திங்கள், 31 அக்டோபர், 2022

வேதனையான சாதனை.

உலக அளவில் தென்கொரியாவில் ஹாலோவின் ஊர்வலத்தில் 112,பேர்கள்சோமாலியா குண்டு வெடிப்பில்110 பேர்கள் பலியான வரிசையில்குஜராத் மாநில மோர்சா தொங்கு பாலம் இடிந்து விழுந்ததில் குறைந்தது 143பேர்கள் உயிரிழந்துள்ள நிகழ்வு இந்தியா மட்டுமல்லாமல் உலக. அளவில் அதிர்ச்சியைக் கிளப்பியுள்ளது.

பாலம் இடிந்ததால் மோர்பி நகரில் உள்ள மச்சு ஆற்றில் நூற்றுக்கணக்கானோர் மூழ்கியுள்ளனர்.

பகுதியளவு நீரில் மூழ்கிய தொங்கு பாலத்தில் மக்கள் தொங்கிக்கொண்டு உயிர்பயத்தில் அலறுவதைக்  காணொளி காட்சிகளில் இயலா நிலையில் பார்க்க முடிகிறது.

அந்த நேரத்தில் 400 பேர் கட்டிடத்தில் இருந்ததாக தகவல்கள் தெரிவிக்கின்றன. .
குஜராத் மாநிலம் மோர்பி பகுதியில் உள்ள மொச்சு ஆற்றின் மீது இருந்த கயிற்றுப் பாலம் அறுந்து விழுந்ததில் 400 க்கும் அதிகமானோர் ஆற்றில் மூழ்கியதாக கூறப்படுகிறது.
பாலம் பழுதுபார்க்கப்பட்டதைத் தொடர்ந்து மீண்டும் திறக்கப்பட்ட சில நாட்களில் இது நடந்திருக்கிறது

பாலம் அறுந்து விழும்போது 500 க்கும் மேற்பட்டோர் அந்த பாலத்தின் மீது இருந்ததாகவும் பாலம் இரண்டாக உடைந்து ஆற்றில் விழுந்ததாகவும் கூறப்படுகிறது.

"காயமடைந்தோர் எண்ணிக்கை குறைவாக உள்ளது. ஆனால், தண்ணீரில் மூழ்கியவர்களை தேடும் பணி நடந்து வருகிறது. இதுவரை வந்த தகவல்படு பலியான142 பேர்களில் பெரும்பாலானோர் குழந்தைகள்.

இருள் சூழ்ந்ததால் தண்ணீரில் சிக்கியவர்களைக் காப்பாற்ற பார்வையாளர்கள் முயற்சிக்கும் போது காட்சிகளை வீடியோக்கள் காட்டுகின்றன.
கடந்த சில நாட்களாகவே இந்த பாலத்தின் மீது செல்வோர் எண்ணிக்கை அதிகரித்துவந்த நிலையில் அதிகாரிகளின் கவனக்குறைவே இந்த விபத்துக்கு காரணம்.
பாலத்தின் தாங்கும் சக்தியைவிட ஒரே நேரத்தில் ஐநூறுக்கும்  அதிகமானோர் பாலத்தில் நடந்த்துதான் இந்த விபத்துக்கு காரணம்.
அதிகாரிகள் அதற்கு கட்டுப்பாடு விதித்திருந்தால் இந்த விபத்து ஏற்பட வழியிருந்திருக்காது.
தீபாவளிக்குப் பிறகு குஜராத்தி புத்தாண்டு அன்று அக்டோபர்26
தான் இந்தப் புதிய பாலம் திறக்கப்பட்டது.
மோர்பியில் உள்ள மச்சு ஆற்றின் மீது  பிரிட்டிஷ் ஆட்சிகாலத்தில் 1879ம் ஆண்டு 230 மீட்டர் நீளத்தில் தொங்கு பாலம் கட்டப்பட்டது.
புகழ்பெற்ற இதிறக்கப்பட்டு 143 ஆண்டுகளைக் கடந்தது.
மச்சு ஆற்றில் உள்ள தர்பார்கர் அரண்மனை மற்றும் லக்திர்ஜி பொறியியல் கல்லூரியை இணைக்கும் வகையில் கட்டப்பட்டுள்ளது.
மோர்பி நகரின் அதிகாரப்பூர்வ இணையதளத்தில் கொடுக்கப்பட்டுள்ள தகவலில், இந்த பாலம் பொறியியலின் அதிசயம் என்று விவரிக்கப்பட்டுள்ளது..
இந்த பாலம் 1.25 மீட்டர் அகலமும் 233 மீட்டர் நீளமும் கொண்டது.

தற்போதுதான் சீரமைப்பு பணிகள் நடைபெற்றன. இதுதொடர்பான பணிகளுக்காக ஐரோப்பாவைச் சேர்ந்த  தனியார் நிறுவனத்திடம் ஒப்படைக்கப்பட்டிருந்தது.சென்ற வாரம்தான் மீண்டும் செயல்பாட்டிற்கு வந்த்து.
பாலத்தின் ஒரு பகுதி உடையாமல் இருந்த சூழலில் அதில் உயிரை காப்பாற்றிக் கொள்ள பலரும் தொங்கி கொண்டிருந்தனர்.
ஆனால் நேரம் செல்ல செல்ல கைகளால் பிடித்திருக்க முடியவில்லை.
ஒருசிலர் மேலே ஏறி வந்துவிட்ட நிலையில் எஞ்சியவர்கள் அலறிக்கொண்டே ஆற்றில் விழுந்தனர்.
இதில் நீச்சல் தெரிந்தவர்கள் எப்படியோ நீந்தி சென்று கரையை அடைந்தனர். ஆனால் நீச்சல் தெரியாதவர்கள் மாட்டிக் கொண்டனர்.
மாநில முதல்வர் பூபேந்திர படேல் கேவாடியாமீட்பு மற்றும் அடுத்த கட்ட நடவடிக்கையில் சுணக்கம் காட்டியதாலேயே உயிரிழப்பு அதிகரித்துள்ளதாக பொதுமக்கள் குற்றம்சாட்டியுள்ளனர்.
மீட்புப் பணிகளில் உதவ அண்டை மாவட்டங்களில் இருந்து அவசர உதவியாளர்கள் சம்பவ இடத்திற்கு அனுப்பப்பட்டுள்ளனர்.

தேசிய பேரிடர் மீட்புப் படையின் , மூன்று குழுக்கள் ,ராணுவத்தினரும் சம்பவ இடத்திற்கு விரைந்து வந்து நிவாரணப் பணிகளை செய்து வருகின்றனர்..
இந்த பாலம் சீரமைக்கப்பட்டதாக பல நாட்களுக்கு முன்பே  கட்டுமான நிருவனம் கூறினாலும் இதை ஆய்வு செய்த அதிகாரிகள் பால கட்டுமானத்தில் குறை இருப்பதாகவும் அதை சரிசெய்யவேண்டும்என்று என்று கூறி தரச்சான்றும்,தடையின்மைச்சான்றும் இதுவரை வழங்காத்தால் பாலம் பயன்பாடுக்கு இல்லாமல் மூடிதான் வைக்கப்பட்டிருந்த்து.
ஆனால் நவம்பர் ஆரம்ப நாட்களில் குஜராத் தேர்தல் தேதி அறிவிக்கப் பட்டுவிடும் என்பதால் சாதனை பட்டியலில் தொங்குபால சீரமைப்பை காட்ட வேண்டும் என்பதாலேயே அரைகுறையாக திறக்கப்பட்டு 125 பேர்களை மட்டுமே தாங்கும் திறனுள்ள பாலத்தில் அளவுக்கதிகமாக 500 க்கும் அதிகமான மக்களை அனுமதித்து இந்த உயிர்ப்பலி  கொடுக்கப்பட்டுள்ளது என கூறப்படுகிறது.


குஜராத் சட்டமன்ற தேர்தல் வெற்றிக்கு செய்த வழியே தோல்விக்கு காரணமாகி விடும் என்ற அச்சமே இப்போது ஆளும் பா.ஜ.க விற்கு.

