இன்றைய செய்தி,நாளைய வரலாறு. நாளைய வரலாறை படிப்போம்.

ஞாயிறு, 23 பிப்ரவரி, 2014

தொடரும் மின் வெட்டு காரணம் ?


suran

தமிழகத்திற்கு 12 ஆயிரம் மெகாவாட் மின்சாரம் தேவை.
 ஆனால்  உற்பத்தியாவதோ 8 ஆயிரம்  மெகாவாட் மின்சாரம்தான். 4 ஆயிரம் மெகாவாட்  மின்சாரத்தை சரிகட்ட தனியார், வெளிமாநிலங்களில்  இருந்து மின்சாரம் பெறப்பட்டு  வருகிறது. 
தமிழகத்தில் மொத்தம் 669 துணை மின்நிலையங்கள் உள் ளன. இதில் 400  கே.வி துணை மின்நிலையம் 14ம், 230 கே.வி துணை மின்நிலையம் 75ம், 110  கே.வி  துணை மின்நிலையம் 580ம் உள்ளன.  காற்றாலை, அனல்மின்நிலையம்,  நீர்மின்நிலையம், அணுமின்நிலையம் மூலம் தமிழகத்தில் மின்உற்பத்தி  செய்யப்பட்டு  வருகிறது. தமிழகத்தில் உள்ள வடசென்னை, எண்ணூர், மேட்டூர், தூத்துக்குடி, நெய்வேலி   அனல்மின்நிலையங்கள் 5710 மெகாவாட் மின் உற்பத்தி திறன் கொண்டவை.  கூடங்குளம், கல்பாக்கம்  அணுமின்நிலையம் மொத்தம் 1440 மெகாவாட் உற்பத்தி திறன்  கொண்டவை. 
மேட்டூர், அமராவதி,  நீலகிரி, காட்டேறி, குண்டா, மோயாறு, பாபநாசம்,  வைகை, முல்லைப்பெரியார், கோதையாறு ஆகிய  நீர்மின்நிலையங்கள் சுமார் 1693  மெகாவாட் உற்பத்தி திறன் கொண்டவை, குமரி, நெல்லை, தூத்துக்குடி,  கோவை,  திருப்பூர் மாவட்டங்களில் உள்ள காற்றாலைகளில் மொத்தம் சுமார் 4 ஆயிரம் மெகாவாட்  மின்  உற்பத்தி திறன் கொண்டவை. 

கடந்த திமுக ஆட்சியில் வெளிமாநிலத்தில் இருந்து தமிழகத்திற்கு 2400 மெகாவாட்  மின்சாரம் கொண்டு  வரப்பட்டது. 

அதனால் அப்போது 2 மணிநேரம் மட்டும் மின்வெட்டு இருந்தது . 
மேலும் மின்தடையை மு ழுவதுமாக நீக்கும் வழியில் பொன்னேரி, வல்லூர்,  மேட்டூர் பகுதியில் புதிய அனல் மின்நிலையங்கள்  தொடங்கப்பட்டன. 
அந்த அனல்  மின்நிலையங்கள் தற்போது மின்உற்பத்தியை தொடங்கியுள்ளது. 
மேலும்  காற்றாலை  மூலமும் மின்சாரம் கிடைத்து வருகிறது. இருப்பினும் மின்தடை தொடர்கிறது
ஆனால் அடுத்து வந்த அதிமுக ஆட்சியில்  எந்த  ஆக்கப்பூர்வமான திட்டமும் இல்லாததால் உற்பத்தி திறன்  குறைந்த அ ளவே ஆகிவருகிறது. மேலும் மக்களுக்காக அடுத்த மாநிலங்களில் இருந்து மின்சாரம் வாங்குவதையும் நிறுத்தி விட்டது.

இதனால்தான் மின்வெட்டு 12 மணி நேரம் ஏற்படுகிறது .
 மேலும் வருடம்தோறும்  6 லட்சம் முதல் 8 லட்சம் வரை  மின்நுகர்வோர்கள் புதிதாக இணைப்பு பெறுகின்றனர். இதனால் வருட த்திற்கு கண்டிப்பாக  400 மெகாவாட் மின்உற்பத்தி அதிகமாக உற்பத்தி செய்து ஆகவேண்டிய கட்டாயத் தில்  தமிழகம் உள்ளது. கடந்த 31.3.2012வரை தமிழகம் முழுவதிலும் வீடு, தொழிற்சாலை,  விவசாய  இலவச மின்சாரம் என மொத்தம் 2 கோடியே 31 லட்சத்து 79 ஆயிரத்து 576  இணைப்புகள் தமிழக த்தில் இருந்தன. 
தற்போது சுமார் 2 கோடியே 45 லட்சம்  இணைப்புகள் உள்ளதாக மின்சார வாரிய  வட்டாரங்கள் தெரிவித்துள்ளன. அதே நேரத்தில்  புதிய மின்நிலையங்களை தொடங்கும் தமிழக அரசு,  பழைய மின்நிலையங்களை  கண்டுகொள்வது இல்லை. 
suran
அந்த மின்நிலையத்திற்கு தேவையான  உதிரிபாகங்கள்,  உற்பத்தி செய்யப்படும் மூலதனங்களை தங்குதடையின்றி வழங்க வேண்டும் என   கோரிக்கை வைக்கப்பட்டுள்ளது. 

அனல் மின்நிலையங்கள், நீர்மின்நிலையங்களில் போதிய உதிரிபாகங்கள், பராமரிப்பு  இல்லாததால்  அவைகள் தங்கள் திறனுக்கு ஏற்றவகையில் மின்உற்பத்தியை செய்வது  இல்லை. தூத்துக்குடி அனல்  மின்நிலையத்தை எடுத்துக்கொண்டால் 1050 மெகாவாட்  மின்உற்பத்தி கொண்ட 5 யூனிட்கள் உள்ளன.  ஆனால் அவ்வப்போது இந்த யூனிட்கள்  பழுதாகி கொண்டே இருக்கிறது. இதனால் 1050 மெகாவாட்  மின்உற்பத்தியை தொடுவது  அரிதாக உள்ளது. இதுபோல் குமரி மாவட்டத்தில் உள்ள கோதையாறு நீர்மின்  நிலையத்தில் 2 யூனிட்கள் உள்ளன. இவை  மொத்தம் 100 மெகாவாட் மின்சாரம்  உற்பத்தி திறன் கொண்டவை. ஆனால் உதிரிபாகங்கள், மற்றும் பராமரிப்பு இல்லாததால்  60 மெகாவாட்டே மின்உற்பத்தி செய்கிறது.  மேலும் இங்கு வருடத்தில் சில மாதங்களே  மின்உற்பத்தி செய்யப்படுகிறது. பெரும்பாலான நேரத்தில் ப ழுதாகி முடங்கி கிடக்கிறது.  
இது குறித்து சிஐடியு மின் ஊழியர் மத்திய அமைப்பு மாநில பொதுச்செயலாளர்  சுப்பிரமணியன்  கூறியதாவது: தமிழகத்தில் ஆண்டுக்கு 6 லட்சம் முதல் 8 லட்சம் வரை  மின்நுகர்வோர் அதிகரித்து வ ருகின்றனர். வருடம் தோறும் மின்நுகர்வோருக்கு  தேவையாக 400 மெகாவாட் மின் உற்பத்தி பெருக்கி  ஆகவேண்டும். 

இல்லை என்றால் மின்பற்றாக்குறை ஏற்படும். கடந்த ஆண்டுகளில் மின் உற்பத்தி இல்  லாததால் தமிழகத்தில் மின்வெட்டு ஏற்பட்டது. கடந்த 2006ம் ஆண்டு சென்னை  பொன்னேரி, வல்லூர்,  மேட்டூர் ஆகிய இடங்களில் தொடங்கப்பட்ட  அனல்மின்நிலையங்கள் மற்றும் கூடங்குளம் அணுமின் நிலையம் ஆகியவை தற்போது  மின் உற்பத்தியை தொடங்கியுள்ளன. இதன் மூலம் தமிழகத்திற்கு சுமார் 570 மெகாவாட்  மின்சாரம் கிடைக்கிறது. தொடர்ந்து மற்ற பிளான்டு களிலும் மின்உற்பத்தியை  தொடங்கும் போது 2000 மெகாவாட் வரை மின்சாரம் கிடைக்கும். பிற  மாநிலங்களில்  உள்ள உபரி மின்சாரத்தை தமிழகத்திற்கு கொண்டு வரும் வகையில் தேசிய மின்  பாதையுடன், தென்னக மின்பாதையை இணைக்கப்பட்டுள்ளது. இதனால் ஒரிசா,  மகாராஷ்டிரா  மாநிலங்களில் இருந்து உபரி மின்சாரத்தை தமிழக அரசு வாங்குகிறது. 

suran
தற்போது மின்உற்பத்தியை தொடங்கியுள்ள 3 அனல்மின் நிலையம் அனைத்து  பிளான்டுகளிலும் மின் உற்பத்தியை தொடங்கும் பட்சத்தில் அடுத்த 2 வருடத்திற்கு  மின்தட்டுப்பாடு ஏற்படாது. மின்தட்டுப்பாடு கு றைந்து விட்டது என அரசு மெத்தனமாக  இருந்தால் 2 ஆண்டுகள் கடந்து தமிழகத்தில் பெரும் மின் வெட்டு உருவாகும் சூழ்நிலை  ஏற்படும். மின்நுகர்வோர் ஆண்டுக்கு ஆண்டு பெருகி வருவதால், மின் உற்பத்தியை அரசு  வேகப்படுத்தி நடைமுறைப்படுத்த வேண்டும். இவ்வாறு அவர் கூறினார்.
அரியானா மாநில முன்னாள் மின்வாரிய தலைவர் தேவசகாயம் கூறும்போது:-

"தமிழகத்தில் நடைமுறையில் உள்ள  மின்விநியோக முறை  தவறானது. இப்படி வழங்கி வந்தால்  மின்உற்பத்தியை கூட்டினாலும் மின்தடை  ஏற்படத்தான் செய்யும். விநியோக  முறையால்தான் மின்திருட்டு ஏற்படுகிறது. 
மின்வாரியத்தை எடுத் துக்கொண்டால்  உற்பத்தி, விநியோகம், நுகர்வோருக்கு கொண்டு சேர்த்தல், பராமரித்தல் என 4  வகைகள்  உள்ளது. இதில் எந்த அரசு வந்தாலும் உற்பத்தியை தான் மையமாக வைத்து செயல்படுகி  ன்றனர். 
இதில் அவர்களுக்கு கிடைக்கவேண்டியது கிடைக்கிறது. ஆனால் விநியோக  முறையை மாற்ற  வேண்டும். வீடுகளுக்கும், மருத்துவமனைகளுக்கும் 24 மணிநேரமும்  மின்சாரம் வழங்க வேண்டும்.  விவசாயத்தை எடுத்துக்கொண்டால், விவசாய  பயிர்களுக்கு ஏற்ற வகையில் மின்விநியோகம் வழங்க  வேண்டும். 

