கிருஷ்ணா - கோதாவரி

தமிழகத்தில் நடந்து முடிந்த 2014 மற்றும் 2019-ம் ஆண்டு மக்களவைத் தேர்தலில் பதிவான ஓட்டுகளில், அதில் ஒவ்வொரு கட்சி பெற்ற வாக்கு சதவிகிதம், கூட்டணிக் கட்சிகள் பெற்ற வாக்கு சதவிகித விவரங்கள் விரிவாகக் காணலாம்.

 நடந்து முடிந்த 17-வது மக்களவைத் தேர்தலில் தமிழகத்தில் மட்டும் பதிவான மொத்த வாக்குகள் 4.22 கோடி, மொத்த வாக்காளர்கள் எண்ணிக்கை 5.91 கோடி. தமிழகத்தில் பதிவான வாக்குசதவிகிதம் 71.87. இது கடந்த 2014-ம் ஆண்டு தேர்தலில் தமிழகத்தில் பதிவான வாக்குகளைவிடக் குறைவு. 2014-ல் மொத்த வாக்காளர்கள் 5.3 கோடி, பதிவான வாக்குகள் 4.3 கோடி. பதிவான வாக்கு சதவிகிதம் 73.82. 

தி.மு.க கூட்டணி :

2014-ம் ஆண்டு தேர்தலில் தி.மு.க 95 லட்சத்துக்கும் அதிகமான வாக்குகளைப் பெற்றது.

 இது பதிவான மொத்த வாக்குகளில்திமுக பெற்றது 23.6 விழுக்காடாகும். 

ஆனால்அத்தேர்தலில் தி.மு.க ஒரு தொகுதியில்கூட வெற்றிபெறவில்லை.

இந்தமுறை தி.மு.க தலைமையிலான கூட்டணியில் இடம்பெற்றுள்ள கட்சிகள் 2.23 கோடிக்கும் அதிகமான வாக்குகளைப் பெற்றுள்ளன. 

இது பதிவான மொத்த வாக்குகளில் 52.64 விழுக்காடாகும்.

 இதில் தி.மு.க மட்டும் பெற்ற வாக்கு சதவிகிதம் 32.76 ஆகும். 

அ.தி.மு.க கூட்டணி: 

2014-ம் ஆண்டு தேர்தலில் அ.தி.மு.க 1.79 கோடிக்கும் அதிகமான வாக்குகளைப் பெற்றது. இது பதிவான மொத்த வாக்குகளில் 44.3 விழுக்காடு. அந்தத் தேர்தலில் அ.தி.மு.க தனித்துப் போட்டியிட்டு 37 தொகுதிகளில் வெற்றி பெற்றது. 

ஆனால், நடந்து முடிந்த தேர்தலில் அ.தி.மு.க தலைமையிலான கூட்டணி மொத்தம் 1.28 கோடிக்கும் அதிகமான வாக்குகளைப் பெற்றுள்ளது. இது பதிவான மொத்த வாக்குகளில் 30.28 விழுக்காடாகும். இதில் அ.தி.மு.க பெற்ற வாக்கு சதவிகிதம் 18.48 ஆகும்.

 

காங்கிரஸ்: 

தமிழகத்தில் 2014-ம் ஆண்டு 39 தொகுதிகளிலும் காங்கிரஸ் கட்சி தனித்துப் போட்டியிட்டது. அப்போது 17 லட்சத்துக்கும் அதிகமான வாக்குகளை அந்தக் கட்சி பெற்றது. 

இது பதிவான மொத்த வாக்குகளில் 4.3 விழுக்காடு. 

ஆனால், இந்தத் தேர்தலில் தி.மு.க-வுடன் கூட்டணி வைத்துப் போட்டியிட்ட காங்கிரஸ் கட்சி பெற்ற வாக்கு சதவிகிதம் 12.76 ஆகும்.

பாஜக  கூட்டணி: 

2014-ம் ஆண்டு தேர்தலில் பி.ஜே.பி கூட்டணியில், பி.ஜே.பி மட்டும் 22 லட்சத்துக்கும் அதிகமான வாக்குகளைப் பெற்றது. 

