‘மக்களாட்சியின் கறுப்பு நாள்’

 விபரீத பாதையில் மோடி  அரசு

இரண்டாவது முறையாக மீண்டும் ஆட்சிக்கு வந்துள்ள மோடி தலைமையிலான பாஜக கூட்டணி அரசு ஐம்பது நாட்களை பூர்த்தி செய்துள் ளதை பற்றி தன்னைத்தானே பாராட்டி புளகாங்கிதம் அடைந்து ஒரு அறிக்கையை வெளியிட்டுள்ளது.
முதல் ஐந்தாண்டுகளை காட்டிலும் வளர்ச்சிப் பணிகள் வேகம் அடைந்துள்ளதாக அந்த அறிக் கையில் கூறப்பட்டுள்ளது.
ஆனால் உண்மையில் கடந்த ஐந்தாண்டுகளில் கூறப்பட்டு வந்த பல்வேறு மக்கள் விரோத, தொழிலாளர் விரோத, விவ சாயிகள் விரோத, மாணவர்கள் விரோத திட்டங்க ளை சட்டமாக்குவதில்தான் மோடி அரசு முன்னை விட வேகமாக உள்ளது.
 கடந்த ஆட்சிக் காலத்தில் தயாரிக்கப்பட்ட கஸ்தூரி ரங்கன் தலைமையிலான குழுவின் தேசிய கல்விக் கொள்கையை நடைமுறைப் படுத்த வேகம் காட்டப்படுகிறது.

சிறுபான்மை இஸ்லாமிய மக்களை வேட்டை யாடும் நோக்கத்துடன் தேசிய புலனாய்வு முக மைக்கு கூடுதல் அதிகாரம் தரும் மசோதா எதிர்க் கட்சிகளின் கடும் எதிர்ப்புக்கிடையில் நிறைவேற் றப்பட்டுள்ளது.  தகவல் அறியும் உரிமைச் சட்டத்தை நீர்த்துப் போகச் செய்யும் வகையில் ஆர்டிஐ சட்ட திருத்த மசோதா மக்களவையில் நிறைவேற்றப்பட்டுள் ளது.
இந்த சட்ட திருத்த மசோதாவை திரும்பப் பெற வேண்டுமென்றும் நாடாளுமன்ற குழுவுக்கு அனுப்பி ஆய்வு செய்ய வேண்டும் என்பதையும் அரசுத்தரப்பு நிராகரித்து அடாவடியாக இம் மசோதாவை நிறைவேற்றியுள்ளது. இதேபோன்று இந்திய மருத்துவக் கவுன்சிலை கலைத்துவிட்டு மருத்துவக் கல்வியை தனியாரிடம் முற்றாக ஒப்படைக்க வகை செய்யும், தேசிய மருத்துவ ஆணையத்தை உருவாக்க வகை செய்யும் மசோதா, மோட்டார் வாகன திருத்த சட்ட மசோதா ஆகிய மசோதாக்களும் மக்களவையில் தாக்கல் செய்யப்பட்டுள்ளன.

இவ்வாறு அடுத்தடுத்து பல்வேறு சர்ச்சைக் குரிய மசோதாக்களை நிறைவேற்றுவதில்தான் மோடி அரசு முனைப்பாக உள்ளது.
 மாநிலங்களவையில் மனித உரிமை பாதுகாப்பு திருத்த சட்ட மசோதாவை அரசு நிறை வேற்றியுள்ளது.
 இந்த திருத்த மசோதாவின் மூலம் தேசிய மற்றும் மாநில மனித உரிமை ஆணை யங்களில் உச்சநீதிமன்றம் மற்றும் உயர்நீதிமன்ற நீதிபதிகளில் யாரையாவது ஒருவரை தலைவ ராக நியமிக்கலாம் என்று திருத்தம் செய்துள்ள தோடு தலைவரின் பதவிக்காலத்தை மூன்று ஆண்டுகாலமாக குறைக்கவும் வகை செய்யப் பட்டுள்ளது.

முக்கியமான அரசியல் சாசன மற்றும் சட்டப்பூர்வ அமைப்புகளில் மத்திய அரசின் கண் ஜாடைக்கேற்ப செயல்படுபவர்களையே நியமிக்க வும் இந்த அமைப்புகளை தன்னுடைய கட்டுப்பாட் டுக்குள் வைத்துக் கொள்ளவும் மோடி அரசு முயல்கிறது.
ஜனநாயகத்தின் ஒவ்வொரு தூணாக தகர்ப்பதன் மூலம் சர்வாதிகாரப் பாதையில் நடைபோடுகிறது. இதை தடுத்து நிறுத்தாவிடில் விளைவுகள் விபரீதமாக இருக்கும்.

