செவ்வாய், 25 ஜனவரி, 2022

ஒரு உயர் காதல்

 உலகுக்கு புது புது சித்தாந்தங்களை தம் அறிவின் மூலம் பேசிய ஒரு பொதுவுடைமை அறிஞர். பொருளாதார ரீதியாக நிறைய கண்டுபிடிப்புகளும் கட்டுரைகளும் வெளியிட்டவர். 

அவர்தான் கார்ல் மார்க்ஸ். 

கார்ல் மார்க்ஸ், உலகுக்கு கம்யூனிச சித்தாந்தங்களை வெளி கொண்டுவந்தவர். அவர் எழுதிய “டாஸ் கேப்பிடல்” இன்றளவும் யாராலுமே புரிந்து கொள்ள முடியாத தத்துவ விதைகளை விதைத்த பெரும் படைப்பு என்பது யாராலும் மறுக்க முடியாது.

இப்படி அனைத்தையும் உலகுக்கு கொண்டு வந்தவருக்கு வாழ்க்கை முழுவதும் யார் உறுதுணையாக இருந்திருப்பார் என்றால் அது அவரது மனைவி ஜெனியாகத்தான் இருக்க முடியும்.


“மனைவி அமைவது எல்லாம் இறைவன் கொடுத்த வரம்” என்று நம் ஊரில் ஒரு பழமொழி உண்டு. ஒரு மனிதனை இப்படி ஒருவர் காதலிக்க முடியுமா என்று தெரியவில்லை. வறுமையின் காரணமாக தங்கள் குழந்தைகள் இறக்கும் போது கூட, மார்க்ஸ் மீது எந்த கோபமும் இல்லாமல் நீங்கள் நினைப்பதை செய்யுங்கள் அதற்கு நான் பக்க பலமாக இருக்கிறேன் என்றவர் தான் ஜெனி. இது ஆணாதிக்கத்தால் நடந்ததில்லை. மார்க்ஸ் ஜெனி மீதும், ஜெனி மார்க்ஸ் மீதும் வைத்திருந்த புரிதலினால் அமைந்தது. இவர்கள் கல்யாணம் பெற்றோர்களால் நிச்சயிக்கப்பட்டதில்லை, அவர்கள் சிறுவயதிலிருந்து நண்பர்களாகி பின் வாழ்க்கை துணைவர்களாய் நிச்சயித்து கொண்டது. இது ஒரு புரிதலால் உண்டான இருவரின் கதை.


பால்ய வயதில் அடாவடியாக சுற்றித்திரிந்த மார்க்ஸ், ஒரு பக்கம் வீட்டின் வறுமையில் சிக்கித் தவித்துள்ளார். ஆனால் ஜெனியின் வீடோ பணக்கார குடும்பம். கார்ல் மார்க்ஸ் தன் உயர் படிப்பிற்காக படிக்க செல்லும்வரை அவருக்கு சமூகத்தின் மீது எந்த ஒரு அக்கறையும் இருந்ததில்லை. அவருக்கு இருந்த ஒரே அக்கறை ஜெனி மட்டும்தான். கல்லூரிக்கு சென்றவுடன் ஜெனிக்காக நண்பர்களுடன் காதல் பாட்டு, கவிதை, ஜெனிக்கு காதல் கடிதம் என அனைத்தையும் எழுதிவிட்டு ஜெனியின் பதில் கடிதத்திற்கு காத்திருப்பார். இப்படி போய்க்கொண்டிருந்தவர் வாழ்க்கை தான் சமூகத்தின் பக்கம் ஒரு முக்கிய கட்டத்தில் திரும்பியிருக்கிறது. இதுவரை காதலுடன் மட்டும் பயணித்த கார்ல், அதன்பின் சமுகத்தையும் தன்னுடன் சேர்த்து பயணிக்க வைத்தார்.

மார்க்ஸுக்கு படிப்பு முடிந்தது. இங்கு ஊரில் அழகான ஜெனியை திருமணம் செய்ய வரன்கள் வந்து கொண்டே இருந்தன. ஆனால் ஜெனி எல்லாவற்றையும் நிராகரிக்கிறார். அதற்கு மார்க்ஸ் மட்டும் தன காரணம். மார்க்ஸை மட்டும் தான் திருமணம் செய்வேன் என்கிறார். ஏழை சண்டை எதுவும் இவர்கள் காதல் கதைகளில் இல்லை. ஜெனியின் அப்பாவுக்கு மிகவும் பிடித்தமான ஒருவர் கார்ல் மார்க்ஸ். ஜெனியின் வீட்டில் காதலுக்கு பச்சைக்கொடி தான். ஆனால், மார்க்ஸின் வீட்டில் தான் பிரச்சனையே. மார்க்ஸின் குடும்பம் கிறிஸ்தவர்களாக மதம் மாறியிருந்தாலும் பூர்விகமாக யூதர்கள். அதுதான் இங்கு பிரச்சனையே, மார்க்ஸின் அம்மா “ஒரு யூதன் ஜெர்மன் பெண்ணை திருமணம் செய்வதா நான் ஒப்புக்கொள்ள மாட்டேன்” என சொல்லிவிட்டார்.


இதையடுத்து காரல் மார்க்ஸ் ஜெனியை திருமணம் செய்ய வேண்டுமென்றால் முதலில் ஒரு வேலையம் ஒரு சின்ன சம்பாத்தியமும் வேண்டும் என நினைக்கிறார். ஆதலால், ஜெனியிடம் எனக்காக காத்திரு. நான் உன்னை வேலை கிடைத்தவுடன் அழைத்து செல்கிறேன் என்கிறார். ஜெனியும் காத்துக் கொண்டிருக்கிறார். ஏழு வருடங்கள் நகர்கின்றன. பின்னர் நண்பர்கள் உதவியுடன் பாரிஸில் வேலை கிடைக்க ஜெனியை திருமணம் செய்துகொள்கிறார், சில நிபந்தனைகளுடன். “நம் திருமணம் ஆடம்பரமாக இல்லாமல் சிறிய முறையில் தேவாலயத்தில் பதிவு செய்தால் போதும் என்று கூறுகிறார். வெறும் ஐந்து பேர் கொண்டு நடக்கிறது அவர்கள் திருமணம். பொதுவாக பெண்கள் தனக்கு திருமணம் ஆடம்பரமாக நடக்க வேண்டும் என நினைப்பார்கள். ஆனால் இங்கு ஜெனியோ “எனக்கு நீ கிடைத்தால் போதும், உன்னுடன் நான் வாழ்ந்தால் போதும்” என்று நினைத்திருப்பார் போல. அதற்கு சரி என்று சொல்லிவிட்டார்.


அவர்களின் தேன்நிலவு கதைகளை கேட்டால் கேலிக்கூத்தாக தான் இருக்கும்.

 பத்து பெரிய பெட்டிகள் நிறைய புத்தகங்களை எடுத்துக் கொண்டு சென்றுள்ளார் மார்க்ஸ். அதற்கு ஜெனியும் நாம் இருவரும் சேர்ந்தே படிப்போம் என்று கூறியுள்ளார். 

எத்தனை காதல் இருந்தால் இப்படி ஒரு சொல் இங்கே வந்திருக்கும். இயற்கையை ரசிக்க சென்ற மார்க்ஸ் வீட்டை பூட்ட மறந்துவிட திருடன் வீட்டில் இருக்கும் அத்தனை பணத்தையும் திருடி விடுகிறான். 

இந்த நிகழ்வை ஜெனியிடம் அவர் சொல்ல, ஜெனி விழுந்து விழுந்து சிரிக்கிறார். சிரித்துக்கொண்டே, ” நாமும் இனி உழைக்கும் வர்க்கம் ஆகிவிட்டோம் என்கிறார்.

 காரல் மார்க்ஸுக்கு கால வெள்ளத்தில் சமூகத்தின் மீது பற்று அதிகமாகிறது. இவர் செய்யும் வேலைகளுக்கு எங்கு பார்த்தாலும் எதிர்ப்புகள் இருக்க நாட்டை விட்டு வெளியனுப்பப்படுகிறார். 

உடன் மனைவி குழந்தைகள் இருக்கிறார்கள் என்று எந்த யோசனையும் இல்லாதவராக இருக்கிறார் மார்க்ஸ். இவர் இழுத்த இழுப்புக்கெல்லாம் எதுவும் சொல்லாமல் ஜெனியும் இருக்கிறார். காதலனை பார்த்து எந்த நேரத்திலும் “வீட்டை மட்டும் கவனித்தால் போதும், நீங்கள் நாட்டுக்கு ஒன்று செய்ய வேண்டாம்” என சொல்லியதே இல்லை.

 வறுமையினால் இவர்களுக்கு பிறந்த நான்கு குழந்தைகள் இறந்திருக்கின்றனர் . சுற்றிலும் கடன். நண்பர்கள் உதவியுடன் தான் வாழ்க்கையை ஒட்டியிருக்கிறார்கள். இதுபோன்று நடக்கும்போது கூட மார்க்ஸ் எதோ ஒரு சமூக யோசனையில் தான் இருந்திருக்கிறார்.


இத்தனை துயரங்களிலும் உடன் இருந்த ஜெனி, மார்க்ஸ் இறக்கும் ஓராண்டுக்கு முன், நோயுற்று கிடக்கிறார். 

ஒரு அறையில் ஜெனியும், மறு அறையில் மார்க்சும். இருவரும் பார்க்கக் கூட முடியாமல் இருக்கின்றனர். ஜெனி இறந்து கல்லறையில் புதைக்கும் வரை மார்க்ஸை ஜெனியின் உடலை பார்க்க யாரும் அனுமதிக்கவில்லை. அவளின் நோய் தொற்றிவிடும் என அஞ்சினர். 

இறுதி அஞ்சலிக்கு கடிதம் எழுதி அனுப்பினார் மார்க்ஸ். காதல் கடிதங்களில் ஆரம்பித்த அவர்களின் காதல், அதே காதல் கடிதத்தோடு முடிகிறது. . 

அதில் “அவளைப் போல ஒரு பெண் இல்லை என்றால் நான் ஒரு சாமான்யனாகவே இருந்திருப்பேன். அவள் எனக்கு கிடைத்தது ஒரு வரம்” என்று அதில் எழுதியுள்ளார். 

நான்கு நாட்கள் கழித்து கல்லறையில் பூ வைத்துவிட்டு கண்ணில் நீர் வழிய கதறியிருக்கிறார். 

அதன் பின்னரும் சமூகத்திற்காக போராட வேண்டும் என சமூக பணிக்கு வந்திருக்கிறார் இருந்தாலும் மார்க்ஸின் நெருங்கிய நண்பரான ஹெங்கல்ஸ் கூறுகிறார்,” ஜெனி இறந்த பின்பு, மார்க்ஸ் ஒரு ஆவியாக மட்டும்தான் இருக்கிறார்” என்று. ஒருவேளை தன் பால்ய வயதில் ஜெனியிடம் உரையாடிய ஷேக்ஸ்பியர் காதல் கதைகள் கேட்டுக்கொண்டிருந்திருப்பாரோ?

 தன்னை விட நான்கு வயது பெரியவரான ஜெனி மார்க்ஸிடம் அடிக்கடி சொல்வாராம், ” நான் உன்னை குழந்தையாக இருக்கும் போதிலிருந்தே பார்த்து வருகிறேன் மார்க்ஸ்” என்று. மார்க்ஸ் என்ற மாமேதையை உலகறிய செய்த பெருமைக்கு அவரது சித்தாந்தங்கள் எப்படி ஒரு காரணமாக இருந்ததோ, அதேபோல ஜெனியும் ஒரு காரணமே. 

ஒவ்வொரு ஆணின் வெற்றிக்குப் பின்னாலும் ஒரு பெண் இருக்கிறார் என்பதற்கு இவர்களின் காவியக் காதலியே ஒரு உதாரணம்.

-----------------------------------------------------------------------------------

கலப்பட நெய்?

ஒரு பாத்திரத்தில், ஒரு தேக்கரண்டி நெய்யை சூடாக்க வேண்டும். 

நெய் உடனடியாக உருகி, அடர் பழுப்பு நிறமாக மாறினால், அது தூய்மையானது. ஆனால், உருகுவதற்கு நேரம் எடுத்து, வெளிர் மஞ்சள் நிறமாக மாறினால்,அதில் கலப்படம் செய்யப்பட்டிருக்கிறது.

 எனவே அதைத் தவிர்ப்பது நல்லது.

 உங்கள் உள்ளங்கையில் ஒரு டீஸ்பூன் நெய் விடவும். அது தானே உருகினால் தூய்மையானது.


ஒரு சிறிய அளவு உருகிய நெய்யில், இரண்டு சொட்டு அயோடின் (உப்பு) கரைசலை சேர்க்கவும். அயோடின், ஊதா நிறமாக மாறினால், அதில் ஸ்டார்ச் கலந்திருக்கிறது மற்றும் அது தவிர்க்கப்பட வேண்டும்.


பாட்டிலில் ஒரு டீஸ்பூன் உருகிய நெய்யை எடுத்து, அதில் ஒரு சிட்டிகை சர்க்கரை சேர்க்கவும். பாட்டிலை மூடி வேகமாக குலுக்கவும். பிறகு ஐந்து நிமிடங்களுக்கு விடவும். இப்போது பாட்டிலின் அடியில் சிவப்பு நிறம் இருந்தால், அதில் சமையல் எண்ணெய் கலப்படம் செய்யப்பட்டிருக்கிறது.

நெய்யில் தேங்காய் எண்ணெய் உள்ளதா என்பதைச் சரிபார்க்க, ஒரு கண்ணாடி ஜாடியில் நெய்யை உருக்கவும். சிறிது நேரம் கண்ணாடி ஜாரை ஃபிரிட்ஜில் வைக்கவும். நெய்யும், தேங்காய் எண்ணெய்யும் தனித்தனி லேயராக இருந்தால் அதில் கலப்படம் செய்யப்பட்டிருக்கிறது.

