சனி, 13 டிசம்பர், 2014

கொலையே நிம்மதி தரும்?

சைல்சான் ஜோஸ் தாஸ் க்ரசாஸ்.

பிரேசிலில் பொழுதுபோக்குக்காக 41 பேரைக் கொலை செய்த சைக்கோ கொலைகாரனை போலீ ஸார் கைது செய்துள்ளனர். 

அந்த கொலைகாரனுக்கு வயது 26.



பிரேசிலில் வசித்து வருபவன் சைல்சான் ஜோஸ் தாஸ் க்ரசாஸ்.
இவன் ஒரு சைக்கோ.
 இவன் ரியோ நகரத்தில் உள்ள ஒரு புறநகர் பகுதி யில் ஒரு பெண்ணைக் கொலை செய்தான். 
அதைத் தொடர்ந்து போலீஸார் அவனைக் கைது செய்தனர். அவர்களின் விசாரணை யின்போது, தான் இதுவரை 41 பேரை ஜாலிக்காகக் கொலை செய்திருப்பதாகக் கூறியுள்ளான்.
அவர்களில் 37 பெண்கள், 3 ஆண்கள் மற்றும் ஒரு குழந்தை ஆகியோர் அடங்குவர்.
 இவ‌ன் கொலை செய்த பெண்கள் எல்லோருமே வெள்ளை நிறத்தவர் கள் என்பது குறிப்பிடத்தக்கது.
குழந்தை அழுது மற்றவர்களின் கவனத்தை ஈர்க்கும் என்பதால் அதைக் கொலை செய்தேன் என்று விசாரணையில் க்ரசாஸ் கூறியுள்ளான். 
போலீஸாரின் விசாரணையில் அவன் மேலும் கூறியதாவது: "ஆரம்பத்தில் சின்னச் சின்ன திருட்டுக்களைச் செய்து வந்தேன். என்னுடைய 17 வயதில் முதல்முறையாக ஒரு பெண்ணைக் கொலை செய்தேன். 
அது எனக்கு மிகவும் மகிழ்ச்சி அளித்தது. அதனால் தொடர்ந்து பெண்களைக் கொலை செய்ய ஆரம்பித்தேன்.
கொலை செய்வதற்கு முன்பு அவர்கள் எங்கே வசிக்கிறார்கள், குடும்பம் எப்படிப்பட்டது போன்ற விஷயங்களை எல்லாம் தெரிந்து கொள்வேன். 
இதற்கு ஒரு வாரமோ அல்லது ஒரு மாதமோ ஆகும். பின்னர் ஒரு நாள் அதிகாலையில் அவர்களின் வீட்டுக்குச் செல்வேன். 
சரியான நேரம் பார்த்து கொன்று விடுவேன்.
என்னை ஒரு தம்பதி அடியாளாக நியமித்தனர். அவர்கள் தரும் காசுக்காகச் சில கொலைகளைச் செய்து வந்தேன். 
அப்போது மட்டும் நான் துப்பாக்கியைப் பயன்படுத்தியிருக்கிறேன். மற்றபடி கழுத்தை நெரித்து கொலை செய்வேன்.
கொலை செய்யாதபோது நான் மிகவும் கஷ்டப்படுவேன்.
 கொலை செய்வது எனக்கு நிம்மதியைத் . நான் ஒருவரைக் கொன்ற பிறகு அடுத்த ஒன்றிரண்டு மாதங்களுக்கு அவரைப் பற்றி நினைத்துக் கொண்டிருப்பேன். 
பிறகு அடுத்த கொலைக்குத் தயாராகி விடுவேன்.
என்னுடைய செயலுக்காக வருந்தவில்லை. 
எனக்கு 10, 15 அல்லது 20 ஆண்டுகள் சிறைத் தண்டனை அளித்தாலும், விடுதலையான பிறகு மீண்டும் கொலை செய்வேன்" என்று கூறியுள்ளான்.
