நீதி எங்கே கிடைக்கும்.?
நீதி எங்கே கிடைக்கும்.?
இந்திய ஜனநாயகத்தின் அடித்தளமாக விளங்குவது சுதந்திரமான, நேர்மையான தேர்தல் முறை. அந்தத் தேர்தல்களை நடத்தும் இந்தியத் தேர்தல் ஆணையத்தின் செயல்பாடுகள் மீது கேள்விகள் எழும்போது, அது ஜனநாயகத்தின் மீதான நம்பிக்கையையும் பாதிக்கிறது.
குறிப்பாக மக்கள் பிரதிநிதித்துவ சட்டப்பிரிவின் கீழ் தலைமை தேர்தல் ஆணையர் ஞானேஷ் குமார் மீது எப்.ஐ.ஆர் பதிவு செய்ய வேண்டும், இரண்டு தேர்தல் ஆணையர்களின் ஒப்புதல் இல்லாமல், ஞானேஷ்குமார் எடுத்த அனைத்து நடவடிக்கைகளையும் ரத்து செய்ய வேண்டும்,
அவரை தலைமை தேர்தல் ஆணையர் பதவியில் இருந்து உடனடியாக நீக்கம் செய்ய வேண்டும் ஆகிய கோரிக்கைகள் தான் பிரதான மனுவாக உள்ளது.
உச்ச நீதிமன்றத்தில் தலைமை நீதிபதி சூர்யகாந்த், நீதிபதிகள் ஜாய்மால்யா பாக்ஷி மற்றும் வி.மோகனா ஆகியோர் அமர்வில் ஆஜரான மூத்த வழக்கறிஞர் விகாஷ் சிங் ஒரு முறையீட்டை வைத்தார்.
‘தேர்தல் ஆணையத்தில் இருக்கும் இரண்டு ஆணையர்களின் ஒப்புதல் இல்லாமல், தலைமை தேர்தல் ஆணையர் தன்னிச்சையாக முடிவெடுக்க அதிகாரம் உள்ளதா?
பல உறுப்பினர்களை கொண்ட ஆணையத்தின் முடிவுகள் ஒருமனதாகவோ அல்லது பெரும்பான்மையுடனோ இருக்க வேண்டும் என்று சட்டப்பூர்வ விதிமுறைகள் உள்ளது.
தேர்தல் ஆணையம் செயல்பட்டு இருக்கும் விதத்தை பார்த்தால். எஸ்ஐஆர் நடவடிக்கை முழுவதும், தனிப்பட்ட தலையீட்டின் அடிப்படையில் நடந்துள்ளதோ என்ற கடுமையான சந்தேகத்தை ஏற்படுத்தியுள்ளது.
தற்போது இருக்கும் சூழலை கருத்தில் கொண்டு மேற்கண்ட மனுக்கள் அனைத்தையும் அவசர வழக்காக விசாரித்து உத்தரவு பிறப்பிக்க வேண்டும்’ என்று தெரிவித்தார்.
இந்த கோரிக்கையை ஏற்பதாக தெரிவித்த தலைமை நீதிபதி சூர்யகாந்த், தலைமை தேர்தல் ஆணையர் ஞானேஷ்குமாருக்கு எதிராக தாக்கல் செய்யப்பட்டுள்ள மனுக்களின் மீதான வழக்கை வரும் வாரம் பட்டியலிட்டு விசாரிப்பதாக ஒப்புதலுடன் கூடிய உத்தரவை பிறப்பித்
தேர்தல் ஆணையம் என்பது ஒரு தனிநபரின் விருப்பத்துக்கு ஏற்ப இயங்கும் அமைப்பு அல்ல.
அரசியலமைப்புச் சட்டத்தின் 324-வது பிரிவின்படி, தேர்தல்களை மேற்பார்வையிடும் அதிகாரம் ஆணையத்துக்கே வழங்கப்பட்டுள்ளது.
தகுதியுள்ள ஒருவர்கூட வாக்காளர் பட்டியலில் இருந்து விடுபடக் கூடாது. அதேநேரத்தில், தகுதியற்ற பதிவுகள் நீக்கப்படுவதும் சட்ட விதிகளுக்கு உட்பட்டு நடைபெற வேண்டும்.
தேர்தல் ஆணைய உறுப்பினர்களின் கூட்டுப் பொறுப்பு முறையாகப் பின்பற்றப்பட்டதா என்பதை நீதிமன்றம் ஆராய்வது அவசியம். தேர்தல் ஆணையத்தின் சுதந்திரமும், அதன் மீதான மக்களின் நம்பிக்கையும் ஜனநாயகத்தின் இரு கண்கள்.
அவற்றைக் காப்பதில் நீதித்துறையின் கண்காணிப்பும், தேர்தல் ஆணையத்தின் வெளிப்படைத்தன்மையும் முக்கியப் பங்கு வகிக்கின்றன.
