்கிறது. 
காரணம் .தென்னிந்திய திரைப்பட வர்த்தக சபை நடத்திய ""சினிமா -100'' கலை நிகழ்ச்சிகள் அனைத்தையும் பதிவு செய்து தொலைக்காட்சிகளில் ஒளிபரப்பும் உரிமையை நடிகை ராதிகாவின் " ராடன் ' நிறுவனத்துக்கு 22 கோடி ரூபாய்க்கு மற்றவர்களுக்கு தெரியாமல் ரகசியமாக  கொடுத்து ஒப்பந்தத்தில் கையெழுத்தும் போட்டுள்ளது  வர்த்தக சபை நிர்வாகம், 
இந்த செய்தி  வெளியே கசிந்து, இதை டெண்டருக்கு விடாமல் தனிப்பட்ட ஒருவருக்கு எப்படிக் கொடுக்கலாம் என்ற கேள்வியை எழுப்பியதும் இந்த ஒப்பந்தத்தின் பின்னணியில் நடிகர் சரத் குமார் அவர் மச்சான் ராதாரவி இருப்பது தெரிய வந்துள்ளது.ஆனால் எதிர்ப்பு அதிகமாக வர  ஒப்பந்தத்தையே ரத்து செய்துவிட்டது வர்த்தக சபை .
 ராதிகா  கொடுத்த முன் பணமும்  திருப்பித் தந்துவிட்டதாகவும் சொல்கிறார்கள். 
suran
 இந்த திரை அரங்கத்தை கட்டுவதற்கும் வெளியெ தெரியாமல்  தனிப்பட்ட முறையில் நடிகர் சூர்யாவிடம் இருந்து ஒரு கோடி ரூபாயை வர்த்தக சபை நிர்வாகம் வாங்கியது எப்படி?
 என்ன நியாயம்?
 இப்படியோர் திட்டம் இருப்பின் அதை முறையாக வெளிப்படுத்தியிருந்தால் "நீ -நான்' என்று போட்டி போட்டுக்கொண்டு பல கோடி தருவதற்கு எத்தனையோ பேர் முன் வருவார்களே? என்ற பிரச்னை சரத் குமார் கும்பலால் உருவாக்கப்பட்டுள்ளதாம்.
 தந்தை சிவகுமாரின் ஆலோசனையைக் கேட்டுஅம்மா லட்சுமி பெயரில் தியேட்டர் கட்ட ஒரு கோடி ரூபாயை அள்ளிக் கொடுத்து விட்டு முழிக்கும்  நடிகர் சூர்யாவின் கனவு நிறைவேறுமா?
சினிமா -100  விழா நடத்துவதற்கு சரத் குமார் ,ராதாரவி  பேச்சைக்கேட்டு முதல்வர் ஜெயலலிதா பாராட்டு விழாவாக நடத்தியதை  தொடர்ந்து திரை உலகித்தினராலும் ,ரசிகர்கள் மத்தியிலும் கடும் எதிர்ப்புகளை சந்தித்து வரும் தென்னிந்திய திரைப்பட வர்த்தக சபைஎன்ன  போகிறது? 
----------------------------------------------------------------------------------------------------------------------------------

சிறு நீரகக் கற்கள் தொல்லை.?

