இன்றைய செய்தி,நாளைய வரலாறு. நாளைய வரலாறை படிப்போம்.

ஞாயிறு, 31 மே, 2015

வைரஸ் வந்த பென் டிரைவ்..

சுலபமாக தகவல்களை கையாள நமக்கு துணைபுரிவது பென்டிரைவாகும். இதனை பல கணினிகளில் பயன்படுத்துவதன் மூலம் வைரஸ் சுலபமாக வந்து விடுகிறது. 
இதுபோன்று வைரஸ் உள்ள பென்டிரைவினை திறக்கவோ அல்லது தகவல்களை ஏற்றவோ அல்லது இறக்கவோ முடியாது. பென்டிரைவில் முக்கியமான தகவல்கள் ஏதும் இல்லை என்றால் அதனை “பார்மட்” செய்து வைரஸினை நீக்கிவிடலாம்.

ஒரு வேளை அதில் முக்கியமான தகவல் இருப்பின் என்ன செய்ய? கவலையில்லை. அதனை எந்த விதமான மென்பொருளும் இன்றி சுலபமாக மீட்டு விடலாம். அது எவ்வாறு என காணலாம்.

பென் டிரைவை  கணினியில் இணைத்தப்பின்


1. START > RUN சென்று அதில் CMD என டைப் செய்து ENTER கீயினை அழுத்தவும்

2. இப்பொழுது Command Prompt திறக்கும். அடுத்து பென்டிரைவ் கணினியில் எந்த டிரைவில் உள்ளது என அறிந்து கொண்டு Command Promptல் அந்த டிரைவிற்கு செல்ல வேண்டும்.(உ.ம்) H டிரைவ் எனில் H:\> என மாற்றிக் கொள்ள வேண்டும்.

3. பின்பு H:\>attrib sh/s/d *.* என டைப் செய்ய வேண்டும். சரியான இடைவெளியுடன் டைப் செய்தது உறுதி செய்தவுடன் ENTER கீயினை அழுத்த வேண்டும். பின்பு சிறிது நேரம் கழித்து பென்டிரைவினை திறந்து பார்த்தால் அனைத்து தகவலும் நமக்கு கிடைக்கும். II அழிக்க முடியாத பைல்களை அழிக்க சில நேரங்களில் ஹார்ட் டிஸ்கில் இடப்பற்றாக் குறை ஏற்படும் போது தேவையில்லாத பைல்களை அழிப்போம்.
அது போன்று நீக்கும் போது சில பைல்கள் நேரிடையாக அழிக்க முடியாமல் போகலாம் Cannot Delete File என தோன்றும். இது போன்ற பைல்களை அழிக்க கீழ்வரும் செயல்களை பின்பற்றினால் அழிக்க முடியும்.

1. அழிக்க நினைக்கும் பைல் எந்த டிரைவில் எந்த போல்டரில் உள்ளதென அறிந்து கொள்ள வேண்டும் 

2. எடுத்துக் காட்டாக சி டிரைவில் mydoc என்ற போல்டரில் உள்ளதெனில் அதன் சரியான Path தினை அறிந்து கொள்ள வேண்டும். C:\Documents and Settings\mydoc.txt 03. பாதுகாப்பாக இதனை செய்ய கணினியை ரீஸ்டார்ட் செய்து கணினி பூட் ஆகும் போது F8 அழுத்த வேண்டும். இப்பொழுது திரையில் Advance Boot Options Menu தெரியும். அதில் Safemode With Command Prompt என்பதில் கிளிக் செய்து டாஸ் ப்ரம்ப்டில் நுழைய வேண்டும்.

4. இனி Command Promptல் துடிக்கும் புள்ளியில் cd C:Documents and Settings என டைப் செய்ய வேண்டும். இதில் cd என்பது Change Directory என்பதை குறிக்கின்றது. 

5. மேலே கூறியவாறு டைப் செய்து என்டர் அழுத்திய உடன் பைல் உள்ள டைரக்டரி யில் சென்று நிற்கும். இப்பொழுது அதில் del mydoc.txt என டைப் செய்து என்டர் தட்டினால் நாம் Delete செய்ய நினைத்த பைல் இப்பொழுது காணாமல் போயிருக்கும்.
=======================================================================
இன்று,
மே -31.

சர்வதேச புகையிலை எதிர்ப்பு தினம்
  • தென்னாப்பிரிக்க ஒன்றியம் அமைக்கப்பட்டது(1910)
  • டைட்டானிக் கப்பல் வெள்ளோட்டம் விடப்பட்டது(1911)
  • மேற்கிந்தியத் தீவுகளின் கூட்டமைப்பு கலைக்கப்பட்டது(1962)
  • தென்னாப்பிரிக்க குடியரசு அமைக்கப்பட்டது(1961)

மே 31 புகையிலை மறுப்பு தினம்.

ஏனெனில், நம்மை சுற்றிலும் மற்றவர்கள் புகைபிடிப்பதன்  மூலம் நம்மை சுற்றிலும் மாசு படிந்த காற்று நிறைந்து காணப்படுகிறது. 
நம்மிடையே புகை பிடிப்பதன் மூலம் ஏற்படும் தீமைகள் குறித்தும், அதை விலக்குவதற்காக நாம்  எடுக்க வேண்டிய தடுப்பு முறைகள் குறித்தும் சர்வதேச அளவில் ஏராளமான கட்டுரைகளும் நூல்களும் வெளிவந்து கொண்டே இருக்கின்றன. 
இன்னொரு பக்கம், புகை  பிடித்தல் குறித்த ஆராய்ச்சிகள் மருத்துவதுறையின் ஒரு அங்கமாகவே மாறிவிட்டிருக்கிறது. இதுகுறித்த ஆராய்ச்சி முடிவுகள் நாள்தோறும் வந்து கொண்டே இருக்கின்றன.
எந்த ஆராய்ச்சி முடிவுகளுமே ‘புகை பிடித்தல் நல்லது’ என்று கூறாதபோதும், நம்மிடையே பலருக்கு புகை பிடித்தல் பழக்கம் ஒழியவில்லை என்பது நாம் கண்கூடாக  பார்க்கும் ஒன்றாகும்.

உலகளவில் மனிதனின் இறப்புக்கு இரண்டாவது மிக முக்கிய காரணமாக புகையிலை அமைந்துள்ளது. புகைப்பிடிப்போரும், புகையிலை பொருட்களான பான்பராக், குட்கா,  ஹான்ஸ் போன்ற போதை வஸ்துக்களை பயன்படுத்தும் 60 சதவீதத்துக்கும் மேலானவர்களும் புற்றுநோய் சம்பந்தப்பட்ட நோய்களினாலேயே இறக்கின்றனர்.

தவிர, புகைப்பவர்களினால் அவர்களது வீட்டிலுள்ளவர்களும் மாசுபட்ட காற்றை சுவாசித்து பாதிக்கப்படுகின்றனர். 
சுமார் 2 லட்சத்துக்கும் அதிகமான தொழிலாளர்கள்,  மற்றவர்கள் விடும் புகையினால் இறந்து போவதாக உலக தொழிலாளர் நிறுவனம் கூறுகிறது.
 ‘புகை பிடிக்கும் பழக்கம் எல்லோருக்கும் இருப்பதில்லை, புகை பிடித்துப்  பார்த்தவர்கள் அனைவரும் புகைக்கு அடிமையாவதில்லை.

முதன்முதலாக புகை பிடிக்கும்போது, நமது மூளையில் அந்த புகை ஏற்படுத்தும் வேதி மாற்றங்களே, நாம் புகைக்கு அடிமை ஆவோமா, இல்லையா என்பதை  நிர்ணயிப்பதில் முக்கிய பங்கு வகிக்கிறது என்பதே சமீபத்தில் வெளியான மருத்துவ ஆராய்ச்சியின் முடிவு.
 ‘பத்து வயதுகளில் திருட்டுத்தனமாக புகை இழுத்துப்  பார்க்கும்போது, யார் மிக ஓய்வாகவும், இன்பமாகவும் இருப்பதாக உணர்கிறார்களோ, அவர்களே புகைபிடித்தலுக்கு அடிமையாகின்றனர்’ என்று ஆராய்ச்சி முடிவுகள்  கூறுகின்றன. 
புகைபிடிப்பதினால் மூளையில் பரவும் நிக்கோட்டின் புகை, எல்லோருடைய மூளையிலும் ஒரே வேதியியல் மாற்றங்களை ஏற்படுத்துவதில்லை. ஒருசிலருக்கு  அது எந்த மாற்றத்தையும் ஏற்படுத்தாமல், பலரிடம் அதிகப்படியான மாற்றத்தை நிகழ்த்திவிடுகிறது. 
இதனால்தான் முதன் முறையாக புகை பிடிக்கும்போது வரும்  உணர்ச்சிகள் இனம்புரியாத கலவையாக உள்ளன.

இந்த முதல் முயற்சி தரும் கிளர்ச்சியே, பிற்காலத்தில் நாம் புகைபிடிக்கும் பழக்கத்துக்கு அடிமை ஆவோமா, இல்லையா என்பதை நிர்ணயிக்கிறது. இந்த கிளர்ச்சி நம்  உடலுக்கு கிடைத்தால், மீண்டும் அவற்றை மூளை எதிர்நோக்க ஆரம்பித்துவிடுகிறது. 
நமது செயல்பாடுகளின் பின்னணியில் இருக்கும் மூளையின் நேரடி கட்டளைகள்,  அந்த கிளர்ச்சி சுகத்தை நம் மனக்கண்ணில் அடிக்கடி நிகழ்த்திக் காட்டி, நம்மை புகைக்கு அடிமையாக்கி விடுகிறது.
 ‘சிறுவயதிலேயே குழந்தைகள் புகைபிடித்தலை  விளையாட்டாகக் கூட முயற்சித்துப் பார்க்கக்கூடாது என்பதற்கான முக்கியமான காரணமாக இதை எடுத்துக் கொள்ளலாம். 
வாரத்துக்கு நாற்பது மணி நேரம் சிகரெட் புகை  உலவும் இடங்களில் இருப்பவர்கள், அத்தகைய ஒரு சூழலில் தொடர்ச்சியாக ஐந்து ஆண்டுகள் இருக்க நேர்ந்தால், அவர்களை நுரையீரல் புற்றுநோய் உட்பட பல்வேறு  நோய்கள் தாக்குகின்றன.