சிறுதொழில், தொழிற்சாலைகளுக்கு வேலை நேரத்தில் மட்டுமே மின்விநியோகம் செய்ய   வேண்டும். இப்படி தேவைக்கு ஏற்ற வகையில் மின்சாரம் வழங்கினாலே மின்பற்றாக்குறை  ஏற்படாது, தி ருட்டும் நடக்காது. தமிழகத்தை எடுத்துக்கொண்டால், 8 மண்டலங்கள்  உள்ளன. இந்த மண்டலத்தில் உள்ள தலைமை  பொறியாளர்கள் தனியாக செயல்பட  முழுஅதிகாரம் வழங்க வேண்டும்.

 அப்படி என்றால் விநியோக  முறைகள் மாற்றலாம்.  
எந்த அரசு வந்தாலும் மற்ற அரசை குறைகூறியே வருகின்றன. மக்களை  அவர்கள்  ஏமாற்றி வருகிறார்கள். 
மின்விநியோக முறையை மாற்றினால், மின் பற்றாக்குறையை   போக்கலாம் என்றார்.

suran
------------------------------------------------------------------------------------------------------------

தமிழ் இலக்கிய உலகில் 'ஜே.கே' என்று அழைக்கப்படும் 80 வயது எழுத்தாளர் ஜெயகாந்தன், கடந்த மூன்று மாத காலமாகவே நினைவாற்றலில் பாதிப்பால் அவதியுற்று வந்தார். 

மருத்துவமனையில் அவ்வப்போது சிகிச்சை பெற்று வந்த அவரது நிலைமை தற்போது மோசமடைந்துள்ளதாக உறவினர்கள் தெரிவித்தனர்.

ஜெயகாந்தன்
1950களில் தனது இலக்கிய வாழ்க்கையைத் தொடங்கிய ஜெயகாந்தன், மத்திய அரசின் இலக்கியத்துக்கான மிக உயரிதாகக் கருதப்படும் ஞான பீட விருதைப் பெற்றவர்.

அரசியல், இலக்கியம், சினிமா என பல்வேறு தளங்களில் இயங்கிய ஜெயகாந்தன், 

'சில நேரங்களில் சில மனிதர்கள்', 'ஒரு நடிகை நாடகம் பார்க்கிறாள்' முதலான பல படைப்புகளால் கவனத்தை ஈர்த்தவர்.

தனது தைரியமான எழுத்துகளால் சமூகத்தைப் பிரதிபலித்த எழுத்தாளராகப் போற்றப்பட்ட இவர், 

இளம் எழுத்தாளர் பலருக்கும் எழுத்துலகில் பெரும் தாக்கத்தை ஏற்படுத்தியவர் என்பது குறிப்பிடத்தக்கது.
-------------------------------------------------------------------------------------------------------------------------------------------------------------------
suran
                   வாக்கிங் போகக் கூட கூட்டனிக்கு வர மாட்டேங்கிறாங்களே?

இது நம்ம நாட்டு வைத்தியம்!

தினமும் குளிப்பதற்கு அரை மணி நேரத்திற்கு முன் முகத்தில் தேங்காய் எண்ணெய் தடவி வர, சருமம் தங்கம் போல் மின்னும். 
பாசிப்பயிறு மாவை  வெந்நீர் விட்டுக் களியாகக் கிளறி மார்பில் பற்றிட பால்கட்டு பிரச்னை சரியாகும். 
suransukumaran

கிராம்பு, கற்பூரம், ஓமம் ஆகியவற்றை ஒரு சிட்டிகை வீதம் எடுத்து  பொடி செய்து வீக்கம் உள்ள ஈறுகளில் சிறிது நேரம் வைத்து வாய் கொப்பளிக்க, ஈறு வீக்கம் குறையும். 
அருகம்புல்லையும் மஞ்சளையும் சேர்த்து  அரைத்து படர்தாமரையில் பூச, நல்ல நிவாரணம் கிடைக்கும். 
உலர்ந்த ரோஜா இதழ்களுடன் பன்னீரையும் சந்தனத்தையும் அரைத்து முகத்தில் தடவ, சருமம் பொலிவு பெறும். கிராம்பை வெற்றிலையுடன்  சேர்த்துப் போட்டால் வாய் துர்நாற்றம் நீங்கும்.  

வெந்தயக் கீரையுடன் பச்சை மிளகாய், கொத்தமல்லி இரண்டையும் சேர்த்து அரைத்து சட்னியாக  சாப்பிட்டால் மலச்சிக்கல் தீரும். 
வெற்றிலையுடன் மிளகு மற்றும் பனங்கற்கண்டு சேர்த்து சாப்பிட்டால் தொண்டைப் புண், இருமல் குணமாகும். 
suransukumaran
 வெந்தயம், சுண்டைக்காய் வற்றல், மிளகு அனைத்தையும் தலா 50 கிராம் எடுத்து வறுத்துப் பொடி செய்து, தினமும் சிறிதளவு வெறும் வயிற்றில்  சாப்பிட உடல் எடை குறையும்.

மஞ்சள் தூளை நெய்யுடன் கலந்து காய்ச்சி சாப்பிட்டால் இருமல் நிற்கும். கிராம்பு பொடியுடன் தேன் சேர்த்து சாப்பிட்டால், உடல் உறுப்புகள்  பலமாகும். 

பேரிக்காயை வாரம் இரண்டு முறை சாப்பிட்டு வந்தால் ஜீரண சக்தி அதிகமாகும். 
எலுமிச்சை பழச்சாறு, தேன் கலந்து குடிக்க வறட்டு  இருமல் குணமாகும்.

ஊறவைத்த வெந்தயத்தை நன்கு அரைத்து தயிரில் கலந்து 3வேளை சாப்பிட்டு வந்தால் சீதபேதி குணமாகும். 
வயிற்று கடுப்பு ஏற்பட்டால் புழுங்கல்  அரிசி வடித்த தண்ணீரில் சிறிதளவு உப்பையும், வெண்ணெயும் கலந்து குடித்தால் சிறிது நேரத்தில் குணமாகிவிடும். 
suran-maathuLai
எலுமிச்சை பழச் சாற்றில் ரசம்  செய்து சாப்பிட்டால் உஷ்ணம் குறையும். நுரையீரல் சம்பந்தமான நோய்கள் குணமாகும். 

வெற்றிலை சாற்றில் இஞ்சி சாற்றை சேர்த்து குடித்து வந்தால் நுரையீரல் சம்பந்தமான நோய்கள் குணமாகும். 

வெண்டைக்காயை அடிக்கடி சேர்த்து  வந்தால் நரம்புகள் வலிமை பெறும். மூளையின் இயக்கத்தை செம்மைப்படுத்தும். 
ஞாபகசக்தி அதிகரிக்கும். 
மாதுளம் பழச் சாறுடன், தேன் கலந்து  சாப்பிட மலச்சிக்கல் நீங்கும். ரத்தம் சுத்தமடையும். 
முருங்கைக் கீரை சாற்றில் தேன் மற்றும் சுண்ணாம்பைக் குழைத்து தொண்டை யில்  தடவிக்கொண்டால் இருமல் நிற்கும். 
வில்வப் பூக்களை உலர்த்தி, பொடி செய்து தேனில் கலந்து குடித்தால் வயிறு மந்தம் குணமாகும். 

வேறு என்ன வேணும்?
----------------------------------------------------------------------------------------------------------------------------------
------------------------------------------------------------------------------------------------------------
தெலுங்கானா தனி மாநிலம் 
  உறுதியாகி விட்டது.
இப்போது ஆந்திராவின் புதிய தலைநகர் எது? என்ற பிரச்னை எழுந்து உள்ளது. 'தெலுங்கானா மாநிலம் உருவான, 45 நாட்களுக்குள், புதிய தலைநகர் எது என, அடையாளம் காணப்படும்' என, ஏற்கனவே அறிவித்துள்ளது. 
'தெலுங்கானா, ஆந்திரா ஆகிய இரு மாநிலங்களுக்கும், ஹைதராபாத், பொதுத் தலைநகராக, 10 ஆண்டு இருக்கும். அதன் பின்  ஹைதராபாத் , தெலுங்கானாவின் தலைநகராகி விடும். ஆந்திராவுக்கான புதிய தலைநகர், அனைத்து வசதிகளுடன் அமைக்கப்படும் என மத்திய அரசு ஏற்கனவே அறிவித்துள்ளது.
விசாகப்பட்டினம், விஜயவாடா, கர்னூல், திருப்பதி ஆகிய நகரங்களில், ஏதாவது ஒரு நகரம், ஆந்திராவின் புதிய தலைநகராக தேர்வாகும் வாய்ப்பு உள்ளது. இந்த நகரங்கள் அனைத்துக்குமே, தலைநகராவதற்கான தகுதியுள்ளதுடன், ஒவ்வொரு நகரத்துக்கும் தனிச் சிறப்பும் உள்ளது.இன்னும் சில நாட்களில், ஆந்திராவின் புதிய தலைநகர் பற்றிய அதிகாரப்பூர்வ அறிவிப்பை  மத்திய அரசு  வெளியிடும்.

suransukumaran

suran
------------------------------------------------------------------------------------------------------------
கின்னஸ்’ புத்தகம் 

தமிழ் நாட்டில் சில நாட்களுக்கு முன்னர் ஒரு கின்னஸ் கூத்து நடந்தது.அதுதான் 54000 பேர்கள் ரத்ததானம்.
இது முதல்வரின் 66 ஆவது பிறந்த நாளுக்கு சாதனை நடத்த நடந்தது.
வண்டி ஓட்ட உரிமம் வேண்டி விண்ணப்பித்தவர்களுக்கு நேரில் வந்து உடனே உரிமத்தை வாங்கி செல்லலாம் என்று கடிதம் வர சென்றவர்களிடம் ரத்தம் [கட்டாய ]தானம் பெறப்பட்டது.
போக்குவரத்து கழக ஊழியர்கள் கட்டாயம் ரத்தத்தை தர வேண்டப்பட்டார்கள் .அப்போதுதான் ஊதியம் ,இல்லையெனில் எதற்காகவோ மெமோ என்று அன்பாக அறிவுறுத்தப்பட்டார்கள்.
இப்படி சிறுக,சிறுக உறிஞ்சப் பட்ட ரத்தப்பைகள் எண்ணிக்கை 54000க்கும் அதிகமாக முதல்வரிடம் [?]கின்னஸ் சான்று வழங்கப்பட்டது.அவரும் ரத்தம் சிந்தாமல் புன்னகை சிந்த வாங்கிக்கொண்டார்.
இதில் பெரிய கூத்து இவ்வளவு ரத்தப்பைகள் பாதுகாப்பாக வைக்க இடம் இல்லை.ரத்தம் எந்த வகை என்ற ஆய்வோ,அதில் அபாயமான கிருமிகள் ஏதாவது உண்டா என்றும் பார்க்கப்படவில்லை.ரத்தம் கொடுத்தவர்களுக்கு வழக்கமாக கொடுக்கப்படும் ஊக்க உணவு ஏதும் கொடுக்கப்படவில்லை.பலர் தானம் தந்த இடத்திலேயே மயங்கி கிடந்தது வேதனையான விசயம் .
அதைவிட வேதனை.ரத்தப் பைகள் தூக்கி கடாசப் பட்டதுதான்.பின்னே எந்த ஆய்வும்-பிரிவும் தெரியாத ரத்தத்தை எந்த நோயாளிக்கு ஏற்ற முடியும்?இதில் பலர் ஊக்கமாக ரத்தம் தர தமிழக உற்சாகப் பானக்கடைகளுக்கு சென்று வந்துள்ளனர்.
சரி.எதற்காக இந்த கின்னஸ் சா [வே]தனை செய்யப்பட்டதோ ?
அது என்ன ?
கின்னஸ் என்றால் என்ன?

