இன்றைய செய்தி,நாளைய வரலாறு. நாளைய வரலாறை படிப்போம்.

சனி, 30 ஜூன், 2018

நான் பாஜகவில் இருந்து ஏன் விலகுகிறேன்?

                                                                                                                                      -சிவம் ஷங்கர் சிங்

மிஷிகன் பல்கலைக்கழகத்தில் பொருளாதாரம் பயின்றவர்.
வடகிழக்கு இந்தியாவில் பாஜக தேர்தல் பிரச்சாரத்துக்கான புள்ளிவிவரப் பகுப்பாய்வை நடத்தியவர். 
2015–16இல் நாடாளுமன்ற உறுப்பினர்களுக்கான சட்டமியற்றுவதற்கான உதவியாளர்கள் (LAMP) என்ற அமைப்பின் உறுப்பினர், 

               -சிவம் ஷங்கர் சிங்


அமைப்பு முறைகளையும் தேசங்களையும் கட்டமைக்கப் பல பத்தாண்டுகளோ அல்லது நூற்றாண்டுகளோ தேவைப்படுகிறது. பாஜக விஷயத்தில் நான் காணும் மிகப் பெரிய தோல்வி என்னவென்றால் மிக அற்ப நோக்கங்களுக்காக சில மகத்தான விஷயங்களை அது அழித்துள்ளது என்பதுதான்.
1. தேர்தல் பாண்டுகள்: இது அடிப்படையில் ஊழலை சட்டபூர்வமானதாக ஆக்குகிறது. கார்ப்பரேட்டுகளும் அந்நிய சக்திகளும் நம் அரசியல் கட்சிகளை விலைகொடுத்து வாங்குவதை அனுமதிக்கிறது. இந்த பாண்டுகள் அனாமதேயத்தன்மை வாய்ந்தவை. "இந்த குறிப்பிட்ட கொள்கையை நீங்கள் இயற்றினால் நங்கள் உங்களுக்கு ரூ. 1000 கோடி கொடுக்கிறோம்" என்று ஒரு கார்ப்பரேட் கூறினால் வழக்கு எதுவும் போட முடியாது. பெயர் தெரியாதவர்களால் அளிக்கப்படும் பாண்டு பத்திரங்களால் ஏதோ கொடுக்கல் வாங்கல் நிகழ்ந்துள்ளது என்பதை நிறுவுவது இயலாத காரியம். அமைச்சர்கள் மட்டத்தில் எவ்வாறு ஊழல் குறைந்துள்ளது என்பதையும் இது விளக்குகிறது. அது கோப்பு ஒன்றுக்கோ அல்லது அரசாணை ஒன்றுக்கு இவ்வளவு தொகை என்று வழங்கப்படுவதைவிட அமெரிக்காவில் உள்ளதுபோல் கொள்கை மட்டத்தில் வழங்கப்படுகிறது.
2. திட்டக் கமிஷன் அறிக்கைகள்: புள்ளிவிவரங்களுக்கு இவை முக்கிய ஆதாரங்களாக விளங்கின. அவை அரசாங்கத் திட்டங்களை தணிக்கை செய்து திட்டங்கள் அமலாக்கம் எப்படி உள்ளது எனத் தெரிவித்தன. திட்டக் கமிஷன் ஒழிக்கப்பட்ட பிறகு, அரசாங்கம் எந்தப் புள்ளிவிவரங்களைக் கொடுத்தாலும் அதை நம்புவதைத் தவிர உங்களுக்கு வேறு வழியில்லை.
3. சிபிஐ, அமலாக்கத் துறை ஆகியவை அரசியல் நோக்கங்களுக்காகப் பயன்படுத்தப்படுகின்றன. அப்படி அவை பயன்படுத்தப்படவில்லை என்றாலும்கூட மோடி / ஷா சம்பந்தப்பட்ட எதற்கும் எதிராகப் பேசினால் அப்படிப் பேசுபவர்களுக்கு எதிராக இந்த நிறுவனங்கள் கட்டவிழ்த்துவிடப்படும் என்ற அச்சம் நிலவுவது உண்மை.
4. கலிக்கோ புல்லின் தற்கொலைக் குறிப்பைப் பற்றியும் நீதிபதி லோயாவின் மரணத்தைப் பற்றியும் சோராபுதின் படுகொலை ஆகியவை குறித்தும் புலன் விசாரணை செய்யத் தவறியது, வன்புணர்ச்சிக் குற்றச்சாட்டுக்குள்ளான எம்.எல்.ஏ. ஒருவரையும் அப்பெண்ணின் தந்தையைக் கொலை செய்த அவர் உறவினர் ஒருவரையும் பாதுகாத்தது.
5. ஓராண்டுக்கு மேலாகியும் இந்த உயர் மதிப்பு ரொக்கப் பணத்தை மதிப்பிழக்கச் செய்த நடவடிக்கை தோல்வியடைந்தது. அதைவிட மோசம் என்னவென்றால் இது தோல்வியடைந்தது என்பதை ஒப்புக்கொள்ள பாஜக மறுப்பது. பயங்கரவாதத்திற்குச் செல்லும் நிதியை நிறுத்துவோம், கறுப்புப் பணத்தைக் குறைப்போம், ஊழலை ஒழிப்போம் என்று அதைப்பற்றி செய்யப்பட்ட பிரச்சாரமனைத்தும் அபத்தம். அது வர்த்தகத்தையும் கொன்றது.
6. ஜிஎஸ்டி வரி விதிப்பு முறை அவசர கதியில் அமலாக்கப்பட்டு தொழில்களைப் பாதித்தது. மிக சிக்கலான கட்டமைப்பு, வெவ்வேறு அம்சங்களுக்கு வெவ்வேறு வரி விகிதங்கள், ரசீதுகளையும் கணக்குகளையும் பதிவு செய்வதில் மிகவும் சிக்கலான முறை ஆகியவை பாதிப்பை ஏற்படுத்தின.
7. வெளிவிவகாரக் கொள்கை: சீனத்திற்கு இலங்கையில் இப்போது ஒரு துறைமுகம் உள்ளது, வங்காள தேசத்திலும் பாகிஸ்தானிலும்கூட அதற்குப் பெரும் நலன்கள் உள்ளன (நாம் சுற்றி வளைக்கப்பட்டுள்ளோம்); மாலத் தீவில் ஏற்பட்ட படுதோல்வி (இந்திய வெளிவிவகாரக் கொள்கை படுதோல்வியால் இந்தியத் தொழிலாளர்களுக்கு அங்கு செல்ல இனியும் விசா கிடைப்பதில்லை) ஆகியவை வெளியுறவுக் கொள்கையின் தோல்வியைக் காட்டுகின்றன. மோடிஜி அயல்நாடுகளுக்குச் சென்று, 2014க்கு முன்பு உலகில் இந்தியர்களுக்கு எந்த மரியாதையும் இல்லை. ஆனால், அவர்கள் இப்போது மிகவும் மதிக்கப்படுகின்றனர் என்று கூறிவருகிறார். வெளிநாடுகளில் இந்தியர்களுக்குக் கிடைக்கும் மரியாதை நமது வளரும் பொருளாதாரம் மற்றும் ஐடி துறை ஆகியவற்றின் நேரடி விளைவு. அது மோடியின் காரணமாக எள்ளளவும் முன்னேறவில்லை. மாட்டிறைச்சி காரணமாக நிகழும் படுகொலைகள், பத்திரிகைக்காரர்கள் அச்சுறுத்தப்படுதல் ஆகிய காரணங்களால் அது குறைந்திருக்கக்கூடும்.
8. திட்டங்கள் தோல்வியுற்றதும் தோல்வியை ஒப்புக்கொண்டு திருத்திக்கொள்ளாத தவறுவது இந்த அரசின் பிரச்சினை. சன்சத் ஆதர்ஷ் கிராம் யோஜனா (நாடாளுமன்றத்தினருக்கான முன்மாதிரி கிராமத் திட்டம்), இந்தியாவில் உற்பத்தி செய்க, திறனாற்றல் வளர்ச்சித் திட்டம், பயிர் காப்பீட்டுத் திட்டம் ஆகிய திட்டங்கள் தம் இலக்கை எட்டவில்லை. வேலையில்லா நெருக்கடியையும் விவசாயிகள் நெருக்கடியையும் அரசு அங்கீகரிக்க மறுக்கிறது.
9. பெட்ரோல், டீசல் விலை உயர்வு: மோடிஜியும் அவரது அமைச்சர்களும் ஆதரவாளர்களும் காங்கிரஸை இத்தகைய விலையுயர்வுக்குக் கடுமையாக விமர்சனம் செய்தனர். ஆனால் இப்போது கச்சா எண்ணெய் விலை அப்போதிருந்ததை விடக் குறைவாக உள்ள போதிலும் விலை உயர்வை நியாயப்படுத்துகின்றனர்.
10. கல்வி, மருத்துவம்: கல்வித் துறையில் ஒன்றுமே செய்யப்படவில்லை. கடந்த பத்தாண்டுகளில் அரசாங்கப் பள்ளிக்கூடங்களில் தரம் சீர்கெட்டுள்ளது என ASER அறிக்கைகள் காட்டுகின்றன. ஆனால், எந்த நடவடிக்கையும் இல்லை. நான்கு ஆண்டுகளில் மருத்துவ வசதி குறித்து எதுவுமே செய்யவில்லை. பின்னர் ஆயுஷ்மான் பாரத் அறிவிக்கப்பட்டது. மருத்துவக் காப்பீட்டுத் திட்டங்கள் பயங்கரமான வரலாற்றைக் கொண்டிருக்கின்றன. 
ஆயினும் இந்த அமெரிக்கப் பாதை பின்பற்றப்படுகிறது. 