‘புகை பழக்கத்துக்கு அடிமையான பலர், அதிலிருந்து விடுபடுவதற்காக புகையிலை மெல்லும் பழக்கத்துக்குத் தாவிவிடுகின்றனர். 
அது புகைபிடிப்பதைவிட, அதிக ஆபத்தான  பின்விளைவுகளை ஏற்படுத்தும்’ என்று அமெரிக்க ஆராய்ச்சி மருத்துவ நிறுவனம் தெரிவிக்கிறது.
 மனித சமுதாயத்தை சீரழிக்கும் இந்த புகைபிடித்தலை ஒழிப்பதற்காக,  1987-ல் உலக சுகாதார நிறுவனம் ஏப்ரல் 7, 1988-ஐ ‘உலக புகைக்காத நாளாக’ கொண்டாடத் தீர்மானித்தது.
 பின்னர், 1988-ல் முதல் ஒவ்வொரு ஆண்டும் மே 31-ம்  தேதியை ‘உலக புகையிலை மறுப்பு தினமாக’ கடைப்பிடிக்க தீர்மானம் நிறைவேற்றியது.
இன்றைய தினம் புகையிலை உபயோகிப்பதன் மூலம் ஏற்படும் ஆபத்துகளையும்  பின்விளைவுகளையும், அதைத் தவிர்ப்பதால் நோய்களில் இருந்து தப்பிப்பது பற்றியும் நாம் எடுத்துக் கூறுவோம்.

புகை பிடித்தலின் தீமைகளும், அதை தவிர்க்கும் முறைகளும் நம் அனைவருக்கும் தெரிந்திருந்தும், இளைய தலைமுறையினருக்கு பல சந்தர்ப்பங்களில் நாம் அதுகுறித்த  விழிப்புணர்வை ஏற்படுத்துவதில்லை. ஒருசில ஊடகங்களின் மலிவான பிரசாரங்களை மீறி, நமக்கு சமூகத்தைக் காக்கும் கடமை உண்டு’ என்பதை உணர்ந்து, நாம்  விழிப்புடன் செயல்படுதல் அவசியம். 
இன்றே புகைபிடிப்பதை விலக்குவீர். 
நோயின்றி பல்லாண்டு காலம் வாழ்வீர்!

========================================================================

அரசு செலவில் ஆரம்பிக்கப்படும் திட்டங்களுக்கெல்லாம் தனது பெயரையும்,படத்தையும் மட்டுமே போட்டு அழகு பார்க்கும் ஆள்வோர் தமிழ் நாட்டில்.ஆனால் சிங்கப்பூரில் த்ண்ணீர் பாட்டலில் அழகாக திருக்குறளை அச்சிட்டு அதுவும் தமிழில் விற்பனை செய்கிறார்கள்.
என்ன செய்வது அம்மாவைத்தவிர அய்யனையோ வேறு எவனையோ  ஆளும் அம்மாவுக்கு பிடிக்காதே?ஆனால் தான் ஒரு காலத்தில் தூக்கி எறிந்த கண்ணகி சிலைக்கு தன அடிமைகளை வைத்து பூசை செய்யும் அளவு காலம் மாறியதை கருத்தில் கொள்ள வேண்டும் .
========================================================================
காதல் கைகூட காதல் பூட்டு.வேண்டுதல் இது பாரீஸ் கூத்து .

1947 இந்திய பிரிவினையின் போது அகதிகளுக்காக விடப்பட்ட  தனி ரெயில்.

சனி, 30 மே, 2015

தாமதம் காட்டக் கூடாது.

ஜெயலலிதாவை தனது தவறான கணக்கீடு முறையில் தவறாக ஊழல் வழக்கில் இருந்து நீதியரசர் குமாரசாமி அய்யா வெளியே விட்டதையும்,10% வரை லஞ்சம் வாங்குவது சட்டபடி சரிதான் ஜெயலலிதா 8.60% தான் ஊழல் செய்துள்ளார் எனவே அவர் பரிசுத்தமானவர் என்று சான்றும் வழங்கியது இந்தியா முழுக்க அதிர்வலைகளை உண்டாக்கியது.
இந்த வழக்கை அனைவரும் உடனே மேல் முறையீடு செய்ய வேண்டும்.
அதுவும் கர்நாடக அரசு செய்யவதுதான் முறை என்று சொல்லிய பின்னரும் சில,பல காரணங்களால் கர்நாடக அரசு மேல் முறையீடை தள்ளி போட்டுக்கொண்டே போனது அதுவும் கடைசியில் அவசரப்பட மாட்டோம்.
ஆலோசித்து மூன்று மாதங்களுக்குள் செய்ய முயற்சிப்போம் என்று கையை கழுவி விட்டது.
கர்நாடகா மாநில அட்வகேட் ஜெனரல் ரவிவர்ம குமார்
ஏற்கனவே அரசு வழக்குரைஞர் ஆச்சார்யா,அட்வகேட் ஜெனரல் ரவி வர்ம குமார் ஆகியோர் மேல் முறையீடு செய்ய வேண்டும் என்று கர்நாடக அரசுக்கு அறிக்கைகள் அனுப்பியும் காங்கிரசு அரசு ஜெயலலிதா  தனிப்பட்ட முறையில் அனுப்பிய முயற்சிக்கு ஆதரவாக நடந்து கொள்கிறது என்ற ஐயத்தை இந்தியா முழுக்க கிளப்பி விட்டது.
ஆனால் கர்நாட்க அரசின் அட்வகேட் ஜெனரல் இன்று கர்நாடக அரசுக்கு உடனே ஜெயலலிதா  ஊழல் வழக்கில் உடனே மேல் முறையீடு செய்ய வேண்டும் என்று வற்புறுத்தி அறிக்கை  அனுப்பியுள்ளார்.

அந்த அறிக்கையில்
”சொத்து குவிப்பு வழக்கில், கர்நாடகா உயர்நீதிமன்றம் அளித்த தீர்ப்பு தான், இறுதியானது என்று கருதுவது தவறு.
 தீர்ப்பில் முன்னுக்குப் பின் முரணாக பல தவறுகளை கொண்டுள்ள அந்த வழக்குமேல் முறையீடுக்கு முற்றிலும் ஏற்றது தான்.

சொத்து குவிப்பு வழக்கு விசாரணை, சரியான கோணத்தில் விசாரிக்கப்பட வேண்டுமென்று தான், உச்சநீதிமன்றம், கர்நாடகா நீதித்துறை மீது நம்பிக்கை வைத்து, மாற்றியது. 
ஆனால் விசாரணை முறையிலேயே பல தவறுகள்.கர்நாடக அரசு வழக்குரைஞர் இல்லாமலே வழக்கு நடந்துள்ளது. கடைசியாக நியமிக்கப்பட்ட அரசு வழக்குரைஞர் ஆச்சாரியா வாதுரையை கேட்காமலேயே ,அறிக்கையை ஏற்காமலேயே தீர்ப்பு வழங்கப்பட்டுள்ளது.
ஆனால் அந்த தீர்ப்பிலும் பக்கத்துக்குப்பக்கம் முரண்கள்.கணக்கீட்டிலும் தீர்ப்பையே கேலிக்கூத்தாக்கும் தவறுகள்.
இந்த நம்பிக்கையின் அடிப்படையில், உயர்நீதிமன்றம் அளித்த தீர்ப்பை எதிர்த்து, உச்சநீதிமன்றத்தில், மாநில அரசு மேல் முறையீடு செய்ய வேண்டுமென்று, பரிந்துரை செய்கிறேன். 

ஒரு வேளை, மாநில அரசுமேல் முறையீடு செய்யவில்லை என்றால், உச்சநீதிமன்றத்தின் மீது நம்பிக்கை இல்லை என்ற எண்ணத்தை மக்கள மனதில் உருவாக்கலாம்.
இந்த வழக்கில், அப்பீல் செய்யவும், வாதாடுவதற்கு சிறப்பு வக்கீலை நியமிக்கவும் கர்நாடகா அரசுக்கு, சட்டப்படி உரிமை உள்ளது. 

கர்நாடகா சார்பில் வாதாட, மூத்த வக்கீல் ஆச்சார்யாவையே, சிறப்பு வக்கீலாக நியமிக்கலாம். 
வேறு யாரையும் நியமிக்க வேண்டிய அவசியமில்லை.
 சிறப்பு வக்கீலை நியமிக்க, கர்நாடகா உயர்நீதிமன்ற தலைமை நீதிபதியின் அனுமதி பெற வேண்டிய அவசியமும் இல்லை. 

"1977 கர்நாடகா சட்ட அதிகாரிகள் விதிமுறை' படி, சிறப்பு வக்கீலை நியமிக்கும் உரிமை, கர்நாடகா அரசுக்கே உள்ளது. 
இந்த வழக்கில்,மேல் முறையீடு செய்வதில், இனியும் அரசு தாமதம் காட்டக் கூடாது. 

இது, கர்நாடகா அரசின் தார்மீகக்  கடமை.

இவ்வாறு ரவிவர்ம குமார், பரிந்துரை அறிக்கையில் கூறியுள்ளார்.

இதற்கிடையில், கர்நாடகா அமைச்சரவை கூட்டம், ஜூன் முதல் தேதி, காலை 11 மணிக்கு கூடுகிறது. 
இக்கூட்டத்தில், அட்வகேட் ஜெனரல் ரவிவர்மகுமாரின் பரிந்துரை குறித்து விவாதிக்கப்படலாம், ஏற்கப்படலாம் என்று எதிர்பார்க்கப்படுகிறது.
========================================================================
இன்று,
மே -30.
  • அல்பேனியா தனி நாடாகியது(1913)

  • இந்தியாவில் கோவா தனி மாநிலமாகியது(1987)

  • பிராக் அமைதி உடன்பாடு எட்டப்பட்டது(1635)

  • திரினிடாட் டொபாகோவுக்கு முதல் தொகுதி இந்தியர்கள் வந்திறங்கினர்(1845)

========================================================================


சொத்துக்குவிப்பு வழக்கில் சிறை தண்டனையிலிருந்து மீண்ட அதிமுக பொதுச்செயலாளர் ஜெயலலிதாவை வாழ்த்தி, தமிழ்நாடு தீயணைப்பு மற்றும் மீட்பு பணிகள் துறையின் சார்பாக கோவை மாவட்டம் முழுவதும் சுவரொட்டிகள் ஒட்டப்பட்டுள்ளது. அரசு துறையைச் சார்ந்தவர்கள் ஒரு அரசியல் தலைவருக்கு ஆதரவாக சுவரொட்டிகளை ஒட்டி வாழ்த்து தெரிவித்துள்ளது மிக அநாகரிகமான நிகழ்வு.அரசு ஊழியர்கள் அரசியல் நடவடிக்கைகளில் ஈடுபடக் கூடாது என்ற நன்னடத்தை விதிகளின் படி இவர்கள் மீது ஏன் நடவடிக்கை இல்லை?
வெளியெ ஜெயலலிதாவை விட்டதற்கு எதிர்ப்பு  தெரிவித்து நீதித்துறை பெயரில் சுவரொட்டி அடித்தால் இவர்கள் ஒத்துக்கொள்வார்களா?


