இன்றைய செய்தி,நாளைய வரலாறு. நாளைய வரலாறை படிப்போம்.

திங்கள், 16 ஏப்ரல், 2018

புதிய கண்டம்?

சமீபத்தில் ஆப்பிரிக்கா கண்டத்தில் உள்ள கென்யா பகுதியில் மிகப்பெரிய நிலப்பிளவு ஏற்பட்டுள்ளது. அப்பகுதியில் ஏற்பட்டுள்ள இந்த நிலப்பிளவு சற்று ஆழமாகவும் உள்ளது.
 வடக்கே ஏடன் வளைகுடா தொடங்கி தெற்கே ஜிம்பாப்வே வரை சுமார் 3000 கிலோமீட்டர் தொலைவுக்கு இந்தப் பிளவு ஏற்பட்டுள்ளது.

இந்தப் பிளவினால், கென்யாவில் உள்ள நைரோபி – நரோக் நெடுஞ்சாலை முழுவதும் சேதமடைந்துள்ளது. குறிப்பாக இந்த பிளவுகள் ஏற்படுகையில் அந்தப் பகுதிகளில் நில அதிர்வுகள் ஏற்படுகின்றது. 
கென்யாவில் இதுவரை ஏற்பட்ட நிலநடுக்கம், மழை, வெள்ளம் போன்ற இயற்கை பேரழிவு போன்ற காரணங்கள்தான் நிலப்பிளவிற்கு காரணம் என ஆய்வு நடத்திய வல்லுநர்கள் கூறியுள்ளனர்.
தற்போது ஏற்பட்டுள்ள இந்தப் பிளவு அதிகரித்துக்கொண்டே போனால், ஆப்பிரிக்க கண்டம் அமெரிக்காவைப் போல இரண்டாகப் பிரிய வாய்ப்புள்ளது என்று புவியியல் வல்லுநர்கள் கூறியுள்ளனர். இந்தப் பிளவின் காரணமாக எத்தியோப்பியா, ருவாண்டா, தான்ஸானியா, ஜாம்பியா உள்ளிட்ட 10க்கும் மேற்பட்ட நாடுகள் தனிக் கண்டமாக பிரிய வாய்ப்பு இருப்பதாகவும் தெரிவிக்கப்பட்டுள்ளது. 
ஆனால் இத்தகைய மாற்றங்கள் ஏற்பட இன்னும் பல மில்லியன் ஆண்டுகள் ஆகும் எனவும் தெரிவித்தனர்.
சுமார் 138 மில்லியன் வருடங்கள் முன்பு அமெரிக்கா வட,தென் என்று  இரண்டாகப் பிரிந்தது. 
 ஆப்பிரிக்க கண்டமும் இது போல் பிரியும்.
ஆனால், அதற்கு சுமார் 100 மில்லியன் வருடங்களாவது ஆகும் என்று கூறப்பட்டுள்ளது.

ரிபப்ளிக் டிவி அர்னாப்க்கு ஆல்ட் நியூஸ் தளத்தின் பதில்

சமூக ஊடகங்களிலும், பத்திரிகைகளிலும் ஊடுருவி, தவறான போலியான செய்திகளைப் பரப்புவதன் மூலமாக தங்களை அரசிற்கு ஆதரவாக நிறுவிக் கொண்டுள்ளவர்களுக்கு எதிராக, அவர்கள் வெளியிடுகின்ற செய்திகளில் இருக்கும் போலித் தன்மையைத் தோலுரித்துக் காட்டி உண்மைகளை வெளிக்கொண்டு வரும் வகையில் இயங்கிக் கொண்டிருக்கும் இணையதளம் ஆல்ட் நியூஸ் (https://www.altnews.in/).
பத்திரிகைகளில் வெளிவராத அல்லது அவற்றால் முக்கியத்துவம் தரப்படாத சாதி சார்ந்த வன்முறைகள், மதரீதியான பாகுபாடுகள், தொழிலாளர் போராட்டங்கள், விவசாயிகளின் போராட்டங்கள் தொடர்பான செய்திகளையும் ஆல்ட் நியூஸ் இணையதளம் வெளியிட்டு வருகிறது.

வாட்ஸாப் போன்ற சமூக ஊடகங்கள் போலியான செய்திகளப் பரப்புவதற்கான ஊற்றுக் கண்ணாகச் செயல்பட்டு வரும் இக்காலகட்டத்தில் ஆல்ட் நியூஸின் சேவை மிகவும் பாராட்டத்தக்கதாக இருக்கிறது.
போட்டோஷாப் அரசின் பல்வேறு பொய்களைத் தோலுரித்துக் காட்டியிருக்கும் இந்த இணையதளத்தின் மீது அர்னாப் கோஸ்வாமி போன்றவர்களின் கோபம் என்பது எதிர்பாராத ஒன்றல்ல.

அண்மையில் ஆல்ட் நியூஸ் இணையதளத்திற்கு எதிராக அர்னாப் தன்னுடைய வேறொரு நிகழ்ச்சியை வளைத்து நடத்தியது குறித்து ஆல்ட் நியூஸ் இணையதளத்தில் வெளியாகி உள்ள கட்டுரை இங்கே.

ரிபப்ளிக் டி.வி. ஏற்பாடு செய்திருந்த விவாத நிகழ்ச்சியில் தொடர்ந்து போலியான செய்திகளை வெளியிடும் போஸ்ட் கார்டு நியூஸ் என்ற இணையதளத்தை நிறுவிய மகேஷ் ஹெக்டேவை கைது செய்தது பற்றி விவாதிக்கப்பட்டது.
அந்த விவாதத்தில் கலந்து கொண்டவர்களில் ஒருவர் ஆல்ட் நியூஸ் பற்றிப் பேசுகின்ற வரையிலும் அந்த விவாதம் நன்றாகத்தான் சென்று கொண்டிருந்தது.
அதற்குப் பிறகு நடந்தவை எல்லாம் வேடிக்கையாகவே இருந்தன.

கலந்து கொண்டவர்களில் எவரையும் பேச விடாது அர்னாப் கோஸ்வாமி மட்டுமே இடைவிடாது உச்சஸ்தாயில் பேசிக் கொண்டே இருந்தார். நீண்ட நேரத்திற்கு அவருடைய பேச்சு அடங்கவே இல்லை.

உண்மையில் விபத்தில் காயமடைந்த ஜெயின் சாமியார் ஒருவர் முஸ்லீம் இளைஞர்களால் தாக்கப்பட்டார் என்பதாக போலியான செய்தியைப் பகிர்ந்து கொண்டதற்காக மகேஷ் ஹெக்டே கைது செய்யப்பட்டிருந்தார் என்பது நம் அனைவருக்கும் தெரிந்த செய்தி.

முஸ்லீம் இளைஞர்கள் தாக்கியதாக வெளியான அந்த செய்தி சமூக ஊடகங்களில் வைரலாகப் பரவிய போது, ஆல்ட் நியூஸ் அந்தச் செய்தி போலியானது என்றும் தவறான கெட்ட நோக்கத்துடன் அது வெளியிடப்பட்டது என்றும் கண்டறிந்து அதன் பின்னால் இருந்த உண்மையை வெளிக் கொணர்ந்தது. அவ்வாறு செய்ததன் மூலம் ஆல்ட் நியூஸிற்கு இருந்த அரசியல் சமநிலையை கேள்விக்குள்ளாவதற்கு அர்னாப் கோஸ்வாமி மற்றும் ரிபப்ளிக் டிவி ஆகியவற்றால் மட்டுமே முடியும்.
அப்பாடி!

தன்னிடம் இருந்த மைக்கை முழு சப்தத்துடன் வைத்திருந்த அர்னாப் அந்தப் பெயரைக் கேட்டவுடனே, “நீங்கள் ஆல்ட் நியூஸ் பற்றி சொன்னீர்கள்” என்று உரக்க கத்தினார்.
அதற்குப் பிறகு ‘விவாதம்’ என்று அழைக்கப்பட்ட அந்த நிகழ்ச்சியில் யாராவது பேச முயன்றால், அவர்களை இடைமறித்து “ஆல்ட் நியூஸ் அரசியல் சமநிலையோடு செயல்படுவதாக எண்ணிக் கொண்டிருப்பவர்கள் அனைவரிடமும் நான் இந்தக் கேள்வியை முன்வைக்கிறேன்.”
என்று அவர் மட்டுமே பேசிக் கொண்டிருந்தார்.

போஸ்ட் கார்டு வெளியிட்ட அந்த போலியான செய்தி பற்றி விவாதிப்பதற்காக நடத்தப்பட்ட அந்த நிகழ்ச்சி திடீரென்று ஆல்ட் நியூஸ் பற்றியதாக மாறியதைத்தான் அவர்கள் அரசியல் சமநிலை என்று கருதினார்கள் போலும்.
அரசியல் சமநிலையின் அதிகார மையமாக தன்னைக் கருதுகின்ற அர்னாப், துரதிர்ஷ்டவசமாக அங்கே அந்த நிகழ்ச்சிக்குள் வந்து சிக்கிக் கொண்டவர்களிடம் தன்னுடைய உரையை இடைவிடாது நிகழ்த்திக் கொண்டே இருந்தார்.
இங்கே இணைக்கப்ப்ட்டிருக்கும் வீடியோ அர்னாப் ஆல்ட் நியூஸ் பற்றி பேசியவற்றைக் காட்டுகிறது. அந்த முழு நிகழ்ச்சியையும் இங்கே காணலாம் (http://www.republicworld.com/the-debate/306/626/is-the-arrest-about-fake-news-or-one-involving-political-ideologies).


ஜமா மசூதி மின்கட்டணத்தைச் செலுத்தவில்லை என்பதாக போஸ்ட் கார்டு வெளியிட்ட போலிக் கதையை அடிப்படையாகக் கொண்டு, ​​ரிபப்ளிக் டிவி கடந்த காலத்தில் ஒரு நிகழ்ச்சியை நடத்திய போது தன்னுடைய விரல்களைச் சுட்டுக் கொண்டது.

அந்தச் செய்தியில் உண்மை இல்லை என்று ஆல்ட் நியூஸ் தெளிவுபடுத்திய பிறகு, கோபமடைந்த அந்தச் சேனல் பின்னர் அந்த வீடியோவை முழுமையாக நீக்க வேண்டி வந்தது. ஆனால் அது நடந்து கிட்டத்தட்ட ஒரு வருடம் ஆகி விட்டதால், அர்னாப் ஒருவேளை அந்த இக்கட்டான நிலையை மறந்திருக்கலாம் என்பதால், நாம் அர்னாபை இப்போது குற்றம் சொல்ல முடியாது.

