இன்றைய செய்தி,நாளைய வரலாறு. நாளைய வரலாறை படிப்போம்.

வியாழன், 30 ஜூலை, 2015

உணவு முழுக்க விசம் !

ரசாயன மய  விளை நிலங்கள்,?

மக்களின் ஆரோக்கியத்தைக் கெடுத்துக் கொண்டிருக்கும் பூச்சிக்கொல்லிகளும் ரசாயன உரங்களும் விளைநிலங்களை மட்டும் விட்டு வைக்குமா என்ன?தமிழக அரசு நடத்தியிருக்கும் மண்வள ஆய்வு ஒன்றில், நச்சுத்தன்மை கொண்டதாக விளைநிலங்கள் மாறியிருப்பது தெரிய வந்துள்ளது. இதே நிலை தொடர்ந்தால் உணவுப் பொருள் உற்பத்திக்கே தகுதியற்ற மாநிலமாக தமிழகம் மாறிவிடலாம் என்கிறார்கள் சமூக ஆர்வலர்கள். 

ஏற்கெனவே, வளைகுடா நாடுகளிலும் ஐரோப்பிய நாடுகளிலும் நம்முடைய உணவுப் பொருட்கள் தரமற்றவை என்ற சர்ச்சையில் இருக்கிறது. சமீபத்தில், ‘தமிழக காய்கறிகளில் நச்சுத்தன்மை அதிகம்’ என்று தமிழக விளைபொருட்களை வாங்க மறுத்ததுடன், தமிழக அரசுக்கு கடிதமும் அனுப்பியிருக்கிறது கேரள அரசு. ரசாயன உணவுகளாலேயே பல்வேறு பாதிப்புகளுக்கு நாம் ஆளாகி வரும் நிலையில், விளைநிலமே நஞ்சாகி இருப்பது என்னென்ன விளைவுகளை உண்டாக்கும் என இதய சிகிச்சை மருத்துவரான முகுந்தனிடம் கேட்டோம். 

‘‘காய்கறிகளில் கலக்கிற பூச்சிக் கொல்லிகளும், ரசாயனங்களும் Micronutrients என்கிற நுண்சத்துகளை முழுமையாக அழித்துவிட்டன. குறிப்பாக மாலிப்டினம் (Molybdenum), செலினியம் போன்ற தாதுக்களே கிடைப்பதில்லை. இதனால் நோய் எதிர்ப்பு சக்தி குறைவு, நீரிழிவு, ஆயுட்காலம் குறைவு, புற்றுநோய், இதயநோய் என்று பல பிரச்னைகளை சந்தித்து வருகிறோம். இப்போது நிலமே நஞ்சாகிவிட்டதால் அந்தப் பாதிப்பு இன்னும் அதிகம் ஆகலாம். 
காய்கறிகளைத் தண்ணீரில் கழுவுவதன் மூலம் அதிலிருக்கும் நச்சுத்தன்மையை கொஞ்சம் குறைக்க முடியும். ஆனால், மண்ணிலேயே நஞ்சு கலந்திருந்தால் அது தாவரத்தின் ஒவ்வொரு செல்லுக்குள்ளும் ஊடுருவும். அதன் பிறகு, அந்த விளைபொருளைக் கழுவினாலும் பயன் இல்லை. வேக வைத்தாலும் பயன் இல்லை.  அதிலும் பூமிக்கடியில் விளையும் காய்கறிகள் இன்னும் நச்சுத்தன்மை மிக்கவையாகவே இருக்கும். 

மேகி பிரச்னையில் நாம் கவனிக்காத இன்னொரு கோணம் இருக்கிறது. மேகியுடன் கொடுக்கப்பட்ட மசாலாவை வெங்காயத்திலிருந்துதான் நெஸ்லே நிறுவனம் தயாரித்திருக்கிறது. மேகியில் காரீயம் அதிகமாக இருந்ததற்கு வெங்காயமும் முக்கிய காரணம் என்று இப்போது கூறியிருக்கிறார்கள். வெங்காயம் மட்டுமல்ல... பூமிக்கு அடியில் விளையும் பல காய்கறிகளிலும் காரீயம், ஆர்சனிக், ஸிங்க் எனப்படுகிற துத்தநாகம் போன்ற நச்சுகள் ஏற்கெனவே அதிகமாக இருக்கின்றன. இந்த நச்சு களின் அளவு இன்னும் அதிகமாகலாம்.

மண்ணிலிருக்கும் விஷத்தன்மை விளைபொருட்களோடு மட்டும் போய்விடாது. நாம் பயன்படுத்துகிற தண்ணீரையும் பாதிக்கும். பெங்களூரு விமான நிலையம் அருகில் புதிதாக குடியிருப்புப் பகுதிகள் உருவாகி வருகின்றன. இங்கு தண்ணீருக்காக போர் போடும்போது 500 அடி ஆழம் வரைகூட ஆர்சனிக், காரீயம் போன்ற நச்சுகள் இருப்பதாகக் கண்டுபிடித்திருக்கிறார்கள். இந்த தண்ணீரை சுத்திகரிக்கவும் முடியவில்லை. இதுபோல சீர்கெட்ட பூமியில் மேயும் கால்நடைகளின் பால், இறைச்சியின் வழியாகவும் நமக்குப் பிரச்னைகள் வரலாம்’’ என்று எச்சரிக்கிறார் முகுந்தன். 

இயற்கை வேளாண் விவசாயியான சச்சிதானந்தம் உடனடியாக நாம் செய்ய வேண்டியது என்ன என  விளக்குகிறார். ‘‘இன்று 4 வயது குழந்தைகூட கண்ணாடி அணிந்திருக்கிறது, மலட்டுத்தன்மை கொண்ட விதைகளையும் பழங்களையும் சாப்பிட்டு பலரும் மலட்டுத்தன்மை கொண்டவர்களாகி விட்டார்கள். ரசாயன உரங்களால் இப்போது உச்சகட்ட அபாயத்தில் இருக்கிறோம். இந்த நேரத்திலாவது நாம் விழித்துக்கொண்டு இயற்கை விவசாயத்துக்கு மாற வேண்டும். இயற்கை விவசாயம் என்பது புதிய விஷயம் இல்லை. இத்தனை ஆயிரம் ஆண்டுகளாக நாம் செய்து வந்த முறைதான் இயற்கை விவசாயம். இடையில் வந்த ரசாயன உரங்களை விட்டுவிட்டு பாரம்பரிய விவசாய முறைக்கே சென்றால்தான் மக்களையும் மண்ணையும் காப்பாற்ற முடியும். 
இந்த நேரத்தில் நாம் இன்னொரு விஷயத்திலும் எச்சரிக்கையாக இருக்க வேண்டும். ரசாயன உரங்களும் பூச்சிக்கொல்லிகளும் வெளிநாட்டு நிறுவனங்களாலேயே தயாரிக்கப்பட்டு இறக்குமதி செய்யப்படுகின்றன. இயற்கை விவசாயத்துக்கு எல்லோரும் மாறினால் இந்தியாவினால் கிடைக்கும் பல்லாயிரக்கணக்கான கோடிகளை வெளிநாட்டு நிறுவனங்கள் இழக்க வேண்டியிருக்கும் என்பதால், மக்களைக் குழப்பும் வேலையை வெளிநாட்டு நிறுவனங்கள் செய்து வருகின்றன. 

‘இயற்கை விவசாயத்தில் விளைச்சல் இருக்காது... லாபம் பெற 3 ஆண்டுகளாவது ஆகும்’ என்பவை எல்லாமே பொய் பிரசாரங்கள்தான். ரசாயன உரங்களுக்கு 100 ரூபாய் செலவு செய்து 150 ரூபாய் சம்பாதிப்பதைவிட, இயற்கையான தொழில்நுட்பங்களின் மூலம் 30 ரூபாய் கூட செலவில்லாமல் நியாயமான லாபத்தைப் பெற முடியும்’’ என்கிறார் சச்சிதானந்தம். 
இயற்கை வேளாண் விவசாயத்துக்காக தமிழக அரசு என்ன நடவடிக்கை எடுத்து வருகிறது? தமிழக வேளாண் இயக்குநர் முனைவர் மு.ராஜேந்திரனிடம் கேட்டோம்... 

‘‘1960களில் ஏற்பட்ட உணவுப்பொருள் பற்றாக்குறையை சமாளிக்கவே ரசாயன உரங்கள் பயன்படுத்தப்பட்டன. பற்றாக்குறை நீங்கிய பிறகு நாம் இயற்கை விவசாயத்துக்கு மாறியிருக்க வேண்டும். ஆனால், மாறாமல் விட்டுவிட்டோம். இத்தனை ஆண்டுகளாக நாம் பயன்படுத்தி வந்த ரசாயனங்களின் பாதிப்பு மண்ணில் இருக்கலாம் என்ற சந்தேகத்தால்தான் மண்வளப் பரிசோதனையை தமிழக அரசு மேற்கொண்டது. இந்தியாவிலேயே வேறு எந்த மாநிலத்திலும் இல்லாத அளவு, தமிழகத்தில்தான் 80 லட்சம் விவசாய நிலங்களின் மண் மாதிரிகள் பரிசோதிக்கப்பட்டிருக்கின்றன. சம்பந்தப்பட்ட விவசாயி களுக்கு விளைநிலத்தில் இருக்கும் பிரச்னைகளைப் பற்றி கூறியிருக்கிறோம். தேவைப்படுகிற ஆலோசனைகளையும் உதவிகளையும் செய்து வருகிறோம். 

இயற்கை விவசாயம் நல்லது என்பதற்காக  உடனடியாக  நம்மால் மாறிவிட முடியாது படிப் படியாகத்தான் மாற் றங்களை மேற்கொள்ள வேண்டும்.இல்லாவிட்டால் மீண்டும் நாம் உணவுப்பொருள் பற்றாக் குறையை சந்திக்க வேண்டியிருக்கும். முதலில் செயற்கை உரங்களின் பயன்பாட்டைக் குறைக்க வேண்டும். நாங்கள் செயற்கை உரங்களை ஊக்குவிப்பது இல்லை. இயற்கை விவசாயத்துக்கு உதவி செய்யும் மண்புழு, தேனீ, வண்ணத்துப்பூச்சி, ஆந்தை, பாம்பு போன்ற உயிரினங்களை தோட்டங்களில் மீண்டும் உருவாக்குவதற்காக சில திட்டங்களை விவசாயிகளுக்குக் கொடுத்திருக்கிறோம். 

விவசாய நிலத்தை ஒட்டி பூந்தோட்டம் அமைக்கவும் உதவி கள் செய்து வருகிறோம். ஒரு வயலில் நன்மை செய்யும் உயிரினம் ஒன்று இருந்தாலே தீமை செய்யும் இரண்டு பூச்சியை அழித்துவிடும். ஆனால், அறியாமையினால் பூச்சியைப் பார்த்தாலே மருந்து அடிக்கக் கூடாது என்பதையும், முதல் 40 நாட்களுக்கு பயிர்களுக்கு எந்த மருந்தையும் அடிக்க வேண்டாம் என்றும் சொல்லி வருகிறோம். 2 ஆயிரத்து 500 சோலார் வாட்டர் அமைப்புகளையும், 77 ஆயிரம் பண்ணைக் குட்டைகளையும் அமைத்துக் கொடுத்திருக்கிறோம். மண்புழு உரத்துக்கான விவசாயக் கடனும் அரசு கொடுத்து வருகிறது. 

முன்னோடி விவசாயிகளின் ஆலோசனைகளின்படி  மாற்றங்களுக்கான பல நடவடிக்கைகளை எடுத்து வருகிறோம். கேரள அரசு குற்றம் சாட்டியிருக்கிற அளவு தமிழக விளை பொருட்களில் நச்சுத்தன்மை இல்லை என்பதுதான் உண்மை!’’ 

அரசு செய்ய வேண்டியது என்ன?



நோய்களிலிருந்து மீளவும், எதிர்காலத் தலைமுறையையாவது ஆரோக்கியமானதாக உருவாக்கவும் சில கடமைகளை நாம் செய்தாக வேண்டிய கட்டாயத்தில் இருக்கிறோம். உரங்கள் தயாரிப்புக்காக பல்லாயிரக்கணக்கான கோடிகளை வெளிநாட்டு நிறுவனங்களுக்கு மானியமாக இந்திய அரசு வழங்கி வருகிறது. அதில் சிறு பகுதியையாவது இயற்கை உரங்களை இந்தியாவிலேயே தயாரிப்பதற்காக  செலவிட வேண்டும். இயற்கை இடுபொருட்களை ஏற்கெனவே தயாரித்து வரும் நிறுவனங்களை ஊக்குவிக்க வேண்டும். 

இயற்கை விவசாயம் நடப்பதற்கு பசுக்கள் அவசியம் தேவை. நம்முடைய காய்கறிகளைப் புறக்கணிக்கும் கேரளாவுக்கு லாரி லாரியாக பசுக்களை அனுப்பிக் கொண்டிருக்கிறோம். பால் வற்றிப்போன மாட்டைக் கொன்றுவிட வேண்டும் என்ற தவறான மனநிலையிலேயே மக்களும் இருக்கிறார்கள். இந்த மாடுகளைப் பாதுகாத்தால் இயற்கை விவசாயத்துக்குப் பெரும் உதவி செய்யும். 

