செவ்வாய், 31 மே, 2022

புடுச்சி உள்ளே போடுங்க சார்.

 பழங்குடியினர் நலத்துறைக்காக ஒதுக்கப்பட்ட நிதி

மாதிரிப் படம்

அவருடைய கடிதத்திற்கு கிடைக்கப்பட்ட பதில் மூலம், மத்திய அரசு மற்றும் தமிழக அரசு இணைந்து தமிழக பழங்குடியினர் நலத்துறைக்கு கடந்த 2018-19, 2019-20, 2020-21 ஆகிய மூன்று நிதி ஆண்டுகளில் மொத்தம்ஆயிரத்து 310 கோடியே 94 லட்சத்து 57 ஆயிரம் ரூபாய் ஒதுக்கி உள்ளது தெரிகிறது.

ஆண்டுவாரியாக பார்க்கையில், 2018-19ம் ஆண்டில் 333 கோடியே 82 லட்சத்து 43 ஆயிரம் ரூபாயும்; 2019-20ம் ஆண்டில் 482 கோடியே 80 லட்சத்து 14 ஆயிரம் ரூபாயும்; 2020-21ம் ஆண்டில் 494 கோடியே 32 லட்சம் ரூபாயும் நிதியாக ஒதுக்கப்பட்டுள்ளது.

இந்த நிதியில் கடந்த மூன்று ஆண்டுகளில் பழங்குடி நலத்துறையால் ஆயிரத்து 45 கோடியே 24 லட்சத்து 47 ஆயிரம் ரூபாய் செலவிடப்பட்டுள்ளது. 

செலவு செய்தது போக, 2018-19ம் ஆண்டில் 38 கோடியே 75 லட்சம் ரூபாயும், 2019-20ம் ஆண்டில் 167 கோடியே 86 லட்சம் ரூபாயும், 2020-21ம் ஆண்டில் 59 கோடியே 8 லட்சம் ரூபாயும் என மொத்தம் 265 கோடியே 70 லட்சத்து 10 ஆயிரம் ரூபாய் அரசுக்கு திருப்பி அனுப்பப்பட்டு உள்ளது.

அப்படி அரசிடம் திருப்பி ஒப்படைக்கப்பட்ட நிதியிலிருந்து 139 கோடி ரூபாய் நிதி பிற துறைகளுக்கு பகிர்ந்து அளிக்கப்பட்டுள்ளது. 
அதன்படி, 2019-20ம் ஆண்டில் வனத்துறைக்கு 10 கோடியும்; 2020-21ம் ஆண்டில் வனத்துறைக்கு 67.7 கோடியும், ஊரக வளர்ச்சித்துறைக்கு 58.17 கோடியும்,  பேரூராட்சிகள் துறைக்கு 4.05 கோடியும் செலவிடப்பட்டு உள்ளது.

"பழங்குடியின மக்களின் வாழ்வாதார தேவைகளான நில உரிமை பட்டா, வீடு, உணவு, தண்ணீர், கல்வி, சுகாதாரம், மின்சாரம், சாலை உள்ளிட்டவை இன்னமும் முழுமை பெறாமல் உள்ள நிலையில், அவர்களுக்காக ஒதுக்கப்பட்ட நிதி திருப்பி அனுப்பப்பட்டு உள்ளது அதிர்ச்சி அளிக்கிறது" என்கிறார் சமூக ஆர்வலர் கார்த்திக்.

அரசிடம் திருப்பி ஒப்படைக்கப்பட்ட நிதியான 265 கோடி ரூபாயை மீண்டும் பழங்குடி மக்களின் நலனுக்காக செலவிட வேண்டும் என்றும், இத்துறைக்கு ஒதுக்கப்படும் நிதி முழுமையாக மக்கள் நலத்திட்டங்களுக்காக பயன்படுத்தப்படுவதை உறுதி செய்வதற்கு சிறப்புக்குழு அமைத்து கண்காணிக்க வேண்டும் எனவும்  எனவும் அவர் ஆலோசனை கூறினார்.

--------------------------------------------------------------------------
அ.மலையை புடுச்சி  உள்ளே போடுங்க சார்.

ட்விட்டர் பக்கத்தில் குறிப்பிட்ட சமூகத்தை இழிவுபடுத்தும் வகையில் பதிவு வெளியிட்ட பாஜக தலைவர் அண்ணாமலை மீது வன்கொடுமை தடுப்பு சட்டத்தின்கீழ் நடவடிக்கை எடுக்க என்று நெல்லையை சேர்ந்த சமூக ஆர்வலர் காவல் ஆணையரிடம் புகார் அளித்தார்.

திருநெல்வேலி தச்சநல்லூர் பகுதியைச் சேர்ந்தவர் சமூக ஆர்வலர் முருகன். இவர் இன்று நெல்லை மாநகர காவல்துறை ஆணையர் அலுவலகத்தில் தமிழக பாஜக மாநில தலைவர் அண்ணாமலை மீது புகார் மனு ஒன்று அளித்துள்ளார். 
அதில், ட்விட்டரில் தமிழ்நாடு பாரதிய ஜனதா கட்சியின் தலைவர் அண்ணாமலையின் பக்கத்தை பின்தொடர்கிறேன். 
நேற்று அண்ணாமலை மோடியை வாழ்த்தி வெளியிட்ட பதிவில் இந்தியாவின் வளர்ச்சியை குறிப்பிடும்விதமாக from a pariah to viswa guru என்று குறிப்பிட்டு பதிவு செய்துள்ளார்.
 pariah (பறையா)என்றால் உலக அளவில் ஒதுக்கப்பட்ட, ஒடுக்கப்பட்ட அல்லது கீழானவர்கள் என பலபொருள் தரும்படி சொல்லப்படுகிறது.

இந்தியாவில் தீண்டத்தகாதவர்கள், இழிவானவர்கள் என்று குறிக்கும் அண்ணாமலை இதுபோன்று குறிப்பிட்ட சாதியை இழிவுப்படுத்தும் விதமாக பதிவு வெளியிடுகிறார். எனவே அவர் மீது வன்கொடுமை தடுப்புச் சட்டத்தின் கீழ் வழக்குப் பதிவுசெய்து நடவடிக்கை எடுக்க வேண்டும் புகார் மனுதில் கூறியிருந்தார்.

இதுகுறித்து செய்தியாளர்களிடம் பேசிய முருகன், ‘பாஜக தலைவர் அண்ணாமலை தொடர்ந்துஇழிவாக பேசி வருகிறார்.  
பறையா என்ற வார்த்தை சட்டப்படி பயன்படுத்த கூடாது. எனவே அண்ணாமலை மீது நடவடிக்கை எடுக்க கோரி ஆணையரிடம் மனு அளித்துள்ளேன் என்றார்.