ஒவ்வோர் அரசாங்கத்திலும் சில தோல்விகள் ஏற்படுவதுண்டு. சில தவறான முடிவுகளும் நிகழ்வதுண்டு. ஆனால், எனக்கு இருக்கும் அதைவிடப் பெரிய பிரச்சினை தார்மிக நெறிகள் பற்றியது.
இந்த அரசாங்கத்தின் உண்மையான எதிர்மறைச் சாதனை அது எவ்வாறு திட்டமிட்டதொரு போர்த் தந்திரத்துடன் தேசிய உரையாடல் மீது செல்வாக்கு செலுத்தியுள்ளது என்பதாகும். இது தோல்வியல்ல. திட்டமிட்ட செயல்.
1. அரசுக்கு எதிரான ஒவ்வொரு விமர்சனங்கள் பாஜகவிடம் காசு கிடைக்காத பத்திரிகையாளர் ஒருவர் செய்த விமர்சனம் அல்லது காங்கிரஸிடம் காசு வாங்கிக்கொண்டு ஒருவர் செய்யும் விமர்சனம் என்று உதறித் தள்ளப்படுகிறது.
2. கடந்த 70 ஆண்டுகளில் இந்தியாவில் எதுவுமே நடக்கவில்லை என்ற கதையாடலை இந்த அரசாங்கம் பரப்பியுள்ளது. இது பச்சைப் பொய். தேசத்திற்கு மனோரீதியில் பெருந்தீங்கு விளைவிக்கும். இந்த அரசாங்கம் நமது வரிப் பணத்திலிருந்து ரூ.4000 கோடியை விளம்பரங்களுக்குச் செலவு செய்தது. நல்ல சாலைகளை முதலில் கட்டமைத்தவர் மோடியல்ல. மாயாவதி, அகிலேஷ் யாதவ் ஆகியோரால் போடப்பட்ட சாலைகளில் நான் பயணம் செய்துள்ளேன். இந்தியா 1990களிலிருந்தே ஒரு வலிமை மிக்க தகவல் தொழில்நுட்பக் கோட்டையாக மாறியது.
இன்றைய அளவுகோல்கள்படி கடந்த காலச் சாதனைகளை அளவிடுவதும் இன்றைய சூழ்நிலைகளின்படி கடந்த காலத் தலைவர்களை ஏசுவதும் எளிது. அதற்கு ஓர் எடுத்துக்காட்டு: “70 ஆண்டுகளாக காங்கிரஸ் ஏன் கழிப்பறைகளைக் கட்டவில்லை? இத்தகைய அடிப்படையான விஷயத்தைக்கூட அவர்களால் செய்ய முடியவில்லை” என்ற வாதம் முன்வைக்கப்படுகிறது. இந்த வாதம் தர்க்கரீதியாக இருக்கிறது. அதை நானும் நம்பினேன். இந்தியாவின் வரலாற்றை நான் படிக்கத் தொடங்கியதுவரை.
கழிப்பறைகள் நிலவரம் எப்படி இருக்கிறது என்றால் இப்போதிலிருந்து 25 ஆண்டுகளுக்குப் பிறகு மோடி ஏன் இந்தியாவில் எல்லா வீடுகளுக்கும் குளிர்சாதன வசதி செய்துகொடுக்கவில்லை என்று சிலர் கேட்டால் எப்படி இருக்குமோ அப்படி இருக்கிறது. அது இப்போது ஓர் ஆடம்பரமாகத் தோன்றலாம். கழிப்பறைகள்கூட ஒருகாலத்தில் ஆடம்பரமே. சில விஷயங்கள் சீக்கிரமாக நடந்திருக்கலாம். 10-15 ஆண்டுகளுக்கு முன்னரே நடந்திருக்கலாம். ஆனால் 70 ஆண்டுகளாக எதுவுமே நடக்கவில்லை என்பது மோசமான பொய்.
3. பொய்ச் செய்தியைப் பரப்புவதும் அதைச் சார்ந்திருப்பதும் பாஜக அரசின் இன்னொரு மோசமான அம்சம். பாஜக எதிர்ப்பு பொய்ச் செய்திகளும்கூட உள்ளன. ஆனால் பாஜக ஆதரவு, எதிர்க்கட்சி விரோத, பொய்ச் செய்திகள் எண்ணிக்கையிலும் பரப்பப்படும் வீச்சிலும் மிக அதிகமாக உள்ளன. அவை பெரும்பாலும் வெறுப்பு நிறைந்ததாகவும் பிளவுபடுத்துவதாகவும் உள்ளன.
4. இந்துக்களும் இந்து மதமும் ஆபத்திலிருக்கிறது என்றும் நம்மைக் காப்பாற்றிக்கொள்ள மோடியே ஒரே வழி என்றும் அவர்கள் மக்கள் மனங்களில் ஆழ ஊன்றிவிட்டனர். யதார்த்தம் என்னவென்றால் இந்த அரசாங்கம் வருவதற்கு முன்பு மக்கள் எப்படி வாழ்ந்தார்களா அதே வாழ்க்கையை இப்போதும் வாழ்ந்து வருகின்றனர். மக்களின் மனப்பாங்கைத் தவிர வேறெதிலும் மாற்றம் இல்லை. இந்துக்களாகிய நாம் 2007இல் ஆபத்திலிருந்தோமா? அதிக அச்சத்தையும் வெறுப்பையும் பரப்புவது தவிர இந்துக்களுடைய நிலைமைகளில் நான் வேறு எந்த மாற்றத்தையும் காணவில்லை.
5. அரசாங்கத்துக்கு எதிராகப் பேசுவீர்களேயானால் நீங்கள் தேச விரோதி. இந்து விரோதியும்கூட. அரசாங்கத்துக்கு எதிராக நியாயமான விமர்சனம் செய்பவர்கள்கூட இப்படி முத்திரை குத்தப்பட்டு வாயடைக்கச் செய்யப்படுகின்றனர்.
6. பாஜக தலைவர்களால் நடத்தப்படும் செய்தி சேனல்கள் இந்து - முஸ்லிம், தேசியவாதி - தேசவிரோதி, இந்தியா - பாகிஸ்தான் இதுபோன்ற விவாதங்களையே நடத்திவருகின்றன. இதன் மூலம் பொது உரையாடலைப் பிரச்சினைகளிலிருந்து திசை திருப்புகின்றன. தர்க்கத்தை விடுத்து உணர்வுரீதியில் பிளவுபடுத்துவதையும் இந்த சேனல்கள் தம் வேலையாகக் கொண்டிருக்கின்றன.
7. வளர்ச்சி குறித்த செய்தி மறைந்துவிட்டது. அடுத்த தேர்தலுக்கான பாஜகவின் யுக்தி பிளவுபடுத்துவதும் போலி தேசியவாதத்தை தூண்டிவிடுவதும் ஆகும். ஜின்னா, நேரு மற்றும் காங்கிரஸ் தலைவர்கள் சிறையில் இருந்த பகத் சிங்கைச் சந்திக்கவில்லை என்று பொய்ச் செய்தி பிரதமரிடமிருந்தே வந்தது; குஜராத்தில் மோடியைத் தோற்கடிக்க காங்கிரஸ் தலைவர்கள் பாகிஸ்தான் தலைவர்களைச் சந்தித்தனர் என்று பிரச்சாரம் செய்யப்பட்டது. ஜேஎன்யூ மாணவர்கள் தேசவிரோதிகள், அவர்கள் தேசத்தை சுக்குநூறாகத் துண்டாடிவிடுவார்கள் என்று சொல்லப்படுகிறது. வாக்காளர்களைப் பிளவுபடுத்தி தேர்தல்களை ஜெயிப்பது என்ற ஒரு குறிப்பான நோக்கத்திற்காக உருவாக்கப்பட்ட பிரச்சாரமே இவையனைத்தும்.
என் தலைவர்களிடமிருந்து நான் கேட்க விரும்பும் செய்தி இதுவல்ல. அரசியல் ஆதாயங்களுக்காகக் கலவரங்களில் தேசத்தை எரியவிடத் தயாராக இருக்கும் எவரையும் நான் பின்பற்ற விரும்பவில்லை.
தேசிய விவாதத்தை எவ்வாறு பாஜக ஓர் இருண்ட மூலைக்குத் தள்ளுகிறது என்பதற்கு இவை சில உதாரணங்கள் மட்டுமே. நான் இந்தக் கட்சியில் சேர்ந்தது இதற்காக அல்ல. இதை நான் ஆதரிக்க முடியாது. எனவே, நன் பாஜகவிலிருந்து ராஜினாமா செய்கிறேன்.
                                                                                                                                   -சிவம் ஷங்கர் சிங் 