ஆஸ்துமாவுக்கு


குளிர் காலத்திலும் மழைக் காலத்திலும் கடுமையைக் காட்டும் ஆஸ்துமா, வயது வித்தியாசமின்றி யாருக்கு வேண்டுமானாலும் வரலாம். இந்தியாவில் சுமார் 2 கோடிப் பேருக்கு ஆஸ்துமா நோய் இருப்பதாகக் கூறுகின்றன புள்ளிவிவரங்கள்.
நுரையீரலில் உள்ள மூச்சுக்குழல் தசைகள் சுருங்குவதாலும், மூச்சுக்குழலில் உள்ள உள்சவ்வு வீங்குவதாலும் மூச்சு செல்லும் பாதை சுருங்கக்கூடும். அந்தச் சவ்விலிருந்து நீர் சுரப்பதால் மூச்சுப் பாதை மேலும் அடைபட்டு, மூச்சு விடுவதில் சிரமம் ஏற்படுகிறது. அதுதான் ஆஸ்துமா.
எப்படி வரும்?
ஒருவருக்கு அலர்ஜி எனப்படும் ஒவ்வாமை இருக்கிறதென்றால், அந்த ஒவ்வாமை தொடர்ந்து தூண்டப்படும்போது ஆஸ்துமா வந்துவிடலாம். உணவு, தூசி, புகை, தொழிற்சாலை மாசுபாடு, மருந்துகள் என ஒவ்வாமையைத் தூண்டும் காரணம் எதுவாக வேண்டுமானாலும் இருக்கலாம்.
அடிக்கடி சளி பிடிப்பது, அடுக்குத் தும்மல், மூக்கு ஒழுகுதல், மூக்கடைப்பு, வறட்டு இருமல் போன்ற பிரச்சினைகள் தொடர்ந்தால் கண்டுகொள்ளாமல் விட்டுவிடக் கூடாது. முறையாகச் சிகிச்சை எடுக்காவிட்டால், ஆஸ்துமா வர வாய்ப்பு உள்ளது.
கட்டுப்படுத்துதல்
ஆஸ்துமாவை முழுமையாகக் குணப்படுத்த முடியாது. ஆனால், கட்டுப்பாட்டில் வைத்துக்கொள்ள முடியும். ஆஸ்துமா நோய் உள்ளவர்கள், புழங்கக்கூடிய இடங்கள் சுத்தமாக இருக்க வேண்டும். தூசு, குப்பை, அழுகிய உணவுப் பொருட்கள் போன்றவை அருகே இருக்கக்கூடாது. வீட்டில் ஒட்டடை சேராமல் பார்த்துக்கொள்ள வேண்டும்.
அழுக்கான உடைகள், படுக்கைகள், தலையணைகளைப் பயன்படுத்தக் கூடாது. அழுக்குகளில் கண்ணுக்குத் தெரியாத பூச்சிகள் உருவாகும். அவை ஆஸ்துமா நோயாளிகளுக்கு ஆகாது.
குளிரூட்டப் பட்ட அறை களைத் தவிர்ப்பது நல்லது. குளிர்ச்சியான காற்றும் ஆகாது. சுழல் விசிறிக்கு மிக அருகே படுக்கக் கூடாது.
வாசனை திரவியங்கள், ஊதுவத்திகள், கொசுவிரட்டிகள், சாம்பிராணி புகை, கற்பூரம், அடுப்பு புகை ஆகியவை ஆஸ்துமா நோயாளிகளுக்கு எதிரிகள்.
ஆஸ்துமா உள்ளவர்கள் வீட்டில் வளர்ப்புப் பிராணிகள் வளர்ப்பதைத் தவிர்க்க வேண்டும். அவற்றின் ரோமம், துர்நாற்றம், கழிவு ஆஸ்துமா நோயாளிகளுக்கு ஆகாது.
செய்யக் கூடாதது
ஆஸ்துமா நோயாளிகள் புகைபிடிக்கும் பழக்கத்தை விட்டுவிட வேண்டும். புகைபிடிப்பவர்கள் அருகேயும் இருக்கக் கூடாது.
வீட்டைச் சுத்தப்படுத்துதல், ஒட்டடை அடித்தல், கழிவறைகளில் ஆசிட் பயன்படுத்துதல், வண்ணம் பூசுதல், அதிக நறுமணப் பூக்கள் அருகே புழங்குவது போன்றவற்றைச் செய்யக் கூடாது. வெளியில் வாகனங்களில் செல்லும்போது முகமூடி அணிய வேண்டும்.
சில தொழிற்சாலைகளும்கூட ஆஸ்துமாவுக்குக் காரண மாகின்றன. ரசாயனத் தொழிற்சாலைகள், பஞ்சு மில், அரிசி மில், மாவு மில், சிமெண்ட் தொழிற்சாலை, நூற்பாலைக் கழிவுகளில் இருந்து வெளிப்படும் புகையும் தூசும் ஆஸ்துமாவுக்கு ஆகாது. இந்த இடங்களில் பணிபுரிவதைத் தவிர்ப்பது மிகவும் நல்லது.
தயிர், சர்பத், ரோஸ் மில்க், லஸ்ஸி, குளிர்பானங்கள், குளிர்ந்த தண்ணீர் ஆகியவற்றைத் தவிர்க்க வேண்டும். இளஞ்சூடான தண்ணீரைப் பருகுவது மிகவும் நல்லது.
ஏற்ற உணவு
சில உணவுப் பொருட்கள் ஆஸ்துமா நோயாளிகளுக்கு நல்லது என மருத்துவ ஆய்வு முடிவுகள் கூறுகின்றன. குறிப்பாக வைட்டமின் சி அதிகம் உள்ள உணவுப் பொருட்கள். ஆரஞ்சு, எலுமிச்சை, சிவப்பு மிளகு ஆகியவற்றில் வைட்டமின் சி அதிகம் உள்ளது. இவை ஆஸ்துமாவைக் கட்டுப்படுத்த உதவுகின்றன. ஆப்பிளும்கூட ஆஸ்துமாவைக் கட்டுப்படுத்த உதவுவதாகக் கூறுகின்றன ஆய்வுகள்.
தினமும் காலையில் மூச்சுப் பயிற்சி செய்வது மிகவும் நல்லது. பலூனை ஊதிப் பார்க்கலாம். காற்றுத் தலையணைக்குள் காற்றை ஊத முயற்சிக்கலாம். சிறுவர்கள் ஊதி விளையாடும் சோப்புக் குமிழ் ஊதுகுழலைக்கூட இதற்குப் பயன்படுத்தலாம்.


வெள்ளி, 29 மே, 2015

புற்றுநோய்க்கு மருந்து




சளி  கிருமி.? 


லண்டனைச் சேர்ந்த மருத்துவ விஞ்ஞானிகள், சளியை ஏற்படுத்தும் வைரஸ் கிருமிகளைக் கொண்டு புற்று நோயைக் குணப்படுத்தும் புதிய சிகிச்சை முறையை கண்டு பிடித்திருக்கிறார்கள்.
ஆட்கொல்லி நோயான புற்று நோயிலிருந்து மனிதனை காப்பாற்ற இன்று வரை முறையான சிகிச்சை கண்டுபிடிக்கப்படவில்லை. 
உடல் உள் உறுப்புகளிலும் தோலிலும் ஏற்படும் புற்று நோய்கள் பெரும்பாலும் உயிருக்கு ஆபத்தில் முடிகிறது.

சளிக்கு காரணமான வைரஸ் கிருமிகள், உயிருக்கு ஆபத்து விளைவிக்காதவை. இவற்றை மரபணு மாற்றத்தின் மூலமாக புற்று நோய்க் கிருமிகளை எதிர்த்து போராடும் வகையில் விஞ்ஞானிகள் மாற்றியிருக்கிறார்கள். 

"வைரஸ் இம்யுனோதெரபி' எனப்படும் இச்சிகிச்சை முறையில் மரபணு மாற்றம் பெற்ற வைரஸ். 
இரண்டு வழிகளில் புற்று நோயை எதிர்த்து போராட உதவுகிறது. 


முதலாவதாக, கேன்சரை ஏற்படுத்தும் கிருமிகளில் தங்கி அவற்றை அழிக்கிறது. 
இரண்டாவதாக, உடம்பில் இயற்கையாகவே எதிர்ப்பு சக்தியை உண்டாக்கி புற்று நோய் குணமாக உதவுகிறது.

புற்று நோய்க்கு முறையான சிகிச்சை குறித்து தீவிரமான ஆராய்ச்சி உலகெங்கும் நடந்து வரும் வேளையில் இச்செய்தி மருத்துவ உலகிற்கு ஆறுதலான விஷயமாக இருக்கிறது. 
ஏற்கனவே நடைமுறையில் உள்ள புற்று நோய்க்கான சிகிச்சைகளுடன், இச்சிகிச்சை இணைந்து அளிக்கப்படும் போது நல்ல முன்னேற்றம் கிடைக்கும் என்று விஞ்ஞானிகள் கூறுகின்றனர்.

 இங்கிலாந்தைச் சேர்ந்த மருத்துவர்கள், "வைரஸ் இம்யுனோ தெரபி' க்கு உட்படுத்தப்பட்ட தோல் புற்று நோயாளிகளிடம், நோயின் தாக்கம் குறைந்து நல்ல முன்னேற்றம் ஏற்பட்டதாக தெரிவித்தனர். 
எதிர்காலத்தில் இது புற்று நோய்க்கு மிகச் சிறந்த மாற்றுச் சிகிச்சையாக இருக்கும் என தெரிவித்துள்ளனர்.
கடலலையை  இப்படி கூட படம் எடுக்கலாம்.
========================================================================
இன்று,
மே -29.
சர்வதேச அமைதி காப்போர் தினம்

நைஜீரியா மக்களாட்சி தினம்(1999)

இந்திய தரக்கட்டுப்பாட்டு நிறுவனம் அமைக்கப்பட்டது(1947)

ஆஸ்திரிய-ஹங்கேரி பேரரசு அமைக்கப்பட்டது(1867)

========================================================================

ரூ. 97 கோடி ஆளுங்கட்சிக்கு தேர்தல் நிதியா?

