பாதிப்பு மக்களுக்கு

கலந்து கொள்வது கார்பரேட்களா?

2020-21-ம் கலந்து கொள்வது கார்பரேட்களா? நிர்மலா சீதாராமன் வருகிற பிப்ரவரி 1ம் தேதி தாக்கல் செய்யவிருக்கிறார். நாட்டின் பொருளாதாரம் மந்தநிலையில் இருக்கும் நிலையில், தாக்கல் செய்யப்படவிருக்கும் இந்த பட்ஜெட் மிகுந்த எதிர்பார்ப்பை ஏற்படுத்தியுள்ளது.

இந்நிலையில் நாட்டின் மிகப்பெரும் தொழிலதிபர்களை பிரதமர் மோடி சமீபத்தில் டெல்லியில் சந்தித்துப் பேசினார். இதில் முகே‌‌ஷ் அம்பானி, ரத்தன் டாடா, சுனில் பாரதி மிட்டல், கவுதம் அதானி, ஆனந்த் மகிந்திரா, அனில அகர்வால், வேணு சீனிவாசன், சந்திரசேகரன் உள்ளிட்ட தொழிலதிபர்கள் கலந்துகொண்டனர்.

நாட்டின் பிரதமர் முன்னணி தொழிலதிபர்களைச் சந்திப்பதில் குறையொன்றும் இல்லை. கடுமையான பொருளாதார மந்தநிலையால், சிறு குறு தொழிலதிபர்களும், வணிகர்களும், விவசாயிகளும், பொதுமக்களும் கடுமையான பாதிப்புக்கு உள்ளாகி வருகிறார்கள்.

பட்ஜெட்டுக்கு முன்னர் அவர்களின் கருத்துகளை எல்லாம் அறிய விரும்பாத பிரதமர் மோடி, கடந்த சில நாட்களாக பல்வேறு தொழில்துறையைச் சேர்ந்தவர்களை சந்தித்து மட்டும் ஆலோசனை மேற்கொண்டு வருகிறார்.

மத்திய பட்ஜெட் தாக்கல் செய்யப்படவுள்ள சூழலில் நாட்டின் முக்கிய தொழிலதிபர்கள் உடனான சந்திப்பு நடைபெற்றுள்ளது பா.ஜ.க அரசு தொடர்ந்து கார்ப்பரேட்களுக்கு சாதகமான அரசாகச் செயல்படுவதையே காட்டுவதாக பலரும் விமர்சித்து வருகின்றனர்.

பா.ஜ.க அரசின் மக்கள் விரோத சட்டங்களால் நாடு முழுவதும் போராட்டக் களமாகியிருக்கும் நிலையிலும், பொருளாதாரச் சீர்கேட்டால் மக்களின் இயல்பு வாழ்க்கையே ஸ்தம்பித்திருக்கும் நிலையிலும் பா.ஜ.க அரசு கார்ப்பரேட்களின் நலனுக்காகவே தொடர்ந்து செயல்படுவதாக குற்றம்சாட்டப்படுகிறது. வரவிருக்கும் பட்ஜெட் இந்தக் குற்றச்சாட்டுக்கு பதிலளிக்கும் என எதிர்பார்க்கப்படுகிறது.

ஈராக் அமெரிக்கா இடையே நடக்கும் போரின் தாக்கத்தினால் கச்சா எண்ணெய் விலை மற்றும் தங்கத்தின் விலை ஒரே அடியாக உயர வாய்பு உள்ளது.

ஈராக் தலைநகர் பாக்தாத்தில், ஈரான் படைத்தலைவர் காசிம் சுலைமானியை (வயது 62) அமெரிக்கா அதிரடியாக தாக்குதல் நடத்தி கொன்றது. இந்தச் சம்பவம் உலக நாடுகளை அதிர வைத்துள்ளது. இதனால், அமெரிக்கா-ஈரான் இடையே நேர்முக போர் பதற்றம் ஏற்பட்டுள்ளது.

