தூயசக்தியின் கொத்தடிமைகள்..?
🔹கூடங்குளம் அணுமின் நிலையத்தின் முக்கிய ஆவணங்கள் இணையத்தில் கசிவு. ரிலையன்ஸ் குழுமத்தின் சர்வரில் இருந்து ரகசியத் தரவுகள் திருடப்பட்டதால் அதிர்ச்சி.
🔹சுப்ரியா சாஹு, ஜெ.ராதாகிருஷ்ணன் உள்ளிட்ட ஐஏஎஸ் அதிகாரிகள் மாற்றம். உயர்கல்வித் துறை செயலாளராக தீரஜ் குமார், வனத்துறை செயலாளராக காகர்லா உஷா நியமனம்.
🔹 விஜய் தலைமையில் இன்று கூடுகிறது அமைச்சரவைக் கூட்டம். அரசின் முதல் பட்ஜெட் தொடர்பாக விவாதித்து ஒப்புதல் வழங்க வாய்ப்பு. 
🔹பாஜகவை இந்திய அரசியலில் இருந்து அகற்றுவதே ஒரே இலக்கு என மம்தா ஆவேசம். திரிணாமுல் காங்கிரஸ் கட்சியை மீண்டும் வலிமையாக கட்டியெழுப்ப உள்ளதாகவும் பேச்சு.
*💥 பாராசிட்டமால் மருந்து; தமிழக சுகாதாரத்துறை விளக்கம்.*
குழந்தைகளுக்கான மருந்துகளில் ஆல்கஹால் சரியான விகிதத்திலேயே உள்ளது.
பாராசிட்டமால் 60 மி.லி கொண்ட மருந்தில் 10% அதாவது 6 மி.லி அளவில் ஆல்கஹால் பயன்படுத்தப்படுகிறது.
95% ஆல்கஹால் என்பது ஆல்கஹாலின் தூய தன்மையை குறிப்பிடும் சொல், மக்களிடையே தவறான முறையில் வதந்திகளை பரப்ப வேண்டாம் - தமிழக சுகாதாரத்துறை விளக்கம்.
சேலம் மாவட்டம், ஆத்தூர் நகராட்சியில் தூய்மைப் பணியாளர்களை பணியமர்த்த ‘எஸ்.ஆர். என்டர்பிரைசஸ்’ என்ற தனியார் நிறுவனம், 100 ரூபாய் பத்திரத்தில் கையெழுத்து வாங்கி அவர்களை நவீனக் கொத்தடிமைகளாக மாற்றியுள்ளது.
பணியாளர்கள் அரசின் எந்த சலுகையையும் கேட்கக்கூடாது; இஎஸ்ஐ (ESI), பிஎஃப் (PF) போன்ற அடிப்படை உரிமைகளைக் கோரக்கூடாது எனப் பத்திரத்தில் நிபந்தனை விதிக்கப்படுகிறது.
பணி நிரந்தரம் கேட்டு எந்த சங்கமும் போராட்டம் நடத்தக்கூடாது; மீறினால் நிர்வாகம் எடுக்கும் முடிவிற்கு கட்டுப்பட்டு பணியை விட்டு விலக வேண்டும் எனத் தொழிலாளர்களின் அடிப்படை உரிமைகளைப் பறிக்கும் வகையில் ஒப்பந்தம் எழுதப்பட்டுள்ளது.
துப்புரவுப் பணியாளர்களின் உழைப்பைச் சுரண்டி, அவர்களைப் போராட விடாமல் தடுக்கும் இந்தத் தனியார் நிறுவனத்தின் அராஜகத்தை, ‘தூய சக்தி’ என்று பேசும் தவெக அரசு ஏன் வேடிக்கை பார்க்கிறது?
கேமரா முன் வேஷம் போடும் அதிகாரிகள் மற்றும் இந்த நிறுவனத்தின் மீது உடனடியாக விசாரணை நடத்தி, தொழிலாளர்களின் உரிமையை மீட்டெடுக்க வேண்டும்!
ஜனநாயக நாட்டில் தொழிலாளர்களைப் பத்திரத்தில் கையெழுத்து வாங்கி அடிமைப்படுத்தும் இந்த அவலத்தை மக்கள் ஒருபோதும் அனுமதிக்க மாட்டார்கள்!
உடனடியாக நடவடிக்கை எடுப்பீர்களா அல்லது இந்தத் துரோகத்தி ற்கு நீங்களும் உடந்தையா?
தூயசக்தியின் துணை சக்திகள் இடதுசாரிகள்,விசிக போன்ற நசுகப்பட்டவர் நலவாதிகள் யாருக்கு,எங்கே முட்டுகொடுத்துக்கொண்டு வாய்பேசாநிலையில் இருக்கிறார்கள்?
"ஆதிதிராவிடர்"
சொல் அகற்ற
அவசரம் வேண்டாம்.