சிறுநீரகக் கற்களால் பாதிக்கப்பட்டோரின் எண்ணிக்கை நாளுக்கு நாள் அதிகரித்து கொண்டே வருகின்றது எனலாம்.
சிறுநீரகத்தில் கல் உள்ளவர்களுக்கு தாங்க முடியாத அளவிற்கு வயிற்று வலி ஏற்படும். நாளடைவில் சிறுநீர் பாதையில் தடையை உண்டாக்குகிறது. சில உணவுப் பொருட்களை தவிர்ப்பதன் மூலம் சிறுநீரக கல் வராமல் தடுக்கலாம். இதற்குமுக்கிய காரணம் தண்ணீர் அதிகளவு எடுத்துக் கொள்ளாததே.
suran
பால், தயிர். மோர் போன்றவற்றைச் சேர்த்துக் கொள்ளாவிட்டால் உடலில் கால்சியம் பற்றாக்குறை ஏற்படும். கால்சியத்தின் தேவை காரணமாக, குடல் அதிக அளவில் ஆக்ஸலேட்டை ஈர்த்துக் கொள்ளும். இவ்வாறு ஈர்க்கப்பட்ட ஆக்ஸலேட் ரத்தத்தில் கலந்து சிறுநீரகத்தில் கற்களை ஏற்படுத்திவிடும்.
வருடக்கணக்கில் சிறுநீரகங்களின் உள்ளமைப்புக் கூறுகள் சேதமடைதல், சர்க்கரை நோய் மற்றும் உயர் இரத்த அழுத்தம் நாள்பட்ட சிறுநீரக செயலிழப்பினால் உடலில் திரவம் மற்றும் தேவையற்ற வீணான பொருட்கள் சேர்ந்து இவை இரத்தத்திலும்  அதிகரிப்பதினால் கற்கள் ஏற்படுத்துகின்றது.
அசோடிமியா என்பது எந்த அறிகுறியும் இன்றி இரத்தத்தில் யூமிரியா போன்ற நைட்ரஐன் பொருட்கள் அதிகரிப்பதாகும். யூமிரியா என்பது சிறுநீரகங்கள் செயல் இழப்பதினால் ஏற்படக்கூடிய ஆரோக்கிய குறைவு ஆகும்.
அதிக அளவு வெப்பத்தால் உடலில் அதிகம் வியர்க்கிறது. வெளியேறும் வியர்வைக்கு ஏற்ற அளவில் தண்ணீர் குடிக்காவிட்டால், சிறுநீரகக் கற்கள் உருவாகிவிடுகின்றன. நம் உட்கொள்ளும் உணவு முறைகளில் இப்போது பல மாற்றங்கள் ஏற்பட்டுவிட்டது. புரச்சத்து, நீர்சத்து அதிகமுள்ள காய்கறிகளைத் தேவையான அளவு உட்கொள்வதில்லை. இவை சீறுநீரகக் கற்கள் உருவாகக் முக்கிய காரணம்.
suran
சிறுநீர் குழாயில் கீழ்ப்பகுதியில் காணப்படும் 4 மி.மீ. அளவை விட சிறிய கற்களில் 90 சதவீதம் தானாக வெளியேறி விடுகின்றன. அளவு 6 மி.மீ.க்கு மேல் இருந்தால் 20 சதவீதம் மட்டுமே தானாக வெளியேறும். நோயாளிகள் தாராளமாக தண்ணீர் குடிப்பதன் மூலம் சிறுநீர் வெளியேறி, அதன் மூலம் கற்களும் வெளியேறி விடும். வாழைத்தண்டு அல்லது மாற்று மருந்துகள் சிறுநீர் பெருக்கியாக செயல்படுகின்றன. வலி மிகுதியாக இருப்பின் டாக்டரின் ஆலோசனைப்படி வலி நிவாரணிகள் எடுத்துக் கொள்ளலாம். 

பெரிய கற்கள் சிறுநீர்ப்பாதையில் அடைப்பு ஏற்படுத்தும் போது அறுவை சிகிச்சை தேவைப்படும். தொற்று ஏற்பட்டு சிறுநீரகம் பெருமளவு பாதிக்கப்பட்டிருந்தால் சிறுநீரக நீக்கம் தேவைப்படும். பகுதியளவு பாதிக்கப்பட்டிருந்தால் பகுதி நீக்கம் செய்ய வேண்டும். 
சிறுநீர்ப்பாதையில் அடைப்பு இல்லாதவர்களுக்கு லேப்ராஸ்கோபி முறையில் கற்கள் மட்டும் பொடியாக்கப்பட்டு சிறுநீரில் வெளியேற்றப்படும். இந்த கற்களை பரிசோதித்து தேவையான தடுப்பு நடவடிக்கைகளை மேற்கொள்ளலாம். 


பார்லியை நன்கு வேக வைத்து நிறைய தண்ணீரோடு குடித்து வந்தால் அதிக சிறுநீர் வெளியேறி சிறுநீரகத்தில் உப்பு சேர்வது தடுக்கப்படும். வாரத்தில் ஒருமுறை இதை செய்யலாம்.

வெயில் காலத்தில் தினமும் ஒரு இளநீரும், மற்ற காலங்களில் வாரத்திற்கு 2 முறையாவது குடிப்பது நலம்.

அகத்தி கீரையுடன் உப்பு, சீரகம் சேர்த்து வேகவைத்து, அந்த நீரை அருந்தலாம்.

முள்ளங்கி சாறு 30 மிலி அளவு குடித்து வந்தால் சிறுநீரக கோளாறு நீங்கும். சிறுநீர் நன்றாக பிரியும்.

வெள்ளரிப்பிஞ்சு, நீராகாரம் சிறுநீரக பிரச்னைகளுக்கு அருமருந்து.

புதினாக் கீரையை தொடர்ச்சியாக சாப்பிட்டு வந்தால் சிறுநீரகங்கள் பலப்படும்.

