இன்றைய செய்தி,நாளைய வரலாறு. நாளைய வரலாறை படிப்போம்.

திங்கள், 31 டிசம்பர், 2018

உளவு உரிமை

'மத்திய அரசின் கட்டுப்பாட்டில் உள்ள, 10 அமைப்புகளுக்கு, நாடு முழுவதும் உள்ள கம்ப்யூட்டர்களை உளவு பார்க்க, முழு அதிகாரம் வழங்கப்படவில்லை. 'ஒவ்வொரு நடவடிக்கை எடுப்பதற்கு முன்னும், சம்பந்தப் பட்ட உளவு அமைப்பு, முன் அனுமதி பெற வேண்டும்' 
என, மத்திய உள்துறை அமைச்சகம் விளக்கம் அளித்து உள்ளது.

உளவு அமைப்புகள்நாட்டின் எந்த பகுதியிலும் உள்ள கம்ப்யூட்டர், மொபைல் போன் உள்ளிட்ட தகவல் தொடர்பு சாதனங்களை, இடைமறித்து தகவல்களை பெற, சி.பி.ஐ., அமலாக்கத் துறை உள்ளிட்ட, 10 உளவு அமைப்புகளுக்கு அனுமதி அளிக்கப்பட்டதாக, சமீபத்தில் தகவல் வெளி யானது.

 இதற்கு, பல்வேறு அமைப்புகளும், எதிர்க்கட்சிகளும் கடும் கண்டனம் தெரிவித்தன. 
 இருப்பினும், நாட்டின் பாதுகாப்பு கருதி இந்த நட வடிக்கை எடுக்கப்படுவதாக,மத்திய அரசு சார்பில் விளக்கம் அளிக்கப்பட்டது.

இந்நிலையில், மத்திய உள்துறை கூர்வதவது:

கம்ப்யூட்டர்களில் உளவு பார்ப்பதற்கு, அரசு அமைப்புகளுக்கு முழு அதிகாரம் வழங்கப்படவில்லை.

ஒவ்வொரு நடவடிக்கை எடுக்கும் முன், சம்பந்தப் பட்ட உளவு அமைப்பு,அதற்கான முன்அனுமதியை, அரசிடம் பெற வேண்டும்.

இந்த விஷயத்தில், புதிய சட்டம், புதிய விதிகள், புது நடைமுறை, புதிய அமைப்பு,புதிய அதிகாரம் என, எதுவும் ஏற்படுத்தப் படவில்லை. 

முன்பிருந்த சட்டமே தொடர்ந்து நடைமுறையில் உள்ளது. 

தற்போது அமலில் உள்ள விதிகளில், சிறு மாற்றமும் செய்யப்படவில்லை.

அரசு வெளியிட்ட அறிக்கையில் இடம்பெற்ற,10 அமைப்புகளுக்கு,2011 முதல், ஏற்கனவே, அந்த அதிகாரங்கள் வழங்கப்பட்டு உள்ளன.

கடந்த, 2011 முதல் பின்பற்றப்படும் நடைமுறை களை குறிப்பிட்டு, 20ல், மத்திய உள்துறை அமைச்சகம் அறிக்கை வெளியிட்டு உள்ளது. 


இந்த அறிவிப்பு, சம்பந்தபட்ட தொலை தொடர்பு சேவை நிறுவனங்களுக்கான தகவல் தொடர் பாகும். 

அதிகாரம் பெற்ற அமைப்புகள் மட்டுமே, தகவல்களை பெற முடியும் என்பதை உறுதி செய்வதற்காகவே, இந்த அறிவிப்பு வெளியிடப்பட்டது. 
என்று கூறுகிறது.
நம்முடைய பயமெல்லாம் இந்த ஒட்டுக்கேட்ப்புப்பணியை அரசே செய்தால் மக்களுக்கு ஒரு பாதுகாப்பு கிடைக்கும்.
மோடி பாஜக அரசு வழக்கப்படி அல்லது கொள்கைப்படி இந்த உளவு உரிமையை ஜியோ போல் அம்பானிகளுக்கு வழங்கி விடக்கூடாது என்பதுதான்.
----------------------------------------------------------------------------------------------------------------
 
உத்தரப்பிரதேச மாநிலம், அலகாபாத்தில் கும்பமேளாவுக்காக துப்புரவுப் பணிகள் நடைப்பெற்று வருகின்றன. ஏராளமான துப்புரவுத் தொழிலாளர்கள் இந்தப் பணியில் ஈடுபடுத்தப்பட்டு உள்ளனர்.

இந்நிலையில், மத்தாதீன் என்ற துப்புரவுத் தொழிலாளி, வழக்கம்போல பணிகளை செய்து கொண்டிருந்தபோது, அவர் துப்புரவு செய்த இடத்தில் இருந்த வாளியை சற்று நகர்த்தி வைத்து சுத்தம் செய்தாராம். 

சாமி"யார்?"

இதைப்பார்த்த சாமியார் கடும் கோபமடைந்துள்ளார்.

அந்த வாளி பூஜைக்காக வைக்கப்பட்டு இருந்ததாகவும், அதை மத்தாதீன் தொட்டு தீட்டுப்படுத்தி விட்டதாகவும் கூச்சலிட்ட அந்த சாமியார், மத்தாதீனை பிரம்பால் சரமாரியாகத் தாக்கியுள்ளார்.

மத்தாதீனின் வலதுகையில் எலும்பு முறிவு ஏற்படும் வரை வெறித்தனமாக அவர் நடந்து கொண்டுள்ளார்.

இதில் பாதிக்கப்பட்ட மத்தாதீன் தற்போது மருத்துவமனையில் சேர்க்கப்பட்டுள்ளார். அவருக்கு தொடர்ந்து சிகிச்சை அளிக்கப்பட்டு வருகிறது.

மத்தாதீனை தாக்கிய சாமியார் மீது, ஜூன்ஸி பகுதி காவல் நிலையத்தில் வழக்கு பதிவு செய்யப்பட்டுள்ளது. சாமியார்?
 தலைமறைவாகி இருக்கிறார்!.
====================================================


ன்று,
டிசம்பர்-31.
கனடாவின் தலைநகராக ஒட்டாவா தேர்ந்தெடுப்பு(1857)
வெள்ளொளிர்வு விளக்கு முதல் முறையாக தாமல் எடிசனால் காட்சிப்படுத்தப்பட்டது(1879)
மான்கட்டன் பாலம் திறக்கப்பட்டது(1909)
பிரிட்டன் கிழக்கிந்திய கம்பெனி, இந்தியாவிற்கான தனது கப்பல் பயணத்தை ஆரம்பித்தது(1599)
====================================================
  மிருணாள் சென்

தாதா சாகேப் பால்கே உள்பட பல்வேறு சிறப்பு விருதுகளை பெற்ற புகழ்பெற்ற வங்காள மொழி திரைப்பட இயக்குநர் மிருணாள் சென்  கொல்கத்தாவில் நேற்றிரவு (30.12.18) காலமானார்.

அவருக்கு வயது 95.
1923 ஆம் ஆண்டு மே 14 ஆம் தேதிவங்காளத்தில் உள்ள பரித்பூரில் மிருணாள் சென் பிறந்தார்.
தற்போது பரித்பூர் வங்கதேசத்தில் உள்ளது.

இந்திய திரைப்படங்களை உலகத் தரத்துக்கு உயர்த்திய திரைப்பட இயக்குநர்களில் முக்கியமானவர் மிருணாள் சென்.

இந்தி, தெலுங்கு, ஒடிசா, வங்காளம் ஆகிய 4 மொழிகளில் சுமார் 30 திரைப் படங்கள்,
 14 குறும்படங்கள் மற்றும்
4 ஆவணப்படங்களை இயக்கியுள்ளார்.

முதுமை காரணமாக உருவான நோயால் அவதிப்பட்டு வந்த மிருணாள் சென் (டிசம்பர் 30) ஞாயிறு காலை 10.30 மணியளவில் இறந்தார்என்று அவரின் குடும்பத்தினர் அறிவித்துள்ளார்கள் .
-------------------------------------------------------------------------------------------------------------------------------------
 கூகுள் பிளஸ் 

கூகுள் தனது சமூக வலைத்தளமான கூகுள் பிளசை, ஆகஸ்ட் 2019ல் இழுத்து மூடப்போவதாக அறிவித்திருந்தது.

 அந்த தளத்தை இயக்கும் மென்பொருளில் இருந்த சில தவறுகள் இருப்பதனால் கூகுள் பிளஸ் தளம் பயனர்களுக்கு பாதுகாப்பற்றதாக இருப்பதாக குற்றசாட்டுகள் எழுந்தன.


இந்த குறைபாட்டால் 5.22 கோடி கூகுள் பிளஸ் பயனாளிகளின் தனிப்பட்ட தகவல்கள் பொதுவெளியில் சமூகவிரோதிகளுக்கு கிடைக்கும் ஆபத்து உள்ளது .

எனவே  கூகுள் பிளஸ்க்கு  அறிவிக்கப்பட்டதற்கு நான்கு மாதங்களுக்கு முன்பாக அதாவது  ஏப்ரல் 2019லேயே  மூடுவிழா நடத்தப்போவதாக கூகுள்  அறிவித்துள்ளது.

இன்னும் நுறு  நாட்கள் மட்டும்  கூகுள் பிளஸ் இணையத்தில் இருக்கும்,இயங்கும் .

  கூகுள் பிளஸ் மூடப்படுவது மிகவும் வருந்தத்தக்க செயல்.
அழகான புகைப்படங்கள்,அனிமேசன்கள்,gif ,காணொளிகள் எல்லாமே தரமாக எளிதில் தரவிறக்கி நாம் பயன்படுத்தம் விதமாக இருந்தது.
அந்த எளிதான செயல்தான் நம்பாதுகாப்பையும் கேள்விக்குறியாக்கி விட்டது.

ஆனால் பாதுகாப்பான் முகநூலில் என்ன நடக்கிறது.அமெரிக்க தேர்தலில் முகநூல் பயனர்கள் தனிப்பட்ட விபரங்களை கொடுத்தது பரபரப்பாக பேசப்படவில்லையா?
-------------------------------------------------------------------------------------------------------------------------------------
ஓராண்டு நிறைவு விழா வாழ்த்துகள் !

 நடிகர் ரஜினிகாந்த்  ஆன்மிக அரசியல் கட்சி தொடங்கப் போவதாக அறிவித்து, இன்றுடன் ஓராண்டு நிறைவு!
ரஜினிக்கு வாழ்த்துகள்!
கட்சியை எதிர்பார்த்து,பார்த்து வயோதிகர்களான ரசிகர்களுக்கு அனுதாபங்கள்!!
-------------------------------------------------------------------------------------------------------------------------------------
 "தொண்டர்களின் வியர்வை, ரத்தத்தினால் தமிழகத்தில் தாமரை மலர்ந்தே தீரும்!" - தமிழிசை
அதற்கு தொண்டர்களுக்கு எங்கே போவீர்கள் தாமரைச் செல்வி?
-------------------------------------------------------------------------------------------------------------------------------------

ஞாயிறு, 30 டிசம்பர், 2018

இனி இல்லை அந்தரங்கம் என்று ஒன்று.

இந்தியாவின் அனைத்து கணினியிலுள்ள தகவல்களை கண்காணிக்கவும், பயன்படுத்தவும், வேண்டுமென்றால் அவற்றில் மாற்றம் செய்யவும் 10 அரசு முகமைகளுக்கு அதிகாரம் அளித்து மத்திய உள்துறை அமைச்சகம் சமீபத்தில் வெளியிட்டுள்ள உத்தரவு பல்வேறு தரப்பினரையும் அதிர்ச்சியடைய வைத்துள்ளது.
"இந்திய நாட்டின் பாதுகாப்பு, இறையாண்மை, குற்றங்கள் தடுப்பு, வெளிநாடுகளுடனான நட்புறவை பேணுதல்" போன்ற பல்வேறு காரணங்களுக்காக எந்த ஒரு அனுமதியும் இல்லாமல் நாட்டிலுள்ள கணினிகளில் பதியப்பட்டுள்ள தகவல்களை ஆராய்வதற்கு தகவல் தொழில்நுட்ப சட்டம், 2000ன், 69(1) பிரிவின்படி மத்திய உள்துறை அமைச்சகத்தின் மின்னணு மற்றும் தகவல் பாதுகாப்பு பிரிவு உத்தரவிட்டுள்ளது.

இதன்படி, மத்திய புலனாய்வுத்துறை, அமலாக்கத்துறை, தேசிய பாதுகாப்பு முகமை, மத்திய நேரடி வரித்துறை, வருவாய் புலனாய்வுப் பிரிவு, நாட்கோடிக்ஸ் பிரிவு, உளவுத்துறை, நுண்ணறிவுப்பிரிவு போன்ற விசாரணை அமைப்புகளுக்கும், டெல்லியின் காவல் ஆணையருக்கும், ஜம்மு காஷ்மீர், வடகிழக்கு மாநிலங்கள் மற்றும் அசாம் பகுதிகளுக்கான சிக்னல் இண்டெலிஜென்ஸ் பிரிவு ஆகியவை மேற்கண்ட அதிகாரத்தை பெற்றுள்ளன.

"தேசப்பாதுகாப்பு"
மத்திய உள்துறை அமைச்சகத்தின் இந்த அறிவிப்பின் மூலம் மேற்கண்ட அமைப்புகள், இனி இந்தியாவிலுள்ள அனைத்து கணினிகளிலும் சேமித்து வைக்கப்பட்டுள்ள தகவல்கள், உருவாக்கப்பட்ட, அனுப்பப்பட்ட, பெறப்பட்ட விவரங்களை கண்காணிக்க, இடைமறிக்க, மறைவிலக்கம் (decryption) செய்யவியலும்.
அரசின் இந்த உத்தரவின்படி, கணினிகளை நிர்வகிப்பவர்கள் அதை மத்திய அரசின் முகமைகள் கண்காணிப்பதற்கு ஒத்துழைப்பதற்கு மறுத்தால் அதிகபட்சம் ஏழாண்டுகள் சிறைதண்டனை அனுபவிக்க நேரிடும்.