இந்நிலையில், ஈராக்கில் அமெரிக்க படைகள் உள்ள ராணுவ தளம் அமைந்துள்ள அல் அசாத் பகுதியில் ஈரான் ராக்கெட் தாக்குதல் நடத்தியுள்ளது. அமெரிக்க ராணுவ தளம் மீது 10-க்கும் மேற்பட்ட ஏவுகணைகளை அடுத்தடுத்து வீசி ஈரான் தாக்குதல் நடத்தியுள்ளது. ஈராக்கில் நடந்த இந்த தாக்குதலை அமெரிக்காவும் நடந்ததாக உறுதி செய்துள்ளது.  மேலும் இத் தாக்குதலில் 80 அமெரிக்க வீரர்கள் கொல்லப்பட்டதாக ஈரான் அரசு செய்தி வெளியிட்டுள்ளது.

இப்படி அமெரிக்காவின் செயலுக்கு பதிலடி கொடுக்கும் விதத்தில் ஈரான் நடத்திய ஏவுகணை தாக்குதல், மத்திய கிழக்கு நாடுகளில் உச்சகட்ட பதற்றத்தை ஏற்படுத்தியுள்ளது. மேலும் இதன் காரணமாக கச்சா எண்ணய் விலை 3.5 சதவீதம் ஏற்கனவே உயர்ந்துள்ளது. விலை உயரும் கச்சா எண்ணெயை தொடர்ந்து, பெட்ரோல், டீசல் விலை மேலும் விலை அதிகரித்து புதிய உச்சங்களை தொடும் அபாயம் ஏற்பட்டுள்ளது. இதன் தாக்கத்தால் மறைமுகமாக தங்கம் விலையும் தாறுமாறாக உயரும் என எதிர்பார்க்கப்படுகிறது. ஏற்கனவே இன்றைய தங்கத்தின் விலை பவுனுக்கு ரூ.528 உயர்ந்து ரூ.31,432 என்ற விலையில் விற்பனையாகி வருவது குறிப்பிடத்தக்கது. 

----------------------------------------------------------------------------------------------------------

பேஸ்புக் கணக்குகளில் இருந்து தகவல்கள் திருடப்படுவதாக அவ்வப்போது செய்திகள் வெளியாகி சர்ச்சைகள் வருவது வழக்கம். தனது வாடிக்கையாளர்களின் கணக்குகள் உளவு பார்க்கப்படுவது உண்மைதான் என கடந்த வருடம் வருத்தம் தெரிவித்திருந்தது ஃபேஸ்புக் நிறுவனம். தற்போது தனிநபர் கணக்கு பாதுகாப்பை மேம்படுத்தும் வகையில் புதிய வசதிகளை அறிமுகப்படுத்தியுள்ளது.பேஸ்புக்கில் புதிதாக பிரைவஸி அமைப்புகள் இணைக்கப்பட்டுள்ளன. அதன்படி நாம் பதிவிடும் பதிவுகளை யார் பார்க்கலாம்(who can see your post), சுயவிவர தகவல்களை யார் பார்க்கலாம்(who can see your profile), ஃபேஸ்புக் கணக்கை எவ்வாறு பாதுகாப்பாக வைத்திருப்பது(how to keep your account secure), மக்கள் உங்களை எவ்வாறு கண்டுபிடிப்பார்கள்(how people can find you) போன்ற முக்கியமான நான்கு அம்சங்கள் அறிமுகப்படுத்தப்பட்டுள்ளது.

இதன்மூலம் இனி நம் கணக்குகளின் தகவல்களை நாம் பாதுகாப்பாக வைத்துக்கொள்ள முடியும் என்கிறது ஃபேஸ்புக். டேட்டா செட்டிங்ஸ் மூலம் பயன்படுத்தப்படாத செயலிகளை அகற்றுவதோடு, தினமும் பயன்படுத்தும் செயலிகளை சுலபமாக கையாளவும் வசதிகள் செய்யப்பட்டுள்ளது.