பாசிச வலையில் சிக்கியவர்கள்?

பாசிசமும்,பாயாசமும்?

நடிகர் விஜய், தனது பேரணிகளின் போது, மத்தியில் ஆளும் பா.ஜ.க-வையும், மாநிலத்தில் ஆளும் ​​தி.மு.க-வையும் கடுமையாக சாடி பேசினார்.

தமிழ் சினிமாவின்  நட்சத்திரமும், தமிழக வெற்றிக் கழக தலைவருமான விஜய் கடந்த சனிக்கிழமை கரூர் வேலுச்சாமிபுரத்தில் பரப்புரை மேற்கொண்டார். அந்தப் பிரசார கூட்டத்தில் விஜய் பேசியபோது நெரிசலில் சிக்கி, 41 பேர் பரிதமாக பலியாகினர்.

தமிழகத்தையே உலுக்கிய இந்த சம்பவத்தை தொடர்ந்து, அரசியல் ரீதியாக மறுசீரமைப்பு சாத்தியக்கூறுகளை பா.ஜ.க ஆராய்ந்து வருகிறது. இந்த துயர சம்பவத்திற்கு தி.மு.க தலைமையிலான மாநில அரசுதான் காரணம் என்றும், அதிகாரிகள் அலட்சியமாக இருந்ததாகவும் நடிகர விஜயின்கட்சி குற்றம் சாட்டியுள்ளது. 

தமிழக வெற்றிக் கழக தலைவர் விஜய், தனது பேரணிகளின் போது, மத்தியில் ஆளும் பா.ஜ.க-வையும், மாநிலத்தில் ஆளும் ​​தி.மு.க-வையும் கடுமையாக சாடி பேசினார். இருப்பினும், கரூர் கூட்ட நெரிசல் சம்பவத்துக்குப் பிறகு விஜய் பின்வாங்கிய நிலையில், அவர் நடத்தி வரும் பிரமாண்டமான கூட்டங்களில் இருந்து அவருக்கு இருக்கும் பிரபலத்தை தெளிவாகத் தெரிந்த கொண்ட பா.ஜ.க, அவரை தங்கள் பக்கம் இழுக்க முடியும் என பா.ஜ.க தலைமை நம்புகிறது.

இதனை உறுதிப்படுத்திய பா.ஜ.க-வின் மூத்த தலைவர் ஒருவர், 'விஜயுடன் மறைமுக பேச்சுவார்த்தை நடத்திட கதவுகள் திறக்கப்பட்டுள்ளன' என்று கூறியுள்ளார். தற்செயலாக, கரூர் துயர சம்பவத்துக்குப் பிறகு, தமிழ்நாட்டிற்கான பா.ஜ.க-வின் தேர்தல் தயாரிப்புகளில் உள்ள சுருக்கங்களை மென்மையாக்க முயற்சிக்கும் கட்சியின் உயர்மட்டத் தலைவர் ஒருவர், விஜயுடன் தொலைபேசியில் பேசியிருக்கிறார். 

தமிழ்நாட்டில் தனது கால்தடத்தை விரிவுபடுத்தும் நோக்கில், பா.ஜ.க சமீபத்தில் அ.தி.மு.க-வுடன் மீண்டும் கூட்டணியில் இணைந்தது. மேலும் அடுத்த ஆண்டு சட்டமன்றத் தேர்தலுக்கு முன்பாக, இந்த இரு கட்சிகளும் அண்மையில் டெல்லியில் கூட்டணி பேச்சுவார்த்தைகளைத் தொடங்கின.

இருப்பினும், கட்சியில் ஏற்பட்ட பிளவுகளால் பல முன்னணி தலைவர்களை இழந்த அ.தி.மு.க, காங்கிரஸ் மற்றும் இடதுசாரிகளை உள்ளடக்கிய தி.மு.க தலைமையிலான கூட்டணியிடமிருந்து அதிகாரத்தை மீண்டும் கைப்பற்ற தேவையான அரசியல் பலத்தைக் கொண்டிருக்கவில்லை என்று பா.ஜ.க அஞ்சுகிறது.

