தகுதியில்லாததே தகுதி?
மயிலாப்பூரில் எலி விழுந்த எண்ணெய் சாப்பிட்ட 8 பேருக்கு வாந்தி.
நெடுந்தீவு அருகே மீன்பிடித்த தமிழ்நாடு மீனவர்கள் இலங்கை கடற்படையால் கைது.
மணிப்பூரில் மீண்டும் பதற்றம்; அத்தியாவசிய பொருட்கள் ஏற்றி வந்த 100 லாரிகள் தடுத்து நிறுத்தம்.தகுதியில்லாததே தகுதி?
சர்ச்சைக்குரியவர்களை மட்டுமே, அமைச்சர்களாக நியமிப்போம் என்பதில் தெளிவாக இருக்கிறது பா.ஜ.க.
காரணம், கடந்த ஆட்சியில், ஒட்டு மொத்த இந்திய மக்களுக்கே நிதியமைச்சராக இருக்கும் நிலையிலும், ஒரு சார்பு மக்களுக்காக மட்டுமே திட்டங்களை செயல்படுத்தி வந்தவர் நிர்மலா சீதாராமன்.
இவரது தலைமையில், தனிப்பட்ட நபரின் வரி விகிதம், தனியார் குழுமத்தின் வரி விகிதத்தை விட அதிகரித்தது.
ஏழைகள், பணவீக்கத்தால், அத்தியாவசிய பொருள்களை வாங்குவதற்கே அவதிபட்டு வரும் நிலையில்,
1% இந்தியர்களின் சொத்துமதிப்பு மட்டும் நேர்கோட்டில் வளர்ந்து வந்தது. இந்தியாவில் வறுமை அதிகரிக்கிறது எனும் காலத்தில் தான், ஆசியாவின் பணக்காரர்களும் இந்தியாவில் உருவாகத் தொடங்கினர்.
இதனால் உழைக்கும் மக்கள், “வெங்காயம் வாங்க கூட அவதியுறும் அவலநிலைக்கு தள்ளப்பட்டுள்ளோம்” என தெரிவித்ததற்கு, எங்களுக்கு (உயர்வகுப்பினராக அடையாளப்படுபவர்கள்) வெங்காயம் உண்ணும் பழக்கமில்லை என கேலி செய்தவர் நிர்மலா சீதாராமன்.
ஆனால், அவரே இம்முறையும் NDA கூட்டணி அமைச்சரவையில் நிதியமைச்சராக்கப்பட்டிருக்கிறார்.
நிதியமைச்சருக்கு அடுத்தப்படியாக விமர்சிக்கப்படுபவர், கல்வியமைச்சர் தர்மேந்திர பிரதான்.
ஒரு ஆட்சியின் கீழ், கல்வி முறை எவ்வாறு சீர்கெடும் என்பதற்கு, இவரது தலைமையும் ஒரு எடுத்துக்காட்டு.
ஒன்றிய அரசின் கீழ் இயங்கும், NCERT பாடநூல் கழகத்தில், ஆர்.எஸ்.எஸ் காரர்களை அதிகளவில், ஈடுபடுத்தி, காவி அரசியலை பள்ளி குழந்தைகள் மனதில் ஆழப்பதித்தது தான் இவரது வெற்று சாதனை.
அதனையடுத்து, நாட்டையே உலுக்கிக் கொண்டிருக்கும் நீட் தேர்வு முறைகேடுகளில், இந்தியத் தேர்வு முகமை மீது தவறில்லை என வக்காலத்து வாங்கியதும் இவருக்கு தனிப்பெருமை சேர்த்திருக்கிறது.
இவ்வாறான இவரின் பெருமைக்குரிய செயல்களால், தற்போது இலட்சக்கணக்கான மாணவர்களின் எதிர்காலமும் பாதிக்கப்பட்டிருக்கிறது.
இவர்களை தொடர்ந்து, மக்கள் எதிர்ப்பை அதிகளவில் சந்தித்து வரும் மற்றொரு அமைச்சர் அஷ்வினி வைஷ்ணவ்.
இரயில்வே துறை அமைச்சராக இருக்கும் அஷ்வினி வைஷ்ணவ் தலைமையில்,
கடந்த 2023 ஆம் சுமார் 18 தொடர்வண்டி விபத்துகள் அரங்கேறியுள்ளன. ஒரே ஆண்டில், இத்தனை விபத்துகள் நடந்தது, இது தான் முதன் முறை. அதாவது கடந்த 100 ஆண்டுகளில் இது தான் முதன் முறை.