சாதனை எதிர்பார்த்து மக்களுக்கு கொடுத்தது வேதனைதான்.




சனி, 29 அக்டோபர், 2022

அ.இ.அ.தி.மு.க பொற்கால ஆட்சி.

கமலைப் பார்த்து மிரண்ட நடிகர் திலகம்.

 கமலை வைத்து சூப்பர் ஹிட் படமான சிங்காரவேலன் என்ற படத்தை கொடுத்தவர் ஆர்.வி.உதயகுமார். 

முதலில் இந்த படத்தை எடுப்பதில் கமலுக்கும் சரி உதயகுமாருக்கும் சரி சிறிய தயக்கம் இருந்ததாம். துணிந்து எடுத்து படத்தை வெற்றிபடமாக காட்டியுள்ளனர்.

மேலும் கமலை பற்றி ஒரு மேடையில் பேசிய உதயகுமார் கமலை பார்த்து சிவாஜி மிரண்ட ஒரு விஷயத்தை பகிர்ந்தார். ஒ

ரு சமயம் சிவாஜி உடல் நிலை சரியில்லாத போது அவரை பார்க்க சென்றிருக்கிறார் உதயகுமார். 

அப்போது சிவாஜிக்காக ஏற்கெனவே தயாரித்து வைத்திருந்த கதையோடு சென்றிருக்கிறார்.

சிவாஜி காலடியில் அமர்ந்து காலை பிடித்து அமுக்கி கொண்டிருந்தாராம் உதயகுமார். அப்போது அந்த கதையையும் சொல்லியிருக்கிறார். 

அதை கேட்ட சிவாஜி ‘அது இருக்கட்டும், கமல்னு ஒரு பையன் இருக்கிறானே? 

அவன் என்னம்மா நடிக்கிறான்? ஷட்டில் ஆக்டிங் அவன் கிட்ட இருக்கு, ஆனால் என்கிட்ட ஸ்டைலிஷான ஆக்டிங் தான், ’ என்று கூறினாராம்.

மேலும் அவர் கூறும் போது ‘ நான் இருந்தாலும் கொஞ்சம் ஓவராத்தான் நடிக்கிறேன், கமல் எவ்வளவு பிரம்மாதமாக நடிக்கிறான்’ என்று வியந்து கூறினாராம்.

 அந்த அளவுக்கு நடிப்பின் மீது பேரன்பு கொண்டவர் நடிகர் கமல்ஹாசன். அவரிடம் இருந்து நடிப்பு கற்றுக் கொள்ளுங்கள் என்று ஆர்.வி.உதயகுமார் கூறினார்.

-----------------------+----------------------------+

தலைசுற்றும்

பத்தாண்டுகால

அ.இ.அ.தி.மு.க பொற்கால ஆட்சி.


.சென்ற பத்தாண்டு கால அ.தி.மு.க ஆட்சியில் நடைபெற்ற முறைகேடுகள், அரசுக்கு ஏற்பட்ட இழப்புகள் குறித்த அந்த அறிக்கைகளின் மொத்தத் தொகையைக் கூட்டினால் தலையே சுற்றுகிறது.

 எனவே, சி.ஏ.ஜி அறிக்கையில் இடம்பெற்ற சில முக்கியமான விஷயங்கள் மட்டும் இங்கே...

* அண்ணா பல்கலைக்கழக மாணவர்களுக்கு 2016-ம் ஆண்டில் சான்றிதழ்களை டிஜிட்டல்மயமாக வழங்குவதில் முறைகேடு செய்ததில் இழப்பு ரூ.11.41 கோடி.

* 17,15,441 மாணவர்களுக்கு மார்க் ஷீட் அச்சடிப்பதற்கு பதிலாக, 57 கோடி ரூபாய் செலவில் 1,63,30,000 வெற்றுச் சான்றிதழ்களை அச்சடித்த வகையில் ஏற்பட்ட வீண் செலவு ரூ.24.5 கோடி.

* மதுரை காமராசர் பல்கலைக்கழக தொலைதூரக்கல்விக்காக, டிஜிட்டல் பாடத்திட்டம் தயாரிக்க, தகுதியற்ற நிறுவனத்துக்கு டெண்டர் ஒதுக்கப்பட்டதால் அரசுக்கு ஏற்பட்ட நஷ்டம் ரூ.10.7 கோடி.

* கரூர், தேனி, திருவண்ணாமலை, திருவாரூர், விழுப்புரம் ஆகிய ஐந்து மாவட்டங்களில் அரசு பாலிடெக்னிக் கல்லூரிகளில் அடிப்படை வசதியின்றி விடுதிகள் கட்டியதில் தேவையற்ற செலவினம் ரூ.6.64 கோடி.

சி.ஏ.ஜி அறிக்கை சொல்லும் கணக்கு! - இழப்பு... நஷ்டம்... தண்டம்... வீண் செலவு...

* 131 அரசு மாதிரிப் பள்ளிகளில் பயிலும் 52,238 மாணவர்களுக்குப் பிரத்யேகச் சீருடை இருந்தும், 2020-21-ம் கல்வியாண்டில் அரசின் இலவசச் சீருடை வழங்கியதில் வீண் விரயம் ரூ.6.38 கோடி.

* மதுரையில் 2017-ல் கட்டப்பட்ட ஒருங்கிணைந்த விளையாட்டு அறிவியல் மையம் பயன்பாட்டுக்கு வராததால், மத்திய அரசு விளையாட்டு ஆணையத்துக்கு ஒதுக்கி, வங்கியில் முடங்கிக்கிடக்கும் தொகை ரூ.2.73 கோடி.

* ரேஷன் கடைகளில் எடை மெஷின்களை வருடாந்தர பராமரிப்பு செய்யாமலேயே ஒப்பந்த நிறுவனங்களுக்குக் கட்டணம் செலுத்திய தண்டச் செலவு ரூ.3.22 கோடி.

* கட்டுமானத் தொழிலாளர் நலவாரியத்துக்காக 2014 முதல் 2019 வரை ஒன்பது இடங்களில் கட்டப்பட்ட தங்குமிடங்களில், பயன்பாட்டுக்கு வராத இரண்டு கட்டடங்களால் ஏற்பட்ட பயனற்ற செலவு ரூ.31.66 கோடி.

* 2017-ல் தருமபுரி, திருவண்ணாமலை, வேலூர், விருதுநகர் மாவட்டங்களில் 49 குளங்களைப் புனரமைக்கும் திட்டப் பணிகள் சுணங்கியதால், மத்திய அரசிடமிருந்து வராமல் போன தொகை ரூ.29.95 கோடி.

* கன்னியாகுமரியில் ரூ.10 கோடி செலவில் கட்டப்பட்ட மீன் இறக்கும் தளத்தைக் காப்பீடு செய்யாமல் போனதால், ஒக்கி புயலால் அதில் ஏற்பட்ட சேதாரத்துக்கு ஆன மறுகட்டுமானக் கூடுதல் செலவு ரூ.3.15 கோடி.

* 2017-ல் காஞ்சிபுரம், பெரம்பலூர், திருப்பூர் அரசு மருத்துவமனைகளின் எம்.ஆர்.ஐ ஸ்கேனர்கள் அமைக்கத் திட்டமிட்டு, 2020 வரை இடவசதி, மின்வசதி அளிக்காமல் அதிகாரிகள் இழுத்தடித்ததால், (அந்தக் காலகட்டத்தில் ஏற்பட்ட விலை உயர்வால்) ஆன கூடுதல் செலவு ரூ.1.12 கோடி.

* திருத்திய நெல் சாகுபடி திட்டத்தின்கீழ், ஹெக்டேருக்கு 8 கிலோ நெல் வழங்கவேண்டிய நிலையில், வேலூர் விவசாயிகளுக்கு மட்டும் 50 கிலோ வரை நெல்லைக் கூடுதலாக வழங்கியதால் ஏற்பட்ட கொள்முதல் நஷ்டம் ரூ.1.33 கோடி.

