75 ஆண்டுகளைக் கடந்து நிற்கிறது இந்திய அரசியலமைப்புச் சட்டம்! 1949 ஆம் ஆண்டு நவம்பர் 26 ஆம் நாள் இந்திய அரசியல் நிர்ணய சபையால் அரசமைப்புச் சட்டம் ஏற்கப்பட்டது. 1950 ஜனவரி 26 ஆம் நாள் அரசமைப்புச் சட்டமானது நடைமுறைக்கு வந்தது.
நாடாளுமன்றத்தின் மைய மண்டபத்தில் இன்றைய தினம் (நவம்பர் 26) சிறப்புக் கூட்டம் நடைபெற இருக்கிறது. இந்திய அரசமைப்புச் சட்டத்தின் 75 ஆவது ஆண்டைச் சிறப்பாகக் கொண்டாடும் வகையில் பல்வேறு நிகழ்ச்சிகளை தமிழ்நாடு முதலமைச்சர் மு.க.ஸ்டாலின் அவர்கள் ஏற்பாடு செய்திருக்கிறார்கள்.
"மக்களாட்சித் தத்துவத்தின் மாண்பை உள்ளடக்கி இந்தியாவை வளமான பாதையில் முன்னெடுத்துச் செல்லும் ஒரு உன்னத உருவாக்கம்தான் அண்ணல் அம்பேத்கர் வடிவமைத்துத் தந்த அரசமைப்புச் சட்டம்" என்று முதலமைச்சர் பெருமிதத்துடன் குறிப்பிட்டு இருக்கிறார்கள்.
இந்திய அரசியலமைப்புச் சட்டத்தை போற்றுவதும் காப்பதும் இந்திய நாட்டு மக்களின் அடிப்படைக் கடமையாகும். இன்றைக்கு இந்தக் காலச் சூழலில் இது மிகமிக முக்கியமானது ஆகும்.
"400 இடங்களில் வெற்றி பெற வேண்டும் என்று பிரதமர் மோடி ஏன் சொல்கிறார் என்றால், அரசியலமைப்பு சட்டத்தை நாம் மாற்றி அமைக்க வேண்டும் என்பதற்காகத்தான்" என்று பா.ஜ.க. எம்.பி.யும் முன்னாள் அமைச்சருமான அனந்த குமார் சொன்னார்.
“இந்திய அரசியலமைப்புச் சட்டம் முழுமை பெறாத ஆவணம்” என்று தமிழ்நாட்டு ஆளுநர் ரவியும் அவ்வப்போது சொல்லிக் கொண்டு இருக்கிறார். 'அன்னியக் கண்ணோட்டத்துடன் அரசியலமைப்புச் சட்டம் எழுதப்பட்டுள்ளது' என்று அன்றைய ஆர்.எஸ்.எஸ். தலைவர்கள் சொன்னார்கள். அவர்களது வாரிசுகள்தான் இன்று ஒன்றியத்தை ஆட்சி செலுத்திக் கொண்டிருக்கிறார்கள்.
இத்தகையவர்களின் கையில் அதிகாரம் போய் விட்ட காலத்தில் இந்திய அரசியலமைப்புச் சட்டத்தைக் காப்பது என்பது இந்திய மக்களின் மிகமுக்கியக் கடமை ஆகும். அந்தளவுக்கு பெரும் பெரும்பான்மை அதிகாரம் பா.ஜ.க.வுக்கு நடந்து முடிந்த நாடாளுமன்றத் தேர்தலில் இந்திய மக்கள் வழங்கவில்லை. அந்த வகையில் அரசியலமைப்புச் சட்டத்தை மக்களே காப்பாற்றி இருக்கிறார்கள் என்றுதான் சொல்ல வேண்டும்.
இந்திய அரசியலமைப்புச் சட்டம் வழங்கிய அடிப்படை உரிமை களைக் காக்க வேண்டும். இந்தியா என்பது மாநிலங்களின் ஒன்றியமாக இருக்கிறது என்ற உண்மையை ஒப்புக் கொண்டு ஒன்றிய ஆட்சியாளர்கள் செயல்பட வேண்டும். அதுதான் அரசியலமைப்புச் சட்டத்தை காக்கும் வழியாகும். பேரறிஞர் அண்ணா அவர்கள் சொன்னார்கள்... "அரசின் இறைமை என்பது பொதுமக்களிடம் தான் நிலைத்துள்ளது என அரசியலமைப்பின் முகவுரை கூறுகிறது.
சட்டம் சார்ந்த இறைமையானது கூட்டாட்சி ஒன்றியத்துக்கும் அதன் அங்கங்களான மாநிலங்களுக்கும் இடையே பிரித்துத் தரப்பட்டுள்ளது. அரசியலமைப்பை உருவாக்கியவர்கள் ஒற்றையாட்சி அமைப்பு கூடாது; கூட்டாட்சி அமைப்பு முறை தான் வேண்டும் என்று சொன்னார்கள்.
