புதன், 31 மார்ச், 2021

 





தற்சார்பென்ற மோடி சார்பு.

சீமானின் “தற்சார்பு” பொருளாதாரம் பற்றி அமெரிக்காவில் வசிக்கும் நாம் தமிழர் கட்சியை சேர்ந்த அர்ஜுன் பேசும் வீடியோ பார்க்கக் கிடைத்தது. அதில் அவர் விவசாய உற்பத்திப் பொருட்களை வணிக மயமாக்கி ஏற்றுமதி செய்வதைப் பற்றி விளக்கம் கொடுக்கிறார். வெளிப்படையாகவே தமிழ் முதலாளிகளை உருவாக்கி வளர்க்க வேண்டும் என்கிறார். அவரது பேச்சு, கிட்டத்தட்ட பூமி திரைப்படம் பார்ப்பது போலிருந்தது.

Make in India என்ற பெயரில் மோடி பிரச்சாரம் செய்து வந்த “தற்சார்பு” பொருளாதாரத்திற்கும், சீமானின் “தற்சார்பு” பொருளாதாரத்திற்கும் எந்த விதமான வித்தியாசமும் இல்லை. இருவரும் ஒரே விடயத்தை தான் பேசுகிறார்கள். ஆனால், இவர்கள் சொல்லாமல் மறைக்கும் உண்மை ஒன்றுள்ளது.

இந்தியா சுதந்திரமடைந்த நாளில் இருந்து இன்று வரை IMF, உலக வங்கியிடமிருந்து கடன் வாங்கி வருகின்றது. மத்திய அரசு மட்டுமல்ல, தமிழ்நாடு மாநில அரசு தனக்கென தனியாக கடன் வாங்கி வருகின்றது. அந்தக் கடன்கள் நிபந்தனையின் பேரில் கொடுக்கப்படுகின்றன. பொருளாதாரத்தை தாராளமயப்படுத்த வேண்டும், சந்தையை நூறு சதவீத அந்நிய முதலீடுக்கு திறந்து விட வேண்டும்.

அதனால்தான் மேற்கத்திய பன்னாட்டு நிறுவனங்களின் விவசாய வணிகப் பொருட்கள் இந்தியாவில் விற்பனை செய்யப்படுகின்றன. ஆனால், இந்திய நிறுவனங்களால் உலக சந்தையைப் பிடிக்க முடியவில்லை. உதாரணத்திற்கு சாக்லேட் தயாரிக்க தேவையானக் ககாவோ (cocoa) சுவிட்சர்லாந்தில் கிடைக்காது. அந்த மரம் ஆப்பிரிக்காவில் உள்ளது. குறிப்பாக, கானா, ஐவரி கோஸ்ட் போன்ற ஆப்பிரிக்க நாடுகளில் இருந்து ககாவோ (cocoa) இறக்குமதி செய்யப்படுகின்றது.

சுருக்கமாக, உண்மையில் ஆப்பிரிக்க சாக்லேட்தான் சுவிஸ் சாக்லேட் என்ற பெயரில் உலகம் முழுவதும் விற்பனையாகின்றது. ஏன் அந்த ஆப்பிரிக்க நாடுகள் தாமே சாக்லேட் உற்பத்தி செய்து உலகம் முழுவதும் விற்க முடியவில்லை? உண்மையில் உள்நாட்டு முதலாளிகள் தயாரித்து விற்கும் சாக்லேட்டுகள்  நிறைய கிடைக்கின்றன. ஆனால் அவை அந்த நாட்டில் மட்டுமே விற்பனை செய்யப்படுகின்றன. சில நேரம் அயல்நாட்டு சந்தைகளில் விற்பனையாகலாம்.

அதைவிட அமெரிக்காவுக்கு சாக்லேட் ஏற்றுமதி செய்வதெல்லாம் கனவிலும் நினைக்க முடியாது. அமெரிக்காவில் உள்ள ஒரு விநியோகஸ்தர் இறக்குமதி செய்தால், அதற்கு நிறைய வரி விதிப்பார்கள். அதற்கும் மேலே பல தடைகள் வரும். ஆனால் சுவிஸ் சாக்லேட்டுக்கு அப்படி எந்தக் கட்டுப்பாடும் கிடையாது. இது அமெரிக்காவுக்கும், மேற்கு ஐரோப்பிய நாடுகளுக்கும் இடையிலான புரிந்துணர்வு ஒப்பந்தத்தின் கீழ் நடக்கிறது.

நாம் தமிழரின் “தற்சார்பு” பொருளாதாரமும், இப்படித் தான் தடுக்கி விழும் என்று எதிர்பார்க்கலாம். அவர்களால் குறைந்த பட்சம் பால்மாவை உற்பத்தி செய்து உள்நாட்டில் கூட அதைச் சந்தைப்படுத்த முடியாது. அதற்குக் காரணம் சுவிட்சர்லாந்தில் இருந்து இறக்குமதியான பால்மா தமிழ்நாட்டு சந்தையில் மிகக் குறைந்த விலையில் விற்பனையாகின்றது. முறைப்படி பார்த்தால், சுவிஸ் பால்மாதான் அதிக விலையாக இருக்க வேண்டும் என்று நீங்கள் எதிர்பார்க்கலாம். உண்மை தான். ஆனால், உலக சந்தையை ஆக்கிரமிக்க வேண்டும் என்பதற்காக சுவிஸ் அரசு மானியம் அள்ளிக் கொடுக்கிறது.