* திருச்சி காந்தி சந்தைக்கு மாற்றாக, கள்ளிக்குடியில் நவீன மத்திய வணிக வளாகம் கட்டப்பட்டும் வசதியின்மை காரணமாகத் திட்டம் செயல்பாட்டுக்கு வராததால் ஏற்பட்ட பயனற்ற முதலீடு ரூ.75.64 கோடி.

தமிழ்நாடு சட்டமன்றத்தில் அ.தி.மு.க-வின் ‘ஒற்றைத் தலைமை’ மல்லுக்கட்டு, ஆறுமுகசாமி, அருணா ஜெகதீசன் ஆணையங்கள் தாக்கலானது உள்ளிட்ட விவகாரங்களால், 19.10.2022 அன்று வெளியான ‘இந்திய கணக்காய்வு மற்றும் தணிக்கைத்துறை (சி.ஏ.ஜி)’ தலைவரின் அறிக்கை குறித்துப் பெரிய விவாதங்கள் எழாமல் போய்விட்டன.

 கடந்த 10 ஆண்டுக்கால அ.தி.மு.க ஆட்சியில் நடைபெற்ற முறைகேடுகள், அரசுக்கு ஏற்பட்ட இழப்புகள் குறித்த அந்த அறிக்கைகளின் மொத்தத் தொகையைக் கூட்டினால் தலையே சுற்றுகிறது. 

எனவே, சி.ஏ.ஜி அறிக்கையில் இடம்பெற்ற சில முக்கியமான விஷயங்கள் மட்டும் இங்கே...மேலே தரப்பட்டுள்ளது....

----------------------------------------------------------

ஆளுநரா?

பா.ஜ.க,கொ.ப.செயலாளரா!



வியாழன், 27 அக்டோபர், 2022

தலைகளை உருட்டாமல் ஓயாது

 தூத்துக்குடி துப்பாக்கிச்சூடு சம்பவம் தொடர்பான வழக்கு இப்போது சி.பி.ஐ வசம் இருக்கிறது. 

ஆனால் அந்த வழக்கில் அடிபட்டவர்கள், குண்டு பாய்ந்தவர்கள் என பாதிக்கப்பட்ட எல்லோரையும் குற்றவாளிகளாகவும், மக்களைச் சுட்ட, துப்பாக்கிச்சூட்டுக்குக் காரணமான காவல்துறையினரையெல்லாம் சாட்சிகளாகவும் போட்டிருக்கிறது சி.பி.ஐ..

 அருணா ஜெகதீசன் ஆணையத்தின் அறிக்கையோ, காவல்துறை,வருவாய்துறையின் முறை தவறிய செயல்களை துணிச்சலாக சுட்டிக் காட்டியுள்ளது.

தவறு செய்த அதிகாரிகளின் பெயர்களை சுட்டிக்காட்டி அரசை நடவடிக்கை எடுக்கக் கூறியுள்ளது.

அவர்கள் தலைகளை உருட்டாமல் ஓயாது என்கிறார்கள் காவல்துறையில்.


தூத்துக்குடி துப்பாக்கிச் சூடு

சம்பவத்தின்போது, தென்மண்டல ஐ.ஜி-யாக இருந்த சைலேஷ் குமார் யாதவ், நெல்லை சரக டி.ஐ.ஜி-யாக இருந்த கபில் குமார் சி சரத்கர் ஆகியோர் மீது நடவடிக்கை எடுக்க உள்துறையிலிருந்து கிரீன் சிக்னல் கிடைத்திருக்கிறதாம். 

விரைவில் நடவடிக்கை என்பதால், கலக்கத்தில் இருக்கிறார்கள் அந்த ஐ.பி.எஸ் அதிகாரிகள்.

-------+------------+---------+-----------+-----------




புதன், 26 அக்டோபர், 2022

டவ் ஷாம்பு அபாயம்

புற்றுநோய் தரும் ஷாம்புகள்.

தற்போது ரசாயனங்கள் எதுவுமேயில்லாமல் எந்தவொரு தயாரிப்பும், இப்போதெல்லாம் தயாரிக்கப்படுவதில்லை.. 

இந்த பொருள்கள் கெடாமல் இருக்க ரசாயனம், நீண்டநாள் வரை புதிதாக இருக்க வேறுவகையான ரசாயனம் என ரசாயனங்கள் கலக்கப்படுகின்றன.

அந்தவகையில், பிரபலமான பிராண்டான டவ் உட்பட பல ஷாம்பூக்கள், யூனிலீவர் பிஎல்சி நிறுவனத்தால் திரும்ப பெறப்பட்டுள்ளதாக தற்போது அறிவிக்கப்பட்டுள்ளது.. 

இதற்கு காரணம், இந்த தயாரிப்புகளில் புற்றுநோயை உண்டாக்கும் பென்சீன் எனப்படும் ரசாயனம் கலக்கப்பட்டுள்ளதாக ப்ளூம்பெர்க் என்ற நியூஸ் ஏஜென்சி தெரிவித்துள்ளது.

ஃபுட் அண்ட் ட்ரக் அத்தாரிட்டி நிறுவனத்தின் வெப்சைட்டில், நெக்சஸ், சாவ், ட்ரெசமே மற்றும் டிஐஜிஐ (Nexxus, Suave, Tresemmé, and Tigi) போன்ற பிராண்டுகளும் திரும்பப் பெறப்பட்டுள்ளதாகவும் அறிவிக்கப்பட்டுள்ளன.. 

அமெரிக்காவில் விற்பனையாகும் ஷாம்பூ உள்ளிட்ட பல பொருட்களும் வேதியியல் சோதனைக்கு உட்படுத்தப்படுகின்றன... 

அப்படித்தான், சமீபத்தில் கனெக்டிகட்டில் உள்ள நியூ ஹேவனில் உள்ள வேலிஷ்யூர் என்ற ஆய்வு நடத்தப்பட்டுள்ளது.. 

இந்த ஆய்வில், இந்துஸ்தான் யூனிலிவர் தயாரிப்பான டவ் ட்ரை ஷாம்பூவில் பென்சின் என்ற வேதிபொருள் அதிகமாக உள்ளது கண்டறியப்பட்டுள்ளது.

இந்த வேதிபொருள், கேன்சரை உருவாக்கும் அபாயம் கொண்டதாம்.. டவ் ஷாம்பூ மட்டுமல்லாமல் நெக்ஸஸ், சாவே, டிகி மற்றும் ட்ரஸ்ஸமே உள்ளிட்ட ஷாம்பூ நிறுவன பொருட்களிலும் இதே ஆபத்து நிறைந்திருப்பது கண்டறியப்பட்டுள்ளது... 

இந்த ஆய்வில் புற்றுநோய் அபாயம் உறுதியானதால், தன்னுடைய தயாரிப்புகளை திரும்ப பெறும் முடிவை இந்துஸ்தான் யூனிலிவர் மேற்கொண்டுள்ளதாக செய்திகள் வெளியாகியுள்ளது... 

அதாவது, யுனிலீவர் நிறுவனம் அக்டோபர் 2021-க்கு முன் தயாரிக்கப்பட்ட உலர் ரக ஷாம்ப்பூக்கள் அத்தனையும் திரும்பப் பெற்றுள்ளது.

அதேசமயம் இந்த ஆய்வு இந்திய சந்தை தயாரிப்புகளுக்கு பொருந்தாது என்றும் தெரிவிக்கப்பட்டுள்ளது. 

ஏற்கனவே

பென்சீனின் வெளிப்பாடு லுகேமியா மற்றும் பிற ரத்த புற்றுநோய்களுக்கு வழிவகுக்கும் என்கிறார்கள்.. 

பென்சீன் என்பது பெட்ரோலியப் பொருட்களில் அறியப்பட்ட ஒரு பொருள் ஆகும்.. 