அடுத்தமுறை இந்த சோதனைகளை பயன்படுத்தி உங்கள் நெய் தூய்மையனதா என கண்டறியுங்கள்.



----------------------------------------------------------------------------






திங்கள், 24 ஜனவரி, 2022

உயிர்தெழும் சேலம்8 வழிச்சாலை.?

ஐஏஎஸ் பணி விதிகளில் திருத்தம்

எதிர்க்கும் மாநிலங்கள்!

ஐஏஎஸ் பணி விதிகளில் திருத்தம்: எதிர்க்கும் மாநிலங்கள்!

ஐஏஎஸ் அதிகாரிகளை ஒன்றிய பணிக்கு இடமாற்றம் செய்யும் வகையில் ஐஏஎஸ் விதிகள் 1954இல் திருத்தங்கள் மேற்கொள்ள ஒன்றிய அரசு திட்டமிட்டுள்ளது. இந்திய ஆட்சிப் பணி விதிகள் 1954 விதி 6இன் படி மாநில அரசுகளின் கீழ் பணியாற்றும் ஐஏஎஸ் அதிகாரிகளை ஒன்றிய அரசுப் பணிகளுக்கு மாற்ற வேண்டுமானால் அதற்கு மாநில அரசின் சம்மதம் வேண்டும்.

ஆனால் தற்போது மாநில அரசு ஒப்புதல் இல்லாமலேயே ஒன்றிய அரசு இந்த அதிகாரிகளை ஒன்றிய அரசுப்பணிக்கு அழைத்துக் கொள்ளும் வகையில் 1954 விதி 6இல் திருத்தம் மேற்கொள்ளப்படவுள்ளது.

இதற்கு பல்வேறு மாநிலங்களின் அரசியல் கட்சித் தலைவர்கள் எதிர்ப்புத் தெரிவித்து வருகின்றனர்.

ஏற்கனவே மேற்கு வங்க முதல்வர் மம்தா பானர்ஜி, இந்த விதிகளில் மாற்றம் செய்யக் கூடாது என்று எதிர்ப்புத் தெரிவித்து பிரதமர் மோடிக்குக் கடிதம் எழுதினார்.

நேற்று (ஜனவரி 23) தமிழக முதல்வர் ஸ்டாலின் பிரதமர் மோடிக்கு கடிதம் எழுதினார்.

அதில், சமீபத்தில் ஒன்றிய அரசு அகில இந்திய ஆட்சிப் பணி விதிகள் 1954இல் செய்ய உத்தேசிக்கப்பட்டுள்ள திருத்தங்கள் இந்தியக் கூட்டாட்சித் தத்துவத்திற்கும், மாநில சுயாட்சிக்கும் எதிரானது.

மாநில, மாநில அரசுகளுக்கு இடையே நிலவும் ஒரு இணக்கமான சூழ்நிலைக்கு இந்த ஒன்றிய ஒன்றியங்கள் பெரும் பாதிப்பை ஏற்படுத்தும்” எனச் சுட்டிக்காட்டியுள்ளார்.மேலும் அவர், “ஆட்சிப் பணி அதிகாரிகளின் பணிச்சூழலை நிர்வகிப்பது குறித்த அரசின் தவறான அணுகுமுறைகள் காரணமாக ஏற்கனவே மாநில அரசுகளில் குறிப்பிட்ட சில முதுநிலைகளில் போதுமான எண்ணிக்கையில் அலுவலர்கள் இல்லாத சூழ்நிலை நிலவி வருகிறது.

குருப்-1 நிலை அலுவலர்கள் மூலமாகவும், வெளிச் சந்தையிலிருந்து வல்லுநர்களைத் தேர்வு செய்யும் (பக்க நுழைவு) முறை மூலமாகவும் ஒன்றிய அரசு தனது தேவையை நிறைவு செய்யும் சூழ்நிலையில் மாநில அரசு முழுக்க முழுக்க தனது நிர்வாகத் தேவைகளுக்கு குறைவான எண்ணிக்கையில் உள்ள இந்திய ஆட்சிப் பணி அலுவலர்களைச் சார்ந்துள்ளது” என்றும் குறிப்பிட்டுள்ளார்.

மாநில அரசுப் பணிபுரியும் அதிகாரிகளை ஒன்றிய அரசுப் பணிக்கு அனுப்பி வைப்பது, ஏற்கனவே போதுமான எண்ணிக்கையில் குறைபாடுள்ள நிலையில் நிர்வாகம் ஒரு தொய்வு நிலையை ஏற்படுத்திவிடும் என்று கூறியுள்ள முதல்வர் ஸ்டாலின், “ஒன்றிய அரசு வெளிச் சந்தையில் வல்லுநர்களைத் தேர்வு செய்திடும் முறை, ஒன்றிய அரசுப் பணிக்குச் செல்ல வேண்டிய அலுவலர்களின் ஆர்வமும் ஏற்கனவே குறைக்கப்பட்டுள்ளது.

உத்தேசிக்கப்பட்டுள்ள சட்டத் திருத்தத்தில் ஒரு குறிப்பிட்ட பிரிவின்படி சம்பந்தப்பட்ட அலுவலரின் விருப்பம் மற்றும் மாநில அரசின் ஒப்புதல் இல்லாமல் ஒன்றிய அரசின் பணியை மாற்ற முடியும் என்ற நிலை இந்தியாவின் எஃகு கட்டமைப்பு என்று அழைக்கப்படும் அரசுப் பணி நிர்வாகத்திற்கு ஒரு நிலையற்ற தன்மையையும் அலுவலர், பணி ஆர்வத்தையும் குறைக்கிறது

இனிச் சென்றால் அகில இந்திய ஆட்சிப் பணி அலுவலர்கள் ஒரு நிரந்தர அச்ச உணர்வுடன் பணியாற்ற வேண்டிய சூழ்நிலை ஏற்படும். இது தற்போது வளர்ச்சிப் பாதையில் செல்ல விரும்பும் நமது நாட்டிற்கு உகந்ததல்ல.குடிமைப்பணி அலுவலர்கள் அரசியல் சார்புத்தன்மை இன்றியும், எந்த அச்ச உணர்வின்றியும் பணியாற்ற வேண்டும். ஆனால் உத்தேசிக்கப்பட்ட சட்டத் திருத்தங்கள் நிர்வாகக் கட்டமைப்பின் தன்மையையும் அதன் செயல்பாடும் பாதிப்பதோடு மட்டுமல்லாமல் மாநிலங்களில் குடிமைப்பணி அதிகாரிகளின் பணிச்சூழலை நிர்வகிப்பது சிக்கலாக்கிவிடும்.

இவற்றால் மாநில நிர்வாகமும் அதன் மூலம் தேச நலனும் கூட பாதிக்கப்படலாம். புதிய சட்டத் திருத்தத்தின் விளைவுகள் அச்சமூட்டுவதாக உள்ளதாகவும், சம்பந்தப்பட்ட அனைத்து தரப்பினருடனும் உரிய ஆலோசனை மேற்கொள்ளாமல் அவசரமாகச் சட்டத் திருத்தங்களை ஒன்றிய அரசு கொண்டு வர முயற்சிப்பது இந்தியக் கூட்டாட்சி தத்துவத்திற்கு மிகவும் எதிரானதாகும்.

இந்தத் திருத்தத்திற்குத் தொடர்புடைய இரண்டு அமைப்புகளான மாநில அரசுகளும், நிர்வாகக் கட்டமைப்பும் இதனை வரவேற்கவில்லை என்றும், ஏற்கனவே நடைமுறையிலுள்ள ஒரு ஏற்பாட்டினை மாநில அரசுகளுக்குப் பாதிப்பை ஏற்படுத்தும் வகையில் ஒன்றிய அரசு எடுத்துக்கொள்வதும் கூட்டாட்சி அரசியல் அமைப்பிற்கு உகந்ததல்ல. இது கடந்த 75 ஆண்டுகளாகக் கவனமாக உருவாக்கப்பட்ட இந்த தேசத்தின் சித்தாந்தங்களை வலுவிழக்கச் செய்யும். எதனையும் அழிப்பது எளிது ஆனால் மறுகட்டமைப்பு செய்வது கடினமானது.

தாங்கள் இது குறித்து மிகுந்த கவனத்துடன் செயல்படுமாறு கேட்டுக்கொள்கிறேன். ஏனென்றால், நம்மால் கணிக்க இயலாத விளைவுகளை இது நிச்சயம் ஏற்படுத்தும்” என்று குறிப்பிட்டுள்ளார் முதல்வர் ஸ்டாலின்.

இந்தச்சூழலில் கேரள முதல்வரும் எதிர்ப்புத் தெரிவித்து கடிதம் எழுதியுள்ளார். அதில், "இந்திய ஆட்சிப்பணி விதிகளில் திருத்தம் செய்யும் முடிவை கைவிட வேண்டும். விதிகளில் திருத்தம் கொண்டு வருவது கூட்டாட்சி தத்துவத்திற்கு எதிரானது" என்று குறிப்பிட்டுள்ளார்.

மக்கள் நீதி மய்யம் தலைவர் கமல்ஹாசனும் எதிர்ப்பு தெரிவித்துள்ளார்.


------------------------------------------------ -------------------------

உயிர்தெழும்  

 சேலம்8 வழிச்சாலை.?

மத்திய ரசின் ”பாரத் மாலா” சென்னை சேலம் இடையே 276 கி.மீ தொலைவில் 8 வழிச்சாலை, ரூ. 10 ஆயிரம் கோடியில் அமைக்க திட்டமிடப்பட்டது. இதற்காக காஞ்சி, திருவண்ணாமலை, கிருஷ்ணகிரி, தருமபுரி மற்றும் சேலம் ஆகிய மாவட்டங்களில் 1900 ஹெக்டேர் நிலத்தை கையகப்படுத்த தமிழக அரசு அரசாணை பிறப்பித்தது. இந்த திட்டம் தொடர்பான தமிழக அரசின் அறிப்பாணையை ரத்து செய்து 2019ம் ஆண்டு ஏப்ரல் மாதம் 8ம் தேதி அன்று உயர் நீதிமன்றம் உத்தரவு பிறப்பித்தது. மேலும் கையகப்படுத்தப்பட்ட நிலங்களை 8 வாரங்களில் திருப்பி அளிக்கவும் உயர் நீதிமன்றம் உத்தரவு பிறப்பித்தது.
உச்ச நீதிமன்றத்தில் மேல் முறையீடு செய்து, தமிழக அரசு புதிய அரசாணையை வெளியிட உச்ச நீதிமன்றம் உத்தரவு பிறப்பித்தது குறிப்பிடத்தக்கது.

தமிழகத்தின் மேற்கு மாவட்டங்களில் வசிக்கும் மக்கள் சென்னைக்கு வர பல்வேறு வழிகள் இருப்பினும் தேனி, கோவை, ஈரோடு, திருப்பூர், கரூர் பகுதியில் வசிக்கும் மக்களின் தேர்வாக எப்போதும் இருந்து வருகிறது சேலம். சேலத்தில் இருந்து சென்னை வருவதற்கு எடுத்துக் கொள்ளும் நேரமானது மிகவும் அதிகமாக இருப்பதால் பயண நேரத்தை குறைக்கும் வகையில் 8 வழிச்சாலை (அ) பசுமை வழிச்சாலை என்ற திட்டம் அறிமுகம் செய்யப்பட்டது.

ஆனால் அதிமுக அரசு 8 வழிச்சாலை அமைப்பதில் உறுதியாக செயல் பட்டது.
உச்ச நீதிமன்றத்தில் விவசாயிகள் வழக்கு தொடர்ந்தனர்.
சுற்றுச்சூழல் அனுமதி பெற்று திட்டத்தை மேற்கொள்ளலாம் என்று உச்ச நீதிமன்றம் தீர்ப்பு வழங்கியது.

டிசம்பர் மாதம் 15 மற்றும் 16 தேதிகளில் நடத்தப்பட்ட உழவர்கள் குறை தீர்ப்பு நாள் கூட்டத்தில் 8 வழிச்சாலை தொடர்பான தங்களின் ஐயத்தை வெளிப்படுத்திய உழவர்கள் 8 வழிச்சாலை திட்டத்திற்காக நிலங்களை கையகப்படுத்தக்கூடாது என்று கோரி மனு அளித்தனர்.
அவர்களுக்கு பதில் அளித்து தருமபுரி மாவட்ட நிலம் எடுப்பு வருவாய் அலுவலர் வ.முகுந்தன் அனுப்பியுள்ள கடிதத்தில், எட்டு வழிச்சாலைக்காக கையகப்படுத்தப்பட்ட நிலம் நெடுஞ்சாலை துறைக்கு மாற்றம் செய்யப்படவில்லை.
அதனால் பட்டாதாரர்கள் தங்கள் நிலங்களை பாகப் பிரிவினை செய்யவோ, பத்திரம் செய்யவோ, கடன் உதவி பெறவோ எந்தத் தடையும் இல்லை என்று குறிப்பிட்டுள்ளார்.
ஆனால்  மேலும் இது ஒன்றிய அரசின் திட்டம் எட்டு வழிச் சாலைக்காக நிலம் எடுக்கும் பணி தற்போது நிறுத்தி வைக்கப்பட்டுள்ளது. உச்ச நீதிமன்ற உத்தரவுப்படி சுற்று சூழல் அனுமதி பெற்ற பிறகு அரசு வழிகாட்டுதல்படி நில எடுப்பு நடவடிக்கை மேற்கொள்ளப்பட வேண்டியுள்ளது என்றும் அவர் குறிப்பிட்டுள்ளது விவசாயிகளை கலக்கம் அடைய செய்துள்ளது.

