இன்றைய செய்தி,நாளைய வரலாறு. நாளைய வரலாறை படிப்போம்.

ஞாயிறு, 31 ஜனவரி, 2016

டாக்டர்களும் ,இன்ஜினியர்களும்



நாடு முழுவதும் உள்ள மருத்துவ கல்லூரி அட்மிஷன் பெறுவதற்காக கள்ள சந்தையில் ரூ.12 ஆயிரம் கோடி வரை கருப்பு பணம் புழங்குவதாக பரபரப்பு தகவல்கள் வெளியாகி உள்ளன. 
நாடு முழுவதும் உள்ள அரசு மற்றும் தனியார் மருத்துவ கல்லூரிகளில் இளங்கலை மற்றும் முதுகலை படிப்புகளுக்கான அட்மிஷனுக்கு கள்ள சந்தையில் கோடிக்கணக்கில் கருப்பு பணம் புழங்குவதாக பரபரப்பு தகவல்கள் வெளியாகி உள்ளன. 
இது தொடர்பாக ஆங்கில ஏடு ஒன்று வெளியிட்ட செய்தியில், நாடு முழுவதும் 422 மருத்துவ கல்லூரிகள் செயல்பட்டு வருகின்றன. 
அவற்றில் 224 கல்லூரிகள் தனியார் கல்லூரிகள் ஆகும். இந்த கல்லூரிகள் நாடு முழுவதும் உள்ள மொத்த மருத்துவ படிப்புக்கான அட்மிஷனில் சுமார் 54 சதவீதத்தை பகிர்ந்து கொள்கின்றன. 
தற்போது புரோக்கர்கள், ஏஜென்டுகள், கள்ளச்சந்தையினர் ஆகியோரின் இலக்கில் இந்த இடங்கள்தான் சிக்கியுள்ளதாக தெரிகிறது. 
இது தொடர்பாக ரகசியமாக நடத்தப்பட்ட ஆய்வில், 30 ஆயிரத்திற்கும் அதிகமான எம்பிபிஎஸ் இடங்கள், 9 ஆயிரத்திற்கும் அதிகமான முதுகலை மருத்துவ படிப்புகள் கள்ளச்சந்தையில் விற்பனை செய்யப்பட்டு வருவதாக தெரியவந்துள்ளது. 
இதன் மூலம் மருத்துவ படிப்புக்கான கள்ளச்சந்தையில் சுமார் ரூ.12 ஆயிரம் கோடி கருப்பு பணம் புழங்கி வருகிறது என்றும் மதிப்பிடப்பட்டுள்ளது.

ஒரு எம்பிபிஎஸ் மருத்துவ சீட்டுக்கான இடம் பெங்களூரில் ரூ.35 லட்சத்தில் தொடங்கி உத்தரபிரதேசத்தில் ரூ.1 கோடி வரை கள்ள சந்தையில் விற்பனையாவதாக அந்த அதிர்ச்சி தகவல் கூறுகிறது. 
இதில் முதுகலையில் ஒரு சில படிப்புகளுக்கு கடும் கிராக்கி உள்ள நிலையில் ரூ.3 கோடி வரை விற்கப்படுகிறது என்றும் கூறப்படுகிறது. ஆனால் பெரும்பாலான தனியார் கல்லூரிகள் ஆசிரியர்கள் பற்றாக்குறை, போதிய உள்கட்டுமான வசதியின்மை உள்ளிட்ட பல்வேறு குறைபாடுகளுடன் செயல்பட்டு வருகின்றன என்றும் கூறப்படுகிறது. 
என்ஆர்ஐ எனப்படும் வெளிநாட்டு வாழ் இந்தியர்களுக்கான இட ஒதுக்கீடு, நிர்வாக ஒதுக்கீடு உள்ளிட்ட பல்வேறு வழிகளில் இந்த கள்ள சந்தையில் மருத்துவ சீட்கள் விற்பனை செய்யப்படுகின்றன என்றும் அந்த ஆய்வில் தெரியவந்துள்ளது.
தற்போது ஒவ்வொரு குடும்பத்திலும் ஒரு டாக்டர் அல்லது இன்ஜினியர் உருவாகி வருகின்றார்.
தமிழகத்தில் அதிகளவில் இன்ஜினியர்கள் உருவானாலும், அவர்களுக்குரிய வேலை கிடைப்பதில்லை என சமீபத்திய ஆய்வில் தெரிய வந்துள்ளது. 
அவர்கள் தங்களது படிப்புக்கு ஏற்ற வேலைக்கு செல்வதில்லை. அதுவும் தமிழகத்தில் படித்து முடித்த இன்ஜினியர்களுக்கு உரிய வேலை கிடைப்பதில்லை என்பதை சமீபத்திய புள்ளிவிவரம் உறுதிப்படுத்துகிறது.
:தமிழகத்தில் சுமார் ்650 இன்ஜினியரிங் கல்லூரிகள் உள்ளன. 
இதில் குறைந்தது 1.50 லட்சம் மாணவர்கள் படித்து வெளிவருகின்றனர். 
இதில் மிக சிலரே பிரபலமான கம்பெனிகளின் முக்கிய பதவிகளில் பணிபுரிகின்றனர். 
பலர் கிடைக்கும் வேலைக்கு ஏற்ப தங்களை மாற்றி கொள்கின்றனர்.
இன்ஜினியர்களை தரவரிசைப்படுத்தி தலா 25% என 4 பிரிவுகளாக வகைப்படுத்தியது.  
இதில் முதல் பிரிவில், பீகார், டெல்லி, கேரளா மற்றும் ஒடிசா ஆகியவை உள்ளது. 

கடைசி இடத்தில் தமிழகம், குஜராத், ராஜஸ்தான், மகாராஷ்டிரா, இமாச்சல பிரதேசம் ஆகியவை உள்ளன.
ஐடி / பிபிஓ கம்பெனிகளில்ஆண்டுக்கு 45,000 பேர் தேர்வாகின்றனர். 
இதில் கல்லூரிகளின் வளாகத்தேர்வில் 35,000 பேரும்,  கல்லூரிக்கு வெளியே 10,000 பேரும் தேவு செய்யப்படுகின்றனர். 
ஆனால் ஒவ்வொரு வருடமும் இன்ஜினியரிங் கல்லூரிகளின் எண்ணிக்கை 5 சதவீதம் அதிகரித்து வருகிறது. 
இதனால் அதில் படித்து முடிக்கும் மாணவர்களின் எண்ணிக்கையும் அதிகரிக்கிறது. 
இன்ஜினியரிங் மாணவர்களுக்கு உரிய வேலை கிடைப்பதில் தென்மாநிலங்களில் கேரளாதான் முதலிடம் பிடித்துள்ளது. 2ம் இடத்தில் கர்நாடகாவும், 3வதாக ஆந்திராவும் உள்ளது. தமிழகம் இவர்களுக்குப் பின்னர்தான்.
டெல்லி மற்றும் பெங்களுருவில் அதிகளவாக படித்து முடித்த இன்ஜினியர்கள் உடனடியாக வேலைக்கு செல்கின்றனர். 
இவ்வாறு ஆய்வில் தெரியவந்துள்ளது.

கடந்த 5 ஆண்டுகளில் வேலைவாய்ப்பின்மை தொடர்ந்து அதிகரித்து வருகிறது. 
நாட்டிலுள்ள 80% இன்ஜினியர்கள் வேலைவாய்ப்பின்றி உள்ளனர். 
கம்ப்யூட்டர் சயின்ஸ் முடித்தவர்களில் 10% மட்டுமே வேலைக்கு செல்கின்றனர். 
டெல்லியில் 100க்கு குறைவான இன்ஜினியரிங் கல்லூரிகள் இருந்தாலும், அங்கு படித்தவர்கள் பிரபல நிறுவனங்களில் பணிக்கு சேர்ந்துள்ளனர். 
தமிழகத்தில் கல்லூரிகளின் எண்ணிக்கை அதிகரித்துள்ளதே அன்றி, மாணவர்களின் வேலைவாய்ப்பை அதிகப்படுத்தும் வகையில் அவை கல்வி போதிப்பதில்லை.கல்விக்கட்டணங்க்களை அதிகரித்து கொள்ளையடிப்பதே அவைகளின் நோக்கமாக உள்ளது.
தங்களிடம் மாண்வர்கள் அதிகம் சேர வேண்டும் என்பதினால் பல நிறுவனங்களை பணம் செலவிட்டு வலுக்கட்டாயமாக தங்கள் கல்லூரியில் வந்து வளாகத் தேர்வை நடத்த வைக்கிறனர். அதில் மாணவ்ர்கள் தேர்வாவது குறைவு.அப்படியே அங்கு தேர்வானாலும் பணிக்கு அழைப்பு அனுப்பப்படுவதில்லை. மேலும் அந்தந்த நிறுவனங்களில் உள்ள கேரளா உட்பட்ட பிற மாநில அலுவலர்கள் தங்கள் மாநில,மொழி மாணவர்களையே தேர்ந்தெடுக்கின்றனர் என்ற குர்றச்ச்சாட்டு உள்ளது. 
 எனவே, பொறியியல் கல்வி நிறுவனங்கள் தங்களது தரத்தை மேம்படுத்தினால் மட்டுமே, அதில் பயிலும் மாணவர்களுக்கும் உரிய வேலைவாய்ப்பு கிடைக்கும் .
அதுவரை இஞ்சினியரிங் கல்லூரிகள் நடத்துபவர்கள் தான் கோடிகளை குவிப்பார்கள்.
===============================================================================================
இன்று,
ஜனவரி-31.

