இன்றைய செய்தி,நாளைய வரலாறு. நாளைய வரலாறை படிப்போம்.

வெள்ளி, 31 மார்ச், 2017

தத்தளிக்கும் பல்கலைகள்


ஹைதராபாத் பல்கலைக் கழக மாணவர் ரோஹித் வெமுலாவைத் தொடர்ந்து நாட்டின் முதன்மை பல்கலைக் கழகமான ஜவஹர்லால் நேரு மத்தியப் பல்கலைக் கழகத்தில் தமிழகத்தைச் சேர்ந்த ஒருதலித் ஆராய்ச்சி மாணவர் முத்துகிருஷ்ணன்தற்கொலை செய்து கொண்டிருப்பது அனைவரையும் அதிர்ச்சிக்குள்ளாக்கியுள்ளது. ஐம்பதாண்டுகளுக்கும் மேலாக நமது கல்விமுறையில் பேணி வளர்க்கப்பட்டு வந்த மதச்சார்பற்ற கருத்தோட்டம், உலகளாவிய பார்வை, கருத்துரிமை, கல்வி வளாக ஜனநாயகம், மாணவர் ஒற்றுமை, உள்ளிட்டவைகள் நசுக்கப்பட்டு வருவதும், மேலும், கல்வி வளாகங்களில் இன்றும் தொடரும் சாதிய பாகுபாடும் இதுபோன்ற மரணங்களுக்கு முக்கியக் காரணம். கல்வியின் அவசியத்தை உணர்ந்த உலகின்பல நாடுகள் கல்வித்துறையில் பல மாற்றங்களை கொண்டுவந்து, கல்வியின் தரத்தையும், உயர் கல்வி நிலையங்களையும் மேம்படுத்தி வருகின்றன. மக்கள் தொகையில் முதலிடத்தில் உள்ள சீனா உயர் கல்வி துறையில் மிகப்பெரிய சாதனையை நிகழ்த்தி கொண்டிருக்கின்றன. 2000-ம் ஆண்டில் 1400 பல்கலைக்கழங்கள் இருந்த சீனாவில் இன்று 2553 ஆக உயர்ந்துள்ளது. உயர்கல்வி பயில்பவர்களின் எண்ணிக்கை 2002-ல் 11.02 மில்லியனிலிருந்து 2014-ல் 23.91 மில்லியனாக உயர்ந்துள்ளது.
பல ஆண்டுகளாக பொருளாதார தடை மற்றும் பலபிரச்சனைகளை எதிர் கொண்ட கியூபா 99.7 சதவீதம் எழுத்தறிவு பெற்ற நாடாக இன்று மிளிர்கிறது. 134 கோடி மக்கள் தொகை கொண்ட நம்நாட்டில் 25 சதவீதம் பேர் எழுத்தறிவற்றவர்களாகவே இன்றும் உள்ளனர். இந்தியாவில் உள்ளபல்கலைக்கழகங்களின் எண்ணிக்கை வெறும்789 மட்டுமே. அதிலும் 406 பல்கலைக் கழகங்கள் தான் அரசு பல்கலைக்கழகங்கள். இதில் 359 மாநில பல்கலைக்கழகங்களும், 49 மத்தியப் பல்கலைக்கழகங்களும் அடங்கும். மீதமுள்ள 383 பல்கலைக்கழகங்கள் தனியார் மற்றும் நிகர்நிலைப் பல்கலைக்கழகங்களாகும். மக்கள் தொகைக்கு ஏற்ப புதிய பல்கலைக் கழகங்களை துவங்காமலும், இருக்கும் உயர்கல்வி நிலையங்களை மேம்படுத்தாமலும் இந்தியாவின் உயர்கல்வியை அகல பாதாளத்திற்கு தள்ளிக் கொண்டிருக்கிறது. இன்றைய மத்தியபாஜக அரசு. இதன் விளைவு உலகின் தலைசிறந்த 100 பல்கலைக்கழகங்களின் பட்டியலில் நமது பல்கலைக்கழகம் ஒன்றுகூட இல்லை. இந்தியாவின் உயர்கல்வி இப்படி இருக்க தமிழகத்தின் உயர்கல்வியோ அதைவிட மிக மோசமான நிலையில் உள்ளது. அதிலும் குறிப்பாக தமிழகப் பல்கலைக்கழகங்கள் மாலுமி இல்லாத கப்பல்களைப் போல் தத்தளித்துக் கொண்டிருக்கின்றன.
முடங்கியுள்ள பல்கலைக்கழகங்கள்
தமிழகத்தில் 22 மாநில பல்கலைக்கழகங்களும், 2 மத்திய பல்கலைக்கழகங்களும், 28 நிகர் நிலைப் பல்கலைக் கழகங்களும் உள்ளன. இதில் 22 மாநில பல்கலைக்கழகங்களுக்கு கீழ் தான் ஆயிரக்கணக்கான கல்லூரிகளும், அவற்றில் லட்சக்கணக்கான மாணவர்களும் பயின்று வருகின்றனர். இலட்சக்கணக்கான மாணவர்களின் உயர்கல்வி கனவை நிறைவேற்றுவதாக இப்பல்கலைக்கழகங்கள் உள்ளன. அத்தகைய இப்பல்கலைக் கழகங்களின் இன்றைய நிலை தொடர்ந்து செய்தித்தாள்களில் வந்த வண்ணம் உள்ளது. இது கல்வியாளர்களையும், சமூக அக்கறை கொண்டவர்களையும், மாணவர்களையும் பேரதிர்ச்சிக்கு உள்ளாக்கிவருகிறது. மாநில அரசின் கட்டுப்பாட்டில் உள்ள 22 பல்கலைக்கழகங்களில் முக்கிய 5 பல்கலைக் கழகங்களில் துணைவேந்தர் இல்லை. 10 பல்கலைக் கழகங்களில் பதிவாளர் இல்லை. 7 பல்கலைக் கழகங்களில் தேர்வு கட்டுப்பாட்டாளர் இல்லை. பல பல்கலை.யில் நிதி அலுவலர்இல்லை. ஒட்டு மொத்தமாக சொல்லப் போனால் தமிழகப் பல்கலைக் கழகங்கள் ஊழல்மயமாக மாறிவிட்டன. பல்கலைக் கழகங்களின்நோக்கத்தை கடந்த 20 ஆண்டுகளாக தமிழகத்தில் ஆட்சி புரிந்த கட்சிகள் சிதைத்துவிட்டன
அரசியல் செல்வாக்குள்ளவர்களுக்கு துணைவேந்தர் பதவி
1857-ல் துவங்கப்பட்ட தாய்பல்கலைக் கழகமான சென்னை பல்கலை. 580 பொறியியல் கல்லூரிகளை தன்னகத்தே கொண்ட அண்ணா பல்கலை. சட்ட மேதைகளை உருவாக்கும் அம்பேத்கர் சட்ட பல்கலை. மதுரை காமராஜர் பல்கலை. உள்ளிட்ட முக்கிய பல்கலைக் கழகங்களில் ஓராண்டுக்கு மேலாகியும் துணை வேந்தர்கள் நியமிக்கப்படவில்லை. துணைவேந்தர் பதவி காலியாக உள்ளது என்பது தெரிந்தும் தமிழக அரசு துணைவேந்தர்களை நியமிக்காமல் இருப்பதற்கான காரணத்தை நாம் கூர்ந்து கவனிக்க வேண்டும். அரசியல் பின்புலமும் பணபலமும் உள்ளவர்கள்தான் பல்கலைக்கழக துணைவேந்தர்களாக வரமுடியும் என்பதற்கு சமீப கால நிகழ்வுகளை ஆராய்ந்து பார்த்தாலே நமக்கு புரியும்.முன்னாள் முதல்வர் ஜெயலலிதாவின் மறைவிற்கு பின் எம்.ஜி.ஆர் மருத்துவ பல்கலைக் கழகத்தின் துணைவேந்தர் கீதா இலட்சுமி தலைமையில் 6 துணை வேந்தர்கள், அண்ணா பல்கலைக்கழகத்தின் பதிவாளர், சட்டப் பல்கலை.யின் முன்னாள் துணைவேந்தர் உள்ளிட்டோர் போயஸ்கார்டன் சென்றுதற்போது சிறையில் உள்ள சசிகலாவை அதிமுகவின் பொறுப்பேற்கும்படி சொன்னது, அண்ணா பல்கலை. முன்னாள் துணைவேந்தர் ராஜாராம் துணைவேந்தராவதற்கு ரூ.50 கோடிதற்போதைய முதல்வர் எடப்பாடி பழனிசாமியிடம் கொடுத்தற்கான ஆதாரம் உள்ளதாகஒரு அரசியல் கட்சி தலைவர் தொலைக்காட்சியில் பேட்டி கொடுப்பது என ஏராளமான நிகழ்வுகளை உதாரணங்களாக கூற முடியும்.இந்த உதாரணங்கள் திரைமறைவில் காலியாக உள்ள துணைவேந்தர் பணியிடத்திற்கு கோடிக்கணக்கில் பேரம் பேசப்பட்டு வருவதையே காட்டுகிறது, பல்கலைக்கழகம் என்பதுதன்னாட்சி அதிகாரம் கொண்டது. பணிநியமனம், இடம் மாறுதல், புதிய கல்லூரிக்கானஅங்கீகாரம் என அனைத்து முடிவுகளையும் எடுக்கும் அதிகாரம் துணைவேந்தருக்கு உண்டு. இந்த அதிகார குவியலால்தான் துணைவேந்தர் பதவிக்கு இவ்வளவு போட்டியும் சர்ச்சையும். கோவை பாரதியார் பல்கலை.யில்சமீபத்தில் ஒரு பேராசிரியர் பணியிடத்திற்கு35 லட்சம் ரூபாய் என 28 பேராசிரியர் பணியிடங்கள் நிரப்பப்பட்டுள்ளது. தகுதியானவர்களுக்கு வேலை வழங்கப்படவில்லை என அப்பல்கலைக்கழகம் முன் இன்றும் பாதிக்கப்பட்டவர்கள் போராட்டம் நடத்தி வருகின்றனர். இப்படி வியாபார தலங்களாக பல்கலைக்கழகங்கள் மாறி வருகின்றன. நெ.து.சுந்தரவடிவேலு, டாக்டர்.மல்கம்,எஸ்.ஆதிசேஷையா,முனைவர் மு.வரதராசன் உள்ளிட்ட திறமையான துணைவேந்தர்கள் பணியாற்றிய பல்கலைக்கழகங்களில் எந்த தகுதியும், அனுபவமும் இல்லாதகல்யாணி மதிவாணன் போன்றவர்களும் குறுக்கு வழியில் துணைவேந்தர்களாக வருவதற்கு தமிழகத்தில் இன்று வாய்ப்பு உள்ளது.மேலும் துணைவேந்தர் உள்ளிட்ட உயர் பதவிகளில் இடஒதுக்கீடு முறை பின்பற்றப்படுவதில்லை. 22 பல்கலைக்கழகங்களில் இதுவரை 150 பேருக்கு மேல் துணைவேந்தர்களாக பதவிவகித்தவர்கள் இருப்பார்கள். இதில் இதுவரை வெறும் 6 பேரே தலித் துணைவேந்தர்கள். தகுதியை மட்டுமே பார்த்தால் இன்னும்எத்தனையோ தலித்துகள் துணைவேந்தர்களாகி இருக்க முடியும்.
தலை தூக்கியிருக்கும் நிர்வாகப் பிரச்சனைகள்
துணைவேந்தர் இல்லாததால் சில கொள்கை சார்ந்த பிரச்சனைகளில் முடிவெடுப்பது, பணிநியமனம், பணிஉயர்வு, கட்டமைப்பு வசதிகள், ஆய்வுக் கூடங்களுக்கு தேவையானஉபகரணங்கள் வாங்க முடியாமை என பல பணிகள் கிடப்பில் உள்ளன. அதைவிட முக்கியமாக பல பல்கலைக் கழகங்களில் பட்டமளிப்பு விழா நடத்தப்படாமல் ஆயிரக்கணக்கான மாணவர்கள் உயர் படிப்புக்கு செல்ல முடியாமல், வேலைக்கு செல்ல முடியாமல் பரிதவிக்கின்றனர். பதிவாளர் இல்லாத பல்கலைக்கழகங்களில் ஆராய்ச்சி படிப்பிற்கு விண்ணப்பித்தமாணவர்களுக்கு அனுமதி கடிதம் அனுப்பப்படாமல் நிலுவையில் உள்ளது. தேர்வுகட்டுப்பாட்டாளர் இல்லாத பல்கலைக்கழகங்களில் குறிப்பிட்ட காலத்திற்குள் தேர்வினை நடத்தாமலும் கேள்வித்தாளை முறையாக தயாரிக்காமலும், தேர்வு முடிவுகளை குறித்த காலத்தில் வெளியிடாமலும், படித்து முடித்த ஆயிரக்கணக்கான மாணவர்களுக்கு உரிய சான்றிதழ்கள் வழங்கப்படாமலும் பணிகள் நிலுவையில் உள்ளன. நிதி அலுவலர் இல்லாதஇடங்களில் ஆண்டின் நிதிநிலை குறித்த வரவு-செலவு வைப்பதில்லை, இதனால் பல்கலைக் கழகங்களின் நிதிநிலை மோசமாகவும் முறைகேடாகவும் உள்ளது.மேலும் கட்டப்பட்ட பல்கலைக்கழக கட்டடங்கள் திறக்கப்படாமலும், யுசிஜி மூலம்கிடைக்க கூடிய ஒதஊ, தஎசஊ, மௌலானாஆசாத் உள்ளிட்ட மத்திய அரசின் கல்விஉதவித்தொகை இரண்டு மூன்று ஆண்டுகளாக மாணவர்களுக்கு வழங்கப்படாமலும் நிலுவையில் உள்ளன. மெத்தனமான நிர்வாக பணிகள், நஇ / நப நல்ங்ஸ்ரீண்ஹப் இங்ப்ப் செயல்படாமலிருப்பது, உச்சநீதிமன்ற வழிகாட்டுதல்படி இருபால் நட்புறவு குழுக்களை அமைக்காமலிருப்பது, நவீன நூலக வசதியின்மை, வேலைவாய்ப்பு முகாம்கள் நடத்தப்படாமை, ஆராய்ச்சி மாணவர்களுக்கு சுதந்திரமின்மை என பல்கலைக்கழக வளாகங்கள் மோசமான சூழலுக்குள் சென்று கொண்டிருக்கின்றன.இதையெல்லாம் தெரிந்தும் கண்டுகொள்ளாமல் வாரி சுருட்டவும், பதவியை தக்கவைத்துக் கொள்ளவும் அதற்கான வேலைகளில் மும்முரமாக செயல்பட்டுவரும் அதிமுக அரசு இனியேனும் பல்கலைக் கழகங்கள்உயர்கல்வியை முறைப்படுத்த உரிய நடவடிக்கை எடுக்க வேண்டும். துணைவேந்தர் முதல்அடிமட்ட பணியாளர் வரை தகுதியின் அடிப்படையில் பணி நியமனம் செய்திடவும், புதிய பல்கலைக் கழகங்களை துவங்கிடவும், உச்சநீதிமன்ற லிண்டோ கமிட்டியின் பரிந்துரைபடி மாணவர் பேரவைத் தேர்தலை பல்கலைக்கழகங்களில் நடத்திடவும் உரிய நடவடிக்கைகளை தமிழக அரசு மேற்கொள்ள வேண்டும். 
                                                                                                                                       ப.ஆறுமுகம்

