இன்றைய செய்தி,நாளைய வரலாறு. நாளைய வரலாறை படிப்போம்.

வியாழன், 13 டிசம்பர், 2018

வியாபம் ஊழலும், ஆன்லைன் ஏலமும்

 ம.பி. பாஜக ஆட்சியை அகற்றியது.!

மத்தியப் பிரதேசத்தில் பாஜக தோற்காது என்பதே, அக்கட்சித் தலைவர்களின் நம்பிக்கையாக இருந்தது. பசுவதைத் தடை, சாமியார்களுக்கு அமைச்சர் பதவிபோன்றவை தங்களைக் காப்பாற்றும் என்பதுதான் அந்த நம்பிக்கைக்குக் காரணம். ஆனால், அது நடக்காமல் போய்விட்டது.

மாறாக, மத்தியப்பிரதேசத்தில் பெரிய அளவிற்கு எழுந்த ‘வியாபம்’ ஊழலும், ஆன்லைன் ஏலத்தில் நடைபெற்ற ஊழலும், பாஜக தோல்விக்கு காரணமாகி இருக்கின்றன.

மத்தியப்பிரதேச பாஜக அரசானது, அம்மாநிலத்தில் மின்னணு மேம்பாட்டுக் கழகம் (MPSEDC) மற்றும்டிசிஎஸ் (TCS) நிறுவனத்தின்கூட்டு முயற்சி மூலம் ஆன் லைன் ஏலம் முறையைக் கொண்டு வந்தது. 


ஆனால்,தங்களுக்கு சாதகமானவர் களுக்கு ஏலம் கிடைக்கும் வகையில், இந்த மின்னணுஏலம் முறை வடிவமைக்கப் பட்டு இருந்தது பின்னாளில் கண்டுபிடிக்கப்பட்டது.
மின்னணு மேம்பாட்டுக் கழக தலைமை இயக்குநர் மணிஷ் ரஸ்தோகிதான் இதனைக் கண்டுபிடித்தார். 

இதனால், ஆத்திரமடைந்த பாஜக அரசு, மணிஷ் ரஸ் தோகியை பழிவாங்கும் வகையில், அவரை இன்னொரு துறைக்கு பணிமாற்றம் செய்தது.
 ஆனால், இதுவே எதிர்க்கட்சிகளுக்கு மிகமுக்கியமான ஆயுதமாக மாறியது.

 சிவராஜ் சிங் சவுகான் அரசானது, மின்னணு ஏல முறையில் சுமார் 8000 கோடி ரூபாய்அளவிற்கு ஊழல் செய்திருப்பதை எதிர்க்கட்சிகள் ஊர்ஊருக்கு பிரச்சாரம் செய்தனர்.

ஏற்கெனவே, பல ஆயிரம் கோடி ரூபாய் தொடர்புடைய ‘வியாபம்’ ஊழலும் இதனுடன் சேர்ந்து கொண் டது. அது ஓரளவுக்கு நன் றாக எடுபடவும் செய்தது.

அதுவே தற்போது பாஜக ஆட்சியை ஒட்டுமொத்தமாக காவு வாங்கியிருக்கிறது.

மத்தியப்பிரதேசத்தில், மொத்தம் 230 சட்டப்பேரவைத் தொகுதிகள் உள்ளநிலையில், இங்கு கடந்த 2013-ஆம் ஆண்டு 165 இடங்களை பாஜக பெற்றது.

ஆனால், இந்த முறை 56இடங்களை பாஜக இழந் துள்ளது.
அதேநேரத்தில், அந்த 56 இடங்களை அப்படியே காங்கிரஸ் அள்ளியுள்ளது.
கடந்த முறை காங்கிரஸ் கட்சிக்கு 58 இடங்கள்கிடைத்திருந்தது குறிப்பிடத் தக்கது.

மத்தியப்பிரதேச மாநிலத்தில் இருக்கும் விதேஷா சட்டமன்றத் தொகுதி பாஜக-வுக்கு முக்கியமானதாகும். கடந்த 1977-ஆம் ஆண்டிலிருந்து இந்த தொகுதி பாஜக வசமே இருந்து வந்தது.

ஆனால், தற்போது நடைப்பெற்ற சட்டப்பேரவைத் தேர்தலில் பாஜக படுதோல்வி அடைந் துள்ளது.
பாஜக வேட்பாளர் முகேஷ், காங்கிரஸ் வேட்பாளர் ஸ்ரீகிஷன் பார்கவிடம், 15 ஆயிரம் வாக்குகள் வித்தியாசத்தில் விதேஷா தொகுதியைப் பறிகொடுத்துள்ளார்.

மாட்டு அமைச்சர் சுயேச்சையிடம் வீழ்ந்தார்


பாஜகவின் மாட்டு அரசியலுக்கு, ராஜஸ்தான் மக்கள் கொடுத்த மரண அடிக்கு, மற்றொரு உதாரணம்,

ராஜஸ்தான் மாநில பசு பாதுகாப்புத்துறை அமைச்சரான ஒட்டாராம் தேவசியின் தோல்வியாகும்.

ராஜஸ்தானில் பசுக்களைக் பாதுகாப்பதெற்கென தனி அமைச்சகத்தை பாஜக அரசு ஏற்படுத்தியது.

இதற்கு பொறுப்பாக நியமிக்கப்பட்ட ஒட்டாராம் தேவசி, நாட்டின் முதல் பசு பாதுகாப்புத்துறை அமைச்சர் என்று கூறப்பட்டார்.

அதற்கேற்பவே, எப்போது பார்த்தாலும், காதில் வளையம், தலையில் சிவப்பு கலர் துண்டு, கையில் ஒரு கம்பு சகிதமாக, மாடு மேய்ப்பவர் தோற்றத்திற்கு அவர் மாறினார். 

இதனால், அவருக்கு மாட்டு அமைச்சர் என்ற செல்லப்பெயரும் ஏற்பட்டது.

 இந்நிலையில், சிரோகி சட்டமன்றத் தொகுதியில் போட்டியிட்ட ஒட்டாராம் தேவசி, சுயேச்சை வேட்பாளர் சன்யம் லோதா என்பவரிடம் 10 ஆயிரத்து 253 வாக்குகள் வித்தியாசத்தில் படுதோல்வி அடைந்துள்ளார்.
 ---------------------------------------------------------------------------------------------------------------------------------------
  

மோடி-அமித்ஷாவுக்கு எதிராக 
பாஜகவுக்குள் கலகம்?
 பாஜக தலைவர் அமித் ஷா, பிரதமர் மோடி கூட்டணி இருக்கும்வரை பாஜக-வுக்கு வெற்றிதான் என்ற தோற்றம் ஏற்படுத்தப்பட்டு இருந்தது.
 ஆனால், உத்தரப்பிரதேசத்தில், கோரக்பூர், பூல்பூர் மக்களவை இடைத்தேர்தல்கள் முதல் பாஜக-வுக்கு தோல்வி துவங்கியது.
வரிசையாக, ராஜஸ்தான், பஞ்சாப், மகாராஷ்டிர மாநில இடைத்தேர்தல்களில் பாஜக-வுக்கு தோல்வியே கிடைத்தது.
2014-க்கு பின், நாட்டில் மொத்தம் 30 மக்களவைத் தொகுதிகளுக்கு இடைத்தேர்தல் நடந்த நிலையில், அவற்றில் வெறும் 6 இடங்களை மட்டுமே பாஜக பெற முடிந்தது.