பிரேசிலில் கொலைக் குற்றத்துக்கு அதிகபட்ச தண்டனை 30 ஆண்டு சிறை. அங்கு மரண தண்டனை இல்லை. 
என்னுடைய செயலுக்காக வருந்தவில்லை. 
எனக்கு 10, 15 அல்லது 20 ஆண்டுகள் சிறைத் தண்டனை அளித்தாலும், விடுதலையான பிறகு மீண்டும் கொலை செய்வேன்"
==================================================================================================================
பிடல்காஸ்ட்ரோவுக்கு 
கன்பூசியஸ் 
அமைதி விருது,

நோபல் பரிசுக்கு இணையான சீனாவின் கன்பூசியஸ் அமைதி விருது, கியூபாவின் முன்னாள் ஜனாதிபதியும், கியூப புரட்சியின் நாயகனுமான பிடல்காஸ்ட்ரோவுக்கு வழங்கப்படுகிறது.
பி டல் காஸ்ட்ரோ ஜனாதிபதி பதவியில் இருந்து ஓய்வு பெற்ற பின்னர் தொடர்ந்து உலகில் அணு ஆயுத போர் ஏற்படாமல் தடுப்பதில் முக்கிய பங்காற்றி வருகிறார். 
குறிப்பாக உலகம் முழுவதும் உள்ள பல்வேறு நாடுகளின் தலைவர்கள் மற்றும் பல்வேறு குழுக்களுடன் அணு ஆயுத போரினை இந்த பூமியில் நடைபெறவிடாமல் தடுப்பது குறித்து தொடர்ந்து பேசியும்,ஆலோசித்தும் வருகிறார்.
அணு ஆயுதபோருக்கு எதிரான பல்வேறு கருத்துக்களை ஆக்கப்பூர்வமாக பதிவு செய்து வருகிறார். 88 வயதான நிலையில் அணு ஆயுத போருக்கு எதிரான தனது பணியை தொடர்ந்து கொண்டே இருக்கிறார். இதனடிப்படையில் அமைதிக்கான நோபல் பரிசிற்கு இணையான சீனாவின் கன்பூசியஸ் அமைதி விருது வழங்கப்படுவதாக அறிவிக்கப்பட்டிருக்கிறது. இந்த விருது 20 பேர் கொண்ட தேர்வு குழுவில் பெரும்பான்மை ஆதரவோடு பிடல்காஸ்ட்ரோ பெயர் தேர்வு செய்யப்பட்டிருக்கிறது.
2010ம் ஆண்டு முதல் சீனாவில் கான்பூசியஸ் அமைதி விருது வழங்கப்பட்டு வருகிறது. 
நோபல் பரிசுக்கு இணையாக கருதப்படும் இந்த விருதை ஐ.நாவின் முன்னாள் பொதுச்செயலாளர் கோஃபி அனான், ரஷ்ய ஜனாதிபதி விளாடிமிர்புடின் உள்ளிட்டோர் பெற்றிருக்கின்றனர். 
இந்தாண்டிற்கான (2014) கன்பூசியஸ் அமைதி விருதிற்கு 20 பேரின் பெயர்கள் பரிந்துரைக்கப்பட்டிருந்தன.
 இதில் தென்கொரியா ஜனாதிபதி பார்க் ஜென் ஹாய், ஐ.நா பொதுச்செயலாளர் பான்- கீ- மூன், ஹாங்காய் கூட்டுறவு அமைப்பு, சைனீஸ் ரிலிஜியன் தாய்ஸ்ம் உள்ளிட்டோரின் பெயர்களும் இடம்பெற்றிருந்தன.
 இவர்களிலிருந்து ஒருவரின் பெயரை தேர்ந்தெடுக்க கன்பூசியஸ் அமைதி விருது தேர்வு குழு தேர்ந்தெடுக்க வேண்டும்.
மொத்தம் 12 பேர் கொண்ட தேர்வு குழுவில் பிடல்காஸ்ட்ரோவின் பெயரை 9 பேர் முன்மொழிந்தனர்.