  • தமிழக முன்னாள் முதல்வர் எம்.பக்தவத்சலம் இறந்த தினம்(1987)

 நாகேஷ் நினைவு தினம்[ 2009]


  • நவூறு விடுதலை தினம்(1968)
  • அமெரிக்காவின் வெற்றிகரமான முதலாவது செய்மதியான எக்ஸ்புளோரர் 1 விண்ணுக்கு ஏவப்பட்டது(1958)
  • யூகொஸ்லாவியாவில் சோவியத் முறையிலான அரசியலமைப்பு கொண்டு வரப்பட்டு, 6 பிரிவுகளாக பிரிக்கப்பட்டது(1946)

 நாகேஷ்

பெற்றோர் கிருஷ்ணராவ் - ருக்மணி வைத்த பெயர் நாகேஸ்வரன். பின்னாளில் நாகேஷ் ஆனது. வீட்டுச் செல்லப் பெயர் - குண்டப்பா!

பூர்வீகம் மைசூர். ரயில்வே ஸ்டேஷன் மாஸ்டரான தந்தை ஊர் ஊராகப் பணியாற்ற, குடும்பம் மட்டும் தமிழ்நாட்டில் தாராபுரத்தில் இருந்தது. 
தாராபுரம் பீமராய அக்ரஹாரம்தான் நாகேஷ் வளர்ந்த தொட்டில்!
பள்ளி நாடகத்தில் நாகேஷுக்கு எமன் வேஷம். வசனம் பேசிக்கொண்டே பாசக் கயிற்றினை வீச வேண்டும். இவர் வீசிய பாசக் கயிறு எசகுபிசகாக ஒருவர் கழுத்தில் போய் விழுந்தது. பள்ளித் தலைமை ஆசிரியரின் கழுத்து அது!
* இளம் வயதில் வீட்டில் கோபித்துக்கொண்டு ஹைதராபாத்துக்கு வந்தவர். ரேடியோ கடை, ஊறுகாய் கம்பெனி எடுபிடி, மில்லில் கூலி வேலை என்று பல வேலைகள் பார்த்திருக்கிறார்!
 கோயம்புத்தூரில் பி.எஸ்.ஜி. ஆர்ட்ஸ் காலேஜில் படித்தபோது, அடுத்தடுத்து மூன்று தடவை அம்மை போட்டது. முகம் முழுக்க அம்மைத் தழும்புகளை வைத்துக்கொண்டு பலரது முகத்தை மலரவைத்தது அவரது நடிப்பின் வெளிச்சம்!
* முதன்முதலில் நாடகத்தில் வயிற்று வலி நோயாளியாக நடித்தார். அன்று அவரதுநடிப்பைப் பாராட்டி, முதல் பரிசை வழங்கியவர் எம்.ஜி.ஆர்!
** 'நாகேஷ் என் வாழ்வில் நட்சத் திரமாக, மூத்த அண்ணனாக, அறிவுரை சொல்லும் நண்பனாக, அறிவுரை கேட்கும் அப்பாவியாக, சொல்லிக்கொடுத்த ஆசானாக, சொல் பேச்சுக் கேட்கும் மாணவனாகப் பல பொறுப்புகளை ஏற்றிருக்கிறார்' என்று சொன்னவர் கமல்ஹாசன்!

* 'பஞ்சதந்திரம்' ஷூட்டிங். உணவு இடைவேளையில் கமல் சிக்கனை முள் கரண்டியால் குத்திக்கொண்டு இருந்தார். அருகில் இருந்த நாகேஷ் கேட்டார், 'கோழி இன்னும் சாகலையாப்பா?'

* 'தசாவதாரம்' கடைசி நாள் ஷூட்டிங் குக்கு வந்து நடித்துக் கொடுத்தவர் கடைசியாகச் சொன்ன வாக்கியம், 'என் கடைசிப் படம் நல்ல படம். I am honoured-டா கமல்!'

* தாம் வாங்கிய பரிசுகள், ஷீல்டுகள் எதையும் வீட்டு ஷோகேஸில் வைக்கும் பழக்கம் இல்லாதவர்!
* இந்தியாவின் ஜெர்ரி லூயிஸ் என்று அழைக்கப்பட்ட நாகேஷ் பிறந்தது - செப்டம்பர் 27, 1933-ல். மறைந்தது ஜனவரி 31, 2009-ல்!

* 30 ஆண்டுகளுக்கும் மேலாக, தமிழர்களைச் சிரிக்கவைத்த இந்தக் கலைஞனுக்கு 'நம்மவர்' படத்துக்காக மட்டும் தேசிய விருது கிடைத்தது!
===============================================================================================
அடி,உதை பட்டியல் 
அ.தி.மு.க., முன்னாள் எம்.எல்.ஏ., பழ.கருப்பையா வீட்டை, சிலர் தாக்கியதற்கு கண்டனம் தெரிவித்துள்ள, தி.மு.க., தலைவர் கருணாநிதி, ஏற்கனவே, அ.தி.மு.க.,வினரால் தாக்கப்பட்டவர்கள் மற்றும் பழிவாங்கப்பட்டவர்களை பட்டியலிட்டு உள்ளார்.
அப்பட்டியல் வருமாறு:-
* முன்னாள் கவர்னர் சென்னா ரெட்டி, திண்டிவனம் அருகே தாக்கப்பட்டார் -
* தலைமை தேர்தல் ஆணையராக இருந்த டி.என்.சேஷன், சென்னை விமான நிலையத்தில், பல மணி நேரம் சிறை வைக்கப்பட்டார். பின், அவர் தங்கியிருந்த ஓட்டல் தாக்கப்பட்டது
* பா.ஜ., மூத்த தலைவர் சுப்பிரமணியன் சாமி, சென்னை உயர் நீதிமன்றத்தில் தாக்கப்பட்டார்
* முன்னாள் மத்திய அமைச்சர் ப.சிதம்பரம், திருச்சி 
விமான நிலையத்திலிருந்து, காரைக்குடி செல்லும் வழியில் தாக்கப்பட்டார்
* எம்.ஜி.ஆர்., நினைவு இல்ல பொறுப்பாளராக பணியாற்றிய முத்து மீது, கஞ்சா வைத்திருந்ததாக வழக்கு போடப்பட்டது
* முன்னாள் ஐ.ஏ.எஸ்., அதிகாரி,சந்திரலேகா மீது, 'ஆசிட்' வீசப்பட்டு, அவரது முகம் சிதைக்கப்பட்டது
* எம்.ஜி.ஆர்., மன்ற மாநில தலைவராக இருந்த, எம்.ஜி.சுகுமார் மற்றும் சிலர், ராமநாதபுரம் மாவட்டத்தில் தாக்கப்பட்டனர்
* முன்னாள் அமைச்சர் எஸ்.ஆர்.ராதா தாக்கப்பட்டார்.
* அண்ணா பல்கலைக் கழக முன்னாள் துணைவேந்தர் அனந்த கிருஷ்ணன் வீட்டில் புகுந்து, அவரை தாக்கினர்
* மூத்த வழக்கறிஞர் விஜயன், வழக்கிற்காக டில்லி புறப்பட்டுக் கொண்டிருந்த நேரத்தில், கோடம்பாக்கம் வீட்டில் தாக்கப்பட்டார்
* தி.மு.க., மூத்த வழக்கறிஞர் சண்முகசுந்தரம், உடல் முழுவதும் அரிவாளால்வெட்டப்பட்டு, பிழைப்பாரோ... மாட்டாரோ... என்ற அளவில், ரத்த வெள்ளத்தில் மிதந்து கொண்டிருந்த நிலையில், மருத்துவமனைக்குக் கொண்டு செல்லப்பட்டு காப்பாற்றப்பட்டார்.
* வளர்ப்பு மகன் சுதாகரன் மீதே, 'ஹெராயின்' வைத்திருந்ததாக வழக்கு போடப்பட்டது.
* அ.தி.மு.க., ஆட்சியிலேயே, ஆளுங்கட்சி எம்.எல்.ஏ.,வாக இருந்த துாத்துக்குடி ரமேஷ், மதுராந்தகம் சொக்கலிங்கம், உப்பிலியாபுரம் ரவிச்சந்திரன் ஆகியோர் தாக்கப்பட்டனர்.

* த.மா.கா., மூத்த தலைவர்களில் ஒருவரான பீட்டர் அல்போன்ஸ், சட்டசபை உறுப்பினர் விடுதிக்கு வெளியில் தாக்கப்பட்டார்
* ஜெயலலிதாவுக்கு எதிராக, நீதிமன்றம் தீர்ப்பளித்த நிலையில், கோவை வேளாண் பல்கலைக் கழக மாணவியர், கல்விச் சுற்றுலா சென்ற நேரத்தில், அவர்கள் சென்ற பஸ் தீ வைத்து கொளுத்தப்பட்டு, மூன்று மாணவியர் இறந்தனர்.
=இவைத்தவிர காவல்துறையை ஏவி அதன்  மூலம் தாக்கப்பட்டவர்கள் பட்டியல் தனி.
இவ்வாளவு ஏன் ?
இந்தப்பட்டியலை போட்ட கலைஞரே  நள்ளிரவில் எந்த வித காரணமுமின்றி வீட்டின் கதவை உடைத்து காவல் துறையால் தாக்கி சிறையில் அடைக்கப்பட்டவர்தானே ?
அதை தட்டிக்கேட்ட முரசொலி மாறன் ,டி .ஆர்.பாலு ஆகியோர் மத்திய அமைச்சர்களாக இருந்தும் தமிழக காவல்துறையால் தாக்கப்பட்டவர்கள்தானே?அந்த தாக்குதலால்தானே சில நாட்களில் முரசொலி மாறன் இறந்தார்.
அதை கொண்டாட சிறிதும் மனிததன்மையின்றி அதிமுகவினர் அவர் வீட்டருகே பட்டாசு வெடித்து  கூச்சல் போட்டதையும்இந்த  தமிழ் நாடு பார்க்கத்தானே செய்தது.