உலர் ஷாம்புகள் மற்றும் ஸ்ப்ரே-ஆன்கள் புரோபேன் மற்றும் பியூட்டேன் போன்ற உந்துசக்திகளை இவை கொண்டிருக்கின்றன.

 மேலும், கச்சா எண்ணெயை சுத்திகரிப்பதன் மூலம் தயாரிக்கப்படும் பெட்ரோலியத்தை காய்ச்சுவதற்கு பயன்படுத்தப்படுபவையும்கூட..

இப்படித்தான் கடந்த சில தினங்களுக்கு முன்பு, இதே பென்சீன் மாசுபாட்டை காரணம் காட்டி, பேண்டீன் மற்றும் ஹெர்பல் எசன்ஸஸ் உலர் ஷாம்புகளை (Pantene and Herbal Essences dry shampoos ) திரும்பப் பெற்றது... இப்போது இன்னொரு கம்பெனி திரும்ப பெற்றுள்ளது..

 இதுகுறித்து வேலிஷ்யூர் தலைமை நிர்வாக அதிகாரி டேவிட் லைட் சொல்லும்போது, 'நாங்கள் கவனித்ததை பொறுத்தவரை, ஏரோசல் உலர் ஷாம்புகள் போன்ற பிற நுகர்வோர் - தயாரிப்பு வகைகள் பென்சீன் மாசுபாட்டால் பெரிதும் பாதிக்கப்படலாம்.. அதனால், இதுகுறித்து நாங்கள் தீவிரமாக ஆராய்ந்து வருகிறோம்' என்று கூறியுள்ளார்.




செவ்வாய், 25 அக்டோபர், 2022

பத்தாண்டு மர்மம்

 ரிஷி சூனக்

சென்ற முறை தனக்கு கிடைக்க வேண்டிய. பிரதமர் பதவி நூலிலையில் தவற விட்ட ரிஷிக்கு தற்போது கிடைக்கும் சூழல்.

அவரது பின்னணி:-

ரிஷி சூனக்கின் பெற்றோர் கிழக்கு ஆஃப்ரிக்காவில் இருந்து இங்கிலாந்துக்கு வந்தவர்கள். 

இருவரும் இந்திய வம்சாவளியைச் சேர்ந்தவர்கள். அவரது தந்தை தற்போதைய கென்யாவில் பிறந்து வளர்ந்தார், அதே நேரத்தில் அவரது தாயார் தங்கனிகாவில் (பின்னர் தான்சானியாவின் ஒரு பகுதியாக மாறியது) பிறந்தார்.

இவரது தாத்தாக்கள் இந்தியாவின் பஞ்சாப் மாகாணத்தில் பிறந்தவர்கள் மற்றும் கிழக்கு ஆஃப்ரிக்காவில் இருந்து 1960களில் தங்கள் குடும்பங்களுடன் இங்கிலாந்துக்கு குடிபெயர்ந்தனர்.

ரிஷி சூனக், 1980இல் செளத்தாம்டனில் பிறந்தார். அங்கு அவரது தந்தை பொது மருத்துவராக இருந்தார். 



இவரது தாயார் சொந்தமாக மருந்தகத்தை நடத்தி வந்தார்.வின்செஸ்டர் கல்லூரியில் பயின்ற இவர் பின்னர் தத்துவம், அரசியல் மற்றும் பொருளாதாரம் படிக்க ஆக்ஸ்போர்டு சென்றார்.

ஸ்டான்போர்ட் பல்கலைக்கழகத்தில் எம்பிஏ படிக்கும் போது, ​​இந்திய கோடீஸ்வரரும், ஐடி சேவை நிறுவனமான இன்ஃபோசிஸின் இணை நிறுவனருமான நாராயணமூர்த்தியின் மகளான அக்ஷதா மூர்த்தியைச் சந்தித்தார் ரிஷி சூனக்.

 பிறகு இந்த ஜோடி திருமணம் செய்து கொண்டது. இந்த தம்பதிக்கு இரண்டு மகள்கள் உள்ளனர்.

பிரதமர் பதவிக்கான தமது முந்தைய தலைமை பிரசாரத்தின் போது, ​​காலநிலை மாற்றத்தின் பின்னணியை குறிப்பிடும்போது, அவர் தனது மகள்களை அடிக்கடி குறிப்பிட்டார்.

பிபிசி தொலைக்காட்சி விவாதத்தின் போது பருவநிலை மாற்றம் குறித்த கேள்விக்கு பதிலளித்த சூனக், "எனது வீட்டில் நிபுணர்களாக இருக்கும் எனது இரண்டு இளம் மகள்களிடமிருந்து ஆலோசனை பெற்றேன்" என்றார்.

2001 முதல் 2004ஆம் ஆண்டு வரை, சூனக் கோல்ட்மேன் சாக்ஸ் என்ற நிறுவனத்தின் நிதி ஆய்வாளராக இருந்தார். பின்னர் இரண்டு ஹெட்ஜ் முதலீட்டு நிறுவனங்களில் அவர் பங்குதாரராக இருந்தார்.

பணக்கார நாடாளுமன்ற உறுப்பினர்களில் ஒருவராக கருதப்படும் ரிஷி சூனக், தமது சொத்து மதிப்பு என்ன என்பதை பகிரங்கமாக இதுவரை தெரிவிக்கவில்லை.

வலதுசாரி ஆதரவாளராக இருப்பதாலேயே இப் பிரதமர் பதவி கிடைக்க உள்ளது.

----------------------------------------------------------------------------

ரிஷி சூனக்

வயது: 42

பிறந்த இடம்: செளதாம்டன்

வீடு: லண்டன் மற்றும் யார்க்ஷையர்

கல்வி: வின்செஸ்டர் கல்லூரி, ஆக்ஸ்ஃபொர்டு பல்கலைக்கழகம், ஸ்டான்ஃபோர்ட் பல்கலைக்கழகம்

குடும்பம்தொழிலதிபர் அக்ஷதா மூர்த்தியை மணந்தார். இந்த தம்பதிக்கு இரண்டு மகள்கள் உள்ளனர்.

நாடாளுமன்ற தொகுதி: ரிச்மொண்ட் (யார்க்ஷையர்)

ரிஷிசூனக் தற்போதைய நிலையில் முன்னணியில் இருந்தார், 357 எம்.பி.க்களில் பாதிக்கும் மேற்பட்டவர்களின் ஆதரவைப் பெற்றுள்ளார் - 

 100 எம்.பிக்கள் ஆதரவே குறைந்தபட்சம்.


படுகொலையின்
பத்தாண்டு


திமுகவின் மூத்த தலைவர்களில் ஒருவரும் தற்போதைய நகராட்சித்துறை அமைச்சருமான  கே.என்.நேருவின் தம்பி ராமஜெயம்.  2012 மார்ச் 29-ம் தேதியன்று திருச்சியில் 10-வது கிராஸ் வீட்டில் இருந்து நடைபயற்சிக்காக கிளம்பிய ராமஜெயம் மர்ம நபர்களால் கடத்தப்பட்டதாக செய்திகள் வெளியானது.


திருச்சி - கல்லணை சாலையில் உள்ள திருவளர்சோலை பகுதியில் கட்டுக்கம்பிகள், டேப் ஆகியவற்றால் கட்டப்பட்டு முட்புதருக்குள் கொடூரமாக கொலை செய்யப்பட்டு கிடந்தார் ராமஜெயம். ராமஜெயம் கொலை வழக்கை விசாரிக்க திருச்சி மாநகர கமிஷனர் சைலேஷ்குமார் யாதவ் தலைமையில் 7 சிறப்பு தனிப்படைகள் அமைக்கப்பட்டது. 

இந்த வழக்கு சி.பி.சி.ஐ.டி.க்கு மாற்றப்பட்டதில் இருந்து, ராமஜெயத்தின் உதவியாளர்கள், அவர் சார்ந்தவர்களிடம் உண்மைக் கண்டறியும் சோதனை நடைபெற்றது. தங்கள் குடும்பத்தை குறி வைத்து விசாரணை நடைபெறுவதால் அதிருப்தியடைந்த ராமஜெயம் மனைவி லதா வழக்கை சி.பி.ஐ.க்கு மாற்ற மனு தாக்கல் செய்தார். 

