பெருகும் வீக்கம்!
தொடர்ந்து சொதப்பல்.அமெரிக்க அதிபர் தேர்தல் போட்டியில் இருந்து பைடன் விலகல்.
இந்தியா முழுவதும் சீரற்ற முறையில் கொட்டும் மழை பணவீக்கத்தை கட்டுப்படுத்துவதை சவால் நிறைந்ததாக மாற்றிவிட்டது.
அத்தியாவசிய உணவுப் பொருட்களின் சில்லறை விலையேற்றம் கடந்த மாதம் மிக வேகமாக பதிவாகியது. ஐந்து மாதமாக இறங்கு முகமாக இருந்து வந்தது, கடந்த மே மாதத்தில் அதிகரிக்க தொடங்கியது. 28 புள்ளிகள் அதிகரித்து 4. 08 லிருந்து 5.08ஆகஉயர்ந்தது.
எதிர்பார்த்ததபோலவே உணவுப் பொருட்களின் விலை உயர்வு தான் இதற்கு காரணம்.
நுகர்வோர் உணவு விலை குறியீடு தரவுகளின் அடிப்படையில் உணவு விலை பணவீக்கம் ஜூன் மாதத்தில் 67 புள்ளிகள் அதிகரித்துள்ளது. அதாவது 9.36 % ஆக உயர்ந்தது கவலை அளிக்கிறது.
மேலும் கடந்த 11 மாதங்களில் அது உயர்ந்து கொண்டே சென்றது.இது மிக மோசமான விலையேற்றம் .உணவு விலை உயர்வதை துல்லியமாக கணிக்க முடியாத தன்மையைத்தான்( 3. 17 சதவீதம் அது உயர்ந்த போது)பணவியல் கொள்கை வகுப்பாளர்கள் (Monitory Policy Experts) வட்டி விகிதங்களை மாற்ற முடியாமல் போனதற்கு காரணமாக கூறி தப்பித்துக் கொள்கின்றனர்.
இந்திய பொருளாதாரம் உணவுப் பொருட்கள் விலையின் தாறுமாறான தன்மையால் கடுமையாக பாதிக்கப்பட்டுள்ளது என்று ரிசர்வ் வங்கியின் கடந்த மாதம் நிதி குழு கூட்டத்தில் துணை ஆளுநர் மைக்கேல் தேவப்பிரதா பத்ரா குறிப்பிட்டார்.
இதற்கு எதிராக நடவடிக்கை எடுக்கவும் தொடர்ந்து விழிப்போடு இருக்கவும் பணவீக்கத்தின் பிற கூறுகளையும் உன்னிப்பாக கவனித்து செயலாற்றினால் தான் முடியும்.
கூரையைப் பிய்த்துச் சென்ற விலை
நுகர்வோர் விலை குறியீட்டின் (சர்க்கரை, சுவையூட்டிகள் தவிர) எட்டு துணை பிரிவுகள் கடந்த எட்டு மாதமாக தொடர்ந்து விலை உயர்வை பதிவு செய்து வருவதை உணவு விலை தரவுகள் காட்டுகின்றன.
உணவுப் பொருட்களின் விலையேற்றம் குறித்த தரவுகள் ஆறுதலை தரவில்லை.நுகர்வோர் விவகாரங்கள் துறையின் (Consumer Affairs Price Monitoring Division) விலை கண்காணிப்பு பிரிவின் இணைய தளம் உருளை, வெங்காயம் ஆகியவற்றின் விலை ஜூலை 15 வரை தாறுமாறாக உயர்ந்து வந்ததை கண்ணில் நீர் வரவழைத்துள்ளது என குறிப்பிட்டுள்ளது.
இரண்டின் விலை ஏற்றமும் கடந்த ஆண்டை விட முறையே 56 % மற்றும் 67% கூடுதலாக இருந்தது. தக்காளியின் விலை 12 மாதங்களுடன் ஒப்பிடும்பொழுது 43 சதவீதம் குறைந்தாலும் கடந்த ஜூன் ‘23 அளவோடு ஒப்பிடுகையில் 76 % அதிகரித்துள்ளது.
உணவுத் தொகுப்பின் மிகப்பெரிய அங்கமான தானியங்கள் மற்றும் அரிசி, கோதுமையின் விலை கடந்த ஆண்டுடன் ஒப்பிடுகையில் முறையே 10% மற்றும் 6 % அதிகரித்துள்ளது.
இது மேலும் உயரும் என்று எதிர்பார்க்கப்படுகிறது.