-------------------------------------------------------------------------------------------------------------------------------------

  "ஜூலை 26 - 1803 - உலகின் முதலாவது பயணிகள் ரயில் சேவை நடைபெற்ற நாள். இங்கிலாந்தில் லண்டன் நகருக்கு அருகில் வேண்ட்ஸஒர்த் மற்றும் கிராய்டன் என்ற இரு நகரங்களுக்கு இடையே இயக்கப்பட்டது. 
தி சர்ரே அயன்(The Surrey Iron ) என்கிற தனியார் நிறுவனம் இந்த ரயிலை இயக்கியது.
திறந்த - கட்டை வண்டிகள் போன்ற இரண்டு பெட்டிகளில் பயணிகள் அமர்ந்திருந்தனர். 
இந்த இரு நகரங்களுக்கு இடையே ஆன தூரம்14 மைல் ஆகும் .
அதற்கு முன்னர் சரக்கு ரயில்கள் மட்டுமே இயக்கப்பட்டுவந்தன."
-------------------------------------------------------------------------------------------------------------------------------------
‘மக்களாட்சியின்  கறுப்பு நாள்’
தகவல் உரிமைச் சட்டம் ,திருத்தம்.

மக்களவையில் தகவல் அறியும் உரிமைச் சட்டத்தின் சட்டத் திருத்த மசோதா  2019 நிறைவேற்றப்பட்டுள்ளது. என்ஐஏ சட்ட திருத்த மசோதா நிறைவேற்றப்பட்டு அதன் மீதான விமர்சனங்களும், விவாதங்களும் அடங்குவதற்குள் இன்னொரு மசோதா நிறைவேற்றப்பட்டிருக்கிறது.

மத்திய பாஜக அரசு அறிமுகப்படுத்தியுள்ள இந்த சட்டத் திருத்த மசோதாவின்  மூலம் மத்திய தகவல் ஆணையத்தின் தலைமை ஆணையர் மற்றும் தகவல் ஆணையர்களை நியமித்தலில் சில திருத்தங்கள் செய்யப்பட இருக்கின்றன.  

இதில் மூன்று முக்கிய அம்சங்கள் உள்ளன.

அவை என்ன என்று பார்ப்பதற்கு முன் எதிர்க்கட்சிகள் இந்த மசோதாவுக்கு கடுமையாக எதிர்ப்பு தெரிவித்துள்ளன. காங்கிரஸ் தலைவர் ஆதிர் ரஞ்சன் சவுத்ரி இந்த மசோதாவை ‘ஆபத்தானது’ எனக் கூறியுள்ளார். 

திமுகவின் மக்களவை உறுப்பினரும், முன்னாள் மத்திய அமைச்சருமான ஆ.ராசா ‘இது ஜனநாயகத்தின் கறுப்பு நாள்’ எனச் சாடியுள்ளார்.

தகவல் அறியும் உரிமைச் சட்டம் 2005 என்ன சொல்கிறதென்றால், அரசுத் துறையில் பணி செய்கிறவர்கள்,

1.       தங்கள் அமைப்பின் செயல்பாடு மற்றும் கட்டமைப்பு

2.       அதனுடைய அதிகாரங்கள் மற்றும் ஊழியர்கள்

3.       நிதி சம்பந்தமான தகவல்கள்

உள்ளிட்டவற்றைப் பொதுவெளியில் தெரியப்படுத்த வேண்டும்.  

அவர்களாகவே தெரியப்படுத்தவில்லை என்றால், பொதுமக்கள் தகவல் அறியும் சட்டத்தின் மூலம் அதைத் தெரிந்துகொள்ள முடியும்.

மத்திய தகவல் ஆணையத்தின் தலைவராகத் தலைமை தகவல் ஆணையர் செயல்படுவார்.

 அவர் மட்டுமல்லாமல் 10 இணை தகவல் ஆணையர்கள் இருப்பார்கள். இவர்களைக் குடியரசுத் தலைவர் நியமிப்பார். (அதாவது மத்திய அரசு). இவர்களின் பணிக்காலம் 5 ஆண்டுகள். 