ரசாயன உரங்கள், பூச்சிக் கொல்லி கள் உண்டாக்கும் அபாயங்கள் பற்றியும் இயற்கை வேளாண் விவசாயத்தின் அவசியம் பற்றியும் விழிப்புணர்வை உண்டாக்க வேண்டும். கர்நாடகா, கேரளா, மத்தியப்பிரதேசம், குஜராத், ஒடிசா, சிக்கிம்  போன்ற பல மாநிலங்கள் இயற்கை வேளாண் கொள்கையை செயல்படுத்தி வருகின்றன. தமிழகமும் இதேபோல முழுமையான இயற்கை வேளாண் மாநிலமாக மாற வேண்டும்!
நன்றி:தினகரன்.
========================================================================இன்று ,
ஜுலை-31.

  • ஜார்ஜியா ஐ.நா.,வில் இணைந்தது(1992)
  • இந்திய விடுதலை போராட்ட வீரர் தீரன் சின்னமலை இறந்த தினம்(1805)
  • உலகின் முதலாவது குறுகிய அகல ரயில்பாதை ஆஸ்திரேலியாவில் அமைக்கப்பட்டது(1865)
  • சந்திரனின் முதல் மிக அருகிலான படங்களை ரேஞ்சர் 7 விண்கலம் பூமிக்கு அனுப்பியது(1964)

========================================================================
1910 -ம் ஆண்டு ஒரு ஓவியரின் கற்பனையில் 2000 ம் ஆண்டு இருக்கும் வளர்ச்சி பற்றி ஒரு ஓவியம்.
========================================================================
அரிதான பொருள் நீர்.
உலகின் நீரில் 97 சதவீதம் கடலில் உள்ள உப்பு நீர் தான் உள்ளது. 
மீதமுள்ள 3 சதவீதம் மட்டுமே குடிக்க மக்கள் பயன் படுத்த முடிந்த நன்னீர். 

அந்த நல்ல நீரில் 68.7 சதவீதம் பனிமலைகளாகவும், பனிக்கட்டிகளாகவும் உள்ளன. 
30.1 சதவீதம் நிலத்தடி நீர். 
மீதமுள்ள 1.2 சதவீதம் மட்டுமே ஆறு, ஏரி, குளம் மற்றும் அணைகளில் உள்ளன. 
வெப்பமயமாதல், காடுகளை அழித்தல் போன்ற இயற்கைக்கு எதிரான செயலால், நீர் ஆதாரம் மிகவும் கெட்டு விட்டது. உலகில் உள்ள பல பெரிய ஆறுகள் தற்போது அழியும் நிலைக்கு 
தள்ளப்பட்டுள்ளன.

நிலத்தடி நீரையும் அளவுக்கு மேல் உறிஞ்சி வருகிறோம். 
இது மிகவும் ஆபத்தானது. 
வெப்பமயமாதல், காலநிலை மாற்றம் போன்றவற்றுக்கு இதுவும் ஒரு காரணம். 
நிலத்தடி நீரை உறிஞ்சுவதால் அந்த இடத்தின் இயற்கை சமநிலைக்கே பாதிப்பு ஏற்படுகிறது.

நீரின் தேவை:விவசாயத்திற்கே அதிக நீர் தேவைப்படுகிறது. அடுத்ததாக தொழிற்சாலை, வீடு போன்றவற்றில் அன்றாட தேவைக்காக நீர் பயன்படுத்தப்படுகிறது. 1
970ம் ஆண்டில் உலகில் இருந்த மொத்த நீரில் 25 சதவீதத்தை பயன்படுத்தினோம். 
இது 1980ல் 45 சதவீதமாகவும், 1990ல் 65 சதவீதமாகவும் அதிகரித்தது. 
தற்போது உலக மக்களின் நீர்த்தேவை மொத்தத்தில் 80 சதவீதத்தை நெருங்கி விட்டது. 
இதே நிலை தொடர்ந்தால் நீர் அரிதான பொருளாகும் அபாயம் இருக்கிறது. 
நீர் இல்லாவிடில் உலகம் அழிந்து விடும் என்பதில் எந்த மாற்றுக் கருத்தும் இல்லை.
மாசுபடுத்தும் காரணிகள்:மனித செயல்பாடுகளே நீர் மாசுபாட்டுக்கு முக்கிய காரணம். 
காற்று மாசுபட்டால் நீரும் கண்டிப்பாக மாசுபடும். 
தொழிற்சாலைகளிலிருந்து வெளிவரும் கழிவுகள், வேதிப்பொருட்கள் மற்றும் ஆயில், பெயின்ட் போன்றவையாலும் நீர் மாசுபடுகிறது. 
இந்த வேதிப்பொருட்கள் ஆற்று நீரை மட்டுமல்லாது, நிலத்தடி நீரையும் கெடுக்கிறது. 
நிலத்தின் இயற்கை தன்மையையே மாற்றுகிறது. 
வீட்டு கழிவறை மற்றும் சாக்கடை ஆகியவற்றாலும் நீர் மாசுபாடு அடைகிறது.

உலகம் முழுவதும் 25---40 சதவீதம் வரை நிலத்தடி நீரே குடிநீராக பயன்படுத்தப்படுகிறது. 
60 சதவீத நிலத்தடி நீர் விவசாயத்துக்கு உபயோகப்படுகிறது.
மணல் கொள்ளையரால் மழை நீர் நிலத்தடி நீராக சேமிக்கப்படுவதில் லை.இதை கட்டுபடுத்திட  மக்களுக்கு குடிநீர் வழங்கும் பொறுப்பில் உள்ள அரசு இதுவரை ஒரு நடவடிக்கையும் எடுக்கவில்லை.அது மட்டுமல்ல.மணல் கொள்ளையர்களுக்கு ஆதரவாக அரசு நடந்து கொள்வதுதான் வேதனையை தருகிறது.

========================================================================
தூக்கின் பாதை.
மும்பை தொடர் குண்டுவெடிப்பு வழக்கில் குற்றம் சாட்டப்பட்ட யாகூப் மேமனுக்கு தூக்குத்தண்டனை நிறைவேற்றப்பட்டு உள்ளது. 
இந்நிலையில் இவ்வழக்கு கடந்து வந்த பாதை வருமாறு:1993 மார்ச் 12 : மும்பையில் 13 இடங்களில் நிகழ்ந்த தொடர்குண்டு வெடிப்பில் 257 பேர்கொல்லப்பட்டனர்.
மேலும் 713 பேர் காயமடைந்தனர்.1993 ஏப்ரல் 19 : மும்பை குண்டுவெடிப்புவழக்கில் நடிகர் சஞ்சய் தத் கைதுசெய்யப்பட்டார்.1993 நவம்பர் 4 : சஞ்சய் தத் உட்பட 189 பேருக்கு எதிராக 10 ஆயிரம் பக்க முதல்நிலை குற்றப்பத்திரிகை தாக்கல் செய்யப்பட்டது.
1993 நவம்பர் 19 : இந்த வழக்கு சிபிஐ வசம்ஒப்படைக்கப்பட்டது.2003 செப்டம்பர் : விசாரணை முடிந்து தீர்ப்பு ஒத்திவைக்கப்பட்டது.2006 ஆகஸ்ட் 10 : செப்டம்பர் 12-ல் தீர்ப்பு வெளியாகும் என நீதிபதி பி.டி.கோடேஅறிவித்தார்.
2006 செப்டம்பர் 12 : தீர்ப்பு வழங்கப்பட்டது. இதில் மேமன் குடும்பத்தைச் சேர்ந்த 4 பேர்குற்றவாளி என்று அறிவிக்கப்பட்டனர். யாகூப்உட்பட 12 பேருக்கு மரண தண்டனையும் 20பேருக்கு ஆயுள் தண்டனையும் வழங்கப்பட்டது. 3 பேர் விடுவிக்கப்பட்டனர்.2011 நவம்பர் 1 : தண்டிக்கப்பட்டோர் தரப்பிலும், அரசு சார்பிலும் தாக்கல் செய்த மேல் முறையீட்டு மனு மீதான விசாரணை உச்ச நீதிமன்றத்தில் தொடங்கியது.
2012 ஆகஸ்ட் 29 : விசாரணை முடிந்து தீர்ப்பு ஒத்திவைக்கப்பட்டது.2013 மார்ச் 21 : யாகூப் மேமனின் மரண தண்டனை மட்டும் உறுதி செய்து தீர்ப்பு வழங்கப்பட்டது. 
10 பேரின் மரண தண்டனை ஆயுளாகக்குறைக்கப்பட்டது.2013 ஜூலை 30 : யாகூப் மேமனின் முதல் சீராய்வு மனுவை உச்சநீதிமன்றம் தள்ளுபடி செய்தது.2014 ஏப்ரல் 11 : யாகூப் மேமனின் கருணை மனுவை குடியரசுத் தலைவர் பிரணாப் முகர்ஜிநிராகரித்தார்.2014 ஜூன் 2 : மேமனின் 2-வது சீராய்வு மனுவைவிசாரித்த உச்ச நீதிமன்றம், மரண தண்டனையைநிறைவேற்ற இடைக்காலத் தடை விதித்தது.
2015 ஏப்ரல் 9 : 2-வது சீராய்வு மனுவை உச்ச நீதிமன்றம் தள்ளுபடி செய்தது.
2015 ஜூலை 21 : மறு சீராய்வு மனுவை (கடைசிவாய்ப்பு) உச்சநீதிமன்றம் தள்ளுபடிசெய்தது.2015 ஜூலை 22 : மகாராஷ்ட்டிர மாநிலஆளுநருக்கு கருணை மனு அனுப்பப்படுகிறது.
2015 ஜூலை 23 : சட்ட நடைமுறைகள் முறையாகபின்பற்றப்படாததால், ஜூலை 30-ல் மரணதண்டனையை நிறைவேற்றத் தடைவிதிக்க வேண்டும் எனக் கோரி உச்சநீதிமன்றத்தில் மேமன் மீண்டும் மனுத் தாக்கல்.
2015 ஜூலை 28 : நீதிபதிகள் மாறுபட்ட தீர்ப்பு வழங்கியதால் இவ்வழக்கு கூடுதல் நீதிபதிகள் அமர்வுக்கு மாற்றப்பட்டது.
2015 ஜூலை 29 : குடியரசுத் தலைவருக்கு மீண்டும் கருணை மனு அனுப்பப்பட்டது.2015 ஜூலை 29 : சட்ட நடைமுறைகள் சரியாகபின்பற்றப்பட்டுள்ளதாகக் கூறி யாகூப்மேமன்மனுவை உச்சநீதிமன்றம் நிராகரித்தது.
2015 ஜூலை 29 : ஆளுநரும், குடியரசுத்தலைவரும் கருணை மனுவைநிராகரித்தனர்.2015 ஜூலை 30 : அதிகாலை 2 மணிக்கு மீண்டும்உச்சநீதிமன்றத்தில் மேமன் சார்பில் முறையீடு செய்யப்பட்டு 5 மணிக்கு அந்த மனுவும் நிராகரிக்கப்பட்டது.
2015 ஜூலை 30 : அதிகாலை 6.35 மணிக்குயாகூப் மேமன் நாக்பூர் சிறையில் தூக்கிலிடப்பட்டார்.

========================================================================

புதன், 29 ஜூலை, 2015

லேப்டாப் உபயோகிப்பதால் ஆண்மைக் குறைபாடு ஏற்படுமா?

இன்றைய தேதியில், மாணவர்கள் எல்லாவற்றையும் லேப்டாப்பிலேயே செய்து முடித்துவிடுகிறார்கள். ‘எலெக்ட்ரானிக்ஸ் புக்ஸ்’ என்கிற ட்ரெண்ட் இன்னும் விரிவாகப் போகிறது என்று நிச்சயமாக நினைக்கிறேன்’ என்கிறார் அமெரிக்க உளவியல் நிபுணர் ஸ்டீவன் பிங்கர். 
ப தமிழக அரசு வரிந்து கட்டிக் கொண்டு, மாணவர்களுக்கு லேப்டாப்புகளை இலவசமாக வழங்கிக் கொண்டிருக்கிறது. 

இன்னொரு பக்கம் அவசியமோ, இல்லையோ அதை வைத்திருப்பதே ஃபேஷனாகி வருகிறது. 
சினிமா தியேட்டரில் பாப்கார்ன் கொறிக்கிற இடைவேளையில் கூட மடியில் வைத்து லேப்டாப் உபயோகிக்கிற ஆசாமிகளைப் பார்க்கலாம். 
அது விந்தணுக்களை பாதித்து, குழந்தை பாக்கியத்தையே தடுத்துவிடும் என்பது அவர்களுக்குத் தெரிவதில்லை... பாவம்! 

‘லேப்டாப்போடு ஒரே ஒரு மணி நேரம் செலவழிக்கும் போது அதில் உற்பத்தியாகும் வெப்பம் இடுப்பை தாக்கி, விரைகளின் வெப்பநிலையை அதிகபட்சமாக3 டிகிரி செல்சியஸ் அளவுக்கு அதிகமாக்கிவிடும். அது மிக மோசமாக விந்தணு உற்பத்தியை பாதிக்கலாம்’ என்கிறது ஸ்டேட் யுனிவர்சிட்டி ஆஃப் நியூயார்க் அறிக்கை ஒன்று. 
‘இது சாத்தியம்தானா?’ 

‘‘பொதுவா, விந்தணு உற்பத்தி என்பது சாதாரண டெம்பரேச்சர்லதான் நடக்கும். 
நம்ம விரைகள் உடம்புக்கு வெளியே இருக்கு. 
உடம்பு டெம்பரேச்சரை விட, விரைகளின் டெம்பரேச்சர் 3லிருந்து 4 டிகிரி செல்சியஸ் கம்மியாத்தான் இருக்கும். 
அப்படி இருக்கறப்போ, விரைகளின் வெப்பநிலை இயல்பைவிட அதிகமாச்சுன்னா விந்தணு உற்பத்தி பாதிக்கப்படும். 
செயல்பாடும் ஆக்டிவா இருக்காது. 

