ம கா(மெடி) நதி வில்லன்
சினிமாவுல வில்லனா பார்த்தா கோபம் வரும், காமெடியனா பார்த்தா சிரிப்பு வரும். ஆனா, ஒரு நடிகரைப் பார்த்தா மட்டும் மனசுக்குள்ள ஒரு இனம் புரியாத நெருக்கம் வரும் . அவர்தான் கொச்சின் ஹனீஃபா
சலீம் அகமது கோஷ் அப்படின்னு சொன்னா யாருக்கும் தெரியாது, ஆனா 'ஹனீஃபா'ன்னு சொன்னா அந்த வெள்ளந்தி முகம் எல்லாரு கண்ணு முன்னாடியும் வந்து நிக்கும். இன்னைக்கு (பிப்ரவரி 2) அவர் நம்மளை விட்டுப் பிரிஞ்ச நாள்.2010-ல லிவர் கேன்சர் பாதிப்புக்கு ட்ரீட்மென்ட் எடுத்துட்டு இருந்தப்ப, திடீர் மாரடைப்பு வந்து 59 வயசுலயே 'பேக்-அப்' பண்ணிட்டுப் போயிட்டாரு.
அவரோட ஸ்பெஷாலிட்டி என்ன தெரியுமா? ஒரே நிமிசத்துல நயவஞ்சகமான வில்லனா முகத்தைக் காட்டுவாரு, அடுத்த செகண்டே 'ஏன்டா இப்படி பண்ணோம்'னு ஒரு பாவமான லுக் விடுவாருபாருங்க.ஹனீஃபா!
கமலின் மகாநதி: இதுதான் அவருக்குப் பெரிய டர்னிங் பாயிண்ட். அந்தப் படத்துல அவர் பண்ற வில்லத்தனம் இன்னைக்கும் ரத்தத்தைக் கொதிக்க வைக்கும்.
வசூல் ராஜா MBBS: "பணத்தை விட பாசம் பெருசுடா..." அப்படின்னு கண்ணுல தண்ணி வர வச்சதா இருக்கட்டும்...
காதலா காதலா: "சிரிச்சு சிரிச்சு வயிறு புண்ணாயிடும்"... அந்த அளவுக்கு டைமிங் காமெடி!
கொச்சின் கலாபவன் தந்த அந்த வைரத்தை சினிமா உலகம் என்னைக்குமே மறக்காத ஹனீஃபா பாய்!
சினிமாவுல கலைங்கிற வார்த்தைக்குக் கௌரவம் தேடித்தந்த ஒரு இயக்குநர் உண்டுன்னா, அது கண்டிப்பா கே. விஸ்வநாத் தான்.
அவர் 50 படங்களுக்கு மேல டைரக்ட் பண்ணியிருக்காரு. ஒவ்வொரு படமும் ஒரு சினிமா பாடம்! செட்ல அவர் எப்பவும் காக்கி சட்டையும் பேன்ட்டும் தான் போடுவாரு.
வாங்க ஆள் இல்லை: படம் எடுத்து முடிச்சு விநியோகஸ்தர்களுக்குப் போட்டுக் காட்டினப்ப, ஒருத்தர் கூட வாங்க முன்வரலை.
முதல் நாள் ஏமாற்றம்: படம் ரிலீஸ் ஆன முதல் நாள் தியேட்டர்ல கூட்டமே இல்லை.
எதிர்பாராத ஹீரோயின்: நம்ம 'பில்லா' படத்துல "மை நேம் இஸ் பில்லா" பாட்டுக்கு டான்ஸ் ஆடிய மஞ்சு பார்கவி, அவர் தான் இதோட ஹீரோயின் 'துளசி'. படத்துல அவங்களுக்கு வசனம் கம்மிதான்,
எஸ்.பி.பி-யின் அசுர சாதனை: கர்நாடக சங்கீதம் தெரியாத எஸ்.பி.பாலசுப்ரமணியத்தைப் பாட வைக்கணும்னு கே.வி.மகாதேவன் (மாமா) முடிவு பண்ணப்போ எல்லாரும் பயந்தாங்க. விஸ்வநாத் அவர்களோட சிற்றப்பா பையன் தான் பாலு.