பாஜக தலைவர் அண்ணமலை சமீபத்தில் ஊடகத்தினரை அறிவாலயத்தில் இருந்து 200,2000,3000 வாங்குவதாக   தரக்குறைவாக பேசிய விவகாரம் பெரும் சர்ச்சையை ஏற்படுத்தியது.ஆனால் அண்ணாமலை பல செய்தியாளர்களுக்கு விலை உயர்ந்த சாம்சங் போன்களை அன்பளிப்பாகக் கொடுத்துள்ளார் என்பது இவ்விவகாரத்தால் வெளிவந்துள்ளது.
-------+--------------------+-------------------+------------




திங்கள், 30 மே, 2022

தற்செயலாக நடந்தது

 தூத்துக்குடி துப்பாக்கிச்சூடு தற்செயலாக நடந்தது சவுக்கு சங்கர் பித்தலாட்டம்!

தூத்துக்குடியில் நடந்த துப்பாக்கிச் சூடு ஆளும் வர்க்கத்தினால் திட்டமிட்டு நடத்தப்பட்டது.

வேதாந்தா போன்ற கார்ப்பரேட் நிறுவனங்களின் எடுபிடிகளாக செயல்படுகின்ற ஓட்டுக்கட்சிகள், போலீசு மற்றும் அதிகார வர்க்கம் ஒன்றிணைந்து மாவட்ட ஆட்சியர் அலுவலக

லுவலக முற்றுகையை, 100 நாட்கள் அமைதியாக நடந்த போராட்டத்தை பாசிச முறையில் ஒடுக்க நடத்தப்பட்டது தான் துப்பாக்கிச் சூடு.

Video Player
01:10
01:10

ஸ்நீப்பர் செல் உட்பட அனைத்து விதமான போலீஸ் படையையும் கொண்டு வந்து தாக்குதல் நடத்திய போலீசு, இந்த ஊடக போலி சவுக்கு சங்கரிடம் மட்டும் விவாதித்தாம்.

இவர் கேட்டாராம் என்ன சார் இப்படி நடந்து விட்டதே என்று!
அவர்கள் சொன்னார்களாம் தற்செயலாக நடந்துவிட்டது என்று.

சோனா என்ற பெண்ணை வாயிலேயே அருகில் இருந்து சுட்டார்களே எனக்கேட்டபோது பல குண்டுகள் போகிறபோது எங்கே தாக்கும் என்று தெரியாதே. என்கிறார் சவுக்கு சங்கர்.

அப்போ கண்மூடித்தனமாக சுட்டார்கள் என்பதை ஒப்புக்கொள்கிறார்தானே?

இவர் வேலையே பார்க்காமல் வசதியாக வாழ்கிறார் என்றால் எப்படி முடிகிறது.

பல ரகசிய ஆதாரங்கள், அரசு கடிதங்கள் உடனே இவருக்கு கிடைப்பதெப்படி.

இந்த ஆதவன் நிறுவனமும் பா.ஜக.வின் கைக்கூலி, ஆதரவு நிறுவனம்தான்.

கேட்பவர்கள் கேனை என்றால் ‘பூனை புஷ்பக விமானத்தை ஓட்டுமாம்’!


சமீபகாலமாக ஊடக விவாதங்களில் கலந்துகொண்டு, பாஜகவின் திராவிட ஒழிப்பு திட்டங்களில் ஒன்றான திமுகவை தமிழகத்தில் இருந்து ஒழித்துக் கட்டுவது என்ற கொள்கையின் அடிப்படையில் செயல்படுவதற்கு பொருத்தமாக ஏவி விடப்பட்டு திமுகவை கடுமையாக விமர்சிக்கும் பாஜகவின் பினாமி கும்பலான பல்வேறு ஊடக நரிகளின் சவுக்கு சங்கர் ஒருவர் என்பதை இந்த காணொளி நமக்கு நிரூபிக்கிறது.


.-----------------------------------------------------------------------------------

"இளைய பாரதம்."

யூடியூபர் கைது.

இந்து சமய அறநிலையத்துறைக்கு சொந்தமான திருக்கோவில் பெயரை பயன்படுத்தி இணையதளம் மூலம், ரூ.50 லட்சம் பணம் வசூல் செய்த ‘இளைய பாரதம்’ யூடியூப் சேனல் நடத்திவரும் கார்த்திக் கோபிநாத் என்பவர் ஆவடி மத்திய குற்றப்பிரிவு போலிஸார் கைது செய்து விசாரணை நடத்தி வருகின்றனர்.

தமிழ்நாடு அரசுக்கு எதிராக அவதூறு வீடியோ வெளியிட்ட வழக்கு மற்றும் இந்து சமய அறநிலையத்துறைக்கு சொந்தமான சிறுவாச்சூர் திருக்கோயில் பெயரை வைத்து 50 லட்ச ரூபாய் வரை பணம் வசூல் செய்த மோசடி செய்த விவகாரத்தில், இந்து சமய அறநிலையத்துறை ஏற்கனவே நோட்டீஸ் வழங்கியிருந்தது.



இந்நிலையில் ஆவடி மிட்டனமல்லியில் உள்ள ஸ்டுடியோவில் வைத்து யூடுபார் கார்த்திக் கோபிநாத் என்பவரை ஆவடி காவல் ஆனையரக மத்திய குற்றப்பிரிவு துணை ஆணையர் பெருமாள், மற்றும் உதவி ஆணையர் கந்தக்குமார் ஆகியோர் கைது செய்து விசாரணை நடத்தி வருகின்றனர்.

மேலும் கார்த்திக் கோபிநாத் தனது சொந்த செலவில் சிலைகளை சீரமைத்து தருகிறேன் என அறநிலையத்துறைக்கு விண்ணப்பம் வழங்கிவிட்டு, பொது மக்களிடம் நன்கொடை வசூல் செய்தது விசாரணையில் தெரியவந்தது.


இதனிடையே மதுரகாளியம்மன் கோவில் நிர்வாகம் மற்றும் அறநிலையத் துறை சார்பில் கார்த்திக் கோபிநாத் வக்கீல் நோட்டீஸ் அனுப்பட்டுள்ளது. 

அந்த நோட்டீஸில், கோவில் சீரமைப்பு செய்வதாக கூறி வசூல் செய்த பணத்தை கோவில் நிர்வாகத்திடம் ஒப்படைக்க வேண்டும். ஒருவேளை பெற்ற பணத்தை ஒப்படைக்கவில்லை என்றால் சட்ட நடவடிக்கை எடுக்கப்படும்” எனத் தெரிவித்துள்ளனர்.

-------------------------------------------------------------------------



ஞாயிறு, 29 மே, 2022

கதறல் ஏன்?

 சென்னையில் கடந்த சில நாட்களுக்கு முன்னர் பிரதமர் மோடி பங்கேற்ற விழாவில் பேசிய தமிழகமுதல்வர் ஸ்டாலின், நீட் தேர்வில் இருந்து தமிழத்திற்கு விலக்கு, கச்சத் தீவு மீட்பு, தமிழக திட்டங்களுக்கு நிதி பங்களிப்பதை உயர்த்தி வழங்க வேண்டும் என்பன உள்ளிட்ட பல கோரிக்கைகளை முன் வைத்துப் பேசினார்.