ஆதிதிராவிடர் என்ற சொல்லை சத்தமே இல்லாமல் நீக்கி இருக்கிறது விஜய் அரசு. இதே செயல் தி.மு.க. ஆட்சியில் நடந்திருந்தால் நாடே ரணகளம் ஆகி இருக்கும்.
விஜய் ஆட்சியில் விஜய்யைப் போலவே நிரந்தர மவுன விரதம்
இருக்கிறார்கள் அவரது கூட்டணியினர்.
பட்டியலின சமூகத்தைச் சேர்ந்த எட்டுப் பேர் அமைச்சர்கள் ஆனது சாதனை அல்லவா? என்று தனது தோளில் தானே தட்டிக் கொள்கிறார் முதலமைச்சர் விஜய்.
இந்த எட்டுப் பேரும் பட்டியலின சமுதாயத்துக்காக என்ன செய்திருக்கிறார்கள்? என்பதையும் அவர் சேர்த்துச் சொல்லி இருக்க வேண்டும்.
60 நாட்களுக்குள் 8 ஆணவக் கொலைகள் நடந்துள்ளதையும் சாதனைப் பட்டியலில் சேர்த்துக் கொள்ளலாமா?
காலம் காலமாக இருந்த ‘ஆதிதிராவிடர்’ அடையாளச் சொல்லை திட்டமிட்டு நீக்கவேண்டிய அவசியம் என்ன வந்தது? நாடாளுமன்ற உறுப்பினர்
அமைச்சரவையில் ஆதிதிராவிடர் மற்றும் பழங்குடியினர் நலத்துறையின் அமைச்சராக விடுதலைச் சிறுத்தைகள் கட்சியைச் சேர்ந்த வன்னிஅரசு அவர்கள் அமைச்சராக இருக்கும் போது இது நடந்துள்ளது.
இதனை அவர் நியாயப்படுத்திப் பேசியும் இருக்கிறார்.
ஆதி திராவிடர் மற்றும் பழங்குடியினர் துறை என்ற அமைச்சகத்தின் பெயர் சமூகநீதித்துறை என மாற்றப்பட்டு இருக்கிறது. ஆதி திராவிடர் மற்றும் பழங்குடி யினர் நலத்துறை என்பதன் நோக்கம் வேறு.
அதனை சமூக நீதி என்ற சொல்லுக்குள் மட்டும் அடக்கி விடமுடியாது. சமூக நீதித் துறை என்று சொல்லிவிட்டால் அதனுள் பிற்படுத்தப்பட்டோர் வருவார்கள். மிகவும் பிற்படுத்தப்பட்டோர் வருவார்கள்.
இதை எல்லாம் விட்டு விட்டு ஆதி திராவிடர் மற்றும் பழங்குடியினர் துறைக்கு மட்டும் சமூகநீதித் துறை என்று பெயர் சூட்டி ஆதி திராவிடர் சொல்லை நீக்க வேண்டிய அவசியம் என்ன?
1922 மார்ச் 20 அன்று ஆதி திராவிடர் என்ற பெயர் மாற்றத்துக்கான உத்தரவு நீதிக்கட்சி ஆட்சியால் பிறப்பிக்கப்பட்டது.
அதுவரை தொழிலாளர் நலத்துறைக்குள் தான் ஆதிதிராவிடர் நலனும் அடங்கி இருந்தது. நீதிக்கட்சி ஆட்சியில்தான் தொழிலாளர் நலத்துறையில் இருந்து இது பிரிக்கப்பட்டது.
1969 ஆம் ஆண்டு முதல்முதலில் முதல்வர் ஆன கலைஞர் அவர்கள் தான் ஆதிதிராவிடர் நலத்துறையையும் பிற்படுத்தப்பட்டோர் நலத் துறையையும் தனித்துறையாக உருவாக்கினார்கள்.
பிற்படுத்தப் பட்டோர் நலனுக்கான சட்டநாதன் ஆணையத்தை அமைத்தார்கள். அந்தப் பரிந்துரைப்படி இடஒதுக்கீடு முறையை அமல்படுத்தினார் முதலமைச்சர் கலைஞர்.
இந்த வரலாறு ஏதும் தெரியாமல், அல்லது இந்த வரலாற்றை மறைக்கும் வகையில், திரிக்கும்
வகையில் ஆதிதிராவிடர் என்ற சொல் நீக்கப்பட்டுள்ளது.
‘‘1922 ஆம் ஆண்டு சென்னை மாகாணத்தை ஆண்டு கொண்டிருந்த நீதிக் கட்சி ஆட்சியின்போது ஒடுக்கப்பட்ட மக்களின் அன்றைய தலைவர் களாயிருந்த பெருந்தலைவர் எம்.சி.ராஜா, மாவீரன் இரட்டைமலை
சீனி வாசன் ஆகியோர் போராடிப் பெற்ற ‘சாதி கடந்த அடையாளம்’ அது.
அதற்குமுன் ஆதி திராவிடர் என்ற பெயரில் எந்தவொரு சாதியும் தமிழ்நாட்டில் இருந்ததில்லை.