இது அன்று 
இது இன்று.
"நான் சிறையில் இருக்கும் போது கலைஞர் தான் என்னை பாத்தார். நானாக  போய்  பார்க்க வில்லை"
 ‪=‎வைகோ‬
{வைகோ நீங்கள்தான் உங்கள் அன்பு சகோதரியால் உள்ளே வைக்கப்படிருந்தீர்களே ,பின்னே எப்படி போய் பார்ப்பீர்கள்?]
===============================================================================================


சனி, 30 ஜனவரி, 2016

மூளையின் கொள்ளளவு

முன்பு அறிவியலார்கள் குறிப்பிட்டிருந்ததை விட  மனித மூளையின் கொள்ளளவு பத்து மடங்கு பெரியது என ஆய்வில் தெரியவந்துள்ளது.
 நினைவுகள் சேமிப்பதற்கான பொறுப்பு மூளையின் இணைப்புகளுக்கே உள்ளது. தற்போது அறிவியலாளர்கள் இரண்டு நரம்பு செல்களுக்கும் இடையே உள்ள இணைப்பின் (சினாப்ஸிஸ்) சேமிப்பு திறனை அளவிட்டு ஆராய்ந்துள்ளனர்.

சராசரியாக ஒரு சினாப்ஸிஸ், 4.7 பிட்கள் தகவல்களை வைத்திருக்க முடியும் என்று விஞ்ஞானிகள் கண்டுபிடித்துள்ளனர். அதாவது, மனிதனின் மூளை ஒரு பெடாபைட் (petabyte) அல்லது 1,000,000,000,000,000 பைட்டுகள் திறனுடையது என்று அர்த்தம்.

ஒரு பெடாபைட் என்பது சுமார் 20 மில்லியன் நான்கு டிராயரில் ஃபில்லிங் காபினெட்டுகள் முழுவதும் உரையால் நிரப்பப்படுவது போல அல்லது 13.3 ஆண்டுகள் எச்டி-டிவி பதிவுகளுக்கு சமம். இது நியூரோ சயின்ஸ் துறையில் ஒரு உண்மையான அதிர்ச்சி தகவல் ஆகும் என்று கூறியுள்ளனர். 

மூளைப் பின்மேட்டில் உள்ள நரம்புகளின் செயல்பாடுகள் குறைந்த சக்தியை கொண்டு எப்படி உயர் கணக்கீட்டு ஆற்றலை வெளிப்படுத்துகிறது என்ற வடிவமைப்பு கோட்பாட்டை  கண்டுபிடித்துள்ளனர் . மின்சாரம் மற்றும் இரசாயன நடவடிக்கைகளின் வடிவங்களாக நம்முடைய மூளையில் நினைவுகள் மற்றும் எண்ணங்கள் வெளிப்படுகின்றன. 

மின் கம்பி போன்று காணப்படும் நரம்பு கிளைகள் சில சந்திப்புக்களுடன் தொடர்பு கொள்ளும் போது ஒரு முக்கிய செயல்பாடு நடப்பதை சினாப்ஸிஸ் என்று அழைக்கப்படுகிறது. 
ஒரு நரம்பரிலிருந்து ஒரு வெளியீடு, 'கம்பி' (ஒரு நரம்பிழை (axon)) இரண்டாவது நரம்பரிலிருந்து ஒரு உள்ளீடு 'கம்பி' -ஐ (ஒரு சிறு நரம்பு இழை (dendrite)) இணைக்கிறது.

சிக்னல்கள் சினாப்ஸிஸ் வழியாக பயணிக்கும்போது ரசாயனங்கள் என்று அழைக்கப்படும் நரம்பியக்கடத்திகள், மற்ற நியூரான்களுக்கு ஒரு எலக்ட்ரிக்கல் சிக்னலை தெரிவிக்க வேண்டும் என்பதை, சிக்னல்களை பெறும் நியூரான்கள் சொல்லும். ஒவ்வொரு நியூரானும் ஆயிரக்கணக்கான மற்ற நியூரான்களை கொண்ட ஆயிரக்கணக்கான சினாப்ஸிஸ்/ஐ கொண்டுள்ளது.  

===========================================================================================
பிரபல நடிகையும் பிஜேபி MPயும்மான ஹேமா மாலினிக்கு  50 கோடி ரூபாய் நிலத்தை, . சதுர மீட்டர் வெறும் 35 ரூபாய்  என்று கணக்கிட்டு வெறும் 70 ஆயிரம் ரூபாய்க்கு அளித்துள்ளது ஆளும்  பாரதீய ஜனதா அரசு...…ஏற்கனவே  பாதிக்கப்பட்ட விவசாயிகளுக்கான மானியம் அமிதாப் பச்சன்,அபிஷேக் பச்சன்,என அமிதாப் குடும்பம்  தலா 10000/-வாங்கி தங்கள் வறுமையை போக்கியுள்ளனர் .இப்போது அடுத்த மாடி வீட்டு ஏழைக்கு பாஜக மோடி அரசு உதவியுள்ளது.
=====================================================================================================
இன்று,
ஜனவரி-30,

  • உலக தொழுநோய் ஒழிப்பு தினம்
  • இந்திய தியாகிகள் தினம்
  •  காந்தி இறந்த தினம்(1948)
  • பாகிஸ்தான் பொதுநலவாய அமைப்பிலிருந்து விலகியது(1972)
  • ரேஞ்சர் 6 விண்கலம் ஏவப்பட்டது(1964)
=====================================================================================================
29 ஆண்டு ஆய்வின் முடிவு?
1983-85 காலகட்டத்தில் தமிழக முதலமைச்சராக எம்.ஜி.ஆர். இருந்தபோது, 1983 கடைசியில் ராபின் மொயின் உள்ளிட்ட பலர் 9 தேசிய மயமாக்கப்பட்ட வங்கிகளில் போலியான வாகன சான்றிதழ்களைச் சமர்ப்பித்து 56 லட்ச ரூபாய் அளவுக்கு கடன் வாங்கி மோசடி செய்ததாக குற்றம்சாட்டப்பட்டது.
எம்.ஜி.ஆரின் அமைச்சரவையில் வேளாண்துறை அமைச்சராக இருந்த கா. காளிமுத்து இந்தக் கடன்களுக்கு சிபாரிசு செய்துள்ளார்.
இது தொடர்பாக 1987ஆம் ஆண்டில் சி.பி.ஐ. வழக்குத் தொடர்ந்தது.
இந்த வழக்கில் ராபின்மெயின், சூரியகுமார், சாகுல்அமீது, சோமசுந்தரம், பெசில்சாம், சுப்பிரமணியன், நடராஜன்,  அமைச்சர் காளிமுத்து உள்ளிட்ட 32 பேர் மீது குற்றம் சுமத்தப்பட்டது.
வழக்கு நிலுவையில் இருக்கும்போது, ஜெயலலிதா அரசில் சட்டப்பேரவை சபாநாயகராக இருந்த  காளிமுத்து உள்ளிட்ட 16 பேர் இறந்துபோயினர்.
முக்கியக் குற்றவாளியான ராபின் மொயின் பெயரை வைத்து, "ராபின் மொயின்" வழக்கு என்றே இந்த வழக்கு அழைக்கப்பட்டு எம்ஜிஆர ஆட்சிக்காலத்தில் பரபரப்பாக பேசப்பட்டு வந்தது.காளி முத்து மறைவுக்குப்பின்னர் மக்கள் மனதில் இருந்தே மறைந்து போன இவ்வழக்கின் தீர்ப்பு 29ஆண்டுகள் கழித்து வந்துள்ளது. .
வழக்கின் முடிவில் அறிவிக்கப்பட்ட தீர்ப்பில் முக்கியக் குற்றவாளியான ராபின்மெயினுக்கு 7 ஆண்டு சிறை தண்டனையும் 1 கோடியே 80 ஆயிரம் ரூபாய் அபராதமும் விதிக்கப்பட்டது.
29ஆண்டுகளாக நடந்துவந்த இந்த வழக்கில் முக்கியக் குற்றவாளியான ராபின் மொயினுக்கு தற்போது 72 வயது.
========================================================================================


வெள்ளி, 29 ஜனவரி, 2016

விண்டோஸ் 8.1மேம்படுங்கள்?






