இன்றைய செய்தி,நாளைய வரலாறு. நாளைய வரலாறை படிப்போம்.

திங்கள், 20 ஆகஸ்ட், 2018

கடுமையான உழைப்பினால் சாத்தியமே

4-வதோடு படிப்புக்கு மூட்டைக் கட்டும் நிலை ஏற்பட்டும் தொடர் முயற்சியால் ஐஏஎஸ் ஆன ஆட்டோ ஓட்டுனர் மகன்! 

ஏழைக் குடும்பத்தில் பிறந்த அன்சார் கடந்துவந்த பாதை முழுவதுமே தங்கு தடைகள் நிறைந்தவை. ஆனால், அனைத்தையும் கடந்து இன்று யுபிஎஸ்சி தேர்வில் முதல் முயற்சியிலேயே வெற்றிக் கண்டு  ‘இந்தியாவின் இளம் ஐஏஎஸ் அதிகாரி’ ஆகியுள்ளார்.

பேஸ்புக்கை அடிக்கடி லாகின் செய்து டைம்லைனை நோட்டமிடுபவர்கள் போல், டிஎன்பிஎஸ்சி வெப்சைட் அடிக்கடி எட்டி பார்ப்பவர்களின் எண்ணிக்கையும் எகிறிக் கொண்டிருக்கிறது. 
ஆம், முன் காலங்களைவிட அரசு தேர்வுகளை எதிர்நோக்கி காத்திருப்பவர்கள் அதிகரித்துவிட்டர் என்றாலும், பலரும் பத்தோடு பதினொன்றாகவே படிக்கின்றனர் மற்றும் படிக்க வற்புறுத்தப்படுகின்றனர். 
அப்படி எக்சாம் போபியாவால் திணறுபவர்களுக்கு அன்சார் ஷாயிக் சொல்லிக் கொள்வது இதை தான்,
“போட்டித் தேர்வில் உங்களுடன் லட்சம்பேர் போட்டியிடுவார்கள் என்று பயந்தீர்களாயின் அது தவறு. உங்களுடைய ஒரே போட்டியாளர் நீங்கள் தான். எனவே, உங்கள் நம்பிக்கையற்ற எண்ணங்கள் அனைத்தையும் தூரவீசிவிட்டு பயணியுங்கள், வெற்றி உங்கள் பாதையைத் தேடி வரும்,” என்கிறார். 
 அன்சார் ஷாயிக்...
நம்பிக்கையின் நாயகன், விடாமுயற்சியின் காதலன். ஆம், அதுவே அவருக்கான சரியான அடையாளமாய் இருக்கும். இலக்கை நோக்கி ஓடிக்கொண்டு இருக்கும் ஒருவர் அவரது பாதையில் எத்தனை கற்களையும், மேடுகளையும் தாண்டிவிட முடியும்? 
அன்சார் கடந்துவந்த பாதை முழுவதுமே தங்கு தடைகள் தான். ஆனால், அனைத்தையும் கடந்து இன்று ஐஏஎஸ் அதிகாரி என்ற அடையாளத்துடன் ‘இந்தியாவின் இளம் ஐஏஎஸ் அதிகாரி’ என்ற அடைமொழியுடன் நிமிர்ந்து நிற்கிறார். 
2016ம் ஆண்டு யுபிஎஸ்சி தேர்வை எதிர்கொண்ட முதல் முயற்சிலேயே வெற்றிக்கண்டு 21 வயதிலே கலெக்டராகி மேற்கு வங்க மாநிலத்தில் பணிபுரிந்து கொண்டிருக்கிறார் அன்சார். 

மகாராஷ்டிராவின் பர்பானி சிட்டியின் ஷெல்கான் கிராமத்தில் பிறந்தவர் அன்சார் ஷாயிக். அப்பா ஆட்டோ ஓட்டுநர். அவருக்கு மூன்று மனைவி. இரண்டாவது மனைவியான அன்சாரின் அம்மா, விவசாய வேலைக்கு செல்லும் கூலித்  தொழிலாளி. ஏற்கனவே, குடும்ப பொருளாதார நிலை மோசம். இதில், அன்சாரின் அப்பாவுக்கு குடிப்பழக்கமும் தொற்றிக்கொள்ள குடிக்கு அடிமையாகி, தினம்தினம் சண்டை, சச்சரவு என நிம்மதியற்ற வாழ்வு. 


நாட்கள் இப்படியாக கழிந்தாலும், அன்சார் படிப்பில் படுச்சுட்டி. ஆனால், குடும்பத்தின் நிலையின் காரணமாக அக்கம்பக்கத்தாரும், சுற்றதாரும் அன்சாரின் அப்பாவிடம், அன்சாரின் படிப்பை நிறுத்துமாறு கூறியுள்ளனர். 
அவரும், அதற்கு சம்மதம் தெரிவித்து அன்சாரின் ஆசிரியரிடம் பள்ளியை பாதியில் நிறுத்த கேட்டிருக்கிறார். 
“எனக்கு நல்லா நினைவில் இருக்கிறது. அப்போ நான் நாலாவது படிச்சிட்டு இருந்தேன். சொந்தகாரங்க எல்லாம் அப்பாட்ட என்னை ஸ்கூலுக்கு அனுப்ப வேணாம்னு சொல்லிக் கொண்டு இருந்தனர். அப்பாவும் டீச்சருக்கு போன் பண்ணி, நான் இனிமேல் ஸ்கூலுக்கு வரமாட்டன் சொன்னார். 
ஆனால், டீச்சர் தான் ‘அவன் நல்லா படிக்கிற பையன். அவனை மட்டும் படிக்க வைத்தீங்கனா, உங்க குடும்பத்தின் நிலையே மாறிபோகும்’ என்று சொல்லியிருக்காங்க...” 
என்று நினைவுகூறும் அன்சார், அவரது வாழ்க்கையின் திருப்புமுனை சம்பவம் அதுவே என்கிறார். ஆசிரியரால் அன்சாருக்கு மற்றொரு வாய்ப்பை கொடுத்துள்ளனர் அவருடைய பெற்றோர்.
 அந்த வாய்ப்பை சிறப்பாக பயன் படுத்திகொள்ள தீர்மானித்த சிறுவன் வைராக்கியதுடன் படித்து, 12ம் வகுப்பு பொதுத்தேர்வில் 91% மதிப்பெண்ணை பெற்றிருக்கிறார். 
அவருடைய வாழ்வின் கஷ்டக்காலமான பள்ளிப் பருவத்தை பற்றி சிரித்து கொண்டே அன்சார் பகிர்ந்து கொண்டாலும், மூன்றுவேளை உணவுக்கு வழியற்ற நிலையில், ஒருநாள் மதியஉணவில் புழு கிடந்தும் பொருட்படுத்தாமல் உண்டு உள்ளார்.

