வியாழன், 31 மார்ச், 2022

இருக்கு, ஆனா. இல்லை.!

 நீங்கள் கிரிப்டோ கரன்சி பற்றி அறிந்தவராக இருக்கலாம். அல்லது அதைப் பற்றிப் பிறர் பேசுவதைக் கேட்டிருக்கலாம். இரண்டில் ஒரு பிரிவில்தான் நீங்கள் இருக்க முடியும். 

காரணம் கிரிப்டோ கரன்சி அந்த அளவுக்குப் பிரபலமாகியிருக்கிறது. இந்த வர்த்தகத்தில் கிராம மக்கள்கூட ஈடுபட்டுவருகிறார்கள்.


எளிதாகச் சொல்வதானால், இது ஷேர் மார்க்கெட் போலத்தான். கிரிப்டோ கரன்சியில் பல்வேறு பிரிவுகள் உண்டு, பிரலமானது பிட் காயின். இவற்றை வாங்கிவைக்க வேண்டும். நாளை அவை ‘விலை’ ஏறும்போது உங்களுக்கு லாபம்.

இது எல்லாமே இணையம் மூலம் நடக்கும். இதற்கு மெய்நிகர் நாணயம் (virtual currency) என்று பெயர்

ஷேர் மார்க்கெட் மாதிரி இல்லாமல், கிரிப்டோவில் முதலீடுசெய்யும் நடைமுறை எளிது. குறைந்தபட்சம் நூறு, இருநூறு ரூபாய்கூட முதலீடுசெய்யலாம். இது நாடு என்ற வரையறை கடந்து உலகம் முழுவதுற்கும் பொதுவானது என்று, கிரிப்டோ பயன்படுத்துவோர் சொல்கிறார்கள்.

கிரிப்டோ என்றால் என்ன?

கிரிப்டோ கரன்சியை 2009ஆம் ஆண்டு, சடோஷி நகமோடோ என்ற புனைப்பெயரைக் கொண்டவர்தான் உருவாக்கினார் என்று நம்பப்படுகிறது.
என்னது நம்பப்படுகிறதா... என்கிறீர்களா?

ஆம்.. இந்த கிரிப்டோவை யார் உருவாக்கினார்கள் என்பதற்கு ஆதாரப்பூர்வமான தகவல் இல்லை. ஆனால் இந்த கிரிப்டோ உலகம் முழுதும் பரவியிருக்கிறது.

இந்தியாவில் இரண்டு கோடிப் பேர்வரை கிரிப்டோ கரன்சி பரிவர்த்தனையில் ஈடுபட்டுள்ளார்கள் எனக் கூறப்படுகிறது. இதில் 40,000 கோடி ரூபாய் முதலீடு செய்யப்பட்டிருக்கலாம் என்றும் சொல்லப்படுகிறது.

கிரிப்டோவில் எல்லாமே, ‘ சொல்லப்டுகிறது, நம்பப்படுகிறது, கூறப்படுகிறது’தான்.
இதைத்தான் ஆபத்து என்கிறார்கள் பொருளாதார நிபுணர்கள்.

கிரிப்டோ கரன்சி
‘ரூபாய், டாலர், யூரோ போன்று கிரிப்டோ கரன்சியை எந்த மத்திய வங்கியும் கிரிப்டோவை வெளியிடுவது கிடையாது. இது மூடுமந்திரமாக உள்ளது’ என்கிறார்கள் பொருளாதர நிபுணர்கள். 

நோபல் பரிசு பெற்ற அமெரிக்கப் பொருளாதார நிபுணர் ஜோசப் ஸ்டிக்லீஸ் சொல்வது இன்னும் அதிர்ச்சியை ஏற்படுத்துகிறது. ”கிரிப்டோ கரன்சி குற்றச் செயல் புரிபவர்களுக்கு உதவியாக இருக்கிறது. ஹவாலா போன்ற குற்றங்கள் செய்வோர்களுக்குப் பயன்படுகிறது” என்றார்.

மேலும், “ஹவாலா போன்ற மோசடிகளில் ஈடுபடும் குற்றவாளிகளைக் கண்காணித்துத் தடுத்தால் கிரிப்டோ மதிப்பு தானாக குறைந்துவிடும்” என்றும் கூறினார். இதை அவர் கூறியது, 2018ஆம் ஆண்டு ஜூலை மாதம். ஆனால் நாளுக்கு நாள் கிரிப்டோ பரிவர்த்தனை அதிகரித்தேவருகிறது.

கிரிப்டோவைத் தடை செய்யும் ரிசர்வ் வங்கி உத்தரவுக்கு நீதிமன்றம் தடை விதித்தது. அதோடு ஒன்றிய அரசின் குழப்படியான நிலைப்பாடு குறித்தும் விமர்சித்தது.

இந்நிலையில் ஒன்றிய அரசு, 2021 நவம்பர் மாதம் ‘கிரிப்டோ கரன்சி மற்றும் அதிகாரப்பூர்வமான டிஜிட்டல் நாணயம் ஒழுங்குமுறை மசோதா 2021’ என்ற மசோதாவை முன்வைத்தது.

 "இந்தியாவில் உள்ள எல்லா தனியார் கிரிப்டோ கரன்சி நடவடிக்கைகளையும் தடைசெய்வது; பதிலாக ரிசர்வ் வங்கி மூலமாக அதிகாரபூர்வமான டிஜிட்டல் நாணயம் ஒன்றை உருவாக்குவது’ என்பது அந்த மசோதவின் சாராம்சம்.
நிர்மலா சீதாராமன்
இதெல்லாம் ஒருபுறம் இருக்கக, 2022 பிப்ரவரி 1ஆம் தேதி ஒன்றிய நிதி அமைச்சர் நிதிநிலை அறிக்கையில், கிரிப்டோ குறித்த இரு விஷயங்களைக் குறிப்பிட்டார். 

“கிரிப்டோ பரிவர்த்தனை மூலமாகப் பெறப்படும் வருமானத்துக்கு 30 சதவீதம் வரி விதிக்கப்படும்” என்றார். அதோடு, “(கிரிப்டோவுக்கு பதிலாக) ரிசர்வ் வங்கியே டிஜிட்டல் ரூபாய் ஒன்றை வெளியிடும்” என்றார்.

நாடாளுமன்ற மேலவையில், 2021 ஜூலை 27 ம் தேதி, ஒன்றிய நிதி அமைச்சர் நிர்மலா சீதாராமன் அளித்த பதில் இது: “நாட்டில் உள்ள கிரிப்டோ பரிவர்த்தனை மையங்கள் குறித்த தகவலோ, எத்தனை பேர் இதில் முதலீடு செய்துள்ளார்கள் என்ற விவரமோ எங்களிடம் இல்லை!”

40 ஆயிரம் கோடி ரூபாய் அளவுக்குப் புழங்குவதாகச் சொல்லப்படும் கிரிப்டோ கரன்சி குறித்த ஒன்றிய அரசின் குழப்பமான நிலைப்பாடுகள் அதிர்ச்சியையே  அளிக்கின்றன.


-------------------------------------------------------------------------------------

ஏழு நொடிகளில்

உங்களுக்கான தனிப்பட்ட மாத்திரை தயார்.

தனிநபருக்கென்றே மருந்து தயாரிப்பு' என்ற புதுமை, விரைவில் நடைமுறைக்கு வரும்போலத் தெரிகிறது. 

அதற்கு, லண்டன் பல்கலைக்கழக ஆராய்ச்சியாளர்கள் உருவாக்கியுள்ள நவீன முப்பரிமாண அச்சியந்திரம் உதவும்.

இன்று மாத்திரை மருந்துகள், பெரிய தொழிற்சாலைகளில் எல்லோருக்கும் பொதுவாகத் தயாராகின்றன. 

ஆனால், ஒவ்வொருவரின் தனிப்பட்ட உடலமைப்பு, நோயின் தன்மை ஆகியவற்றை உணர்ந்து தயாரிக்கப்படுவதில்லை.

இந்த முறையை மாற்ற, 'பர்சனலைஸ்டு மெடிசின்' என்ற தனி மருந்துத்துறை மெல்ல உருவெடுத்து வருகிறது.

 அதில் ஒன்றுதான், லண்டன் ஆராய்ச்சியாளர்கள் வடிவமைத்துள்ள, மாத்திரையை நொடிகளில் அச்சிட்டுத்தரும் முப்பரிமாண அச்சியந்திரங்கள்.

இது எப்படி முடிகிறது? 

ஒரு உண்ணக்கூடிய பிசினில் மருந்தினை கலந்துவிடுவர். 

இத்துடன் ஒளி பட்டால் மாற்றமடையும் வேதிப் பொருளையும் சேர்ப்பர். பிறகு, முப்பரிமாண அச்சியந்திரத்தில் இந்த மூலப்பொருட்களை உள்ளிட்டு, அதன் மீது பல்வேறுகோணங்களில் ஒளியினை பாய்ச்சுவர். 

ஒளி படும் இடங்களில் எல்லாம் மருந்துப் பிசின் கெட்டியாகி, ஒரு திடமான மாத்திரை தயாராகிவிடும். ஒளிக் கதிர்கள் பலகோணங்களில் ஒரே நேரத்தில் பாய்ச்சப்படும் என்பதால், மாத்திரை திடவடிவமாக ஆவதற்கு சில விநாடிகள் போதும்.

லண்டன் ஆராய்ச்சியாளர்கள், தாங்கள் உருவாக்கிய முப்பரிமாண மருந்து அச்சியந்திரத்தில், ஒரு பாராசெட்டமால் மாத்திரையை உருவாக்கிக் காட்டியுள்ளனர். 

இந்த முறையில் மருந்து தயாரிக்கும் முறை பரவலானால், ஒவ்வொரு மருத்துவரின் மேசைக்கு அருகிலும் இந்த அச்சியந்திரம் இருக்கும் என்று எதிர்பார்க்கலாம்.

-------------------------------------------------------------------------------------

பெட்ரோல் மோசடி

உத்தரப்பிரதேச தேர்தல் காரணமாக 3 மாதங்க ளாக உயர்த்தப்படாத பெட்ரோலியப் பொருட்களின் விலை தேர்தல் முடிந்தவுடன் நாள்தோறும் ஏற்றப் பட்டு வருகிறது. ரஷ்யா- உக்ரைன் போர் காரண மாகக் கச்சா எண்ணெய் உயர்ந்துவிட்டதாக மத்திய அரசு சாக்கு கூறுகிறது. 

இது உண்மையல்ல.

 உலகம் முழுவதும் ஏற்பட்ட கொரோனா பெருந்தொற்றின் காரணமாக கச்சா எண்ணெய் விலை கடந்த மார்ச்  மாதத்திலிருந்து  குறைய ஆரம்பித்தது. இருப்பினும் உள்நாட்டில்  அரசு விலையைக் குறைக்கவில்லை. அதற்குப் பதில் வரிகளை மேலும் மேலும் அதிகரித்து மக்களை வஞ்சித்தது.

ஒன்றிய அரசின் வரி வருவாய் மிகக் குறைவாக இருந்ததால் பெட்ரோல் மீது லிட்டருக்கு  32 ரூபாய்  வரி விதித்தது. இப்படி வரிகளை  ஒன்றிய அரசு உயர்த்த வேண்டியதற்கு ஒரு காரணமும் இருந்தது. 