 இன்னும் விண்டோஸ் 8 ஆப்பரேட்டிங் சிஸ்டம் பயன்படுத்திக் கொண்டிருக்கிறீர்களா? 
உடனே அதனை விண்டோஸ் 8.1க்கு மேம்படுத்திக் கொள்ளுங்கள். 
மைக்ரோசாப்ட், இனி விண்டோஸ் 8 சிஸ்டத்திற்கு எந்தவிதமான பாதுகாப்பு மற்றும் பிழை திருத்துவதற்கான பைல்களை அளிக்காது. 
பொதுவாக, மைக்ரோசாப்ட் நிறுவனம், தான் எந்த விண்டோஸ் பதிப்பினை வெளியிட்டாலும், அதன் பாதுகாப்பான இயக்கத்திற்கான பைல்களை, பத்து ஆண்டுகளுக்கு வழங்கும். 
எப்போது ஹேக்கர்கள், இந்த சிஸ்டத்தின் பிழைக் குறியீடுகள் வழியாக உள்ளே நுழைவது தெரிந்தாலும், அதனைச் சரிப்படுத்தும் வகையில், அதற்கான பைல்களை இலவசமாக வழங்கும். 
ஆனால், விண்டோஸ் 8 பதிப்பினைப் பொறுத்தவரை, இனி அத்தகைய பைல்கள் வழங்கப்பட மாட்டாது. எனவே, விண் 8 பயன்படுத்தும் அனைவரும், விண் 8.1 சிஸ்டத்திற்கு மாறிக் கொள்ள வேண்டியது அவசியமாகிறது. இல்லையேல், ஹேக்கர்களின் தொல்லைகளுக்கு ஆளாவோம். 
பன்னாட்டளவில், இந்த வகையில், இன்னும் 5 கோடி பேர் தங்கள் கம்ப்யூட்டர்களில், விண்டோஸ் 8 ஆப்பரேட்டிங் சிஸ்டத்தினைப் பயன்படுத்தி வருகின்றனர். (மொத்த பெர்சனல் கம்ப்யூட்டர்களின் எண்ணிக்கை 200 கோடி) 
இனி, இந்த சிஸ்டம் இயங்கும் கம்ப்யூட்டர்களில், புதிய வைரஸ்களைத் தடுக்கவோ, ஹேக்கர்களின் முயற்சிகளை முறியடிக்கவோ, சப்போர்ட் பைல்கள் வழங்கப்பட மாட்டாது. விண்டோஸ் 8.1, 2013 அக்டோபர் மாதம் வெளியிடப்படுகையில், மைக்ரோசாப்ட், தன் விண்டோஸ் 8 சிஸ்டம் பயன்படுத்தியவர்கள் அனைவரையும், விண்டோஸ் 8.1 சிஸ்டத்திற்கு மாறிக் கொள்ளுமாறு கேட்டுக் கொண்டது.
 அப்போதே, 2016ல் விண் 8 சிஸ்டத்திற்கு சப்போர்ட் நிறுத்தப்படும் என அறிவித்தது. 
விண்டோஸ் 8.1, அடிப்படையில், 'விண்டோஸ் சர்வீஸ் பேக்' என அழைக்கப்படும் மேம்படுத்தப்பட்ட பதிப்பு தான். இதற்கு மாற்றிக் கொண்டால், இதற்கான பாதுகாப்பு 2023 ஆம் ஆண்டு வரை கிடைக்கும். நீங்கள் ”விண்டோஸ் 10க்கு மாறிக் கொள்வோமே; எதற்காக விண்டோஸ் 8.1” என நினைக்கலாம். இலவசமாக, விண்டோஸ் 10 தேவை என்றால், விண்டோஸ் 8 சிஸ்டத்திலிருந்து, விண்டோஸ் 8.1 க்கு முதலில் மேம்படுத்திக் கொண்டால் தான், அதனைப் பெற முடியும். 
விண்டோஸ் 8.1 சிஸ்டம் மேம்படுத்தலைப் பொறுத்தவரை, அது ஏற்கனவே உள்ள நம் பைல்கள் அல்லது புரோகிராம்கள் மீது புதியதாக எதனையும் எழுதாது. 
ஆனால், இதில் உள்ள ஒரு சிரமம் என்னவென்றால், விண் 8.1க்கு மேம்படுத்த அதிக நேரம் எடுத்துக் கொள்ளப்படுகிறது. இடையே வேறு ஹார்ட்வேர் பிரச்னைகள் ஏற்பட்டால், சிக்கல் தான். எனவே, நம் பைல்கள் அனைத்திற்கும் பேக் அப் எடுத்து வைத்துக் கொண்டு, விண் 8.1க்கு மேம்படுத்திக் கொள்வது பாதுகாப்பானது.
மேம்படுத்திக் கொள்ள: 
முன்பு அப்டேட் பைல்களை Updates என்பதனை அணுகிப் பெற்றோம். ஆனால், விண் 8.1 அப்டேட் பைலை விண்டோஸ் ஸ்டோரில் இருந்து மட்டுமே பெற முடியும். 
விண்டோஸ் 8ல் முதலில் ஸ்டார்ட் (Start) ஸ்கிரீன் செல்லவும். Windows Storeக்கான டைல் தேர்ந்தெடுக்கவும். இது திறக்கும்போது, விண்டோஸ் 8.1க்கு இலவசமாக மாறிக் கொள்ள ஒரு தொடர்பு இடம் (Link) காட்டப்படும். இந்த லிங்க் இல்லை என்றால், “Windows 8.1” என டைப் செய்து தேடிப் பெறவும்.
இந்த லிங்க்கில் சென்று, Download என்பதில் கிளிக் செய்தால், விண்டோஸ் 8.1 பதியப்படத் தொடங்கும். அதிவேக இணைய இணைப்பு இருந்தாலும், சிலருக்கு இது 3 மணி நேரம் எடுத்துக் கொள்கிறது. சிலருக்கு 90 நிமிடத்தில் முடிகிறது. ஏற்றுக் கொள்ளும் கம்ப்யூட்டரைப் பொறுத்தும், இணைய இணைப்பினைச் சார்ந்தும் இது இருக்கும். சில வேளைகளில், மேம்படுத்துதல் நின்று போனாலும், சில 
விநாடிகளில் மீண்டும் தானாகவே தொடங்கும். 
மேம்படுத்துதலின் ஒவ்வொரு நிலைக்கும், பின்புல வண்ணம் மாறும்.
சிஸ்டம் பைல் இறக்கம் செய்யப்பட்டவுடன், அதனை கம்ப்யூட்ட்டரில் அமைக்க, இரு வகை அமைப்பு (Express setting அல்லது customizing settings) ஆப்ஷன் தரப்படும். முதல் வகையான Express setting எடுத்துக் கொள்ளலாம். விரைவில் மேம்படுத்துதல் முடியும். தொடர்ந்து, உங்களுடைய மைக்ரோசாப்ட் அக்கவுண்ட் தகவல்களைக் கொடுக்க வேண்டும். இது நீங்கள் விண்டோஸ் 8 சிஸ்டத்தினை வாங்கிய போது தந்த தகவலாக இருக்கும். 
இது உங்களுடைய Outlook.com, Hotmail, Live Mail அல்லது MSN அக்கவுண்ட் ஆக இருக்கலாம். இதன் பின்னர், மைக்ரோசாப்ட் உங்களுக்கு ஒரு செக்யூரிட்டி கோட் ஒன்றினை உங்கள் மொபைல் போன் அல்லது உங்களுடைய பிறிதொரு மெயில் அக்கவுண்ட்டிற்கு அனுப்பும். இதனை நீங்கள் டைப் செய்திட வேண்டியதிருக்கும்.
 நீங்கள் தான், இந்த அக்கவுண்ட்டின் உரிமையாளர் என்பதனை இந்த செக்யூரிட்டி கோட் உறுதி செய்திடும். ஆனால், விண்டோஸ் 8.1 மேம்படுத்துதலுக்கு முன்னதாக, இந்த அக்கவுண்ட்டினை அந்தக் கம்ப்யூட்டரில், அப்போது பயன்படுத்தி இருந்தால், இது கேட்கப்பட மாட்டாது. 
செக்யூரிட்டி கோட் தேவைப்படாது. 
செக்யூரிட்டி கோட் உள்ளீடு செய்யப்பட்ட பின்னர், நமக்கு ஒரு திரைக் காட்சி கிடைக்கும். அதில் ஒன் ட்ரைவ் நம் கம்ப்யூட்டரில் அமைக்கப்பட்ட தகவல் கிடைக்கும். இதில் நம் கம்ப்யூட்டரில் உள்ள போட்டோக்கள் அனைத்தும் பேக் அப் செய்யப்படும்.
 இதுவே, நம் டாகுமெண்ட் மற்றும் பைல்கள் அனைத்தும் சேவ் செய்யப்படும் இடமாக இருக்கும் என்ற தகவலும் தரப்படும். 
தொடர்ந்து Next கிளிக் செய்தால், ஸ்டார்ட் ஸ்கிரீனுக்கு கம்ப்யூட்டர் நம்மை அழைத்துச் செல்லும். இத்துடன் இந்த மேம்படுத்துதல் முடியாது. 
இன்னும் சில அப்டேட் பைல்கள் இயக்கப்பட வேண்டும். இதற்கு “Windows updates” என டைப் செய்து Search Charm பகுதியில் அப்டேட் பைலுக்கான இடத்தைப் பார்க்கவும். Check for updates என்பதில் கிளிக் செய்திடவும். ”விண்டோஸ் அப்டேட் மையம்” திறக்கப்படும். 
உங்களுக்கான அப்டேட் பைல்கள் எவை உள்ளன என்று காட்டப்படும். அவற்றில் உங்கள் விருப்பப்படி தேர்ந்தெடுத்து, அப்டேட் செய்து கொள்ளலாம். அனைத்தையும் அப்டேட் செய்வதே பாதுகாப்பானது. 
அனைத்து அப்டேட் பைல்களையும், பதிவு செய்த பின்னர், உங்கள் கம்ப்யூட்டரின் டாஸ்க் பாரில், வலது ஓரத்தில், சிறிய விண்டோ ஐகான் காட்டப்படும். 
இது விண்டோஸ் 10க்கான இலவச ஐகான் ஆகும். விண்டோஸ் 10க்கு அப்கிரேட் செய்திட ஒத்துக் கொண்டு, அதில் கிளிக் செய்தால், உங்கள் கம்ப்யூட்டரின் ஆப்பரேட்டிங் சிஸ்டம் விண்டோஸ் 10க்கு மேம்படுத்தப்படும். 
அது 2025 ஆம் ஆண்டு வரை பாதுகாப்பிற்கான பைல்கள் உங்களுக்குக் கிடைக்கும் என்பதை உறுதிப்படுத்தும்.
விண்டோஸ் 8 சிஸ்டத்தின் இயக்க முறைகளை, மக்கள் யாரும் அவ்வளவாக விரும்பவில்லை. முற்றிலும் புதிய வகையில், டைல் கட்டங்களாலான திரைக்குத் தங்களை அழைத்துச் சென்றது விண்டோஸ் வாடிக்கையாளர்களுக்குப் பிடிக்கவில்லை. 
ஸ்டார்ட் ஸ்கிரீன் இல்லாத விண்டோஸ் இயக்கத்தினை வெறுத்தனர். எனவே, சப்போர்ட் பைல் இல்லை என்ற அறிவிப்பு, விண் 8ல் இருந்த பிழைகள் இல்லாமல் அமைக்கப்பட்ட விண்டோஸ் 8.1 க்கு மாறிக் கொள்ள நல்ல சந்தர்ப்பத்தினை அவர்களுக்கு வழங்கியுள்ளது என்றே கருத வேண்டும்.
நன்றி:தினமலர்,
============================================================================================
இன்று,
ஜனவரி-29.