கர்நாடக இசை மேதை சங்கர சாஸ்திரிக்கும், துளசிக்கும் இடையிலான அந்தப் புனிதமான குரு-சிஷ்ய பந்தத்தை அவ்வளவு அழகா விஸ்வநாத் செதுக்கியிருப்பாரு.
அரசியல் கலக்காத, பண்பாடு மாறாத அந்தக்காலத் திரையுலகின் ஒரு பொற்கால அடையாளம் கே. விஸ்வநாத்.
பூமிப்பந்தில் ராட்சத உயிரினங்கள் தாவரங்கள்,டைனோசர்கள்,பிரமாண்ட பறவைகள்நிலப்பரப்பில் ஆதிக்கம் செலுத்தின சுமார் 400 மில்லியன் ஆண்டுகளுக்கு முன்பு வாழ்ந்த மர்மமான 'புரோட்டோடாக்சைட்டுகள்' குறித்து பார்ப்போம்.
400 மில்லியன் ஆண்டுகளுக்கு முந்தைய 'டெவோனியன்' (Devonian) காலத்திற்கு நாம் பின்னோக்கிச் சென்றால், இன்றைய அடர்ந்த காடுகளை அங்கே காண முடியாது. நிலப்பரப்பு முழுவதும் பாசிகளும், கணுக்கால் அளவு உயரமுள்ள சிறு செடிகளுமே படர்ந்திருக்கும். ஆனால், அந்த சிறு செடிகளுக்கு நடுவே, சுமார் 25 அடி (7.5 மீட்டர்) உயரம் கொண்ட ராட்சத தூண்கள் தனித்து நின்றிருக்கும். அவையே 'புரோட்டோடாக்சைட்டுகள்'.
1843-ம் ஆண்டு முதன்முதலில் கண்டறியப்பட்ட இந்தச் சிலையான படிமங்கள், விக்டோரியா காலத்து புவியியலாளர்களைக் குழப்பத்தில் ஆழ்த்தின. இவை பார்ப்பதற்கு மரத்தின் தண்டு போல இருந்ததால், 'பண்டைய ஊசி இலை மரம்' எனப் பொருள்படும் வகையில் இதற்குப் பெயரிடப்பட்டது.
ஆனால், நுண்ணோக்கியின் வழியே பார்த்தபோது, இதில் மரத்திற்கான எந்தவொரு திசு அமைப்பும் இல்லை என்பது உறுதியானது.
20-ம் நூற்றாண்டு முழுவதும் அறிவியலாளர்கள் மத்தியில் 2 முக்கியக் கருத்துகள் மோதிக்கொண்டன. இவை உலகின் மிகப்பெரிய ராட்சத காளான்கள் (Giant Fungi), இவை தாவரங்கள், விலங்குகள் அல்லது காளான்கள் ஆகிய எந்த வகையிலும் சேராத, இன்று முற்றிலும் அழிந்துபோன ஒரு தனித்துவமான உயிரின வகை (Extinct branch of life).
சமீபத்தில் 'சயின்ஸ் அட்வான்சஸ்' (Science Advances) இதழில் வெளியான ஆய்வு, இது ஒரு தனி உயிரினமாக இருக்கலாம் என்ற கருத்தை வலுப்படுத்துகிறது: காளான்களின் திசுக்கள் ஒழுங்கமைக்கப்பட்ட முறையில் இருக்கும். ஆனால், புரோட்டோடாக்சைட்டுகளின் திசுக்கள் ஒன்றோடொன்று பிணைக்கப்பட்ட கேபிள்கள்போல குழப்பமான முறையில் அமைந்துள்ளன. காளான்களின் செல் சுவர்களில் 'கைட்டின்' என்ற வேதிப்பொருள் இருக்கும். ஆனால், மிகத் தெளிவாகப் பாதுகாக்கப்பட்ட புரோட்டோடாக்சைட்டு படிமங்களில் கூட இந்தக் கைட்டின் இருப்பதற்கான தடயமே இல்லை. கார்பன் ஐசோடோப்பு ஆய்வுகளின்படி, இவை ஒளிச்சேர்க்கை மூலம் உணவு தயாரிக்கவில்லை; மாறாக நிலத்தில் மட்கிக் கிடக்கும் கரிமப் பொருட்களை உண்டு வாழ்ந்த 'சிதைப்பவை' (Decomposers) என்பது தெரிய வந்துள்ளது.
