அதிகரிக்கும் பேரிடர்கள்- !

 குறைவான மழை.

பருவமழையின் புதிய சவால்கள்

இந்த ஆண்டு பருவமழை வழக்கத்தை வீடாக குறைவாக இருக்கும் என்று எதிர்பார்க்கப்படுகிறது.

இந்திய வானிலை ஆய்வு மையம், நாடு முழுவதும் ஒட்டுமொத்தமாக இந்த சீசனில் 92% சராசரி மழை மட்டுமே பெய்ய வாய்ப்புள்ளதாகத் தெரிவித்துள்ளது.

இருப்பினும், இந்த முன்னறிவிப்பு இந்திய பருவமழையின் இயல்பான பருவக்கால, பிராந்திய மாறுபாடுகளை முழுமையாக பிரதிபலிக்கவில்லை. இவை பிந்தைய கட்டத்தில்தான் தெளிவாகத் தெரியும்.

சராசரியை விடக் குறைவான மழைப்பொழிவு என்ற கணிப்பு, வரவிருக்கும் பருவத்தில் ஏற்படக்கூடிய தீவிர மழைப்பொழிவு நிகழ்வுகளின் (Extreme rainfall events) எண்ணிக்கையைக் குறிக்கவில்லை.

கடந்த 10 அல்லது 20 ஆண்டுகளில் இத்தகைய நிகழ்வுகள் சீராக அதிகரித்து வருவது உடன், அவை அடிக்கடி பெரிய அளவிலான பேரிடர்களாக மாறிவருகின்றன.

அண்மைக் காலங்களில் இத்தகைய சம்பவங்கள் அதிகரிப்பதற்கு காலநிலை மாற்றமே காரணம் என்று பல ஆய்வுகள் சுட்டிக்காட்டுகின்றன.

2013-ல் நடந்த கேதார்நாத் துயரத்தில் இருந்து, கடந்த பத்தாண்டுகளில் இந்தியாவில் ஒவ்வொரு ஆண்டும் குறைந்தது பெரிய மழை தொடர்பான பேரிடர் நிகழ்ந்துள்ளது.

2023 போன்ற சில ஆண்டுகளில், பல சம்பவங்கள் நடந்துள்ளன. நாட்டின் ஒட்டுமொத்த மழைப்பொழிவு அளவுக்கும், இத் தீவிர மழை நிகழ்வுகளின் எண்ணிக்கை அல்லது தீவிரத்திற்கும் எந்தத் தொடர்பும் இல்லை.

2015, 2018 அல்லது 2023 போன்ற ஒட்டுமொத்த மழை அளவு குறைவாக இருந்த ஆண்டுகளிலும் இத்தகைய பேரிடரைத் தூண்டும் மழை நிகழ்வுகள் நடந்துள்ளன.

24 மணிநேர காலத்தில் 21 செ.மீ-க்கும் அதிகமான மழை பெய்தால், அதை 'மிக கனமழை' என வானிலை ஆய்வு மையம் வகைப்படுத்துகிறது. பொதுவாக, இவை நாட்டில் பதிவாகும் மொத்த மழைப்பொழிவு நிகழ்வுகளில் 0.1%-க்கும் குறைவாகவே இருக்கும்.

ஆனால் அவற்றின் எண்ணிக்கை அதிகரித்து வருகிறது. எடுத்துக்காட்டாக, 2008 மற்றும் 2011-க்கு இடைப்பட்ட காலத்தில், ஒரு பருவத்தில் அதிகபட்சமாக 64 முறை மட்டுமே (2008-ல்) இத்தகைய நிகழ்வுகள் பதிவாகின. ஆனால், 2017 முதல் இந்த எண்ணிக்கை ஒவ்வொரு ஆண்டும் 100-க்கும் அதிகமாகவே உள்ளது.

2024-ல் மட்டும் 181 தீவிர மழை நிகழ்வுகள் பதிவாகியுள்ளன; கடந்த ஆண்டு இந்த எண்ணிக்கை 160 ஆக இருந்தது. எண்ணிக்கையை விட, இந்தத் தீவிர மழை நிகழ்வுகளின் அதிகரிக்கும் வீரியமே கவலைக்குரிய விஷயமாக உள்ளது.