அதன் வாக்கு சதவிகிதம் 5.5. அந்தக் கூட்டணியில் அப்போது இடம்பெற்றிருந்த தே.மு.தி.க 20 லட்சத்து 79 ஆயிரத்து 392 வாக்குகளைப் பெற்றது.

 வாக்கு சதவிகிதம் 5.1. அதேகூட்டணியில் பா.ம.க 18 லட்சத்து 4 ஆயிரத்து 812 வாக்குகளைப் பெற்றது. வாக்கு சதவிகிதம் 4.4 ம.தி.மு.க 14 லட்சத்து 17 ஆயிரத்து 535 வாக்குகளைப் பெற்றது.

 வாக்கு சதவிகிதம் 3.5.

மற்ற கட்சிகள்: 

2014-ம் ஆண்டு தமிழகத்தில் முதல்முறையாகத் தேர்தலைச் சந்தித்த ஆம் ஆத்மி கட்சி 2 லட்சத்துக்கும் அதிகமான வாக்குகளைப் பெற்றது. இது பதிவான மொத்த வாக்குகளில் 0.5 விழுக்காடாகும். விடுதலைச் சிறுத்தைகள் கட்சிக்கு, 6,06,110 வாக்குகளும், புதிய தமிழகம் கட்சிக்கு 2,62,812 வாக்குகளும் கிடைத்தன. மார்க்சிஸ்ட் கம்யூனிஸ்ட் கட்சி 2014-ல் 2,20,614 வாக்குகளையும், இந்திய கம்யூனிஸ்ட்டு கட்சி 2,19,866 வாக்குகளையும் பெற்றன.

மக்கள் நீதி மய்யம்:

நடிகர் கமல்ஹாசன்  தலைமையிலான மக்கள் நீதி மய்யம் சந்தித்துள்ள முதல் மக்களவைத் தேர்தல் இதுதான்.கட்சி ஆரம்பித்து 13மாதங்களிலேயே இத்தேர்தலை சந்தித்துள்ளது.
 இந்தத் தேர்தலில் 15 லட்சத்துக்கும் அதிகமான வாக்குகளைப் பெற்றது.
 இது பதிவான மொத்த வாக்குகளில் 3.94 விழுக்காடு.

அ.ம.மு.க: 

டி.டி.வி தினகரன் தலைமையிலான அ.ம.மு.க சந்தித்துள்ள முதல் மக்களவைத் தேர்தல் இது. இந்தத் தேர்தலில் அ.ம.மு.க ஒரு லட்சத்துக்கும் அதிகமான வாக்குகளைப் பெற்றுள்ளது. இது பதிவான மொத்த வாக்குகளில் 5.38 விழுக்காடு ஆகும்.

 

நாம் தமிழர் கட்சி : 

2010-ம் ஆண்டு கட்சி தொடங்கிய நாம் தமிழர் கட்சி  16 லட்சம் வாக்குகளைப் பெற்றது. 

இது பதிவான மொத்த வாக்குகளில் 3.99 விழுக்காடு ஆகும்.

 2016-ம் ஆண்டு தமிழக சட்டமன்ற பொதுத்தேர்தலில் நாம் தமிழர் கட்சி பெற்ற மொத்த வாக்குகள் 4 லட்சத்து 58 ஆயிரத்து 104 இது பதிவான மொத்த வாக்குகளில் 1.1 விழுக்காடு. 

   

நோட்டா - NOTA :

2014-ம் ஆண்டு நோட்டாவுக்கு 5 லட்சத்து 82 ஆயிரத்து 62 வாக்குகள் கிடைத்தன. இது பதிவான மொத்த வாக்குகளில் 1.4 விழுக்காடாகும். 

இந்த ஆண்டு நோட்டாவுக்கு 5 லட்சத்து 41 ஆயிரத்து 150 வாக்குகள் பதிவாகியுள்ளன. இது பதிவான மொத்த வாக்குகளில் 1.28 விழுக்காடாகும். 