ஆல்ட் நியூஸ் எப்போதும் போல போலிச் செய்திகளைத் தோலுரித்துக் காட்டிக் கொண்டுதான் இருக்கிறது. இதே போன்று சில முறை ரிபப்ளிக் டிவியோடு மோதல்களும் நடந்திருக்கின்றன. எனவே “போஸ்ட்கார்டு ஒரு புறம் சாய்ந்து கொண்டிருக்கிறது என்றால், ஆல்ட் நியூஸ் மறுபுறம் சாய்ந்து இருக்கிறது” என்று கூறி போஸ்ட் கார்ட் நியூஸ், ஆல்ட் நியூஸ் ஆகியவற்றிற்கிடையே நகைச்சுவை மிகுந்ததொரு சமன்பாட்டை அர்னாப் எடுப்பதன் மூலமாக அவரிடம் இருக்கும் எரிச்சல்களை நம்மால் முழுமையாகப் புரிந்து கொள்ள முடிகிறது.

“இடதுசாரிகள் அல்லது காங்கிரஸ் அல்லது ஆம் ஆத்மி கட்சிகளின் பக்கமாகச் சாய்ந்து அவர்களை ஆதரிக்கும் வகையிலான கட்டுரைகளை எழுதிக் கொண்டிருப்பவர்கள் ஒருபக்கச் சார்பு கொண்டவர்களாகவே இருக்கிறார்கள்.
உண்மைகளைச் சரி பார்க்கும் இணையதளங்கள் என்று தங்களைத் தாங்களே கூறிக் கொள்வதற்கான உரிமை அவர்களுக்கு இல்லை” என்று ஒருபக்க மேடையில் நின்று பேசிக் கொண்டிருக்கும் அவர் முழங்கினார்.
நாங்கள் இந்த வீடியோவைப் பகிர்ந்தபோது அதைப் பார்த்து சிரித்த எங்களுடைய வாசகர்கள், அர்னாபின் கத்தலை மிகவும் தீவிரமாக எடுத்துக் கொள்ள வேண்டாம், அர்னாபிற்குப் நாம் பதிலளிக்கத் தேவையில்லை என்று அவர்கள் எங்களை அறிவுறுத்தினார்கள்.

 அவருடைய வாதத்தில் அவர் முக்கியமாகக் கூறுவதைத் தேர்ந்தெடுத்து அது உண்மைதானா என்பதைச் சரிபார்க்க நாங்கள் முயற்சிக்கிறோம்.
“உங்கள் அனைத்து கட்டுரைகளும், உண்மை பற்றிய உங்கள் அனைத்துச் சோதனைகளும் ஒரே பக்கத்தில் இருப்பவையாக மட்டுமே உள்ளன … .. உண்மையைச் சரிபார்க்கும் இணையதளங்கள் ஒரே அரசியல் பக்கம் நின்று அவர்களுக்காக வாதாடுபவையாக இருக்கக்கூடாது.

எப்போதுமே அப்படி இருக்கவில்லை என்றாலும், அவ்வப்போதாவது அவ்வாறு இருப்பதற்கு முயல வேண்டும். மற்ற பக்கமிருந்து வருகின்ற செய்திகளையும் திருத்தி வெளியிட வேண்டும். தொடர்ந்து காங்கிரஸ் அல்லது ஆம் ஆத்மி கட்சி அல்லது இடதுசாரிகளுக்காக வாதிட முயலக் கூடாது.
அவ்வாறு நடந்து கொண்டால் அவர்களுடைய நற்சான்றுகள் கேள்விக்குள்ளாக்கப்படும்” என்று அர்னாப் கூறியிருந்தார்.

மற்றொரு சேனல் வெளியிட்ட தகவலை ட்வீட் செய்த பாஜகவின் தகவல் தொழில்நுட்பத்துறையின் தலைவரான அமித் மாளவியாவைப் பாதுகாப்பதற்காக 24 மணி நேரத்திற்குள்ளாக மூன்று கட்டுரைகளை எழுதிய அர்னாப் வைக்கின்ற இத்தகைய குற்றச்சாட்டுகள் நம்மை ஆச்சரியத்தில் ஆழ்த்துகின்றன.

உண்மைகளோடு அர்னாப்பிற்கும், அவருடைய ரிபப்ளிக் டிவிக்கும் உள்ள தொடர்புகளை நினைவுபடுத்திக் கொண்ட நாங்கள், அர்னாபின் கத்தல்கள் எவ்வித ஆதாரமும் அற்றவை என்பதற்கான பத்து சமீபத்திய உதாரணங்களை இங்கே தொகுத்துத் தருகிறோம்.


1. மோடியின் கல்வித் தகுதி குறித்து சமூக வலைதளங்களில் தவறான வீடியோக்கள் உலா வருகின்றன.
2. போலிச் செய்திகளை அடிப்படையாக கொண்டு காங்கிரஸ் ட்விட்டர் கைப்பிடி கணிப்புகளை நடத்துகிறது.
3. பஞ்சாப் தேசிய வங்கி ஊழல் பின்னடைவு குறித்து தேசிய ஹெரால்டு பத்திரிகை ட்விட்டர் கணிப்பு
4. உண்மைக்கான சோதனை: கர்நாடகாவில் 7 லட்சம் கிராமங்கள் உள்ளன என்று மோடி கூறினாரா?
5. உண்மைக்கான சோதனை: இந்தியாவில் சொத்துக்களில் சமத்துவமின்மை குறித்த ராகுல் காந்தியின் கூற்று
6. நீதிபதி லோயாவின் மகனுடைய செய்தியாளர் கூட்டத்தை அமித் ஷா ஏற்பாடு செய்தார் என்று சமூக ஊடகங்கள் கூறுவதில் உண்மை இருக்கிறதா?
7. உண்மைக்கான சோதனை: கர்நாடகத்தில் தேர்தல் நடைபெறும் நாட்கள் தொடர்பாக அமித் மாளவியாதான் முதலில் ட்வீட் செய்தாரா?
8. பாஜக தகவல் தொழில்நுட்பத்துறையின் தலைவர் அமித் மாளவியா பற்றி டைம்ஸ் நவ் தவறான தகவல்களைப் பரப்புகிறது
9. பாஜக எம்.பி விடுத்த அறிக்கையின் காரணமாக சோலார் பேனல்கள் சேதப்படுத்தப்பட்டதாக பாகிஸ்தான் சேனல்கள் போலிச் செய்திகளைப் பரப்பின.
10. நரேந்திர மோடி உலகின் இரண்டாவது மிக ஊழல் நிறைந்த பிரதமராக இருக்கிறார் என்பதாக போலிச் செய்தி ஒன்று கூறுகிறது.

அன்பு அர்னாப், நீங்கள் ஆல்ட் நியூஸில் வெளியாகின்ற அனைத்து உண்மையறியும் செய்திகளும் ஒருபக்கம் சார்ந்து இருப்பதாக தவறான குற்றச்சாட்டை முன்வைத்து, “அவ்வப்போது” மற்ற பக்கத்திலிருந்து வருகின்ற செய்திகளையும் நாங்கள் வெளியிட வேண்டும் என்று சொல்லியிருக்கிறீர்கள்.
உங்களுடைய கூற்று உண்மை இல்லை என்பதற்காக நாங்கள் வெளியிட்ட பத்து செய்திகளை உங்களுக்குச் சுட்டிக் காட்டியுள்ளோம்.
இப்போது இங்கே உங்களுக்கான கேள்வி: மத்திய அரசிற்காக வாதாடவில்லை என்பதற்கு இது போன்று சமமான எண்ணிக்கையிலான நிகழ்வுகளை நீங்கள் எங்களுக்கு காட்ட முடியுமா?
எதிர்க்கட்சித் தலைவர்கள், தாராளவாதிகள் மற்றும் எதிர்க் குரல்களை நீங்கள் கேள்வி கேட்பதைப் போல, அதிகாரத்தில் இருப்பவர்களைப் பற்றிக் கேள்வி எழுப்புகின்ற வகையில் இருக்கும் உங்களுடைய 10 ஹேஸ்டேக்குகள், 10 கருத்துக்கணிப்புகள், 10 வீடியோக்களை எங்களுக்கு காட்டுங்கள். ஏனென்றால், ஆல்ட் நியூஸிற்கு நீங்கள் என்ன பரிந்துரைத்தீர்களோ, அவை உங்களுக்கும் பொருந்துவதாகவே இருக்கும்.

இங்கே ஆல்ட் நியூஸிலிருந்து உங்களுக்கு ஒரு செய்தி (உங்கள் வார்த்தைகளையே மாற்றித் தந்திருக்கிறோம்): தேசிய செய்திச் சேனல்கள் உண்மைத் தன்மையை வெளிப்படுத்துபவையாக இருக்க வேண்டும், எப்போதுமே அப்படி இருக்கவில்லை என்றாலும், எதிர்க்கட்சிகள், தாராளவாதிகள், ஜேஎன்யூ மாணவர்களுக்குப் பதிலாக அவ்வப்போதாவது அதிகாரத்தில் இருப்பவர்களைக் கேள்வி கேட்கும் வகையில் இருப்பதற்கு முயல வேண்டும்.
தொடர்ந்து பாஜகவிற்காக வாதாடுபவராக நீங்கள் இருக்கக்கூடாது, ஏனெனில் அவ்வாறு நீங்கள் இருக்கும்பட்சத்தில் உங்களுடைய நற்சான்றுகள் கேள்விக்குள்ளாகும்.

நன்றி: https://www.altnews.in/alt-news-responds-to-arnab-goswamis-hilarious-rant/

தமிழில்: முனைவர்.தா சந்திரகுரு, விருதுநகர்.
=========================================================================================
ன்று,
ஏப்ரல்-16.


  • செர்பியப் பேரரசு, டுசான் சில்னி என்பவரால் உருவாக்கப்பட்டது(1346)
  • இந்தியாவின் முதல் பயணிகள் ரயில் சேவை பம்பாயில் ஆரம்பிக்கப்பட்டது(1853)
  • உலகப் புகழ்பெற்ற நகைச்சுவை நடிகர் சார்லி சாப்ளின் பிறந்த தினம்(1889)
  • சிரியா விடுதலை (?)தினம்(1946)
========================================================================================

சிரியாவைத் தாக்கும் 13 நாடுகள்.

சிரியாவில் நடக்கும் போரை பலர் 'மினி உலகப் போர்' அதாவது சிறிய அளவிலான உலகப் போர் என்றே கருதுகிறார்கள்.
சிரியாவில் ஏழு ஆண்டுகளாக சண்டை தொடர்கிறது. இந்த உள்நாட்டுப் போரில் 20 நாடுகள் ஏதாவது ஒரு வழியில் ஈடுபட்டிருக்கின்றன.
சிரியாவில் கிளர்ச்சியாளர்களின் கட்டுப்பாட்டில் இருந்த டூமா நகரில் ரசாயன தாக்குதல்கள் நடந்ததாக சந்தேகங்கள் எழுப்பப்பட்டபின், அமெரிக்காவும் அதன் கூட்டாளிகளும் எதிர்த் தாக்குதல் தொடுத்தன.
அமெரிக்காவின் இந்த நடவடிக்கைக்கு பிரான்சும் பிரிட்டனும் ஆதரவு தெரிவிக்கின்றன. ஆனால் இந்த மூன்று நாடுகள் மட்டுமே சிரியா மீது அண்மை ஆண்டுகளில் தாக்குதல் நடத்தியது என்று கூறிவிடமுடியாது.
சிரியா மீது தாக்குதல் தொடுத்த நாடுகளின் நீண்ட பட்டியலை பார்க்கலாம்.