அதே மாதிரி இந்திய, தமிழ்நாடு அரசும் மானியம் கொடுக்கலாம் தானே என்று கேட்கலாம். இங்கு தான் IMF, உலக வங்கி மூக்கை நுழைக்கிறது. அப்படி செய்து விட்டால் கடன் கொடுப்பது நிறுத்தப்படும். அரசு மானியங்களைக் குறைக்க வேண்டும், அல்லது நிறுத்த வேண்டும் என்பது அவை முன்வைக்கும் முக்கியமான நிபந்தனையாக உள்ளது. இன்னொருவிதமாக சொன்னால், மேற்கத்திய நாடுகளின் நிறுவனங்களுக்கு சமமாக இந்திய நிறுவனங்கள் வளர விடாது ஆரம்பக் கட்டத்திலேயே தடுத்து விடுகிறார்கள். இதைப் பற்றி த் தெரிந்நிருந்தும் சீமான் பேசவே மறுக்கிறார்.பேசினால் மக்கள் விழிப்படைந்துவிடுவார்களே.

முகநூலில் : kalai marx

---------------------------------------------------------------------------------------------

செவ்வாய், 30 மார்ச், 2021

தேர்தல் நிறுத்தம் செய்தி பின்னணி யாருங்க?

 ஆணையத்துக்கு கேள்வி.

தேர்தல் ரத்து என்று செய்தி வெளியான விவகாரத்தில் ஆளுங்கட்சியின் தலையீட்டை நிறுத்த வேண்டும் என்றும் கே.என்.நேருவின் பெயருக்குக் களங்கம் விளைவிக்க முயற்சி நடப்பதாகவும் திமுக, தேர்தல் ஆணையத்தில் புகார் அளித்துள்ளது.

திமுக அமைப்புச் செயலாளர் ஆர்.எஸ்.பாரதி, தமிழக தலைமைத் தேர்தல் அதிகாரி சத்ய பிரதா சாஹூவிடம் நேற்று (மார்ச் 29) அளித்த புகாரில், “முன்னாள் அமைச்சரும், திமுகவின் முதன்மை செயலாளருமான கே.என்.நேரு திருச்சி மேற்குத் தொகுதியில் போட்டியிடுகிறார். இந்த நிலையில் திமுகவுக்கு மக்கள் அளிக்கும் ஆதரவை ஜீரணிக்க முடியாத ஆளும்கட்சியினர் மற்றும் அதிகாரிகள், பத்திரிகை மற்றும் சமூக ஊடகங்களுக்குப் பணம் கொடுத்து திமுக மற்றும் கட்சித் தலைவர்கள் மீது கெட்ட பெயர்களை ஏற்படுத்தி வருகின்றனர். அந்த வகையில் கே.என்.நேருவின் பெயரைக் களங்கப்படுத்த முயற்சி செய்கின்றனர்.

கடந்த மார்ச் 27ஆம் தேதி நாளிதழ் ஒன்றில் 'கரூர், திருவண்ணாமலை, திருச்சி மேற்கு தொகுதிகளில் தேர்தல் ரத்து?' என்று செய்தி வெளியானது. மேலும், கே.என்.நேரு காவல்நிலையங்களுக்குப் பணம் கொடுத்து தேர்தல் குழுவினரின் செயல்பாடுகள் அறிந்து கொள்வதாகவும் சமூக ஊடகங்களில் பரவியது.

அதுபோன்று, திருச்சி காவல் ஆணையர் லோகநாதன், திருச்சி மேற்குத் தொகுதியில் அமைந்துள்ள ஆறு காவல் நிலையங்களில் சோதனை செய்தபோது பணம் பறிமுதல் செய்யப்பட்டதாகக் கூறப்பட்டது. தில்லை நகர் காவல் நிலையத்தில் 12 கவர்களில் 24,000 ரூபாயும், ஜிஹெச் காவல் நிலையத்திலிருந்து 20 கவர்களில் 40,000 ரூபாயும் பறிமுதல் செய்யப்பட்டதாக சமூக வலைதளங்களில் பரப்பப்பட்டது.

காவல் ஆணையர் செய்த விசாரணை நிமிடத்துக்கு நிமிடம் சமூக ஊடகங்களில் எப்படி பரவியது? யார் தகவல் கொடுத்தது? அதோடு, கைப்பற்றப்பட்ட பணம் திமுகவுக்கு சாதகமாக சில வழக்கறிஞர்கள் கொடுத்தது எனக் கூறப்படுகிறது.

இவை எல்லாம் கே.என்.நேருவின் பெயருக்குக் களங்கம் ஏற்படுத்தும் நோக்கில் செய்யப்பட்டது எனத் தெரியவருகிறது.

எனவே கீழ் வரும் மூன்று கேள்விகளுக்குத் தெளிவான விசாரணை வேண்டும்...

மேற்குறிப்பிட்ட மூன்று தொகுதிகளில் தேர்தல் நிறுத்தப்படும் என்று பத்திரிகையில் செய்தி வெளியிடப்பட்டது எப்படி?

சமூக ஊடக நபர்கள் எந்த விதத்தில் ரகசிய விசாரணை மற்றும் அறிக்கைகளை எப்படிப் பெறுகிறார்கள்?

