நிறுத்திக் கொள்ள வேண்டும்!
போர் வெளியே இஸ்ரேல்!
விவேகானந்தர் மண்டபம், திருவள்ளுவர் சிலை இடையே ரூ37 கோடி செலவில் கண்ணாடி கூண்டு பாலம்: கட்டுமான பணிகள் 2025ம் ஆண்டு முடிக்க திட்டம்
சென்னையில் 5-க்கும் மேற்பட்ட இடங்களில் வருமான வரித்துறையினர் சோதனை
அதிமுக மாவட்டச் செயலாளர்கள், மாநில நிர்வாகிகளுபன் கட்சி பொதுச்செயலாளர் எடப்பாடி பழனிசாமி ஆலோசனைக் கூட்டம்.
தேர்வு அறிவிக்கை தேதிக்கு முன்பு பெற்ற உடற்தகுதி சான்றிதழ் ஏற்றுக் கொள்ளப்பட மாட்டாது: குரூப் 4 தேர்வு எழுதியவர்களுக்கு டிஐ விளக்கம்.
கூடுதல் அரசு வழக்குரைஞர்கள்
சென்னை உயர்நீதிமன்ற கூடுதல் அரசு தலைமை வழக்கறிஞராக வழக்கறிஞர்கள் கே.சந்திரமோகன், எம்.சுரேஷ்குமார் ஆகியோரை நியமித்து தமிழ்நாடு அரசு உத்தரவிட்டுள்ளது.
சென்னை உயர்நீதிமன்றம் மற்றும் உயர்நீதிமன்ற மதுரை கிளைகளில் தமிழ்நாடு அரசு வழக்குகளில் ஆஜராக அரசு வழக்கறிஞர், கூடுதல் தலைமை வழக்கறிஞர் மற்றும் அரசு தலைமை வழக்கறிஞர் ஆகியோர் ஆஜராகி வருகின்றனர்.
இந்நிலையில், தற்போது கே.சந்திரமோகன், எம்.சுரேஷ்குமார் ஆகியோரை கூடுதல் தலைமை வழக்கறிஞராக நியமித்து தமிழ்நாடு அரசு பொதுத்துறை (சட்டம்) உத்தரவிட்டுள்ளது.
கே.சந்திரமோகன், 1960 ஆம் ஆண்டு அரியலூரில் பிறந்தார். இவரின் தந்தை ஆர்.கருப்பையா அரியலூர் தொகுதி முன்னாள் காங்கிரஸ் சட்டமன்ற உறுப்பினராக இருந்தவர். பள்ளி படிப்பை அரியலூர் முடித்த சந்திரமோகன், சட்டப்படிப்பை திருச்சி அரசு சட்டக் கல்லூரியில் முடித்தார்.
1985 ஆம் ஆண்டு தமிழ்நாடு பார் கவுன்சிலில் வழக்கறிஞராக பதிவு செய்த இவர், முதலில் திருச்சி நீதிமன்றத்தில் வழக்கறிஞர் பணியாற்றினார். கனரா வங்கி, இந்தியன் வங்கி ஆகியவற்றின் வழக்கறிஞராகவும் பணியாற்றியுள்ளார். பின்னர் 2000 ஆண்டு முதல் சென்னை உயர்நீதிமன்ற வழக்கறிஞராக இருக்கிறார்.
தமிழ்நாடு மற்றும் புதுச்சேரி பார்கவுன்சில் உறுப்பினராக கடந்த 25 ஆண்டுகளாக உள்ளார். 2005 ஆம் ஆண்டு முதல் 2011ஆம் ஆண்டு வரை தமிழ்நாடு புதுச்சேரி பார்கவுன்சில் தலைவராக செயல்பட்டுள்ளார். 2009ஆம் ஆண்டு முதல் 2014 ஆண்டு வரை ஒன்றிய அரசு வழக்கறிஞராக செயல்பட்டுள்ளார். தற்போது தமிழ்நாடு காங்கிரஸ் கட்சி சட்டத்துறை மாநில தலைவராக உள்ளார்.
எம்.சுரேஷ்குமார் கடந்த 1971 ஆம் ஆண்டு சென்னையில் பிறந்தார். இவரின் தந்தை முத்தையா மாவட்ட நீதிபதியாக பணியாற்றி ஓய்வு பெற்றவர். சுரேஷ்குமார் 1994 ஆம் ஆண்டு வழக்கறிஞராக பதிவு செய்த நிலையில், சென்னை உயர்நீதிமன்றம், உயர்நீதிமன்ற மதுரை கிளை மற்றும் தீர்ப்பாயங்கள் வழக்கறிஞராக பணியாற்றி வருகின்றார். தமிழ்நாடு மின்சார வாரியம், தெற்கு இரயில்வே நிர்வாகம் மற்றும் மனோன்மணியம் சுந்தரனார் பல்கலைக்கழக வழக்கறிஞராக உயர்நீதிமன்றத்தில் ஆஜராகி உள்ளார்.