விசாரணை 2017-ம் ஆண்டு வரை நடந்து வந்தும் எந்த வித முன்னேற்றமும் ஏற்படாமல் போனது. தொழில் போட்டி மற்றும் குடும்ப பிரச்சினை காரணமாகவே கொலை நடந்திருக்கலாம் என்றும், இது தொடர்பாக 1100 பேருக்கு மேல் விசாரணை நடத்தப்பட்டதாகவும் சட்டசபையில் விளக்கம் அளித்தார் அன்றைய முதலமைச்சரான எடப்பாடி பழனிசாமி. 

திருச்சியில் சாதாரண ஏர்செல் நிறுவனத்தின் ஏஜண்டாக செயல்பட்ட(Managing Director) காரணத்தால் M D என்ற அடைமொழியுடன் அழைக்கப்பட்டார். அண்ணன் அமைச்சர் என்பதால் அரசு அதிகாரிகள் , நில உரிமையாளர்கள், என சகல பிரிவினரையும் மிரட்டி காரியம் சாதித்தனர். இதனால்தான் அமைச்சரின் இலாக்காவில் உள்ள வேலை வாய்ப்புகளுக்கு ஒரு தொகை நிர்ணயித்து வசுலித்தும், குவாரி கான்ட்ராக்ட் முதல் ரியல் எஸ்டேட் வரை, ‘ஜனனி’ மினரல்ஸ், ‘கேர் காலேஜ்’ என தனது சாம்ராஜ்ஜியத்தை சிங்கப்பூர், மலேசியா, இந்தோனேஷியா, தென் ஆப்ரிக்கா என பரந்து விரிந்த வர்த்தக தொடர்பு மூலமாகவும் பல ஆயிரம் கோடிக்கு அதிபதியாகவும் மாறினார்.



2007-ல் நில அதிபர் துரைராஜ் காரில் உயிரோடு எரித்து கொன்ற வழக்கிலும் , அதே நிலத்தில் தங்கராஜ் என்பவர் தற்கொலை செய்து கொண்டதிலும் , ராஜெயத்தின் தலையீடு உள்ளதாக காவல்துறை சந்தேகித்தது. ‘கலைஞர் அறிவாலயம்’ , காஞ்சனா பிளாசா, மாயாஸ் ஹோட்டல், பிரபல SRM மருத்துவக்கல்லூரி(‘பாரிவேந்தர் பச்சைமுத்து உடையார்’) கட்டுவது உள்ளிட்ட பிரச்சனையில் மிரட்டப்பட்டதும் திருச்சி மக்கள் அறிந்தது தான். நில அபகரிப்பு நடந்ததாக சில வழக்குகள் தற்சமயம் பதிவு செய்து விசாரிக்க பட்டுவந்தது.

ஆளும் அ.தி.மு.க தலைவி ஜெயலலிதா சட்டமன்ற தேர்தலின் போது வாக்கு சேகரிக்க சென்ற இடமெல்லாம் தி.மு.க அமைச்சர்களை விட ராமஜயத்தை கடுமையாக விமர்சித்தார்.
பெண்கள் விஷயத்தில் ராமஜெயம் சபலம் என சொல்லப்படுகிறது. இதில், காதல் விவகார பிரச்சினை ஒன்றில் நெல்லை மாவட்டம் வள்ளியூரைச் சேர்ந்த ஒரு நபருக்கு எதிராக பஞ்சாயத்து பேசியதோடு மட்டுமல்லாமல், அவருடைய காதலியையே சம்பவம் நடந்த இடத்திற்கு அருகாமையிலுள்ள பொன்னி டெல்டா அபார்ட்மெண்டில் வைத்து குடித்தனம் நடத்தியதாகவும், திரைப்படத்துறையைச் சேர்ந்த நடிகர் ஒருவரின் மனைவியை தன் கட்டுப்பாட்டில் வைத்திருந்ததாகவும், கோவை மாவட்ட என்.ஜி.ஓ. அமைப்பினைச் சேர்ந்த பெண்மணியிடம் சில்மிஷம் செய்ததும் கொலைக்கான காரணமாக சிறப்புப் புலனாய்வுக் குழுவினரால் புதிதாகக் கண்டறியப்பட்டுள்ளது. அதுபோல், ரூ. 1000 கோடி பஞ்சாயத்து ஒன்றில் தலையிட்டதும், மணல் விவகாரத்தில் தலையிட்டதும் கொலைக்கான கூடுதல் காரணமாக முன்வைக்கப் படுகின்றது.
ராமஜெயம் கடத்தப்பட்ட பிறகு, டூவீலரின் பிரேக், ஆக்ஸி லேட்டர் கேபிள்களால் கைகால் கட்டப்பட்டு, உடலெங்கும் கட்டுக்கம்பிகளால் கட்டப்பட்டு ஏறக்குறைய 1 மணி நேரம் குறிப்பிட்ட "அந்த" நபரின் வருகைக்காக காத்திருக்க வைக்கப்பட்டு, அந்த நபர் வந்தவுடன் நேரில் ஆஜர்படுத்தப் பட்டிருக்கின்றார் ராமஜெயம். வந்த நபரோ குண்டூசிகளால் ராமஜெயத்தின் உடலெங்கும், ஏறக்குறைய 186 குண்டூசி அளவிலான துளைகள் இட்டபின்னரே, கொலை செய்யப்பட்டிருக்கிறார் ராமஜெயம் என தெளிவாக குறிப்பிடுகின்றது ராமஜெயத்தின் பிரேத பரிசோதனை அறிக்கை.

ராம ஜெயம் கொலை தொடர்பாக பயனுள்ள தகவல்களை அளிப்பவர்களுக்கு தலா 2 லட்சம் வெகுமதி வழங்கப்படும் என அறிவித்தபோதும், கொலையாளியின் நிழலைக் கூட நெருங்க முடியாமல் போனது. பல நாட்களாக கிடப்பில் போடப்பட்ட இந்த வழக்கு சில நாட்களுக்கு முன் நீதிபதி வி.பாரதிதாசன் முன்பு விசாரணைக்கு வந்தது. 

இந்த வழக்கு குறித்து சி.பி.சி.ஐ.டி. சிறப்பு புலனாய்வு பிரிவு போலீசார் விசாரிக்க வேண்டும் என நீதிமன்றம் உத்தரவிட்டது. அதன்படி  தூத்துக்குடி எஸ்.பி.ஜெயக்குமார் தலைமையிலும், அரியலூர் டி.எஸ்.பி. மதன், சி.பி.ஐ. அதிகாரி ரவி ஆகியோர் அடங்கிய சிறப்பு குழுவே தற்போது இந்த வழக்கை தீவிரமாக விசாரித்து வருகிறது.
ராமஜெயம் கொலை தொடர்பாக சிறையில் உள்ள கைதிகள், குற்ற வழக்குகளில் ஈடுபட்ட சிறைக்கு வெளியில் உள்ளவர்கள், ராமஜெயம் கடத்தப்பட்ட இடத்தில் இருந்து அந்த சமயத்தில் செல்போனில் பேசியவர்கள் என 1400க்கும் மேற்பட்ட நபர்களை அழைத்து போலீசார் தொடர்ந்து விசாரணை நடத்தினர்.