சிறு  வரலாறு:

அயர்லாந்து நாட்டை சேர்ந்த சர்க்யூபீவர் என்பவர் 1951-ம் ஆண்டு வேட்டையாடுவதற்காக ஒரு நதிக்கரையோரம் சென்றார். அப்போது ஒரு நீண்ட கோடு போல ஏராளமான பறவைகள் பறந்து சென்றன. அவர் உடனே அவைகளை சுட நினைத்து துப்பாக்கியை எடுக்க முயன்றார். ஆனால் அதற்குள் அந்த பறவைக்கூட்டம் கண்ணுக்கு தெரியாத தூரத்திற்கு சென்றுவிட்டன.
இதனால் அவர் வியப்பில் உறைந்தார். பறவைகளின் வேகம் குறித்து ஆச்சரியப்பட்டார். அவரை மலைக்க வைத்த பறவை இனம் கோல்டன் பிளவர். இதுபற்றி சர்க்யூபீவருக்கு ஒரு சிந்தனை தோன்றியது. உலகிலேயே இந்த வகை பறவைகள் தான் வேகமாக பறக்கக் கூடியதா? என்று ஆய்வு செய்தார். இதுபற்றி பலரிடம் கேட்டும் அவருக்கு பதில் கிடைக்கவில்லை. அப்போதுதான் நாமே ஒரு புத்தகம் தயாரித்தால் என்ன? என்ற எண்ணம் தோன்றியது.
உடனே அவர் லண்டன் சென்றார். அங்கு அரசாங்கத்திற்கு புள்ளி விவரங்கள் சேகரிக்கும் நோரிஸ் மைக் வைக்ட்டர், ரோஸ் மைக் வைக்ட்டர் என்ற இரட்டை சகோதரர்களை சந்தித்தார். அவர்களிடம் தனது புதிய புத்தக யோசனையை தெரிவித்தார். அவர்களும் ஒத்துழைப்பு தந்தனர். இந்த மூவரின் உழைப்பில் தான் தற்போதைய ‘கின்னஸ்’ புத்தகம்.


suran
1955-ம் ஆண்டு ஆகஸ்டு 27-ந் தேதி சுமார் 198 பக்கங்களுடன் முதல் கின்னஸ் புத்தகத்தை வெளியிட்டனர். அதில் உலகிலேயே மிகப் பெரியது, மிகச் சிறியது பற்றிய விவரங்ககள் இருந்தன. இந்த புத்தகம் அந்த ஆண்டு அதிக அளவில் விற்பனையாகி சாதனைப் படைத்தது. 

அப்போது முதல் தற்போது வரை ஒவ்வொரு ஆண்டும் புதுப்புது சாதனைகள், அவற்றை செய்தவர்கள் பற்ரிய தகவல்களுடன் புத்தகம் வெளிவருகிறது. 

1957, 1959 ஆகிய இரண்டு ஆண்டுகள் மட்டும் கின்னஸ் புத்தகம் வரவில்லை.

நாம் ஒரு சாதனையாளராக இருந்தால் அதையும் கின்னசுக்கு அனுப்பலாம். 


அதற்கு நாம் செய்ய வேண்டியது, சாதனையாளரின் சாதனை பற்றிய பத்திரிக்கை செய்திகள். பார்வையற்றவர்களாக இருந்தால் அவர்களின் கையெழுத்து தொகுப்பு. 

அவை உண்மையானவைதான் என்பது குறித்து நம்பகத்தன்மைக்கு பொறுப்பான நிறுவன தலைவர் தரும் உறுதிமொழி கடிதம் ஆகியவற்றை சேகரித்து அனுப்ப வேண்டும்.

முதலில் ஆங்கிலத்தில் மட்டுமே வெளி வந்த கின்னஸ் புத்தகம், தற்போது 35 மொழிகளில் வெளிவருகிறது.

----------------------------------------------------------------------------------------------------------------------------------

"நோ பயர் சோன்"  

இந்தியாவில் திரையிட தடை!

இலங்கையின் இறுதிக் கட்டப் போரின் போது நடந்ததாகக் குற்றஞ்சாட்டப்படும் போர்க்குற்ற சம்பவங்களை அடிப்படையாகக் கொண்டு எடுக்கப்பட்ட நோ பயர் சோன்-(NO FIRE ZONE- The Killing Fields of Sri Lanka) ஆங்கிலத் திரைப்படத்தை இந்தியத் திரையரங்குகளில் வெளியிட இந்திய திரைப்பட தணிக்கைத் துறை அனுமதி மறுத்துள்ளது.
இலங்கையுடனான நட்புறவை பாதிக்கும் என்ற காரணத்தினாலேயே இந்தப் படத்தை திரையிட அனுமதி அளிக்கப்படவில்லை என்று தமக்கு காரணம் கூறப்பட்டுள்ளதாக படத்தின் இயக்குநர் கலம் மெக்ரே பிபிசி தமிழோசையிடம் தெரிவித்தார்.
இந்தியாவின் இந்த அறிவிப்பு அதிர்ச்சி அளிப்பதாகவும் மிகவும் தவறான முடிவு என்றும் கலம் மெக்ரே கூறினார்.
'இலங்கையுடனான நட்புறவைப் பாதிக்கும் என்ற காரணத்தை அவர்கள் சொல்லியிருப்பது, குறுகிய கால அரசியல் அனுபவங்களை அடிப்படையாகக் கொண்டது, உண்மை நிலவரம் ஒன்றை மக்கள் தெரிந்துகொள்ள முடியாதபடி மறைக்கின்ற நடவடிக்கை' என்றும் அவர் தெரிவித்தார்.
'இது நிச்சயமாக இந்தியாவுக்கு பிரச்சனைக்குரிய, அசௌகரியத்துக்குரிய நிலைமை தான். நீதி கிடைப்பதற்கு உண்மையை நிலைநாட்டுவது அவசியம். அந்த நீதி தான் அரசியல் தீர்வொன்றையும் அமைதியான சூழலையும் எட்டுவதற்கு அடிப்படை ஆதாரமாக அமையமுடியும். இப்படி இந்தப் படம் மக்களை சென்றடைவதைத் தடுப்பதன் மூலம் இந்தியா தவறிழைக்கிறது என்று தான் எனக்குத் தோன்றுகிறது' என்றும் கூறினார் இயக்குநர் கலம் மெக்ரே.

'ஆனால், நோ பயர் சோன் படத்தில் வருகின்ற அனேகமான காட்சிகள் மனதை பெருமளவில் பாதிக்கக்கூடியவை என்று இந்திய திரைப்பட தணிக்கைச் சபை இன்னொரு காரணத்தையும் கூறியிருக்கிறதே' என்று தமிழோசை அவரிடம் சுட்டிக்காட்டியது.

இணையதளத்தில் படம் வெளியாகிறது

கலம் மெக்ரே
கலம் மெக்ரே 

'போர்க்குற்றங்கள் என்பது மனதைப் பாதிக்கக்கூடிய, விரும்பமுடியாத சம்பவங்கள் தான். அவற்றை நிரூபிப்பதற்கான ஆதாரங்களும் அப்படியாகத் தான் இருக்கமுடியும். அந்தப் படம் பிரித்தானிய தொலைக்காட்சிகள் காட்டப்படுவது தடுக்கப்படவில்லை. இவை துயரகரமான உண்மைகள். அவற்றுக்கு முகம் கொடுத்துதான் ஆகவேண்டியிருக்கிறது' என்று பதிலளித்தார் கெலம் மெக்ரே.
மனதைப் பாதிக்கக்கூடிய காட்சிகள் என்பது ஒரு சாக்குபோக்கு காரணமே என்றும் இலங்கையுடனான உறவுகளை கெடுத்துக்கொள்ளக்கூடாது என்பது தான் உண்மையான காரணம் என்றும் அவர் தெரிவித்தார்.
இந்திய திரைப்படத் தணிக்கைத் துறையின் தீர்மானம் தொடர்பில் மேன்முறையீடு செய்யும் எண்ணம் இல்லை என்றும் இந்தியாவிலும் தடை ஏற்படக்கூடும் என்று கருதப்படும் மலேசியா, நேபாளம் மற்றும் இலங்கை ஆகிய நாடுகளிலும் எல்லா மக்களும் இலகுவாக பார்க்கக்கூடிய விதத்தில் இணையத்தில் படம் வெளியிடப்படுவதாகவும் இயக்குநர் மேலும் கூறினார்.
மலேசியாவில் இந்தப் படத்தைக் காண்பித்தக் குற்றத்திற்காக 3 ஆண்டுகள் வரை சிறை செல்லக்கூடிய வழக்கொன்றை உள்ளூர் மனித உரிமை ஆர்வலர்கள் எதிர்நோக்கியுள்ளதாகவும் மெக்ரே தெரிவித்தார்.
தமது படம் திரையிடப்படுகின்றமை தடுக்கப்படுகின்ற சம்பவங்களின் பின்னணியில் இலங்கை அரசாங்கமே உள்ளதாகவும் நோ பயர் சோன் இயக்குநர் தெரிவித்தார்.

இலங்கையின் நற்பெயருக்கு களங்கம் விளைவிக்கும் முயற்சியில் கலம் மெக்ரே ஈடுபட்டுவருவதாகவும் அவரது படங்களுக்கு விடுதலைப் புலிகளின் ஆதரவாளர்கள் பண உதவி அளிப்பதாகவும் இலங்கை அரசாங்கம் தொடர்ச்சியாக குற்றம்சாட்டி வருகிறது.
இப்படத்தை வெளியிட்டால் இந்திய அரசுக்கு என்ன கேடு விளையப்போகிறது.அண்டை நாடு இலங்கை என்பதைத் தவிர வேறு என்ன பிரச்னை?அண்டை நாடு இலங்கை என்றால் அழித்தொழிக்கப்பட்டது தமிழ் சொந்தங்கள் அல்லவா?அவர்கள் இந்திய நாட்டின் குடிமக்கள் அல்லவா?
இலங்கை அண்டை நாடு என்பதைத் தவிர சொல்லமுடியாத பங்கு[?]ஏதோ ஆளும் காங்கிரசுக்கு இருக்கிறது.அதுதான் தடை மேல் தடையை உண்டாக்குகிறது.!
-------------------------------------------------------------------------------------------------------------------------------------------------------------------
suran
காந்தியின் பேரன் இப்போது ஆம் ஆத்மி கட்சியில்
------------------------------------------------------------------------------------------------------------
suran
                           சூடாக தயாராகும் எலி வறுவல்-இக்காட்சி சைபிரியா தெருவில்
------------------------------------------------------------------------------------------------------------
கடந்த 1939–ம் ஆண்டு சூப்பர் மேன் ‘காமிக்ஸ்’ புத்தகம் வெளியானது. அதில் இடம்பெற்றுள்ள ‘சூப்பர் மேன்’ கடலுக்குள் மூழ்கி கிடக்கும் நீர்மூழ்கி கப்பலை மீட்கும் காட்சி புத்தகத்தின் அட்டைப்படமாக வெளியாகி உள்ளது.