=======================================================================================
ன்று,
மார்ச் -31.

  • ஈபிள் டவர் கட்டுமானம் தொடக்க விழா (1889)

  • ஆஸ்திரேலிய விமானப்படை அமைக்கப்பட்டது(1921)

  • மால்ட்டா விடுதலை தினம்(1979)

  • முதலாவது புவி மணி நிகழ்வு சிட்னியில் இடம்பெற்றது(2007)
  • =======================================================================================

புதன், 22 மார்ச், 2017

ஒரு இலைகூட ஒருவருக்கும் இல்லை


சந்தைப்படுத்தல்
உங்களது நிறுவனப் பொருட்களை சந்தைப்படுத்த திட்டம் ( மார்க்கெடிங் ப்ளானை) வகுக்க முக்கியமாக அடிப்படையான  கு பத்துறிப்புகளை நீங்கள் நினைவில் கொள்ள வேண்டியது அவசியம். 
அந்த   பத்து குறிப்புகளிலும் உங்களின் சந்தைப்படுத்தலில் இருக்கவேண்டியவை  மூன்று முக்கியம். 
அவைகளை கொண்டே நாம் சந்தைப்படுத்தல் பற்றிய  பத்து கட்டளைகளை வடிவமைக்கலாம். 
அந்த முதல் மூன்று விபரங்கள்:
1,நம் பொருட்களுக்கான சரியான தளத்தை தேர்ந்தெடுத்தல் 
2, வாடிக்கையாளரை அடையாளம் காணல் 
3, சரியான உள்ளடக்கத்தை உருவாக்கல் . 
அதன் பின்னர் இந்த மூன்றை முன்கொண்டு பத்து கட்டளைகளை வடிவமைக்கலாம்.

1. நீங்கள்  சந்தைப்படுத்தலில் இறங்கையில்  கடுமையான பாதையை தேர்ந்தெடுக்காதீர். அதை முடிந்தவரை தவிருங்கள். எளிதான தெளிவான, நிலையான பாதையை தேர்வு செய்து, உங்கள் சந்தைப்படுத்தல் (மார்க்கெடிங்)களத்தை வடிவமையுங்கள். 
உங்களின் இலக்கை நிர்ணயம் செய்யுங்கள், வாடிக்கையாளரை அடையாளம் காணுங்கள், பட்ஜெட்டை தயார் செய்யுங்கள், அதற்கான செயல் உத்தியை வடிவமைத்து வேலையை துவக்குங்கள்.
2. உங்களின் சந்தைப்படுத்தல் பிரச்சாரம் சரியான சமயத்தில், முயற்சியில் தகுந்த செலவில் செய்யப்படவேண்டியது அவசியம்.  அதற்கு முன் சந்தை பற்றிய ஆராய்ச்சி செய்து தெளிவாகி கொள்ளுங்கள். பலமுறை ஆராய்ந்த பின் செயலில் இறங்கவேண்டும். அத்துடன் மற்றவர்களின் வெற்றி, தோல்வியை ஆராயந்து அதிலிருந்து  உங்களின் முடிவை குழப்பமின்றி முடிவு செய்து கொள்ள வேண்டும் . உங்களின் மனம் கவர்ந்த பிரச்சாரங்களை ஆராயுங்கள், அது ஏன் உங்களை கவர்ந்தது, அதை எப்படி உருவாக்கினார்கள் என்று ஆராயுங்கள். அவைதான் மக்களின் மனதயும் கவரும்.இதுவே நீங்கள் உருவாக்கப்போகும் உங்கள் நிறுவனத்தின்  சந்தைப்படுத்தல்பிரச்சாரத்துக்கு உதவியாக இருக்கும். 
3.  நீங்கள் உங்கள் நிறுவனத்தின் மூலம் அடைய நினைக்கும் இலக்கு  எது  என்பதை முதலில் புரிந்து கொண்டு அதன் அடிப்படையில்  சந்தைப்படுத்தல் மற்றும் பிரச்சாரத்தை வடிவமைக்கவும். அதற்கு ஏற்ப தளத்தை தேர்ந்தெடுத்து  செயல்படுத்துங்கள். 
 4. உங்களின்  சந்தைப்படுத்தல்  உங்கள் நிறுவன பொருட்களை ,அடிப்படைகளை தெளிவாக மக்களுக்கு விளக்குவதாக இருத்தல் வேண்டும். அப்போதுதான் இணையவழியில் வாங்குபவர்களுக்கு சரியான புரிதல் உங்கள்  நிறுவனத்தை,பொருட்களைப்  பற்றிஉண்டாகும். அது  வருங்கால வாடிக்கையாளர்களையும் உருவாக்கும்.
5. எல்லா சந்தைப்படுத்தல்களும் சில நம்பிக்கைகளின் அடிப்படையில்தான் உருவாக்கப்படுகிறது. 
அந்த நம்பிக்கை எதுவாக வேண்டுமானாலும் இருக்கும். அரசு முடிவுகள்,பிற நிறுவனங்கள் மூலம் நம் முன்னர் எதிர்பாராமல்  வரும் ஆபத்து மற்றும் சவால்களையும் நம் கவனத்தில் கொள்ள வேண்டும்.அவற்றை சமாளிக்க எப்போதும் தயாராக இருக்கும்படி பார்த்துக்  கொள்வது மிக அவசியம். 
6.  எல்லாரும் சரியாக இருப்பார்கள் என்று சொல்லிவிட முடியாது. சில சமயம்  சந்தைப்படுத்தல் சரியான புரிதலின்றி தவறு ஏற்பட்டு அது தோல்வி அடையலாம். ஆனால் அந்த தோல்வியில் இருந்து உடனடியாக மீள்வது மிக அவசியம். நன்கு ஆராய்ந்து செய்த பிரச்சாரம் வெற்றியடையவில்லை என்றாலும் மனம் தளர தேவையில்லை. உங்கள் சந்தைப்படுத்தல் இதில் தோல்வியை தழுவியது என்று அலசி ஆய்ந்து அதை சரி செய்து , மாறுதலுக்கு உட்படுத்தும் அளவிற்கு வடிவமைத்து செயல்படுங்கள்.வெற்றி கிட்டும் . 