“எனக்கு சிக்கன் என்றால் ரொம்ப பிடிக்கும். மூன்று வேளை சாப்பாட்டுக்கே கஷ்டம் என்ற நிலையின் நான்-வெஜ்ஜுக்கு எங்கு போவது. 
ஒருநாள், லன்ச்சில் புழுகிடந்தது. அதையும் சாப்பிட்டோம். சோ, வெஜ் மீல்ஸ், நான் வெஜ்ஜாகிவிட்டது,” 
என்று சிரிக்கிறார். பன்னிரெண்டாம் வகுப்பு தேர்ச்சிக்கு பிறகு புனேவில் உள்ள கல்லூரியில் இளங்கலை பொலிடிக்கல்  சயன்சில் சேர்ந்திருக்கிறார். மராத்தி மீடியம் பள்ளியில் படித்த அவருக்கு, ஆங்கிலவழி கல்வியை எதிர்கொள்வது சிரமமாக இருந்துள்ளது. 
ஆனால், எதற்கும் சோர்வு அடையாதவரே அன்சார், ஆங்கிலத்தையும் ஒரு கைப்பார்த்தார். 
அன்சாரின் கல்லூரி செலவுக்காக அவருடைய அப்பாவும், தம்பியின் முழு சம்பளமான 7 ஆயிரத்தையும் செலவிட்டிருக்கின்றனர். 
ஒரு ஜோடி செருப்பு, இரண்டு ஜோடி ஆடையுடன் கல்லுõரிக்கு சென்று வந்திருக்கிறார். 
இச்சமயத்தில் ஒருநாள், அரசாங்க வீட்டு திட்டத்துக்காக அன்சாரின் அப்பா ஆவணங்களை தயார் செய்திருக்கிறார். ஆனால், ஆவணங்களை மேற்பார்வையிட்டு கையெழுத்திட ஒரு அதிகாரி லஞ்சம் கேட்டிருக்கிறார். 
இச்சம்பவம் அன்சாரை நெருட வைத்ததுடன், ஆட்சியர் ஆகுவதற்கான விதையாகவும் அமைந்துள்ளது. 
கல்லூரியில் படித்து கொண்டிருக்கும்போதே, யுபிஎஸ்சி தேர்வுக்காக பயிற்சி வகுப்பில் சேருவதற்கு புனேவில் உள்ள ‘யுனிக் அகாடமி’யை அணுகியுள்ளார். 
ஆனால், அதற்கான கட்டணம் ரூ70 ஆயிரம் என்றறிந்து மனம் சோர்வடைந்தவர், அகாடமியின் நிறுவனரிடம் தன் நிலையை எடுத்துரைத்து உதவி செய்யுமாறு வேண்டிக் கொண்டுள்ளார். 
இளகிய மனம் படைத்த அவரும் அன்சாருக்கு உதவ முன்வந்து 50 சதவீத கட்டணத்தை மட்டும் செலுத்துமாறு கூறியிருக்கிறார். 
“ஒரு வழியாக பயிற்சி மையத்தில் சேர்ந்தால், என் வயதுடையவர்கள் யாருமில்லை. எல்லோரும் 20 வயது 30வயது என்றிருந்தனர்.
 நான் மையத்தில் அடிக்கடி கேள்வி கேட்பதை எல்லோரும் எள்ளிநகையாடினர். ஆனால், நான் கேள்வி கேட்பதை நிறுத்தவில்லை. அந்நாட்களில், பாடப்புத்தகங்கள் வாங்குவதற்கும் பணமிருக்காது. 
சகவகுப்பு தோழர்களிடம் புத்தகத்தை வாங்கி ஜெராக்ஸ் போட்டு கொள்வேன். ‘வட பாவ்’ மட்டும் என் முழு நாள் உணவாகவும் இருந்திருக்கிறது,”
எனும் அன்சார் பிரிலிம்சை முடித்து விட்டு மெயின்ஸ் மற்றும் நேர்முகத்தேர்வுக்காக காத்திருந்தபோது ஏற்பட்டது மற்றொரு தடை. 
அன்சாரின் தங்கையின் கணவர் குடித்து குடித்து இறந்துள்ளார். அதனால், அப்பாவும், தம்பியும் பணிப்புரிந்து கொண்டிருந்த போதும், குடும்பச் சுமை அன்சாரின் மீது விழுந்துள்ளது. 
ஆனால், அன்சாரின் தங்கை நம்பிக்கை வார்த்தைகளை அளிக்க, தொடர்ந்து தேர்வுக்காக படித்திருக்கிறார். 
இத்தனை கஷ்டங்கடலிலும் எதிர்நீச்சல் அடித்த அன்சார் எதிர்பார்த்த நாள் வந்தது. ஆம், அன்சார் மாவட்ட ஆட்சியராக தேர்ந்தெடுக்கப்பட்டார் என்று அபீசியலாக அறிவிக்கப்பட்ட தினம் அது. 
விடியலை நோக்கி காத்துக் கொண்டிருந்த ஒட்டுமொத்த குடும்பம் மட்டுமின்றி, ஷெல்கான் கிராமமே ஆனந்தத்தில் திளைத்தது.
“வறுமைக்கும், வெற்றிக்கும் தொடர்பில்லை. வெற்றிக்கு தேவையானது கடினஉழைப்பும் விடாமுயற்சியுமே.

ஒருவர் எந்த குடும்ப பின்புலத்தில் இருந்து வருகிறார் என்பதை வைத்து, அவருடைய புத்திசாலிதனத்தை அறிந்து கொள்ள முடியாது.

வறுமையின் கொடியில் சிக்கித்தவிப்பவர்கள், அதிலிருந்து மீள்வதற்கான ஒரே வழி கற்றலே. இது எளிதல்ல..

ஆனால், கடுமையான உழைப்பினால் சாத்தியமே,” என்கிறார் அன்சார். 

தகவல் உதவி : thebetterindia.com மற்றும் kenfolios.com

=======================================================================================
ன்று,
ஆகஸ்ட்-20.

  • உலக கொசு ஒழிப்பு தினம்
  • ஹங்கேரி நாடு, முதலாம் ஸ்டீபன் என்பவரால் உருவாக்கப்பட்டது(1000)
  • இலங்கையில் ஒரு ரூபாய் தாள் அச்சிட்டு வழங்கப்பட்டது(1917)
  • இந்திய முன்னாள் பிரதமர் ராஜீவ் பிறந்த தினம்(1944)
=======================================================================================
கேரள மீனவர்களை நெகிழவைத்த முதல்வர் பினராயி விஜயன்.!

தீவிரமடைந்துள்ள தென்மேற்கு பருவமழையால் கேரளா மாநிலம் முழுவதும் வெள்ளத்தால் பயங்கர சேதம் அடைந்துள்ளது. 

14 மாவட்டங்களிலும் தண்ணீர் சூழ்ந்துள்ளது. 

2 லட்சத்திற்கும் மேலானோர் முகாம்களில் தங்க வைக்கப்பட்டுள்ளனர்.



நிலச்சரிவால் பலர் வீடுகளை இழந்துள்ளனர். வெள்ளத்தால் பாதிக்கப்பட்ட பகுதிகளில் தொடர்ச்சியாக மீட்புப் பணிகள் நடைபெற்று வருகின்றன. 

பேரிடர் மீட்பு குழுவினர், முப்படை வீரர்களும் களத்தில் இறங்கியுள்ளனர்.

ஆனால் அவர்கள் வருவதற்கு காத்திருக்காமல் விரைவாகக் களத்தில் இறங்கி மக்களை வெள்ளத்தில் இருந்து மீட்க உதவுகிறார்கள் மீனவர்கள்.

மீனவர்களின் படகுகள் மூலம் நிவாரண பொருட்களை மக்களிடம் கொண்டு சேர்ப்பது, வெள்ளத்தில் சிக்கியிருப்பவர்களை மீட்டு பாதுகாப்பான இடத்திற்கு கொண்டு சேர்ப்பது என பல்வேறு உதவிகளை செய்து வருகின்றனர்.

இந்நிலையில், மீட்புப் பணிகளில் ஈடுபட்டிருக்கும் ஒவ்வொரு படகுக்கும் தினமும் ரூ.3000 வழங்கப்படும் என்றும், மீட்புப் பணிகளின் போது படகுக்கு ஏற்படும் சேதம், படகுகளை பழுது பார்ப்பதற்கான செலவுகள் அனைத்தும் அரசே ஏற்றுக் கொள்ளும் என்றும் முதல்வர் பினராயி விஜயன் அறிவித்துள்ளார். 


இந்த அறிவிப்பு" மீனவர்களின் சேவைகளை அரசு  எங்கள் பணியைவரவேற்று கைகூப்பி மதிக்கிறது என்பதை காட்டுவதுடன் எங்களை நெகிழ்சசியடையும்  படியாக  உள்ளது" என்று மீனவர்கள் தெரிவித்துள்ளனர்.. 



மழை வரனும்னு செஞ்சிங்க .சரி  !
இப்போ மழை நிற்கனும்னு அக்னி குண்டத்துல கொஞ்ச நேரம் இருக்கலாமே ?