இத்தகைய வரலாறு கொண்ட ஒரு அமைச்சருக்கு தான், மீண்டும் அதே பொறுப்பு தரப்பட்டுள்ளது.
இதுவரை குறிப்பிட்டவர்களுக்கெல்லாம், மேலானவர் உள்துறை அமைச்சர் அமித்ஷா.
இவரது தலைமையில், இந்தியா முழுக்க காவல்துறையின் கொடுங்காவல் தலைவிரித்து ஆடி வருகிறது.
அதற்கு எடுத்துக்காட்டு தான், உத்தராகண்ட் மாநிலத்தின் அல்துவானி கலவரம், மணிப்பூர் கலவரம், டெல்லி எல்லை ரப்பர் துப்பாக்கிச்சூடு, அசாம் வன்முறை உள்ளிட்ட நிகழ்வுகள். எனினும், அமித்ஷா வசமே, உள்துறை சென்றுள்ளது.
இதனால், சிறுபான்மையினர்களின் குரல்வலையே நசுக்கப்பட்டுள்ள நிலையும் உருவாகியுள்ளது.
இவரையடுத்து, பாதுகாப்புத்துறை அமைச்சராக பதவி பெற்றிருக்கும் பா.ஜ.க மூத்த தலைவர் தான் ராஜ்நாத் சிங்.
இவர் தலைமையில் கொண்டு வரப்பட்டது தான், அக்னிபாத் திட்டம். இராணுவ வீரர்களுக்கு வழங்கி வந்த நிரந்த பணி மற்றும் ஓய்வூதியம் உள்ளிட்ட சலுகைகளை பறித்துக்கொண்டதில், இவருக்கு மிகப்பெரிய பங்கு உண்டு.
அதனால், கூட அவருக்கு மீண்டும் அதே துறை வழங்கப்பட்டிருக்கலாம்.
சாலைப் போக்குவரத்து மற்றும் நெடுஞ்சாலைத் துறை அமைச்சராக இருக்கும் நிதின் கட்கரியும் இதற்கு விதிவிலக்கல்ல.
2024 நாடாளுமன்ற மக்களவை தேர்தல் நடைபெற்ற நிலையில், நிதின் கட்கரி வாக்கு சேகரிக்க சென்ற போது, அவரது சொந்த கட்சி மக்களே, சாலைகளின் மோசமான நிலையை எடுத்துக்காட்டி, தருக்கமிட்டனர்.
இவ்வாறு, தன் தொகுதிக்கே, சாலை வசதி செய்து தராத ஒருவருக்கு தான், நாட்டில் உள்ள ஒட்டு மொத்த சாலைகளையும் நிர்வகிக்கும் பொறுப்பு மீண்டும் வழங்கப்பட்டுள்ளது.
இது போன்ற நிலையில், “இவர்கள் தலைமையில் தான், இந்தியா அடுத்த செயல்படப்போகிறது என்பது தான் அச்சமாக இருக்கிறது” என இணையவாசிகள் பரவலாக தங்களது எண்ணங்களை பகிரத் தொடங்கியுள்ளனர்.
“அரசியலில்அபூர்வம்!
அரசியலில் அற்புதம்!”
இந்தியாவே திரும்பிப் பார்க்கும் வெற்றியை ‘இந்தியா’ கூட்டணி தமிழ்நாட்டில் பெற்றது. புதுச்சேரி உள்ளிட்ட நாற்பது தொகுதிகளிலும் முழுமையான வெற்றியைக் கைப்பற்றியதன் மூலமாக ‘இந்தியா’ கூட்டணியின் கோட்டையாக தமிழ்நாடு பிரகடனப்படுத்தப்பட்டது. மற்ற மாநிலங்களில் கூட ஒரு தொகுதி, இரண்டு தொகுதியை பா.ஜ.க. கைப்பற்றியது. ஆனால் தமிழ்நாட்டில் பா.ஜ.க.வின் பம்மாத்து பலிக்கவில்லை. பின்னங்கால் பிடறியில் அடிபட விரட்டப்பட்டது பா.ஜ.க.