அதாவது,  பெருநிறுவனங்கள் மீதான கார்ப்பரேட் வரி விகிதத்தை 40 சதவீதத்தில் இருந்து 25 சதவீதமாக அரசு குறைத்தது. பெருமுதலாளிகளைக் குளிர் விக்க அரசு எடுத்த இந்த நாசகர முடிவால் ஏற்பட்ட பற்றாக்குறையைச் சரிக்கட்ட வேறு எங்கேயாவது வரி களை உயர்த்தியாக வேண்டிய கட்டாயம் ஏற்பட்டது.

சர்வதேச அளவில் கச்சா எண்ணெய்யின் விலை உயராது என்று அரசு கருதியது. ஆனால், கொரோனா வுக்கு தடுப்பூசி கண்டுபிடிக்கப்பட்ட காரணத்தால் மந்த நிலையிலிருந்த பொருளாதாரம் சூடுபிடிக்கத்  தொடங்கியது.  

இதனால் பெட்ரோலியப் பொருட்க ளின் தேவை அதிகரித்து  மீண்டும் விலை உயர ஆரம்பித்தது. விரைவிலேயே பெட்ரோலியப் பொருட்களின் விலை, மார்ச் மாதத்திற்கு முந் தைய விலையையும் தாண்டி 75 டாலரைத் தொட்டது. 

விலை குறைந்தபோது வரியை உயர்த்திய அரசு விலை உயர்ந்தபோது வரியைக் குறைத்திருக்க வேண்டும். ஆனால், அதைச் செய்யவில்லை. 

அப்படிச் செய்தால், மறுபடியும் கார்ப்பரேட் நிறுவனங்களுக்கு வரியை  உயர்த்தவேண்டும். தேர்தல் நிதிக்கான பத்திரங்களில்   95 சதவீத தொகை பாஜகவுக்குத்தான்  சென்றிருக்கி றது.

 இந்த பத்திரங்களை வழங்கிய கார்ப்பரேட் நிறு வனங்களுக்குச் சேவகம் செய்யவேண்டும் என்ப தற்காக சாமானிய மக்களின் நலன்களை அரசு பலி கொடுக்கிறது.

பெட்ரோல் விலையைக் குறைப்பதில் அக்கறை இருந்தால் மாநில அரசுகள் வரியைக் குறைக்க வேண்டியதுதானே என நிதியமைச்சரும் பாஜக தலைவர்களும் ஏகடியம் பேசுகிறார்கள். 

மாநில அரசுகள் ஒருபோதும் வாட் வரி விகிதத்தை உயர்த்த வில்லை. மாறாக ஒன்றிய  அரசு ஜிஎஸ்டி பங்கீட்டில் எல்லா மாநில அரசுகளுக்கும் சேர்த்துத் தர வேண்டிய ஒரு லட்சத்து முப்பதாயிரம் கோடி ரூபாய் பணத்தை இதுவரை தரவில்லை. 

 மாநில அரசுகள் விற்பனை வரி விதிக்கும் உரிமை யை  விட்டுக் கொடுத்திருக்கின்றன. இப்படிச் செய்தால் இழப்பீடு தருவதாகச் சொன்ன அரசு தனது வாக்கு றுதியைக் காப்பாற்றவில்லை. 

இப்படி மக்களையும் மாநில அரசுகளையும் ஏமாற்றும் போக்கை ஒன்றிய அரசு கடைப்பிடிப்பது நல்லதல்ல. 

கார்பரேட் வரி 3%அதிகரித்தாலே ஒன்றிய அரசுக்கு ரூ2 லட்சம் கோடிகள் அதிக வருவாய் கிடைக்கும்.

எனவே நாட்டு  மக்களின் நலனைக் கருதியும் அத்தியாவசியப் பொருட்களின் விலை உயராமல் தடுக்கவும் பெட்ரோ லியப் பொருட்கள் மீதான வரியைக் குறைப்பது தான் ஒரே வழியாக இருக்கமுடியும்.

------------------------------------------------------------------------

வாரிச ஆபத்து.!

வாரிசு அரசியல் ஜனநாயகத்திற்கு ஆபத்தானது. அதை எதிர்த்து போராட வேண்டும் என நடந்து முடிந்த பாஜக எம்.பி.க்கள் கூட்டத்தில் மோடி தனது திருவாயை மலர்ந்துள்ளார்.
வாரிசு அரசியல் என்பது மோடியின் எஜமானனான அமெரிக்காவின் கென்னடிபுஷ், டிரம்ப் முதல் இந்தியாவின் காங்கிரஸ் திமுக, பாமக, மதிமுக முதல் பாஜக தான் அங்கம் வகிக்கும் தே.ஜ.கூ உள்ளிட்ட பிற ஓட்டுக்கட்சிகள் அனைத்திலும் நீக்கமற நிறைந்துள்ளன.
கருத்து சுதந்திரத்தை கிஞ்சித்தும் அனுமதிக்காத பார்ப்பன பாசிஸ்டுகளான ஆர்.எஸ்.எஸ் – பாஜக-வின் தீவிர உறுப்பினரான மோடி, வாரிசு அரசியல் பற்றி வகுப்பெடுப்பதுதான் சாத்தான் வேதம் ஓதிய கதையாக உள்ளது.
வாரிசு அரசியல் என்பது ஜனநாயக விரோதமானது. பாஜக உள்ளிட்ட அனைத்துக் கட்சிகளிலும் நீக்கமற நிறைந்துள்ளது. ஆனால், ஜனநாயகத்தைப் பற்றி, ஜனநாயகம் எனும் பதத்தையே அகராதியில் இருந்து நீக்குவதை நோக்கமாகக் கொண்ட பார்ப்பன பாசிஸ்ட்டுகள் பாசிசத்தைப் பற்றிப் பேசுவதுதான் கேலிக்கூத்து.
அதாவது அன்றாடம் அனைத்து வகை அட்டூழியங்களையும் கொடூரமான முறையில் கொலைகளையும் நடத்திவருவது ஆர்.எஸ்.எஸ்-ம் அதன் துணை அமைப்புகளும்தான் என்பதை எவராலும் மறுக்க முடியாது.
ஆர்.எஸ்.எஸ்-ன் துணை அமைப்புகளில் ஒன்றான சனாதன் சன்ஸ்த்தா என்ற கொலைகார அமைப்பானது, பகுத்தறிவாளர்கள் நடத்தும் நிகழ்ச்சிகளையும் பயிற்சி பட்டறைகளையும் இலக்கு வைத்து தாக்கியுள்ளது. தொடர்ந்து தாக்கியும் வருகிறது.
மூடநம்பிக்கைகளை அம்பலப்படுத்தி மகாராஷ்டிரத்தில் பகுத்தறிவு இயக்கங்களையும் நடத்திவந்த பகுத்தறிவாளர் நரேந்திர தபோல்கரை சுட்டுக்கொன்றுள்ளது இக்கும்பல். மூடநம்பிக்கை, வகுப்புவாதம் பிற்போக்குத்தனங்களை எதிர்த்து போராடிய பன்சாரே, கல்புர்க்கி போன்றவர்களையும் கொன்றுள்ளது சனாதன் சன்ஸ்த்தா என்ற இந்தக் கொலைகார அமைப்பு.
முஸ்லீம் மக்களுக்கு எதிராக யோகியின் அடியாள்படையான இந்து யுகவாகினி நடத்திய மதவெறியை தூண்டும் பிரச்சாரத்தாலும், இதன் தொடர்ச்சியான முஸ்லீம் மக்கள் மீதான தாக்குதல்களாலும், வழக்குகளும் ஏராளமாக இன்று வரை நடந்து வருகிறது. யோகியும் இந்து யுவவாகினியின் உறுப்பினர்களும் இதுவரை கைது செய்யப்படவில்லை. சுதந்திரமாக இன்றுவரை வலம்வந்து கொண்டு இருக்கின்றனர்.
பஜ்ரங் தள் அமைப்பின் உறுப்பினர்கள் மூலம் மங்களூரில் சிட்டி சென்டர், ஃபோர்ம் ஃபிசா, பிக்பஜார் போன்ற பல்வேறு மார்க்கெட்களில் எல்லாம் ஒப்பந்தம் போட்டுக்கொண்டு இங்கு பெரும்பான்மையான முஸ்லீம் கடைகளை அப்புறப்படுத்தி பணிய வைத்து தன் கட்டுப்பாட்டில் வைத்துள்ளனர். இதன்மூலம் எப்போதும் முஸ்லீம் வியாபாரிகளை அச்சத்திலேயே வைத்துள்ளனர்.
வி.எச்.பி.யில் உருவாக்கப்பட்ட திடகாத்திரமான உடலமைப்பைக் கொண்ட அடியாள்படையான பஜ்ரங் தள் மோடி கொடுத்த தைரியத்தில் கர்வாப்சி என்ற பெயரில் ஜலெளன் மாவட்டத்தில், கிறித்துவ மதத்திற்கு மாறும்படி பிரச்சாரம் செய்தார் என்று குற்றம் சுமத்தி அவதேஷ்குமார் என்பவருக்கு மொட்டையடித்து செருப்பு மாலை போட்டு கழுதைமேல் அமர்த்தி ஊர்வலம் நடத்தி அசிங்கப் படுத்தியுள்ளது.
அவ்வப்போது வகுப்பு வாதத்தை கிளறிவிட்டு முஸ்லீம்களுக்கு எதிராக வன்முறைகளை கட்டவிழ்த்து விட்டுள்ளது. வாழ்விடத்திலிருந்து அவர்களை விரட்டியடித்துவிட்டு முஸ்லீம்கள் அற்றபகுதி என்ற அறிவிப்பு பலகையும் பொருத்தியுள்ளது.
ஆஸ்திரிலேய பாதிரியான கிரகாம் ஸ்டெயின்சையும் அவரது குழந்தைகளையும் கார்க்குள்ளேயே வைத்து உயிரோடு எரித்ததோடு அவர்கள் தப்பவிடாமல் தடுத்து தீயில் முழுமையாக எரியவிட்ட கொலைபாதகப் குண்டர்களைக் கொண்ட அமைப்புதான் இந்த பஜ்ரங் தள்.
மாட்டுக்கறி வைத்து இருப்பதாகக்கூறி பல முஸ்லீம் தலித் மக்களை பசுப் பாதுகாவலர்கள் என்ற போர்வையில் மதவெறிகும்பல் கொடூரமாக தாக்கியதோடு கொலையும் செய்துள்ளனர் என்பது நிரூபிக்கப்பட்ட சம்பவங்கள் ஏராளம். மேலும், மாநில அரசுகளை சதித்தனமாக கவிழ்ப்பது, மாநில உரிமைகளை நசுக்குவது, மாநில சுயாட்சிகளை கேள்விக்குள்ளாக்குவது விமர்சிப்பவரகள் எதிர்ப்பவர்களை கொடூரமாக கொலை செய்வது.
குறிப்பாக, தமிழகத்தில் முஸ்லீம் மக்கள்மீது வெறுப்பை மக்களிடம் உருவாக்க முடியவில்லை என்பதால் கிறித்தவர்கள், தலித் மக்கள் மீதான வெறுப்பை கொம்பு சீவிவிடுகிறது. இதன் துவக்கம்தான் தஞ்சாவூர் கிறித்துவப் பள்ளி மாணவியின் தற்கொலை. இவை எல்லாம் எந்த வகையில் ஜனநாயகத்திற்கு எதிராக இல்லை என்பதை மோடிதான் விளக்கம் தர வேண்டும். இவையெல்லாம் ஒரு பானை சோற்றுக்கு ஒரு சோறு பதம் என்பதை போலதான்.
வாரிசு அரசியல் ஜனநாயகத்திற்கு எதிரானதுதான், அதில் மாற்றுக் கருத்து இல்லை. ஆனால் வெறுப்பு அரசியல் – மதவெறி அரசியல் மூலம் வன்முறையை தூண்டிவிட்டு கொலை, கொள்ளை, பாலியல் வன்கொடுமை போன்றவற்றை அன்றாடம் அரங்கேற்றும் ஆபத்தான பாசிச அரசியலை ஒப்பிடும்போது வாரிசு அரசியல் எவ்வளவோ பரவாயில்லை எனலாம்.
வாரிசு அரசியல் அதிகபட்சம் தனது வாரிசுகளை கொண்டு வரும். பாரம்பரிய குடும்ப அரசியலாகவும் மற்றும் அதன்மூலம் தனக்கும் தனது வாரிசுகளுக்கும் அவர்களின் எதிர்காலத்துக்கு தேவையான சொத்துக்களை சேர்த்துக்கொள்ளும். ஆனால், பாசிச அரசியல் சித்தாந்த அடிப்படையாக கொண்டு அமைக்கப்பட்ட அமைப்புகளையும் முறையாக ஒழுங்கமைக்கப்பட்டு நிறுவனமயமாக்கப்பட்ட பாசிச அமைப்புகள் அப்படி அல்ல. சமூகத்தின் ஒரு பகுதியை எதிரியாக சித்தரித்து அவர்கள் மீதான வன்முறையை செலுத்துவதை நியாயப்படுத்தி தன்னால் முயன்றவரை பாசிசத்தை ஏற்கவைக்கும்.
அந்த வகையில் பார்ப்பன பாசிச அமைப்பில் தனது எதிரிகளாக சித்தரிப்பவர்களை கொடூரமாக சித்தரவதை செய்து ஈவிரக்கமற்ற முறையில் உயிரோடு குழந்தைகளை எரிப்பது சிறுபான்மை மக்கள் குறிப்பாக கிறித்தவர்கள், முஸ்லீம்கள், தலித்துக்கள் மீதான வன்முறையை கட்டவிழ்த்து அவர்களின் வீடுகளை இடித்து தீக்கிரையாக்குவது, அவர்கள் வாழும் இடத்தைவிட்டு விரட்டியடிப்பது போன்ற கொடூரமான செயல்களை மேற்கொள்ளும் பிரிவினைவாதத்தை நியாயப்படுத்தும் அளவிற்கு கொடூரமானது அல்ல ஆபத்தானது அல்ல வாரிசு அரசியல்.
ஆபத்தான பார்ப்பன பாசிச அரசியல் அதிகாரத்துக்கு வருவதை தடுத்தாக வேண்டும். இதற்கு பார்ப்பன பாசிஸ்டுகளுக்கு எதிராக அனைத்துப் பிரிவு அடித்தட்டு மக்களோடு இணைந்து இருப்பது மிக மிக அவசியம், கடமையும் கூட.
இதன்மூலம் காவி – கார்ப்பரேட்டு பாசிசத்தை அரசியல் அரங்கில் நிறுவத் துடிக்கும் ஆர்.எஸ்.எஸ், பாஜக, பஜ்ரங் தள், இந்து யுகவாகினி, சனாதன் சன்ஸ்த்தா போன்ற அமைப்புகளை அம்பலப்படுத்தி தனிமைப்படுத்தி சமூகத்திலிருந்து அப்புறப்படுத்தவதோடு அவற்றை முறியடிக்க வேண்டும். 
வெறுமனே போலி ஜனநாயகத் தேர்தலில் வெற்றி பெற்று பெரும்பான்மை பெறுவது போதாது.
பாசிச அரசியலை பெரும்பான்மை இந்து மக்களின் மத்தியில் விதைத்து அவற்றை அங்கீகரிக்கும் மனப்பான்மையை உருவாக்கி சிறுபான்மை மக்கள் ஜனநாயக சக்திகள், கம்யூனிச பற்றாளர்களுக்கு  எதிரான விரோதபோக்கை  வெறுப்பை உருவாக்கி நிலைப்படுத்துவதையே ஒரு இலக்காகக் கொண்டு செயல்படுகிறது பாசிசக் கும்பல்.
ஆகையால்தான் பாசிஸ்டுகளுக்கு எதிராக போராட்டத்தை கட்டமைக்க பகுத்தறிவாளர்களை ஜனநாயக சக்திகளை கம்யூனிச பற்றாளர்களை இலக்கு வைத்து தீர்த்துக்கட்டப்பட்டு வருகின்றனர்.
எனவே, வர்ணாசிரம முறையை அடிப்படையாக கொண்ட பார்ப்பன விரோத பண்புகளை விதைத்து வர்க்க முரண்பாடுகளை புதைக்கும் காவி – கார்ப்பரேட்டுகளின் பாசிசத்தையும் அதன் அதிகாரத்தையும் அகற்றுவதைப் பிரதான பணியாக மேற்கொள்ள வேண்டிய தருணம் இது.