மத்திய அரசின் இந்த முடிவுக்கு நடந்து வரும் நாடாளுமன்ற கூட்டத்தொடரின்போது எதிர்கட்சிகளால் கடும் எதிர்ப்பு தெரிவிக்கப்பட்டது. 
அப்போது நாடாளுமன்ற உறுப்பினர்களின் கேள்விகளுக்கு பதிலளித்து பேசிய மத்திய நிதியமைச்சர் அருண் ஜேட்லி, உள்துறை அமைச்சகத்தின் இந்த அறிவிக்கை, கடந்த 2009ஆம் ஆண்டு காங்கிரஸ் தலைமையிலான மத்திய அரசின் உத்தரவை அடிப்படையாக கொண்டது என்றும், பாஜக அரசு எந்தெந்த அரசு முகமைகள் இதை பயன்படுத்த முடியும் என்பதை மட்டுமே நாட்டின் பாதுகாப்பை கருத்திற்கொண்டு தற்போது அறிவித்துள்ளதாகவும் கூறியுள்ளார்.

தனிநபரின் அந்தரங்க தகவல் என்று ஒன்று இனி கிடையவே கிடையாது என்று ஒரு தரப்பினரும், நாட்டின் பாதுகாப்புக்காக இதை செய்வதில் எந்த தவறும் இல்லை என்று மற்றொரு தரப்பினரும் வாதாடி கொண்டிருக்கும் வேளையில், கைபேசி, கணினி உள்ளிட்ட பல்வேறு தொழில்நுட்ப கருவிகளை பயன்படுத்துபவர்கள் தங்களை அறியாமலேயே எவ்வளவு தகவல்களை இழந்துகொண்டிருக்கின்றனர் என்பதை விளக்குகிறது இந்த கட்டுரை.

கைபேசி செயலிகள் 

வெறும் அழைப்புகள், குறுஞ்செய்திகள் என்பதை தாண்டி வாழ்க்கையின் அனைத்து நிலைகளிலும் பயன்படக்கூடிய அத்தியாவசியமான ஒன்றாக கைபேசிகள் உருவெடுத்துள்ள அதே வேளையில், இதுவரை நாம் அறியாத பிரச்சனைகளின் பிறப்பிடமாகவும் கைபேசிகள் உள்ளன.

குறிப்பாக, உங்களது கைபேசியில் எந்த ஒரு செயல்பாட்டையும் மேற்கொள்வதற்கு ஆண்ட்ராய்டு பிளே ஸ்டோர் அல்லது ஆப்பிளின் ஆஃப் ஸ்டோருக்கோ சென்று செயலிகளை பதிவிறக்கம் செய்கிறீர்கள் தானே? என்றாவது நீங்கள் பயன்படுத்தும் செயலியை இன்ஸ்டால் செய்வதற்கு முன் அது கேட்கும் அனுமதிகளை பார்த்தீர்களானால் அதிர்ச்சியடைய நேரிடும். 

 உதாரணமாக, புகைப்படத்தை எடிட் செய்யும் ஒரு  செயலியை நீங்கள் இன்ஸ்டால் செய்வதாக வைத்துக்கொள்வோம். அப்போது,, கேமரா, தொடர்பு எண்கள், லொகேஷன், ஸ்டோரேஜ், போன்ற பலவற்றிற்கு அனுமதியளித்தால்தான் அந்த செயலியை செயல்படுத்த முடியும் என்கிறது. 
ஆனால், இந்த இடத்தில் கூர்ந்து கவனித்தீர்களானால், புகைப்படத்தை எடிட் செய்யும் இந்த செயலிக்கு, புகைப்படம், தொடர்பு எண்கள், ஸ்டோரேஜ் ஆகியவை அவசியம்தான்.

 ஆனால், முற்றிலும் தேவையற்ற லொகேஷன், உங்களது இருப்பிடத்தை கண்டறிந்து அதன் மூலம் மிகச் சரியான விளம்பரங்களை உங்களது கைபேசிக்கு அனுப்பி பணம் சம்பாதிப்பதற்காக அனுமதியை உங்களுக்குத்தெரியாமலேயே கேட்கப்படுகிறது.


இதேபோன்று, பல்வேறு செயலிகளில், முற்றிலும் சம்பந்தமேயில்லாத தகவல்கள் கேட்கப்படுகின்றன. கண்மூடித்தனமாக செயலிகளை இன்ஸ்டால் செய்பவர்கள், அதிலுள்ள ஆபத்தை உணராமல் ஜிபிஎஸ், நெட்ஒர்க் செயல்பாடு, வைஃபை, மற்ற ஆஃப்களின் செயல்பாட்டை கண்காணித்தல் & முடக்குதல், ஐஎம்இஐ எண், கைபேசியை அணையாமல் இருக்க செய்தல், தகவல்களை மாற்ற/ நீக்க அனுமதி போன்ற பல்வேறு தகவல்களுக்கு ஒப்புதல் கொடுத்து செயலியோடு பிரச்சனையையும் இலவசமாக வாங்கி கொள்கின்றனர்.
இதன் மூலம் உங்களது கைபேசியில் இருக்கும் புகைப்படங்கள், காணொளிகள், ஆவணங்கள் போன்றவற்றை உங்களுக்கு தெரியாமலேயே அந்த செயலிகள் தனது சர்வர்களில் பதிவேற்றம் செய்துகொள்வதற்கு வாய்ப்புள்ளது.

மேற்கண்ட தகவல்களை ஒரு குறிப்பிட்ட ஆப்பை உருவாக்குபவர் தவறாக பயன்படுத்தினால், உங்களது அந்தரங்க தகவல்களின் நிலை என்னவாகும் என்று கொஞ்சம் நினைத்து பாருங்கள்.

கூகுள் உள்ளிட்ட தேடுபொறி இணையதளங்கள்

உங்களுக்கு தெரியாமலேயே கூகுள் சேகரிக்கும் பட்டியல் மிகவும் நீண்டது. இதுகுறித்த சர்ச்சையின் காரணமாகவே சமீபத்தில் அமெரிக்க செனட் உறுப்பினர்களின் கேள்விக்கு நேரில் விளக்கமளித்திருந்தார் அந்நிறுவனத்தின் தலைமை செயலதிகாரி சுந்தர் பிச்சை.

அதாவது, ஆண்ட்ராய்டு இயங்குதளத்திலிருந்து பதிவிறக்கம் செய்யப்படும் செயலிகளே இவ்வளவு தகவல்களை நம்மிடமிருந்து பெறுகின்றன என்றால் அந்த இயங்குதளத்தையே உருவாக்கிய கூகுள் எவ்வளவு தகவல்களை பெறும் என்று நினைத்து பாருங்கள்.

உலகின் பெரும்பாலான நிறுவனங்கள் கூகுளின் 'ஆட் சென்ஸ்' என்ற சேவையை பயன்படுத்தியே விளம்பரங்களை ஏற்படுத்தி தங்களது வாடிக்கையாளர்களை அடைகின்றன.

உதாரணத்துக்கு, சென்னை பெசன்ட் நகரில் பள்ளியொன்று புதியதாக திறக்கப்படுகிறது என்று வைத்துக்கொள்வோம். 

பள்ளி நிர்வாகம் பெசன்ட் நகரை சுற்றி ஐந்து கிலோமீட்டர் தூரத்தில் இருக்கும், திருமணமான, குழந்தைகளை கொண்ட பெற்றோரின் கைபேசிக்கு தங்களது பள்ளி குறித்த விளம்பரம் செல்ல வேண்டும் என்று கேட்டால் அதை கூகுளால் நிச்சயமாக நிறைவேற்ற முடியுமளவுக்கு நம்மை பற்றிய தகவல்கள் ஒவ்வொரு நிமிடமும் சேமிக்கப்பட்டு வருகிறது.

இன்னும் ஒருபடி மேலே, உங்களது உரையாடலை கேட்டு அதற்குரிய விளம்பரங்களை கூகுள் நிறுவனம் அளித்து வருவதாக பரவலாக குற்றச்சாட்டுகள் மட்டுமின்றி, ஆதாரங்களும் வெளிவந்து கொண்டிருக்கின்றன.

சிலர் தங்களது இணையதள செயல்பாடு யாருக்கும் தெரியக்கூடாது என்ற எண்ணத்தில் இன்காக்னிட்டோ என்ற அம்சத்தை பயன்படுத்தி வருகின்றனர். 
ஆனால், நீங்கள் இன்காக்னிட்டோ உள்ளிட்ட எந்த வழியை பயன்படுத்தினாலும் கூகுளால் உங்களது செயல்பாட்டை கண்காணிக்க முடியுமென்று அமெரிக்காவை சேர்ந்த வாண்டர்பில்ட் பல்கலைக்கழகத்தின் ஆராய்ச்சியின் மூலம் தெரியவந்துள்ளது.

இருப்பினும், சர்வதேச மற்றும் உள்நாட்டு விதிகளின்படி, தனது பயன்பாட்டாளர்கள் குறித்து சேகரிக்கும் தகவல்களை கட்டுப்படுத்தும்/ நீக்கும் உரிமையை கூகுள் வழங்கியுள்ளது. அதை பயன்படுத்தி இதுவரை கூகுள் உங்களை பற்றி தெரிந்து வைத்துள்ள தகவல்கள், பதிவுகள் குறித்து நீங்கள் அறிந்துகொள்ள முடியும்.

ஃபேஸ்புக் உள்ளிட்ட சமூக வலைதளங்கள்

இந்த காலத்தில் ஃபேஸ்புக் உள்ளிட்ட சமூக வலைதளங்களில் கணக்கு இல்லாதவர்களை கண்டறியமுடியாத அளவுக்கு அவற்றின் பயன்பாடு மிகப் பெரியளவில் விரிவடைந்துள்ளது.

ஃபேஸ்புக் பயன்பாட்டாளர்கள், அதில் ஒரு பதிவை பகிரும்போது அதை யார் யாரெல்லாம் பார்க்க முடியும் என்று தேர்ந்தெடுக்கலாம். 

அதன்படி, ஃபேஸ்புக்கின் மென்பொருளில் ஏற்பட்ட தொழில்நுட்ப பிரச்சனையின் காரணமாக சுமார் 14 மில்லியன் பயன்பாட்டாளர்கள் தங்களுக்கு தெரியாமலேயே பொதுவாக தெரிவு செய்யும் "ஒன்லி மீ" என்பதற்கு பதிலாக "பப்ளிக்கில்" பதிவுகளை போட்டிருக்கக் கூடும் என்று சமீபத்தில் அந்நிறுவனம் எச்சரித்திருந்தது. 
இதன் மூலம், தங்களது அந்தரங்க தகவல்களை தங்களுக்கு தெரியாமலேயே பயனாளர்கள் பொதுவெளியில் பகிர்ந்திருக்கக் கூடும்.


கைபேசி செயலிகளை போன்றே ஃபேஸ்புக்கை முதலாக கொண்டு ஒரு இணையதளத்தில் கணக்கை ஆரம்பிக்கும்போதோ அல்லது கேம் விளையாடும்போது நீங்கள் அந்தரங்கமாக வைத்திருக்கும் தகவல்கள், பதிவுகள், நண்பர்களின் தகவல்கள், உங்களது நடவடிக்கைகள் போன்றவற்றை பயன்படுத்துவதற்கு ஏதோவொரு செயலின் வடிவமைப்பாளருக்கு அதிலுள்ள ஆபத்து தெரியாமல் பலரும் அனுமதி தருகிறார்கள். 

இதுபோன்ற செயலிகள், சில நேரங்களில் உங்களது கணக்கை பயன்படுத்தி உங்களது நண்பர்களுக்கு நீங்கள் அனுப்பியதாக தவறான காணொளிகள்/ புகைப்படங்கள்/ இணையதள இணைப்புகளை பகிரும் சம்பவங்கள் பரவலாக நடந்து வருகின்றன.

கேம்ப்ரிட்ஜ் அனாலிடிகா என்ற அரசியல் ஆலோசனை நிறுவனம் லட்சக்கணக்கான ஃபேஸ்புக் வாடிக்கையாளர்களின் தகவல்களை அவர்களின் ஒப்புதல் இன்றி வணிக நோக்கில் பயன்படுத்தியதாக கடந்த மார்ச் மாதம் சர்ச்சை எழுந்தது உங்களுக்கு நினைவில் இருக்கலாம்.

இந்த புகார் ஃபேஸ்புக் நிறுவனத்தின் அடி ஆதாரத்தையே அசைத்ததுடன் தனது வணிக நடைமுறைகளையே மாற்றிக்கொள்ளும் நிலைக்கு தள்ளப்பட்டது. 

மேலும், இந்த சம்பவத்தை தொடர்ந்து அமெரிக்கா, ஐரோப்பா ஆகியற்றின் அரசுகள் ஃபேஸ்புக் உள்ளிட்ட சமூக வலைதளங்கள் தங்களது பயனீட்டாளர்கள் குறித்து சேமித்து வைத்துக்கொள்ளும் தகவல்களின் வரம்பை நிர்ணயிக்கும் சட்டங்களை வலுப்படுத்தி வருகின்றன.

ஹேக் செய்யப்படும் இணையதளங்கள்

இலவச கிளவுட் ஸ்டோரேஜ் சேமிப்பு, கருத்துக் கணிப்பில் பங்கேற்றால் இலவச கூப்பன், பயனர் கணக்கு உள்ளவர்களுக்கே உள்நுழைய அனுமதி, புதிய கணக்கை துவங்கினால் வாங்கும் பொருளில் 30% தள்ளுபடி போன்ற பல்வேறு கவர்ச்சிகரமான விளம்பரங்களை நம்பி பலரும் தங்களது அந்தரங்க தகவல்களை உள்ளீடு செய்தோ அல்லது ஜிமெயில், ஃபேஸ்புக் போன்ற கணக்குகளை முதலாக கொண்டு நம்பகத்தன்மையற்ற இணையதளங்களில் உள்நுழைகின்றனர்.

மேற்குறிப்பிடப்பட்டது போன்ற விளம்பரங்களை நம்பி முன்பின் தெரியாத இணையதளங்களில் அந்தரங்க தகவல்களை அளித்த பயனீட்டாளர்களுக்கு என்றாவது ஒரு நாள், தன்னுடைய போட்டோ மார்பிங் செய்யப்பட்டு வெளிவரும்போதோ அல்லது வங்கியிலுள்ள பணம் நூதமான முறையில் திருடப்படும்போதோதான் அதன் தீவிரம் தெரிய வருகிறது.