இதனால், அமித்ஷாவின் ராஜதந்திரத்திற்கு, மத்தியப்பிரதேசம், மிசோரம், சத்தீஸ்ர், ராஜஸ்தான், தெலுங்கானா ஆகிய 5 மாநிலத் தேர்தல் முக்கிய சோதனைக் களமாக மாறியது.

 இதனையறிந்து அமித்ஷாவும், மோடியும் விழுந்து விழுந்து பிரச்சாரம் செய்தனர்.
எவ்வளவு தகிடுதத்தங்களை அரங்கேற்ற முடியுமோ, மதவெறியைக் கிளப்பிவிட முடியுமோ அத்தனையையும் செய்து பார்த்தனர்.

ஆனால், ஐந்து மாநிலங்களில் ஒன்றில் கூட பாஜக ஆட்சிக்கு வர முடியாமல் தற்போது படுதோல்வியே பரிசாக கிடைத்துள்ளது.
இது மோடி - அமித்ஷா கூட்டணியை அதிர்ச்சியில் தள்ளியிருக்கிறது.

இந்நிலையில், தொடர் தோல்விக்கு பொறுப்பேற்று, பிரதமர் மோடியும், பாஜக தலைவர் அமித் ஷா-வும் பதவி விலக வேண்டும் என்று பாஜகவுக்கு உள்ளேயே கலகம் ஏற்பட்டுள்ளது.
 குறிப்பாக, உத்தரப்பிரதேசத்தில் மோடிக்கு எதிராக சுவரொட்டிகள் ஒட்டப்பட்டுள்ளன.

ஹிந்து யுவ வாஹினி அமைப்பினரும், நவ நிர்மாண் சேனாவும் ஒட்டியுள்ள இந்த சுவரொட்டிகளில், மோடி பதவி விலக வேண்டும் என்றும், ஆதித்யநாத் மூலம்தான் இனிமேல் நாட்டைக் காப்பாற்ற முடியும் என்றும் கூறப்பட்டுள்ளது.

மோடிக்குப்பதிலாக 2019இல் பாஜக பிரதமராக ஆதித்யநாத்தை ஆர்.எஸ்.எஸ் கும்பல் கொண்டுவர எண்ணுகிறது.

ஆனால் மோடியைவிட பகிரங்கமாகவே கவி வெறி பிடித்து  அலைபவர் ஆதித்யநாத்  என்பது இந்தியாமுழுக்க அறிந்தது.
உ.பி.காவல்நிலையங்களுக்கு,அரசு அலுவலங்கள்,பள்ளிகளுக்கு காவியடித்தவர் ஆதித்யநாத் .அவரை முன்னிறுத்தினால் விளைவு மிக மோசமாகத்தான் பாஜகவுக்கு அமையும்.

முதலில் அவர் அடுத்த உ.பி.மாநிலத் தேர்தலில் வெல்கிறாரா,ஆட்சியைத் தக்கவைக்கிறாரா என்பதைப்பாருங்கள்.
=====================================================
ன்று,
டிசம்பர்-13.
 வெள்ளை வெள்ளி பனிச்சரிவில் 10000பேர்கள் பலி.(1916)
மோல்ட்டா குடியரசு தினம்(1974)
போலந்தில் ராணுவ ஆட்சி ஏற்படுத்தப்பட்டது(1981)
தமிழக எழுத்தாளர் நா.பார்த்தசாரதி இறந்த தினம்(1987)
 பாய்ஜீ என்ற சீன ஆற்றின் டால்ஃபின் அரிய இனமாக அறிவிக்கப்பட்டது(2006)

 வெள்ளை வெள்ளி பனிச்சரிவு .
 
 1916 - வெள்ளை வெள்ளி என்று குறிப்பிடப்படும், இத்தாலியின் மர்மோலடா மலையில் ஆயிரக்கணக்கானோரைப் பலிவாங்கிய பனிச்சரிவு ஏற்பட்டது.
இது ஆல்ப்ஸ் மலைத்தொடரின் ஒரு மலையாகும்.

முதல் உலகப்போரில் நேச நாடுகள் அணியிலிருந்த இத்தாலியின் வீரர்களும், மைய நாடுகள் அணியிலிருந்த ஆஸ்திரிய வீரர்களும் இப்பகுதியில் போரில் ஈடுபட்டிருந்தனர்.

அன்று ஒரே நாளில் இறந்தவர்கள் எண்ணிக்கை குறித்த தெளிவான பதிவுகள் இல்லையென்றாலும், குறிப்பிட்ட பனிச்சரிவில் இறந்தவர்கள் எண்ணிக்கை பொதுமக்கள் உட்பட 10 ஆயிரத்திற்கும் அதிகமாகும்.

முதல் உலகப்போரில் பனிச்சரிவுகளில் சிக்கி இறந்தவர்கள் மட்டும் மொத்தம்  80 ஆயிரம் பேர் என்று மதிப்பிடப்பட்டுள்ளது.

 பனிபடர்ந்த மலைகளில், வலுவற்ற அடுக்கின்மீது மென்மேலும் பனி உருவாகும்போது பனிச்சரிவு ஏற்படுகிறது. புவியீர்ப்புவிசை (மேலிருக்கும் அடுக்கின் எடை), சூரிய ஒளியால் உருகுதல், மழை, புயல், நிலநடுக்கம் உள்ளிட்ட இயற்கைக் காரணிகளாலும், மனித செயல்பாடுகளாலும் பனிச்சரிவுகள் ஏற்படுகின்றன. பனிச்சரிவுகளை மூன்று வகையாகப் பிரிக்கிறார்கள்.

உலர்ந்த தூள் போன்ற பனி சிறிய அளவில் சரியத் தொடங்கினாலும், மிக வேகமாகச் சரியும்.
இவை 190 கி.மீ. வேகத்தைக்கூட எட்டி மிகப்பெரிய சேதத்தை ஏற்படுத்திவிடும்.

ஈரமான சாந்து போன்ற பனி மெதுவாகவே நகர்ந்தாலும், அளவும் அடர்த்தியும் அதிகமாக இருப்பதால் பெரும் சேதத்தை விளைவிக்கும்.
மூன்றாவது வகையில் பனிப்பாளங்களே சரிந்து விழும்.

மிகப்பெரும்பாலான பனிச்சரிவு உயிரிழப்புக்களுக்கு, பாளங்கள் சரிவதே காரணமாக உள்ளது. இந்த வெள்ளை வெள்ளி நிகழ்வில் பனியைச் சரியச் செய்வதற்காகவே இரு தரப்பும் பீரங்கிகளால் சுட்டதாகக் கூறப்படுகிறது.

இந்த நிகழ்வு பனிச்சரிவால் மிக அதிக உயிரிழப்பு ஏற்பட்டவற்றில் இரண்டாவதாகக் குறிப்பிடப்படுகிறது.

முதலாவதாகக் குறிப்பிடப்படுகிற, 1970இல் பெருவில் ஏற்பட்ட நிலநடுக்கம், அதைத் தொடர்ந்து ஏற்பட்ட நிலச்சரிவு, பனிச்சரிவு ஆகியவற்றில் சுமார் 70 ஆயிரம் பேர் இறந்த நிகழ்வில், பனிச்சரிவில் மட்டும் இறந்தவர்கள் குறித்த பதிவுகள் இல்லை.