சாலைகள் அமைப்பதற்கான ஏற்பாடுகள் விரைவில் துவங்க உள்ளது என்று தருமபுரி வருவாய்த்துறை அதிகாரிகள் விவசாயிகளிடம் கூறியுள்ளனர்.  பிரதமரை சந்தித்த முதல்வர் மு.க.ஸ்டாலின், எட்டுவழிச்சாலை திட்டத்தை நிறுத்த தேவையான நடவடிக்கைகளை மேற்கொள்ளுங்கள் என்று கூறினார். ஆனால் தருமபுரி வருவாய்த்துறை அதிகாரிகளோ எட்டுவழிச்சாலைக்கான சுற்றுச்சூழல் அனுமதி கொடுத்துள்ளது. எனவே சாலை போடும் பணிகள் உடனே துவங்க உள்ளது என்று விவசாயிகளிடம் கூறியுள்ளனர்.
  இந்த திட்டம் செயல்படுத்தப்படும் எனில் 7000 விவசாயிகள் பாதிக்கப்படுவார்கள். விவசாயிகள் நலனை கருத்தில் கொண்டு நான் தன்னுடைய சார்பில் முன்வைக்கப்பட்ட கருத்துகளை ஏற்றுக் கொண்டு 8 வழிச்சாலை திட்டத்திற்கு கையகப்படுத்தப்பட்ட அனைத்து நிலங்களையும் விவசாயிகளிடம் ஒப்படைக்க வேண்டும் என்று உச்ச நீதிமன்றம் ஆணையிட்டது.
ஆனால் தற்போது மாநில அதிகாரிகளின் அறிவிப்பு அச்சத்தை ஏற்படுத்தியுள்ளது .



----------------------------------------------------------------------------------

சனி, 22 ஜனவரி, 2022

திரைமறைவுப் பின்னணி!

மக்கள் கண்காணிப்பகத்தில் சோதனை! 

மக்கள் கண்காணிப்பகத்தில் சோதனை! திரைமறைவுப் பின்னணி!

-ச.மோகன்

முதலாளித்துவ சனநாயக நாட்டில் அரசதிகாரத்தின் மீறல்களைச் சுட்டிக் காட்டித் தட்டிக் கேட்போர் மீது பழிவாங்கல் நடவடிக்கை பாய்வதென்பது புதிதல்ல. வாடிக்கையான ஒன்றே! இந்த வரிசையில் இப்போது மக்கள் கண்காணிப்பகம் மீது ஒன்றிய அரசதிகாரம் பாய்ந்துள்ளது. 

மனித உரிமைத் தளத்தில் கால் நூற்றாண்டுக்கு மேலாக இந்திய அரசமைப்பினுடைய சட்டத்தின் ஆட்சிக்கு உட்பட்டு களப்பணியாற்றி வரும் மக்கள் கண்காணிப்பகம் அலுவலகத்தில் கடந்த 8.1.2022 அன்று மத்திய புலனாய்வுத் துறையினர்(CBI) எவ்வித முன்னறிவிப்பும் இன்றி திடீர் சோதனையில் ஈடுபட்டனர். நடுநிலையுடன் செயற்படவேண்டிய ஊடகங்கள் ஒருதலைப் பட்சமாய் முதல் தகவல் அறிக்கையில் உள்ளபடி சேதி வெளியிட்டன.

 இது மக்கள் கண்காணிப்பகத்தின் நற்பெயருக்குக் களங்கம் விளைவிப்பதாக உள்ளது. எனவே உண்மையை உலகறிய உரக்கச் சொல்ல வேண்டியது காலத்தின் அவசியம்.

திட்டமிட்ட சோதனை:

திடீர் சோதனை நடத்துவதற்கு முன் 6.1.2022 அன்று வழக்குப் போட்டு முதல் தகவல் அறிக்கை பதிவு செய்துள்ளனர். 

அதற்கு மறு நாள் 7.1.2022 அன்று மதுரை முதன்மை குற்றவியல் நடுவர் நீதிமன்றம் (Chief Judicial Magistrate Court) மூலம் “சோதனையிடல் உத்தரவு” (search warrant) பெற்றுள்ளனர். 

அதன்படி கடந்த 8.1.2022 அன்று மத்திய புலனாய்வுத் துறையினர்(CBI) 2008 முதல் 2012 வரையிலான வங்கிக் கணக்குகள் சம்பந்தப்பட்ட ஆவணங்களைப் பார்வையிட வேண்டும் என்று கூறினர்.

துணை கண்காணிப்பாளர் (CBI-DSP) தலைமையில் பத்து பேர் சோதனையில் ஈடுபட்டனர். 

மிகுந்த மரியாதையுடன் நாகரிகமாக நடந்து கொண்டனர். அதற்கேற்ப அவர்களின் முகக் குறிப்பறிந்து மக்கள் கண்காணிப்பகம் பணியாளர்களும் மிகுந்த ஒத்துழைப்புடன் துளி கூட அச்சமின்றி நடந்து கொண்டனர். மக்கள் கண்காணிப்பகத்தின் வழக்கமான பணி தங்கு தடையின்றி தெளிந்த நீரோடையாய் சென்று கொண்டிருந்தது. பையில் பணம் இருந்தால் தானே பயண வழியில் பயம் இருக்கும்.

அரசதிகாரத்தின் மனித உரிமை மீறல்களைக் கண்காணித்து சட்ட ரீதியாகத் தலையீடு செய்து பாதிப்புற்றோர்க்கு நீதியும், நிவாரணமும் பெற்றுத் தரும் மக்கள் கண்காணிப்பகத்தின் சமூகப் பணி கால வரலாற்றில் காணக் கிடப்பது போல் அதன் வங்கிக் கணக்கும், அதற்குரிய முறையான தணிக்கை அறிக்கையும் இணையத்தில் (http://cpsc-fcra.blogspot.com/) பதிவேற்றம் செய்யப்பெற்று வெளிப்படைதன்மையுடன் வெகுமக்கள் பார்வைக்கு வைக்கப்பட்டுள்ளது உலகறிந்த ஒன்றாகும். 

இது ஒன்றிய அரசும், மத்திய புலானாய்வுத் துறையும் அறியாத ஒன்றல்ல. இருப்பினும் காலை சுமார் 10.30 மணிக்கு ஆரம்பித்த சோதனை முன்னிரவு 7.30 மணிவரை தொடர்ந்தது. 

அவர்களுக்குத் தேவையான சில ஆவணங்களைக் கையில் எடுத்துச் சென்றனர். அரசதிகாரத்தின் பழிவாங்கல் நடவடிக்கைக்கான காரணம் பற்றிப் பேசும் முன் மக்கள் கண்காணிப்பகம் என்றால் என்ன என்பதைப் பற்றித் தெளிவு ஏற்படுத்த வேண்டிய ஓர்அவசியம் உள்ளது.

மக்கள் கண்காணிப்பகம் என்பது 

மனித உரிமைகளைப் பாதுகாத்து, வளர்த்தெடுக்கும் பெரு நோக்கில் ‘’சமுக சிந்தனை வளர்ச்சி மையம்” (Centre for Promotion of Social Concern-CPSC) என்ற அரசு சாரா அமைப்பு முறையாகப் பதிவு செய்யப்பெற்று தமிழ் நாட்டில் 1982 ஆம் ஆண்டு முதல் இலாப நோக்கின்றி செயல்பட்டு வருகிறது. 

இந்நிலையில் இருபதாம் நூற்றாண்டின் நிறைவில் ஆஸ்திரியா நாட்டின் தலைநகர் ‘வியன்னா’வில் 1993 ஆம் ஆண்டு ஜூன்14 முதல் 25 வரை அகில உலக மனித உரிமை மாநாடு நடைபெற்றது.

 மனித உரிமைகள் மீது மட்டுமே கவனஞ் செலுத்திய இம்மாநாடு மனித உரிமைகளின் சிந்தனைப் போக்கில் செல்வாக்கு செலுத்தியது.

இம்மாநாட்டில் உலகம் முழுவதும் நடைபெறும் மனித உரிமை மீறல்கள் விவாதிக்கப்பட்டு தீர்வை நோக்கித் திசைப்படுத்தப்பட்டன. 

இது உலகளாவிய தாக்கத்தை ஏற்படுத்தியது. இதன் விளைவாக தூங்கா நகரமான மதுரை மண்ணில் 1995 ஆம் ஆண்டு விழிப்புடன் தொடங்கப்பட்ட ஒரு திட்டத்தின் பெயர் தான் மக்கள் கண்காணிப்பகம் என்பது குறிப்பிடத்தக்கது.

மக்கள் கண்காணிப்பகம் என்பது ஒரு திட்டம். பதிவு பெற்ற நிறுவனமோ அமைப்போ அல்ல. இதற்கென்று தனியாக வங்கிக் கணக்கு கிடையாது. தனியாகப் பணியாளர்கள் கிடையாது. 

மக்கள் கண்காணிப்பகம் என்ற திட்டம் சமூக சிந்தனை வளர்ச்சி மையம் (CPSC) என்ற பதிவு செய்யப்பட்ட அறக்கட்டளையின் கீழ் செயல்படுகிறது. எனவே சமூக சிந்தனை வளர்ச்சி மையம் (CPSC) என்ற அறக்கட்டளையின் பெயரில் வெளிநாட்டில் இருந்து நிதி பெறும் வங்கிக் கணக்கு (FCRA) உள்ளது. 

இந்த அறக்கட்டளையும், மக்கள் கண்காணிப்பகமும் இலாப நோக்கு ஏதுமின்றி மனித உரிமைத் தளத்தில் செயல்பட்டு வருகின்றன. சமூக சிந்தனை வளர்ச்சி மையத்தின் (CPSC) அறங்காவலர்கள் தான் மக்கள் கண்காணிப்பகத்தின் திட்டத்தை செயற்படுத்துகின்றனர்.

மத்திய புலனாய்வுத் துறை (CBI) சோதனை ஏன்?

மக்கள் கண்காணிப்பகம் திட்டத்தின் மனித உரிமைப் பணிகள் ஆட்சியாளர்க்கு நெருக்கடியை ஏற்படுத்தின. 

குறிப்பாக அரசதிகாரத்தின் மீறல்களுக்கெதிராய் தலையீடு செய்யும் போதெல்லாம் முதலாளித்துவ சனநாயக ஆட்சியாளர்களின் பொய் முகம் பொதுவெளியில் அம்பலப்படுகிறது. 

இதையுந் தாண்டி, ஐ.நாவின் தேசிய மனித உரிமை ஆணையங்களுக்கான “பாரிஸ் கோட்பாடுகளை” அடியொற்றி, இந்திய தேசிய மனித உரிமை ஆணையம் செயற்படவில்லை என்று, மக்கள் கண்காணிப்பகம் உறுப்பினராக இருக்கும் ‘தேசிய, மாநில மனித உரிமைகள் நிறுவனங்களுடன் பணிபுரியும் அமைப்புசாரா நிறுவனங்கள், தனிமனிதர்களின் அகில இந்திய கூட்டமைப்பின் ((All India Network of NGOs and Individuals working with National and State Human Rights Institutions-AiNNI) சார்பில் “நிழல் அறிக்கை” (Shadow Report) பன்னாட்டு அமைப்பான GANHRI-யிடம் (Global Alliance for National Human Rights Institutions) அளிக்கப்பட்டது.

இந்நிறுவனம் உலக நாடுகளில் உள்ள தேசிய மனித உரிமை ஆணையங்களின் செயற்பாடுகள் அடிப்படையில் அவற்றின் தர மதிப்பீட்டை அளவீடு செய்து வெளியிடும் என்பது குறிப்பிடத்தக்கது. 

கடந்த 2011 சனவரி மாதம் இந்தியா வருகை புரிந்த ‘ஐக்கிய நாட்டவையின் மனித உரிமைக் காப்பாளர்க்கான சிறப்பு பிரதிநிதி’ இங்குள்ள மனித உரிமைக் காப்பாளர்களை நேரில் சந்தித்து உரையாட ஏற்பாடு செய்த நிகழ்வு போன்றவை இந்திய ஒன்றிய அரசுக்கு நெருக்கடி கொடுத்தது.

இவையாவும் பன்னாட்டு மனித உரிமைத் தரத்தில் இந்திய அரசு மீதான மதிப்பைக் குறைத்தது.

 இதன் காரணமாகச் சினமுற்ற அன்றைய ஆளும் அரசான காங்கிரஸ் கட்சியின் உள்துறை அமைச்சர் ப.சிதம்பரம் தனது அரசதிகாரத்தைப் பயன்படுத்தி மக்கள் கண்காணிப்பகம் செயற்பாட்டிற்காக, சமூக சிந்தனை வளர்ச்சி மையம்(CPSC) வெளிநாட்டில் இருந்து நிதி பெறும் வங்கிக்கணக்கை (FCRA) 2012, ஜூலை மாதம் உள்துறை அமைச்சகம் மூலம் முடக்கியது தான் பழிவாங்கலின் ஆரம்பம்.

இதன் தொடர்ச்சியாய் பத்தாண்டுகள் கழித்து இப்போது பாரதிய சனதா அரசின் மத்திய புலனாய்வுத் துறை மூலம் சோதனை செய்துள்ளது. பத்தாண்டுகளில் நடந்தது என்ன என்பது பற்றி இனி காண்போம்.

தடை- மேல்முறையீடு - தடை விலக்கம்:

முதலில் சமூக சிந்தனை வளர்ச்சி மையம் (CPSC) வெளிநாட்டில் இருந்து நிதி பெறும் வங்கிக்கணக்கை (FCRA) ஒன்றிய அரசின் உள்துறை அமைச்சகம் (காங்கிரஸ்)180 நாட்கள் முடக்கி 16.7.2012 அன்று தடை அறிவித்தது.

முதல் 180 நாட்கள் முடியும் முன் 179 ஆவது நாளில் 18.2.2013 அன்று இரண்டாவதாக மேலும் 180 நாட்கள் முடக்கிச் செயற்பட தடை அறிவித்தது. 

இரண்டாவது 180 நாட்கள் முடியும் முன் மூன்றாவது முறையாக 16.9.2013 அன்று 180 நாட்கள் முடக்கிச் செயற்பட தடை விதித்தது.

மூன்றாவது முறை இதனை எதிர்த்து தில்லி உயர் நீதிமன்றத்தில் சமூக சிந்தனை வளர்ச்சி மையம் (CPSC) மேல்முறையீடு (W.P. (C) 1594 of 2014) செய்தது. 