இந்நிலையில், இவ்வழக்கில் 20 பேர் அடங்கிய இறுதிபட்டியல் தயார் செய்யப்பட்டநிலையில், இந்த வழக்கின் முக்கிய விசாரணைகளின் நகர்வு குறித்து அறிவதற்கும், அதேநேரம் தமிழகத்தையே அச்சுறுத்திய பிரபல ரவுடிகள் சுமார் 20க்கும் மேற்பட்டோரை கஸ்டடியெடுத்து கடந்த சில நாட்களாக தீவிரமாக விசாரித்து வருவது குறித்தும், சில ரவுடிகளிடம் உண்மை கண்டறியும் சோதனை நடத்த திட்டமிடப்பட்டு நடவடிக்கைகள் எடுக்கப் பட்டுள்ளன.
சுங்கச்சாவடியில் சிசிடிவி கேமராக்களில் குறிப்பிட்ட ஒரு காரில் கொலையாளிகள் தப்பிச் சென்றிருக்கலாம் என போலீஸாருக்கு சந்தேகம் ஏற்பட்டுள்ளது. அந்த காரை கண்டறிந்தால் கொலையாளியை நெருங்கிவிடலாம் என்பதால் போலீஸார் விசாரணையை தீவிரப்படுத்தி வந்தனர்.



அந்த கார் வெர்ஷா வேன் என தெரியவந்துள்ளது. இதையடுத்து வெர்ஷா வேன் வைத்திருப்போரின் பட்டியலை சிபிசிஐடி போலீஸார் எடுத்து வந்தனர். இதையடுத்து தமிழகம் முழுவதும் 1400 வெர்ஷா வேன்கள் இருக்கிறது. அவற்றில் கோவையில் மட்டும் 250 வெர்ஷா வேன்கள் உள்ளன.

இதனால் கோவையில் உள்ள வெர்ஷா வேன்களின் உரிமையாளர்களிடம் விசாரணை நடத்தினால் வழக்கிற்கு ஏதேனும் துப்பு கிடைக்கும் என போலீஸார் நம்புகிறார்கள். அந்த 250 கார்களிலும் கடந்த 2012 ஆம் ஆண்டுக்கு முன்பு வாங்கப்பட்டது, விற்கப்பட்டது எவை என்பதையும் கணக்கிட்டு விசாரணையை கோவை மாவட்டத்தில் முடுக்கிவிட்டுள்ளனர்.  
மேலும் சென்னை முன்னாள் எம்எல்ஏ எம்.கே.பாலன் கொலை வழக்கில் கணேசனும், செந்தில்குமாரும் தொடர்புடையதிண்டுக்கல்லை சேர்ந்த கணேசன், புதுக்கோட்டையை சேர்ந்த செந்தில்குமார் ஆகியோரிடம் விசாரணை நடத்தப்பட்டு வருகிறது. 

தற்போது மு.க.ஸ்டாலின் தலைமையிலான தி.மு.க. ஆட்சி நடந்து வரும் நிலையில் ராமஜெயம் கொலை வழக்கு மீண்டும் சூடு பிடித்திருக்கிறது. பத்து வருடங்களாக பதுங்கிய உண்மைகள் இனியாவது வெளியே வருமா?





------------------------------------------------------------------------------------

திங்கள், 24 அக்டோபர், 2022

வேலைவாய்ப்பு

 தமிழகத்தில் மக்களவைத் தேர்தல் பணிக்காக முழு நேர ஊழியர்களைத் தேர்வு செய்யவும், அவர்களுக்கு மாத ஊதியம், வாகனம் வழங்கவும் மாவட்ட தலைவர்களுக்கு பாஜக மேலிடம் உத்தரவிட்டுள்ளது. 

தமிழகத்தில் 2024-ல் நடைபெறும் மக்களவைத் தேர்தலில் 39 தொகுதிகளில் 25-ல் வெற்றிபெற பாஜக இலக்கு வைத்துள்ளது. இதையடுத்து தொடக்க கட்ட தேர்தல் பணிகளை பாஜக முடுக்கிவிட்டுள்ளது.

முதல் கட்டமாக தமிழகத்தில் செயல்படுத்தப்பட்டு வரும் ஒன்றிய அரசின் திட்டப்பணிகளை மக்களிடம் நேரில் விளம்பரப்படுத்தும் பணி தொடங்கப்பட்டு உள்ளது. 

இதற்காக ஒன்றியஅமைச்சர்கள் தமிழகத்துக்கு படையெடுத்தவாறு உள்ளனர்.

மத்திய அமைச்சர்கள் அனைவரும் அடுத்தடுத்து தமிழகம் வரவுள்ளனர். அடுத்தகட்டமாக, மக்களவைத் தேர்தல் பணிக்காக பாஜகவில் முழு நேர ஊழியர்களைத் தேர்வு செய்யுமாறு மாவட்டத் தலைவர்களுக்கு பாஜக தலைமை உத்தரவிட்டுள்ளது. 

தலைவர்கள் வருகை பொதுக்கூட்டங்கள், ஆர்ப்பாட்டம், போராட்டங்களின்போது மட்டும் கட்சியினர் தலைகாட்டிவிட்டு போய்விடுகின்றனர். 

தேர்தல் நெருங்கும் வேளையில் மட்டும் தேர்தல் பணிக்கு திரும்புகின்றனர். இதனால் முழு நேரமும் தேர்தல் பணி மேற்கொள்ள ஆர்வமாக உள்ள கட்சியினரை அடையாளம் காணவும், அவர்களை கொண்டு தொய்வில்லாமல் தேர்தல் பணி மற்றும் கட்சிப் பணி மேற்கொள்ளவும் பாஜக திட்டமிட்டுள்ளது. 

இதுதொடர்பாக கட்சி நிர்வாகிகளுக்கு மாவட்ட தலைவர்கள் தகவல் அனுப்பியுள்ளனர். 

அவ்வப்போது ஊர்வலம்,ஆர்ப்பாட்டம்,உண்ணாவிரதம் என ஆட்களை கூலி கொடுத்து கூட்டி வருவதால் அவர்களை சரிவர கட்டுப்படுத்த இயலவில்லை.அதனால், முழு நேரமும் கட்சிப்பணி செய்யவும், அமைப்புரீதியான பணிகளை மேற்கொள்ளவும் முழு நேர ஊழியர்களை மாதசம்பளத்திலேயே தேர்வு செய்யபா.ஜ. கட்சி மேலிடம் அறிவித்துள்ளது.

முழு நேர ஊழியர்களாக தேர்வு செய்யப்படுவோருக்கு மாதச் சம்பளம், வாகனம், எரிபொருள் கொடுக்கப்படும். 

முழு நேர ஊழியர்களாக பணிபுரிய விருப்பம் உள்ள கட்சியினர் மாவட்ட தலைவர்களை அணுக வேண்டும் எனக் கூறப்பட்டுள்ளது.

இதுகுறித்து பாஜகவினர் கூறுகையில், ‘இதில் தேர்வு செய்யப்படுவோருக்கு மாதம் ரூ.10 ஆயிரம் முதல் ரூ.15 ஆயிரம் வரை ஊதியமாக வழங்கப்படும். முழு நேர கட்சிப்பணிகளை அவர்கள் செய்ய  வேண்டும்..கட்சி நடத்தும் கூட்டம், ஆர்ப்பாடம்,உண்ணாவிரதத்தில் பணத்தை வாங்கியதும்  பாதியிலேயே போக முடியாது.அப்படி செல்வோர் சம்பளத்தில் பிடித்தம் செய்யப்படும்"என்றனர்.


--------------+--------------+--------------+------------

சனி, 22 அக்டோபர், 2022

பொறுப்பானவர்

 எந்த ஒரு மாநில அர சாங்கமாக இருந்தாலும் அது மக்களுக் காக செயல்படும் பொழுது வருவாய் பற்றாக் குறை ஏற்படுவது தவிர்க்க முடியாத ஒன்று. 

மக்கள் நலன் மற்றும் வளர்ச்சி திட்டங்களுக்காக கடன் பெறு வதும் தவிர்க்க முடியாதவை. ஆனாலும், இவை அனைத்தும் ஒரு வரம்புக்குள் அடங்க வேண்டும். அது எல்லையை தாண்டக்கூடாது. 