-கதிரவன்
--------------------------------------------------------------------------------------

புதன், 30 மார்ச், 2022

டெக் ஃபாக் செயலி.

ஜி-20

உலக நாடுகளின் பொருளாதாரம் தொடர்பான முக்கிய பிரச்சினைகள் குறித்து ஆலோசனை நடத்துவதற்காக ஏற்படுத்தப்பட்டதே ‘நிதி அமைச்சர் மற்றும் மத்திய வங்கி ஆளுனர்களின் அமைப்பு.’

இது இருபது உலக நாடுகள் மற்றும் அதில் உள்ள நிதி வளங்களின் நிதி அமைச்சர்கள், மத்திய வங்கி ஆளுநர்களைக் கொண்ட கூட்டமைப்பாகும்.

இதனையே ‘Group of Twenty’ (20-களின் குழு) என்றும், சுருக்கமாக ‘ஜி-20’ என்றும் அழைக்கிறார்கள்.

இதில் இடம் பிடித்துள்ள 20 நாடுகளின் பட்டியல் பின் வருமாறு:- இந்தியா, இந்தோனேசியா, அமெரிக்கா, இங்கிலாந்து, அர்ஜென்டினா, பிரேசில், சீனா, ஜெர்மனி, ஆஸ்திரேலியா, கனடா, ஜப்பான், ரஷ்யா, தென்ஆப்பிரிக்கா, துருக்கி, தென்கொரியா, இத்தாலி, மெக்சிகோ, சவுதி அரேபியா, பிரான்ஸ், ஐரோப்பிய ஒன்றியம்.

ஜி-20அமைப்பின் தலைவராக ஒவ்வொரு ஆண்டும் ஒவ்வொரு நாடும் சுழற்சி முறையில் பதவி வகித்து வருகின்றன.

அந்த வகையில் வரும் டிசம்பர் 1-ந் தேதி முதல் அடுத்த ஆண்டு நவம்பர் 30-ந் தேதிவரை, அந்த தலைமைப் பொறுப்பு இந்தியாவிற்கு வருகிறது.

-----------------------------------------------------------------------------

ஸ்டாலின் கொடுத்த மூன்று வாய்ப்புகள்.

ராஜ கண்ணப்பன் அடுத்தது ?


துபாய் சென்று வந்த கையோடு அமைச்சரவையில் முதல் மாற்றத்தை அரங்கேற்றியிருக்கிறார் முதலமைச்சர் மு.க ஸ்டாலின்.

அமைச்சரவையில் இடம்பெற்றவர்கள் மீது எந்த புகார் வந்தாலும் அது குறித்து விசாரித்து உடனடியாக நடவடிக்கை எடுப்பேன் என முதல்வர் ஸ்டாலின் ஆட்சி பொறுப்பேற்ற நேரத்திலேயே எச்சரிக்கை விடுத்ததாக தகவல்கள் வெளியாகின. 

இந்த விஷயத்தில் கலைஞர் கருணாநிதி போல் விட்டுபிடிப்பவர் அல்ல ஸ்டாலின், ஜெயலலிதா போல் உடனடியாக மாற்றம் தான் என திமுகவினரும் கூறிவந்தனர். 

இந்நிலையில் ஆட்சி பொறுப்பேற்ற பத்து மாதங்களில் அமைச்சரவையில் முதல் மாற்றம் நிகழ்ந்துள்ளது.

பிற்படுத்தப்பட்டோர் துறை அமைச்சராக பதவி வகிக்கும் எஸ்.எஸ்.சிவசங்கரை போக்குவரத்து துறை அமைச்சராகவும், போக்குவரத்து துறை அமைச்சராக இருந்த ராஜ கண்ணப்பன் பிற்படுத்தப்பட்டோர் நலத்துறை அமைச்சராகவும் மாற்றி உத்தரவு வெளியாகியுள்ளது.

ராஜ கண்ணப்பனை குறிவைத்து தான் இந்த மாற்றம் அரங்கேறியிருக்கிறது என்பது அரசியல் வட்டாரம் அறிந்த செய்தி தான். உண்மையில் பத்து மாதம் என்பதே அதிகம் தான். 

ராஜ கண்ணப்பன் விஷயத்தில் கடந்த சில மாதங்களாகவே முதல்வர் ஸ்டாலின் கடும் அதிருப்தியில் இருந்ததாக சொல்கிறார்கள் கோட்டை வட்டாரத்தினர்.

அதிமுகவுக்கும் திமுகவுக்கும் போக்கும் வரத்துமாய் இருந்த ராஜகண்ணப்பன் 2019 மக்களவைத் தேர்தலை முன்னிட்டு மீண்டும் திமுகவில் ஐக்கியமானார்.

 சட்டமன்றத் தேர்தலில் முதுகளத்தூர் தொகுதியில் வெற்றி பெற்ற அவரை அமைச்சராக்கினார் ஸ்டாலின்.

திமுக அரசின் மீது எந்த புகாரும், விமர்சனங்களும் வந்துவிடக்கூடாது என்பதில் ஆரம்பம் முதலே கவனமாக இருந்தார் ஸ்டாலின்.

இந்நிலையில் தீபாவளிக்கு போக்குவரத்து துறை ஊழியர்களுக்கு இனிப்பு வழங்குவதற்காக ஆவின் நிறுவனத்தை தவிர்த்து வேறொரு தனியார் நிறுவனத்திடம் கொள்முதல் செய்ய டெண்டர் வழங்க திட்டமிட்டதாகவும், இதற்காக பெற இருந்த கமிஷன் குறித்தும் தகவல் வெளியானது. 

 முதல்வர் ஸ்டாலின் கவனத்துக்கு இந்த விவகாரம் கொண்டு செல்லப்பட்ட நிலையில் ஆவின் நிறுவனத்துக்கு அந்த டெண்டர் வழங்கப்பட்டது. அப்போதே ராஜகண்ணப்பன் மீது ஒரு கண் வைத்துவிட்டார் ஸ்டாலின்.

அதைத் தொடர்ந்து அடுத்த சர்ச்சை ராஜகண்ணப்பனை சுற்றி வட்டமடித்தது. விசிக தலைவர் திருமாவளவனை அழைத்து பேசிய அமைச்சர், தான் ஒரு பெரிய சோபாவில் அமர்ந்து கொண்டு, அருகில் இன்னொரு ஷோபா இருந்தபோதும் பிளாஸ்டிக் சேரில் திருமாவளவனை உட்கார வைத்துவிட்டார் என்றொரு சர்ச்சை கிளம்பியது.

அது மட்டுமல்லாமல் போக்குவரத்துத் துறை அலுவலகங்கள் ஒவ்வொன்றுக்கும் மாதம் தோறும் டார்கெட் நிர்ணயித்து பணத்தை கறப்பதாகவும் புகார் ஒன்று மேலிடத்துக்கு சென்றது. 