நன்றி: மீடியம்.காம்.
================================================================================================
ன்று,
ஜூன் -30.

  • உலகின் முதல் அவசர தொலைப்பேசி எண்ணான 999 லண்டனில் அறிமுகப்படுத்தப்பட்டது(1937)
  • காங்கோ விடுதலை தினம்(1960)
  • ஒருங்கிணைக்கப்பட்ட சர்வதேச நேரத்தில் ஒரு லீப் வினாடி அதிகரிக்கப்பட்டது(1972)
  • முதலாவது ஹாரி பாட்டர் நூல் வெளியிடப்பட்டது(1997)
================================================================================================



வெள்ளி, 29 ஜூன், 2018

மோடி யின் பிரம்மாண்ட தோல்வி!

சுவிஸ் வங்கியில் உள்ள இந்திய பணமுதலைகளின் கறுப்புப் பணத்தை பிடுங்கி இந்திய மக்கள் ஒவ்வொருவர் கணக்கிலும் 15 லட்சம் வரவு வைப்பதாகக் கூறி பாமரர்களை ஏமாற்றி இந்திய பிரதமர் நாற்காலியைக் கைப்பற்றிய நரேந்திர மோடியின் இந்த நான்காண்டு ஆட்சிக்காலத்தில் அப்படி ஒரு பணவரவே சுவிஸ் வங்கியில் இருந்து வராதது மட்டுமல்ல

 "சுவிஸ் வங்கிகளில் இந்தியர்களின் கறுப்புப்பணம் மோடியின் ஆட்சிக்காலத்தில் கடந்த மூன்றாண்டுகளில்தான் பண மதிப்பிழப்பிற்குப் பின்னர் மூன்று மடங்கு உயர்ந்துள்ளது.
இக்கணக்கு சுவிஸ் வங்கிகள் தங்கள் அரசுக்கு தெரிவித்த புள்ளிவிபரங்கள் மூலம் அம்பலமாகியுள்ளது."
கணக்கில் வராத பணத்தை வெளியே கொண்டுவருவதற்கென இந்திய அரசு மேற்கொண்ட 'பண மதிப்பு நீக்க நடவடிக்கை' பலனைத் தரவில்லை என்பதை இந்திய ரிசர்வ் வங்கியின் புள்ளிவிவரங்கள் காட்டுகின்றன.
ஆக மோடி கூறிய வாக்குறுதிகள் எதுவுமே இந்த நான்காண்டில் நிறைவேற்றப்படாததுடன் "இந்தியா அணைத்து துறைகளிலுமே பாதாளத்தில் இறங்கியுள்ளதும் உலகவங்கி,உலக ஆய்வாளர்கள் மூலம் தெரியவந்துள்ளது."
மேடைகளில் நவரசங்களில் உணர்ச்சியை வெளிப்படுத்தி பேசும் ,சவால்களை விடும் மோடி  இதுவரை கூறிய தகவல்கள் எல்லாமே பொய்யானவை என ஆதாரத்துடன் உறுதி செய்யப்பட்டுள்ளது.
அதனால்தான் மக்களவை கூட்டங்களில் அவர் கலந்து கொள்ளவும்,வாயைதிறக்கவும் அஞ்சி அதிகம் கலந்து கொள்ளவில்லை.கலந்து கொண்ட காலங்களிலும் வாயைத்திறந்து எதிர்க்கட்ச்சிகளுக்கு பதில் சொல்லுவதில்லை என்றும் அமெரிக்க டைம் இதழ் மோடியின் முகமூடியை அகற்றியுள்ளது.

மோடியின் தவறான பொருளாதார சீர்திருத்த நடவடிக்கையின்  விளைவுகள் குறித்து பிபிசி வெளியிட்ட கட்டுரை :-

பிரம்மாண்ட தோல்வியில் முடிந்த மோடி யின் ரொக்க சூதாட்டம் !!