2009-ஆம் ஆண்டு மத்திய அரசு கட்டாய கல்வி உரிமைச் சட்டம் நிறைவேற்றியது. 
இதில் தனியார் பள்ளிகள் அரசு உதவி பெறும் பள்ளிகளில் 25 சதவீதம் தனது பள்ளியின் முதல் வகுப்பில் ஏழை மாணவர்களை இலவசமாக சேர்க்க வேண்டும். எவ்வித கட்டணமும் இந்த மாணவர்களிடம் வசூல் செய்யக் கூடாது என்று சட்டம் இயற்றியது. 
இந்தச்சட்டத்தின்படி தமிழகத்தின் நிலையைப் பார்த்தால் மிகவும் பரிதாபகரமாக இருக்கிறது. சட்டத்திற்கே சவால் விடக்கூடிய வகையில் தனியார் பள்ளி உரிமையாளர்கள் ஏப்ரல் 25 அன்று தமிழக ஆளுநரை வைத்துக் கொண்டு நாங்கள் இந்தச் சட்டத்தின்படி மாணவர்களை சேர்க்கை நடத்த முடியாது.
அரசு சொல்லியுள்ள எந்த விதிமுறைகளையும் கடைபிடிக்க மாட்டோம் என்றும், அரசு வசூல் செய்யும் கல்வி வரியை தனியார் பள்ளிகளுக்கும் கொடுக்க வேண்டும் என்று சட்டத்திற்கு விரோதமான தீர்மானத்தை நிறைவேற்றியது.
 மாநாட்டில் கலந்து கொண்ட ஆளுநர் இது சம்பந்தமாக சட்டத்திற்கே சவால் விடக்கூடிய அரசியல் சட்டத்திற்கு எதிராக இந்தத் தீர்மானத்திற்கு மௌனமாக இருந்தது இவரே சட்டத்தை மதிக்கக் கூடாது என்பதற்கு ஆதரவாக இருப்பது போல் இருக்கிறது. இந்தியா முழுவதும் இந்தச் சட்டத்தின்படி 29 சதவீதம் மாணவர்கள் சேர்க்கப்பட்டு உள்ளார்கள்.
தமிழகத்தில் வெறும் 11.3 சதவீதம் தான் மாணவர்கள் சேர்க்கப்பட்டுள்ளார்கள். இந்த நிலையில் தமிழக அரசு தனியார் பள்ளிகள் கேட்ட ரூ.97 கோடியை மத்திய அரசு பெறாத நிலையில் மாநில அரசு தானே தருவதாக கூறியுள்ளது.
சேர்க்கப்பட்ட மாணவர்களின் விபரங்களைப் பார்த்தால், மிகப்பெரிய மோசடி நடந்ததாக தெரிகிறது. 2013-14-ஆம் ஆண்டில் மெட்ரிக் பள்ளி இயக்குநர் 44330 மாணவர்கள் சேர்க்கப்பட்டதாக கூறியுள்ளார்;.
 ஆனால் அகமதாபாத்தைச் சேர்ந்த தனியார் நிறுவனம் ஒன்றின் ஆய்வில் 15730 மாணவர்கள் மட்டுமே சேர்க்கப்பட்டுள்ளதாக தெரிகிறது.
ஆனால் தமிழக அரசு அரசு ஆணை 120-ன் மூலம் இந்த இரண்டு புள்ளி விபரங்களுக்கும் மாறாக 49864 மாணவர்கள் சேர்க்கப்பட்டதாக கூறுவது எந்த அடிப்படையில் என்று, எந்தக் கல்வியாளர்களுக்கும் பொதுமக்களுக்கும் தெரியவில்லை.
2014-15-ஆம் ஆண்டு மாணவர்கள் சேர்க்கையில் தகவல் அறியும் சட்டத்தில் தமிழகத்தில் 2959 மாணவர்கள் சேர்க்கப்பட்டுள்ளதாக தெரிகிறது. இந்த தகவல் அறியும் சட்டம் வெளிவந்தபிறகு பள்ளிக் கல்வித்துறைச் செயலாளர் சபிதா 89941 பேர் சேர்க்கப்பட்டுள்ளதாக அறிக்கையில் கூறியுள்ளார்.
ஆனால் தமிழகத்தின் முன்னாள் முதல்வர் 86729 பேர் சேர்க்கப்பட்டதாக கூறுகிறார். கல்வித்துறை செயலாளர் சொல்வதற்கும் தமிழகத்தின் முதல்வர் சொல்வதற்கும் இடையில் பெரும் வித்தியாசம் உள்ளது. ஏன் என்று தெரியவில்லை?
யார் சொல்வது உண்மை.
பழனி கல்வி மாவட்டத்தில் தகவல் அறியும் சட்டப்படி 34 தனியார் பள்ளிகள் உள்ளது.
7 பள்ளிகளில் 83 பேர்தான் மாணவர்களை சேர்த்துள்ளார்கள். 27 பள்ளிகள் 1 மாணவரையும் கூட சேர்க்கவில்லை என்று திண்டுக்கல் மாவட்டத்தின் முதன்மை கல்வி அலுவலகத்திலிருந்து தெரிவிக்கப்பட்டுள்ளது.
இதன்மூலம் பள்ளிக் கல்வித்துறையில் முன்னுக்குப் பின் முரணான தகவல்களை அரசே வெளியிடுவதால், இந்த ரூ. 97 கோடியில் மிகப்பெரிய ஊழல்கள் நடந்துள்ளது என்பது தெள்ளத் தெளிவாக தெரிகிறது.
மாணவர் சேர்க்கையின் எண்ணிக்கையில் பெரும் குழப்பங்கள் உள்ளது. இந்த நிலையில் 97 கோடியை எந்தப் பள்ளிகளுக்கு தமிழக அரசு கொடுக்கப்படுகிறது என்பது தெரிவிக்கப்படவில்லை.
தனியார் பள்ளிகள், சேர்க்கப்பட்ட மாணவர்களை பள்ளி வாரியாக வெளியிடுவதற்கு தயாராக இருக்கிறார்களா என்றால் இல்லை. மேலும் எந்த ஒரு நிதியையும் பணியை செய்து முடிக்கப்பட்டவர்களுக்கு கொடுக்கின்ற பொழுது அரசு அலுவலர்கள் மூலம் தணிக்கை செய்வார்கள். அரசு ஆடிட்டர் மூலம் ஆடிட் செய்யப்படும். அப்படி எதுவும் செய்யப்பட்டதாக தெரியவில்லை. எனவே மேற்கண்ட ரூ.97 கோடி எப்படி அரசுப் பணிகளில் ஊழல்கள் மூலம் கமிசனாக கை மாறுகிறதோ அதே போல் இந்த 97 கோடியும் ஆளும் கட்சிக்கு குறிப்பிட்ட சதம் கமிசனாக கை மாறுகிறதோ என்ற அச்சம் கல்வியாளர்கள் மத்தியிலும் பொது மக்கள் மத்தியிலும் எழுந்துள்ளது. மேலும் தனியார் பள்ளிகளுக்கு சொத்துவரி என்பதில்லை.
ஆனால் தனியார் பள்ளிகளால் வரக்கூடிய திடக்கழிவுகளை அகற்றும் பணி உள்ளாட்சி அமைப்புகளால் நடைபெறுகிறது. உள்ளாட்சி அமைப்புகளுக்கு செலுத்த வேண்டிய சேவை வரியையும் செலுத்துவதில்லை. சட்டத்திற்கே சவால் விடக்கூடியவர்களாக இருக்கிறார்கள். இதனால் உள்ளாட்சி அமைப்புகளுக்கு கூடுதல் செலவினம் ஏற்படுகிறது. மாணவர்களுடைய சேர்க்கை என்பது வெளிப்படைத் தன்மை வாய்ந்ததாக இல்லை.
யாராலும் கண்காணிக்கப்படுவதும் இல்லை. எனவே மாணவர் சேர்க்கையை கண்காணிக்கக் கூடிய வகையில் கண்காணிப்பு குழு ஒன்று உருவாக்கப்பட வேண்டும். ரூ.97 கோடியை கொடுப்பதற்கு முன்னால் அரசின் மூலம் சேர்க்கப்பட்ட மாணவர்களின் சேர்க்கையை தணிக்கை செய்த பிறகு தான் சேர்க்கப்பட்ட மாணவர்களுக்கு உரிய நிதியை மட்டும்தான் கொடுக்க வேண்டும். தனியார் பள்ளிகள் கேட்ட முழுமையான நிதியைக் கொடுக்கக் கூடாது.

கே. கந்தசாமி




வியாழன், 28 மே, 2015

இடைத்தேர்தல்.