அப்போதுதான், அந்த மாநில மக்களும் மாநிலமும் வளர்ச்சி பாதைக்கு செல்லும். இதில் சில ஏற்றத் தாழ்வுகள் இருக்கத்தான் செய்கிறது. மாநிலத்தின் ஒட்டுமொத்தமான வருவாய் வரவை காட்டிலும், அரசின் செலவு அதிகரிக்கும்போது வரு வாய் பற்றாக்குறை ஏற்படுகிறது. இந்த பற்றாக்குறை யால், தினசரி தேவைகளுக்கும் பணம் இல்லாமல் தத்தளிக்கும் நிலை உருவாகிறது.

வருவாய் பற்றாக்குறை, நிதி பற்றாக்குறை, முதன்மை பற்றாக்குறை என்ற இந்த மூன்று நடை முறையும் அதிமுக ஆட்சியின் கடைசி ஐந்து ஆண்டு காலத்தில் முறையாக பின்பற்ற தவறியதால் வருவாய் பற்றாக்குறை 380.76 விழுக்காடாக உயர்ந்ததை தமிழ்நாடு சட்டப்பேரவையில் தாக்கல் செய்த இந்திய கணக்காய்வு மற்றும் தணிக்கைத் துறைத் தலை வரின் அறிக்கை தெளிவாகக் காட்டியிருக்கிறது. 

அதிமுக ஆட்சியின் கடைசி ஐந்தாண்டு கால 2021 மார்ச் உடன் முடிவடைந்த இந்திய கணக்காய்வு மற்றும் தணிக்கை துறை தலைவரின் மாநில நிதிநிலை மீதான தணிக்கை துறையின் 192 பக்க அறிக்கை மேலும் அதிர்ச்சியூட்டும் தகவல்களையும் வெளிக்கொண்டு வந்துள்ளது.

 எடப்பாடி பழனிசாமி தலைமையிலான அதிமுக ஆட்சியின் கடைசி ஐந்து ஆண்டுகளில் தமிழ்நாட்டின் வருவாய் பற்றாக்குறை அசுர வேகத்தில் அதாவது, 380.76 விழுக்காடாக உயர்ந்துள்ளது. 

2016-2017 ஆம்  ஆண்டுகளில் ரூ‌.12,964 கோடியாக இருந்த இந்த பற்றாக்குறை, 2020-2021 ஆம் ஆண்டில் ரூ.62,326 கோடிக்கு உயர்ந்துள்ளது. 

சரக்கு மற்றும் சேவை வரி, வணிக வரி, முத்திரை தீர்வை, பதிவுக் கட்டணம், நில வருவாய் ஆகியவற்றில் 1,403 இனங்களில் குறைவான வரி மதிப்பீடுகள் செய்து, குறைவாக வரி விதிப்பு செய்து ரூ.236 கோடிக்கு வருவாய் இழப்பு ஏற்படுத்தியதையும் வெளிச்சம் போட்டுள்ளது.

கடனும்-வட்டியும் அதிகரிப்பு

தமிழ்நாட்டில் 2020-21ஆம் ஆண்டின் வருவாய் 1 லட்சத்து 74 ஆயிரத்து 76 கோடியாகும். இது கடந்த 2019-20 ஆம் ஆண்டை விட 0.26 விழுக்காடு குறைந்துள் ளது. 

இது மட்டுமின்றி, அரசின் நிதி பற்றாக்குறை 3 விழுக்காட்டிற்குள் இருக்க வேண்டும் என்கிற தமிழ்நாடு மாநில நிதி பொறுப்புடைமை சட்டம் மற்றும் வரவு-செலவு திட்ட மேலாண்மை சட்டம் 2003இல் கூறப்பட்டுள்ளதை எடப்பாடி அரசால் கடைபிடிக்க முடியவில்லை என்பதும் தெரிய வந்துள்ளது. 

மாநிலத்தின் பற்றாக்குறையை அதிமுக அரசு,  அறவே நீக்க தவறியதன் விளைவாக  2016-21 ஆகிய ஐந்தாண்டு கால ஆட்சியில் வருவாய் பற்றாக்குறை அதிகரித்துக் கொண்டே சென்றுள்ளது. 

குறிப்பாக, 2019-2020 ஆம் ஆண்டைக் காட்டிலும் 2020-21ஆம் நிதி ஆண்டில் 56.17 விழுக்காடு அதிகரித்த நிதி பற்றாக்குறை ரூ.93,983 கோடியாக உயர்ந்துள்ளது. இதனால், தமிழக அரசு கடனுக்காக செலுத்தும் வட்டி யும் அதிகரித்துள்ளது. 18.32 விழுக்காடாக இருந்த வட்டி செலுத்தும் தொகை 20.97 விழுக்காடாக உயர்த்தியதும் அதிமுக ஆட்சியின் சாதனை பட்டியலில் இடம் பிடித்துள்ளது. 

மேலும், தமிழகத்தில் அரசு சார்பில் வழங்கப் படும் மானியங்களுக்கான செலவு அதிகரித்துள்ளது. குறிப்பாக திருமண உதவி, மகப்பேறு உதவி, இலவச மடிக்கணினி, சீருடை போன்ற திட்டங்களு க்கு செலவிடப்படும் மானிய தொகை அதிகரித்து உள்ளதாகவும் 2019-20ஆம் ஆண்டில் 20 ஆயிரத்து 144 கோடியாக இருந்த இந்த தொகை 2020-21ஆம் ஆண்டில் 24.65 விழுக்காடு அதிகரித்து ரூ.25,110 கோடி யாக உயர்ந்துள்ளது.  

 கோவிட் பெருந்தொற்று காலத்தில் பொது முடக்கத்தை சமாளிக்க குடும்ப அட்டைதாரர்களுக்கு அரிசி கொடுக்க செலவிடப்பட்ட ரூ.7,903 கோடி மானி யத்திற்கு பதிலாக மானிய உதவி என தவறுதலாக வகைப்படுத்தப்பட்டுள்ளதையும் விரிவாக இடித்து ரைத்துள்ளது சிஏஜி.

அடுத்ததாக, உலக வங்கியின் 85 விழுக்காடு கடன் உதவியுடன் தமிழக பாசன வேளாண்மை நவீன மயமாக்கல், நீர்நிலைகள் மறு சீரமைப்பு என்ற புனர மைப்பு திட்டத்தில் அமராவதி நீர்த்தேக்கம், இராமநாத புரம் கால்வாய், கெலவரப்பள்ளி நீர்த்தேக்கங்களில் நடந்த பணிகளால் விவசாயிகளுக்கு  நிகழ்ந்த பாதிப்பு கள் குறித்து 60 பக்கங்களைக் கொண்ட அறிக்கையும் தாக்கல் செய்யப்பட்டது. 

கரூர் மாவட்டம் அமராவதி நீர்த்தேக்கத்தில் நீர் கடத்தும் திறனை 20 விழுக்காடு அதிகரிப்பது என்று  ரூ. 75 கோடி செலவு செய்தும் இலக்கை பாதியளவுக்  கூட எட்ட முடியவில்லை. இதன் விளைவு பாசனத்தின் பரப்பு 50 விழுக்காடு வரைக்கும் குறைந்துள்ளது. 

புனர மைப்பு செய்த காலகட்டத்தில், தொடர்ந்து பெய்த  மழையால் தண்ணீர் அதிகமாக கிடைத்த போதிலும் பாசனத்திற்கு தண்ணீரை திறக்க தவறிவிட்டதும் அம்பலமாகியுள்ளது. அதே போன்று, கிருஷ்ணகிரி மாவட்டம் கெல வரப்பள்ளி அணை கட்டி முடிக்கப்பட்டு 25 ஆண்டுக ளைக் கடந்த பிறகும் நீர் விதிமுறைகள் வகுக்க வில்லை. 

இதனால், 222 ஏக்கர் விவசாய நிலங்கள் பயன்பெறும் வகையில் தோண்டப்பட்ட கால்வாய்கள் நான்காண்டுகளாக பயன்படுத்த முடியவில்லை. இதற் காக செலவழிக்கப்பட்ட 2.5 கோடி ரூபாய் பணம் தண்ணீ ரோடு தண்ணீராக அடித்துச் சென்று விட்டது. ‌

மறுபுறத்தில், அமராவதி மற்றும் கெலவரப்பள்ளி அணைகளில் கலக்கப்படும் கழிவுநீரால் வேளாண் பணிகள் மற்றும் விவசாயிகளுக்கு ஏற்பட்ட பாதிப்பும் வெளியாகி இருக்கிறது. 