உண்மை வெளிப்பட வேண்டும்; வாக்குரிமை பாதுகாக்கப்பட வேண்டும். நீதி கிடைக்கட்டும்.
இந்தப் பழக்கம் ஏற்படுத்தும் முக்கிய உடல்நல பாதிப்புகளில் பக்கவாதமும் வாய் மற்றும் உதடு தொடர்பான புற்றுநோய்களும் இடம்பெறுகின்றன.
புகையிலை என்றாலே சிகரெட், பீடி போன்ற புகைக்கும் பொருட்கள்தான் நினைவுக்கு வரும். ஆனால் வாயில் வைத்து மென்று அல்லது வைத்துப் பயன்படுத்தப்படும் புகையிலைப் பொருட்களும் உடல்நலத்தில் பெரிய பாதிப்பை ஏற்படுத்துகின்றன.
Global Burden of Disease Study 2023 ஆய்வின் ஒரு பகுதியாக நடத்தப்பட்ட இந்த ஆராய்ச்சி, 1990 முதல் 2023 வரையிலான காலத்தில் 204 நாடுகள் மற்றும் பிராந்தியங்களில் புகையிலை மென்று பயன்படுத்துவதால் ஏற்பட்ட உடல்நல பாதிப்புகளை ஆய்வு செய்துள்ளது.
The Lancet Global Health இதழில் வெளியான ஆய்வில், 2023ஆம் ஆண்டில் உலகம் முழுவதும் 15 வயதுக்கு மேற்பட்ட சுமார் 24.1 கோடி பேர் chewing tobacco பயன்படுத்தியதாக மதிப்பிடப்பட்டுள்ளது.
அதே ஆண்டில், இந்தப் பழக்கத்துடன் தொடர்புடைய காரணங்களால் உலகளவில் சுமார் 2.51 லட்சம் பேர் உயிரிழந்ததாக ஆய்வாளர்கள் கணித்துள்ளனர். மேலும், உயிரிழப்பு மட்டுமின்றி நோய் காரணமாக ஏற்பட்ட உடல்நல இழப்பு மற்றும் செயல்திறன் குறைவு ஆகியவற்றையும் சேர்த்து பார்க்கும்போது, இதன் தாக்கம் இன்னும் பெரியதாக உள்ளது.
2023ஆம் ஆண்டில் chewing tobacco காரணமாக ஏற்பட்ட மொத்த Disability-Adjusted Life Years எனப்படும் DALYs சுமார் 64.8 லட்சமாக இருந்ததாக ஆய்வு தெரிவித்துள்ளது.
இந்த ஆய்வில் தெற்காசியா முக்கியமான பகுதியாக தெரியவந்துள்ளது. 2023ஆம் ஆண்டில் 15 வயதுக்கு மேற்பட்டவர்களில் 14.6 சதவீதம் பேர் chewing tobacco பயன்படுத்தியதாக மதிப்பிடப்பட்டுள்ளது.
உலகளவில் இந்தப் பழக்கத்தால் ஏற்பட்ட இறப்புகளில் சுமார் 84 சதவீதம் தெற்காசியாவில் பதிவாகியதாக ஆய்வு கூறுகிறது. அதாவது, உலகின் மொத்த பாதிப்பில் மிகப்பெரிய பங்கு இந்தப் பிராந்தியத்திலேயே உள்ளது.இந்தியா இந்தப் பிரச்சினையில் முக்கிய இடத்தில் உள்ளது. ஆண்களிடையே chewing tobacco காரணமாக ஏற்பட்ட இறப்பு மற்றும் உடல்நல இழப்புகளில் 90 சதவீதத்துக்கும் அதிகமானவை பதிவான 10 நாடுகளில் இந்தியாவும் இடம்பெற்றுள்ளது.
இந்த பட்டியலில் இந்தியாவுடன் வங்கதேசம், சீனா, பாகிஸ்தான், மியான்மர், அமெரிக்கா, நேபாளம், இலங்கை, பிலிப்பைன்ஸ் மற்றும் மடகாஸ்கர் ஆகிய நாடுகளும் உள்ளன. பெண்களைப் பொறுத்தவரையிலும் இந்தியா உட்பட 10 நாடுகளில் 90 சதவீதத்துக்கும் அதிகமான பாதிப்பு குவிந்துள்ளதாக ஆய்வு தெரிவிக்கிறது.
இங்கு கவனிக்க வேண்டிய முக்கியமான விஷயம், “90 சதவீதம்” என்பது அந்த நாடுகளில் உள்ள ஒவ்வொரு நபருக்கும் ஒரே அளவிலான ஆபத்து உள்ளது என்பதைக் குறிக்கவில்லை.
மொத்த இறப்புகள் மற்றும் உடல்நல இழப்பின் அளவை அடிப்படையாகக் கொண்ட கணக்கீடு இது. அதிக மக்கள் தொகை கொண்ட நாடுகளில் மொத்த பாதிப்பு அதிகமாக இருக்க வாய்ப்பு உள்ளது. எனவே, தனிநபர் பயன்பாட்டு விகிதத்தையும் மொத்த பாதிப்பையும் ஒன்றாகக் கருதக்கூடாது.