 இந்த பெரும்பான்மையின் அடிப்படையில் பிடல்காஸ்ட்ரோவுக்கு கன்பூசியஸ் அமைதி விருது வழங்குவது என முடிவு செய்யப்பட்டது என்று இந்த விருதுக்கான தேர்வுக்குழுவின் ஒருங்கிணைப்பாளர் லியூ தெரிவித்தார். பிடல் காஸ்ட்ரோ வயது மூப்பின் காரணமாக 2008ம் ஆண்டு கியூப ஜனாதிபதி பதவியில் இருந்து விலகினார்.
 அதன் பின்னர் உடல் நிலையின் காரணமாக வெளியில் அதிகமாக பயணிப்பதில்லை.
 இந்நிலையில் அவர் நேரடியாக இந்த விருது வழங்கும் விழாவில் பங்கேற்று விருதை பெற முடியாத நிலை இருக்கிறது. இந்நிலையில் விருது வழங்கும் விழாவில் கியூபாவை சேர்ந்த மாணவர் ஒருவரிடம் பிடல் காஸ்ட்ரோவுக்கான விருது வழங்கப்படும். 
இந்த விருது 15 ஆயிரம் அமெரிக்க டாலர் மதிப்புடையது. 
இதனை அந்த மாணவர் பிடல் காஸ்ட்ரோவிடம் முறையாக கொண்டு சேர்ப்பார் என்று விருதிற்கான ஒருங்கிணைப்பாளர் லியூ தெரிவித்திருக்கிறார்.
===============================================================================================================
ராஜ பக்சே :
ஒரு வரலாற்றுப் பார்வை.
====================
கட்டுநாயக்க விமான நிலையத்திற்கு அருகாமையிலுள்ள நீர்கொழும்பு பிரதேசத்தைச் சார்ந்த சீதுவ கிராமத்தில் வாழ்ந்தவர்களுக்கு பிரித்தானிய அரசு வழங்கிய குடும்பப் பெயரே ராஜபக்ச என்று அழைக்கப்படுகிறது.
 பிரித்தானிய அரசிற்கு போட்டுக்கொடுக்கும் பணியைச் செய்தவர்களை மரியாதை செலுத்தும் முகமாக இப்பெயர் வழங்கப்பட்டது.













டொன் அல்வின் ராஜபக்ச- குடும்பம் 

ராஜபக்சக்கள் மலாக்கன் க த்தோலிக்கர்கள்.
(அவர்களின் மங்கோலைட் முகச்சாயலுக்கான காரணம் இதுவே)
மகிந்த ராஜபக்சவின் தந்தையின் பெயர் டொன் அல்வின் ராஜபக்ச. மகிந்த ராஜபக்சவின் இயற்பெயர் பேர்சி மகிந்த ராஜபக்ச. அரசியலில் பிழைப்பதற்காக கத்தோலிக்கர்களான ராஜபக்சக்கள் பௌத்தர்களாக மதம் மாறிக்கொண்டனர்.
பிரேமதாசவைத் தவிர இலங்கை அரசியலில் சிங்கள பௌத்த அரச அதிபர்களாகப் பதவிவகித்த அனைவருமே கத்தோலிக்கர்கள் அல்லது கிறீஸ்தவர்கள். 
இலங்கை வரலாற்றில் பௌத்த சிங்களத் தீவிரவாதிகளாகத் தம்மை அடையாளம் காட்டிக்கொண்ட சொலமன் வெஸ்ட் ரிட்ஜ்வே டயஸ் பண்டாரநாயக்க, ஜுலியட் ரிச்சார்ட் ஜெயவர்தன போன்றவர்கள் வலுவான கிறீஸ்தவப் பின்னணியைக் கொண்டவர்கள்.
 பேரினவாத்ததைத் தூண்டி மக்களைப் போதையூட்டி வைத்திருப்பதற்காகவே இவர்கள் பௌத்தத் தீவிரவாதத்தைப் பேசினர்.