விசாரணையின் அறிக்கைகள் கசிய விட்டதற்கு யார் பொறுப்பு?

உள்துறை அமைச்சகத்தைக் கையில் வைத்துள்ள முதலமைச்சரின் தலையீடு இல்லாமல், வருவாய்த்துறை மற்றும் தேர்தல் ஆணையம் கண்காணித்துக் கொண்டு இருக்கும்போது, போலீஸ் அதிகாரிகளின் விசாரணை குறித்த விவரங்கள் வெளி வர வாய்ப்பே இல்லை.

இந்தக் கேள்விகளுக்கான பதில்கள் கிடைத்தால், ஆளும்கட்சியின் விளையாட்டும், தேர்தலில் வெற்றிபெறுவதற்கு அவர்கள் பின்பற்றும் குறுக்குவழித் திட்டமும் தெரியவரும்.

எனவே, இவ்விவகாரம் தொடர்பாக முழுமையாக விசாரணை நடத்தி, ஆளும்கட்சி இதுபோன்ற செயல்களில் ஈடுபடுவதைத் தடுக்கவும், தேர்தல் நேர்மையாக நடைபெறவும் தேர்தல் ஆணையம் வழிவகை செய்ய வேண்டும் என்று தெரிவிக்கப்பட்டுள்ளது.

முன்னதாக, தபால் வாக்களிக்கக் காவல் துறையினருக்குப் பண விநியோகம் செய்ததாகப் புகார் எழுந்ததையடுத்து, திருச்சி மேற்கு தொகுதி திமுக வேட்பாளர் கே.என்.நேருவைத் தகுதி நீக்கம் செய்ய வேண்டும் என்று அதிமுக வேட்பாளர் வி.பத்மநாதன் வலியுறுத்தினார் என்பது குறிப்பிடத்தக்கது.

-----------------------------------------------------------

கிடா வெட்டி.......

எதையாவது பேச வேண்டும், எதை வேண்டுமானாலும் செய்ய வேண்டும், எப்படியாவது ஜெயிக்க வேண்டும் என்பதுதான் தமிழக அரசியலில் களம் இறங்கியிருக்கும் வேட்பாளர்களின் வேட்கையாக இருக்கிறது. வேட்பாளர்கள் கண்டதையும் பேசுகிறார்கள் என்றால், அவர்களுக்கு ஆதரவாகப் பேசுகிறேன் பேர்வழி என்று மற்றவர்கள் பேசுவது வேட்பாளர்களுக்கும் வேட்டு வைத்துக் கொண்டிருக்கிறது. திமுக ஆட்சியைப் பிடிக்கும் என்று பல்வேறு ஊடகங்களின் தேர்தல் கணிப்புகளும் கூறிவரும் நிலையில், அந்தக் கட்சியின் துணைப் பொதுச் செயலாளர் ஆ.ராசாவின் பேச்சு, தேர்தல் களத்தில் எதிர்வினைகளை உருவாக்கியிருக்கிறது. அவர் மீது முதல் தகவல் அறிக்கை பதிவு செய்யப்பட்டுள்ளது; கைது நடவடிக்கையும் பாயுமென்று செய்தி பரவிக் கொண்டிருக்கிறது. ஏதோ திமுகவில் இருப்பவர்கள் மட்டும்தான் இப்படிப் பேசுகிறார்கள் என்பது போல, சமூக ஊடகங்களிலும் காட்சி ஊடகங்களிலும் பலரும் கடுமையான விமர்சனங்களை முன் வைக்கிறார்கள்.

ஆனால், திமுகவினருக்கு நாங்கள் சற்றும் சளைத்தவர்கள் இல்லை என்பதைப் போல, அதிமுகவினரும் தாறுமாறாகப் பேசி, கட்சிக்குச் சிக்கலை ஏற்படுத்தி வருகின்றனர். காஸ் சிலிண்டர் 4,500 ரூபாய்க்கு விற்பதால்தான் நாங்கள் ஆண்டுக்கு ஆறு சிலிண்டர்கள் விலையின்றி கொடுக்கப் போகிறோம் என்று திண்டுக்கல் சீனிவாசன் பேசியது, சமூக ஊடகங்களில் சந்தி சிரிக்க வைத்துக் கொண்டிருக்கிறது.



 சிவகாசியிலிருந்து ராஜபாளையத்துக்கு தொகுதி மாறியதற்குக் காரணம் சாதி வாக்குகள்தான் என்று ராஜேந்திர பாலாஜி பேசியது, இரண்டு தொகுதிகளிலும் சத்தமின்றி ரகளையை உண்டாக்கி விட்டிருக்கிறது.

இவர்களுக்குப் போட்டியாக, கோவையில் ஒருவர், ‘திமுக வேட்பாளர்களை வெட்டி பிரியாணி போடுவோம்’ என்று பேசி, பீதியைக் கிளப்பியிருக்கிறார். இவர் அமைச்சரோ, எம்.எல்.ஏ.வோ இல்லை என்று ஒதுக்கிவிட முடியாது. கட்சியில் கோவை புறநகர் மாவட்ட எம்ஜிஆர் இளைஞரணி செயலாளர் என்கிற சாதாரண பொறுப்பில்தான் இவர் இருக்கிறார். ஆனால் அதிமுகவின் இன்றைய அதிகாரபூர்வ நாளிதழான ‘நமது அம்மா’ நாளிதழின் வெளியீட்டாளர் பொறுப்பில் இருக்கிறார். அதிமுகவைச் சேர்ந்த முதல்வர், அமைச்சர்கள், கட்சி நிர்வாகிகள் அனைவருடைய பேச்சுகளையும் வெளியிடும் பொறுப்பிலுள்ள ஒருவரே இப்படிப் பேசியிருப்பதுதான் அரசியல் வட்டாரத்திலும், ஆளும்கட்சியிலும் கடும் அதிர்வுகளை ஏற்படுத்தியுள்ளது.

