சர்வதிகாரி தேர்தல் ஆணையர்.?

🗞️ 2 தேர்தல் ஆணையர்கள் எதிர்ப்பை மீறி 14 முடிவுகளை தலைமைத் தேர்தல் ஆணையர் தன்னிச்சையாக எடுத்தது அம்பலம் - ஞானேஷ் குமாரை பதவி நீக்க எதிர்க்கட்சிகள் வலியுறுத்தல்🗞️ தலைமைத் தேர்தல் ஆணையர் ஞானேஷ்குமாரை பதவி நீக்கம் செய்ய திமுக தலைவர் மு.க.ஸ்டாலின் வலியுறுத்தல்; SIRக்கு பின் நடைபெற்ற அனைத்து தேர்தல் முடிவுகளும் கேள்விக்குறியாகி இருப்பதாகக் குற்றச்சாட்டு🗞️ ஜெம் கிரானைட் தொழிலதிபர் வீரமணி தொடர்புடைய 3 இடங்களில் நள்ளிரவு வரை சோதனை - செல்போன்கள், டிஜிட்டல் ஆவணங்கள் உள்ளிட்டவை சிக்கின🗞️ மதுரை திருமங்கலம் சுற்றுவட்டார கிராமங்களில் தொடரும் அறிவிக்கப்படாத மின்வெட்டு - மெழுகுவர்த்தி வெளிச்சத்தில் படிக்கும்  மாணவர்கள் வேதனை🗞️ கச்சா சோயாபீன், பாமாயில் எண்ணெய்க்கான அடிப்படை சுங்க வரி குறைத்தது ஒன்றிய அரசு - சமையல் எண்ணெய் விலையை குறைக்கும் வகையில் நடவடிக்கை🗞️ அமெரிக்காவிடம் சரணடையும் பேச்சிற்கே இடமில்லை என ஐ.நா. சபையில் ஈரான் அதிபர் பெசஸ்கியான் திட்டவட்டம் - டிரம்ப் நடவடிக்கைகளையும் கடுமையாக விமர்சித்ததால் கூட்டத்திலிருந்து வெளியேறிய அமெரிக்க பிரதிநிதி🗞️ தாராபுரம் தவெக வேட்பாளர் சத்தியபாமாவிற்கு செல்லும் இடமெல்லாம் மக்கள் எதிர்ப்பு - விலைவாசி உயர்வு, குடிநீர் தட்டுப்பாடு உள்ளிட்ட பல்வேறு பிரச்சினைகளை எழுப்பி விரட்டியடிப்பு10 மாதங்கள்,

14 குறிப்புகள்: பதிவான ஆட்சேபனைகள்.

தேர்தல் ஆணையர்கள் மோதல்.!

தேர்தல் ஆணையர்கள் சுக்பீர் சிங் சந்து மற்றும் விவேக் ஜோஷி ஆகியோர் பதிவு செய்த 14 குறிப்புகளில் 5, தலைமைத் தேர்தல் ஆணையருக்கும் அனுப்பப்பட்டுள்ளன.

1. அக்டோபர் 28, 2025 — சந்து:
தேர்தல் ஆணையத்தின் ஒப்புதல் இல்லாமல், தேர்தல் ஆணையத்தின் பெயரில் கடிதங்கள் மற்றும் உத்தரவுகள் பிறப்பிக்கப்படுகின்றன.

2. ஏப்ரல் 16, 2026 — சந்து:
புதிய தகவல் தொழில்நுட்ப (IT) தொகுதிகள் மற்றும் இணையதளங்கள் குறித்து ஊடகங்கள் வாயிலாகத் தெரிந்துகொள்ள வேண்டிய நிலை உள்ளது.

3. ஏப்ரல் 16 — சந்து:
தேர்தல் ஆணையத்தின் ஒப்புதல் இல்லாமல் அதிகாரப்பூர்வ தகவல் தொடர்புகள் வெளியிடப்படுகின்றன.

4. ஏப்ரல் 16 — ஜோஷி:
ஒரு ஆண்டுக்கும் மேலாக, தேர்தல் ஆணையக் கூட்டங்களுக்கு முன் நிகழ்ச்சி நிரலும், கூட்டத்திற்குப் பிறகு கூட்டக் குறிப்புகளும் தமக்கு வழங்கப்படவில்லை.

