பீகார் முதல் கட்டம்?

 பீகார் சட்டப்பேரவை தேர்தலில் இன்று முதல்கட்ட வாக்குப் பதிவு நடைபெற்று வருகிறது. 

இதன் 121 தொகுதிகளில் தற்போது தேசிய ஜனநாயக கூட்டணியிடம் (என்டிஏ) 59, மெகா கூட்டணியிடம் 61 எம்எல்ஏக்கள் உள்ளனர்.

பீகார் சட்டப்பேரவைக்கு நவம்பர் 6, 11 தேதிகளில் 2 கட்டமாக தேர்தல் நடைபெறும் என தேர்தல் ஆணையம் அறிவித்திருந்தது. இதன்படி, 121 தொகுதிகளில் இன்று முதல்கட்ட தேர்தல் நடைபெற்று வருகிறது.

18 மாவட்டங்களை உள்ளடக்கிய இந்த தொகுதிகளில் மொத்தம் 122 பெண்கள் உள்ளிட்ட 1,314 வேட்பாளர்கள் போட்டியில் உள்ளனர். வாக்காளர்கள் எண்ணிக்கை 3 கோடியே 75 லட்சத்து 13 ஆயிரத்து 302. இவர்களுக்காக மொத்தம் 45,341 வாக்குச்சாவடிகள் அமைக்கப்பட்டுள்ளன.

கடந்த 2020 தேர்தலில், 121-ல் மெகா கூட்டணி 61, என்டிஏ 59 மற்றும் லோக் ஜன சக்தி ஒரு தொகுதியில் வெற்றி பெற்றிருந்தது. எனவே, இந்த முதல்கட்ட தேர்தல் இரண்டு கூட்டணிகளுக்கும் மிக முக்கியமானதாக உள்ளது.

முதல் முறையாக போட்டியிடும் பிராசாந்த் கிஷோரின் ஜன் சுராஜ் கூட்டணிக்கும் இன்றைய வாக்குப்பதிவு மிகவும் முக்கியமானதாக அமைந்துள்ளது. 

கடந்த முறை, இரண்டு கூட்டணிகளுக்கும் இடையிலான வாக்கு வித்தியாசம் சில ஆயிரம் மட்டுமே. 

இந்த சிறிய வித்தியாசத்தால் மெகா கூட்டணி ஆட்சி அமைய வெறும் 12 தொகுதிகள் குறைந்தன.
சிராக் பாஸ்வானின் எல்ஜேபி தனித்து போட்டியிட்டிருந்தது. அக்கட்சியின் ஒரு எம்எல்ஏவும் பிறகு முதல்வர் நிதிஷ் குமாரின் ஐக்கிய ஜனதா தளத்தில் (ஜேடியு) இணைந்தார். 

அதேநேரம், ஆளும் ஜேடியுவின் கணிசமான வாக்குகளை எல்ஜேபி பிரித்திருந்தது. இந்த முறை எல்ஜேபி என்டிஏவுடன் இணைந்ததால் இக்கூட்டணிக்கு பிரச்சினை இருக்காது என எதிர்பார்க்கப்படுகிறது.

இந்த 121 தொகுதிகளில் மெகா கூட்டணியின் தலைமைக் கட்சியான ராஷ்டிரிய ஜனதா தளம் (ஆர்ஜேடி) மட்டும் 42 தொகுதிகளில் வென்றிருந்தது.

 இக்கூட்டணியின் இதர உறுப்பினர்களான காங்கிரஸ் 8 மற்றும் இடதுசாரிகள் 11 தொகுதிகளைப் பெற்றன. அதேபோல், பாஜக 32 மற்றும் ஜேடியு 23 தொகுதிகளைப் பெற்றன.

இந்த முறையும் 121 தொகுதிகளில் இரண்டு கூட்டணி கட்சிகளும் 16 நாட்களாக தீவிரப் பிரச்சாரத்தில் ஈடுபட்டன. முதல்கட்ட தேர்தல் நடைபெறும் தொகுதிகளில் பிரதமர் நரேந்திர மோடி 5 நாள் பிரச்சாரம் செய்திருந்தார். மத்திய உள்துறை அமைச்சர் அமித் ஷா உள்ளிட்ட பாஜக தலைவர்களும் தொடர்ந்து தீவிரப் பிரச்சாரம் மேற்கொண்டனர்.