சுற்றியுள்ள செடிகள் அனைத்தும் கணுக்கால் அளவு மட்டுமே இருக்கும்போது, 25 அடி உயரமான ஒரு உயிரினத்திற்குத் தேவையான சத்துக்கள் எப்படி கிடைத்தன என்பது இன்னும் விடைதெரியாத கேள்விதான். இவை பூமிக்கடியில் ஒரு பிரம்மாண்டமான வலையமைப்பைக் கொண்டிருந்திருக்கலாம் அல்லது ஆல்கா எனப்படும் பாசிப் படலங்களை உண்டு வாழ்ந்திருக்கலாம் என விஞ்ஞானிகள் கருதுகின்றனர்.
பூமி போலவே இன்னொரு கோள்; அங்கு உயிர் வாழ முடியுமா?
நமது சூரியனை போன்ற நட்சத்திரத்தைச் சுற்றி, பூமியைப் போலவே உருவம் கொண்ட ஒரு புதிய கோளை விஞ்ஞானிகள் கண்டறிந்துள்ளனர். பழைய தொலைநோக்கி தரவுகளை ஆய்வு செய்தபோது கிடைத்த இந்த 'மங்கலான சிக்னல்', தற்போது வானியல் உலகில் பெரும் விவாதத்தை ஏற்படுத்தியுள்ளது.
விஞ்ஞானிகள் 'HD 137010 b' எனப் பெயரிட்டுள்ள இந்தக் கோள் பல ஆச்சரியமான அம்சங்களைக் கொண்டுள்ளது.
இந்தக் கோள் தனது நட்சத்திரத்திலிருந்து பெறும் ஆற்றல், பூமி சூரியனிடமிருந்து பெறும் ஆற்றலில் 3-ல் ஒரு பங்கு மட்டுமே. இதனால், இதன் மேற்பரப்பு வெப்பநிலை சுமார் -68 முதல் -70 டிகிரி செல்சியஸ் வரை இருக்கலாம் எனக் கணிக்கப்பட்டுள்ளது.
இது பூமியை விட செவ்வாய் கிரகத்தின் தட்பவெப்பநிலையை நினைவூட்டுகிறது. இருப்பினும், ஒரு சிறிய நம்பிக்கை உள்ளது. இந்தக் கோளில் அடர்த்தியான வளிமண்டலம் இருந்து, அதில் அதிக அளவு கார்பன்-டை-ஆக்சைடு இருந்தால், 'பசுமை இல்ல விளைவு' காரணமாக அதன் மேற்பரப்பு வெப்பமடைந்து தண்ணீர் திரவ நிலையில் இருக்கவும் வாய்ப்புள்ளது.
தற்போது வரை 6,000+ வெளிக்கோள்கள் கண்டறியப்பட்டுள்ளன. ஆனால், அவற்றில் பெரும்பாலானவை நெருப்புப் பந்துகளாகவோ அல்லது வாயு அரக்கர்களாகவோதான் உள்ளன. விண்வெளி அளவில் 146 ஒளி ஆண்டுகள் என்பது மிக அருகில் உள்ளதாகக் கருதப்படுகிறது.
இதன் அருகாமை காரணமாக, வருங்கால நவீன தொலைநோக்கிகள் மூலம் இக்கோளின் வளிமண்டலத்தில் ஆக்சிஜன் அல்லது மீத்தேன் போன்ற உயிரினங்கள் வாழ்வதற்கான அறிகுறிகள் உள்ளனவா என்பதை ஆய்வு செய்ய முடியும்.
இந்த கோள் ஒருமுறை நட்சத்திரத்தை கடக்க 355 நாட்கள் ஆவதால், அடுத்தடுத்த மாற்றங்களை கண்காணிப்பது விஞ்ஞானிகளுக்குப் பெரும் சவாலாக உள்ளது.
ஒருவேளை இது உயிர்வாழத் தகுதியான இடமாக இருந்தாலும், மனிதர்கள் அங்கு சென்றடைய பல்லாயிரக்கணக்கான ஆண்டுகள் ஆகும் என்பதுகுறிப்பிடத்தக்கது.