அதன் வால் போன்ற அமைப்புல பிரச்னை ஏற்படும். 
விந்தணு எண்ணிக்கையில குறைபாடுகள் வரலாம். 
லேப்டாப் வெப்பத்தை உற்பத்தி செய்யுது. 
மடியில வச்சு அதைப் பயன்படுத்தும் போது 10லிருந்து 15 நிமிடங்கள்லயே விரைகளின் வெப்பம் அதிகமாகிடுது. 
என்னதான் ‘கூலிங் பேட்’ வச்சு லேப்டாப்பை யூஸ் பண்ணினாலும் விரைகளின் டெம்பரேச்சர் ஜாஸ்தியாகத்தான் செய்யும். 
அதனால இந்தப்பிரச்னைகள் உருவாகலாம். 

ஐ.டி. ஃபீல்டுல இருக்கறவங்கள்ல அதிகமான பேருக்கு இது மாதிரி பாதிப்பு ஏற்படலாம். 
முக்கியமா அவங்க வேலை பார்க்கற இடத்துல இருக்கும் ‘Wifi’லேருந்து வெளியாகும் எலெக்ட்ரோ மேக்னடிக் ரேடியேஷன் நேரடியா அவங்களை பாதிக்குது. இதனாலயும் டி.என்.ஏ. பாதிக்கப்படறதும் விந்தணுக் குறைபாடுகளும் ஏற்படலாம்’’. 

நரம்புகள் எல்லாம் நல்லாத்தான் இருக்கும். அதற்குத் தேவையான ஹார்மோன்ஸ் சாதாரணமா உற்பத்தியாகும். ஆனா, லேப்டாப்பிலிருந்து உற்பத்தியாகும் வெப்பம், விரையை பாதிச்சு, அதன் காரணமாக விந்தணுக்களில் குறைபாடு உண்டாகி குழந்தைப்பேறு இல்லாமல் போகலாம்...’’ 

‘‘ரொம்ப நேரம் சமையலறையில், சூட்டில் வேலை பார்க்கிறவர்களுக்கு வரும் ‘Varicocele’ங்கிற பிரச்னை வரலாம். அதாவது, விரை நரம்புல வீக்கம் ஏற்படுவது. 
இதனாலயும் விந்தணு எண்ணிக்கை குறையும். இந்தப் பிரச்னையை மைக்ரோ சர்ஜரி பண்ணி சரி செய்ய முடியும்’’. 
ஆண் மலட்டுத்தன்மை பிரச்னைக்கு அதிக நேரம் உடலை வெப்பம் தாக்கும் வகையில் உட்கார்ந்திருப்பதும் ஒரு காரணம் என்கிறது மருத்துவம்
… நீண்ட  தூரம் வாகனங்களை ஓட்டிச் செல்லும் டிரைவர்கள் இதற்கு ஓர் உதாரணம். 
அதனால், ஒன்றரை மணி நேரத்துக்கு மேல் மடியில் வைத்து லேப்டாப்பை உபயோகிப்பதைத் தவிர்க்கவும். மேஜை, ஸ்டூல் போன்றவற்றில் வைத்துப் பயன்படுத்துவதே நல்லது.
========================================================================
காய்ச்சல் ?

உடல் தட்பவெப்பநிலையின் சமநிலை குலைந்து வெப்பம் அதிகரிப்பதை காய்ச்சல் என்கிறோம். காய்ச்சலில் பல வகைகள் இருக்கின்றன. பெரும்பாலானவை கிருமிகள் மூலம் பரவக்கூடியவை. நாம் சுவாசிக்கிற காற்றில் எண்ணற்ற கிருமிகள் பரவிக்கிடக்கின்றன. நோய் எதிர்ப்பு சக்தி இல்லாத சூழலில் அக்கிருமிகளின் தாக்குதலுக்கு ஆளாகி விடுகிறோம். இப்படி பரவக்கூடிய காய்ச்சல்களில் உயிருக்கு உலை வைக்கும் அபாயகரமான காய்ச்சல்களும் உள்ளன. அவற்றுள் ஒன்றுதான் மூளைக்காய்ச்சல். உடனடி சிகிச்சை மேற்கொள்ளாத நிலையில் உயிரையே பறித்து விடும் மூளைக்காய்ச்சல் பற்றி விளக்குகிறார் நரம்பியல் நிபுணர் எஸ்.பாலசுப்ரமணியம்.

‘‘மூளைக்காய்ச்சல் பாக்டீரியா, வைரஸ், பூஞ்சை மற்றும் காசநோய் கிருமித் தாக்குதலால் ஏற்படுகிறது. மிகவும் அரிதாக புற்றுநோய் பாதிப்பு கூட மூளைக்காய்ச்சலுக்கு காரணமாக அமையும். மூளைக்காய்ச்சலை ஏற்படுத்தும் கிருமிகள் காற்றின் மூலமும் கொசுவின் மூலமும் பரவக்கூடியவை. மூளைக்காய்ச்சல் உள்ளவர்கள் இருமும்போதும் தும்மும்போதும் வெளிப்படும் கிருமி அருகில் இருப்பவரிடம் பரவி விடுகிறது. 

மூளைக்காய்ச்சலில் ஒரு வகையான Japanese encephalitis வைரஸ், பன்றியில் உற்பத்தி யாகி, பன்றியைக் கடிக்கும் கொசு நம்மையும் கடிக்கும்போது நமக்கும் பரவி விடுகிறது. அப்படி பரவும் கிருமிகள் தொண்டையில் தங்கி விடும். நோய் எதிர்ப்பு சக்தி குறைவாக இருக்கும் நிலையில் அக்கிருமிகள், மூளை மற்றும் தண்டுவடத்தைச் சுற்றியுள்ள ட்யூரா மேட்டர், அரக்னாய்ட் மேட்டர், பயா மேட்டர் ஆகிய சவ்வுகளை தாக்குகின்றன. இதனால் கழுத்தைத் திருப்பும்போது அதிகமான வலி ஏற்படும். இதற்கு Meningitis என்று பெயர். மூளைச் சவ்வில்லாமல் நேரடியாக மூளையைத் தாக்கினால் அதற்கு Encephalitis என்று பெயர். மூளைச்சவ்வு மற்றும் மூளை ஆகிய இரண்டையும் தாக்கும் நிலையில் அது Meningoencephalitis என்று சொல்லப்படுகிறது. 

உடலில் புகும் பாக்டீரியா மற்றும் வைரஸ் கிருமிகள் தேங்கி பாதிப்பை ஏற்படுத்தும் உறுப்பைப் பொறுத்து நோய்கள் வேறுபடுகின்றன. நோய் எதிர்ப்பு சக்தி குறைவு என்பதால் பெரும்பாலும் குழந்தைகளும், வயதானவர்களுமே மூளைக்காய்ச்சலுக்கு ஆளாகிறார்கள்.  கழுத்து வலி, காய்ச்சல், தலைவலி, வாந்தி, வலிப்பு, மயக்கம் ஆகியவை மூளைக்காய்ச்சலின் அறிகுறிகளாக இருக்கலாம். இந்த அறிகுறிகள் தெரிந்தவுடனே மருத்துவ பரிசோதனையை நாடுவது நல்லது. மூளைக்காய்ச்சல் உயிரைப் பறிக்கக்கூடிய அளவு அபாயகரமானது என்பதால் தாமதிக்கும் ஒவ்வொரு நிமிடமும் ஆபத்துதான்.

ரத்தம் மற்றும் தண்டுவடத்தில் உள்ள நீர் ஆகியவற்றைப் பரிசோதிப்பதன் மூலமும், மூளைக்கு எம்.ஆர்.ஐ. ஸ்கேன் எடுப்பதன் மூலமும் மூளைக்காய்ச்சலை உறுதி செய்யலாம். தண்டு வட நீரில் கிருமித் தொற்று இருப்பதை உடனே கண்டறிந்து விட்டாலும் என்ன கிருமி என்பதை கண்டறிய 3 நாட்கள் வரை ஆகும். ஆகவே அதுவரை காத்துக் கொண்டிருக்காமல் கிருமித் தொற்று இருப்பது உறுதி செய்யப்பட்டு விட்டாலே, மூளைக்காய்ச்சலுக்கான சிகிச்சைகளை மேற்கொள்ள வேண்டும். இல்லையெனில் அக்கிருமிகள் வேகமாக மூளை முழுவதும் பரவிவிடும்.

மூளைக்காய்ச்சல் ஆரம்ப கட்டத்தில் இருக்கும் நிலையில் ஆன்டிபயாடிக், ஆன்டி வைரல் மாத்திரைகள் மற்றும் ஊசிகள் மூலம் குணப்படுத்துவதற்கு அதிக வாய்ப்புகள் இருக்கின்றன.  முற்றிவிட்ட நிலையில் காப்பாற்றுவது கடினமாகி விடும். கிருமித் தாக்குதலின் காரணமாக மூளைக்குள் நீர் கோர்த்திருந்தால் அதை அறுவை சிகிச்சை மூலம் வெளியேற்ற வேண்டும். மூளை என்பது நரம்பு மண்டலத்தின் தலைமையகமாகச் செயல்படுகிறது. ஆகவே மூளைக்காய்ச்சலுக்கு ஆளாகி குணமடைந்தாலும் அதன் பக்க விளைவாக நரம்பு தொடர்பான பிரச்னைகள் ஏற்படும். வலிப்பு நோய் தொடர்வதற்கு வாய்ப்பிருக்கிறது. பக்கவாதம், ஞாபக மறதி மற்றும் காது கேளாமை ஏற்படலாம்.

மூளைக்காய்ச்சலிலேயே நூற்றுக்கும் மேற்பட்ட வகைகள் இருக்கின்றன. Arthropod Borne என்று சொல்லக்கூடிய கொசு மற்றும் ஒட்டுண்ணிகளின் காரணமாகவே இந்நோய் அதிகளவில் பரவுகிறது. கர்நாடகா மாநிலம் ஷிமோகா மாவட்டத்தில் உள்ள க்யாசனூர் வனப்பகுதியில் பரவிய மூளைக்காய்ச்சலுக்கு kyasanur forest disease என்று பெயர். இப்படி வாழிடங்களுக்கு ஏற்றாற்போல நோயின் வகையும் தன்மையும் மாறுபடும். எல்லாக் கிருமிகளும் எல்லா வயதினரையும் தாக்காது. வயதுக்கு ஏற்றபடி பாதிப்புகள் இருக்கும். உதாரணத்துக்கு Pneumococcal Meningitis காய்ச்சலில்தான் தமிழ்நாட்டில் பெரும்பாலானோர் பாதிக்கப்படுகின்றனர். 

குழந்தைப் பருவத்தினர் முதல் வாலிபப் பருவத்தில் உள்ளவர்களைத்தான் இந்த பாக்டீரியா தாக்குகிறது.  Japanese encephalitis என்கிற மூளைக்காய்ச்சலும் இப்போது இந்தியாவில் அதிகரித்து வருகிறது. சமீபத்தில் வெளியான புள்ளிவிவரத்தின் அடிப்படையில் உத்தரப்பிரதேசத்தில் 18 ஆயிரத்து 170 பேர் இக்காய்ச்சலில் பாதிக்கப்பட்டதில் 3 ஆயிரத்து 71 பேர் உயிரிழந்துள்ளனர் (அஸாம் 1,780/9,063, பீகார் 997/3574, மேற்குவங்காளம் 836/6,855). தென்னிந்தியாவில் தமிழ்நாட்டில் அதிகமாக 2 ஆயிரத்து 830 பேர் பாதிக்கப்பட்டு, 123 பேர் உயிரிழந்துள்ளனர். 

கர்நாடகாவில் 2/1,008, ஆந்திரா 20/673, கேரளா 30/239, மஹாராஷ்டிரா 46/115. இப்படியாக உயிரிழப்புகள் ஏற்பட்டு வருகிற நிலையில் விழிப்புடன் இருக்க வேண்டிய அவசியத்துக்கு நாம் ஆளாகியுள்ளோம். முடிந்தவரை எல்லாவற்றிலும் பாதுகாப்பாக இருந்து கொள்கிற முனைப்பு இருக்க வேண்டும். அப்போதுதான் மூளைக்காய்ச்சல் போன்ற கிருமித் தொற்று நோய்களிலிருந்து தப்பிக்க இயலும். பொதுவாக காய்ச்சல் இருப்பவர்களிடம் நெருங்கிப் பழகுவதைத் தவிர்க்க வேண்டும். முகத்துக்கு நேராக பேசுகையில் அவர்களிடம் உள்ள கிருமிகள் நேரடியாக நம்மைத் தாக்கும். 

பொது இடங்களில் எவரேனும் இருமினாலும், தும்மினாலும் அந்த இடத்தை விட்டு சற்றுத் தள்ளி நகர்ந்து சென்றுவிட வேண்டும். நோய் எதிர்ப்பு சக்தி குறைவாக உள்ளவர்களையே இது தாக்கும் என்பதால் நோய் எதிர்ப்பு சக்தியை வளர்த்துக் கொள்ளும் வகையில் உணவு முறைகளை மாற்றிக் கொள்ள வேண்டும். மூளைக்காய்ச்சல் ஏற்படாமல் தடுக்க தடுப்பூசிகள் குழந்தைகளுக்குப் போடப்படுகின்றன. இந்த தடுப்பூசிகள் மூலம் வட மாநிலங்களைக் காட்டிலும் தமிழகத்தில் மூளைக்காய்ச்சல் கட்டுப்படுத்தப்பட்டுள்ளது’’

ன்றி;தினகரன்.
============================================================================================
இன்று,
ஜூலை-30.
  • பசிபிக் கடலில் மால்டன் தீவு கண்டுபிடிக்கப்பட்டது(1825)
  • முதலாவது கால்பந்து உலகக் கோப்பையை உருகுவே வென்றது(1930)
  • பாக்தாத் நகரம் அமைக்கப்பட்டது(762)
  • ஜெருசலம் அரசியலமைப்பு சட்டம் இஸ்ரேலில் நிறைவேற்றப்பட்டது(1967)
வெறும் அம்மாவோட நிறுத்தாமல் பெருசா படத்தையும் போட்டிருந்தால் இன்னமும் அம்மா புகழ் பரவியிருக்குமே?