போர் வெறி இஸ்ரேல்!
வெறிச்செயலை
நிறுத்திக் கொள்ள வேண்டும்!
பாலஸ்தீனத்தின் காசா பகுதியில் கொத்தாக மனித உயிர்கள் கொல்லப்படுவது தொடர்ந்து கொண்டே இருப்பது துயரமானது. கடந்த ஓராண்டாக போர் விடாமல் தொடர்ந்து வருகிறது. அந்தப் போரைத் தடுக்கும் செயலை உலகநாடுகள் அக்கறையுடன் செய்வ தாகத் தெரியவில்லை. ‘அவுங்களைத் திருத்த முடியாது’ என்று அனைத்து நாடுகளும் கருதுவதாகவே நினைக்கத் தோன்றுகிறது.
காசா பகுதியில் இஸ்ரேல் நடத்தி வரும் தாக்குதலில் உயிர் இழந்தவர்களின் எண்ணிக்கை 43 ஆயிரத்தைத் தாண்டி உள்ளது. கடந்த ஓராண்டு காலமாக நடைபெற்று வரும் தாக்குதலில் இத்தனை ஆயிரம் பேர் உயிரிழந்ததாகவும், ஒரு லட்சத்துக்கும் மேற்பட்டோர் காயம் அடைந்ததாகவும் காசா சுகாதாரத் துறை அமைச்சகம் வெளியிட்டுள்ள அறிக்கையில் கூறப்பட்டுள்ளது. இதில் 17 ஆயிரம் பேர் குழந்தைகள். 11 ஆயிரம் பேர் பெண்கள். 26 ஆயிரம் குழந்தைகள் தங்கள் பெற்றோரை இழந்துள்ளார்கள்.
175 பத்திரிக்கையாளர்கள் கொல்லப்பட்டுள்ளார்கள். 125 ஐ.நா. ஊழியர்கள் கொல்லப்பட்டுள்ளார்கள். அனைத்து பல்கலைக் கழகங்களும் சிதைந்துள்ளன.
மசூதிகளும் தேவாலயங்களும் சிதைந்துள்ளன. வாழும் இடங்களில் வாழ முடியாமல் இடம்பெயர்ந்துள்ளார்கள் மக்கள்.
காசாவில் இடிந்துபோன வீடுகளைக் கட்டுவதற்கே 40 ஆண்டுகள் ஆகலாம் என்று அந்நாட்டு பத்திரிக்கைகள் எழுதுகின்றன. காசாவின் அனைத்துக் கட்டமைப்புகளின் கால் பங்கு அழிக்கப்பட்டதாக ஐ.நா. அறிக்கை சொல்கிறது.
66 விழுக்காடு வீடுகள் இடிந்து போய்விட்டன. அங்கிருக்கும் அனைத்து மக்களும் வறுமையில் இருக்கிறார்கள் என்று சொல்கிறது ஐ.நா. அறிக்கை. கடந்த 15 ஆண்டுகளாக மெல்ல மெல்ல ஏற்றம் கண்டு வந்த காசாவின் பெரும்பகுதி ஓராண்டு காலத்துக்குள் அழிக்கப்பட்டு விட்டது.
இந்த சோகங்கள் அனைத்தும் உலகநாடுகளால் உணரப்பட்டதாகத் தெரியவில்லை.
இஸ்ரேலின் ஆக்கிரமிப்பு வாதத்துக்கு எதிராக பாலஸ்தீனம் போராடி வருகிறது. இஸ்ரேலின் ஆக்கிரமிப்புக் கொள்கையானது, இரு நாட்டுப் போர் என்பதைத் தாண்டி குறிப்பிட்ட பிரதேசத்தில் நடக்கும் யுத்தமாக மாறி வருகிறது.
காசா, லெபனான் ஆகிய நாடுகளின் மீது போர் தொடுத்து வருகிறது இஸ்ரேல். எனவே அதனை இரு நாட்டுச் சண்டையாகக் கருதி ஒதுக்கவோ, கண்டும் காணாமல் இருக்கவோ முடியாது.
ஈரான் ஆதரவு பெற்ற ஹமாஸ் அமைப்பினர், இஸ்ரேல் மீது கடந்த ஆண்டு அக்டோபர் 7 ஆம் தேதியன்று தாக்குதல் நடத்தினார்கள். இதைத் தொடர்ந்து இஸ்ரேலுக்கும் ஹமாஸ் அமைப்பினருக்கும் போர் நடைபெற்று வருகிறது.
