இதுதான் சுயசார்பு ?
🗞️ தென்னிந்திய பகுதிகளில் இன்று தொடங்குகிறது வடகிழக்குப் பருவமழை. சராசரியை விட கூடுதல் மழைப்பொழிவு இருக்கும் என வானில் ஆய்வாளர்கள் கணிப்பு.
🗞️ தேனி, கோவை, நீலகிரி, விருதுநகர் மாவட்டங்களில் இன்று ஆரஞ்சு எச்சரிக்கை. செங்கல்பட்டு, காஞ்சிபுரம் உள்ளிட்ட 15 மாவட்டங்களில் கனமழை பெய்யக்கூடும் என்றும் கணிப்பு.
🗞️ மேட்டூர் அணையில் இருந்து டெல்டா பாசனத்திற்கான நீர்திறப்பு இன்றோடு நிறுத்தம் என தகவல். தவெக அரசு தங்களை கைவிட்டு விட்டதாக சம்பா சாகுபடி செய்த விவசாயிகள் கண்ணீர்.
🗞️ ஆயுத பூஜை தொடர் விடுமுறையையொட்டி ஆம்னி பேருந்துகளில் கூடுதல் கட்டணம். இருமடங்கு கட்டணத்தை உயர்த்தியதால் பயணிகள் அதிர்ச்சி.
🗞️ மக்களின் போராட்டத்தை முடக்கினால் அரசுக்கு எதிரான அதிருப்திதான் அதிகரிக்கும். போராட்டத்துக்கு அனுமதி அளிக்க மறுத்த தவெக அரசுக்கு சென்னை உயர்நீதிமன்றம் சரமாரி கேள்வி.
🗞️ யூனிட்டுக்கு 35 ரூபாய் கொடுத்து மின்சாரம் கொள்முதல் செய்வது வெற்றி மெகா ஊழல் என பழனிசாமி கடும் விமர்சனம். மின்வெட்டை செயற்கையாக உருவாக்கி கூடுதல் விலைக்கு மின்சாரம் கொள்முதல் செய்வது ஊழல் செய்வதாக் குற்றச்சாட்டு.
🗞️ அதிகாரத்துக்காக கட்சி மாறும் அரசியல் வியாபாரி ஆதவ் அர்ஜுனா என எடப்பாடி பழனிசாமி கடும் விமர்சனம். நிர்மல்குமார், ஆதவ் அர்ஜுனாவிடம் முதலமைச்சர் விஜய் எச்சரிக்கையாக இருக்க வேண்டும் என்றும் அறிவுறுத்தல்.
🗞️ அதிமுக பொதுக்குழுவை கூட்டி இடைத்தேர்தல் தோல்வி குறித்து ஆலோசிக்க வலியுறுத்தல்.. நிர்வாகிகளிடம் கருத்து வேறுபாடு இருப்பது புதிதல்ல என்றும் சி.வி.சண்முகம் பேட்டி
🗞️ வாக்காளர் சிறப்பு தீவிர திருத்த நடவடிக்கைக்கு தடை விதிக்கப்படுமா?. ஞானேஷ் குமாருக்கு எதிரான வழக்கை இன்று விசாரிக்கிறது உச்ச நீதிமன்றம்.
🗞️ 🗞️ ஆந்திராவின் ராமகிரி மலை சுரங்கத்தில் தங்கம் இருப்பதாக யூடியூப்பில் பரவிய வீடியோ. சுரங்கத்தில் கயிறு கட்டி இறங்கி சிக்கிய நபரை போராடி மீட்ட தீயணைப்பு வீரர்கள்.
வாக்காளர் சிறப்பு தீவிர திருத்தம் செல்லும் என்ற தீர்ப்பை மறு பரிசீலனை செய்ய வேண்டும். உச்ச நீதிமன்ற தலைமை நீதிபதி அமர்வுக்கு முன்னாள் நீதிபதி அபய் ஒகா வலியுறுத்தல்.
🗞️ அரியலூர் அருகே டாஸ்மாக் கடையை மூடக்கோரி 5 மணி நேரம் போராட்டம். நிரந்தரமாக மூடப்படும் என உறுதி அளித்ததால் பட்டாசு வெடித்து கொண்டாடிய கிராம மக்கள்.
🗞️ புதுக்கோட்டை சின்னப்பா பூங்கா அருகே நைட்ரஜன் கேஸ் சிலிண்டர் வெடித்த விபத்து. வணிக வளாக கட்டடத்தின் காவலாளி உயிரிழப்பு.... படுகாயமடைந்த மற்றொருவருக்கு சிகிச்சை.