ஆண்டன் செக்கோவ்
[1860 - ஜனவரி 29]
இருபதாம் நுாற்றாண்டின் ஆரம்பகால முன்னணி நாடக ஆசிரியராகவும், நவீன சிறுகதை மன்னராகவும் போற்றப்படுபவர், ஆண்டன் செக்கோவ்.


 ரஷ்யாவின், டகான்ராக் என்ற ஊரில் பிறந்தார். 

மருத்துவராகப் பணி புரிந்தவாறே, சிறுகதைகள் எழுதத் துவங்கினார். அவரது எழுத்துக்கு கிடைத்த ஆதரவால், மருத்துவத் தொழிலை விட்டுவிட்டு, முழுநேர எழுத்தாளராகி விட்டார்.ஐந்தே ஆண்டுகளுக்குள், 400-க்கும் மேற்பட்ட சிறுகதைகளை எழுதினார்; 

தன், 44 ஆண்டு கால வாழ்க்கையில், 24 ஆண்டுகள் எழுதியபடியே இருந்தார். 
மொத்தம், 568 சிறுகதைகளும், நாடகங்களும் எழுதியுள்ளார்.

மரபுவழிகளை உடைத்து, மனநிலை சார்ந்த சமூக அவலங்களை வெளிப்படுத்திய இவரது எழுத்து நடை, 

சிறுகதை படைப்புகளிலும், மேடை நாடகங்களிலும் அதிர்வுகளை ஏற்படுத்தியது. 
1904, ஜூலை 15-ம் தேதி இயற்கை எய்தினார்.ஆண்டன் செக்கோவ் பிறந்த தினம் இன்று!


============================================================================================
ஊழல் தரவரிசை பட்டியல்.


வியாழன், 28 ஜனவரி, 2016

இது ஜிகாத் இல்லை."ஜிகா".

கொசுக்கள் மூலம் பரவும் 'ஜிகா' என்ற புதிய வைரஸ், 25 நாடுகளை மிரட்டத் தொடங்கி உள்ளது. கரீபியன் மற்றும் அமெரிக்க நாடுகளை சமீப காலமாக மிரட்டி வருகிறது இந்த வைரஸ். 
'ஜிகா' என பெயரிடப்பட்ட இந்த வைரசால் தாக்கப்பட்டால், கர்ப்பத்தில் வளரும் குழந்தைகளுக்கு நரம்பியல் தொடர்பான கோளாறுகளை ஏற்படுத்தும் என கண்டறியப்பட்டுள்ளது. 
உலக சுகாதார அமைப்பு (டபிள்யூஎச்ஓ) இதற்கான எச்சரிக்கையை விடுத்துள்ளது. 
கரீபியன் நாடுகளுக்கு செல்வோர் உஷாராக இருக்குமாறும் எச்சரித்துள்ளது.மஞ்சள் காய்ச்சல், டெங்கு, சிக்குன்குனியா ஆகிய நோய்களை பரப்பும் 'குடும்பத்தை' சேர்ந்தது ஜிகா வைரசும். 
பொலிவியா, பிரேசில், கொலம்பியா, பராகுவே, அமெரிக்க வர்ஜின் தீவுகள், வெனிசூலா ஆகிய நாடுகளும் இந்நோயால் பாதிக்கப்பட்டுள்ளன.
ஆனாலும் இந்த நோய்க்கான  எதிர்ப்பு சக்திஇயற்கையிலே  இந்தியர்களுக்கு அதிகம் உள்ளதாக கூறப்படுகிறது.அந்த அளவுக்கு நமது சுகாதாரத்துறை நம்மை சுகாதார சீர்கேட்டுகளுக்கிடையே வாழ வைத்து எதிர்ப்பு சக்தியைஉண்டாக்கியுள்ளது. . 

டெங்கு காய்ச்சலைப் போன்ற அறிகுறிகள் தான் இதற்கும். 
காய்ச்சல், தலைவலி, சிவந்த கண்கள் போன்றவை அறிகுறிகளாக இருக்கும்.
ஜிகா வைரஸ் தாக்கினால் லேசான காய்ச்சல் மற்றும் அரிப்பு ஏற்படும். 
 80 சதவீதம் பேருக்கு எந்த அறிகுறியும் தெரியாது. 
அதுவும்  கர்ப்பிணி பெண்களுளால் ஜிகா வைரஸ் தாக்குதல் பாதிப்பை கண்டுபிடிப்பது சிரமம். 
ஆனால் பாதிப்பு தீவிரம். இந்த வைரஸ் பற்றி ஆய்வுகள்  இப்போதுதான் மேற்கொள்ளப்பட்டுள்ளது. கர்ப்பிணி பெண்களுக்கு இந்த ஜிகா காய்ச்சல் எவ்வகையில் பாதிப்பை ஏற்படுத்தும் என்பதும் பற்றியும்  இன்னும் உறுதி செய்யப்படவில்லை. 
ஆனால் இந்த வைரஸ் பாதிப்பால் குழந்தைகள் ‘மைக்ரோசெபாலி’ பாதிப்புடன் பிறக்குமா என்ற ஆய்வுகள்  மேற்கொள்ளப்பட்டுள்ளதாக அமெரிக்க நிபுணர்கள் தெரிவித்துள்ளனர். 

மைக்ரோசெபாலி பாதிப்பு ஏற்பட்டால் குழந்தைகள் சிறிய தலையுடன் பிறக்கும். 
இதை வாழ்நாள் முழுவதும் சிகிச்சையால் சரி செய்யவே முடியாது.  பாதிப்பு தீவிரமாக இருந்தால், அந்த குழந்தைகளுக்கு பேச்சு பயிற்சி, உடற்பயிற்சி போன்றவை அளிக்க வேண்டியிருக்கும். 
இதனால் எல் சல்வடார் மற்றும் கொலம்பியா ஆகிய நாடுகளில் பெண்கள் இன்னும் 2 ஆண்டுகளுக்கு கருத்தரிப்பதை தவிர்க்கும்படி  அறிவுறுத்தப்பட்டுள்ளது. 
உலகம் முழுவதும் ஜிகா வைரசால் எவ்வளவு பேர் பாதிக்கப்பட்டுள்ளனர் என கணக்கெடுக்கப்படவில்லை என உலக சுகாதார  நிறுவனம் தெரிவித்துள்ளது


=========================================================================================
இன்று,
ஜனவரி-28.


  • சர்வதேச தொழுநோய் தினம்
  • அர்மேனியா ராணுவ தினம்
  • சென்னையில் முதன் முதலாக தொலைப்பேசி அறிமுகப்படுத்தப்பட்டது(1882)
  • இந்திய அணுவியல் நிபுணர் ராஜா ராமண்ணா பிறந்த தினம்(1925)
  • அலெக்சாண்டர் தீவு கண்டுபிடிக்கப்பட்டது(1821)

=========================================================================================

கருப்பை புற்றுநோய் 

-குணமாக்கும் "ஓலாபாரிப்"