இவர் அமைச்சர் வேலுமணியின் வலது கரமாகக் கருதப்படுபவர் என்பது கூடுதல் தகவலாகவுள்ளது.

அமைச்சர் வேலுமணி போட்டியிடும் தொண்டாமுத்தூர் தொகுதியில் நடந்த பொதுக்கூட்டத்தில் அவர் பேசும்போது, ‘‘நம்ம கட்சியில் ஒருங்கிணைப்பாளர், துணை ஒருங்கிணைப்பாளர் இருவரும் சேர்ந்து இன்டர்வியூ வைத்துத்தான் நல்ல வேட்பாளர்களைத் தேர்வு செய்கிறார்கள். ஆனால் திமுகவில் கோவை மாவட்ட வேட்பாளர்களை தேர்வு செய்யும்போது கையில் ஒரு சொம்பை வைத்துக்கொண்டு தொகுதிக்கு நான்கு பேரை வரவழைத்துத் தண்ணீரைத் தெளிக்கிறார்கள். தலையை ஆட்டினால் வெட்டி விடுகிறார்கள். தொண்டாமுத்தூர் தொகுதிக்கு எவனுமே தலையை ஆட்டாததால் காங்கேயத்திலிருந்து ஒரு மாடு திருடனை அழைத்து வந்திருக்கிறார்கள். அவர் வந்ததிலிருந்து தொண்டாமுத்தூர் தொகுதியிலுள்ள மக்கள், மாடுகளைக் கழற்றிவிட்டு, தடியோடு துணைக்கு நிற்கிறார்கள். ஸ்டாலினுக்குச் சொல்லிக் கொள்கிறேன்... மாடு திருடனை வேட்பாளராக அறிவித்து, எங்கள் அமைச்சருக்கு சவால் விடுகிறாய். இந்தத் தேர்தல் முடிந்ததும் அனைத்துத் தொகுதிகளிலும் வெற்றி விழாவுக்கு கடா வெட்டி விருந்து வைப்போம். ஒவ்வொரு தொகுதியிலும் ஒரு ஆடு கம்மியாத்தான் வாங்குவோம். அதுக்குப் பதிலா நீ அனுப்புன ஆட்டைத்தான் வெட்டுவோம். கண்டிப்பாக நீ எழுதி வெச்சுக்க. எல்லா ஆட்டையும் வெட்டி திலகா அக்காவை வெச்சு பிரியாணி போட்டு அனுப்பலைன்னா வேலுமணி அமைச்சர் யாருன்னு கேளு’’ என்று பேசினார்.

இந்த வீடியோ வைரலாகப் பரவ, திமுகவைச் சேர்ந்த வழக்கறிஞர் அணி மாவட்ட அமைப்பாளர் சிவசுரேஷ் , வடவள்ளி காவல் நிலையத்தில் கொடுத்த புகாரின்பேரில், தொண்டாமுத்தூர் தேர்தல் அலுவலர் செந்தில் அரசன் அனுப்பிய புகாரை ஏற்று, சந்திரசேகர் மீது முதல் தகவல் அறிக்கை பதிவு செய்யப்பட்டுள்ளது. இதில் சந்திரசேகர் மீது 294 (பி) பொது இடத்தில் ஆபாசமாகப் பேசுதல், 506(1) கொலை மிரட்டல் விடுப்பது ஆகிய பிரிவுகளில் வழக்குகளை பதிவு செய்திருக்கிறது காவல்துறை. 

-----------------------------------------------------------------------------------

ஹிட்லர்= சீமான்

♠ ஹிட்ல‌ர்முத‌லாம் உல‌க‌ப்போரில் ஜெர்ம‌ன் இராணுவ‌ம் தோற்ற‌த‌ற்கு கார‌ண‌ம் பெர்லினில் ஆட்சியில் இருந்த‌ ச‌மூக‌ ஜ‌ன‌நாய‌க் க‌ட்சி(SPD) ஜெர்ம‌னிய‌ருக்கு செய்த‌ துரோக‌ம் தான். ஜெர்ம‌னியை ஆள்ப‌வ‌ர்க‌ள் யூத‌ர்க‌ள். (உண்மையிலேயே அன்றைய‌ SPD தலைவ‌ர்க‌ளில் ப‌ல‌ர் யூத‌ர்க‌ளாக‌ இருந்த‌ன‌ர்.) அத‌னால் தான் பிரெஞ்சு இராணுவ‌த்தால் ஜெர்ம‌னிய‌ர்க‌ள் தோற்க‌டிக்க‌ப் ப‌டுவ‌த‌ற்கு ஒத்துழைப்பு வ‌ழ‌ங்கின‌ர். (முத‌லாம்) உல‌க‌ப் போரில் ந‌ட‌ந்த‌ ஜெர்ம‌ன் இன‌ப்ப‌டுகொலையின் சூத்திர‌தாரிக‌ள் SPD, மார்க்சிய‌வாதிக‌ள் ம‌ற்றும் யூத‌ர்க‌ள் தான்.