பிரம்மாண்ட தோல்வியில் முடிந்த மோதியின் ரொக்க சூதாட்டம்படத்தின் காப்புரிமைAFP

'டிமானிடைசேஷன்' என்று ஆங்கிலத்தில் கூறப்பட்ட இத்திட்டம் பிரதமர் நரேந்திர மோடியின் முன்னுரிமைத் திட்டமாகும்.
இத்திட்டம் ஏன் தோல்வியடைந்தது என்பதை பொருளியல் வல்லுநர் விவேக் கவுல் ஆராய்கிறார்.
கடந்த பத்து மாதமாக பல இந்தியர்கள் இது தொடர்பாகக் கேட்டுக்கொண்டிருந்த கேள்விகளுக்கு இந்திய ரிசர்வ வங்கியின் ஆண்டறிக்கையின் 195வது பக்கத்தில் பதில் உள்ளது.
பண மதிப்பு நீக்க நடவடிக்கை வெற்றி பெற்றதா, தோல்வியடைந்ததா? ரிசர்வ் வங்கியின் புள்ளிவிவரத்தின்படி அது ஒரு இதிகாச அளவிலான தோல்வி அடைந்தது என்று சொல்வதே சரி.
கடந்த ஆண்டு நவம்பர் 8ம் தேதி 500 மற்றும் 1000 ரூபாய் நோட்டுகள் செல்லாது என்று மோடி அரசு அறிவித்தது. இப்படி செல்லாததாக ஆக்கப்பட்ட பணத்தின் மொத்த மதிப்பு 15.44 லட்சம் கோடி ரூபாய்.
கள்ள நோட்டுகளையும், கணக்கில் வராத கருப்புப் பணத்தையும் ஒழிப்பதே இந்த நடவடிக்கையின் நோக்கம் என்று பிரதமர் அறிவித்தார். ஒருவர் சம்பாதித்து, அதற்கு வரி கட்டாத பணமே கருப்புப் பணம்.
அறிவிப்பு வெளியான சில மணி நேரத்தில், அந்த நாளின் நள்ளிரவு முதல், 500 மற்றும் 1000 ரூபாய் நோட்டுகள் மதிப்பிழந்தன. இந்த நோட்டுகளை வைத்திருந்தவர்கள் தங்கள் வங்கிக் கணக்கில் செலுத்தி, புதிய நோட்டுகளாக திருப்பி எடுத்துக்கொள்ளலாம் என்று அறிவிக்கப்பட்டது. இப்படித் திருப்பி எடுப்பதிலும் கட்டுப்பாடுகள் விதிக்கப்பட்டன.
கணக்கில் வராத பணத்தை வைத்திருப்போர் வங்கியில் அதைச் செலுத்த மாட்டார்கள், அதனால் சட்டவிரோதப் பணம் பெருமளவில் ஒழியும் என்பதே அரசின் நம்பிக்கை.
இதற்கு மாறாக, ஜூன் 30 வரை 15.28 லட்சம் கோடி ரூபாய் மதிப்புள்ள பழைய 500, 1000 ரூபாய் நோட்டுகள் வங்கிகளில் வைப்பாகச் செலுத்தப்பட்டதாக ரிசர்வ் வங்கி அறிக்கை கூறுகிறது.

பண மதிப்பு இழப்புபடத்தின் காப்புரிமைARUN SANKAR/AFP/GETTY IMAGES

இதன்படி மதிப்பு நீக்கப்பட்ட நோட்டுகளில் சுமார் 99 சதவீதம் வங்கிக்குத் திரும்பி வந்துள்ளது. எனவே, கிட்டத்தட்ட ரொக்கமாக இருந்த கருப்புப் பணம் முழுவதும் வங்கிக்கு வந்துவிட்டது. உண்மையில் அரசு நினைத்தபடி அது ஒழியவில்லை.
கருப்புப் பணம் வைத்திருந்தவர்கள், பணம் இல்லாத பிறரிடம் அதைக் கொடுத்து அவர்களது வங்கிக் கணக்கில் போட்டு தங்கள் பணத்தை காப்பாற்றிக்கொண்டதாக விளக்கம் கூறப்படுகிறது.
கள்ள நோட்டுகளைக் கண்டுபிடிக்கும் முயற்சிக்கும் இந்த பண நீக்க நடவடிக்கை பெரிய அளவில் உதவியதாகத் தெரியவில்லை. ஏப்ரல் 2016 முதல் மார்ச் 2017 வரையில் கண்டுபிடிக்கப்பட்ட 500 ரூபாய், 1000 ரூபாய் கள்ள நோட்டுகளின் எண்ணிக்கை 5,73,891 என்கிறது ரிசர்வ் வங்கி புள்ளிவிவரம்.
மதிப்பு நீக்கம் செய்யப்பட்ட மொத்தம் 24.02 பில்லியன் நோட்டுகளில் இது பூஜ்ஜியம் சதவீதத்தை விடக் கொஞ்சம் அதிகம். அவ்வளவே. முந்தைய ஆண்டில் பணநீக்க நடவடிக்கை ஏதும் இல்லாமலே கண்டுபிடிக்கப்பட்ட 500 ரூபாய், 1000 ரூபாய் கள்ள நோட்டுகளின் எண்ணிக்கை 4,04,794.
ரூபாய் நோட்டுக்கள் பற்றாக்குறையால் பாதிக்கப்பட்டுள்ள தினக்கூலித் தொழிலாளர்கள்

பாதிப்பிற்குள்ளாகியுள்ள கட்டடத் தொழிலாளர்கள்

எனவே, பண மதிப்பு நீக்க நடவடிக்கை அதன் முதன்மையான இரண்டு நோக்கங்களை நிறைவேற்றுவதிலும் தோல்வி அடைந்துவிட்டது.
இதில் நகைச்சுவை என்னவென்றால், ரொக்கமாக எவ்வளவு கருப்புப் பணம் இருக்கிறது என்பதைப் பற்றி அரசிடம் புள்ளிவிவரம் ஏதும் இல்லை. 2016 டிசம்பர் 16 அன்று நாடாளுமன்றத்தில் எழுத்துமூலம் அளித்த பதிலில் நிதியமைச்சர் அருண் ஜெட்லி இதைத் தெரிவித்தார்.
கருப்புப் பணத்தில் 5 சதவீத அளவுக்கே ரொக்கமாக மக்கள் வைத்திருக்கிறார்கள் என்று வருமான வரித்துறை மேற்கொண்ட சோதனைகளில் தெரியவருகிறது.
பொதுத் தளத்தில் போதிய புள்ளிவிவரம் ஏதும் இல்லாவிட்டாலும் சில பொருளியல் வல்லுநர்கள் தாங்களாக ஒரு புள்ளிவிவரத்தைக் குறிப்பிட்டு மோடி அரசின் நடவடிக்கையை நியாயப்படுத்துகிறார்கள். அவர்களின் கணிப்புகளை எந்த தர்க்கத்தின் மீது கட்டமைக்கிறார்கள் என்பதை அவர்கள் விளக்கத் தவறுகிறார்கள்.
இந்த பண மதிப்பு நீக்க நடவடிக்கை இந்தியாவின் மிகப்பெரிய ரொக்கப் பொருளாதாரத்தை மோசமாகப் பாதித்தது.

வங்கிகளில் நீண்ட வரிசையில் காத்திருந்த மக்கள்படத்தின் காப்புரிமைGETTY IMAGES
Image captionநவம்பர் 2016-இல் வங்கிகளில் நீண்ட வரிசையில் காத்திருந்த மக்கள்

அமைப்புசாரா துறைகளைச் சேர்ந்த 2.5 லட்சம் தொழில் அலகுகள் மூடப்பட்டதாகவும், ரியல் எஸ்டேட் துறை பெரிதும் பாதிக்கப்பட்டதாகவும், பெரும் எண்ணிக்கையிலான மக்கள் தங்கள் வேலையை இழந்ததாகவும் பாஜகவின் தொழிற்சங்கப் பிரிவான பாரதீய மஸ்தூர் சங்கமே ஒப்புக்கொண்டுள்ளது.
பரவலாக ரொக்கத்திலேயே கொடுக்கல் வாங்கல் நடக்கும் வேளாண்மைப் பொருளாதாரமும் பெரிய அளவில் அடி வாங்கியது. விவசாயிகள் விளைவித்த பருப்பு, காய்கறிகளுக்கு போதிய அளவில் விலை கிடைக்காமல் போனது. பல விவசாயிகள் போராட்டம் நடத்தினார்கள். பல மாநில அரசுகள் வேளாண் கடன்களைத் தள்ளுபடி செய்தன.
500 மற்றும் 1000 ரூபாய் நோட்டுக்களை ஒழிப்பதால், இந்தியப் பொருளாதாரம் ஊக்கம் பெறுமா?

500 மற்றும் 1000 ரூபாய் நோட்டுக்களை ஒழிப்பதால், இந்தியப் பொருளாதாரம் ஊக்கம் பெறுமா?

எல்லாவற்றுக்கும் மேலாக, இந்த நடவடிக்கையால் பெரிய அளவில் ரொக்கப் பற்றாக்குறை ஏற்பட்டது. தங்கள் சொந்தப் பணத்தை எடுப்பதற்கு, மக்கள் பல நாள்கள் ஏ.டி.எம். வாசலில் நீண்ட வரிசைகளில் காத்துக்கிடந்தார்கள். சிலர் இதில் இறந்தும் போனார்கள்.
ஆனால் இந்த நடவடிக்கை மிகப்பெரிய தவறு என்று மோடி அரசு ஒப்புக்கொள்ளும் வாய்ப்பு குறைவு. கடந்த நவம்பரில் இருந்து சொல்லிவருவதைப் போலவே இதை நேர்மறையாகவே அது சித்திரிக்கும்.