பாஜக ஆளும் உத்தர பிரதேசம், டெல்லி மற்றும் மத்திய பிரதேசம் ஆகிய மாநிலங்களின் முதல்வர்களும் என்டிஏவுக்கு ஆதரவாகப் பிரச்சாரம் செய்தனர்.

 தனது வயது மூப்பு காரணமாக முதல்வர் நிதிஷ் பிரச்சாரங்களில் அதிகம் பேசவில்லை. சாலையோரப் பிரச்சாரமாக கைகளை ஆட்டிவிட்டுச் சென்று விட்டார்.
இவர்களுக்கு சவால் விடும் வகையில் ஆர்ஜேடியின் தேஜஸ்வி யாதவும் தொடர் பிரச்சாரத்தில் இருந்தார். 

இறுதிநாள் பிரச்சாரத்தில் லாலு மட்டும் கலந்துகொண்டார். 

கடைசி மூன்று நாள் பிரச்சாரத்தில் காங்கிரஸின் முக்கிய தலைவரான ராகுல் காந்தி, தேஜஸ்வியுடன் மேடை ஏறினார்.

 மற்றொரு முக்கிய முகமான பிரியங்கா வதேராவும் பெண் வாக்காளர்களைக் கவர முயன்றார். இந்த தேர்தலில், உடல்நலக் குறைவு காரணமாக சோனியா காந்தி பிரச்சாரம் செய்யவில்லை.

முதல்கட்ட வாக்குப் பதிவில் வீசும் அலை, இரண்டாம் கட்டத்துக்கும் வீசி ஆட்சி அமைக்கும் கூட்டணியை முடிவு செய்கிறது. ஆர்ஜேடியின் தலைவரான தேஜஸ்வி யாதவ் முதல்வர் வேட்பாளராக முன்னிறுத்தப்பட்டுள்ளார். 

இது, மெகா கூட்டணிக்கு சாதகம் எனக் கருதப்படுகிறது.

பீகாரின் சீமாஞ்சல் பகுதியில் முஸ்லிம்கள் அதிகமாக உள்ளனர். இப்பகுதியில் முஸ்லிம்கள் வெற்றி, தோல்வியை நிர்ணயிக்கும் தொகுதிகள் 36 உள்ளன.

அசாதுதீன் ஒவைசியின் ஏஐஎம்ஐஎம் கட்சி மெகா கூட்டணியின் வாக்குகளைப் பிரிக்க வாய்ப்பு அதிகம் உள்ளன.

 முஸ்லிம்களின் வாக்குகளால் கடந்த 2020 தேர்தலில் ஒவைசி 5 எம்எல்ஏக்களை பெற்றார்.ஆனால் இவர் மீது பா.ஜ.கவின் 'B'டீம் என்ற அவப் பெயர் உண்டாகியுள்ளது.காரணம் இவர் வாக்குபளைப் பிரிப்பதிலேயே குறியாயுள்ளார்.அதற்காக பா.ஜ.க,விடம் பணம் பெறுவதாக்க் கூறுகிறார்கள்.

 இந்த முறை அவரது வேட்பாளர்கள் 15 தொகுதிகளில் போட்டியிடுகின்றனர்.

 ஜன் சுராஜின் பிரசாந்த் கிஷோர் இரண்டு கூட்டணிகளின் வாக்குகளையும் பிரிப்பார் என்ற எதிர்பார்ப்பு உள்ளன.

பிஹாரில் மொத்தம் 243 தொகுதிகளின் உள்ளன. 122 தொகுதிகளி வரும் 11-ம் தேதி இரண்டாம் கட்ட தேர்தல் நடைபெறுகிறது. வரும் 14-ம் தேதி வாக்குகள் எண்ணப்பட்டு முடிவுகள் வெளியிடப்பட உள்ளன.

உன் சமையலறையில் நான். உப்பா?மஞ்சளா??

இந்திய சமையலறைகளில் மஞ்சள் பல நூற்றாண்டுகளாகப் பயன்படுத்தப்படுகிறது.