=====================================================

புதன், 12 டிசம்பர், 2018

மகிழ்ச்சி !

ஐந்து மாநிலத் தேர்தலில் பாஜக படு தோல்வி!!

ஆனால் மெத்தனம் கூடாது !!!

"ஐந்து மாநில சட்டமன்றத் தேர்தல் முடிவுகள் “மோடி மேஜிக்” பல்லிளித்து விட்டதைக் காட்டுகின்றன". 

ராஜஸ்தான், சட்டிஸ்கரில் பாஜக-வின் தோல்வி உறுதியாகிவிட்டது. ம.பி-யிலும் அநேகமாக பாஜகவின்  தோல்வி உறுதி.

பார்ப்பன பாசிசம் ஒழியவேண்டுமென்று எண்ணுபவர்கள் அனைவருக்கும் இந்த தேர்தல் முடிவுகள் மகிழ்ச்சியளித்திருக்கும் என்பதில் சந்தேகமில்லை.

பாஜக-வின் தோல்விக்கு மிக முக்கியமான காரணம் விவசாயிகளின் கோபம்.


புதிய  தாராளவாதக் கொள்கைகள் அமலாகத் தொடங்கியதிலிருந்தே விவசாயம் புறக்கணிக்கப்பட்டு வருகிறது என்ற போதிலும், மோடியின் ஆட்சிக்காலத்தில் அது ஒரு உச்சத்தை எட்டிவிட்டது.


விளைபொருளுக்கு நியாயவிலை கிடைக்காமல் தானியங்களையும், காய் கனிகளையும், பாலையும் வீதியில் கொட்டி விவசாயிகள் நடத்திய போராட்டத்தையும், விவசாயிகள் மீது அரசு ஏவிவிட்ட வன்முறையையும், கந்து வட்டிக் கடனின் விளைவாக அதிகரித்து விட்ட விவசாயிகள் தற்கொலைகளையும் மோடி தனது சவடால் பேச்சை வைத்து சமாளிக்க முடியவில்லை.

நகர்ப்புறங்களிலும் வேலைவாய்ப்பில்லை. விவசாயம் நலிவுற்றதால் முன்பு கிராமத்திலிருந்து நகரம் நோக்கி வந்த மக்கள், நகரத்திலும் வேலைவாய்ப்பில்லாத காரணத்தால் மீண்டும் கிராமம் நோக்கி செல்வதும், அங்கேயும் விவசாயத்தின் நலிவினால் வேலையில்லை என்ற நிலையும்தான் நகர்ப்புறங்களின் நிலைமை.

பண மதிப்பழிப்பு, ஜி.எஸ்.டி யில் தொடங்கி மோடியின் அடுக்கடுக்கான தோல்விகளையும், ஊழல்களையும், கிரிமினல் நடவடிக்கைகளையும் கார்ப்பரேட் ஊடகங்கள் முடிந்த மட்டும் இருட்டடிப்பு செய்தபோதிலும் அவற்றையெல்லாம் மீறித்தான் வந்திருக்கிறது இந்த தேர்தல் முடிவு.

“சப் கா சாத், சப் கா விகாஸ்” என்ற 2014 நாடாளுமன்றத் தேர்தல் நடிப்பு இப்போது செல்லாது என்று தெரிந்துதான்,  அயோத்தி விவகாரத்தையும் ஆர்.எஸ்.எஸ் துணைக்கு இழுத்துக் கொண்டிருக்கிறது.

இந்த மூன்று மாநிலங்களில் மோடியைப் போல இரண்டு மடங்கு அதிகமாக ஆதித்யநாத்தை பிரச்சாரத்தில் இறக்கியிருப்பதும், 2019 தேர்தலுக்கான ஒரு முன்னோட்டமே.
விலை கிடைக்காத வெங்காயத்தை வீசி எரியும் விவசாயிகள்

ராஜஸ்தானும் மத்திய பிரதேசமும் சாதி – மத உணர்வுகள் பெரும் செல்வாக்கு செலுத்துகின்ற, பண்பாட்டு ரீதியில் மிகவும் பின்தங்கிய மாநிலங்கள்.

விவசாயிகளின் கோபத்தை திசை திருப்புவதற்காக சாதி, மத உணர்வுகளைத் தூண்டுவதற்கு பல கோணங்களில் பாஜக முயன்றிருக்கிறது.

 இருப்பினும் ஆளும் கட்சிக்கு எதிரான அதிருப்தியிலிருந்து (anti – incumbancy) மக்களைத் திசை திருப்புவதில் அவர்களால் வெற்றி பெற முடியவில்லை என்பதையே இத்தேர்தல் முடிவுகள் காட்டுகின்றன.

இன்று மக்களின் அதிருப்தியை அறுவடை செய்து கொண்டிருக்கும் காங்கிரஸ் தனது வெற்றியைத் தக்க வைத்துக்கொள்ள முடியுமா?

விவசாயிகள், தொழிலாளர்கள், சிறு தொழில் முனைவோர் போன்ற அடிப்படை உழைக்கும் மக்களின் நலனுக்கான திட்டங்களை காங்கிரஸ் அரசு வகுத்து அமல்படுத்துமா?

புதிய தாராளவாதக் கொள்கைகளை அமல்படுத்தும் மூர்க்கத்தனத்தில் வேண்டுமானால் பாஜகவுக்கும் காங்கிரசுக்கும் வேறுபாடு இருக்கலாமேயொழிய, இந்த கொள்கைச் சட்டகத்திற்கு வெளியே காங்கிரசோ அல்லது டி.ஆர்.எஸ்  உள்ளிட்ட மாநிலக் கட்சிகளோ இயங்கப்போவதில்லை.


புதிய தாராளவாதக் கொள்கை என்பது இந்தியாவைப் போன்ற நாடுகளை மறு காலனியாக்கும் ஏகாதிபத்தியங்களின் கொள்கை.


 இயற்கை வளங்களையும், பொதுச்சொத்துகளையும் ஆக்கிரமிக்கும் காலனியாதிக்கத்தையே ஒரு கொள்கையாக அமல்படுத்தும் எந்த ஒரு அரசாங்கமும், ஜனநாயகத்தன்மை கொண்டதாக நடந்து கொள்வதற்கு வாய்ப்பே இல்லை.



அதிலும் உலக முதலாளித்துவம் மீள முடியாத ஒரு கட்டமைப்பு நெருக்கடியில் சிக்கியிருக்கும் காலம் இது. சந்தைகளின் தேக்கநிலையும், தானியங்கிமயமாதல் – செயற்கை அறிவு போன்றவையும் ஏற்கனவே இருக்கின்ற வேலைவாய்ப்புகளையே மென்மேலும் சுருக்கி வரும் காலம் இது.


இந்த சூழலில், எத்தகைய ஊழலற்ற நல்லாட்சியை வழங்குவதாக யார் பீற்றிக் கொண்டாலும், இந்தக் கட்டமைப்புக்குள் எந்த ஒரு அரசும் புதிய தாராளவாதக் கொள்கையை அமல்படுத்தும் கங்காணியாக மட்டுமே செயல்பட முடியும்.

