மின்சாரக்(கண்ணனின்) கொள்ளை...?

தமிழகத்தில் வெளிச்சந்தையில் இருந்து ஒரு யூனிட் மின்சாரத்தை ₹35 கொடுத்து வாங்கிய விவகாரமும், உடன்குடி அனல்மின் திட்டத்தை தனியார் வசம் தாரைவார்க்கப் போட்ட ரகசிய உத்தரவும் பெரும் புயலைக் கிளப்பியுள்ள நிலையில், தமிழக வெற்றிக் கழக அரசு எதைப் பற்றியும் கவலைப்படாமல் அடுத்த அதிரடி முடிவை எடுத்துள்ளது.எதிர்க்கட்சிகள் மற்றும் தொழிற்சங்கங்களின் கடும் எதிர்ப்புகளையும் மீறி, வெளிச்சந்தையில் கூடுதல் விலைக்கு மின்சாரம் வாங்க 4-வது முறையாக மீண்டும் ஒரு புதிய டெண்டரை மின்சார வாரியம் வெளியிட்டுள்ளது.

 வரும் நவம்பர் முதல் ஜனவரி வரையிலான குளிர்காலத் தேவைக்காக மொத்தம் **4,900 மெகாவாட் மின்சாரத்தை** குறுகிய கால ஒப்பந்த அடிப்படையில் தனியாரிடம் இருந்து வாங்க இந்த புதிய டெண்டர் கோரப்பட்டுள்ளது.

சாதாரணமாக குளிர்காலத்தில் (நவம்பர் – ஜனவரி) ஏசி பயன்பாடு குறைந்து, தமிழகத்தின் ஒட்டுமொத்த மின் தேவை குறையும் என்பதுதான் பொதுவான விதி.

 ஆனால், இந்த காலக்கட்டத்திலும் கூட அரசு தனது சொந்த மின் உற்பத்தி நிலையங்களை முழுமையாக இயக்காமல், தனியாரிடம் கையேந்த முடிவு செய்துள்ளது:

தமிழகத்தின் உச்சக்கட்ட தேவையை சமாளிக்கிறோம் என்ற பெயரில், நவம்பர், டிசம்பர் மற்றும் ஜனவரி மாதங்களுக்கு தனியார் நிறுவனங்களிடம் இருந்து மொத்தமாக 4,900 மெகாவாட் மின்சாரத்தை வாங்க ஒப்பந்தம் போடப்படுகிறது.

ஏற்கனவே ஒரு யூனிட்டுக்கு ரூ. 31.99 முதல் ரூ. 37 வரை (சராசரியாக ரூ. 35) விலை கொடுத்து தனியார் ஆலைகளுக்கு வாரி வழங்கிய நிலையில், 

இப்போதும் அதே தனியார் முதலாளிகள் நிர்ணயிக்கும் அதிகப்படியான தொகையிலேயே மின்சாரம் வாங்கப்பட உள்ளது.முந்தைய மூன்று டெண்டர்களிலும் பல்வேறு குளறுபடிகள், கடுமையான விலையேற்றம் மற்றும் கமிஷன் புகார்கள் எழுந்த பிறகும், அடுத்த சில வாரங்களிலேயே 4-வது டெண்டரை அவசர அவசரமாக வெளியிட்டிருப்பது பொதுமக்களிடையே கடும் அதிர்ச்சியை ஏற்படுத்தியுள்ளது.

தமிழகத்தில் தவெக ஆட்சி அமைந்ததில் இருந்தே எடுக்கப்பட்ட தொடர்ச்சியான தவறான முடிவுகள் ஒரு பெரிய சங்கிலித் தொடர் போல அரங்கேறி வருகின்றன:

தொடக்கத்தில் பழைய குறைந்த விலை ஒப்பந்தங்களை முடக்கி, மின் வாரியப் பராமரிப்பு என்ற பெயரில் ஊர் தோறும் மின்வெட்டை வரவழைத்தார்கள்.

 மக்கள் கொதித்தெழுந்ததும் “பியூஸ் கட்டை திருட்டு”, “பிஎஸ்என்எல் கேபிள் பள்ளம்”, “எல் நீனோ” என்று குழந்தைப் பிள்ளைத்தனமான காரணங்களைச் சொன்னார்கள்.

மின்வெட்டை உடனே போக்க வேண்டும் என்ற மாயையை உருவாக்கி, அவசர டெண்டர் மூலம் ₹35-க்கு தனியார் கேஸ் ஆலைகளிடம் பல ஆயிரம் கோடி ரூபாய் மதிப்பிலான மின்சாரத்தை வாங்கினார்கள்

. இதற்கிடையே, தமிழக அரசுக்கு சொந்தமாக வர வேண்டிய உடன்குடி அனல்மின் நிலையத்தை (3,200 மெகாவாட்) அதானி, டாடா போன்ற கார்ப்பரேட்டுகளுக்கு தாரைவார்க்க ரகசிய அரசாணை போட்டார்கள்.இப்போது சொந்த மின் உற்பத்தியை மேம்படுத்த எந்த நடவடிக்கையும் எடுக்காமல், மீண்டும் 4,900 மெகாவாட் மின்சாரத்தை அதே தனியார் சந்தையிடம் கூடுதல் விலைக்கு அடகு வைக்க டெண்டர் விட்டுள்ளார்கள்.