                                                        இதுதான் உண்மையான அஞ்சலி.
========================================================================
கலாமிற்கு பெருமை சேர்க்கும் 

2002 - 2007 வரை, தமிழகத்தை சேர்ந்த, அப்துல் கலாம், குடியரசுத் தலைவராக  இருந்தார். 
அவர் எப்படி எளிமையானவர் என்று  மக்களுக்கு புரிய வைக்கிறார்.
அவருக்குப் பின், 2007 - 2012 வரை, அந்தப் பதவிக்கு, காங்கிரஸ் மூத்த தலைவர்களில் ஒருவரான, மகாராஷ்டிராவைச் சேர்ந்த, பிரதிபா பாட்டீல் . 
பதவியில் இருக்கும் போதும்  ஏராளமான சர்ச்சைகளில் சிக்கிய பிரதிபா, பதவியிலிருந்துஓய்வு பெற்றுச் செல்லும் போது, ஐந்தாண்டு காலத்தில் அவருக்கு பரிசாக வழங்கப்பட்ட அனைத்து பொருட்களையும், தன் சொந்த ஊரான மகாராஷ்டிர மாநிலம், புனேவுக்கு எடுத்துச் சென்று விட்டார்.
அதன்பின், பல போராட்டங்களுக்குப் பின், அந்தப் பொருட்களில் சில, மத்திய அரசு வசம் வந்து சேர்ந்துள்ளன.
பிரதிபா பதவியில் இருக்கையில் மாளிகைக்கு வாங்கப்பட்ட போர்த்களையும் தான் வந்து வாங்கியவை என்று சொந்த வீட்டுக்கு எடுத்து செல்ல முயன்றவரை அவை அனைத்தும் அரசு மக்கள் பணத்தில் வாங்கியவை பிரதிபா சொந்த பணத்தில் வாங்கப்பட்டது அல்ல என்று சொல்லி பறி முதல் செய்து குடியரசுத்தளிவர் மாளிகையில் இருந்து விரட்டப்பட்டவர்.
இந்நிலையில், பதவியிலிருந்து ஓய்வு பெற்றதும், அரசு சார்பில், அவருக்கு, 'அம்பாசிடர்' கார் வழங்கப்பட்டது. 
அதற்கான பெட்ரோலை, மத்திய அரசே வழங்கி வருகிறது. அந்த கார், சின்ன காராக இருக்கிறது என தெரிவித்து, பெரிய கார் ஒன்றை தருமாறு கேட்டார்; அதற்கு மத்திய அரசு, இசையவில்லை. அதன்பின், புனே செல்லும் போது பயன்படுத்த, புதிய கார் ஒன்றை வழங்குமாறு, மத்திய அரசை நச்சரித்தார்; அதுவும் செல்லுபடியாகவில்லை.

'புதிய கார் தான் தரவில்லை; நான் புனே செல்லும் போது, பயன்படுத்திக் கொள்ளும் சொந்த காருக்கு, பெட்ரோலை தர வேண்டும்' என, மத்திய அரசுக்கு தொடர்ந்து கடிதங்கள் எழுதி வருகிறார். 
அரசு விதிகளின் படி, முன்னாள் ஜனாதிபதிகளுக்கு, ஏதாவது ஒரு காருக்கு தான் பெட்ரோல் வழங்க முடியும். 
ஆனால், குடியரசுத்தலைவர் பதவிக்குப்பின் பல கோடிகளுக்கு அதிபதியான பிரதிபா, சொந்த பணத்தில் காரை இயக்காமல், அரசு  மக்கள் வரிப்பணத்தை பணத்தை எதிர்பார்த்து வருகிறார்.
இவரின் செயல்பாடுகள் குடியரசுத்தலைவர் பதவிக்கே அசிங்கத்தை எற்படுத்தி வருகிறது.இவர் தனது பதவுஇ காலத்தில் ஜெயலலிதாவுக்கு தனது கட்சியான காங்கிரசின் எதிர்ப்பையும் மீறி பல உதவிகளை செய்துள்ளார்.காரணம் ?இவற்றின் எதிர்பார்ப்புகளை ஜே நிறைவேற்றியதுதான்.அரசு மட்டுமல்ல மக்களிடமும் பிரதிபா பாட்டில் செயல்கள்  பெரும் அதிருப்தியை ஏற்படுத்தியுள்ளது.
அப்துல் கலாம் மேன்மையை மக்கள் புரிய வைக்க ஒரு பிரதிபா பாட்டில் தேவையா/
========================================================================



செவ்வாய், 28 ஜூலை, 2015

ஒளிரும் இந்தியா

2011ம் ஆண்டு மக்கள் தொகை கணக்கெ டுப்பின்படி சமூக, பொருளாதார மற்றும் சாதிய அடிப்படையிலான சில உண்மைகள் நம் கவனத்திற்கு:
இந்தியாவில் உள்ள மொத்த தலித் குடும்பங் களின் எண்ணிக்கை 4,42,26,917.இதில் 74 சதத்திற்கும் அதிகமான குடும்பங்கள் கிராமப்புற இந்தியாவில் தான் வசிக்கின்றன.. மீதமுள்ள 26 சதத்திற்கும் குறைவான குடும்பங்கள் தான் நகர்ப்புற இந்தியாவில் வசிக்கின்றன.எண்ணிக்கையில் சொல்வதானால், 3,29,19,665 தலித் குடும்பங்கள் கிராமப்புறத்திலும், 1,13,07,252 தலித் குடும்பங்கள் நகர்ப்புறத்திலும் வசிக்கின்றன. அதே போல இன்னொரு கவனிக்க வேண்டியஅம்சம் என்னவென்றால், மொத்தமுள்ள தலித் மக்களில் 60 சதமானம் பேர் இந்தியாவில் உள்ள 6 மாநிலங்களில் மட்டும் வசிக்கின்றனர். 
உத்தரப்பிரதேசத்தில் 76.49 லட்சம் குடும்பங்களும், மேற்கு வங்கத்தில் 51.40 குடும்பங்களும், தமிழ் நாட்டில் 37.59 லட்சம் குடும்பங்களும், ஒன்றுபட்ட ஆந்திராவில் 36.71 குடும்பங்களும், மகாராஷ்டிராவில் 33.11 லட்சம் குடும்பங்களும், பீகாரில் 32.30 லட்சம் குடும்பங்களும் வசிக்கின்றன.
இன்றைக்கும் தண்ணீருக்கு அடிபம்பினை நம்பி வாழும் தலித் குடும்பங்களின் எண்ணிக்கை 1,75,35,781. வெளிச்சத்திற்கு மண்ணெண்ணெய்யை நம்பி வாழும் தலித் குடும்பங்களின் எண்ணிக்கை 1,74,64,007. இதில் 1,61,36,903 குடும்பங்கள் கிராமங்களில் வசிக்கின்றன. 
இதிலிருந்தே இன்னும் மின்சாரம் என்பது பல இலட்சம் ஒடுக்கப்பட்ட மக்களுக்கு கிராமப்புறங்களில் சென்று சேரவில்லை என்பது வெட்ட வெளிச்சமாகிறது. 
சுதந்திரமடைந்து இத்தனை ஆண்டுகளுக்கு பிறகும் இந்தியா ஒளிர்வதாகச் சொன்னவர்கள் ஆட்சியில் இருந்த போதும் - இருக்கின்ற போதும் - ஒளிரும் இந்தியாவின் இருண்ட பக்கத்தின் அத்தாட்சிகளாய் இன்னும் சில உண்மைகள் இதோ:கழிப்பறை வசதிகளை எடுத்துக் கொண்டால் வாழும் இடத்திலேயே கழிப்பறை உள்ளதலித் குடும்பங்களின் எண்ணிக்கை 1,49,75,126. அதாவது வெறும் 34 சதவீத தலித் குடும்பங்களுக்கு வாழுமிடத்திலேயே கழிப்பறை வசதி உள்ளது.
2,92,51,791 தலித் குடும்பங்களுக்கு வாழுமிடத்தில் கழிப்பறை வசதி கிடையாது. இதில் 1,82,616 தலித் குடும்பங்கள் திறந்த வெளியை உபயோகப்படுத்துபவர்களாக உள்ளனர். அ
தே போல் உலர் கழிப்பறைகளை பயன்படுத்தும் தலித் குடும்பங்களின் எண்ணிக்கை 64,111.
 பன்றி போன்ற விலங்குகளின் மூலம் கழிப்பறைகளை சுத்தப்படுத்திக் கொள்ளும் தலித் குடும்பங்களின் எண்ணிக்கை 78,362. பொதுக் கழிப்பிடங்களை நம்பி வாழும் தலித் குடும்பங்களின் எண்ணிக்கை 17,99,243. 
 தூய்மை இந்தியா பற்றி பேசும் பிரதமரே இவர்களுக்கெல்லாம் என்ன சொல்லப் போகிறீர்கள்? என்ன செய்யப் போகிறீர்கள்?ச
மைப்பதற்கு விறகை மட்டுமே முக்கியமாக நம்பி வாழும் தலித் குடும்பங்களின் எண்ணிக்கை 12,42,76,493. அதே போல நாம் கவனிக்க வேண்டிய மற்றொரு அம்சம் மத்திய அரசாங்கம் தற்போது அழுத்தம் திருத்தமாய்க் கூறி வரும் வங்கிச் சேவை குறித்தது. 2,25,29,047 தலித் குடும்பங்களுக்கு மட்டுமே வங்கிச் சேவை கிடைக்கின் றது. 
அதாவது மொத்தமுள்ள தலித் குடும்பங்களில் பாதிப் பேருக்கு வங்கிச் சேவை கிடைக்கவில்லை. தனியறை எதுவும் இன்றி வாழும் தலித் குடும்பங்கள் 29,98,143. வாழவே முடியாத இடிந்து போன வீடுகளில், கிராமப்புறங்களில் 29,59,270 தலித் குடும்பங்களும், நகர்ப்புறங்களில் 6,05,022 குடும்பங்களும் வசிக்கின்றன. 
சொத்து என்று பார்க்கும்போது 99,95,804 தலித் குடும்பங்களுக்கு ரேடியோ, டிவி, தொலைபேசி, கம்ப்யூட்டர், இரு சக்கர வாகனம் என்று எதுவுமே இல்லை. -


\\
அப்துல் கலாம்


ஆவுல் பக்கீர் ஜெயினுலாபுதீன் அப்துல் கலாம்‘ எனப்படும் டாக்டர் ஆ.ப.ஜெ.அப்துல் கலாம், தமிழகத்தின் முக்கிய நகரங்களில் ஒன்றான இராமேஸ்வரம் நகரில் 1931-ஆம் ஆண்டு அக்டோபர் 15-ம் தேதி பிறந்தார். அவரது தந்தை ஜெயினுலாபுதீன், தாயார் ஆஷியம்மா.இராமேஸ்வரத்தில் அரசுப் பள்ளியில், தனது பள்ளிக் கல்வியை முடித்த அப்துல்கலாம், திருச்சி செயிண்ட் ஜோசப் கல்லூரியில் 1954-ஆம் ஆண்டு இயற்பியலில் பட்டம் பெற்றார். 1955-ஆம் ஆண்டில் சென்னை எம்.ஐ.டி. கல்வி நிறுவனத்தில் விண்வெளி பொறியியல் படிப்பில் சேர்ந்தார்.
அங்கு படித்தபோது விமானியாக வேண்டும் என்று ஆசைப்பட்ட கலாம், அதற்கான தேர்வில் அவர் 9-வது இடம்பெற்றார். 