♣ சீமான்ஈழ‌ப் போரில் புலிக‌ள் தோற்ற‌த‌ற்கு கார‌ண‌ம் டெல்லியில் ஆட்சியில் இருந்த‌ காங்கிர‌ஸ் க‌ட்சி த‌மிழ‌ருக்கு செய்த‌ துரோக‌ம் தான்த‌மிழ்நாட்டை ஆள்ப‌வ‌ர்க‌ள் தெலுங்க‌ர்க‌ள். (உண்மையிலேயே அன்றைய‌ திராவிட‌க் க‌ட்சிக‌ளின் தலைவ‌ர்க‌ளில் ப‌ல‌ர் தெலுங்க‌ர்க‌ளாக‌ இருந்த‌ன‌ர்.) அத‌னால் தான் சிறில‌ங்கா அர‌ச‌ ப‌டைக‌ளால் த‌மிழ‌ர்க‌ள் தோற்க‌டிக்க‌ப் ப‌டுவ‌த‌ற்கு ஒத்துழைப்பு வ‌ழ‌ங்கினார்க‌ள்ஈழ‌ப்போரில் ந‌ட‌ந்த‌ த‌மிழ் இன‌ப்ப‌டுகொலைக்கு கார‌ண‌ம் காங்கிர‌ஸ்திராவிட‌வாதிக‌ள்ம‌ற்றும் தெலுங்க‌ர்க‌ள் தான்.

*****

♠ ஹிட்லர் ஜெர்மன் மொழி இனத்தவராக இருந்தாலும்உண்மையில் ஓர் ஆஸ்திரிய நாட்டு பிரஜைஅன்றைய ஆஸ்திரிய சாம்ராஜ்யத்தில் பல மொழிகளை பேசும் இனங்கள் இருந்தனஹிட்லர் ஒரு ஆஸ்திரிய பிரஜையாக இருந்தாலும்அவருடைய அரசியல் அபிலாஷைகள் முழுவதும் அன்று பிரஷிய ராஜ்ஜியமாக கருதப்பட்ட ஜெர்மனி பற்றியதாக இருந்தது.

♣ சீமான் தமிழ் மொழி இனத்தவராக இருந்தாலும்உண்மையில் ஓர் இந்தியப் பிரஜைஇன்றைய இந்தியாவில் பல மொழிகளைப் பேசும் இனங்கள் இருக்கின்றனசீமான் ஓர் இந்தியப் பிரஜையாக இருந்தாலும்அவருடைய அரசியல் அபிலாஷைகள் முழுவதும் இலங்கையில் வாழும் ஈழத்தமிழர் பற்றியதாக இருக்கின்றது.

♠ ஹிட்லர் ஆஸ்திரியாவில் இருந்து ஜெர்மனி சென்றுசக்கரவர்த்தியின் இராணுவத்தில் தானாகப் போய்ச் சேர்ந்தார்அவர் யுத்தகளத்தில் நின்றாலும் எந்தவிதமான சண்டையிலும் ஈடுபடவில்லைபோர் நடந்த இடத்திற்கு வெகுதூரம் தள்ளி பங்கருக்குள் இருந்து விட்டுபிற்காலத்தில் தனது இராணுவ சாகசங்களை பற்றி புளுகிக் கொண்டிருந்தார்அன்று இராணுவ வீரர்களாக இருந்த பலருக்கு ஹிட்லரின் புளுகுகள் எல்லாம் தெரிந்திருந்தன.

♣ சீமான் இந்தியாவில் இருந்துஇலங்கையில் புலிகளின் பிரதேசத்திற்கு சென்று போர்க்களத்தில் நின்று விட்டு வந்தார்ஆனால் வன்னியில் சீமான் நின்ற இடம் போர் நடந்த இடத்தில் இருந்து வெகு தூரம்எந்தச் சண்டையும் நேரில் காணவில்லைபிற்காலத்தில் சீமானும் ஈழத்தில் தனது இராணுவ சாகசங்களை பற்றி புளுகிக் கொண்டிருந்தார்முன்னாள் புலிப் போராளிகள் பலருக்கு சீமானின் புளுகுகள் எல்லாம் தெரியும்.

♠ ஹிட்லர்சீமான் இருவரும் சிறந்த பேச்சாளர்கள்கைகளை உயர்த்திநரம்பு புடைக்கசத்தமிட்டுப் பேசும் குணவியல்பைக் கொண்டவர்கள்இன உணர்வைத் தூண்டும் வகையில் உணர்ச்சிவசமாகப் பேசி மக்களைக் கவரும் வல்லமை பெற்றிருந்தனர்.

♣ அன்றைய காலகட்டத்தில் ஹிட்லரின் பேச்சுக்களை கேட்டவர்கள்அவரை ஒரு கோமாளி என நினைத்தார்கள்நம்ப முடியாத கதைகளை கேட்டுச் சிரித்தார்கள்அதே மாதிரிஇன்று சீமானின் பேச்சுக்களை கேட்பவர்கள்அவரை ஒரு கோமாளி என நினைக்கின்றனர்நம்ப முடியாத கதைகளை கேட்டுச் சிரிக்கின்றனர்.

