எப்­படி எதிர்ப்­பார் பா.ஜ.க.வை?

 ஊழலை மூடி மறைக்க முயன்ற விஜய்  உயர் நீதிமன்றம் சவுக்கடி: திமுக

அரசு வழக்கறிஞர்கள் நியமன விவகாரம்

அரசு வழக்கறிஞர்கள் நியமன ஊழல் தொடர்பான வழக்கில் தவெக அரசை சென்னை உயர் நீதிமன்ற மதுரைக் கிளை நன்றாய் வெளுத்துள்ளது. ஊழலை மூடி மறைக்க முயன்ற விஜய் சர்க்காருக்கு உயர் நீதிமன்றம் சவுக்கடி கொடுத்துள்ளது” என்று திமுக அமைப்புச் செயலாளர் ஆர்.எஸ்.பாரதி கூறியுள்ளார்.

இது குறித்து அவர் இன்று வெளியிட்டுள்ள அறிக்கையில், “ஊழலை ஒழிக்கும் உத்தம ஆட்சி போல வேடம் போட்ட தவெக அரசின் முகத்திரையை கிழித்து தொங்கவிட்டுள்ளது நீதிமன்றம்.

ஆட்சிக்கு வந்தவுடனே அரசு வழக்கறிஞர் நியமனத்தில் பார்ட்டி ஃபண்ட் வசூல் செய்ய தொடங்கிவிட்டது தவெக அரசு என பல புகார்கள் எழுந்தன. அரசு வழக்கறிஞர் நியமனத்தில் 5 லட்சம் முதல் 30 லட்சம் வரை வசூலித்ததாக தவெகவை சேர்ந்த வழக்கறிஞர் ஞானசுந்தரி என்பவரே சென்னை உயர் நீதிமன்றத்தில் வழக்கு தொடுத்தார்.

இந்த ஊழல் தொடர்பாக தமிழக லஞ்ச ஒழிப்பு துறை விசாரிக்க வேண்டும் என திமுக துணை அமைப்புச் செயலாளர் ப. தாயகம் கவி தமிழக லஞ்ச ஒழிப்பு மற்றும் கண்காணிப்புத் துறை (DVAC)-இல் புகார் அளித்தார். ஆனால், ஊழலை ஒழிக்க வந்த உத்தமர்கள் செய்தது என்ன? புகார் அளித்த அந்த வழக்கறிஞரை கட்சியை விட்டு நீக்கிவிட்டு வழக்கை மூடி மறைக்க பார்த்தனர்.

சமீபத்தில் கன்னியாகுமரி மாவட்டத்தில் அரசு வழக்கறிஞர்கள் நியமனங்களுக்கு 15 லட்சம் ரூபாய் வரை லஞ்ச பேரம் நடத்திய தவெக நிர்வாகி அனீஸ் என்பவரது அதிர்ச்சி ஆடியோ வெளியானது. அது தொடர்பாக ஜெகன் ராஜ் என்பவர் தொடர்ந்த வழக்கில் சென்னை உயர் நீதிமன்ற மதுரைக் கிளை தவெக அரசை நன்றாய் வெளுத்துள்ளது.

“லஞ்சம் கொடுத்து வழக்கறிஞர்களாக வர வேண்டுமா?” என்றும், “இவர்கள் நாட்டை காப்பாற்றுவார்களா அல்லது சட்டத்தைப் பாதுகாப்பார்களா?” என்று கேள்வி எழுப்பி உடனடியாக இப்புகார் மீது தமிழ்நாடு லஞ்ச ஒழிப்பு துறை விசாரணை நடத்த வேண்டும் என உத்தரவிட்டுள்ளது நீதிமன்றம்.

அதோடு “அரசு வழக்கறிஞர் நியமன ஊழல் தொடர்பாக லஞ்ச ஒழிப்புத் துறைக்கு முன்கூட்டியே புகார் அனுப்பப்பட்டும், அவர்கள் ஏன் இன்னும் விசாரணையைத் தொடங்கவில்லை? புகார் வந்தால் விசாரிக்க மாட்டீர்களா? லஞ்சம் தொடர்பான ஆடியோ ஆதாரங்கள் இருந்தும் ஏன் இன்னும் வழக்குப்பதிவு செய்து விசாரணை நடத்தவில்லை?” என்றெல்லாம் லஞ்ச ஒழிப்புத் துறையின் மந்தமான செயல்பாட்டை நீதிமன்றம் நேரடியாகச் சாடியிருக்கிறது. ஊழலை மூடி மறைக்க முயன்ற விஜய் சர்க்காருக்கு உயர் நீதிமன்றம் சவுக்கடி கொடுத்துள்ளது.