பௌத்தத்தின் பேரால் நாட்டில் வன்முறையத் தூண்டிய கிறீஸ்தவர்கள் தமது ஆட்சி அதிகாரத்தைத் தக்கவைத்துக்கொண்டனர்.
கத்தோலிக்கர்களான ராஜபக்ச குடும்பம் இன்று இலங்கையில் அதிக செல்வாக்குப் படைத்த பணக்காரக் குடும்பங்களில் ஒன்று. 
ராஜபக்சவின் குடும்பக் குழுமம் முழுவதுமே இலங்கையின் பல்வேறு துறைகளில் உயர்பதவிகளில் நியமிக்கப்பட்டுள்ளனர். 
இலங்கையை ஒட்டச் சுரண்டிய ராஜபக்ச குடும்பமே வன்னியில் ஆயிரக்கணக்கான மக்கள் இனப்படுகொல செய்யப்படுவதற்குக் காரணமாகியது.
நீர்கொழும்பின் சீதுவப் பகுதியைச் சேர்ந்த ராஜபக்ச குடும்பம் தமது மலாக்கன் கத்தோலிக்க முன்னோர்களுடன் சேர்ந்து கம்பந்தோட்டம் என்ற பிரதேசத்திலுள்ள சிப்பிக்குளம் மற்றும் கிருவாபத்துவ ஆகிய கிராமங்களில் குடியேறினர். 
இலங்கையின் தென் மாகாணத்திலுள்ள கம்பந்தோட்டமே இப்போது ஹம்பாந்தோட்ட என்று அழைக்கப்படுகின்றது.
போத்துகீசர் மலாக்காவை ஆக்கிரமிக்க முற்பட்ட காலப்பகுதியான 16ம் நூற்றாண்டில் அங்கிருந்து வெளியேறியவர்களில் ஒருபகுதியினர் இலங்கையில் குடியேறினர். 
இலங்கையின் கரையோரப்பகுதியான நீர்கொழும்பில் மலாக்கா உட்படப் பல்வேறு மலேசிய நகரங்களிலிருந்த குடியேற்றங்கள் தொடர்பான வரலாறுகள் காணப்படுகின்றன.
ஹம்பாந்தோட்டையில் நிலப்பிரபுக்கள் குடும்பத்தைச் சேர்ந்த ராஜபக்சக்கள், அப்பகுதியில் அரசியல் செல்வாக்குச்செலுத்த ஆரம்பித்தனர்.
 தேரவாத பௌத்தர்களைப் பெரும்பான்மையாகக்கொண்ட அப்பகுதியில் அரசியல் பிழைப்பிற்காக ராஜபக்சக்கள் பௌத்தர்களாகத் தம்மைக் காட்டிக்கொண்டாலும் கத்தோலிக்கத்தையே கடைப்பிடித்தனர்.
கத்தோலிக்க-புத்த -இந்து வான பக்சே ?
டொன் டேவிட் ராஜபக்சவின் மகனான டொன் மத்தியூ ராஜபக்ச 1936 ஆம் ஆண்டு அரச சபைக்கு ஹம்பாந்தோட்டைப் பிரதிநியாத் தெரிவானார்.
1945 ஆம் ஆண்டு டொன் மத்தியூ ராஜபக்ச மரணமடைந்ததும், அவரின் சகோதரரான டொன் அல்வின் ராஜபக்ச இடைத்தேர்தல் ஒன்றின் வழியாகப் பாராளுமன்றத்திற்குத் தெரிவாகிறார். 
டொன் அல்வின் ராஜபக்ச பெலியத்த தேர்தல் தொகுதியிலிருந்து தெரிவானார்.
1967, தந்தையின் மரணத்தைத் தொடர்ந்து 1970 ஆம் ஆண்டு பெலியத்தவில் வயதில் இளைய பாராளுமன்ற உறுப்பினரான மகிந்த தெரிவுசெய்யப்படுகின்றார். 