புகையிலை பழக்கத்துக்கு ஆளான ஆண்களைக் காட்டிலும் அதிகமான பெண்கள் மார்பகம் மற்றும் கருப்பை சார்ந்த புற்றுநோய்களால் பாதிக்கப்படுகின்றனர். உலகுக்கு புதிய உயிர்களை அறிமுகப்படுத்தும் தாய்மார்களின் கருவறை புற்றுநோயின் தாக்கத்தால் கரையானால் அரிக்கப்பட்ட மரப்பொருட்களாக அழிந்து, சிதைந்துப் போக நேரிடுகிறது.
இதற்கு ஒரே தீர்வாக கருப்பையை முழுமையாக அகற்றி விடுவதே வாடிக்கையாக உள்ள நிலையில் இந்நோயை தடுக்கவோ, கட்டுப்படுத்தவோ வேறு வழியில்லை என்ற நிலைதான் நீடித்து வருகின்றது. இதை தவிர்க்கும் வகையில் உலகிலுள்ள பல்வேறு முன்னணி மருந்து நிறுவனங்கள் ஆய்வுகளை நடத்திவந்தன.
இந்நிலையில், இங்கிலாந்தை சேர்ந்த ஆஸ்ராஜெனெகா நிறுவனம் கருப்பை புற்றுநோயின் தாக்கம் மேலும் பரவாமல் தடுக்கும் புதியவகை மருந்து ஒன்றை கண்டுபிடித்தது.
ஓலாபாரிப் (olaparib) என பெயரிடப்பட்டுள்ள இந்த மருந்தின் மாதிரியை அந்நாட்டின் மருந்து கட்டுப்பாடு வாரியத்துக்கு அனுப்பி வைத்தது. இது புற்றுநோயின் முதல் மற்றும் இரண்டாம்கட்ட வளர்ச்சியை 82 சதவீதம் கட்டுப்படுத்தும் என மதிப்பிடப்பட்ட நிலையில் விலை சற்று அதிகமாக இருந்ததால் ஆஸ்ராஜெனெகா நிறுவனத்துடன் அரசு அதிகாரிகள் இதுதொடர்பாக விவாதித்து வந்தனர்.
இறுதியாக, இதில் உடன்பாடு ஏற்படவே, ஓலாபாரிப் மாத்திரைகளை விற்பனை செய்ய இங்கிலாந்து அரசு அனுமதி அளித்துள்ளது. கதிர்வீச்சு சிகிச்சைக்கு பின்னரும், அறுவை சிகிச்சைக்கு முன்பும் இரண்டாம்கட்ட சிகிச்சை தேவைப்படும் பெண்களுக்கு இந்த மாத்திரைகளை பரிந்துரைக்கலாம் என இங்கிலாந்து அரசு அனுமதி அளித்துள்ளது.
இந்த அனுமதியானது உலகம் முழுவதும் கருப்பை புற்றுநோயுடன் போராடிவரும் லட்சக்கணக்கான பெண்களுக்கு கிடைத்த வரப்பிரசாதமாக அமைந்துள்ளது.
=================================================================================================

==================================================================================================

கட்சிக்கொள்கைகளுக்கு மாறாக [?]நடந்ததால் பழ.கருப்பையா 
 அதிமுகவில் இருந்து நீக்கம்.
============================================================================================
பருத்தி. ‘வெள்ளை தங்கம்’ 
இந்தியாவில் பண்டைய காலந்தொட்டு நெடுங்காலமாக பயிரிடப்பட்டு வரும் பயிர் பருத்தி. அதுமட்டுமல்லாமல் பணப்பயிர் வரிசையில் முதலிடத்தில் இருப்பது பருத்தி. ‘வெள்ளை தங்கம்’ என்று அழைக்கப்படும் பருத்தி நல்ல லாபத்தை கொடுப்பதால் அதிக அளவில் விவசாயிகள் சாகுபடி செய்து வருகின்றனர். மத்திய இந்திய பகுதிகளிலும் தென் இந்திய பகுதிகளிலும் அதிகமாக பயிரிடப்பட்டு வருகிறது. விதவிதமான ஆடைகள் தயாரிக்க இதன் தேவையும் அதிகரித்து கொண்டே இருக்கிறது. உலக அளவில் பருத்தி உற்பத்தியை பற்றி சில தகவல்கள்…


பருத்தியை 7,000 வருடங்களுக்கு முன்பே உபயோகப்படுத்தியதற்கான சான்றுகள் கிடைத்துள்ளன. மெக்ர்காக் என்று புதிய கற்காலத்தில் பருத்தி பயன்படுத்தப்பட்டுள்ளதாக கல்வெட்டு சான்றுகள் இருக்கின்றன. பருத்தி துணிகளை முதன்முதலில் மெக்ஸிகோ நாட்டில்தான் கண்டுபிடித்துள்ளனர். தொழில் புரட்சிக்கு பிறகு இங்கிலாந்தில் பருத்தி உற்பத்திக்கு முக்கியத்துவம் கொடுக்கப்பட்டது. அதையொட்டி அதிக டெக்ஸ்டைல் நிறுவனங்களும் வரத் தொடங்கின. ஆங்கிலேயர் ஆட்சிக் காலத்தில் அதிக அளவு பருத்தி இந்தியாவிலிருந்து இங்கிலாந்து நாட்டிற்கு ஏற்றுமதி செய்யப்பட்டன.
ஆங்கிலேயர்கள் பருத்தி ஆடைகளை இந்தியாவில் உற்பத்தி செய்ய பலத் தடைகளை விதித்தனர். உற்பத்தி செய்யப்படும் பருத்தியை இங்கிலாந்திற்கு அனுப்பினர். இதை எதிர்த்த மகாத்மா காந்தி பருத்தி ஆடைகள் இந்தியாவின் பாரம்பரியம் என்று காதி இயக்கத்தை கொண்டுவந்தார். அதன் பிறகு பருத்தி ஆடைகளை இந்தியர்கள் பயன்படுத்த தொடங்கினர். சுதந்திரம் பெற்ற பிறகு பருத்தி உற்பத்தியை பெருக்க பல்வேறு நடவடிக்கைகள் எடுக்கப்பட்டு வந்தது. உலக அளவில் இரண்டாவது இடத்திற்கு வரும் அளவிற்கு உற்பத்தி வளர்ந்துள்ளது.
தொழிற் புரட்சி காலத்தில் பருத்தி ஆலையில் பயன்படுத்தப்பட்ட பொருட்களை காட்சிக்கும் வைத்திருக்கிறார் உற்பத்தியாளர்.
இப்போது நாம் பயன்படுத்தும் ஆடை வகைகளில் மரபணு மாற்றப்பட்ட பி.டி.காட்டன் பருத்தி வகைதான் அதிகம் பயன்படுத்தப்பட்டு வருகிறது. பி.டி.காட்டன் என்பது பேசிலஸ் துரின்ஜினீஸ் என்ற பாக்டீரியத்தை பயன்படுத்தி தயாரிக்கப்பட்ட பருத்தி விதை. அதிக மகசூலை ஈட்டுவதற்காக இந்த மரபணு மாற்றப்பட்ட விதையை மான்சாண்டோ நிறுவனம் கண்டுபிடித்தது.
இந்தியாவில் மகாராஷ்டிரா மாநிலத்தில் மேக்யோ என்ற பயோடெக்னாலாஜி நிறுவனம் மான்சாண்டோ விதையை விநியோகம் செய்து வந்தது. பின்பு சுற்றுச்சூழலுக்கு கேடு என்பது போன்ற பல்வேறு சர்ச்சைகள் எழுந்ததை அடுத்து பி.டி.காட்டன் விதைகளுக்கு மகாராஷ்டிர அரசு தடை விதித்து நாட்டு விதைகளை ஊக்குவித்தது. பின்பு 2013-ம் ஆண்டு அந்த தடையை நீக்கியது.


புதன், 27 ஜனவரி, 2016

பத்ம விருது பெற்ற பத்தரை மாற்று தங்கங்கள்!