இதன் தொடர்ச்சியாக எழிலகத்தில் உள்ள போக்குவரத்து துறை துணை ஆணையர் அலுவலகத்தில் ரெய்டு நடத்தப்பட்டு 35 லட்சம் ரூபாய் பணம் கைப்பற்றப்பட்டது. 

தமிழக அரசின் அலுவலகம் ஒன்றில் தமிழக லஞ்ச ஒழிப்புத்துறை ரெய்டு நடத்தி பணத்தை கைப்பற்றியது அரசுக்கு தலை குனிவை ஏற்படுத்தியது. இதனால் உடனே அமைச்சரவை மாற்றம் இருக்கும் என எதிர்பார்ப்பு நிலவியது.

அதன்பின்னர் பட்ஜெட் கூட்டத் தொடர், துபாய் பயணம் ஆகியவற்றை முடித்த ஸ்டாலினுக்கு வந்த உடனே இன்னொரு தகவலும் சொல்லப்பட்டுள்ளது. 

இராமநாதபுரம் மாவட்டம் முதுகுளத்தூர் ஊராட்சி ஒன்றிய ஆணையாளரை சாதிப் பெயரைச் சொல்லி திட்டியதாக எழுந்த புகார் தான் ஸ்டாலினை உடனடியாக இலாகா மாற்ற முடிவை எடுக்க வைத்துள்ளது என்கிறார்கள்.

இலாகா மாற்றமும் தற்காலிக நடவடிக்கை தானாம், மே மாதம் அமைச்சரவை மாற்றம் இருக்கும் அதில் ராஜ கண்ணப்பன் பெயர் இடம்பெறாது என அடித்து சொல்கிறார்கள் விவரம் அறிந்தவர்கள்.

--------------------------------------------------------------------

டெக் ஃபாக் செயலி.

காவி பாசிஸ்டுகளின் பிடியில் டிஜிட்டல் உலகு !