பரங்கிக்காய் சிறுநீர் பெருக்கி. அதை அடிக்கடி உணவில் சேர்த்துக் கொள்ளலாம்.  
சித்த மருந்து :நெருஞ்சில் குடி நீர் ,கல்நார் பஸ்பம்.
ஆயுர் வேதம்:வருணாதி கசாயம் ,சிலாசித் பஸ்பம்.
ஓமியோபதி : பெல்பரிஸ் வல்காரிஸ் ,சிலிசியா .
யுனானி:      ஹயருள் யூத் பஸ்மம்.
மேற்கண்ட மருந்துக்களை மருத்துவர் அறிவுரையின் படி உட் கொண்டால் கற்களை கரைத்து நலமாக இருக்கலாம்.அறுவை சிகிச்சை தேவை இல்லை.  
------------------------------------------------------------------------------------------------------------

காங்கிரசு தேர்தல் செலவறிக்கை !
கடந்தமக்களவைத்   தேர்தலில், தன் வேட்பாளர்களை வெற்றி பெறச் செய்ய, காங்கிரஸ் கட்சி எவ்வளவு பணத்தை செலவழித்தது என்ற விவரம் தெரிய வந்துள்ளது. 
அதில் மற்ற காங்கிரசு வேட்பாளர்கள் தங்கள் கைக்காசை செலவிட்டுள்ள நிலையில்  அக்கட்சியின் தலைவர் சோனியாவும், அவர் மகனும், துணைத் தலைவருமான, ராகுலும் தங்கள் சொந்தப் பணம், ஒரு பைசா கூட செலவழிக்கவில்லை என்ற தகவலும் தெரிய வந்துள்ளது.
suran
இந்தியாவில்  பணக்கார கட்சியாக காங்கிரசு உள்ளது.. நம்மை அடிமைபடுத்தியிருந்த, வெள்ளைக்காரர்களை விரட்ட, வெள்ளைக்காரர், ஆலன் ஆக்டோவியன் ஹியூம் என்பவரால், 1888ம் ஆண்டு துவக்கப்பட்ட இ ந்தக் கட்சிக்கு, நாட்டின் பல நகரங்களில், பிரமாண்ட கட்டடங்களும், வணிக வளாகங்களும் என, பல ஆயிரம் கோடி ரூபாய் மதிப்புள்ள சொத்துகள் உள்ளன. அது போக ரொக்கமாகவே பல ஆயிரம் கோடிகளை கை இருப்பாக வைத் து ள்ளது அந்தக் கட்சி. 
அக்கட்சியின் தலைவராக இருக்கும், சோனியா, துணைத் தலைவராக இருக்கும், அவர் மகன், ராகுல் ஆகியோருக்கும், ஏராளமான சொத்துகள் உள்ளன.
 முன்னாள் பிரதமர், இந்திரா குடும்பத்தை சேர்ந்த இவர்களுக்கு சொந்தமான கட்டடங்கள், சொத்துகள், ரொக்கம் ஏராளமாக இருந்த போதிலும், அவர்கள், கடந்த  தேர்தலில், தங்கள் சொந்தப் பணத்திலிருந்து, ஒரு பைசா கூட செலவழிக்கவில்லை.

காங்கிரஸ் பொருளாளர், மோதிலால் வோரா, தேர்தல் கமிஷனுக்கு அனுப்பியுள்ள புள்ளிவிவரத்தில், இந்தத் தகவல் தெரிய வந்துள்ளது. காங்கிரஸ் சார்பில், 2009 லோக்சபா தேர்தலில் எவ்வளவு செலவு செய்யப்பட்டது என்பது குறித்து, மோதிலால் வோரா அனுப்பியுள்ள விவரத்தில், கடந்த லோக்சபா தேர்தலில், காங்கிரஸ், 380 கோடி ரூபாயை, பலவிதங்களாக செலவிட்டுள்ளது.லோக்சபா தொகுதிகளில் போட்டியிட்ட அக்கட்சியின் வேட்பாளர்கள் ஒவ்வொருவருக்கும், கட்சி சார்பில், தேர்தல் நிதி வழங்கப்பட்டுள்ளது.
 அது, மாநிலத்திற்கு மாநிலம் மாறுபடுகிறது. 
பெரிய மாநிலமான, உத்தர பிரதேசத்திற்கு, அதிகபட்சமாக, 25 லட்ச ரூபாய், அம்மாநிலத்தின் ஒவ்வொரு லோக்சபா தொகுதி, காங்கிரஸ் வேட்பாளருக்கும் வழங்கப்பட்டுள்ளது.