20 ஆம் நூற்றாண்டின் முற்பகுதியில் ஒடுக்கப்பட்ட மக்களும் பிற்படுத்தப்பட்ட மக்களும் இந்தியாவின் பல்வேறு பகுதிகளிலும் தம்மை அமைப்பாகத் திரட்டிக்கொண்டு செயல்பட்டுள்ளனர்.
அவ்வாறு உருவான அமைப்புகளில் புராண அடையாளமோ, மத அடையாளமோ அற்ற ஒரு ‘சமயச் சார்பற்ற’ (secular ) வகையின மாக முன்வைக்கப்பட்டது ஆதி திராவிடர் என்பதே ஆகும்.
அதை முன்வைத்த தலைவர்களின் அரசியல் முதிர்ச்சியும், தொலைநோக்குப் பார்வையும் போற்றுதலுக்குரியவை.
அது இந்தியாவில் உள்ள ஒட்டுமொத்த எஸ்.சி., எஸ்.டி., ஓ.பி.சி. மக்களுக்குமான முன்னுதாரணம் ஆகும்.
ஆதி திராவிடர் என்ற சாதி கடந்த சமயச் சார்பற்ற அடையாளத்தை கொச்சை யாகப் புரிந்து கொள்பவர்கள்தாம் அதை மாற்ற வேண்டும் எனக் கோருகிறார்கள்.
அந்தக் கோரிக்கையை இந்த அரசு ஏற்றுக்கொண்டிருப்பது வேதனை அளிக்கிறது” என்று ரவிக்குமார் எம்.பி. எழுதி இருக்கிறார்.
திராவிடம் என்பது மொழிக் குடும்பத்துச் சொல்லாக மட்டுமே இருந்துவந்த நிலையில் அதனை அரசியல் சொல்லாக சமூகப் பயன்பாட்டுச் சொல்லாக மாற்றியது தலித் இயக்கங்களே!
இந்தக் கருத்தாக்கத்தின் முதற்கட்ட மூன்று தத்துவாசிரியர்களாகவும் செயற்பாட்டாளர்களாகவும் பண்டிதர் அயோத்தி தாசர் (1845--–1914),
இரட்டமலை சீனிவாசன் (1859-–1945), எம்.சி.இராஜா (1883-–1947) ஆகிய
மூவரையும் சொல்லலாம்.
1892 இல் உருவான ஆதிதிராவிட ஜனசபை என்ற அமைப்பு உருவானது. இதே காலக்கட்டத்தில் ஜான்ரத்தினம் முயற்சியால் ‘திராவிடர் கழகம்’ என்ற அமைப்பும் உருவானது.
1916 இல் உருவான ஆதிதிராவிட மகாஜனசபை, 1928 இல் உருவான அகில இந்திய ஆதிதிராவிட மகாஜனசபை ஆகிய
மூன்றும் மிக முக்கியமான அமைப்புகள்.
மிண்டோ மார்லி சீர்திருத்தக் குழுவுக்கு கொடுத்த வகுப்புரிமை விண்ணப்பத்தில் சாதி இந்துக்கள் என்பதை ஒரு பிரிவாகவும் சாதியற்ற
திராவிடர்கள் தாழ்த்தப்பட்ட வகுப்பினர் என்பதை மற்றொரு பிரிவாகவும்
பகுத்துக் காட்டினார் அயோத்திதாசர். (1909)
பார்ப்பனரல்லாதார் அரசியல் வெகுவாகப் பேசப்படத் தொடங்கிய பிறகு ஆதிதிராவிடர் என்ற சொல்லுக்கு அழுத்தம் கொடுத்தார் எம்.சி.இராஜா.
‘‘தமிழ் மாவட்டங்களில் ஆதிதிராவிடர் என்றும் தெலுங்கு மாவட்டங்களில் ஆதி ஆந்திரர் என்றும் இனிமேல் அழைக்க வேண்டும்” என்று சட்டமன்றத்தில் தீர்மானம் கொண்டு வந்தார் எம்.சி.இராஜா (1922) நீதிக்கட்சியின் ஆட்சியில்தான்
ஆதி திராவிடர் என்று அழைக்கும் சட்டம் நிறைவேற்றப்பட்டது.
1890களின் இறுதியில் 1900 ஆண்டுகளில் தொடக்கத்திலேயே
‘திராவிடன்’ என்பது அரசியல் சொல்லாக, சமூகச் சொல்லாக, இனச் சொல்லாக அரசியல், பண்பாட்டுத் தளத்தில் விதைக்கப்பட்டு விட்டது. அந்தச் சொல்தான் இப்போது நீக்கப்பட்டுள்ளது.
ஆதிதிராவிடர் என்ற சொல்லை நீக்கியதை ஆதரித்தும் சிலர் பதிவிட்டுவருகிறார்கள்.
எனவே இதில் அனைத்து தரப்பினரையும் உள்ளடக்கிய நீண்ட விவாதம் நடத்தியே முடிவெடுக்க வேண்டும்.
அரசு அவசரப்படக்கூடாது