இது ஒரு துணைக்கண்டம் என்று அழைக்கக் கூடிய அளவுக்கு பரந்து விரிந்துள்ளது. ஆனால் சுங்கத் தொகை வசூலிக்கும் நகராட்சி மன்றங்களைப் போல மாநிலங்களை மாற்றி வருகிறீர்கள்" என்று 1963 சனவரி 25 அன்று மாநிலங்களவையில் பேரறிஞர் அண்ணா அவர்கள் உரையாற்றினார்கள்.
இன்றைக்கும் மாநிலங்களை அப்படித்தான் மனரீதியாக வைத்திருக்கிறது ஒன்றிய ஆட்சி. எனவே தான், 'மாநிலங்களுக்கு அதிக அதிகாரங்களை வழங்கும் வகையில் இந்திய அரசியலமைப்புச் சட்டத்தை மாற்ற சட்ட முன்னெடுப்புகளைச் செய்வோம்' என்று முதலமைச்சர் அவர்கள் தனது முப்பெரும் விழா உரையில் குறிப்பிட்டார்.
மக்களுக்கு நேரடியாக நெருக்கமான மக்களுக்கான அனைத்து சேவைகளையும் செய்து தரக் கூடிய மாநிலங்களை வேதனையில் தள்ளிவிட்டு இந்தியாவைக் காக்க முடியாது.
இந்திய அரசியலமைப்பு சட்ட அவையில் அண்ணல் அம்பேத்கர் ஆற்றிய இறுதி உரை மிகமிக முக்கியமானது. "1950 ஜனவரி 26 ஆம் நாள் நாம் முரண்பாடுகள் நிறைந்த வாழ்க்கைக்குள் நுழைய இருக்கிறோம். அரசியலில் நாம் சமத்துவத்தைப் பெற்றிருப்போம். சமூகப் பொருளாதார வாழ்வில் ஏற்றத்தாழ்வைப் பெற்றிருப்போம்.
அரசியலில் ஒருவருக்கு ஒரு வாக்கு, ஒவ்வொரு வாக்குக்கும் ஒவ்வொரு மதிப்பு என்றிருக்கும். நமது சமூக பொருளாதார வாழ்விலோ 'ஒரு மனிதன் ஒரு மதிப்பு' என்ற கோட்பாட்டை தொடர்ந்து நிராகரிப்பவர்களாக இருப்போம். எவ்வளவு காலத்துக்கு இந்த முரண்பட்ட வாழ்வை வாழப் போகிறோம்?" என்று கேட்டார் அண்ணல்.
சமூக, பொருளாதாரத்தில் மட்டுமல்ல அரசியலிலும் 'ஒரு மனிதன் ஒரு மதிப்பு' கோட்பாடு இன்னமும் வரவில்லை, வர விடமாட்டார்கள் என்பதையே இன்று பலரது நடவடிக்கைகளும் காட்டிக் கொண்டிருக்கிறது. "இந்த அவை தமக்கு அளிக்கப்பட்டுள்ள இறையாண்மை மிக்க அதிகாரத்தை அறிவார்ந்த முறையில் பயன்படுத்தும் என்பதை நாம் நமது நடத்தையின் மூலம் நிரூபிப்போம்" என்றார் அண்ணல் அம்பேத்கர். அப்படி நிரூபிக்கும் கடமை இந்திய நாட்டின் அனைத்து மக்களுக்கும் உள்ளது.
அதனைச் செயல்படுத்த உறுதி ஏற்போம்!
மாநில சுயாட்சி - சமூகநீதி - சமத்துவம் - சமதர்மம் - சகோதரத்துவம் ஆகிய கோட்பாடுகளைக் காப்பதன் மூலமாக இந்திய அரசியலமைப்புச் சட்டத்தைக் காப்போம்.