எனினும் விமானியாகும் வாய்ப்பு கிடைக்கவில்லை.
சென்னை எம்.ஐ.டி.யில் உயர் கல்வியை முடித்த அவர், 1958-ஆம் ஆண்டில் மத்திய அரசின் பாதுகாப்பு ஆராய்ச்சி மற்றும் மேம்பாட்டு அமைப்பில் முதன்மை விஞ்ஞானியாக பணியில் சேர்ந்தார். 
அப்போது அவருக்கு கிடைத்த மாதச்சம்பளம் ரூ. 250.முதலில் இந்திய ராணுவத்துக்காக சிறிய ஹெலிகாப்டரை வடிவமைத்துக் கொடுத்த அப்துல் கலாம், பின்னர் இந்திய விண்வெளி ஆராய்ச்சி நிறுவனத்தில் (இஸ்ரோ) தனது ஆராய்ச்சிப் பணிகளைத் தொடர்ந்தார். 
அங்கு 1980-ஆம் ஆண்டு எஸ்.எல்.வி.-3 ராக்கெட் மூலம் ரோகிணி-1 என்ற செயற்கைக் கோளை விண்ணில் ஏவியதில் முக்கிய பங்காற்றினார். போலியோ நோயாளிகளுக்கான எடை குறைந்த ஊன்றுகோல், இதய நோயாளிகளுக்கான எடை குறைந்த ஸ்டெண்ட் கருவி ஆகியவை கூட கலாமின் கண்டுபிடிப்புகள்தான். 
இந்திய பாதுகாப்புத் துறையில் நடத்தப்படும் சோதனைகளுக்கு வெளிநாட்டுக் கருவிகளே பயன்படுத்தப்பட்டு வந்த நிலையில், முற்றிலும் உள்நாட்டுக் கருவிகள் மூலமே சோதனைகள் நடத்தியவர் அப்துல் கலாம்.அவரது சேவையைப் பாராட்டி 1981-ல் பத்ம பூஷண் விருது வழங்கப்பட்டது.
1990-ல் பத்ம விபூஷண் விருதும் வழங்கப்பட்டது. 1963 முதல் 1983 வரை 20 ஆண்டுகள் இஸ்ரோவில் பணியாற்றிய கலாம், அக்னி, பிருத்வி, ஆகாஷ் உட்பட ஐந்து ஏவுகணை திட்டங்களில் முக்கிய பணியாற்றினார். இதனால் அவரைக் பெருமைப்படுத்தும் விதமாக 1997-ல் அப்துல் கலாமிற்கு, நாட்டின் உயரிய விருதான “பாரத் ரத்னா” வழங்கப்பட்டது.
1999-ஆம் ஆண்டில் பொக்ரான் அணு ஆயுத சோதனையிலும் கலாமிற்கு முக்கியப் பங்கு இருந்தது குறிப்பிடத்தக்கது.இந்நிலையில், 2002-ஆம் ஆண்டு ஜூலை 25-ம் தேதி நாட்டின் 11-வது குடியரசுத் தலைவராக அப்துல் கலாம் தேர்ந்தெடுக்கப்பட்டார். 
2007 ஜூலை 25-ம் தேதி வரை அப்பதவியில் இருந்த அவர், 2020ல் இந்தியாவை வல்லரசாக்கும் வகையில்,
இளைஞர்களும் மாணவர்களும் பாடுபட வேண்டும் என்று அறைகூவல் விடுத்தார். பதவிக்காலம் முடிந்த பிறகு நாடு முழுவதும் சுற்றுப் பயணம் மேற்கொண்ட லட்சியப் பிடிப்பு மிக்க மாணவர்களை உருவாக்கும் பணியில் தன்னை ஈடுபடுத்திக் கொண்டார். ஷில்லாங்கில் கலாமின் இறுதிமூச்சு அடங்கிய நிமிடம் வரை அவர் மாணவர்களுடனேயே தன் வாழ்க்கையை அவர் ஐக்கியப்படுத்திக் கொண்டார்.
கலாம் இதுவரை 30-க்கும் மேற்பட்ட பல்கலைக் கழகங்களில் டாக்டர் பட்டங்களைப் பெற்றுள்ளார். அமெரிக்கா, இங்கிலாந்து உள்ளிட்ட 10-க்கும் மேற்பட்ட வெளிநாடுகளும் கலாமிற்கு விருதுகளை வழங்கி கௌரவித்து உள்ளன.‘அக்னிச் சிறகுகள்’ கலாமின் வாழ்க்கை வரலாற்று நூலாகும். ‘எழுச்சித் தீபங்கள்’, ‘அப்புறம் பிறந்தது ஒரு புதிய குழந்தை’ ஆகிய புத்தகங்களை எழுதியுள்ளார். 
‘எனது பயணம்‘ என்ற கலாமின் கவிதை நூல், ஆங்கிலத்தில் மொழிமாற்றம் செய்யப்பட்டுள்ளது.இசைஞானமும் கொண்ட அப்துல்கலாம், வீணை நன்றாக வாசிப்பார். 
அவர் யாழ்ப்பாணத்தைச் சேர்ந்த கனகசுந்தரம் என்ற சந்நியாசியிடம்தான் ஆங்கிலம் கற்றுக் கொண்டார். இராமேஸ்வரத்தைச் சேர்ந்த அறிவியல் ஆசிரியர் சிதம்பரம் சுப்பிரமணியமே, கலாமிற்கு அறிவியல் ஆர்வத்தை ஏற்படுத்தியவர் ஆவார்.இ
றுதி வரைக்கும் திருமணம் செய்து கொள்ளாத அப்துல்கலாம், நாட்டில் உள்ள கோடிக்கணக்கான இளைஞர்களையும், மாணவ- மாணவியரையுமே தனது குழந்தைகளாக வரித்துக் கொண்டார்.
எவ்வளவோ நல்லமனது கொண்டவராக இருந்தாலும் அரசியல் ,மற்றும் அணு ஆயுதங்கள்  கலாம் பிற்போக்குவாதியாகவே பாஜகவின் கருத்தை பிரதிபலிக்கும் குரலாகவே இருந்தார்.அதானால்தான் பாஜக அவரை குடியரசுத் தலைவராக்கியது.தன்னை சிறுபான்மையினருக்கு எதிரானவர்கள் இல்லை என்று முகமூடி அணிந்து கொண்டது.
இந்த வழியில் கலாம் அவர்களின் எண்ணங்கள் நம்மக்கு ஒத்து வராததாக இருந்தாலும்.தமிழர்,சாமானிய குடுமபத்தில் இருந்து நாட்டின் தலைமகனாய் உயர்ந்தவர் என்பதில் அவர் நம் மதிப்பில் உயர்ந்துதான் நிற்கிறார்.
====================================================
இன்று ,
ஜூலை-29.
  • சர்வதேச புலிகள் தினம்
  • தாய்லாந்து, தாய்மொழி தினம்
  • ருமேனியா தேசிய கீத தினம்
  • அமெரிக்க விண்வெளி நிறுவனம் நாசா ஆரம்பிக்கப்பட்டது(1959)
  • பன்னாட்டு அணுசக்தி முகமையகம் அமெரிக்காவில் ஆரம்பிக்கப்பட்டது(1957)
====================================================

திங்கள், 27 ஜூலை, 2015

காலை எழுந்தவுடன்



 தினமும் காலையில் எழுந்தவுடன் வெறும் வயிற்றில் தண்ணீர் குடிப்பது நல்லது என பலரும் கூறியது கேள்விப்பட்டிருப்போம். ஆம், தண்ணீர் குடிப்பதால் எண்ணற்ற நோய்களில் இருந்து நம்மை பாதுகாக்கலாம். தினமும் தண்ணீர் குடிப்பதால் வயிறு சுத்தமாவதுடன், உடலில் உள்ள நச்சுக்கள் சிறுநீர், மலம் மூலம் வெளியேறிவிடும்.

பெரும்பாலான நபர்களுக்கு உடலில் நீர்ச்சத்து குறையும்போது தான் தலைவலி ஏற்படுகிறது, அத்தகைய நபர்கள் தினமும் தண்ணீர் குடித்து வருவது நல்லது. குறிப்பாக காலையில் அவசர அவசரமாக வேலைக்கு கிளம்பும் நபர்கள், சாப்பிடாமல் செல்வது வழக்கமாகிவிட்டது. இவர்கள் தினமும் தண்ணீர் குடிக்கும் போது பசி எடுப்பதுடன் அல்சர் தொல்லையிலிருந்து தப்பிக்கலாம்.

வெதுவெதுப்பான தண்ணீரை குடித்தால் உடலின் மெட்டாபாலிசம் அதிகரிப்பதுடன், உண்ணும் உணவு விரைவில் செரிமானமாகி விடும். மேலும் இரத்த சிவப்பணுக்களின் வளர்ச்சியானது அதிகரித்து, இரத்தமானது அதிகப்படியான ஆக்சிஜனை கொண்டிருப்பதால் உடலானது எனர்ஜியுடன் இருக்கும். எடையை குறைக்க நினைப்பவர்களுக்கு இது ஒரு சிறந்த வரப்பிரசாதம் என்றே சொல்லலாம். முகமும் பொலிவுடன் இருப்பதுடன், பருக்கள் வருவது குறைந்துவிடும். 

----------------------------------------------------------------------------------------------------------------------------------
எந்த கீரை? என்ன நன்மை??
அகத்திக்கீரை- ரத்தத்தை சுத்தமாக்கி பித்தத்தை தெளியவைக்கும்.

காசினிக்கீரை- சிறுநீரகத்தை நன்கு செயல்பட வைக்கும். உடல் வெப்பத்தை தணிக்கும்.

சிறுபசலைக்கீரை- சருமநோய்களைத் தீர்க்கும் பால்வினை நோயை குணமாக்கும்.

பசலைக்கீரை- தசைகளை பலமடையச் செய்யும். 


கொடிபசலைக்கீரை- வெள்ளை விலக்கும் நீர் கடுப்பை நீக்கும்.

மஞ்சள் கரிசலை- கல்லீரலை பலமாக்கும், காமாலையை விலக்கும்.

குப்பைகீரை- பசியைத்தூண்டும்.வீக்கம் வத்தவைக்கும்.

அரைக்கீரை- ஆண்மையை பெருக்கும். 


புளியங்கீரை- சோகையை விலக்கும், கண்நோய் சரியாக்கும்.

பிண்ணாருக்குகீரை- வெட்டையை, நீர்கடுப்பை நீக்கும்.

பரட்டைக்கீரை- பித்தம், கபம் போன்ற நோய்களை விலக்கும்.

பொன்னாங்கன்னி கீரை- உடல் அழகையும், கண்ஒளியையும் அதிகரிக்கும்.

சுக்கா கீரை- ரத்த அழுத்தத்தை சீர்செய்யும், சிரங்கு மூலத்தை போக்கும்.

வெள்ளை கரிசலைக்கீரை- ரத்தசோகையை நீக்கும்.

முருங்கைக்கீரை- நீரிழிவை நீக்கும், கண்கள், உடல் பலம்பெறும்.

வல்லாரை கீரை- மூளைக்கு பலம் தரும்.

முடக்கத்தான்கீரை- கை, கால் முடக்கம் நீக்கும் வாயு விலகும்.

புண்ணக்கீரை- சிரங்கும், சீதளமும் விலக்கும்.

புதினாக்கீரை- ரத்தத்தை சுத்தம் செய்யும், அஜீரணத்தை போக்கும்.

நஞ்சுமுண்டான் கீரை- விஷம் முறிக்கும்.

தும்பைகீரை- அசதி, சோம்பல் நீக்கும். 

கல்யாண முரங்கைகீரை- சளி, இருமலை துளைத்தெரியும்.

முள்ளங்கிகீரை- நீரடைப்பு நீக்கும்.

பருப்புகீரை- பித்தம் விலக்கும், உடல் சூட்டை தணிக்கும்.

புளிச்சகீரை- கல்லீரலை பலமாக்கும், மாலைக்கண் நோயை விலக்கும், ஆண்மை பலம் தரும்.

மணலிக்கீரை- வாதத்தை விலக்கும், கபத்தை கரைக்கும்.

மணத்தக்காளி கீரை- வாய் மற்றும் வயிற்றுப்புண் குணமாக்கும், தேமல் போக்கும்.

முளைக்கீரை- பசியை ஏற்படுத்தும், நரம்பு பலமடையும்.

சக்கரவர்த்தி கீரை- தாது விருத்தியாகும்.

வெந்தயக்கீரை- மலச்சிக்கலை நீக்கும், மண்ணீரல், கல்லீரலை பலமாக்கும். வாத, காச நோய்களை விலக்கும்.

தூதுவலை- ஆண்மை தரும். சருமநோயை விலக்கும். சளித்தொல்லை நீக்கும்.

தவசிக்கீரை- இருமலை போக்கும்.

சாணக்கீரை- காயம் ஆற்றும்.

வெள்ளைக்கீரை- தாய்பாலை பெருக்கும்.

விழுதிக்கீரை- பசியைத்தூண்டும்.

கொடிகாசினிகீரை
- பித்தம் தணிக்கும்.

துயிளிக்கீரை- வெள்ளை வெட்டை விலக்கும்.

துத்திக்கீரை- வாய், வயிற்றுப்புண் அகற்றும். வெள்ளை மூலம் விலக்கும்.

காரகொட்டிக்கீரை- மூலநோயை போக்கும். சீதபேதியை நிறுத்தும்.

மூக்கு தட்டைகீரை- சளியை அகற்றும்.

நருதாளிகீரை- ஆண்மையைப் பெருக்கும், வாய்ப்புண் அகற்றும்.