பிரதமர்மோடியை மேடையில் வைத்தே தமிழக முதல்வர் ஸ்டாலின் இவ்வாறு பேசியதை திமுக மற்றும் கூட்டணிக் கட்சியினர் வெகுவாகப் பாராட்டியதோடு சமூக வலைத்தளங்களில் பலத்த

 விவாதங்களையும் எழுப்பியுள்ளது.

அதே நேரத்தில் மேடையில் முதல் பிரதமர் வைத்துக் கொண்டே இவ்வாறு பேசுவது ஏற்புடையது அல்ல எனவும் பாஜகவினர் கடுமையாக விமர்சித்து வருகின்றனர்.

 இந்நிலையில் அதிக அளவு ஜிஎஸ்டி வசூல் தமிழத்திலிருந்து இருந்தாலும், மத்திய அரசு தமிழகத்துக்கு திருப்பி தருவது 1.21 சதவீதம்தான் என பிரதமரை வைத்துக்கொண்டே மேடையில் முதல்வர் பேசும் துணிச்சல் தான் பாஜகவினரின் கதறலுக்கு காரணம் என திராவிடர் தமிழர் இயக்க பேரவை பொதுச்செயலாளர் சுப.வீரபாண்டியன் கூறியுள்ளார்.

.
.

'திராவிட மாடல் என்பது பொருளாதாரத்தையும் சமூகநீதியும் உள்ளடக்கிய வளர்ச்சி. இரண்டையும் உள்ளடக்கி தமிழகத்தில் நடக்கின்ற இந்த திராவிட மாடல் ஆட்சியை இந்தியா முழுவதும் கொண்டு செல்ல வேண்டும். கோரிக்கைகளை வைப்பதற்கு தான் முதல்வர் இருக்கிறார்.

இந்த மாநிலத்தின் தேவைகளை நம் கோரிக்கைகளை பிரதமருக்கு எடுத்துச் செல்வது என்பது ஒரு முதலமைச்சரின் அடிப்படை கடமைகளில் ஒன்று. இது முன்மாதிரியான நிகழ்வு இல்லை. நேரு மேடையில் இருந்த போதுதான் காமராசர் கோரிக்கைகளை வைத்தார். இதை எதிர்க்கட்சிகள் பாராட்ட வேண்டும். மேடையில் முதல்வர் வைத்த கோரிக்கையை ஏற்று நீட் தேர்வுக்கு விளக்கம் தருகிறேன் என பிரதமர் கூறியிருந்தால் உண்மையாக பிரதமருக்கு பெருமையும் புகழும் சேர்ந்திருக்கும்.

அண்ணாமலை ஆதங்கப்படுகிற அளவுக்கு கூடுதலாக கைதட்டல்களும் கிடைத்திருக்கும். முதல்வர் மேடையில் கூறிய புள்ளிவிவரத்தின் கடைசியில் வைத்த ஒரு வரிதான் பா.ஜ.க-வினர் கதறும் அதற்குக் காரணமாக இருக்கிறது. ஒவ்வொரு மாநிலம் தர வேண்டிய ஜிஎஸ்டி பங்கு 3.44 சதவீதம். பல மாநிலங்கள் இதை தருவதில்லை. மகாராஷ்டிரா, குஜராத், கர்நாடகா, தமிழ்நாடு மாநிலங்கள் இதை ஈடுகட்டுகிறது. கொடுக்கப்பட்ட அளவைக் காட்டிலும் மூன்று மடங்கு 9.22 சதவீதம் கூடுதலாக தருவதாகவும், ஒன்றிய அரசு தமிழகத்துக்கு திருப்பி தரவது 1.21 சதவீதம்தான். பிரதமரை வைத்துக்கொண்டு சொல்லும் துணிச்சல் தான் பாஜகவினரை கதற வைப்பதாகும்' என அறிக்கையில் தெரிவித்துள்ளார்.

-----------------------------------------------------------------------------

முதல்வர்பேச்சு கிளப்பிய தீப்பொறி.

சென்னையில் அண்மையில் நடைபெற்ற நிகழ்ச்சியில் பிரதமர் மோடி முன்னிலையில் பேசிய முதல்வர் மு.க.ஸ்டாலின், திராவிட மாடல் அரசு என்றால் என்ன என தமிழிலும் ஆங்கிலத்திலுமாக விவரித்திருந்தார்.

 அப்போது, தமிழ்நாட்டின் வளர்ச்சியானது பொருளாதாரம் சார்ந்தது மட்டுமல்ல; சமூகநீதி, பெண்கள் முன்னேற்றம், சமத்துவம் போன்ற அனைத்தையும் உள்ளடக்கியது தான் தமிழ்நாட்டின் வளர்ச்சி. தமிழ்நாட்டின் வளர்ச்சியே திராவிட மாடலாகும். அனைவரையும் உள்ளடக்கிய வளர்ச்சிதான் தான் திராவிட மாடல் ஆட்சி என கூறியிருந்தார் முதல்வர் மு.க.ஸ்டாலின். 

முதல்வரின் இந்த திராவிட மாடல் விளக்கம் பெரும் வரவேற்பை பெற்றது. அத்துடன் திராவிட மாடல் குறித்த விவாதங்களும் நடைபெற்று வருகின்றன.

.
.

இப்போது திராவிட மாடல், திராவிடம் குறித்த விவாதங்கள் மீண்டும் அண்டை மாநிலங்களிலும் களைகட்டியிருக்கிறது.

 கர்நாடகா முன்னாள் முதல்வர் சித்தராமையா நிகழ்ச்சி ஒன்றில் பேசுகையில், ஆர்.எஸ்.எஸ். திராவிடர்களா? அவர்கள் ஆரியர்கள். அவர்கள் இந்தியர்களா?. திராவிடர்கள் தான் இந்திய நாட்டின் பூர்வ குடிகள்.

 ஆகையால் நாட்டின் வரலாற்றை யாரும் கிளறி பார்க்க கூடாது. அம்பேத்கர், வரலாறு தெரியாதவர்களால் எதிர்காலத்தை வடிவமைக்க முடியாது என்று கூறினார். உண்மையான வரலாறு குறித்து ஆர்.எஸ்.எஸ். அமைப்பினருக்கு பயம் உள்ளது. 

உண்மையான வரலாற்றை உழைக்கும் வர்க்கத்தினர், திராவிடர்கள் தெரிந்து கொண்டால் என்ன ஆகும் என்பது ஆர்.எஸ்.எஸ்.அமைப்பினருக்கு தெரியும். அதனால் தான் வரலாற்றை திரிக்க பார்க்கிறார்கள் என கூறியிருந்தார்.

சித்தராமையாவின் இந்த கருத்துக்கு பாஜக தலைவர்கள் கடும் கண்டனம் தெரிவித்து வருகின்றனர். 