உதாரணமாக, கிளவுட் ஸ்டோரேஜ் சேவையில் உலகின் முன்னணி நிறுவனமான Dropboxன் 164,611,595 கணக்குகளும்,
 LinkedInன் 164,611,595 கணக்குகளும், 
யாஹூ நிறுவனத்தின் 453,427 கணக்குகளும் என 
334 இணையதளங்களின் 5,688,097,942 கணக்குகள் பல்வேறு இணைய ஹேக்கிங் குழுக்களால் திருடப்பட்டு அவற்றில் பெரும்பாலானவை இலவசமாக இணையத்தில் எவரும் பார்க்கும், பதிவிறக்கம் செய்யும் வகையில் உள்ளது என்று haveibeenpwned என்னும் ஆய்வு இணையதளத்தின் தரவுகள் கூறுகின்றன.

 இதில் அதிர்ச்சிகரமான தகவல் என்னவென்றால் ஹேக்கிங் மற்றும் வைரஸ் பிரச்சனைகளை தவிர்ப்பதற்காக நாம் பயன்படுத்தும் அவாஸ்ட் ஆன்டிவைரஸ் (Avast Antivirus) நிறுவனத்தின் 422,959 கணக்குகளும் ஹேக் செய்யப்பட்டுள்ளது குறிப்பிடத்தக்கது. 

முன்பின் தெரியாத இணையதளங்களில் அந்தரங்க தகவல்களை அளிப்பதன் தீவிரத்தை மேற்கண்ட பிரபல இணையதளங்களின் ஹேக்கிங் செயல்பாடுகளின் மூலம் புரிந்துகொள்ள முடியும்.

தனிநபர் விழிப்புணர்வின் அவசியம்

ஒரு செயலியையோ, மென்பொருளையோ, இணையதள கணக்கையோ முதன் முதலாக பயன்படுத்துவதற்கு முன்பு சம்பந்தப்பட்ட நிறுவனங்களின் நூற்றுக்கணக்கான பக்கங்களை கொண்ட விதிமுறைகளை படிக்காமல், அனைத்திற்கும் 'அக்சஃப்ட்' கொடுப்பவர்களுக்கு என்றாவது ஒருநாள் தங்களது அந்தரங்க தகவல்களுக்கு பாதிப்பு ஏற்படும்போதுதான் அதன் வீரியம் புரிகிறது.


தற்போதைக்கு அந்தரங்கங்களை பாதுகாக்கும் மிகவும் திறன்மிக்க, நம்பத்தகுந்த ஒன்றாக உள்ள மனிதனின் மூளையில் இருக்கும் நினைவுகளை கூட கண்டறியும் தொழில்நுட்பத்தை உருவாக்கும் முயற்சியில் கனடாவிலுள்ள டொரொண்டோ பல்கலைக்கழக விஞ்ஞானிகள் ஈடுபட்டுள்ளார்கள் என்பது கூடுதல் தகவல்.

எனவே, ஒரு அரசாங்கம் தனிநபர் ஒருவரின் அந்தரங்க தகவல்களை அவர்களது ஒப்புதலின்றி பெறுவது எவ்வளவு ஆபத்தானதாக பார்க்கப்படுகிறதோ, அதே வேளையில் தனது தனிப்பட்ட தகவல்களை மேற்கண்ட வழிகளில் பறிகொடுப்பதன் மூலம் ஏற்படும் ஆபத்து குறித்த விழிப்புணர்வை தொழில்நுட்பங்களை பயன்படுத்தும் ஒவ்வொருவரும் பெறவேண்டியது காலத்தின் கட்டாயம்.

                                                                                                                                                                                                                                                  உதவி:தமிழோசை.

நம்மைக் கடந்த அரசியல்.

  2018ல்  தமிழக அரசியல் நிகழ்வுகள்.!
அவசர நிலை'-யின்போது மிசா சட்டத்தில் சிறையில் அடைக்கப்பட்ட காலத்துக்கு முன்பிருந்தே கலைஞர்  மகனான மு.க.ஸ்டாலின், திமுக மூலம் தீவிர அரசியலில் ஈடுபட்டு வந்தார்.

உண்மையிலேயே  கடந்த அரை நூற்றாண்டில் ஸ்டாலினுக்கு நிகராக திமுக-வில் உழைத்தவர்கள் மிகச் சொற்பமானவர்களே எனலாம். 

இருந்தும், குறைந்தபட்சம் ஓராண்டுக்கு முன்னராவது கிடைத்திருக்க வேண்டிய ‘தலைவர்' பதவி, ஸ்டாலினுக்கு இந்த ஆண்டு ஆகஸ்ட், 28-ல்தான் கிடைத்தது. 

இவ்வளவு காலம் கழித்து வந்தாலும், ஸ்டாலின் இனி ஆற்றப் போகும் செயல் தான், தலைவர் பதவிக்கு அவர் தகுதியானவரா என்பதை எடுத்துக் காட்டும். 

மு.க.அழகிரி-யை இடம் தெரியாமல் ஒதுங்க  வைத்ததன் மூலம் தனது தலைமைக்கான பணியை சிறப்பாக செய்துள்ளார் ஸ்டாலின்.
''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''

 திரைத் துறையில் 50 ஆண்டுகளுக்கும் மேல் முடிசூடா மன்னனாக வலம் வந்த கமல்ஹாசன், 
2017 ஆரம்பம் முதல் அதிமுக அரசை, ட்விட்டர் மூலம் விமர்சிக்க ஆரம்பித்தார்.

 ‘இவர் வெறும் ட்விட்டர் அரசியல்வாதி' என்று வெறுப்பேற்றப்பட்ட போது, ‘அரசியல் கட்சிகளைத் திருத்த நான் சொந்தக் கட்சித் தொடங்கவும் தயங்கமாட்டேன்' என்று எச்சரித்தார். 

சொன்னபடியே, இந்த ஆண்டு பிப்ரவரி, 21-ல் ‘மக்கள் நீதி மய்யம்' கட்சியைத் தொடங்கினார். 

ஜெயலலிதாவும் கருணாநிதியும் அரசியலில் கோலோச்சிக் கொண்டிருந்தபோது நடிகராக மட்டுமிருந்த கமல், அதற்கு பின்னர் ஏற்பட்ட வெற்றிடம் காரணமாக அரசியலிலும் எதிர் நீச்சல் போட வந்துள்ளார்.

 கட்சி ஆரம்பித்து ஓராண்டு நிறைவடையப் போகும் நிலையிலும் இன்றுவரை கொள்கை, கோட்பாடு  பேசாமல் மக்களைதேடிச்சென்று  வருகிறார். 
கஜா புயல் பாதிப்பில் உள்ள மக்களை மூன்று முறை அப்பகுதிகளை நேரில் சென்று பார்வையிட்டு உதவிகள் செய்தது மக்களிடையே பலத்த ஆதரவைத்தந்துள்ளது.

இவருடன் திரைத்துறையிலும் ,அரசியல் துறையிலும் எதிரே இருக்கும் நடிகர் ரஜினிகாந்த் கட்சி ஆரம்பிக்கப்போவதாக கூறிக்கொண்டே இருக்கிறார்.தேர்தலில் நிற்போம் என்று அது ஆன்மிக அரசியல் என்று சொல்லியுள்ள ரஜினி இதுவரை கஜா புயல் பாதிப்படைந்த மக்களை சந்திக்கவே இல்லை.

அதற்கு மாறாக உதய்ப்பூர் சென்று அம்பானி மகள் தீர்மானத்தில் கலந்து கொண்டதும்,பெங்களூர் சென்று கன்னட நடிகர் அம்ரிஷ் இறுதி ஊர்வலத்தில் கலந்து கொண்டதும் நடிகர் ரஜினிகாந்த் மீது தமிழக மக்களுக்கு ஒரு அதிருப்தியை தந்துள்ளது உண்மை.

அவரின் கடந்த கால அணுகுமுறைகளை வைத்து பல விமர்சனங்கள் முன் வைக்கப்பட்டாலும், இனி வரும் காலங்களில் களத்தில் கமலின் செயல்பாடுகள்தான் என்றென்றைக்கும் நிலைத்து நிற்கும்.
''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''


வாழும்போதும் சரி வாழ்க்கைக்குப் பிறகும் சரி மக்கள் மட்டுமல்ல அரசியல் தலைவர்களும் அவரது கட்சியினரும்  புரிந்த கொள்ளமுடியாத மர்ம மங்கையாக இருந்தவர் மறைந்த முன்னாள் முதல்வர் ஜெயலலிதா.

 2016, டிசம்பர் 5 ஆம் தேதி சிகிச்சைப் பலனில்லாமல் சென்னை, அப்போலோ மருத்துவமனையில் ஜெயலலிதா மறைந்த பின்னர், அவர் தொடர்பான எந்த விவரமும் பொது வெளியில் கிடைக்கவில்லை. 


ஒரு பக்கம் சசிகலாவுக்கு எதிராக போர்க் கொடி தூக்கிய ஓ.பன்னீர்செல்வம், ‘ஜெயலலிதா மரணம் குறித்து நீதி விசாரணை வேண்டும்' என்று கூறி பகீர் கிளப்பினார். 
இந்தக் கருத்தைச் சொல்லும்போது ஓபிஎஸ்-தான் தமிழக முதல்வர் என்பது குறிப்பிடத்தக்கது. இன்றுவரை தமிழக அரசு சார்பில் அமைத்த ஓய்வு பெற்ற நீதிபதி ஆறுமுகசாமி தலைமையிலான ஆணையம் ஜெ., மரணம் தொடர்பான விசாரணையை முடிக்கவில்லை.


ஆர்.கே.நகர் இடைத் தேர்தல் நடக்க ஒரு நாள் இருந்த நிலையில் தினகரன் ஆதரவாளரான வெற்றிவேல், மருத்துவமனையில் சிகிச்சைப் பெற்றுக் கொண்டிருந்த ஜெயலலிதாவின் வீடியோ காட்சிகளை வெளியிட்டார். 

அதைத் தொடர்ந்து இந்த ஆண்டு ஜெயலலிதா, அப்போலோ மருத்துவர்களிடம் பேசும் ஒரு ஆடியோ பதிவு லீக் ஆனது. எத்தனை லீக்ஸ் வந்தாலும், ஜெயலலிதா இறப்பு மட்டுமல்ல ,இட்லி தின்றது,இட்லி சாப்பிட்டதற்கு 1.17 கோடிகள் விலைப்பட்டியல் என்று  நிலவி வரும் மர்மங்கள் மட்டும் ஓயவில்லை.
''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''

 அதிமுக-வையும் இரட்டை இலைச் சின்னத்தையும் கைப்பற்றுவதே எனது முக்கிய நோக்கம். அதற்காக ஆரம்பிக்கப்பட்ட அமைப்புதான் அம்மா மக்கள் முன்னேற்றக் கழகம்' என்று அமமுக குறித்து மார்ச் 15-ல் பிரகடனம் செய்தார் சசிகலாவின் அக்கா மகனான டிடிவி தினகரன். ஆர்.கே.நகர் வெற்றியைத் தவிர, டிடிவி-யின் அரசியல் ரீ-என்ட்ரியில் சொல்லிக் கொள்ளும்படி எந்த வெற்றியும் கிட்டிவிடவில்லை. 
ஆரம்பத்தில் தினகரனுடன் இருந்த திவாகரன், செந்தில் பாலாஜி என பல முக்கியப் புள்ளிகள் இன்று அவருடன் இல்லை. 

தொடர்ந்து அமமுக முகாமிலிருந்து தன்னிச்சையான கருத்துகள் ஒலிக்கின்றன. அனைத்தையும் கட்டுக்குள் வைத்திருக்க வேண்டுமென்று தினகரன் நினைத்தாலும், எதுவும் செய்ய முடியாத கையறு நிலையில் இருக்கிறார். ‘இடைத் தேர்தல் வந்தால் 20 தொகுதிகளையும் கைப்பற்றுவோம்' என்று டிடிவி நம்புகிறார். 

20-ல் பத்து தொகுதிகளையாவது தன் வசமாக்கினால்தான் தினகரனுக்கு அரசியல் எதிர்காலம் இருக்கும். ஒரு வகையில் இடைத் தேர்தலில் யார் அதிக தொகுதிகளை கைப்பற்றுகிறார்களோ, அவர்கள் பக்கமே அதிமுக சாயும். 
தினகரனுக்கும் சரி, ஈபிஎஸ்-ஓபிஎஸ்.ஸுக்கும் சரி அடுத்து நடக்கவுள்ள எந்தத் தேர்தலும் அக்னிப் பரீட்சைதான்.
''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''

தகுதி நீக்க வழக்கில் தினகரன் தரப்புக்கு ஆதரவாக தீர்ப்பு வந்திருந்தால், ஒன்று அதிமுக ஆட்சி கவிழ்ந்திருக்கும். அல்லது, தினகரன் கையில் கட்சியும் ஆட்சியும் வந்திருக்கும். 
தமிழக வரலாற்றிலேயே மிகப் பெரிய தாக்கம் ஏற்படுத்திய 18 எம்.எல்.ஏ-க்கள் வழக்கின் தீர்ப்பு இந்தாண்டு அக்டோபர் 25 ஆம் தேதி, எடப்பாடி அணிக்கு ஆதரவாக சென்னை உயர் நீதிமன்றத்தால் வழங்கப்பட்டது.


அதிமுக ஆட்சி மேலும் சில காலம் தொடர தீர்ப்பு வழிவகை செய்துவிட்டது. 18 எம்.எல்.ஏ-க்கள் தரப்பு, ‘மேல்முறையீடு இல்லை. மக்கள் மன்றத்தில்தான் முறையீடு' என்று திட்டவட்டமாக தெரிவித்துவிட்டது. அமமுக, திமுக மட்டுமல்ல ஒருவகையில் ஒட்டு மொத்த தமிழ்நாடும் தேர்தலை நோக்கித் தான் காத்திருக்கிறது.

''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
அக்டோபர் மாத இறுதியில், தமிழக மீன்வளத் துறை அமைச்சர் ஜெயக்குமார், ஒரு பெண்ணிடம் பேசுவது போன்ற ஆடியோ சமூக வலைதளங்களில் வைரலானது. 