♠ ஜெர்மன் குடியரசில் இரகசியமாக கூட்டம் கூடி வந்த சட்டவிரோத தீவிர ஜெர்மன் தேசியவாத அமைப்புகளுக்குள் ஊடுருவ அனுப்பப் பட்ட ஆள் தான் ஹிட்லர்மியூனிச் நகரில் கூட்டம் ஒன்றுக்கு காவல்துறைக்காக குறிப்பெடுக்க சென்று கொண்டிருந்த ஹிட்லர்பின்னர் அவர்களின் கொள்கைகளால் கவரப் பட்டு அங்கத்தவராக சேர்ந்து கொண்டார்ஆளுமை மிக்க பேச்சுகள் மூலம் பலரை தன்பக்கம் ஈர்த்தார்பெரும்பாலும் மாணவர்கள்இளைஞர்கள் ஹிட்லரால் கவரப் பட்டனர்.

♣ தடாபொடா போன்ற அடக்குமுறை சட்டங்களின் விளைவாகதமிழ்நாட்டில் இரகசியமாக இயங்கிய தீவிர தமிழ்த்தேசிய அமைப்புகளுக்குள் ஊடுருவ அனுப்பப்பட்டவர் தான் சீமான். 2009 ஆண்டளவில் நடந்த ஈழத்தமிழர் ஆதரவுப் போராட்டங்களில் கலந்து கொண்டுதனது ஆளுமை மிக்க பேச்சுக்கள் மூலம் பலரை ஈர்த்தார்குறிப்பாக மாணவர்கள்இளைஞர்கள் சீமானால் கவரப் பட்டனர்.

♠ அன்று ஜெர்மனியில் இருந்த தீவிர வலதுசாரிக் கட்சிகள் குறிப்பிட்ட அளவு மேட்டுக்குடியினர் ஆதரவை மட்டுமே பெற்றிருந்தனர்அதனால் வளர முடியவில்லைஏனெனில் அவர்களது ஆதரவுத்தளமாக இருந்த மத்தியதரவர்க்கபணக்கார வர்க்கத்தினர் மிகச் சிறுபான்மையினர்ஹிட்லர் ஒரு வித்தியாசமான பாதையை தேர்ந்தெடுத்தார்அடித்தட்டு மக்களின் பிரச்சினைகளையும் கவனத்தில் எடுத்துசாதாரண மக்கள் அனைவருக்கும் புரியும் மொழியில் பேசினார்அது வரை காலமும் இடதுசாரிகளால் மட்டுமே பேசப் பட்டு வந்தவறுமைவேலையில்லாப் பிரச்சினைநலிவடையும் விவசாயம் போன்ற பிரச்சனைகள் ஹிட்லரின் பிரச்சார உரைகளில் இடம்பெற்றனஉண்மையிலேயே உலகப்போரில் வென்ற நாடுகள் ஜெர்மனி மீது விதித்த பொருளாதாரத் தடை காரணமாகஅன்று ஏராளமான ஜெர்மன் விவசாயிகள் தற்கொலை செய்திருந்தனர்.

♣ இன்று தமிழ்நாட்டில் உள்ள பாஜகஆர்எஸ்எஸ் போன்ற தீவிர வலதுசாரிக் கட்சிகள்பிராமணர்கள்உயர்சாதியினர்செல்வந்தர்கள் போன்ற மேட்டுக்குடியினர் ஆதரவை மட்டுமே கொண்டுள்ளனர்அதனால் வளர முடியவில்லைசீமான் சாதாரண மக்கள் அனைவருக்கும் புரியும் மொழியில் பேசுகிறார்இது வரை காலமும் இடதுசாரிகளால் மட்டுமே பேசப் பட்டு வந்தவறுமைவேலையில்லாப் பிரச்சினைநலிவடையும் விவசாயம் போன்ற பிரச்சனைகள் சீமானின் பிரச்சார உரைகளில் இடம்பெற்றனஉண்மையிலேயேபொருளாதாரப் பிரச்சினை காரணமாக ஏராளமான தமிழக விவசாயிகள் தற்கொலை செய்து கொண்டனர்.

♠ அன்று ஜெர்மனிக்கு வெளியே பல ஐரோப்பிய நாடுகளில் வாழ்ந்த ஜெர்மன் இனத்தவர்கள் ஹிட்லருக்கு ஆதரவளித்தனர்ஆஸ்திரியா தவிர செக்கோஸ்லாவாக்கியாபோலந்துசுவிட்சர்லாந்துபெல்ஜியம்பிரான்ஸ்இத்தாலிருமேனியா என்று பல நாடுகளில் ஜெர்மனியர்கள் வாழ்ந்தனர்அவர்களில் பலர் ஹிட்லரை தமது இனத்தின் மீட்பராக பார்த்தனர்அதனால் நிறையப் பணம் அனுப்பினார்கள்.

♣ இன்று பல மேற்கத்திய நாடுகளில் வாழும் தமிழர்கள் சீமானுக்கு ஆதரவளிக்கின்றனர்இந்தியாஇலங்கைக்கு வெளியே பிரித்தானியாகனடாஜெர்மனிசுவிட்சர்லாந்து என்று பல நாடுகளில் வாழும் தமிழர்களில் பலர் சீமானை தமது இனத்தின் மீட்பராக பார்க்கின்றனர்அதனால் நிறையப் பணம் அனுப்புகிறார்கள்.