தனது 25 ஆவது வயதில் பாராளுமன்றத்திற்குள் நுளைந்த ராஜபக்ச என்ற சிங்கள பௌத்தப் பேரினவாதியான கத்தோலிக்கரின் தலைமையில் நடைபெற்ற இனப்படுகொலையில் சாரிசாரியாக மக்கள் கொலைசெய்யப்பட்டனர்.
இலங்கையை ஆட்சிசெய்த கொடூரமான சர்வாதிகாரியாக ராஜபக்ச கணிக்கப்படுகிறார். 
சிங்கள பௌத்த பேரினவாதத்தின் ஏகப்பிரதிநிதியாகத் தன்னை அறிமுகப்படுத்திக்கொண்ட ராஜபக்சவிற்கு போட்டியாக முளைத்துள்ள மற்றய புதியவர் மைத்திரிபால சிரிசேன. 
தான்  ராஜபக்சவிற்கு இணையான இன வாதி என்பதைப் பல்வேறு வழிகளில் சிரிசேன நிருபித்து வருகிறார்.
======================================================================================================================
இன்சூரன்ஸ் மசோதா 

==========================================

இன்சூரன்ஸ் மசோதாவைப் பரிசீலித்த நாடாளுமன்றத் தெரிவுக்குழு அந்நிய முதலீடு உயர்வுக்கு ஆதரவாகப் பரிந்துரைத்துள்ளது. 
இக்குழுவின் உறுப்பினர்கள் பி.ராஜீவ்(சிபிஐ-எம்) பேரா.இராம்கோபால் யாதவ் (சமாஜ்வாதி) கே.சி.தியாகி(ஐக்கிய ஜனதா தளம்) ஆகியோர் எதிர்க் குறிப்பினைப் பதிவு செய்துள்ளனர்.
அதிலிருந்து...எ சட்டக் கமிஷனோ, கே.பி.நரசிம்மன் குழுவோ அந்நிய முதலீட்டு உயர்வையும், அரசுப் பொது இன்சூரன்ஸ் நிறுவனங்களின் பங்கு விற்பனையையும் பரிந்துரைக்கவில்லை. 
ஆனால் மசோதாவின் முன்னிரையிலும், தெரிவுக்குழு அறிக்கையின் பத்திகள் 2, 3 களிலும் அப்படியொரு எண்ணம் ஏற்படுகிற வகையில் வார்த்தைகள் அமைந்துள்ளன.
 ஏற்கெனவே நாடாளுமன்ற நிதியமைச்சக நிலைக்குழு டிசம்பர் 13, 2011 தேதியிட்ட தனது 41வது அறிக்கையில் அந்நிய முதலீட்டுஉயர்வு தேவையில்லை எனப் பரிந்துரைத்திருந்தது.
அப்பரிந் துரையை ஏற்காதது ஏன் என்பதற்கு மத்திய நிதியமைச்சகம் திருப்திகரமான விளக்கம் எதையும் தரவில்லை. 
நிலைக்குழு நிராகரித்த அதே கருத்துக்களையே மீண்டும் தெரிவுக்குழு முன்பும் வைத்துள்ளார்கள்.எ அந்நிய முதலீட்டு உயர்வால் இன்சூரன்ஸ் பரவலாக்கல் அதிகமாகும் என்கிற வாதத்திற்கான எந்தவொரு ஆதாரமும் நிதியமைச்சகத்தின் பதிலில் இல்லை.
 2007ல் அந்நிய முதலீடு ரூ.3315 கோடிகளாக இன்சூரன்ஸ் துறையில் இருந்த போது இன்சூரன்ஸ் பரவலாக்கல் 4.6 சதவீதமாக இருந்தது.
ஆனால் 2012ல் அந்நிய முதலீடு ரூ.7649 கோடிகளாக உயர்ந்த போது இன்சூரன்ஸ் பரவலாக்கலால் 4 சதவீதமாகக் குறைந்துள்ளது. 