மற்றும் இவர்கள் அனைவரும் தலைமைத் தேர்தல் ஆணையர் மற்றும் மாநில தேர்தல் ஆணையர்களுக்கு இணையான சம்பளம் வழங்கப்படும். இவர்கள் தேர்தல் ஆணையர்களைப் போலவே தன்னாட்சி அதிகாரம் கொண்டவர்கள். மத்திய அரசு இவர்களின் பணிகளில் தலையிடமுடியாது. 

இதுவே இப்போதிருக்கும் நிலை.

இப்போது கொண்டுவரப்பட்டுள்ள இந்த சட்டத் திருத்த மசோதா 2019 இல் தலைமை தகவல் ஆணையர் மற்றும் மற்ற தகவல் ஆணையர்களின் பணிக்காலம் 5 ஆண்டுகள் என்பது மாற்றப்பட்டுள்ளது. அவர்களுடைய சம்பளமும் மாற்றப்பட்டுள்ளது. அதாவது இது இரண்டையும் மத்திய அரசு இனி முடிவு செய்யும்.

மத்திய அரசு இனி தகவல் ஆணையர்களின் பணிக்காலத்தை நீட்டிப்பது குறைப்பது, சம்பளத்தை  ஏற்றுவது குறைப்பது இவற்றை வைத்து அவர்களை ஆட்டிப்படைக்கலாம் என எதிர்க்கட்சிகள் சொல்கின்றன.

மோடி ஆட்சியில் இரண்டு முறை தகவல் அறியும் உரிமைச் சட்டம் தேசிய அளவில் பேசு பொருளானது. ஒன்று, பிரதமர் நரேந்திர மோடி கல்லூரியில் பெற்ற பட்டம் குறித்த தகவல்களைத் தெரிந்துகொள்ள வேண்டும் என ஒரு செயற்பாட்டாளர் மனு அளித்தார்.

அப்போது தகவல் இணை ஆணையராக இருந்த ஸ்ரீதர் ஆச்சார்யுலு 1978-ஆம் ஆண்டு டெல்லி பல்கலைக்கழகத்தில் பிஏ பட்டப்படிப்பில் தேர்ச்சி பெற்றவர்களின் விவரங்களை வெளியிட உத்தரவிட்டார்.  

அந்த ஆண்டுதான் பிரதமர் நரேந்திர மோடி பட்டம் பெற்றதாக கூறப்படுகிறது.

இந்த உத்தரவு பிறப்பிக்கப்பட்ட இரண்டு நாட்களில் ஸ்ரீதரின் இலாக்காவிலிருந்து மனிதவளத்துறை மட்டும் அகற்றப்பட்டது.  

அப்போது தலைமைத் தகவல் ஆணையராக இருந்த ஆர் கே மாத்தூர் ஸ்ரீதரின் இலாக்காவிலிருந்து மனித வள மேம்பாட்டு அமைச்சகத்தை நீக்கி உத்தரவிட்டார்.

இரண்டாவது நிகழ்வு, பொதுத்துறை வங்கிகளின் வாராக்கடன்கள் குறித்தும், பெருமளவில் கடன் பெற்றுத் திரும்பச் செலுத்தாதவர்கள் குறித்த தகவல்களையும் மத்திய ரிசர்வ் வங்கி வெளியிட வேண்டும் என்று மற்றொரு மனு போடப்பட்டது. ஆனால் இது ரகசியமான தகவல்கள் எனக் கூறி வெளியிட ஆர்பிஐ மறுத்தது.

இந்த வழக்கு 2015-ஆம் ஆண்டு உச்சநீதிமன்றத்துக்குச் சென்று, ஆர்பிஐ தகவல்களை வெளியிடவேண்டும் எனத் தீர்ப்பானது.  

அதை ஆர்பிஐ பின்பற்றத் தவறவே மீண்டும் இந்த ஆண்டு ஏப்ரல் மாதம் உச்சநீதிமன்றம் ஆர்பிஐக்கு அதே உத்தரவைப் பின்பற்ற வலியுறுத்தியது குறிப்பிடத்தக்கது.

இந்த சட்டத்திருத்த மசோதா தகவல் ஆணையத்தின் தன்னாட்சி அதிகாரத்தை குலைக்கிறது என்ற எதிர்க்கட்சிகளின் குற்றச்சாட்டுக்கு, ஐக்கிய முற்போக்கு கூட்டணி அரசால் கொண்டுவரப்பட்ட இந்த சட்டத்தில் உள்ள குளறுபடிகளைச் சரிசெய்யவே இந்த திருத்தம் எனப் பதில் சொல்லியுள்ளார் மத்திய அமைச்சர் ஜிதேந்திர சிங்.