🗞️ நாகர்கோவில் அருகே குடும்ப பிரச்சினையை தீர்ப்பதாக நகை, பணத்தை பறித்த சாமியார்.. கொடுத்த பணத்தை திருப்பிக் கேட்டால் ரத்தம் கக்கி இறப்பீர்கள் என மிரட்டியதாக புகார்.
ஊரான் வீட்டு நெய்யில்
மெட்ரோ
_ஒரு காலப் பயணம்
தி.மு.க.வின் கொடை!
சென்னை மெட்ரோ - 2 திட்டத்தை தொடங்கி வைத்துள்ளார் பிரதமர் மோடி. உண்மையில் அதனைத் திறந்து வைக்கும் முழுத் தகுதி படைத்தவர் முன்னாள் முதலமைச்சர் - தி.மு.க. தலைவர் மு.க.ஸ்டாலின் அவர்கள்தான்.
பூந்தமல்லி - போரூர் – வடபழனி இடையேயான சென்னை மெட்ரோ வழித்தடம் ( திட்டம் 2) என்பது முழுக்க முழுக்க திராவிட முன்னேற்றக் கழக ஆட்சியில் சென்னை மக்களுக்குச் செய்து கொடுக்கப்பட்ட மாபெரும் கொடையே ஆகும்.
சென்னையின் போக்குவரத்து நெரிசலைக் குறைக்கவும், சென்னை மக்களுக்கு மிக வசதியான போக்குவரத்துத் திட்டங்களைத் தரவும் உருவாக்கப்பட்டதுதான் மெட்ரோ ரயில் திட்டம் ஆகும். இது தி.மு.க.
ஆட்சியில் உருவானது. பதினெட்டு ஆண்டுகளுக்கு முன்னால் இதற்கான விதை போடப்பட்டது.
மெட்ரோ - 1 என்ற திட்டத்துக்காக அன்றைய முதலமைச்சர் மாண்புமிகு கலைஞர் அவர்களின் உத்தரவின் பேரில் அன்றைக்கு உள்ளாட்சித் துறை அமைச்சராக இருந்த மாண்புமிகு மு.க.ஸ்டாலின் அவர்களும் அதிகாரிகளும் 7.2.2008 அன்று ஜப்பான் தலைநகர் டோக்கியோ சென்று அங்குள்ள ஜப்பான் பன்னாட்டு கூட்டுறவு முகமையுடன் (Japan InternationalCo-Operation Agency) பேச்சுவார்த்தை நடத்தி நிதியுதவி பெற்றார்கள். அதன் அடிப்படையில் கடன் வழங்குவதற்கான ஒப்பந்தம் 2.11.2008 அன்று ஒன்றிய அரசுக்கும் ஜப்பான் அரசுக்கும் இடையே கையெழுத்தானது.
ஒன்றிய- மாநில அரசுகளின் நிதி 41 சதவிகிதம், ஜப்பான் பன்னாட்டு கூட்டுறவு முகமையின் நிதி 59 சதவிகிதம் என்று அந்தத் திட்டம் உருவானது.
இன்றைக்கு சென்னை மக்கள் மெட்ரோ ரயிலில் பயணிக்க காரணம் தலைவர் கலைஞரும், திராவிட நாயகன் மு.க.ஸ்டாலின் அவர்களும்தான்.
இந்த அடிப்படையில் தான் மெட்ரோ -2 என்ற திட்டம் உருவானது. இதற்கு நிதி ஒதுக்காமல் ஒன்றிய பா.ஜ.க. அரசு முடிந்தவரையில் டிமிக்கி கொடுத்து வந்தது.
மெட்ரோ இரண்டாம் கட்ட திட்டத்தின் நிதி ஒதுக்கீடு என்பது ஒன்றிய அரசும், மாநில அரசும் 50 : 50 விழுக்காடு பங்கிட்டுத் தர வேண்டும். இந்தத் திட்டத்துக்கு ரூ.63 ஆயிரம் கோடி செலவாகும். இதற்கான ஒப்புதலையும் தராமல் இருந்தது ஒன்றிய அரசு. மாநில அரசு செலவு செய்வதற்கான நிதியைத் திரட்ட பன்னாட்டு கடனுதவி பெறுவதற்கு அனுமதியும் தரவில்லை. தி.மு.க. அரசு ரூ. 9 ஆயிரம் கோடியை ஒதுக்கியது.
ஒன்றிய அரசின் நிதி வரவில்லை என்றால் இந்தத் திட்டத்தை முழுமையாக மாநில அரசின் நிதியில் இருந்து தான் செயல்படுத்த வேண்டும். ஆண்டுக்கு ரூ. 12 ஆயிரம் கோடியை இதற்காக ஒதுக்கினால் தான் மெட்ரோ இரண்டாம் கட்ட திட்டத்தை செயல்படுத்தி முடிக்க முடியும். இப்படிப்பட்ட நெருக்கடியில் தள்ளியது ஒன்றிய அரசு.