கடந்த தேர்தலைவிட இந்தத் தேர்தலில் நோட்டாவின் வாக்கு சதவிகிதம் பாமக,தேமுதிக ,பாஜக போல் குறைந்துள்ளது. 

இதற்குக் காரணம், பல புதிய கட்சிகளின் வருகை என்றுகூடச் சொல்லலாம்.

-------------------------------------------------------------------------------------------------------------------------------------

புதிய பாஜக அமைச்சரவை

17வது லோக்சபா தேர்தல், ஏழு கட்டங்களாக நடந்தது. ஓட்டு எண்ணிக்கை, 23ல் நடந்தது. இதில், பா.ஜ., தலைமையிலான தே.ஜ., கூட்டணி, 353 இடங்களில் வென்று, ஆட்சியை தக்க வைத்தது.

புதிய  மக்களவை உறுப்பினர்கள் முதல் கூட்டம் ஜூன், 6ல்  துவங்கி, 15ம் தேதி வரைநடக்கும் என, தெரிகிறது.

மோடி தலைமையிலான புதிய அரசு, நாளை மறுநாள் பதவியேற்கிறது.

மத்திய அமைச்சர்களாக இருக்கும் அருண் ஜெட்லி, சுஷ்மா ஸ்வராஜ், உமா பாரதி உடல் நலம் சரியில்லை என தேர்தலில் போட்டியிடவில்லை. அவர்கள் வகித்த முக்கிய இலாகாக்கள் பிறருக்கு வழங்கப்பட உள்ளன.

அதில் உள்துறை அமைச்சராக அமித் ஷாவும்,வெளியுறவுத்துறை அமைச்சராக ஸ்மிருதி இரானியும்  நியமிக்கப்பட உள்ளதாக கூறப்படுகிறது.

அமித் ஷா மத்திய உள்துறை அமைச்சராவார் என கூறப்படுவதால் பா.ஜ. தலைவராக பூபேந்திர யாதவ் நியமிக்கப்படலாம் என எதிர்பார்க்கப்படுகிறது.

அதுபோல அமைச்சர்களாக இருந்து சிறப்பாகசெயல்படாத சிலருக்கு அமைச்சரவையில் மீண்டும் வாய்ப்பு வழங்கப்படாது என தெரிகிறது.

மேலும் கூட்டணி கட்சியினர் அதிமுக,பாமக போன்றவைகளுக்கும், பா.ஜ.க இளைஞர்களுக்கு அமைச்சரவையில் முக்கியமான இலாகாக்கள் வழங்கப்படும் எனவும் தெரிகிறது.

மலேகான் குண்டு வெடிப்பின்RSSன்

முக்கிய பெண் பயங்கரவாதியும் 

 தற்போதைய BJP.அரசின் MP.யுமான பிரக்யாசிங்.

 "பாரிலிமென்ட்ல குண்டு வெச்சிடாதே தாயி என்னால ஓடமுடியாது "

---------------------------------------------------------------------------------------------------------------

கிருஷ்ணா - கோதாவரி ஆறுகள் இணைப்பு சாத்தியமா? 
தீர்வாகுமா?

"காவேரி நதி நீர் மேலாண்மை வாரியத்துக்கு ஆதரவாக உச்சநீதிமன்றம் தீர்ப்பு வழங்கியபோது, இதே நிதின் கட்கரிதான் மத்தியில் நீர்வளத் துறை அமைச்சராக இருந்தார்.

அப்போது ஏன் தமிழக நீர் தட்டுப்பாட்டை குறைக்க எந்த நடவடிக்கையும் எடுக்கவில்லை?"