-----------------------------------------------------------------------------------------------------------------------------------

‘ஏலக்காய்’ 
நறுமணப் பொருட்களின் அரசி என்று ‘ஏலக்காய்’ குறிப்பிடப்படுகிறது.நாவறட்சி, வாயில் உமிழ்நீர் ஊறுதல், வெயிலில் அதிகம் வியர்ப்பதால் ஏற்படும் தலைவலி, வாந்தி, குமட்டல், நீர்ச்சுருக்கு, மார்புச்சளி, செரிமானக் கோளாறு என பல பிரச்சனைகளிலிருந்து, ஏலக்காயை சும்மா மெல்லுவதாலேயே நிவாரணம் பெறமுடியும். எனினும் இதை அதிகமாக, அடிக்கடி சேர்த்துக்கொள்வது நல்லதல்ல.
ஜலதோஷத்தால் பாதிக்கப்பட்டு மூக்கடைப்பால் அவதிப்படும் குழந்தைகளுக்கு நான்கைந்து ஏலக்காய்களை நெருப்பில் போட்டு, அந்தப் புகையை சுவாசித்தால், உடனே மூக்கடைப்பு திறக்கும்.
வெயிலில் அதிகம் அலைவதால் சிலருக்கு தலைசுற்றல், மயக்கம் உண்டாகும்.
 நான்கைந்து ஏலக்காய்களை நசுக்கி, அரை டம்ளர் தண்ணீரில் போட்டு, நன்கு கஷாயமாகக் காய்ச்சி, அதில் கொஞ்சமாக பனைவெல்லம் போட்டு சாப்பிட்டால், இந்த மயக்கம், தலைசுற்றல் உடனே நீங்கும். விக்கலை உடனே நிறுத்தும் சக்தி ஏலக்காய்க்கு உண்டு.
இரண்டு ஏலக்காய்களை நசுக்கி, அத்துடன் நான்கைந்து புதினா இலைகளைப் போட்டு, அரை டம்ளர் தண்ணீரில் நன்கு காய்ச்சி, வடிகட்ட வேண்டும். 
மிதமான சூட்டில் இந்தக் கஷாயத்தைக் குடித்தால், விக்கல் உடனே நின்றுவிடும். மன அழுத்தப் பிரச்சனையால் பாதிக்கப்பட்டவர்கள், ‘ஏலக்காய் டீ` குடித்தால் இயல்பு நிலைக்கு வருவார்கள். 
டீத் தூள் குறைவாகவும், ஏலக்காய் அதிகமாகவும் சேர்த்து (ஒரு கப் டீக்கு இரண்டு ஏலக்காய் போதுமானது!) டீ தயாரிக்கும்போது வெளிவரும் இனிமையான நறுமணத்தை நுகர்வதாலும், அந்த டீயைக் குடிப்பதால் ஏற்படும் புத்துணர்வை அனுபவிப்பதாலும் மன அழுத்தம் சீக்கிரமே குறைகிறதாம்!
ஏலக்காயை நன்கு காயவைத்து பொடியாக அரைத்துக்கொள்ள வேண்டும். 
இந்தப் பொடியில் அரை டீஸ்பூன் எடுத்து, அரை டம்ளர் தண்ணீரில் கொதிக்கவிட வேண்டும். உணவு உட்கொள்வதற்கு முன்பாக, இந்த ஏலக்காய் தண்ணீரைக் குடித்தால் வாயுத்தொல்லை எப்போதும் இருக்காது.குழந்தைகளுக்கு வாந்தி பிரச்சனை இருந்தால் பயப்படாமல் ஏலக்காயை மருந்தாகத் தரலாம். இரண்டு ஏலக்காய் களை பொடியாக்கி, அந்தப்பொடியை தேனில் குழைத்து குழந்தையின் நாக்கில் தடவுங்கள். இப்படி மூன்று வேளை செய்தால், வாந்தி உடனே நிற்கும்.
===================================================
இன்று,
ஜூலை-28.
  • உலக கல்லீரல் நோய் தினம்
  • பெரு விடுதலை தினம்(1821)
  • முதல் உலகப் போர் ஆரம்பமானது(1914)
  • முதல் முறையாக பிரிட்டனில் உருளைக் கிழங்கு இறக்குமதி செய்யப்பட்டது(1586)


டாக்டர் அப்துல் கலாம் அவர்களுடைய
கடைசி புகைப்படம்...

 முன்னாள் ஜனாதிபதி அப்துல் கலாம்,82 , நிகழ்ச்சி ஒன்றில் பங்கேற்க மேகாலயா மாநிலம் சென்றிருந்தார். அங்கு ஐ.ஐ.ஐ.எம். மையத்தில் நடந்த கருத்தரங்கில் மாணவர்கள் மத்தியில் உரையாடிக்கொண்டிருந்தார். அப்போது அவருக்கு திடீரென மாரடைப்பு ஏற்பட்டது. இதையடுத்து ஷில்லாங் நகரில் உள்ள பெதானி மருத்துவமனையில் அனுமதிக்கப்பட்டார். அங்கு அவரது நிலைமை கவலைக்கிடமாக இருந்ததையடுத்து ராணுவ டாக்டர்கள் விரைந்து வந்து தீவிர சிகிச்சை அளித்தனர். இந்நிலையில் சிகிச்சை பலனின்றி நேற்று 27.07.2015 இரவு காலமானார்.



===================================================
 2011ல் அதிமுக அரசு பதவியேற்றது முதல் இதுவரை 21 முறை தமிழக அமைச்சரவை மாற்றி அமைக்கப்பட்டுள்ளது. தற்போது செந்தில் பாலாஜி நீக்கப்பட்டதை அடுத்து 22வது முறையாக அமைச்சரவையில் மாற்றம் செய்யப்பட்டுள்ளது.
ஜெயலலிதா அமைச்சரவையில் இருந்து எத்தனையோ அமைச்சர்கள் பதவியில் இருந்து இதுவரை நீக்கப்பட்டுள்ளனர்; அல்லது இலாகா மாற்றப்பட்டுள்ளனர். ஆனால் இவர் இதுவரை இலாகா மாறாத அமைச்சராகவும், கட்சி தலைமையின் நம்பிக்கையை பெற்ற அமைச்சராகவும் இருந்தார். இந்நிலையில் இன்று (ஜூலை 27) அமைச்சர் மற்றும் கரூர் மாவட்ட செயலாளர் பதவியில் இருந்தும் நீக்கப்பட்டுள்ளார். செந்தில் பாலஜி வகித்து வந்த போக்குவரத்து துறை, தொழில்துறை அமைச்சராக உள்ள தங்கமணியிடம் கூடுதலாக வழங்கப்பட்டுள்ளது. இந்த அதிரடி மாற்றத்திற்கான காரணம் என்ன என்பது குறித்து இதுவரை எந்த விபரமும் தெரிவிக்கப்படவில்லை.
 


ஞாயிறு, 26 ஜூலை, 2015

தொ[ல்]லை நோக்கு

சென்னைக்கு குடிநீர் வழங்கும் ஏரிகளின் நீர் இருப்பு 15 ஆண்டுகளில் இல்லாத அளவுக்குக் குறைந்து விட்டது.
சென்னையில், 2003இல் இருந்த குடிநீர்ப் பிரச்சினை தற்போது எழுந்துள்ள தாகவும், முடிந்த அளவு தட்டுப்பாடின்றி குடிநீர் வழங்க முயல்வதாகவும் சென்னை குடிநீர் வாரியமே குடிநீர்த் தட்டுப்பாட்டுக்கு ஒப்புதல் வாக்குமூலம் கொடுத்துள்ளது. சென்னை குடிநீர் வாரிய அதிகாரிகள் “சென்னைக்கு குடிநீர் வழங்கும் ஏரிகளின் நீர் இருப்பு 15 ஆண்டு களில் இல்லாத அளவுக்குக் குறைந்து விட்டது. தற்போதைய இருப்பு மொத்த கொள்ளளவில் 10 சதவிகிதம் தான்”என்று தெரிவித்துள்ளனர். இதிலிருந்தே
குடிநீர்ப் பிரச்சினை எவ்வளவு பெரிதாக எழுந்துள்ளது என்பதைப் புரிந்து கொள்ளலாம். சென்னை குடிநீர் வாரியம் முன்பு 83 கோடி லிட்டர் குடிநீரை வினியோகித்தது. ஆனால் கடந்த இரண்டாண்டுகளாக 55 கோடி லிட்டர் குடிநீர் தான் நகர் முழுவதும் விநியோகிக்கப்பட்டு வருகிறது. தற்போது இதற்கும் சிக்கல் வந்து விட்டது. ஒரு நாள் விட்டு ஒரு நாள் தான் பல பகுதிகளுக்கு தண்ணீர் விடப்படுகிறது. தாய்மார்கள் காலிக் குடங்களுடன் குடிநீருக்காக அலையும் அவல நிலை தான் தற்போது எங்கும் நிறைந்துள்ளது.

தி.மு. கழக ஆட்சியில் நெம்மேலியில் தொடங்கப்பட்ட கடல்நீரைக் குடி நீராக்கும் நிலையம் தற்போது செயல்பாட்டில் உள்ளது. ஆனால் அதற்கு அருகே, அ.தி.மு.க. ஆட்சியில் 2013இல் அறிவிக்கப்பட்ட கடல்நீரைக் குடிநீராக்கும் இரண்டு நிலையங்கள் இன்னும் தொடங்கப்படவில்லை. மத்திய அரசிடம் நிதி உதவி கோரப்பட்ட நிலையிலேயே தொங்கலில் உள்ளது.
சென்னையின் நீராதாரமான ஏரிகளில் நீர் இருப்பு கவலைக்கிடமாக உள்ளது . சென்னைக்குக் குடிநீர் வழங்கும் பூண்டி, புழல், செம்பரம்பாக்கம், சோழவரம் ஏரிகள் வேகமாக வறண்டு வருகின்றன. இதில் சோழவரம் ஏரி முற்றிலும் வறண்டு விட்டது. வீராணம் ஏரியிலும் மூன்றில் இரண்டு பங்கு தண்ணீர் தான் உள்ளது. தற்போது அங்கிருந்து தான் சென்னைக்கு தண்ணீர் வந்து கொண்டுள்ளது. ஆந்திர மாநிலம் கண்டலேறு அணையிலிருந்து பூண்டி ஏரிக்கு கிருஷ்ணா தண்ணீர் வருவதும் நின்று விட்டதால், பூண்டி ஏரியின் நீர் மட்டம் 52 மில்லியன் கன அடியாகக் குறைந்து விட்டது.
குடிநீரை அதிக விலை கொடுத்துப் பொது மக்கள் வாங்குகிறார்கள். வளசரவாக்கம் பகுதியில் ஒரு குடம் தண்ணீர் ஆறு ரூபாய்க்கு விற்கப்படுகிறது”“ என்று “மாலைமலர்”“ நாளேடே செய்தி வெளியிட்டுள்ளது. சென்னை நகரில், தியாகராய நகர் பகுதியில் கடும் குடிநீர்த் தட்டுப்பாடு நிலவுவதாகவும், சிறிதளவு கிடைக்கும் குடிநீர்த் தொட்டித் தண்ணீரும் ஓட்டலுக்கு விற்கப்படுவதாகவும் செய்தி வந்துள்ளது. பல்லாவரம் நகராட்சிப் பகுதிகளில் தேவையான அளவு குடிநீர் கிடைக்காததால், 10 முதல் 15 நாட்களுக்கு ஒரு முறை மட்டுமே குடிநீர் கிடைக்கிறதாம். கடந்த சில தினங்களாக தொடரும், சுகாதாரமற்ற குடிநீர் வினியோகத்தால், திருவல்லிக்கேணி, ராயப்பேட்டையில் வயிற்றுப் போக்கு பாதிப்பு ஏற்பட்டுள்ளதாகச் செய்தி வந்துள்ளது. புளியந்தோப்புப் பகுதியில் குடிநீரில் கழிவு நீர் கலந்து வருகிறதென்று கூறி, குடிநீர் வாரிய அலுவலகத்தையே பொது மக்கள் முற்றுகையிட்டுள்ளனர். இவ்வாறு ஒவ்வொரு பகுதியைப் பற்றியும் குடிநீர்த் தட்டுப்பாட்டின் விளைவுகள் பற்றித் தொடர்ந்து செய்திகள் வந்த வண்ணம் உள்ளன.
ஆனால் அ.தி.மு.க. அரசு என்ன செய்து கொண்டிருக்கிறது? அமைச்சர் தற்போது தான் அதிகாரிகளை அழைத்துப் பேசுகிறார்! அரை மணி நேரம் மட்டுமே நடந்த அமைச்சரவைக் கூட்டத்தில் இந்தக் குடிநீர் தட்டுப்பாட்டைப் போக்க என்ன வழி என்று பேசப்பட்டதா? “வீடியோ கான்ஃப்ரன்ஸ்”“ மூலமாக “அம்மா”“ ஏதாவது குடிநீர்த் திட்டங்களைத் திறந்து வைத்தாரா? அப்படி இல்லாவிட்டாலும், அரசு செய்தி வெளியீடாகத் தருவதற்காகவாவது ஏதாவது செய்யப்பட்டதா? ஐந்து நாட்களுக்கு ஒரு முறையோ, பத்து நாட்களுக்கு ஒரு முறையோ முதலமைச்சர் தலைமைச் செயலகத்திற்கு வருவார்; அப்படி ஒரு நாள் வரும்போதும் அதிகப் பட்சம் அரை மணி நேரம் மட்டுமே இருப்பார்; அந்த அரை மணி நேரத்தில், அமைச்சரவைக் கூட்டம், கட்சியின் நாடாளுமன்ற உறுப்பினர்கள் கூட்டம், ஐந்தாறு திட்டங்களுக்கு தொடக்க விழா நிகழ்ச்சிகளில் கலந்து கொள்வார்! அ.தி.மு.க. நாடாளுமன்ற உறுப்பினர்களை யெல்லாம் தலைமைச் செயலகத்திற்கே அழைத்து முதலமைச்சர் ஆலோசனை நடத்தினாராம்! மாநிலத்திலே உள்ள அனைத்துக் கட்சி நாடாளுமன்ற உறுப்பினர்களையெல்லாம் அழைத்து முதலமைச்சர், நம் மாநிலத்திற்குத் தேவையான திட்டங்களை மத்திய அரசிடம் கேட்டுப் பெறுவதற்காக, தலைமைச் செயலகத்திலே கூட்டம் நடத்தலாம்.
ஆனால் ஒரு கட்சியின் நாடாளு மன்ற உறுப்பினர்களை மட்டும் முதலமைச்சர் தலைமைச் செயலகத்திற்கு அழைத்து நாடாளுமன்றத்தில் எப்படிப் பேசவேண்டுமென்று விவாதிப்பது முறை தானா? இல்லை, இந்த ஆட்சியில் தலைமைச் செயலகமே அ.தி.மு.க. வின் கட்சி அலுவலகம் ஆகி விட்டதா? இதைப்பற்றி யெல்லாம் கவலைப்பட யாருக்கும் நேரமில்லை. தாய்மார்களைக் கவலைப்பட வைக்கும் குடிநீர்ப் பிரச்சினை பற்றியா எங்களுக்கு அக்கறை என்று கேட்கின்ற ஆட்சியாகத் தான் இன்றைய ஆட்சி காலத்தைத் தள்ளிக் கொண்டிருக்கிறது. குடிநீர்த் தட்டுப்பாடு வரக் கூடுமென்று நான் பிப்ரவரி மாதத்திலேயே எச்சரித்த போதே நடவடிக்கை எடுத்திருந்தால், இந்தக் குடிநீர்த் தட்டுப்பாடு ஓரளவாவது தடுக்கப் பட்டிருக்கலாம் அல்லவா?
தமிழ் நாடு முழுக்க குடி நீர் தட்டுப்பாடுதான்.
ஆனாலும் இந்த குடி நீர் தட்டுப்பாடு ஆளும் அதிமுகவினரால் வேண்டும் என்றெ உருவாக்கப்படுவதாகத் தெரிகிறது.
தூத்துக்குடியில் குடி நீர் வழங்கும் தாமிரபரணி படுகையில் அதிக நீர் வரத்து இருந்தும் அதை முன் போல் மக்களுக்கு கொண்டு செல்ல மாநகராட்சி முயற்சி செய்வதில்லை.தனியார் நிறுவனங்களுக்கு[ஸ்டெர்லை,கோககோலா,ஸ்பிக் மற்றும் தொழிற்சாலைகள் ,ஓட்டல்களுக்கு ]லாரி ,லாரியாக குடி நீர் விநியோகம் மட்டும் முறையாக காசு வாங்கிக்கொண்டு நடக்கிறது.
அதேபோல் சென்னைக்கு குடி நீர் ஆதாரமான ஏரியில் மணலை கொட்டி தூர்த்து சாலை அமைக்கிறார்கள்.அதுவும் இது தனியார் கல்லூரிக்காக.
 இருக்கும் கொஞ்சம் குடி நீர் ஆதாரங்களையும் மக்கள் எதிர்ப்பையும் மீறி தூர்த்து விடும் இந்த ஆட்சி மக்களுக்கானதா?யாருக்கானது?கல்லாவில் நிரம்பும் பணம் மட்டும்தான் இப்போது ஆளும் அதிமுக ஜெயா ஆட்சிக்கு குறி.
இதே ஜெயலலிதா ஆட்சிக்கு வரும் போது நிர்வாகத்திறமை மிக்கவர் இவர் ஆட்சியில் தமிழகம் எங்கோ செல்லப்போகிறது 2020 இவரின் தொலை நோக்கு பார்வை என்றார்கள்.
உண்மைதான் 2015 லேயே 2020 இல் இருக்ககூடிய குடி நீர் தட்டுப்பாட்டை கொண்டு வந்து விட்டாரே?
இவற்றின் தொ[ல்]லை நோக்கும்,நிர்வாகத்திறமையும் யாருக்கு வரும்?
==================================================