"தமிழ்நாட்டின் தற்போதைய அரசியல் நிலைமை வேறுபட்டது. மறைந்த விஜயகாந்தின் தேசிய முற்போக்கு திராவிட கழகம் போன்ற மூன்றாவது கட்சியின் தோற்றத்தை மறைக்கும் கவர்ச்சிகரமான தலைமை அ.தி.மு.க-வுக்கு இருந்த கடந்த காலங்களைப் போலல்லாமல், அதை ஒன்றாக வைத்திருக்க இப்போது எந்த பிரபலமான தலைவரும் இல்லை" என்று மாநிலத்தில் நிகழும் அரசியல் கணக்குகளை நன்கு அறிந்த ஒரு மூத்த பா.ஜ.க தலைவர் ஒருவர் கூறினார்.

அ.தி.மு.க-வின் வாக்குப் பங்கு சரிந்தால், 'த.வெ.க ஒரு மாற்று கட்சியாக வேகமாக வளரும்' என்றும், "விஜய்யின் வயதும் அவருக்கு ஒரு நன்மை. அவருக்கு வயது வெறும் 51. மேலும் அரசியலில் பல தசாப்தங்கள் அவரின் முன்னால் உள்ளது." என்றும் கட்சி உணர்ந்ததாக பா.ஜ.க-வின் அரசியல் ஆலோசகர் ஒருவர் கூறினார். 

கரூர் கூட்ட நெரிசல் சம்பவத்துக்குப்பிறகு, தமிழிசை சௌந்தரராஜன், நயினார் நாகேந்திரன், பொன் ராதாகிருஷ்ணன் உள்ளிட்ட மாநில பா.ஜ.க தலைவர்கள் கரூரில் தங்கள் வருகையை உறுதி செய்தனர்.

முன்னாள் மாநில பா.ஜ.க தலைவர் கே. அண்ணாமலை, தனது குடும்பத்தினருடன் இலங்கைக்கு மேற்கொண்ட தனிப்பட்ட பயணத்தை முடித்துக்கொண்டு, கூட்ட நெரிசல் ஏற்பட்ட இடத்திற்குச் சென்றார். கரூர் மாவட்ட பா.ஜ.க பிரிவு சார்பாக பாதிக்கப்பட்ட ஒவ்வொருவருக்கும் ரூ.1 லட்சம் இழப்பீடு வழங்குவதாக அறிவித்து.

ஒரு நாள் கழித்து, மத்திய நிதியமைச்சர் நிர்மலா சீதாராமன் கரூர் வந்தார். பின்னர் மத்திய பா.ஜ.க தலைமை, ஹேமா மாலினி மற்றும் அனுராக் தாக்கூர் போன்ற உயர்மட்ட எம்.பி.க்கள் அடங்கிய தேசிய ஜனநாயக கூட்டணியின் உண்மை கண்டறியும் குழுவை கரூருக்கு அனுப்பியது பா.ஜ.க.

தவிர, அனைத்து பா.ஜ.க தலைவர்களும் ஒரே மாதிரியான கருத்தை தெரிவித்தனர். அதாவது, கரூர் துயர சம்பவத்துக்கு மாநில காவல்துறை மற்றும் தமிழக அரசு தான் பொறுப்பு என்று கூறினர். 

பா.ஜ.க-வுடன் இணைந்ததாகக் காணப்படும் வலதுசாரிக் குரல்கள், குறிப்பாக சமூக ஊடகங்களில், விஜய் தி.மு.க அரசாங்கத்திடமிருந்து துன்புறுத்தலை எதிர்கொள்ளக்கூடும் என்றும் தேசிய ஜனநாயக கூட்டணியுடன் கைகோர்க்க வேண்டும் என்றும் கூறி தங்கள் பலத்தை அளித்தன.

இதனிடையே, கரூர் கூட்ட நெரிசல் சம்பவம் தொடர்பாக தமிழ்நாடு காவல்துறை த.வெ.க மூத்த நிர்வாகிகள் பலரையும் கைது செய்துள்ளது, மேலும் அதன் மாநில பொதுச் செயலாளர் ‘புஸ்ஸி’ என். ஆனந்த் மற்றும் துணை மாநில பொதுச் செயலாளர் நிர்மல் குமார் ஆகியோர் மீது கொலை மற்றும் கூட்டத்தை தவறாக நிர்வகித்தல் ஆகிய குற்றச்சாட்டுகளின் பேரில் வழக்குகள் பதிவு செய்யப்பட்டுள்ளன.