ரஷ்யா
சோவியத் ஒன்றிய சகாப்தத்தில் இருந்தே, ரஷ்யா சிரியாவுக்கு ஆதரவு வழங்கிவருகிறது.
சிரியாவின் மீதான ரஷ்யாவின் செல்வாக்கை தற்போதும் காணமுடிகிறது என்பதோடு, ஆயுதங்கள் மற்றும் பிற தளாவடங்களின் உதவியுடன் சிரியாவின் பஷர் அல்-ஆசாத் ஆட்சியை காப்பாற்றுவதாக விளாடிமிர் புதினின் அரசு வாக்குறுதி வழங்கியிருக்கிறது.

சிரியாவின் நிலத்தில் 2015 செப்டம்பர் மாதத்தில் ரஷ்யா காலை ஊன்றிய பிறகு, நிலைமைகள் அதிபர் பஷர் அல்-ஆசாதுக்கு சாதகமாக மாறின.
சிரியாவின் எதிரிகளை அடக்குவதோடு, ஐ.எஸ் தீவிரவாதக் குழுக்களின் புகலிடங்களிலும் குண்டுவீசி அவர்களுக்கும் சிம்மசொப்பனமாக திகழ்வதாக கூறுகிறது ரஷ்யா.
ஆனால் ரஷ்யாவின் கூற்றுக்களை கண்டனம் செய்யும் ஐக்கிய நாடுகள் சபையின் புலனாய்வு ஆணையம், ரஷ்யாவின் தாக்குதல்களில் பலியானவர்கள் பெரும்பாலும் பொதுமக்களே என்று விமர்சிக்கிறது.


அமெரிக்கா
சிரியாவில் உள்நாட்டு யுத்தம் தொடங்கியதில் இருந்து, அங்குள்ள கிளர்ச்சி அமைப்புக்களுக்கு அமெரிக்கா உதவி செய்கிறது.
சிரிய அரசு 2013ஆம் ஆண்டில் ரசாயனத் தாக்குதல்களை நடத்தியதாக குற்றம் சாட்டப்பட்டது.
ஆனால் அப்போதைய அமெரிக்க அதிபர் பரக் ஒபாமா, சிரியாவிற்கு எதிராக எந்த நடவடிக்கையையும் எடுக்கவில்லை.
2014ல், வளைகுடா பிராந்தியத்தில் மேற்கத்திய நாடுகளும் அவற்றின் நட்பு நாடுகளும் ஐ.எஸ் தீவிரவாத அமைப்பின் பல நிலைகளில் 11,000க்கும் அதிகமான தாக்குதல்களைத் நடத்தின.
சிரியா நாட்டு பொதுமக்கள்மீது நடத்தப்பட்ட ரசாயன தாக்குதல்களுக்கு பிறகு, 2017இல் அமெரிக்க அதிபர் டொனால்ட் டிரம்ப் சிரியா மீது ஏவுகணை தாக்குதல் நடத்த உத்தரவிட்டார்.
2018 ஏப்ரல் மாதத்தில், டூமா நகரில் ரசாயனத் தாக்குதல் நடத்தப்பட்டதான சந்தேகங்கள் எழுப்பப்பட்ட பிறகு, தக்க பதிலடி கொடுக்கப்படும் என டிரம்ப் சிரியாவுக்கு எச்சரிக்கை விடுத்தார். தாக்குதலும் தொடங்கிவிட்டது.



பிரிட்டன்
2015 ஆம் ஆண்டு முதல் சிரியாவில் ஐ.எஸ் அமைப்பின் மறைவிடங்கள் மீது பிரிட்டிஷ் விமானப் படைகள் தாக்குதல் நடத்தி வருகின்றன.
2013ஆம் ஆண்டில், டமாஸ்கஸின் கிழக்குப் பகுதியில் ரசாயனத் தாக்குதல் நடத்தப்பட்டதான சந்தேகங்கள் வலுத்தபோது, ஆசாத்தின் ராணுவ நிலைகளை தாக்குவது பற்றி பிரிட்டன் சிந்தித்தது.
ஆனால் தாக்குதல் நடத்துவது பற்றி பிரிட்டன் நாடாளுமன்றத்தில் நடைபெற்ற வாக்கெப்டுப்பில் தீர்மானம் நிராகரிக்கப்பட்டது.
அண்மையில் டூமா நகரில் ரசாயன தாக்குதல் நடைபெற்றதான சந்தேகம் எழுந்தபோது, இந்த தவறுக்கான தண்டனையில் இருந்து சிரியா அரசு தப்பமுடியாது என்று பிரதமர் தெரீசா மே அறிவித்தார்.
பிரான்ஸ்
2013ஆம் ஆண்டு முதல் சிரியாவில் செயல்படும் கிளர்ச்சி அமைப்புக்களுக்கு பிரான்ஸ் ஆயுதங்களை வழங்கிவருகிறது என்பதோடு, 2015ஆம் ஆண்டு முதல் ஐ.எஸ் மறைவிடங்களில் விமான தாக்குதல்களிலும் பங்கேற்றுள்ளது.
சிரியாவுடன் வரலாற்று ரீதியான தொடர்புகளைக் கொண்டுள்ள பிரான்ஸ், சிரியாவின் உள்நாட்டுப் போர் தொடங்கியதில் இருந்து அதன் முடிவு பற்றி ஆழ்ந்த அக்கறை கொண்டுள்ளது.
சிரியா அதிபர் பஷர் அல்-ஆசாத்தின் அரசை பிரான்ஸ் ஆதரிக்கவில்லை

2013ஆம் ஆண்டு சிரியாவின் ராணுவ தளங்களில் வான்வழி தாக்குதல்கள் நடத்துவது பற்றி பேச்சுகள் முன்னெடுக்கப்பட்டபோது, பிரான்ஸ் அரசு அதற்கு வெளிப்படையாக ஆதரவு தெரிவித்தது.
தற்போதைய பிரான்சு அதிபர் இமானுவேல் மக்ரோங்கும் சிரியா மீதான ராணுவ நடவடிக்கைக்கு ஆதரவளிக்கிறார்.


கனடா
சிரியாவில் ஐ.எஸ் தீவிரவாத அமைப்பினைத் தாக்கும் அமெரிக்கக் கூட்டணியில் கனடாவும் இடம் பெற்றுள்ளது.
2016இல் கனடாவில் ஜஸ்டின் ட்ரூடோவின் அரசு அமைந்தபோது, அமெரிக்க கூட்டணியின் நடவடிக்கைகளில் இருந்து கனடா வெளியேறியது.
சிரியா மீதான அமெரிக்கத் தாக்குதல்களில் கனடா பங்கெடுக்காது என்று ஜஸ்டின் ட்ரூடோ அறிவித்தார்.
ஆஸ்திரேலியா
இராக் மற்றும் சிரியாவில் ஐ.எஸ் அமைப்பின் நிலைகளின்மீது நடந்த தாக்குதலில் ஆஸ்திரேலியா பங்கெடுத்தது.
ஆஸ்திரேலியா பங்கெடுத்த தாக்குதல் ஒன்றில், 90 சிரியா வீரர்கள் தவறுதலாக கொல்லப்பட்டார்கள்.
ஐ.எஸ் தீவிரவாதிகள் என்று தவறாக கருதி அவர்கள் மீது தாக்குதல் நடத்தப்பட்டது. இந்த தவறுக்கு பிரதமர் மால்கம் டர்ன்புல் மன்னிப்பு கோரினார்.

நெதர்லாந்து
2014 செப்டம்பர் மாதத்தில், ஐ.எஸ் அமைப்புக்கு எதிராக ராணுவ நடவடிக்கைகளில் ஈடுபடலாம் என நெதர்லாந்து முடிவெடுத்தது.
2015 ஆம் ஆண்டு வரை அந்நாடு ஐ.எஸ் தீவிரவாதிகள் மீது நூற்றுக்கணக்கான விமான தாக்குதல்களை நடத்தியது. இந்தத் தாக்குதல்களில் F-16 ரக போர் விமானங்கள் பயன்படுத்தப்பட்டன.
சிரியாவில் தனது ராணுவம் இருப்பதற்கு நெதர்லாந்து ஒப்புக்கொண்டுள்ளது.
2016ஆம் ஆண்டு, சிரியாவிற்கும் இராக்கிற்கும் இடையில் ஐ.எஸ் அமைப்பு பயன்படுத்திவரும் போக்குவரத்து வழித்தடத்தின் மீதான தாக்குதலை துரிதப்படுத்த முடிவு செய்தது நெதர்லாந்து.


இரான், ரஷ்யா, துருக்கி ஆகிய மூன்று நாடுகளின் விருப்பங்களும் மாறுபட்டவைகளாக இருந்தபோதிலும், அதன் அதிபர்கள் ருஹானி, புதின், எர்துவான் ஆகியோர் பிராந்திய ஒருமைப்பாட்டுக்கு ஆதரவளிக்கின்றனர்
இரான்
இரான் ஒரு ஷியா முஸ்லிம் நாடு என்பதால் சிரியாவின் மீது அதற்கு அதிக ஆர்வம் உள்ளது. சுன்னி முஸ்லிம்களின் ஆதிக்கம் கொண்ட செளதி அரேபியாவின் செல்வாக்கு சிரியாவில் இல்லை.
பஷாரின் சிரியா ராணுவத்திற்கு உதவி செய்வதுடன் அதற்கு தேவையான உபகரணங்களையும், பொருளாதார உதவியையும் வழங்குகிறது இரான்.
அது மட்டுமல்ல, தனது நாட்டில் இருந்தே, சிரியாவில் செயல்படும் கிளர்ச்சி அமைப்புகளின் மீது ஏவுகணை தாக்குதல்களை நடத்தியிருக்கிறது இரான்.