5. ஏப்ரல் 16 — ஜோஷி:
தேர்தல் ஆணையத்தின் ஒப்புதல் இல்லாமல் அதிகாரிகள் வெளிநாட்டுப் பயணங்களை மேற்கொள்கின்றனர்.

6. ஏப்ரல் 24 — ஜோஷி:
தேர்தல் ஆணையத்தின் ஒப்புதல் இல்லாமல் அதிகாரப்பூர்வ தகவல் தொடர்புகள் வெளியிடப்படுவதை மீண்டும் சுட்டிக்காட்டுகிறார்.

7. மே 16 — ஜோஷி:
அரசின் ஒப்புதல் இல்லாமல் புதிய வாக்காளர்களுக்கான படிவம் 6-ல் மாற்றம் செய்யக்கூடாது எனத் தெரிவிக்கிறார். இதற்கு சந்து மே 19 அன்று உடன்படுகிறார்.

8. மே 29 — ஜோஷி:
தேர்தல் வாக்காளர் பட்டியல் தரவுத்தளம் மையப்படுத்தப்படுவதாகவும், அதற்கு தணிக்கை தேவை என்றும் எச்சரிக்கிறார். இதை சந்து ஜூலை 13 அன்று ஆதரிக்கிறார்

.

9. ஜூலை 29 — அமைச்சரவைச் செயலருக்கு ஜோஷி:
தேர்தல் ஆணையத்தின் அறிவு அல்லது அனுமதி இல்லாமல் அதிகாரப்பூர்வமாக பணிகள் மறுபகிர்வு செய்யப்பட்டுள்ளன.

10. ஜூலை 29 — அமைச்சரவைச் செயலருக்கு சந்து:
பணிப் பொறுப்பு ஒதுக்கீடு தொடர்பான பிரச்சினையை மீண்டும் சுட்டிக்காட்டி, சம்பந்தப்பட்ட அதிகாரி மீது நடவடிக்கை எடுக்கக் கோருகிறார்.

11. ஜூலை 30:
புதிய பணிப் பொறுப்பு ஒதுக்கீட்டு உத்தரவை ஜோஷியும் சந்துவும் ரத்து செய்கின்றனர்.

12. ஆகஸ்ட் 12 — சந்து:
தேர்தல் ஆணையத்தின் சார்பில் மேல்முறையீடுகளை மேற்கொள்ள மேற்கு வங்கத்தின் தீர்ப்பாயங்களில் யார் அதிகாரம் வழங்கியது?

13. ஆகஸ்ட் 13 — சந்து:
படிவம் 6-ல் மேற்கொள்ளப்பட்ட மாற்றம் ‘அங்கீகாரமற்றதும் சட்டவிரோதமானதும்’ எனக் குறிப்பிடுகிறார்.

14. ஆகஸ்ட் 14 — சந்து:
களப்பணியில் உள்ள அதிகாரிகளால் ECI Net அமைப்பை அணுக முடியவில்லை. அதைத் தடுக்கும் அதிகாரம் தலைமை இயக்குநர் (IT)-க்கு இல்லை.

இந்தியத் தேர்தல் ஆணையம் பதில் தனது பதிலில் தேர்தல் ஆணையம், எந்தவொரு அமைப்பிலும் ஒரு முடிவு எடுக்கும்போது “வேறுபட்ட கருத்துக்களும், கருத்து வேறுபாடுகளும், எழுவது இயல்பான ஒன்று தான்.

ஒரு இறுதி முடிவு எடுக்கப்படுவதற்கு முன்பு, அவை முடிவெடுக்கும் செயன்முறையின் ஒரு அங்கமாக இருக்கின்றன. மூன்று ஆணையர்கள் மட்டுமன்றி, தேர்தல் முறையை மேம்படுத்துவதற்காக ஆணையத்தின் ஒவ்வொரு அதிகாரியும் தனது ஆலோசனைகளை ஆணையத்திற்கு வழங்க முழு அதிகாரம் பெற்றுள்ளனர்” என்று கூறியுள்ளது.