“நாங்கள் தமிழ்நாட்டில் ஒரு இடத்தில் கூட வெற்றி பெற முடியவில்லை” என்று பா.ஜ.க. கூட்டணிக் கட்சி எம்.பி.க்கள் கூட்டத்தில் கண்ணீரோடு தழுதழுக்கச் சொன்னார் நரேந்திரமோடி. ஏன் வெற்றி பெற முடியவில்லை என்ற காரணத்தைச் சொல்லவில்லை. அதை அவரும் உணர்ந்ததாகவும் தெரியவில்லை. உணர்ந்தாலும் சொல்லவும் மாட்டார். சொல்லவும் முடியாது.
பா.ஜ.க.வை அரசியல் ரீதியாக மட்டுமல்ல, தேர்தல் அரசியலுக்காக மட்டுமல்ல, கொள்கை ரீதியாக விமர்சித்து அதன் முகத்திரையைக் கிழித்து வரும் கூட்டணியாக திராவிட முன்னேற்றக் கழகம் தலைமையிலான இந்தியாக் கூட்டணி செயல்பட்டு வருகிறது. அதுவும் இந்தத் தேர்தலுக்கு முன்னதாக உருவான கூட்டணி அல்ல இது.ஐந்தாண்டு காலமாக பாசிச பா.ஜ.க.வுக்கு எதிராக ஜனநாயகப் போர் நடத்தி வரும் கூட்டணி இது. பாசிச பா.ஜ.க.வை வளர்ப்பது, இந்தியாவுக்கே ஆபத்தானது என்பதை அடித்தளம் வரை பரப்புரை செய்து வைத்திருந்ததால் தான் இந்த வெற்றியை தமிழ்நாட்டில் பெற முடிந்தது.
“பா.ஜ.க.வுக்கு வாக்களிப்பது அவமானம் என்ற எண்ணத்தை உருவாக்க வேண்டும்” என்று தி.மு.க. தலைவரும் தமிழ்நாடு முதலமைச்சருமான மாண்புமிகு மு.க.ஸ்டாலின் அவர்கள் பரப்புரை செய்தார்கள். இதனைத் தமிழ்நாட்டு மக்கள் உளப்பூர்வமாக ஏற்றுக் கொண்டதன் அடையாளம் தான் நாற்பதுக்கு நாற்பது எனப் பெற்ற வெற்றியாகும். இந்த வெற்றிகரமான முடிவுக்கான வெற்றி விழா தான் நேற்றைய தினம் கோவையில் நடந்த வெற்றிகரமான விழா ஆகும்.
தமிழினத் தலைவர் கலைஞர் நூற்றாண்டு நிறைவு விழா -– - நாற்பதுக்கு நாற்பது வெற்றியைத் தந்த தமிழ்நாட்டு மக்களுக்கு நன்றி தெரிவிக்கும் விழா –- இந்த வெற்றிக்கு இந்தியாக் கூட்டணித் தலைவர்களை அழைத்துச் சென்ற மாண்புமிகு மு.க.ஸ்டாலின் அவர்களுக்குப் பாராட்டு விழா ஆகியவை ஒருங்கிணைக்கப்பட்டு முப்பெரும் விழாவாக கோவையில் கொண்டாடப்பட்டது. இந்த மேடையிலும் ‘இந்தியா’ கூட்டணியின் ஒற்றுமையே புலப்பட்டது.
‘செய்கூலி, சேதாரம் இல்லாமல் முழுமையாகக் கிடைத்த வெற்றி’ என்று இதனை உருவகப்படுத்தினார் திராவிடர் கழகத் தலைவர் ஆசிரியர்
கி.வீரமணி அவர்கள். கூட்டணிக் கட்சித் தலைவர்கள் அனைவரும், ‘இந்த வெற்றியை சாதித்துக் காட்டியது தமிழ்நாடு முதலமைச்சர் அவர்கள் தான்’ என்று புகழ் மாலை சூட்டினார்கள். ‘உங்களால் மட்டும் எப்படி முழுமையான வெற்றி சாத்தியமானது என்று அகில இந்தியத் தலைவர்கள் அனைவரும் ஆச்சர்யமாகப் பார்க்கிறார்கள்’ என்றார் காங்கிரஸ் தலைவர் செல்வப்பெருந்தகை. ‘தி.மு.க.வுக்கு செல்வாக்கான தொகுதியைக் கூட கூட்டணிக் கட்சிக்கு ஒதுக்கி, எங்களுக்கு பலவீனம் என்று தெரிந்த தொகுதியை
தாங்கள் எடுத்துக் கொண்டு மாண்புமிகு மு.க.ஸ்டாலின் அவர்கள் செயல்பட்ட பாங்கு தான் இந்த வெற்றிக்குக் காரணம்’ என்றார் மார்க்சிஸ்ட்
கம்யூனிஸ்ட் செயலாளர் பாலகிருஷ்ணன். ‘இங்கே தமிழ்நாட்டில்
முதலமைச்சர் மு.க.ஸ்டாலினைப் போலவே மற்ற மாநிலங்களிலும் தலைவர்கள் செயல்பட்டு இருந்தால் இந்தியா கூட்டணி ஆட்சியையே பிடித்திருக்கும்’ என்றார் இந்தியக் கம்யூனிஸ்ட் செயலாளர் முத்தரசன்.