--------------------------------------------------------------------------

எச்ச.ராஜா. நிலைமை.

காரைக்குடி தொகுதியில் பாஜக சார்பில் போட்டியிடும் ஹெச்.ராஜா தேர்தல் அறிக்கை விளம்பர  பக்கத்தில் தான் ஒரு பாஜக வேட்பாளர் என்பதைக் கூட சொல்லாமல், தன் கட்சிப் பெயரையும் வெளிப்படுத்தாமல் அறிக்கை வெளியிட்டுள்ளார். பாஜக வேட்பாளர்  என்று அறிவிப்பு செய்தால் வாக்களர்களிடம் வாக்கு கிடைக்காது என்பதை  உணர்ந்து தவிர்த்து உள்ளாரா என்கிற சந்தேகம் வாக்காளர்களிடம் எழுந்துள்ளது.




----+----------+-----------+---------+---------+--------+


வியாழன், 25 மார்ச், 2021

இம்முறையும் ராம நாமம்தான் பொரி உருண்டைக்கு.

 தொலைக்காட்சியில் கன்னியாகுமரி நாடாளுமன்ற தொகுதியில் போட்டியிடும் வேட்பாளர்களிடம் கேள்விகளை தொடுக்கும் ‘மக்கள் தர்பார்’ நிகழ்ச்சிக்கு 30 பேர் அழைக்கப்பட்டிருந்தனர். அவர்களிடம் நிகழ்ச்சியின் இறுதியில் வாக்கெடுப்பு நடத்தப்பட்டது. 18 பேர் காங்கிரஸ் வேட்பாளர் விஜய் வசந்தை ஆதரித்தனர். பொன்னாருக்கு ஆதரவாக 8 பேரே கையை தூக்கினர். நிகழ்ச்சியின் இறுதியை மட்டும் தான் பார்க்க முடிந்தது

கன்னியாகுமரியில் காங்கிரஸ் வெற்றி பெற்ற பிறகு கடந்த இரண்டு வருடங்களாக திருவனந்தபுரம் செல்லும் நான்கு வழிச் சாலை வேலை நடைபெறவில்லை என்றார் பொன்னார். பாஜக தவிர்த்து வேறு யாரை தேர்ந்தெடுத்தாலும் வேலைகள் நடக்காது என்றும், மூன்று வருடங்கள் இனியும் பாஜக தான் மத்தியில் இருக்கப் போகிறது என்றும் மிரட்டும் தொனியில் பேசினார். அதை நாம் தமிழர் வேட்பாளர் உடனே தட்டிக் கேட்கவும் செய்தார். பொன்னார் இன்னொன்றையும் கூறினார். சாதி, மதமென பிரிந்து கிடப்பது போதுமெனவும், மக்களை வாழ விடுங்கள் என்றும் பெரிய யோக்கிய சிகாமணி போல பேசினார். இது பொன்னார் மற்றவர்களை பார்த்துப் பேசினார் என்று நினைப்பதைக் காட்டிலும் தன்னை நோக்கியே பேசினார் என்று எடுத்துக் கொள்ளலாம். மதவாத அரசியலின் உச்ச பலனை பொன்னார் தொட்டு விட்டார். இதற்கு மேல் மதவாதம் வாக்குகளை பெற்றுத் தராது என்ற அனுபவப் பாடத்தை கற்றுக் கொண்டு விட்டார். அதனால் தான் இரவல் சொற்களில் மதச்சார்பின்மை பேசுகிறார். சங்கிலித் திருடன் ஒருவன், ‘அதோ திருடன்…’ என்று சொல்லிக் கொண்டே ஓடுவதை போன்று பொன்னார் மற்றவர்களை பார்த்து மத அரசியல் வேண்டாம் என்று கூறுவது நகைப்புக்கிடமாக இருக்கிறது. மத அரசியலை உதறும் பாவனை கொண்ட பொன்னாரின் தேர்தல் கால சொல்லாடல்களின் இன்னொரு அம்சம் என்னவென்றால் அதானியின் துறைமுக மற்றும் சாலை விரிவாக்கப் பணிகளுக்கு முழுக்க தன்னை நேர்ந்து விட்ட கடப்பாடு. ஒரு பக்கம் இந்துத்துவப் போக்கிரியாகவும் மறுபுறம் அதானிக்கு தம்பிரானாகவும் இருக்க வேண்டிய அந்திம கால அரசியல் நிர்ப்பந்தங்கள் இணைந்து பொன்னாரின் கதையை இன்னொரு முறை முடித்து வைக்க உக்கிரமாகக் காத்துக் கொண்டிருக்கின்றன.

- ----+++----------++++------------+++++-------------------

பல்கலைக் கழகமா?

 பாலியல் கலகமா??





-----_--------_---------_--------_---------_---------_----------

தேடியந்திரம்.

கோ என்றால் அரசன் எனும் அர்த்தம் தமிழில் உண்டு என்பது தெளிவானது.

இதே போல, ஒற்றைச்சொல்லில் பொருள் கொள்ளக்கூடிய எழுத்துகளின் தமிழின் தனிச்சிறப்பாக கருதலாம். இது பற்றி தமிழ் ஆர்வலர்களிடம் தான் விரிவாக கேட்க வேண்டும்.

இப்போதைய கேள்வி என்னவென்றால், ‘அ’ என்றால் ஏதேனும் பொருள் இருக்கிறதா? என்பது தான்.