குறுகிய காலத்தில் மிகக் கடுமையான மழை பெய்வதால், அவை பேரிடரை உருவாக்கும் வாய்ப்புகள் அதிகரிக்கின்றன.

கடந்த பத்தாண்டுகளில், ஜம்மு காஷ்மீர் வெள்ளம் (2014), சென்னை நகர்ப்புற வெள்ளம் (2015) மற்றும் கேரள வெள்ளம் (2018) போன்றவை 50 அல்லது 100 ஆண்டுகளுக்கு ஒருமுறை நடக்கும் அரிதான நிகழ்வுகளாகக் கருதப்படுகின்றன.

டெல்லி, மும்பை, புனே, சென்னை, பெங்களூரு, ஹைதராபாத் என இந்தியாவின் கிட்டத்தட்ட அனைத்து முக்கிய நகரங்களும் கடந்த 10 ஆண்டுகளில் ஒரு முறையாவது வெள்ளப் பாதிப்பைச் சந்தித்துள்ளன.

இதற்குக் காரணம் மோசமான நகர்ப்புறத் திட்டமிடல் மற்றும் ஆக்கிரமிப்புகள் என்றாலும், முன்னெப்போதும் இல்லாத அளவு பெய்யும் அதீத மழையே இத்தகைய பேரிடர்களைத் தூண்டுகிறது.

எடுத்துக்காட்டாக, 2014 செப்டம்பரில் ஜம்மு காஷ்மீரில் பெய்த மழையானது கடந்த 100 ஆண்டுகளில் இல்லாத சாதனையாக அமைந்தது. இதில் 280-க்கும் மேற்பட்டோர் உயிரிழந்தனர். அதேபோல், 2018 கேரள வெள்ளமானது 1931-க்குப் பிறகு பெய்த மிக அதிகப்படியான மழையால் உருவானது.

இத்தகைய அதீத மழைப்பொழிவைத் துல்லியமாகக் கணிப்பது மிகவும் கடினம். மிகக் கனமழை பெய்யும் வாய்ப்புள்ளதை வானிலை ஆய்வு மையம் கண்டறிந்து எச்சரிக்கை விடுத்தாலும், அது 250 மி.மீ பெய்யுமா அல்லது 500 மி.மீ பெய்யுமா என்பதைத் துல்லியமாகச் சொல்ல முடியாது. இது வானிலை அறிவியலில் உள்ள ஒரு உள்ளார்ந்த சவால். காலநிலை மாற்றம் இந்த நிச்சயமற்ற தன்மையை (Uncertainty) மேலும் அதிகரிக்கிறது.

சில ஆண்டுகளுக்கு முன்பு வரை, பருவமழை குறைபாடு மற்றும் வறட்சிதான் கொள்கை வகுப்பாளர்களின் பெரிய கவலையாக இருந்தது. ஆனால் இப்போது, மக்கள் நெருக்கம் மிகுந்த நகர்ப்புறங்களில் பெய்யும் அதீத உள்ளூர் மழைப்பொழிவு (Localised rainfall) ஒரு புதிய தலைவலியாக உருவெடுத்துள்ளது.

2012 மற்றும் 2021-க்கு இடைப்பட்ட 10 ஆண்டுகளில் வெள்ளத்தினால் மட்டும் சுமார் 17,500 பேர் உயிரிழந்துள்ளனர். மேலும், 2019-20 முதல் 2023-24 வரையிலான காலக்கட்டத்தில் மாநிலங்களின் பேரிடர் செலவினங்களில் 55% வெள்ளப் பாதிப்புகளுக்கே செலவிடப்பட்டுள்ளது.

டெல்லி, மும்பை அல்லது சென்னை போன்ற நகரங்கள் வெள்ளத்தால் முடங்குவது, உயிர் மற்றும் சொத்து சேதங்களைத் தாண்டி மிகப்பெரிய பொருளாதாரப் பாதிப்புகளையும் ஏற்படுத்துகிறது.