விடுதலைச் சிறுத்தைகள் தலைவர் தொல்திருமாவளவனின் உரை உணர்ச்சியின் துடிப்பாக மட்டுமல்ல, உண்மையின் வெடிப்பாக அமைந்திருந்தது. “சிதம்பரம் தொகுதியில் நான் வெற்றி பெற வேண்டும் என்பதற்காக எம்.ஆர்.கே. பன்னீர்செல்வம், எஸ்.எஸ்.சிவசங்கர் ஆகிய இரண்டு அமைச்சர்களைப் போட்டார் முதலமைச்சர் அவர்கள். ஒரு மணி நேரத்துக்கு ஒரு தடவை எம்.ஆர்.கே.விடம் பேசிக் கொண்டே இருந்தார் முதலமைச்சர். தங்கள் கட்சி வெற்றி பெற்றால் போதும் என்று நினைக்காமல் அனைவரும் வெற்றி பெற வேண்டும் என்று நினைத்தார். தி.மு.க. வலிமை பெற்ற தொகுதிகளை கூட்டணிக் கட்சிகளுக்கு வழங்கி, ரிஸ்க்கான தொகுதிகளில் நாங்கள் போட்டியிடுகிறோம் என கூட்டணிக் கட்சிகளையும் தனது கட்சியாக எண்ணி வெற்றி பெற வைத்த பெருமை அண்ணன் மு.க.ஸ்டாலின் அவர்களுக்கு உண்டு. இதுதான் அரசியலில் அபூர்வம்! அரசியலில் அற்புதம்” என்றார் தொல்.திருமா.
இவை அனைத்துக்கும் பிறகு இறுதியாக உரையாற்ற வந்த மாண்புமிகு முதலமைச்சர் அவர்கள் இந்த வெற்றியை தி.மு.க. உடன்பிறப்புகளுக்கும், இந்தியா கூட்டணி தொண்டர்களுக்கும், அனைத்துத் தலைவர்களுக்கும் உரித்தாக்கி உயர்ந்து நின்றார். “இரத்தத்தை வியர்வையாகச் சிந்தி --– காலத்தை தனது கடமைகளுக்காக மட்டுமே ஒப்படைத்து –- 40
மட்டும் தான் நமது இலக்கு -– என்ற அடிப்படையில் உழைத்த திராவிட
முன்னேற்றக் கழகத்தின் தொண்டன் –- தோழன் - உடன்பிறப்பு அத்தனை பேரும் இருக்கும் திசையை நோக்கி நான் வணங்குகிறேன்” என்று தனக்கு போட்ட புகழ்மாலைகள் அனைத்தையும் தொண்டனுக்கு அணிவித்தார் தலைவர்.
“இவை தனிப்பட்ட ஸ்டாலினுக்கு கிடைத்த பாராட்டு அல்ல, மேடையில் இருக்கும் அனைத்துத் தலைவர்களுக்கும் உரிய பாராட்டு” என்று சொல்லி நிறைகுடமாக நின்றார் தலைவர்.
ஆம்! இன்றைய அரசியலில், திராவிட முன்னேற்றக் கழகத் தலைவர் மாண்புமிகு மு.க.ஸ்டாலின் அவர்கள் அபூர்வமான தலைவரே ஆவார். அவர் நிகழ்த்திய அற்புதமே இந்த வெற்றி.
-முரசொலி