அந்த அட்டை படத்தை பிரட் கார்டினர் என்ற ஓவியர் வரைந்து இருந்தார். அதன் ஏலம் அமெரிக்காவின் லாஸ்ஏஞ்சல்ஸ் நகரில் நடந்தது.
இந்த நிலையில் அது ரூ.1ž கோடிக்கு ஏலம் போனது. ஆனால் அதை ஏலம் எடுத்தவர் யார்? என்ற விவரம் வெளியிடப்படவில்லை.
-------------------------------------------------------------------------------------------------------------------------------------------------------------------

கடல் அலை போல புற்றுநோய்! 

---------------------------------------------------------------------------------------------------------------

ஒவ்வொரு வருடமும் 14 மில்லியன் மக்கள் புற்றுநோயால் பாதிக்கப்படுவதாகவும் ஆனால் இந்த எண்ணிக்கை 2035 வாக்கில் 24 மில்லியனாக உயரும் என்று உலக சுகாதார  நிறுவனம் கூறுகிறது.
கடல் அலை போல புற்றுநோய் உலகெங்கும் பரவி வருவதாக  நிறுவனம் எச்சரித்துள்ளது.
உலகைப் பாதிக்கும் புற்றுநோயிலிருந்து கிட்டத்தட்ட பாதி அளவை வருமுன் தடுக்கமுடியும் என்று கூறும் உலக சுகாதார நிறுவனம், உடல் பருமன், மது அருந்துதல் மற்றும் புகை பிடித்தல் ஆகியவற்றை சமாளிக்க புதிய முயற்சிகள் வேண்டும் என்றும் தெரிவித்துள்ளது.
புற்றுநோய் மருத்துவத்திற்கான செலவு கட்டுப்பாட்டை மீறி அதிகரிப்பதாக உலக சுகாதார நிறுவனத்தின் சர்வதேச புற்றுநோய் ஆராய்ச்சி அமைப்பு தெரிவித்துள்ளது.
புற்றுநோய் பரவுவதால் ஏற்படும் மேலதிகச் செலவு வளர்ந்து வரும் நாடுகளினாலேயே சமாளிக்க வேண்டியிருக்கும் என்றும் அது கூறுகிறது.
suran
"
2014ம் ஆண்டுக்கான புற்றுநோய் குறித்த அறிக்கையை வெளியிட்ட உலக சுகாதார நிறுவனம், தடுக்கப்படக்கூடிய புற்றுநோய்க் காரணிகளாக:
*புகை பிடித்தல்
*கிருமித்தொற்று
*மது அருந்துதல்
*உடல் பருமன் மற்றும் உடற்பயிற்சி செய்யாதிருத்தல்
*சூரிய ஒளி மற்றும் மருத்துவ ஸ்கேன்களால் ஏற்படும் கதிரியக்கப் பாதிப்பு
*காற்று மாசு, மற்றும் பிற சுற்றுச்சூழல் காரணிகள்
*தாய்மைப் பேறு தாமதமாவது, குழந்தைகள் அதிகம் பெறாமல் தவிர்ப்பது, தாய்ப்பால் தராமலிருப்பது
ஆகியவற்றைப் பட்டியலிடுகிறது.
suran
பெரும்பாலான நாடுகளில் மார்பகப் புற்றுநோய்தான் பெண்கள் மத்தியில் புற்றுநோய் தோன்றுவதற்கு மிகப் பொதுவான காரணம். ஆனால், ஆப்ரிக்காவின் பல பகுதிகளில், பெண்களுக்கு அதிகம் கர்ப்பப்பை வாய் புற்றுநோயே அதிகம் காணப்படுகிறது.
புற்றுநோய்க்கும் மது அருந்துவதற்கும் இடையேயான தொடர்பைப் பற்றிக் கூறும், இந்த அறிக்கையைத் தயாரித்தவர்களில் ஒருவரான, ஆஸ்திரேலியாவின் நியூ சௌத் வேல்ஸ் பல்கலைக்கழகப் பேராசியர் டாக்டர் பெர்னார்ட் ஸ்டூவர்ட், மனித நடத்தைதான் பல வகைப் புற்றுநோய்கள் ஏற்படுவதற்குக் காரணம் என்றார்.
மிக அதிகமாக உடலைப் பழுப்பாக்கிக்கொள்ள சூரியக் குளியலில் ஈடுபடுவது, மது அருந்துவது போன்ற பழக்கங்களைத் தவிர்ப்பதன் மூலம் புற்று நோய் தவிர்க்கப்பட முடியும் என்று அவர் கூறுகிறார்.
"மது தாராளமாகக் கிடைப்பதைக் கடினமாக்குவது, மது பாட்டில்களில் லேபல்கள் ஒட்டுவதில் கவனம் செலுத்துவது, மதுவை விற்பதில் உள்ள விளம்பர முறைகள் மற்றும் மதுவின் விலை போன்றவைகளைப் பற்றி நாம் விவாதிக்கவேண்டும்", என்றார் ஸ்டூவர்ட்.

அதேபோல விலைகளை உயர்த்துவது, விளம்பரங்களை கட்டுப்படுத்துவது போன்ற கடுமையான வழிகள் மூலம் மது மற்றும் சர்க்கரை உட்கொள்ளுதலைக் கட்டுப்படுத்துவதற்கான முயற்சிகளை அரசாங்கங்கள் கருத்தில் கொள்ள வேண்டும் என்றும் சர்வதேச புற்றுநோய் ஆராய்ச்சி அமைப்பு தெரிவித்துள்ளது.
------------------------------------------------------------------------------------------------------------------------------------------------------------------



சனி, 22 பிப்ரவரி, 2014

அந்த 49 நாட்கள்...!