ஞாயிறு, 19 ஆகஸ்ட், 2018

நலம் பெற தாண்டுங்கள்.

உடல் உழைப்பு குறைந்து கணினிமயமான இன்றைய உலகில் ஆண்களுக்கும், பெண்களுக்கும், போதிய உடற்பயிற்சி இல்லாத நிலை ஏற்பட்டு விட்டது. 

அதுவும் தகவல் தொழில் நுட்பம் பணியில் இருப்பவர்களுக்கு உண்ணவும் உறங்கவுமே நேரம் கிடைப்பது அரிதாகி வரும் இந்நிலையில் உடற்பயிற்சி பற்றி எண்ணுவது எங்கே?
அவர்களுக்கு கிடைக்கும் ஒய்வு நேரத்தையும் ஆண்டராய்ட் அலைபேசிகளை நோண்டுவதிலேயே செலவிட்டுவிடுகிறார்கள்.
இதனால் கண்களும் கெட்டுப்போய்,மனதும் குப்பையாகி மனஅழுத்தத்துக்குள்ளாகிறார்கள்.ஒவ்வொரு மனிதனும் தனித் தீவாகவே உள்ளனர்.
மனைவி மக்களிடம் கூட ஓட்டுதல் இல்லா நிலை.
விளைவு, உடலில் கெட்ட கொழுப்பு அதிகரித்து, நோய்களால் அவதிப்படுவதும், சிறு வயதிலேயே தொப்பை ஏற்படுவதும் என, பிரச்னைகள் சர்வ சாதாரணமாகி விட்டன.

வேறு வழியின்றி, உடலின் கலோரிகளை எரிப்பதற்கு, பணம் செலவழித்து "ஜிம்'முக்கு பயிற்சி செல்ல வேண்டிய நிலைக்கு பலரும் ஆளாகின்றனர். 

இந்த பிரச்னைக்கு எளிய தீர்வாக இருப்பது, "ஸ்கிப்பிங்'. 
இதை வீட்டிலேயே அதற்கான கயிறை வாங்கி கிடைக்கும் நேரத்தில் செய்யலாம்.ஜிம்முக்கு போகும் கட்டாயம் இல்லை.
அனைத்துவிதமான உடல் உறுப்புகளுக்கும் இது மிகசிறந்த ஆரோக்கியத்தையம் தருகிறது.
இந்த கயிறுதாண்ட(ஸ்கிப்பிங்)லை   பெண் பிள்ளைகளின் விளையாட்டு என்றே பலரும் தவறாக எண்ணியிருக்கின்றனர்.காரணம் சங்ககாலம் முதல் தமிழ் இளம் பெண்கள் விளையாட்டாக பூங்கயிறு தாண்டல் விளையாட்டை குழுவாக சேர்ந்து விளையாடி வந்துள்ளனர். இதை பெண்களுக்கு என ஒதுக்கிவிட்டனர்.

இதனால் சிலர்  ஆண் பிள்ளைகளை "ஸ்கிப்பிங்' பயிற்சி செய்ய விடாமல் தடுக்கிறார்கள் .அது தவறு.

உண்மையில், உடலை, வலுவாக்கி, அழகாக்கும் எளிய உடற்பயிற்சிகளில் "ஸ்கிப்பிங்' முதன்மையானது.
"ஸ்கிப்பிங்' செய்வதன் மூலம் உடலில் ரத்த அழுத்தம் சீராகும்.

 அதிகப்படியாக இருப்பின், குறையும். 
உடல் பருமன் பிரச்னை தீரும். 


தினமும் இப்பயிற்சி செய்தால், தேவையற்ற கொழுப்பு கரைந்து, தொப்பை பிரச்னை படிப்படியாக குறையும்.

சிறுவர் முதல் பெரியவர் வரை அனைவருக்கும் ஆரோக்கியத்தையும் புத்துணர்ச்சியையும் தரக்கூடியது ஸ்கிப்பிங்.

இப்பயிற்சியால், இருதயமும், நுரையீரலும் வலுப்பெறுகின்றன. கை, கால், தொடையில் இருக்கும் தசைகளுக்கு அதிக சக்தியும், வலுவும் கிடைக்கின்றன.

"ஸ்கிப்பிங்' பயிற்சியை துவங்குமுன், இறுக்கமான உடைகள் அணிவதைத் தவிர்க்க வேண்டும். ஷூ பயன்படுத்துவது நல்லது. "ஸ்கிப்பிங்' கயிறு சரியான அளவு கொண்டதாக இருப்பது முக்கியம். 
அதிக நீளமாகவோ, குட்டையாகவோ இருப்பது கூடாது.

 மிதமான அல்லது வெறும் வயிறுடன் பயிற்சி செய்வதே சரியானது. ஸ்கிப்பிங் பயிற்சி, சமமான, வழுக்கும் தன்மை இல்லாத இடத்தில் செய்ய வேண்டும். 
கற்கள் மிகுந்த இடத்திலோ, மார்பிள் பதித்த தரைகளிலோ பயிற்சி செய்யக்கூடாது.

முதலில் கயிறை உங்களது பின் குதிகாலின் அடிப்பகுதியில் வைத்துக் கொள்ள வேண்டும். பின் மெதுவாகக் கயிறைச் சுழல விட, அந்த வேகத்துக்கு ஏற்பக் கயிறைத் தாண்ட வேண்டும். முதலில் மெதுவாக ஆரம்பித்து, பின் வேகத்தைக் கூட்ட வேண்டும்.

இவ்வாறு, நின்ற இடத்திலேயே ஸ்கிப்பிங் பயிற்சி செய்வதே, முதல்படி. தொடர்ந்த பயிற்சியின் மூலம் அடுத்தடுத்த நிலைகளை எட்ட முடியும். 
முன்புறம் தாவுதல், பின்புறம் தாவுதல், ஒடிக் கொண்டே தாவுதல், குறுக்கு வாக்கில் தாவுதல் என, பல வகைகளில் ஸ்கிப்பிங் பயிற்சி செய்யலாம்.

தினமும், அரை மணி நேரம் ஸ்கிப்பிங் பயிற்சி செய்து வந்தால், உடலில் இருக்கும் 200 கலோரிகள் வரை எரிந்து காலியாகி விடும்.
 அதன் மூலம் உடலுக்கு புத்துணர்ச்சி கிடைக்கும். 
ஒரு சில மாதங்கள் "ஸ்கிப்பிங்' தொடரும் பட்சத்தில், தொப்பை உள்ளிட்ட உடல் பிரச்னைகள், நிச்சயமாக இருந்த இடம் தெரியாமல் போய் விடும். 
கவனிக்க 
இதய நோயாளிகள் ஸ்கிப்பிங் பயிற்சியைத் தவிர்க்கவும்.

கணுக்கால் வலி, இடுப்பு வலி, முழங்கால் வலி உள்ளவர்கள் முடிந்த வரை ஸ்கிப்பிங் பயிற்சியைத் தவிர்க்கலாம்.
அந்நிலையில்  பயிற்சி செய்ய வேண்டும் என்று ஆசைப்படுகிறவர்கள் மருத்துவரின் ஆலோசனையைப்பெற்றப் பின்னர்  செய்வதுதான்  நல்லது.