இந்த சட்டத் திருத்தத்தை மேலோட்டமாகப் பார்த்தால் ஊதியம் பணிக்காலம் போன்றவை தொடர்பானதாகத் தெரியலாம். 

ஆனால், தங்களது பதவியும் ஊதியமும் மத்திய ஆட்சியாளர்களின் கையில் என்பதை உணர்ந்தபிறகு, ஆட்சியாளர்களின் கோபத்தைச் சம்பாதிக்க தகவல் ஆணையர்கள் விரும்பமாட்டார்கள். 

 மத்திய முதன்மைத் தகவல் ஆணையர் மட்டுமின்றி, மாநிலத் தலைமைத் தகவல் ஆணையர்களும் மத்திய அரசின் கட்டுப்பாட்டில்தான் வருவர். இது மாநில அரசின் அதிகாரத்தில் வைக்கப்பட்ட கை. ஒட்டுமொத்த அதிகாரத்தையும் மத்தியில் குவிக்கும் அப்பட்டமான செயல்பாடு. 

 மாநில அரசைக் கட்டுக்குள் வைக்க தகவல் ஆணையத்தையும் இனி மத்திய அரசு பயன்படுத்தும். 

தகவல் ஆணையத்தின் சுதந்திரத்தையும் கட்டுப்படுத்தியாயிற்று, மாநில அரசையும் வழிக்குக் கொண்டு வர முடியும் என்பதுதான் இந்த சட்டத் திருத்தத்தின் அடிப்படை.

------------------------------------------------------------------------------------------------------------------------------------

 ரூ 442.50அதுதாங்க இது.

 கமல்ஹாசனின் நடிப்பில் வெளிவந்த விஸ்வரூபம் படத்தில் நடித்தவர் பாலிவுட் நடிகர் ராகுல் போஸ்.

 இவர் நிறைய படங்களில் வில்லன் கதாபாத்திரத்தில் நடித்துள்ளார். 

சமீபத்தில் சண்டிகரில் உள்ள ஜே டபிள்யூ என்ற நட்சத்திர விடுதியில் ராகுல் போஸ் தங்கியுள்ளார்.

அங்குள்ள உணவகத்தில் இரண்டு வாழைப்பழங்கள் ஆர்டர் செய்திருக்கிறார். 

அப்போது வாழைப்பழத்திற்கு வந்த ‘பில்’லை பார்த்து அதிர்ச்சி அடைந்துள்ளார்.

 அந்த நட்சத்திர விடுதி இரண்டு வாழைப்பழங்களுக்கு ரூபாய் 442.50 வசூலித்துள்ளது.

 பில்லில் இரண்டு வாழைப்பழங்கள் எனக் குறிப்பிடாமல், பழத் தட்டு உணவு (Fruit Platter) என்கின்ற வார்த்தையைப் பயன்படுத்தி அதற்கு 375 ரூபாயும், மேலும் 18 சதவீத ஜி.எஸ்.டி சேர்த்து 67.50 ரூபாய் என மொத்தமாக ரூபாய் 442.50 வசூலித்துள்ளனர்.

-------------------------------------------------------------------------------------------------------------------------------------
 "முதுகெலும்பற்ற ஊடகங்கள்!"

"பாஜக எம்.எல்.ஏக்களை வாங்குவதற்காக ஒரு இயக்கமாகவே செயல்பட்டு வருகிறது. 
எம்.எல்.ஏக்களை மிரட்டுகிறார்கள். பயமுறுத்துகிறார்கள்.
 சில நேரங்களில் 30 முதல் 50 கோடி வரை பணம் கொடுத்து அவர்களை விலைக்கு வாங்குகிறார்கள். அமலாக்கத்துறை மற்றும் இதர மத்திய துறைகளை பயன்படுத்தி அவர்களை அச்சுறுத்துகிறார்கள்.