அந்த ஆடியோவின் ஆண் குரல், தன்னால் கர்ப்பமான ஒரு பெண் குறித்து பேசியது. அந்த ஆண் குரலுக்குச் சொந்தக்காரர் ஜெயக்குமார் தான் என்று பேசப்பட்டு வந்த நிலையில், அடுத்த நாளே குற்றச்சாட்டுகளை அவர் மறுத்தார். 

அதே நாளில், செய்தியாளர்கள் முன்னிலையில் பேட்டியளித்த தினகரன் தரப்பு ஆதரவாளர் வெற்றிவேல், ‘அந்தப் பெண்ணை பாலியல் பலாத்காரம் செய்தது ஜெயக்குமார்தான். 
 அவருக்கு இப்போது தம்பி பாப்பா பிறந்துள்ளது' என்று கூறி பகீர் கிளப்பினார். 

அடுத்தடுத்து வந்த மற்ற அரசியல் பரபரப்புகளால் இந்த பெண் ஆடியோ லீக் விவகாரம் கண்டுகொள்ளப்படவில்லை.
''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''

‘ஒரு பக்கம் தர்ம யுத்தம் செய்து கொண்டு, இன்னொரு பக்கம் ஓ.பன்னீர்செல்வம் செய்த வேலை என்ன தெரியுமா..? 2017-ல் எடப்பாடி பழனிசாமி அணியுடன் இணைந்த பின்னர் ஓபிஎஸ் என்னை ரகசியமாக சந்திக்கத் தூது விட்டார். 
 நானும் சந்தித்தேன். 
அப்போது கூட, இந்த ஆட்சி சரியில்லை. நீங்களே தலைமை பொறுப்பை ஏற்றுக் கொள்ளுங்கள் என்று கெஞ்சினார்' என பகீர் கிளப்பும் கருத்தை இந்த ஆண்டு அக்டோபர் மாதம் தெரிவித்தார் டிடிவி தினகரன்.


 அவர் மேலும், ‘அவ்வளவு ஏன், மீண்டும் என்னை சந்திக்க வேண்டுமென்று சில வாரங்களுக்கு முன்னர் கூட மீண்டும் தூது விட்டார் ஓபிஎஸ். இதுதான் அவரின் யோக்கியம்' என்றார் சிரித்துக் கொண்டே.

இந்தக் கருத்துக்கு ஓபிஎஸ் தரப்பிலிருந்து இதுவரை சரிவர விளக்கம் அளிக்கப்படவில்லை.

 எடப்பாடி பழனிசாமிக்கும் பன்னீர் செல்வத்துக்கும் இடையில் இன்னும் இருக்கும் உரசல்தான் இதைப் போன்ற தகவல்கள் மேலும் மேலும் உணர்த்துகின்றன.
'''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
சென்ற ஆண்டு ஆர்.கே.நகர் இடைத் தேர்தலில் டிடிவி தினகரன் வெற்றி பெற்ற பிறகு, ‘வரும் தைப் பொங்கலின் போது எடப்பாடியின் ஆட்சி கவிழ்க்கப்படும்' என்று சூளுரைத்தார்.
 இதோ, அடுத்த தைப் பொங்கலே வரப் போகிறது. இன்னும் எடப்பாடி பழனிசாமிதான் முதல்வர். அதிமுக-தான் ஆளுங்கட்சி. பிப்ரவரி 16-ம் தேதியுடன் ஓராண்டு ஆட்சியை நிறைவு செய்துள்ளார் முதல்வர் எடப்பாடி பழனிசாமி. 
ஜெயலலிதா முதல்வராக இருந்தபோது, யாரென்றே தெரியாத வகையில் பொதுப் பணித் துறையைப் பார்த்து வந்தவர் எடப்பாடி. ஆனால், இன்று அதிமுக-வின் முகமாக மாறியுள்ளார். யாரால் முதல்வர் ஆக்கப்பட்டாரோ அவர்களையே கட்சியிலிருந்து நீக்கிய ‘தில்' எடப்பாடியையே சாறும்.

ஒரு புறம் எடப்பாடியின் ஆளுமைத் திறனால் கட்சியைக் கைக்குள் கொண்டு வந்து, ஆட்சியை பிரச்னையில்லாமல் நடத்தினாலும், ‘இன்னும் எத்தனை நாளைக்கு' என்று கேள்வி மட்டும் விட்டபாடில்லை. 
உள்ளாட்சித் தேர்தல், இடைத் தேர்தல், நாடாளுமன்றத் தேர்தல் என எதையும் சந்திக்கும் நிலையில் இன்றைய அதிமுக இல்லை என்பதே தொடர்ந்து தேர்தல் தேதியைத் தள்ளிப்போடும் நடவடிக்கைகள் உணர்த்துகின்றன.
'''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''

திமுக-விலிருந்து பிரிந்து சென்று அதிமுக-வில் சேர்ந்த செந்தில் பாலாஜி, அமைச்சர் பதவி என்று சுக போகங்களை அனுபதவித்தார்.

 சசிகலா ஆதரவு நிலைப்பாட்டை எடுத்ததால், தனக்கான எம்.எல்.ஏ என்ற அந்தஸ்தை இழந்தார். டிடிவி.தினகரனின் அம்மா மக்கள் முன்னேற்றக் கழகத்தில் அமைப்புச் செயலாளராக பணி செய்து வந்த செந்தில் பாலாஜிக்கும், கட்சியின் தலைவரான தினகரனுக்கும் சில மாதங்களாக முட்டல் மோதல் இருந்தது. 

எப்படியும் செந்தில் பாலாஜி ஆளுங்கட்சியான அதிமுக பக்கம் சாய்வார் என்று எதிர்பார்க்கப்பட்ட நிலையில், ஸ்டாலின் தலைமையில் திமுக-வில் சேர்ந்து பலருக்கு ஷாக் கொடுத்தார்.

திமுக-வில் சேர்ந்த உடன் அளித்த முதல் பேட்டியில், ‘எடப்பாடியும், ஓ.பி.எஸ்-ஸும் கூட திமுக-வில் இணையும் காலம் வெகு தொலைவில் இல்லை' என்ற பகீர் கருத்தைக் கூறினார். 
திமுக-வில் செந்தில் பாலாஜி எத்தனை நாள் இருப்பாரோ என்று அவரை அறிந்த  அரசியல் வட்டாரங்களில் பேசப்படுகிறது..
=====================================================
ன்று,
டிசம்பர்-30.

 சோவியத் சோசலிச குடியரசுகளின் ஒன்றியம் உருவாக்கப்பட்டது(1922)


சுபாஷ் சந்திர போஸ் போர்ட் பிளையரில் இந்திய விடுதலை கொடியை ஏற்றினார்(1943)


உலகின் முதல் வண்ண தொலைக்காட்சி பெட்டி விற்பனை(1953)
====================================================
 மோடியின் தேர்தல் காப்பீடு.
ஏப்ரல், மே மாதத்தில் நடைபெற உள்ள மக்களவை தேர்தலில் மீண்டும் ஆட்சியை பிடிக்க தீவிரமாக காங்கிரஸ் பல்வேறு நடவடிக்கை மேற்கொண்டு வருகிறது.

அதைவிட  தீவிரமாக பாஜக ஆட்சியை தக்க வைக்க வேண்டும் என்பதில் மும்முரமாக  செயல்பட்டு வருகிறது. 

 நடந்து முடிந்த ஐந்து மாநில தேர்தல்களில் பாஜக  தனது கோட்டைகளில் வெற்றி வாய்ப்பை இழந்தாலும், சில இடங்களில் காங்கிரஸைவிட அதிக வாக்குகளை பெற்றுள்ளது பாஜகவுக்கு நம்பிக்கையை தரத்தான் செய்துள்ளது.

அடுத்து, காங்கிரஸ் தான் ஆட்சியை பிடிக்கும் என பரவலான கருத்து நிலவி வந்தாலும், முன்போல் மக்களை கொஞ்சம் ஏமாற்றினால் போதும் மீண்டும் நாம்தான் என்பது மோடி-அமித்ஷா நம்பிக்கை.

ஒட்டுமொத்த இந்தியாவையும் பாஜக பக்கம் சாய்க்க கொண்டு  மோடி பல்வேறு சில அதிரடி முடிவை எடுத்து வருவதாக தெரிகிறது.அநேகமாக புதிய ஆண்டின் துவக்கத்தில் விவசாயக்கடன்கள் தொடர்பாக அறிவிப்புகளை வெளியிட்டு பாஜகவின் பேட் தோல்விக்கு காரணமான விவசாயிகளை அமைதிப்படுத்தும் திட்டம் ள்ளதாகத் தெரிகிறது.

 தற்போது மருத்துவக்காப்பீட்டு திட்டத்தில் சேர பயங்கரமான கட்டுப்பாடுகளை கொன்டவந்து பெயரளவில் காகிதத்தில் இருக்கும் அத்திட்டத்தில் மக்களும் உயர்மட்ட சிகிச்சைகள் பெரும் வகையில் ரூ.10 லட்சத்திற்கு குறைவான ஆண்டு வருமானம் உள்ளவர்களுக்கு,
 ரூ.5  லட்சத்திற்கான மருத்துவ காப்பீடு அட்டையை, அவரவர் விலாசத்திற்கு மத்திய அரசு சார்பாக அனுப்பி உள்ளது வியப்பைத்தருகிறது.

காரணம் இத்திட்டத்தில் மக்கள் ஒருவரையும் இணைய விண்ணப்பிக்கவில்லை என்பதுதான் நாடறிந்த உண்மை.
அதற்கு விதிகள்தான் கரணம்.
சொந்த வீடு இருக்கக்கூடாது.காங்கிரீட் கூரை வீட்டில் வசிக்கக்கூடாது .
இரு சக்கரவாகனம் கண்டிப்பாக இருக்கக்கூடாது,
அவர் பெயரில் தொலைபேசி இணைப்பு இருக்கக்கூடாது போல பல இருக்கக்கூடாதுகள்.

மொத்தத்தில் மக்கள் யாரும் அத்திட்டத்தில் சேரக்கூடாது என்பதுதான் அரசின் முக்கிய நோக்கம்.

ஆனால் தொடர்ந்த பலத்த அடிகள் ,ஐந்து மாநில தோல்விகள்,கூட்டணி கட்சிகள் விலகல்கள் விமானத்தில் சுற்றுலா சென்ற மோடி-அமித்ஷா தலைமையை கொஞ்சம் இந்தியாவில் தரையிறங்க வைத்துள்ளது.

பாஜகவுக்கு வாக்களித்தது மக்கள்தான்,அம்பானிகள்,அதானிகள் ,மோடிகள்,மல்லையாக்கள் இல்லை என்பதை தேர்தல்  நேரம் தங்களால் காந்த் கொள்ளப்படாத விவசாயிகள்,தொழிலாளர்கள்,நடைஉத்தர-அடித்தட்டு மக்களிடம்தான் கையேந்த வேண்டும் என்ற உண்மையை உணர்த்தியுள்ளது .

அதனால் குடும்ப அட்டை வைத்திருக்கும் மக்கள் அனைவருக்கும் மத்திய அரசே அதன் விபரப்படி 5 லட்சத்திற்கான மருத்துவக்காப்பீட்டு அட்டையை அனுப்பி வருகிறதாம்.அதுவும் பதிவுத்தபாலில்.
உங்கள் குடும்ப அட்டை (ஸ்மார்ட் கார்டு)யில் நாம் கொடுத்துள்ள விலாசத்திற்கு இந்த காப்பீட்டு அட்டை வீடு தேடி வரும்.

உங்கள் பகுதிக்கு பிறருக்கு வந்து வரவிட்டாலோ,நீங்கள் விலாசத்தை மாறி இருந்தால் உங்கள் குடும்ப அட்டை (ஸ்மார்ட்கார்டில்)யில்  உள்ள முகவரி அடங்கியுள்ள அஞ்சல் அலுவலகத்திற்கு சென்று, குடும்ப தலைவர் தனது குடும்ப அட்டை மற்றும் தேவைப்பட்டால் வேறு அடையாள ஆதாரத்தை காண்பித்து  பெற்றுக்கொள்ளலாம்.

மோடி போகிற போக்கைப்பார்த்தால் பெறபப்டாத மருத்துவ காப்பீட்டு அடையாள அட்டையை பாஜகவினரே உங்களைத்தேடி வந்து கொடுத்து தாமரையை மலரசச்செய்யும் முயற்சியில் இறங்குவார்கள் என்றே தெரிகிறது.
 --------------------------------------------------------------------------------------------------------------------------------------






சனி, 29 டிசம்பர், 2018

விடை தேடும் வினாக்கள்?

"ஆளுக்கு 15 லட்சம் வாங்க்க்கணக்கில் போடப்படும் என்று கூறி ஆட்சிக்கு வந்த நரேந்திரமோடி வேலை வாய்ப்கள், பணமதிப்பிழப்பு, சிபிஐ,வெறுப்பைக் கக்கும் குற்றங்கள், ரபேல் -என்று எண்ணற்ற கேள்விகளுக்கு பதில் சொல்லாமலேயே பிரதமர் மோடி கடந்த நான்காண்டு காலத்தைக் கழித்துவிட்டார். "
இதுதொடர்பாக தி ஒயர்இணைய இதழ், 15 கேள்விகளை மோடியிடம்  கேட்டிருக்கிறது. 


1. வேலையில்லா வளர்ச்சி
 
வேலைவாய்ப்பு என்பது நாட்டின் மிகப்பெரிய சவால்களில் ஒன்றாகும்.
சென்ற மக்களவைத் தேர்தல் பிரச்சாரத்தின்போது, நீங்கள் ஒரு கோடி பேருக்கு வேலை அளிக்கத் தவறியதற்காக, காங்கிரஸ் கட்சியைக் கேலி செய்தீர்கள்.
 இப்போது நான்கு ஆண்டுகள் ஓடிவிட்டன.

 வேலைவாய்ப்பை உருவாக்குவது தொடர்பாக உங்கள் பதிவு என்பது மிக மோசம் என்று பல்வேறுசுயேச்சையான மதிப்பீடுகள் கூறுகின்றன.
உதாரணமாக2017இல் 14 லட்சம் வேலைகள்தான் தரப்பட்டிருக்கின்றன.