துருக்கி
சிரியாவின் வடக்குப் பகுதியில் துருக்கி அரசு தனது இருப்பை அதிகரித்துள்ளது.
சிரியா அதிபர் ஆசாத்தின் ஆட்சியை துருக்கி எதிர்த்த நிலையிலும், ஐ.எஸ் தீவிரவாத அமைப்புக்கு எதிராகவும் துருக்கி செயல்படுகிறது.
ஆனால் சிரியாவில் உள்ள குர்து இனத்தினரை வலுப்படுத்த துருக்கி விரும்பவில்லை.
சிரியாவின் அஃப்ரீன் நகரில், YPG என்ற குர்து இன அமைப்புக்கு எதிராக தீவிரமான தாக்குதலை மேற்கொண்டுள்ள துருக்கி, சிரியாவின் வட பகுதியிலும் குண்டு வீசி தாக்குதல் நடத்தியுள்ளது.
செளதி அரேபியா
சிரியாவில் இரானின் செல்வாக்கை எதிர்க்கும் நாடுகளில் செளதி அரேபியா முதன்மையானது.
அதிபர் அல்-ஆசாத் அரசுக்கு எதிராக போராடும் பல கிளர்ச்சி அமைப்புக்களுக்கு செளதி அரேபியா பெரிய அளவிலான ராணுவ உதவிகளை வழங்குகிறது.
சிரியாவில் உள்ள கிளர்ச்சி அமைப்புக்களுக்கு மூலோபாய நுண்ணறிவு தகவல்களை வழங்கும் செளதி அரேபியா, கிளர்ச்சியாளர்களுக்கு தேவையான பிற உதவிகளையும் வழங்குகிறது.
2014 ஆம் ஆண்டில், அமெரிக்காவுடன் இணைந்து சிரியாவில் உள்ள ஐ.எஸ் தளங்களின்மீது எட்டு வான் தாக்குதல்களையும் செளதி அரேபியா மேற்கொண்டது.
சிரியாவில் நடைபெறும் ரசாயன தாக்குதல்களுக்கு பதிலளிக்கும் வகையில் அமெரிக்கா மற்றும் பிரான்சின் தாக்குதலுக்கு செளதி அரசு ஆதரவு அளிக்கிறது.
இஸ்ரேல்
சிரியாவில் நடைபெற்றுவரும் உள்நாட்டுப் போரில் தலையிடும் விதமாக, இஸ்ரேலிய போர் விமானம் சிரியாவின் வான் எல்லைக்குள் நுழைந்தது.
சிரியா விவகாரத்தில் இஸ்ரேல் நீண்டகாலமாக நடுநிலை வகித்த போதிலும், இரானின் செல்வாக்குக்கு எதிர்ப்புத் தெரிவிக்கிறது.
சிரியாவில் இரான் தலையிடுவது, லெபனானில் தனது பரம விரோதியான ஹெஜ்புல்லாவை வலுப்படுத்தும் என்று இஸ்ரேல் நம்புகிறது.
இரான் மற்றும் ஹெஜ்புல்லாவுடன் தொடர்புடைய வாகன அணிகள் செல்லும்போது நூற்றுக்கும் மேற்பட்ட தாக்குதல்களை இஸ்ரேல் நடத்தியிருக்கிறது.

இந்த ஆண்டு பிப்ரவரி மாதத்தில், சிரியாவின் ஏவுகணை எதிர்ப்பு அமைப்பு ஒரு இஸ்ரேலிய போர் விமானத்தை சுட்டுத் தள்ளியது.
சிரியாவின் 12 நிலைகளின் மீது பெரிய அளவிலான வான்வழித் தாக்குதல்களை இஸ்ரேல் நடத்தியிருக்கிறது.
பஹ்ரைன் மற்றும் ஜோர்டன்
இந்த இரு மத்திய கிழக்கு நாடுகளும் சிரியா மீது தக்குதல் நடத்தியுள்ளன.
ஜோர்டன் அரசர் அப்துல்லாவை ஆட்சியில் இருந்து அகற்றுவதாக ஐ.எஸ் அமைப்பு வெளிப்படையாக எச்சரித்தபோது, சிரியாவில் விமானத் தாக்குதல்களில் இணைய முடிவு செய்தது ஜோர்டன்.
ஜோர்டானின் எல்லைக்கு உட்பட்ட பகுதிகளில் ஐ.எஸ் அமைப்பு ராக்கெட் தாக்குதல்களை நடத்தியிருக்கிறது.
2014இல், ஜோர்டான் நாட்டு விமானத்தை ஐ.எஸ் சுட்டு வீழ்த்தி, விமானியை கைது செய்தது. பிறகு அவர் உயிருடன் எரித்து கொல்லப்பட்டார்.
சிரியாவில் ஐ.எஸ் அமைப்புக்கு எதிரான ராணுவ நடவடிக்கைகளில் 2015ஆம் ஆண்டு பஹ்ரைன் இணைந்தது.


சிரியாவில் தலையிடும் பிற நாடுகள்

இந்த 13 நாடுகளைத் தவிர, ஜெர்மனி, நார்வே, லிபியா மற்றும் இராக் போன்ற நாடுகள் சிரியா மீதான ராணுவ நடவடிக்கைகளில் ஈடுபட்டுள்ளன.
உலகின் பிற எந்தவொரு நாட்டிலும் நிறுத்தியிருப்பதை விட சிரியாவில் மிக அதிக அளவிலான துருப்புகளை ஜெர்மனி நிறுத்தியுள்ளது. சிரியாவில் 1200 ஜெர்மனி துருப்புக்கள் உள்ளன.
சிரியா விவகாரத்தில் அமெரிக்க ஆதரவு நிலைப்பாட்டில் இருக்கும் மற்றொரு நாடு நார்வே. சிரியா கிளர்ச்சிப் பிரிவினருக்கு பயிற்சிகளையும் பிற உதவிகளையும் நார்வே வழங்குகிறது.
லிபியாவில் கர்னல் கடாஃபி வீழ்ந்த பிறகு, சிரியாவில் உள்ள கிளர்ச்சியாளர்களுக்கு ஆதரவாக 2011ஆம் ஆண்டு லிபியா, சிரியாவிற்கு தனது துருப்புக்களை அனுப்பியது.
இராக் ஐ.எஸ் தீவிரவாத அமைப்பை எதிர்க்கிறது. அதோடு, சிரியா அதிபர் பஷர் அல்-ஆசாத்திற்கு ஆதரவளிக்கும் இரானின் விமானங்கள் தனது வான் வழியை பயன்படுத்த அனுமதித்தது. இது அமெரிக்காவின் விருப்பத்திற்கு எதிரான செயல் என்பது குறிப்பிடத்தக்கது.


ஞாயிறு, 15 ஏப்ரல், 2018

ஸ்கீம் விளையாட்டில் காவிரி?

காவிரியாற்று நீர்ப் பங்கீடு தொடர்பாகப் பிப்,16 அன்று உச்சநீதி மன்றம் தீர்ப்பு வழங்கியுள்ளது. ஆனால் இதை இறுதித்தீர்ப்பு எனக் கடந்த கால வரலாற்று அடிப்படையில் நம்மால் சொல்ல இயலவில்லை.
காவிரி மேலாண்மை வாரியமும் (Cauvery Management Board) காவிரி ஒழுங்காற்றுக் குழுவும் அமைக்கப்பட வேண்டும் எனக் கடந்த ஆண்டுகளில் உச்ச நீதிமன்றம் உத்தரவிட்டிருந்தது. இதனை நடைமுறைப்படுத்த வேண்டும் எனத் தமிழக அரசு உச்சநீதிமன்றத்தில்(குடிமை முறையீட்டு வ.எண் 2456 / 2007) முறையிட்டிருந்தது. [புதுவை, கேரள(கு.மு.வ.எண்2454 / 2007 ), கருநாடக (கு.மு.வ.எண் 2453 / 2007 ) மாநிலங்களும் முறையிட்டிருந்தன.] இப்போதைய தீர்ப்பில் இத்தகைய பெயர்கள் இடம் பெறவில்லை; திட்டம் (scheme) என்றுதான் குறிக்கப் பெற்றுள்ளது என்பது எப்பொழுதும் முரண்டு பிடிக்கும் கருநாடக அரசின் வாதம்.