டெல்லி முதல் அமைச்சராக இருந்த ஆம் ஆத்மி கட்சித்தலைவர் அரவிந்த் கெஜ்ரிவால், தனது பதவியில் இருந்து விலகியுள்ளார். இந்திய அரசியல் வரலாற்றில், கட்சி தொடங்கிய 3-வது மாதத்திலேயே, மாநிலத் தேர்தலில் வெற்றி பெற்று, முதல் அமைச்சர் ஆகி சாதனை படைத்தவர், அரவிந்த் கெஜ்ரிவால் மட்டுமே.
கடந்த டிசம்பர்  28-ம் தேதி முதல்வராக பொறுப்பு ஏற்றதும், தனது வாக்குறுதியின் படி மின் கட்டணம் குறைப்பு, அதிக அளவு தண்ணீர் சப்ளை போன்ற நடவடிக்கைகளை பெற்று சாதனை படைத்துள்ளார். அப்படிப்பட்ட சாதனையாளர், முதல் அமைச்சராக பதவி ஏற்ற 49நாளில் பதவி விலகி இருக்கிறார் என்றால், அதில் ஏதோ உள்ளான நோக்கு இருக்கிறது என்பதில் மாற்று கருத்து இல்லை.
மத்திய அரசின் நேரடி கட்டுப்பாட்டில்தான், யூனியன் பிரதேசமான டெல்லி மாநிலத்தின் காவல்துறை இருக்கிறது.  இது தெரிந்துதான் கெஜ்ரிவால், முதல் அமைச்சராகி இருந்துள்ளார்.   முதல் அமைச்சரான பின்பும், மத்திய அரசையும், டெல்லி காவல்துறையையும்  எதிர்த்து நடுரோட்டில் இறங்கி போராட்டம் நடத்திய கெஜ்ரிவால் மீது, போலீசார் வழக்கு பதிவு செய்துள்ளனர்.  இப்படியாக முதல் அமைச்சரான பின்பும், எதிர்க்கட்சி போல கெஜ்ரிவால் பல்வேறு போராட்டங்களை நடத்தி வந்துள்ளார்.
suransukumaran
சில நாட்களுக்கு முன், ஊழலை ஒழிப்பதற்காக  “ஜன் லோக்பால்  மசோதாவை” நிறைவேற்றப் போவதாக கெஜ்ரிவால்  பகிரங்கமாக அறிவித்தார்.  பொது இடத்தில் சட்ட பேரவையை கூட்டி, இந்த மசோதாவை நிறைவேற்றப்போவதாக அறிவித்து இருந்தார்.  அந்த மசோதாவில் இடம் பெற்றுள்ள அம்சங்கள் என்ன? என்று, அவரது ஆட்சிக்கு ஆதரவு அளி்த்த காங்கிரசுக்கு மட்டும் அல்ல, அவரது கட்சி எம்.எல்.ஏ-க்களுக்கு கூட கெஜ்ரிவால் தெரிவிக்க வில்லை.
யூனியன் பிரதேசம் என்ற அந்தஸ்தில் இருக்கும் டெல்லி மாநில அரசு உருவாக்கும்  எந்த ஒரு மசோதாவும், அது மாநில ஆளுனருக்கு அனுப்பப்பட்டு, அதனை அவர் மத்திய உள்துறைக்கு அனுப்பி ஒப்புதல் பெற்றால்தான், குறிப்பிட்ட மசோதாவை சட்ட பேரவையில் தாக்கல் செய்ய முடியும் என்பதுதான்  நடைமுறை.
இந்த நிலையில் கெஜ்ரிவாலின் அரசு உருவாக்கிய  “ஜன் லோக்பால் ” மசோதாவுக்கு மத்திய சட்டத்துறை ஒப்புதல் அளிக்க வில்லை.  என்றாலும், ஜன் லோக் பால் மசோதாவை, டெல்லி சட்டபேரவையில் நிறைவேற்றப்போவதாக, கெஜ்ரிவால் அறிவித்தார்.
இதன்படி டெல்லி சட்டசபை கூட்டத்தில், ஜன் லோக்பால் மசோதா தாக்கல் செய்யப்பட்ட போது, அதற்கு எதிர்ப்பு தெரிவித்து, பாரதீய ஜனதா, காங்கிரஸ் உறுப்பினர்கள் ரகளையில் ஈடுபட்டனர். அதே நேரத்தில் இந்த மசோதாவை மத்திய அரசின் அனுமதி இன்றி, டெல்லி சட்டசபையில் நிறைவேற்றக்கூடாது என்றும், அதற்கு சபாநாயகர் அனுமதி அளிக்க கூடாது  என்றும் குறிப்பிட்டு, ஆளுநர் நஜீப் ஜங் அவசர கடிதத்தை , சபாநாயகருக்கு அனுப்பினார்.
ஆனால் ஆளுநரின் கடிதத்துக்கு மதிப்பு கொடுக்காத சபாநாயகர், ஜன் லோக்பால் மசோதாவை தாக்கல் செய்யவும், அதன்மீது விவாதம் நடத்தவும் அனுமதி வழங்கி விட்டார். இந்த நடைமுறையை, பாஜக மற்றும் காங்கிரஸ் உறுப்பினர்கள் ஒன்றாக சேர்ந்து எதிர்த்தனர்.
suran
அப்போது பேசிய எதிர்க்கட்சி தலைவர்  ஹர்ஷ் வர்த்தன், ஆளுநரின் அறிவுரையை மீறி , இந்த மசோதாவை தாக்கல் செய்திருக்க கூடாது என்றும், இது அரசியல் சட்டத்துக்கு விரோதமானது என்றும் குறிப்பிட்டார்.
பின்னர் இந்த மசோதாவை சபையில் நிறைவேற்றலாமா? அல்லது வேண்டாமா? என்பது பற்றி சபையில் ஓட்டெடுப்பு நடத்த சபாநாயகர் உத்தரவிட்டார். இதில் மசோதாவை நிறை வேற்றக்கூடாது என்பதற்கு 42 உறுப்பினர்களும், தாக்கல் செய்யலாம் என்று 27 உறுப்பினர்களும்  வாக்களித்தனர். இதனால், ஜன் லோக்பால் மசோதா, டெல்லி சட்டசபையில் நிறைவேற வில்லை.
அரசு கொண்டு வந்த மசோதா, சட்டசபையில் நிறைவேறாததால், முதல் அமைச்சர் பதவியில்  கெஜ்ரிவால் நீடிப்பதில் சிக்கல் ஏற்பட்டது. இதனை தொடர்ந்து, கெஜ்ரிவால் பதவி விலகினார்.
சட்ட பேரவையை கலைத்து மீண்டும் தேர்தல் நடத்தவும், ஆளுநருக்கு டெல்லி அமைச்சரவை பரி்ந்துரை செய்துள்ளது. இதனால், ஆட்சி அமைத்து 49 நாட்களில் கெஜ்ரிவாலின் அரசு கவிழ்ந்து விட்டது. டெல்லி அமைச்சரவையின் பரிந்துரையை மத்திய அரசு ஏற்கவில்லை. சட்டப் பேரவையைக் கலைக்காமல் குடியரசுத் தலைவரின் ஆட்சியை மட்டும் மத்திய அரசு அமல்படுத்தியுள்ளது.
தொழில் அதிபர் முகேஷ் அம்பானி மீதும், மத்திய பெட்ரோலியம் துறை அமைச்சர் வீரப்ப மொய்லி மீதும் டெல்லி அரசு வழக்கு பதிவு செய்ததால்,  காங்கிரஸ் எங்களை வஞ்சம் தீர்த்து விட்டது என்று, கெஜ்ரிவால் குற்றம் சாட்டியுள்ளார்.
suran
28 எம்.எல்.ஏ.க்கள் மட்டுமே கொண்டிருந்த கெஜ்ரிவால்,  காங்கிரஸ் அளித்த ஆதரவினால் முதல்வர் பதவியை ஏற்றது, எப்போதுமே ஆபத்து தான் என்று அப்போதே ஊடகங்கள் தெரிவித்திருந்தன.
அது உண்மை என்பது  இப்போது நிரூபிக்கப் பட்டுள்ளது.  காங்கிரசார், தங்கள் அரசியல் நாடகத்தை வெற்றிகரமாக நடத்தி முடித்து விட்டனர். ஆனால் முதல்வர் பதவியில் இருந்த 49 நாட்களும்  கெஜ்ரிவால்    போராட்டம் ,உண்ணாவிரதம்  என்றுதான் பதவி காலத்தை கடத்தியுள்ளார்.
அவர் சொல்லிவருவது நாட்டிற்கு இப்போதைய கண்டிப்பான தேவைகள்தான் என்றாலும் அதை அவர் செய்யும் -செய்யத் துடிக்கும் வழி முறைகள் சரியானது அல்ல.அல்லது இன்றைய சட்ட நடைமுறைகளுக்கு சரிவராதவைஎனலாம்.
அவர் தான் செய்யத் துடிப்பதை அழகாக நிதானமாக இந்திய மக்கள் சாசனத்திற்கு உட்பட்டு செய்யலாம்.ஆனால் அப்படி செய்யக் கூடாது என்றே அவர்  படபடப்புடன் தவறான அணுகு முறைகள் மூலம் செய்து அனைத்தும் நந்தவனத்து ஆண்டி கதையில் வரும் மண் தோண்டி ஆக உடைத்து விட்டார்.அதற்கும் அவர்தான் முழுக்க காரணம் என்பது வேடிக்கையான  காரணமாகி  உள்ளது.
கையில் கிடைத்த அதிகாரத்தை வைத்து தனது கொள்கைகளை செயல்படுத்த தெரியாதவரை நம்பி இனியும் நாற்காலியை மக்கள் தருவார்களா?அப்படி தந்தால் போராட்டங்கள் நடத்துவது மட்டும் தான் தனது நற்பணி என்று செயல் படும் ஆம் ஆத்மிக்கள் ஒழுங்காக அதை இனியும் பயன் படுத்திக் கொள்வார்களா?சின்னமாக துடைப்பத்தை மட்டும் வைத்துக்கொண்டு கொடி  இல்லாமல் தேசியக் கொடியை பயன்படுத்துவது இனியும் நடைமுறைக்கு ஒத்து வருமா?வருங்காலத்தில் அதை தேர்தல் ஆணையம் அனுமதிக்குமா?
நல்லவராக இருந்தால் மட்டும் போதாது.செயல்படுத்தும் வல்லவராகவும் இருக்க வேண்டியது கட்டாயம்.
அதைத்தான் முதல்வரான கேஜ்ரிவாலின் அந்த  49 நாட்கள் ஆட்சி சொல்லித் தரும் பாடம்.
---------------------------------------------------------------------------------------------------------------------------------------------------------------
கட்டற்ற களஞ்சியமாக இருக்கும்  Wikipedia இணையத்தளம்  இலட்சக்கணக்கான கட்டுரைகளை தன் தளத்தில்  கொண்டுள்ளது.

இணையத்தளத்தில் காணப்படும் இக்கட்டுரைகளை புத்தக வடிவில் அச்சிட்டு வெளியிட தீர்மானிக்கப்பட்டுள்ளது.

இதன் அடிப்படையில் 1,000 பதிப்புக்களாக வெளியிடவுள்ள Pedia Press ஆனது இதற்கு 50,000 டாலர்கள் தேவைப்படும் என எதிர்பார்க்கின்றது.

இதற்கு தேவையான நிதியினை சேர்க்கும் பொருட்டு Indiegogo எனும் இணையத்தளத்தின் மூலம்  நிதி சேர்க்க  ஆரம்பித்துள்ளது.

------------------------------------------------------------------------------------------
"தவிர்க்க கூடாத 

காலை உணவு..!"


காலை உணவை தவிர்க்கும் பழக்கம் நம்மில் பலருக்கு  உண்டு. அதற்கு எத்தனையோ காரணங்களை சொல்லுவார்கள்.
 வீட்டுவேலைப் பளு, சுவாமிக்கு பூஜை செய்யாமல் சாப்பிடுவதில்லை, காலை நேர பரபரப்பு போன்ற காரணங்களால் பெண்களில் பலரும், அலுவலகம், வியாபார விஷயமாக அவசரமாகச் செல்லும்போது ஆண்களும், அவசர அவசரமாக எழுந்து பள்ளிக்குப் புறப்படும் குழந்தைகளில் பலரும், நோய் காரணமாக முதியோர்களில் சிலரும் காலை உணவைத் தவிர்க்கின்றனர்.
suran
இதுமட்டுமின்றி, உடல் எடையைக் குறைப்பதற்காக சிலரும் காலை உணவு சாப்பிடுவதையே தவிர்க்கின்றனர். இதனால், வயிற்றில் சுரக்கும் "ஹைட்ரோ குளோரிக்' அமிலம் வயிறு, குடல் பகுதிகளில் உள்ள திசுக்களை பாதிக்கத் தொடங்கி, வயிறு சம்பந்தப்பட்ட நோய்கள்தான் வருமே தவிர, உடல் எடை குறையாது.
வயிற்றில் உள்ள இரைப்பைக்குத் தேவையான உணவை குறிப்பிட்ட நேரங்களில் கொடுக்க வேண்டும். இல்லையெனில், இரைப்பை சுருங்கத் தொடங்கிவிடும்.
ஒருநேரம் பட்டினி கிடந்து, மற்றொரு நேரம் சேர்த்து சாப்பிடலாம் என நினைப்பதும் தவறு. இந்த தவறை வெளியூர்களில் தங்கி படிக்கும், பணிபுரியும் ஆண்களில் பலர் செய்கின்றனர். கால தாமதமாக தூங்கி எழுந்து நேரடியாக மதிய உணவுக்கு செல்லும் பழக்கத்தைக் கொண்டுள்ளனர்.
மருத்துவர்கள், மருந்து சாப்பிடும்போது மூன்று, நான்கு வேளை என குறிப்பிடுவதுபோன்று, நாமும் உணவு சாப்பிடுவதில் கடைபிடித்தால் அஜீரணக் கோளாறு நோய்களிலிருந்து தப்பலாம்.
இடையிடையே நொறுக்குத்தீனி என்ற பெயரில் கிடைப்பதெல்லாம் சாப்பிடுவதும், சுகாதாரமற்ற எண்ணெயில் தயாரிக்கப்பட்ட பலகாரங்களைச் சாப்பிடுவதால் உணவுக் குழாயில் எரிச்சல் ஏற்படுவதுடன், நோய் தாக்குதலுக்கான ஆரம்ப நிலையை உருவாக்குகிறது.
அண்மையில், "இந்தியர்களின் காலை உணவு பழக்கம்' என்ற தலைப்பில் கெலாக்ஸ் நிறுவனம் தில்லி, மும்பை, கொல்கத்தா, சென்னையில் 3,000-க்கும் மேற்பட்டவர்களிடம் நடத்திய ஆய்வில், இந்தியாவில் நான்கு பேரில் ஒருவர் காலை உணவைத் தவிர்ப்பதாகவும், நாடு முழுவதும் 72 சதவீதம் பேர் ஊட்டச்சத்து குறைவாக உள்ள காலை உணவைச் சாப்பிடுவதாகவும் தெரியவந்தது. மேலும், பெண்களிடம் ஊட்டச்சத்து குறைவான உணவுகளைச் சாப்பிடுவதோடு, காலை உணவைத் தவிர்க்கும் பழக்கம் அதிகம் காணப்படுவதாகத் தெரிவித்தனர்.
suran
ஊட்டச்சத்து குறைவான காலை உணவை சாப்பிடுவதில் கொல்கத்தா முதலிடத்தில் உள்ளது. ஊட்டச்சத்து நிறைந்த காலை உணவு சாப்பிடுவதில் தில்லி முதலிடத்திலும், மும்பை இரண்டாவது இடத்திலும், சென்னை மூன்றாவது இடத்திலும் (38 சதவீதம் பேர்) உள்ளதாகத் தெரிவித்தனர்.
மேலும், ஊட்டச்சத்து நிறைந்த காலை உணவைச் சாப்பிடுவதால் உண்டாகும் நன்மைகளை பெரும்பாலானோர் அலட்சியப்படுத்துவதாகவும் அந்நிறுவனம் கூறியுள்ளது.
உடலுக்கு எப்படி ஓய்வு தேவையோ? அதேபோல் நமது இரைப்பைக்கும் ஓய்வு தேவை. அதற்காக பட்டினி கிடக்க வேண்டியதில்லை. இரவு நேரத்தில் குறைவாக சாப்பிட்டு, இரைப்பைக்கு ஓய்வு கொடுப்போம்.