இந்திய வானியல் ஆய்வுத்துறை ஜூலை 14 ஆம் தேதி நிலவரப்படி ஜூன் 1 முதல் நாடு தழுவிய அளவில் பதிவான மழைப்பொழிவில் 2 சதவீதம் பற்றாக்குறை தான் என சுட்டிக்காட்டி உள்ளது.
36 வானிலை துணைப் பிரிவுகளில் 11 இல் பற்றாக்குறை என வகைப்படுத்தப்பட்டுள்ளது.
பஞ்சாப் போன்ற உணவு உற்பத்தி பகுதிகளில் மழை பற்றாக்குறை ஆக இருப்பது பண வீக்கத்தின் வேகத்தை குறைக்க முடியவில்லை.
இதனால் கொள்கை வகுப்பாளர்கள் அதாவது மோடி கூட்டணி அரசு இதற்கு எதிராக நடவடிக்கை எடுக்க முடியாமல் திணறி வருகிறது.
தி இந்து தலையங்கம் 17/7/24தமிழில்
பழனிசாமி - அண்ணாமலை
பகுஜன் சமாஜ் கட்சியின் தமிழ்நாடு தலைவர் ஆம்ஸ்ட்ராங் கொலை செய்யப்பட்டார். சம்பவம் நடந்த மூன்று மணி நேரத்துக்குள் முக்கியக் குற்றவாளிகள் எட்டுப் பேரை தமிழ்நாடு காவல் துறை கைது செய்தது. ஆனால் பழனிசாமியும், அண்ணாமலையும் என்னமாய் குதித்தார்கள்?
‘கைது செய்யப்பட்டவர்கள் உண்மையான குற்றவாளிகள் அல்ல’ என்று ஜோசியம் சொன்னார் பழனிசாமி. சி.பி.ஐ. விசாரித்தால்தான் உண்மை வெளியில் வரும் என்றார் அண்ணாமலை.
இப்போது என்ன நடந்திருக்கிறது? ஆம்ஸ்ட்ராங் கொலை வழக்கில்
அ.தி.மு.க. பிரமுகர் கைதாகி இருக்கிறார். பா.ஜ.க. பிரமுகரை காவல்துறை தேடிக் கொண்டு இருக்கிறது. இவர்களைக் கைது செய்யாததால்தான், ‘உண்மைக் குற்றவாளிகள் இன்னமும் கைது செய்யப்படவில்லை’ என்று சொன்னாரா பழனிசாமி?
மலர்க்கொடி சேகர் கைதானதும், நாட்டு மக்களிடம் பழனிசாமி பகிரங்க மன்னிப்பு கேட்டிருக்க வேண்டாமா? மானஸ்தனாக இருந்தால் கேட்பார். மலர்க்கொடி சேகரை கட்சியை விட்டு நீக்கியதாக ஒரு அறிக்கையை வெளியிட்டு மவுனமாகி விட்டார் பழனிசாமி.
ஆம்ஸ்ட்ராங் கொலை வழக்கில் அஞ்சலை என்பவரை காவல்துறை தேடிக் கொண்டு இருக்கிறது. பா.ஜ.க.வில் வடசென்னை மேற்கு மாவட்டத் துணைத் தலைவராக இருக்கிறார்.
அஞ்சலையைத் தேடுகிறார்கள் என்றதும், அவரைக் கட்சியை விட்டு நீக்கி இருக்கிறார் பா.ஜ.க. மாநிலத் தலைவர் அண்ணாமலை. ஜூலை 5 ஆம் தேதி ஆம்ஸ்ட்ராங் கொலை செய்யப்பட்டார். மறுநாளில் இருந்தே அஞ்சலையின் பெயர் ஊடகங்களில் வரத் தொடங்கி விட்டது.
ஆனால் அஞ்சலையை நீக்கவில்லை அண்ணாமலை. மலர்க்கொடி சேகரை பழனிசாமி நீக்கியதும், ஜூலை 16 ஆம் தேதி நீக்கி இருக்கிறார் அண்ணாமலை.
அஞ்சலையின் குற்றப்பின்னணி அண்ணாமலைக்கு இப்போதுதான் தெரிய வந்ததா?
‘புளியந்தோப்பு நரசிம்மன் நகர் 5ஆவது தெருவைச் சேர்ந்த ரவுடியும், கஞ்சா வியாபாரியுமான அஞ்சலை, காவல் துறையின்
‘பி’ வரிசையில் இடம் பெற்றுள்ளார்’ என்று ‘தினமணி’ எழுதுகிறது. இது இதுவரை ‘மாஜி’ சிரிப்பு போலீஸ் அண்ணாமலைக்குத் தெரியாதா?