7. உங்களின் பிரச்சாரம், குறைந்த நாட்களுக்கு மட்டும் மக்களிடம் சென்றடைவது போல் அல்லாமல் நீண்ட கால விழிப்புணர்வை ஏற்படுத்தும் வகையில் இருக்க வேண்டும் . இதற்காக கூடுதல் நேரத்தையும் பொருளையும் முதலீடு செய்ய தயங்காதீர். ஏனெனில் நீண்டகாலம் மக்கள் மனதில் இருக்கக்கூடிய 
சந்தைப்படுத்தல் பிரச்சாரங்கள்  நிறுவனத்துக்கு நல்ல வளர்ச்சியை தரும் . 
8.  உங்கள் சந்தைப்படுத்தல் சந்தையில் எப்படி எடுத்துக்கொள்ளப்படுகிறது, மக்களிடம் வரவேற்பு உள்ளதா,அதற்கு உங்களின் போட்டியாளர் தரும் பதிலடி என்ன என்பதை கவனித்துக்கொண்டே இருக்க வேண்டும்.அதற்கேற்ப அன்றாடம் நமது சந்தைப்படுத்தல் வடிவமைப்பு இருந்து கொண்டேயிருக்க வேண்டும்.அவவ்ப்போது  மக்களின் கருத்துக்களை  கேட்டு,உணர்ந்து உடனடியாக தீர்வுகளை காணவேண்டும் . அப்போதே வாடிக்கையாளரின் மத்தியில் நாம் உரிய முதலிடத்தை  பெறமுடியும். 
9.  வருங்காலத்தை பற்றி சிந்திப்பது முக்கியம். அதே சமயம் கடந்த காலத்தில் நிகழ்ந்தை ஆராய்வது தேவையாக உள்ளது. உங்கள் யுக்திகளின் முடிவுகளை ஆராய்ந்து அதில் தேவையான மாற்றங்களை செய்து மேம்படுத்துவது நல்லது. தேவையற்ற செலவுகளை குறைத்து, விளம்பரங்களை பட்ஜெட்டுக்குள் வைப்பது  நிறுவன வளர்ச்சிக்கு நல்லது. நல்ல முடிவுகளை தரப்போகும் பிரச்சாரங்களுக்கு மட்டும் செலவிடுங்கள். அதுதான்  உங்கள் நிறுவனத்துக்கு மக்களிடம் நல்ல பெயரையும் பிரபலத்தையும்,மரியாதையையும் பெற்றுத்தரும். 

10.  இலக்கை அடைய திட்டம் வகுத்துக்கொள்ளுங்கள். யார் யாருக்கு என்னென்ன பணிகள் என்று பிரித்து கொடுங்கள். அதை ஒருங்கிணைப்பது முக்கிய பணி.அதை தகுதியான ஒருவரிடம் ஒப்படையுங்கள். உங்கள் இலக்கை நிர்ணயித்தவுடன் உடனே செயலில் இறங்குங்கள்.தாமதமே வேண்டாம் 
நூறாண்டு வாழப்போகிறவன் போல் யோசி.ஆனால் நாளையே வாழ்வின் முடிவை காணப்போகிறவன் போல் அதை செயல்படுத்து .இது பொன்மொழி.அதை கடைபிடித்தால் வெற்றி உறுதி.
சாத்தியம் என்பது செயல்.வெறும் வார்த்தையல்ல.
                                                                                                                                                 -சுகுமாரன் 
---------------------------------------------------------------------------------------------------------------------------------------------------------
ன்று,
மார்ச்-23.
  • உலக வானிலை தினம்
  • கலிபோர்னியா பல்கலைக்கழகம் நிறுவப்பட்டது(1868)
  • தமிழக அறிவியலாளர் ஜி.டி.நாயுடு பிறந்த தினம்(1893)
  • இந்திய சுதந்திர போராட்ட வீரர் பகத்சிங் இறந்த தினம்(1931)

 மாவீரன் பகத்சிங்
நாட்டின் விடுதலை போராட்ட வீரரும் விடுதலை இயக்கத்தில் முக்கிய புரட்சியாளருமான, பகத் சிங் பஞ்சாப் மாநிலம் லாயல்பூர் மாவட்டம் பங்கா எனும் கிராமத்தில் சர்தார் கிஷன் சிங் - வித்யாவதி தம்பதிக்கு மகனாக 1907 செப்., 28ல் பிறந்தார்.

இளம் வயதில் ஐரோப்பிய புரட்சி இயக்கங்கள் குறித்து படிக்க துவங்கிய இவர், பொதுவுடைமை கொள்கைகளால் ஈர்க்கப்பட்டார். 
பல புரட்சி இயக்கங்களுடன் தொடர்புகளை ஏற்படுத்தி கொண்டார். 
'இந்துஸ்தான் குடியரசு அமைப்பு' என்ற புரட்சி அமைப்பின் தலைவர்களில் ஒருவரானார். இளைய புரட்சி இயக்கத்தில் தன்னை இணைத்து கொண்டார்.
அகிம்சைக்கு மாறாக, தாக்குதல் நடத்தி ஆங்கிலேயரை விரட்ட முயன்ற வீரன் பகத் சிங். முதுபெரும்  தலைவர் லாலா லஜபதி ராய் இறப்புக்கு காரணமாக இருந்த காவல் அதிகாரியை சுட்டுக் கொன்ற குற்றத்திற்காக மாவீரர் பகத் சிங் 1931 மார்ச் 23ல் துாக்கிலிடப்பட்டார். 

-----------------------------------------------------------------------------------------------------------------------------------------------------------
ஒரு இலைகூட ஒருவருக்கும்   இல்லை.

இரட்டை இலை சின்னம் யாருக்கு என்பது தொடர்பான சசிகலா மற்றும் ஓ.பன்னிர்செல்வம்  தரப்புகள்  விவாதம் தேர்தல் ஆணையத்தில் நடந்தது. 
இரட்டைஇலை முடக்கத்துக்கு முன்னர் தலைமை தேர்தல் ஆணையர் நஜீம் ஜைதி தலைமையில் நடந்த இந்த விவாதத்தின் போது நடந்த முக்கிய நிகழ்வுகள்.

தேர்தல் கமிஷனில்(22-ம் தேதி) காலை இரட்டை இலை சின்னம் யாருக்கு என்பது குறித்து வாதம் நடந்தது. 
இதில் சசிகலா தரப்பில் சல்மான் குர்ஷித், அரிமா சுந்தரம் , மோகன் பராசரன் ஆகியோர் வாதாடினர். ஓ.பி.எஸ்., தரப்பில் சி.எஸ்.வைத்தியநாதன், குரு கிருஷ்ணகுமார், மனோஜ் பாண்டியன் ஆகியோர் வாதாடினர். 
ஏற்கனவே ஓ.பி.எஸ்., தரப்பில் வாதாடிய  ஹாரீஸ் சால்வே சசிகலா தரப்பு கவனிப்பால்  வரவில்லை.

இந்த விவாதத்தில்,இடைத்தேர்தல் நடப்பதால் அவசரமாக  இரட்டை இலை சின்னம் யாருக்கு என்பது பற்றி மட்டுமே விசாரணை நடத்துவதாகவும்  பொது செயலாளர் பற்றி தனியாக  விசாரிப்பதாகவும்  தேர்தல் ஆணையம் கூறிவிட்டது.
 முதலில் ஓ.பி.எஸ்., தரப்பினர் விவாதத்தை துவக்கினர். இதற்கு சசிகலா தரப்பினர் பதிலளித்தனர். அதற்கு  ஓ.பி.எஸ்., தரப்பினர் விளக்கமளித்தனர்.

ஓ.பி.எஸ்., தரப்பில் தற்காலிக பொது செயலாளர் பதவி என்பதே கிடையாது. மூத்த உறுப்பினர்கள், தொண்டர்கள் எங்களிடம் தான் உள்ளனர் என விளக்கமளிக்கப்பட்டது.

ஓ.பி.எஸ்., தரப்பில் மேலும், சசி
அறிவித்த வேட்பாளருக்கு சின்னம் ஒதுக்குவது கட்சியின் சட்ட திட்டத்திற்கு புறம்பானது . 
இரட்டை இலை சின்னத்தை அளிப்பது, சசிகலாவை பொது செயலாளராக தேர்தல் ஆணையம் அங்கீகரிப்பதற்கு சமம். 
சசிகலாவே போட்டியிட தகுதி இல்லாத போது அவர் எப்படி வேட்பாளரை அங்கீகரிக்க முடியும். சசிகலா தண்டனை பெற்ற குற்றவாளி. கட்சியின் பொது செயலாளர் தான் சின்னத்தை ஒதுக்க முடியும் என தெரிவிக்கப்பட்டது.
சசிகலா  தரப்பில் ஆஜரான அரிமா சுந்தரம் வாதிடுகையில். 
"1912 பொதுக்குழு உறுப்பினர்கள் எங்களுக்கு ஆதரவாக உள்ளனர். அவர்கள் கையெழுத்திட்ட பிரமாண பத்திரத்தை தேர்தல் ஆணையத்தில் தாக்கல் செய்துள்ளோம். பன்னீர் செல்வம் அணியில் 65 உறுப்பினர்கள் மட்டுமே உள்ளனர். சசிகலா பொது செயலாளராக தொடர சட்டப்படி தடை விதிக்கப்படவில்லை. அதிமுகவிற்குள் எந்த பிளவும்இல்லை.