கர்நாடகா முதல்வர் பசவராஜ் பொம்மை இது குறித்து கூறுகையில் ,சித்தராமையா ஆரியரா? திராவிடரா? இதற்கு முதலில் அவர் பதில் சொல்ல வேண்டும் என்றார். முன்னாள் அமைச்சர் ஈஸ்வரப்பா கூறுகையில், சித்தராமையா நாடோடி. சோனியா காந்தியை திருப்திப்படுத்த இப்படி பேசுகிறார். ஆர்.எஸ்.எஸ். நாட்டிற்கு சேவையாற்றும், தேசபக்தியை வளர்க்கும் அமைப்பு என்றார். 

இப்போது சித்தாரமையா ஆரியம்- திராவிடத்தை தொடர்ந்து, ஆர்.எஸ்.எஸ். இயக்கம், பாஜகவில் உள்ளவர்கள்தான் இந்துக்களா? இந்து பெற்றோருக்கு பிறந்தவர்கள் இந்துக்கள் இல்லையா? ஆரியர்களின் பூர்வோத்திரம் எது? என மீண்டும் கேள்வி எழுப்பியுள்ளார்.

இதனைத் தொடர்ந்து தெலுங்கானாவிலும் ஆரியம்- திராவிடம் விவகாரம் பேசுபொருளாகி இருக்கிறது. மஜ்லிஸ் கட்சியின் தலைவரும் எம்.பி.யுமான ஓவைசி, இந்தியா என்பது திராவிடர்களுக்கும் ஆதி குடிமக்களுக்குமே சொந்தமானது; பாஜக, ஆர்.எஸ்.எஸ். ஆகியவற்றின் சித்தாந்தங்கள் முகலாயர் ஆட்சிக்குப் பின்னர் வந்தவை. இந்த தேசம் என்பது மோடிக்கும் அமித்ஷாவுக்கும் சொந்தமானது அல்ல என்றார்.

 தமிழகத்தில் திராவிடம் என்பது பல நூற்றாண்டு சித்தாந்தம்; கடந்த ஒரு நூற்றாண்டு அரசியல் சித்தாந்தம்; திராவிட அரசுகள் என்பது அரை நூற்றாண்டுகால வரலாறு. திராவிடத்தின் தேவையை ஆரியத்தின் எதிர்ப்பை காலந்தோறும் தமிழ் நிலம் முன்வைத்து வருகிறது. 

இப்போது தென்னிந்திய நிலமும் வலுவாக ஆரியர் எதிர்ப்பு நோக்கி பயணிக்கிறது என்கின்றனர் அரசியல் பார்வையாளர்கள். 

--------------------------------------------------------------------------

இந்தியாவில் கள்ளநோட்டுகளின் புழக்கம் இருமடங்காக அதிகரிப்பு – ரிசர்வ் வங்கி

ரிசர்வ் வங்கி வெளியிட்டுள்ள அறிக்கையில், “இந்தியாவில் கடந்த 2 ஆண்டுகளில் கள்ள நோட்டுகளின் புழக்கம் இருமடங்காக அதிகரித்துள்ளது. பணமதிப்பிழப்புக்குப் பின்பு, ரூ.500 கள்ளநோட்டுகள் அதிக அளவில் அச்சடிக்கப்பட்டுள்ளது. 2022 இல் ரூ.500 கள்ள நோட்டுகளின் எண்ணிக்கை 101.9% உயர்ந்து 79,669 ஆகவும் ரூ.2,000 கள்ளநோட்டுகளின் எண்ணிக்கை 54% உயர்ந்து 13,604 ஆக அதிகரித்துள்ளது என்று தெரிவித்துள்ளது.

2016 ல் 18 லட்சம் கோடியாக இருந்தது.மோடியின பணமதிப்பிழப்பில் இருந்து படிப்படியாக உயர்ந்து 2022 ல் 31 லட்சம் கோடியாக கருப்புப் பணம் உள்ளது.

என்பதை பெருமையுடன் தெரிவித்துக் கொள்கிறோம்.

---------------------------------

சனி, 28 மே, 2022

உலகம் சுற்றும் வாலிபன்"

 1973-ஆம் ஆண்டு மே 11-இல் வெளிவந்த எம்.ஜி. ஆரின் உலகம் சுற்றும் வாலிபன் கடந்த 11-ஆம் தேதி 49 ஆண்டுகளை முடித்து,  பொன்விழாவில் அடியெடுத்து வைக்கிறது. 

50 ஆண்டுகளான போதிலும் எம்.ஜி.ஆர். ரசிகர்களால் இந்தப் படத்தை அவ்வளவு எளிதாக கடந்துவிட முடியாது.  

திரைப்படங்களை பற்றி விமர்சிக்கும்போது, அரசியல் வராமல் தடுக்கலாம். ஆனால் அரசியல் அல்லாத ஒரு திரைப்படத்தை, அரசியல் இல்லாமல் விமர்சிக்கவே முடியாது. அரசியல் பின்னணியால் பிணைந்த ஒரு வெற்றி படம் "உலகம் சுற்றும் வாலிபன்".

திரைப்படங்களில் அரசியல் பஞ்ச் டயலாக்குகள், பஞ்ச் காட்சிகள் வருவதெல்லாம் இப்போது சாதாரணம். இரண்டு படங்கள் ஹிட் கொடுத்த நடிகர்கள்கூட, தன் அடுத்த படத்தில் அரசியல் பஞ்ச் வைக்கச் சொல்லும் காலமிது. ஆனால், ஒரு படமே அரசியலாக மாறியது "உலகம் சுற்றும் வாலிபன்' படத்தில்தான்!

இதற்கு பின்னர் வந்த எந்த படமும், இந்தளவுக்கு ஒரு நடிகரின் வாழ்க்கையோடு ஒட்டிஇருந்ததில்லை.  இதன் பிண்ணனி குறித்த தகவல்கள் இன்று படிக்கும் போது கூட ஆச்சரியமாக உள்ளது. இப்படியெல்லாம் கடந்ததுதான் இந்தப் படம் வெற்றிப் படமாகியாதா என்று நினைத்தால் ஆச்சரியம் கொள்ளும். 

படத்துக்கு எம்.ஜி.ஆர். முதலில் வைத்திருந்த பெயர்-  "மேலே ஆகாயம் கீழே பூமி' என்பதுதான். பின்னர்தான் "உலகம் சுற்றும் வாலிபன்' என்று பெயர் 

தான் இரு வேடங்களில் நடித்த இந்தப் படத்தின் படப்பிடிப்பை ஹாங்காங், சிங்கப்பூர், ஜப்பான், தாய்லாந்து என்று பெரும்பகுதி வெளிநாட்டிலேயே முடித்தார் எம்.ஜி.ஆர். 

எம்.ஜி.ஆர். படத்தில் சந்திரகலா,  லதா,  மஞ்சுளா என மூன்று நடிகைகள் இருந்தும், நான்காவதாக தாய்லாந்து நடிகையான மேட்டா ரூங்ரட்டா என்றொரு நடிகையையும் தமிழ்த் திரையுலகுக்கு அறிமுகப்படுத்தினார் எம்.ஜி.ஆர். 

படத்தின் இசையமைப்பாளராக முதலில் ஒப்பந்தம் செய்யப்பட்டவர் குன்னக்குடி வைத்தியநாதன்.  பின்னர்தான் எம்.எஸ்.விஸ்வநாதன் இசையமைப்பாளரானார். 