இதன் விளைவாக ஒன்றிய உள்துறை அமைச்சக அதிகாரிகள் 2012 மே மாதம் தொடர்ந்து ஐந்து நாட்கள் மக்கள் கண்காணிப்பகம் அலுவலகத்தில் சோதனை செய்தனர். பின்னர் 2014 ஆம் ஆண்டும் சோதனை செய்தனர். 

இதனைத் தொடர்ந்து சமூக சிந்தனை வளர்ச்சி மையம் (CPSC) வெளிநாட்டில் இருந்து நிதி பெறும் வங்கிக் கணக்கு செயற்படுவதில் எவ்விதத் தடையும் இல்லை என்று தில்லி உயர் நீதிமன்றம் உத்தரவிட்டதன் அடிப்படையில் 2014 மே மாதம் 9ஆம் தேதி தடை நீக்கப்பட்டது.

இதன் பின்னர் 2014 முதல் 2016 வரை சமூக சிந்தனை வளர்ச்சி மையம்(CPSC) வெளிநாட்டில் இருந்து நிதி பெறும் வங்கிக் கணக்கு செயற்பட்டது. நீதிமன்ற உத்தரவில் சமூக சிந்தனை வளர்ச்சி மையம் (CPSC) மீது எவ்விதக் குற்றச்சாட்டும் கூறப்படவில்லை என்பது இங்கே கவனத்திற் கொள்ளத் தக்கது. இத்துடன் இந்த வழக்கு முடிவுற்றது.

வங்கிக் கணக்கைப் புதுப்பிக்க (Renewal) மறுப்பு:

ஐந்து ஆண்டுகளுக்கு ஒரு முறை வெளி நாட்டில் இருந்து நிதி பெறும் வங்கிக் கணக்கு புதுப்பிக்கப்பெற வேண்டும். 

இதன் படி சமூக சிந்தனை வளர்ச்சி மையம் வெளிநாட்டில் இருந்து நிதி பெறும் வங்கிக்கணக்கின் பதிவைப் புதுப்பிக்க (Renewal) முந்தைய பாஜக ஆட்சியில் 2016 ஆம் ஆண்டு மார்ச் மாதம் விண்ணப்பித்தது. இந்த விண்ணப்பம் 29.10.2016 அன்று நிராகரிக்கப்பட்டது.

“களஆய்வின் அடிப்படையில்” (Field Study Report) புதுப்பித்தலுக்கான அனுமதி நிராகரிக்கப்படுவதாக ஒற்றை வரியில் ஒன்றிய உள்துறை அமைச்சகம் உத்தரவிட்டது. 

இந்த நிராகரிப்பின் மீதான மேல்முறையீடு (W.P.(C) 10527/2016) தில்லி உயர்நீதிமன்றத்தில் நிலுவையில் உள்ளது. இந்த வழக்கில் மத்திய புலனாய்வுத்துறை (CBI) சமூக சிந்தனை வளர்ச்சி மையத்தின் (CPSC) மீது எவ்வித கிரிமினல் குற்றச்சாட்டையும் வைக்கவில்லை என்பது இங்கே குறிப்பிட த்தக்கது.

இதில் வேடிக்கை யாதெனில் வங்கிக் கணக்கு புதுப்பிக்கப்படாமல் நிராகரிக்கப்பட்ட நிலையில், அதே வங்கிக் கணக்கை மீண்டும் 2017 ஆம் ஆண்டு தற்காலிகமாக நிறுத்தி வைத்து உள்துறை அமைச்சகம் உத்தரவிட்டது. 

இதனை எதிர்த்து சமூக சிந்தனை வளர்ச்சி மையம் (CPSC) தில்லி உயர் நீதி மன்றத்தில் மேல்முறையீடு செய்தது. தனது கவனக்குறைவை உணர்ந்த உள்துறை அமைச்சகம் 17.5.2017 அன்று அந்த அறிவிப்பை திரும்பப் பெற்றுக் கொண்டது.

இந்திய நாடாளுமன்ற மக்களவையில் 08.07.2014 அன்று பேசிய உள்துறை இணை அமைச்சர்(பாசக), “சமூக சிந்தனை வளர்ச்சி மையம் (CPSC) மீதான வழக்கை ஒன்றிய உள்துறை அமைச்சகம் (காங்கிரஸ்), 2012 ஆம் ஆண்டு ஜூலை மாதம் தமிழ்நாடு கூடுதல் காவல்துறை இயக்குநர் அவர்களிடம் (ADGP) ஒப்படைத்துள்ளது. 

இது 2.12.2020 தேதியிட்ட G.O.(2D) எண்.309- மூலம் உறுதி செய்யப்படுகிறது. இந்த விசாரணையில் என்ன நடந்தது என்பது இது வரை சிதம்பர மர்மமாகவே உள்ளது.

தமிழ்நாடு கூடுதல் காவல்துறை இயக்குநர் (ADGP) அவர்களால் மேற்கொள்ளப்பட்ட விசாரணை பற்றி எவ்விதக் குறிப்பும் இல்லாமல், எட்டு ஆண்டுகள் நடந்ததைப் பற்றி எதுவும் கூறாமல், மத்திய புலனாய்வு துறை (CBI) விசாரணை செய்ய 2.12.20 அன்று தமிழ்நாடு அரசு (அதிமுக) எட்டு ஆண்டுகள் கழித்து அனுமதி வழங்கியுள்ளது. 

இதனைத் தொடர்ந்து மொத்தத்தில் பத்தாண்டுகள் கழித்து மத்திய புலனாய்வுத் துறையால் (CBI) முதல் தகவல் அறிக்கை (FIR) 7.1.2022 அன்று பதிவு செய்யப்பட்டுள்ளது.

பத்தாண்டுகளுக்குப் பின் முதல் தகவல் அறிக்கை

தில்லி உயர்நீதிமன்றத்தால் 2014 மே மாதம் 9ஆம் தேதி தடை நீக்கப்பட்டு, குற்றம் ஏதும் குறிப்பிடப்படாமல் முடிவுற்ற வழக்கின் மீது பத்தாண்டுகளுக்குப் பின் முதல் தகவல் அறிக்கை பதிவு செய்யப்பட்டு மூவர் குற்றவாளிகளாகக் காட்டப்பட்டுள்ளனர். 1) சமூக சிந்தனை வளர்ச்சி மையத்தின் அறங்காவலர்கள், 2) மக்கள் கண்காணிப்பகத்தின் நிர்வாக இயக்குநர், 3) முகமறியா நபர்கள். மேற்கண்ட மூவகையினரும் இந்திய தண்டனைச் சட்டப்படியும் (IPC), வெளிநாட்டு நிதி பெறும் விதிப்படியும் (FCRA), குற்றம் இழைத்தவர்களாகக் காட்டப்பட்டுள்ளனர்.

மத்திய புலனாய்வுத் துறையின் முதல் தகவல் அறிக்கையில் குற்றமிழைத்ததாகக் கூறப்படும் அறங்காவலர்களாக தற்போது திரு. கிறிஸ்துதாஸ் காந்தி IAS (ஓய்வு), பேராசிரியர் தேவசகாயம், மூத்த வழக்கறிஞர் சத்தியமூர்த்தி, MUTA அமைப்பில் முக்கிய பங்காற்றிய பேரா.கிருஷ்ணமூர்த்தி, காந்தியவாதி திரு. பி.வி. இராஜகோபால், ஐ.நாவின் போதுமான குடியிருப்பு வசதி உரிமைக்கான முன்னாள் சிறப்பு பிரதிநிதி திரு. மிலூன் கோத்தாரி, காவல் வன்முறையால் கொலை செய்யப்பட்ட திரு. குருவையாவின் மனைவி திருமதி. அங்கம்மாள் ஆகியோர் உள்ளனர்.

இதற்கு முன்பு முன்னாள் பிரதமர் விபிசிங் அவர்களிடம் நேர்முக உதவியாளராக இருந்த திரு.வேணுகோபால் அவர்களும் அறங்காவலராக இருந்தார். 

இவர்களுள் திருமிகு அங்கமாளைத் தவிர, யாவரும் சமூக வெளியில் சேவை நோக்கில் மாசற்றுப் பயணித்து மதிப்புறு நிலையில் உள்ளவர்கள் என்பது குறிப்பிடத்தக்கது.

மக்கள் கண்காணிப்பகத்தின் நிர்வாக இயக்குநராக இருக்கும் ஹென்றி திபேன் ஆசிய கண்டத்திலேயே முதன் முதலாக 2016 ஆம் ஆண்டு அம்னெஸ்டி-ஜெர்மனியின் மனித உரிமைக்கான விருது பெற்றவர். 

இந்தியாவில் மனித உரிமைகளுக்காக ஓய்வின்றி அச்சமின்றி உழைத்ததை மெச்சி வழங்கப்பட்டது.

மேலும் இந்திய தேசிய விருதுகளில் மிகவும் உயரிய விருதான நானி .ஏ.பல்கிவாலா விருதை சமூக மாற்ற செயற்பாடுகளுக்காக 2018 ஆம் ஆண்டு ஹென்றி திபேன் அவர்களுக்கு அப்போதைய உச்சநீதிமன்ற நீதியரசர் நாரிமன் அவர்களால் வழங்கப்பட்டது.

2016 ஆம் ஆண்டு நீதியரசர் வி.ஆர். கிருஷ்ணய்யர் விருது வழங்கப்பட்டது. இவ்விருதுகள் யாவும் உள்நாடும், உலக நாடுகளும் இவருடைய நேரிய பணிக்கு, சீரிய உழைப்பிற்கு ஒப்புதல் அளிப்பவை.

நீதிபதி எழுப்பிய கேள்வி

2016 ஆண்டு வெளிநாட்டில் நிதி பெறும் வங்கிக்கணக்கை புதுப்பிக்க மறுத்ததை எதிர்த்து தில்லி உயர் நீதி மன்றத்தில் மேல்முறையீடு செய்யப்பட்ட வழக்கில் ஒன்றிய அரசின் உள்துறை அமைச்சகம் சார்பில் உயர்நீதிமன்றத்தில் அளிக்கப்பட பதிலுரையில், “மக்கள் கண்காணிப்பக நிர்வாக இயக்குநர் ஹென்றி திபேன் வெளிநாட்டில் இருந்து நிதி பெற்று ஐக்கிய நாட்டவையின் பல சிறப்பு பிரதிநிதிகளிடம் அறிக்கை அளிக்கிறார். 

மேலும் வெவ்வேறு நாட்டு தூதரகங்களுடன் தொடர்பு வைத்துள்ளார் என்று எழுத்துப்பூர்வமாக குறிப்பிடப்பட்டுள்ளது. 

இதற்குப் பதிலுரைத்த நீதியரசர் “கணக்குகளை மட்டுமே பாருங்கள், அவர்கள் அளிக்கின்ற அறிக்கைகளைப் பார்க்க உங்களுக்கு என்ன தகுதி இருக்கிறது?” என்று கேள்வி எழுப்பியதை இங்கு நினைவூட்டுகிறோம்.

திடீர் சோதனையின் திரை மறைவுப் பின்னணி!

வங்கிக் கணக்கு முடக்கப்பட்டு ஏறத்தாழ 2600 நாட்களைக் கடந்த நிலையில் நிதி நெருக்கடியுடன் மனித உரிமைக் களத்தில் மக்கள் கண்காணிப்பகம் தொய்வின்றி தொடர்ந்து செயற்பட்டு வருகிறது.

எடுத்துக்காட்டாக ஆந்திராவில் சேசாசலம் வனப்பகுதியில் இருபது தமிழர் சுட்டுக் கொலை, தூத்துக்குடி ஸ்டெர்லைட் போராட்டத்தில் 13 பேர் சுட்டுக் கொலை, சாத்தான்குளம் காவல் சித்திரவதையில் தந்தை-மகன் படுகொலை, கோட்டைப்பட்டினம் மீனவர் மரணம், ஆந்திராவில் தமிழ் பழங்குடியினர் இருவர் வனக் காவலில் மரணம் போன்றவை மக்கள் கண்காணிப்பகம் தலையீட்டுப் பணியின் மைல் கற்கள்.

இப்பணிகள் யாவும் அரசதிகாரத்தின் மீறல்களை பொது வெளியில் அம்பலப்படுத்துபவை. 

குறிப்பாக ஸ்டெர்லைட் போராட்டத்தில் 13 பேர் சுட்டுக் கொல்லப்பட்டபோது ஐ.நாவின் சிறப்புப் பிரதிநிதிகள் ஏழு பேர் கண்டனம் தெரிவித்தனர். 

இது இந்திய அரசுக்கும், வேதாந்தாவின் ஸ்டெர்லைட் நிர்வாகத்திற்கும் எதிபாராத நெருக்கடியை ஏற்படுத்தியது.

உலகளாவிய கால வரைவு மீளாய்வின் (Universal Periodic Review) 40ஆவது அமர்வு 2022 , சனவரி 24, பிப்ரவரி 4, 41ஆவது அமர்வு நவம்பர்7,18 ஆகிய நாட்களில் ` நடைபெறுகிறது. இதில் ஐ.நாவின் உறுப்பு நாடுகள் பங்கேற்கும், உலகம் முழுவதும் நடைபெற்ற மனித மீறல்கள் பற்றி விவாதித்து மீளாய்வு செய்யும். இதிலும் இந்தியா அதே நெருக்கடியைச் சந்திக்கும் என்று மனித உரிமை ஆர்வலர்களும், காப்பாளர்களும் தெரிவிக்கின்றனர். இது தான் மத்திய புலனாய்வுத் துறை நடத்திய திடீர் சோதனையின் திரை மறைவுப் பின்னணி என்ற கருத்தும் சமூக வெளியில் எழுகிறது. பொதுவெளியில் பேசப்படுகிறது.

இறுதியாக.....

நியாயத்தின் நிலைப்புக்காக மனித உரிமைத் தளத்தில் களம் காண்போர் இது போன்ற மிரட்டல்களுக்கும், அச்சுறுத்தல்களுக்கும் அஞ்சியதாக வரலாறு இல்லை. 