இடைத்தேர்தல் புறக்கணிப்பு என்ற திமுக முடிவு சரியானது.எதிர்பார்த்தது.
இந்த முடிவினால் பாதிக்கப் பட்டவர்கள் அத தொகுதி வாக்காளர்களும் , ஊடகங்களுமாகத்தான் இருப்பார்கள்.
வாக்காளர்களுக்கு இந்த தேர்தலில் திமுக போட்டியிட்டால் அதிக அளவு கைமாறு[ரூ  10000 வரை] கிடைக்கும் என்று எதிர்பார்த்ததில் மண்.
திமுக ஜெயலலிதாவை எதிர்த்து போட்டியிட்டால் காப்புத்தொகையை இழக்க வைக்க எந்த அளவுக்கும் போக ஆளுங்கட்சியினர் தயாராகி இருப்பார்கள்.
சாதாரண ஸ்ரீரங்கம் இடைத்தேர்தலில் அதிமுகவில் முன்பு போட்டியிட
விண்ணப்பித்த மனோகரன் என்பவரை தேர்தல் அதிகாரியாக நியமித்தனர்.மற்ற கட்சியினர் எதிர்ப்பு தெரிவித்ததை தேர்தல் ஆணையம் கண்டு கொள்ளவே இல்லை.
பிரச்னை டெல்லிவரை சென்ற பின்னரும் கூட வாக்குப்பதிவுக்கு இரு நாட்களுக்கு முன்னர் தான் மாற்றினர்.
அதற்கு முன்னர் நடந்த தேர்தலில் ஆளுங்கட்சியினர் வாக்காளர்களுக்கு  பணம் கொடுப்பதற்காக 144 தடை உத்திரவையே போட்டு  எதிர்கட்சியினர்கள் மட்டும் கூட்டமாக வருவதை தடை செய்தது இதே தேர்தல் ஆணையம்.
மத்திய பாதுகாப்பு படையினரை கையை கட்டிக் கொண்டு ஆளுங்கட்சியின் வாக்களிப்பு தின அத்து மீறல்களை பார்க்க வைத்ததும்,தேர்தல் பார்வையாளர் அதிமுகவினரின் தேர்தல் நடத்தை விதி மீறல்கள் பற்றி அறிவித்தவைகளைகண்டு கொள்ளாமல் குப்பையில் போட்டதுதான் பிரவீண்குமாரின் தேர்தலாணையம்.
அந்த தேர்தல் ஆணையம் தான் இப்போதும் உள்ளது.
மக்களவை தேர்தலிளேயே வாக்குப்பதிவு எந்திரங்களை செயற்கைக்கோள்,மென்பொருள் ரிமொட் இயக்கம் மூலம் சாதகமாக செயல்பட வைத்ததாக குற்ற சாட்டுகள் பரவலாக எழுந்து பின் ஊடகங்களால் அப்படியே அமுக்கப்பட்டது.
காவல்துறையினர் அதிமுகவின் கிளைக்கழகம்.
மாவட்ட ஆட்சியர்களோ ஜெயலலிதா விடுதலைக்காக மண் சோறு சாப்பிடும் அளவுக்கு தரம் தாழ்ந்து போன கழக ரத்தத்தின் ரத்தங்கள்.
ஜெயலலிதாவிடம் நல்ல பெயர் எடுக்க வாக்குகளை குவிக்க எந்த ளவுக்கும் போகும் கட்சியின் தலைவர்கள் ஜெயலலிதாவே போட்டியிடும் போது எப்படி செயல்படுவார்கள்?
இடைத்தேர்தலில் தான் அறிவித்த வேட்பாளர் வெல்லவும் எதிர்கட்சிகள் காப்புத்தொகை இழக்கவும் அதிகாரம்,காவல்துறை,அமைச்சர் படை ,ச.ம.உ, கூட்டம்,திரையுலக [பொலிவற்ற]நட்சத்திரங்கள் போன்ற வற்றை களமிறக்கும் ஜெயலலிதா ,தானே வேட்பாளராக இருக்கையில் எப்படி நடந்து கொள்வார்?
இவைகளை எல்லாம் மீறி யாரால் வெல்ல முடியும்?
வென்றாலும் கூட அவர் சட்டமன்றம் சென்று என்ன செய்ய முடியும்?
பத்தொடு பதினொன்றாக வெளியேற்றப்படுவார்.அதுதான் அவரின் மக்கள் சேவையாக இருக்கும்.
ஆனால் ஒரு முதல்வரை வென்ற பெருமை,மக்கள் மனதை வெளியுலகிறகு எடுத்து காட்டிய புகழ் கிடைக்கும்.
ஆனால் அது கானல் நீர்.
அந்த வேட்பாளர் கூட தேர்தல் நாளில் தனது வாக்கை செலுத்த முடியாமல் போய் விடும் சூழல்தான் இருக்கும்.மிரட்டல்,உருட்டலில் தேர்தலுக்கு முதல் நாளில் அம்மா காலில் விழுந்து கட்சியில் சேரும் அவல அரிக்கை படத்துடன் வரும் நிலை கூட வரலாம்.
காரணம் இது அதிமுகவினர் அரசியலாகப் பார்க்காமல் தங்கள் வாழ்வா,சாவா என்ற முடிவாக பார்க்கப்படுவதுதான்.
திமுக தவிர மற்ற கட்சிகள் போட்டியென்றால் அதிமுகவினரின் செயல்பாடுகள் கொஞ்சம் வெப்பம் குறைவாக இருக்கும்.
திமுக களம் இறங்கினால் ஆர்.கே .நகர் அனல் பல உயிர்களை பலிவாங்கும அளவு கூட போய் விடும்.
தமிழ் நாடு கைப்புள்ள கூறிய ரத்த பூமியாக மாறிடும் அபாயமும் உண்டு.
இது கலைஞரின் அறிக்கை.
----------------------------------------
கின்னஸ் புத்தகத்தில் இடம் பெறும் அளவுக்கு 19 ஆண்டுகளாக நடைபெற்று வந்த வழக்கில் கடந்த ஆண்டு செப்டம்பர் 27ம் தேதி நீதிபதி குன்ஹா, ஜெயலலிதாவுக்கு தண்டனை விதித்து, சிறையில் அடைத்ததும், அவருடைய ஜாமீன் வழக்கு, மேல் முறையீடு வழக்கு எல்லாம் மின்னல் வேகத்தில் ஏற்கனவே அரங்கேற்றப்பட்ட நாடகத்தின் தொடர்ச்சியாக நடைபெற்று முடிந்து விட்டன. எப்படியோ ஜெயலலிதா முதல்வராகிவிட்டாலும், சட்டப் பேரவை உறுப்பினராக இல்லை என்பதால், இடைத் தேர்தலில் போட்டியிடுவதற்காக சட்டப் பேரவை உறுப்பினர் ஒருவரை ராஜினாமா செய்யச் சொல்லி, அந்த ராஜினாமாவின் தொடர்ச்சியாக இப்போது இடைத் தேர்தல் அறிவிக்கப்பட்டுள்ளது. 27-9-2014ல் ஜெயலலிதா தண்டனைக்காளாகி, ரங்கம் தொகுதியில் இடைத் தேர்தல் வந்தபோது, தேர்தல் ஆணையம் 12-1-2015ல்தான் தேர்தல் அறிவிப்பினை செய்தது.

ஆனால் ஆர்.கே. நகர் தொகுதியில் கடந்த 17ம் தேதிதான் வேட்பாளர் ராஜினாமா செய்கிறார். 10 நாட்களில் இடைத் தேர்தல் எப்போது நடைபெறும் என்று தேர்தல் ஆணையம் அறிவித்துவிட்டது. நீதித் துறையிலும், தேர்தல் ஆணையத்திலும் மிகப் பெரிய செல்வாக்கினைப் பெற்றிருப்பவர்கள் நடத்தும் ஆட்சியில் இடைத் தேர்தல் நடைபெற்றால் அது எப்படி இருக்கும் என்பதை அனைவரும் எண்ணிப் பார்த்துக் கொள்ளலாம். 2014ல் இவர்கள் ஆட்சியில் நடைபெற்ற நாடாளுமன்றப் பொதுத் தேர்தலையே நேரில் பார்த்தவர்கள் தானே நாம். 

ரங்கம் இடைத்தேர்தல் நேரத்தில் பணம் எப்படியெல்லாம் திருவிளையாடல் செய்தது என்பது நமக்குத் தெரியாதா காவல் துறையினர் எந்த
அளவுக்கு நியாயமாகவும், நேர்மையாகவும் அந்தத் தேர்தல்களில் நடந்து கொண்டார்கள் என்பதை நாம் பார்க்கவில்லையா. எனவே இந்த இடைத் தேர்தலில் ஜனநாயகம் எந்த அளவுக்கு மதித்துப் போற்றப்படும் என்று நமக்குத் தெளிவாகத் தெரிகின்ற நிலையில், பேரவைக்கான பொதுத் தேர்தல் ஓராண்டுக்குள் நடைபெறவுள்ள சூழ்நிலையில், திமுக இந்த இடைத்தேர்தலில் போட்டியிடாமல் தவிர்த்து விடுவதே நல்லது என்பதால், ஆர்.கே. நகர் தொகுதி சட்டப்பேரவை இடைத்தேர்தலில் திமுக போட்டியிடுவதில்லை என்று முடிவு செய்துள்ளது. 

சேலம் மானகராட்சி கூட்டத்தில் அதிமுகவினரால் தாக்கப்பட்ட திமுக உறுப்பினர் தெய்வலிங்கம்  அரங்கு நுழைவாயில் அருகே நிலை குலைந்து விழுந்தார். அப்போதும் அதிமுக கவுன்சிலர்கள் மாரியப்பன், பாலு, தியாகராஜன்  ஆகியோர் சரமாரியாக காலில் எட்டி உதைத்தனர். கவுன்சிலர் தங்கம்மாள் மகன் கருணாகரன் என்பவர் தெய்வலிங்கத்தின் கழுத்தில் காலால் மிதித்தார்.
அங்கிருந்த அஸ்தம்பட்டி போலீசார் தடுக்கவில்லை. வேடிக்கைதான் பார்த்தனர்.
இது போன்ற காவல்துறையை,அதிகாரிகள்,நீதித்துறையை  வைத்துக்கொண்டு ஜெயலலிதாவை எதிர்த்து போட்டியிட முடியுமா?வேட்பாளருக்கு யார்தான் பாதுகாப்பு தருவார்கள்?
=======================================================================

இன்று,
மே -28.
  • ஆர்மீனியா குடியரசு தினம்
  • பிலிப்பைன்ஸ் கொடி நாள்
  • நேபாள் குடியரசு தினம்
  • கிரீசில் பெண்களுக்கு வாக்குரிமை அளிக்கப்பட்டது(1952)
  • தமிழ் மருத்துவ முன்னோடியான சாமுவேல் ஃபிஸ்க் கிறீன் இறந்த தினம்(1884)
========================================================================

புதன், 27 மே, 2015

தொகுதிக்கு சேவை?

மக்களவை,மாநிலங்களவை உறுப்பினர்களின் தொகுதி மேம்பாட்டு 
நிதி 1993-ம் ஆண்டு அறிமுகப்படுத்தப்பட்டது. 
அன்றைய காலக் கட்டத்தில் தொகுதிக்கு 5 லட்சம் ரூபாய் ஒதுக்கப்பட்டது. 
பி்ன்னர் 1994-95-ல் ஒரு கோடி ரூபாயாக ஒதுக்கப்பட்டது. 
1998-ல் அவை இரண்டு கோடியாக உயர்த்தப்பட்டது. 
கடந்த 2011-ம் ஆண்டில் இருந்து இந்நிதி5 கோடி ரூபாயாக அதிகரிக்கப்பட்டது.
நாட்டின் பெரும்பாலான எம்.பிக்கள் தங்களது தொகுதி மேம்பாட்டு நிதியை செலவழிக்காமல் இருப்பதாக புள்ளியியல் துறை தகவல் தெரிவித்துள்ளது.
நாட்டில் உள்ள 542 தொகுதிகளில் ஆண்டு தோறும் தொகுதி மேம்பாட்டிற்காக சுமார் 5 கோடி ரூபாய் வரை நிதி ஒதுக்கப்பட்டு வருகிறது.
 இந்த நிதி மூலம் எம்.பி ஒருவர் தனது தொகுதியில் மேம்பாட்டு பணிகளை மேற்கொள்ள முடியும். 
இருப்பினும் கடந்த 15-ம் தேதி வரையில் எவ்வித பணியையும் மேற்கொள்ளாமல் இருப்பதாக தெரிவிக்கப்பட்டுள்ளது.

 ஆளும் பா.ஜ.க,கட்சியை சேர்ந்த உள்துறை அமைச்சர் ராஜ்நாத்சிங், சட்டத்துறை அமைச்சர் சதானந்தாகவுடா, ரசாயணத்துறை அமைச்சர் அனந்த குமார் சிறு மற்றும் குறுந்தொழில் துறை அமைச்சர் கல்ராஜ்மிஸ்ரா, நீர்வளத்துறை அமைச்சர் உமாபாரதி ஆகியோர் தங்களது தொகுதி நிதியை பயன்படுத்தாமல் உள்ளனர்.

அதே போல் எதிர்கட்சியை சேர்ந்த சோனியா, சமஜ்வாடி கட்சியை சேர்ந்த முலாயம்சிங் யாதவ் ஆகியோரும் தங்களது தொகுதி மேம்பாட்டு நிதியை பயன்படுத்தாமல் உள்ளனர். 