இவ்வாதம் ஒரு வகையில் சரி என்பதுபோல் தோன்றும். ஆனால், எந்தப் பெயரில் காவிரி நீர்ப் பங்கீட்டிற்கான அமைப்பு இருந்தாலும் கருநாடகா ஏற்காது என்பதை உணர்ந்த உச்சநீதிமன்றம், எப்பெயராக இருந்தாலும் அந்த அமைப்பிற்குக் காவிரியாறு முற்றிலும் உரிமையானது; அதற்கே பங்கீடு, பகிர்வுத்திட்டம், செயல்படுத்தல் முதலான அதிகாரங்கள் உண்டு என்பதைக் குறித்துள்ளது.
மேலும், முந்தையத் தீர்ப்புகளில் குறிக்கப் பெற்ற காவிரி மேலாண்மை வாரியம் அல்லது காவிரி ஒழுங்காற்றுக் குழுவிற்கு எதிராக அக்குழுக்கள் தேவையில்லை அல்லது நீக்கப்படுகின்றன என்பன போன்ற எதுவும் தீர்ப்புரையில் தெரிவிக்கப்பட வில்லை. அப்படியானால் அவ்வாரியமும் குழுவும் செயல்பட வேண்டும் என்றுதான் கருத வேண்டும்.
நாம் இந்த இடத்தில் ‘scheme’ என்னும் ஆங்கிலச் சொல்லுக்கான பொருள்களைக் காண்போம். இச் சொல்லுக்குப் பல பொருள்கள் உள்ளன. அவற்றுள் திட்டம், வகைதுறை ஏற்பாடு, வகைமுறைப் பட்டி, கால விவரப்பட்டி, கால அட்டவணை, செயற்படுத்துவதற்கான திட்டம், திட்டமுறை. நடவை என்பன இங்கே பொருந்துவன. இவற்றுள் நடைமுறைச் செயற்பாட்டைக் குறிக்கும் ‘நடவை’ என்பது மிகப் பொருத்தமான சொல். எனினும் வழக்கத்தில் நாம் திட்டம் எனக் குறிப்பிட்டு வருவதால் அச்சொல்லையே இப்போதைக்குக் கையாளலாம். இங்கே குறிக்கப்படும் பொருள்களின் அடிப்படையில் திட்டமிட்டு வகுத்துத் தக்க ஏற்பாட்டுடன் செயல்பட்டாலே போதுமானது. சொல் விளையாட்டில் காலங்கடத்த வேண்டா. காவிரி நீர்ப்பங்கீட்டிற்கான முழு அதிகாரமுடைய வாரியம் அல்லது குழுவை மத்திய அரசு உடனே அமைக்க வேண்டும், வேறு பெயரில் அமைத்துவிட்டு, ஒழுங்குமுறை ஆணையத்திற்குரிய அதிகாரம் இதற்கு இல்லை என மத்திய அரசு நழுவக்கூடாது என்பதற்காகத்தான் நாம் காவிரி ஒழுங்குமுறை ஆணையம் அமைக்க வேண்டுகிறோம்,
காவிரி நீர்ப்பங்கீட்டிற்காகத் திட்ட முறையை வகுக்க வேண்டும் என உச்ச நீதிமன்றம் அறிவுறுத்தியுள்ளது என்றால் மத்திய அரசு என்ன செய்திருக்க வேண்டும்? 
திட்டமா? 
வாரியமா? 
என ஐயம் இருப்பின் முதலிலேயே அதனை உச்ச நீதிமன்றத்தில் கேட்டுத் தெளிவு பெற்றிருக்க வேண்டும். அல்லது தான் நினைப்பதற்கேற்ப ஒரு திட்டத்தை வகுத்து அதன்பின்னர் இது உச்சநீதிமன்றத் தீர்ப்பின்படிச் சரியானதுதானா எனத் தெளிவு பெற்றிருக்க வேண்டும், அவ்வாறில்லாமல், கால வாய்ப்பு முடியும் வரை காத்திருந்து அதன் பின்னர் உச்ச நீதிமன்றத்தை அணுகியுள்ளது.
தமிழ்நாட்டுப் பா.ச.க.வினர் கருநாடகாவில் பா.ச.க. ஆட்சியிலிருந்தால் காவிரி நீர் நமக்குக் கிடைக்கும் என முதலில் ஏமாற்றினார்கள். இப்பொழுது தமிழ்நாட்டிலும் கருநாடகாவிலும் பா.ச.க. ஆட்சியிலிருந்தால் காவிரி நீர் நமக்குக் கிடைக்கும் என்கிறார்கள். பேராசைக்கு அளவில்லைதான். ஆனால், இதற்கு முன்பு பா.ச.க. கருநாடகாவில் ஆட்சியிலிருந்த பொழுது அதுவும் தன் பங்கிற்கு நடுநிலையின்றித் தானே நடந்து கொண்டது. அல்லது இப்பொழுது மனம் மாறியுள்ளதாகக் கருதிப் பார்ப்போம். 
அப்படியாயின், இன்றைய கருநாடக எதிர்க்கட்சியாகிய பா.ச.க.வினர், காவிரிநீர்ப் பங்கீட்டில் தமிழ்நாடு முதலான அண்டை மாநிலங்களுக்கு உரிய நீதி வழங்க வேண்டும் என்று போர்க்குரல் எழுப்பியிருக்க வேண்டுமல்லவா? அவர்களும் சேர்ந்துதானே நமக்கு எதிராக நடந்து கொள்கிறார்கள்.
உச்ச நீதிமன்றம் தமிழ் மக்கள் நலனைக் கருத்தில் கொண்டு என்ன தீர்ப்பு கூறினாலும் பா.ச.க. எதிராக நடந்து கொள்ளும். இருப்பினும் தமிழ் நாட்டு நலனுக்காக எதுவுமே புரியாமல், நம் நலனில் கருத்து செலுத்துவது போல் நடிக்கின்றது. ஒரு வேளை தீர்ப்பு நமக்கு எதிராக இருந்து நாம் எதிர்ப்பு தெரிவித்தால், கடுமையான நடவடிக்கை எடுக்கும். எதிராக முறையிடும் தமிழக அரசினை-எக்கட்சி ஆட்சியிலிருந்தாலும் அந்த அரசை – உடனே கலைத்திடும். ஆனால், தொடர்ந்து நீதிமன்றத்தை அவமதிக்கும் வகையில் நடந்து கொள்ளும் கருநாடக அரசு மீது எந்நடவடிக்கையும் எடுப்பதில்லை. ஒரு வேளை காங்.அரசு மத்தியில் இருந்தாலும் இதுதான் நிலைமை. எனவே, தமிழ்நாட்டு மக்கள், கட்சி சார்பின்றிக் காவிரிநீர்ப் பங்கீடு போதுமான அளவு நமக்குக் கிடைக்கப் பாடுபட வேண்டும்.
கருநாடக அரசு சொல்வதுபோல் திட்டம் ஒன்றை வகுக்குமாறு உச்ச நீதிமன்றம் அறிவுறுத்தியதாகவே கொள்வோம். அத்திட்டத்தைச் செயற்படுத்த பொறுப்பாளர்கள் தேவையல்லவா? அந்த பொறுப்பாளர்கள் முறையாகச் செயல்பட, ஓர் அமைப்பு தேவையல்வா? எந்தப் பெயரில் இருந்தாலும் அவ்வமைப்பு செயல்பட அதிகாரம் வேண்டுமல்லவா? அதைத்தான் உச்ச நீதிமன்றம் கூறுகிறது.
திட்டம் குறித்து உச்ச நீதிமன்றம் என்ன சொல்கிறது? “இத் திட்டத்தில் குறிப்பிடப்பட்டுள்ள பெயரில், சொத்துகளைக் கையகப் படுத்துவதற்கும் உரிமையாக்குவதற்கும் ஒப்பந்தங்களை மேற்கொள்வதற்கும் வழக்கு தொடரவும் வழக்கில் உட்படுத்திக் கொள்ளவும் தேவையான அனைத்து நடவடிக்கைகளையும் மேற்கொள்ள வேண்டும்.(…under the name specified in the said scheme, have capacity to acquire, hold and dispose of property, enter into contracts, sue and be sued and do all such acts as may be necessary for ..)” எனத் தெளிவாகக் குறித்துள்ளது,
மேலும், “நிலைக்குழு, குறித்த பணிக்கான குழு, அல்லது அதிகாரமளிக்கப் பெற்ற குழு (of any standing, ad hoc or other committees by the authority)” எனத் தீர்ப்பில் குறித்துள்ளதன் மூலம், செயற்பாட்டைத் திட்டமிடவும் செயற்படுத்தவும் குழு தேவை என்பதை வலியுறுத்துகிறது, இது போன்ற தொடரை வெவ்வேறு இடங்களில் தீர்ப்பு குறிக்கிறது.
காவிரி ஆற்று ஆணையம், காவிரித் தீர்ப்பாயம், காவிரி ஒழுங்குமுறை ஆணையம், காவிரி மேலாண்மை வாரியம் என முன்பு சொல்லப்பட்ட அல்லது அமைக்கப்பெற்ற எதனாலும் அவை சொல்லும் கருத்துகளை நடைமுறைப்படுத்த கருநாடக அரசு முன் வராததால் பயனற்றுப் போயின. எனவே, மேற்பார்வைக் குழு அல்லது ஒழுங்காற்றுக் குழு அல்லது எக்குழுவாயினும் – என்ன பெயரில் அக்குழு இயங்கினாலும் காவிரி அவ்வைமப்பிற்கே உரியது; எம்மாநிலமும் சொந்தம் கொண்டாட முடியாது எனச் சொல்லி முழு அதிகாரத்தையும் அக்குழுவிற்கு அளித்துள்ளது.
எனவே, தமிழக மக்களும் தமிழக அரசும் சொல்லும் காவிரி மேலாண்மை வாரியத்திற்கு என்ன அதிகாரங்கள் இருக்க வேண்டுமோ அவ்வதிகாரங்கள் கொண்ட அமைப்பை உச்ச நீதிமன்றத் தீர்ப்பிற்கு இணங்க மத்திய அரசு உடனே அமைக்க வேண்டும்.
விளக்கம் கேட்டுக் காலங்கடத்தப்படுவதற்கு இடம் தராமல் கேட்பு முதல் நாளன்றே உச்சநீதி மன்றம் தன் தீர்ப்பில் கூறியதைத் தெளிவுபடுத்தி காவிரிக்கு உரிமையுடைய குழுவை அமைக்க வலியுறுத்த வேண்டும். இல்லையேல் தானே ஒரு குழுவை அமைக்க வேண்டும். தமிழ்மக்கள் நலன் கருத்தில் கொள்ளப்படும் என ஆறுதலாகச் சொல்லியுள்ள உச்சநீதிமன்ற நீதிபதிகள், அதற்கேற்ப நடுவுநிலையான தீர்ப்பின் மூலம் காவிரிக் கரை மக்களும் வேளாண்குடி மக்களும் தமிழ்நாடும் நலம் பெறும் வகையில் நல்ல தீர்ப்பைக் கூற வேண்டும். இத்தீர்ப்பு நடைமுறைப்படுத்தப்படாமல் காலங்கடத்தப்படுமாயின் கருநாடக மாநில அரசும் தேவையெனில் அதற்கு உடந்தையாக இருக்கும் மத்திய அரசும் கலைக்கப்பட வேண்டும் என்றும் தீர்ப்பு சொல்ல வேண்டும்.
சமன்செய்து சீர்தூக்குங் கோல்போல் அமைந்தொருபால்
கோடாமை சான்றோர்க் கணி. (திருவள்ளுவர், திருக்குறள்118)
எனத் தீர்ப்பு நடுவுநிலைமையுடன் வந்தால் மட்டும் போதாது. அத் தீர்ப்பு நடுநிலையுடன் செயற்படுத்தவும் உச்சநீதிமன்றம் ஆவன செய்ய வேண்டும்.
                                                                                                                      இலக்குவனார் திருவள்ளுவன்        =========================================================================
ன்று ,
ஏப்ரல்-15.

  • உலகப் புகழ்பெற்ற ஓவியர் லியானர்டோ டா வின்சி பிறந்த தினம்(1452)

  • சாமுவேல் ஜான்சன், தனது ஆங்கில அகராதியை வெளியிட்டார்(1755)

  • அமெரிக்க முன்னாள் அதிபர் ஆபிரகாம் லிங்கன் இறந்த தினம்(1865)

  • கலைஞரால் வடிவமைக்கப்பட்ட  வள்ளுவர் கோட்டம் திறக்கப்பட்டது(1976)
==========================================================================================


சனி, 14 ஏப்ரல், 2018

பியூஸ் கோயல் ; ரூ.650 கோடி மோசடி பின்னணி

மத்திய ரயில்வே அமைச்சர் பியூஷ் கோயல் இயக்குநராக இருந்த அவரது  ஷிர்தி இண்டஸ்ட்ரிஸ் என்னும் மும்பையைச் சேர்ந்த நிறுவனத்திற்கு பொதுத்துறை வங்கிகள் ரூ. 650 கோடி அளவிற்கு கடன்கொடுத்திருப்பதும், அந்த கடன்தொகையை ‘ஷிர்தி இண்டஸ்ட்ரிஸ் நிறுவனம்’ இப்போது வரை திருப்பிச் செலுத்தாமல் இருப்பதும் தெரியவந்துள்ளது.

வங்கிகள் கோடிக் கணக்கில் கடன் அளித்ததற்கும், அக்கடனை திருப்பிச் செலுத்தாமல் இருப்பதற்கும் ஷிர்தி நிறுவனத்திற்கு, பியூஷ் கோயலுடன் இருக்கும் நெருக்கமே காரணம்என்பதுடன், ஷிர்தி நிறுவனத்திடமிருந்து, கோயலின் மனைவி 1 கோடியே 59 லட்சம் பண ஆதாயம்அடைந்திருப்பதும் அம்பலமாகி இருக்கிறது.