விஜய் எந்த எஃப்.ஐ.ஆரிலும் பெயரிடப்படவில்லை. மேலும் அவருக்கு எதிரான எந்தவொரு நடவடிக்கையும் எதிர்விளைவுகளுக்கு ஆளாக நேரிடும் என்று தி.மு.க-வும் எச்சரிக்கையாக உள்ளது.

இருப்பினும், விஜய் தேசிய ஜனநாயக கூட்டணியுடன் இணைவதற்கான எந்த அறிகுறியும் இல்லை என்று விஜய்க்கு நெருக்கமான பலர் தெரிவித்துள்ளனர்.

இருப்பினும், த.வெ.க கட்சியின் மூத்த தலைவர் ஒருவர் டெல்லியில் பா.ஜ.க தலைமையை அணுகியதாக நம்பப்படுகிறது. மேலும் இது “அவரது தனிப்பட்ட திறனில்” நடந்ததாகவும், “அதற்குப் பிறகுதான் தேசிய ஜனநாயக கூட்டணி உண்மை கண்டறியும் குழு அமைக்கப்பட்டிருக்கலாம்” என்று பா.ஜ.க மூத்த தலைவர் ஒருவர் கூறினார்.

தற்செயலாக, இந்த நேரத்தில் டெல்லிக்கு விமானம் மூலம் சென்றவர்களில் த.வெ.க தேர்தல் பிரசார மேலாண்மை பொதுச்செயலாளர் ஆதவ் அர்ஜுனாவும் ஒருவர். இருப்பினும், இந்திய கூடைப்பந்து கூட்டமைப்பின் தலைவராக செயல்பட்டு வரும் ஆதவ் அர்ஜுனா, உத்தரகாண்ட் மாநிலத்தில் நடைபெறும் தேசிய சப்-ஜூனியர் கூடைப்பந்து போட்டிக்காக டேராடூன் செல்ல டெல்லி வந்ததாக த.வெ.க தலைவர்கள் தெரிவித்துள்ளனர். 

இதற்கிடையில், கரூர் கூட்ட நெரிசல் தொடர்பாக ஆதவ் அர்ஜுனா கடந்த 30 ஆம் தேதி தனது ‘எக்ஸ்’ பக்கத்தில் சர்ச்சைக்குரிய வகையில் கருத்து பதிவிட்டார். அந்த பதிவில், தமிழ்நாட்டில் உள்ள இளம் தலைமுறையினர் அரசாங்கத்திற்கு எதிராக புரட்சியை ஏற்படுத்திக் காட்ட வேண்டும் என்று குறிப்பிட்டிருந்தார்.

அவரது பதிவிற்கு கடும் கண்டனங்கள் எழுந்த நிலையில், ஆதவ் அர்ஜுனா அந்த பதிவை நீக்கிவிட்டார். ஆனாலும், அவர் மீது தமிழக காவல்துறை வழக்குப் பதிவு செய்துள்ளது. 

நேற்று வெள்ளிக்கிழமை, தி.மு.க தலைவரும் தமிழக முதல்வருமான மு.க ஸ்டாலின், கரூர் கூட்ட நெரிசலில் பாதிக்கப்பட்டவர்கள் குறித்து பா.ஜ.க மற்றும் ஒன்றிய அரசுக்கு "உண்மையான அக்கறை" இல்லை என்றும், சட்டமன்றத் தேர்தலுக்கு முன்னதாக அதை "மூலதனமாக்க" மட்டுமே முயற்சிப்பதாகவும் சாடியிருந்தார்.

மேலும், "கரூரில் ஏற்பட்ட கூட்ட நெரிசலை பயன்படுத்தி யாரை தங்கள் கட்டுப்பாட்டிற்குள் கொண்டு வர முடியும் என்பதைக் கண்டுபிடிக்க பா.ஜ.க முயற்சிக்கிறது. அணிந்திருக்கும் முகமூடிகள், எத்தனை அடிமைகள் கட்டாயமாகச் சேர்க்கப்பட்டாலும், அல்லது புதிதாக யார் சேர்க்கப்பட்டாலும், நான் முன்பே கூறியது போல், தமிழ்நாடு உங்கள் கட்டுப்பாட்டில் இல்லை" என்றும் அவர் கூறினார்.