பா.ஜ.க. என்றாலே நம் நினைவுக்கு வருவது அவர்களின் பொய்களும் புரட்டுகளும், அந்த பொய்-புரட்டுகளை வைத்து அவர்கள் நடத்தும் கலவரங்களும்தான். இவைகளையெல்லாம் நடத்துவதற்கு தோதாக அவர்கள் மிகப்பெரிய தொழில்நுட்ப அணியையே வைத்துள்ளார்கள்.
பா.ஜ.க.வுடைய பொய் பிரச்சாரங்களை நாம் எளிதாக எண்ணிவிட முடியாது. 2013-ம் ஆண்டில் உத்தரப் பிரதேச மாநிலம் முசாபர்நகர் மாவட்டத்தில் நடந்த கலவரத்தின்போது, ஒரு போலியான வீடியோ பா.ஜ.க.வின் எம்.எல்.ஏ. சங்கீத் சிங் என்பவரால் பரப்பப்பட்டது. ஆனால் அந்த வீடியோ இரண்டு ஆண்டுகள் பழையது என பின்னர் விசாரணையில் தெரியவந்தது.
ஆனால், அதற்குள் அந்த நச்சுப் பிரச்சாரத்தால் தூண்டப்பட்டு நடைபெற்ற கலவரத்தில் 60-க்கும் மேற்பட்டோர் கொல்லப்பட்டனர்; 60 ஆயிரத்திற்கும் மேற்பட்டோர் தங்கள் வீடுகளை இழந்தார்கள்.
ஆர்.எஸ்.எஸ் – பா.ஜ.க மற்றும் மோடி அரசை விமர்சிப்பவர்களை சமூக வலைதளங்களில் தொடர்ந்து தாக்கி துன்புறுத்துவதும் அத்தொழில்நுட்ப அணியின் முக்கியமான பணியாக உள்ளது. பா.ஜ.க.வின் இந்த பின்னணி குறித்து பலரும் ஆய்வு செய்து கட்டுரைகள், நூல்களை வெளியிட்டுள்ளனர். 
பா.ஜ.க.வின் இணைய துன்புறுத்தல்களால் பாதிக்கப்பட்ட சுவாதி சதுர்வேதி என்ற பத்திரிகையாளர், பா.ஜ.க இவற்றை எப்படி செய்யமுடிகிறது என இரண்டு ஆண்டுகள் கள ஆய்வு செய்து “நான் ஒரு ட்ரால் – பா.ஜ.க டிஜிட்டல் ராணுவத்தின் இரகசிய உலகத்திற்குள்ளே” என்ற தலைப்பில் ஒரு நூலை எழுதியுள்ளார்.
இவ்வாறு பல்வேறு கட்சிகளும் தொழில்நுட்ப அணியை வைத்திருந்தாலும் அக்கட்சிகளுடையதை ஆர்.எஸ்.எஸ் – பா.ஜ.க.வின் இணையப் படையோடு ஒப்பிட முடியாது. முதலாவதாக, டிஜிட்டல் உலகின் புதுப்புது தொழில்நுட்ப வசதிகளைப் பயன்படுத்துவதில் மிகவும் முன்னேறியது ஆர்.எஸ்.எஸ் – பா.ஜ.க .
இரண்டாவது வெறும், கவர்ச்சிவாத பிரச்சாரங்களைச் செய்வதற்காக மட்டும் அவர்கள் இதைப் பயன்படுத்தவில்லை. தங்கள் காவி பாசிச பயங்கரவாத செயல்பாடுகளை மேற்கொள்வதற்கும் இந்த முன்னேறிய தொழில்நுட்பங்கள் பயன்படுகின்றது.
அவ்வாறான முன்னேறிய தொழில்நுட்ப செயலி ஒன்றுதான் டெக் ஃபாக். காவி பாசிஸ்டுகளுடைய ஊடகப் பிரச்சாரத்தில் முக்கியமான பங்குவகிக்ககூடிய இது ஒரு இரகசிய செயலி ஆகும். 
தற்போது வயர் இணையதளம் இதைப் பற்றி புலனாய்வு செய்து ஆய்வுக் கட்டுரை வெளியிட்ட பிறகுதான் பொதுவெளியில் வெளிச்சத்திற்கு வந்துள்ளது.
பாசிஸ்டுகளின் கைகளில் சமூக ஊடகங்கள்
மக்களிடையே கருத்துருவாக்கம் செய்ய அவர்கள் பயன்படுத்தும் வழிமுறைகளில் முக்கியமானது டெக் ஃபாக் செயலியை கொண்டு டுவிட்டர் மற்றும் பேஸ்புக்கின் டிரெண்டிங் பகுதியை கட்டுப்படுத்துவது. பா.ஜ.க.விற்கு ஆதரவான கருத்துகளை டிரெண்ட் செய்வது; பா.ஜ.க.விற்கு எதிராக ஏதாவது பிரச்சினை எழும்போது, அதை மக்களிடம் இருந்து திசை திருப்புவதற்காக வேறொன்றை டிரெண்ட் செய்வது; பா.ஜ.க.வின் மக்கள் விரோத செயல்களை எதிர்க்கும் ஜனநாயக சக்திகளை துன்புறுத்த அவர்களை இழிவாக சித்தரித்து டிரெண்ட் செய்வது என பல வகைகளில் டிரெண்டிங் பகுதியை ஆர்.எஸ்.எஸ் – பா.ஜ.க பயன்படுத்திக் கொள்கிறது.
சிறுபான்மை முஸ்லீம் மக்களுக்கு எதிராக, சமூக ஊடகங்களில் சங்க பரிவாரத்தினரால் பரப்பப்படும் இந்துமதவெறி நச்சுப் பிரச்சாரத்திற்கு ஒரு சான்று.
டெக் ஃபாக் செயலி தானியங்கு முறையில் வேலைசெய்யக் கூடியதாக உள்ளது. அதாவது இதன் மூலம் தனிநபர்கள் அல்லது குழுக்களின் டுவிட்டுகளை தானாகவே மறுபதிவிட மற்றும் பகிரச் (re-tweet and auto-sharing) செய்ய முடியும். 
இவற்றை  தானியங்குப்படுத்த டாஸ்கர் (Tasker) போன்ற ஆண்ட்ராய்டு செயலிகளை பயன்படுத்துகிறார்கள். இந்த டாஸ்கர் என்பது தொலைபேசியில் உள்ள பயன்பாடுகளை தானியங்கு படுத்த உதவுகின்ற ஒரு செயலியாகும்.
எனவே, ஒரு டெக் ஃபாக் செயலியை பயன்படுத்தி ஆயிரக்கணக்கான டுவிட்டர் மற்றும் பேஸ்புக் கணக்குகளைக்கூட தனி ஒரு நபரால் கட்டுப்படுத்த முடியும். 
இதனால் அவர்கள் உருவாக்கும் இடுக்கைகளை (post) டுவிட்டர் மற்றும் ஃபேஸ்புக்கின் டிரெண்டிங் பகுதியை மிக எளிதாக அடைய வைக்க முடியும்.
2018-ஆம் ஆண்டு ராஜஸ்தானின் கொட மாவட்டத்தில் கட்சியின் தொழில்நுட்ப அணியிடம் பேசிய உள்துறை அமைச்சர் அமித் ஷா, “உண்மையோ அல்லது பொய்யான ஒன்றோ அதை வைரலாக மாற்றக்கூடிய சக்தி நம்மிடம் உள்ளது” என பேசினார். 
அத்தகைய சக்தியை டெக் ஃபாக் போன்ற செயலிகளே வழங்குகின்றன.
பொதுவில் ஒரு செய்தியை டிரெண்டிங் செய்வது என்று மட்டுமில்லாமல், டெக் ஃபாக் செயலியைப் பயன்படுத்தி ஒருவருக்கு தனிப்பட்ட முறையிலும் பொய்ச் செய்திகளைப் பரப்ப முடியும். 
மேலும் ஒருநபரின் தனிப்பட்ட தரவுகளை திருடவும் முடியும்.
குறிப்பிட்ட நபர்களை இலக்குவைத்து வாட்சப்பில் ஒரு படம் அல்லது வீடியோவை அனுப்புகிறார்கள். அந்த நபர் அப்படம் அல்லது வீடியோவை தரவிறக்கம் செய்தவுடன் அவரின் அலைபேசியில் ஒரு உளவு மென்பொருள் (spyware) நுழைந்து அவரின் வாட்சப் கணக்கை டெக் ஃபாக் செயலியுடன் இணைத்து விடும். 
அதன்பின், அவரின் தொலைபேசியில் இருக்கும் தொடர்பு பட்டியல் மற்றும் தனிப்பட்ட விவரங்களும் டெக் ஃபாக் செயலியால் திரட்டப்பட்டுவிடும்.
தொடர்ந்து அந்நபரை கண்கானித்துக் கொண்டே இருப்பார்கள்.
 ஒருவேளை அந்த நபர் தனது அலைபேசியிலிருந்து வாட்சப் செயலியை அழித்துவிட்டாலோ (Uninstall) அல்லது அலைபேசியை மீட்டமைத்தாலோ (ரீசெட் – Reset) அதனை அறிந்துகொண்டு அவரின் செயலற்று போயிருக்கும் வாட்சப் கணக்கை கையகப்படுத்தி, அவரது தொடர்பு பட்டியலில் இருக்கும் அனைவருக்கும் தங்களது பொய் பிரச்சார செய்திகளை அனுப்ப முடியும்.
இந்த செய்திகளை பெறுபவர்கள் தனக்கு நெருங்கிய நபர்தான் பகிர்கிறார் என நம்பத் தொடங்குவார். 
ஆனால் இதைப் பற்றி அக்கணக்கின் உரிமையாளருக்கு ஒன்றுமே தெரியாது. ஒருவேளை அதன் உரிமையாளருக்கு இதைப் பற்றி எதாவது சந்தேகம் எழுந்து ஆராயத் தொடங்கினால் ஒரு நொடியில் எல்லா தரவுகளும் அழிந்துவிடும் வகையில் வடிவமைத்துள்ளார்கள்.
மற்ற சமூக ஊடகங்களை போலல்லாமல் வாட்சப்-பை மக்கள் பார்ப்பதில்லை. 
வாட்சப்-இல் நமக்கு தெரிந்தவர்களிடம் இருந்து மட்டுமே நாம் செய்திகளை பெறுகிறோம் என்பதால் எந்த சந்தேகமுமின்றி மக்கள் நம்புகிறார்கள்.
 மேலும் வாட்சப் நிறுவனம் கொடுப்பதாக சொல்லப்படும் தகவல் பாதுகாப்பு உறுதிப்படும் அதை நம்பி பயன்படுத்துவதற்கு காரணம். இதையெல்லாம் இச்செயலியின் பயன்பாடு பற்றி வெளிவந்துள்ள தகவல்கள் கேள்விக் குறியாக்கிவிட்டது.
கருத்துருவாக்கம் செய்வதற்கு டெக் ஃபாக் செயலி பல்வேறுவிதமான முறைகளை வைத்துள்ளது. செய்திக் கட்டுரைகளில் இருக்கும் முக்கியமான சொற்களை மாற்றுவதன் மூலம் கட்டுரையை திரித்து, அதன் இணைப்பை சமூக ஊடகங்களில் பரப்புவது என்பது அதில் ஒரு முறை. 
சான்றாக, பா.ஜ.க.வை விமர்சிக்கும் ஒரு கட்டுரையை எடுத்துக் கொண்டு, அதில் பா.ஜ.க. என்ற சொல்லை காங்கிரஸ் என்று திரித்து பரப்புவது. இதுபற்றி வாசகர்களுக்கு எந்த சந்தேகமும் வராத வகையில் இக்கட்டுரையின் பக்கம் அது இடம்பெற்றுள்ளதாகக் கருதப்படும் வலைதளத்தைப் போலேவே அச்சு அசலாக இருக்கும்.
செய்திகள் மற்றும் தகவல்களின் வழியாகத்தான் மக்கள் உலகத்தைப் பற்றி அறிந்து கொள்கிறார்கள். 
இன்றைய காலகட்டத்தில் செய்தித்தாள்கள், தொலைக்காட்சிகள் மட்டுமல்லாது தகவல்களை அறிந்துகொள்வதில் சமூக ஊடகங்கள் பெரும் முக்கியத்துவம் வகிக்கின்றனர்.
 அந்த சமூக ஊடகங்களை பாசிச சக்திகள் தங்கள் கைகளில் வைத்துக்கொண்டு மக்களிடையே எது பிரபலமாக இருக்க வேண்டும், மக்கள் எதைப் பற்றி பேச வேண்டும், அவர்களது விருப்பு-வெறுப்புகள் எப்படி அமைய வேண்டும் என அனைத்தையும் தீர்மானிக்கிறார்கள். இது உண்மையில் நம்மை அச்சுறுத்தக் கூடிய விசயமாகும்.
நிழல் உலக பாசிச வன்முறை!
இந்த டெக் ஃபாக் செயலியுடன் ஒரு ஒருங்கிணைக்கப்பட்ட தரவு தளத்தை உருவாக்கி வைத்துள்ளார்கள். 
இந்த தரவுத்தளத்தில் அவர்களால் கண்காணிப்புக்குள்ளாக்கப்படும் நபர்களின் தொழில், வயது, மொழி, மதம், பாலினம், அரசியல் விருப்பம், உடல் பண்புகள் உட்பட அனைத்துவகை அந்தரங்க விவரங்களையும் சேகரித்து வைத்துள்ளார்கள்.
அவர்கள் துன்புறுத்த இலக்காக வைக்கும் நபர்களின் தனிப்பட்ட விவரங்களை இந்த தரவுத்தளத்தைப் பயன்படுத்தி முதலில் தெரிந்து கொள்வார்கள். 
பின் டெக் ஃபாக் செயலியால் நிர்வகிக்கப்படும் பல்வேறு கணக்குகளிலுருந்து தொடர்ந்து அவர்களுக்கு ஆபாசமாக, இழிவுபடுத்தும் நோக்கில் செய்திகளை அனுப்பி சித்திரவதைக்கு உள்ளாக்குவார்கள். 
இந்த அளவிற்கு கொடூரமாக இருக்கும் என்றால், காவி பாசிஸ்டுகளால் குறிவைக்கப்படுவது ஒரு பெண் பத்திரிகையாளர் எனில், அவரின் மார்பக அளவைப் பற்றிக் கூட துல்லியமாக அறிந்துகொண்டு ஆபாசமாக செய்திகள் அனுப்பி துன்புறுத்துகிறார்கள்.
பா.ஜ.க.வின் இந்துராஷ்டிர கனவிற்கு எதிராக உள்ள அனைவரையும் இலக்கு வைத்து தாக்க இந்த தரவுத்தளம் அவர்களுக்கு பயன்படுகிறது. 
இதுவரை இந்த டெக் ஃபாக் செயலியின் மூலம் பெரும்பாலான முஸ்லீம்கள் மற்றும் பெண் பத்திரிக்கையாளர்கள் இணைய வழியில் சித்திரவதைக்கு உள்ளாக்கப்பட்டுள்ளனர்.
2021-ம் ஆண்டு ஜனவரி முதல் நாள் தொடங்கி மே மாதம் இறுதிவரையான ஐந்து மாத காலகட்டத்தில் மட்டும் 280 பிரபலமான பெண் பத்திரைக்கையளர்களின் டுவிட்டுகளுக்கு வந்த 46 இலட்சம் பதில்களை ஆராய்ந்ததில் எட்டு லட்சத்திற்கும் அதிகமான பதில்கள் டெக் ஃபாக் செயலியால் நிர்வகிக்கப்படும் கணக்குகளில் இருந்து வந்தவை மற்றும் அதில் 67 சதவிகித பதில்கள் அவர்களை ஆபாசமாகவும் இழிவாகவும் சித்தரிக்கும் நோக்கில் வந்தவை என கண்டறியப்பட்டுள்ளது.
ஜவஹர்லால் நேரு பல்கலைக்கழக மாணவர் சங்கத்தின் துணைத் தலைவராக இருந்த காஷ்மீரைச் சேர்ந்த மாணவியான ஷேஹ்லா ரஷீத் ஷோரவை இந்த டெக் ஃபாக் செயலியின் மூலமாக சித்திரவதைப் படுத்தியுள்ளது 
காவி கும்பல். அவரின் புகைப்படத்தை ஆபாசமாக சித்தரித்து சமூக ஊடகங்களில் பதிவிட்டார்கள், பல்வேறு கணக்குகளைப் பயன்படுத்தி நாள்தோறும் அவருக்கெதிராக இழிவான கருத்துகளைப் பதிவிட்டு வந்தார்கள். இறுதியில் அந்த மாணவி 2018-இல் டுவிட்டரிலிருந்தே வெளியேறிவிட்டார்.
அடுத்து 2020-ம் ஆண்டு பிப்ரவரி 23 அன்று, வடகிழக்கு டெல்லியில் நடந்த கலவரத்தில் இந்த டெக் ஃபாக் செயலியின் பங்கு இருப்பது கண்டறியப்பட்டுள்ளது. 
2019-ம் ஆண்டு கொண்டுவரப்பட்ட குடியுரிமைத் திருத்தச் சட்டத்திற்கு (சி.ஏ.ஏ) எதிராக நாடு முழுவதும் போராட்டங்கள் வெடிக்க தொடங்கின. டெல்லியில் சி.ஏ.ஏ.விற்கு எதிராக போராடிய முஸ்லீம் மக்கள்மீது காவி கும்பலால் வன்முறை ஏவி விடப்பட்டது. இதில் மொத்தம் 53 பேர் கொல்லப்பட்டு, 200-க்கும் மேற்பட்டோர் படுகாயமடைந்தனர். 
முஸ்லீம்களின் வீடுகள், உடைமைகள் சூறையாடப்பட்டன. இந்த கலவரம் நடந்த அன்று இந்த போராட்டத்திற்கு எதிராக நடந்த பேரணியில் பா.ஜ.க.வைச் சேர்ந்த கபில் மிஸ்ரா என்பவன் “போராடுபவர்களை தெருக்களில் இருந்து மூன்று நாள்களில் போலீஸ் சுத்தம் செய்யாவிட்டால் நாங்கள் அதைச் செய்வோம்” என பகிரங்கமாக கலவரத்திற்கு அறைகூவல் விடுத்தான். இது டெக் ஃபாக் கணக்குகள் மூலமாக பெருமளவில் பரப்பப்பட்டுள்ளது. எனவே டெல்லி கலவரத்திற்கு இதுவும் முக்கிய காரணமாக அமைகிறது.
இதேபோல, 2020-ல் நடந்த தப்லீகிக் ஜமாத் மாநாட்டை மையமாக வைத்து முஸ்லீம்கள் ‘கொரோனா ஜிகாத்’ நடத்துகிறார்கள். 
எச்சில்கள் மூலமாக கொரோனாவை பரப்புகிறார்கள் என கேவலமானதொரு பொய் பிரச்சாரத்தை கட்டவிழ்த்துவிட்டது சங்கப் பரிவாரக் கும்பல்கள். #தப்லீக் ஜமாத் ஜிஹாத், #தப்லீக் ஜமாத் வைரஸ் போன்ற ஹாஷ்டாக்குகளை 1 இலட்சத்து 56 ஆயிரத்துக்கும் அதிகமான டுவிட்டுகளாக டெக் ஃபாக் செயலியை வைத்து பெருக்கியுள்ளார்கள். இந்த நச்சுப் பிரச்சாரம் இணையத்தில் சுமார் எட்டு கோடி பேரைச் சென்றடைந்துள்ளது. அப்போது நாடுமுழுவதும் முஸ்லீம்கள்மீது காவி கும்பல்கள் நடத்திய தாக்குலுக்கு கருத்தியல் ஆதரவாக இது அமைந்தது.
காவிக்கும் கார்ப்பரேட்டுகளுக்கும் இடையிலான கூட்டு
டெக் ஃபாக் செயலி போன்ற உயரிய தொழில்நுட்பத்தை உருவாக்க பிரசிடெண்ட் சிஸ்டம் மற்றும் மொஹல்லா டெக் பிரைவேட் லிமிடெட் என இரு கார்ப்பரேட் தொழிநுட்ப நிறுவனங்கள் உடந்தையாக இருந்துள்ளன.
பத்திரிகையாளர் சுவாதி சதுர்வேதி எழுதிய “நான் ஒரு ட்ரோல் : பிஜேபி டிஜிட்டல் இராணுவத்தின் இரகசிய உலகத்திற்குள்ளே” என்ற நூல்.
இதில் மொஹல்லா டெக் பிரைவேட் லிமிடெட் என்பது சமூக ஊடகங்களுள் ஒன்றான ஷேர்சாட்டை உருவாக்கிய நிறுவனம் ஆகும். மேலும் இந்தியாவின் 24 பிராந்திய மொழிகளில் செயல்படக்கூடிய ஷேர்சாட் செயலிக்கு டுவிட்டரால் நிதியளிக்கப்படுகிறது.
 இது 16 கோடி பயனாளர்களை கொண்டுள்ளது. டுவிட்டர், பேஸ்புக், வாட்சப் போன்ற மற்ற சமூக ஊடகங்களில் வெறுப்பு பிரச்சாரங்கள், பொய்ச் செய்திகளைப் பரப்புவதற்கு முன்னால் ஷேர்சாட்தான் இவர்களுக்கு சோதித்து பார்க்கும் களமாக உள்ளது.
அடுத்து, பிரசிடெண்ட் சிஸ்டம் என்பது 1990-ம் ஆண்டு தொடங்கப்பட்ட இந்திய-அமெரிக்க பொது தொழில்நுட்ப சேவை நிறுவனமாகும். இது நாக்பூரில் உள்ள கார்ப்பரேட் நிறுவனத்தை மையமாக வைத்துக் கொண்டு டெக் ஃபாக் செயலியை இயக்குபவர்களை ‘சமூக ஊடகப் பொறுப்பாளர்கள்’ என்ற பெயரில் பணியமர்த்தி, ஊதியமும் வழங்குகிறது. 
இதற்கு மேற்பார்வையாளராக பா.ஜ.க.வின் தற்போதைய மகாராஷ்டிர தேர்தல் மேலாளர் தேவங் டேவ் இருக்கிறார்.
இந்த நிறுவனம் 2015 முதல் அரசாங்க ஒப்பந்தங்களில் பெருமளவில் முதலீடு செய்துள்ளது. 2018-ல் மத்திய அரசின் சுகாதாரம் மற்றும் குடும்ப நல அமைச்சகம் பத்து மாநிலங்களில் இருக்கும் மக்களின் சுகாதார தகவல்களை சேகரித்து, சேமித்து வைக்கும் ஒரு டிஜிட்டல் தரவுத்தளத்தை உருவாக்கும் ஒப்பந்தத்தை இந்த நிறுவனத்திற்கு கொடுத்துள்ளது. 
அதாவது ஒரு நிழல் உலக இணையப் படைக்கு அரசின் மூலம் அதிகாரப்பூர்வமாகவே நமது விவரங்கள் சென்றுசேர்கின்றன.
இந்த டெக் ஃபாக் செயலி இல்லாமல், சட்டப் பூர்வமாகவே சமூக ஊடகங்களை தன் கட்டுப்பாட்டிற்குள் கொண்டுவர பல்வேறு சட்டங்களை கொண்டுவந்துள்ளது மோடி அரசு. 
கடந்த ஆண்டு பிப்ரவரி மாதம் 25-ம் தேதி, “சமூக ஊடகங்கள் மற்றும் டிஜிட்டல் தளங்களுக்கான புதிய வழிகாட்டி நெறிமுறைகள் 2021” என்ற பெயரில் ஒரு விதியைக் கொண்டுவந்துள்ளது.
இதன்படி, சமூக ஊடகங்களில் சட்ட விரோத, தேச விரோத கருத்துகளை முதலில் பதிவிடும் நபரை கண்டுபிடிக்க முடியுமாம். 
அவர்களுக்கும் அந்த உள்ளடக்கத்தை பகிரும் நபர்களுக்கும் ஐந்தாண்டுகள் வரை சிறைத்தண்டனை வழங்கப்படும் வகையில் இவ்விதிமுறை வகுக்கப்பட்டுள்ளது. மேலும் இவ்விதிமுறைகள் செய்தி வலைதளங்கள் மற்றும் ஓடிடி தளங்களையும் கட்டுப்படுத்துகிறது.
அதேபோல, 2020-ம் ஆண்டு உள்துறை அமைச்சகத்தின்கீழ் செயல்படுகின்ற தேசிய இணையவழி குற்றங்கள் புகாரளிக்கும் இணைய முகவரியின் சார்பாக, “இணையத் தன்னார்வலர்கள் திட்டம்” (Cyber Volunteers Program) என்ற திட்டம் அறிமுகப்படுத்தப்பட்டுள்ளது. 
சமூக அக்கறையுள்ளவர்கள் யாரும் தன்னை இந்த திட்டத்தின்கீழ் தன்னார்வலர்களாக பதிவுசெய்துகொண்டு, சமூக ஊடகங்களில் தேச விரோத, சட்ட விரோத கருத்துக்களை பதிவிடுவோரை அரசுக்கு அடையாளம் காட்டலாம் என்று அறிவித்துள்ளார்கள்.
இணைய வழியில் பெண்கள் மற்றும் குழந்தைகளுக்கு எதிரான ஆபாச செய்திகளை பரப்புவோர்களை கண்டுபிடித்து தண்டிப்பதற்கு இதுபோன்ற ஒழுங்குமுறை விதிகளும் திட்டங்களும் பயன்படும் என்று மோடி அரசு தெரிவிக்கிறது. 
ஆடு நனைகிறதே என ஓநாய் அழுவதை நம்மால் எப்படி நம்ப முடியாதோ அதைப் போன்றதுதான் இந்த பிரச்சாரங்கள்.
காவிகளின் ஆட்சியில், “சட்ட விரோத – தேச விரோத” என்றால் தங்களுக்கு விரோதமானது என்று பொருள் என்பது ஊரறிந்த உண்மை. எனவே இதுபோன்ற சட்டங்கள் எதற்கு பயன்படப்போகிறது என்பதை நாம் சொல்லாமல் புரிந்துகொள்ளலாம். 
என்.ஐ.ஏ, ஊஃபா, தேசப் பாதுகாப்புச் சட்டம் போன்றவைகளெல்லாம் எந்த ‘தேச விரோத’-‘சட்ட விரோத’ சக்திகளை ஒழித்துக் கட்டிவருகிறதோ, அதைப் போன்ற வேலைகளை இணையவழிகளில் மேற்கொள்வதற்குத்தான் இந்த சட்டங்கள்.
000
டெக் ஃபாக் என்ற ஒரு இரகசிய செயலியை வைத்துக் கொண்டு, சமூக ஊடகங்கள் வாயிலாக ஆர்.எஸ்.எஸ் – பா.ஜ.க.வினர் விரிந்த அளவில் மதவெறி பிரச்சாரங்களை மக்களிடம் கொண்டுசென்று கருத்துருவாக்குகின்றனர். கலவரங்களை மேற்கொள்கின்றனர்.
தங்களுடைய சித்தாந்தத்தை, பயங்கரவாத நோக்கத்தை மக்களிடம் அம்பலப்படுத்திவரும் ஜனநாயக சக்திகளை இணையச் சித்திரவதை செய்து, அவர்களை சமூக ஊடகத்தைவிட்டே ஓடவைக்கவும் இச்செயலியைப் பயன்படுத்துகிறார்கள்.
மற்றொருபுறம், புதுப் புதுச் சட்டங்களையும் விதிமுறைகளையும் கொண்டுவந்து மோடி அரசு மக்களுடைய கருத்துரிமையை பறித்துவருகிறது. 
தங்களுக்கு எதிராக கருத்து பதிவிடுபவர்களை சட்ட ரீதியாகவே ஒடுக்கும் ஏற்பாட்டைச் செய்துவருகிறது. 
திரிபுராவில், அண்மையில் முசுலீம்களுக்கு எதிராக காவி கும்பல்கள் நிகழ்த்திய வன்முறையைக் கண்டித்து டுவிட்டரில் பதிவிட்டர்கள் அனைவர் மீதும் ஊபா கொடுஞ்சட்டம் பாய்ச்சப்பட்டது அதற்கு சிறந்த சான்று.
இவையெல்லாம் புதியதொரு போக்கை அறிவிக்கின்றன. யார் வேண்டுமானால் தங்களுடைய கருத்தை சுதந்திரமாக சமூக ஊடகங்களில் வெளிப்படுத்த முடியும் என்ற நிலை புதைக்கப்பட்டுக் கொண்டிருக்கிறது. முதலாளித்துவ ஜனநாயகத்தில் மிக முக்கியத்துவம் வாய்ந்த கருத்துரிமையை, விரிந்த அளவில் மக்கள் பயன்படுத்திக் கொள்வதற்கான கருவியாக சமூக ஊடகங்கள் பயன்பட்டது.
 அந்த காலம் முடிவடைந்துகொண்டிருக்கிறது.
ஆனால், இதே சமூக ஊடகங்கள் மக்கள் விரோதிகளான பாசிஸ்டுகளுக்கு பயன்படுகிறது.
 மிகுந்த செல்வாக்கோடு தங்கள் சித்தாந்தத்தை விரிவான மக்களிடம் அவர்களால் கொண்டு செல்ல முடிகிறது.
ஒட்டுமொத்த டிஜிட்டல் உலகும் பாசிஸ்டுகளின் கைப்பாவையாக்கப்பட்டுக் கொண்டிருக்கிறது. ஜனநாயகத்தை நேசிப்பதாகவும் சர்வாதிகாரத்தை எதிர்ப்பதாகவும் தங்களை அடையாளப்படுத்திக் கொள்ளக்கூடிய அனைவரும், இனி சமூக ஊடகங்களில் பதிவு போடுவதன் மூலம் மட்டுமே தங்கள் பங்களிப்பை வழங்கிக் கொண்டிருக்க முடியாது. 
காவி-கார்ப்பரேட் பாசிசத்தை வீழ்த்துவதற்காக மாபெரும் மக்கள்திரள் எழுச்சி ஒன்றிற்கு தயாராக வேண்டியிருக்கிறது. களத்தில் பாசிசத்தை வீழ்த்தாமல் இனி டுவிட்டரில் பதிவு போடும் ஜனநாயகத்தைக்கூட எதிர்பார்க்க முடியாது.
-----------------------------------------------------------------------------