எம்.பி.,க்கள், எம்எல்.ஏ.,க்கள் எங்களுக்கு ஆதரவாக உள்ளனர். பெரும்பாலான செயற்குழு பொதுக் குழு ஆதரவு தருகின்றனர். சட்டப்படி சசி பொதுச் செயலாளராக தேர்வு செய்யப்பட்டுள்ளனர். தேர்வு செய்யப்பட்ட எம்எல்ஏ, எம்பிக்கள் உள்ளதால், எங்களுக்கேஇரடடை இலை சின்னம் ஒதுக்க வேண்டும். உ.பி.,யில் அகிலேஷ்க்கு சைக்கிள் ஒதுக்கப்பட்டது போல், எங்களுக்கு ஒதுக்க வேண்டும்" என வாதாடினார்.
அதற்கு ராஜ்யசபா எம்.பி., மைத்ரேயன் இரட்டை இலையை ஒதுக்க கட்சி தலைவர் மதுசூதனனுக்கு மட்டுமே அதிகாரம் உள்ளது. எங்களுக்கு சின்னம் கிடைக்க வேண்டும் " என்றார்.
ஓ.பி.எஸ்., ஆதரவு வழக்கறிஞர் மனோஜ் பாண்டியன் கூறுகையில்"தற்காலிக பொது செயலாளர் சின்னத்தை ஒதுக்க முடியாது. பொது செயலாளர் தான் சின்னத்தை ஒதுக்க முடியும்.பொதுச்செயலாளர் இல்லாத நிலையில் அவைத்தலைவர் சின்னத்துக்கு கடிதம் கொடுக்கலாம்." என்றார்.
சசி அணி மற்றும் பன்னீர் அணி ஆகியோரின் தரப்பு வாதங்கள் நடந்து முடிவடைந்த நிலையில் வாதங்களைவைத்து இரட்டை இலை சின்னத்தை யாருக்கு ஒதுக்குவது என்பது குறித்து தலைமை தேர்தல் ஆணையர் நஜிம் ஜைதி  ஆலோசனை செய்தார்.
இதையடுத்து நஜிம் ஜைதி (மார்ச், 22)  இரவு 11 மணியளவில் தனது அதிகாரப்பூர்வ அறிவிப்பை வெளியிட்டார். 
" இரட்டை இலை யாருக்கும் இல்லை எனவும்,அச்சின்னத்தை தற்காலிகமாக முடக்கி வைப்பதாகவும் அஇஅதிமுக கட்சியின் சின்னத்தையோ, கட்சியின் பெயரையோ எங்கும்,எந்தவழியிலும்  பயன்படுத்தக்கூடாது. இரட்டை இலை சின்னம் முடக்கம் என்பது இடைக்கால ஆணைதான். கடசிக்கு உரிமைகோரும் இருத்தரப்பினரும்,பொதுவாக  நடந்து கொள்ளவே இப்படியான ஆணை  பிறப்பிக்கப்பட்டுள்ளது. "என அந்த அறிவிப்பில் அவர் தெரிவித்தார். 
இதனால் இரட்டை இலையில் ஒரு இலைகூட ஒருவருக்கும்   இல்லை என்றாகிவிட்டது.

           இரட்டை இலை முடங்கினால் என்ன?இந்த "இரட்டை நாரை"சின்னமாக கேட்கலாமே? 

26 ஆண்டுகளுக்கு பின் இரட்டை இலை சின்னம் மீண்டும் முடக்கப்பட்டுள்ளது. 
எம்.ஜி.ஆர். மறைவுக்குப்பின்  அதிமுக ஜானகி அணி,ஜெயலலிதா அணி என்று மோதிக்கொண்டதால் 1989-ல் இரட்டை இலை சின்னம் முடக்கப்பட்டது. 
1989 தேர்தலில் ஜெயலலிதா அணி சேவல் சின்னத்திலும், ஜானகி அணி இரட்டைப்புறா சின்னத்திலும் போட்டியிட்டனர். பட்டு தோல்வியை சந்தித்தனர்.
அப்போதுதான் இரட்டை இலை இல்லாவிட்டால் தாங்கள் வெல்வது அரிது என்று இரு அணிகளும் இணைந்து மீண்டும் இரட்டை இலை சின்னத்தை பெற்றுக்கொண்டனர்.
26 ஆண்டுகளுக்குப்பின்னரே வரலாறு திரும்பியுள்ளது.
ஆனால் இரட்டை இலை இனி மீண்டும் கிடைப்பது ஐயமே.
கிடைத்தாலும் இலை துளிர்த்து பசுமையாக இருப்பது மிகவும் ஐயமே.தற்போதைய இடைத்தேர்தலில் ஓ.பன்னீர்செல்வம் அணிக்கு இரட்டை மின்கம்பம் சின்னமும்,சசிகலா அணிக்கு தொப்பி சின்னமும் தலைமை தேர்தல் ஆணையத்தால் ஒதுக்கப்பட்டுள்ளது. 
முதலில் சசிகலா  அணிக்கு ஒதுக்கப்பட்ட ஆட்டோ ரிக்‌ஷா சின்னத்தை வேண்டாம் என்று ம் , தொப்பி சின்னம் தான் வேண்டும் என கோரியதால் . தேர்தல் ஆணையம் அவர்களுக்கு தொப்பி சின்னத்தை ஒதுக்கியது.

எல்லோருக்கும் இதுவரை போட்ட குல்லாவையே தேர்தலிலும் சசி தரப்பு கேட்டுள்ளது.
ஆர்.கே.நகர் இடைத்தேர்தலில் டி.டி.வி.தினகரன் தொப்பி சின்னத்திலும், மதுசூதனன் இரட்டை மின்கம்பம் சின்னத்திலும் போட்டியி்ட உள்ளனர்.
ஓ.பன்னீர்செல்வம் அணிக்கு அதிமுக புரட்சித் தலைவி அம்மா என்ற கட்சிப் பெயரையும் சசிகலா அணிக்கு அதிமுக அம்மா என்ற கட்சி பெயரையும் தலைமை தேர்தல் ஆணையம் ஒதுக்கியுள்ளது.

செவ்வாய், 21 மார்ச், 2017

தண்ணீர் தினம்..

 இன்று உலக தண்ணீர் தினம் .

தண்ணீரின் அருமை இன்று மக்கள் அனைவரும் உணர்ப்பித்து கொண்டுள்ளனர்.
அதை அவர்கள் கலிக்குடங்களுடன் ஆளாய் பார்ப்பதிலும்.குடமொன்றுக்கு 10 ரூபாய் வரை கொடுத்து வாங்குவதிலும் தெரிகிறது.
'நீரின்றி அமையாது உலகு' என்பதற்கு ஏற்ப, நீரின்றி நாம் வாழ இயலாது என்பது அறிந்ததே. பூமியில் 30 சதவீதம் மட்டுமே நிலப்பகுதி. மீதமுள்ள 70 சதவீதம் நீர்ப்பரப்புதான்.70 சதவீத பரப்பளவு நீர்இருந்தாலும் அதில் 97.5 சதவீதம் கடலில் இருக்கும் உப்பு நீர்தான். மீதியுள்ள 2.5 சதவீத அளவிற்கே நிலத்தடி நீர் உள்ளது. இந்த நீரைத்தான் உலக மக்கள் அனைவரும் பகிர்ந்து கொள்ள வேண்டும். 
இன்று 30 விழுக்காட்டில் வசிக்கும் மக்களுக்கு தேவையான நீரை அளிக்கும் வசதியை பூமி இழந்து வருகிறது.அதற்கு மனித இனம்தான் காரணம் என்பது மறுக்க முடியாத உண்மை. 

1992ல் பிரேசில்நாட்டின் 'ரியோ டி ஜெனிரோ'நகரில் சுற்றுச்சூழல் மற்றும் வளர்ச்சி குறித்த ஐக்கியநாடுகள் பேரவைக் கூட்டத் தொடர் நடந்தது. அதில், வைக்கப்பட்ட 21ம் நுாற்றாண்டின் செயல் திட்டப்படி 1993 முதல் ஒவ்வொரு ஆண்டு மார்ச் 22ம் நாள் 'உலக நீர் நாள்' எனக் கடைப்பிடிப்பது எனத் தீர்மானிக்கப்பட்டது.

இந்தநாளின் முக்கிய நோக்கம் என்னவென்றால், நீர்வளத்தின் ஒட்டு மொத்த திட்டத்தையும் நிர்வாகத்தையும் மேம்படுத்தி, நீர்வளப் பாதுகாப்பை வலுப்படுத்தி, நாள்தோறும் கடுமையாகி வரும் நீர் பற்றாக்குறை பிரச்னையை தீர்ப்பதாகும்.மேலும் நீர்வளத்தைக் காப்பதும், அதனை பெருக்குவது குறித்த விழிப்புணர்வை மக்கள் மத்தியில் ஏற்படுத்துவதும், இந்நாளின் ஒரு முக்கிய நோக்கம்.
1993ல் முதல் மார்ச் 22 உலக தண்ணீர் தினமாக அறிவிக்கப்பட்டு இன்றுவரை கொண்டாடித்தான் வருகிறோம். ஆனால் ஒவ்வொரு ஆண்டும் உலகின் பலகோடி மக்கள் தண்ணீரின்றி திண்டாடி வரும் நிலையும் இன்றுவரை அகலவில்லை.மக்கள் தொகை அதிகரிக்கிறது. அவர்களுக்குத் தேவையான குடிநீர் தேவையும் அதிகரிக்கிறது. தேவையை பூர்த்தி செய்ய முடியாத நிலையில் கிடைக்கும் நீரைக் குடிக்கும் நிலைக்கு பல பகுதிகளில் உள்ள மக்கள் தள்ளப்பட்டுள்ளனர். அதன் விளைவு கடுமையான நோய்கள்.

முந்தைய காலத்தில் கோடைக்காலம் துவங்கி விட்டால், வீட்டுக்கு வெளியே பானையோ அல்லது ஒரு பாத்திரமோ வைத்து அதில் நீர் நிரப்பி வைப்பர். வழியில் செல்வோர் அந்நீரைக் குடித்து தாகம் தீர்த்துக் கொள்ளட்டும் என்ற நல்ல நோக்கத்தோடு அவ்வாறு செய்யப்பட்டது.அதுபோன்றதொரு காட்சியை தற்போது நாம் எங்காவது பார்க்க இயலுமா? 

இப்போதும் காண முடிகிறது; வாசலில் குடங்கள் இருக்கின்றன. ஆனால், அவை நீர் நிரம்பியதாக அல்ல. நீரை நிரப்ப எப்போதாவது வரும் குழாய்நீருக்கும், குடிநீர் லாரிக்காகவும் காத்திருக்கும் குடங்கள்தான் அவை.

எனவே நிலத்தடி நீரைப்பாதுகாக்க வேண்டியதும், நீர்ஆதாரங்களை காக்க வேண்டியதும், நீர் மாசுபடாமல் இருக்க வேண்டிய நடவடிக்கை எடுக்க வேண்டியதும் மனித சமுதாயத்தின் கடமையாகிறது.

இந்த பிரபஞ்சமானது நீர், நிலம், நெருப்பு, காற்று, ஆகாயம் எனும் ஐம்பூதங்களால் ஆனது. இந்த ஐம்பூதங்களும் இல்லையென்றால் இந்த உலகத்தில் எந்த உயிரினமும் வாழ முடியாது. ஆனால் தொழில் நுட்பயுகத்தில் வாழும் மனிதர்கள் இந்த ஐம்பூதங்களையும் மாசு
படுத்துகின்றனர். வளர்ச்சி என்ற பெயரில் இந்த உலகத்தில் உள்ள அத்தனை நாடுகளும் இயற்கையை அழித்து வருகின்றன.