ஒரு வலிமையான கங்காணி வேண்டும் என்பதற்காகத்தான் “அண்டர் பெர்ஃபார்மர்” மன்மோகன் சிங்குக்கு பதிலாக, மோடியை ஆளும் வர்க்கம் தெரிவு செய்தது. தான் தெரிவு செய்த அந்த கைப்பாவையை மக்களும் தெரிவு செய்யுமாறு நாட்டையே மூளைச்சலவை செய்தது. இன்று மக்கள் வேறு தெரிவைத் தேடுகிறார்கள் என்பது பாரதிய ஜனதாவை மட்டும் கவலைக்கு உள்ளாக்கியிருக்காது.
 அம்பானி, அதானி உள்ளிட்ட குஜராத்தி, மார்வாரி தரகு முதலாளிகளையும், வங்கிக் கொள்ளையர்களையும், பன்னாட்டு முதலாளிகளையும் நிச்சயம் கவலைக்குள்ளாக்கியிருக்கும். அந்தக் கவலையின் ஒரு வெளிப்பாடாகத்தான் ராமனுக்கு மீண்டும் மவுசு வந்திருக்கிறது.

“அயோத்தியில் கோயில் கட்ட சட்டமியற்று” என்று 2019 தேர்தலுக்கான புதிய நிகழ்ச்சி  நிரலை ஆர்.எஸ்.எஸ் காரர்கள் கிளப்பியிருக்கிறார்கள்.


கடந்த 30 ஆண்டுகளில் “வளர்ச்சி – இந்துத்துவம்” என்ற இரண்டு முழக்கங்களையும் தேவைக்கேற்ப மாற்றி மாற்றிப் பயன்படுத்திக் கொண்டு, இதன் ஊடாக, தனது வாக்காளர் அடித்தளத்தையும் அரசியல் அடித்தளத்தையும் பார்ப்பன பாசிஸ்டுகள் மெல்ல மெல்ல விரிவு படுத்திக் கொண்டே வந்திருக்கிறார்கள்.

அதிகார நிறுவனங்களையும் கைப்பற்றிக் கொண்டு விட்டார்கள்.
நீதித்துறை உள்ளிட்ட அரசு எந்திரம் மெல்ல மெல்ல காவிமயமாகி விட்டது. சிறுபான்மை மக்களை, குறிப்பாக முஸ்லிம்களை அரசியலிலிருந்தும் மைய நீரோட்டத்திலிருந்தும் ஒதுக்கி வைப்பது ஒரு புதிய எதார்த்தமாகவே மாறிவருகிறது.

இது மட்டுமின்றி, தேர்தல் அரசியலுக்கு வெளியே பல்வேறு அரங்குகளிலும் தமது அமைப்புகளை பார்ப்பன பாசிஸ்டுகள் உருவாக்கியிருக்கிறார்கள்.


ஆனால், பாஜக-வை எதிர்க்கும் கட்சிகள் – சக்திகள், தேர்தல் அரசியலின் வரம்புக்கு வெளியே, மக்கள் மத்தியில் அத்தகைய அமைப்புகளை உருவாக்கிக் கொள்ளவில்லை.

இது நம் அனைவரின் கவலைக்குரிய உண்மை.


தேர்தல் அரசியலின் வரம்புக்குள் நின்று பார்க்கும்போது “மோடியை விட காங்கிரசோ மற்ற மாநிலக் கட்சிகளோ பரவாயில்லை” என்ற கருத்துக்கு ஒருவர் வரலாம்.

பிரச்சினையை “மோடி” என்று மட்டும் சுருக்கிப் பார்க்க கூடாது. மோடி, பார்ப்பன பாசிசத்தின் ஒரு பிரதிநிதி.


பார்ப்பன பாசிசம், கடந்த 30 ஆண்டுகளில் இந்திய அரசியிலில் அழுத்தமாக காலூன்றி விட்டது.

எனவே, எதிர்க்கட்சிகள் எனப்படுவோர் பார்ப்பன பாசிசத்தை இந்திய அரசியல் அரங்கிலிருந்து நிரந்தரமாக அகற்றும் நோக்கம் கொண்டவர்களா, அத்தகைய ஆற்றல் பெற்றவர்களா என்பதுதான் நாம் அக்கறை செலுத்த வேண்டிய கேள்வி.

தற்காலிகத் தீர்வாக, “பாஜக-வுக்கு எதிராக வாக்களிப்பது” என்பது வேறு.

 அதையே “நிரந்தரத் தீர்வாக நம்புவது” என்பது வேறு.

 புதிய தாராளவாதக் கொள்கையையும் மிதவாத இந்துத்துவ கொள்கையையும் பின்பற்றும் கட்சிகள் ஒருக்காலும் பார்ப்பன பாசிசத்தை எதிர்கொள்ள முடியாது.

பாஜக-வின் பார்ப்பன பாசிச அரசியலைக் கண்டு அஞ்சியும், அதன் ஆதிக்க சாதி சமூக அடித்தளத்தை திருப்திப்படுத்தவும் ராகுல்காந்தி நடத்தி வரும் கோயில் யாத்திரைகள் இதற்கொரு சான்று.
எல்லாவற்றிலும் வீழ்ச்சி.
  நாடாளுமன்ற ஜனநாயக அரசியல் பாசிசமயமாவது என்பது, புதிய தாராளவாதக் கொள்கையின் தவிர்க்கமுடியாத ஒரு விளைவு.

 மேலை நாடுகளில் நிறவெறியாகவும், இனவெறியாகவும், பிற நாடுகளில் மதவாத எதேச்சாதிகார ஆட்சிகளாகவும், அமெரிக்காவில் டிரம்ப்பாகவும் இது உருவெடுக்கிறது. இந்தியாவுக்கு – பார்ப்பன பாசிசம்.

புதிய தாராளவாதமும் பார்ப்பனியமும் இணைந்த கலவையே பார்ப்பன பாசிசம். இந்தப் புரிதலுடன் மக்கள் இயக்கங்களையும் போராட்டங்களையும் கட்டியமைப்பதில் நாம் கவனம் செலுத்த வேண்டும்.

பாஜக வின் இந்தத் தேர்தல் தோல்வியை, பார்ப்பன பாசிசத்துக்கு எதிராக மக்களை திரட்டுவதற்குரிய ஊக்க மருந்தாகக் கருதலாமே தவிர, அரசியல் மெத்தனத்தில் வீழ்ந்துவிடக் கூடாது.
'இந்திய நாட்டு மக்களை குறிப்பாக தமிழர்களை ஒரு வழி செய்யாமல் விடமாட்டோம்"

                                                                                                                  நன்றி:வினவு.
 ===================================================
ன்று,
டிசம்பர்-12.

இந்திய தலைநகர் கல்கத்தாவில் இருந்து டில்லிக்கு மாற்றப்பட்டது(1911)
  • ரொடீசியா நாடு, ஜிம்பாப்வே என பெயர் மாற்றப்பட்டது(1979)
  • ரஷ்யா, சோவியத் ஒன்றியத்திடம் இருந்து விடுதலை பெற்றது(1991)
=================================================
  16 ஆம் தேதி கரையைக் கடக்கிறது !

 பெய்ட்டி புயல் !!