ஒன்றிய அரசின் எதேச்சதிகாரப் போக்கும், அடக்கு முறைகளும், புனையப்படும் பொய் வழக்குகளும், குற்றச் சாட்டுகளும் நீதி மன்றத்திலும், மக்கள் மன்றத்திலும் அம்பலப்படும் என்பதே வரலாறு. நீதியும், நியாயமும், உண்மையும் வெல்லும். அதைக் காலம் சொல்லும்.

கட்டுரையாளர் குறித்து:

மும்பையில் பத்திரிகையாளராகப் பணியாற்றிய ச.மோகன், தற்போது மதுரை மக்கள் கண்காணிப்பகத்தில் இணை இயக்குநராக இருக்கிறார். பல்வேறு சமூகப் பிரச்சினைகளை நேரடியாக அணுகி பாதிக்கப்பட்டவர்களுடன் பேசி உண்மைகளை வெளிக்கொண்டு வருகிறார்

வெறித்தனம் நடனம்.

https://youtu.be/BWV7NTCh32w




வெள்ளி, 21 ஜனவரி, 2022

அணையா விளக்கை அணைக்கும் மோடி.

 1971ஆம் ஆண்டு நடைபெற்ற போரில் இந்தியா, பாகிஸ்தானை வெற்றி கண்டது. இதனைத்தொடர்ந்து போரில் தங்கள் இன்னுயிரைத் தந்த இந்திய வீரர்களின் தியாகத்தைப் போற்றும் வகையில், டெல்லியில் உள்ள இந்தியா கேட் முன்பு அமர் ஜவான் ஜோதி என்ற அணையா விளக்கை 1972ஆம் ஆண்டு குடியரசு தினத்தன்று, அப்போதைய பிரதமர் இந்திரா காந்தி ஏற்றி வைத்தார்.

 

இந்தநிலையில், இன்று நடைபெறும் நிகழ்வில் 50 ஆண்டுகளாக சுடர்விட்டுக்கொண்டிருந்த அமர் ஜவான் ஜோதி தேசிய போர் நினைவிடத்தில் உள்ள அணையா விளக்கில் இணைக்கப்பட இருப்பதாகவும், இந்தியா கேட் முன்புள்ள அமர் ஜவான் ஜோதி அணைக்கப்படவுள்ளதாகவும் இந்திய இராணுவ அதிகாரி  தெரிவித்துள்ளார்.

 

இது பெரும் சர்ச்சையை ஏற்படுத்தியுள்ளது. காங்கிரஸ் முன்னாள் தலைவர் ராகுல் காந்தி,  இந்தியா கேட் முன்புள்ள அமர் ஜவான் ஜோதி அணைக்கப்படவுள்ளதற்கு மிகுந்த வேதனை தெரிவித்துள்ளார். 

 இதுதொடர்பாக ராகுல் காந்தி தனது ட்விட்டர் பக்கத்தில், "நமது வீரர்களுக்காக எரிந்த அணையா சுடர் இன்று அணைக்கப்படுவது மிகுந்த வேதனையை அளிக்கிறது" எனக் கூறியுள்ளார்.

விஜயலட்சுமி விவகாரம்.

தமிழ் சினிமாவில் சிறைக்கு செல்லும் நடிகர் கார்த்தி, ‘என்னை புடிச்சுகிட்டு வந்துட்டிங்க. எனக்கு உறுதுணையா இருந்த ஆளை காணோம்...வேர் ஈஸ் அப்பாதுரை?’ என கேட்பார். 

அப்புறம் அடுத்த செகண்ட், நடிகர் சந்தானத்தை போலீஸ் கைது செய்து அவருக்கு துணையாக சிறைக்குள் அனுப்பி வைக்கும்.

ஏறக்குறைய இந்த காமெடி சீன் சாட்சாத் சீமான் விவகாரத்தில் இம்மி பிசகாமல் அரங்கேறி இருப்பதால் ஹரி நாடாருக்கு துணையாக, சீமானை கைது செய்ய போலீசார் தீவிரம் காட்டி வருவதாக கூறப்படுகிறது.

 இதனால் தமிழக அரசியலில் பரபரப்பான சூழல் நிலவி வருகிறது.
தமிழகத்தில் திமுக எதிர் கட்சியாக இருந்தபோது மு.க.ஸ்டாலினை படுகேவலமாக விமர்சனம் செய்தவர்களில் முக்கியமானவர் சீமான். 

ஒரு அரசியல் கட்சியின் தலைவர் என்கிற மரியாதை துளியும் இல்லாமல் வாய்க்கு வந்தபடி... தான் பேசியது மட்டும் அல்லாமல் தன்னை சுற்றி வரும் விடலை பையன்களையும் நேகா தூண்டிவிட்டு மு.க.ஸ்டாலினை விமர்சனம் செய்ய வைத்தார்.


ஸ்டாலின் போன்று பேசி காட்டுவது, ஸ்டாலினுக்கு பாட்டு எழுதி மேடையில் பாடி காட்டி புஹா.. புஹா.. என்று சிரித்து நக்கல் அடிப்பது, திடுட்டு கும்பல், ஏமாற்று கும்பல் என்று, திமுகவை எந்த அளவுக்கு கீழ்த்தரமாக விமர்சனம் செய்ய முடியுமோ? 

அதையெல்லாம் தாண்டி சீமான் கிழித்து தொங்கப்போட்டார்.

இதையெல்லாம் கண்டு ஆத்திரப்படாமல் திமுக அஞ்ச வேண்டும் என்பதற்காக மோடி என்னை அழைத்தார்.. 

தூதுவிட்டு பேசினார். 

ஆர்எஸ்எஸ்ஐ கண்டித்து கடிதம் எழுதினார்... நிதி சுமையை தீர்ப்பதாக வாக்குறுதி தந்தார்கள் 

என ஏகத்துக்கு செய்தியாளர்களிடாம் சீமான் அள்ளிவிட்டார்.


தமிழ்நாட்டில் எத்தனையோ அரசியல் இயக்கங்களை நேருக்கு நேராக கையாண்ட பக்குவமும், அரசியல் ராஜதந்திரமும் கொண்ட திமுகவோ, சீமானை ஒரு பொருட்டாக எடுத்துக் கொள்ளவே இல்லை. 

ஆனாலும் சீமான் மீது கருப்புப் புள்ளியை வைத்து விட்டு, கழுகு போன்று காத்திருந்தது திமுக.

மேடையில் பல்லை கடித்துக்கொண்டு கர்ஜிப்பது..

 கீழே இறங்கியதும் குறிப்பிட்ட நபருக்கே போன் போட்டு தாஜா செய்வது போன்ற பம்மாத்து பலே வேலைகளை சீமான் செய்து வந்ததால் அவ்வளவு எளிதில் சிக்காமல் போக்கு காட்டி வந்தார்.

இப்படி பக்குவம் இல்லாமல் நடந்து கொண்ட சீமான், தமிழகத்தில் திமுக ஆட்சிக்கு வந்து விட்டது என்ற நினைப்பு துளியும் இல்லாமல் செருப்பை கையில் எடுத்து காட்டியதும், அந்த செருப்பு கட்சி கொடியான கருப்பு-சிவப்பு நிறத்தில் இருந்ததும் தான் சீமான் தனக்கு தானே வைத்துக் கொண்ட ஆப்பு என்றும் சொல்ல வேண்டும்.

இதன் விளைவு நடிகை விஜயலட்சுமியுடன் குடும்பம் நடத்தி கறக்க வேண்டியதை கறந்து விட்டு கழட்டிவிட்ட சம்பவத்தில் நடிகை விஜயலட்சுமி அளவுக்கு அதிகமாக மாத்திரைகளை சாப்பிட்டு கடந்த 2020ம் ஆண்டு தனது வீட்டில் தற்கொலைக்கு முயன்றார்.

இந்த வழக்கை திருவான்மியூர் போலீசார் விசாரித்தனர். அப்போது, போலீசில் விஜயலட்சுமி ஒரு பரபரப்பு வாக்குமூலத்தை அளித்து இருந்தார். 

அந்த வாக்குமூலத்தில் நடிகை விஜய லட்சுமி கூறி இருந்ததாவது:

நாம் தமிழர் கட்சி ஒருங்கிணைப்பாளர் சீமான், பனங்காட்டு படை கட்சியின் ஒருங்கிணைப்பாளர் ஹரிநாடார் மற்றும் சதா ஆகியோர் என்னை மிரட்டியதால், தற்கொலைக்கு முயன்றேன். 

இவ்வாறு விஜய லட்சுமி கூறி இருந்தார்.


இது தொடர்பாக திருவான்மியூர் போலீசார் வழக்குப் பதிவு செய்து இருந்தனர். 

ஆனாலும், அதிமுக ஆட்சி என்பதால் சீமான் மீதோ, ஹரிநாடார் மீதோ போலீசார் எந்தவிதமான சட்ட நடவடிக்கையும் எடுக்கவில்லை.

இந்த நிலையில் செருப்பை காட்டிய சீமானுக்கு நாம் எதை காட்டுவது? 

என யோசித்த திமுகவுக்கு அல்வா துண்டு மாதிரி நடிகை விஜயலட்சுமி துப்பு கொடுக்க திருவான்மியூர் போலீசுக்கு பரபரப்பு உத்தரவு பறந்திருக்கிறது.

இதன் தொடர்ச்சியாக நடமாடும் நகைக்கடை ஹரிநாடார் அடைக்கப்பட்டு இருக்கும் பெங்களூருக்கே சென்ற போலீஸ், ‘உங்களை கைது செய்யப்போறோம்’ன்னு சொல்லி இருக்கின்றனர்.

அதற்கு ஹரி நாடார், ‘என்னை கைது செய்யுறது இருக்கட்டும்.. முக்கிய குற்றவாளி எங்கே? வேர் இஸ் சீமான்?’ என்று கேட்டு தேரை இழுத்து, தெருவில் விட்டுள்ளார் ‘ஹரிநாடார்’.

அப்புறம் என்ன.. கழுகு போல், காத்திருந்த போலீசுக்கு இரையை ஹரிநாடார் ஈசியா எடுத்து கொடுக்க தனக்கே உரிய ஸ்டலில் அதிரடி வேட்டையை துவக்கி இருக்கிறது தமிழக போலீஸ். 

மேலும் கையோடு, ஹரி நாடாருக்கு முதல் பத்திரிகை போல் கைது செய்த ஆர்டர் கொடுத்து கெத்துடன் திரும்பியுள்ளனர்.

இதன் தொடர்ச்சியாக சீமானை எங்கே வைத்து கைது செய்வது?
எங்கே அடைப்பது?
என்றும்  எதிர்ப்பு குரல் எழுப்பும் தம்பிகளை மாவட்டம் தோறும் எப்படி சுளுக்கு எடுத்து விடுவது? 

என்ற நீண்ட ஆலோசனையில் போலீசார் ஈடுபட்டு உள்ளதாகவும் நம்பத்தகுந்த வட்டாரத்தினர் கூறி  சிரிக்கின்றனர்.




----------------------------------------------------------------------------

மேற்கு வங்கத்தில் பா.ஜ.கவின் வாட்ஸ்அப் குழுவிலிருந்து முக்கியத் தலைவர்கள் வெளியேறியுள்ளதாகவும், அடுத்தகட்ட ஆலோசனைக்காக ரகசியக் கூட்டம் நடத்தவுள்ளதாகவும் பரபரப்பு தகவல் வெளியாகியுள்ளது.

பா.ஜ.க இரண்டாவது முறையாக மத்தியில் ஆட்சிக்கு வந்த பிறகு தொடர்ந்து மக்கள் விரோத நடவடிக்கைகளை மேற்கொண்டு வருகிறது.
இதன் காரணமாக பல்வேறு மாநிலங்களிலும் அக்கட்சிக்கு மக்கள் மத்தியில் எதிர்ப்பலை நிலவுகிறது.

அந்தவகையில், மேற்கு வங்க சட்டப்பேரவைத் தேர்தல் தோல்விக்குப் பின் பா.ஜ.கவின் வாட்ஸ் அப் குழுவிலிருந்து பா.ஜ.க தலைவர்கள் பலரும் வெளியேறி வருகின்றனர். பா.ஜ.க எம்.எல்.ஏக்கள் உள்ளிட்ட 30 பேர் அடுத்தகட்ட நடவடிக்கைக்காக ரகசியமாகக் கூடி ஆலோசிக்கவுள்ளதாகவும் தகவல் வெளியாகியுள்ளது.

மேற்கு வங்கத்தில் கடந்தாண்டு நடைபெற்ற சட்டப்பேரவைத் தேர்தலில் திரிணாமுல் காங்கிரஸ் மீண்டும் ஆட்சியைப் பிடித்தது. பா.ஜ.கவிற்கு 77 எம்.எல்.ஏக்கள் கிடைத்தனர்.

இவர்களில் 10 எம்.எல்.ஏக்கள் உள்ளிட்ட அம்மாநில பா.ஜ.க நிர்வாகிகள் அக்கட்சியின் வாட்ஸ்-அப் குழுவிலிருந்து வெளியேறியுள்ளனர்.

தேர்தலுக்கு பின் நியமிக்கப்பட்ட நிர்வாகிகள் மீது பா.ஜ.கவில் அதிருப்தி நிலவி வந்தது.
இதனால், சமீபத்தில், ஒன்றிய இணை அமைச்சர் சாந்தனு தாக்கூர் அக்கட்சியின் வாட்ஸ்-அப் குழுவிலிருந்து வெளியேறினார்.

இதைத்தொடர்ந்து மேற்கு வங்க மாநில பா.ஜ.க நிர்வாகிகள் பலரும் வாட்ஸ்-அப் குழுவிலிருந்து வெளியேறினர்.
பா.ஜ.க வாட்ஸ்-அப் குழுவிலிருந்து வெளியேறிய எம்.எல்.ஏக்கள் உள்ளிட்ட சுமார் 30 பேர் கொல்கத்தாவில் ரகசியமாகக் கூடி ஆலோசனை செய்ய உள்ளதாகத் தகவல்கள் வெளியாகியுள்ளன.