மூடர் கூடம்?


suran

  பேஸ்புக் காதல்?
 உலகின் முன்னணி சமூக இணைய தளமான பேஸ்புக் தன் பத்தாவது பிறந்த நாளை பிப்ரவரி 4ல், கொண்டாடியது.
 ஹார்வேர்ட் பல்கலையில், சிறிய அறையில் சிறு அளவில் தொடங்கி, இன்று நூறு கோடிக்கும் மேலாக வாடிக்கை யாளர்களைக் கொண்ட அசுர சமூக இணைய தளமாக இயங்கும் பேஸ்புக் சரித்திரம், நிறுவனங்களைத் தொடங்கி நடத்த விரும்புபவர்களுக்கு ஒரு நல்ல பாடமாக அமைந்துள்ளது. பேஸ்புக் தளத்தின் வளர்ச்சியை இங்கு சுருக்கமாகக் காண்போம்.

2004 ஆம் ஆண்டில், ஜார்ஜ் புஷ் அமெரிக்காவின் இரண்டாவது முறை ஜனாதிபதியாகத் தேர்ந்தெடுக்கப்பட்ட போது, 19 வயது ஹார்வேர்ட் மாணவரால், பேஸ்புக் தளத்திற்கான முயற்சி எடுக்கப்பட்டது.
அந்த எளிய முயற்சி இன்று  உலகின் அனைத்து மூலைகளிலும், ஆலவிருட்சமாக வளர்ந்து- டிஜிட்டல் உலகில் முதல் இடத்தில் இயங்குகிறது.இதை அம்மாணவரே எதிர்பார்க்கவில்லை.
இந் நிறுவனம், அன்று  ஒரு சிறிய விடுதியின் ஒதுக்குப் புறமான அறையில் தொடங்கப்பட்டது. 
பத்தாண்டுகளுக்கு முன்பு அதனை 
தொடங்கிய மா ர்க் ஸக்கர் பெர்க்"Thefacebook” என  பெயரிட்டார்.
 2003 ஆம் ஆண்டு அக்டோபரில், ஸக்கர்பெர்க் மற்றும் அவரது வகுப்புத் தோழர்களான ஆண்ட்ரூ மெக்கலம், கிறிஸ் ஹ்யூஸ் மற்றும் டஸ்டின் மொஸ்கோ விட்ஸ் ஆகியோர் Facemash.com என்னும் இணைய தளம் ஒன்றை உருவாக்கி, அதனை யாவரும் அணுகி, இரண்டு மாணவர்களின் படத்தில் எது சிறந்தது என்று ஒப்பிடும் வசதியைத் தந்தனர்.
 இதனை விளம்பரப்படுத்தி பிரபலமாக்குவதற்காக, அப்போது ஹார்வேர்ட் பல்கலைக் கழகம் மாணவர்களுக்கென நடத்தி வந்த இணைய தளங்களை ஸக்கர் பெர்க் முடக்கினார் என்று ஒரு செய்தி அப்போது வெளியானது. 
தொடக்கத்தில் Facemash என அழைக்கப்பட்ட பேஸ்புக் தளத்தினை, ஹார்வேர்ட் பல்கலை நிர்வாகம் மூடியது.
 காப்புரிமை, பாதுகாப்பு, தனி நபர் சுதந்திரம் ஆகியவற்றில் அந்த தளம் தலையிடுவதாக, பல்கலைக் கழக அதிகாரிகள் ஸக்கர்பெர்க் மீது நடவடிக்கை எடுத்தனர். 
suran
இதன் பின்னரே, ஸக்கர்பெர்க் "thefacebook.” என்னும் புதிய தளத்தினை அமைத்தார். 

2004 பிப்ரவரி 4 ஆம் நாள், ஸக்கர்பெர்க் thefacebook.com என்னும் தன் தளத்தினை இயக்கத் தொடங்கினார். தொடங்கப்பட்ட 24 மணி நேரத்தில், 1,500 பயனாளர்கள் இதில் இணைந்தனர். 
ஹார்வேர்ட் பல்கலையில் பட்ட வகுப்பு மாணவர்களில் பாதிப்பேர் இதில் இணைந்தனர். பின்னர், இந்த தளத் தினை மற்ற பள்ளி மற்றும் கல்லூரி மாணவர்கள் பயன்படுத்த அனுமதிக்கப் பட்டனர்.

முதலில்  பேஸ்புக் இணைய தளத்தில் போட்டோக்கள் அனுமதிக்கப்படவில்லை.படங்களை தரவேற்ற இயலாது.
அக்டோபர் 2005ல்தான் , ஒவ்வொரு பயனாளரும் எவ்வளவு போட்டோக்கள் மற்றும் படங்களை அப்லோட் செய்து பதிவு செய்து கொள்ளலாம் என்று அனுமதி தரப்பட்டது. 
இன்று பேஸ்புக் இணைய தளத்தில் போட்டோக்கள் தான்  முக்கிய அம்சங்களாக உள்ளன.
 2013 செப்டம்பரில், இத்தளத்தில் பதியப்பட்ட படங்களின் எண்ணிக்கை 25 ஆயிரம் கோடியைத் தாண்டிவிட்டது. 
suran
இப்போது நாள் தோறும் 35 கோடி படங்கள் ஏற்றம்  செய்யப்படுகின்றன.

 கல்லூரிகள், பள்ளிகள் என்ற எல்லை வரையறையைத் தாண்டி, பேஸ்புக் இணைய தளத்தில் பல பிரிவினரும் இணைய, இந்த தளம் அசுர வேகத்தில் வளரத் தொடங்கியது. 2006, செப்டம்பர் 26ல், பொதுமக்கள் யார் வேண்டுமானாலும் இணைந்து பதிந்து கொள்ளலாம் என்ற அனுமதி வழங்கப்பட்டது. 
இதனால், 2006 ஆண்டு இறுதியில், பயனாளர் எண்ணிக்கை55லட்சத்தில் இருந்து  ஒரு கோடியே 20 லட்சம் என்று அசுர வளர்ச்சியடைந்தது.

2006 செப்டம்பரில், யாஹூ நிறுவனம் நூறு கோடி டாலர் கொடுத்து, பேஸ்புக் இணைய தளத்தினை வாங்க முன்வந்தது.
 பேஸ்புக் இணைய தள நிறுவனத்தில் முதன் முதலில் முதலீடு செய்த பீட்டர் என்பவர், இதனை ஏற்றுக் கொள்ளலாம் என அறிவுறுத்தினார். ஆனால், இதற்கென கூட்டப்பட்ட கூட்டத்தில், 22 வயது இளைஞரான ஸக்கர்பெர்க், "இந்த கூட்டம் 10 நிமிடத்தில் முடியப்போகிறது. நாங்கள் எங்கள் இணையதளத்தை விற்கப் போவதில்லை” என அறிவித்தார்.
 ஏனென் றால், பணம் சம்பாதிப்பதை தன் இலக்காக என்றைக்குமே ஸக்கர்பெர்க் கொண்டதில்லை.
 "இந்தப் பணத்தை வைத்து நான் என்ன செய்திட முடியும்? வேண்டுமானால், இன்னொரு சமூக தளத்தைத் தொடங்கலாம். அதற்கு இதனையே வளப்படுத்துவேன்” என்றார்.

 பேஸ்புக் இணையதளத்தின் முதல் 30 மாதங்கள், பயனாளர்களின் தகவல் பக்கங்களைப் பதிந்து இயக்குவதிலேயே இருந்தன. 
செப்டம்பர் 2006ல், முதல் முதலாக, பேஸ்புக் தளத்தில் செய்திகள் தரப்பட்டன.
 உங்கள் சமூக வளைவில் என்ன நடக்கின்றன என்று தகவல்களைத் தருவதற்கு முயற்சிகள் எடுக்கப்பட்டன. இதனால், தொடர்ந்து ஒரு நிகழ்வு சார்ந்து கிடைக்கும் தகவல்கள் பகிர்ந்து கொள்ளப்பட்டன. இதனுடன் பேஸ்புக் MiniFeed என்ற வசதியையும் கொடுத்தது. இதில் பயனாளர் ஒருவரின் சமூக செயல்பாடுகள் தொகுக்கப்பட்டன.

2007 ஆம் ஆண்டு மே 24 அன்று, பேஸ்புக் தன்னுடைய Facebook Platform என்னும் மேடையை மக்களுக்கு வழங்கியது.
 இது, பேஸ்புக் தளத்தில் இயங்கக் கூடிய புரோகிராம் களை மற்றவர்கள் தயாரித்து வழங்குவதற்கான மேடையாக அமைந்தது. தர்ட் பார்ட்டி அப்ளிகேஷன்களுக்கு உதவி புரிய Facebook Markup Language என்னும் வசதியையும் இதனோடு அளித்தது. 
suran
பல முக்கிய அப்ளி கேஷன்கள் பேஸ்புக் தள செயல்பாட்டில் இணைந்தன.

 ஐந்தாண்டுகள் கழித்து, பேஸ்புக் நிறுவனம் நல்ல லாபத்துடன் இயங்குவதாக அறிவிக்கப்பட்டது. 
2009ல், இந்நிறுவனம் பெற்ற வருமானம் 77.7 கோடி டாலர்.
 இது 2008ல் பெற்றதைக் காட்டிலும் மூன்று மடங்கு அதிகமாக இருந்தது. (சென்ற வாரம், பேஸ்புக் தன் நான்காவது காலாண்டில் மட்டும் 206 கோடி டாலர் விற்பனை மேற்கொண்டதாக அறிவித்துள்ளது இங்கு குறிப்பிடத்தக்கது. இது முந்தைய ஆண்டைக் காட்டிலும் 63% கூடுதலாகும்.)