“ஆட்சிப் பொறுப்பை எடுத்தவுடன் கிருஷ்ணா நதியையும் கோதாவரி நதியையும் இணைப்பதே எனது முதல் பணி. இது தமிழகத்தின் நீர்த்தேவையை போக்கும்” – நிதின் கட்கரி

தேர்தலில் பாஜக அமோக வெற்றி பெற்றவுடன் நிதன் கட்கரி ஒரு ஆங்கிலத் தொலைக்காட்சிக்கு இவ்வாறு பேட்டியளித்துள்ளார். இதற்கு தமிழக பாஜக தலைவரான தமிழிசை சௌந்தரராஜன் கண்ணீர் மல்க ட்விட்டரில் நன்றி தெரிவித்திருக்கிறார்.

சரி இந்த திட்டம் எவ்வளவு தூரம் சாத்தியப்படும் ?

நதிகளை இணைப்பதால் பிரச்சணை தீருமா?

நதிகளை இணைத்தால் தண்ணீர் பிரச்சனை தீருமா என்று கேள்வி கேட்பதற்கு முன் நதிகளை இணைப்பதால் உண்டாகும் பிரச்சனைகள் அநேகம். 

2016ஆம் ஆண்டு ஆந்திர மாநிலம் விஜயவாடாவுக்கு அருகில் இப்ராஹீம்பட்டணம் வழியாக ஒடும் கிருஷ்ணா நதியையும் கோதாவரி மாவட்டத்தில் உள்ள பட்டிசீமா கிரமத்தின் அருகில் ஒடும் கோதாவரியையும் இணைத்தனர்.

சந்திரபாபு நாயுடு தலைமாயிலான அரசு கிட்டதட்ட 4 கிமீ தூரத்துக்கு கால்வாயை ஏற்படுத்தி இந்த இணைப்பை சாத்தியப்படுத்தியது. 

இதற்கு கிருஷ்ணா-கோதாவரி பவித்திர சங்கமம் என்று சுந்திரத் தெலுங்கில் பெயரும் வைத்தனர். செயற்கையாக செய்யப்பட்ட இந்த ‘செட் அப்பு’க்கு 1500 கோடி ருபாய் முதலீடும், பம்புகள் கொண்டு நீரை செலுத்த தினமும் 2.7 மில்லியன் யூனிட் கரண்ட் வேறு செலவு செய்யப்பட்டு வருகிறது.

இதன்மூலம் தீர்வு கிடைப்பதாக சொல்லப்பட்டாலம், ஆனால் இந்த திட்டத்தால் சுற்றுச்சூழல் பெரிதும் பாதிக்கப்படுகிறதாக ஆய்வாளர்கள் கூறுகின்றனர்.

 குறிப்பாக இரு ஆறுகள் ஒடும் மஹாராஷ்டிரா, ஆந்திரா, ஒடிஷா, தெலுங்கான என்று அனைத்து மாவட்டங்ளிலும் மீன்வளம் பாதிக்கப்பட்டுள்ளது. 

இதுமட்டுமின்றி நீர் பங்கீட்டிலும் மாநிலங்களிடையே உரசல்களை ஏற்படுத்தியது.

வெறும் 7000 சதுர மீட்டர் இணைப்புக் கால்வாய் தோண்டப்பட்டதற்கே இவ்வளவு விளைவுகள் என்றால் தமிழகத்துக்கு தேவையான தண்ணீரை எடுத்து வர எவ்வளவு பொருட்செலவு ஆகும்,

 எவ்வளவு சுற்றுச்சூழல் பதிப்படையும் என்று கேள்வி எழுப்புகின்றனர் ஆய்வாளர்கள்.

தமிழகத்துக்கான நீர்த் தேவையும்...நீர் வரத்தும்

தமிழகத்தில் 56 லட்சம் ஹெக்டர் நிலங்களில் சாகுபடி நடைபெறுகிறது இதில் வெறும் 30 லட்சம் ஹெக்டர் நிலங்களுக்கு மட்டுமே நீர் வரத்து உள்ளது. இதனால் 46 விழுக்காடு விளை நிலங்களுக்கு பாசன வசதிகள் கிடைப்பதில்லை.