========================================================================================
ன்று,
ஆகஸ்ட்,19.
  • உலக புகைப்பட தினம்
  • உலக  மனிதநேய தினம்
  • ரஷ்யாவின் செயிண்ட் பீட்டர்ஸ்பர்க்(லெனின் கிராட் ) நகரம் அமைக்கப்பட்டது(1768)
  • கொழும்பு தலைமை தபால் அலுவலகம் திறக்கப்பட்டது(1895)
  • ஆப்கானிஸ்தான் விடுதலை தினம்(1919)
 ஒற்றுமை
இன்று இடிந்து விழுந்த கொள்ளிடம் பாலம் ,கலைஞர் ,வாஜ்பேயி  ஆகியோருக்கிடையில்  ஒரு சோக உள்ளது. 
அது 1924ஆண்டுதான் . 
கலைஞர் கருணாநிதி பிறந்தது ஜூன் 3, 1924. 
அது போல் முன்னாள் பிரதமர் வாஜ்பாய் பிறந்த ஆண்டும் 1924. 
அதுபோல் கொள்ளிடம் பாலம் கட்டப்பட்டதும் 1924-ஆம் ஆண்டு.
கலைஞர்,வாஜ்பாய் இறந்ததும் ஆகஸ்ட் மாதமாகும்.
 கொள்ளிடம் பழைய பாலமும் தனது வாழ்க்கையை கொஞ்சம் கொஞ்சமாக முடித்து வரும் இதே ஆகஸ்ட் மாதம்தான்! 
என்னே ஒரு சோக ஒற்றுமை பாருங்கள்!
====================================================================================

ஈழம் பிடித்துத் தர சீமான் இனிமேல் வரமாட்டார்?

முதலில் திராவிடம், இடையில் கம்யூனிசம், தேவைப்பட்டால் நாஸிசம் என்று காலத்திற்குக் காலம் என்றல்ல கணத்திற்குக் கணம் தன்னை உருமாற்றிக்கொள்ளும் சீமான் கடந்தவாரம் மிக முக்கியமான கருத்து ஒன்றை முன்வைத்துள்ளார். 
ஈழப் பிரச்சனையை, அதிலும் கடந்த இனப்படுகொலையை, பிரபாகரன் போன்ற குறியீடுகளை தனது அரசியல் அடையாளமாகப் பயன்படுத்தி தமிழகத்தில் வாக்குத் திரட்டி முதலமைச்சர் ஆகிவிடுவேன் என்று கூறும் சீமான் தமிழீழம் பிடித்துத் தருவேன் என்று வேறு கூறிவருகிறார்.
வடக்குக் கிழக்கு இணைந்த தமிழ்ப் பேசும் மக்கள் வாழும் நிலப்பரப்பை சுய நிர்ணைய உரிமைக்கு உட்பட்ட பகுதியாக ஏனைய தேசிய இனங்களுடன் இணைந்து கூட்டாட்சி அமைப்பதா அன்றி எது நடந்தாலும் பிரிந்து செல்வதா என்பது ஒரு தேசிய இனத்தின் முடிவு. 
இல்லை தமிழீழம் என்ற பெயரில் பிரிந்து செல்வோம் என்பது சீமான் குழுவின் தனிப்பட்ட முடிவு.
இந்தியாவில் இந்துதுவ பாசிசம் போன்றே இலங்கையில் பேரினவாதம் என்பது ஒடுக்கும் தத்துவமாகவும் ஆட்சி அதிகாரத்தின் பின் புலத்தில் செயற்படும் கோட்பாடாகவும் காணப்படுகிறது. சிங்கள பௌத்த பேரினவாதம் என்றழைக்கப்படும் இக் கோட்பாடானது, சிங்கள மக்கள் மத்தியிலிருந்து எழும் அரசிற்கு எதிரான போராட்டங்களை தமிழ் பேசும் சிறுபான்மையினர் மீது மடைமாற்றுவதற்கு பயன்பட்டது.
இதனையும் மீறி இலங்கை அரசிற்கு எதிரான ஆயுதப் போராட்டம் சிங்கள மக்கள் மத்தியிலிருது இரண்டு தடவை எழுந்தது. 1971 ஆம் ஆண்டும் 1987 முதல் 1989 ஆம் ஆண்டும் ஏற்பட்ட ஜே.வி.பி இயக்கத்தின் ஆயுதப் புரட்சி இலங்கை அரசாங்கங்களை ஆட்டம் காண வைத்திருந்தது.
இலங்கை அரசுகளின் இத் தந்திரோபாயத்தைப் புரிந்துகொண்டு குரலெழுப்பிய சிங்கள முற்போக்கு ஜனநாயக வாதிகள் இலங்கை அரசு படைகளால் அழிக்கப்பட்டுள்ளனர்.

2009 ஆண்டில் நடைபெற்ற இனப்படுகொலை ஊடாக தமிழீழ விடுதலைப் புலிகள் அழிக்கப்பட்ட பின்னர், இலங்கை அரசு மேலும் பேரினவாதத்தை முன்வைத்து அரசியல் நடத்த முடியாத சூழல் உருவானது.
 இலங்கையில் சிறுபான்மைத் தேசிய இனங்கள் பிரிந்து செல்லும் உரிமைக்கான போராட்டமாக நடத்த வேண்டிய அரசியல் சூழல் இன்றும் காணப்படுகிறது என்பது வெளிப்படையான உண்மை என்றாலும் அப்போராட்டத்தை அங்குள்ள மக்கள் திட்டமிட்டு படி நிலை வளர்ச்சி ஊடாக நடத்த வேண்டும், அதற்காக அவர்கள் அங்குள்ள குறைந்தபட்ச ஜனநாயக அரசியல் சூழலைப் பயன்படுத்த வேண்டிய தேவை உள்ளது.
இதனைச் சீமான் ஒருவகையில் உணர்ந்துள்ளது போன்ற தோற்றப்பாடு ஏற்பட்டுள்ளது. கடந்தவாரம் நடைபெற்ற அவரது கட்சிக் கூட்டம் ஒன்றில் அவர் இப்படிக் கூறுகிறார்.
“கண்டபடி பதிவிடாதீர்கள், நாங்கள் எல்லாம் நக்சல்பாரிகளா, எங்கள் தலைவர் சாரு மஜும்தார் என்று அவன் பாட்டுக்கு பேசிட்டுப் போயிட்டன். உடனேயே சீமான் கட்சி நக்சல்பாரி இயக்கம் என எங்க அண்ணன் பொன் ராதாகிருஷ்ணன் பேசுகிறார்”
சாரு மஜும்தார் என்ற ஆயுதப் போராட்ட இயக்கத் தலைவரைப் போன்றவரே சீமான் என அவரது இயக்க உறுப்பினர் ஒருவர் பேசி யூ டியூப்பில் பதிவிட்டதற்கே இவ்வளவு அச்சப்படும் சீமான் ஈழம் தொடர்பாக என்ன பேசுகிறார்?
அடுத்த ஈழப் போர் தொடங்கும், தமிழீழத்தைப் பிடித்தே தீருவோம், இந்தியாவில் படை திரட்டி இலங்கைக்கு அனுப்புவோம், என்பதில் ஆரம்பித்து சிங்களப் பெண்களைப் பாலியல் வல்லுறவிற்கு உபடுத்துவேன், மார்பகங்களை அறுப்பேன் என்பது வரை பேசுகிறார்.
அரசியல் பாதுகாப்புள்ள சீமான் சாரு மம்ஜூதாருக்கு இவ்வளவு அச்சப்பட்டால், பேரினவாதம் இன்னும் கோலோச்சும் ஈழத்தில் வாழும் தமிழர்கள் எவ்வளவு அச்சப்பட வேண்டும்? அங்கு சிறையிலிருக்கும் விடுதலைப் புலிகளின் கடந்தகாலப் போராளிகள் எவ்வளவு அச்சப்படுவார்கள். தடுப்புக்குச் சென்றுவந்த போராளிகளின் நிலை?
இவை அனைத்திற்கும் அப்பால் இலங்கை அரசு தனது இராணுவ பலத்தை அதிகரிக்கும் போதெல்லாம், சிங்கள மக்கள் கேள்வி கேட்கிறார்கள். 
அப்போதெல்லாம், தமிழ் நாட்டிலும் புலம்பெயர் நாடுகளிலும் தீவிரவாதம் இன்னும் நிலைகொண்டுள்ளது என இலங்கை அரசாங்கம் அவர்களது வாயை மூடிவிடுகிறது. பெரும்பான்மை மக்களின் ஆதரவைத் தன்பக்கம் திருப்பிக்கொள்கிறது.
தவிர, பொழுது போக்கிற்காகவும், தம்மைத் தலைவர்கள் என்று அழைத்துக்கொள்வதற்காகவும், இன்னபிற பிழைப்புவாத நலன்களுக்காகவும் ஈழம் பிடிக்கப்போவதக உணர்ச்சி வசனம் பேசும் புலம்பெயர் தமிழர்களும் சீமானின் அறிவுரையை ஏற்பார்கள் என நம்புவோமாக.
சிறியளவிலான ஜனநாயக சூழலையும் இலங்கை அரசு இவர்களைக் காரணம் காட்டி மூடிவருகிறது. சீமன் உட்பட்டவர்கள் இலங்கையில் மக்கள் அமைப்புக்களை உருவாக்கி ஒரு அமைப்பின் நிறுவன வேலைகளில் ஈடுபடுவதில்லை. மாறாக அவ்வாறான வேலைகளில் ஈடுபடும் சூழலையும் சீர்குலைத்து இலங்கை அரசிற்கு சார்பான அரசியல் சூழலை ஏற்படுத்தத் துணை செல்கிறார்கள்.
இலங்கைப் பேரினவாத அரசிற்கு எதிரான போராட்டத்தை ஈழத்தமிழர்கள் தமது எல்லைக்குளில்ருந்து முன்னெடுக்கும் வழிகள் அனைத்தையும் அடைத்துவிடுவதற்கு இவர்களின் உணர்ச்சிப் பேச்சுக்கள் தடையாக அமைந்துவிடுகின்றன. 
சாரு மம்ஜூதார் குறித்துப் பேசுவதால் தனக்கு ஏற்படும் பாதிப்பு தொடர்பாகப் பேசும் சீமான், இனியாவது தான் ஈழத் தமிழர்களுக்கு ஏற்படுத்தும் ஆபத்துக் குறித்து உணர்ந்துகொள்வார் என நம்புவோமாக.
                                                                                                                               நன்றி:இனியொரு,
===================================================================================
நல்லப் பொழுதை எல்லாம் தூங்கி ...
நீண்ட நேரம் தூங்கினால் தான், உடல் நலத்துக்கு நல்லது என்று, பலரின் நினைப்பாக இருக்கிறது. விடுமுறை நாட்களில், நேரம் கடந்து எழுந்திருப்போர் தான், இன்று அதிகம். 