 2012 ஆம் ஆண்டு மே மாதம்,
பேஸ்புக்  தன் பொதுப் பங்கு வெளியீட்டினை மேற்கொண்டது. 
இதன் மூலம் அது திரட்டிய தொகை 1,600 கோடி டாலர்கள் . அமெரிக்க பங்குச்சந்தை  வரலாற்றில்  இது மூன்றாவது பெரிய பங்கு வெளியீடாக உள்ளது.

 2012 ஆம் ஆண்டு, அக்டோபர் 4ல், பேஸ்புக் இணையதளத்தில் ஒரு மாதத்தில் தொடர்ந்து செயல்பட்டுக் கொண்டிருக்கும் வாடிக்கையாளர் எண்ணிக்கை, நூறு கோடி யைத் தாண்டிவிட்டது .
 இன்றைய நிலவரப்படி உலகில் உள்ளவர்களில்  ஏழு பேரில் ஒருவர், பேஸ்புக்கில் இணைந்துள்ளனர்.
பேஸ்புக் வடிவமைப்பின் மூலம் தன் 23 ஆவது வயதில் கோடீஸ் வரராக உயர்ந்த இளைஞர் என ஸக்கர்பெர்க் வரும் மே மாதம் தன் 30 ஆவது பிறந்த நாளை இவர் கொண்டாட இருக்கிறார்.
 ஸக்கர்பெர்க் வளர்க்கும் பீஸ்ட் (Beast) என்னும் நாய்க்கு பேஸ்புக்கில் ஒரு தளம் உள்ளது. இதனை17 லட்சம் பேர் பின்பற்றி வருகின்றனர்.
ஸக்கர்பெர்க், பேஸ்புக்கின் போட்டி தளமான ட்விட்டர் தளத்தில் தனக்கென ஒரு பக்கக் கணக்கு வைத்துள்ளார். இதற்கு 3 லட்சம் விசிறிகள் உள்ளனர். ஆனால், 2012 ஜனவரிக்குப் பிறகு, இதில் புதியதாக எதுவும் எழுதப்படவில்லை.
6,900 கோடி டாலர் சந்தை மதிப்புள்ள நிறுவனமாக உயர்வதற்கு, டாட்டா கன்சல்டன்ஸி (டி.சி.எஸ்) நிறுவனத் திற்கு 46 ஆண்டுகள் ஆனது. ரிலை யன்ஸ் 4,300 கோடி டாலர் மதிப்பினைப் பெற 43 ஆண்டுகள் எடுத்துக் கொண்டது. ஆனால், பேஸ்புக், பத்தே ஆண்டுகளில் 16,100 கோடி டாலர் மதிப்புள்ள நிறுவனமாக உயர்ந்துள்ளது.
தன் பயனாளர்களில், 60 லட்சம் பேர்களின் தனிப்பட்ட தகவல்கள், தவறுதலாக ஒரு நிறுவனத்திற்குச் சென்றது என பேஸ்புக் அறிவித்தது. இது தன் மென்பொருள் வடிவமைப்பில் இருந்த தவறினால் ஏற்பட்டது என ஒப்புக் கொண்ட பேஸ்புக், அவர்கள் அனைவருக்கும் மின் அஞ்சல் மூலம் தகவல்கள் அனுப்பப்பட்ட தாகவும், இவர்களின் நிதி நிலை குறித்த தகவல்கள் எதுவும் திருடு போகவில்லை எனவும் தெரிவித்தது. 
எவ்வளவு திறமையான மென்பொருள் வல்லுநர் களைக் கொண்ட நிறுவனமாக இருந்தாலும், 100 சதவிதம் பிழை இல்லாத மென்பொருள் வடிவமைப்புகளை  அமைக்க இயலாது என்று வேறு  பேஸ்புக் நிறுவனம் அறிவித்தது  குறிப்பிடத்தக்கது.
suran

Click Here
  இந்தியாவைப் பொறுத்தவரை பேஸ்புக் வளர்ச்சி மற்ற நாடுகளைக் காட்டிலும் அதிக வேகத்துடனே காணப்படுகிறது. 
ஒவ்வொரு மாதமும், இதில் செயல்படும் பயனாளர்களின் எண்ணிக்கை 9 கோடியே 30 லட்சமாகும். 
இதில் 7 கோடியே 30 லட்சம் பேர், தங்கள் மொபைல் சாதனங் களில், பேஸ்புக் தளத்தைப் பயன் படுத்துகின்றனர்.
 இதனாலேயே, தன் மொபைல் அப்ளிகேஷன்களுக்கு, இந்தியாவை ஒரு சோதனைத் தளமாக பேஸ்புக் கொண் டுள்ளது. 
2008 ஆம் ஆண்டு வாக்கில்தான், இந்தியாவில் பேஸ்புக் பயன்பாடு தொடங்கியது என்பது இங்கு குறிப்பிடத்தக்கது. பயனாளர் எண்ணிக்கை 10 கோடியை தற்போது நெருங்கிக் கொண்டி ருக்கிறது.

 தொலைக்காட்சி ரசிகர்களின் எண்ணிக்கையைக் காட்டிலும், பேஸ்புக் பயனாளர் எண்ணிக்கை அதிகமாக உள்ளது.
suran

 சொல்லப் போனால் இன்று இளையத் தலைமுறையினரிடம் பேஸ்புக் தான் மாஸ் மீடியாவாக இயங்குகிறது. 
அதனால் தான், ஐ.சி.ஐ.சி.ஐ., கோகோ கோலா இந்தியா, ஏர்டெல், நெஸ்லே மற்றும் காட்பரி இந்தியா போன்ற நிறுவனங்கள், தங்கள் விளம்பரத்தை பேஸ்புக் தளத்துக்கு அள்ளி விடுகின்றன.
இன்று இந்தியாவில் உள்ள 26 கோடியே 30 லட்சம் இணைய பயனாளர்களில், 9 கோடியே 30 லட்சம் பேர் பேஸ்புக் தளத்தில் இனைந்துள்ளனர் .

---------------------------------------------------------------------------------------------
மூடர் கூடம்?

இப்போது முடிந்து விட்ட கடைசி மக்களவை கூட்டத்தொடருடன் மன்மோகன்-சோனியா காங்கிரசு தலைமை மக்களவை நடவடிக்கைகள் 90 சதம் ஒத்திவைப்பு-கூச்சல்-குழப்பம் என்றுதான் நடந்துள்ளது.
காங்கிரசு அதைத்தான் விரும்பியது போல் தெரிகிறது.
suran
அவர்கள் கொண்டுவந்த மசோதாக்கள் -தீர்மானங்கள் அனைத்துமே நாட்டை அந்நிய நாடுகளிடம் விற்கும்  வகையில் இருந்தன.
அதனால் ஏற்பட்ட எதிர்ப்புகளை வேறு தெலுங்கானா,தமிழக மீனவர் பிரச்னை,போன்ற பிரச்னைகளை எழுப்பி மக்களை திசை மாற்றி அந்த சந்தடியில் தங்களின் விவகாரமான மசோதாக்களை தங்கள் விருப்பப்படி நிறைவெற்றிக் கொண்டனர் .
இந்திய வரலாற்றில் இதுபோன்ற மோசமான பார்லி., வீணான கூட்டத்தொடர் எதுவும் இருக்க முடியாது என்ற அளவிற்கு நடந்து முடிந்த மக்களவை,மாநிலங்களவை  கூட்டத்தொடர் பேசப்படுகிறது. 
கூச்சல்,குழப்பம்,மேசை -மைக் உடைத்தல்,காகிதங்களை கிழித்து எறிதல் எல்லாவற்றுக்கும் மேலாக மிளகு சாரம் [ ஸ்பிரே செஷன்ஸ்]தூவல் என்று மக்களால் தங்கள் நலனுக்கு என்று வாக்களித்து அனுப்பப்பட்டவர்கள் கேவலமாக ரவுடிகள் போல் நடந்து கொண்டுள்ளனர்.
கடைசியாக நடந்த குளிர்கால் கூட்டத்தொடர் ( பிப்- 5 முதல் பிப் 21 வரை) 10 முறை அமர்வுகள் நடந்தது என்றும், இதில் லோக்சபாவில 88 சதவீதமும், ராஜ்யசபாவில் 85 சதவீதமும் கால விரையம் ஆகியிருக்கிறது.

செக்சன் 374 -ஏ யின் படி 17 எம்.பி.,க்கள் சஸ்பெண்ட் செய்யப்பட்டனர். கடந்த 2013 ஆகஸ்ட் மாதம் நடந்த லோக்சபாவில் 12 எம்.பி.,க்கள் சஸ்பெண்ட் செய்யப்பட்டனர். 
எம்.பி.,க்கள் வருகை பதிவு குறித்த எடுக்கப்பட்ட விவரத்தில் ராகுலும், தமிழகத்தை சேர்ந்த எம்.பி.,க்களும் படுமோசம் என்ற பட்டியலில் இடம் பெற்றுள்ளளனர்.அதிலும் மிக அதிகமாக சபையை நடத்தவிடாமல் கூச்சலிட்டது அவைநாயகர் மேசையை மறித்து கோசம் எழுப்பியது,காகிதங்களை அதிகாமாக கிழித்து பறக்கவிட்டது,அவை நாயகர் ஒலிவாங்கியை உடைத்தது என்று சாதனையை படைத்துள்ளார்.அதிமுக அனுப்பிய மைத்ரேயன்.
suran
கடந்த பார்லி., கூட்டத்தொடரில் சிறந்த பேச்சாக எப்போதும் மவுனமாக இருக்கும் பிரதமர் மன்மோகன்சிங், எதிர்கட்சி தரப்பில் விளாசும் சுஷ்மா சுவராஜ், சீக்கிய கலவரம் குறித்து ஹரீஸ்மிராட் கவுர் பாதல், சுற்றுச்சூழல் துறை அமைச்சர் ஜெய்ராம் ரமேஷ் ஆகியோர் சிறந்தவர்களாக தேர்வாகியுள்ளனர். இந்த மேற்கூறியவர்கள் பேசிய விவாத பொருள் விவரம் வருமாறு: பிரதமர் மன்மோகன்சிங்- (விக்கலீக்ஸ் தொடர்பான சர்ச்சை ) - மார்ச் 2011, சுஷ்மாசுவராஜ்- லிபரான் கமிஷன் ரிப்போர்ட் , ஜெய்ராம் ரமேஷ் ( நில கையகப்படுத்தும் மசோதா ), கவுர் பாதல் - சீக்கியர்களுக்கு எதிரான கலவரம் குறித்து . 

இதுவரை பல முக்கிய மசோதாக்கள் நிறைவேற்றப்படவில்லை. இதில் ஊழல் தடுப்பு திருத்த மசோதாக்கள், மகளிர் இட ஒதுக்கீடு மசோதா, நீதித்துறை மற்றும் நம்பிக்கை மசோதா, சரக்குக்கான சேவை வரி மசோதா, வெளிநாட்டு அலுவலக ஊழல் தடுப்பு மசோதா ஆகியன நிறைவேற்றப்பட முடியவில்லை. 