செவ்வாய், 29 மார்ச், 2022

5000 அல்ல6100 கோடிகள்

 நான் பணத்தை அல்ல, தமிழக மக்களின் மனங்களை எடுத்துக் கொண்டு துபாய் வந்திருக்கிறேன் என்று முதல்வர் ஸ்டாலின் தெரிவித்தார்.

முதல்வர் ஸ்டாலின் தொழில் முதலீடுகளை ஈர்ப்பதற்காக ஐக்கிய அரபு அமீரகத்திற்கு சென்று திரும்பினார்.

முன்னதாக, அபுதாபியில் இந்திய சமூக கலாசார மையம் மற்றும் அபுதாபி வாழ் தமிழ் சமூகம் சார்பில் நடந்த பாராட்டு விழாவில் முதல்வர் ஸ்டாலின் பங்கேற்று பேசினார்.

எனது இந்தப் பயணத்தை தமிழகத்தில் உள்ள அனைவரும் பார்த்துக் கொண்டிருக்கிறார்கள். 

ஆனால், இந்தப் பயணம் வெற்றி அடைந்துவிட்டதே என கருதிய சிலர், அதை தாங்கிக் கொள்ள முடியவில்லை. இதை திசை திருப்ப வேண்டும் என்ற நோக்கத்தில் தவறான பிரசாரங்களை மேற்கொண்டு வருகின்றனர்.

நான் பணத்தை எடுத்துக் கொண்டு இங்கு வந்திருப்பதாக கூறுகின்றனர். நான் அரசியல் பேசுவதாக நீங்கள் நினைக்கக் கூடாது. 

நான் பணத்தை எடுத்துக் கொண்டு வரவில்லை.

தமிழ்நாட்டில் இருக்கக்கூடிய மக்களின் மனங்களை தான் எடுத்து வந்திருக்கிறேன். 

அது தான் உண்மை. 

எங்கிருந்தாலும் தமிழர்களின் உள்ளத்தில், தமிழர்களுடன் இருக்கிறோம் என்பது தான் எனக்கு முக்கியம் என்றார் முதல்வர் ஸ்டாலின்.