ஆனால், எட்டு மணி நேரம் தூக்கம் போதும், உற்சாகம் பிறக்க. அதிகாலையில் எழும் பழக்கம், துவக்கத்தில் சற்று சிரமமாகத் தான் இருக்கும். 

நாளடைவில், அதுவே பழக்கமாகி விடும். குறிப்பிட்ட நேரம் வந்தவுடன் எழ முடியாவிட்டால், கடிகாரத்தில் அலாரம் வைத்து எழுந்திருக்கலாம்.
பிரம்ம முகூர்த்தம் என்று öசால்லப்படுகிற, அதிகாலை 4 மணி முதல், 6 மணிக்கும் எழுந்தால், உடலில் உள்ள வாதம் சீர்கெடாது. 

அதிகாலையில் புத்தம் புதிய காற்று வளிமண்டலத்திலிருந்து நமக்கு கிடைக்கும். சுத்தமான காற்றை சுவாசிக்கும் போது, ரத்த ஓட்டம் சீராகி, நோய்கள் தாக்கும் அபாயம் குறைந்தே போகும்.
இரவில் நல்ல தூக்கம்: அதிகாலையில் எழுவோர், சுறுசுறுப்பாக இருப்பதும், தாமதமாக எழுவோர், மந்தத்தன்மையோடு இருப்பதும், புதிய காற்றை சுவாசிக்க முடியாமல் போவது தான். 

அதிகாலையில் தூங்கி எழுவதால், மன அழுத்தத்தை உண்டாக்கும் கார்டிசோல் என்ற ஹார்மோன் சுரப்பு கட்டுப்படுத்தப்படும். அதிகாலையில் எழும் பழக்கத்தை கையாண்டால், இரவிலும் நல்ல தூக்கம் பிடிக்கும். மேலும், இரவில் நன்றாக தூங்க வேண்டும் என்றால், அரை வயிறுக்கு தான் உணவு உட்கொள்ள வேண்டும்.

கால் வயிறு நீர் குடித்து, கால் வயிற்றை காலியாக வைக்க வேண்டும். அப்போது, ஜீரண சக்திக்கு எவ்வித இடையூறும் இருக்காது. தூங்க செல்லும் முன் குளியல் மேற்கொண்டால், இரவில் நல்ல ஆழ்ந்த நிம்மதியான தூக்கத்தை பெறலாம். 
அதிலும், இரவில் சீக்கிரம் குளித்துவிட்டு தூங்கினால், காலையில் அலாரம் அடிப்பதற்கு முன்பே எழ முடியும்.

இரவில் தாமதமாக, அதுவும் ஆரோக்கியமற்ற உணவுகள் உட்கொள்வதை தவிர்க்க வேண்டும். முக்கியமாக, அசைவ உணவுகள் உண்பதை தவிர்ப்பது நல்லது. 
ஏனெனில், செரிமானம் சீராக நடைபெற்று, தூக்கத்துக்கு இடையூறு ஏதும் நேராமல் இருக்கும். 
தூக்கத்துக்கு இடையூறு ஏற்படாமல் நிம்மதியான தூக்கத்தை ஒருவர் மேற்கொண்டால், காலையில் வேகமாக எழலாம்.
அலுவலகம் முடிந்து வீட்டுக்கு வந்த பின், மனதை அமைதிப்படுத்த வெளியே காற்றோட்டமாக சிறிது தூரம் நடைப்பயிற்சியை மேற்கொள்ள வேண்டும். 
இதனால், இரவில் நிச்சயம் நல்ல தூக்கத்தை பெற்று, அதிகாலையில் வேகமாக எழ முடியும் அதிகாலை எழுந்தவுடன், உடற்பயிற்சி, தியானம், யோகா போன்ற பயிற்சிகளை மேற்கொள்ளலாம். இந்த நேரத்தில் விழிப்பவர்கள் பெரும்பாலும் ஆரோக்கியமாகவே இருக்கின்றனர். 
உடல் நலக்குறைவு கொண்டவர்கள் கூட, அதிகாலையில் எழும் பழக்கத்தை வழக்கப்படுத்தினால், உடல் நலம் சீராக இருக்க வாய்ப்பு உருவாகும்.
உடலில் உள்ள கழிவுகள் காலையிலேயே வெளியேறாவிட்டால், பின் அந்த நாளானது அசவுகரியமானதாக இருக்கும். எனவே, உடலில் உள்ள கழிவுகளை நீக்குவதற்கு, வெதுவெதுப்பான நீரில் எலுமிச்சை சாறு பிழிந்து, தேன் சேர்த்து குடிக்க வேண்டும். 
இதுவும், காலையில் செய்யும் ஆரோக்கிய பழக்கங்களில் ஒன்று. 
தவிர, அன்றைய நாளுக்கு, என்னென்ன பணிகளை மேற்கொள்ள வேண்டும் என்ற பட்டியலை தயாரித்து, அதன்படி, நேரம் தவறாது முடிக்க முடியும்.



வெள்ளி, 17 ஆகஸ்ட், 2018

ஒருவழியான எட்டுவழி

தேர்தல் சுரம்.
"இவர்களுக்கு உள்ளாட்ச்சி தேர்தல் நடத்த்தும் எண்ணம் இருப்பதாகவே தெரியவில்லை.2019இல் கூட இந்த அரசு தேர்தல் நடத்துவதாக தெரியவில்லை."
                                                        - உள்ளாடசித்தேர்தல் வழக்கில் உயர்நீதிமன்ற நீதிபதிகள் கூறியவை.
தமிழ்­நாட்­டில் 2016ம் ஆண்டு நடை­பெற்­றி­ருக்க வேண்­டிய உள்­ளாட்­சித் தேர்­தல் இன்­னும் நடந்­த­பா­டில்லை. அனைத்து அர­சி­யல் கட்­சி­க­ளும், பல்­வேறு அமைப்­பு­க­ளும், பொது­மக்­க­ளும் கூட உள்­ளாட்­சித் தேர்­தலை விரை­வில் நடத்த வேண்­டும் என வலி­யு­றுத்தி வரு­கின்­ற­னர்.