கடுமையான நிதி நெருக்கடிக்கு இடையிலும், 2024 செப்டம்பர்
நிலவரப்படி, மாநில அரசின் சொந்த நிதியிலிருந்து 11,762 கோடி ரூபாயும், வெளிநாட்டு நிதி நிறுவனங்களின் கடனுதவி மூலம் ரூ.6,802 கோடி என மொத்தம் 18,564 கோடி ரூபாயைச் செலவிட்டு திராவிட மாடல் ஆட்சியில் இரண்டாம் கட்டப் பணிகளை நிறுத்தாமல் தொடரப்பட்டது.
அதனால்தான் இன்று பிரதமர் மோடியால் திறந்து வைக்கப்படும் நிலைக்கு வந்தது. இல்லாவிட்டால் அப்படியே மூடப்பட்டு இருக்கும்.
* சென்னை மெட்ரோ இரயில் திட்டம் - 1 நிறைவேற்றியதும் தி.மு.க. அரசே!
* சென்னை விமான நிலையம் – சென்னை சென்ட்ரல் இரயில் நிலையம் – கோயம்பேடு புறநகர்ப் பேருந்து முனையம் எனச் சென்னை யின் முக்கியமான போக்குவரத்து மையங்களை ரயில் மூலமாக இணைத்ததும் தி.மு.க. அரசே!
* சென்னை மெட்ரோ ரயில் திட்டம் - பணிகளை 2021 ஆம் ஆண்டு விரைவுபடுத்தியதும் தி.மு.க. அரசே!
* மூன்று ஆண்டு காலமாக நிதியே கொடுக்காமல் வைத்திருந்த ஒன்றிய பா.ஜ.க. அரசை வலியுறுத்தி நிதி கொடுக்க வைத்ததும் தி.மு.க. அரசே!
* ஒன்றிய அரசு பணம் தராவிட்டால் என்ன என்று நினைத்து மாநில அரசின் நிதியை ஒதுக்கியதும் தி.மு.க. அரசே!
* மெட்ரோ திட்டத்தின் ஒவ்வொரு கட்டத்தையும் முதலமைச்சராக இருந்தபோது ஆய்வு செய்து வந்தார் மாண்புமிகு மு.க.ஸ்டாலின் அவர்கள்.
* இதன் அடுத்த கட்டமாக மூன்றாம் கட்ட மெட்ரோ விரிவாக்கப் பணிகளையும் திட்டமிட்டது திராவிட மாடல் ஆட்சி. இவையும் செயல்படுத்தப்பட்டால் அதிகப்படியான மெட்ரோ ரயில் ஓடும் நகரமாக சென்னை உயரும்.
* சென்னையைப் போலவே கோவை, மதுரை நகரங்களிலும் மெட்ரோ திட்டங்கள் செயல்படுத்தப்பட வேண்டும் என்று முதலமைச்சராக இருந்த போது திட்டமிட்டு அதனை ஒன்றிய பா.ஜ.க. அரசுக்கு அனுப்பி வைத்தார். அதனை ஒன்றிய அரசு மறுத்துள்ளது. செயல்படுத்த
முடியாது என்று சொல்லி விட்டது. திராவிட மாடல் ஆட்சி தொடர்ந்திருந்தால் அதனையும் ஒன்றிய அரசிடம் தொடர் வலியுறுத்தலைச் செய்து செயல்படுத்த வைத்திருப்பார் திராவிட நாயகன் மு.க.ஸ்டாலின் அவர்கள்.
‘‘ஆண்டுக்கணக்கில் நான் சுமந்து வளர்த்தெடுத்த சென்னை மெட்ரோ இரயில் எனும் குழந்தை அடியெடுத்து வைப்பதில் தாய்மை உணர்வுடன் பெருமை கொள்கிறேன்” என்று அவர் அறிக்கை வெளியிட்டு இருப்பது முழுமையான உண்மை ஆகும்.
யார் திறந்து வைத்தாலும், யார் வேடிக்கை பார்த்தாலும் சென்னை மெட்ரோ ரயில் கனவை நிறைவேற்றித் தந்தது தமிழினத் தலைவர் கலைஞரும், திராவிட நாயகன் மு.க.ஸ்டாலினும் திராவிட முன்னேற்றக் கழக ஆட்சிகளுமே!
இது பிரதமர் மோடிக்குத் தெரியும்.