இதையே கொஞ்சம் மாற்றி ஆங்கிலத்தில் “A “ எனும் எழுத்திற்கு என்ன பொருள் என்று கேட்டால் எப்படி இருக்கும். இந்த கேள்விக்கான பதிலை கூகுளில் தேடினால் எப்படி இருக்கும்? அதாவது A என்றால் என்ன என தேடக்கூடாது. மாறாக, A எனும் எழுத்தை மட்டும் கூகுளில் சமர்பித்து தேடினால் என்ன முடிவுகள் கிடைக்கும்?

A எனும் எழுத்தில் தேட என்ன இருக்கிறது என நீங்கள் நினைக்கலாம். கூகுளில் தேடினாலும், இந்த எழுத்துக்கான அகராதி அர்த்தம் மற்றும் விக்கிபீடியா விளக்கம் உள்ளிட்ட தேடல் முடிவுகளே பட்டியலிடப்படுகின்றன.

ஆம், அதற்கென்ன என கேட்பதாக இருந்தால், முழு வடிவங்கள் எனும் பொருளில் அமைந்துள்ள ‘ஃபுல்பார்ம்ஸ் (A ) இணையதளத்தில் தேடிப்பாருங்கள், A எனும் எழுத்திற்கு இத்தனை விதமான பொருள் உண்டா என வியந்து போவீர்கள்.

A என்பது மின்சாரத்தை அளவிடுவதற்கான ஆம்பியரை (Ampere  ) குறிக்கும் என்பதில் துவங்கி, இரத்த வகையை குறிக்கும், மருத்துவத்தில் அடினைனை குறிக்கும், வைட்டமின் வகையை குறிக்கும், ஆர்கன் வாயுவை என வரிசையாக இந்த எழுத்து எதற்கெல்லாம் சுருக்கெழுத்தாக அல்லது முதலெழுத்தாக பயன்படுகிறது எனும் விவரம் பட்டியலிடப்பட்டுள்ளது.

இதே போல ஆங்கில எழுத்தான B பற்றி தேடினால், பிட்டை (bit ) குறிக்கும், பைட்டை (Byte ) குறிக்கும், அழுத்தமான எழுத்தை (bold) குறிக்கும் , பில்லியனை குறிக்கும், என்றெல்லாம் விளக்கம் அளிக்கிறது. கூகுளில் b என தேடினால் இதெல்லாம் வருவதில்லை.

ஃபுல்பார்ம்ஸ் தளத்தில் முகப்பு பக்கத்தில் உள்ள ஆங்கில அகர வரிசை எழுத்துகளில் எந்த எழுத்தை கிளிக் செய்து தேடினாலும், அந்த எழுத்து எத்தைகைய பொருள் மற்றும் பயன்பாட்டை கொண்டுள்ளது என்பதற்கான விளக்கம் வருகிறது.

எழுத்துக்கான ஒவ்வொரு பயன்பாடு தொடர்பான விளக்கம் தவிர, அதன் வகை, சுருக்கமான வரையறை மற்றும் உலக அளவிலான பயன்பாடு விவரம் ஆகிய தகவல்கள் பட்டியலிடப்பட்டுள்ளன.

இதே விதமாக, அப்ரிவேஷன் எனப்படும் சுருக்க எழுத்துக்களுக்கான விளக்கமும் அளிக்கப்பட்டுள்ளது.

உண்மையில், இந்த தளம் சுருக்க எழுத்து மற்றும் முதலெழுத்துக்களுக்கான விளக்கத்தை அறிவதற்கான தளம் தான். அருமையான இந்த தளத்தை குறித்து வைத்துக்கொள்ளுங்கள். சுருக்கெழுத்து அல்லது முதலெழுத்து தொடர்பான விளக்கத்தை தேட விரும்பினால், கூகுளில் தேடுவதற்கு பதில் நேரடியாக இந்த தளத்தில் தேடுங்கள்.

ஏனெனில், கூகுள் எல்லாம் வல்ல தேடியந்திரமாக கொண்டாடப்பட்டாலும், அடிப்படையில் கூகுள் ஒரு பொது தேடியந்திரம் தான். குறிப்பிட்ட நோக்கிலான தகவல்கள் தேவை எனில் கூகுளில் தேடுவதை விட, பிரத்யேக தேடியந்திரங்களை நாடுவது தான் சரியானது. அந்த வகையில், ஃபுல்பார்ம்ஸ் தளத்தையும் நினைவில் கொள்ளுங்கள்.

இணையத்தில் சுருக்கெழுத்துகளை தேட வேறு சில இணையதளங்களும் இருக்கின்றன. ஆனால், இந்த தளங்களில் காணக்கூடிய விளக்க வேறுபாடு அல்லது குழப்பத்தன்மைக்கு இடமில்லாமல், சுருக்கெழுத்துகளுக்கான சீரான விளக்கத்தை அளிப்பதாக ஃபுல்பார்ம்ஸ் தெரிவிக்கிறது. இதற்கென தனி ஆசிரியர் குழு பணியாற்றி விளக்கங்களுக்கான தர நிர்ணயத்தை அளிப்பதாகவும் தெரிவிக்கப்பட்டுள்ளது.

   -                                                                            - சைபர் சிம்மன்.

-------------------------------+----------------------------+----------------------------