 பாட்டியின் சமையல் குறிப்புகளில் இது எப்போதும் ஒரு முக்கிய அங்கமாக இருந்து வருகிறது. உடல் காயங்கள், சளி ஏற்ப்பட்டால், பாலுடன் கலந்து குடிப்பதால் மஞ்சள் ஒரு வீட்டு மருந்தாகக் கருதப்படுகிறது. 

அதன் மிகவும் தனித்துவமான அம்சம் குர்குமின் கலவை ஆகும், இது அதற்கு ஒரு தங்க நிறத்தை அளிக்கிறது மற்றும் சக்திவாய்ந்த நோய் எதிர்ப்பு மற்றும் ஆக்ஸிஜனேற்ற பண்புகளையும் வழங்குகிறது.

 தினமும் ஒரு சிறிய அளவு மஞ்சளை உட்கொள்வது உடல், மூளை, மூட்டுகள் மற்றும் செரிமானத்திற்கு மிகவும் நன்மை பயக்கும் என்று கருதப்படுகிறது. 

மஞ்சளில் ஆன்டிஆக்ஸிடன்ட்கள் நிறைந்துள்ளன, அவை உடலில் உள்ள தீங்கு விளைவிக்கும் ஃப்ரீ ரேடிக்கல்களை நடுநிலையாக்குகின்றன. இது இதய நோய் மற்றும் புற்றுநோய் போன்ற நோய்களின் அபாயத்தைக் குறைக்கிறது, மேலும் செல் ஆயுளையும் அதிகரிக்கிறது.

4/9

மஞ்சளில் உள்ள சேர்மங்கள் புற்றுநோய் செல்கள் பரவுவதையும் மெதுவாக்குகின்றன. 

மஞ்சளை உங்கள் உணவில் தொடர்ந்து சேர்த்துக் கொள்வது நீண்ட காலத்திற்கு புற்றுநோய் அபாயத்தைக் குறைக்கும்.

5/9

நெஞ்செரிச்சல், வாயு அல்லது வீக்கம் போன்றவற்றால் அவதிப்படுபவர்களுக்கு மஞ்சள் நன்மை பயக்கும் என்று கருதப்படுகிறது. 

இது செரிமான அமைப்பை அமைதிப்படுத்தி குடல் வீக்கத்தைக் குறைக்கிறது.

6/9

மஞ்சள் கல்லீரலை நச்சு நீக்கவும் உதவுகிறது. 

இது உடலில் இருந்து நச்சுகளை நீக்கி கல்லீரல் செயல்பாட்டை மேம்படுத்துகிறது.

7/9

மஞ்சளில் உள்ள குர்குமின் மூளையில் மூளையிலிருந்து பெறப்பட்ட நியூரோட்ரோபிக் காரணியை அதிகரிக்கிறது, இது நினைவாற்றல் மற்றும் கற்றல் திறனை மேம்படுத்துகிறது.

 இது வயது தொடர்பான மூளை நோய்களிலிருந்தும் பாதுகாக்கிறது.

8/9

மஞ்சளில் உள்ள குர்குமின் வீக்கத்தைக் குறைத்து வலியைப் போக்க உதவுகிறது. இது உடலில் ஃப்ரீ ரேடிக்கல்களால் ஏற்படும் சேதத்தைத் தடுக்கிறது மற்றும் வயதாகும் செயல்முறையை மெதுவாக்குகிறது.

மஞ்சளில் அழற்சி எதிர்ப்பு மற்றும் ஆக்ஸிஜனேற்ற பண்புகள் உள்ளன, அவை சருமத்தை உள்ளிருந்து பளபளப்பாக்குகின்றன.

 இது முகப்பரு, தழும்புகள் மற்றும் பழுப்பு நிறத்தைக் குறைக்கவும் உதவுகிறது.

9/9

தினமும் ஒரு டீஸ்பூன் மஞ்சள் சாப்பிடுவது நோய் எதிர்ப்பு சக்தியை பலப்படுத்துகிறது. 

இது சளி மற்றும் தொற்றுகளிலிருந்தும் பாதுகாக்கிறது. இதனால்தான் இந்திய வீடுகளில் மஞ்சள் பால் ஒரு நன்மை பயக்கும் குளிர்கால மருந்தாகக் கருதப்படுகிறது.