குறிப்பிட்ட கட்சி (த.வெ.க.)இளைஞர்களின் சமூக வலைதள பதிவுகள்;

முன்னாள் நீதிபதி கிருபாகரன் எச்சரிக்கை

தேர்தல் வெற்றி தோல்விகளை இளைஞர்கள் பக்குவமாக எதிர்கொள்ள வேண்டுமென ஓய்வுபெற்ற நீதிபதி கிருபாகரன் அறிவுறுத்தியுள்ளார்.

தேர்தல் முடிவுகள் வெளியாக உள்ள நிலையில், இளம் தலைமுறையினர் மற்றும் அரசியல் கட்சியினர் வெற்றி தோல்விகளைச் சமமாக எடுத்துக்கொள்ள வேண்டும் என்று ஓய்வு பெற்ற நீதிபதி கிருபாகரன் வலியுறுத்தியுள்ளார்.

இது தொடர்பாக அவர் செய்தியாளர்களிடம் பேசுகையில், ஜனநாயகத்தில் வெற்றி தோல்வி என்பது சகஜமான ஒன்று என்பதை இளம் தலைமுறையினர் உணர வேண்டும் என்று குறிப்பிட்டார்.

அரசியல் கட்சித் தலைவர்கள் அனைவரும் வாக்களிக்கக் கோரி மக்களிடம் சென்றது போலவே, தற்போது தங்கள் கட்சி இளம் தொண்டர்களுக்கு ஒரு முக்கியமான வேண்டுகோளை விடுக்க வேண்டும்.

தேர்தல் முடிவுகள் எப்படி இருந்தாலும், யாரும் எவ்விதமான தீவிரமான முடிவுகளையும் எடுக்கக்கூடாது என்பதைத் தலைவர்கள் அறிக்கையாக வெளியிட வேண்டும்.

தலைவர்கள் சொன்னால் மட்டுமே இளைஞர்கள் அதைக் கேட்பார்கள் என்பதால், இது அந்தந்தக் கட்சிகளின் சமூகப் பொறுப்பாகக் கருதப்படுகிறது.

ஆனால் தற்போது அக்கட்சித் தலைவர்களே கனவு உலகத்தில் திரைப்படமாயையில் வாழ்கிறார்கள்.

அதேபோன்று, பெரிய ரசிகர் பட்டாளத்தைக் கொண்டுள்ள சினிமா நடிகர்களும் தங்கள் ரசிகர்களுக்கும் குழந்தைகளுக்கும் இது குறித்து விழிப்புணர்வு ஏற்படுத்த வேண்டும்.

தேர்தல் முடிவுகளை எதிர்கொள்ளும் மனப்பக்குவத்தை இளைஞர்களிடம் உருவாக்கத் தவறினால் ஆபத்து.தற்மோது சிலரசிகவெறியர்கள்சமூகவலைதளங்களில் பகிரப்படும் சில பதிவுகளின் மூலம் அதிர்ச்சிகரமான சம்பவங்கள் நடக்க வாய்ப்புள்ளதாக விவரம் அறிந்தவர்கள் எச்சரிக்கின்றனர்

குறிப்பிட்ட ஒரு கட்சியை மட்டும் சுட்டிக்காட்டாமல், அனைத்துக் கட்சிகளிலும் தீவிரக் கொள்கைப் பற்றாளர்கள் இருப்பதைச் சுட்டிக்காட்டிய அவர், "நம்

கட்சிதான் வெற்றி பெறும்" என்ற கற்பனையில் இருப்பவர்கள் யதார்த்தத்தைப் புரிந்துகொள்ள வேண்டும் என்றார்.

பெரும் தலைவர்களே பலமுறை தோல்வியைத் தழுவிய வரலாற்றைச் சுட்டிக்காட்டி, தேர்தல் முடிவுகளை அமைதியான முறையில் எதிர்கொள்ளும் மனநிலையை உருவாக்க வேண்டியது அவசியம் என நீதிபதி கிருபாகரன் தனது உரையில் தெரிவித்துள்ளார்.