முன்னதாக, முதல்வர் ஸ்டாலின் ரூ.5,000 கோடி எடுத்துக் கொண்டு துபாய் சென்றதாக தமிழக பாஜக தலைவர் அண்ணாமலை குற்றம்சாட்டினார். 

முதல்வர் குடும்பத்துடன் பயணம் சென்று ஏன் என்று அதிமுக ஒருங்கிணைப்பாளரும், எதிர்க்கட்சித் தலைவருமான எடப்படி பழனிசாமி கேள்வி எழுப்பியிருந்தார்.

என்னென்ன துறைகளில் முதலீடு: 

இதனிடையே, சென்னையில் செய்தியாளர்களை சந்தித்த முதல்வர் ஸ்டாலின், ஜவுளித் துறை சார்ந்த ஒயிட் ஹவுஸ் நிறுவனத்துடன் பல கோடி ரூபாய் மதிப்புள்ள ஒப்பந்தம் செய்யப்பட்டுள்ளது. 

உணவு துறை சார்ந்த நிறுவனத்துடனும், மருத்துவத் துறை சார்ந்த நிறுவனத்துடனும் பல கோடி ரூபாய் மதிப்புள்ள ஒப்பந்தம் மேற்கொள்ளப்பட்டுள்ளது.


சரக்கு போக்குவரத்து நிறுவனத்துடன் ரூ.500 கோடி மதிப்பிலான ஒப்பந்தமும், உணவு பதப்படுத்தல் நிறுவனமான லுலு நிறுவனத்துடன் ரூ.3,500 கோடி மதிப்பிலான ஒப்பந்தமும் மேற்கொள்ளப்பட்டுள்ளது.

மொத்தம் 6 நிறுவனங்களுடன் ரூ.6,100 கோடி மதிப்பிலான ஒப்பந்தங்கள் கையெழுத்தாகியுள்ளன என்று முதல்வர் தெரிவித்தார்.


----------------------------------------------------------------------------

அடுத்தடுத்து பற்றி எரியும் இ-பைக்

வேலூர் மாவட்டம், சின்ன அல்லாபுரம் பகுதியை சேர்ந்த போட்டோகிராஃபர் துரைவர்மா என்பவர் கடந்த சில தினங்களுக்கு முன்பு புதிய எலக்ட்ரிக் பைக் ஒன்றை வாங்கியுள்ளார். அதனை மார்ச் 26-ம் தேதி அதிகாலை தனது வீட்டில் நிறுத்தி சார்ஜ் செய்தபோது வெடித்து சிதறியது. இந்த விபத்தில் துரைவர்மா(49) மற்றும் அவரது ப்ரீத்தி(13) ஆகியோர் சம்பவ இடத்திலேயே உயிரிழந்தனர். சம்பவம் குறித்து வேலூர் தெற்கு காவல்நிலைய போலீசார் வழக்குப்பதிவு செய்து விசாரணை நடத்தி வருகின்றனர்.

திருவள்ளூர் மாவட்டம், பேரம்பாக்கம் அருகே உள்ள நரசிங்கபுரம் கிராமத்தில் தேவராஜ் என்பவரது ஏழு மாதங்களுக்கு முன்பு 90 ஆயிரம் மதிப்புள்ள எலக்ட்ரிக் பைக் வாங்கியுள்ளார். தேவராஜ் வெளியூருக்கு சென்ற நிலையில் வீட்டில் நிறுத்தி வைக்கப்பட்டிருந்த எலக்ட்ரிக் பைக் மார்ச் 28-ம் தேதி திடீரென தீப்பிடித்து எரிந்துள்ளது. இந்த விபத்தில் அருகில் இருந்த மற்றோரு பைக் மற்றும் வீட்டில் இருந்த பொருட்கள் எரிந்து நாசமானது. வீட்டில் இருந்த தேவராஜ் தாய், மனைவி மற்றும் மகன் ஆகியோர் பின்வாசல் வழியாக வீட்டை விட்டு வெளியேறி உயிர் தப்பினர்.

திருச்சி எலக்ட்ரிக் பைக் விபத்து

திருச்சி மாவட்டம் மணப்பாறை அருகே உள்ள படுகைக்களம் பகுதியை சேர்ந்தவர் முருகேஷ்(27). சிங்கப்பூர் செல்வதற்காக தனது எலக்ட்ரிக் பைக்கில் மணப்பாறைக்கு சென்றுள்ளார். ஆஞ்சநேயர் பகுதியில் உள்ள தனது நண்பர் பாலு என்பவரது கடையில் பைக்கை நிறுத்திவிட்டு சென்றுள்ளார். பாலு நேற்று காலை சுமார் 7 மணிக்கு பைக்கை எடுத்து வெளியே நிறுத்தியுள்ளார். அப்போது பைக்கின் பேட்டரி பகுதியில் இருந்து புகை வெளியேறியதை கண்டு அதிர்ச்சி அடைந்தார். உடனடியாக தண்ணீர் ஊற்றி அணைத்ததால் பெரும் சேதம் தவிர்க்கப்பட்டது.

இ-பைக்: பாதுகாப்பு அவசியம்

எலக்ட்ரிக் பைக்குகளை பொறுத்தவரையில் அந்தந்த நிறுவனங்கள் அளித்துள்ள வழிகாட்டு நெறிமுறைகளை பின்பற்றியே சார்ஜ் செய்ய வேண்டும் எனவும், வாகனங்கள் பாரமரிப்பு குறித்து நன்கு அறிந்த பிறகு இ-பைக்குகளை வாங்க வேண்டும் என்றும் காவல்துறையினர் அறிவுறுத்தியுள்ளனர்



திங்கள், 28 மார்ச், 2022

இந்தியாவே வெளியேறு.

மார்ச் 23 அன்று, மாலத்தீவு பாராளுமன்றம் இரண்டு நாட்களுக்குப் பின்னர் தலைநகர் மாலேயில் திட்டமிடப்பட்ட எதிர்க்கட்சி பேரணியை அனுமதிக்காத அவசரகாலப் பிரேரணையை ஏற்றுக்கொண்டது. 

இந்த பேரணி முன்னாள் ஜனாதிபதி அப்துல்லா யாமீன் மற்றும் அவரது முற்போக்கு கட்சி மற்றும் அதன் கூட்டணி கட்சியான மக்கள் தேசிய காங்கிரஸால் நடத்த திட்டமிடப்பட்டது.

முன்னாள் ஜனாதிபதி முகமது நஷீதின் மாலத்தீவு ஜனநாயகக் கட்சியின் (எம்.டி.பி) உறுப்பினர் அப்துல்லா ஜாபிரால் அவசரகால பிரேரணை முன்மொழியப்பட்டது. 

இந்த பேரணி தேசிய பாதுகாப்பிற்கு ஆபத்தை விளைவிப்பதாகவும், மாலத்தீவுக்கும் அதன் அண்டை நாடுகளுக்கும் இடையே முரண்பாடுகளை விதைப்பதாகவும் பிரேரணை கூறியது. பேரணி மற்றும் பிற நிகழ்வுகளை நிறுத்துமாறு மாலத்தீவு அரசு தேசிய பாதுகாப்புப் படைகளைக் கேட்டுக் கொண்டது.

பேரணியின் கருப்பொருள் “இந்தியா அவுட்” என்பது, இரண்டு ஆண்டுகளுக்கு முன்பு ஜனாதிபதி இப்ராஹிம் சோலிஹ் தலைமையிலான MDP அரசாங்கம் மாலத்தீவை இந்தியாவிற்கு “விற்றுவிட்டதாக” எதிர்ப்பாளர்களால் உருவாக்கப்பட்டது.



இந்திய வெளியுறவுத்துறை அமைச்சர் எஸ் ஜெய்சங்கர் மாலத்தீவிற்கு வருவதற்கு ஒரு நாள் முன்னதாக, போராட்டம் நடத்த அனுமதிக்கப்படவில்லை, 

நாட்டின் பிற பகுதிகளில் இருந்து மாலேயில் நடந்த நிகழ்ச்சிக்கு பயணித்த பேரணியாளர்கள் மீது போலீசார் தடியடி நடத்தினர்.

2005 இல் ஜனநாயகத்தை பெற்ற சுமார் 500,000 மக்களைக் கொண்ட ஒரு சிறிய நாடு மாலத்தீவு, அது இந்தியப் பெருங்கடலின் வியூக பகுதியில் அமைந்துள்ளது,

 மாலத்தீவு கடந்த தசாப்தத்தில் அல்லது அதற்கும் மேலான காலகட்டத்தில் பிராந்தியத்தின் புவிசார் அரசியல் மாற்றங்களால் பாதிக்கப்பட்டுள்ளன.

கடந்த 10 ஆண்டுகளாக மாலத்தீவில் செல்வாக்கு பெற இந்தியாவும் சீனாவும் போட்டியிட்டன. 

இஸ்லாம் அரச மதமாக இருக்கும் நாட்டில் இஸ்லாமியர்களின் அரசியல் போட்டி கடுமையாக உள்ளது. இத்தனைக்கும், ஜனநாயகம் கொண்டு வந்த அரசியல் ஏற்ற தாழ்வுகளையும் நாடு அனுபவித்து வருகிறது.

நெருங்கிய பெரிய அண்டை நாடாக, இந்தியா அனைத்து துறைகளிலும் பல தசாப்தங்களாக மாலத்தீவின் முதல் உதவுபவராக இருந்து வருகிறது, வலுவான முன்னாள் ஜனாதிபதி மௌமூன் அப்துல் கயூம், 20 ஆம் நூற்றாண்டின் இறுதி ஆண்டுகள் வரை நாட்டின் சவாலற்ற ஆட்சியாளராக இந்த உறவை உறுதிப்படுத்தினார்.

அந்த நேரத்தில் ஒரு பரபரப்பான தெற்காசிய தருணத்தில், ஜனாதிபதி க்யூமை துப்பாக்கி சூடு மூலம் கொல்ல, இலங்கை தமிழ் போராளிக் குழுவான PLOTE ஐ ஏற்பாடு செய்த, ஒரு தொழிலதிபரின் சதித்திட்டத்தை இந்தியாவின் தேசிய பாதுகாப்புப் படை முறியடித்தது.

கடந்த இரண்டு தசாப்தங்களாக, அரசியல் கட்சிகள் பதவியை வெல்வதற்காக தேர்தலில் போட்டியிட்டதால், சிறிய நாட்டின் பொருளாதார வளர்ச்சியில் வெளியுறவுக் கொள்கைகள் ஒரு பெரிய பங்கைக் கொண்டுள்ளன. 

இந்த காலகட்டம் சீனாவின் எழுச்சி மற்றும் பிராந்தியத்திலும் அதற்கு அப்பாலும் அதன் அதிகாரத்தின் கணிப்புடன் ஒத்துப்போனது.

சீனா இந்தியப் பெருங்கடலின் ஒரு பகுதியாக இருந்தாலும், இந்தியா முதன்மையான சக்தியாக இருந்ததால், இலங்கை மற்றும் மாலத்தீவுகளின் தேசிய அரசியலில் புவிசார் அரசியல் போட்டி இருப்பதை உணர்ந்தது. 

மாலத்தீவில், MDP மற்றும் அதன் உயர்மட்ட தலைவர்கள், குறிப்பாக நஷீத், இந்தியா சார்புடையவர்களாகக் காணப்படுகின்றனர், அதே சமயம் போட்டியாளரான யாமீன் சீனாவின் ஆதரவாளராகக் காணப்படுகிறார்.