எனவே ஒவ்வொரு ஆண்டும் நீர்வளப் பாதுகாப்பு குறித்த செயல் திட்டங்களை ஒருங்கிணைத்து அதனை உலக நீர்நாளில் முன்னெடுப்பதும் ஐக்கிய நாடுகள் நிறுவனத்தின் திட்டமாகும். இத்
திட்டத்தின் படி 2006க்கான உலக நீர் நாள், யுனெஸ்கோவினால் 'நீரும் கலாசாரமும்' என்ற கருப்பொருளில் கடைபிடிக்கப்பட்டது. 2007ல் 'நீர் பற்றாக்குறையை எதிர்கொள்ளல்' என்ற கருப்
பொருளில் முன்னெடுக்கப்பட்டது.
அதேபோல் ஒவ்வொரு ஆண்டும் வெவ்வேறு கருப்பொருளைக கொண்டு இந்த நாள் கொண்டாடப்பட்டது. 2008ல் 'சுகாதாரத்திற்கான ஆண்டாகவும்', 2009ல் தண்ணீர் மற்றும் வாய்ப்புக்கள் பகிர்ந்துகொள்ளல்' ஆண்டாக வும், 2010ல் 'தரமான நீர்' என்ற கருப்பொருளை கொண்ட ஆண்டாகவும் கொண்டாடப்பட்டது. 

அதன்பின், 2011ல் நகரங்களுக்கு 'தண்ணீர் - நகர்ப்புறமாற்றங்களுக்கு பதிலளித்தல்', 2012ல் 'தண்ணீர் மற்றும் உணவு பாதுகாப்பு', 2013ல் 'நீர்நிறுவனம்', 2014ல் 'நீரும் ஆற்றலும்', 2015ல் 'நீரும் 
நிலையான மேம்பாடும்', 2016ல் 'சிறந்த நீர் சிறந்த தொழில்கள்' என்பன உள்ளிட்ட கருப்
பொருட்களில் ஆண்டுகள் கொண்டாடப்பட்டன. இந்த 2017ல் 'ஏன் நீரினை வீணாக்க வேண்டும்?' என்ற கருப்பொருள் கொண்டு விழிப்புணர்வு ஏற்படுத்தப்பட உள்ளது.
தற்போது உள்ள சூழ்நிலையில் தண்ணீரை சேகரிக்க, கீழ்க்கண்ட வழிமுறைகளை பின்பற்ற 
வேண்டிய கட்டாயத்தில் உள்ளோம்.

* பல் துலக்கும்போது குழாயை அடைத்துவிட்டு பல் துலக்க வேண்டும். இதன் மூலம் ஒரு 
நிமிடத்திற்கு 6 லிட்டர் தண்ணீரை சேமிக்க முடியும்.
* தண்ணீர் குழாயை பயன்படுத்தி முடித்தபிறகு மறக்காமல் குழாயை அடைத்து விட 
வேண்டும்.
* வீணாக திறந்திருக்கும் குழாய்களை பார்த்தால் அதனை நாம் கண்டிப்பாக அடைக்க 
வேண்டும்.
* 'ஷவர்'ல் குளிக்கும்போது அதிக நேரம் நின்றுகொண்டு தண்ணீரை வீணடிக்க கூடாது. 'ஷவர்'ல் குளிக்கும் போது ஒரு நிமிடத்திற்கு 6 முதல் 45 லிட்டர் தண்ணீர் செலவாகிறது.
* வெயில் காலங்களில் 'ஷவர்'ல் குளிப்பதற்கு பதிலாக ஒரு வாளியில் தண்ணீரை பிடித்து வைத்துக் கொண்டு குளித்தால் நீரினை சேமிக்க முடியும்.
* வாஷிங்மெஷினில் துணிகளை துவைக்கும்போது முழு கொள்ளளவு துணிகளை பயன்படுத்த வேண்டும். குறைவான அளவுதுணிகளை மட்டுமே துவைக்கும் போது, அதிகமாக தண்ணீர் செலவாகும்.
* வீட்டில் மினரல் வாட்டர் பிளான்ட் போன்ற தண்ணீர் வடிகட்டும் கருவியை பயன்
படுத்தும்போது, வீணாக செல்லும் தண்ணீரை ஒரு வாளியில் பிடித்து அதனை துணி துவைக்கவோ அல்லது பாத்திரம் கழுவவோ பயன்படுத்தலாம்.
* தண்ணீர் தொட்டிக்கு மோட்டார் மூலம் தண்ணீர் ஏற்றும் போது, தொட்டி நிரம்பி தண்ணீர் வீணாகாமல் பார்த்துக் கொள்ள வேண்டும்.
* லாரியில் தண்ணீரைபிடிக்கும்போது போட்டிபோட்டிக் கொண்டு நீரை வீணடிக்காமல் பொறுமையாக தண்ணீர் பிடிக்கலாம்.
* புதிதாக வீடு கட்டுபவர்கள் மழைநீர் சேகரிப்பு தொட்டியை யும் சேர்த்து கட்டினால் 
நம்முடைய வருங்கால சந்ததியினர் அதிகம் பயன்பெறுவர்.இப்போது உலகில் சுமார் 80 நாடுகளில் 40 சதவீத மக்கள் சரிவர தண்ணீர் கிடைக்காமல் அவதிப்படுகின்றனர். 110 கோடி மக்கள் நீர்ப்பற்றாக்குறை உள்ள பகுதிகளில் வாழ்கின்றனர். 

இப்படியே போனால் இன்னும் சில நுாற்றாண்டுகளில் உலகமே பாலைவனமாக மாறிவிடும். 
மக்கள் குடிநீருக்காக ஒருவரோடு ஒருவர் சண்டை போட்டுக்கொள்ளும் நிலைதான் ஏற்படும். 
=======================================================================================
நினைவட்டை செயலிழப்பா?
மெமரி கார்டில் உங்கள் பதிவுகளை மீட்டெடுக்க....
நாம் அனைவருமே இண்டர்னெல் மெமரி எனப்படும் நமது கருவிகளின் உள்ளடக்க சேமிப்புத் திறனை மட்டுமே கையாளுவதில்லை. 
தரவுகளின் எண்ணிக்கைகளுக்கும் அளவுகளுக்கும் ஏற்ற வண்ணம் நாம் நமது கருவிகளுக்கான நினைவு  நீட்டிப்பு வசதி முறையான எஸ்டி நினைவட்டைகளையும் (மெமரி கார்டு) பயன்படுத்திவருகிறோம். 
அப்படியான எஸ்டி கார்டை நாம் கவனமாக தேர்வு செய்ய வேண்டும். விலை குறைவான மற்றும் அங்கீகாரமில்லாத அட்டைகளை வாங்கினால் அவைகள் மிக விரைவில் பழுதாகி  நமக்கும் நம் முக்கியமான தரவுகளுக்கும் சிக்கலை விளைவிக்கலாம். 
அதுபோன்றதொரு மெமரி கார்ட் பழுது  சிக்கலில் நீங்கள் உள்ளீர்கள் என்றால் நீங்கள் என்னென்ன வழிமுறைகள் கொண்டு உங்கள் தரவுகளை மீட்கலாம் என்பதை கண்டு கொள்ளுங்கள்.
முதலில் உங்கள் கார்டில் எவ்வளவு சேமிக்கலாம்  என்பதை பாருங்கள். 
அதாவது அதன்சேமிப்பு இடம் எவ்வளவு  உள்ளது என்பதை அறிய வேண்டும். உங்கள் எஸ்டி கார்டு சாதாரண வகை அல்லது உயர் கெபாசிட்டி அடங்கியதா என்று பார்க்க வேண்டும். மெமரி அல்லோகேஷன் என்பது ஒவ்வொரு கார்டுக்கும் மாறுபட்டிருக்கும்.
உங்கள் தரவுகள் எஸ்டிஎச்சி கார்டில் இருந்தால் உங்களுக்கு ரீட் செய்வதற்கு எஸ்டிஎச்சி டிவைஸ் தேவை. சில டிவைஸ்களில் மென்பொருள் டவுன்லோட்ஸ் இருக்கும். இவற்றை பயன்படுத்தி டிவைஸை அப்கிரேட் செய்து கார்டுகளை ரீட் செய்யலாம். ஆகையால் கார்டின் உற்பத்தியாளர்கள் அளிக்கும் வெப்சைட்டுக்கு சென்று அதைப் பற்றி படியுங்கள்.
டிரைவ் லெட்டர் கணினியில் பொருத்தப்படவில்லை என்றால் கணினி ரீட் செய்யாது. சிலவற்றில் ஒரு டிரைவ் லெட்டரை ரீடர் நியமித்திருக்கும். நீங்கள் அதன் மீது கிளிக் செய்தால் உங்களுக்கு இன்சர்ட் டிஸ்க் டூ ட்ரைவ் இ (insert disk into drive E) தகவல் கிடைக்கும். அப்படியென்றால் இதனால் கார்டை ரீட் பண்ண முடியவில்லை என்று அர்த்தம்.
உங்கள் ரீடர் சில கோப்புகளை மட்டும் படித்து மற்றவற்றை விட்டுவிட்டால் ஒரு சில கோப்புகள் மட்டும்தான் பாழாகி உள்ளது என்று அர்த்தம். அதற்கு ஃபைல் ரிக்கவரி புரோகிராம்களை இணையத்தில் தேடி பிரச்சனையை முடியுங்கள்.
சில நேரத்தில் கார்டை ஸ்கேன் செய்வதால் பிரச்சனையை தீர்க்க முடியும். இது கரப்ட் ஆன கோப்பை சரி செய்ய வேண்டும் என்று இல்லை. மை கம்ப்யூட்டர் அல்லது விண்டோஸ் எக்ஸ்ப்ளோரர் ( My computer or windows explorer) கார்டை தேடி எடுத்து அதன் மீது ரைட் க்ளிக் செய்யவும். பாப் அப் மெனுவிலிருந்து ப்ராப்பர்டீஸ் மீது கிளிக் செய்யவும். இப்பொழுது டூல்ஸ் டேபை தேர்வு செய்து எரர் செக்கிங் பட்டன் (Error checking button) மீது கிளிக் செய்யவும். செக் பாக்ஸை கிளிக் செய்து கோப்பின் தவறுகளை சரி செய்யவும்.
கோப்பின் பெயர்களை டைரக்ட்ரி பட்டியலிடும். அதன் பின்பும் சரி செய்ய முடியவில்லையென்றால் டிரைவ் லெட்டர் மீது ரைட் கிளிக் செய்து ப்ராப்பர்டீஸை தேர்வு செய்யவும். எல்லா காலி இடத்தையும் இது காண்பித்தால் ஒன்று ஃபைல் டெலீட் ஆகியிருக்கலாம் அல்லது டைரக்ட்ரீ நீங்கி இருக்கலாம். இந்த சமயத்தில் ஃபைல் ரிக்கவரி அல்லது அன்டெலீட் ப்ரோகிராம் ஃபன்க்ஷன் உங்களுக்கு உதவும்.
உங்கள் கார்ட் ஓகே என்று ரீட் செய்தும் ஃபைலை சேமிக்க முடியவில்லை என்றால் உங்கள் கார்ட் ரைட் ப்ரொடக்டட் (write protected) ஆக இருக்கலாம். இதற்கு கார்டின் ஓரத்தில் உள்ள லாக் செல்லவும். இந்த சுவிட்ச் நழுவி இருந்தால் இதை லாக்டு ஆர் ரைட் ப்ரொடக்டட் (locked or write protected) என்று உறுதிப் படுத்தி கொள்ளுங்கள். சுவிட்ச் (Switch)மூடப்படாத நிலையில் இருக்கும் பொழுது இதை சேவ் செய்யவும்.
=====================================================================================
ன்று,
மார்ச்-22.