இவ்விருதுக்கு தகுதி பெற்றுள்ள சில அறிவு ஜீவிகளைப்பற்றி நம் பார்வை:
முதலாவதாக இந்தி நடிகர் அனுபம் கேர் விருது பெற்றுள்ளார். 
இவர் பச்சை காஷ்மீர் பண்டித ஆர் எஸ் எஸ் பார்ப்பனர். இன்று வரை சுகபோக வாழ்வு வாழும் காஷ்மீரி பண்டித பார்ப்பனரகள் ஏதோ சாப்பாட்டிற்கே வழியில்லாமல் சிரமப்படுவதைப்போலவும் அவரகள் காஷ்மீருக்கு திரும்ப முடியாமல் இருப்பதாகவும் படம் காண்பித்து கொண்டிருப்பவர். காஷ்மீருக்கான சிறப்பு அந்தஸ்து மற்றும் சிறப்பு சட்டப்பிரிவு ஆர்ட்டிக்கில் 370 ஐ நீக்க வேண்டும் என்று ஆர் எஸ் எஸ் மற்றும் இந்துத்துவ அமைப்புகளுடன் சேர்ந்து போராடிக்கொண்டிருப்பவர். 2010 ஆம் ஆண்டு பத்ம விருதுகள் அறிவிக்கப்பட்ட போது இவ்விருதுகள் கேலிக்கூத்து, நம்பகத்தன்மையற்றது என்று தன் ஆற்றாமையை வெளிப்படுத்தினார். ஆனால் இன்று தன் பெயர் இருப்பதை அறிந்தவுடன் மிகுந்த மகிழ்ச்சி, பெருமையடைந்தேன். இது தன்னுடைய வாழ்நாளின் மிக பெரிய தருணம் என்று புளங்காகிதம் அடைந்திருக்கிறார். இவருக்கு பார்ப்பனர் என்ற மனு தர்ம அடிப்படையில் இந்த விருது தரப்பட்டுள்ளது என்பதை தவிர குறிப்பிடத்தக்க தகுதி வேறொன்றுமில்லை.
முன்னால் மத்திய கணக்கு ஆய்வாளர் வினோத் ராய் 
இரண்டாவது ஜெயாவின் வருமானத்திற்கு மேலாக முறையற்ற வகையிலான சொத்துகுவிப்பு வழக்கில் அதிசயமும் வரலாற்று சிறப்பும் மிக்க தீர்ப்பு எழுதிய கர்நாடக (பெங்களூரு) சிறப்பு உயர்நீதி மன்ற நீதிபதி கணித அறிஞர் குமாரசாமிக்கு கணிதப்பாடம் சொல்லிக்கொடுத்த பேராசிரியர் முன்னால் மத்திய கணக்கு ஆய்வாளர் வினோத் ராய் பெயரும் இடம் பெற்றுள்ளது.
padma awards 2016
இவர் தகவல் தொடர்பு துறையில் மிகப்பெரிய புரட்சி செய்து ஒரு சில பனியா நிறுவனங்களின் ஏக போக உரிமையில் இருந்த 2ஜி என்ற அலைக்கற்றையை தகவல் தொடர்பு உரிமையை எல்லோருக்கும் குறைந்த விலைக்கு பகிர்ந்தளித்து இன்று வறிய மற்றும் எளிய மக்களும் கூட கை பேசி வைத்திருக்க காரணமான மேனாள் மத்திய தகவல் தொடர்பு அமைச்சர் ஆ.ராசா அவர்களின் மீது 1,70,000 கோடி இழப்பு ஏற்படுத்தினார் என்று அபாண்டமாக குற்றச்சாட்டு கூறிய இந்த நவீன கணக்கு மேதை வினோதமான வினோத் ராய் ஆர் எஸ் எஸ் பாரதிய ஜனதா இயக்கத்தினரின் கைப்பாவையாவார் .
இதில் குறிப்பிடத்தக்க ஒன்று பாரப்பன பாரப்பனீய அடிமை ஊடகங்கள் தங்கள் வசதிக்கேற்ப மறந்து விட்ட ஒரு உண்மை இன்று 2ஜி அலைக்கற்றை போய் 3ஜி அலைக்கற்றை போய் 4ஜி அலைக்கற்றை வந்து விட்டது. கடந்த வருடம் 4ஜி அலைக்கற்றைக்கான பிரம்மாண்ட ஏலத்தொகை இலக்கு நிர்ணயிக்கப்பட்டு ஏலம் உச்சநீதிமன்றத்தின் நேரிடையான மேற்பார்வையில் ஏலம் விடப்பட்ட போது இந்த கணித மேதை வினோத் ராய் குறிப்பிட்ட இழப்புத்தொகையின் பாதி அளவுக்கு கூட ஏலத்தொகை போகவில்லை என்பதை குறிப்பிட்டு சொல்ல வேண்டும்.
தாழ்த்தப்பட்டவர் உயர் பதவி வகித்ததுடன் மிகப்பெரிய புரட்சி செய்து பனியா நிறுவனங்களின் ஏக போக உரிமையில் கை வைத்த ஒரே காரணத்திற்காக எல்லா நிறுவனங்களும் கூட்டு சேர்ந்து ஆ.ராசாவை ஒழிக்க பாரப்பன ஊடகங்களின் உதவியுடன் மேற்கொண்ட முயற்சியில் பெரும்பங்கு வகித்தவர்தான் இந்த வினோத கணக்கு சொன்ன வினோத் ராய்.
இதற்க்கான பிரதி பலன்தான் இன்று கிடைத்திருக்கும் இந்த விருது வெகுமதி எல்லாம்...
அடுத்து நமது AYYAR THE GREAT ஶ்ரீ ஶ்ரீ ஶ்ரீ ரவிசங்கர்.
யார் இந்த ஸ்ரீஸ்ரீ ரவிசங்கர் ஜிஜிஜி?
இரவிசங்கரன் அய்யர் - தஞ்சாவூர் ஜில்லா பாபனாசம் பெருமாள் கோவில் தெற்கு மட விளாகத்தில் பார்ப்பன குடும்பத்தில் பிறந்தவர், பாபனாசம் மேல வீதி வித்தியா பாட சாலையில் அரசு உதவி பெறும் நடுநிலைப் பள்ளியில் 8 ஆம் வகுப்புவரை கல்வி கற்றார், படிக்கும்போது ஒழுக்கக் குறைவாக பள்ளியில் நடந்துகொண்டதால், பள்ளியின் தாளாளர் நாகசுப்பிரமணிய அய்யர் இரவிசங்கரனைப் பள்ளியிலிருந்து வெளியேற்றி விட்டார்.
வீட்டில் பெற்றோர்கள் கண்டித்ததனால், ஊரை விட்டு ஓடிவிட்டான் சிறுவன். 
1944 ஆம் ஆண்டு ஓடிய அச்சிறுவன், 2000 ஆம் ஆண்டு பாபனாசம் வந்து தன் பெற்றோர்கள் வாழ்ந்த ஓட்டு வில்லை வீட்டைப் பழுது பார்த்து, அதில் ஒரு அறைக்கு மட்டும் சலவைக்கல் பதித்து அழகுபடுத்தினார். தேக்கு மரத்தால் கட்டினார். கும்பகோணம் வட்டம் திம்மகுடியில் பிள்ளையார் கோவில் கட்டி கும்பாபிசேகம் செய்தார். கும்பாபிசேக நிகழ்ச்சிக்கு கர்நாடகாவிலிருந்து பேருந்து மற்றும் காரில் 100 பேரை அழைத்து வந்தார். அவர்களுக்குத் தான் பிறந்த பாபனாசம் வீட்டின் அறையைக் காட்டினார். இந்த அறையில்தான் பிறந்தேன் என்று பெருமையாகக் கூறிக் கொண்டார். விளம்பரப் பிரியர், பாபனாசத்தில் தன் செலவில் விளம்பரம் செய்து உள்ளூர்காரர்களைக் கூட்டி, யோக தியானம், மூச்சு அடக்கல், செய்யத் தூண்டினார். 
கர்நாடகா அரசு தன் பணிக்கு 230 ஏக்கர் தரிசு நிலம் தந்திருக்கிறது எனவும் கூறிக் கொள்கிறார். இனமாக தந்ததாம் கர்நாடகா அரசு. 
பெங்களூருக்கு அருகில் ஒரு மலையை அரசிடமிருந்து 99 வருட குத்தகைக்கு எடுத்து “வாழும் கலை’யைக் கட்டணம் வாங்கிக்கொண்டு கற்றுக்கொடுக்கும் ஸ்ரீஸ்ரீ இரவிசங்கரின் வருடாந்திர வர்த்தக மதிப்பு 400 கோடி.
சாமியாராகி விட்டால் பழசெல்லாம் மறந்து போகுமா? 
பழசை மறக்கடிக்கத்தான் சாமியார் வேடமா? 
அண்ணா சொன்னதுபோல விதைக்காது விளையும் கழனி, முதலில்லா வியாபாரமாயிற்றே சாமியார் தொழில்! 
இரவிசங்கர் அய்யர் ஸ்ரீஸ்ரீ ரவிசங்கர்ஜி ஆன மர்மம் இதுதான்!
இவர் ஏற்கனவே ஆப்கான் பாலஸ்தீன மற்றும் ஈரான் பிரச்சினைகளுக்கு தீர்வு கண்டவர் இந்நாளில் அந்த நாடுகளில் நிலவும் அமைதிக்கு இவர் கண்ட தீர்வு காரணம் என்பதை மறுக்க இயலாது இவருக்கு விரைவில் “Noபல்” ( Noble Prize) பரிசு விரைவில் கிடைக்க இருக்கிறது.
மேலும் இவர் முன்னால் இலங்கை அதிபர் ராஜ்பக்ஷேவின் மிக நெருங்கிய நண்பர்.
இதன் மூலம் மதிமுகவின் பொதுச்செயலாளர் வை கோபால்சாமியுடன் இணைந்து இலங்கை பிரச்சினைக்கு தீர்வு எட்டியிருக்கிறார் என்பது நமக்கு கிடைத்த தகவல். இவரை கடந்த வருடம் வைகோ அவர்கள் 45 நிமிடங்கள் சந்தித்து பேசியதற்கான காரணம் இதுதான்.
இலங்கை பிரச்சினைக்கு தீர்வு கண்ட காரணத்தினால்தான் இவருக்கு இந்த அரிய விருது கிடைத்திருக்கிறது என்று நம்புவோமாக
 மசாலா நடிகர் ரஜினிகாந்த் 
அடுத்து கடைசியாக நமது மண்ணுக்காக இனத்துக்கு இன்றளவும் தன்னை அர்ப்பணித்து கொண்டிருக்கின்ற அரசியல் புரோக்கர் சோ மற்றும் மேக் இன் இந்தியா புரட்சியாளர் கருப்பு பணத்தை மீட்டு இந்திய மக்களுக்கு பதவியேற்ற 100 நாட்களில் பகிர்ந்தளித்த ஏழை பங்காளர் செல்ஃபி அறிஞர் மோடி அவர்களின் நெருங்கிய நண்பருமான சூப்பர் டூப்பர் ஸ்டார் ரஜினிக்கு கிடைத்திருக்கும் ரகசியம் என்ன தெரியுமா?
இந்தியா முழுவதும் ஆறுகளை இணைக்க குரல் கொடுத்தது மட்டுமல்ல அந்த திட்டத்திற்கான முழு செலவையும் ஏற்று பல கோடி ரூபாய் பணத்தை அரசாங்கத்துக்கு அளித்ததும் ஒரு காரணம்.
இரண்டாவதாக சமீபத்தில் ஏற்பட்ட வெள்ள பாதித்த மக்களுக்காக தான் இது வரை சம்பாதித்த மொத்த வருமானமான ரூபாய் 10 லட்சத்தை கருணை மனதுடன் அளித்த வள்ளல்தன்மையும் காரணமாம்.
நமது கவலையெல்லாம் இந்த முறை ஏற்பட்ட ஏமாற்றத்தை தவிர்க்கும் வகையில்அடுத்த ஆண்டாவது ,பாரத ரத்னா விருதுக்கு சர்வதேச அரசியல் புரோக்கர் சுப்ரமணியம் சுவாமியும் மற்ற விருதுகள் ஆசிர்வாதம் ஆச்சாரி,ஆடிட்டர் குருமூரத்தி, தினமணி வயித்தியநாத அய்யர், துக்ளக் சோ, சிந்தனையாளர் ராமசுப்ரமணியன் மற்றும் பானு கோம்ஸ் போன்றவர்களுக்கு கிடைக்க வேண்டும் மேலும் பாரப்பன சமுதாய முன்னேற்றத்திற்காக சேவையில் ஈடுபட்டுள்ள பிராமணர் சங்கத்தலைவர் நாராயணன் அவர்களுக்கு சிறந்த சமுதாய சேவகருக்கான விருதுக்கு பரிந்துரை செய்யப்பட வேண்டும் என்பதுதான்.
ஆனால் ஒன்று மட்டும் தெளிவாக தெரிகிறது ஈரோட்டு கண்ணாடியின் உதவியுடன் உற்று பார்த்தால் எல்லா உண்மைகளும் அவாளின் கூட்டு சதியும் தெரிகிறது. 
அய்யா பெரியார் அடிக்கடி சொல்வார் பூனைக்குட்டி வெளியே வந்து விட்டது என்று அது இந்த மத்திய அரசின் பத்ம விருதுகளின் அறிவிப்பின் மூலம் வெளி வந்து விட்டது.
                                                                                                                                               -செல்வம்,
நன்றி:கீற்று.