தமிழ்­நாடு அரசு தரப்­பில் முத­ல­மைச்­சர் எடப்­பாடி பழ­னிச்­சாமி, துணை முதல்­வர் ஓ.பன்­னீர்­செல்­வம் மற்­றும் அமைச்­சர்­க­ளும், உள்­ளாட்­சித் தேர்­தலை நடத்த நாங்­கள் தயார், வார்டு வரை­யறை பணி­கள் முடிய வேண்­டும்,
இது தொடர்­பான வழக்­கின் தீர்ப்பு உச்­ச­நீதி மன்­றத்­தில் இருந்து வர வேண்­டும். அதன்­பின் நிச்­ச­யம் தேர்­தலை நடத்­து­வோம். அதற்­காக நிதி ஒதுக்­கப்­பட்­டுள்­ளது என்­கின்­ற­னர்.
பஞ்­சா­யத்­து­ராஜ் சட்­டப்­படி, 5 ஆண்­டு­க­ளுக்கு ஒரு­முறை உள்­ளாட்சி அமைப்­பு­க­ளின் தேர்­தலை கட்­டா­யம் நடத்த வேண்­டும். ஜன­நா­ய­கத்­தின் அடிப்­படை நிர்­வாக அமைப்பு உள்­ளாட்சி பத­வி­கள்­தான். அங்கு தேர்ந்­தெ­டுக்­கப்­பட்ட பிர­தி­நி­தி­கள்­தான், மக்­க­ளின் அடிப்­படை பிரச்­னை­களை கவ­னிப்­பார்­கள்.
தமிழ்­நாட்­டில் 234 எம்.எல்.ஏ. தொகு­தி­க­ளும், 39 எம்.பி. தொகு­தி­க­ளும் தான் உள்­ளன. ஆனால் உள்­ளாட்சி அமைப்­பு­க­ளில் 12 மாந­க­ராட்­சி­கள், 31 மாவட்ட ஊராட்­சி­கள், 385 ஒன்­றி­யங்­கள், 124 நக­ராட்­சி­கள், 524 பேரூ­ராட்­சி­கள், 12 ஆயி­ரத்து 524 ஊராட்­சி­கள், இவற்­றில் உள்­ள­டங்­கிய சுமார் ஒரு லட்­சத்து 31 ஆயி­ரம் பிர­தி­நி­தி­கள் பங்­கேற்­கிற மிகப்­பெ­ரிய நிர்­வாக அமைப்பு இது. அவ­சி­யம் அர­சி­ய­ல­மைப்பு சட்­டப்­படி உரிய காலக்­கெ­டு­வுக்­குள் உள்­ளாட்­சித் தேர்­தலை நடத்த வேண்­டிய பொறுப்­பும், கட­மை­யும் அர­சுக்கு உண்டு. அவர்­க­ளும் இதற்­கான முன் முயற்­சி­களை எடுத்­த­னர்.
கடந்த 2001 – மக்­கள் தொகை கணக்­கெ­டுப்­பின்­படி, 2006, 2011–ல் முந்­தைய அர­சு­கள் கடைப் பிடித்த அதே அணு­கு­மு­றை­யின் அடிப்­ப­டை­யில், 2016–க்கான தேர்­த­லை­யும், மாநில தேர்­தல் ஆணை­யம் அறி­வித்­தது.
ஆனால், திமுக சார்­பில் அக்­கட்­சி­க­ளின் அமைப்பு செய­லா­ளர் ஆர்.எஸ். பாரதி, பழங்­கு­டி­யின மக்­கள் தொகைக்கு ஏற்ப இட ஒதுக்­கீடு வழங்­கப்­ப­ட­வில்லை. பெண்­கள் வார்டு எது என்­ப­தை­யும் தெளி­வு­ப­டுத்­த­வில்லை, போதிய கால அவ­கா­ச­மும் வழங்­க­வில்லை என்­பது உள்­பட பல்­வேறு கார­ணங்­களை குறிப்­பிட்டு, உயர்­நீதி மன்­றத்­தில் வழக்கு தொடர்ந்து, உள்­ளாட்சி தேர்­தல் அட்­ட­வ­ணையை ரத்து செய்ய வேண்­டும் என கோரி­யி­ருந்­தார்.

இந்த மனு மீது விசா­ரணை நடத்­திய உயர்­நீ­தி­மன்ற நீதி­பதி கிரு­பா­க­ரன், உள்­ளாட்சி தொடர்­பான அர­சா­ணை­களை ரத்து செய்­த­து­டன், பழங்­கு­டி­யி­னர், பெண்­கள் இட ஒதுக்­கீடு உள்­ளிட்­ட­வற்றை முறைப்­ப­டுத்­து­வ­து­டன், குற்­றப் பின்­னணி விப­ரங்­களை வேட்பு மனு­வில் குறிப்­பிட்ட வேண்­டும் என்­பது உள்­ளிட்ட சில பரிந்­து­ரை­க­ளை­யும் தனது உத்­த­ர­வில் குறிப்­பிட்­டி­ருந்­தார். இது தொடர்­பாக அர­சின் மேல்­மு­றை­யீடு, திமுக தரப்­பில் மேலும் சில கோரிக்­கை­க­ளோடு வழக்கு உச்ச நீதி­மன்­றம் வரை சென்­றது.
 2001 மக்­கள் தொகை கணக்­கெ­டுப்­பின்­படி தேர்­தலை நடத்த வேண்­டும். வாக்­குச் சீட்டு முறை­களை ரத்து செய்து, மின்­னணு எந்­தி­ரம் மூலமே வாக்­க­ளிக்க அனு­ம­திக்க வேண்­டும் என திமுக தரப்பு வலி­யு­றுத்­தி­யது.
இது தொடர்­பான வழக்­கு­களை விசா­ரித்த நீதி­மன்­றங்­கள், விரைந்து தேர்­தலை நடத்த வேண்­டும் என்று தான் உத்­த­ர­விட்­டது.
ஒரு கட்­டத்­தில், இந்த வழக்­கில் ஆஜ­ரான மாநில தேர்­தல் ஆணை­யத்­தின் செய­லா­ளர் டி.எஸ். ராஜ­சே­கர், தற்­போ­தைய மக்­கள் தொகை அடிப்­ப­டை­யில் உள்­ளாட்சி வார்­டு­கள் மறு சீர­மைப்பு செய்­யப்­பட்டு வரு­வ­தா­க­வும், இதற்­கென அமைக்­கப்­பட்ட மறு­சீ­ர­மைப்பு ஆணை­யம் பல்­வேறு ஆய்­வு­களை மேற்­கொண்டு தொகுதி சீர­மைப்பு வரைவு பட்­டி­யல் மற்­றும் வரை­ப­டத்தை தயா­ரித்­தி­ருப்­ப­தா­க­வும் கூறி­னார்.
மேலும் வார்டு சீர­மைப்­புத் தொடர்­பாக அர­சி­யல் கட்­சி­கள், பொது­மக்­கள் மற்­றும் பல்­வேறு அமைப்­பு­க­ளி­டம் இருந்து 18 ஆயி­ரத்து 961 ஆட்­சே­பனை மனுக்­கள் வந்­தி­ருப்­ப­தா­க­வும், இவற்­றில் 7 ஆயி­ரத்து 575 மனுக்­கள் அதி­கா­ரி­க­ளின் கள ஆய்­வுக்கு பிறகு ஏற்­கப்­பட்­டி­ருப்­ப­தா­க­வும், தெரி­வித்­த­து­டன், தமி­ழ­கத்­தி­லுள்ள ஒரு லட்­சத்து 31 ஆயி­ரம் வார்­டு­களை மறு சீர­மைப்பை இறுதி செய்ய கால அவ­கா­சம் தேவைப்­ப­டு­வ­தா­க­வும் கூறி­யுள்­ளார்.
வார்டு மறு சீர­மைப்பு பணி­கள் முடிந்து வார்டு வாரி­யாக வாக்­கா­ளர்­கள் பட்­டி­யல் வெளி­யி­டப்­பட்டு அதன் அடிப்­ப­டை­யில் உள்­ளாட்­சித் தேர்­தல் நடத்­தப்­ப­டும் என்­றும் தேர்­தல் ஆணை­யச் செய­லர் உறுதி அளித்­தி­ருந்­தார்.
ஆனா­லும், மேலும் கால­தா­ம­தம் ஆன­தன் அடிப்­ப­டை­யில், திமுக, தேர்­தல் ஆணை­யம் மற்­றும் தமி­ழக அர­சின் மீது நீதி­மன்ற அவ­ம­திப்பு வழக்கு தொடர்ந்து.
இந்த வழக்கை விசா­ரித்த உயர் நீதி­மன்ற நீதி­ப­தி­கள், தேர்­தல் ஆணை­யத்­திற்­கும், தமி­ழக அர­சுக்­கும் கடும் எச்­ச­ரிக்கை விடுத்­துள்­ள­னர். இம்­மா­தம் 6ம் தேதிக்­குள், தேர்­தல் தொடர்­பான அட்­ட­வ­ணையை வெளி­யிட வேண்­டும் என்­றும், இல்லை என்­றால், நீதி­மன்ற அவ­ம­திப்பு அடிப்­ப­டை­யில், நட­வ­டிக்­கைக்கு உள்­ளாக நேரி­டும் என்­றும் குறிப்­பிட்­டுள்­ள­னர்.