அதிக உச்சம் தொடும். யுபிஎஸ் அறிக்கையின்படி, தங்கத்தின் விலை 2024 ஆம் ஆண்டின் இறுதிக்குள் அவுன்ஸ் ஒன்றுக்கு 2,750 அமெரிக்க டாலராக இருக்கும் என்று எதிர்பார்க்கப்படுகிறது. இந்த ஆண்டு தங்கத்தின் ஈர்க்கக்கூடிய 29 சதவீதம் உயர்வு, வலுவான முதலீட்டுத் தேவை, பலவீனமடைந்து வரும் அமெரிக்க டாலர் மற்றும் வளர்ந்து வரும் புவிசார் அரசியல் கவலைகள் ஆகியவை காரணமாக இருக்கிறது. 2025 ஆம் ஆண்டின் நடுப்பகுதியில் தங்கம் அவுன்ஸ் ஒன்றுக்கு 2,850 டாலராகவும், 2025 ஆம் ஆண்டின் மூன்றாம் காலாண்டில் 2,900 டாலராகவும் உயரும் என்றும் யுபிஎஸ் கணித்துள்ளது. உலோகமான தங்கத்தின் தற்போதைய உயரமான தொடக்கப் புள்ளி வரவிருக்கும் மாதங்களில் ஆதாயங்களுக்கான அதிக வாய்ப்பை வழங்குகிறது. குறிப்பாக ETF தேவை துரிதப்படுத்தப்படுவதால் யுபிஎஸ் நம்புகிறது. தங்கத்திற்கான சீன தேவை குறைவதற்கான அறிகுறிகள் இருந்தபோதிலும், உள்ளூர் முதலீட்டாளர்களிடமிருந்து அடிப்படை தேவை குறைவதை விட, நாட்டின் இறக்குமதி ஒதுக்கீட்டின் சோர்வு இதற்குக் காரணம் என்று யுபிஎஸ் கூறுகிறது. பன்முகப்படுத்தப்பட்ட அமெரிக்க டாலர் மதிப்பிலான போர்ட்ஃபோலியோவிற்குள் தங்கத்தை மூல ஹெட்ஜ் ஆக
சோதனையைச் சாதனை ஆக்கிய ‘இந்திய மகள்’ வினேஷ் போகத். அவருக்கு பதக்கம் கிடைக்காமல் போயிருக்கலாம், ஆனால் அவரை உலகமே கொண்டாடிக் கொண்டு இருக்கிறது. இந்தியா சார்பில் போட்டியில் பங்கெடுக்கச் சென்றார். உலக நாடுகளின் பிரதிநிதியாக உயர்ந்து நிற்கிறார். காமன்வெல்த் விளையாட்டுப் போட்டிகளில் 3 தங்கம், ஆசிய விளையாட்டுப் போட்டிகளில் 1 தங்கம், ஆசிய சாம்பியன்ஷிப்பில் 88 பதக்கங்கள், உலக சாம்பியன்ஷிப்பில் 2 பதக்கங்கள் வென்ற வீரர்தான் வினேஷ் போகத். வினேஷ் போகத் நடத்திய மல்யுத்தமானது மைதானத்தில் மட்டுமே நடந்தவை அல்ல. இந்தச் சமூகத்துக்கு எதிராக, ஒன்றிய பா.ஜ.க. அரசுக்கு எதிராக, பாலியல் குற்றவாளிக்கு எதிராக, ஆணாதிக்க கொடூரத்துக்கு எதிராக யுத்தம் நடத்தினார். அதிலும் அவரை வீழ்த்தினார்கள் என்றுதான் சொல்ல வேண்டும். 2023 ஆம் ஆண்டு முழுக்கவே அவரது மல்யுத்தம், ஒன்றிய பா.ஜ.க. அரசை எதிர்கொள்வதாக இருந்தது. 2023 ஜனவரி 18 ஆம் தேதி மல்யுத்த வீராங்கனைகள் வினேஷ் போகத், சாக்ஷி மாலிக், பஜ்ரங் புனியா ஆகியோர் பிரிஜ் பூஷன் ஷரன் சிங் மீது பல கடுமையான குற்றச்சாட்டுகளைச் சுமத்தினர். பா.ஜ.க.வின் எம்.பி.யான இவர், இந்திய மல்யுத்த க
ஆர்ம்ஸ்ட்ராங் கொலை வழக்கு! பகுஜன் சமாஜ் கட்சி மாநில தலைவர் ஆம்ஸ்ட்ராங் கொலைவழக்கில் திடீர் திருப்பமாக, தமிழக இளைஞர் காங்கிரஸ் பொதுச் செயலாளர் அஸ்வத்தாமன் கைதுசெய்யப்பட்டுள்ளார். பல ஆண்டுபகையால், சிறையில் உள்ள தனதுதந்தையுடன் சேர்ந்து கூலிப்படையினரை கொண்டு கொலை சம்பவத்தை நிறைவேற்றியுள்ளார் என காவல்துறை தரப்பில் கூறப்படுகிறது. பகுஜன் சமாஜ் கட்சியின் மாநிலதலைவராக இருந்த ஆம்ஸ்ட்ராங், சென்னை பெரம்பூரில் உள்ள அவரது வீடு அருகே கடந்த ஜூலை 5-ம் தேதி கொடூரமாக வெட்டி கொலை செய்யப்பட்டார். இதுதொடர்பாக பிரபல ரவுடி ஆற்காடு சுரேஷின் தம்பி பொன்னைபாலு, அவரது கூட்டாளி திருவேங்கடம் உட்பட 21 பேர் அடுத்தடுத்து கைது செய்யப்பட்டனர். இதில், போலீஸ் என்கவுன்ட்டரில் திருவேங்கடம் உயிரிழந்தார். சென்னை மேற்கு மண்டல காவல் இணை ஆணையர் விஜயகுமார் தலைமையிலான தனிப்படை போலீஸார் பல்வேறு கோணங்களில் தீவிரமாக துப்பு துலக்கினர் இந்நிலையில், திடீர்திருப்பமாக, தமிழக இளைஞர் காங்கிரஸ் பொதுச் செயலாளர் அஸ்வத்தாமன் (32) நேற்று முன்தினம் இரவு கைது செய்யப்பட்டுள்ளார். அவரது தந்தை நாகேந்திரன்விரைவில் கைது செய்யப்பட உள்ளார். கொலையின் பின