தி.மு.க-வின் அதிகாரப்பூர்வ பத்திரிகையான முரசொலி வெள்ளிக்கிழமை தனது தலையங்கத்தில், விஜய்யை கடுமையாக சாடியது. குறிப்பாக மாநில அரசை கைது செய்ய சவால் விடுத்த அவரது வீடியோ அறிக்கைக்காக கடுமையாக சாடியது.

"41 பேர் கொல்லப்பட்டதற்குக் காரணமான அவரது ஆணவம், பணப் பசி, விளம்பர வெறி மற்றும் நாற்காலி ஆசை ஆகியவற்றிலிருந்து எழுந்த ஆணவம் இன்னும் குறையவில்லை" என்பதை இந்த வீடியோ காட்டுகிறது என்று முரசொலி கூறியது.

முன்னதாக, அ.தி.மு.க வாக்குகள் பிளவுபடாமல் இருப்பதை உறுதி செய்வதற்காக, ஓ.பன்னீர்செல்வம் மற்றும் டி.டி.வி.தினகரம் போன்ற மூத்த கிளர்ச்சியாளர்களை மீண்டும் கட்சியில் சேர்க்குமாறு அ.தி.மு.க தலைவர் எடப்பாடி பழனிசாமியை பா.ஜ.க தலைமை வற்புறுத்தியது.

இருப்பினும், தற்போது அ.தி.மு.க-வின் மீது முழுமையான கட்டுப்பாட்டைக் கொண்ருக்கும் அவர், அதனை முற்றிலுமாக நிராகரித்தார். களத்தில், இது அ.தி.மு.க-வின் அடித்தளத்தை, குறிப்பாக தென் தமிழகத்தில் பலவீனப்படுத்துவதைக் குறிக்கிறது.

த.வெ.க தேசிய ஜனநாயக கூட்டணியில் சேரவில்லை என்றால், தினகரன், பன்னீர்செல்வம் மற்றும் அன்புமணி ராமதாஸின் பிளவுபட்ட குழுக்களை பரந்த தி.மு.க எதிர்ப்பு முன்னணிக்கு ஈர்க்க விஜய்யின் எழுச்சியைப் பயன்படுத்த வேண்டும் என்று பா.ஜ.க தலைவர்களில் ஒரு சிலர் கருதுகின்றனர்.

 சீமான் ஆகஸ்ட் மாதம் 30-ந்தேதி திருத்தணி அருகே 'மரங்களின் மாநாடு', அதனை தொடர்ந்து கடந்த மாதம் 27-ந்தேதி தருமபுரியில் 'மலைகளின் மாநாடு'ஆகியவற்றை நடத்தினார்.
இதனை தொடர்ந்து, தூத்துக்குடியில் கடல் மாநாடு, தஞ்சையில் தண்ணீர் மாநாட்டை நடத்தப்போவதாக சீமான் தெரிவித்து இருந்தார். இந்த நிலையில், தூத்துக்குடி மாவட்டம் திருச்செந்தூர் அருகே உள்ள அமலி நகர் மீனவ கிராமத்தில கடலினுள் படகில் சுற்றிப் பார்த்தார்.

தண்ணீர் மாநாட்டை கடல்களின் மாநாடாக மாற்றி விட்டதாக்க் கூறினார்.

செப்டம்பர். 27இல் விஜயின் நாமக்கல் பரப்புரையின்போது போது தனியார் மருத்துவமனை மீது தாக்குதல் நடத்தியதாகவும் மருத்துவமனை சொத்துக்களைச் சேதப்படுத்தியதாகவும் மருத்துவமனை கொடுத்த புகார் மீது. மாவட்டசெயலர் சதீஷ் குமார் மீது வழக்கு பதியப்பட்டுள்ள நிலையில் அவரது கொடுத்த முன்ஜாமின் மனுவை நேற்று தள்ளுபடிசெய்ததுஉயர்நீதிமன்றம்.

இதனால்தவெகவின் நாமக்கல் மாவட்டச் செயலாளர் சதீஷ் குமாரை பிடிக்க காவல் ஆய்வாளர் கபிலன் தலைமையில் 2 தனிப்படைகள் அமைப்பு.