எனது கனவு ...., !
காலம் யாருக்காகவும் காத்திருப்பதாக
தெரியவில்லை.
காலன் மட்டுமே
காத்திருத்தலில் இருக்கிறான்.
கனவுகள் அனைவருக்கும் இருக்கிறது.
கனவுகள் இல்லாதவன் -
உயிரும் இல்லாதவனாகத்தான்
இருக்கிறான்.
கனவுகள்தான் மனிதனை இன்னமும்
வாழ வைத்துக்கொண்டிருக்கிறது.
கனவுகள் விரியும்
மனதில்லாதவன்
வாழ்வும் நின்று விடுகிறது.
கனவுகள்
இல்லாதவனுடன்
வாழ வாழ்வுக்கு
விருப்பம் கிடையாது.
சிறுவனின் கனவு -மீசையுடன்
பெரியவனாக மாறுவது.
இளைஞனின் கனவு
காதலில் இன்புறுவதாக
அதிகம்.
வாழ்வில் முன்னேறுவது
அங்கு கொஞ்சம்
இருக்கும் .
வயதானவனின் கனவு
இன்னமும் இளமை
தன்னுள் ஊஞ்சலாடுவதாக .
கனவுகள் மாறலாம்.
கனவு காண்பது மாறாதது.
பிச்சைக்காரனுக்கு கூட
தங்க பிச்சைப்பாத்திரக் கனவுகள்
இருக்கலாம்.
நரியின் கனவில் -அது
கோழிப்பண்ணைக்கு
அதிபராகும் வாய்ப்புகள்
உண்டு.
சின்ன ,சின்ன கனவுகள்தான்
பெரிய,பெரிய நனவுகளகியுள்ளது.
கணினி மட்டுமா?
வாணூர்திகளும் கனவுகளில்தானே
சாத்தியமாயிற்று.
நீங்களும் கனவுகளைக் காணுங்கள்.
அவை
பகல் கனவாக இல்லாமல்
பலிக்கும்
கனவுகளாகட்டும்.
அதுதான் இப்போது
என்னுள் இருக்கும் கனவு!