வெளிநாட்டுப் படப்பிடிப்புக்குக்கூட அதிகம் பேர் அனுமதிக்கப்படவில்லை. எம்.ஜி.ஆர்., வி.என்.ஜானகி, ஆர்.எம்.வீரப்பன், மஞ்சுளா, லதா, சந்திரகலா, நாகேஷ், அசோகன், ஒளிப்பதிவாளர் ராமமூர்த்தி, இயக்குநர் ப.நீலகண்டன், வசனகர்த்தா சொர்ணம், நடன இயக்குநர் கோபாலகிருஷ்ணன் உள்ளிட்ட ஒருசிலர் மட்டுமே வெளிநாட்டுக்கு  சென்றார்கள்.

தாய்லாந்தில் படத்தை ஷூட் செய்வதற்கு வெறும் 10 நாள்களே அந்த நாட்டு அரசால் அனுமதியளிக்கப்பட்டது. ஷூட்டிங் நடைபெற்றபோது, அந்த இடத்துக்கு அருகில் விபத்து ஒன்றில் தாய்லாந்து நடிகர் ஒருவர் சிக்கிக் கொண்ட தகவல் எம்.ஜி.ஆருக்குக் கிடைத்தது. 

உடனடியாக சம்பவ இடத்துக்குச் சென்ற எம்.ஜி.ஆர்., மீட்புப் பணிகளில் தானே களமிறங்கினார். இந்தத் தகவல் தாய்லாந்து பத்திரிகைகளில் மறுநாள் செய்தியானவுடன், எம்.ஜி.ஆர். மீது ஏற்பட்ட நன்மதிப்பால் படப்பிடிப்புக்கு வழங்கப்பட்ட அவகாசத்தை இரட்டிப்பாக்கியது தாய்லாந்து அரசு.

ஜப்பானின் எக்ஸ்போ 70 அரங்கில், எட்டு லட்சம் மக்களுக்கு நடுவே, "உலகம்... அழகுக் கலைகளின் சுரங்கம்'-  என்ற பாடலின் படப்பிடிப்பை நடத்தியதெல்லாம் அவருடைய அசாத்திய திறமை, சாதனை. 

சென்னை தேவி பாரடைஸ் தியேட்டரில் "மாக்னாஸ் கோல்டு' என்ற ஆங்கிலப்படம் தான் அதுவரை வசூலில் முதன்மை வகித்தது . அதனை முறியடித்த படம் உலகம் சுற்றும் வாலிபன்.  ரூ.  13 லட்சத்துக்கும் மேல் வசூல் செய்ததாக சொல்லப்படுகிறது. 

திரையிட்ட அனைத்து தியேட்டர்களில் 50 நாள்,   45 தியேட்டர்களில் 75 நாள் ,   25 தியேட்டர்களில் 100 நாள் ,    7 தியேட்டர்களில் வெள்ளி விழா என தமிழ் திரையுலகை புரட்டிப் போட்டு, தமிழ் சினிமாவில் வரலாறு ஏற்படுத்திய சினிமா இது .

2021- இல்  டிஜிட்டல் தொழில்நுட்பத்தில் தமிழகம் முழுவதும் 89 தியேட்டர்களில் ரிலீஸ் ஆகியிருக்கிறது. 

சென்னையில் மட்டும் 32 தியேட்டர்களில் வெளியானது.


----------------------------------------------------------------------------------

புதிய  RSSகல்வித் திட்டம்?

கர்நாடகாவில் 10ம் வகுப்பு அரசு பாடத்திட்டத்தில் ஆர்.எஸ்.எஸ். அமைப்பின் நிறுவனர் ஹெட்கேவாரின் கருத்துக்கள் சேர்க்கப்பட்டுள்ளது பெரும் சர்ச்சையை ஏற்பட்டுள்ளது. 

கர்நாடக கல்வித்துறையின் இந்த நடவடிக்கைக்கு எதிர்க்கட்சிகள் மற்றும் கல்வியாளர்கள் கடும் எதிர்ப்புகளைத் தெரிவித்து வருகின்றனர். 

இந்நிலையில், கர்நாடக மாநிலம் முன்னாள் பிரதமர் நேரு நினைவு தினத்தை முன்னிட்டு, நிகழ்ச்சி ஒன்று நடைபெற்றது.

இந்த நிகழ்ச்சியில் அம்மாநில எதிர்க்கட்சி தலைவர் சித்தராமையா கலந்துக்கொண்டார். அப்போது நிகழ்ச்சியில் பேசிய சித்தாராமையா, ஆர்.எஸ்.எஸ் அமைப்பைச் சார்ந்தவர்கள் என்ன இந்தியாவின் பூர்வகுடிகளா? 

ஆரியர்கள் இந்த நாட்டைச் சேர்ந்தவர்களா என சொல்லுங்கள்?

ஆர்.எஸ்.எஸ் அமைப்பினர் என்ன திராவிடர்களா? 600 ஆண்டுகளுக்கு முன்பு முகலாய ஆட்சிக்கு யார் பொறுப்பு?

 திராவிடர்கள்தான் இந்தியாவின் பூர்வகுடிகள். இந்த உண்மையை ஆர்.எஸ்.எஸ் மறைக்கப்பார்க்கிறது. 

பிரதமர் மோடி நாட்டை ஐந்தாயிரம் ஆண்டுகள் பின்னோக்கி நகர்த்தும் அபாயகரமான வேலையை செய்து வருகிறார்” எனத் தெரிவித்துள்ளார்.

---------------------------------------------------------------------------------

வெள்ளி, 27 மே, 2022

இது திராவிட மாடலாக?

 “முதலமைச்சர் என்பவர் கடவுள் நம்பிக்கை கொண்டவர்களுக்கும், கடவுள் நம்பிக்கை இல்லாதவர்களுக்கும் பொதுவானவர் என்பதை நினைவில் கொள்ள வேண்டும்” என்று அ.தி.மு.க. ஒருங்கிணைப்பாளர் ஓ.பன்னீர்செல்வம் அறிக்கை வெளியிட்டு உள்ளார்.

இந்திய அரசமைப்புச் சட்டத்துக்கு எதிரான சூழ்நிலை தமிழ்நாட்டில் நிலவுவதைப் போல பயம் காட்டி இருக்கிறார் பன்னீர்செல்வம்.

இறுதியில் ‘சந்திரமுகியாகவே' மாறியதைப் போல பா.ஜ.க.வாகவே மாறிவிட்டார் பன்னீர். அவர்களது அவதூறுப் பிரச்சாரத்தை இவர் கையாளத் தொடங்கி இருக்கிறார். 

தி.மு.க. ஆட்சி மீது ஏதும் குறை கூற முடியாதவர் முன்வைக்கும், அவதூறுகளில் ஒன்றுதான் இது போன்ற விமர்சனங்கள். பன்னீர்செல்வம் இது போன்ற அறிக்கை விடுவதற்கு இரண்டு நாட்களுக்கு முன்பே ஆத்தூர் கூட்டத்தில் முதலமைச்சர் மு.க.ஸ்டாலின் அவர்கள் இதற்கான முழு விளக்கத்தை தனது பேச்சில் எடுத்துரைத்து விட்டார்.