அஞ்சலைகளுக்கு தலைவராக இருக்கத் தகுதி படைத்தவர்தானே அவர்!நாடாளுமன்றத் தேர்தல் பரப்புரையின் போது மாண்புமிகு முதலமைச்சர் அவர்கள், பா.ஜ.க.வில் இருக்கும் குற்றப்பின்னணி ஆட்களைப் பற்றி முழுத் தகவலையும் சொன்னார்.
அதற்கு இதுவரை அண்ணாமலை பதில் அளித்துள்ளாரா?
“என் கையில் ஒரு பட்டியல் இருக்கிறது… நான் ஆதாரத்துடன்தான் பேசுவேன். ஏனென்றால் நான் தலைவர் கலைஞரின் மகன். இதில் இருக்கும் பெயர்ப் பட்டியல் ஏதோ தேசத் தலைவர்களோ… சமூக சேவகர்களோ இல்லை…
எல்லோரும் சட்டம்–ஒழுங்கைக் கெடுக்கும் ரவுடிகள்!
சரித்திரப் பதிவேடு (History Sheet) குற்றவாளிகள்!
ஆனால் இந்தப் பட்டியலில் இருப்பவர்கள் எல்லாம், இப்போது எங்கு இருக்கிறார்கள் தெரியுமா?
அத்தனை பேரும் பா.ஜ.க.வில்தான் இருக்கிறார்கள்!
வழக்கமாக இந்தப் பட்டியல் காவல் நிலையத்தில்தான் ஒட்டப்பட்டிருக்கும்…
32 பக்கங்கள் கொண்ட இந்தப் பட்டியலில், 1977 வழக்குகள் இருக்கும் 261 ரவுடிகள் இருக்கிறார்கள்.
இவர்களின் பெயர்கள் என்ன?
பா.ஜ.க.வில் என்ன பொறுப்பில் இருக்கிறார்கள்?
இவர்கள் மேல் என்ன என்ன பிரிவுகளில் வழக்குகள் இருக்கிறது? என்று
இந்தப் பட்டியலில் இருக்கிறது.
எல்லா ரவுடிகளையும் உங்கள் கட்சியில் வைத்துக்கொண்டு சட்டம் ஒழுங்கைப் பற்றி நீங்கள் பேசலாமா?
உங்களிடம் இருக்கும் உளவுத்துறை மூலமாக அந்தப் புத்தகத்தை வாங்கிச் சரிபார்த்துவிட்டு (“கிராஸ் வெரிஃபை” செய்துவிட்டு) அதற்குப் பிறகு எங்களைப் பற்றிப் பேசுங்கள் பிரதமர் அவர்களே…” என்று மாண்புமிகு முதலமைச்சர் அவர்கள் சொன்னார்கள். இதுவரை பதில் இல்லை.
ஆம்ஸ்ட்ராங்கை கொலை செய்த கொலையாளிகளுக்கு பா.ஜ.க. பிரமுகரான அஞ்சலை 10 லட்சம் பணம் கொடுத்ததாக விசாரணையில் தகவல் கிடைத்துள்ளது.
கடந்த ஆண்டு கொலை செய்யப்பட்ட ஆற்காடு சுரேஷின் நெருங்கியவர்தான் அஞ்சலை. ஆற்காடு சுரேஷின் தம்பி பொன்னை பாலு, இப்போது கைதாகி சிறையில் இருக்கிறார்.
ஆம்ஸ்ட்ராங் கொலை செய்வதற்கு அளிக்கப்பட்ட பணப்பரிவர்த்தனை விவகாரம் தொடர்பாக விசாரணை மேற்கொண்ட போது – வழக்கறிஞரும் அ.தி.மு.க. பிரமுகருமான மலர்க்கொடி சேகர் பணம் கொடுத்திருப்பது தெரிய வந்தது.
அ.தி.மு.க. பேச்சாளராகவும், பாடகராகவும் இருந்த தோட்டம் சேகரின் மனைவி இவர். தோட்டம் சேகர் 2001 ஆம் ஆண்டு கொலை செய்யப்பட்டார்.
ஆம்ஸ்ட்ராங் கொலை வழக்கில் ஏற்கனவே கைது செய்யப்பட்டு சிறையில் அடைக்கப்பட்டிருக்கும் வழக்கறிஞர் அருள் என்பவரோடு மலர்க்கொடி தொடர்பில் இருந்துள்ளார். வழக்கறிஞர் அருளின் வங்கி பணப்பரிவர்த்தனையை ஆய்வு செய்தபோது மலர்க்கொடி இவருக்குப் பணம் கொடுத்திருப்பது தெரிய வந்துள்ளது.