பண மதிப்பு குறைப்பு போராட்டம்படத்தின் காப்புரிமைINDRANIL MUKHERJEE/AFP/GETTY IMAGES)

எந்த ஆரோக்கியமான பொருளாதாரமும் இதுபோன்ற பண மதிப்பு நீக்க நடவடிக்கையை மேற்கொண்டதில்லை.
"இந்தியப் பண மதிப்பு நீக்க நடவடிக்கை சகஜமான அரசியல் பொருளியல் சூழ்நிலையில் ரகசியமாகவும், திடீரென்றும் மேற்கொள்ளப்பட்டது. சர்வதேசப் பொருளியல் வரலாற்றில் முன்னெப்போதும் இப்படி நடந்ததில்லை. அதீத பணவீக்கம், போர், அரசியல் கிளர்ச்சி போன்ற தீவிரமான சூழ்நிலைகளிலேயே திடீர்ப் பண மதிப்ப நீக்க நடவடிக்கைகள் பிற சந்தர்ப்பங்களில் மேற்கொள்ளப்பட்டுள்ளன," என்கிறது சமீபத்திய இந்தியப் பொருளியல் சர்வே.
முன்னுதாரணம் இல்லாத இந்த நடவடிக்கைக்காகத் தரப்பட்ட உண்மையான விலை என்ன என்பது பற்றிய தகவல்கள் இப்போதுதான் வெளியே வரத் தொடங்கியுள்ளன.
(இந்த கருத்துக்கள் கட்டுரை ஆசிரியரின் கருத்துக்கள்)
ரூபாய் நோட்டுகளை மாற்ற தொடர்ந்து பரிதவிக்கும் மக்கள்

நோட்டுக்களை மாற்றவும், ஏடிஎம்களில் பணம் எடுக்கவும் மக்கள் பரிதவித்து வருகின்றனர்

பிபிசி தமிழோசை .கட்டுரை மறு பதிவு.

ஆன்மிக அரசு?

யோகி ஆதித்யநாத் முதலமைச்சராகப் பொறுப்பேற்ற சமயத்தில், உத்தரப்பிரதேச மாநிலம் குற்றங்கள் அற்ற மாநிலமாக இருந்திடும் என்று ரொம்பவும்தான் தம்பட்டம் அடிக்கப்பட்டது.  
காரணம் யோகி முற்றும் துறந்த அன்பே உருவான சாமியார் என்று  பாஜகவினரால் மக்களிடம் கதைக்கப்பட்டன.
யோகியின் அரசு ஆன்மிக அரசாக செயல்படும் என்றனர்.

அரசுக்கட்டிடங்களுக்கு காவி அடிக்கப்படத்தைத் தவிர ஆன்மிகம் அங்கு இல்லை. இந்துத்துவ வெறி தான் தலைவிரித்தாடுகிறது.
மாற்று மதத்தினர் குறிப்பாக முஸ்லிம்கள் மட்டுமல்ல தாழ்த்தப்பட்ட ,பின்தங்கிய ஏழைகள் தான் தாக்குதலின் குறையாக உள்ளனர்.புதிய உடை உடுத்தியததற்காக தாழ்த்தப்பட்ட இளைஞர் தாக்கப்படுவது சாதாரண விடயம். சில கிராமங்களில் இறைசசி வாங்கி செல்லும் மக்கள் பசுவை கொன்றதாக கொலை செய்யப்படுவது வழமையாகிவிட்டது.
அதுவும் முஸ்லீம் கையில் இருந்தால் சாவுதான்  கண்டிப்பாக.
இம்மாநிலத்தில் 2017இலேயே ‘என்கவுண்டர்’ கொலைகள் தொடங்கிவிட்டன. கிரிமினல்களைக் கண்டதும் சுட்டுக்கொல்ல காவல்துறையினருக்கு கட்டளைகள் அளிக்கப்பட்டன. 
முதலமைச்சர் யோகி ஆதித்யநாத் மீதே அவர் ஆட்சிப் பொறுப்பேற்ற சமயத்தில் 15 கிரிமினல் வழக்குகள் நிலுவையில்  இருந்தன என்பதும், மாநிலத்தின் 143 எம்எல்ஏ-க்கள் மீது கிரிமினல் வழக்குகள் பதிவு செய்யப்பட்டிருந்தன என்பதும், இவர்களில் 83 பேர் ஆளும் பாஜகவைச் சேர்ந்தவர்கள் என்பதும் தனி சமாச்சாரம்.
‘என்கவுண்டர்’களில் ஈடுபடும் காவல்துறையினருக்கு அவர்கள் அவ்வாறு ஈடுபட்டவுடனேயே பதவி உயர்வுகள் அளிக்கப்பட்டன. குறிப்பாக, உத்தரப்பிரதேசத்தின் மேற்குப் பிராந்தியத்தில், ‘என்கவுண்டர்’ கொலைகள் இவ்வாறு அரங்கேற்றப்பட்டன. இவ்வாறு கொல்லப்பட்டவர்கள் அநேகமாக முஸ்லீம்களாக, தலித்துகளாக அல்லது இதர பிற்படுத்தப்பட்ட வகுப்பைச் சேர்ந்தவர்களாக இருப்பார்கள்.  
அற்பக் குற்றங்கள் புரிந்த கிரிமினல்கள் குறிவைக்கப்பட்டு, அவர்களுக்கு எதிராக ‘என்கவுண்டர்கள்’ திட்டமிடப்பட்டன. சில சமயங்களில் அவர்கள் கொல்ல வேண்டும் என்று திட்டமிடப்பட்டிருந்த நபர்கள் சிறைக்குள் இருந்தால் அவர்கள் வெளியே கொண்டுவரப்பட்டு, பின்னர் காவல்துறையினரால் கொல்லப்பட்டார்கள்.  இவ்வாறு நபர்களைக் கொல்வதற்கு, யோகி ஆதித்யநாத், ஒவ்வொரு போலீஸ்காரருக்கும் குறியீடு நிர்ணயித்திருந்தார் என்று ஓர் ஓய்வுபெற்ற போலீஸ் அதிகாரி கூறினார். 
மொத்தத்தில் 1,478 என்கவுண்டர்கள் நடைபெற்றுள்ளன. 
இதில் 50 பேர் கொல்லப்பட்டுள்ளனர்,  390 பேர் காயங்கள் அடைந்துள்ளனர். இவ்வாறு கொல்லப்பட்டவர்களில் 70 சதவீதத்தினர் முஸ்லீம்கள், 15 – 20 சதவீதத்தினர் தலித்துகள். மற்றவர்கள் இதர பிற்படுத்தப்பட்ட வகுப்பைச் சேர்ந்தவர்கள்.
மார்க்சிஸ்ட் கம்யூனிஸ்ட் கட்சியின் அனைத்திந்திய ஜனநாயக மாதர் சங்கத்தின் தலைவர்கள் ஷேபா ஃபரூக்கி, ஆஷா ஷர்மா, மது கார்க் மற்றும் சரோஜ் வர்மா முதலானவர்கள், கடந்த ஜூன் 3, 4 தேதிகளில், ஷாம்லி, முசாபர்நகர் மற்றும் சகரன்பூர் ஆகிய இடங்களில் இவ்வாறு என்கவுண்டர்கள் மூலம் கொல்லப்பட்டவர்களில் ஒரு சிலரின் குடும்பத்தாரைச் சென்று சந்தித்தார்கள்.
தூதுக்குழுவினர் சகரன்பூரில் பிதன்பூரா மற்றும் செர்பூர் என்னும் இரு கிராமத்தில் இருந்த இரு குடும்பத்தினரைச் சந்தித்தார்கள். பிதான்பூர் கிராமத்தில் வசித்த மன்சூர் என்பவர் இரண்டரை ஆண்டுகளுக்கு முன் சிறையிலிருந்து வெளிவந்து, தற்சமயம்  மிகவும் அமைதியாக வாழ்ந்து வந்தார். சிறையிலிருந்த  அவருக்கு மின் அதிர்ச்சி (electric shock) ஏற்பட்டு  அதன்பின்னர் அவர் மூளை பிறழ்ந்து மனநலம் குன்றியவராக (mentally retarded) மாறிவிட்டார்.