உத்தர பிரதேசத்தில் தேர்தல் நடைபெற இருக்கும் நிலையில், பா.ஜ.க அமைச்சர்களும், எம்.எல்.ஏக்களும் சமாஜ்வாதி கட்சியில் சேர்ந்து வரும் நிலையில், மேற்கு வங்க பா.ஜ.கவிலும் பலர் அதிருப்தியில் இருந்து வருவது அக்கட்சித் தலைமைக்கு கடும் தலைவலியை  ஏற்படுத்தியுள்ளது.

------------------------------------------------------------------------------

வியாழன், 20 ஜனவரி, 2022

RSSன் தேசியவாதம்

 அதிகரிக்கும்

ஏழை- பணக்காரர் வரம்பு.

லக சமத்துவமின்மை அறிக்கை 2022 இந்தியாவில் அப்பட்டமாக வளர்ந்து வரும் ஏற்றத்தாழ்வுகளை வெளிச்சம் போட்டுக் காட்டுகிறது. ஆனால், தற்போதைய ஆட்சியின் கீழ், விதந்தோதப்படுகிற பொருள் குவிப்பு மற்றும் சமூக பிளவுகளை தீர்க்கத் தேவையான ஒரு விவாதத்தைக் கூட பயங்கரவாதச் செயல் ம போல நடத்த வேண்டிய நிலையே இருக்கிறது.
தேசம் என்பது “மக்கள் சமூகத்தைக் கொண்ட ஒரு கற்பிதம். அங்கு உண்மையில் ஏற்றத் தாழ்வும், சுரண்டலும் இருந்தாலும் கூட தேசம் என்பது ஆழ்ந்த, சமநிலையில் உள்ள தோழமையான மக்கட் சமூகம் என எப்போதும் கற்பித்துக் கொள்ளப்படுகிறது”. – பெனடிக்ட் ஆண்டர்சன்.
“காசியிலிருந்து கோவை வரை கடவுள் சிவன் எங்கெங்கும் உள்ளார்” – மோடி, பிப்ரவரி 24, 2017.
“உலகில் உள்ள மிகவும் ஏற்றத்தாழ்வான நாடுகளில் ஒன்றாக இன்றைய இந்தியா உள்ளது” – உலக சமத்துவமின்மை அறிக்கை 2022.
அறிஞர் பெனெடிக்ட் ஆண்டர்சனின் மிகவும் புகழ் பெற்ற கூற்றுப்படி அன்றைய ஐரோப்பா மொழி வழி தேசங்களாக உருவாகி, மதக் குழுக்களுக்கு பதிலாக ஒரு மதச்சார்பற்ற, அரசியல் சமூகமாக உருவானது. ஆனால், இன்றைய இந்தியாவோ திரும்பிச் செல்ல முடியாத வகையில் மதம் சார்ந்த ஒரு இனக்குழுவாக உருமாறிக் கொண்டுள்ளது.
ஆனால் இதில் கேலிக்கூத்தான முரண்பாடு என்னவென்றால் இந்த கற்பனையான மதம் சார்ந்த சமூகமானது மிக மிக மோசமான ஏற்றத்தாழ்வுடன், இதிலிருந்து மாறிவிடும் என்பதற்கான எந்த அறிகுறியுமற்று உள்ளது. உண்மையில், ஆன்மீக சமூகம் என சொல்லிக் கொள்ளப்படும் இது விளிம்பு நிலையிலும் மிக வறுமையிலும் உள்ள ஆகப் பெரும்பான்மையான மக்களைப் பற்றி கவலைப்படாதது மட்டுமின்றி, ஆடம்பர உல்லாச வாழ்க்கை வாழும் பரம்பரையினரின் ஊதாரி வாழ்க்கையை மூடி மறைக்கும் முகமூடியாகவும் உள்ளது.
மிக வறுமையில் அடித்தட்டில் உள்ள மொத்த மக்கள் தொகையில் 50% பேரின் சராசரி ஆண்டு வருமானம் ரூ.53,610/- மட்டுமே. அதேநேரம் 10% உள்ள மேட்டுக்குடி பணக்காரர்களின் ஆண்டு வருமானமோ இதைவிட 22 மடங்கிற்கும் மேலாக உள்ளது. (இது உலகில் மிக மோசமான ஏற்றத்தாழ்வாகும்). இது சமீபத்தில் வெளியான உலக ஏற்றத் தாழ்வு அறிக்கை 2022-ல் குறிப்பிடப்பட்டுள்ள விவரம்.
மதச் சின்னங்களின் அடையாளத்துடனான ஆடைகள் அணிந்து, தலைமைப் பொறுப்பேற்று நாள் முழுதும் மதச் சடங்குகளில் பிரதமர் பங்கேற்பதை தேசிய தொலைக்காட்சி உடனுக்குடன் ஒளிபரப்புவது வழமையான ஒன்றாக நடக்கிறது. ஒரு கோயிலின் தலைவர் ஒரு அரசாங்கத்தின் தலைவராயிருப்பது, கோயில்களைப் புதுப்பிப்பது பற்றி நடுப்பக்க தலையங்கக் கட்டுரைகள் எழுதுவது, குடிமக்களுக்கு ஆன்மீக மதச் சடங்குகளுக்கு உதவுவது என்பதெல்லாம் எந்த ஒரு சிறு உறுத்தலுமின்றி நடந்து கொண்டுள்ளது.
இந்த விவரங்களுடன் கீழே குறிப்பிடுவதையும் இணைத்துப் பார்க்க வேண்டும்: உயர் பொறுப்புக்களில் உள்ள அரசியல் கட்சித் தலைவர்கள், சிறுபான்மை மதத்தை கொடூரமான பேய்த்தனமிக்கதாகச் சித்தரித்து, ஈவிரக்கமற்ற முறையில் சிறுபான்மை மதத்தவர்களை அரசியல் பிரதிநிதித்துவத்திலிருந்து முற்றாக விலக்கி வைத்து, பெரும்பான்மை மதத்தை அரசுடன் முற்றிலுமாக ஒன்றிணைப்பது எனச் செய்து வருகின்றனர்.
இங்கே, தேசமும் மதமும் ஒன்றுக்கொன்று மாற்றீடு செய்யப்படுகிறது. தனிமைப்படுத்துகின்ற மற்றும் மத அடிப்படைவாதத்தைப் போன்றே, மிக வெளிப்படையாகவே கோபம், சீற்றம் போன்ற உணர்வுகளை ஊட்டியே இந்த தேசியவாதத்தை நோக்கி மக்கள் அணிதிரட்டப்படுகின்றனர். இப்படிப்பட்ட தேசியவாதம் தொடர்ந்து வெளிப்புற மற்றும் உள் எதிரிகளைத் தேடுகின்ற வெறித்தனமான மற்றும் மனப்பிறழ்வு நிலைமைக்கு மாறுவதோடு, இது தேசியத்திற்கு நேரும் அவமானங்களையும் எதிர்ப்பையும் கண்காணிக்கிறது.
ஜெனரல் பிபின் ராவத்துக்காக துக்கம் அனுசரிக்கப்பட்ட காலகட்டமானது, தேசியவாத உணர்வுகள் அசாதாரணமான முறையில் வெளிப்பட்டதைச் சந்தித்தது. அதில் மக்கள் இழிவான கருத்துக்களைக் கூறியதாகக் குற்றம் சாட்டப்பட்டு கைது செய்யப்பட்டனர். செய்தித்தாள்கள் தலைப்புச் செய்திகளில் ஜெனரலின் பெயரை கெளரவமின்றி குறிப்பிட்டதற்காக கோபத்தை எதிர்கொண்டன. ஆனால் இந்து தேசியவாத எம்.பி.க்கள் எந்த சட்ட நடவடிக்கைகளையும் எதிர்கொள்ளாமல், நாதுராம் கோட்ஸேவை தேசபக்தர் என்று மீண்டும் மீண்டும் அழைத்த சூழ்நிலை தான் இன்று நிலவுகிறது.
இராணுவவாதமும் இராணுவத்தின் வீரமும் பெரும்பான்மை அதி-தேசியவாதத்தின் முக்கிய கூறுகளாக இருப்பதால் இது வியப்பளிக்கவில்லை. ஆனால் முரண்பாடாக, “அதன் சொந்த” இராணுவத்தினரைக் கூட விட்டு வைப்பதாக இல்லை. ஹெலிகாப்டர் விபத்தில் கொல்லப்பட்ட ஒரு இராணுவ அதிகாரியின் மகள் கடும் துயரத்தில் இருக்கும் போதே, ஆளும் கட்சியான பெரும்பான்மையினருக்கு முரணான அரசியல் கருத்துக்களைக் கொண்டிருந்ததற்காக கடுமையான மிரட்டலையும் கொடுமைப்படுத்தலையும் சமூக ஊடகத்தில் எதிர்கொண்டார். அன்பு, உரையாடல் மற்றும் இரக்கம் ஆகியவை நமக்கு அன்னியமாக்கப்பட்டு விட்டன. வட கொரிய அரசு அதன் முன்னாள் தலைவரின் நினைவு தினத்தை குறிக்கும் வகையில் சிரிப்பதை தடை செய்யும் தடையுத்தரவைப் (மேற்குலக பத்திரிகை தகவல்களின்படி) போல  இல்லாவிட்டாலும், இது கட்டளையிடுகிற தேசியவாதமே ஆகும்.
மதம் நிறைந்த அரசியல் துறையில், மக்கள் பக்தியைக் காட்டவும், பக்தர்களாக மாறவும் எதிர்பார்க்கப்படுகிறார்கள். அம்பேத்கர் நீண்ட காலத்திற்கு முன்பே, மதத்தில் பக்தி இரட்சிப்பை வழங்கலாம், அரசியலில் பக்தி என்பது “சீரழிவுக்கும் இறுதியில் சர்வாதிகாரத்திற்கும் ஒரு உறுதியான பாதை” என்று எச்சரித்தார். ஆனால் இப்போதோ, ஒரு பெரிய தேசத்தை உருவாக்குவதற்கான சேவையில் ஆளுமை வழிபாட்டு முறையை உருவாக்கியதாக கூறிக் கொண்டாலும், ஆன்மீக தெய்வத்திற்கும் தற்காலிக தெய்வத்திற்கும் இடையிலான கோடுகள் மிக மங்கலாக உள்ளன, மேலும் தேசிய அரசு ஒரு மதவாத கற்பனைதேசத்தையும் (உட்டோபியா) வழங்குகிறது.
இந்து தேசியம் என்கிற நஞ்சும் அதிகரித்துவரும் ஏற்றத்தாழ்வும்
முக்கியமாக, மதம், அரசியல் மற்றும் தேசியவாதம் ஆகியவற்றின் ஒன்றிணைவு, அதன் விளைவாக வரும் தொல்லை என்னவென்றால் ஒருவர் தேசத்தை, ’விஸ்வ குரு’ என நம்புவதும், இதன் தொடர்ச்சியாக சமூகத்தில் உருவாகியுள்ள பிளவுகளைப் பார்க்க இயலாமல் மூடிமறைப்பதுமாக ஆகிறது
எடுத்துக்காட்டாக, உலக சமத்துவமின்மை அறிக்கை, இந்தியாவில் பெண் தொழிலாளர்களின் வருமானப் பங்கு மிக மோசமான நிலையில் 18%-மாக இருப்பதாக நமக்குச் சொல்கிறது.  இது உலகின் மிகக் குறைந்த பங்கான மத்திய கிழக்கு மற்றும் வட ஆப்பிரிக்கா (இங்கெல்லாம் பல நாடுகள் மத சர்வாதிகார ஆட்சியாளர்களால் ஆளப்படுகின்றன) நாடுகளில் உள்ளதை விட சற்றே அதிகம். இந்த புள்ளிவிவரம் சமூகத்தில் பெண்களின் அதிகாரத்தையும் நிலையையும் தீர்மானிக்கும் மிக முக்கியமான ஒன்றாகும்.
காலனிய ஆட்சியின் போது கூட இந்தியப் பணக்காரர்களில் முதல் 10% பேரின் வருமானப் பங்கு சுமார் 50% தான் இருந்தது, அதே நேரம் பிரிட்டிஷார் வெளியேறிய 75 ஆண்டுகள் கடந்து இன்றைக்கு அதே முதல் 10% பேரின் வருவாய் 57% ஆக உயர்ந்திருப்பது பற்றி “தேசியவாதி” அதிர்ச்சியடையவில்லை! தற்போதைய இந்துத்துவ தேசியவாத ஆட்சியின் போது மட்டும் இந்தியாவில் முதல் 1% பணக்காரர்களின் சராசரி சொத்து மதிப்பு அதிகரித்துள்ளது. அதன் சராசரி சொத்து ரூ.3.24 கோடியாகும். அதே நேரம் அடித்தட்டில் உள்ள 50% பேரின் சராசரி சொத்து மதிப்பு வெறும் ரூ.66,000 ஆக உள்ளது.
ஜனநாயக நாட்டில் மாற்றுக் கருத்துக் கொண்டோரின் ஒவ்வொரு செயலிலும் தேசத் துரோக குற்றத்தைக் காணும் மத-தேசியவாதிகள், (அதிகாரப்பூர்வ எண்ணிக்கைக்கு அப்பால்) மில்லியன் கணக்கான அதிகப்படியான கோவிட்-19 இறப்புக்களால்  அதிர்ச்சியடையவில்லை.  இது அடிப்படை சுகாதாரத்தை உறுதிப்படுத்துவதில் கிட்டத்தட்ட முற்றிலும் அரசு தோல்வியால் நடந்த அரசின் படுகொலைகள். 
அல்லது உலகளாவிய பட்டினி குறியீட்டில் இந்தியாவின் கவலைக்குரிய தரவரிசை: 116 நாடுகளில் 101-வது  இடம். இதில் இந்தியா அண்டை நாடுகளான பங்களாதேஷ், நேபாளம் மற்றும் பாகிஸ்தானுக்குப் பின்னால் இருப்பது பற்றியும் நமது மத தேசியவாதி கவலைப்படவில்லை. 
இந்தப் பெருந்தொற்று ஊரடங்கு காலத்தின் போது இந்தியாவின் கோடீசுவரர்கள் தங்கள் செல்வத்தை 35% அதிகரித்த அதே நேரம், பணக்கார இந்தியர் ஒரு மணி நேரத்திற்கு ரூ.90 கோடி சம்பாதித்ததாகவும், இதே கோவிட்-19 முடக்கத்தின் போது நாட்டின் மக்கள் தொகையில் 24% பேர் மாதத்திற்கு சராசரியாக ரூ.3,000 மட்டுமே சம்பாதித்தது பற்றிய புள்ளி விவரங்களைக் கண்டும் அவர் அதிர்ச்சியடையவில்லை.
நமது நாட்டில் இந்தப் பெருந்தொற்றைத் தொடர்ந்து வறுமையில் தள்ளப்பட்டோர் எண்ணிக்கை 15 – 20 கோடி அதிகரித்து விட்டதாக மதிப்பீடுகள் கூறுகின்றன. இது மொத்த ஏழைகளின் எண்ணிக்கையில் ஏறக்குறைய பாதி அளவாகும். சுதந்திரத்திற்குப் பின் நடந்த மிக மோசமான பொருளாதார வீழ்ச்சியின் தொடர்ச்சியாக இந்த வறுமை உருவாக்கப்பட்டுள்ளது. 
இந்த பொருளாதார வீழ்ச்சியைத் தொடங்கியதே பணமதிப்பழிப்பு என்ற பேரழிவான நடவடிக்கை தான். இது பக்தி அரசியலின் நேரடி விளைவாகும். இந்த பக்தி அரசியல் காரணமாக இங்கு மிக முக்கியமான முடிவுகள் கூட எந்தவித விவாதமும் பரிசீலனையும் இன்றி உயர் நிலை தலைவர்/கடவுளிடம் இருந்து நேரடியாக வருகிறது.
 இந்தியக் குடியரசுத் தலைவருக்குக் கூடத் தெரிவிக்கப்படாமல் தான் இந்த பணமதிப்பழிப்பு முடிவு எடுக்கப்பட்டது.
ஆனால் இந்தப் பிரச்சினைகள் பற்றிப் பொது மக்களிடம் மயான அமைதி நிலவுகிறது. இதற்குக் காரணம், ஜனநாயகம், உரிமைகள், சமத்துவம், விவாதம் என்றிருந்த அரசியலின் இடத்தில் அடிப்படையிலேயே மாற்றம் ஏற்படுத்தப்பட்டு, அந்த இடங்களில் கடமை, தியாகம் (குறிப்பாக பணமதிப்பழிப்பின் போது பார்த்தது), மரியாதை (அதிகாரத்திற்கு), கீழ்ப்படிதல், இன்னபிறவாக மாற்றப்பட்டுவிட்டது.
இந்துத்துவ தேசியவாதமானது ’சமஜிக் சம்ரஸ்டா’ (சமத்துவ சமூகம்) எனப் பேசுகிறது, ஆனால் சாதியை அழித்தொழிப்பது பற்றிப் பேச மறுக்கும் அதே நேரம், ஆதிக்க சாதியினரின் ஆதிக்கம் நிலைநாட்டப்படுகிறது.
 “மதச்சார்பற்ற” தேசியம் பேசிய சமத்துவ காலத்தில் ஒடுக்கப்பட்ட சாதியினரின் அரசியல் ஆதிக்கம் நிலைநாட்டப்பட்டு, அந்த சமத்துவத்தையே கேள்வி எழுப்பிய காலத்தைத் தொடர்ந்து தான் தற்போது ஆதிக்க சாதியினரின் மேலாதிக்கம் நிலைநாட்டப்பட்டு வருகிறது. வர்க்க ஏற்றத்தாழ்வுகள் இயல்பாகவே சாதியால் வடிவமைக்கப்படுவதால் இது மிகவும் முக்கியமானது. 
தலித்துகள், மிகவும் பிற்படுத்தப்பட்ட சாதிகள் மற்றும் ஆதிவாசிகள் அதிர்ச்சியூட்டும் அளவு உடைமை நீக்கம் மற்றும் பொருளாதார சரிவுகளின் சுமைகளை எதிர்கொள்கின்றனர். மற்றொரு ஆய்வில் (2015-17 க்கு இடையில்), 22% இந்து உயர் சாதியினர் மொத்த சொத்துக்களில் 41% வைத்திருந்தனர், 
அதே நேரத்தில் 24% இந்து தலித்துகள் மற்றும் ஆதிவாசிகள் 11% மட்டுமே வைத்திருந்தனர்.
சமத்துவமின்மை என்பது ஒரு விசித்திரமான இந்தியப் பிரச்சினை அல்ல, மாறாக உலகளாவிய பிரச்சினை. இந்தியாவை விட மோசமான ஏற்றத்தாழ்வுகளைக் கொண்ட நாடுகள் (எ.கா., சிலி, பிரேசில், தென்னாப்பிரிக்கா) உள்ளன. 
சமத்துவமின்மையும் தற்போதைய அரசாங்கத்தின் கீழ் தோன்றவில்லை. 
1980 வாக்கில் வருமானப் பங்கில் மிகக் குறைந்த சமத்துவமின்மையை அடைந்த பின்னர், 1991-ல் (தனியார்மயம்-தாராளமயம்-உலகமயத்தின் பெயரால்) சந்தைகள் விரியத் திறக்கப்பட்ட பின்னர், வளர்ச்சி விகிதங்கள் அதிகரித்ததோடு, அதிகரித்து வரும் சமத்துவமின்மையையும் இந்தியா காணத் தொடங்கியது என்று அறிக்கை குறிப்பிடுகிறது.
ஆனால் ஒரு இந்துத்துவ தேசியத்தின் நச்சுச் சூழலின் கீழ், குறிப்பாக அதன் தலைவரின்  ‘தெய்வமாக்கப்படுதலுடன்’ இணையும் போது, மிகவும் அதிர்ச்சியூட்டும் பொருளாதார மற்றும் சமூக ஏற்றத்தாழ்வுகளை மூடிமறைக்கத் தேவையான, முற்றிலும் வேறுபட்ட ஒன்று அவசியமாகிறது. 
இதற்கேற்ற ஒரே பொருளாதாரவாதம் ஒரு இரக்கமுள்ள ராஜா, பரந்துபட்ட குடிமக்கள் உயிர் வாழ்வதற்கான குறைந்தளவு பரிசுகளை வழங்கும் போக்கு உள்ளது.
 இதன் மூலமே தமது எஜமானர்களான பெரும் கார்ப்பரேட் பகாசுரக் கொள்ளையர்களின் பொருளாதாரக் கட்டமைப்பை எந்த பாதிப்புமின்றிப் பாதுகாக்க முடியும்.
சிலி மற்றும் பிரேசில் போன்ற அநீதியான நாடுகளிலிருந்து எங்கு வேறுபடுகிறது என்றால், அங்கு சமூக-பொருளாதார படிநிலையில் தொடர்ச்சியான அரசியல் போட்டி நடந்து கொண்டிருந்தாலும், அது வலிமையானதாக இல்லை.
 சமத்துவமின்மை அறிக்கை நாட்டின் பெரும் பிரிவினரை ஒரு வருந்தத்தக்க பழைய நிலைமைக்குத் தள்ளிவிடாமல் பொருளாதார வளர்ச்சியை எப்படி சாத்தியமாக்கலாம் என்பதற்கு பல்வேறு உதாரணங்களைக் காட்டுகிறது.
கடந்த எட்டு ஆண்டுகளில் இந்தியா இந்து தேசியவாதத்தின் தார்மீக கூற்றுக்களின் வாய்ச்சவடால்களையும், மற்ற தேசியவாதங்களை விட மேன்மையானது என பீற்றிக் கொண்ட மோசடியையும் எடுத்துக்காட்டுகிறது. 
இந்த அறிக்கை அரசியலை ஒரு உலக விவகாரத்திலிருந்து ஒரு தெய்வீக நிறுவனமாக உயர்த்துவதில் இருந்து வெளிப்படும் மற்றொரு விசித்திரமான பிரச்சினையை அம்பலப்படுத்துகிறது: கடவுளர்கள் தோல்வியடைவதைக் காண முடியாது!
இவ்வாறாக, “தரவுகள் இல்லை” என்று ஆட்சி அறிவித்துள்ள சமூக-பொருளாதார வாழ்க்கையின் பரந்த பகுதிகளைப் போலவே: இறந்த விவசாயிகள், வீட்டு நுகர்வு செலவினங்கள், ஆக்ஸிஜன் பற்றாக்குறையால் கோவிட்-19 இறப்புகள் வரை, “கடந்த மூன்று ஆண்டுகளில், அரசாங்கத்தால் வெளியிடப்பட்ட சமத்துவமின்மை பற்றிய புள்ளிவிவரங்களின் தரம் கடுமையாக மோசமடைந்துள்ளது,
 இது சமீபத்திய சமத்துவமின்மை மாற்றங்களை மதிப்பிடுவதை குறிப்பாக கடினமாக்குகிறது” என்று அறிக்கை சுட்டிக்காட்டுகிறது.
தற்போதைய இக்கட்டான நிலை, தேசத்தை மீண்டும் கற்பிதம் செய்ய வேண்டியதன் அவசியத்தை, ஒரு அவசர கட்டாயத்தை முன்வைக்கிறது. 
இது ஆழமான தார்மீக மற்றும் அரசியல் கேள்விகளை முன்வைக்கிறது: 
ஒரு தேசிய அரசுடன் மதத்தை இணைத்து மதவாத அரசாக்குவதனால், அந்த அரசால் சமத்துவமிக்க குடியுரிமையைப் பற்றியோ ஜனநாயகத்தைப் பற்றியோ சிந்தித்துப் பார்க்கக் கூட இயலாத பேராபத்து தான் நிலவுகிறது.
 நன்றி:தி வயர்
----------------------------------------------------------------------------