“இந்த ஆட்சிமீது எதை வைத்தும் குறை சொல்ல முடியாத சிலர் ஆன்மிகத்தின் பேரால் குறை சொல்லிக் கொண்டு இருக்கிறார்கள். எவரது பக்திக்கும் - எவரது உணர்வுக்கும் தடையாக திராவிட முன்னேற்றக் கழக அரசு இருந்ததும் இல்லை. இனியும் இருக்காது. 

‘பக்திப் பிரச்சாரம் ஒரு பக்கம் நடக்கட்டும்- பகுத்தறிவுப் பிரச்சாரம் அதுவாகத் தொடரட்டும்' என்றுதான் முத்தமிழறிஞர் கலைஞர் அவர்கள் எங்களுக்குக் காட்டிய பாதையாகும்.

ஆட்சி என்பது அனைவர்க்கும் பொதுவானது ஆகும். எல்லாத் துறைகளும் வளரவேண்டும் என்று நான் சொல்லி வருகிறேன். அதில் இந்து சமய அறநிலையத் துறையும் ஒன்றுதான். அந்தத் துறையையும் உள்ளடக்கிய ஆட்சிதான்

 கழக ஆட்சி” என்று சொல்லி இந்த ஓராண்டு காலத்தில் இந்து சமய அறநிலையத் துறையின் சார்பில் முன்னெடுக்கப்பட்ட அனைத்துத் திட்டங்களையும் முதலமைச்சர் அவர்கள் பட்டியலிட்டுக் காட்டி இருக்கிறார்கள்.

“உண்மையான ஆன்மிகவாதிகள் என்றால், நியாயமாக நீங்கள் இதை ஆதரித்திருக்க வேண்டும். அதற்கு நேர்மாறாக மதத்தை வைத்து - மத வெறியைத் தூண்டி அரசியல் செய்யும் நிலையில் இருப்பவர்கள்தான் அவதூறு செய்கிறார்கள்” என்பதையும் விளக்கி இருக்கிறார்.

முதலமைச்சராக மு.க.ஸ்டாலின் அவர்கள் பொறுப்பேற்ற மூன்று மாதத்தில் ஏராளமான கோவில்கள் இடிக்கப்பட்டதாக ஒரு அவதூறு வீடியோவைத் தயாரித்துப் பரப்பினார்கள். 

அதில் சொல்லப்பட்டது மாதிரி எங்கும் கோவில்கள் இடிக்கப்படவில்லை. அதாவது கோவிலைச் சொன்னால் அது பரவும் என்ற மலிவான எண்ணத்துடன் அத்தகைய அவதூறுகள் பாய்ச்சப்பட்டன. 

ஆனால் கடந்த ஓராண்டு காலத்தில் தமிழக இந்து சமய அறநிலையத் துறை சார்பில் - அமைச்சர் சேகர்பாபு முன்னெடுப்பில் செய்யப்பட்ட பணிகள் என்பவை மகத்தானவை. அத்தகைய பணிகளை இத்தகைய சக்திகள் விரும்பவில்லை என்றே தெரிகிறது.

ஆக்கிரமிக்கப்பட்ட கோவில் நிலங்களை இந்த அரசு மீட்கிறது.

 இதுவரை ரூ.2500 கோடி மதிப்பிலான நிலங்கள் மீட்கப்பட்டுள்ளன. இதனை விரும்பாத சக்திகள்தான், கழக ஆட்சி மீது அவதூறு கிளப்புகிறார்கள். 

கோவில்களில் நடக்கும் குற்றங்களைத் தடுப்பதற்காக கண்காணிப்பு கேமராக்களைப் பொருத்தி வருகிறது இந்த அரசு. 

இதனை மொத்தமாக சென்னை அலுவலகத்தில் இருந்தும் கண்காணிக்கிறார்கள். இது சிலருக்குப் பிடிக்கவில்லை. அந்த ஆட்கள்தான் இத்தகைய அவதூறுக்கு துணை போகிறார்கள்.

அனைத்துச் சாதியினரும் அர்ச்சகர் ஆவது சிலருக்குப் பிடிக்கவில்லை. அவர்கள் அவதூறு செய்கிறார்கள். அன்னைத் தமிழில் வழிபாடு செய்யப்படுவதும், தமிழில் போற்றிப் புத்தகங்கள் வெளியிடுவதும் சிலருக்குப் பிடிக்கவில்லை. 

அவர்கள் இத்தகைய அவதூறுகளைத் தூண்டி விடுகிறார்கள். திருக்கோவில் ஆவணங்கள் அனைத்தையும் இணையதளத்தில் ஏற்றியதும், மீட்கப்பட்ட சொத்துகள் அனைத்தையும் வெளிப்படையாக புத்தகமாக வெளியிட்டு இருப்பதும் சிலருக்குப் பிடிக்கவில்லை. அவர்களே இத்தகைய அவதூறுகளுக்குப் பின்னணியாக இருக்கிறார்கள். இவை அனைத்தும் புரிந்துகொள்ள முடியாத மர்மங்கள் அல்ல.

இதேநேரத்தில் இன்னொரு அவதூறும் சொல்லப்படுகிறது. அமைச்சர் சேகர்பாபு எந்த அறிவிப்பு செய்தாலும் அதனை எடுத்துப் போட்டு, ‘இது திராவிட மாடல் அரசா? 

ஆன்மிக அரசா?' 

என்றும் ஒரு கூட்டம் கிண்டல் அடித்துக் கொண்டு இருக்கிறது. இவர்களுக்கு திராவிடத்தையும் தெரியவில்லை. ஆன்மிகத்தையும் புரியவில்லை.

அதற்கும் ஆத்தூர் கூட்டத்தில் முதலமைச்சர் அவர்கள் தெளிவான விளக்கத்தை அளித்தார்கள்.

திராவிட மாடல் என்பது எதையும் இடிக்காது! உருவாக்கும்!

திராவிட மாடல் என்பது எதையும் சிதைக்காது! சீர் செய்யும்!

திராவிட மாடல் என்பது யாரையும் பிரிக்காது! அனைவரையும் ஒன்று சேர்க்கும்!

திராவிட மாடல் என்பது யாரையும் தாழ்த்தாது! அனைவரையும் சமமாக நடத்தும்!

திராவிட மாடல் என்பது யாரையும் புறக்கணிக்காது! தோளோடு தோள் நின்று அரவணைக்கும்!

- என்று முதலமைச்சர் அவர்கள் கல்வெட்டைப் போன்ற விளக்கத்தை அளித்துள்ளார்கள்.

‘இது திராவிட மாடல் அரசா? ஆன்மிக அரசா?' என்று கேட்பவர்களுக்கு, இந்து சமய அறநிலையத் துறை என்பதே நீதிக்கட்சி ஆட்சி காலத்தில் உருவாக்கப்பட்டதுதான் என்பது தெரியாது.