  2017 செப்டம்பர் 26 அன்று சில போலீஸ்காரர்கள் சீருடையின்றி ‘மப்டி’யில் அவரது வீட்டிற்கு வந்து, அவரை அழைத்துச் சென்றிருக்கின்றனர். மறுநாள் காலை 3 மணியளவில் போலீஸ்காரர்கள் கிராமத் தலைவரின் வீட்டிற்குச் சென்று அவருடைய கையொப்பங்களைக் கேட்டிருக்கிறார்கள். பின்னர் மன்சூரின் இல்லத்திற்குச் சென்று மன்சூரின் தந்தையினுடைய கைரேகையை ஒரு தாளில் பதிவு செய்து எடுத்துச் சென்றிருக்கிறார்கள். 
ஆனால் அப்போது அவர்கள் மன்சூர் என்கவுண்டர்  மூலமாகக் கொல்லப்பட்டது குறித்து எதுவும் கூறவில்லை. காலை 7 மணியளவில்தான் மன்சூரின் உறவினர் ஒருவர் அவரிடம் வந்து மன்சூர் என்கவுண்டர் மூலம் கொல்லப்பட்ட செய்தியைத் தெரிவித்திருக்கிறார்.
காவல்துறையினரின் தரப்பில்,  மன்சூர் முகின் கலா கும்பல் என்னும் ஒரு கொள்ளைக் கூட்டத் தலைவன் என்றும், குறிபார்த்துச் சுடுவதில் வல்லவன் என்றும் அவனது தலைக்கு 25 ஆயிரம் ரூபாய் பரிசு அறிவிக்கப்பட்டிருந்தது என்றும் கூறப்பட்டது. 
அவனுக்கு எதிராக கொள்ளை, கூட்டுக்கொள்ளை, கொலை போன்ற குற்றங்களுடன் பல டஜன் வழக்குகள் நிலுவையிலிருந்ததாகவும் போலீசார் கூறியிருக்கிறார்கள். கடந்த இரண்டரை ஆண்டு காலமாக வீட்டிலிருந்த மன்சூர் இவ்வழக்குகளுக்காக போலீசாரால் மிகவும் எளிதாகக் கைது செய்யப்பட்டிருக்கலாமே, அவ்வாறு ஏன் கைது செய்யப்படவில்லை என்பது புரியாத புதிராகும்.  அவனை செப்டம்பர் 26 அன்று போலீசார் அழைத்துச் சென்றிருக்கின்றனர். 
உண்மை நிலை இப்படி இருக்கையில் அவன் எப்படி வேகன்-ஆர் (WagonR) காரை ஒன்றைச் சூறையாடினான் என்று எப்படிக் கூற முடியும்?  அவ்வாறுதான் போலீசார் கூறுகின்றனர். 
அவன் மிக அருகில் நிறுத்திவைக்கப்பட்டு சுட்டுக்கொல்லப்பட்டிருக்கிறான். எனவே அவன் போலீசாரால்தான் கொல்லப்பட்டான் என்கிற அவனது குடும்பத்தாரின் சந்தேகங்கள் ஊர்ஜிதமாகின்றன.
செர்பூர் கிராமத்தைச் சேத்ரந்த ஷம்ஷத் வழக்கும் இதேபோன்றதுதான். 2017 செப்டம்பர் 8 அன்று அவன் நீதிமன்றத்திற்கு ஒரு வழக்கிற்காகக் கொண்டுசெல்லப்பட்டபோது போலீசாரிடமிருந்து மோட்டார் சைக்கிளில் இரு கிரிமினல்களின் உதவியுடன் தப்பி ஓடிவிட்டான் என்பது போலீஸ் கூற்றாகும். அவனது சடலம் செப்டம்பர் 11 அன்று ஓரிடத்தில் இருந்திருக்கிறது. 
தன் கணவர் “தப்பி ஓடிவிட்டார்” என்ற செய்தியைக் கேள்விப்பட்ட உடனேயே, அவரது மனைவி, மனித உரிமைகள் ஆணையத்திடம் சென்று, தன் கணவர் என்கவுண்டர் மூலமாகக் கொல்லப்படலாம் என்கிற அச்ச உணர்வை வெளிப்படுத்தி இருக்கிறார். அவன் தன்னுடைய குடும்பத்தினரிடம் தான் சிறையிலிருந்து வெளியே வர விரும்பவில்லை என்றும், தன் மீதான வழக்குகள் அனைத்தும் முடிவுற்ற பின்னர்தான் தான் சிறையிலிருந்து வீட்டிற்கு வருவேன் என்றும் சொல்லிக் கொண்டிருந்திருக்கிறார். எனவே, அவன் போலீசாரின் பாதுகாப்பிலிருந்து தப்பி ஓடினான் என்று சொல்வதெல்லாம் போலீசாரால் ஜோடிக்கப்பட்ட கதையாகும்.  
அவனது குடும்பத்தாரின் கூற்றுப்படி அவன் செப்டம்பர் 8ஆம் தேதியே கொல்லப்பட்டுவிட்டான். அவனது உடம்பின்மீது எறும்புகள் மொய்த்துக் கொண்டிருந்தன என்றும், துணிமணிகளில் ரத்தக்கறை எதுவும் கிடையாது என்றும் அவர்கள் மேலும் கூறினார்கள். 
அவனது உடம்பு முழுவதும் மிகவும் கொடூரமான முறையில் தாக்கப்பட்டதற்கான அடையாளங்கள் இருந்திருக்கின்றன. 
அவனது கழுத்திலும் முதுகிலும் கயிறால் கட்டப்பட்ட அடையாளங்கள் நன்கு தெரிந்தன. 
அவன் கோவிலுக்குள் வைத்துக் கொல்லப்பட்டான்.
மற்றுமொரு அதிர்ச்சியளிக்கக்கூடிய சம்பவம், ஷாம்லியில் பூரா கிராமத்தைச் சேர்ந்த நௌஷத் என்கிற டான்னி (25 வயது) இளைஞன் 2017 ஜூலை 29 அன்று கொல்லப்பட்ட சம்பவமாகும். 
அவன் ஒரு சிறிய சண்டையில் ஈடுபட்டான் என்பதற்காக ஒரு சமயம் ஐந்து மாதங்கள் சிறையில் அடைக்கப்பட்டிருந்தான். ஆனால் இது ஒருசில ஆண்டுகளுக்கு முன்பு நடந்தது. கடந்த மூன்றாண்டு காலமாக அவன் மீது எந்தவிதமான வழக்கும் கிடையாது. எனவே அவன் சிறையில் இருந்ததில்லை. ஜூலை 29 அன்று அந்தக் கிராமத்தில், போலீசுக்குத் தகவல் தருபவராகச் செயல்பட்டுவந்த ஒரு பெண்மணி,  மாங்கனித் திருவிழாக் கொண்டாட்டத்திற்காக அவனை அழைத்திருந்தார். அவன் தன்னுடைய நண்பன் சர்வார் என்பவனையும் அக்கொண்டாட்டத்தில் பங்கேற்பதற்காக அழைத்துச் சென்றிருந்தான். சர்வார், பெங்களூரில் துணி வியாபாரம் செய்து வருபவன். 
போலீசார் ஒரு சூழ்ச்சி செய்து அவர்கள் இருவரையும் கொன்றுவிட்டார்கள். அந்தப் பெண்ணின் வீட்டிற்கு வெளியே ரத்தக் கறை இருந்ததையும், இரு சடலங்களையும் போலீசார் தங்களுடைய வாகனங்களில் ஏற்றிச் செல்வதையும் கிராமத்தார்கள் பார்த்தார்கள். மேற்படி இருவரும் அந்தப் பெண்ணை வன்புணர்வுக்கு உட்படுத்தியதாகவும், பின்னர் என்கவுண்டரில் அவர்கள் இருவரும் கொல்லப்பட்டதாகவும் போலீசார் தெரிவித்துள்ளனர். எனினும், போலீசாரின் அதிகாரபூர்வ அறிக்கையில் வன்புணர்வுக் குற்றம் பதிவு செய்யப்படவில்லை.  
போலீசாரின் கூற்றின்படி, இரண்டு கிரிமினல்கள் பூரா கிராமத்தில் பதுங்கி இருந்தார்களாம். அவர்கள் இருவரும் முகிம் கலா கும்பலைச் சேர்ந்தவர்களாம். அவர்கள் தலையைக் கொண்டுவருபவர்களுக்கு தலா 50 ஆயிரம் ரூபாய், 10 ஆயிரம் ரூபாய் பரிசுகள் அறிவிக்கப்பட்டிருந்ததாம்.
நௌஷத் குடும்பத்தினர் மனித உரிமைகள் ஆணையத்தை அணுகியபோது, நௌஷத் மீதும் மற்றொருவர் மீதும் கூட்டு வன்புணர்வு வழக்கு பொய்யாகப் பதிவு செய்யப்பட்டது. இதிலும் “பாதிக்கப்பட்ட” பெண்மணி யார் தெரியுமா? 
போலீசுக்குத் தகவல் தருபவராகச் செயல்படும் அதே பெண்மணிதான்.
2017 அக்டோபர் 23 அன்று போலீசார் தித்தர்வாதைச் சேர்ந்த ஃப்ர்கான் என்பவனைச் சுட்டுக் கொன்றார்கள். அவனும் முகின் கலா கும்பல் என்னும் கொள்ளைக் கூட்டத்தைச் சேர்ந்தவன்தானாம். இந்த என்கவுன்டர் கொலைக்கு எதிராக ஃபர்கானின் தந்தை அபு மிர்ஹாசன் உயர்நீதிமன்றத்தில் வழக்கு தாக்கல் செய்தார். 
 மார்ச் மாதத்தில், சுமார் 20 போலீசார் அவரது வீட்டிற்கு வந்து, அவரிடம் கைரேகைகளை ஒரு தாளில் பெற்றுக்கொண்டு,  மீண்டும் நீதிமன்றத்தில் வழக்கு தாக்கல் செய்தால் விளைவுகள் மிகவும் மோசமாக இருக்கும் என்று மிரட்டிவிட்டுச் சென்றிருக்கிறார்கள். 
அவனது தந்தையும், தாயும் நாட் கூலிகள். அவனுடைய மூன்று சகோதரர்கள் செங்கல் சூளையில் (brick kiln) வேலை செய்பவர்கள்.