உங்கள் முந்த்ரா திட்டத்தின்கீழ் அளிக்கப்பட்ட கடன்கள்கூட, உங்கள் அமைச்சர்களின் கூற்றின்படியே,அவ்வாறு கொடுத்திட்ட கடன்களில் பெரும்பாலானவை மிகவும் அற்பமானவை என்றும் அவற்றால் எவ்விதமான வேலைவாய்ப்பையும் உருவாக்க முடியாது என்றும் ஏன், பகோடா கடை கூட திறக்கமுடியாது என்றும் கூறியிருக்கிறார்கள்.

 எனவே, மிஸ்டர் மோடி அவர்களே, வேலைவாய்ப்பு தொடர்பாக, 2014இல் நீங்கள் வாக்காளர்களுக்கு அளித்திட்ட உறுதிமொழி என்னாயிற்று?

2. கிராமப்புற விவசாய நெருக்கடி
 விவசாயிகளின் வருமானத்தை 2022க்குள் இரட்டிப்பாக்குவேன் என்கிற உங்களின் உறுதிமொழியும் இலக்கை நோக்கி இன்னும் தொடங்கவே இல்லை என்றநிலையில்தான் இருக்கிறது.

விவசாய விளைபொருள்களின் உற்பத்திச் செலவினத்துடன் 50 சதவீதம் உயர்த்தி குறைந்தபட்ச ஆதார விலை நிர்ணயம் செய்யப்படும் என்று கூறியிருந்தீர்கள்.
ஆனால், நாடு முழுவதுமே விவசாயிகள் தாங்கள் விளைவித்த பயிர்களை, குறைந்தபட்ச ஆதார விலையைவிடக் குறைவான விலைக்கே விற்கக்கூடிய அளவிற்குத் தள்ளப்பட்டிருக்கிறார்கள்.
மேலும், நீங்கள் அறிவித்த பயிர் இன்சூரன்ஸ் திட்டம் ஒரு பெரிய மோசடி என்றும் அவர்கள் கூறுகிறார்கள்.

இத்திட்டத்திற்காக அவர்கள் பிரிமியம் செலுத்துகிறார்கள், ஆனால் பயனேதும் பெற்றிடவில்லை.

3. நிதி நிலை

தேசிய ஜனநாயகக் கூட்டணி அரசாங்கமானது, ஐமுகூ அரசாங்கம் நிதியை மிகவும் ஊதாரித்தனமாக செலவுசெய்ததாகக் குற்றஞ்சாட்டியது.
 எனினும் நீங்கள்ஆட்சிக்கு வந்தபின்னர், அரசாங்கத்தின் நிதிநிலைமையை அதிகரிப்பதற்காக எண்ணற்ற நடவடிக்கை எடுத்தீர்கள்.
 மானியங்கள் கொடுப்பதில் வெட்டு, பட்ஜெட்டுக்கு அப்பாற்பட்டு பல வடிவங்களில் வசூல், பொதுத்துறை நிறுவனங்களைத் தனியாருக்குத் தாரைவார்ப்பதன் மூலம் வரக்கூடிய நிதி எனப் பலவகைகளில் முயற்சிகளை மேற்கொண்டீர்கள்.
எனினும் தற்போது அரசாங்கத்தின் நிலைமை எப்படி இருக்கிறது?

4.வங்கிகளின் கார்ப்பரேட் சலுகைகள்.

 வங்கிகளில் கடன்கள் வாங்கி விட்டுத் திருப்பித் தராதவர்களும், மோசடி செய்தவர்களும்
இந்திய ரிசர்வ் வங்கியின் முன்னாள் ஆளுநர் ரகுராம்ராஜன், 2015 பிப்ரவரியில் உங்களுக்கு, வங்கிகளில் கடன்கள் பெற்றுவிட்டுத் திருப்பிச் செலுத்தாமல் மோசடிசெய்த கோடீஸ்வரர்களின் பட்டியலை அனுப்பி அவர்கள்மீது வழக்கு தொடுக்க வேண்டியது அவசியம் என்று குறிப்பிட்டிருந்தார்.

வங்கிகளை ஏமாற்றிய அவர்கள் மீதுவிசாரணை செய்து வழக்கு தொடர என்ன நடவடிக்கை எடுத்தீர்கள்?
மோசடி செய்தவர்களின் பட்டியலையேகூட வெளியிட நீங்களும், உங்கள் அரசாங்கமும் தயங்குவதற்கான காரணம் என்ன?
ஒரு நாடாளுமன்றக்குழு கூட, இது தொடர்பாக தகவல் அறியும் உரிமைச் சட்டத்தின்கீழ் எண்ணற்ற விண்ணப்பங்கள் இருந்ததால், பிரதமர் அலுவலகத்திலிருந்து தகவல்கள்கோரியிருந்தன.

 ஆனாலும் அவற்றைப் பகிரங்கப்படுத்த நீங்கள் மறுத்திருக்கிறீர்கள்.
 ஏன்?

5. பணமதிப்பிழப்புப் பேரிடர்

2016 நவம்பர் 14 அன்று, பணமதிப்பிழப்பு முடிவு தவறாக இருந்திடுமானால், எந்தத் தண்டனையையும் எதிர்கொள்ளத் தயாராக இருப்பேன் என்று நீங்கள் சொன்னீர்கள். நடுத்தெருவில் தூக்கிலிடுங்கள் என்று கூட ஆவேசமாக பேசினீர்கள்.

 நல்லது, இந்திய ரிசர்வ் வங்கியே, சமீபத்தில் பணமதிப்பிழப்பு முடிவானது, கறுப்புப் பணத்தை வெளிக்கொணர்வதிலும் (பணமதிப்பிழப்பு செய்திட்ட ரூபாய் நோட்டுகளில் 99 சதவீதம் மீண்டும்வங்கி அமைப்புமுறைக்கு வந்துவிட்டது), கள்ளநோட்டுகளைக் கட்டுப்படுத்துவதிலும், பணப்புழக்கத்தைக் குறைப்பதிலும், பொருளாதாரத்தில் உயர்ந்தமதிப்பிலான நோட்டுகள் புழக்கத்தைக் குறைப்பதிலும் பெயரளவிலும் மற்றும் மிகவும் சிறிய அளவிலும்தான் தாக்கத்தை ஏற்படுத்தி இருக்கிறது என்று கூறியிருக்கிறதே!

 நேரடி வரி வசூலில் ஒரு பாய்ச்சல் ஏற்பட்டிருப்பது உண்மையெனினும் இதுபோன்று முந்தைய காலங்களிலும் நடந்திருக்கிறது.
எனவே, பணமதிப்பிழப்பு மூலம் என்ன சாதித்திருக்கிறீர்கள்?

அது தொடர்பாக அரசாங்கம் மேற்கொண்ட செலவினத்துடன் ஒப்பிடுகையில் உண்மையில் அது மதிப்புமிக்கதுதானா?
சமீபத்தில், ஒரு கேபினட் அமைச்சர்மக்களவையில், உங்களுடைய அரசாங்கமானது பணமதிப்பிழப்பால் ஏற்பட்ட சமூக மற்றும் பொருளாதாரப் பாதிப்புகள் குறித்து ஆராய்ந்திட எவ்விதத்திலும் அக்கறைசெலுத்தவில்லை என்றும் கூட கூறியிருக்கிறார்.

சமீபத்திய பிரச்சாரக் கூட்டம் ஒன்றில் பேசும்போது, இப்போது, சர்வதேச நிதியத்தின் புதிய தலைமைப் பொருளாதாரவாதியான, கீதா கோபிநாத், பணமதிப்பிழப்பின் காரணமாக காலாண்டுக்கான மொத்த உள்நாட்டு உற்பத்தி வளர்ச்சியில் குறைந்தபட்சம் 2 சதவீதம் வீழ்ச்சிஏற்பட்டது என்று மதிப்பிட்டிருக்கிறார்.

பணமதிப்பிழப்பின் காரணமாக ஏற்பட்ட பாதிப்புகள் குறித்து, பிரதமர்என்ற முறையில் நீங்கள் ஓர் ஆய்வினை செய்வதற்கு ஆணை பிறப்பித்திருக்க வேண்டாமா?

இந்த முடிவைஎடுப்பதற்கு முன்பு நீங்கள் யாரைக் கலந்தாலோசித்தீர்கள்? இதனைத் தொடர்ந்து மிகப்பெரிய அளவில்சீர்குலைவு ஏற்படும் என்பதை நீங்கள் அறியாதிருந்தீர்களா?


6. கூண்டுக்கிளி

மத்தியக் குற்றப்புலனாய்வுக் கழகம் (சிபிஐ), இப்போது ‘நம்பகத்தன்மை நெருக்கடிக்குள்’ சிக்கித் தவித்துக்கொண்டிருக்கிறது.
நீங்கள் எதிர்க்கட்சி வரிசையிலிருந்த போது, அதனை ஒரு கூண்டுக்கிளி என்றுஅழைத்தீர்கள். ஆனால் இப்போதும் அதே நிலைதான்.
அது, லாலுபிரசாத் யாதவ், ப.சிதம்பரம் உட்பட உங்கள்அரசியலுக்கு எதிராக உள்ளவர்களுக்கு எதிராகவுள்ள பழைய வழக்குகளை விசாரணை செய்வதில் மிகவும் சுறுசுறுப்பாக இருக்கிறது.

 ஆனால் அதே சமயத்தில், உங்களுடைய அரசியல் கூட்டாளி அமித்ஷாவை கொலைவழக்கு ஒன்றில், கீழமை நீதிமன்றம், விசாரணை தொடங்குவதற்கு முன்பாகவே, வழக்கு எதுவும் கிடையாது என்று விட்டுவிட்டபோது அதற்கெதிராக மேல்முறையீடு செய்வதற்கு மறுத்திருக்கிறது.
அதேபோன்று, உங்களின் கூட்டாளிகளாக அல்லது புதிய உறுப்பினர்களாக மாறியுள்ள முகுல் ராய் அல்லது நாராயண் ரானே உட்பட பாஜகவின்புதிய உறுப்பினர்கள் மீதான ஊழல் குற்றச்சாட்டுகளுக்குஎதிராகவும் எவ்வித நடவடிக்கையும் எடுக்காமல் இருக்கிறது.

உங்களுடைய அரசியல் ஆதாயங்களுக்காக, தேர்ந்தெடுக்கப்பட்ட சில வழக்குகளை மட்டும்தான் சிபிஐ விசாரித்திடுமா?

7. வெறுப்பை உமிழ்தல்

உங்களுடைய முதல் சுதந்திர தின உரையின்போது, வகுப்புவாதம் மீதான பிரச்சாரங்களை ஒரு பத்தாண்டுகாலத்திற்குத் தள்ளிவைப்போம் என்று கூறினீர்கள்.
ஆனால், மதவெறி அடிப்படையிலான குற்றங்கள் அதிகரித்திருப்பதாகவே பல்வேறு மதிப்பீடுகள் முடிவுக்கு வந்துள்ளன.
உங்களுடைய ஆட்சிக்காலத்தில் கும்பல்கள் மேற்கொண்ட தாக்குதல்களில் குறைந்தபட்சம் 314 பேர் பலியாகியிருக்கிறார்கள்.
 குண்டர்கள் நாட்டின் சட்டத்தைத் தங்கள் கைகளில் எடுத்துக்கொண்டு தண்டனை அளித்துள்ள நிகழ்வுகளில் 39 பேர் கொல்லப்பட்டிருக்கிறார்கள் என்றும் தலித்துகள் மற்றும் பழங்குடியினர் மீதான தாக்குதல்கள் அநேகமாக 25 சதவீதம் அதிகரித்திருக்கின்றன என்றும் செய்திகள் தெரிவிக்கின்றன.

உங்களுடைய கட்சித் தலைவர்களும், நாடாளுமன்ற உறுப்பினர்களும், அமைச்சர்களும், சங் பரிவாரக் கூட்டத்தினரும் மதவெறிப் பேச்சுக்களை நாள்தோறும் மேற்கொண்டு வருகிறார்கள்.
உங்களால் பொறுக்கி எடுக்கப்பட்டு முதலமைச்சராக ஆகியிருக்கிற உத்தரப்பிரதேச முதல்வர் யோகி ஆதித்யநாத், அவருடைய மதவெறி நிகழ்ச்சி நிரலுக்காக ராஜினாமா செய்யப்பட வேண்டும் என்று வலியுறுத்தி ஓய்வுபெற்ற 80 ஐஏஎஸ், ஐபிஎஸ் அதிகாரிகள் கடிதம் எழுதியிருக்கிறார்கள்.


 இவ்வாறு உங்கள் கட்சியின் சகாக்கள், இந்தியக் குடிமக்கள் மீது வன்முறை வெறியாட்டங்களில் ஈடுபடும்போது, நீங்கள் ஏன் மவுனமாக இருந்து வருகிறீர்கள்?
முஸ்லிம்கள் குறிவைத்துத் தாக்கப்படும்போது ஒருவார்த்தைக்கூட நீங்கள் கூறவில்லை. ‘‘அனைவருடனும்’’  என்று நீங்கள் கூறுவதில், ‘‘முஸ்லிம்களுடனும்’’ என்று அர்த்தம் இல்லையா?
தாமரையை மலர்விடாத தமிழ்நாட்டை மோடி அரசு சோதித்துப்பார்ப்பதிலேயே,வெறுப்பை கக்குவதிலேயே காலத்தை கடத்துகிறது .எந்த விதமான மோசமான,இயற்கைக்கு,மக்களுக்கு கேடு விளைவிக்கும் திட்டம் என்றாலே அதை தமிழ்நாட்டில்தான் செயல்படுத்துகிறது.
இந்தோனேசியா,பாலித்தீவு,நேபாளம் என்று பிறநாடுகளுக்கு 1500 கோடிகளுக்கு மேல் நிதியுதவி செய்துள்ள மோடி இந்தியாவிலேயே அதிக வரியை மத்திய அரசுக்கு வரை கொடுக்கும் மகாராஷ்டிரத்துக்கு அடுத்த இரண்டாவது மாநிலமான தமிழ்நாட்டின் கஜா புயலுக்கு வெறும் 353 கோடிகளை தந்துள்ளது.சேதவிபரமோ 19000 கோடிகள்.இது  மத்திய குழுவே பார்வையிட்டு ஒத்துக்கொண்ட மதிப்பீடு.
இதற்க்கு காரணம் #go back modi யால் உண்டான வெறுப்பரசியல்தானே?

