உண்மை

 கொரோனா காலத்தில் நல்ல வளர்ச்சி கண்ட துறைகளில் மருத்துவ துறையும் ஒன்று. குறிப்பாக மருந்துகள் உற்பத்தி மற்றும் விற்பனை செய்யும் நிறுவனங்கள் பல மடங்கு வளர்ச்சியினை கண்டன.

"டோலோ 650" கொரோனா காலத்தில் அதிகம் தேவைப்பட்ட மாத்திரைகளில் இதுவும் ஒன்று.

இதன் காரணமாக கொரோனா காலத்தில் 350 கோடி டோலோ 650 மாத்திரைகள் விற்றுள்ளதாகவும், இதன் மூலம் 400 கோடி ரூபாய் வருவாய் ஈட்டியதாக தகவல்கள் வெளியாகியுள்ளன.

கடந்த வாரம் மைக்ரோ லேப் நிறுவனத்தில் 9 மாநிலங்களில் 36 இடங்களில் வருமான வரித்துறையில் சோதனையில் ஈடுபட்டனர். இதில் மைக்ரோலேப்ஸ் நிறுவனத்துக்கு தொடர்புடைய இடங்களிலும் இந்த சோதனையானது நடைபெற்றது. இந்த சோதனையில் பல்வேறு முக்கிய ஆவணங்கள் சிக்கியதாகவும் தகவல்கள் வெளியாகியுள்ளன.

குறிப்பாக பெங்களூரு அலுவலகத்தில் பல்வேறு முக்கிய ஆவணங்கள் சிக்கியிருப்பதாகவும் தெரிகிறது. இது குறித்து வருமான வரித்துறையினர் வெளியிட்ட அறிக்கையில், கணக்கில் காட்டப்படாத 1.20 கோடி ரூபாய் பணம், 1.40 கோடி ரூபாய் மதிப்பிலான தங்க நகைகள், வைர நகைகள் பறிமுதல் செய்யப்பட்டுள்ளதாகவும் அறிவிக்கப்பட்டுள்ளது.

இதில் ஆச்சரியத்தினையும், அதிர்ச்சியையும் அளிக்கும் விஷயம் என்னவெனில், மருத்துவ நிபுணர்களுக்கு இலவசமாக பரிசுகளை கொடுத்தன் பேரில், விற்பனை மற்றும் ஊக்குவிப்பு (Sales & Promotion) என்ற தலைப்பில் கீழ் அனுமதிக்க முடியாத செலவினங்களுக்கும் செலவு செய்யப்பட்டிருப்பதாகவும் ஆதாரங்கள் கூறுகின்றன. இதற்காக மட்டும் சுமார் 1,000 கோடி ரூபாய் செலவு செய்திருப்பதும் தெரிய வந்துள்ளது.

இந்த நிறுவனம் மருத்துவ சந்தையில் முன்னணி வகித்த ஒரு நிறுவனமாகவும் இருந்தது. இப்படி ஒரு நிறுவனமாக இருந்த மைக்ரோலேப்ஸ் பல்வேறு வழிகளில் வரி ஏய்ப்பு செய்துள்ளதாகவும், இதன் மதிப்பு சுமார் 300 கோடி ரூபாய்க்கும் மேல் இருக்கும் என்றும் வருமான வரித் துறை தெரிவித்துள்ளது.

----------------------------------------------------------------------------

உலகநாயகன் கமல் நடிப்பில் இயக்குநர் லோகேஷ் கனகராஜ் இயக்கத்தில் சமீபத்தில் வெளியான திரைப்படம் விக்ரம், பெரிய எதிர்பார்பிற்கு இடைய வெளியான இந்த விக்ரம் திரைப்படம் வரலாறு காணாத வசூல் சாதனையை படைத்தது.

அந்த வகையில் விக்ரம் திரைப்படம் உலகளவில் ரூ.600 கோடிக்கும் மேல் வசூலை குவித்து சாதனை படைத்தது. 

மேலும் தமிழகத்தில் கடந்த ஐந்து வருடங்களாக பாகுபலி 2 தான் அதிக வசூல் சாதனை படைத்த திரைப்படமாக இருந்த நிலையில் அதனை பின்னுக்கு தள்ளி முதல் இடத்திற்கு வந்துள்ளது விக்ரம்.

அப்படியான விக்ரம் திரைப்படம் சமீபத்தில் மிகவும் பிரபலமான OTT தளமான ஹாட்ஸ்டாரில் வெளியானது, திரையரங்கில் படைத்த சாதனைகளை தொடர்ந்து OTT-யிலும் புதிய சாதனைகளை படைத்து வருகிறது.

இதற்கிடையே தற்போது உலகளவில் மிகவும் பிரபலமானIMDb தளம் 2022 ஆம் அரையாண்டில் மிகவும் பிரபலமான திரைப்படங்கள் குறித்த பட்டியலை வெளியிட்டுள்ளது.

அதன்படி விக்ரம் திரைப்படம் No.1 இடத்தை பிடித்திருக்கிறது, அதனை தொடர்ந்து KGF 2, RRR உள்ளிட்ட திரைப்படங்கள் 2-வது மற்றும் 4-வது இடத்தை பிடித்திருக்கிறது. 

இந்த பட்டியலை கண்ட ரசிகர்கள் என்னதான் உலகளவில் வசூல் குவித்தாலும் விக்ரம் படத்திற்கு அடுத்து தான் KGF 2, RRR உள்ளிட்ட திரைப்படங்கள் உள்ளன என்பதை கொண்டாடுகிறார்கள்.

--------------------------------------------------------------------------------