இதுபோன்ற பாசனம் இல்லா இடங்கள் பெரிதும் நிலத்தடி நீரைத்தான் சார்ந்துள்ளன. மேலும் விவசாயத்துக்கு மின்சாரம் இலவசம் என்பதால் கிணற்று நீர் பாசனத்தை மக்கள் பெரிதும் பயன்படுத்துகின்றனர்.

இந்த இரண்டு விதமான விளைநிலங்களும் இரண்டு விதமான பிரச்னையை எதிர் கொள்கின்றன.

 நீர் பாய்ச்சலுக்கு தமிழகத்தில் ஐந்து ஆறுகள் முதன்மையாக இருக்கிறது. 

 காவிரி, தென்பெண்ணை, பாலாறு, வைகை, தாமிரபரணி ஆறுகள்.

 இதில் தாமிரபரணியை தவிர்த்து மற்ற ஆறுகள் எதுவும் தமிழகத்தில் ஊற்றெடுக்கவில்லை. 

இதனால் தமிழக அரசால் ஆண்டு முழுவதும் சீரான நீர் வரத்தை உறுதி செய்ய முடியவில்லை. 

அதேசமயம் மழை காலம் தவறி பொழிவதால், ஆண்டு முழுவதும் கிணற்றுநீர் விவசாயத்துக்கும் சீரான நீர் வரத்தில்லை.

தமிழகத்தைப் பொறுத்தவரையில் சீரான நீர்வரத்து இருப்பதில்லையே தவிர, வட மாநிலங்களில் உள்ளதுபோல நீர் தட்டுப்பாடுகள் ஏதும் இருப்பதில்லை. 

அதுமட்டுமல்லாமல் கிருஷ்ணா கோதாவரியை இணைப்பதால் கூட தமிழகம் முழுவதும் சீரான நீர்வரத்தை உறுதி செய்யமுடியாது.

என்னதான் தீர்வு?

இதற்கும் நாம் கோதாவரி நதியையே முன்னுதாரணமாக எடுத்துக்கொள்வோம். கோதாவரி நதியானது ஆந்திரா, தெலுங்கானா, மஹாராஷ்டிரம், ஒடிஷா என  ஐந்து மாநிலங்களில் பாய்கிறது. கிருஷ்ணா நதியும் பல்வேறு மாநிலங்கள் வழியே பாய்கிறது. 

இந்த நதிகளில் நீர் பங்கீட்டில் எந்த விதமான பிரச்சனையும் இன்றி நடைபெறுவதற்கு 70-களிலேயே மேலாண்மை வாரியங்கள் அமைக்கப்பட்டுள்ளன.

இன்னும் அதிர்ச்சிகரமான செய்தி என்னவெனில், கோதாவரி நதி நீர் மேலாண்மை வாரியத்தில் கர்நாடக மாநிலமும் ஒரு உறுப்பினர்.

 காவேரி நதி நீர் மேலாண்மை வாரியத்துக்கு ஆதரவாக உச்சநீதிமன்றம் தீர்ப்பு வழங்கியபோது, இதே நிதின் கட்கரிதான் மத்தியில் நீர்வளத் துறை அமைச்சராக இருந்தார். 

அப்போது ஏன் தமிழக நீர் தட்டுப்பாட்டை குறைக்க எந்த நடவடிக்கையும் எடுக்கவில்லை?

நடந்து முடிந்துள்ள தேர்தலில் கர்நாடக மாநிலத்தில் மக்கள் பாஜகவுக்குதான் பெரும் வெற்றியை கொடுத்திருக்கிறார்கள். 

இப்போதும் நீங்கள் மனது வைத்தால் நதிநீர் மேலாண்மையை சரியாக நடைமுறைப்படுத்தாலமே?

அதைவிட்டுவிட்டு பல கோடி ரூபாய் செலவு செய்து சுற்றுச்சூழலுக்கு பாதிப்பை ஏற்படுத்தும் நதிகள் இணைப்பைக் காட்டிலும் நதிநீர் மேலாண்மை அமைப்பது சாத்தியம் தானே?

                                                                                                                                              
-அபிஷேக் நாகன்

--------------------------------------------------------------------------------------------------------------