அந்த வகையில், ரே பரேலி லோக்சபா தொகுதியில் போட்டியிட்ட, காங்கிரஸ் தலைவர் சோனியாவுக்கும், அமேதி தொகுதியில் போட்டியிட்ட, அவர் மகன் ராகுலுக்கும் தலா, 25 லட்ச ரூபாய் வழங்கப்பட்டுள்ளது. அந்தத் தொகையை மட்டுமே அவர்கள் பயன்படுத்தி, தேர்தல் பிரசாரத்தில் ஈடுபட்டுள்ளனர். 
வேறு ஒரு பைசா கூட, தங்கள் சொந்தப் பணத்தை அவர்கள் செலவழிக்கவில்லை என்று காங்கிரசு அறிக்கை சொல்லுகிறது.
. தேர்தல் செலவுகள் அதிகரித்துள்ளதால், இப்போது, உ.பி.,க்கு, 40 லட்ச ரூபாய், ஒரு தொகுதிக்கு ஒதுக்கப்படுகிறது.
suran
ஜனாதிபதியாக இருக்கும், பிரணாப் முகர்ஜி, மேற்கு வங்கத்தின் ஜாங்கிபுர் லோக்சபா தொகுதியில் போட்டியிட, 15 லட்ச ரூபாய் பெற்றுள்ளார். அதற்கு மேல் அவர், தன் சொந்தப் பணத்தை செலவழித்தாரா என்பது குறித்து, தெளிவாக தெரிவிக்கப்படவில்லை.

பிற வேட்பாளர்களுக்கு, சராசரியாக, பத்து லட்ச ரூபாயை, காங்கிரஸ் கட்சி, தேர்தல் நிதியாக வழங்கியுள்ளது. 
ஒவ்வொரு வேட்பாளரும், அதிகபட்சம், 25 லட்ச ரூபாய் மட்டுமே தேர்தல் செலவாக செலவழிக்க முடியும் என, தேர்தல் கமிஷன் கட்டுப்பாடு விதித்துள்ளது குறிப்பிடத்தக்கது.குட்டி மாநிலங்கள் மற்றும் யூனியன் பிரதேசங்களைச் சேர்ந்த, லோக்சபா காங்கிரஸ் வேட்பாளர்கள், ஐந்து லட்ச ரூபாய், கட்சியிடம் இருந்து, தேர்தல் நிதியாக பெற்றுள்ளனர். 
எனினும், ஆந்திராவை சேர்ந்த வேட்பாளர்கள், 4.5 லட்ச ரூபாய் தான் பெற்றுள்ளனர். இந்த வகையில், வேட்பாளர்களுக்கு, காங்கிரஸ் கட்சி, 36.91 கோடி ரூபாய் கொடுத்துள்ளது. 2009 லோக்சபா தேர்தலில், மொத்தம், 380.04 கோடி ரூபாயை அந்தக் கட்சி செலவழித்துள்ளது. நன்கொடையாக, 313.74 கோடி ரூபாய் வசூலித்துள்ளது.

சோனியாவும், ராகுலும், கட்சி பணத்தை மட்டுமே செலவழித்து, தேர்தலில் போட்டியிட்டு வெற்றி பெற்றுள்ள நிலையில், மத்திய சட்ட அமைச்சர், கபில் சிபல், கட்சியிடமிருந்து, ஒரு பைசா கூட வாங்காமல், டில்லியின், சாந்தினி சவுக் லோக்சபா தொகுதியில் போட்டியிட்டு, வெற்றி பெற்றுள்ளார். அவரைப் போல், டில்லி முதல்வர், ஷீலா தீட்சித்தின் மகன், சந்தீப் தீட்சித், கிழக்கு டில்லி லோக்சபா தொகுதியில், காங்கிரஸ் சார்பில் போட்டியிட்டு, வெற்றி பெற்றார். அவரும், ஒரு பைசா கூட, கட்சிப் பணத்தை பெறவில்லை. 

தேர்தல் விளம்பரத்திற்காக, 207.88 கோடி ரூபாய் செலவழித்துள்ள காங்கிரஸ், 116.65 கோடி ரூபாயை, போக்குவரத்து செலவுக்காக செலவிட்டுள்ளது. சுவரொட்டி வகைகளுக்கு  21.33 கோடி ரூபாயை காங்கிரசு செலவிட்டுள்ளதாம். 
suran
இது தேர்தல் ஆணையத்துக்கு காங்கிரசு கட்சி கொடுத்த கணக்கு மட்டும்.உண்மையில் செலவிட்டது இதை விட அதிகமாகத்தான் இருக்கும் என்பது மக்களுக்கும் -ஆணையத்துக்கும் தெரியாததா என்ன?
----------------------------------------------------------------------------------------------------------------------------------