இன்று,
ஜூலை-27.
  • த மிழறிஞர் நாவலர் சோமசுந்தர பாரதியார் பிறந்த தினம்(1879)
  • 3வது ஜெனீவா உடன்படிக்கை ஏற்பட்டது(1929)
  • பெலாரஸ், சோவியத் யூனியனில் இருந்து விடுதலையை அறிவித்தது(1990)
  • பிரெட்ரிக் பாண்டிங் தலைமையிலான டொரண்டோ பல்கலைக்கழக விஞ்ஞானிகளால் இன்சுலின் கண்டறியப்பட்டது(1921)
"திருமணம் தடைபடுவது, காதல் பிரச்சனை, ஆண்மை குறைவு போன்ற காரணங்களால் விவசாயிகள் தற்கொலை செய்து கொள்கிறார்கள் என்ற மத்திய விவசாயத்துறை அமைச்சர் ராதா மோகன் சிங்கின் பேச்சு.
விவசாயிகள் பற்றி இந்த அரசு கவலைப்படவில்லை என்பதையே இது காட்டுகிறது. இந்த வருட நிதி நிலை அறிக்கையில் விவசாயிகளுக்கான நிதியை 5000 கோடி ரூபாய் குறைத்து விட்டு தங்க , வைர நகைகளுக்கு 75,592 கோடி ரூபாய் சுங்க வரி விலக்கு அளித்து, அரசு கஜானாவிற்கு நஷ்டம் ஏற்படுத்தி உள்ளது மத்திய அரசு. நாட்டில் உள்ள பெரும்பாலான மக்களின் நலன் பற்றி கவலைப்படாமல் கார்ப்ரேட்டுகளுக்காகவே மத்திய அரசு செயல்படுகிறது என்பது தெளிவாகிவிட்டது."
 - மு.க ஸ்டாலின்


சின்ன ,சின்னஅழகுக் குறிப்புகள்.

அந்தக் காலத்தில் சாதாரணமாக ஏரி, குளங்களில் குளிக்கச் செல்லும் பெண்கள், இலையும் பூவுமாய் இருக்கும் ஆவாரம் செடியிலிருந்து ஒரு கொத்தை உடைத்து  நசுக்கித் தலையில் தேய்த்துக் குளிப்பார்கள். 
எள்ளுச் செடியும் இதற்குப் பயன்படும். 
கூந்தல் பூப்போல மென்மையாக மிளிறும்.

நவீனத்தின் தாக்கத்தில் ஷாம்புவுக்கும் விதவிதமான பசைகளுக்கும் மாறிய பெண்கள், அவற்றின் பக்க விளைவுகளை அறிந்துகொண்டு மீண்டும் பாரம்பரிய வழியில் அழகைக் காப்பாற்றிக்கொள்ள ஆரம்பித்திருக்கிறார்கள். காரணம், பக்க விளைவுகள் எதுவும் இல்லை. செலவும் கைக்குள் இருக்கும்!
கஸ் தூரி மஞ்சள், பூலாங்கிழங்கு, ரோஜா மொட்டு, சம்பங்கி விதை, தவனம், வெட்டிவேர், மகிழம்பூ, ஆவாரம்பூ, திரவியப்பட்டை இதை எல்லாம் தேவையான அளவுக்கு வாங்கி அரைத்து பயன்படுத்தலாம்.

தினமும் இதில் குளித்தால் சருமம் பளபளக்கும். 
கூந்தல் உதிராது. 
சோப்புக்கு பதிலாக உபயோகிப்பவர்கள் கடலைப் பருப்பு, பயத்த மாவு இரண்டையும் இதில் சேர்த்துக்கொள்கிறார்கள்ஒரு சிலருக்கு வறண்ட சருமம் இருக்கும். 
சிலருக்கு சருமம் எண்ணெய்ப் பசையாய் இருக்கும்.

அவரவருக்குத் தகுந்த மாதிரி தனித் தனியாக மூலிகை பவுடர்களை வாங்கியும் தயாரித்துக்கொள்ளலாம்!வேப்பிலை இயல்பாகவே பளபளக்கும் சருமத்தைத் தரும். 
பொடி செய்த வேப்பிலையுடன் ரோஜா இதழ்களை கசக்கி அதில் எலுமிச்சை சாற்றைக் கலந்து ஒரு கலவையாகச் செய்து சருமத்தில் தேய்த்து வந்தால் சருமம் பளபளக்கும்.

சருமப் பராமரிப்பு சார்ந்த எல்லாப் பொருட்களிலும் சந்தனம் மூலப்பொருள். 
சந்தனம் சரும வியாதிகள், முகப் பருக்கள், அரிப்பு மற்றும் இதர சருமப் பிரச்னைகள் அனைத்தையும் குணமாக்கும். உடலுக்கும் குளிர்ச்சி தரும். மஞ்சள் இயற்கையான சருமப் பாதுகாப்புப் பொருள். பருக்கள், அரிப்புகள் மற்றும் பருக்களால் உருவாகும் கிருமிகள் ஆகியவற்றை  நீக்க வல்லது.

கற்றாழை நமது தோலை ஆரோக்கியமாகவும் பளபளப்பாகவும் வைக்க உதவும். 
பாதாம் இலைகளில் இருந்து எடுக்கும் எண்ணெயும் அற்புத குணங்கள் உடையது. தோலுக்கு ஈரப்பதம் தந்து ஊட்டம் பெறச் செய்யவும், பளபளப்பாக்கவும் இதைப் பயன்படுத்தலாம். 
அதனால்தான் அழகு சாதனப் பொருட்களில் இவை சேர்க்கப்படுகின்றன.

துளசி இலை கண்ணின் கருவளையங்கள், பருக்கள் ஆகியவற்றைத் தடுக்கும் வல்லமையைக் கொண்டுள்ளது.
உலர்ந்த ரோஜா இதழ்களுடன் சிறிது பன்னீரும் சந்தனமும் அரைத்து முகத்தில் தடவினால் சருமம் பொலிவாகும். முகத்தில் வளரும் தேவையற்ற முடிகளை நீக்க, அடிக்கடி எலுமிச்சை சாற்றைத் தடவினால் போதும். பால், கடலை மாவு, மஞ்சள், சந்தனம் அனைத்தையும் கலந்து முகத்தில் தடவிக் குளித்தால் சருமம் அழகாகும்’
வேப்பிலையுடன் ரோஜா இதழ்களை கசக்கி அதில் எலுமிச்சை சாற்றைக் கலந்து ஒரு கலவையாக செய்து சருமத்தில் தேய்த்து வந்தால் சருமம் பளபளக்கும்.
- எஸ்.ஆர்.செந்தில்குமார்
சின்ன அழகுக் குறிப்புகள்.
=======================================================================
 

வெள்ளி, 24 ஜூலை, 2015

5000 கோடிகள் அம்போ...?

, 2004 ஏப்ரல் முதல், மத்திய அரசும்; 2003 முதல், தமிழக அரசும், சி.பி.எஸ்., திட்டத்தை அறிமுகம் செய்தன. 
இதன்படி, 2003க்குப் பின், பணியில் சேர்ந்த ஒரு லட்சம் அரசு ஊழியர்களுக்கு, சி.பி.எஸ்., திட்டப்படி, மாத அடிப்படை ஊதியம் மற்றும் தர ஊதியத்தில், 10 சதவீதம் பிடித்தம் செய்யப்படுகிறது.இதன்படி, 50 ஆயிரம் ஆசிரியர்கள் பங்களிப்பு ஓய்வூதியம் செலுத்துகின்றனர். 
இவர்களில், பள்ளிக்கல்வித் துறை கட்டுப்பாட்டிலுள்ள உயர்நிலை, மேல்நிலைப்பள்ளி ஆசிரியர்களுக்கு, பொதுக் கணக்கு அலுவலகம்; தொடக்கப் பள்ளி, உள்ளாட்சி நிர்வாகப் பள்ளி ஆசிரியர்களுக்கு, சென்னை அரசு தகவல் தொகுப்பு மையத்தில், பங்களிப்பு ஓய்வூதியத் திட்ட எண் பராமரிக்கப்படுகிறது.
இதில் தான்,  தமிழ் நாடு அரசு செயல்படாமல் சில ஆண்டுகளாக பெரும் குழப்பத்தை ஏற்படுத்தியுள்ளது. 
தொடக்க மற்றும் உள்ளாட்சி பள்ளிகளில் பதவி உயர்வு பெற்று, பள்ளிக் கல்வித்துறையின் உயர்நிலை மற்றும் மேல்நிலைப் பள்ளிகளுக்கு செல்வோருக்கு, பழைய பங்களிப்பு கணக்கு எண் கைவிடப்பட்டு, பொதுக் கணக்கு அலுவலகத்தில் புதிய எண் துவங்கப்படுகிறது. 
இதனால்,  பல ஆண்டுகள் பணம் கட்டிய, அந்த ஓய்வூதியக் கணக்கு அம்போவென விடப்படுகிறது; 
அந்த நிதி எங்கே சென்றது?என்னவானது??என அதிமுக அரசு  தெரியப்படுத்தவில்லை.
தமிழகத்தில், ஆசிரியர்கள் மற்றும் அரசு ஊழியர்களிடம், பங்களிப்பு ஓய்வூதியத் திட்டத்தில்,பிடித்தம் செய்யப்பட்ட, 5,000 கோடி ரூபாயை, தமிழக அரசு இன்னமும், மத்திய அரசிடம் செலுத்தவில்லை' என்பது, தகவல் அறியும் உரிமை சட்டம் மூலம் தெரிய வந்துள்ளது.
நாட்டில் உள்ள பிற மாநிலங்கள் எல்லாம், புதிய திட்டத்தில் பிடித்த, பணத்தை சம்பந்தப்பட்ட ஆணையத்திடம் செலுத்தி விட்டன.
 தமிழக அரசு, ஒரு ரூபாய் கூட செலுத்தவில்லை. 
இதுவரை பணியில் இறந்துபோன யாருக்கும், ஓய்வூதியம், குடும்ப ஓய்வூதியம், எதுவும் கொடுக்கப்படவில்லை. 
திட்டம் துவங்கி, 12 ஆண்டுகளாகியும், பணம் செலுத்தாதது, தற்போது வெளிப்பட்டுள்ளது. 
இந்த கணக்கு எண்களை ஒன்றாக இணைக்கும்படி, அரசுக்கு பல முறை மனு கொடுத்த பிறகும், எந்த நடவடிக்கையும் இல்லை. 
ஓய்வுபெற்றவர்கள், இறந்தவர்கள் குடும்பங்களுக்கு, பங்களிப்பு ஓய்வூதியம் கிடைக்கவில்லை. பலருக்கு பணம் கிடைக்குமா, கிடைக்காதா என்ற அச்சம் ஏற்பட்டுள்ளது. 
========================================================================
இன்று ,
ஜூலை-25.