இந்தப் பழக்கம் ஏற்படுத்தும் முக்கிய உடல்நல பாதிப்புகளில் பக்கவாதமும் வாய் மற்றும் உதடு தொடர்பான புற்றுநோய்களும் இடம்பெறுகின்றன. உணவுக்குழாய், தொண்டை, குரல்வளை மற்றும் மூக்கு-தொண்டைப் பகுதிகளில் ஏற்படும் சில புற்றுநோய்களுடனும் chewing tobacco தொடர்புடையதாக ஆய்வு மதிப்பிட்டுள்ளது.
உலகளவில் இந்தப் பழக்கத்தால் ஏற்படும் உடல்நல இழப்பில் பக்கவாதம் மிகப்பெரிய பங்கைக் கொண்டிருந்தது. வாய் மற்றும் உதடு புற்றுநோய்களுக்கான உடல்நல இழப்பிலும் இதன் தாக்கம் குறிப்பிடத்தக்கதாக உள்ளது.
உலக அளவில் இத்தகைய புற்றுநோய்களால் ஏற்படும் DALYs-ல் 17.3 சதவீதம் chewing tobacco உடன் தொடர்புடையதாக மதிப்பிடப்பட்டுள்ளது. தெற்காசியாவில் இந்த பங்கு 30.5 சதவீதமாக இருந்தது.
இதனால் புகையிலை மென்று பயன்படுத்துவது வெறும் ஒரு பழக்கம் என்ற அளவில் பார்க்க முடியாது; நீண்டகால உடல்நல பாதிப்புகளுடன் தொடர்புடைய முக்கிய காரணியாகவும் பார்க்கப்படுகிறது.
வயது மற்றும் பாலினத்தைப் பொறுத்தும் இந்தப் பழக்கத்தில் வேறுபாடு காணப்படுகிறது. உலகளவில் ஆண்களிடையே chewing tobacco பயன்பாடு பெண்களை விட இரண்டு மடங்குக்கும் அதிகமாக இருந்தது.
இளம் வயதில் பயன்பாடு தொடங்கி, வயது அதிகரிக்கும்போது அது மேலும் உயர்ந்து, 60 முதல் 64 வயது வரையிலானவர்களிடம் அதிகபட்ச நிலையை எட்டியதாக ஆய்வு கூறுகிறது. தெற்காசியாவில் ஆண்களில் சுமார் ஐந்தில் ஒருவர் இந்தப் பழக்கத்தை பயன்படுத்தியதாகவும், பெண்களில் சுமார் பத்தில் ஒருவர் பயன்படுத்தியதாகவும் மதிப்பிடப்பட்டுள்ளது.
இதே காலகட்டத்தில் 24 நாடுகளில் பயன்படுத்துபவர்களின் எண்ணிக்கை கணிசமாக அதிகரித்துள்ளது. அதாவது, புகைபிடிப்பை கட்டுப்படுத்துவதற்கான நடவடிக்கைகள் முன்னேறியிருந்தாலும், புகையிலை மென்று பயன்படுத்தும் பழக்கம் அதே வேகத்தில் குறையவில்லை.
ஆய்வாளர்களின் கருத்துப்படி, அனைத்து நாடுகளுக்கும் ஒரே மாதிரியான புகையிலை கட்டுப்பாட்டு முறையை பயன்படுத்துவதால் மட்டும் இந்தப் பிரச்சினையை சமாளிக்க முடியாது.
எந்த வயதினர் அதிகமாக பயன்படுத்துகின்றனர், ஆண்கள் மற்றும் பெண்களிடையே நிலைமை எப்படி உள்ளது, அந்தப் பகுதியில் உள்ள சமூக மற்றும் கலாசார பழக்கங்கள் என்ன என்பதையும் கருத்தில் கொண்டு தடுப்பு மற்றும் பழக்கத்தை கைவிட உதவும் திட்டங்களை உருவாக்க வேண்டும்.
இந்த ஆய்வு குறிப்பாக இந்தியா போன்ற நாடுகளில் புகையிலை மென்று பயன்படுத்துவதால் ஏற்படும் உடல்நல பாதிப்புகளை தனியாக கவனிக்க வேண்டிய அவசியத்தை வெளிப்படுத்துகிறது.
புகையிலை இல்லாத எதிர்காலத்தை உருவாக்க விழிப்புணர்வு, தடுப்பு நடவடிக்கைகள் மற்றும் பழக்கத்தை கைவிடுவதற்கான உதவிகள் ஒரே நேரத்தில் வலுப்படுத்தப்பட வேண்டிய நிலையை இந்தப் புள்ளிவிவரங்கள் காட்டுகின்றன.