  • உ லக தண்ணீர் தினம்
  • லூமியேர சகோதரர்கள் அசையும் திரைப்படத்தை முதன் முதலாக காண்பித்தனர்(1895)
  • ஆர்தர் ஷாவ்லொவ் மற்றும் சார்லஸ் டவுன்ஸ் ஆகியோர் லேசருக்கான முதலாவது காப்புரிமத்தை பெற்றனர்(1960)
  • அரபு கூட்டமைப்பு கெய்ரோவில் அமைக்கப்பட்டது(1945)
  • இன்டெல் நிறுவனம் முதல் பென்டியம் சிப்-ஐ அறிமுகம் செய்தது(1993)
  • =====================================================================================


23  ’போலி’பல்கலைக் கழகங்கள்

நா டு முழுவதும், 23 பல்கலைகள் மற்றும் 279 தொழில்நுட்பக் கல்லுாரிகள், அனுமதி பெறாமல் இயங்கி வருவதாக எச்சரிக்கப்பட்டு உள்ளது.
ஒவ்வொரு கல்வி ஆண்டு துவக்கத்துக்கும் முன், நாட்டில் உள்ள போலி பல்கலைகள் மற்றும் தொழில்நுட்பக் கல்லுாரிகள் குறித்த விபரங்களை, யு.ஜி.சி., எனப்படும், பல்கலை மானியக் குழுவும், ஏ.ஐ.சி.டி.இ., எனப்படும், அனைத்திந்திய தொழில்நுட்ப கல்வி கவுன்சிலும் வெளியிடுகின்றன. 


அதன்படி, நடப்பு கல்வியாண்டுக்கான பட்டியலை இவை வெளியிட்டுள்ளன. நாடு முழுவதும், 23பல்கலைகளும், 279 தொழில்நுட்பக் கல்லுாரிகளும் அனுமதி பெறாமல் இயங்கி வருகின்றன. இவற்றில் படித்தால், அங்கீகாரம் பெற்ற கல்விச் சான்றிதழ் கிடைக்காது என, எச்சரிக்கப்பட்டு உள்ளது.

இந்த பட்டியலில், 66 போலி கல்லுாரிகள் மற்றும் 23 போலி பல்கலைகளுடன், டில்லி முதலிடத்தில் உள்ளது. அதற்கடுத்த இடத்தில், தெலுங்கானா, உத்தர பிரதேசம், மேற்கு வங்கம், மஹாராஷ்டிர மாநிலங்கள்உள்ளன.


’இந்த போலி கல்லுாரி, பல்கலைகள் குறித்து, அந்தந்த மாநிலங்களுக்கு தகவல்  கொடுக்கப்பட்டு உள்ளது. மேலும், உரிய அனுமதியை பெறும்படி, இந்த கல்வி அமைப்புகளுக்கும் கடிதம் அனுப்பப்பட்டு உள்ளது’ என, யு.ஜி.சி., தெரிவித்துள்ளது.

போலி கல்வி நிறுவனங்கள் குறித்த தகவலை, www.ugc.ac.in  மற்றும் www.aicte-india.org  இணையதளங்களில் தெரிந்து கொள்ளலாம் என்றும், யு.ஜி.சி., தெரிவித்துள்ளது.



திங்கள், 20 மார்ச், 2017

பணக்கட்டுகள் கன்ட்டெயினர்....!

சென்னைத் துறைமுகத்துக்கு கோடிக்கணக்கான ரூபாய் பணக்கட்டுகள் கன்ட்டெயினர் லாரிகள் மூலம் கடத்தப்பட்டுள்ளது என்று கிடைத்த தகவலையடுத்து,வருவாய்ப் புலனாய்வு இயக்குநரக அதிகாரிகள் தீவிர சோதனையில் ஈடுபட்டதால் சென்னைத் துறைமுகத்தில் பரபரப்பு நிலவியது. 
இதனிடையே, சென்னை ஆர்.கே.நகர் இடைத்தேர்தலையொட்டி வாக்காளர்களுக்குப் பணம் பட்டுவாடா செய்ய, கன்ட்டெயினர் லாரியில் கோடிக்கணக்கான ரூபாய் பணம் கடத்தப்பட்டது என்றும், அது சென்னைத் துறைமுகத்துக்குக் கொண்டுவரப்பட்டது என்றும் தகவல் கசிந்துள்ளது.
 வரும் ஏப்ரல் 12-ம் தேதி சென்னை ஆர்.கே.நகர் சட்டமன்றத் தொகுதிக்கு இடைத் தேர்தல் நடைபெறவுள்ளது. இதனையடுத்து தேர்தல் வேலைகள் சுறுசுறுப்பு அடைந்துள்ளன. வேட்பாளர்களைக் களம் இறக்கியுள்ள அரசியல் கட்சிகள் அனைத்தும் வாக்குச் சேகரிப்பு, பிரசார திட்டங்கள் என்று களத்தில் தீவிரம் காட்டி வருகின்றன. 
அ.தி.மு.கவில்  இரட்டை இலை எந்த அணிக்குச் செல்லும் என்ற பரபரப்பு விவாதம் நடந்து வரும் நிலையில் தி.மு.க. மிக லாகவமாக வாக்குச் சேகரிப்பில் வேகம் கூட்டியுள்ளது. பா.ஜனதா, தே.மு.தி.க., மார்க்சிஸ்ட் கம்யூனிஸ்ட் கட்சிகளும் வாக்காளர்களை வளைக்க உத்திகளை வகுத்து வருகின்றன. 
இந்த நிலையில், சென்னைத் துறைமுகம் பகுதியில் கன்ட்டெயினர் லாரிகள் மூலம் பணம் இறங்கியுள்ளது என்ற தகவல் அரசியல் கட்சிகள் மத்தியில் அதிர்வலைகளை ஏற்படுத்தியுள்ளது.
இது தொடர்பாக இன்டர்ஸ்டேட் கன்ட்டெயினர் ஓனர்ஸ் அஸோஸியேஷன் பிரதிநிதி ஒருவர் நம்மைத் தொடர்புகொண்டு பேசினார். அவர் கூறுகையில்,"நேற்று இரவு எட்டு மணிமுதல் சென்னைத் துறைமுகம் உள்ளே கன்ட்டெயினர் லாரிகள் செல்ல முடியவில்லை. அதேபோல உள்ளே இருந்தும் எந்த லாரியும் வெளியே வரவில்லை. துறைமுகத்தில் என்ன நடக்கிறது என்று கண்டுபிடிக்க முடியவில்லை. எந்த அதிகாரியையும் தொடர்பு கொள்ள முடியவில்லை. 
இதனால் நடுவழியிலேயே இரவு முழுக்க 3 ஆயிரத்துக்கும் மேற்பட்ட கன்ட்டெயினர் லாரிகள் அப்படியே நிற்கின்றன. ஓட்டுநர்கள் மிகுந்த அவதிப்படுகிறார்கள். சென்னையின் புறநகர்ப் பகுதிகளான ரெட்ஹில்ஸ், மதுரவாயல் பகுதிகளிலும், பொன்னேரி பகுதிகளிலும் லாரிகள், துறைமுகம் செல்ல இயலாமல் 20 கிலோமீட்டர் தூரம் வரை அப்படியே நிற்கின்றன. 
வழக்கமாக ரெய்டுகள் நடந்தால் ஒரு சில மணி நேரத்தில் எங்களுக்கு முழுத் தகவல் கிடைத்துவிடும். லாரிகளும் உள்ளே செல்லவும், வெளியே வரவும் இயலும். ஆனால் இன்று 24 மணி நேரம் ஆகியும் தகவல் ஒன்றும் தெரியவில்லை. 
அநேகமாக, செம்மரக்கடத்தல், போதைப் பொருட்கள் கடத்தல், சந்தன மரக்கடத்தல், ஹவாலா பணம் கடத்தல்  என்று பெரிய அளவில் சட்டவிரோத நடவடிக்கைகள் துறைமுகத்தில் நடந்துள்ளதாகக் கூறப்பட்டால்தான் இதுபோன்ற காத்திருப்புகள் நிகழும். அதனால் துறைமுகத்தில் ஏதோ பெரிய அளவுக்கு நடந்துள்ளது என்று நினைக்கிறோம். அதனால்தான் டி.ஆர்.ஐ. சோதனை நடந்துள்ளது" என்றார். 