புதுதில்லியிலிருந்து வெளியாகும் ‘தி ஒயர்’ இணைய இதழ்,இந்த தகவல்களை வெளியிட்டுள் ளது.மும்பையைச் சேர்ந்த ஷிர்தி இண்டஸ்ட்ரிஸ் என்னும் தகடுகள் தயாரிக்கும் நிறுவனத்தின் இயக்குநராக இன்றைய மத்திய ரயில்வே அமைச்சர் பியூஷ் கோயல் 2010 ஜூலை வரை இருந்து வந்தார். 

அந்த சமயத்தில் அந்நிறுவனம் பொதுத்துறை வங்கிகள் பலவற்றிடமிருந்து 650 கோடி ரூபாய்அளவிற்குக் கடன்கள் பெற்றுள் ளது. ஆனால் அவற்றை அது திருப்பிச் செலுத்தவில்லை. 

ஷிர்தி நிறுவனமானது, பியூஷ் கோயல் அதன் தலைவராக இருந்தகாலத்திலிருந்தே வாங்கிய கடன் களைத் திருப்பிச் செலுத்தாமல் தாமதப்படுத்தும் வேலையில் இறங்கிவிட்டது. 

இந்நிறுவனம் யூனியன் வங்கி, பாரத ஸ்டேட் வங்கி, பேங்க் ஆப் இந்தியா, இந்தியன் வங்கி மற்றும் ஸ்டாண்டர்ட் சார்ட்டர்டு வங்கி என ஏராளமான வங்கிகளில் பல நூறுகோடிகளை கடன் வாங்கியுள்ளது. பியூஷ் கோயல் இதற்கு முன்புஅரசாங்கத்தின் இரு வங்கிகளுக்கு அரசின் பிரதிநிதியாக இயக்குநர் குழுவில் இருந்திருக்கிறார். 

ஒன்று, பரோடா வங்கி. இதில் அவர் வாஜ்பாயி தலைமையிலிருந்த தேசியஜனநாயக கூட்டணி அரசாங் கத்தின் போதும், பின்னர் 2004-2008-இல் மன்மோகன்சிங் அரசாங்கத்தின் போது பாரத ஸ்டேட் வங்கியிலும் இருந்திருக்கிறார். 2008-இல்தான் பாரத ஸ்டேட் வங்கியிலிருந்து வெளியேறிய பிறகு, ஷிர்தி இண்டஸ்ட்ரிஸ் நிறுவனத்தின் தலைவராகவும் இயக்குநராகவும் கோயல் மாறியிருக்கிறார்.
2010-இல் கோயல், பாஜகவின்பொருளாளராகவும், மாநிலங்களவை உறுப்பினராகவும் நியமிக்கப்படுகிறார். 

பின்னர் அதே ஆண்டில் அவர் நாடாளுமன்ற நிதிக் குழுவிற்கும் (parliamentary committee of finance)நியமிக்கப்படுகிறார். இந்தக் குழுதான்வங்கிகள் உட்பட நிதிநிறுவனங்களின் செயல்பாடுகளை மேற் பார்வை பார்த்திடும் குழுவாகும்.


எனவே, கோயலின் செல்வாக்குபேரிலேயே ஷிர்தி நிறுவனத்திற்கு ரூ.650 கோடி அளவிற்கு வங்கிக் கடன்கள் கிடத்துள்ளன.
ஆனால், ஷிர்தி நிறுவனத்தின் துவக்காளரான (பிரமோட்டர்) ராகேஷ் அகர்வால் இதனை மறுத்துள்ளார். “பியூஷ் கோயல் 1994-ஆம்ஆண்டிலிருந்தே என் நெருங்கிய நண்பர்; அவரின் குடும்பத்தினரும் மிகவும் நெருக்கம்; இருந்தாலும் எவ்விதமான பயனையும் பெறுவதற்கு நான் அத்தகைய நட்பைப் பயன்படுத்திக் கொண்டதில்லை” என்று ‘தி வயர்’ செய்தியாளரிடம் தெரிவித்துள்ளார்.

ஷிர்தி இண்டஸ்ட்ரிஸ் நிறுவனத்திற்கு பியூஷ் கோயல், 2008 ஏப்ரலிலிருந்து 2010 ஜூலை வரை இயக்குநராக இருந்தார் என்பது அந்நிறுவனங்கள் சார்பாக அரசாங்கத்தின் ‘ரிஜிஸ்ட்ட்ரார் ஆப் கம்பெனிஸ்’க்கு அளித்துள்ள அறிக்கைகளிலிருந்து தெரியவருகிறது. 2009 செப்டம்பர் 30 வரை பியூஷ்கோயல் அதன் முழுநேர இயக்குநராக இருந்திருக்கிறார். பின்னர் தான் ராஜினாமா செய்துள்ளார்.

எனினும் செயல்படா இயக்குநராக தொடர்ந்துஇருந்து வந்திருக்கிறார்.
ராகேஷ் அகர்வால் கூறுவதே உண்மை என்று வைத்துக் கொண்டாலும், வேறு சில கேள்விகளுக்கு அவரிடம் பதில் இருப்பதாக தெரியவில்லை.கடந்த இரண்டு ஆண்டுகளாக ‘ஷிர்தி’ நிறுவனம் வங்கிகளுக்குச் செலுத்த வேண்டிய கடன்தொகைகள் எதையும் செலுத்தாமல் உள்ளது. 

பிராவிடண்ட் பண்ட் ரூ. 4 கோடி உட்பட முதலீட்டாளர் கல்வி மற்றும் பாதுகாப்பு நிதி, எம்ப்ளாயி ஸ்டேட் இன்சூரன்ஸ் மற்றும் அரசாங்க வரிகளையும் கட்டவில்லை.ஆனால், அதே காலக்கட்டத் தில், ஷிர்தி நிறுவனம் பியூஷ் கோயலின் மனைவி மற்றும் மகனுக்குச் சொந்தமான ‘இண்டர்கான் அட்வைசர்ஸ் பிரைவேட் லிமிடெட்’ நிறுவனத்திற்கு எவ்விதப் பாதுகாப்புப் பத்திரங்களையும் பெறாமல் 1.59 கோடி ரூபாய் கடனாகக் கொடுக்கிறது என்றால், இதனை எவ்வாறுபுரிந்து கொள்வது? 
கோயல் செய்தஉதவிக்காக, அவரது மனைவியும்,மகனும் ஷிர்தி நிறுவனத்திடமிருந்து பண ஆதாயம் பெற்றார்கள் என்பதல்லாமல் வேறு என்ன? 


இதுதற்போது அம்பலமாகி இருக்கிறது.
ஆனால், இந்தக் கடன் மேற்படி‘இண்டர்கான் அட்வைசர்ஸ் பிரைவேட் லிமிடெட்’ என்னும் நிறுவனத்திற்கு நட்பின் அடையாளமாகக் கொடுக்கப்பட்டதாக ஷிர்தி இண்டஸ்ட்ரிஸ் உரிமையாளர்கள் ‘தி ஒயர்’ செய்தியாளரிடம் தெரிவித்துள்ளனர். 

தன்னுடைய நிறுவனம் அரசாங்கத்தின் வங்கிகளுக்குக் கடன்தொகைகளைத் திருப்பிச் செலுத்தாததற்கும், பியூஷ் கோயலின் மனைவிக்கும் மகனுக்கும் சொந்தமுள்ள நிறுவனம், தங்கள்நிறுவனத்திற்குக் கடன் தொகைகளைத் திருப்பிச் செலுத்தாததற்கும் சம்பந்தம் எதுவும் இல்லை என்று அகர்வால் மறுக்கிறார்.கம்பெனியின் பதிவுருக்களைப் பரிசீலிக்கும்போது, பியூஷ் கோயலும், அவர் மனைவி சீமா கோயலும் 2009 பிப்ரவரியிலிருந்து 2013டிசம்பர் வரை ‘சஜால் ஃபைனான்ஸ்’ மற்றும் ‘இன்வெஸ்ட்மெண் ட்ஸ் பிரைவேட் லிமிடெட்’ என்னும்கம்பெனியின் இயக்குநர்களாக இருந்தார்கள் என்பது தெரியவருகிறது.

இவர்களுக்குப் பின்னர் இவற் றின் நிறுவனர்களாக கௌரவ் ராகேஷ் அகர்வால் மற்றும் அமீத் முகேஷ் பன்சால் வந்தார்கள். 
கௌரவ் ராகேஷ் அகர்வால் என்பவர் ராகேஷ் அகர்வாலின் மகன்.இந்த அகர்வால், 2011 ஆகஸ்ட்டிலிருந்து 2013 ஏப்ரல் வரைபிரதீப் மெட்டல்ஸ் என்னும் நிறுவனத்தின் இயக்குநர் குழுவிலும் இருந்தார் என்பதும், பிரதீப் மெட்டல்ஸ் நிறுவனம், பியூஷ் கோயலின் சகோதரர் பிரதீப் கோயலால் நடத்தப்பட்டது என்பதும் குறிப்பிடத்தக்கது.ஆனால், “பிரதீப்பும் என் நெருங்கிய நண்பர்தான்; நான் என்னுடைய சொந்த பிசினசில் கவனம் செலுத்த வேண்டியிருந்ததால் அதிலிருந்து ராஜினாமா செய்துவிட்டேன்” என்று அகர்வால் கூறுகிறார்.

எந்த வகையில் பார்த்தாலும் ஷிர்தி நிறுவனத்துடன், பியூஸ் கோயல் குடும்பத்திற்கு இருக்கும் நெருக்கத்தை மறைக்க முடியாது என்பதுதான் உண்மை.எனவே, பியூஷ் கோயல் இயக்குநராக இருந்த நிறுவனம் 650 கோடிரூபாயை அரசாங்கத்தின் வங்கிகளுக்குத் திருப்பிச் செலுத்தாது இருப்பது தொடர்பாகவும், கோயலின் மனைவிக்கு அந்த நிறுவனம் அளித்துள்ள கடன் தொகை சம்பந்தமாகவும், பணியில் உள்ள உச்சநீதிமன்ற நீதிபதியைக் கொண்டு விசாரணை நடத்திட வேண்டும் என்றும் அமைச்சர் பொறுப்பிலிருந்து பியூஷ் கோயல் அகற்றப்பட வேண்டும் என்றும் கோரிக்கைகள் எழுந்துள்ளன. 

காங்கிரஸ் தலைவர் குலாம் நபி ஆசாத்தும் இப்பிரச்சனையை பத்திரிகையாளர்கள் கூட்டத்தில் எழுப்பியுள்ளார். 
                                                                                                                                          - the wire .

சீதை: நல்லவேளை ராவணன் என்னைக் கடத்தினான்.
இதுவே உங்க பக்தர்களா இருந்தா...!


எடுபடாது இந்த நாடகம்


ஆளும் அரசாங்கத்தை எதிர்த்து நாட்டு மக்களும் எதிர்க்கட்சிகளும் போராட்டம் நடத்துவது ஜனநாயக நடைமுறையாகும். 