இவ்விவரங்கள் அவர்களின் பதிலிலேயே உள்ளன.எ இன்சூரன்ஸ் பரவலுக்கு வேறு பல காரணிகள் உள்ளன.
 இந்தியாவை விட அதிகமான தனிநபர் வருமானம் உள்ள நாடுகளில் கூட இன்சூரன்ஸ் பரவலாக்கல் மொத்த உள்நாட்டு உற்பத்தியில் குறைவாக உள்ளது.
2013ல் அமெரிக்காவில் 3.2 சதவீதம், கனடா 2.9சதவீதம், ஜெர்மனி 3.1 சதவீதம், ஆஸ்திரேலியா 3 சதவீதம் என்ற அளவிலேயே உள்ளன.
 அகில இந்திய இன்சூரன்ஸ் ஊழியர் சங்கம் சமர்ப்பித்துள்ள தகவல்களின்படி பொருளாதார வளர்ச்சி விகிதத்தை விட இந்தியப் பொது இன்சூரன்ஸ் துறையின் பரலாக்கல் விகிதம்அதிகம் உள்ளது. 
இந்தியப் பொருளாதாரத்தின் ஏற்றத்தாழ்வான வளர்ச்சியும் பொது இன்சூரன்ஸ் பரவலாக்கலை பாதிக்கிறது. 
தில்லி உள்ளிட்ட தொழில் வளர்ச்சி அடைந்த மாநிலங்களில் இன்சூரன்ஸ் பரவலாக்கல் அதிகமாகவும், உத்தரப்பிரதேசம் போன்ற பின்தங்கிய மாநிலங்களில் இப்பரவலாக்கல் குறைவாகவும் உள்ளது.
எ தெரிவுக்குழு அறிக்கையின் பத்தி 16.2.2 அடுத்த 5 ஆண்டு களில் இந்திய இன்சூரன்ஸ் துறைக்கு 55,000 கோடி முதலீடுகள் தேவைப்படுகிறது என்று கூறுகிறது. 
ஏற்கெனவே இதுபோன்ற மதிப்பீட்டை 2011 நாடாளுமன்ற நிலைக்குழு அறிக்கை, ‘ஐ.ஆர்.டி.ஏ. உள்ளிட்ட இன்சூரன்ஸ் தொடர்பான அமைப்புகளின் மதிப்பீடு வெறும் கணக்காகவும், பொதுவான எதிர்பார்ப்பாகவும் உள்ளது. இப்படிப்பட்ட மேம்போக்கான மதிப்பீடுகளை ஏற்கக்கூடாது’ என நிராகரித்துள்ளது.எ ஆயுள் இன்சூரன்ஸ் கவுன்சில் தெரிவுக்குழுவிற்கு அளித்துள்ள மகஜரின்படி இந்தியாவில் இன்சூரன்ஸ் சந்தை 60 கோடி பேர். 30 கோடி பேருக்கு தனிநபர் பாலிசிகளையும், மேலும்எல்ஐசி 12 கோடி பேரைக் குழு பாலிசிகள் மூலமும் இணைத் துள்ளன.
77 சதவீத மக்கள் தின நுகர்வை ரூ.20க்கும் குறைவாகக் கொண்டுள்ள ஒரு நாட்டில் எல்ஐசியின் பாலிசி எண் ணிக்கை இன்சூரன்ஸ் சந்தையில் 70சதவீதம் இருப்பது குறிப் பிடத்தக்கது.
 மூலதனத்திற்கும் இன்சூரன்ஸ் வணிகத்திற்கும் தொடர்பில்லை. 100 கோடி மூலதனம் கொண்ட எல்ஐசி மார்ச் 2013ல் திரட்டிய பிரீமியம் ரூ.2,08,000 கோடி. 
ரூ.4,844 கோடி மூலதனம் கொண்டபஜாஜ் அல்லயன்ஸ் திரட்டிய பிரீமியம் ரூ.6,893 கோடிகள்.