இதேபோன்று, நொய்டா தாத்ரி காவல்நிலையத்தில் சந்தேகத்திற்குரிய நபர்களை சோதனை செய்துகொண்டிருந்தபோது, அஸ்லாம் என்பவன் போலீசாரை நோக்கி துப்பாக்கியால் சுட்டுக் கொண்டே தப்பி ஓட முயற்சித்ததாகவும், இதில் இரண்டு போலீசாருக்குக் காயங்கள் ஏற்பட்டதாகவும் போலீஸ் தரப்பில் கூறப்பட்டது. 
கட்டி தவுலத்தைச் சேர்ந்த அக்பர் என்பவரும் போலீஸ் என்கவுண்டரில் கொல்லப்பட்டான். அக்பர் பெங்களூரில் வியாபாரம் செய்து வந்தான். போலீசாரின் கூற்றுப்படி இவன் செய்ததாகக் கூறப்படும்  குற்றமும் பெங்களூரில்தான் நடந்திருக்கிறது. 
அவன் கொல்லப்பட்டது தொடர்பாக அவனது குடும்பத்தார் கூறுகையில், போலீசுக்குத் தகவல் தெரிவிக்கும் பெண்ணொருத்தி அவனை மொபைல் போனில் அழைத்து, அவனை ஷாம்லிக்கு வரச் சொல்லியிருக்கிறார்.  அவ்வாறு வந்தால், கிரிமினல்களில் பட்டியலில் உள்ள அவனது பெயரை நீக்கிவிடலாம் என்றும் கூறியிருக்கிறார். 
பின்னர் அவனது குடும்பத்தார் அவனிடம் கடைசியாக 2018 ஜனவரி 29 அன்று பேசியிருக்கிறார்கள். பிப்ரவரி 3 அன்று அவன் என்கவுண்டரில் கொல்லப்பட்டுவிட்டான் என்ற செய்தி அவர்களுக்குக் கிடைத்திருக்கிறது. 
போலீசாரின் கூற்றப்படி அவனும் முகிம் கலா கும்பலைச் சேர்ந்தவன்தானாம்.
ஏழைகளே குறி.
கொல்லப்பட்டவர்களில் பெரும்பாலானவர்கள் ஏழைகள். பிரதானமாக தொழிலாளர்கள். பெரும்பாலான வழக்குகளில் அற்ப குற்றங்களுக்காக அவர்கள் சிறைகளில் இருந்திருக்கிறார்கள். இதனை வைத்துக்கொண்டு அவர்களுக்கு போலீசார் கே.டி. லிஸ்ட் தயார் செய்துவிட்டார்கள். இது தொடர்பாக அவர்களது குடும்பத்தாருக்கு எதுவும் தெரியாது. பின்னர் அவனது தலையைக் கொண்டு வருபவர்களுக்குப் பரிசு அளிக்கப்படும் என்று பிரகடனம் செய்யப்படும். 
உண்மையில் இவ்வாறு பிரகடனம் செய்யப்பட்டிருப்பது சம்பந்தப்பட்ட நபருக்கே தெரிந்திருக்காது.  என்கவுண்டர்களில் கொல்லப்பட்டவர்களின் வீடுகளுக்குச் சென்று பார்த்தபோது அவ்வாறு கொலைபாதகச் செயல்களில் ஈடுபடுபவர்களின் வீடுகளாக அவை தோன்றவில்லை. அக்குடும்பங்களில் பல பட்டினிக் கொடுமைக்கு ஆளாகி இருந்ததைப் பார்த்தோம்.  
ஷாம்லி மற்றும் அதற்கு அருகே கொல்லப்பட்டவர்களில் பெரும்பாலானவர்கள் முகிம் கலா கும்பலைச் சேர்ந்தவர்கள் என்று கூறப்பட்டது. இவ்வாறு என்கவுண்டர்களில் கொல்லப்பட்டவர்களில் பெரும்பாலானவர்கள் முஸ்லீம்கள், தலித்துகள் மற்றும் இதர பிற்படுத்தப்பட்ட வகுப்பைச் சேர்ந்தவர்கள்.  இவ்வாறு கொல்லப்பட்டவர்கள் சம்பந்தப்பட்ட முதல் தகவல் அறிக்கைகளோ, சடலக் கூராய்வு (போஸ்ட்மார்ட்டம்) சான்றிதழ்களோ கொல்லப்பட்டவர்களின் குடும்பத்தினருக்கு அளிக்கப்படவில்லை. 
இறந்தவர்களின் சடலங்கள் அவர்களுடைய உறவினர்களிடம் அளிக்கப்பட்டு அவர்களால் ஈமச்சடங்குகள் செய்யப்படும்போது, அநேகமாக அவர்கள் அனைவருமே போலீசாரால் கொண்டுசெல்லப்பட்டு, சித்திரவதைக்கு உள்ளாக்கப்பட்டு, மிக நெருக்கமாக நிறுத்தி வைத்து, சுட்டுக்கொல்லப்பட்டிருப்பதை உறவினர்கள் அனைவரும் நன்கு உணர்ந்தார்கள். சகரன்பூர், ஷாம்ஷாத் வழக்கில் இது மிகவும் தெளிவாகத் தெரிந்தது. 
இங்கே கொல்லப்பட்டவர் குறித்து போலீசார் கூறிய தேதிக்கு மூன்று நாட்களுக்கு முன்னமேயே  அவரது உடலின் மீது சடலக்கூராய்வு மேற்கொள்ளப்பட்டு சான்றிதழ் அளிக்கப்பட்டிருக்கிறது.
கொல்லப்படும் விதம்  ஒரேமாதிரிதான்
என்கவுண்டர்கள் மூலமாக கொல்லப்படும் அனைத்து வழக்குகளுமே கிட்டத்தட்ட ஒரே மாதிரிதான் இருந்திடும். ‘கிரிமினல்கள்’ மோட்டார் சைக்கிளில் வருவார்கள், போலீசைக் கண்டதும் போலிசாரை நோக்கி சுடுவார்கள், இதில் போலீசாருக்குக் காயம் ஏற்படும். 
பதிலுக்கு, போலீசார் சுடுவார்கள். இதில் அந்தக் ‘கிரிமினல்’ கொல்லப்படுவார்.  மற்றவர்கள் ஓடிவிடுவார்கள். கொல்லப்படும் கிரிமினல்களின் முதுகெலும்பு உடைந்திருக்கும், ஆனால் ‘கிரிமினல்களால்’ சுடப்பட்ட போலீசாருக்கு இலேசான காயம்தான் இருந்திடும்.   
  மருத்துவமனை களிலிருந்து உடனடியாக அவர்கள் வீட்டுக்கு வந்துவிடுவார்கள்.
இவ்வாறு என்கவுண்டர்கள் கொலைகளை மேற்கொள்ளும் போலீசாருக்கு, கிரிமினல்களைக் கொல்வதற்காக அறிவிக்கப்பட்டிருக்கும் பரிசுத்தொகை அளிக்கப்பட்டுவிடும். இவ்வாறு நடக்கக்கூடாது என்று உச்சநீதிமன்றம் ஆணித்தரமாகக் கூறியிருக்கிறது. மேலும் இவ்வாறு என்கவுண்டர்கள் நடைபெற்றால் அது தொடர்பாக சுயேச்சையான ஏஜன்சிகள் மூலமாகவோ அல்லது நடுவர் மூலமாகவோ விசாரணை மேற்கொள்ளப்பட வேண்டும் என்றும் கூறியிருக்கிறது. 
ஆயினும் அவ்வாறெல்லாம் நடைபெறுவதில்லை. 
மாறாக, காவல்துறையின் உயர் அதிகாரிகளைக் கொண்டு விசாரணைகள் நடத்தப்பட்டு முடித்துக்கொள்ளப்படுகின்றன. காவல்நிலையத்திற்குப் பொறுப்பு வகிக்கும் அலுவலர் என்கவுண்டரில் ஈடுபட்டாரென்றால், அவருக்கு மேலுள்ள காவல் துணை கண்பாணிப்பாளர் விசாரணையை நடத்துவார். நீதித்துறை நடுவரின் மூலமாகக்கூட விசாரணைகள் நடைபெறுவதில்லை. 
என்கவுண்டர் தொடர்பாக கொலை செய்யப்பட்ட நபரின் குடும்பத்தாருக்கு மனக்குறை இருக்குமானால் அவர்கள் நீதிமன்றத்தை அல்லது மனித உரிமைகள் ஆணையத்தை  அணுகலாம் என்று உச்சநீதிமன்றம் தெளிவுபடுத்தி இருக்கிறது. ஆனால் என்ன நடக்கிறது என்றால், அவ்வாறு என்கவுண்டர் மூலம் கொல்லப்பட்டவர்களின் குடும்பத்தார் காவல்துறையினரால் மிரட்டிப் பணியவைக்கப்படுகிறார்கள். பொய் வழக்குகள் அவர்கள் மீது ஜோடிக்கப்படுகின்றன. 
இவை அனைத்தும் ஒன்றை மிகவும் தெள்ளத்தெளிவாக்கி இருக்கின்றன. அது என்னவெனில், உத்தரப்பிரதேச மாநிலத்தின் மிகப்பெரிய கிரிமினல்களாக போலீசார் மாறியிருக்கிறார்கள் என்பதேயாகும். 
இது, உ.பி. போலீசாரை மேலும் காட்டுமிராண்டிகளாக, தமிழக போலீசாரைப் போல் மனிதாபிமானமற்றவர்களாக மாற்றிக்கொண்டிருக்கிறது.
===================================================================================
ன்று
ஜூன் -29.
  • பிரின்ஸ் எட்வர்ட் தீவு, ஜாக் கார்ட்டியர் என்ற ஐரோப்பியரால் கண்டுபிடிக்கப்பட்டது(1534)
  • வான்கூவர் தீவில் நிலக்கரி கண்டுபிடிக்கப்பட்டது(1850)
  • செஷெல் விடுதலை தினம்(1976)
  • அட்லாண்டஸ் விண்ணோடம், ரஷ்யாவின் மீர் விண்வெளி நிலையத்துடன் முதல் முறையாக இணைந்தது(1995)
===================================================================================