பிரதமர் மோடி தன்னுடைய வாரணாசி தொகுதியல் சுமார் 16 சதவீதம் அளவிற்கு தொகுதி மேம்பாட்டு நிதியை பயன்படுத்தியுள்ளதாக தெரிவித்துள்ளது.

தொகுதி மேம்பாட்டு நிதியை முழுவதுமாக பயன்படுத்தாத மாநிலத்தை பொறுத்த வரை யில் உ.பி. முதலிடத்தையும், மகராஷ்டிரா, பீகார் போன்றவை அடுத்தடுத்த இடத்தையும் பிடித்து வருகின்றன. 
தமிழ்நாடு , கேரளா , மேற்கு வங்க மாநிலங்களை பொறுத்தவரையில் திமுக,காங்கிரசு,கம்யூனிஸ்ட் கட்சியினர் தங்களது தொகுதி மேம்பாட்டு நிதியைபெரும்பாலான அளவிற்கு பயன்படுத்தியுள்ளனர்  கூறியுள்ளது.
========================================================================
இன்று,
மே -27.

  • நைஜிரியா குழந்தைகள் தினம்
  • பொலீவியா அன்னையர் தினம்
  • இந்தியாவின் முதல் பிரதமர் ஜவஹர்லால் நேரு இறந்த தினம்(1964)
  • ரஷ்ய சார் மன்னன் முதலாம் பீட்டர், புனித பீட்டர்ஸ்பேர்க் நகரை அமைத்தார் (1703)
========================================================================
ஜெயலலிதா தொடர்ந்து முதல்வராக நீடிக்க வேண்டும் என்றால், 6 மாதத்தில் தமிழகத்தில் இருந்து ஏதாவது ஒரு சட்டமன்ற தொகுதியில் தேர்தலில் நின்று வெற்றிபெறவேண்டும்.  
அதற்கு வசதியாக, சென்னை மாவட்டத்துக்கு உள்பட்ட ஆர்.கே.நகர் (டாக்டர் ராதாகிருஷ்ணன் நகர்) தொகுதி அதிமுக எம்எல்ஏ வெற்றிவேல் கடந்த 17ம் தேதி தனது எம்எல்ஏ பதவியை ராஜினாமா செய்தார். 
உடனே ஆர்.கே.நகர் ெதாகுதி காலியானதாக அறிவிக்கப்பட்டது. ஆனால் இதைப்போல் ஜெயலலிதா பதவியிழந்த போது ஸ்ரீரங்கம்  தொகுதி காலியானது என்று அறிவிக்க பல நாட்கள் ஆனது என்பது குறிப்பிடத்தக்கது.இந்நிலையில், ஆர்.கே.நகர் தொகுதிக்கு வருகிற ஜூன் மாதம் 27ம் தேதி தேர்தல் நடைபெறும் என்று டெல்லியில் உள்ள தேர்தல் ஆணையம் நேற்று அதிகாரப்பூர்வமாக அறிவித்துள்ளது. இதுகுறித்து தேர்தல் ஆணையம் நேற்று வெளியிட்டுள்ள செய்திக்குறிப்பில் கூறியிருப்பதாவது: மேகாலயா மாநிலத்தில் சோக்பாட் (தனி), கேரளாவில் அனுவிக்காரா, திரிபுராவில் பிரதாப்கர்க் (தனி), சுர்மா (தனி ), மத்தியபிரதேசம் கரோத், தமிழகத்தில் டாக்டர் ராதாகிருஷ்ணன் நகர் (ஆர்.கே.நகர்) ஆகிய 6 சட்டமன்ற தொகுதிகளில் காலி இடம் ஏற்பட்டுள்ளது. இந்த தொகுதிக்கு இடைத்தேர்தல் நடத்த முடிவு செய்யப்பட்டுள்ளது.

அதன்படி இந்த தொகுதிகளில் ஜூன் 3ம் தேதி முதல் வேட்பு மனு தாக்கல் தொடங்குகிறது. வேட்புமனுவை தாக்கல் செய்ய ஜூன் 10ம் தேதி கடைசி நாளாகும். ஜூன் 11ம் தேதி வேட்புமனுக்கள் மீது பரிசீலனை நடைபெறும். ஜூன் 13ம் தேதி வேட்புமனுக்கள் வாபஸ் பெற கடைசி நாள். 27ம் தேதி காலை 8 மணி முதல் மாலை 5 மணி வரை வாக்குப்பதிவு நடைபெறும். இதில் பதிவான வாக்குகள் ஜூன் 30ம் தேதி எண்ணப்பட்டு முடிவுகள் அறிவிக்கப்படும். இவ்வாறு அதில் கூறப்பட்டுள்ளது. இந்திய தேர்தல் ஆணையம் அறிவித்துள்ள ஆர்.கே.நகர் தொகுதி இடைத் தேர்தல் தமிழகத்தில் நட்சத்திர அந்தஸ்த்தை பெற்றுள்ளது. 

காரணம், தமிழக முதல்வர் ஜெயலிதா  தற்போது சட்டமன்ற உறுப்பினராக இல்லை. எனவே, அவர் ஆர்.கே.நகர் தொகுதியில்  போட்டியிடலாம் என்று கூறப்படுகிறது. அவர் முதல்வராக அடுத்த ஆண்டு தேர்தல்  வரை இருக்க வேண்டும் என்றால், இந்த தேர்தலில் அவர் போட்டியிட்டு  வெற்றிபெற்றே ஆக வேண்டும். எனவே, அவர் ஆர்.கே.நகர் தொகுதியில்  போட்டியிடுவார் என்றே தெரிகிறது. அதே சமயம் எதிர்கட்சிகள் இணைந்து ெபாது வேட்பாளரை நிறுத்தலாம் என்று ஆலோசித்து வருவதாக கூறப்படுவதால், ஆர்.கே.நகர் ெதாகுதி இடைத் தேர்தல் முக்கியத்துவம் பெறுகிறது.
தேர்தல் விதிகள் உடனடி அமல்

தமிழக தலைமை தேர்தல் அதிகாரி சந்தீப் சக்சேனா நேற்று மாலை வெளியிட்டுள்ள அறிக்கை: தேர்தல் தேதி அறிவிக்கப்பட்டதை தொடர்ந்து, சென்னை மாவட்டம் முழுவதும் நேற்று மாலை முதல் தேர்தல் நடத்தை விதிமுறைகள் உடனடியாக அமலுக்கு வருகிறது. அதன்படி, இந்த தொகுதியில் நலத்திட்ட உதவிகள், புதிய அறிவிப்புகள், அரசு அதிகாரிகள் இடமாற்றம், புதிய அதிகாரிகள் நியமிப்பது உள்ளிட்ட பணிகளை செய்ய முடியாது.

குறிப்பாக, தமிழக அரசு செயல்படுத்தி வரும் இலவச மிக்சி, கிரைண்டர், மின்விசிறி, லேப்டாப் உள்ளிட்ட இலவச திட்டங்கள் எதுவும் சென்னை மாவட்டத்துக்குள் வழங்க அனுமதி கிடையாது. ஆனால், மக்களின் அத்தியாவசியான திட்டங்களான குடிநீர், சாலை, மின்சார வசதிகள் செய்ய தடை இருக்காது. குறிப்பிட்ட ஆர்.கே.நகர் தொகுதி முழுவதும் தேர்தல் அதிகாரிகள் கட்டுப்பாட்டுக்குள் கொண்டு வரப்படும். அதன்படி இன்று முதல் வாகன சோதனைகளை அவர்கள் தொடங்குவார்கள். முதல்வர், அமைச்சர் உள்ளிட்ட யாரும் அரசு வாகனங்களில் தொகுதிக்குள் செல்ல தடை விதிக்கப்படும். இவ்வாறு அந்த அறிக்கையில் கூறப்பட்டுள்ளது.
===========================================================
சருமம்
----------------
சருமம் பற்றிய புரிதல் அதிகம் இல்லாமல், நம்மில் பலர் இருக்கின்றனர். வறண்ட சருமம், எண்ணெய் பசை சருமம் மற்றும் மிக மென்மையான சருமம் என, மூன்று வகைகளாக இருக்கிறது.
 மிக மென்மையான சரும வகையை சேர்ந்தவர்கள், அழகு சாதனப் பொருட்கள் மற்றும் சருமத்துக்கான பிற பொருட்களை பயன்படுத்தும் போது கவனமாக இருக்க வேண்டும்.

மென்மையான சருமத்தினரை அதிகம் பாதிப்பது எதுவென்றால், சருமம் எளிதில் சிகப்பாக மாறுவது, மாய்ச்சரைசர்கள் உட்பட அனைத்து பொருட்களுக்கும் சருமத்தில் எதிர் விளைவுகள் உண்டாவது, சூரிய வெப்பத்தால், பாதிப்புக்கு உள்ளாவது, வெப்பம், குளிரில் விரைவாக பாதிக்கப்படுவது ஆகியவற்றை சொல்லலாம். 
இவர்கள், அழகு சாதனப் பொருட்கள் பயன்படுத்துவதை, போதியளவு குறைக்க வேண்டும். வாசனையற்ற, கிளென்சிங் மூலம் சருமத்தை சுத்தப்படுத்திய பின், மாய்ச்சரைசர் மற்றும் சன்ஸ்கிரீன் பயன்படுத்தலாம். 
அழகு சிகிச்சைகள் மேற்கொள்வதற்கு முன், சரும நிபுணரிடம் கேட்டறிவது நல்லது. பதப்படுத்தப்பட்ட, சர்க்கரை நிறைந்த உணவுப் பொருட்களை தவிர்க்க வேண்டும். வைட்டமின் ஏ, பீட்டா கரோட்டின் ஆகியவை மென்மையான சருமத்தினருக்கு சிறந்தது.