 கோவில்கள் கேட்பாரற்றுப் போய்விட்டன, அதனைக்காப்பதற்கு அரசு முயலவேண்டும் என்று மதுரையைச் சேர்ந்த பிராமண சமூகத்தைச் சேர்ந்த இரண்டு வழக்கறிஞர்கள் கோரிக்கை வைத்ததன் அடிப்படையில்தான் இந்து சமய அறநிலையச் சட்டமே உருவாக்கப்பட்டது.

எனவே, கோவில்களை எந்தக் குற்றச்சாட்டுகளுக்கும் இடமளிக்காத வகையில் காக்கும் கடமை என்பது அரசுக்கு உண்டு.

 ‘அரசர்களால், மன்னர்களால் உருவாக்கப்பட்ட கோவில்கள், அரசுக்கோவில்கள்தான்' என்று ஒற்றை வரியில் விளக்கம் அளித்தார் இந்து சமய அறநிலையத் துறையின் முன்னாள் அமைச்சர் பி.டி.ஆர்.பழனிவேல் ராசன் அவர்கள்.

‘கோவிலைச் சார்ந்த மக்கள் - மக்களைச் சார்ந்த கோவில்கள்' என்று சொன்னார் தவத்திரு குன்றக்குடி அடிகளார் அவர்கள். 

அந்த அடிப்படையில்தான் முதலமைச்சர் மு.க.ஸ்டாலின் அவர்கள் அந்தத் துறையைக் கவனித்து வருகிறார். ஆன்மிகத்தை வைத்து வோட்டு அரசியல் செய்பவர்களுக்கு எல்லாம் இந்த உயரிய நோக்கங்கள் புரியாது.

புரிந்தாலும் மக்களைக் குழப்பத்தால் செய்வார்கள்.

அவர்கள் பிழைப்பே அதுதான்.

--------------------------------------------------------------------------


வியாழன், 26 மே, 2022

பரிந்துரைகள்

 ஒன்றிய பா.ஜ.க அரசின் ஜி.எஸ்.டி. வரி விதிப்பு முறைக்கு எதிர்ப்பு தெரிவித்து குஜராத் உயர் நீதிமன்றத்தில் தாக்கல் செய்யப்பட்ட பொதுநல வழக்கு விசாரணைக்கு வந்தபோது ஜி.எஸ்.டி கவுன்சில் கூட்டத்தில் எடுக்கப்படும் பரிந்துரைகளை அமல்படுத்த வேண்டும் என்றும் கடல் சரக்குகள் மீதான ஒருங்கிணைந்த வரியை ரத்து செய்தும் உத்தரவிட்டது.

குஜராத் உயர் நீதிமன்றத்தின் உத்தரவை எதிர்த்து உச்ச நீதிமன்றத்தில் தொடுக்கப்பட்ட மேல்முறையீட்டு மனு மீது கடந்த மே 19 அன்று அதிரடியான தீர்ப்பை வழங்கி உத்தரவிட்டது உச்ச நீதிமன்றம்.

அதில், “ஜி.எஸ்.டி கவுன்சில் கூட்டத்தில் எடுக்கும் முடிவுகளை அமல்படுத்த வேண்டும் என மாநில அரசுகளை ஒன்றிய அரசு நிர்பந்திக்க முடியாது. ஜி.எஸ்.டி கவுன்சிலுக்கு அறிவுரைகள் மற்றும் பரிந்துரைகள் மட்டுமே வழங்கலாம்.. ஜி.எஸ்.டி கவுன்சில் பரிந்துரைகள் மாநில அரசுகளை கட்டுப்படுத்தாது.

 அப்படி செய்தால் அது கூட்டாட்சி அமைப்பை பாதிக்கும். இந்தியாவில் ஜனநாயகமும், கூட்டாட்சியும் ஒன்றை ஒன்று சார்ந்தே உள்ளது என்பதை புரிந்து கொள்ள வேண்டும்” எனவும் தெரிவித்திருந்தது.

இதனையடுத்து, உச்ச நீதிமன்றம் ஒன்றிய மாநில அரசுகளுக்கு இடையேயான கூட்டாட்சித் தத்துவத்தை நிலைநிறுத்தியுள்ளது என பல தரப்பிலிருந்தும் வரவேற்கப்பட்டு வந்தன.

இந்த நிலையில், ஜி.எஸ்.டிக்கு எதிராக ஜிண்டால் நிறுவனம் தொடர்ந்த வழக்கு உச்ச நீதிமன்றத்தில் இன்று விசாரணைக்கு வந்தது. அப்போது, வழக்கை விசாரித்த நீதிபதி சந்திரசூடு, அண்மையில் வழங்கப்பட்ட ஜி.எஸ்.டி. தீர்ப்பை சுட்டிக்காட்டி பேசியிருக்கிறார்.

அதில், “அந்த தீர்ப்பில் விவாதிக்கப்பட்ட கூட்டாட்சித் தத்துவம் குறித்த அம்சங்கள் தொடர்பாக பல்வேறு கருத்துகள் அடங்கிய கட்டுரைகள் வெளியாவது ஆர்வத்தை தூண்டியுள்ளது. அந்த தீர்ப்பை வழக்கறிஞரும் படித்திருக்கலாம் என நம்புகிறேன்” என்று நீதிபதி சந்திரசூடு கூறியுள்ளார்.

---------------------------------------------------------------------------------

அனிலின் சி.பி.ஐ

ரு உயிர் போய் விடும் என்றால் மட்டுமே சட்ட முறைகளைப் பின்பற்றி துப்பாக்கி சூடு நடத்த வேண்டிய காவல்துறை “கூட்டத்தை கட்டுப்படுத்த முடியவில்லை, மக்கள் போலீசை விரட்டினர்” என்று கூறி துப்பாக்கி சூட்டை எப்படி நியாயப்படுத்த முடியும்?

இந்தக் கேள்விகள் எதற்கும் சிபிஐ இன் குற்றப்பத்திரிகையில் விடை இல்லை. மேற்கண்ட குற்ற இறுதி அறிக்கையை விட மோசமான, பொறுப்புணர்வற்ற, புலனாய்வே இல்லாத ஒரு குற்றப் பத்திரிக்கையை நாடு இதற்கு முன் கண்டிருக்காது. 

இந்திய வரலாற்றிலேயே, மோசமான குற்றப் பத்திரிக்கை என இதைச் சொல்லலாம். குழந்தைகள் எழுதுவது போன்று கதை எழுதப்பட்டுள்ளது.

காவல்நிலையத்தின் நான்கு சுவர்களுக்குள் நடந்த ஜெயராஜ் – பென்னிக்ஸ், கொலையில் தொடர்புடைய காவல்துறையினர் இன்றுவரை சிறையில் உள்ளனர். 

ஆனால் நான்கு ஆண்டுகளுக்கு முன் தூத்துக்குடியில் நடைபெற்ற இந்த “ இரண்டாம் ஜாலியன் வாலாபாக் படுகொலை” அறைக்குள் நடக்கவில்லை. உலகமே பார்க்க, பட்டப்பகலில்,தொலைக் காட்சி கேமராக்கள் முன்பு நடந்தது. 