சாதாரண மக்களுக்கு இந்த டெண்டரால் விளையப்போகும் ஆபத்து மிக நேரடியானது, மின்சார வாரியம் பொதுமக்களுக்கு ஒரு யூனிட் மின்சாரத்தை சராசரியாக வெறும் ₹5 முதல் ₹7 வரையே விநியோகம் செய்கிறது.

 ஆனால் தனியார் ஆலைகளிடம் இருந்து அரசு வாங்குவதோ பன்மடங்கு கூடுதல் விலையில்.

ஒவ்வொரு யூனிட்டிலும் அரசுக்கு ஏற்படும் ₹20 முதல் ₹28 வரையிலான நஷ்டம், நாளொன்றுக்கு பல பத்து கோடி ரூபாயாக மின்வாரியத்தின் தலையில் விடியும்.

ஏற்கனவே இரண்டரை லட்சம் கோடி ரூபாய் கடனில் தத்தளிக்கும் மின்சார வாரியம், அடுத்தடுத்து இப்படி நான்காவது முறையாகவும் பல ஆயிரம் கோடி ரூபாய் இழப்பை சந்தித்தால், கடைசியில் அந்த கடன் சுமையை ஈடுகட்ட மின் கட்டணத்தை உயர்த்தி அப்பாவி பொதுமக்களின் தலையில்தான் கட்டுவார்கள்.

“ஊழல் இல்லாத வெளிப்படையான புதிய அரசியல் தருவோம்” என்று கூறி ஆட்சிக்கு வந்த முதலமைச்சர் விஜய், தனது அரசின் கீழ் மின்சாரத் துறையில் அடுத்தடுத்து நடக்கும் இந்த முறைகேடுகளுக்கு இதுவரை எந்தவொரு தெளிவான பதிலும் அளிக்கவில்லை.

ஒருபுறம் மின்துறை அமைச்சர் முன்னுக்குப் பின் முரணான காரணங்களைச் சொல்லி சமாளிக்கிறார்; மறுபுறம் கார்ப்பரேட் நிறுவனங்களுக்கு பல்லாயிரம் கோடி மக்கள் வரிப்பணத்தை வாரி வழங்கும் வகையில் வரிசையாக டெண்டர்கள் விடப்படுகின்றன. 

அரசுக்கு சொந்தமான திட்டங்களை தனியாருக்கு தள்ளிவிட்டு, இப்போது மின்சாரத்தையும் அதே தனியாரிடம் கொள்ளை விலைக்கு வாங்குவது மிகப்பெரிய ஊழல் திட்டமிடல் அன்றி வேறில்லை என்று அதிமுக மற்றும் திமுக உள்ளிட்ட எதிர்க்கட்சிகள் போர்க்கொடி தூக்கியுள்ளன.

மக்கள் வரிப்பணத்தை தனியாருக்கு தாரைவார்க்கும் இந்த 4-வது டெண்டரையும், முந்தைய சர்ச்சைக்குரிய ஒப்பந்தங்களையும் உடனடியாக ரத்து செய்து, தமிழக மின்சார வாரியத்தின் செயல்பாடுகள் குறித்து முழுமையான வெள்ளை அறிக்கை வெளியிட வேண்டும் என்பதே ஒட்டுமொத்த தமிழகத்தின் கோரிக்கையாக உள்ளது.

வாக்காளர் பட்டியல் சிறப்பு சுருக்க திருத்தம் தொடர்பான அனைத்துக் கட்சி கூட்டத்தில், ஞானேஷ் குமாரைக் கண்டித்து வெளிநடப்பு செய்த கட்சிகள் .

              ---------------------------------------------------

மொத்த அங்கீகரிக்கப்பட்ட கட்சிகள் 13 ஆக இருக்கும் நிலையில், பகுஜன் சமாஜ் கட்சி பங்கேற்காததால் 12 கட்சிகள் கலந்துகொண்டன.

இதில் 9 கட்சிகள் வெளிநடப்பு செய்த நிலையில், பாஜக, அதிமுக மற்றும் தேசிய மக்கள் கட்சி (?) ஆகிய மூன்று கட்சிகள் பங்கேற்பு

புறக்கணித்த கட்சிகள்:

1. திமுக

2. காங்கிரஸ்

3. தவெக

4. இந்திய கம்யூனிஸ்ட்

5. மார்க்சிஸ்ட் கம்யூனிஸ்ட்

6. விசிக

7. நாம் தமிழர்

8. ஆம் ஆத்மி

9. தேமுதிக