தேசிய நீடித்த நிலையான வேளாண்மை இயக்க திட்டம் கீழிருந்து மேல் நோக்கி திட்டமிடல் என்ற  கருத்தின்படி வருடாந்திர திட்டங்கள் தயாரிக்கவில்லை என்பதும் கள அளவில் உள்ள நிலவரங்களுடன் திட்டங் கள் ஒருங்கிணைக்காமல் ஏற்றத்தாழ்வு ஏற்பட்டுள் ளதும் தணிக்கை துறை ஆய்வில் வெளிக் கொண்டு வரப்பட்டுள்ளது.

முறைகேடுகளின் மொத்த உருவம்!

மூன்றாவதாக, 111 பக்கங்களைக் கொண்ட சிஏஜி  அறிக்கையில், அண்ணா பல்கலைக்கழகம் மாண வர்களின் பட்டப் படிப்பு சான்றுகள், தரவரிசை சான்று கள், மதிப்பீட்டுத் தரம்-மதிப்பெண் தாள்கள் மற்றும் மதிப்பெண்கள் மதிப்பீட்டுத் தரம் ஆகிய சான்று களை நவீன முறையில் (டிஜிட்டல்) வழங்குவது என்று  முடிவு செய்தும் தேவையைப் பொறுத்து சான்று கள் அச்சடிக்காமல் அதிகமாக பிரதிகள் எடுத்ததால் ரூ.24.50 கோடி சான்றிதழ்கள் வீணாகிப் போனதையும் சுட்டிக்காட்டியிருக்கிறது.

இலவச சீருடையில் பாரபட்சம்!

அரசு மற்றும் அரசு உதவிபெறும் பள்ளி மாணவர்க ளுக்கு, ஆண்டு தோறும் 4 சீருடைகள் இலவசமாக வழங்கும் திட்டத்தை தமிழ்நாடு அரசு செயல்படுத்தி வருகிறது. இதில் 2021-22 ஆம் கல்வியாண்டில் 38.41 லட்சம் பேர் மதிய உணவு திட்டத்தின் கீழ் பதிவு செய்துள்ளனர். 

2021 அக்டோபர் மற்றும் நவம்பரில் சென்னை, காஞ்சிபுரம், தூத்துக்குடி, வேலூர் ஆகிய 4 மாவட்டங்க ளிலுள்ள 1,425 அரசு உதவிபெறும் பள்ளிகளில் 214 மாதிரி பள்ளிகளில் சீருடைப் பயன்பாடு குறித்த தணிக்கை குழு ஆய்வு செய்துள்ளது. அப்போது, சென்னை மாநகராட்சியின் பெரும்பா லான பள்ளிகளில் அரசு வழங்கிய இலவச சீருடையை அணியாமல் வெவ்வேறு வண்ணங்களிலும் வடிவ மைப்பிலும் அணிந்துள்ளனர். 

ஒரு சில பள்ளிகளில் மட்டும் வாரத்தில் ஒரு நாள்  அல்லது முதல் மூன்று நாட்கள் இலவச சீருடை அணிந்து வந்ததும் மீதமுள்ள நாட்களில் பள்ளி நிர்வா கம் நிர்ணயித்த சீருடைகளையே அணிந்து வருவதும் தெரியவந்தது.

தமிழ்நாடு கட்டுமான தொழிலாளர் நல வாரி யத்தின் நிதியை பயன்படுத்தி, அந்தத் தொழிலா ளர்கள் தங்குவதற்காக சென்னை அருகே தையூர் மற்றும் எழுச்சூரில் இடங்கள் சரியாக தேர்வு செய்யப் படவில்லை. இதனால் தொழிலாளர்கள் ஒருவரும் தங்கவில்லை. உதாரணத்திற்கு, கொரோனா பெருந்தொற்றால் கோயம்பேடு காய்கறி சந்தை மூடப்பட்டபோது அங்கு பணியாற்றிய 245 தொழிலாளர்கள் தையூரில் தற்காலிக மாக தங்க வைக்கப்பட்டனர். 

சந்தை மீண்டும் திறக்கப்பட்டதிலிருந்து ஒருவரும் அங்கு தங்கவில்லை. எழுச்சூர் விடுதியில் 50க்கும் குறைவான தொழிலா ளர்களே தங்கி இருப்பதால் திட்டத்தின் நோக்கம் நிறைவேறாமல் முடங்கிக் கிடக்கிறது.

 மதுரை காமராசர் பல்கலைக்கழகத்தின் மின் பாடத் தொகுப்புகள் மற்றும் மின் கற்றல் முகப்பை (போர்டெல்) உருவாக்குவதற்கான ஒப்பந்த ஆவணங் கள் தயாரிப்பதில் ஏற்பட்ட குறைபாடுகள், ஒப்பந்த தாரரின் சேவைகளின் தரத்தை உறுதி செய்யாததால் ரூ.10.70 கோடிக்கு தேவையற்ற செலவும், ரூ.5.17 கோடியை திரும்ப செலுத்த வேண்டிய கட்டாயமும் ஏற்பட்டது.

முன்னுக்குப் பின் முரணாக...

மானாவாரி பகுதி மேம்பாடு என்பது பயிர்கள், தோட்டக்கலை, கால்நடை, மீன்பிடி, வனவியல் போன்றவை உள்ளடக்கியதாகும். 

ஆனால், மானா வாரி பதிலாக நீர்ப்பாசன நிலங்களில் இந்த திட்டம் முறையற்ற வகையில் செயல்படுத்தப்பட்டு உள்ளது. நன்செய் நிலம் இருந்தவர்களையும் மானாவாரி விவசா யம் செய்து வருவதாகவும் அரசு கணக்கு காட்டியி ருக்கிறது. 

தமிழ்நாடு நுகர்பொருள் வாணிபக் கழகத்தின் மண்டல மேலாளர்களால் கொள்முதல் நடைமுறை மீறப்பட்டதால் ரூ.3.22 கோடி தேவையில்லாத செலவு ஏற்பட்டது.

 காஞ்சிபுரம், பெரம்பலூர், திருப்பூர் அரசு மருத்துவ மனை தலைவர்களின் செயல்பாட்டினால் ‘எம்.ஆர்.ஐ. ஸ்கேனரை’ பொருத்துவதற்கான இடத்தை அடையா ளம் காண்பதில் காலதாமதம் ஏற்பட்டதால் நோயாளிக ளுக்கு சிகிச்சை கொடுப்பதில் ஏற்பட்ட பெரும் சிரமம்,  

மதுரையில் ஒருங்கிணைந்த விளையாட்டு அறிவியல் மையத்தை உருவாக்க தவறியதால் 3 ஆண்டுக ளுக்கு மேலாக ரூ.2.27 கோடியில் கட்டப்பட்ட கட்டடம் பயன்படுத்த முடியாத நிலையிலும், ஓராண்டுகளு க்கு மேலாக ரூ.2.73 கோடி வங்கிக் கணக்கில் முடக்கப் பட்டது என முந்தைய அதிமுக ஆட்சியின் பல்வேறு பணிகளையும் அதனால் ஏற்பட்ட விளைவுகளையும் புள்ளி விபரங்களுடன்  சட்டமன்றத்தின் பார்வைக்கு வைத்துள்ள இந்திய கணக்காய்வு மற்றும் தணிக்கைத் துறை தலைவரின் அறிக்கைகளின் பரிந்து ரைகளுக்கு சம்பந்தப்பட்ட துறை அதிகாரிகளும் அரசும் தகுந்த நடவடிக்கை எடுக்க வேண்டும். 

தொகுப்பு: சி.ஸ்ரீராமுலு