உலகம் சுற்றும் - - - -?

பிரதமர் மோடி கடந்த நான்கு ஆண்டுகளில் மேற்கொண்ட வெளிநாட்டு பயணங்களுக்கான செலவு 355 கோடி ரூபாய் என செய்திகள் வெளியாகியுள்ளன.

பீமப்பா கடாட் என்பவர் பிரதமரின் வெளிநாட்டு பயணத்திற்கு இதுவரை எவ்வளவு ரூபாய் செலவிடப்பட்டுள்ளது என்ற கேள்வியை தகவல் அறியும் உரிமை சட்டத்தின் கீழ் கேட்டிருந்தார்.

இந்த கேள்வி தொடர்பாக பதிலளித்திருந்த பிரதமர் அலுவலகம் இதுவரை மோடியின் வெளிநாட்டு பயணத்திற்காக 355 கோடி செலவிடப்பட்டுள்ளது என பதிலளித்துள்ளது.




மேலும் அந்த பதிலில், இந்த நான்கு ஆண்டுகளில் 52 நாடுகளுக்கு மோடி சுற்றுப்பயணம் மேற்கொண்டுள்ளார். 41 முறை வெளிநாட்டு பயணங்களை மேற்கொண்டு 52 நாடுகள் சுற்று பயணத்தை இதுவரை முடித்துள்ளார். 
மேலும் இந்த நான்கு ஆண்டுகளில் 165 நாட்கள் அவர் வெளிநாடுகளில் சுற்று பயணத்தில் இருந்துள்ளார். 
அவர் சுற்றுப்பயணம் மேற்கொண்டதில் 2015-ஆம் ஏப்ரல் மாதம் பிரான்ஸ், ஜெர்மனி, கனடா நாடுகளுக்கு சென்ற வந்த சுற்றுப்பயண செலவு மட்டும் 31,25,78,00 ரூபாய். 

அதேபோல் 2014-ஆம் ஜூன் மாதம் மேற்கொண்ட பூட்டானுக்கு சென்றுவந்த செலவு மட்டும் 2,45,27,000 ரூபாய். இதுவே அவரது குறைந்தபட்ச சுற்றுப்பயண செலவு  எனவும்  கூறப்பட்டுள்ளது.
இன்னும் கடைசியாக சுற்றுப்பயணம் சென்றுவந்த நான்கு நாடுகள் செலவு விபரம் தங்களுக்கு தரப்படவில்லை, பிரதமர் அலுவலகம் உள்நாட்டு சுற்றுப்பயணங்கள் தெடர்பான தகவலை  தர மறுத்துவிட்டது என்பதால் அதன் விபரம் தெரிவிக்க இயலவில்லை என்று கூறப்பட்டுள்ளது.

-----------------------------------------------------------------------------------------------------------------------------------------------------------