8. ரபேல் ரகசியம்

நீங்கள் 2015 ஏப்ரல் 10 அன்று பாரீஸ் சென்றிருந்த சமயத்தில் 36 ரபேல் விமானங்கள் வாங்குவது தொடர்பாக அறிவித்தீர்கள்.
 பாதுகாப்புக் கொள்முதல் வழிகாட்டுதல்களின்கீழ், அவ்வாறு நீங்கள் அறிவிப்பதற்கு முன்பு, இந்திய விமானப் படை மற்றும் பாதுகாப்பு அமைச்சகத்திற்குள் ஒரு முறையான நடைமுறை பின்பற்றப்பட்டிருக்க வேண்டும். ஆனால், உங்கள் அரசாங்கமானது இதுதொடர்பாக எவ்விதமான தகவலையும் உச்சநீதிமன்றத்தில் அளித்திடவில்லை.
நீங்கள் திரும்பிவந்த பின்னர்என்ன நடந்தது என்று மட்டும்தான் அது கவனம் செலுத்தியது.

ஆகவே, நீங்கள் இந்த அறிவிப்பைச் செய்வதற்குமுன்பு, அரசாங்கத்திற்குள் என்ன முறையான நடவடிக்கைகள் எடுக்கப்பட்டன என்று உங்களால் தயவுசெய்து கூற முடியுமா?
 இதற்கு முன்பு இதுதொடர்பாக செய்யப்பட்டிருந்த ஒப்பந்தத்தில் இந்தியாவிலேயே தயாரிப்பதற்கும், தொழில்நுட்பப் பரிமாற்றத்திற்கும் நடவடிக்கைகள் எடுக்கப்பட்டிருந்தனவே.
அவற்றை ஏன் நீங்கள் ரத்து செய்தீர்கள்?
மேலும் ஒவ்வொரு விமானத்திற்கும், முன்புநிச்சயித்த விலையைவிட மூன்று மடங்கு அதிகமாக விலை நிர்ணயித்தது ஏன்?

9. பாபர் மசூதியும் அயோத்தியும்

நீங்களும், உங்கள் கட்சியும் 1992இல் பாபர் மசூதிஇடிக்கப்பட்ட இடத்தில் ராமர் கோவிலைக் கட்டுவதற்குஉறுதிபூண்டிருக்கிறீர்கள்.
 பாபர் மசூதி இடிக்கப்பட்டதும் அங்கே வைக்கப்பட்டிருந்த கலைப் பொக்கிஷங்களை அழித்த சதிகாரர்களும் தண்டிக்கப்பட வேண்டியவர்களே என்று நீங்கள் நம்புகிறீர்களா?

 இது தொடர்பாக (1) சட்டம் இயற்றியோ அல்லது அவசரச்சட்டம் பிரகடனம் செய்தோ நீதிமன்றத்தில் நடைபெற்றுவரும் வழக்கை சீர்கேடு அடையச் செய்திட முயற்சிக்கமாட்டேன் என்றும்
 (2) உச்சநீதிமன்றத்தின் தீர்ப்பு, அதன்முடிவு எப்படி இருந்தாலும் (தாவாவுக்குரிய இடம் முஸ்லிம்களுக்குச் சொந்தமானது என்று தீர்ப்பு அளித்தாலும்) அதனை முழுமையாக ஏற்றுக்கொள்வேன் என்றும் உங்களால் உத்தரவாதம் கொடுக்க முடியுமா?


10. காஷ்மீர் முட்டுக்கட்டை

காஷ்மீர் பள்ளத்தாக்கில் வாழும் மக்கள், சமீப ஆண்டுகளில், தாங்கள் அந்நியப்படுத்தப்பட்டதாக கருதும் அளவிற்கு முன்னெப்போதும் இருந்ததில்லை என்று பெரும்பாலான அறிஞர் பெருமக்கள் கூறுகிறார்கள். நீங்கள் இந்த மாநிலத்தை, முதலில் கூட்டணி அரசாங்கமாகவும், பின்னர் தனியாகவும், நான்கு ஆண்டு காலம்ஆட்சி செய்திருக்கிறீர்கள்.
அப்பாவி மக்கள் கொல்லப்படுவது அதிகரித்திருக்கிறது.
அதேபோன்று காஷ்மீரி இளைஞர்கள் தீவிரவாத இயக்கங்களில் இணைவதும் அதிகரித்துக் கொண்டிருக்கிறது.
மாநிலத்திற்குள் மக்களிடையே உள்ள குறைகளைத் தீர்ப்பதற்கு ஆழமானஅரசியல் முன்முயற்சி எதையும் நீங்கள் எடுத்திடவில்லை.
மாறாக, அரசமைப்புச் சட்டம் 35-ஏ-பிரிவைக் கூறி அங்கே பதற்றத்தை மேலும் அதிகரித்திட அனுமதித்தீர்கள். இந்த மாநிலத்தின் பிரச்சனைகளை எந்தவிதத்தில் தொடரலாம் என்று எண்ணிக்கொண்டிருக்கிறீர்கள்?

11. அறிவியலை உதாசீனம் செய்தல்

ஆட்சியில் உள்ளவர்களின் சொற்களும், செயல்களும் இந்திய சமூகத்தின் அறிவியல் மனோபாவத்தையே சேதப்படுத்திக் கொண்டிருக்கின்றன என்றும் கூறி பலஅறிவியலாளர்களும், அறிவியல் அறிஞர்களும் தங்கள்ஆட்சிக்கு எதிராக எதிர்ப்புக் குரல் எழுப்பியிருக்கிறார்கள்.
உங்கள் அரசாங்கம், ‘பாரம்பர்ய’ அறிவியலுக்காக  செலவு செய்வதை அதிகரித்திருக்கிறது.
பசு மூத்திரம் குறித்து ஆராய்ச்சி செய்யவும்கூட செலவு செய்திருக்கிறது. ஆனால் அரசு நிதியில் இவை தொடர்பாக மேற்கொண்ட ஆராய்ச்சிகளின் மூலமாக உருப்படியாக எதுவும் வெளிப்படுத்தப்படவில்லை.

எனினும், உங்கள் அரசாங்கமானது,
உலகத்திற்கே இந்தியாதான் அறிவியலை ‘வழங்கியது’ என்றும், நம் அறிவியலாளர்கள் நோபல் பரிசுகள் வெல்வார்கள் என்றும் எதிர்பார்க்கிறது.
 ஆராய்ச்சிக்காகவும் வளர்ச்சிக்காகவும் செலவுசெய்வது என்பது மொத்த உள்நாட்டு உற்பத்தியில் வெறும் 0.7 சதவீத அளவிற்கு என்று குறைந்துவிட்டது.
 போராடிக் கொண்டிருக்கிறார்கள்.
இந்த முரண்பாடுகளை எப்படி நீங்கள் சரிசெய்யப் போகிறீர்கள்?

12. தகவல்உரிமைச் சட்டம்,லோக்பால் மீதான யுத்தம்


உங்கள் கட்சியானது, எங்கள் ஆட்சியில் வெளிப்படைத் தன்மையை மேம்படுத்துவோம் என்று கூறிவரும்அதே சமயத்தில், தகவல் அறியும் சட்டத்தில் நீங்கள் கொண்டுவந்துள்ள திருத்தங்கள் அந்தச் சட்டத்தை நீர்த்துப்போகச் செய்யக்கூடிய அளவிற்கு இருக்கிறதே. பல துறைகளிடமிருந்து விவரங்களைக் கோர முடியாது என்று கூறுகின்றனவே!
 மேலும் நீங்கள், மத்திய தகவல் ஆணையத்தையும், அதில் நிலுவையில் உள்ள காலியிடங்களைப் பூர்த்தி செய்யாமல், பலவீனப்படுத்தி இருக்கிறீர்களே!

 உங்கள் சொல்லுக்கும் செயலுக்கும் இடையே ஏன் இந்த இடைவெளி?
 லோக்பால் சட்டம்2014இல் நிறைவேற்றப்பட்டது.
 இதுவரை அதற்குத் தலைவரை ஏன் உங்கள் அரசாங்கம் நியமித்திடவில்லை. இதுதொடர்பாக முன்பு ஒருமுறை நீங்கள் பேசும்போது, தெரிவுக்குழுவில் எதிர்க்கட்சித் தலைவரும் இடம் பெறுவார் என்று கூறினீர்கள். 
ஆனால் அப்படி யாரும் இல்லையே!
தரம் தாழ்ந்த பேச்சுக்கள்

13. அமெரிக்காவும் ஆசியாவும்

உங்கள் கட்சி ஆட்சிக்கு வந்த சமயத்தில், அமெரிக்கஜனாதிபதி டிரம்புடன் மிகவும் நெருக்கமான உறவினைவைத்திருந்ததுபோல் தெரிகிறது.
ஆனால் சமீபமாதங்களில், இதில் இந்தியா அடக்கி வாசிப்பதுபோலவும், சீனாவுடனும் ரஷ்யாவுடனும் நல்லிணக்கத்தை ஏற்படுத்தமுயற்சிப்பது போலவும் தோன்றுகிறது.

டிரம்பின் கொள்கைகள் இப்பிராந்தியத்தில், குறிப்பாக ஈரான், சவூதி அரேபியா, இஸ்ரேல் மற்றும் பாலஸ்தீனம் தொடர்பாகப்பெரிய அளவில் ஸ்திரமின்மையையும் வன்முறையையும்ஏற்படுத்தும் என்றும், இந்தியாவின் எரிசக்தி பாதுகாப்பை மட்டுமல்ல, தெற்காசியாவில் பணியாற்றும் பல லட்சக்கணக்கான இந்தியத் தொழிலாளர்களையும் பாதித்திடும்என்பதாலும் நீங்கள் சங்கடத்திற்கு உள்ளாகியிருக்கிறீர்களா?

14 .கல்வித் தகுதி?

முதலில் நீங்கள் தில்லிப் பல்கலைக்கழகத்திலிருந்து தொலைதூரக் கல்வி மூலமாக பெற்ற பி.ஏ. பட்டம் குறித்துப் பேசினீர்கள்.
குஜராத் முதலமைச்சராவதற்கு முன்பு, 2000இல் நடைபெற்ற ஒரு நேர்காணலில் எம்.ஏ.குறித்தும் பேசினீர்கள். பின் ஏன், நீங்களோ அல்லது உங்கள் அரசாங்கமோ தில்லிப் பல்கலைக் கழகத்திலிருந்து நீங்கள் பெற்ற ஒரிஜினல் ஆவணங்களை வெளியிடத் தயங்குகிறீர்கள்.


இதுதொடர்பாக எழுந்துள்ள கருத்துவேறுபாடுகளை நீங்கள் தில்லிப் பல்கலைக் கழகத்தையும், குஜராத் பல்கலைக்கழகத்தையும் உடனடியாகக் கேட்டுக்கொள்வதன்மூலம் உங்களின் பட்டம் குறித்த விவரங்களை பொதுமக்களுக்குத் தெரியப்படுத்துவதன் மூலம், சரி செய்திருக்க முடியாதா?
 ஏன் இதை நீங்கள் செய்யவில்லை?

15. தரம் தாழ்ந்த பேச்சுக்கள்

நீங்கள் சமீபத்தில் சோனியா காந்தியை விளிக்கும்போது, ‘‘காங்கிரஸ் விதவை’’ என்று குறிப்பிட்டீர்கள்.

இப்போது உங்களுக்குப் போட்டியாக இருந்துவரும் சோனியா மற்றும் ராகுல் காந்தியை மட்டுமல்ல, முன்புஆட்சி செய்த ராஜீவ், இந்திரா காந்தி மற்றும் ஜவஹர்லால் நேருவைக் கூட தாக்கி இருக்கிறீர்கள்.

பாஜகவின் செய்தித்தொடர்பாளர்களில் ஒருவர், நேருவை, ‘‘இந்துஸ்தானின் கொள்ளைக்காரன்’’  என்றுகூட விளித்தார். சசி தரூர் மணம் செய்திட முடிவு செய்திருந்த பெண்ணைக் குறித்து, நீங்கள்ஒருமுறை, ‘‘50 கோடிக்கான பெண் நண்பர்’’ என்று கூட அழைத்தீர்கள்.
 நீங்களும் உங்கள் கட்சியைச் சேர்ந்தவர்களும் இப்படித்தான் பேசிக்கொண்டிருப்பீர்களா?
 நீங்கள் ஏற்றுள்ள பிரதமர் பதவியின் கண்ணியத்தை இது காப்பாற்றுமா?
உங்களுடையஅதிகாரப்பூர்வ டுவிட்டர் பக்கத்தில் உங்களைப் பின்பற்றும் சிலர் மிகவும் பழிதூற்றுகிற, மதவெறியுடன் கூடிய, பெண்களுக்கு எதிரான சொற்களை உதிர்க்கிறார்களே, இது போன்றவர்களை நீங்கள் ஏன் பின்தொடர்கிறீர்கள்?

நன்றி: தி ஒயர் இணைய இதழ்
தமிழில்: ச.வீரமணி

====================================================
ன்று,
டிசம்பர்-29.

தாமஸ் ஆல்வா எடிசன் வானொலிக்கான காப்புரிமம் பெற்றார்(1891)


மங்கோலியா, கிங் வம்சத்திடம் இருந்து விடுதலை பெற்றது(1911)


ஐரிய  நாடு அயர்லாந்து குடியரசு எனப் பெயரை மாற்றியது(1937)


 உலகின் மிகப் பெரிய செப்பினாலான புத்தர் சிலை ஹாங்காங்கில் அமைக்கப்பட்டது(1993)

====================================================
"மீண்டும் சோவியத்நாடு வேண்டும்’
ரஷ்யாவில் பெரும்பாலான மக்கள் மீண்டும் முந்தைய சோசலிச சோவியத் அமைப்பு வரவேண்டும் என்று விருப்பம் தெரிவித்துள்ளனர். அதாவது, 66 சதவீத மக்கள் இவ்வாறு கருத்துத் தெரிவித்துள்ளனர். 