எனவே, தமிழ்­நாடு மாநில தேர்­தல் ஆணை­யம், இன்­னும் கார­ணங்­களை தேடி அலை­யா­மல், உட­ன­டி­யாக உள்­ளாட்­சித் தேர்­த­லுக்­கான தேதி­களை அறி­வித்து நடத்­திட வேண்­டும் என்­ப­து­தான், அனைத்­துப் பிரிவு மக்­க­ளின் கருத்­தாக உள்­ளது.
கடந்த மாதம் சட்­ட­மன்­றத்­தில், உள்­ளாட்சி அமைப்­பு­க­ளின் தனி அலு­வ­லர்க்­கான பதவி நீட்­டிப்பு மசோ­தாவை அறி­மு­கப்­ப­டுத்­திய அமைச்­சர் வேலு­மணி, ‘எந்த நேரம் தேர்­தல் வந்­தா­லும் அதைச் சந்­திக்க தயார் நிலை­யில் இருக்­கி­றோம் என்­றும்’ உள்­ளாட்­சித் தேர்­தலை விரை­வில் நடத்­து­வ­தற்கு உரிய நிதி ஒதுக்­கீடு செய்­தி­ருப்­ப­தா­க­வும், வார்டு மறு வரை­யறை தொடர்­பான நீதி­மன்­றத் தீர்ப்பு கிடைத்­த­தும், உடனே தேர்­தல் நடத்­தப்­ப­டும் என்­றும் உறுதி தெரி­வித்­தார்.
அந்த நிலைப்­பாட்­டில் மேலும் உறு­தி­யாக இருந்து, உள்­ளாட்­சித் தேர்­தலை நடத்­து­வ­து­தான் இந்த அர­சுக்­கும் நல்­லது. வெற்றி, தோல்­வி­களை பற்­றிக் கவ­லைப்­ப­டா­மல், ஜன­நா­ய­கத்­தின் மீது நம்­பிக்கை வைத்து இந்த அர­சாங்­கம் தேர்­தலை நடத்­தி­யது என்ற நற்­பெ­ய­ரு­டன், அடுத்­த­டுத்து வரும் எம்.பி., எம்.எல்.ஏ. தேர்­தல்­க­ளுக்­கும் இது உறு­து­ணை­யாக இருக்­கும்.

===================================================================================
ன்று,
ஆகஸ்ட்-17.
  • இந்தோனேஷிய விடுதலை தினம்(1945)
  • இந்தியாவையும் பாகிஸ்தானையும் பிரிக்கும் ரெட்கிலிஃப் கோடு வெளியிடப்பட்டது(1947)
  • காபோன் விடுதலை தினம்(1960)
  • முதல் சிடி ஜெர்மனியில் வெளியிடப்பட்டது(1982)
====================================================================================
ஊடக தர்மம்.'
அதிபர் டொனால்ட் டிரம்ப் பதவி ஏற்றது முதல் அமெரிக்க ஊடங்களை கடுமையாக சாடி வருகிறார். அமெரிக்க ஊடகங்கள் பொய்யான செய்திகளை வெளியிட்டு மக்களை திசை திருப்பி வருவதாக அவர் தொடர்ந்து குற்றம்சாட்டி வருகிறார்.

இந்தியாவில் பிரதமர் மோடி ஊடகங்களை வளைத்து பாஜக அரசு ஊதுகுழலாக மாற்றிய தந்திரம் டிரம்புக்கு தெரியவில்லையா?அல்லது இந்திய ஊடகங்கள் போல் அமெரிக்க ஊடகர்கள் விலை போகவில்லையா?இரண்டாவதுதான் சரியாக இருக்கும்.!


 அமெரிக்காவின் புகழ்பெற்ற முன்னணி பத்திரிகைகளான நியூயார்க் டைம்ஸ் மற்றும் வாஷிங்டன் டைம்ஸ் இரண்டையும்  ‘டிரம்ப் வெறுப்பாளர்கள்’ என சாடினார் டிரம்ப்.

‘‘அந்த இரு பத்திரிகைகளும் நேர்மறையான நல்ல செய்திகளை விட்டுவிட்டு எதிர்மறையான செய்திகளை மட்டும் வெளியிட்டு வருகின்றன. அவர்கள் என்றும் மாறபோவதில்லை’’ என கூறினார்.
மேலும் கடந்த மாதம் சி.என்.என் பத்திரிகையாளர் ஒருவர் டிரம்பிடம் தகாத கேள்வியை கேட்டதாக கூறி வெள்ளை மாளிகை அவரை நிகழ்ச்சியில் இருந்து வெளியேற்றியது.

அதை தொடர்ந்து அமெரிக்க பத்திரிகையான பாஸ்டன் குளோப் கடந்த வாரம் டிரம்புக்கு எதிரான தேசிய அளவிலான போராட்டத்திற்கு அழைப்பு விடுத்தது. ஊடகத்துக்கு எதிரான டிரம்பின் போருக்கு தக்க பதிலடி கொடுக்க ஒவ்வொரு பத்திரிகையும் டிரம்புக்கு எதிராக தலையங்கம் எழுத வேண்டும் என அறிவித்தது.


பாஸ்டன் குளோப்பின் இந்த அழைப்புக்கு நியூயார்க் டைம்ஸ், நியூயார்க் போஸ்ட், பிலடெல்பியா இன்கொய்ரர் உட்பட சுமார் 350 பத்திரிகைகள் இதற்கு ஆதரவு தெரிவித்தன.

அதன் தொடர்ச்சியாக இன்று சுமார் 350 பத்திரிகைகள் டிரம்புக்கு எதிராக தலையங்கம் வெளியிட்டு தங்கள் எதிர்ப்பை தெரிவித்துள்ளன. டிரம்பின் கட்சி வெற்றி பெற்ற மாகாணங்களின் செய்தித்தாள்களும் இதில் அடக்கம். 

நியூயார்க் டைம்ஸ் பத்திரிகை இந்த ஆண்டு அரசு அதிகாரிகளால் ஊடகங்கள் அதிகம் தாக்குதலுக்கு உள்ளான வருடம் என தலையங்கத்தில் எழுதியுள்ளது.