இந்தியன் எக்ஸ்பிரஸ் புலனாய்வு

தேர்தல் ஆணையர்களான சுக்பீர் சிங் சாந்து மற்றும் விவேக் ஜோஷி ஆகியோர், தங்களை இருட்டில் வைத்திருப்பது, புதிய வாக்காளர்களைச் சேர்ப்பது மற்றும் பெயர்களை நீக்குவது குறித்து அதிகாரப்பூர்வமாகப் புகார் அளித்துள்ளதை எக்ஸ்பிரஸ் புலனாய்வு அறிக்கை கண்டறிந்துள்ளது.

புதிய வாக்காளர்கள் தொடர்பாக எடுக்கப்பட்ட நடவடிக்கைகளை அவர்கள் 'அதிகாரப்பூர்வமற்றவை மற்றும் சட்டவிரோதமானவை' என்று குறிப்பிட்டனர்.

மேலும், மாநில அதிகாரிகளை புறக்கணிக்கும் வகையில் வாக்காளர் தரவுத்தளத்தின் அணுகல் டெல்லியில் 'மையப்படுத்தப்படுவதற்கு' எதிராகவும் அவர்கள் எச்சரித்தனர்.

வாக்காளர் மென்பொருளின் நம்பகத்தன்மை குறித்த கவலைகள் எழுந்ததையடுத்து, கருத்து வேறுபாடு கொண்ட இந்த ஆணையர்கள் மத்திய அமைச்சரவைச் செயலாளரின் (Cabinet Secretary) கதவைக் கூடத் தட்டினர்.

இது தேர்தல் ஆணையத்திற்குள் முன்னெப்போதும் இல்லாத ஒரு விரிசலைக் குறிப்பதோடு, அதன் செயல்பாடுகளின் மீதும் ஒரு சந்தேக நிழலை ஏற்படுத்தியுள்ளது.

தலைமைத் தேர்தல் ஆணையர் ஞானேஷ் குமார் தன்னிச்சையாகவும் ரகசியமாகவும் செயல்பட்டு தேர்தல் ஆணையத்தின் நம்பகத்தன்மையையே சீர்குலைத்துவிட்டார் என்றும், அவர் உடனடியாகப் பதவி நீக்கம் செய்யப்பட வேண்டும் என்றும் முன்னாள் முதலமைச்சரும் தி.மு.க தலைவருமான மு.க.ஸ்டாலின் வலியுறுத்தியுள்ளார்.   

இது தொடர்பாக ‘தி இந்தியன் எக்ஸ்பிரஸ்’ நாளேட்டில் வெளியான புலனாய்வுச் செய்தியைப் பகிர்ந்து அவர் வெளியிட்டுள்ள அறிக்கையில், “சிறப்புத் தீவிர திருத்தம் (எஸ்.ஐ.ஆர்) என்ற பெயரில் வாக்காளர் பட்டியலில் இருந்து கோடிக்கணக்கான மக்களின் பெயர்களை நீக்கும் முடிவுக்கு தி.மு.க உள்ளிட்ட எதிர்க்கட்சிகள் தொடர்ந்து எதிர்ப்பு தெரிவித்து வந்தன.

ஒவ்வொரு மாநிலத்திலும் தேர்தலுக்குச் சில மாதங்களுக்கு முன்பு அவசர கதியில் நடத்தப்பட்ட இந்தப் பணியில் பல குளறுபடிகள் நடந்தன.

இதனால் மேற்கு வங்கம் உள்ளிட்ட மாநிலங்கள் போர்க்களமாக மாறின.” என்று சுட்டிக்காட்டியுள்ளார். 

மேலும், “இந்தியன் எக்ஸ்பிரஸ் நாளேட்டில் அடுக்கடுக்கான ஆதாரங்களுடன் வெளியாகியுள்ள செய்தி, எஸ்.ஐ.ஆர்-க்குப் பின்பு நடந்த அனைத்துச் சட்டமன்றத் தேர்தல் முடிவுகளையும் கேள்விக்குள்ளாக்கி உள்ளது. தலைமைத் தேர்தல் ஆணையர் ஞானேஷ் குமார், மற்ற இரு தேர்தல் ஆணையர்களான சுக்பிர் சிங் சந்து மற்றும் விவேக் ஜோஷி ஆகியோரின் ஒப்புதல் இல்லாமல் தன்னந்தனியாக, இரகசியமாகச் செயல்பட்டு வந்தது அம்பலமாகியுள்ளது.  