வங்க கடலை ஒட்டிய, இந்திய பெருங்கடலில், புதிய புயல் சின்னம் உருவாகி உள்ளது.  
வங்க கடலில் உருவான காற்றழுத்த தாழ்வு நிலை கடந்த  9ம் தேதி, காற்றழுத்த தாழ்வு பகுதியாக வலுப்பெற்றது.
 இது, நேற்று தீவிர காற்றழுத்த தாழ்வு பகுதியாக மாறியது. இன்று, காற்றழுத்த தாழ்வு மண்டலமாகவும், நாளை, தீவிர காற்றழுத்த மண்டலமாகவும் மாறும் என, இந்திய வானிலை ஆய்வு மையம் தெரிவித்துள்ளது.

 இந்த தாழ்வு மண்டலம், புயலாக மாறி, 14ம் தேதி முதல், தமிழக கடற்பகுதியை நோக்கி நகர துவங்கும் என, எதிர்பார்க்கப்படுகிறது.  
தற்போதைய நிலவரப்படி, டிசம்பர் 6 ஆம் தேதி முதல்  தமிழகத்தில் வறண்ட வானிலை நிலவுகிறது. அதேநேரம், புயல் சின்னம், தமிழக பகுதியை நெருங்கும்போது, கன மழை கொட்டும் என கூறப்பட்டுள்ளது..

வரும், 15ம் தேதி, தமிழகம், புதுச்சேரி மற்றும் ஆந்திர கடற்பகுதிகளில், கன மழை பெய்யும் என, கூறப்பட்டு உள்ளது. எனவே, தமிழகம் மற்றும் ஆந்திர பகுதிகளை, மஞ்சள் குறியீட்டில், இந்திய வானிலை மையம் குறிப்பிட்டுள்ளது
 
மேலும், 16ம் தேதி, தமிழக வடக்கு கடலோர மாவட்டங்கள் மற்றும் ஆந்திராவின் தெற்கு பகுதிகள் வழியே, காற்றழுத்த தாழ்வு மண்டலம் கரையை கடக்கும் என்றும், வானிலை மையம் குறிப்பிட்டுள்ளது.
 
வங்க கடலில், காற்றழுத்த தாழ்வு பகுதி வலுப்பெற்று வருவதால், அலைகள் கொந்தளிப்பாக காணப்படும்.  
கடல் சீற்றமாக இருக்கும்; 13 அடி வரை, அலைகள் உயரும். மணிக்கு, 60 கி.மீ., வேகத்தில், சூறாவளி காற்று வீசும் என, இந்திய கடல் தகவல் அமைப்பு தெரிவித்துள்ளது.

 இதுதொடர்பாக, சென்னை வானிலை ஆய்வு மைய இயக்குனர், புவியரசன் பேசும்போது, இன்று முதல், 15ம் தேதி வரை, வங்க கடலின் மத்திய தெற்கு, தென் கிழக்கு மற்றும் தென் மேற்கு பகுதிக்குள், மீனவர்கள் செல்ல வேண்டாம்.  
ஆழ்கடலில் இருப்பவர்கள், இன்று மாலைக்குள், கரை திரும்ப வேண்டும் என வலியுறுத்தியுள்ளார்..
 காற்றழுத்த தாழ்வு பகுதி, இரண்டு நாட்களில், தீவிர காற்றழுத்த தாழ்வு மண்டலமாக வலுப்பெறும்.அதன் தீவிரத்தை கண்காணித்து வருகிறோம்
 தமிழக வட மாவட்டங்கள் மற்றும் தெற்கு ஆந்திரா இடையே, காற்றழுத்த தாழ்வு மண்டலம், கரையை கடக்கும் என புவுயரசன் கூறியுள்ளார்.
----------------------------------------------------------------------------------------------------------------
 



செவ்வாய், 11 டிசம்பர், 2018

ஒன்பதாம் வகுப்பில் சொல்வதென்ன?

CBSE ஒன்பதாம் வகுப்பில் நாடார்கள் பற்றி சொல்வதென்ன? 

CBSE 9 வகுப்பில் நாடார்கள் பற்றி தவறாக எழுதி இருக்கிறார்கள் என்று சமீபத்தில் போராடினார்கள்.

2017 ஆண்டு பதிப்பிக்கப்பட்ட CBSE 9 வகுப்பில் நாடார்கள் பற்றி இருக்கும் பகுதி இது.
அதை இங்கே கொடுத்திருக்கிறேன்.

இதில் சாணார்கள் மேலாடை அணிய அனுமதி கொடுக்காத உயர்சாதி வெறி பற்றி தெளிவாக கொடுத்திருகிறார்கள்.

4.1 Caste Conflict and Dress Change
Though there were no formal sumptuary laws as in Europe, India
had its own strict social codes of food and dress. The caste system clearly defined what subordinate and dominant caste Hindus should wear, eat, etc., and these codes had the force of law. Changes in clothing styles that threatened these norms therefore often created violent social reactions.

( இந்தியாவில் உயர்சாதி இந்துக்கள் எப்படி தாழ்த்தப்பட்ட மக்களின் உடை அணிதலை கூட கட்டுப்படுத்தினார்கள் என்பதை சொல்லும் பத்தி)

In May 1822, women of the Shanar caste were attacked by Nairs in public places in the southern princely state of Travancore, for wearing acloth across their upper bodies. Over subsequent decades, a violent conflict over dress codes ensued.
( மேலாடை அணிந்த காரணத்தால் சாணார்கள் தாக்கப்பட்டதை சொல்லும் பத்தி )


The Shanars (later known as Nadars), many of whom were considered a ‘subordinate caste’ and so were generally prohibited from using umbrellas and wearing shoes or golden ornaments. Men and women were also expected to follow the local custom of never covering their upper bodies before the dominant castes.
(குடை, செருப்பு, தங்க நகை எல்லாம் உபயோகிக்க நாடார்களுக்கு இருந்த தடையை சொல்லும் பத்தி)

Under the influence of Christian missionaries, Shanar women converts began in the 1820s to wear tailored blouses and cloths to cover themselves like the dominant castes.
(கிறிஸ்தவ மிசனரிகள் எவ்வாறு சாணார் சாதி பெண்களின் உடை உயர்வுக்கு உதவி செய்தார்கள் என்று சொல்லும் பத்தி)

Hindu reformers such as Ayya Vaikunder also participated in dress reform.
( அய்யா வைகுண்டரை புகழும் பத்தி )

Soon Nairs, one of the dominant castes of the region, attacked these women in public places and tore off their
upper cloths. Complaints were also filed in court against this dress change, especially since Shanars were also refusing to render free labour for the dominant castes.

(சாணார்கள் ஊதியமில்லாமல் வேலை பார்க்க மாட்டோம் என்று சொன்ன புரட்சி பற்றிய பத்தி)

At first, the Government of Travancore issued a proclamation in
1829 ordering Shanar women ‘to abstain in future from covering the upper parts of the body.’ But this did not prevent Shanar Christian women, and even Shanar Hindus, from adopting the blouse and upper cloth.

( திருவிதாங்கூர் சமஸ்தானம் சாணார்கள் மேலாடை அணியக் கூடாது என்று சொல்ல அதை மதிக்காமல் மேலாடை அணிவோம் என்று அணிந்து போராடிய போராட்டம் பற்றிய பத்தி)

The abolition of slavery in Travancore in 1855 led to even more
frustration among the dominant castes who felt they were losing control.