         கள்ளநோட்டு
சென்னை காசிமேடு பகுதியில் துறைமுகம் செல்லக் காத்திருக்கும் கன்ட்டெயினர் லாரி ஓட்டுநர் முத்துசாமியிடம் விசாரித்தோம். அவர் கூறுகையில், "சார், நேற்று இரவிலிருந்து இங்கேயேதான் நிற்கிறோம். உள்ளே எந்த லாரியும் போகலை. 
உத்திரமேரூரில் இருந்து வந்துள்ளோம். 
துறைமுகத்தில் துணிகள் பார்சல்களை ஏற்றிச் செல்ல வந்துள்ளோம். என்ன ஆச்சு என்று எங்க ஓனருக்குப் பதில் சொல்ல முடியல. அநேகமாக, இங்க தேர்தல் நடக்குது என்பதால் வெளிநாடு அல்லது பக்கத்துத் துறைமுகங்களில் இருந்து கணக்கில் வராத பணம் எதாவது கொண்டு வந்திருப்பாங்க அதனால்கூட இப்படி நீண்ட நேரம் சோதனை நடக்கலாம்" என்றார்.
சென்னை காவல் ஆணையர்  ஜார்ஜ், இதுவரையில் கன்டெய்னரில் பணம் வந்ததாகச் சொல்லப்படும் குற்றச்சாட்டு குறித்து எந்த விளக்கமும் அளிக்கவில்லை. ஆனாலும் விம்கோநகர்-துறைமுகத்தில் இந்த நிமிடம் வரையில் ஒவ்வொருகன்டெய்னராக போய்க் கொண்டுதான் இருக்கிறது.ஆர்.கே.நகர் இடைத்தேர்தலில் வழக்கத்தைவிட அதிக பரபரப்பைப் பற்றவைத்திருக்கிறது, கன்டெய்னர் பணம்.
 நாட்டின் முதல் குடிமகனில் இருந்து கடைசிக் குடிமகன் வரையில், ஒரே அளவுகோலில்தான் நீதி பரிபாலனம் செய்யும்  நீதிமன்றம் இயங்குகிறது. அதேவேளையில், நீதிமன்ற அவமதிப்பு என்கிற விஷயமும் மிகச் சாதாரணமாக நடந்துகொண்டுதான் இருக்கிறது. கோர்ட் அவமதிப்பை அதிக அளவில் செய்வது, உயரிய பொறுப்பில் இருப்பவர்களே என்பதுதான் வேதனையான தகவலும்கூட.சென்னை போலீஸ் கமிஷனராக மூன்றாவது முறை பொறுப்பில் இருக்கும் ஜார்ஜ், இரண்டாவது முறையாக நீதிமன்ற அவமதிப்பு குற்றத்தைச் செய்தது, அனைத்துத் தரப்பிலும் அதிர்ச்சியை ஏற்படுத்தியுள்ளது.சென்னை மாநகர போலீஸ் கமிஷனர் பதவியானது, மிகவும் உயரிய பதவி. சமூக விரோதிகளை ஓராண்டு குண்டர் தடுப்புச் சட்டத்தில் ஜாமீனில் விடாமல் சிறையில் அடைக்கும் அதிகாரம் கொண்ட பதவி இது. பெருநகரங்களில் போலீஸ் கமிஷனராக இருப்பவர்கள் மாஜிஸ்திரேட் அந்தஸ்து கொண்டவர்கள்.
மற்ற  மாவட்டங்களில் காவத் கண்காணிப்பாளர்களாகப் பதவியில் இருப்பவர்கள், மாவட்ட ஆட்சியரின் அனுமதியைப் பெற்றே, ஒருவரை ஓராண்டு வரை சிறையில் அடைக்க முடியும்.
                        சென்னை உயர்நீதி மன்றம்  
சென்னை போன்ற பெருநகரங்களில் சாராயம், கடத்தல், ரவுடித்தனம் உள்ளிட்ட கொடுங்குற்றச் செயல்களில் ஈடுபடுகிறவர்களை போலீஸ் கமிஷனரே ஓராண்டுக்கு சிறையில் அடைத்துவிட முடியும். அத்தனை அதிகார சக்தி படைத்த போலீஸ் கமிஷனரே, கோர்ட்டுக்கு மரியாதை கொடுக்காமல் கண்ணாமூச்சு ஆடிய விவகாரம்தான் இப்போது கோர்ட்டின் கண்டனத்தில் வந்து நிற்கிறது. 
சென்னை மாநகராட்சியின் முன்னாள் கவுன்சிலர் அண்ணாமலைக்குச் சொந்தமான பல வீடுகளுக்கு, சொத்து வரியாக சொற்பத் தொகை நிர்ணயம் செய்யப்பட்டுள்ளது என்று சென்னை உயர் நீதிமன்றத்தில், ஈஞ்சம்பாக்கத்தைச் சேர்ந்த பொன் தங்கவேலு என்பவர் வழக்குத் தொடர்ந்தார். வழக்கை விசாரித்த நீதிபதி என்.கிருபாகரன், ‘'இந்த வழக்கு, பொதுநல வழக்கின் தன்மையில் உள்ளது'' என்று கூறி தலைமை நீதிபதி தலைமையிலான முதல் அமர்வின் விசாரணைக்குப் பரிந்துரை செய்தார். 
மேலும், ''மனுதாரர் பொன் தங்கவேலுவுக்கு அச்சுறுத்தல் உள்ளதால், அவருக்கு தகுந்த போலீஸ் பாதுகாப்பு வழங்க வேண்டும்'’ என்று சென்னை போலீஸ் கமிஷனர் ஜார்ஜுக்குக் கடந்த ஆண்டு டிசம்பர் 2-ம் தேதி உத்தரவிட்டார். 
நீதிபதி உத்தரவுப்படி பொன் தங்கவேலுவுக்கு போலீஸ் பாதுகாப்பு வழங்கப்படாததால், அவர், உயர் நீதிமன்றத்தில் கோர்ட்டு அவமதிப்பு வழக்கைத் தாக்கல்செய்தார். இந்த வழக்கை விசாரித்த நீதிபதி கிருபாகரன், போலீஸ் கமிஷனர் ஜார்ஜுக்குக் கடும் கண்டனம் தெரிவித்ததோடு, அவர் நேரில் ஆஜராகி விளக்கம் அளிக்க வேண்டும்'' என்றும் உத்தரவிட்டார். 
கமிஷனர் தரப்பிலிருந்து அவர், எப்போது  கோர்ட்டில் ஆஜராவார் என்பது குறித்து எந்தத் தகவலும் சொல்லப்படவில்லை. இதற்குக் கண்டனம் தெரிவித்த நீதிபதி கிருபாகரன், ''உயர் நீதிமன்றம் என்ன பாவபூமியா... இந்த வழக்கில் ஆஜராவதில் போலீஸ் கமிஷனருக்கு என்ன கெளரவப் பிரச்னை உள்ளது... அவர், எப்போது ஆஜராவார் என்பதை மட்டும் கேட்டுத் தெரிவிக்க வேண்டும்'’ என்று அட்வகேட் ஜெனரலுக்கு உத்தரவிட்டார். 
மறுபடியும் இந்த வழக்கு விசாரணைக்கு வந்தபோது, அரசு கூடுதல் அட்வகேட் ஜெனரல் வெங்கட்ரமணி ஆஜராகி, ‘'போலீஸ் கமிஷனர் ஜார்ஜ், வருகிற 22-ம் தேதி பிற்பகல் 2.15 மணிக்கு கோர்ட்டில் ஆஜராவார்’' என்று கூறினார். இதைப் பதிவு செய்துகொண்ட நீதிபதி கிருபாகரன், வழக்கு விசாரணையை மார்ச் 22-ம் தேதிக்குத் தள்ளிவைத்து உத்தரவிட்டார். 
 மத்திய குற்றப்பிரிவு போலீசார் பதிவுசெய்த வழக்குகளில்,   குற்றப் பத்திரிகை தாக்கல் செய்யப்பட்ட வழக்குகள் எத்தனை? எத்தனை வழக்குகள் எப்ஐஆர். பதிவுசெய்யப்பட்ட நிலையிலேயே உள்ளது? என்று விபரத்தை  அறிக்கையாக  ஹைகோர்ட் தலைமைப் பதிவாளரிடம் போலீஸ் கமி‌ஷனர் ஜார்ஜ் தாக்கல் செய்ய வேண்டும் என்ற நீதிபதி வைத்தியநாதன்,  மற்றொரு கோர்ட் அவமதிப்பு வழக்கில், உத்தரவிட்டிருந்தார். 
அந்த உத்தரவின்படி போலீஸ் கமி‌ஷனர் ஜார்ஜ், மார்ச்-20-ம் தேதி (இன்று)  காலையில் நேரில் ஆஜராக வேண்டும். அதுகுறித்த வழக்கு இன்று நீதிபதி எஸ்.வைத்தியநாதன் முன்பு விசாரணைக்கு வந்தபோது, போலீஸ் கமி‌ஷனர் ஜார்ஜ் ஆஜராகவில்லை.  கமிஷனர் ஜார்ஜ் சார்பில் ஆஜரான அரசு வழக்கறிஞர் கோவிந்தராஜ், ஹைகோர்ட்டின் உத்தரவுப்படி, மத்திய குற்றப்பிரிவு வழக்குகளின் விவரங்கள்கொண்ட அறிக்கை,  ஹைகோர்ட்டில் ஏற்கெனவே தாக்கல் செய்யப்பட்டுவிட்டது என்றார்.
அப்போது நீதிபதி வைத்தியநாதன், ‘போலீஸ் கமி‌ஷனரை நேரில் ஆஜராக வேண்டும் என்று உத்தரவிட்டும் அவர் ஏன் இன்று ஆஜராகவில்லை? அறிக்கை எப்போது தாக்கல் செய்யப்பட்டது? சென்ற முறை வழக்கு விசாரணைக்கு வந்தபோது,  இந்த கோர்ட் கேட்ட அறிக்கை தாக்கல் செய்யப்படவில்லை. அதனால், அவரை நேரில் ஆஜராகும்படி உத்தரவிடப்பட்டது. 
ஆனால், ஹைகோர்ட் பதிவுத்துறை வெளியிட்டுள்ள வழக்கு விசாரணை விவரப் பட்டியலில், அறிக்கை தாக்கல்செய்யப்பட்டுவிட்டது என்று குறிப்பிடப்பட்டுள்ளது? இது எப்படி நடந்தது? ஐகோர்ட் பதிவுத்துறை யாருடைய அனுமதியின் பெயரில் அவ்வாறு குறிப்பிட்டது?’ என்று சரமாரியாகக் கேள்வி எழுப்பினார்.
அப்போது அரசு வழக்கறிஞர்  கோவிந்தராஜ், ‘இந்த ஹைகோர்ட் ஏற்கெனவே பிறப்பித்த உத்தரவை ஓட்டேரி போலீஸார், போலீஸ் கமி‌ஷனரின் கவனத்துக்குக் கொண்டுவரவில்லை. அதனால், காலதாமதம் ஆனது. ஹைகோர்ட்டின் உத்தரவை அவமதிக்க வேண்டும் என்ற எண்ணம் போலீஸ் கமி‌ஷனரிடம் இல்லை. உத்தரவின் விவரம் தெரிந்தவுடன், கடந்த வெள்ளிக்கிழமை காலையில் ஹைகோர்ட் பதிவுத்துறையில் அந்த அறிக்கை தாக்கல்செய்யப்பட்டுவிட்டது’ என்றார்.
‘ஓட்டேரி போலீஸார் தகவல் தெரிவிக்கவில்லை என்றால், அந்த அதிகாரி மீது உரிய நடவடிக்கை எடுக்க வேண்டும். அதற்காக கோர்ட்டில் ஆஜராகாமல் இருப்பதா?’ என்று நீதிபதி கேள்வி எழுப்பினார். அரசு வழக்கறிஞர்  கோவிந்தராஜ், ‘ஓட்டேரி போலீஸார் மீது துறை ரீதியான நடவடிக்கை எடுக்கப்பட உள்ளது’ என்றார். இதையடுத்து, ‘இந்த வழக்கில் போலீஸ் கமி‌ஷனர் ஆஜராக வேண்டும் என்று உத்தரவிட்டும், அவர் ஆஜராகவில்லை. 
எனவே, இந்த வழக்கு விசாரணையின்போது வருகிற 27-ந் தேதி நேரில் ஆஜராக வேண்டும்’ என்று  நீதிபதி உத்தரவிட்டார்.
கன்டெயினர்
 ''கோர்ட் உத்தரவைக் கிடப்பில்போடுவது காவல் ஆணையர் ஜார்ஜுக்கு ஒன்றும் புதிதல்ல'' என்று போலீஸ் தரப்பிலேயே சொல்லப்படுகிறது. 
அதற்கு உதாரணமாக அவர்கள் மேற்கோள் காட்டுவது, ஸ்ரீதர் என்பவர் 2013-ம் ஆண்டு தொடக்கத்தில் தாக்கல்செய்த வழக்கைத்தான். அதில் என்ன நடந்தது? ஶ்ரீதர் என்பவர் தாக்கல்செய்த மனுவை விசாரித்த அன்றைய உயர் நீதிமன்ற நீதிபதி ஆறுமுகசாமி, ‘'சென்னை போலீஸ் கமிஷனர்களாக இருந்தவர்கள் நடைமுறையில் வைத்திருந்த பொதுமக்களைச் சந்தித்து குறைகேட்கும் முறையையே மாற்றியவர், இந்த கமிஷனர் ஜார்ஜ்தான். 
சென்னை போலீஸ் கமிஷனர் ஜார்ஜ் ஒன்றும் சென்னை செயின்ட் ஜார்ஜ் கோட்டையின் மன்னர் அல்ல. அவர், இந்தக் கோர்ட்டில் ஆஜராகி உரிய விளக்கம் சொல்ல வேண்டும். அரசு மற்றும் காவல் துறைக்கு கரும்புள்ளி ஏற்படும் வகையில் காவல் ஆணையர்  ஜார்ஜ் செயல்பட்டு வருகிறார்'' என்று கண்டனம் தெரிவித்தார். அப்போதும் கமிஷனர் ஜார்ஜ் கோர்ட்டில் ஆஜராகவில்லை. 
பின்னர் உரிய விளக்கத்தை அவர் சார்பில் கோர்ட்டில் கொடுத்து அது ஏற்கப்பட்டுவிட்டது என்று கூறப்பட்டது. இந்த விவகாரத்துக்குப் பதில், இன்னும் சில நாட்களில் தெரிந்துவிடும் என்ற நிலையிருக்க, தேர்தல் ஆணையத்துக்கு தி.மு.க அனுப்பிய கடிதமும் போலீஸ் கமிஷனர் ஜார்ஜுக்குச் சிக்கலை உண்டாக்கியிருக்கிறது.'
'தேர்தல் ஆணையத்துக்கு தி.மு.க அனுப்பியிருக்கும் புகார் கடிதத்தில், "சென்னை ஆர்.கே.நகர் இடைத்தேர்தல் நடக்கும் வேளையில், போலீஸ் கமிஷனராக இருக்கும் ஜார்ஜ் மற்றும் ஆர்.கே.நகர் தொகுதி தேர்தல் அதிகாரி பத்மஜாதேவி ஆகியோரை இடமாற்றம் செய்ய வேண்டும். 
ஆர்.கே.நகர் தொகுதி தேர்தல் அதிகாரியாக கடந்த பொதுத் தேர்தலின்போதும் பத்மஜாதேவிதான் இருந்தார்.
 அவரே மறுபடியும் இங்கு தேர்தல் அதிகாரியாக இருப்பது உள்நோக்கம் கொண்டது" என்று குறிப்பிட்டிருந்தது. தி.மு.க-வின் கோரிக்கையைப் பரிசீலித்த தேர்தல் ஆணையம், பத்மஜாதேவியை இடமாற்றம் செய்ததோடு, புதிய தேர்தல் அதிகாரியாக பிரவீன் நாயரை நியமித்தது. சென்னை போலீஸ் கமிஷனர் ஜார்ஜ் இடமாற்றம் குறித்து தேர்தல் ஆணையம் எந்தப் பதிலும் இதுவரையில் சொல்லவில்லை. 