 கூடுதல் மூலதனம் கூடுதல் பிரீமியத்தை கொண்டுவரும் என்பது உண்மையல்ல.
 மேலும் இந்திய இன்சூரன்ஸ் துறையில் ஈடுபட்டுள்ள டாடா,பிர்லா, ரிலையன்ஸ், பஜாஜ் குழுமங்கள் பலமான நிதிபலத் தோடு அந்நிய நிறுவனங்களைக் கூடக் கைப்பற்றுகிற பெரியநிறுவனங்களாக உள்ளன.
எனவே அவர்களுக்கு நிதி பலம்போதாது, அந்நிய முதலீடுகள் தேவை என்பது ஏற்கத்தக்கதல்ல.
 முன்னாள் எல்ஐசி சேர்மன் சமர்ப்பித்துள்ள தகவலின்படி 2013 - 14ல் எல்ஐசியால் மறுக்கப்பட்ட உரிமங்கள் ஒரு சதவீதமாக உள்ளது. சில தனியார் நிறுவனங்களில் 20 சதவீத உரிமங் கள் (தொகையில் 28 சதவீதம்) மறுக்கப்பட்டுள்ளன.
 தனியார் களின் மறுக்கப்பட்ட உரிமங்களின் மொத்தச் சராசரி 8 சதவீதம் ஆகும். அந்நிய முதலீடுகள் வந்தால் தொழில்நுட்பம் மேம்படும் எனக் கூறப்பட்டுள்ளது.
ஆனால் எல்ஐசி சேர்மன் தெரிவுக்குழு சாட்சியத்தில் உலகிலேயே மிகச்சிறந்த தொழில்நுட்பத்தை எல்ஐசி பயன்படுத்துகிறதெனக் குறிப்பிட்டுள்ளார்.
 தனியார் நிறுவனங்களின் வணிகத்தில் 85 சதவீதம் பங்குச் சந்தையில் பாலிசிகளாகவே உள்ளன. எனவே ஆதாரத் தொழில் வளர்ச்சிக்கும், சமூக நலத் திட்டங்களுக்கும் இப்பணம்செல்லாது. 
ஆனால் எல்ஐசியோ ரூ.10,69,769 கோடிகளை (மார்ச் 2014 வரை) அரசுப் பத்திரங்கள், சமூகநலத்திட்டங்களில் முதலீடு செய்துள்ளன.
 அரசுப் பொது இன்சூரன்ஸ் நிறுவனங்கள் போதுமான மூலதனத்தோடு உள்ளன.
மொத்த மூலதனம் ரூ.600 கோடி காப்பு மற்றும்உபரி ரூ. 20,524 கோடி, முதலீடுகள் ரூ.1,01,707 கோடி எனவலுவாக உள்ள இந்நிறுவனங்களுக்கு மூலதனம் தேவை யெனக் கூறி இம்மசோதாவின் பிரிவு 107, பங்கு விற்பனைக்கு வழிகோலுவது தேவையற்றது. 
மாறாக அரசும் பொது இன்சூரன்ஸ் நிறுவனங்களை இணைத்து ஒரே நிறுவன மாக மாற்றலாம். இத்தகைய ஆலோசனையை பொது நிறுவனங்களுக்கான நாடாளுமன்றக்குழு ஏற்கெனவே பரிந்துரைத்துள்ளது. 
கூடுதல் மூலதனம் தேவையெனில் இரண்டாம் தட்டு மூலதனத்தை  அதாவது பத்திரம், கடன் பத்திரங்கள் வாயிலாகத் திரட்டிக் கொள்ள அனுமதிக்க வேண்டும்.
 ஏற்கெனவே நாடாளுமன்ற நிதியமைச்சக நிலைக்குழு ஒருமித்தக் குரலில் அந்நிய முதலீட்டு உயர்வை நிராகரித்திருப்பதை ஏற்று தெரிவுக்குழுவும் அந்நிய முதலீட்டு உயர்வை ஏற்கக்கூடாது.
================================================================================================================