ஹமாஸ் அமைப்புக்கு ஆதரவாக ஈரான் ஆதரவு பெற்ற லெபனானின் ஹிஸ்புல்லா அமைப்பினரும் இஸ்ரேல் ராணுவ நிலைகளின் மீது தாக்குதல் நடத்தி வருகிறார்கள்.
இதற்கிடையே இரண்டு படுகொலைகள் நடந்துள்ளன. ஈரான் வந்திருந்த ஹிஸ்புல்லா தலைவர் இஸ்மாயில் ஹனீயேவை, இஸ்ரேல் உளவுப்பிரிவு கடந்த ஜூலை 31 ஆம் தேதி கொலை செய்துள்ளது.
ஹிஸ்புல்லா அமைப்பின் தலைவரான ஹஸன் நஸ்ரல் லெபனானில் வைத்து கடந்த அக்டோபர் மாதம் 27 ஆம் தேதி கொலை செய்யப்பட்டார். இதற்கும் இஸ்ரேல் பின்னணி உள்ளதாகச் சொல்லப்படுகிறது.
ஈரான் மீது வான்வெளி தாக்குதலை நடத்தி ஈரான் வீரர்கள் நால்வரைக் கொலை செய்துள்ளது இஸ்ரேல். இதனால் கோபம் கொண்ட ஈரான், கடந்த 1 ஆம் தேதியன்று இஸ்ரேல் ராணுவ
நிலைகளைக் குறி வைத்து தாக்குதலைத் தொடங்கியது. அதிநவீன ஏவுகணைகளைப் பயன்படுத்தி வருகிறது ஈரான்.
“எங்களின் ராணுவ நிலைகளைக் குறி வைத்துத் தாக்குதல் நடத்திய இஸ்ரேலுக்கு மிகக் கடுமையான பதிலடி தரப்படும்” என்று
ஈரானின் தலைமை மதகுரு அயதுல்லா கமேனி சொல்லி இருக்கிறார். அந்த நாட்டின் அதிக ஆட்சியதிகாரம் படைத்தவர் அவர்தான். “ஈரான் தேசத்தின் மீதும், ஆக்கிரமிப்புக்கு எதிரான ஈரான் ஆதரவு போராளிகளுக்கு எதிராகவும் தாக்குதல் நடத்தும் நாடுகளுக்கு
கடுமையான பதிலடி தரப்படும். இது யூத ஆக்கிரமிப்புவாத அரசுக்கு மட்டுமல்ல, அமெரிக்காவுக்கும் பொருந்தும்” என்றும் அவர் சொல்லி இருக்கிறார். இது எங்கு போய் முடியுமோ எனத் தெரியவில்லை.
இஸ்ரேல் பிரதமர் நெதன்யாகு சில நாட்களுக்கு முன்னதாக அரபு நாடுகளுக்கு ஒரு செய்தியைச் சொல்லி இருக்கிறார். இஸ்ரேல் நாடாளுமன்றத்தில் பேசிய அவர், மத்திய கிழக்கில் அமைதியை ஏற்படுத்த விரும்புவதாகவும், அரபு நாடுகளுடன் இணைந்து சமாதானமாகப் போக விரும்புவதாகவும் சொல்லி இருக்கிறார்.
“இங்குள்ள அரபு நாடுகளுடன் சமாதானம் அடைய வரலாற்றுச் சிறப்புமிக்க ஆபிரகாம் உடன்படிக்கையில் கையெழுத்திட்டு இருந்தேன். அந்த செயல்முறையை மீண்டும் தொடர விரும்புகிறேன்” என்று சொல்லி இருக்கிறார்.
இது உண்மையாகச் சொன்னதாக இருந்தால் செயலில் காட்ட வேண்டியது அவர்தானே தவிர வேறு யாருமல்ல.
காசாவிலும் லெபனானிலும் பதற்றம் குறைக்கப்பட வேண்டும். போர் நிறுத்தப்பட வேண்டும். இஸ்ரேலுக்குச் செய்யும் உதவிகளை மற்ற நாடுகள் நிறுத்த வேண்டும். இதனை ராஜதந்திரமாக அல்ல, அசிங்கமாகப் பார்க்க வேண்டும்.
அனைத்துக்கும் மேலாக மக்கள் பாதுகாக்கப்பட வேண்டும். நாட்டு அதிபர்களின் ஈகோவை விட மக்களின் உயிரே முக்கியம். ‘எந்த இன மக்கள்’ என்பதில் வேறுபாடு இல்லை. எல்லா உயிரும் ஒன்று என்று எண்ணிச் செயல்பட வேண்டும்.