கடந்த பொதுத்தேர்தலின்போது, சென்னைப் போலீஸ் கமிஷனராக இருந்த ஜார்ஜ், இதே தி.மு.க-வின் கோரிக்கையால்தான் இடமாற்றம் செய்யப்பட்டார். 
சென்னை போலீஸ் கமிஷனராக அப்போது, அசுதோஷ்சுக்லா பொறுப்பேற்றார். ''போலீஸ் கமிஷனர் ஜார்ஜ் இடமாற்றம் நடந்தால்தான் தேர்தல் நியாயமாக நடக்கும்'' என்று தி.மு.க தொடர்ந்து வலியுறுத்தி வந்தது. 
இந்த நிலையில்தான், கடந்த 17-ம் தேதி இரவு சென்னைத் துறைமுகம் வழியாக கன்டெய்னர்களில் பணம் வந்ததாகத் தகவல் வெளியானது. 
தேர்தல் ஆணையத்தின் பறக்கும்படை கண்காணிப்பு அதிகாரிகள், கடலோரக் காவல் படை போலீஸார், குற்றப்பிரிவு மற்றும் சட்டம் - ஒழுங்குப் பிரிவு போலீசார் தீவிர (?) கண்காணிப்பில் இருந்தபோதும் கன்டெய்னர்களில் பணம் வந்தது மக்களிடம் அதிர்ச்சியை ஏற்படுத்தியுள்ளது. 
திருவொற்றியூர் - ஆர்.கே.நகர் சந்திப்பில் உள்ள விம்கோ நகர் யார்டு மற்றும் சென்னை துறைமுகப் பகுதிகளில் அதிகாரிகள், தீவிரசோதனையில் ஈடுபட்டு உள்ளனர். 
சென்னை ஆர்.கே.நகர் தொகுதி மக்களிடம் பேசியபோது, "கடந்த பொதுத்தேர்தலின்போதும் இப்படித்தான் கன்டெய்னரில் பணம் வந்ததாகப் பேசிக்கொண்டார்கள். நாங்கள், வேலைக்குப் போய்விட்டு வீட்டுக்குக்கூட வரமுடியவில்லை. எங்கள் கைப்பைகளை வாங்கி, டிபன் பாக்ஸையெல்லாம் திறந்துகாட்டச் சொல்லி போலீஸார் சோதனைசெய்தார்கள். 
ஆர்.கே.நகர் தொகுதியில் ஏதோ 144 தடை உத்தரவு போட்டதுபோலதான் பல நாட்களைப் பயத்துடன் கழித்தோம். இடைத் தேர்தல் வந்தபோதும் அதையேதான் அனுபவித்தோம். இப்போது என்னென்ன சோதனைகளைச் சந்திக்கப்போகிறோமோ" என்கின்றனர். 
தி.மு.க-வினரோ, கன்டெய்னரில் பணம் வந்த விதத்தையும், அது யாருக்கு வந்தது என்ற ரகசியத்தையும் கண்டறியும் முனைப்புடன் தொகுதியில் வேகம் காட்டுகின்றனர்.
"வழக்கு தொடர்பாக விளக்கம் கேட்டு நீதிமன்ற   நீதியரசர்கள் அழைப்பதும், அதற்கு ஏதாவது மாற்று ஏற்பாடுசெய்து  கோர்ட்டில் கால் வைக்கவே மாட்டேன் என்பதுபோல உறுதியாய் நிற்பதும் சென்னை போலீஸ் கமிஷனர் ஜார்ஜ் தொடர்ந்து செய்துவருகிற ஒன்றாகவே ஆகிவிட்டது. 
கமிஷனர் வரும்போதும், போகும்போதும் கமிஷனர் அலுவலகம் உள்ள வேப்பேரியில் போக்குவரத்தை நிறுத்துவது, எட்டுமாடி அலுவலகத்தை விட்டு கீழே இறங்காமல் எல்லாவற்றையும் கண்காணிப்புக் கேமரா மூலமாகவே சரி செய்யலாம் என்று நினைப்பது எந்த விதத்திலும் சரியல்ல... சென்னை போன்ற பெருநகரங்களில் பணியாற்றும் அதிகாரிகள் இவ்வளவு 'விறைப்பு' காட்டுவது மக்கள் பாதுகாப்புக்கு ஏற்றதும் அல்ல" என்கின்றனர் சில காக்கிகள். 

                                                                                                      - ந.பா.சேதுராமன்(விகடன்)
=======================================================================================
ன்று,
மார்ச்-21.



  • உலக  காடுகள் தினம்
  • உலக  இலக்கிய தினம்
  • பஹாய் காலண்டர் அறிமுகப்படுத்தப்பட்டது(1844)
  • டானிஷ் மேற்கிந்தியத் தீவுகள், கன்னித் தீவுகள் எனப் பெயர் மாற்றப்பட்டது(1917)
=========================================================================================

"மோடி அண்ணாச்சி ஹேப்பி."?


வ்வொரு வருடமும், உலகத்தில் எந்த நாட்டு மக்கள் அதிக மகிழ்சியாக வாழ்ந்து வருகிறார்கள் என்று "உலக மகிழ்வுக்கான அறிக்கை"(வேர்ல்டு ஹேப்பினஸ் ரிப்போர்ட்) பட்டியலிட்டு வருகிறது. 
மக்களின் வாழ்வாதாரம், ஆரோக்கியம், அரசியல்,  மற்றும் தனிப்பட்ட வாழக்கை என அனைத்திலும் மக்களை மகிழ்ச்சியாக வைத்திருக்கும் நாடு எது? என்ற அடிப்படைத் தகுதிகளோடு கணக்கிடப்பட்டு வருகிறது.
இதன் அடிப்படையில் இந்த வருடம் நார்வே முதல் இடத்தையும், டென்மார்க் இரண்டாவது இடத்தையும், ஐஸ்லாந்து, சுவிட்சர்லாந்து, ஃபின்லாந்து ஆகிய நாடுகள் முறையே மூன்று, நான்கு மற்றும் ஐந்தாவது இடத்தையும் பெற்றிருக்கின்றன. 
இந்த வகையில், இந்தியா 122-வது இடத்தையும், பாகிஸ்தான் 80 வது இடத்தையும், நேபாளம் 99-வது இடத்தையும், ஸ்ரீலங்கா 110 வது இடத்தையும் பெற்றிருக்கின்றன.
சென்ற வருட கணக்கின்படி நார்வே நான்காவது இடத்திலும், இந்தியா 118 வது இடத்திலும் இருந்தது. 155 நாடுகளில் நடத்தப்பட்ட இந்த கருத்துக்கணிப்பின்படி நார்வே அரசு தனது மக்களை மகிழ்சியாக வைத்துக்கொள்வதில் அக்கறை செலுத்தியதால், நான்காம் இடத்திலிருந்து முதல் இடத்துக்கு முன்னேறியுள்ளது.
 மக்கள் மகிழ்ச்சியாக வாழவில்லை என்ற காரணத்தினால், சென்ற ஆண்டு 118-வது இடத்தில் இருந்த இந்தியா, இந்த ஆண்டு  122 வது இடத்துக்குத் தள்ளப்பட்டுள்ளது என்பது குறிப்பிடத்தக்கது.
இதற்காக மோடி அரசு மார்தட்டிக்கொள்ளலாம்.
========================================================================================