(அடிமை ஒழிப்பை திருவிதாங்கூர் சமஸ்தானம் பின்பற்ற வேண்டிய சூழலில் இருப்பது பற்றி உயர்சாதி இந்துக்கள் அதிருப்தி அடைவதை சொல்லும் பத்தி)

In October 1859, riots broke out as Shanar women were attacked in the marketplace and stripped of their upper cloths. Houses were looted and chapels burned. Finally, the government issued another proclamation permitting Shanar women, whether Christian or Hindu, to wear a jacket, or cover their upper bodies ‘in any manner whatever, but not like the women of high caste’.
( போராட்டம் மூலம் சாணார்கள் மேலாடை அணியும் உரிமையை வென்றது பத்தி. அப்படி வென்றாலும் உயர்சாதி இந்துக்கள் மாதிரி அணியக் கூடாது என்ற வந்த கட்டளையின் பின்னால் இருக்கும் சாதிவெறி பற்றிய பத்தி)


இதில் எங்கேயாவது வரலாற்றில் நடக்காத ஒன்றை கொடுத்திருக்கிறார்களா என்று பார்த்தால் இல்லை. அனைத்துமே நடந்திருக்கிறது.

நாடார் சாதியில் பிறந்த தலைவர்களான குமரி அனந்தனில் அனைவரும் மைக்கைப் பிடித்து பேசினாலே இந்த தோள்சீலை போராட்டத்தை பற்றித்தான் பேசுவார்கள்.
தோள்சீலை போராட்டம் பற்றி நிறைய படைப்புகள் கட்டுரைகள் வந்திருக்கின்றன.

அதை பள்ளி மாணவர்கள் மட்டும் படிக்க கூடாது என்று தடுக்க முயற்சி செய்வதின் காரணமென்ன ? 

மரியாதைக்குரிய  தலைவர் ஒருவர் பேசும் போது “வகுப்பில் மற்ற பிள்ளைகள் நாடார் பிள்ளைகளை கிண்டல் செய்தால் அவர்கள் மனம் வருத்தப்படாதா” என்று கேட்டிருக்கிறார்.

ஒருவர் உலக அறத்துக்கு எதிராக மனிதநேயத்துக்கு எதிராக இன்னொருவரை அவமானப்படுத்தும் போது அதற்காக வெட்கப்பட வேண்டியவர் அவமானப்பட்டவரா ?
அவமானப்படுத்தியவரா?
நிச்சயமாக அவமானப்படுத்தியவர்தான்.

அவமானப்பட்டவரின் உணர்வு என்பது அவர்சார்ந்ததுதான் தானே, அந்த சமயத்தின் அவருக்கான் மனக்கஷ்டம்தானே தவிர அது வரலாற்றில் அவமானமாக எடுத்துக் கொள்ளப்படாது.

என்னை என் கிராமத்தில் செருப்பு போட விடவில்லை என்ற வரலற்றை என் பேரனுக்கு சொல்லும் போது அதில் எனக்கென்ன வெட்கம். வெட்கப்பட வேண்டியவர்கள் என்னை செருப்பு போடக்கூடாது என்று சொன்னவர்கள்தாம்.

அதன் அடிப்படையில் இதில் எந்த இடத்தில் நாடார்கள் அவமானப்படுத்தப்பட்டார்கள் ?

தஞ்சையில் பண்ணை அடிமை முறை இருக்கும் போது தாழ்த்தப்பட்டவர்கள் வாயில் பண்ணையார்கள் சாணியை கரைத்து வாயில் ஊற்றினார்களாம்.

இதை மக்கள் தெரிந்து கொள்ள வேண்டுமா ?
 அல்லது ”என்னை அவமானபடுத்தியதை மறைக்க வேண்டும்” என்று மக்களிடம் இருந்து மறைப்போமா?

வரலாறு வரலாறுதான்.

நாடார் சங்கங்களின் இந்த போராட்டம் அவர்களுக்கே தீமையாக முடியும் என்று நினைகிறேன்.

கல்வியில் BC என்ற பிற்படுத்தப்பட்டோருக்கான இடப்பங்கீட்டை மிக திறமையாக உபயோகித்தவர் அனுபவித்தவர்கள் நாடார்கள் எனலாம். நாகர்கோவில் திருநெல்வேலி தூத்துக்குடி போன்ற இடங்களில் இருந்து எண்ணற்ற இளைஞர்கள் பொறியாளர்களாகவும், டாக்டர்களாகவும் ஆனார்கள் என்பதை மறுக்க முடியாது. அவர்களுக்கு இந்த BC இடஒதுக்கீடு மிக உதவியாக இருந்தது.

இந்த BC இடஒதுக்கீடு எப்படி கிடைத்தது?
 நாடார் சாதியினரை உயர் சாதியினர் செய்த அடக்குமுறை காரணமாக, அவர்களுக்கு கல்வி கொடுக்காத காரணமாக கிடைத்த உரிமைதான் இந்த BC இடஒதுக்கீடு.

நீங்கள் இப்படி வரலாறை மறைக்க வேண்டும் என்று போராடும் போது பொது மக்களிடம்
“எல்லாமே நன்றாகத்தானே இருக்கிறது. சாதிக் கொடுமை எல்லாம் சும்மா. அப்படி ஒன்றே கிடையாது” என்ற பொதுப்புத்திதான் வளரும்.

அந்த பொதுப்புத்தியின் உச்சப்பரவலில் இடப்பங்கீடு என்ற ரிசர்வேசனை முழுமையாக நீக்குவார்கள் உயர்சாதி இந்துக்கள்.

இன்னமும் பெரும்பான்மையான பிற்படுத்தப்பட்ட சமூகத்தினர் கல்வியில் முன்னேறவில்லை என்பதுதான் உண்மை. இச்சூழ்நிலையில் சாதியால் அடக்கப்பட்ட வரலாறை மேலும் மேலும் பலருக்கு சொல்லத்தான் வேண்டும்.

நான் நாகர்கோவிலில் பள்ளிப்பருவத்தில் வளரும் போது என் காதால் நாடார் சாதியினரை நா.நா.வெ சாதியினர் ஒருமையில் கூப்பிடுவதை கேட்டிருக்கிறேன்.

என் வாழ்க்கை நெடுக அதை பலரிடமும் சொல்வேன். அதில் எந்த அவமானமும் இல்லை. ஒருமையில் அழைத்தவர்களின் சாதிவெறிக்கு அவர்கள்தான் வெட்கபட வேண்டும். ஏன் அதை அனுபவித்தவர்கள் வெட்கப்பட வேண்டும்.

எனக்கு இதில் இந்துத்துவ ஃபாசிச சதி இருக்கிறதோ என்ற சந்தேகம் எழுவதை தவிர்க்க முடியவில்லை.
நாடார்களை உயர்சாதியினர் செய்த அடக்குமுறை வரலாறு என்பது அவர்களை தாழ்த்தப்பட்ட மக்களோடு இணைந்து பணியாற்றவே தூண்டும் என்ற கவலையில் நாடார் வரலாறை அழிக்க பார்க்கிறார்களோ என்று நினைக்கிறேன்.

இன்னமும் பிளஸ் டூ கூட முடிக்காத நாடார் இளைஞர்கள் தொடர்ச்சியாக வந்து கொண்டேதான் இருக்கிறார்கள்.
அவர்களை எல்லாம் கணக்கெடுத்து குறிவைத்து கல்வி கற்க வைத்து முன்னேற்றுவதுதான் நாடார் சங்கங்களின் குறிக்கோளாக இருக்க வேண்டும் என்று நினைக்கிறேன்.