சோதனைக்குஆளாகும் ஆறாவது முன்னாள் அமைச்சர்!

ரெய்டுக்கு ஆளாகும் ஆறாவது முன்னாள் அமைச்சர்!

எம்.ஆர். விஜயபாஸ்கர், எஸ்பி வேலுமணி, தங்கமணி, கேசி வீரமணி, சி விஜயபாஸ்கர் ஆகிய முன்னாள் அமைச்சர்கள் வரிசையில் இன்று (ஜனவரி 20) முன்னாள் அமைச்சர் கே.பி. அன்பழகனுக்குச் சொந்தமான, தொடர்புள்ள இடங்களில் தமிழக லஞ்ச ஒழிப்புத் துறை காலை முதல் ரெய்டு நடத்திக் கொண்டிருக்கிறது.

முன்னாள் உயர் கல்வித் துறை அமைச்சரான கே.பி. அன்பழகன் வருமானத்துக்கு அதிகமாக ரூ.11.32 கோடி சொத்து சேர்த்ததாக லஞ்ச ஒழிப்புத்துறை வழக்குப்பதிவு செய்திருக்கிறது. 

அதன் அடிப்படையில் கே.பி அன்பழகன் வீடு மற்றும் அவருக்கு தொடர்பான அலுவலகங்கள் மற்றும், தர்மபுரி மற்றும் சென்னை, தெலுங்கானா மாநிலத்தில் சில இடங்கள் என 57 இடங்களில் ரெய்டு நடைபெற்று வருகிறது.

கே.பி. அன்பழகன் மற்றும் அவரது மனைவி மல்லிகா, மகன்கள் சசிமோகன், சந்திரமோகன், மருமகள் வைஷ்ணவி ஆகியோர் மீதும் வருமானத்துக்கு அதிகமாக சொத்து சேர்த்ததாக வழக்குப் பதிவு செய்யப்பட்டுள்ளது. 

சென்னை ஔவை சண்முகம் சாலையில் உள்ள கணேஷ் கிரானைட் அலுவலகம் உட்பட 3 இடங்கள், தருமபுரி மாவட்டத்தில் மட்டும் 41 இடங்கள் சோதனைக்கு இலக்காகியுள்ளன. தர்மபுரி அரூர் அடுத்த செக்காம்பட்டியில் உள்ள தனியார் பள்ளியிலும் அதிகாலையிலேயே லஞ்ச ஒழிப்புத் துறையினர் நுழைந்துவிட்டனர். 

இது போல் பாப்பிரெட்டிப்பட்டி அதிமுக எம்எல்ஏ., கோவிந்தசாமி வீட்டிலும் ரெய்டு நடக்கிறது. 

தெலுங்கானா மாநிலத்தில் கரிம்நகரில் உள்ள அன்பழகனுக்கு சொந்தமான இடங்களிலும் சோதனை நடத்தப்பட்டு வருகிறது .

---------------------------------+++---+------------------+++++--------

புதன், 19 ஜனவரி, 2022

முதலிலேயே சொல்லித் தொலைக்கலாமே!

 பொய்ப் பணம்.

சமீப காலங்களில், கிரிப்டோகரன்சிகளில் முதலீடு செய்வது குறித்து பெரும் மகிழ்ச்சி ஏற்பட்டுள்ளது. கிரிப்டோ முதலீடு என்பது நாணயத்தில் முதலீடு செய்வதா அல்லது சொத்தில் முதலீடு செய்வதா என்பதை முதலில் புரிந்துகொள்ள முயற்சிப்போம். எந்தவொரு கருவியையும் நாணயமாக வகைப்படுத்த, அது பின்வரும் அம்சங்களைக் கொண்டிருக்க வேண்டும்.

ஒன்று, இது ஒரு உறுதிமொழிக் குறிப்பாகும், அதில் வழங்குபவர் தாங்குபவருக்கு அல்லது வைத்திருப்பவருக்கு ஒரு மதிப்பை உறுதியளிக்கிறார். 