பா.ஜ.க.வின் கூட்டணிக் கட்சியாக இருக்கும் த.மா.கா.வைச் சேர்ந்த ஹரிஹரன் என்பவரும் ஆம்ஸ்ட்ராங் கொலை வழக்கில் கைது செய்யப்பட்டுள்ளார்.
அவர் த.மா.கா.வில் மாநில மாணவரணி துணைத் தலைவராக இருக்கிறார். இவரைக் கட்சியை விட்டு நீக்கி இருக்கிறார் ஜி.கே.வாசன்.
ஆம்ஸ்ட்ராங் கொலை செய்யப்பட்டார் என்றால், அதில் குற்றவாளிகள் யாரும் கைது செய்யப்படவில்லை என்றால் அரசாங்கத்தை விமர்சிக்கலாம். கொலை நடந்த மூன்று மணி நேரத்தில் கைது செய்யப்பட்டு விட்டார்கள்.
இதுவரை 14 பேர் கைது செய்யப்பட்டுள்ளார்கள். கைது செய்யப்பட்டவர்கள்தான் உண்மையான குற்றவாளிகள் என்பதற்கான வீடியோ ஆதாரத்தையும் காவல் துறை வெளியிட்டது. தொடர்ந்து தேடுதல் வேட்டையை நடத்தியது காவல் துறை.
தங்களுக்கு ஏதாவது துப்பு கிடைக்குமானால் அதனை காவல்துறைக்குச் சொல்லலாம். குற்றவாளிகள் யாரும் தப்பி விடக் கூடாது என்ற நோக்கம் காவல் துறைக்கு மட்டுமல்ல, அனைவருக்கும் இருக்க வேண்டும்.
ஆனால் பழனிசாமியும், அண்ணாமலையும், ‘கிடைச்சது ஒரு மேட்டர்’ என்ற அடிப்படையில் கோதாவில் இறங்கி அரசாங்கத்தைக் கடித்துக் குதறினார்கள். குதறுகிறார்கள்!
கைது செய்யப்பட்டவர்களிடம் நடத்தப்பட்ட விசாரணையில், குற்றம் சாட்டப்பட்டவர்கள் பயன்படுத்திய 6 செல்போன்கள் அதிமுக முன்னாள் நிர்வாகியும், திருவள்ளூர் மாவட்டம் கடம்பத்தூர் ஒன்றிய குழு உறுப்பினருமான ஹரிதரனிடம் கொடுத்ததாக வாக்குமூலம் அளித்தனர்.
இதையடுத்து, செம்பியம் தனிப்படை போலீசார் ஹரிதரனை கைது செய்து விசாரணை மேற்கொண்டனர். அப்போது, வெங்கத்தூர் கொசஸ்தலை ஆற்றில் செல்போன்களை சேதப்படுத்தி வீசியதாக அவர் வாக்குமூலம் அளித்துள்ளார்.
இதனையடுத்து, நேற்று முன்தினம் வெங்கத்தூர் கொசஸ்தலை ஆற்றில், மெரினா கடற்கரை மீட்புக் குழுவினர் தேடுதல் பணியைத் தொடங்கினர். முதல் நாள் நீரில் மூழ்கி தேடுதலில் ஈடுபட்டதில் 4 செல்போன்களின் பாகங்கள் மட்டும் தனித்தனியாகக் கிடைக்கப்பெற்றது.
இரவு நேரம் தேடுதலைத் தள்ளி வைத்து நேற்று காலை மீண்டும் பணியைத் தொடங்கினர். சுமார் 6 மணி நேரம் தேடுதலுக்குப் பிறகு மேலும் மற்றொரு செல்போனின் பாகங்கள் கிடைக்கப்பெற்றது. தொடர்ந்து மீட்கப்பட்ட செல்போன்களை, தடய அறிவியல் ஆய்வகத்திற்கு அனுப்பி வைத்துள்ளனர்.
இதனையடுத்து தேடுதல் பணியை மீட்புக் குழுவினர் நிறைவு செய்தனர். தொடர்ந்து மீட்கப்பட்டுள்ள செல்போனின் ஐஎம்இஐ (IMEI number) எண்ணைக் கண்டுபிடிக்கும் நோக்கில் அதிகாரிகள் ஈடுபட்டு வருகின்றனர். அப்படி கண்டுபிடித்தால் அந்த சிம்கார்டிற்கு எந்தெந்த எண்ணில் இருந்து அழைப்புகள் வந்துள்ளது. இதிலிருந்து எந்த எண்ணிற்கு அழைப்பு சென்றுள்ளது என்பதைப் போன்ற விவரங்கள் எல்லாம் பெற முடியும் என்றும் போலீசார் தரப்பில் தெரிவிக்கப்பட்டுள்ளது.