வரலாறை திரிக்கவோ அழிக்கவோ மறைக்கவோ செய்வது என்பது சமூகத்துக்கு நல்லதில்லை.
அது சமூகநீதி புரியாமையில் கொண்டு விடும்.

சமூகநீதி புரியாத நாட்டில் நிம்மதி இல்லாமல் போய்விடும்.

இந்த கோணங்களில் எல்லாம் யோசிக்குமாறு அறிவார்ந்த பெரியோர்களை தலை வணங்கி பணிவன்புடன் கேட்டுக் கொள்கிறேன்...

நன்றி:முகநூலில்                                                                              -விஜயபாஸ்கர் விஜய்.(நாடார்)
                                                                                                                                               நாகர்கோவில் .
 ================================
 இன்று,
டிசம்பர்-11.

சுப்பிரமணிய பாரதி பிறந்த தினம்(1882)

இந்திய முன்னாள் குடியரசுத்தலைவர் பிரணாப் முகர்ஜி பிறந்த தினம்(1935)

யூனிசெப் நிறுவனம் அமைக்கப்பட்டது(1946)

கர்நாடக இசைக் கலைஞர் எம்.எஸ்.சுப்புலட்சுமி இறந்த தினம்(2004)
=============================================================
 ரிசர்வ் வங்கி ஆளுநர் திடீர் ராஜினாமா.

ரிசர்வ் வங்கியின் ஆளுநர் உர்ஜித் படேல் திடீரென பதவி விலகியுள்ளார். 

 ரிசர்வ் வங்கியின் 24வது ஆளுநராக உர்ஜித் படேல், 2016-ம் ஆண்டு செப்டம்பர் மாதம் பொறுப்பேற்றார்.
ரிசர்வ் வங்கியின் அதிகாரங்களை மத்திய அரசு முடக்கி வந்த பின்னணியில், அவர் பதவி விலகியுள்ளார். 
இது பெரும் அதிர்ச்சியை ஏற்படுத்தியுள்ளது.

பணமதிப்புநீக்க நடவடிக்கை எடுக்கப் பட்டதில் இருந்தே ரிசர்வ் வங்கிக்கும், மத்திய அரசுக்கும் இடையே இணக்கமான போக்கு இல்லை. 

ரிசர்வ் வங்கியை நிர்வகிக்க ரிசர்வ்வங்கி ஆளுநர், துணை ஆளுநர்கள் இருந்தபோதிலும், கூடுதலாக ரிசர்வ் வங்கி வாரியக்குழுவை மத்திய பாஜக அரசு நியமித்தது.

அந்த குழுவின் தலையீடு அதிகமாக இருந்ததால், இருதரப்புக்கும் இடையே மறைமுகமாக இருந்து வந்த மோதல் சமீபத்தில் வெளிச்சமானது. 
suran
உர்ஜித் படேல்
தனியார் நிகழ்ச்சியில் பேசிய ரிசர்வ் வங்கியின் துணை ஆளுநர் விரால் ஆச்சார்யா, மத்திய அரசை கடுமையாக விமர்சித்தார்.

இந்த சூழலில், ரிசர்வ் வங்கி மத்திய அரசுக்கு வழக்கமாக வழங்குவது போலஇந்த ஆண்டு மத்திய அரசுக்கு ஈவுத்தொகை ரூ.50 ஆயிரம் கோடி வழங்க இருக்கிறது. 

ஆனால், ரிசர்வ் வங்கியிடம் உபரிநிதியாக இருக்கும் ரூ.3.50 லட்சம் கோடியை தனது நிதிப்பற்றாக்குறையைச் சரி செய்து கொள்வதற்காக கேட்டு, மத்திய அரசு நிர்ப்பந்தம் கொடுத்து வருகிறது. இது இந்திய மக்களின் சேமிப்புப் பணத்தின் திரட்சி என்பது குறிப்பிடத்தக்கது.

இந்த விவகாரத்தால் ரிசர்வ் வங்கி கவர்னர் உர்ஜித்படேலுக்கும், நிதி அமைச்சகத்துக்கும் இடையே மோதல் ஏற்பட்டதாகவும், கடந்த மாதம் 19-ம் தேதி நடந்தவாரியக் கூட்டத்தில் அவர் ராஜினாமாவை அறிவிக்கலாம் என்றும் தகவல்கள் தெரி வித்தன. 

பின்னர் அவர் பிரதமர் மோடியை சந்தித்து பேசினார். இதைத்தொடர்ந்து வாரியக்கூட்டம் சுமூகமாக நடந்தது.இந்தநிலையில் உர்ஜித் படேல் திங்களன்று தனது பதவியை திடீரென ராஜினாமா செய்துள்ளார். இதுகுறித்து உர்ஜித் படேல் வெளியிட்டுள்ள அறிக்கையில் ‘‘ரிசர்வ் வங்கியின் ஆளுநர் பொறுப்பில் இருந்து உடனடியாக விலகுகிறேன்.
 இது உடனடியாக அமலுக்கு வருகிறது’’ எனத் தெரிவித்துள்ளார். 
பதவி விலகலுக்கான காரணத்தை அவர் தெரிவிக்கவில்லை.
 அரவிந்த் பனகாரியா - நிதி ஆயோக் தலைவர்..
அரவிந்த் சுப்பிரமணியம் - தலைமை பொருளாதார ஆலோசகர்,..
உர்ஜித்படேல் - RBI கவர்னர் ...
இவர்கள் அனைவரையும் பதவியில் அமர்த்தும் போது, இந்தியாவின் பொருளாதார செயல்படுபவர்களை நேரான பாதைக்கு உயர்த்த இவர்கள் பாடுபடுவார்கள் என்று RSS பிஜேபி கும்பல் கூவினார்கள். ஆனால் இவர்கள் அனைவரும் அரசை விமர்சனம் செய்து பதவிகாலம் முடியும் முன்பே வெளியேறிவிட்டார்கள். குறிப்பாக பணமதிப்பிழப்பின் பாதிப்புகளை சுட்டி காட்டி வெளியேறியுள்ளனர்.
மோடினாமிக்ஸ் வரும் நாட்களில் மிகப்பெரிய அவலத்தை உருவாக்க போகிறது என்பது மட்டும் உறுதி...!
----------------------------------------------------------------------------------------------------------------
 புதிய பொருளாதார ஆலோசகர் அப்பட்டமான வலதுசாரி?

இந்தியாவின் 16-ஆவது தலைமை பொருளாதார ஆலோசகராக இருந்த அரவிந்த் சுப்பிரமணியன், 2018 ஜூன் 20-ஆம்தேதி, தனது பதவியை ராஜினாமா செய்தார்.