‘‘உங்களுக்கு பிடிக்காத உண்மைகளை போலி செய்திகள் என சாடுவது ஜனநாயகத்துக்கு மிகவும் ஆபத்தானது. பத்திரிகைகள் மற்றும் ஊடகங்களை மக்களின் எதிரிகள் என வர்ணிப்பது ஆபத்தான காலக்கட்டதை காட்டுகிறது’’ என நியூயார்க் டைம்ஸ் தெரிவித்துள்ளது.
=======================================================================================
ஒருவழியான எட்டுவழி சாலை 
சென்னை- சேலம் எட்டுவழிச் சாலையை முதலில் ஆதரித்தது பா.ம.க. பின்னர் கடுமையாக எதிர்jத்து வந்தது. தடையை மீறி மக்களை சந்தித்து ஆய்வு செய்ய பா.ம.க., இளைஞரணித் தலைவர் அன்புமணி களமிறங்கினார். 
எட்டுவழிச் சாலை அமைய இருக்கும் மாவட்டங்களில் மக்களை சந்தித்து கருத்துகளைக் கேட்டு அவற்றை பிரதமருக்கும், முதல்வருக்கும் அனுப்பப் போவதாக அவர் கூறினார். 

அத்தோடு ஆகஸ்டு 15ம் தேதி சுதந்திர தினத்தன்று அனைத்து கிராமங்களிலும் நடக்கும் கிராம சபைக் கூட்டத்தில் எட்டுவழிச் சாலையை எதிர்த்து தீர்மானம் போட, அந்தந்த கிராமங்களில் இருக்கும் பா.ம.கவினர் மூலம் நடவடிக்கை எடுக்க வேண்டும் என்று சேலம், தர்மபுரி மாவட்ட பா.ம.க நிர்வாகிகள் தங்கள் தலைமைக்கு வேண்டுகோள் விடுத்திருந்தனர். 
தலைமைக்கு தகவல் தெரிவித்ததோடு சேலம் மாவட்டத்தில் பனைமரத்துப்பட்டி, பாரப்பட்டி உள்ளிட்ட பகுதிகளிலும் தர்மபுரி மாவட்டத்திலும் கிராம சபை கூட்டங்களில் பா.ம.கவினர் கலந்துகொண்டு எட்டுவழிச் சாலை திட்டத்துக்கு எதிராக தீர்மானம் நிறைவேற்றுவது என்று முடிவெடுத்திருந்தனர்.
முதல்வர் எடப்பாடி பழனிசாமியை சந்தித்தார் அன்புமணி ராமதாஸ். 
அப்போது இருவருக்கும் இடையே தனிப்பட்ட ஒப்பந்தங்கள் நிகழ்ந்ததாக கூறப்படுகிறது. 
அத்தோடு 8 வழிச்சாலை குறித்து வாய் திறக்கவில்லை பா.ம.க தலைவர்கள். 

இந்நிலையில், ஆகஸ்டு 13ம் தேதி பா.ம.க இளைஞரணித் தலைவர் அன்புமணியிடம் இருந்து வந்த அறிக்கையில், “ஆகஸ்ட் 15-ஆம் தேதி விடுதலை நாளையொட்டி நடைபெறவுள்ள கிராமசபைக் கூட்டங்களில் பாட்டாளி மக்கள் கட்சியினரும், பொதுமக்களும் அதிக அளவில் கலந்து கொண்டு நாடு முழுவதும் புகையிலை மற்றும் புகையிலைப் பொருட்களுக்கு தடை விதிக்க வேண்டும் என்ற தீர்மானத்தை நிறைவேற்றி மத்திய, மாநில அரசுகளுக்கு அனுப்பி வைக்க வேண்டும்.  
அதை ஏற்று நாடு முழுவதும் புகையிலைக்கு தடை விதிக்க மத்திய, மாநில அரசுகள் முன்வர வேண்டும் என்று வலியுறுத்துகிறேன்” என்று கேட்டுக் கொண்டிருந்தார்.
இதைக் கேட்டு பாமக நிர்வாகிகள் அதிர்ச்சியாகிவிட்டதாக கூறப்படுகிறது. 
எட்டுவழிச் சாலையை கடுமையாக களத்தில் நாம் எதிர்த்துக் கொண்டிருக்கிறோம். இந்த நிலையில் அதைவிட்டுவிட்டு புகையிலை எதிர்ப்பினை இப்போது தீவிரப்படுத்த வேண்டிய அவசியம் என்ன என்று யோசிக்க ஆரம்பித்துவிட்டார்கள். 
இதனால் சேலம், தர்மபுரி மாவட்டங்களில் பா.ம.கவினர் பலர் கிராம சபை கூட்டங்களுக்கு செல்வதையே தவிர்த்துவிட்டனர்.
ஆனாலும் பாமகவினரின் பங்களிப்பு இல்லாமலேயே 16 கிராமங்களில் எட்டுவழிச் சாலைக்கு எதிர்ப்பு தெரிவித்து தீர்மானம் நிறைவேற்றப்பட்டது. 

உண்மையிலேயே பாமகவினர் இதில் தீவிரமாக ஈடுபட்டிருந்தால் எட்டுவழிச் சாலைக்கு எதிராக தீர்மானம் நிறைவேற்றப்படும் கிராம சபைகளின் எண்ணிக்கை அதிகரித்திருக்கும் என்று அப்பகுதியில் உள்ள பாமக நிர்வாகிகள் வருந்துகிறார்கள்.
“ஆகஸ்டு 6 ஆம் தேதி தலைமைச் செயலகத்தில் முதல்வர் எடப்பாடி பழனிசாமியை அன்புமணி சந்தித்துப் பேசினார். இதற்குப் பிறகு எட்டுவழிச் சாலைத் திட்டத்தை எதிர்ப்பதில் பாமக முன்பு காட்டிய வேகம் குறைந்திருப்பதாகவே தெரிகிறது. 
இதன் விளைவுதான் பாமக கிராம சபைகளில் எட்டுவழிச் சாலையை விட்டுவிட்டு தன்னுடைய பழைய முழக்கமான புகையிலை ஒழிப்பைக் கையில் எடுத்திருக்கிறது. 

புகையிலை ஒழிப்பு நல்ல முழக்கம்தான் என்றாலும் எட்டுவழிச் சாலையில் இருந்து ஒதுங்கிச் செல்ல பாமகவுக்கு அந்த முழக்கம் பயன்பட்டிருக்கிறது” என்கிறார்கள் சேலம் மாவட்ட பத்திரிகையாளர்கள்.
சேலம், தர்மபுரியில் இதுகுறித்து பேசப்படுவதை அறிந்த பாமக நிறுவனர் டாக்டர் ராமதாஸ் இன்று தனது ட்விட்டர் பக்கத்தில் “பசுமைச் சாலைத் திட்டத்திற்கு எதிராக கிராமசபைக் கூட்டங்களில் தீர்மானம் நிறைவேற்ற தமிழக அரசு அதிகாரிகள் முட்டுக்கட்டை போட்டது கண்டிக்கத்தக்கது. 
சில கிராமங்களில் நிறைவேற்றப்பட்ட தீர்மானங்களின் அடிப்படையில் திட்டத்தைக் கைவிட வேண்டும்” என ஒப்புக்காக ஒரு கருத்தைப் பதிவிட்டிருக்கிறார். 
எடப்பாடி பழனிசாமி மத்திய அரசால் சாலை ஒப்பந்தம் மூலம் பணமாகவும்,ஊழல் காரணமாகவும் தான் அமுக்கப்பட்டதைப்போல் மருத்துவக்கல்லூரி ஊழல் மூலம் அன்புமணி மீது சிபிஐ விசாரணை விரைவாக்கப்படலாம் என்று பேசியிருப்பார்கள் .அதனாலே எட்டுவழிசாலைக்கு எதிரான கிராமசபை தீர்மானங்கள் புகையிலையாக புகைந்து விட்டது என்பதே பலரின் ஐயம்.
அதுவாகத்தான் இருக்கும். மற்றபடி அன்புமணி- ராமதாஸுக்கும் முதல்வருக்கும் இடையே என்ன உடன்பாடோ ?