சோசலிச சோவியத் அமைப்பைக் கலைத்துவிட்டது குறித்துத் தாங்கள் கவலைப்படுவதாகவும் அவர்கள் கூறுகின்றனர்
. ‘லாவதா சென்டர்’ என்றசுயேச்சையான அமைப்பு நடத்திய கருத்துக் கணிப்பில் இது தெரிய வந்துள்ளது.

அதிகாரத்தில் உள்ள ஜனாதிபதி புடின் அரசு தொழிலாளர்களுக்கு எதிரான ஆட்சியே நடத்துகிறது.

இந்த அரசு வறுமையில் வாடும் மக்களை மேலும் அதிக வறுமையில்தான் தள்ளுகிறது. 
முதலாளிகளை மேலும்மேலும் வளர்க்கிறது. 


தொழிலாளர் களின் குடும்ப வருமானம் குறைந்து கொண்டே போகிறது என்றும் அந்த ஆய்வில் மக்கள் கருத்துத் தெரி வித்துள்ளனர்.

 சோவியத்நாடு பெற்ற சமூக சாதனைகளெல்லாம் இப்போது இல்லை என்று அதிருப்தி தெரி விக்கின்றனர்.

1991 டிசம்பர் 25-இல்தான் சோவியத்நாடு என்ற சோசலிச அமைப்பைக் கலைத்துவிட்டதாக அன்றைய ஜனாதிபதி கோர்ப்பசேவ் அறிவித்தார்.

 ரஷ்ய மக்களிடம் கடந்த ஆண்டு நடத்திய கருத்துக் கணிப்பு ஆய்வில் சோவியத் அமைப்பைக் கலைத்துவிட்டதை எதிர்த்து 58 சதவீதம் மக்கள் கருத்துத் தெரிவித்திருந்த னர்.
 இவ்வாண்டு தற்போதைய கரு த்துக் கணிப்பில் அது 66 சதவீதமாக அதிகரித்துள்ளது.
-------------------------------------------------------------------------------------------------------------------------------------

வாஸ்துவே சரணம்.
டில்லியில் புதிதாக கட்டப்பட்ட அலுவலகமே, சமீபத்திய தோல்விகள் அத்தனைக்கும் காரணம் என்று பாஜக-வினர் காரணம் கண்டுபிடித்துள்ளனர்.
தில்லியில் புதிதாக திறக்கப்பட்ட அலுவலகத்தில் வாஸ்து சரியில்லை என்று கூறும் அவர்கள், மீண்டும் பழைய அலுவலகத்திற்கே சென்றுவிடலாம் என்று கூறத் துவங்கியுள்ளனர். பாஜக தலைமையும் இதுதொடர்பாக தீவிர யோசனையில் இறங்கியிருப்பதாக செய்திகள் வெளியாகி இருக்கின்றன.

பாஜக-வின் தலைமை அலுவலகம் தில்லியின் மையப்பகுதியான ‘எண் 11, அசோகா சாலை’யில் கடந்த 10 ஆண்டுகளுக்கும் மேலாக இயங்கி வந்தது.

இந்நிலையில், மோடி ஆட்சிக்கு வந்ததற்குப் பின், இந்த இடத்திலிருந்து ஐந்து கி.மீ. தொலைவில் உள்ள தீன்தயாள் உபாத்யாய் மார்க்கில் கடந்த பிப்ரவரி 19-ஆம் தேதி பாஜக தனது புதிய தலைமை அலுவலகத்தை திறந்தது.
அமித்ஷாவால் அடிக்கல் நாட்டப்பட்டு, பிரதமர் மோடி திறந்து வைத்த அலுவலகம் இது.

 1100 கோடி ரூபாய் செலவில், 2 ஏக்கர் பரப்பளவில் 1 லட்சத்து 70 ஆயிரம் சதுர அடியில், அதி நவீன வசதிகளுடன் 4 மாடிகள், 70 அறைகளைக் கொண்டதாக இந்த அலுவலகம் கட்டப்பட்டுள்ளது 

இவ்வளவு பெரிய, அதி நவீன அலுவலகம், உலகிலேயே வேறெந்த கட்சிக்கும் இல்லை என்றெல்லாம் அலுவலகத் திறப்பு விழாவின்போது பாஜக-வினர் பெருமை பேசினர்.ஆனால் இந்த அலுவலகத்திற்கு மாறியபின்புதான், தங்களுக்கு சோதனைகள் ஆரம்பித்ததாக பாஜக-வினர் கூறுகின்றனர்.

இந்தக் காலத்தில்தான், சிவசேனாவுடன் மோதல் துவங்கியது. கர்நாடகாவில், தோல்வி கிடைத்தது.

தெலுங்கு தேசம் கட்சி, ராஷ்ட்ரிய லோக் சமதா கட்சி ஆகியவை கூட்டணியிலிருந்து விலகின.
 கோரக்பூர், பூல்பூர் துவங்கி கைரானா வரைக்கும் நாடாளுமன்ற இடைத்தேர்தல்களிலும், அண்மையில் நடைப்பெற்ற 5 மாநிலத் தேர்தல்களிலும் பாஜக தோற்றது.

 பாஜக கோட்டைகளான சத்தீஸ்கர், ராஜஸ்தான், மத்தியப்பிரதேச மாநிலங்களிலேயே அக்கட்சி மண்ணைக் கவ்வியது. எல்லாவற்றுக்கும் மேலாக எதிர்க்கட்சிகள் ஒன்று சேர்ந்து இருக்கின்றன.
அதிலும் குறிப்பாக, ‘பப்பு’ என்றுகூறப்பட்ட ராகுல் காந்தி பெரிய அளவில் புகழடைந்து இருக்கிறார் என்பதையெல்லாம் பாஜகவினர் இணைத்துக் காட்டுகின்றனர்.

அந்த வகையில், தங்களின் தோல்விக்கு, தாங்கள் நடத்திய மக்கள் விரோத ஆட்சிதான் காரணம் என்பதை புரிந்துகொள்ளாத அவர்கள், புதிய அலுவலகத்தில் வாஸ்து பிரச்சனை இருப்பதே தொடர் தோல்விகளுக்கு காரணம் என்று கூறி வருகின்றனர்.

மேலும், இந்த புதிய அலுவல கத்தில் இருந்தவாறே 2019 நாடாளுமன்றத் தேர்தலை எதிர்கொண்டால், தோல்வி நிச்சயம் என்ற பீதிக்கு உள்ளாகியிருக்கும் அவர்கள், அசோகா சாலையில் இருக்கும் பழைய கட்டடத்திற்கே தலைமையகத்தை மாற்ற வேண்டும் என்றும் வலியுறுத்தத் துவங்கியுள்ளனர்.

எதிலும் மூடநம்பிக்கைகள் மிகுந்த பாஜகவினர் வாஸ்து எல்லாமே பார்க்கமலா இக்கட்டிடத்தைக்கட்டியிருப்பார்கள்.
பலி கூட கொடுக்கப்பட்டதாக செய்திகள் உள்ளன.

கட்டிடத்தை மாற்றுவார்களேத்தவிர பாஜகவினரும்,மோடியும் தங்கள் மக்கள் விரோத ஆட்சிக்கு கொள்கைகளை மாற்றுவதாகத்தெரியவில்லை.
தோல்விக்கு அதுதான் காரணம் என்பதை கூட உணரமுடியாத அறிவார் குழுதான் ஆர்.எஸ்.எஸ்.வழிகாட்டல் குழுவா?

-------------------------------------------------------------------------------------------------------------------------------------

வெள்ளி, 28 டிசம்பர், 2018

ஊழலுக்கு அர்த்தம் தெரியாத ..., .?

 கூட்டணி கட்சிகளின் கைப்பிடிக்குள் ...
எப்போதும் பாஜகவையும்,மோடியையும் பற்றியே செய்திகள் தருவது எங்களுக்கே சலிப்பாகத்தான் இருக்கிறது.
அதை படிக்கும் நீங்களும் வெறுப்பில்தான் இருப்பீர்கள்.
ஆனால் இன்று இந்தியா முழுக்க காவியாக்கும் முயற்சியில் மோடி செயல்பட்டால் கூட அவர்கள் கொள்கையே இந்துத்துவாதான் என்று பொறுத்துக்கொள்ளலாம் .
ஆனால் மோடி எடுக்கும் ஒவ்வொரு நடவடிக்கையம் போடும் ஒவ்வொரு சட்டங்களும்  ஓட்ட மொத்த இந்தியாவையும் இந்துக்கள் உடன்பட அணைத்து மக்களையும் பாதிக்கும்,சிக்கலில் வாழ்க்கையை மாற்றிவிடும் ,ஏழைகளாக்கும் ,கொடுமைப்படுத்தும் விதமாகவே உள்ளதுதான் கொடுமையாக இருக்கிறது.

பெருவாரியாக வாக்களித்த மக்கள் நலனை முற்றிலும் ஒதுக்கி விட்டு மதவெறியை மட்டம் தூண்டிவிட்டு கார்ப்பரேட்கள் ,அம்பானிகள்,மோடிகள் ,அதானிகள் போன்ற பெரும் பணக்காரர்களுக்கு மட்டுமே நலன்களை குறிவைத்து பாஜக,மோடி பணியாற்றுவது ,ஆட்சி செய்வதுதான் நரேந்திர மோடி நிர்வாக,பொருளாதாரக் கொள்கையாக ள்ளது.

நம் தமிழ்நாட்டை பின்வாசல் வழியே ஆட்சி செய்வது பாஜக தான் என்பது உலகமே அறிந்த உண்மை.
ஆனால் தங்களின் சர்வாதிகார போக்கினால் இந்தியாவின் அணைத்து மாநிலங்களையம் ஆக்டொபஸாக இறுக்கிவைத்துள்ளது.தான் ஆளாத மாநிலங்களுக்கு முடிந்த அளவு சிக்கல்களை தொடர்ந்து கொடுத்துவருகிறது.
அதற்கு நல்ல உதாரணம் கேரளா.

பாரதிய ஜனதா கட்சி தங்கள் கூட்டாளிகளை இரு வகையில் மட்டுமே பார்த்திருந்து. ஒன்று தேசிய ஜனநாயக கூட்டணிக்கு அதிக இடங்களைக் கொண்டு வருபவர்கள்.
இன்னொன்று, இந்திய அரசியலின் மையமாக பாஜகவை நிறுத்தும் முயற்சிகளை வலுப்படுத்துபவர்கள்.

மத்தியபிரதேசம், சத்தீஸ்கர் மற்றும் ராஜஸ்தான் ஆகிய மூன்று முக்கிய இந்தி பேசும் மாநிலங்களில் சட்டமன்றத் தேர்தல் நடந்தபின், தன் கூட்டணிக் கட்சிகளை பாஜக நடத்தும் விதம் பெரிய மாற்றத்தைச் சந்தித்துள்ளது.

பிரதமர் நரேந்திர மோடி மற்றும் பாஜக தலைவர் அமித் ஷா ஆகியோர், தங்களை பழைய நிலையை மாற்றி கூட்டணி யுகத்துக்கு தயாராகி வருகின்றனர்.

என்ன ஆனாலும் 2019 மக்களவைத் தேர்தலில் பாஜக தோற்கவே வாய்ப்பில்லை என்று இருந்த அவர்கள்,இருந்த அவர்கள், கூட்டணிக் கட்சிகள் மீது அவர்கள் மென்மையான அணுகுமுறையைக் கையாளவில்லை.

2014 மக்களவைத் தேர்தலில் கிடைத்த மாபெரும் வெற்றி மற்றும் சட்டமன்றத் தேர்தல்களில் கிடைத்த தொடர் வெற்றிகள்  நரேந்திர மோடி மையமாக வைத்து இயங்கும் அரசியல் நடவடிக்கைகள் போதும் என பாஜகவை எண்ண வைத்தன. கூட்டணிக் கட்சிகளின் அதிருப்தி அப்போது பாஜகவுக்கு பெரும் பொருட்டாக இல்லை.


வரவுள்ள மக்களவைத் தேர்தலில் பாஜகவுக்கு வேறு வழியில்லாத வகையில் அதிகமான மக்களவைத் தொகுதிகளைக் கேட்கிறார்கள் என்பதற்காக கூட்டணிக் கட்சிகளை இழப்பது பாஜகவுக்கு மேலும் பலவீனமாகவே அமையும் என்பதை மோடி  - ஷா கூட்டணி உணர்ந்துள்ளது.

மாநில வாரியாக காங்கிரஸ் கூட்டணி அமைத்து வரும் சூழலில், பாஜவுக்கு தேர்தலுக்கு முந்தைய கூட்டணி மட்டுமல்லாது தேர்தலுக்கு பிந்தைய கூட்டணியும் தேவை.
சிவசேனா தலைவர் உத்தவ் தாக்ரே தனியாகவே தேர்தலைச் சிந்திப்போம் என்று கூறினாலும், அமித் ஷா பாஜக - சிவசேனா கூட்டணி ஒன்றாகவே தேர்தலைச் சந்திக்கும் என்றே கூறுவார்.

பீஹாரை சேர்ந்த லோக் ஜனசக்தி கட்சியின் வலிமை, அக்கட்சித் தலைவர்கள் கூறுவதைவிட களத்தில் குறைவாக இருந்தாலும், அக்கட்சியின் பெரிய கோரிக்கைகளுக்கு பாஜக செவிமடுக்க வேண்டிய அவசியம் உள்ளது.
சமீபத்தில் தெலுங்கு தேசம் கட்சியின் சந்திரபாபு நாயுடு, ராஷ்ட்ரிய லோக் சமதா கட்சியின் உபேந்திர குஷ்வாஹா ஆகியோர் தேசிய ஜனநாயக கூட்டணியை விட்டு வெளியேறியதைப் போல சிவசேனாவும் பிரிந்து செல்வதை பாஜக விரும்பாது.


பீஹாரில் ஐக்கிய ஜனதா தளத்துடன் 17 தொகுதிகள் வீதம் தொகுதிப் பங்கீடு செய்துள்ள போதிலும், லோக் ஜனசக்தி கட்சிக்கு ஆறு தொகுதிகளை பாஜக வழங்கியுள்ளது.