இந்த அரசு வழக்கறிஞர் நியமன ஊழல் மூலம் பல கோடி ரூபாய் வரை லஞ்சம் பெறப்பட்டதாக செய்திகள் வருகின்றன. இந்த பல கோடி ரூபாய், தவெக பார்ட்டி ஃபண்டுக்கு வசூலிக்கபட்டதா? அதுபற்றி விசாரிக்குமா தமிழ்நாடு லஞ்ச ஒழிப்புத் துறை. இதற்கு பொறுப்பான சட்டத் துறை அமைச்சர் வீட்டில் சோதனை செய்யுமா லஞ்ச ஒழிப்பு துறை?

தூயசக்தி என கொடுத்து வந்த பில்டப்பை காப்பாற்ற லஞ்ச ஒழிப்புத் துறையை தவெகவின் கிளை அமைப்பாக பயன்படுத்தி வந்தனர். ஆனால், இன்று உயர் நீதிமன்ற மதுரைக் கிளை தூய சக்தியின் லட்சணத்தை தோலுரித்து காட்டியிருக்கிறது. இவர்கள் தூய சக்தியல்ல, தவெக ஒரு திருட்டு சக்தி என்பது வெளிப்பட்டுள்ளது.

ஆர்எஸ்எஸ் நிர்மல் குமார் தேவையின்றி டேக் டைவர்ஷன் அரசியல் செய்தது எல்லாம் இந்த மெகா ஊழலை மறைக்கத்தானா? எந்த கேள்விக்கும் பதில் சொல்லாமல் அவதூறுகளை அள்ளிக்கொட்டி மக்களை மடைமாற்றும் அமைச்சர் நிர்மல் குமாரிடம் நீதிமன்றம் கேட்கும் கேள்விகளுக்கு பதில் உண்டா?

உத்தமர் வேடம் போட்ட விஜய் சார் எங்கே போனார்? ஏன் அவர் அரசு வழக்கறிஞர் நியமன ஊழலை பற்றி புகார் வந்தவுடன் விசாரிக்கவில்லை? திமுக சார்பில் அளிக்கப்பட்ட புகாரை இனியாவது லஞ்ச ஒழிப்புத் துறை விசாரிக்குமா? இல்லை அதற்கும் நீதிமன்றம் உத்தரவிடும் வரை காத்திருக்க போகிறீர்களா?

டேபிளில் ஃபைல் உள்ளது என கதை விட்டீர்களே. ஆனால் உண்மையில் நீதிமன்றத்தின் டேபிளில் தான் தவெக வினர் செய்துள்ள ஊழல் ஃபைல்கள் உள்ளன. அதில் ஒன்றை நீதிமன்றம் தற்போது ஓபன் செய்துள்ளது. விரைவிலே தவெக அரசின் ஊழல்கள் ஒவ்வொன்றாய் வெளிவரும்.

கள்வன் கையில் வீட்டு சாவியை கொடுத்த கதையாய் தற்போது தமிழகம் தவெக கையில் மாட்டியுள்ளது. விரைவில் இந்த அயோக்கிய கூட்டத்துக்கு தமிழக மக்கள் தக்க பாடம் புகட்டுவார்கள்” என்று அவர் தெரிவித்துள்ளார்.எப்­படி எதிர்ப்­பார் பா.ஜ.க.வை?

டெல்­லி­யில் இருக்­கும் தி.மு.க. தான் பா.ஜ.க.வாம். தமிழ்­நாட்­டில் இருக்­கும் பா.ஜ.க. தான் தி.மு.க.வாம். 

இப்­படி கண்­டு­பி­டித்­தி­ருக்­கி­றார்  விஜய். மண்­ட­பத்­தில் யாரோ எழு­திக் கொடுத்­ததை அதன் அர்த்­தம் புரி­யா­மல் உள­று­வது என்­பது இது­தான்.

விஜய் பேசி இருப்­பது ‘துக்­ளக்’ குரு­மூர்த்­திக்கே பொறுக்கவில்லை. 

தலை­யில் ‘நங்­கென்று’ கொட்­டி­விட்­டார் குரு­மூர்த்தி. ‘விஜய் இப்­படி பேசி இருப்­பது அவ­ரது துளி­யும் அர­சி­யல் புரி­த­லற்ற தன்­மை­யையே வெளிப்­படுத்தி இருக்­கி­றது. 

எழு­திக் கொடுத்­ததை மனப்­பா­டம் செய்து கொண்டு வந்து பேசு­வ­தா­னா­லும் கூட, ஸ்கிரிப்­டைப் படித்­துப் பார்க்­கும் போது, ‘இது அபத்­த­மாக இருக்­கி­றதே, கேட்­ப­வர்­கள் நகைக்க மாட்­டார்­களா?’ என்று முதல்­வ­ருக்­குத் தோன்­றா­மல் போனது அவ­ரது அர­சி­யல் அஞ்­ஞா­னத்­தையே காட்­டு­கி­றது. 