பண மதிப்பு நீக்கம், ஜிஎஸ்டி, வராக்கடன் அதிகரிப்பு போன்ற விவகாரங்களில், அரவிந்த் சுப்பிரமணியனுக்கும், மோடி அரசுக்கும் மோதல் நிலவி வந்ததே ராஜினாமாவுக்கு காரணம் என்று கூறப்பட்டது. எனினும், வெளிப்படையாக பேசாத அவர், “ஆப் கவுன்சில் : தி சேலஞ்சஸ் ஆப் தி மோடி - ஜெட்லி எக்கானமி” என்றதலைப்பில் அண்மையில் எழுதிய புத்தகத்தில் ‘பண மதிப்பு நீக்கம் நாட்டு மக்களுக்கு அளிக்கப்பட்ட கொடூரமான பேரதிர்ச்சி’ என்று குறிப்பிட்டு, தனது நிலையைதெளிவுபடுத்தினார்.

“பணமதிப்பு நீக்கத்தால், சுமார் 2 சதவிகிதம் அளவிற்கு நாட்டின் வளர்ச்சி குறைந்து விட்டது. அரசியல் ரீதியாக, பணமதிப்பு நீக்க நடவடிக்கை என்பது எப்போதும் இல்லாத ஒரு நடவடிக்கை; அண்மையவரலாற்றில் எந்த நாடும் இதுபோன்ற நடவடிக்கையை எடுக்கவில்லை; தற்போது உயர் வட்டி விகிதம், ஜிஎஸ்டி நடைமுறைமற்றும் பெட்ரோலிய கச்சா எண்ணெய்விலை ஆகியவையும் பொருளாதாரத்தைப் பாதித்துள்ளது” என்று விரிவாகவே அவர் எழுதியிருந்தார்.
suran
அரவிந்த் சுப்பிரமணி


இது ஒருபுறமிருக்க, அரவிந்த் சுப்பிரமணியனுக்குப் பிறகு, கடந்த 6 மாதமாக,தலைமை பொருளாதார ஆலோசகர் பதவியை நிரப்பாமல் வைத்திருந்த, மோடி அரசு தற்போது கிருஷ்ணமூர்த்தி சுப்பிரமணியன் என்பவரை தேடிக் கண்டுபிடித்து, நாட்டின் 17-ஆவது தலைமை பொருளாதார ஆலோசகராக (Chidf Economic Adviser to the Government of India-CEA) நியமித்துள்ளது.

சென்னையில் பிறந்த கிருஷ்ணமூர்த்தி சுப்பிரமணியன், ஐஐடி கான்பூரில் மின்னியல் மற்றும் மின்னணு பொறியியல் துறையில் பிடெக் பட்டம் பெற்றவர்;
 கொல்கத்தா ஐஐஎம்-இல் தங்கப் பதக்கத்துடன் எம்பிஏ பட்டம் பெற்றவர்; அமெரிக்காவின் சிகாகோவில் உள்ள பூத் ஸ்கூல் ஆப் பிசினஸில் முனைவர் பட்டம் பெற்றவர்;
40 வயதில் பொருளாதார ஆலோசகராக உயரும் தகுதி பெற்றவர் என்று நிறைய சிறப்புக்கள் கூறப்படுகின்றன.

ஆனால், அவை எல்லாவற்றையும் விட, அமெரிக்காவில் உள்ள ஜேபி மோர்கன்நிறுவனம், ஐசிஐசிஐ ஆராய்ச்சி குழுமம் போன்ற கார்ப்பரேட் நிறுவனங்களில் பணியாற்றிய கிருஷ்ணமூர்த்தி சுப்பிரமணியன், 
பொருளாதாரத் துறையில் ஒரு கடைந்தெடுத்த வலதுசாரி, பிற்போக்கு ,முதலாளித்துவ பொருளாதார கொள்கையாளர் மற்றும் பாஜக ஆதரவாளர் என்பதுதான், தற்போது பொருளாதார ஆலோசகராக அவர் நியமிக்கப்பட்டதற்கு முக்கியக் காரணம் என்று கூறப்படுகிறது. 

பொருளாதார ஆலோசகராக நியமிக்கப்பட்டவுடன் அளித்த முதல் பேட்டியிலேயே, “டிமானிட்டைசேஷன் எனப்படும்பணமதிப்பு நீக்கம் ஒரு புரட்சிகரமான நடவடிக்கை” என்று கூறி, கிருஷ்ணமூர்த்தி சுப்பிரமணியனே அதை உறுதிப்படுத்தியுள்ளார்.

இப்போது மட்டுமல்ல, 2016 நவம்பர் 24-ஆம் தேதி டைம்ஸ் ஆப் இந்தியாவில் எழுதிய கட்டுரையிலும், “பணமதிப்பு நீக் கம், வரி ஏய்ப்பாளர்கள் மீதான பிடியை இறுக்கும்; கறுப்புப் பணம், ஊழலை ஒழிக்கும்” என்று ஜே! போட்டுள்ளார்.அதே ‘டைம்ஸ் ஆப் இந்தியா’ பத்திரிகையில் 2016 ஜூலை 2-ஆம் தேதியும் ஒரு கட்டுரை எழுதியிருக்கிறார்.

அதில், “காந்தி குடும்பம் இந்தியாவுக்கு கடனைத்தான் கொடுத்திருக்கிறது” என்று பாஜககாரரைப் போலவே காங்கிரசை விமர் சித்துள்ளார்.

“இந்தியாவில் பாஜக வந்த பின், அதாவது குடும்ப அரசியல் இல்லாத கட்சி வந்தபின், ஆண்டுக்கு 1 லட்சத்து 83 ஆயிரத்து800 கோடி ரூபாய்தான் செலவழித்திருக்கிறது; ஆனால் காங்கிரஸ், திமுக போன்ற குடும்ப அரசியல் கட்சிகள் ஆட்சி செய்தபோது ஆண்டுக்கு 6 லட்சத்து 89 ஆயிரத்து 600 கோடி ரூபாயை மானியங்கள் மற்றும்இலவச திட்டங்களுக்கு செலவழித்திருக்கிறார்கள்” என பாஜக பஜனை நடத்தியிருக்கிறார்.

“இந்தியாவின் மொத்த ஜிடிபியில், திமுக காங்கிரஸ் போன்ற கட்சிகள் 9.2 சதவிகிதத் தொகையை மானியங்கள்,இலவசங்கள் என்று வீண் செலவு செய்திருக்கிறார்கள்; பாஜக ஆட்சிக் காலங்களில் இந்திய ஜிடிபி-யில் 5.3 சதவிகிதத்தை மட்டுமே செலவழித்திருக்கிறார்கள்; திமுக,காங்கிரஸ் போன்ற கட்சிகள் அறிவித்திருக்கும் மானியங்கள், இலவசங்களின் செலவுகள் ஆண்டுக்கு ஆண்டு சராசரியாக 13 சதவிகிதம் அதிகரித்து வருகிறது.

பாஜக ஆட்சிக்கு வந்த பின் இந்த செலவுஅதிகரிப்பு 4 சதவிகிதம் என்ற கட்டுப்பாட்டிற்குள்தான் இருக்கிறது” என்றும் புகழ் பாடியுள்ளார்.

இறுதியாக, “இந்தியாவில் விவசாயம் உட்பட எதற்கும் மானியங்கள் கொடுக்கக் கூடாது; அவ்வாறு கொடுத்தால் நாடு திவாலாகி விடும்” என்று முத்தாய்ப்பாக அந்த கட்டுரையை முடித்துள்ளார்.

இப்படிப்பட்ட ஒருவரைத்தான் 6 மாதமாக பாஜக தேடிக் கண்டுபிடித்து, பதவியில் அமர்த்தியுள்ளது.


suran