இரண்டு வழக்குகளையும் சிபிஐ தான் விசாரித்திருக்கிறது. ஸ்டெர்லைட் படுகொலை வழக்கு ஒரு சார்பாக முடிக்கப்பட்டதன் காரணம், அனில் அகர்வால் மோடி அரசுக்கு நெருக்கமானவர் என்பதுதான். 

அன்று அந்த துப்பாக்கிச் சூட்டை நியாயப்படுத்திப் பேசிய ஒரே கட்சி பாரதிய ஜனதா கட்சி என்பதையும் இங்கே நினைவு படுத்துகிறோம்.

தூத்துக்குடி படுகொலை எப்படி திட்டமிட்டு நடத்தப்பட்டதோ, அதே போல இந்த குற்றப் பத்திரிகையும் திட்டமிட்டே ஸ்டெர்லைட்டுக்கும் அதன் கையாட்களுக்கும் ஆதரவாக தயாரிக்கப்பட்டிருக்கிறது.

மாநில – ஒன்றிய அரசுகளையும், மாசு கட்டுப்பாட்டுத் துறையையும், வருவாய்த்துறை, காவல்துறையையும் கைக்குள் போட்டுக் கொண்டு, தூத்துக்குடியை நஞ்சாக்கிய அனில் அகர்வாலின் கைக்குள் சிபிஐயும் அடக்கம்” என்ற உண்மை இந்த குற்றப்பத்திரிகையிலிருந்து தெரியவருகிறது.
சிபிஐ இன் கடுகளவும் நேர்மையற்ற உண்மைக்குப் புறம்பான இந்தக் குற்றப்பத்திரிகையாராலும்  ஏற்றுக்கொள்ளவே முடியாதது.

----------------------------------------------------------------------------------

மாநிலங்களவை எம்.பி. தேர்தல்: திமுக வேட்பாளர்கள் மனு தாக்கல்

மேல்சபைக்கான எம்.பி. தேர்தலில் போட்டியிட திமுக வேட்பாளர்கள் நாளை மனு தாக்கல் செய்ய உள்ளனர். எஸ்.கல்யாணசுந்தரம், ராஜேஸ்குமார், கிரி ராஜன் ஆகியோர் திம.க வேட்பாளர்களாக போட்டியிட உள்ளனர். தமிழக முதல்வர் முக ஸ்டாலின் முன்னிலையில் மூவரும் வேட்புமனு தாக்கல் செய்கிறார்கள். மேல்சபை தேர்தலுக்கான வேட்புமனு தாக்கல் நடந்து வருகிறது.

மக்களை மத்திய அரசு ஏமாற்றி வருகிறது:
கடந்த 40 நாட்களில் பெட்ரோல் விலை 11 ரூபாய் உயர்த்தி 9 ரூபாய் குறைத்துள்ளனர். இது மக்களை ஏமாற்றுவதற்காக மத்திய அரசு செய்து வருகின்றனர் என மார்க்சிஸ்ட் கமயூனிஸ்ட் கட்சியின் தலைமை குழு உறுப்பினர் ஜி.ராமகிருஷ்ணன் குற்றச்சாட்டு.

பாஜகவில் இணையும் சரத்பாபு:
மக்கள் நீதி மய்யம் கட்சியின் மாநில தலைமை நிலைய செயலாளராக இருந்த இ.சரத்பாபு நேற்று மக்கள் நீதி மய்யம் கட்சியில் இருந்து விலகினார். இந்த நிலையில் தற்போது கிண்டி லீ மெரிடியன் ஹோட்டலில் பாஜக மாநில தலைவர் அண்ணாமலை, சி.டி.ரவி  முன்னிலையில் பாஜகவில் இணைய உள்ளார். 

வீட்டில் தனியாக இருக்கும் பெண்களிடம் பாலியல் சீண்டல்:

ஆண்கள் இல்லாத வீடுகளில் நோட்டமிட்டு பெண்கள் தனியாக இருக்கும்போது அவர்கள் வீட்டுக்குச் சென்று தண்ணீர் கேட்பது போலவும், வாடகைக்கு வீடு கேட்பது போலவும் நடித்து அவர்களை பலவந்தமாக பலாத்காரம் செய்து வந்தார். சிசிடிவி கேமராவில் பதிவுகளை வைத்து குற்றவாளியை பிடித்த மாதவரம் போலீசார் வழக்கு பதிவு செய்து, அவரை நீதிமன்றத்தில் ஆஜர்படுத்தி சென்னை புழல் மத்திய சிறையில் அடைத்தனர்

கூட்டு பாலியல் வன்கொடுமை - 30 ஆண்டுகள் சிறை தண்டனை
மதுரை மாவட்ட மகிளா நீதிமன்றத்தில் இன்று விசாரணைக்கு இந்த வழக்கு வந்தது. அப்பொழுது நீதிபதி கிருபாகரன் மார்த்தாண்டம் இருவரும் மீதும் குற்றம் நிரூபிக்கப்பட்டது எனக்கூறி, ரவிச்சந்திரன் மற்றும் சேகருக்கு தலா 30 ஆண்டுகள் கடுங்காவல் சிறைத் தண்டனையும் நூறு ரூபாய் அபராதமும் விதித்து உத்தரவு பிறப்பித்தார். 

அன்னதானம் வழங்குவதில் பாரபட்சம்:
பக்தர்களுக்கு அன்னதானம் வழங்குவதில் பாரபட்சம் காட்டுவதாக மாமல்லபுரம் தலசயனப் பெருமாள் கோவிலில் செயல் அலுவலர் மற்றும் சமையல் செய்யும் பெண் உட்பட 2 பேர்  பணியிடை நீக்கம் செய்யப்பட்டுள்ளனர்.

அண்ணா பல்கலைகழகத்தில் மேலும் 2 பேருக்கு கொரோனா தொற்று உறுதி
சென்னை அண்ணா பல்கலைக்கழகத்தில் ஏற்கனவே 9 பேருக்கு கொரோனா உறுதி செய்யப்பட்டுள்ள நிலையில் தற்போது மேலும் இருவருக்கு கொரோனா உறுதி செய்யப்பட்டுள்ளதாக வெளிவந்திருக்கும் தகவல் அதிர்ச்சியை ஏற்படுத்தி உள்ளது.

தமிழகத்தில் 12 மாவட்டங்களில் இன்று கனமழைக்கு வாய்ப்பு

தமிழகத்தில் 12 மாவட்டங்களில் இன்று கனமழைக்கு வாய்ப்பு உள்ளதாக வானிலை ஆய்வு மையம் அறிவித்துள்ளது.

சென்னை மாவட்டத்துக்கு புதிய கலெக்டர் நியமனம்
சென்னை மாவட்டத்துக்கு புதிய கலெக்டராக எஸ்.அமிர்த ஜோதி நியமனம் செய்யப்பட்டுள்ளார்.