இரண்டு, இது ஒரு இறையாண்மை கொண்ட தேசத்தால் ஆதரிக்கப்படுகிறது, எனவே, வாக்குறுதியை நிறைவேற்றுவதில் எந்த தவறும் இல்லை. மூன்று, நாணயத்தை இயற்பியல் அல்லது டிஜிட்டல் வடிவில் அச்சிடுவது எப்போதும் தங்கம் அல்லது பொருட்களின் கூடை போன்ற சில உறுதியான சொத்தை அடிப்படையாகக் கொண்டது.


மேலே இருந்து, Cryptocurrency ஒரு நாணயமாக இருக்க முடியாது என்பது தெளிவாகிறது.

கிரிப்டோ ஒரு சொத்தாக கருத முடியுமா? ஒரு சொத்து என்பது உறுதியான மதிப்பைக் கொண்ட ஒன்று. அதன் உடனடி பயன்பாடு அருவமாக இருந்தாலும், ஒரு சொத்திற்கு சில உறுதியான நன்மைகள் இருக்க வேண்டும்.

 தற்போது விளம்பரப்படுத்தப்படும் கிரிப்டோகரன்சிகள் - பிட்காயின், லிட்காயின், எத்தேரியம் - கேமிங் புள்ளிகளைத் தவிர வேறில்லை. கிரிப்டோஸ் பற்றிய விவாதம் நடக்கும் போதெல்லாம், விளம்பரதாரர்கள் பிளாக்செயின் தொழில்நுட்பத்தைப் பற்றி பேசுகிறார்கள். 

இந்தத் தொழில்நுட்பம் பரிவர்த்தனைகளைக் கணக்கிடுவதற்கான ஒரு நுட்பமாகும், மேலும் கிரிப்டோகரன்ஸிகளின் டிஜிட்டல் பரிமாற்றம் பிளாக்செயின் வடிவத்தில் பராமரிக்கப்படுவதைத் தவிர, கிரிப்டோகரன்ஸிகளுடன் எந்தத் தொடர்பும் இல்லை. வேறு வார்த்தைகளில் கூறுவதானால், கேமிங் பயன்பாட்டின் மூலம் பெறப்படும் புள்ளிகள் பிளாக்செயின் தொழில்நுட்பம் மூலம் சேமிக்கப்பட்டு மாற்றப்படுகின்றன.

 அபத்தமாகத் தோன்றினாலும், லுடோ விளையாட்டில் சம்பாதித்த புள்ளிகள் கூட, இந்த புள்ளிகளைப் பணமாக்குபவர்களால் பிளாக்செயின் தொழில்நுட்பத்தில் சேமித்து விற்கப்பட்டால், அவை கிரிப்டோகரன்சியாக வழங்கப்படலாம். எனவே, கிரிப்டோகரன்சிகளுக்கு முற்றிலும் மதிப்பு இல்லை மற்றும் சொத்தாக கருத முடியாது. 

ஒரு சமன்பாட்டின் n வது மூலத்தை சுரங்கப்படுத்துவதும் தீர்ப்பதும் கேமிங் புள்ளிகளுக்கான சொற்பொழிவுகளாகும்.


சிபிஐ மற்றும் அதைத் தொடர்ந்து அமலாக்க இயக்குனரகத்தில் பணிபுரிந்தபோது, ​​பல சந்தைப்படுத்தல் திட்டங்கள், சிட் ஃபண்டுகள் அல்லது டெபாசிட் மோசடிகள் போன்ற மோசடிகளை நான் கண்டேன். 

இந்த திட்டங்கள் நேரப்பகிர்வு திட்டங்கள், தங்கம் மற்றும் நில முதலீடுகள் என மாறுவேடமிட்டு, அதிக வருமானம் தருவதாக உறுதியளிக்கப்பட்டது. இந்த பிரமிட் திட்டங்கள் நீண்ட காலமாக சட்டத்திலிருந்து தப்பிக்க மேற்கொள்ளப்பட்டன.

 ஆயினும்கூட, மோசடி இன்னும் நிறுவப்பட்டது, நிதியின் தடம் கண்டுபிடிக்கப்பட்டது மற்றும் குற்றவாளிகளை அடையாளம் காண முடியும்.


கிரிப்டோ விளம்பரதாரர்கள் மோசடியை வேறொரு நிலைக்கு எடுத்துச் சென்றுள்ளனர் - அவர்கள் பிடிபடுவதற்கான சிறிய நோக்கத்துடன் - யாரும் உறுதியளிக்கும் எதுவும் இல்லை. 

ஒரு பகுதி, விளையாட்டை வெளியிடும் நபர்கள் அல்லது நபர்கள் அல்லது பிட்காயின்கள் அல்லது கிரிப்டோகரன்சிகளை வெட்டி எடுக்க வேண்டிய சமன்பாடு, மற்றொன்று இந்த புள்ளிகள் - கிரிப்டோகரன்சிகள் - வர்த்தகம் செய்யப்படும் பரிமாற்றங்கள். 

இந்த கிரிப்டோகரன்சிகள் என்று அழைக்கப்படுபவை ஒரு நாட்டின் சாதாரண நாணயத்துடன் இணைக்கப்பட்டிருக்கும் வரை மட்டுமே ஏற்றுக்கொள்ளப்படும். 

துரதிர்ஷ்டவசமாக, உலகளவில் மில்லியன் கணக்கானவர்கள் இந்த மோசடிக்கு விழுகிறார்கள். குற்றவாளிகள், குறிப்பாக போதைப்பொருள் சிண்டிகேட்கள், கிரிப்டோவின் ஆடையை பயன்படுத்தி, தங்கள் சட்டவிரோத வருமானத்தை சுத்தப்படுத்தவும், சலவை செய்யவும் பயன்படுத்துவார்கள்.


ரிசர்வ் வங்கியின் கவர்னர் சக்திகாந்த தாஸ் இந்த சிக்கலைக் கொடியிட்ட மத்திய வங்கிகளின் தலைவர்களில் முதன்மையானவர். 

கிரிப்டோகரன்சிகளின் பரிவர்த்தனைகளைத் தடை செய்வதற்கும் ஒழுங்குபடுத்துவதற்கும் ஒரு மசோதாவைக் கொண்டு வருவதில் அரசாங்கத்தின் மெத்தனம் பாராட்டத்தக்கது.

 தேசிய நலன் சார்ந்த பிரச்சினைகளில் அரசாங்கமும் எதிர்க்கட்சியும் கைகோர்க்கும் ஒரு ஜனநாயக நாடு இந்தியா.

அச்சு மற்றும் காட்சி ஊடகங்களில் கிரிப்டோகரன்சிகளின் சமீபத்திய ஆக்ரோஷமான விளம்பரம், அவற்றின் விளம்பரதாரர்களின் செயல்தவிர்க்கச் செய்ததாக இருக்கலாம்.

 சிபிஐ, ஈடி போன்ற நிதி மோசடி தடுப்பு அமலாக்க முகமைகள் அவர்களைப் பிடிப்பது காலத்தின் விஷயம். 

ஆனால் அதற்குள் கோடிக்கணக்கானோர் கஷ்டப்பட்டு சம்பாதித்த பணத்தை இழக்க நேரிடும். விளம்பரங்கள் மற்றும் விளம்பர நடவடிக்கைகள், உண்மையில், இந்த மோசடி நபர்களை இணைக்கும் முக்கிய ஆதாரமாக இருக்கலாம். 

வரவிருக்கும் தடை மற்றும் கிரிப்டோ ஒப்பந்தங்கள் மீதான விசாரணையை உணர்ந்து, அவர்களின் ஆதரவாளர்கள் ஏற்கனவே ஒரு புதிய வாசகத்தை உருவாக்கத் தொடங்கியுள்ளனர் - 

--------------------------------------------------------------------------------
முதலிலேயே சொல்லித் தொலைக்கலாமே!

குடியரசு தின விழா அணி வகுப்பில், 21 அலங்கார ஊர்திகள் இடம்பெறுகிறது. அதில், 12 அலங்கார ஊர்திகள் மாநிலங்கள், யூனியன் பிரதேசங்கள் சார்பில் பங்கேற்கின்றன. 9 அலங்கார ஊர்திகள், மத்திய அமைச்சங்கள், துறைகளில் இருந்து பங்கேற்கின்றன. இந்த அலங்கார ஊர்திகளில் தமிழ்நாடு  ஊர்தி இடம்பெறவில்லை.

இந்திய குடியரசு தின விழா அணிவகுப்பில், தமிழ்நாடு 2019, 2020, 2021 என தொடர்ந்து மூண்டு ஆண்டுகள் பங்கேற்ற நிலையில், இந்த முறை ஏழு ஓவியங்களை முன்வைத்து அணிவகுப்பு நடத்த மாநில அரசு தயாராகி வந்தது. தமிழ்நாடு அலங்கார ஊர்தி, ஒரு கப்பல் போலவும் அதன் முன்னால் கப்பலோட்டிய தமிழன் என்று அழைக்கப்படும் சுதந்திரப் போராட்ட வீரர் வ.உ. சிதம்பரம் நிற்பது மாதிரியும் வடிவமைக்கப்பட்டிருந்தது.
பிரிட்டிஷ் ஆட்சியாளர்களுக்கு எதிராக இந்தியாவில் வ.உ. சிதம்பரத்தால் நிறுவப்பட்ட சுதேசி ஸ்டீம் நேவிகேஷன் நிறுவனத்தை முன்னிலைப்படுத்துவதற்காக கப்பல் மாதிரி வடிவமைக்கப்பட்டிருந்தது.

ஆனால், ஊர்தியின் பின் பக்கத்தில் தடையில்லாமல் வ.உ.சி.யின் மார்பளவு சிலை மட்டும் வைக்கும்படி நிபுணர் குழு கருதியது.
மூன்றாவது சுற்றில், “குழு உறுப்பினர்கள்  ஒருவர் வ.உ. சிதம்பரனார் தொழிலதிபர்.அவரை ஏன் வைத்தீர்கள் என்று கேட்டதாக” வட்டாரங்கள் தெரிவிக்கின்றன. தமிழகம் முழுவதும் சுதந்திரப் போராட்ட வீரர் வ.உ.சிதம்பரனார் 150வது ஆண்டு பிறந்தநாள் விழா கொண்டாடப்படும் ஒரு முக்கிய தலைவரின் முக்கியத்துவத்தை அரசு அதிகாரிகள் விளக்கியுள்ளனர்.

அதே போல, தமிழ்நாடு அலங்கார ஊர்தியில் சுதந்திரப் போராட்ட வீரரும் மகாகவி சுப்ரமணிய பாரதி, வெளிநாட்டுப் பொருட்களை எரிக்கும் சுதந்திரப் போராட்ட வீரர், சிவங்கை மருது சகோதரர்கள், ராணி வேலு நாச்சியார், வெள்ளைக் குதிரையில் வாள் ஏந்தியவாறு இருக்கும் ஓவியம் வரையப்பட்டிருந்தது. 1730ல் பிறந்த வீரமங்கை வேலு நாச்சியார் ஆங்கிலேயர்களுடன் போரிட்ட முதல் ராணியாக அறியப்படுகிறார்.

தமிழ்நாடு அலங்கார ஊர்தி இடம்பெறுவதற்காக மேற்கொள்ளப்பட்ட இரண்டாவது சுற்று பரிசீலனையில், வேலு நாச்சியாரின் குதிரை நிறத்தை காவி போல் பழுப்பு நிறமாக மாற்ற வேண்டும் என்றும், ஜான்சி ராணியைப் போல தோற்றமளிப்பதால், அவரது முகத்தை மாற்ற வேண்டும் என்றும் நிபுணர் குழு கூறியுள்ளது.
ஒரு கோயில் கண்டிப்பாக வேண்டும் என்றும் கூறியதாக   வட்டாரங்கள் தெரிவிக்கின்றன.

ஆங்கிலேயர்களை எதிர்த்ததற்காக தூக்கிலிடப்பட்ட சிவகங்கையை ஆண்ட மருது பாண்டியர் சகோதரர்களை  ரவுடிகள் போல்  இருப்பதாக நிபுணர் குழு கூறுயுள்ளது.
மேலும், மருது சகோதரர்கள்  இந்தியாவில் யாருக்கும் தெரியாதவர்கள் என்று குழுவினர் கிண்டல் செய்துள்ளனர்.

மூன்றாவது சுற்றில், தமிழ்நாடு அரசு, அலங்கார ஊர்தியை கப்பல் மாதிரி வடிவமைத்து வ.உ.சி.யின் மார்பளவு சிலை, சுதந்திரப் போராட்ட வீரர்களுடன் வெளிநாட்டு பொருட்களை எரிப்போம் என்ற முழக்கத்துடன் பாரதி இலை அமைத்துள்ளது. 

வேலு நாச்சியார் பழுப்பு நிறக் குதிரையில் பச்சைப் புடவையில் சவாரி செய்வது போஅல்வும், மருது சகோதரர்கள் வாள் ஏந்தியும், நான்கு பெண் வீரர்கள் ஈட்டிகளை ஏந்தியிருக்கும்படி வடிவமைத்துள்ளது. 

அதில், காளையார் கோவிலும் அமைக்கப்பட்டுள்ளது.
ஆனால் இதற்கும் குழுவினர்  முப்பரிமாண மாடலைக் கொண்டு வருமாறு கூறியுள்ளது.
அதை செய்து அறிவித்த பின்னரும் ,  அழைப்பு வரவில்லை.ஊர்வலத்தில் இருந்து நீக்கப் பட்டதாக கூறப்பட்டது.

ஆடு அண்ணாமலையோ மூன்று முறை தமிழ்நாடு ஊர்தி இடம் பெற்றதால் இம்முறை அனுமதி இல்லை என்று தெரிவிக்கிறார்.

இதை முன்னரே வெளிப்படையாக சொல்லாமல் ஏன் இப்படி  தமிழக விடிதலைப் போராட்ட வீரர்களைஅசிங்கப் படுத்த வேண்டும்?

---------------------------------------------------------------------