சித்­தாந்த ரீதி­யாக நேர் எதி­ரெ­திர் நிலை­யில் இருக்­கும் இரு கட்­சி­களை எப்­படி ஒரே தட்­டில் வைக்க முடி­யும்?” என்று குரூ­மூர்த்­தியே எழுதி விட்­டார்.

பா.ஜ.க.வைப் பற்றி பேசு­வ­தற்கு முது­கெ­லும்பு உண்டா விஜய்க்கு? இத்­தனை பொதுக்­கூட்­டங்­கள் பேசி இருக்­கி­றாரே! இதில் எத்­தனை கூட்­டத்­தில் பா.ஜ.க.வுக்கு எதி­ரா­கப் பேசி இருக்­கி­றார்? 

‘அவங்க பாசி­சம் என்­றால், இவங்க என்ன பாயா­சமா?’ என்று கேட்­டது கூட தி.மு.க. மீதான விமர்­ச­னமே தவிர, பா.ஜ.க. மீதான விமர்­ச­னம் அல்ல. பாசி­சத்தை இது வரை எதிர்க்­கா­மல், பம்­மிக் கொண்டு கிடப்­ப­வர் தான் விஜய். இவ­ருக்கு தி.மு.க.வின் பா.ஜ.க. எதிர்ப்­பைக் கேள்வி கேட்க எந்த அரு­க­தை­யும் இல்லை.

தமிழ்­நாடு சட்­ட­மன்­றத்­தில் பா.ஜ.க.வைப் பற்­றியோ மோடி­யைப் பற்­றியோ யார் பேசி­னா­லும் நீக்­கப்­ப­டு­கி­றது த.வெ.க. ஆட்­சி­யில். மற்­ற­வர்­கள் அல்ல, விடு­த­லைச் சிறுத்­தை­கள் கட்­சி­யைச் சேர்ந்த அமைச்­சர் வன்­னி ­அ­ரசு, பா.ஜ.க. குறித்து பேசி­யதை நீக்­கு­கி­றார் சபா­நா­ய­கர். 

அமைச்­சர் பேசு­வ­தையே நீக்­கும் அள­வுக்கு தான் இவர்­க­ளது பா.ஜ.க. பாசம் உள்­ளது.

விஜய் அம்­மாவை விமர்­சித்­துப் பேசி­யது பா.ஜ.க. மாநி­லத் தலை­வர் நயி­னார் நாகேந்­தி­ரன். அவ­ரைக் கண்­டிக்­கக் கூட முது­கெ­லும்பு இல்­லா­த­வர் தான் விஜய். அதை­யும் தி.மு.க. சொன்­ன­தாக மடை மாற்­றி­னார் விஜய்.

விஜய் முத­ல­மைச்­ச­ராக காங்­கி­ரஸ் கட்சி தனது ஐந்து உறுப்­பி­னர் ஆத­ர­வைக் கொடுத்­துள்­ளது. அதற்­குப் பதி­லாக இரண்டு அமைச்­சர் பத­வி­களை காங்­கி­ரஸ் கட்சி பெற்­றுள்­ளது. உட­ன­டி­யாக த.வெ.க. கூட்­ட­ணி­யில் போய் சேர்ந்து விட்­டது காங்­கி­ரஸ்.

 இந்­நி­லை­யில் விஜய்யை ‘இந்­தியா’ கூட்­ட­ணிக்­குள் கொண்டு போய் சேர்க்க காங்­கி­ரஸ் கட்சி எவ்­வ­ளவோ முயன்று பார்த்­தது முடி­ய­வில்லை. ‘இந்­தியா’ கூட்­ட­ணி­யில் சேர்ந்து மோடி – அமித்­ஷாவை எதிர்க்க விஜய் என்ன மாவீ­ரனா? உஷார் பார்ட்­டி­யான விஜய், ‘இந்­தியா’ கூட்­ட­ணிக்­குள் வரவே இல்லை.

கேரள மாநி­லத்­தில் காங்­கி­ரஸ் கட்சி ஆட்சி அமைக்­கும் தினத்­தன்று வரு­வ­தா­கச் சொன்ன விஜய் வர­வில்லை. டெல்­லி­யில் நடந்த ‘இந்­தியா’ கூட்­ட­ணிக் கூட்­டத்­துக்கு வரு­வ­தா­கச் சொன்ன விஜய் வர­வில்லை.

 ராகுல்­காந்­தி­யை­யும் விஜய்­யை­யும் ஒரே மேடை­யில் ஏற்றி தனது புத்­த­கத்தை வெளி­யிட திட்­ட­மிட்­டார் வைகோ. அதற்­கும் செல்­ல­வில்லை விஜய்.