பாஜக ஒரு வித்தியாசமான கட்சி என்று சொல்லிக் கொள்ளும் கட்சியல்லவா? அது எதிர்க்கட்சிகளைக் கண்டித்து தனது எம்பிக்கள் ஏப்ரல் 12 அன்று தங்கள் தொகுதிகளில் உண்ணாவிரதம் இருக்க வேண்டுமென்று அறிவித்திருக்கிறது. 

அத்துடன் பிரதமர்நரேந்திர மோடியும் உண்ணாவிரதப் போராட்டத்தில் ஈடுபடுவார் என்றும் கூறியுள்ளது.
எதற்காக இந்தப் போராட்டம்? 

எதிர்க்கட்சிகள் நாடாளுமன்றத்தை முடக்கி விட்டனவாம். கடந்த நாடாளுமன்ற பட்ஜெட் கூட்டத் தொடரின்போது என்ன நடந்தது என்பதை நாட்டு மக்கள் பார்த்துக் கொண்டுதானே இருந்தார்கள்.அத்துடன் கடந்த நான்கு வருடங்களாக நாடாளுமன்ற மக்களவை, மாநிலங்களவைகளின் செயல்பாடு, பணிநாட்கள் குறைப்பு, நாடாளுமன்ற விவாதங்களுக்கு பிரதமர் மோடி பதிலளிக்க மறுப்பது மட்டுமின்றி நாடாளுமன்ற நடவடிக்கைகளில் கலந்து கொள்வதை பிரதமர் மோடி தவிர்ப்பது. 

ஆனால் ‘மனதின் குரல்’ என்ற பெயரில் தனது பேச்சை எல்லோரும் கேட்கவேண்டுமென்று திணிப்பது தானே நடந்து கொண்டிருக்கிறது.

ஆந்திராவுக்கு சிறப்பு அந்தஸ்து வழங்கும் வாக்குறுதியை நிறைவேற்றாததைக் கண்டித்து பாஜக கூட்டணியிலிருந்து விலகி பிரதமர் மோடி அரசு மீது நம்பிக்கையில்லாத தீர்மானம் கொண்டு வர நோட்டீஸ் கொடுத்தது தெலுங்குதேசம், காங்கிரஸ், ஒய்எஸ்ஆர் காங்கிரஸ்,மார்க்சிஸ்ட் கம்யூனிஸ்ட் கட்சி ஆகியவையும்நம்பிக்கையில்லா தீர்மான நோட்டீஸ் கொடுத்தன. 

இது தவிர நீரவ் மோடி உள்ளிட்டோரின் வங்கிமோசடிகள், எஸ்.சி., எஸ்.டி, வன்கொடுமை தடுப்புச் சட்டத்தை நீர்த்துப் போகச் செய்யும் உச்சநீதிமன்றத்தின் தீர்ப்பை எதிர்த்து அந்தச் சட்டத்தை பாதுகாத்தல் என பல்வேறு பிரச்சனைகளை இடதுசாரிக் கட்சிகளும் காங்கிரஸ், திமுக உள்ளிட்ட எதிர்க்கட்சிகளும் நாடாளுமன்றத்தில் எழுப்பின. நம்பிக்கையில்லாத் தீர்மானத்தை அனுமதித்து அதை எதிர்கொள்ளத் துணிவில்லாத 52 இன்ச் மார்பளவு பிரதமர் நரேந்திர மோடி அதிலிருந்து தப்பிக்கவே நாடாளுமன்ற அமளியை பயன்படுத்திக் கொண்டார். 
அதற்கு அதிமுகவும் அவருக்கு உதவி செய்தது. 

ஏனென்றால் தமிழகம் வரும் மோடியை எதிர்த்து எதிர்க்கட்சிகள் கருப்புக்கொடி காட்டினால் நாங்கள் பச்சைக் கொடி காட்டுவோம் என்று அமைச்சர் ராஜேந்திர பிரசாத் கூறுவது எதைக் காட்டுகிறது? 

பாஜகவின் பரிவாரங்களில் ஒன்று போலவே நடந்து கொள்ளும் அதிமுகவையும் மக்களுக்கு கொடுத்த வாக்குறுதிகள் எதையும் நிறைவேற்றாத பாஜகவையும் மக்கள் தண்டிப்பது உறுதி.

விமானத்திலேயே பறந்து கொண்டிருந்த பிரதமர் மோடி தேர்தல் காலத்தில் மக்களைச் சந்திக்க வேண்டிய கட்டாயத்தில் இருப்பதால் அவர்களை திருப்திப்படுத்துவதற்காகவே உண்ணாவிரதம் எனும் திசைதிருப்பும் நாடகத்தை நடத்துகிறது பாஜக. 
ஆனாலும் இந்த நாடகம் எடுபடாது. 
அவர்களை மக்கள் நம்ப மாட்டார்கள்.
=======================================================================================
ன்று,
ஏப்ரல் -14.

  • நோவா வெப்ஸ்டர் தனது அகராதியின் முதல் பதிவுக்கான காப்புரிமையை பெற்றார்(1828)

  •  அம்பேத்கர் பிறந்த தினம்(1891)

=======================================================================================