அக்கட்சித் தலைவர் ராம் விலாஸ் பஸ்வானுக்கு அஸ்ஸாமில் இருந்து மாநிலங்களை உறுப்பினர் பதவியும் வழங்கப்படலாம் என்று தெரிகிறது.

2014இல் பீஹாரில் 30 தொகுதிகளில் போட்டியிட்டு 22 தொகுதிகளில் வென்றது.நிதிஷ் குமாருடன் மீண்டும் கூட்டணி அமைத்தபின் இப்போது 17 தொகுதிகளில் மட்டுமே போட்டியிடுகிறது.

அங்கு கூட்டாளியாக இருந்த உபேந்திர குஷ்வாஹாவின் கட்சி காங்கிரஸ் - ராஷ்ட்ரிய ஜனதா தளத்துடன் இருப்பதாய் சௌகரியமாகக் கருதுகிறது.
கடுமையாக நடந்துகொள்ளாதவரை மோடி - அமித் ஷா ஆகியோரிடம் எதையும் சாதிக்க முடியாது என்பதை பாஜகவின் கூட்டணைக் கட்சிகள் உணர்ந்துள்ளன.

உத்தரப் பிரதேசத்தின் சிறிய கூட்டாளியாக இருக்கும் அப்னா தள் கட்சி பாஜக தங்களுக்கு போதிய மரியாதை கிடைக்கவில்லை என கருதுகிறது. அக்கட்சியின் தலைவர் ஆஷிஷ் படேலின் மனைவி அனுப்பிரியா படேல் மத்திய இணையமைச்சராக உள்ளார்.

சுகாதார மற்றும் குடும்பநலத் துறை இணை அமைச்சராக உள்ள அவர் சமீபத்தில் நடந்த சில மருத்துவக் கல்லூரிகளின் திறப்பு விழாவுக்குத் தாம் அழைக்கப்படவில்லை என்றார். "சிறிய கட்சிகளான நாங்களும் கொஞ்சம் மரியாதையை எதிர்பார்க்கிறோம்," என்கிறார் ஆஷிஷ் படேல்.

2014இல் மூன்று தொகுதிகளில் போட்டியிட்ட அக்கட்சி இப்போது பாஜகவிடம் நான்கு தொகுதிகளைக் கேட்கிறது.
உத்தரப்பிரதேசத்தில் மாநில அரசில் அங்கம் வகிக்கும் சுகல்தேவ் பாரதிய சமாஜ் கட்சியின் தலைவர் ஓம் பிரகாஷ் ராஜ்பர் மத்தியில் மற்றும் மாநிலத்தில் உள்ள பாஜக அரசுகளை விமர்சித்து வருகிறார். அவர் உத்திரப்பிரதேச மாநில அமைச்சரவையில் அங்கம் வகிக்கிறார் என்பது குறிப்பிடத்தக்கது.

இப்போது பாஜகவிற்கு மிகப்பெரிய சவாலாக இருப்பது சிவசேனா கட்சிதான். தங்கள் தேர்தல் சின்னமான புலியைப் போலவே உறுமுகிறது சிவசேனா.
அதன் நோக்கம் அதிக மக்களவை இடங்களைப் பெறுவது.


சரத் பவாரின் தேசியவாத காங்கிரஸ் மற்றும் காங்கிரஸ் கட்சிகள் மகாராஷ்டிராவில் கூட்டணி அமைத்தால் சிவசேனாவுக்கு தங்களுடன் கூட்டணி அமைப்பதைவிட வேறு வழி இல்லை என்று பாஜக நினைக்கிறது.

தேர்தலுக்கு முந்தைய கூட்டணி அமைப்பது தொடர்பாக சிவசேனா இன்னும் முடிவெடுக்கவில்லை என்கின்றனர் பாஜவினர் சிலர்.

ஆனால், சிவசேனாவின் கணக்கு வேறு. 2019 நவம்பரில் மகாராஷ்டிராவில் சட்டமன்றத் தேர்தல் வருகிறது. அப்போது சில தரப்பினரிடையே பாஜகவுக்கு எதிராக உள்ள மனநிலையில் இருந்து தங்கள் கட்சி நாடாளுமன்ற உறுப்பினர்களை பாதுகாத்துக்கொள்ள அக்கட்சி விரும்புகிறது.

நாடாளுமன்றத் தேர்தல் சமயத்திலேயே சட்டமன்றத் தேர்தலையும் எதிர்கொள்ள மகாராஷ்டிர முதலமைச்சர் தேவேந்திர பட்நாவிஸ் ஒருவேளை முடிவு செய்யலாம்.

கூட்டணிக் கட்சிகளின் அழுத்தத்துக்கு செவிமடுக்கும் நிலை வந்தால் பாஜக அமித் ஷாவின் அடாவடி ,குதிரை பேர அரசியலை   மட்டுமே நம்பியிருக்க முடியாது.

அருண் ஜேட்லி போன்றவர்கள் இன்னும் பெரும் பங்காற்றுவார்கள்.

அருண் ஜேட்லி ஏற்கனவே மத்திய அமைச்சரவையில் நிதிஷ் குமாருடன் பணியாற்றியுள்ளார்.
 அமித் ஷாவும் நிதிஷ் குமாருடன் தனது உறவை மேம்படுத்தி வருகிறார்.

ஒருவேளை கடந்த தேர்தலைவிட குறைவான இடங்களில் வென்று  பாஜகவின்  கூட்டணிக் கட்சிகள் தயவிதான் பெரும்பான்மை என்று அவைகள் முடிவெடுக்கும் அதிகாரம் மிக்கவையாக உருவெடுத்தாலும் பாஜகவுக்கு வேறு வழியில்லா நிலைதான் உருவாகும்.அது சென்ற வாஜ்பாய் ஆட்சிக்காலத்துக்குத்தான் அவர்களை விட்டு செல்லும்.

நல்ல வேளை ஜெயலலிதா உயிருடன் இல்லை.அவரின் அப்போதைய வழிகாட்டல்களைப்பற்றி சொல்ல வாஜ்பாயும் இல்லை.
------------------------------------------------------------------------------------------------------------------------------------
ஊழலுக்கு அர்த்தம் தெரியாத பாஜக .?
அமைச்சர்களின் லஞ்ச பேரம் அம்பலம்!
உத்தரப்பிரதேச பாஜக அமைச்சர்களின் உதவியாளர்கள் 3 பேர், பகிரங்கமாக லஞ்சம் கேட்டு பேரம்பேசும் வீடியோஊடகங்களில் வெளியாகி பரபரப்பை ஏற்படுத்தியுள்ளது.

உத்தரப்பிரதேச மாநில அமைச்சரவையில், சுரங்கம், கலால் மற்றும் மதுவிலக்குத்துறை அமைச்சராக இருப்பவர் அர்ச்சனா பாண்டே. இதேபோல பிற்படுத்தப்பட்டோர் நலத்துறை அமைச்சராக ஓம் பிரகாஷ் ராஜ்பர், கல்வித்துறை அமைச்சராக சந்தீப் சிங் ஆகியோர் உள்ளனர்.
இந்த 3 அமைச்சர்களின் உதவியாளர்களும், தத்தமது துறைசார்ந்த காண்ட் ராக்டர்களிடம் லஞ்சம் கேட்டு பேரம் பேசியுள்ளனர்.பள்ளி மாணவ - மாணவியருக்கான புத்தகம் அச்சிடும் பணிக்கான காண்ட்ராக்ட்டில் தங்களுக்குரிய பங்கு வந்துவிட வேண்டும் என்று கல்வித்துறை அமைச்சர் சந்தீப் சிங்கின் உதவியாளர் சந்தோஷ் அவதி, காண்ட்ராக்டர் ஒருவரிடம் பேரம் பேசியுள்ளார்.

ஷஹரான்பூர் சுரங்க ஒப்பந்தம் உட்பட 12 மாவட்டங்களுக்கான சுரங்கஒப்பந்தங்கள் தொடர்பாக, அமைச்சர்அர்ச்சனா பாண்டேவின் உதவியாளர் எஸ்.பி. திரிபாதி லஞ்சம் கேட்டுள்ளார்.
இடமாறுதல் உள்ளிட்ட விஷயங்களுக் காக ஓம் பிரகாஷ் ராஜ்பரின் உதவியாளர்ஓம் பிரகாஷ் காஷ்யப்பும் ரூ. 40 லட்சம்லஞ்சம் கேட்டுள்ளார். 3 பேரும் லக்னோவில் உத்தரப்பிரதேச அரசின் தலைமைச் செயலகத்தில் இருந்துகொண்டே, இந்த லஞ்ச பேரத்தை நடத்தியுள்ளனர்.


இதுதொடர்பான வீடியோதான் தற்போது வெளியாகியுள்ளது. தனியார்செய்தி ஊடகமான ஏபிபி இந்த வீடியோவை வெளியிட்டுள்ளது.

லஞ்ச பேர விவகாரத்தில் சிக்கியிருப்பவர்களில் 2 பேர் பாஜக அமைச்சர்களின் உதவியாளர்கள். ஒருவர் சுகல்தேவ் பாரதிய சமாஜ் கட்சி அமைச்சரின் உதவியாளர்.

ஆதித்யநாத் தலைமையிலான பாஜக ஆட்சியில் ஊழல் அதிகரித்து விட்டதாக கடந்த ஜனவரி மாதமே குற்றச்சாட்டு எழுந்தது.
 “சமாஜ்வாதி மற்றும் பகுஜன் சமாஜ் கட்சியின் ஆட்சியோடு ஒப்பிடும்போது இப்போது பாஜக ஆட்சியின் கீழ் ஊழல் அதிகரித்துதான் உள்ளது” என்று பகிரங்கமாக கூறப் பட்டது.
இந்த புகாரை வைத்தவரே, சுகல்தேவ் பாரதிய சமாஜ் கட்சியின் தலைவர் ஓம் பிரகாஷ் ராஜ்பர். தற்போது அவருமே லஞ்ச பேரத்தில் சிக்கியிருக்கிறார். பாஜக கூட்டணியில் இருக்கும் தங்களை உத்தரப்பிரதேச முதல்வர் ஆதித்யநாத் மதிப்பதில்லை என்று ராஜ்பர், கடந்த11 மாதங்களுக்கு முன்பு குறிப்பிட்டிருந்தார்.

 ஆனால், தற்போதைய அவரின்லஞ்ச பேரத்தை வைத்துப் பார்க்கும்போது, அடித்த கொள்ளையில் தங்களுக்குரிய பங்கை ஆதித்யநாத் அரசு சரியாக பிரித்துக் கொடுக்கவில்லை என்ற கோபத்திலேயே அப்போது அவர்பேசியது போல தெரிகிறது.
தற்போது பாஜக அமைச்சர்களுடன், சுகல்தேவ் பாரதிய சமாஜ் கட்சித் தலைவரும், கூட்டுக் கொள்ளையில் ஈடுபட்டு மாட்டிக்கொண்டுள்ளார்.

பாஜக அமைச்சர்களின் உதவியாளர்கள் லஞ்ச பேரத்தில் ஈடுபட்ட சம்பவம், உத்தரப்பிரதேசத்தில் பரபரப்பை ஏற்படுத்தியுள்ளது.
 மக்களவைத் தேர்தல் நெருங்கும் நேரத்தில் இப்படியொரு சிக்கலில் மாட்டியது பாஜக தலைமையை பதற்றம் அடைய வைத்துள் ளது.
அமைச்சர்களின் லஞ்ச விவகாரம் தொடர்பாக விசாரணை நடத்த வேண் டும் என்று எதிர்க்கட்சிகள் கோரிக்கை விடுத்துள்ளன.

====================================================
ன்று,
டிசம்பர்-28.
லண்டனில் வெஸ்ட்மின்ஸ்ட் தேவாலயம் திறக்கப்பட்டது(1065)
கலிலியோ கலிலி, நெப்டியக்ஷன் கோளைக் கண்டுபிடித்தார்(1612)
தெற்கு ஆஸ்திரேலியா, அடிலெய்ட் ஆகியன அமைக்கப்பட்டன(1836)
 இந்திய தேசிய காங்கிரஸ் துவங்கப்பட்டது (1885)
====================================================
 பிளிப்கார்ட் மற்றும் அமேசான் களுக்கு ஆப்பு ?
இந்தியாவில் ஆன்லைன் வர்த்தக நிறுவனங்களுக்கு பல்வேறு புதிய கட்டுப்பாடுகளை மத்திய அரசு விதித்துள்ளது.

 ப்ளிப்கார்ட் மற்றும் அமேசான் வலைத்தளங்களுக்கு எதிராக இந்திய ஆன்லைன் வர்த்தக கூட்டமைப்பு சார்பில் மத்திய வர்த்தக அமைச்சகத்தில் புகார் தெரிவிக்கப்பட்டது.

புகாரை விசாரித்த மத்திய வர்த்தக அமைச்சகம், ஆன்லைன் வர்த்தக நிறுவனங்களுக்கு புதிய கட்டுப்பாடுகளை விதித்துள்ளது.

அதன்படி எந்த ஒரு நிறுவனமும் தனது உற்பத்தி பொருளில் 25 சதவிகிதத்தை மட்டுமே ஆன்லைனில் விற்க வேண்டும். மற்றவற்றை வெளிச்சந்தைக்கு விட வேண்டும்.
குறிப்பிட்ட பொருள் இந்த ஆன்லைன் நிறுவனத்தில் மட்டும் தான் கிடைக்கும் என்று விளம்பரம் செய்யக் கூடாது.

அதுபோன்ற நிலையையும் உருவாக்கக் கூடாது.
எந்த ஒரு தயாரிப்பாக இருந்தாலும் எல்லா ஆன்லைன் நிறுவனங்களிலும் விற்பனை செய்ய வேண்டும்.

தள்ளுபடி விலைகளை அறிவிக்கும் போது, வாடிக்கையாளர்களுக்கு பாரபட்சம் காட்டக்கூடாது.

குறிப்பிட்ட நேரத்தில் மட்டுமே சலுகை என்பது போன்ற அறிவிப்புகளையும் வெளியிடக் கூடாது. இவ்வாறு விதிமுறைகள் வகுக்கப்பட்டுள்ளன.
இந்த கட்டுப்பாடு வருகிற பிப்ரவரி மாதம் முதல் அமலுக்கு வருகிறது.
--------------------------------------------------------------------------------------------------------------------------------------