ஜனநாயகத்துக்கு முற்றிலும் மாறாக செயல்படும் பாஜகவை போன்று நாங்கள் வேறு எந்த ஒரு கட்சியும் பார்த்ததில்லை நிலைத்தன்மை இல்லாமல் ஒரு ஆட்சி கவிழ்ந்தது எங்கள் வாழ்க்கையில் நாங்கள் பார்த்திருக்கிறோம் ஆனால் இப்படி ஆக மோசமாக எம் எல் ஏக்களை விலைக்கு வாங்கும் அளவிற்கான ஒரு கட்சியை நாங்கள் தற்போது தான் பார்க்கிறோம்.

ஒரு வருடமாக ஆயிரம் கோடிக்கு மேலாக செலவு செய்து இந்த பிளானை வெற்றிகரமாக நிறைவேற்றி இருக்கிறார்கள் பாஜகவினர். கோவா மணிப்பூர்,திரிபுரா,மேற்கு வங்கம் ஆகிய மாநிலங்களிலும் இதுதான் நடந்துள்ளது.நடந்துவருகிறது.

இப்போது மத்திய பிரதேச காங்கிரஸ் ஆட்சியை கவிழ்க்க திட்டமிட்டு செயல்படுகின்றனர் பாஜக தலைமை.
குறிப்பிட்டு சொல்ல போனால் தனி விமானங்கள் ஃபைவ் ஸ்டார் ஹோட்டல்கள் என்று இதற்காக கோடிக்கணக்கில் பணம் செலவழித்து இருக்கிறார்கள்.
 இதற்கெல்லாம் சுயேட்சை ,அதிருப்தி ச.ம.உறுப்பினர்களுக்கு பணம் எங்கிருந்து கிடைத்தது ?எதனால் கட்சி மீது ,ஆட்சி மீது அதிருப்தி என்றும் கேள்விகளை  ஊடகங்கள்,வருமானவரித்துறையினர்,நீதிமன்றம் எழுப்பியிருக்க வேண்டாமா?

இது போன்ற கேள்விகளை எல்லாம் ஏன் ஊடகங்கள்,ஆளுநர்,நீதிமன்றம்,தேர்தல் ஆணையம் போனறவை பாஜக விடம் கேட்க துணிவதில்லை?முதுகெலும்பற்ற வர்கள்!"
                                                    -காங்கிரஸ்  கர்நாடக தலைவர் தினேஷ் குண்டுராவ்
-------------------------------------------------------------------------------------------------------------------------------------
 பாஜகவின் சாதனை வேட்பாளர்.

கேரளா பத்தினம்திட்டா நாடாளுமன்ற தொகுதி பா.ஜ.க வேட்பாளர் கே.சுரேந்திரனின் மீதான குற்ற வழக்குகள் செய்தித்தாள் ஒன்றின் 4 பக்கங்களில் வெளியிடப்பட்டுள்ளது.

இந்திய தேர்தல் ஆணையத்தின் விதிப்படி குற்ற வழக்குகளில் உள்ள வேட்பாளர்கள் தங்களின் மீதான வழக்கு விசாரணை குறித்ததான தகவலை மக்கள் அறிந்து கொள்ளும் வகையில் முன்னணி 3 செய்தித்தாள்கள் அல்லது ஒரு முன்னணி செய்தித்தாளில் மூன்று முறை தேர்தலுக்கு முன்பாக கட்டாயம் வெளியிட வேண்டும்.

இந்நிலையில் கேரளாவின் பத்தினம்திட்டா நாடாளுமன்ற தொகுதியில் போட்டியிடும் பா.ஜ.க வேட்பாளர் கே.சுரேந்திரன் மீதான வழக்குகள் வியாழக்கிழமையன்று ஜன்மபூமி செய்தித்தாளின் 4 பக்கங்களில் வெளியிடப்பட்டிருந்தது.

மேலும், அதில் இது ஒரு பொருளுக்கான (அ) அரசு ஏலம் (அ) சேவைக்கான விளம்பரம் அல்ல; இது பத்தினம்திட்டா நாடாளுமன்ற தொகுதியில் போட்டியிடும் பா.ஜ.க வேட்பாளர் கே.சுரேந்திரன் மீதான வழக்குகள் என வெளியானது.

சுமார் 240 குற்ற வழக்குகள் அவர் மீது நிலுவையில் உள்ள நிலையில் அவற்றில் பெரும்பாலான வழக்குகள் சபரிமலை விவகாரத்தில் பதிவானவை.

 கிட்டத்தட்ட கேரளாவின் அனைத்து மாவட்டங்களிலும் அவர் மீது வழக்குகள் உள்ளன.
-----------------------------------------------------------------------------------------------------------------------------------