சரும பாதுகாப்பு
பவுடர் மேக்-அப் பயன்படுத்துவது நல்லது. திரவ பவுண்டேஷன் பயன்படுத்தினால், சிலிக்கானை அடிப்படையாக கொண்ட பவுண்டேஷனை பயன்படுத்துவது சருமத்துக்கு நல்லது. கண்களுக்கான அழகுப் பொருட்களில், பழைய பொருட்களை பயன்படுத்தக் கூடாது. பவுண்டேஷன் மற்றும் லிப்ஸ்டிக்கை, ஓராண்டு வரை பயன்படுத்தலாம். மஸ்காராவை, மூன்று முதல் நான்கு மாதங்கள் வரையே பயன்படுத்த வேண்டும். 
முகப்பவுடரை இரண்டு ஆண்டுகள் வரை பயன்படுத்தலாம். மேக்-அப் பிரஷ் மற்றும் ஸ்பான்ஜ்களை அடிக்கடி முறையாக சுத்தம் செய்ய வேண்டும். பென்சில் ஐ லைனர், மெழுகை அடிப்படையாக கொண்டு தயாரிக்கப்படுவதோடு, அவற்றில் பதப்படுத்தும் பொருள் குறைவாகவே சேர்க்கப்படுகிறது. 
இதனால், பென்சில் ஐ லைனர் பயன்படுத்துவது நல்லது. 
திரவ ஐ லைனரில், சேர்க்கப்படும் லேட்டக்ஸ், மென்மையான சருமத்தை உடைய சிலருக்கு, ஒவ்வாமையை தோற்றுவிக்கலாம். 
அதிகபட்சமாக, 10 பொருட்கள் மட்டுமே சேர்த்து தயாரிக்கப்பட்ட அழகு சாதனப் பொருட்களை பயன்படுத்துவதே சாலச்சிறந்தது. 
எந்த ஒரு புதிய அழகு சாதனப் பொருட்களை பயன்படுத்துவதற்கு முன்பும், முறையான சோதனை செய்ய வேண்டும். 
மென்மையான சருமத்தினர் ஒரு நாளைக்கு, மூன்று முறைக்கு மேல் அடிக்கடி முகம் கழுவுவதை தவிர்க்க வேண்டும். 
அடிக்கடி முகம் கழுவினால், தோலில் இயற்கையாக காணப்படும் எண்ணெய் தன்மை போய்விடும்.
========================================================================

செவ்வாய், 26 மே, 2015

எண்ணெய் கொப்பளித்தல்



நோயற்ற வாழ்வே குறைவற்ற செல்வம்“ வாய்விட்டு சிரித்தால் நோய் விட்டுப்போகும்” என்பது பழமொழி. 
இ தே போல மற்றொரு அனுபவ உண்மை என்னவெனில், வாயில் நல்லெண்ணெய் விட்டு கொப்பளித்து வந்தால் நோய்கள் பல நீங்கும். நல்லெண்ணெய் மருத்துவம், நல்லெண்ணெயின் மகத்துவத்தை உணர்த்துகிறது. 
சிரமம் ஏதுமின்றி மிக எளிதாக செய்யக் கூடிய எண்ணெய் கொப்பளித்தலை செய்து வருவது நமது உடல் நலத்தைப் பேணிக்காக்கும்.

எண்ணெய் கொப்பளித்தல் செய்யும் முறை


சுத்தமான நல்லெண்ணெய் 10 மிலி அளவு எடுத்து, வாயில் விட்டுக் கொண்டு அதை வாய் முழுவதும் படும்படியாக கொப்பளிக்க வேண்டும். 21 நிமிடங்கள் வரை கொப்பளிக்கலாம். பற்களின் இடைவெளிகளுக்குள் எண்ணெய் போகும் படி செய்ய வேண்டும். 15 நிமிடத்தில் எண்ணெய் நுரைத்து, வெண்மையாகி நீர்த்துப்போகும். அப்போது அதை உமிழ்ந்து விட வேண்டும். அதன் பிறகு வாயை நன்கு கழுவிக்கொள்ளவும்.

எந்தநேரத்தில் செய்யவேண்டும்?

இந்த எண்ணெய் மருத்துவம் செய்வதற்கு ஏற்ற நேரம் அதிகாலை. நாம் பல் தேய்த்த பிறகு, உணவு உட்கொள்ளும் முன்பு எனில் மிக நல்ல பலன் கிடைக்கும்.

எவ்வளவு காலம் செய்ய வேண்டும்?

நல்ல பசி, ஆழ்ந்த அமைதியான உறக்கம், நல்ல மனநிலை ஆகியவை வரும் வரைக்கும் எண்ணெய்க் கொப்பளிப்பு தொடர்ந்து செய்ய வேண்டும். ஆனால் 9 மாதம் முதல் ஓர் ஆண்டு வரை எண்ணெய்க் கொப்பளிப்பு செய்வதை தொடர்ந்தால் உடலுக்கு நல்ல பாதுகாப்பு கிடைக்கும்.

நன்மைகள்:

வெள்ளையான பற்கள் மற்றும் ஆரோக்கியமான ஈறுகள்.  தினமும் ஆயில் புல்லிங் செய்து வந்தால், பற்களில் உள்ள கறைகள் நீங்கி , பற்கள் வெள்ளையாகவும் , ஆரோக்கியமானதாகவும் காணப்படும்

வாய்துர்நாற்றம்:


தினமும் காலையில் ஆயில் புல்லிங் செய்து வந்தால், வாயில் உள்ள கிருமிகள் அனைத்தும் வெளியேறி, வாய் துர்நாற்றம் அடிக்காமல் இருக்கும்.

ஈறுகளில் ஏற்படும் இரத்தக்கசிவு:


ஈறுகளில் இரத்தக்கசிவு ஏற்பட்டால், ஆயில் புல்லிங் செய்தால், இரத்தக்கசிவு ஏற்படுவது தடுக்கப்பட்டு, ஈறுகள் ஆரோக்கியமாக இருக்கும். பல் கூச்சம் நின்று பல் வலி மறையும்.

உடலின் எனர்ஜி அதிகரிக்கும்:


ஆயில் புல்லிங்கை தினமும் செய்தால், உடலின் ஆற்றலானது அதிகரித்து, நாள் முழுவதும் நன்கு சுறுசுறுப்புடன் இருக்கலாம்.

ஒற்றை தலைவலி:
 
ஒற்றை தலை வலியால் அவஸ்தைப் படுபவர்கள், தினமும் ஆயில் புல்லிங் செய்து வந்தால், அந்த தொல்லையில் இருந்து விடுபடலாம்.
சைனஸ் ஆஸ்துமா:

சைனஸ் ஆஸ்துமா பிரச்சனை உள்ளவர்கள், தினமும் ஆயில் புல்லிங் செய்தால் , இந்த பிரச்சனைகள் குணமாகும்.

நிம்மதியான தூக்கம்:

தூக்கமின்மையால் அவஸ்தைப் படுபவர்கள் ஆயில் புல்லிங் செய்தால், இரவு நேரத்தில் நிம்மதியான தூக்கத்தைப் பெறலாம்.
 
பொலிவான சருமம்:

ஆயில் புல்லிங் செய்தால், உடலில் உள்ள நச்சுக்கள் வெளியேறி, சருமம் பொலிவோடு இருக்க உதவும்.

தைராய்டு:

தைராய்டு உள்ளவர்கள், ஆயில் புல்லிங் செய்து வந்தால், தைராய்டு ஹார்மோனை சீராக சுரக்க செய்து, தைராய்டு பிரச்சனையைக்க ட்டுப்பாட்டுடன் வைக்கலாம்.

பார்வைக்கோளாறு:

பார்வைக்கோளாறு இருந்தால், ஆயில் புல்லிங் செய்து வர பார்வைக் கோளாறானது சரியாகும்.

மூட்டுபிரச்சனைகள்:


மூட்டுகளில் பிரச்சனை உள்ளவர்கள், தினமும் ஆயில் புல்லிங் செய்து வந்தால் அது மூட்டுகளில் ஏற்படும் வீக்கம் மற்றும் வலியை குணமாக்கும்.

சிறுநீரக செயல்பாடு:

தினமும் ஆயில் புல்லிங் செய்தால், சிறுநீரக கோளாறு ஏற்படாமல் , சிறுநீரகமானது சீராக செயல்படும். தோலின் மீது குழிகளும் வெடிப்புகளும் மறைந்து தோல் பளபளப்பாகிறது. கை ,கால், விரல்கள் மெருகுற்று ரத்த ஓட்டம் பெருகியதற்கான அறிகுறிகள் தெரியும். தோல் அரிப்புகள் படிப்படியாக குறைந்து 3 மாதங்களில் மறையும். பொடுகு தொல்லை தீரும். பருக்கள் அனைத்தும் மறைந்து முகம் பொலிவு பெறும்.

வலி நிவாரணியாகும் 

லவங்கப் பட்டை பொடி


மூட்டு வலிகள்:

ஒரு பகுதி தேனுக்கு இரண்டு பகுதி தண்ணீர் எடுத்து அதில் ஒரு சிறிய தேக்கரண்டி அளவு பட்டை பொடியை கலந்து குழைத்து கொண்டு வலியுள்ள பகுதியில் மெதுவாக தேய்த்து வந்தால், இரண்டு நிமிடங்களில் வலி குறையத் தொடங்கும். ஆர்த்தரடிஸ் நோயாளிகள், தினமும் காலையில் ஒரு கப் சுடு தண்ணீரில் , 2 ஸ்பூன் தேன், ஒரு சிறிய டீ ஸ்பூன் பட்டைப் பொடியை கலந்து தினமும் குடித்து வந்தால் போதும்.

முடி உதிர்தல்:


முடி உதிர்வு மற்றும் வழுக்கை தலையுள்ளவர்கள் சிறிதளவு ஹாட் ஆலிவ் ஆயில் , ஒரு டேபிள் ஸ்பூன் தேன், ஒரு டீஸ்பூன் பட்டை பவுடர் மூன்றையும் கலந்து பேஸ்ட்டாக கலந்து, குளிப்பதற்கு , 15 நிமிடத்திற்கு முன்பு தேய்த்து அதன் பிறகு வார்ம் வாட்டரில் தலையை கழுவி வந்தால் நல்ல பலன் கிடைக்கும்.

கொலஸ்டிரால்: 

இரண்டு டேபிள் ஸ்பூன் தேன் , மூன்று டீ ஸ்பூன் பட்டை பவுடரை , 16 அவுன்ஸ் டீத்தண்ணிரில் கலந்து கொலஸ்டிரால் நோயாளிகளுக்கு கொடுத்தால் , இரண்டு மணி நேரத்தில் ரத்தத்திலுள்ள கொலஸ்டிரால் , 10% குறைந்து விடும். தினசரி மூன்று முறை கொடுத்தால் நாள் பட்ட கொலஸ்டிராலும் குணமாகிவிடும்.

ஜலதோஷம்: 

ஜல தோஷத்தால் அவதிப்படுகிறவர்கள், ஒரு டேபிள் ஸ்பூன் வார்ம் தேன், 1/4 டீஸ்பூன் பட்டை பவுடர் கலந்து மூன்று நாட்கள் தொடர்ந்து உட்கொண்டு வந்தால் ஜலதோஷம், இருமல், சைனஸ் குணமாகிவிடும். 

வயிற்றுக் கோளாறு:


தேனுடன்பட்டை பவுடரை கலந்து சாப்பிட்டால் வயிற்று வலி குணமாகும் . அது போல சரி சம அளவு இரண்டையும் கலந்து சாப்பிட்டு வந்தால் வாயு பிரச்னையும் குணமாகும்.

நோய் எதிர்ப்பு தன்மை:


தேனையும் பட்டை பவுடரையும் தினமும் உண்டு வந்தால் நோய் எதிர்ப்பு தன்மை கூடி உடம்பை பாக்டீரியா மற்றும் வைரஸ் அட்டாக்கிலிருந்து காப்பாற்றும்.