  • துனீசியா குடியரசு தினம்(1957)
  • அஜினமோட்டோ கண்டுபிடிக்கப்பட்டது(1908)
  • இந்தியாவின் முதல் பெண் ஜனாதிபதியாக பிரதிபா பாட்டீல் பதவியேற்றார்(2007)
  • சோவியத் செய்தி நிறுவனமான டாஸ் நிறுவப்பட்டது(1925)
  • முதல் சீன-ஜப்பானியப் போர் துவங்கியது(1894)
முட்டாள் பிரதமர்கள்?

கூகுள் தேடுப்பொறியில் உலகின் முட்டாள் பிரதமர்கள் பட்டியலில் நரேந்திர மோடியின் புகைப்படம் சேர்க்கப்பட்டுள்ளது. 
உலகின் முட்டாள் பிரதமர்கள் என கூகுள் புகைப்பட தேடு பொறியில் தேடினால், மோடியின் புகைப்படம் தோன்றுகிறது.
இது சமூக வலைத்தளங்களில் வேகமாக பரவி வருகிறது.
  சில மாதங்களுக்கு முன் கூகுள் தேடுப்பொறியில் உலகின் முதல் 10 குற்றவாளிகள் என டைப் செய்து புகைப்படத் தேடுப்பொறியில் தேடினால், மோடியின் புகைப்படம் தோன்றியது.பின்னர் நீக்கப்பட்டது.
========================================================================

நரேந்திர மோடி ,

 லலித்மோடி விவகாரத்தில் 

வாயே திறக்காதது ????

லஞ்ச ஊழல்கள், ஏற்றுக் கொள்ள இயலாத நேர்மையற்ற செயல்பாடுகள் பற்றிய தொடர்ந்த குற்றச்சாட்டுகள் இந்திய அரசியல் வாழ்க்கையில் இன்று அன்றாடம் நடைபெறும் ஒரு நிகழ்ச் சியாகவே ஆகிவிட்டது. ஆனால் பல விவகாரங்களில் இத்தகைய குற்றச் சாட்டுகளுக்கான சமாதானங்கள் சொல் லப்படவோ,  அல்லது அவை உண்மை யானவையா என்பது கூட சரிபார்க்கப் படவோ இல்லை. அவ்வப்போது தற் காலிக அரசியல் ஆதாயத்துக்காக இத்தகைய குற்றச்சாட்டுகளைப் பயன் படுத்திக் கொண்டபின் அவை தூக்கி எறியப்பட்டு விடுகின்றன. மற்ற நேரங் களில், அத்தகைய குற்றச்சாட்டுகள் கடுமையானவையாகவும்,  பொதுவாழ்க் கைக்கான வழிகாட்டுதல்களாக அமைந் துள்ள சட்டம் மற்றும் ஜனநாயக மரபு ஒழுக்கத்தின்படி மேற்கொள்ள வேண் டிய நடவடிக்கைகளுக்குப் போதுமான அடிப்படை ஆதாரங்கள் உள்ளனவாக வும் அமைந்துவிடுகின்றன.
தற்போது புயலாக வீசிக் கொண்டி ருக்கும் லலித் மோடியின் விவகாரத்தில் நிதி மோசடியும், அரசமைப்பு சட்டத் தினை மீறிய நேர்மையற்ற செயல்களும் பின்னிப் பிணைந்துள்ளன. ஆளும் பா.ஜ.க.யை பேரிடி போன்று தாக்கியுள்ள இந்த விவகாரத்தை, உணர்ச்சி வயப் பட்டு பாதிப்புகளுக்கு உள்ளாகாமல்,  கீச்சுக் குரலில்  தொலைக்காட்சி விவா தங்களில் ஈடுபட்டுவிடாமல், மெய்மை களை மட்டுமே கருத்தில் கொண்டு செயல்நோக்கக் குறிக்கோளுடன் பார்க்க வேண்டும். இத்தகைய ஒரு அமைதியான அணுகுமுறையை தங்கள் எதிர்க் கட்சியினரிடம் இருந்து பா.ஜ.க.வால் எதிர்பார்த்திருக்க முடியாது.  முந்தைய அய்க்கிய முற்போக்குக் கூட்டணி ஆட்சியில்,  பொதுவாழ்வில் ஒழுக்கத்தையும் நேர்மையையும் வலி யுறுத்தி பா.ஜ.க. தீவிரப் பிரச்சாரம் மேற் கொள்ளத் தவறவில்லை. தங்கள் எதிர்ப் பினை நாடாளுமன்றத்தில் மட்டுமல் லாமல், தெருக்களுக்கும் கொண்டு வந்த பா.ஜ.க. நாடாளுமன்றத்தின் ஒட்டு மொத்தக் கூட்டத் தொடர்களையும் நடத்த விடாமல் ஸ்தம்பிக்கச் செய்துள் ளது. நாடாளுமன்றத்தைச் செயல்பட விடாமல்  தடுப்பதும் கூட மற்ற வடிவங் களைப் போன்ற ஜனநாயகத்தின் ஒரு வடிவம்தான் என்று மக்களவை எதிர்க் கட்சித் தலைவராக இருந்த சுஷ்மா ஸ்வராஜ் கூறினார். அப்போது மாநிலங்களவையின் எதிர்க் கட்சித் தலைவராக இருந்த, தற்போதைய மத்திய நிதி அமைச்சரான அருண் ஜேட்லி 2012 ஆகஸ்டில் அளித்த பேட்டி ஒன்றில், நாடாளுமன்றத்தை நடைபெற விடாமல் இடையூறு விளைவிப்பதை நியாயப்படுத்தி பேசியிருக்கிறார். ஜனநாயக நடைமுறை யில் உள்ள பிரச்சினை என்னவென்றால்,  ஒரு சந்தர்ப்பத்தில் நீங்கள் கூறுவதே பிறிதொரு சந்தர்ப்பத்தில் வந்து உங் களையே திருப்பித் தாக்கும் என்பதுதான்.  இப்போது அத்தகைய தாக்குதலுக்கு இலக் காகியிருக்கும் பா.ஜ.க.,வினால் எதிர்க்கட்சி யினர்  மன்னிப்பு அளிக்கும் முறையில் கட்டுப்பாடுடனும், கண்ணியமாகவும் நாடாளுமன்றத்தில் நடந்து கொள்வார்கள் என்று எதிர்பார்க்க இயலாது. மனிதாபிமான உணர்வில் தெரிவிக்கப்படும் சாடை
அப்படியிருந்தாலும் கூட, சுஷ்மா ஸ்வராஜ் மற்றும் ராஜஸ்தான் முதல்வர் வசுந்தரா ராஜே ஆகியோரின் வழக்கு பற்றிய உண்மைகள் செயல்நோக்கக் குறிக் கோளுடன் மதிப்பிட வேண்டியவை யாகும். சுஷ்மா ஸ்வராஜிடம் நான் ஒரு மிக உயர்ந்த தனிப்பட்ட மரியாதையை வைத் திருக்கிறேன். அவர் அசாதாரணமான திறமை வாய்ந்த ஒரு அமைச்சர் என்பதுடன் கொள்கையும் நேர்மையும் கொண்டவரும் ஆவார். தனது அமைச் சகத்தையோ அல்லது நிதி அமைச்ச கத்தையோ அல்லது லண்டனில் உள்ள நமது தூதரகத்தையோ கலந்தாலோசிக்கா மல், லலித் மோடி பயணம் மேற் கொள்வ தற்கான ஆவணங்களில் கையெழுத்திட்டு உதவி செய்வதற்கு சுஷ்மா ஸ்வராஜை தூண்டியது எது? அப்படி ஒன்றும், லலித் மோடியின் மீதான குற்றச்சாட்டுகள் முக்கி யத்துவம் இல்லாதவை அல்ல. அயல் நாட்டுச் செலாவணி நிர்வாக சட்டம் மற்றும் கணக்கில் வராத கருப்புப் பணத்தை வெள்ளைப் பணமாக மாற்றுவதைத் தடை செய்யும் சட்டம் இரண்டையும் மீறியதாக லலித் மோடி மீது குற்றம் சாட்டப்பட்டிருக் கிறது.
அவரது பாஸ்போர்ட்டும்  2011 மார்ச் முதல் ரத்து செய்யப்பட்டுள்ளது. ஒன்றல்ல, 15-16 விளக்கம் கேட்ட தாக்கீதுகளை  என்போர்ஸ்மென்ட் இயக்ககம் அவருக்கு அனுப்பியுள்ளது. அய்.மு.கூ. அரசில் அப்போது நிதியமைச்சராக இருந்த ப.சிதம்பரமும் லலித் மோடியை, குற்றச் சாட்டுகளை எதிர் கொள்ள வேண்டி,  இந்தியாவுக்குத் திருப்பி அனுப்பும்படி இங்கிலாந்து நாட்டு நிதியமைச்சருக்குத் தான் கடிதம் எழுதி இருந்ததாக ஒப்புக் கொண்டுள்ளார்.  லலித் மோடிக்கும் சுஷ்மா ஸ்வராஜூக்கும் இடையே நட்புணர்வு இருந்தது என்பது உண்மைதான். அதே போல ஸ்வராஜின் கணவரும், மகளும் லலித் மோடியின் வழக்குரைஞர்களாக இருந்தனர் என்பதும் உண்மையானதுதான்.  அதனால் மட்டுமே, தான் உணர்ச்சி வயப்பட்டு செய்த செயலை மனிதாபிமான அடிப்படையில் செய்ததாகக் கூறி நம்பச் செய்வதற்குப் போதுமான ஆதாரங்களை அது நிச்சயமாக வழங்கவில்லை. இது போன்ற  தாராளமனம் கொண்ட மனிதா பினமான செயல்களைச் செய்வதற்கு ஒரு நாட்டின் வெளியுறவுத் துறை அமைச்சர் அனுமதிக்கப்பட்டதில்லை. நீங்கள் அமைச் சராக உள்ள ஓர் அரசின் ஓர் அங்கமாக இருந்து முடிவுகளை மேற்கொள்ள வேண் டிய நிலையில் உள்ள  உங்களுக்கு தனிப் பட்ட நட்புணர்வு அப்படி ஒன்றும் முக்கிய மானது அல்ல. அரசாட்சி என்பது எந்த கட்சி ஆட்சிக்கு வந்தாலும் சரி, போனாலும் சரி தொடர்ந்து நடைபெற்றுக்கொண்டே இருக்க வேண்டிய ஒன்றாகும். ஒரு புதிய கட்சி ஆட்சிக்கு வந்தால்,  முந்தைய அரசு மேற்கொண்ட செயல்களுக்கு முக்கியத் துவம் அளித்து புதிய அரசு தொடர்ந்து நடவடிக்கை எடுக்க வேண்டும். எனவே தனது அரசையே, குறிப்பாக நிதி அமைச்சரையே  கலந்து ஆலோசிக் காமல்,  தன்னிச்சையாகச் செயல்பட சுஷ்மா எடுத்த முடிவு நிச்சயமாக தீய நோக்கம் கொண்டதாக இருந்திருக்க முடியாது; என்றாலும் அது  நேர்மை யான, முறையான செயல் அல்ல என்பது மட்டும் நிச்சயமானது.
தனிப்பட்ட நட்புகள் வரிசையில்
வசுந்தரா ராஜேவைப் பொறுத்த வரையில், இந்த விவகாரம் மேலும் சிக்கலானதாகவும், தீவிரம் மிகுந்ததாக வும் ஆகிவிட்டது. லலித் மோடி இங்கிலாந்தில் தொடர்ந்து இருப்பதற்கு ஆதரவு தெரிவிக்கும் பிரமாண பத்திரம் ஒன்றில்,  தனது அரசுக்கு இந்த செய்தி தெரியக்கூடாது என்ற தனிப்பட்ட நிபந் தனையுடன், அவர் கையெழுத்திட்டது உண்மையில் மன்னிக்கவே முடியாத செயலாகும். இவ்வாறு அவர் செய்யும் போது, ராஜஸ்தான் மாநில எதிர்க்கட்சித் தலைவர் என்னும் அரசமைப்புச் சட்டப் படியான பதவியில் அவர் இருந்துள்ளார்; சட்டமன்றத்திற்குள் நுழையும் முன் அரசமைப்பு சட்டத்திற்குத் தான் விசு வாசமாக இருப்பேன் என்று பிரமாண மும் அவர் எடுத்துக் கொண்டுள்ளார். மேலும், சுஷ்மாவின் மகனது நிறுவனத்தில் சந்தேகம் தரும் முறையில் லலித் மோடி பலகோடி ரூபாய் முதலீடு செய்திருந்ததால்தான் லலித் மோடிக்கு ஆதரவாக சுஷ்மா செயல்பட்டிருக் கிறார் என்பதற்கும், இந்த முதலீடுகளி னால் பயன்பெறுபவர் சுஷ்மாவாக இருக்கக்கூடும் என்பதற்குமான கூடுதல் சான்றுகள் கிடைத்துள்ளன. தனிப்பட்ட நட்புக்கு முன்னால்,  நேர்மையும், ஒழுக்கமும், சட்டத்தைப் பின்பற்றுதலும் பின்னுக்குத் தள்ளப்பட்டு விடுகின்றன என்பதை சுஷ்மாவின் வழக்கு தெளி வாக எடுத்துக் காட்டுகிறது.