உதய நாள்.
பராசக்தியில் வசனம் எழுதி தன் பேனா முனயில் திரை உலகத்தை புரட்டி போட்ட கருணாநிதியின் பேரன் என்ற அடை மொழியோடு திரையுலகில் கால் பதித்தவர் உதயநிதி ஸ்டாலின். விஜய் நடித்த ‘ குருவி’ திரைப்படம் இவரை தயாரிப்பாளராகவும்… ‘ விண்ணை தாண்டி வருவாயா’ இவரை விநியோகஸ்தராகவும் அடையாளம் காட்டியது.
ஆர்யா.. சூர்யா என அவர்களின் திரைப்படங்களை தயாரித்த இவர் அவர்களின் வரிசையிலேயே ஒரு நடிகராகவும் அமர்ந்தார். . ‘ஒரு கல் ஒரு கண்ணாடி’ திரைப்படத்தில் ஹன்சிகாவின் நாயகனாக உதயமானார் உதயநிதி.
ஹன்சிகா இல்லைனா நயன்தாரா என இவர் அடுத்து நயன்தாராவின் நாயகனாக ‘’இது கதிர் வேலன் காதல்’ திரைப்படத்தில். கதிர்வேலனாக காதல் படித்த உதயநிதி அது முதல் முன்னணி இளம் நாயகர்களின் வரிசையிலும் அமர்திரைப்படம்.
தொடர்ந்து உதயநிதியின் நடிப்பு பரிமாணமும் சற்று பூசி இவர் நடித்த கெத்து, நன்பேண்டா, மனிதன் போன்ற திரைப்படங்கள் வெற்றி பெற்றன. குறிப்பாக மனிதனில் இயல்பான இளைஞராக…. வாதாடும் வழக்கறிஞராக வலம் வந்து நடிப்பிலும் ஒரு சன்(Sun)னாக ஜொலித்தார் உதயநிதி
இயக்குனர் எழில் இயக்கிய, சரவணன் இருக்க பயமேன் திரைப்படத்தில் காதல் நகைச்சுவை என ’எம்புட்டு இருக்கு ஆசை என பாடி…. அடுத்து ’பொதுவாக என் மனசு தங்கம்’ என தமிழ் சினிமாவிற்கு சொன்ன உதயநிதியின் வெற்றிப்படமாக அமைந்தது ‘நிமிர்’ திரைப்படம்
அமைதியான தந்தைக்கு மகனாக, காதலியைக் கண்டு உருகும் எளிய காதலனாக, காதலியைத் தொலைத்து நிற்கும் ஏமாளியாக என ஒரு எதார்த்த நடிப்பை கொடுத்த உதயநிதியை பாராட்டியது கோலிவுட் வட்டரம். அதுவரை ஒரு கமர்சியல் நாயகனாக திரையில் தோன்றி வந்த உதயநிதி ஸ்டாலினுக்கு இந்த நிமிர் ஒரு நிமிர்வை தந்தது என்றே சொல்லலாம்.
நிமிர் படத்தில் உதயநிதியின் எதார்த்த நடிப்பில் தன் அடுத்த படத்தின் நாயகனை அடையாளம் கண்டார் மிஸ்கின். ஆம்..மிஸ்கினின் ‘சைக்கோ; திரைப்படத்தில் ஹீரோ உதயநிதி என்றதும் அச்சரியப்பட்டு போனது கோடம்பாக்கம். அந்த ஆச்சரியம், ஏமாற்றம் அளிக்காமல் மிஸ்கினின் கதாநாயகனாக மிஸ்கின் நாயகர்களின் உடல் மொழியில் பார்வை குறைபாடு உள்ள மாற்றுத்திறனாளி கதாபாத்திரத்தில் நடித்து மெழுகாய் உருகவைத்தார் உதயநிதி.
மிஸ்கினின் சைக்கோவில் ஒரு சிறந்த நடிகரை அடையாளம் கண்டு கொண்டபின் தமிழ் சினிமா உதயநிதி ஸ்டாலினின் கால்சீட்டை ஹவுஸ் புல் ஆக்கியது. வாரிசாகவும்.. அரசியல் பின்புலத்தாலும் திரையில் அறிமுகமானாலும் நடிப்பின் நேசிப்பே நாயகனாய் முன்னிறுத்தும். அதற்கு உதரணம் உதயநிதியே.
- அருண்
இன்று "உநயநிதிஸ்டாலின்" பிறந்தநாள்.