நீண்ட வாழ்வு:

நான்கு ஸ்பூன் தேன், 1 ஸ்பூன் பட்டை பவுடர் மற்றும் 3 கப் சூடான நீருடன் கலந்து தேனீர் தயாரித்து குறைந்தது தினசரி மூன்று வேளை 1/4 கப்பாவது அருந்த வேண்டும். இது உங்கள் தோலை புதுப்பொலிவுடன் வைத்து கொள்வதோடு மட்டுமல்லாமல் முதுமையடைவதை தடுக்கும்.

உடல் எடை குறைய:


அதிகம் வெயிட் போட்டவர்கள் , தினசரி தேனையும் பட்டை பவுடரையும் கொதித்த தண்ணிரில் கலந்து , அதிகாலையில் வெறும் வயிற்றில் குடித்து வந்தால் உடல் எடை குறையும். ரெகுலராக குடித்து வந்தால், உடம்பில் கொழுப்பு சேரவே சேராதாம்.

நன்றி;தினகரன்.
========================================================================
இன்று,
மே -26.
  • ஜார்ஜியா தேசிய தினம்
  • போலந்து அன்னையர் தினம்
  • ஜார்ஜியா மக்களாட்சி குடியரசு அமைக்கப்பட்டது(1918)
  • பிரிட்டன் கலானா விடுதலை அடைந்து கயானா எனப் பெயர் மாற்றம் பெற்றது(1966)
  • ஐரோப்பிய கொடி, ஐரோப்பிய சமூகத்தால் பெறப்பட்டது(1986)
========================================================================
 வினவு தளத்தில்  ஓவியர் முகிலன் கைவண்ணம்.

இன்னமும் ஆலோசித்துக் கொண்டேயிருக்கும்  கர்நாடகா.

சொத்துக் குவிப்பு வழக்கிலிருந்து ஜெயலலிதா விடுவிக்கப்பட்டு, முதல்வராகவும் பதவியேற்றுக் கொண்டு விட்டார். 
ஆனால், அவரது வழக்கில் மேல்முறையீட்டுக்கு செல்வது தொடர்பான இழுபறி இன்னும் நீடிக்கிறது.
ஜெயலலிதாவை வழக்கிலிருந்து விடுவித்து, நீதிபதி குமாரசாமி அளித்துள்ள தீர்ப்பில், மிகப்பெரிய கணக்கீட்டுத் தவறு இருப்பதை, குமாரசாமி உள்பட அனைவருமே உணர்ந்துள்ளனர்.
இந்த தவறு ஒன்றேமேல்முறையீட்டுக்குச் செல்வதற்குப் போதுமானது என்பதை சட்ட வல்லுநர்கள் பலரும் தெளிவுபடுத்தியுள்ளனர். 
எனினும், மேல்முறையீட்டுக்கு செல்ல கர்நாடக அரசுக்கே முதல் உரிமை உள்ளதால், அனைவரும் கர்நாடக அரசின் முடிவையே எதிர்நோக்கி இருக்க வேண்டிய சூழ்நிலை உருவாகியுள்ளது.
ஜெயலலிதாவை வழக்கிலிருந்து விடுவித்து தீர்ப்பு வழங்கப்பட்ட அன்றே, இது எதிர்பாராத தீர்ப்பு என்று கர்நாடக அரசின் வழக்கறிஞர் பி.வி.ஆச்சார்யா குறிப்பிட்டார். 
ஆலோசனைத்திலகம்.
ஜெயலலிதா வருமானத்துக்கு அதிகமாக ரூ. 16 கோடியே 32 லட்சம் சொத்து சேர்த்துள்ள நிலையில்- சதவிகித கணக்கில் பார்த்தால், 76.7 சதவிகிதம் கூடுதல் சொத்து வரும் நிலையில், நீதிபதி குமாரசாமியோ ரூ. 2 கோடி அளவிற்கே (8.12) ஜெயலலிதா கூடுதல் சொத்து சேர்த்திருப்பதாக தவறாக கணக்கிட்டு தீர்ப்பு அளித்துள்ளார் என்று அவர் கூறியிருந்தார்.
மேலும் குமாரசாமியின் தீர்ப்பில் ஒன்றல்ல; ஓராயிரம் தவறுகள் உள்ளன என்று கூறிய பி.வி.ஆச்சார்யா, இவ்வழக்கில் கர்நாடக அரசு உச்சநீதிமன்றத்திற்கு உடனடியாக மேல்முறையீடு செய்ய வேண்டும் என்றும் பரிந்துரைத்தார்.
இதேபோல ஜெயலலிதா வழக்கில் மேல்முறையீடு செய்யலாம் என்று, கர்நாடக அரசுதலைமை வழக்கறிஞர் ரவிவர்மகுமாரும், அம்மாநில அரசுக்குப் பரிந்துரை செய்தார்.
இவ்வாறு பரிந்துரைகள் அளிக்கப்பட்டு ஒருவாரத்திற்கு மேலாகியும் கர்நாடக அரசு இதுவரை எந்த முடிவும் எடுக்காமல் உள்ளது. 
இதுதொடர்பாக அமைச்சரவைக் கூட்டத்தில் முடிவெடுக்கப்படும் என்று கூறப்பட்ட நிலையில், அக்கூட்டம் தள்ளி வைக்கப்பட்டது.ஜெயலலிதா சொத்துக் குவிப்பு தொடர்பாக முதன்முதலில் நீதிமன்றத்திற்கு சென்றசுப்பிரமணியசாமி செய்தியாளர்களுக்கு அளித்த பேட்டியில், ஜூன் 1-ம் தேதிக்குள் கர்நாடக அரசு மேல்முறையீட்டுக்குச் செல்லவில்லை என்றால், தான் கட்டாயம் மேல்முறையீடு செய்வேன் என்று தெரிவித்தார்.
புதுதில்லியில் இரண்டு நாட்களுக்கு முன்பு பேட்டியளித்த கர்நாடக முதல்வர் சித்தராமையா, ஜெயலலிதா வழக்கில் மேல்முறையீடு செய்வது பற்றி, கர்நாடக சட்டத்துறை தொடர்ந்து ஆய்வு மேற்கொண்டு வருவதாக குறிப்பிட்டதுடன், சட்டத்துறையின் பரிந்துரை வந்த பிறகே மேற்கொண்டு முடிவு எடுக்கப்படும் என்று தெரிவித்தார்.
மறுபுறத்தில் கர்நாடக மாநிலத்தைச் சேர்ந்த காங்கிரஸ் பிரமுகர்கள் பலரும், இவ்வழக்கில் ஜெயலலிதாவுக்கு எதிராக மேல்முறையீட்டுக்குச் செல்லக் கூடாது என்று கருத்து தெரிவிக்கத் துவங்கினர்.
குறிப்பாக கர்நாடக மாநிலத்தைச் சேர்ந்த காங்கிரஸ் தலைவர் சி.எம்.தனஞ்செய் ஜெயலலிதா விடுதலையை எதிர்த்து, கர்நாடக அரசு மேல்முறையீடு செய்யக்கூடாது என்று குறிப்பிட்டார்.
இனிமே இப்படித்தான்.
இதன் உச்சகட்டமாக கர்நாடக காங்கிரஸ் கட்சியின் சட்டப்பிரிவு சார்பில், அம்மாநிலஅரசுக்கு கடிதமும் எழுதப்பட்டுள்ளது. 
அதில், ‘ஜெயலலிதாவின் சொத்துக்குவிப்பு வழக்கைப் பொறுத்தவரை, கர்நாடக அரசின் பங்கு என்பது நிர்வாகரீதியானதே தவிர; சட்டப்பூர்வமானது அல்ல’ என்றும், மேலும்,‘இவ்வழக்கில் கர்நாடகம் நேரடியாக பாதிப்படாத நிலையில், இவ்வழக்கில் மேல்முறையீடு செய்யத் தேவையில்லை’ என்றும் கூறப்பட்டுள்ளது.
காங்கிரஸ் சட்டப்பிரிவு தலைவர் தனஞ்செய், கர்நாடக முதல்வர் சித்தாராமையாவை, நேரில் சந்தித்தும் இக்கருத்தை வலியுறுத்தியுள்ளார்.இந்நிலையில், சென்னையில் நடைபெற்ற திமுக மாவட்டச் செயலாளர்கள் கூட்டத்திற்குப் பின் செய்தியாளர்களுக்குப் பேட்டியளித்த அக்கட்சியின் தலைவர் கருணாநிதி, பி.வி.ஆச்சார்யாவின் பரிந்துரையை ஏற்று, ஜெயலலிதா வழக்கில்கர்நாடக அரசு மேல்முறையீடு செய்யும் என்று தான் நம்புவதாகவும், அவ்வாறு இல்லாத பட்சத்தில் திமுக சார்பில் கட்டாயம் மேல்முறையீடு செய்யப்படும் என்றும் தெரிவித்துள்ளார்.
இவ்வழக்கில் மேல்முறையீடு செய்வதற்கு திமுகவுக்கு உரிமைஉள்ளது என்பதை உச்சநீதிமன்றம் ஏற்கெனவே உறுதிப்படுத்தியுள்ளது என்றும் அவர் சுட்டிக்காட்டியுள்ளார்.
எனவே, மேல்முறையீடானது கர்நாடக அரசின் முடிவைப் பொறுத்தே அமையும்.
ஆனால், காங்கிரஸ் தலைமையிலான கர்நாடக அரசுக்கு, காங்கிரஸ் கட்சியிலிருந்தே, ‘மேல்முறையீடு கூடாது’ என்று நெருக்கடி அளிக்கப்படுகிறது. அதற்காக ஜெயலலிதா தரப்பு பல்வேறு நடவடிக்கைககளை எடுத்து வருகிறது.
பணம் பாதாளமட்டும் பாயும் 

சுப்பிரமணியசாமி மேல்முறையீடு செய்வேன் என்று கூறினாலும், அவர் சார்ந்த பாஜக வாயைஇறுக்கமாக மூடிக் கொண்டிருக்கிறது.
உலகமே இது பொய்யடா.வெறும் காசடைத்த பையடா என்றுதான் பாடத் தோன்றுகிறது .அந்த அளவுக்கு கொள்கைகள்,கட்சிகள் தலைவர்கள் எல்லோரும் காசுக்கு விலை போகின்றனர்.
காரணம் பதவி என்றாவது வரலாம் போகலாம் லட்சுமி கதவை தட்டும் போது திறந்து விட வேண்டும் என்ற உண்மைதான்.
========================================================================
நன்றி:தீக்கதிர்.
மே .வங்க அமைச்சர் காலணி கயிறு கட்டும் பாதுகாவலர்.
நம்ம ஊர்ல காலில் விழுந்து கிடப்பதுக்கு இது எவ்வளவோ பரவாயில்லை.