அம்பேத்கர்.
‘பாபாசாகேப் டாக்டர் பி.ஆர். அம்பேத்கர்’ என அழைக்கப்படும் ‘பீம்ராவ் ராம்ஜி அம்பேத்கர்’, 1891ஆம் ஆண்டு ஏப்ரல் மாதம் 14ஆம் நாள், இந்தியாவின் உத்தரபிரதேச மாநிலத்தில் உள்ள மாவ் (இப்போது மத்தியபிரதேசத்தில் உள்ளது) என்ற இடத்தில், ராம்ஜி மாலோஜி சக்பாலுக்கும், பீமாபாயிக்கும் பதினான்காவது குழந்தையாக, ஒரு மராத்திய குடும்பத்தில் பிறந்தார். இவருடைய தந்தை இராணுவப்பள்ளி ஒன்றில் ஆசிரியராகப் பணிபுரிந்து வந்தார்.
“மகர்” என்னும் தாழ்த்தப்பட்ட சமுதாயத்தில் பிறந்த பீமாராவ் ராம்ஜி அவர்கள், ‘சாத்தாராவில்’ உள்ள ஒரு பள்ளியில் தனது கல்வியைத் தொடர்ந்தார். இளம் வயதில், தனி மண்பானையில் தண்ணிர் குடிப்பது; குதிரை வண்டியில் போகும்போது, தாழ்த்தப்பட்ட பிரிவினர் என்றதும் இறக்கிவிடப்பட்டது; பள்ளியில் படிக்கும்போது, ஒதுக்கிவிடப்பட்டது என பல்வேறு துன்பங்களையும், துயரங்களையும் அனுபவித்தார்.ஆனால், மகாதேவ அம்பேத்கர் என்ற பிராமண ஆசிரியர், இவர்மீது அன்பும், அக்கறையும் கொண்டவராக விளங்கினார். இதனால், தன்னுடைய குடும்ப பெயரான ‘பீம்ராவ் சக்பால் அம்பாவடேகர்’ என்ற பெயரை, ‘பீம்ராவ் ராம்ஜி அம்பேத்கர்’ என்று மாற்றிக்கொண்டார்.
1904 ஆம் ஆண்டு, இவருடைய குடும்பம் மும்பைக்கு குடிபெயர்ந்தது.அங்கு “எல்பின்ஸ்டன் உயர்நிலைப்பள்ளியில்” சேர்ந்து கல்வியைத் தொடர்ந்தார்.குடும்பத்தில் மிகவும் வறுமை சூழ்ந்த நிலையிலும், கல்வியை விடாமல் தொடர்ந்த அவர், 1907 ஆம் ஆண்டு தனது பள்ளிப்படிப்பை முடித்தார். பிறகு, பரோடா மன்னரின் உதவியுடன் மும்பை பல்கலைக்கழகத்தில் இளங்கலைப் படிப்பைத் தொடர்ந்த அவர், 1912ல் அரசியல் அறிவியல் மற்றும் பொருளாதாரத் துறையில் இளங்கலைப் பட்டம் பெற்றார். சிறிதுகாலம் பரோடா மன்னரின் அரண்மனையில் படைத் தலைவராகவும் பணியாற்றினார்.
பரோடா மன்னர் ‘ஷாயாஜி ராவ்’ உதவியுடன் உயர்கல்வி கற்க அமெரிக்கா பயணம் ஆனார். உயர்கல்வி பெறுவதற்காக அமெரிக்கா சென்ற முதல் இந்தியர் என்ற பெருமையைப் பெற்ற அம்பேத்கர் அவர்கள், கொலம்பியா பல்கலைக்கழகத்தில் சேர்ந்து, பொருளாதாரம், அரசியல், தத்துவம் மற்றும் சமூகவியல் ஆகிய பாடங்களைக் கற்றார். 1915ல் “பண்டைய இந்தியாவின் வர்த்தகம்” என்ற ஆய்விற்கு முதுகலைப் பட்டம் பெற்றார்.பின்னர் “இந்திய லாபப்பங்கு ஒரு வரலாற்றுப் பகுப்பாய்வு” என்ற ஆய்வுக்கு,‘கொலம்பியா பல்கலைக்கழகம்’ அவருக்கு ‘டாக்டர் பட்டம்’ வழங்கியது. மேலும், 1921 ஆம் ஆண்டு “பிரிட்டிஷ் இந்தியாவில் அரசு நிதியைப் பரவலாக்குதல்” என்ற ஆய்வுக்கு ‘முது அறிவியல் பட்டமும்’, 1923 ஆம் ஆண்டு “ரூபாயின் பிரச்சனை” என்ற ஆய்வுக்கு ‘டி.எஸ்.சி பட்டமும்’ பெற்றார். பிறகு சட்டப் படிப்பில் ‘பாரிஸ்டர் பட்டமும்’ பெற்றார்.
1923 ஆம் ஆண்டுக்கு பிறகு, இந்தியாவிற்கு திரும்பிய அம்பேத்கர் அவர்கள், பிரிட்டிஷ் ஏகாதிபத்தியத்திற்கு எதிரான போராட்டங்களில் தன்னை ஈடுபடுத்திக்கொண்டார். அதுமட்டுமல்லாமல், சமூதாய அமைப்பிலும், பொருளாதாரத்திலும் ஒடுக்கப்பட்ட மக்களுக்கு அதிகாரம் கிடைக்க போராட வேண்டும் என முடுவுசெய்தார். ஜூலை 1924ல், ஒடுக்கப்பட்ட மக்களின் முன்னேற்றத்திற்காக “பஹிஸ்கிருத ஹிதகாரிணி சபா” என்ற அமைப்பை நிறுவினார். இதன் மூலம் தாழ்த்தப்பட்ட மக்களின் கல்வி மற்றும் சமூதாய உரிமைக்காக போராடினார். 1930 ஆம் ஆண்டு, லண்டனில் நடைபெற்ற வட்டமேசை மாநாட்டில் கலந்துகொள்வதற்காக புறப்படும் முன் அவர் கூறியது,“என் மக்களுக்கு என்ன நியாயமாகக் கிடைக்க வேண்டுமோ, அதற்காக போராடுவேன் என்றும், அதே சமயத்தில் சுயராஜ்ய கோரிக்கைகளை முழு மனதுடன் ஆதரிப்பேன் என்றும் கூறினார்.”
இரண்டாவது வட்டமேச மாநாட்டில், பிரதிநிதித்துவம் குறித்த பிரச்சனை முக்கியமாக விவாதிக்கப்பட்டது. தாழ்த்தப்பட்டோருக்கு தனி வாக்குரிமையும், விகிதாச்சார பிரதிநிதித்துவமும் வழங்கப்பட வேண்டுமென்றும் வலியுறுத்தினார். இதன் விளைவாக, ஒரு தொகுதியில் பொது வேட்பாளரை தேர்ந்தெடுக்க ஒரு வாக்கும், அதே தொகுதியில் தாழ்தப்பட்ட சமூக வேட்பாளரை தேர்ந்தெடுக்க ஒரு வாக்கும் அளிக்கும் “இரட்டை வாக்குரிமை” முறை தாழ்தப்பட்ட மக்களுக்கு வழங்கப்பட்டது. ஆனால், இதை ஏற்க மறுத்த காந்திஜி, உண்ணாவிரதம் மேற்கொண்டார். இதன் விளைவாக, செப்டம்பர் 24, 1931 ஆம் ஆண்டு காந்திஜிக்கும், அம்பேத்கருக்கும் இடையே “பூனா ஒப்பந்தம்” ஏற்பட்டு, தாழ்தப்பட்டோருக்கு தனி வாக்குரிமை என்பதற்கு பதிலாக, பொது வாக்கெடுப்பில் தனி தொகுதி என முடிவுசெய்யப்பட்டது.
வர்ணாசிரம தர்மத்திலிருந்து தோன்றிய சாதியமைப்பையும், தீண்டாமை கொடுமைகளையும் எதிர்த்து தீவிரமாக போராடிய அம்பேத்கர் அவர்கள், 1927 ஆம் ஆண்டு தாழ்தப்பட்ட மக்கள் மீதான தீண்டாமைக்கொடுமைகளை எதிர்த்து போராட்டத்தினைத் தொடங்கினார். பிறகு, 1930 ஆம் ஆண்டு தொடங்கிய நாசிக் கோயில் நுழைவு போராட்டத்தினை நடத்தி வெற்றிக்கண்டார். தீண்டாமை என்பது ஒரு சமூகப் பிரச்சனை மட்டுமல்லாமல், அது ஒரு அரசியல் பிரச்சினை எனவும் கருதிய அவர் தீண்டாமை ஒழிப்புச் சட்டத்தையும் கொண்டுவந்தார். இறுதியில், 1956 ஆம் ஆண்டு “புத்த மதத்திலும்” இணைந்தார்.
ஆகஸ்ட் 15, 1947 ஆம் ஆண்டு, இந்தியா விடுதலைப் பெற்ற பிறகு, காங்கிரஸ் அரசு அம்பேத்கரை சட்ட அமைச்சராக பதவிஏற்றுக்கொள்ளும்படி அழைத்தது. அதன்பேரில், விடுதலைப் பெற்ற இந்தியாவின் முதல் சட்ட அமைச்சராகவும், இந்திய அரசியல் சாசன சபையின் தலைவராகவும் பொறுப்பேற்றார். நவம்பர் 26,  1949 ஆம் ஆண்டு அம்பேத்கர் தலைமையிலான இந்திய அரசியல் அமைப்பு சட்ட வரைவுக்குழு நாடாளுமன்றத்திடம் சட்ட வரைவை ஒப்படைத்தது.    அம்பேத்கரால் உருவாக்கப்பட்ட இந்த அரசியல் அமைப்பு, குடிமக்களின் உரிமைகளுக்கு பலவகைகளில் பாதுகாப்பை அளிப்பதாக அமைந்ததோடு மட்டுமல்லாமல், இது ‘மிகச்சிறந்த சமூக ஆவணம்’ என வரலாற்று ஆசிரியர்களால் போற்றப்பட்டது. ஆனால் இச்சட்டத்தை கொண்டுவருவதில் நேருவுடன் ஏற்பட்ட கருத்துவேறுபாட்டால், 1951 ஆம் ஆண்டு தன் பதவியைத் துறந்தார்.
தம்முடைய சமூகப் போராட்டதிற்கு, தாம் இந்து மதத்தில் இருப்பதே ஒரு பெரிய தடையாக கருதிய அவர், பௌத்த சமயக் கொள்கைகளின் மீது ஈடுபாடுகொண்டு, 1950 ஆம்ஆண்டுக்கு பிறகு பௌத்த சமயத்தின் மீது தன் கவனத்தை செலுத்தினார். இலங்கையில் நடைபெற்ற பௌத்த துறவிகள் கருத்தரங்கின் கலந்துக்கொண்ட அவர், உலக பௌத்த சமய மாநாடுகளிலும் கலந்துகொண்டார். 1955 ஆம் ஆண்டு “பாரதீய பௌத்த மகாசபாவை” தோற்றுவித்தார்.1956 ல் “புத்தரும் அவரின் தம்மாவும்” என்ற புத்தகத்தை எழுதினார். பிறகு 1956 ஆம் ஆண்டு அக்டோபர் 14 ஆம் நாள் பௌத்த சமயத்திற்கு முழுவதுமாக தன்னை மாற்றிக்கொண்டார்.
நீரிழிவு நோயால் பாதிக்கப்பட்டு வந்த அம்பேத்கர் அவர்களுக்கு, 1955ல் உடல் நலம் மோசமடைய தொடங்கியது. தாழ்த்தப்பட்ட மக்களுக்காக தன்னுடைய வாழ்வையே அர்பணித்த பாபாசாகேப் டாக்டர் பி.ஆர்.அம்பேத்கர், 1956 ஆம் ஆண்டு டிசம்பர் 6 ஆம் நாள் தில்லியிலுள்ள அவருடைய வீட்டில் தூங்கிக்கொண்டிருக்கும் பொழுதே உயிர் நீத்தார். பௌத்த சமயத்தில் அதிக ஈடுபாடு கொண்டமையால், பௌத்த சமய முறைப்படி இவருடைய உடல் “தாதர் சௌபதி” கடற்கரையில் தகனம் செய்யப்பட்டது. இவருடைய மரணத்திற்கு பின், இவருக்கு இந்தியாவின் உயரிய விருதான “பாரத ரத்னா விருது” 1990 ஆம் ஆண்டு வழங்கப்பட்டது.
ஒடுக்கப்பட்ட சமூகத்தில் பிறந்து, விடுதலை இந்தியாவின் அரசியல் சாசனத்தையே வரைந்த மாபெரும் சட்டமேதை பாபாசாகேப் டாக்டர் பி.ஆர். அம்பேத்கர். பொருளாதாரம், அரசியல், வரலாறு, தத்துவம், சட்டம் என அனைத்து துறைகளிலும் திறமைப்பெற்று விளங்கிய அவர், இந்திய வரலாற்றின் பழமைவாதப் பக்கங்களைக் கிழித்தெறிந்த மாமனிதர். தாழ்த்தப்பட்ட மக்களின் விடிவெள்ளியாய், ஈடுஇணையற்ற ஜோதியாய் விளங்கியசமூகப் போராளி. இப்படிப்பட்ட மனிதரின் வாழ்க்கை, அனைவருக்கும் ஒரு எடுத்துக்காட்டு என்றால் அது மிகையாகாது.
====================================================================
கடன் தொல்லையால் சித்ரவதைஅனுபவித்து வந்த விவசாயி ஒருவர், “எனது சாவுக்கு பிரதமர் மோடியே காரணம்” என்று கடிதம் எழுதி வைத்துவிட்டு, தற்கொலை செய்து கொண்டிருப்பது, பரபரப்பை ஏற் படுத்தியுள்ளது.
மகாராஷ்டிரா மாநிலம், யவத்மால் மாவட்டம், ரஜூவர்டி கிராமத்தைச் சேர்ந்தவர் சங்கர் பாபுராவ்சாவ்ரே (55). இவருக்கு மனைவியும்,திருமண வயதில் 3 மகள்களும், ஒருமகனும் உள்ளனர்.
 சங்கர் தனக்குச் சொந்தமாக 9 ஏக்கர் நிலத்தில் விவசாயம் செய்து வந்தார்.இந்நிலையில், தனது நிலத்தில் பருத்தி பயிரிடுவதற்காக தனியார் நிதி நிறுவனத்திடம் இருந்து ரூ. 1 லட்சத்து 50 ஆயிரம் கடன் பெற்றுள்ளார்.

ஆனால், பருத்தியில் நோய்த் தாக்குதல் ஏற்பட்டு, வேளாண்மையில் நஷ்டம் ஏற்பட்டது. இதனால், அவர் கடனை திருப்பிச் செலுத்த முடியவில்லை. நிதிநிறுவனத்தைச் சேர்ந்தவர்கள் கடனை திருப்பிச் செலுத்தக்கோரி சங்கருக்கு நெருக்கடி கொடுத்தனர்.
இதனால், கடந்த சில நாட்களாக மனவேதனையில் இருந்த சங்கர், செவ்வாய்க்கிழமையன்று வீட்டில் இருந்த பூச்சிமருந்தைக் குடித்து தற்கொலை செய்து கொண்டார். 
தனது தற்கொலைக்கு முன்பு, 6 பக்கங்களில் வாக்குமூலம் ஒன்றைஎழுதி வைத்துள்ளார்.
 அதில், “தான்இந்த நிலைக்கு கடனாளியாக பிரதமர் மோடியே காரணம். அவரின் அரசின் செயல்பாடுதான் காரணம்” என்று குறிப்பிட்டுள்ளார்.
மேலும், தனது மறைவுக்கு பின்,முதல்வர் தேவேந்திர பட்னாவிஸ், மத்திய அமைச்சர் ஹன்ஸ்ராஜ் அஹிர், பாஜக எம்எல்ஏ ராஜூ தோட்ஸம் ஆகியோர் தனது குடும்பத்துக்குஉதவி செய்ய வேண்டும் என்று குறிப்பிட்டுள்ளார்.
தமிழ்நாட்டில் போராட்டங்கள் ஓய்ந்து சுமூகமான சூழ்நிலை உருவான பின்னர், என்ன மயித்துக்கு நீர் கட்சி தொடங்கணும்? உம்மை சொல்லி குற்றமில்லை.. இன்னமும் உம்மை நம்பிக்கிட்டு, நீர் எப்போ கறிசோறு போடுவீர்'னு உம் பின்னாடி அலையிற இந்த மானங்கெட்ட கூட்டத்தை சொல்லணும்..