‘விஜய் வந்­தால் கூட்­டத்தை கட்­டுப்­ப­டுத்த முடி­யாது, அத­னால் அவரை வர­வேண்­டாம் என்று சொல்­லி­விட்­டோம்’ என்­றார் வைகோ. மது­ரை­யில் பேரி­காட் அடிப்­ப­தைப் போல டெல்­லி­யில் பத்து கோடி செல­வ­ழித்து பேரி­காட் அடிக்க வேண்­டி­யது தானே? இதெல்­லாம் ஒரு கார­ணமா? உண்­மை­யான கார­ணம், ராகுல்­காந்­தி­யு­டன், ‘இந்­தியா’ கூட்­ட­ணிக்

கட்­சித் தலை­வர்­க­ளு­டன் மேடை ஏறி­வி­டக் கூடாது என்­பது தான்.

ஆட்­சிக்கு வரு­வ­தற்கு முன்பு மட்­டு­மல்ல, ஆட்­சிக்கு வந்த பிற­கும் பா.ஜ.க.வின் எந்த அர­சி­ய­லை­யும் விஜய் எதிர்க்க வில்லை. அவ­ரும் பேச­வில்லை. அவ­ரால் நிய­மிக்­கப்­பட்­டுள்ள வாய்­வீ­ரர்­க­ளை­யும் பேச விடு­வ­தும் இல்லை.

இரண்டு நாட்­க­ளுக்கு முன்பு கூட இந்­தி­யத் தேர்­தல் ஆணை­யர் ஞானேஷ்­கு­மார் விவ­கா­ரத்­தில் த.வெ.க. நிலைப்­பாடு மிக­மிக மோச­மாக இருந்­தது. ‘

ஞானேஷ்­கு­மாரை பதவி வில­கச் சொல்­வது திசை திருப்­பும் அர­சி­யல் ஆகும்’ என்று சொல்லி இருக்­கி­றார் த.வெ.க. அமைச்­சர் ராஜ்­கு­மார். ஞானேஷ்­கு­மார் செய்த மோச­டித்­த­னங்­களை அவ­ரு­டன் இருக்­கும் இரண்டு தேர்­தல் ஆணை­யர்­களே அம்­ப­லப்­ப­டுத்தி இருக்­கி­றார்­கள்.

பா.ஜ.க. நீங்­க­லாக இந்­தி­யா­வில் உள்ள அனைத்து அர­சி­யல் கட்­சி­க­ளும் ஞானேஷ்­கு­மார் பதவி விலக வேண்­டும் என்று சொல்லி இருக்­கின்­றன. ஞானேஷ்­கு­மார் கைது செய்­யப்­பட வேண்­டும் என்றே கோரிக்கை வந்­துள்­ளது.

விஜய்யை இங்கு ஆத­ரிக்­கும் காங்­கி­ரஸ் கட்­சி­யும், விடு­த­லைச் சிறுத்­தை­க­ளும், வைகோ­வும் கூட ஞானேஷ்­கு­மா­ரைக் கண்­டித்­துள்­ளார்­கள். ஆனால் இதை திசை­தி­ருப்­பும் அர­சி­யல் என்று த.வெ.க. சொல்­கிறது என்­றால் பச்­சைப் பாசி­ச­மாக இருப்­ப­வர் விஜய் தானே?

வாங்­கிய சம்­ப­ளத்தை மறைத்த வழக்­கு­கள் இருக்­கி­றது. 

எப்­படி எதிர்ப்­பார் பா.ஜ.க.வை? வரு­மான வரி வழக்­கு­கள் இருக்­கி­றது. எப்­படி எதிர்ப்­பார் பா.ஜ.க.வை?

கரூ­ரில் 41 பேர் கொலை­யான வழக்கை சி.பி.ஐ. விசா­ரித்து வரு­கி­றது. 

எப்­படி எதிர்ப்­பார் பா.ஜ.க.வை? குதிரை பேரம் நடத்­தி­ய­தற்­கான புகார்­கள் ஆளு­ந­ரின் முன்­னால் இருக்­கி­றது. எப்­படி எதிர்ப்­பார் பா.ஜ.க.வை?

குதிரை பேரம் நடத்­தி­யது தொடர்­பான வழக்­கு­கள் உச்­ச­நீ­தி­மன்­றத்­தில் இருக்­கி­றது. எப்­படி எதிர்ப்­பார் பா.ஜ.க.வை? இவை எல்­லாம் ஒழுங்­காக முறை­யாக நடத்­தப்­பட்­டால் விஜய் பத­வி­யி­லேயே இருக்க முடி­யாது.

எப்­படி எதிர்ப்­பார் பா.ஜ.க.வை?