தேர்தல் கமிஷனில் என்ன நடக்கிறது என்பதே தெரியாமல் தங்களை மறைத்து முடிவுகள் எடுக்கப்பட்டது குறித்து, கடந்த 10 மாதங்களில் 14 முறை அவர்கள் ஆட்சேபணை தெரிவித்தும் புறக்கணிக்கப்பட்டுள்ளனர். இது தேர்தல் ஆணையம் மீதான நம்பகத்தன்மையையே முற்றிலுமாகச் சீர்குலைத்துள்ளது.” என்று தி.மு.க தலைவர் முக.ஸ்டாலின் தெரிவித்துள்ளார்.

இந்தியத் தேர்தல் ஆணையத்தின் தலைமைத் தேர்தல் ஆணையர் ஞானேஷ் குமாரைக் கைது செய்ய வேண்டும் என்று டெல்லி முன்னாள் முதலமைச்சர் அரவிந்த் கேஜ்ரிவால் வலியுறுத்தியுள்ளார்.

தேர்தல் ஆணையத்தின் மூன்று ஆணையர்களில் இருவர், தங்களை இருட்டில் வைத்துவிட்டதாகவும், புதிய வாக்காளர்களைச் சேர்ப்பது மற்றும் பெயர்களை நீக்குவது குறித்து தங்களுக்குத் தெரிவிக்கப்படவில்லை .

என்றும் குற்றம்சாட்டியதாக 'தி இந்தியன் எக்ஸ்பிரஸ்' வெளியிட்ட புலனாய்வுச் செய்தியைத் தொடர்ந்து, செய்தியாளர் சந்திப்பில் பேசிய கேஜ்ரிவால், "ஞானேஷ் குமார் இந்தியத் தேர்தல் ஆணையத்தை தன்னிச்சையாக தனியாளாக நடத்தி வந்தார்" என்று கூறினார்.

ஷேர்-இ-காஷ்மீர் சர்வதேச மாநாட்டு மையத்தில் செய்தியாளர்களிடம் பேசிய உமர் அப்துல்லா, "முதலில், 'தி இந்தியன் எக்ஸ்பிரஸ்' நாளிதழுக்கு எனது பாராட்டுக்களைத் தெரிவித்துக் கொள்கிறேன். இது ஒரு மிகச்சிறந்த புலனாய்வுச் செய்தி அறிக்கையாகும். ஒரு செய்தியின் உண்மையை முழுமையாகத் தோண்டித் துருவி அறிய முயற்சித்தால், அது சாத்தியமற்றது அல்ல என்பதை இது காட்டுகிறது" என்று கூறினார்.

தொடர்ந்து பேசிய அவர், "இந்தச் செய்தி பல கேள்விகளை எழுப்புகிறது. தேர்தல் ஆணையம் செயல்படும் விதம் குறித்து நமக்குத் தொடர்ந்து புகார்கள் இருந்து வருகின்றன. நாட்டின் பிற பகுதிகளுக்கு 'எஸ்.ஐ.ஆர்' (SIR) பிரச்சனை ஆவதற்கு முன்பே, எங்களுக்கு தொகுதி மறுவரையறை (delimitation) ஒரு பிரச்சனையாக இருந்தது.

அந்த செயல்முறை வெளிப்படைத்தன்மையற்றதாகவும், குறைபாடுகள் நிறைந்ததாகவும், ஒரு குறிப்பிட்ட அரசியல் கட்சிக்கும் அதன் நண்பர்களுக்கும் பயனளிக்கும் வகையிலும் வடிவமைக்கப்பட்டதாக நாங்கள் நம்பினோம். தேர்தல் ஆணையத்திற்குள் இருக்கும் உட்கட்சிப் பூசல்கள் மற்றும் முரண்பாடுகளைச் சுட்டிக்காட்டும் வகையில் தற்போது வெளியாகியுள்ள தகவல்கள், நிச்சயமாக ஏதோ தவறு நடக்கிறது என்பதை உணர்த்துகின்றன.

மேலும், இது தொடர்பாக தேர்தல் ஆணையம் வெளியிட்டுள்ள அறிக்கை இன்னும் மோசமானதாக உள்ளது" என்று தெரிவித்தார்.