==================================================================================================

மனநோய் பற்றிய சில உண்மைகள்


உங்களுக்கு மனநோய் இருக்குனு டாக்டர் சொன்னா, உங்களுக்கு எப்படி இருக்கும்? உங்க குடும்பத்தில இருக்கிற யாருக்காவது மனநோய் வந்தா நீங்க என்ன செய்வீங்க? கவலைப்படாதீங்க, மனநோயை குணப்படுத்த முடியும். முதல்ல, மனநோய்னா என்னனு நாம தெரிஞ்சிக்கலாம்.*

சில உண்மைகள்

“உலகம் முழுசும் கோடிக்கணக்கான மக்கள் மனநோயால பாதிக்கப்படுறாங்க. உலகத்தில இருக்கிற, 25 சதவீத மக்களுக்கு வாழ்க்கையில ஏதோ ஒரு சந்தர்ப்பத்தில மனநோய் வருது. நிறைய பேர் மனச்சோர்வால (Depression) கஷ்டப்படுறாங்க. மனச்சிதைவும் (Schizophrenia) பைபோலார் டிஸாடரும் அதிகமான பாதிப்புகளை ஏற்படுத்தும். . . . நிறைய பேர் மனநோயால பாதிக்கப்பட்டாலும், அந்த நோயை பத்தி வெளில சொல்றதில்ல, சிகிச்சையும் எடுக்கிறதில்ல. மக்களும் மனநோய் வந்தவங்களை ஒதுக்கிவைக்கப்படுகிறார்கள் .”

—உலக சுகாதார அமைப்பு (WHO).
மனநோய் இருக்கிறது தெரிஞ்சா, மத்தவங்க கேவலமா நினைப்பாங்களேனு, நிறைய பேர் சிகிச்சை சில எடுத்துக்க தயங்குகிறார்கள் .—உலக சுகாதார அமைப்பு.
நிறைய விதமான மனநோயை குணப்படுத்த முடியும். இருந்தாலும், நிறைய பேர் அதுக்கு சிகிச்சை எடுக்கிறதில்லை. அமெரிக்காவுல, மனநோயால பாதிக்கப்பட்ட 60 சதவீத பெரியவங்களும் 50 சதவீத இளைஞர்களும் (8-15 வயசு) சிகிச்சை எடுத்துக் கொள்வதில்லை.—நேஷ்னல் அலயன்ஸ் ஆன் மென்டல் இல்னஸ்.

மனநோய் என்றால் என்ன?




மனநோய் இருக்கிறவங்களால உணர்ச்சிகளை கட்டுப்படுத்த முடியாது, சரியா யோசிக்க முடியாது; மத்தவங்களோட சகஜமா பழக முடியாது. தினம் தினம் வாழக்கையை ஓட்டுறதே அவங்களுக்கு கஷ்டமா இருக்கும்.
கெட்ட குணங்கள் இருக்கிறதுனாலயோ, பலவீனம் இருக்கிறதுனாலயோ ஒருத்தருக்கு மனநோய் வரும்னு சொல்ல முடியாது
மனநோய் இருக்கிற எல்லாருக்கும், ஒரே மாதிரி அறிகுறிகள் இருக்காது. சிலருக்கு அந்த அறிகுறிகள் அதிகமா தெரியும், சிலருக்கு அந்தளவுக்கு தெரியாது; சிலர் ரொம்ப நாள் கஷ்டப்படுவாங்க, சிலருக்கு கொஞ்ச நாள்லயே சரியாயிடும். அவங்களுக்கு வந்திருக்கிற மனநோயை பொறுத்தும் அவங்களோட சூழ்நிலையை பொறுத்தும் அந்த அறிகுறிகள் மாறும். ஆண்-பெண், சின்னவங்க-பெரியவங்க, படிச்சவங்க-படிக்காதவங்க, ஜாதி-மதம்னு வித்தியாசம் இல்லாம யாருக்கு வேணாலும் மனநோய் வரலாம். ஒருத்தர்கிட்ட கெட்ட குணங்கள் இருக்கிறதுனாலயோ, பலவீனங்கள் இருக்கிறதுனாலயோ அவருக்கு மனநோய் வரும்னு சொல்ல முடியாது. மனநோயால பாதிக்கப்பட்டவங்க சரியான சிகிச்சை எடுக்கும்போது எல்லார் மாதிரியும் சந்தோஷமா வாழ முடியும்.

சிகிச்சை எடுக்க தயங்காதீங்க

மனநோய்க்கு சிகிச்சை எடுக்கிறது ரொம்ப முக்கியம். சிகிச்சை எடுக்கிறதுக்கு முன்னாடி, நல்ல மனநல ஆலோசகர்கிட்டயோ மனநல மருத்துவர்கிட்டயோ ஆலோசனை கேளுங்க.



சரியான சிகிச்சை எடுத்தாதான் நல்ல பலன் கிடைக்கும். மனநல ஆலோசகர்கிட்ட தயங்காம எல்லா விஷயத்தையும் சொல்லுங்க. அப்பதான், உங்களுக்கு வந்திருக்கிற மனநோயை பத்தி புரிஞ்சிக்க முடியும். நீங்க தொடர்ந்து சிகிச்சை எடுக்கிறதுக்கும் உங்க பிரச்சினைகளை சரிசெய்றதுக்கும் அவர் உங்களுக்கு உதவி செய்வார். மருத்துவரையோ ஆலோசகரையோ பார்க்க போகும்போது, ஒரு நண்பரோ குடும்பத்தில இருக்கிற ஒருத்தரோ கூடவே இருந்து உதவி செய்றது ரொம்ப முக்கியம்.
மனநோய் வந்த நிறைய பேர் அதை சமாளிச்சிருக்காங்க. அதுக்கு காரணம், அவங்களுக்கு வந்த மனநோயை பத்தி நல்லா தெரிஞ்சிகிட்டாங்க, தொடர்ந்து சிகிச்சை எடுத்தாங்க. 
சிகிச்சை எடுக்கிறதுக்கு முன்னாடி, நல்ல மனநல ஆலோசகர்கிட்டயோ மனநல மருத்துவர்கிட்டயோ ஆலோசனை கேளுங்க
ஒரு மனநோயாளியின் உணர்வு...
“மனநோய் வந்ததுக்கு அப்புறம், என்னால சில விஷயங்களை செய்ய முடியல. படிக்கனும்னு நினைப்பேன், ஆனா, என்னால சரியா கவனம் செலுத்த முடியாது. மத்தவங்களை விட்டு ஒதுங்கியே இருப்பேன். நண்பர்கள்கிட்டகூட சரியா பேச மாட்டேன். சிலர் எனக்கு ஆறுதல் சொல்வாங்க; ‘கவலப்படாதீங்க, எல்லாம் சரியாயிடும், நீங்க நினைக்கிற அளவுக்கு இது ஒன்னும் பெரிய விஷயம் இல்லை, இதை பத்தியே யோசிக்காம, வாழ்க்கையில இருக்கிற நல்ல விஷயங்களை பத்தி யோசிச்சு பாருங்க’னு சொல்வாங்க. அவங்க ஆறுதலா பேசனும்னு நினைச்சுதான் இதையெல்லாம் சொல்றாங்கனு எனக்கு தெரியுது. அவங்க சொல்ற மாதிரி செய்யனும்னுதான் நானும் நினைக்கிறேன். ஆனா, அவங்க சொல்றதெல்லாம் கேட்டா எனக்கு இன்னும் கஷ்டமாதான் இருக்கும். எதுக்குமே லாயக்கில்லைனு தோனும். நான்தான் சின்ன சின்ன விஷயத்தை எல்லாம் பெரிசுபடுத்துறேனோனு தோனும்.”
.