கடந்த 1962 முதல் நடந்த பார்லி., கூட்டத்தொடரில் இதுவரை பல கூட்டங்கள் பயனுள்ளதாகவே இருந்துள்ளது. இதில் பல கூட்டங்கள் 100 முதல் 120 சதம் வரை பயன் அடைந்துள்ளதாக ஒரு புள்ளிவிவரம் தெரிவிக்கிறது. ஆனால் கடந்த 1999 முதல் இந்த பயன்பாடு குறைந்து வந்தது. கடந்த 2009 - 2014 வரையிலான பயன்பாடு பார்லி., வரலாற்றில் மிக குறைவாக 63 சதம் மட்டுமே பயன்பாடாக இருந்தது என்றும் தெரிய வருகிறது.
 மொத்தம் 545 எம்.பி.க்களில் மொத்தம் 4 எம்.பி.,க்கள் மட்டுமே 100 சதம் வருகை பதிவாகியுள்ளனர்.
 மொத்தம் 297 எம்.பி.,க்கள் மட்டுமே அவையில் கேள்விகள் எழுப்பியுள்ளனர்.
 100 சதவீத வருகை புரிந்த எம்.பி.,க்கள் பெயர் விவரம் வருமாறு: பிரதீபா சிங் (மந்தி தொகுதி, அரியானா), டாக்டர் சுரேஷ் ( பெங்களூரூ, ரூரல் ) , ரமேஷ்குமார் ( தெற்கு மும்பை), கே.பி.தனபால் ( சாலக்குடி, கேரளா ).

இது போன்று மற்ற எம்.பி.,க்கள் வருகையில் அதிகம் சதம் பெற்ற எம்.பி.,க்ள் விவரம்; ஜோதி மிர்தா - காங் - நாக்பூர் ( 93 சதவீதம்), மீனாட்சி நடராஜன் - காங் மந்தசசோர் ம.பி., ( 84 சதவீதம் ), ஹம்துல்லா சயீத் ( 79 சதவீதம்),அகதா சங்மா (48 சதம்) , இவர் எந்தவொரு விவாதத்திலும் பங்கேற்கவில்லை, எந்தவொரு கேள்வியும் கேட்கவில்லை. இதில் இவர் பெற்ற மார்க் பூஜ்யம் தான். 
சசி தரூர் 12 விவாதங்களிலும், 88 கேள்விகளும் கேட்டுள்ளார்.
suran
 பா.ஜ., மூத்த தலைவர் எல்.கே., அத்வானி இந்த தொடரில் ஒரு கேள்வி கூட கேட்கவில்லை. இவரது வருகை பதிவேடு 96 சதம், 39 விவாதங்களில் பங்கேற்றுள்ளார். 
சுஷ்மா சுவராஜ்- வருகை பதிவேட்டில் 94 சதம், 108 விவாதங்களில் பங்கேற்பு, காங்., தலைவர் சோனியா 47 சதம் வருகைப்பதிவேடு, 2 விவாதங்களில் பங்கேற்பு, கேட்ட கேள்வி- 0.

வருண் காந்தி( பாஜ., ) வருகைபதிவேட்டில் 63 சதம், 2 விவாதங்களில பங்கேற்றுள்ளார், 635 கேள்விகள் கேட்டுள்ளார். 
சைலேந்திரகுமார்- (சமாஜ்வாடி கட்சி), வருகைபதிவேட்டில் 97 சதம் 168 கேள்வி 342 விவாதங்களில் பங்கேற்பு, புலன்பிகாரி பாஸ்கே, (சி.பி.எம்.,) வருகை பதிவேடு, 92 சதம், 42 விவாதங்களில் பங்கேற்பு, 84 கேள்விகள் எழுப்பியுள்ளார்.அணுராக்சிங் தாக்கூர் ( பா.ஜ., ) வருகை பதிவேட்டில் 84 சதம், 68 விவாதங்களில் பங்கேற்பு, 599 கேள்விகள் எழுப்பியுள்ளார். சுப்ரீயாசுலே ( சரத்பவாரின் மகள் , தேசியவாத காங்கிரஸ்), வருகைப்பதிவேட்டில் 86 சதம், 38 விவாதங்களில் பப்கேற்பு, 733 கேள்விகள் கேட்டுள்ளார்.

 ஆய்வு அறிக்கையில் கூறப்பட்ட விபரங்களின்படி காங்கிரசின் பிரத வேட்பாளராக அடையாளங்கானப்படும் பிப்ரவரி 17 வரை ராகுல் வெறும் 42 சதவீதம் அட்டென்டண்ஸ் மட்டுமே வைத்துள்ளார். இது சராசரி அளவான 76 சதவீதத்திற்கும் குறைவாகவே உள்ளது. 
 ராகுலின் சொந்த தொகுதி இருக்கும் உத்திர பிரதேசத்தைச் சேர்ந்த எம்.பி.,க்கள் அதிகபட்சமாக 80 சதவீதம் அட்டென்டண்ஸ் வைத்துள்ளனர். மொத்த 17 நாட்கள் நடைபெற்ற லோக்சபாவின் கடைசி கூட்டத் தொடரில் தினமும் பல்வேறு விவாதங்கள் நடத்தபட்டது. இதில் 2 விவாதங்களின் போது மட்டுமே ராகுல் கலந்து கொண்டுள்ளார். 
அவைக்கு வந்த சமயத்திலும் கேள்வி ஏதும் கேட்கவும் இல்லை, தனிநபர் மசோதா எதையும் தாக்கல் செய்யவும் இல்லை. அவையில் கொண்டு வரப்பட்ட, விவாதிக்கப்பட்ட விவகாரங்களில், லோக்பால் மசோதாவில் மட்டுமே ராகுலின் தலையீடு இருந்துள்ளது. மோசமான வருகை பதிவேடு என்பதில் ராகுல் இடம் பிடித்துள்ளார்.
suran

 தமிழக மக்களவை உறுப்பினர்கள்  அ.ராஜா[இவர் 2ஜியில் மாட்டி திகாரில் அடைக்கப்பட்டதால் கலந்து கொள்ளவில்லை.], மு.க.அழகிரி, நெப்போலியன், சமாஜ்வாதி கட்சியைச் சேர்ந்த டிம்பிள் யாதவ், திரிணாமுல் காங்கிரசை சேர்ந்த மோகன் ஜாதுயா, சிசிர் அதிகாரி மற்றும் கபிர் சுமவ், ஜார்கண்ட் முக்தி மோட்சாவைச் சேர்ந்த சிபு சோரன், பா.ஜ.,வைச் சேர்ந்த பலிராம் காஸ்யாப, சதானந்த கவுடா, வித்தல்பாய் ஹன்ஸ்ராஜ்பாய் உள்ளிட்ட பல எம்.பி.,க்கள் ராகுலை விடவும் மோசமான வருகை பதிவை தந்துள்ளனர். 

மொத்தத்தில் இந்தமக்களவை கூட்டங்க்கள் இதுவரை இல்லாத அளவு  படுமோசம் என்ற அவப் பெயரை பெற்றுள்ளது.

இது போன்ற சொந்த விவகாரங்களுக்காக குழப்படி செய்யும் கட்சிக்காரர்களை தங்கள் சார்பில் கட்சி,சாதி,மதம் பார்த்து தேர்ந்தெடுத்த மக்களைத்தான் அதற்கான பெருமை சாரும்.

இன்றைய அளவில் மக்களவை கட்டிடம் மூடர் கூடம் போல் தோன்றினாலும் இந்திய மக்களை மூடர்களாக ஆக்கும் கூடம் அதுதான் .காரணம் நம் பிரதிநிதிகள் காரணமின்றி கத்தவில்லை.உள்நோக்கத்துடன்தான் குழப்படி செய்கின்றனர்.அதில் அவர்களின் நோக்கங்களும்-தேவைகளும் நிறை வேறிகொள்கின்றன.
suran


suran

---------------------------------------------------------------------------------------------------------------

இந்திய பீடிக்கு அமெரிக்கா  தடை .!


இந்தியாவில்  தயாரிக்கப்பட்டு அமெரிக்காவில் இறக்குமதி செய்யப்படும் பீடிகளுக்கு அந்நாட்டு அரசு திடீர் தடை விதித்துள்ளது.இந்தியாவில் ஏழைகளின் சிகரெட் என்று செல்லமாக அழைக்கப்படும் பீடிகள் இங்கு கைகளால் தயாரிக்கப்பட்டு சந்தைகளில் விற்பனைக்கு கொண்டு வரப்படுகின்றன. இந்தியாவில் புகையிலையை கொண்டு தயாரிக்கப்படும் இவ்வகை பீடிகளுக்கு மேலை நாடுகளில் கடும் கிராக்கி காணப்படுகிறது. அமெரிக்காவில் கடந்த சில ஆண்டுகளாக பீடிகளின் ஏற்றுமதி பிரமாதமாக காணப்பட்டு வந்தது.
 கடந்த 2009ம் ஆண்டு புகையிலை பொருட்கள் விற்பனை மீதான பல்வேறு கட்டுபாடுகளை அமெரிக்க அரசு கொண்டுவந்தது. இதனையடுத்து பீடி, சிகரெட் உள்ளிட்ட பொருட்களை தயாரிக்கவும், விற்பனை செய்யவும், இறக்குமதி செய்யவும் ஏராளமான கண்டிஷன்களை அமெரிக்க அரசு போட்டது. 
suran

இந்நிலையில் சிறிய சிகரெட்டுகள் என்று அமெரிக்கர்களால் அழைக்கப்படும் இந்திய தயாரிப்பு பீடிகளை இறக்குமதி செய்யவும், விற்கவும் அமெரிக்கா திடீர் தடை விதித்துள்ளது.

அமெரிக்காவின் உணவு மற்றும் மருந்து கட்டுப்பாட்டு அமைச்சகம் முதன் முறையாக இல்லினாய்ஸ் நகரில் இருந்து செயல்படும் ஜாஸ் இன்டர்
நேஷனல் என்ற இந்திய பீடி நிறுவனத்தின் நான்கு வகை பீடிகளுக்கு தடை விதித்துள்ளது. தற்போதைய புதிய விதிகளின் படி இவ்வகை பொருட்களை நீண்ட காலத்திற்கு சந்தைகளில் விற்கவோ, இறக்குமதி செய்யவோ அனுமதியில்லை என்று அதிகாரிகள் தெரிவித்துள்ளனர். ஆனால் இதுகுறித்து ஜாஸ் நிறுவனத்தின் தரப்பில் இதுவரை  பதில் தெரிவிக்கப்படவில்லை.2011ல் எடுக்கப்பட்ட ஒரு சர்வேயில் அமெரிக்க மேல்நிலைப்பள்ளிகளில் படிக்கும் 2 சதவீத மாணவர்கள் இந்திய பீடி
களை புகைக்கின்றனர் என்பது தெரியவந்துள்ளது குறிப்பிடத்தக்கது.
---------------------------------------------------------------------------------------------------------------------------------