அதனால் தான் தனது உரையில் மாண்புமிகு மு.க.ஸ்டாலின் அவர்களது பெயரையும் மறக்காமல் குறிப்பிட்டார்.
₹9,500 கோடி லாபம் ஈட்டும் வங்கியை விற்பதா.?
ஐ.டி.பி.ஐ வங்கியில் இருக்கும் மத்திய அரசின் 30.48 சதவிகிதப் பங்கையும், எல்.ஐ.சியின் 30.24 சதவிகிதப் பங்கையும் கனடா நிறுவனமான ஃபேர்ஃபாக்ஸ் ஃபைனான்சியல் ஹோல்டிங்ஸ் வாங்க நேற்று (அக்டோபர் 14) ஒப்புதல் வழங்கியுள்ளது மத்திய அரசு.
வங்கித் தொழிற்சங்கங்களின் ஐக்கிய மன்றம் (United Forum of Bank Unions – UFBU) மத்திய அரசின் இந்த நகர்விற்கு எதிர்ப்புத் தெரிவித்துப் நாளை (அக்டோபர் 16) போராட்டத்தை அறிவித்துள்ளது.
இப்போது லாபத்தை ஈட்டுகிறது IDBI!
யூ.எஃப்.பி.யூ வெளியிட்டுள்ள அறிக்கையில், “அரசின் தனியார்மயமாக்கல் திட்டத்தின் ஒரு பகுதியாக, ஐடிபிஐ வங்கியில் தங்களுக்கு உள்ள பங்குகளை விற்பனை செய்ய அரசு பரிசீலித்து வருகிறது.
இந்திய அரசும் எல்.ஐ.சி நிறுவனமும் இணைந்து ஐடிபிஐ வங்கியின் 94% பங்குகளைக் கட்டுப்பாட்டில் வைத்துள்ளன.
அதிகளவிலான வராக் கடன்கள் காரணமாக, இந்த வங்கி முன்னர் பல்வேறு சிக்கல்களைச் சந்தித்து வந்தது. ஆனால் இப்போது வங்கி சிறப்பாகச் செயல்பட்டு வருவதுடன், ஆண்டுதோறும் ஈர்க்கக்கூடிய வகையில் கணிசமான லாபத்தையும் ஈட்டி வருகிறது.
முன்னர் ஐடிபிஐ நிறுவனம் ஐடிபிஐ வங்கியுடன் இணைக்கப்பட்டபோது, எந்தவொரு சூழலிலும் அரசின் பங்குகள் 51 சதவீதத்திற்குக் குறையாது என்று நாடாளுமன்றத்தில் அரசு உறுதியளித்திருந்தது.
ஆனால், தற்போதைய அரசோ ஐடிபிஐ வங்கியை விற்பனை செய்யத் திட்டமிட்டு வருகிறது.
எவ்வளவு நிகர லாபம்?
இன்று வங்கியில் உள்ள மொத்த பொதுமக்களின் வைப்புத்தொகை சுமார் ₹3,50,000 கோடி ரூபாயாகும். கடந்த மூன்று ஆண்டுகளில் இவ்வங்கி முறையே ₹5,600 கோடி, ₹7,500 கோடி மற்றும் ₹9,500 கோடி நிகர லாபம் ஈட்டியுள்ளது.
இவ்வாறாக, சிறப்பாகச் செயல்பட்டு வரும் ஒரு வங்கியே தாரைவார்க்கப்படுகிறது.இது வெறும் தனியார்மயமாக்கல் மட்டுமல்ல. மாறாக அந்நியமயமாக்கல்.
வங்கியின் 60% பங்குகளைக் கனடாவைச் சேர்ந்த முதலீட்டு நிறுவனமான ஃபேர்ஃபாக்ஸுக்கு விற்பனை செய்ய மத்திய அமைச்சரவை முடிவெடுத்துள்ளது.
இதுதான் சுயசார்பு ?
அரசு ‘ஆத்மநிர்பார்’ (சுயசார்பு) பற்றிப் பேசுகிறது, ஆனால் பொதுமக்களின் சேமிப்பைக் கொண்ட இந்த முக்கிய வங்கி ஒரு வெளிநாட்டு முதலீட்டாளருக்கு விற்பனை செய்யப்படுகிறது.
இது முற்றிலும் தேவையற்றதும் ஏற்றுக்கொள்ள முடியாததும் ஆகும். இதனை நாங்கள் கடுமையாக எதிர்க்கிறோம். அரசின் இந்த முடிவை உடனடியாகத் திரும்பப் பெற வேண்டும் என்று கோருகிறோம்” என்று கூறப்பட்டுள்ளது