கடந்த 2018 ஆம் ஆண்டு ஜனாதிபதி மற்றும் பாராளுமன்ற தேர்தல்களில் MDP மீண்டும் ஆட்சிக்கு வந்தது. யாமீன் அரசாங்கத்தின் கீழ் தண்டனை விதிக்கப்பட்டதால் நஷீத் போட்டியிட முடியவில்லை,

 மேலும் இப்ராஹிம் சோலிஹ் ஜனாதிபதியானார். விரைவில் ஊழல் குற்றச்சாட்டில் யாமீன் தண்டிக்கப்பட்டார்.

மாலேயில் ஒரு நட்பு அரசாங்கம் அமைந்ததால், யாமீன் ஜனாதிபதியாக இருந்த ஆறு வருட இடைவெளிக்குப் பிறகு, இருதரப்பு உறவுகளை இந்தியா மீண்டும் கட்டியெழுப்பவும், அதன் முந்தைய செல்வாக்கில் சிலவற்றை மீட்டெடுக்கவும் இந்தியாவால் முடிந்தது.

 முந்தைய அரசாங்கத்தில் இந்தியா – மாலத்தீவு உறவுகள் மிகக் குறைந்த நிலைக்குத் தள்ளப்பட்டன.

மாலத்தீவு உச்ச நீதிமன்றம் யாமீனின் தண்டனையை ரத்து செய்த பின்னர், நீண்ட வீட்டுக் காவலில் இருந்து 2021 டிசம்பரில் யாமீன் விடுதலையானது, 

இந்தியாவுக்கு எதிரான பேரணிகளின் ஆடுகளத்தையும் அதிர்வெண்ணையும் உடனடியாக அதிகரிக்க வழிவகுத்தது. கயூமின் ஒன்றுவிட்ட சகோதரராரும் அரசியல்வாதியுமான யாமீனின் சுவரொட்டிகளை எதிர்ப்பாளர்கள் ஏந்திச் செல்கின்றனர். 

இந்தப் போராட்டத் தளங்களில் சிலவற்றில் யாமீன் கலந்துகொண்டார், மேலும் சில பேரணிகளுக்கு தலைமை தாங்கினார்.

அடுத்த ஜனாதிபதி மற்றும் பாராளுமன்றத் தேர்தல்கள் 2024 இல் நடைபெறவுள்ளன, மேலும் MDP யை இந்தியாவிற்கு அடிமைப்படுத்திய கட்சி என்று சாயம் பூசுவதன் மூலம் யாமீன் தனது ஆதரவு தளத்தை உயர்த்த பிரச்சாரத்தைப் பயன்படுத்துகிறார்.

“இந்தியா அவுட்” எதிர்ப்பானது, சோலிஹ் அரசாங்கத்தின் இந்திய நட்புக் கொள்கைகளுக்கு எதிராக ஒரு பொது எதிர்ப்பாகத் தொடங்கியது, 

இப்போது இந்தியா ஒரு பெரிய இராணுவக் குழுவை மாலத்தீவுக்கு அனுப்பியுள்ளது என்ற குற்றச்சாட்டாக மாறியுள்ளது, இதனை சோலிஹ் அரசாங்கம் பலமுறை மறுத்துள்ளது.

மாலத்தீவு கடலோரக் காவல்படைக்காக உதுரு திலாஃபல்ஹு (UTF) அட்டோலில் துறைமுகத்தை உருவாக்க இரு தரப்புக்கும் இடையே உள்ள ஒத்துழைப்பில் குறிப்பாக கவனம் செலுத்தப்பட்டுள்ளது. 

கண்காணிப்பு மற்றும் மீட்பு மற்றும் விமான ஆம்புலன்ஸ் நடவடிக்கைகளுக்குப் பயன்படுத்தப்படும் மூன்று டோர்னியர் விமானங்களை இயக்கும் பராமரிப்பு மற்றும் விமானக் குழுவினரைத் தவிர, மாலத்தீவில் இந்திய ராணுவ வீரர்கள் யாரும் இல்லை என்று சோலிஹ் அரசாங்கம் கூறியுள்ளது.

மாலத்தீவு பாதுகாப்பு அமைச்சகம் மார்ச் 13 அன்று ஒரு அறிக்கையில், மாலத்தீவு கடலோர காவல்படைக்கான கப்பல்துறையாக உருவாக்கப்பட்டு வரும் UTF இல் வெளிநாட்டு ராணுவ வீரர்கள் யாரும் இல்லை என்று கூறியது.

“UTF ஒரு வெளிநாட்டு இராணுவ தளம் என்று கூறப்படும் அறிக்கைகள் பொய்யானவை” என்று பாதுகாப்பு அமைச்சகம் கூறியது.

பிப்ரவரி 2021 இல், ஜெய்சங்கரின் வருகையின் போது, ​​UTF துறைமுகத்தை மேம்படுத்துவதற்கான ஒப்பந்தத்தில் இந்தியாவும் மாலத்தீவுகளும் கையெழுத்திட்டன. 

இந்த திட்டம் “மாலத்தீவு கடலோர காவல்படையின் திறனை பலப்படுத்தும்” என்று அந்த நேரத்தில் மத்திய அமைச்சர் ட்வீட் செய்திருந்தார் மற்றும் இரு நாடுகளையும் “வளர்ச்சியில் பங்குதாரர்கள் மற்றும் பாதுகாப்பில் கூட்டணி நாடுகள்” என்று விவரித்தார். 

அதே பயணத்தின் போது, ​​இந்தியா 50 மில்லியன் டாலர் பாதுகாப்புக் கொள்முதல் கடனை மாலத்தீவுக்கு வழங்கியது.

பாதுகாப்பு கடன் சலுகையானது “கடற்பரப்பில் திறனைக் கட்டமைக்க உதவும்” என்று ஜெய்சங்கர் அப்போது கூறியிருந்தார். பிராந்திய கடல் பாதுகாப்பை மேம்படுத்துவதில் ஒருங்கிணைப்பை வலுப்படுத்தவும், பயங்கரவாதத்தை “அதன் அனைத்து வடிவங்களிலும் வெளிப்பாடுகளிலும்” எதிர்த்துப் போராடுவதில் கவனம் செலுத்துவதற்கும் இரு தரப்பும் ஒப்புக்கொண்டதாக ஒரு கூட்டு அறிக்கை கூறியது.

மாலத்தீவானது, இந்தியாவால் இயக்கப்படும் இந்தியப் பெருங்கடல் சிறு-பக்க கொழும்பு பாதுகாப்பு மாநாட்டின் ஒரு பகுதியாக உள்ளது, இதில் மற்ற உறுப்பினர்களாக இலங்கை மற்றும் புதிதாக அனுமதிக்கப்பட்ட மொரிஷியஸ் உள்ளனர்.

 பங்களாதேஷ் மற்றும் சீஷெல்ஸ் விரைவில் இணையும் என எதிர்பார்க்கப்படுகிறது. இந்தியா தன்னை நிகர பாதுகாப்பு வழங்குனராகக் கருதும் பிராந்தியத்தில் “பகிரப்பட்ட பாதுகாப்பு நோக்கங்களை” அடிக்கோடிட்டுக் காட்ட இந்த நாடுகளின் NSAக்கள் மார்ச் மாதத்தின் தொடக்கத்தில் மாலேயில் சந்தித்தனர்.

 கடந்த நவம்பரில், இந்திய கடற்படை, மாலத்தீவு தேசிய பாதுகாப்புப் படை மற்றும் இலங்கை கடற்படை ஆகியவை தெற்கு அரபிக்கடலில் உள்ள மூன்று நாடுகளின் பிரத்தியேக பொருளாதார மண்டலங்களில் இரண்டு நாள் பயிற்சியை மேற்கொண்டன. “ஃபோகஸ்டு ஆபரேஷன்” என்ற குறியீட்டுப் பெயரிடப்பட்ட இது, மூன்று நாடுகளின் முன்னணி கடல்சார் பாதுகாப்பு நிறுவனங்களுக்கிடையில் “புரிந்துகொள்ளுதல் மற்றும் இயங்கக்கூடிய தன்மையை உருவாக்குவதை” இலக்காகக் கொண்டது என்று நடவடிக்கையின் அதிகாரப்பூர்வ வெளியீட்டில் தெரிவிக்கப்பட்டுள்ளது.

மாலத்தீவுகள் 2020 இல் அமெரிக்காவுடன் ஒரு பாதுகாப்பு ஒப்பந்தத்தில் கையெழுத்திட்டன. கடந்த மாதம், மாலத்தீவில் அமெரிக்க தூதரகத்தை திறக்க அனுமதிக்கும் ஒப்பந்தத்தில் கையெழுத்திட்டன, 

அமெரிக்கா, மாலத்தீவில் தூதரகத்தை திறக்கும் முதல் மேற்கத்திய நாடு ஆகும். தற்சமயம், இலங்கைக்கான அமெரிக்கத் தூதுவர் மாலத்தீவின் தூதுவராகவும் செயல்படுவார்.

யாமீன், மாலத்தீவு தேசியவாதத்தைப் பயன்படுத்தி, இந்திய-விரோத பிரச்சனையை மையமாக கொண்டு மீண்டும் ஆட்சிக்கு வருவார் என்று நம்புகிறார், 

அதன் அனைத்துத் தேவைகளையும் இறக்குமதி செய்யும் நாடு, உணவுப் பாதுகாப்பு உட்பட அதன் பாதுகாப்பிற்காக இந்தியாவைச் சார்ந்துள்ளது என்பதை அடிக்கோடிட்டுக் காட்டுவதன் மூலம் அரசாங்கம் இதை எதிர்கொண்டது.

அதேநேரம் MDP “இந்தியா முதலில்” பிரச்சாரத்தைத் தொடங்கியுள்ளது, மேலும் இந்திய எதிர்ப்புப் போராட்டங்களை தேசவிரோதமாக குற்றப்படுத்துவதற்கான சட்டத்தையும் உருவாக்கியுள்ளது. 

சட்டம் கைவிடப்பட்டது, ஆனால் அதன் பின்னணியில் உள்ள உணர்வு கடந்த வாரம் மாலேயில் நடந்த “இந்தியா அவுட்” போராட்டத்தை தடை செய்ய வழிவகுத்தது.

ஜனாதிபதி சோலிக்கும் நஷீத்துக்கும் இடையிலான வேறுபாடுகளை அரசியல் ரீதியாகப் பயன்படுத்தவும் யாமீன் முனைகிறார். இந்த வேறுபாடுகள் அரசாங்கத்தின் செயல்பாடுகளில் வராமல் இருக்க இருவரும் பெருமளவில் சமாளித்தனர், 

ஆனால் கடந்த ஆண்டு உள்ளூர் இஸ்லாமியக் குழுவினால் நடத்தப்பட்ட நஷீத் மீதான படுகொலை முயற்சியில், அத்தகைய சக்திகளுக்கு எதிராக கடுமையான நடவடிக்கைகளை எடுக்காததற்காக முன்னாள் ஜனாதிபதி அரசாங்கத்திற்கு எதிராக பகிரங்கமாக குறை கூறினார்.

உள்ளாட்சித் தேர்தலில் எம்.டி.பி.யின் தோல்வியால் கருத்து வேறுபாடுகள் வெளிப்படையாக வெளிப்பட்டன. 

பாராளுமன்றத்தில் MDP யின் மூன்றில் இரண்டு பங்கு பெரும்பான்மையைப் பயன்படுத்தி மாலத்தீவை ஜனாதிபதி பதவியில் இருந்து, ஒரு பிரதமர் அரசாங்கத்திற்கு தலைமை தாங்கும் பதவிக்கு மாற்ற வேண்டும் என்று நஷீத் விரும்புகிறார்.



-------------------------------------------------------------------------------