பயத்தில் தப்பாட்டம்!
தமிழ் படிக்கத் தெரியாததால், தேர்தல் அலுவலரின் உதவியை நாடிய விருதுநகர் நாம் "தமிழர்" (?) கட்சி வேட்பாளர் கெளசிக்.
பா.ஜ.க-வை விமர்சித்து பழனிசாமி வாயிலிருந்து ஒரு வார்த்தை வந்ததா?தன்னோட விரலால் தமிழ்நாட்டு மக்களின் கண்ணைக்கு குத்திய பழனிசாமி எடுப்பது சபதம் அல்ல, வெற்று சவடால் அது!-முதலமைச்சர் மு.க.ஸ்டாலின் .
புதுச்சேரி வேட்பு மனுதாகலுக்கு சென்றபோது ஆம்புலன்ஸிற்கு வழி விடாமல்ஆம்புலன்ஸை சுற்றி போக சொல்லி பாஜகட்சியினர் அராஜகம் .
எஸ்பிஐ விற்றது ரூ.12,156 கோடி கட்சிகள் பணமாக்கியது ரூ.12,769 கோடி.
ரூ.613 கோடிக்கான தேர்தல் பத்திரங்களுக்கு கணக்கு ?
தேர்தல் ஆணையத்தின் இணையதளத்தில் வெளியிடப்பட்டன. அதே சமயம், எஸ்பிஐ வெளியிட்ட தகவலில் தேர்தல் பத்திரங்களின் எண்கள் உள்ளிட்ட தகவல்கள் இடம் பெற வில்லை.
இதையடுத்து அந்த விவரங்களையும் வெளியிடும்படி உச்ச நீதிமன்றம் உத்தரவிட்டது.
அதன்படி கடந்த 21ம் தேதி தேர்தல் பத்திரங்கள் பற்றி எஸ்பிஐ வங்கி வெளியிட்ட முழுவிவரத்தையும் தேர்தல் ஆணையம் தனது இணையதளத்தில் வெளியிட்டது.
அந்த தகவல்கள் மூலம், தேர்தல் பத்திரங்கள் வாயிலாக ஆளும் பாஜ கட்சி சுமார் ரூ.8,250 கோடி வரை நன்கொடை பெற்றிருப்பது தெரியவந்தது. அதுமட்டுமின்றி, பல நிறுவனங்களை பாஜ கட்சி அமலாக்கத்துறை, வருமான வரித்துறை, சிபிஐ ரெய்டு மூலம் மிரட்டி தேர்தல் நன்கொடை வசூலிப்பதிருப்பதும் ஆதாரப்பூர்வமாக வெளியானது.
பாஜவுக்கு நன்கொடை தந்த நிறுவனங்கள், ரெய்டை தொடர்ந்து அடுத்த சில வார, மாத இடைவெளியில் தேர்தல் பத்திரங்களை வாங்கியிருப்பது அம்பலமானது.
இந்நிலையில், எஸ்பிஐ வங்கி வெளியிட்ட தரவுகளின் அடிப்படையில் கடந்த 2019 ஏப்ரல் 12ம் தேதி முதல் திட்டம் ரத்து செய்யப்பட்ட தேதியான கடந்த பிப்ரவரி 16 வரை மொத்தம் ரூ.12,156 கோடி மதிப்பிலான 18,871 தேர்தல் பத்திரங்கள் தேர்தல் ஆணையத்தால் 1,316 நிறுவனங்கள் அல்லது தனிநபருக்கு விற்கப்பட்டுள்ளன.
அதே நேரத்தில், 24 அரசியல் கட்சிகள் மொத்தம் 20,421 தேர்தல் பத்திரங்களை இந்த காலகட்டத்தில் வங்கியில் டெபாசிட் செய்து ரூ.12,769 கோடியை பணமாக்கி உள்ளன. அதாவது எஸ்பிஐ வங்கி விற்ற தேர்தல் பத்திரங்களை விட ரூ.613 கோடி அதிக மதிப்புள்ள பத்திரங்களை அரசியல் கட்சிகள் தங்கள் வங்கி கணக்கில் டெபாசிட் செய்துள்ளன.
மொத்தம் 1,550 தேர்தல் பத்திரங்களை அரசியல் கட்சிகள் கூடுதலாக டெபாசிட் செய்திருக்கின்றன. இந்த தேர்தல் பத்திரங்கள் எங்கிருந்து வந்தன. அதை வாங்கிய நிறுவனங்கள் யார் என்ற விவரம் எஸ்பிஐயால் வெளியிடப்படவில்லை.
கணக்கில் வராத தேர்தல் பத்திரங்கள் மூலம் பாஜ அதிகபட்சமாக ரூ.466 கோடி பெற்றுள்ளன. இந்த தேர்தல் பத்திரங்களை யார் வாங்கினார்கள் என்ற கணக்கு எங்கே?
எஸ்.பி.ஐ.தான் விளக்க வேண்டும்!
பயத்தில் தப்பாட்டம்!
400 இடங்களைக் கைப்பற்றுவோம், 370 தொகுதிகளில் வெற்றிபெறுவோம் என்று பம்மாத்து காட்டும் பா.ஜ.க.வுக்கு உண்மையில் 160க்கும் குறைவான இடங்கள் தான் கிடைக்கும் என்று மத்திய உளவுத்துறை அறிக்கை கொடுத்துள்ளதாக தகவல்கள் கூறுகின்றன.
அதை விட முக்கியமாக பா.ஜ.க.வின் கோட்டை என்று சொல்லப்படும் மாநிலங்களில் அறிவிக்கப்பட்ட பா.ஜ.க. வேட்பாளர்கள் பின்னங்கால் பிடறியில் அடிபட தப்பித்து ஓடிக் கொண்டு இருக்கிறார்கள்.
குஜராத், உ.பி. போன்ற மாநிலங்களிலேயே பா.ஜ.க. வேட்பாளர்கள் போட்டியில் இருந்து விலகிக் கொண்டு இருக்கிறார்கள். வடகிழக்கு மாநிலங்கள் சிலவற்றில் போட்டியில் இருந்து பா.ஜ.க.வே விலகிவிட்டது.
‘தென் மாநிலங்களில் வெற்றி பெற முடியாது வட மாநிலங்களில் வெற்றி பெற்றுவிடுவோம்’ என்று சொல்லி வந்தார்கள் சில வாரங்களுக்கு முன்பு வரை.
இப்போது, வட மாநிலங்களின் நிலவரமும் கலவரமாக இருக்கிறது பா.ஜ.க.வுக்கு.
இதனால் ஏற்பட்ட ஆத்திரமும் கோபமும் கண்ணை மறைக்கிறது பா.ஜ.க. ஆட்சியாளர்களுக்கு. தோல்வி பயத்தில் எதைச் செய்வது, எதைச் செய்யக் கூடாது என்பதே தெரியாமல் மூர்க்கத்தனமான சர்வாதிகார நடவடிக்கைகளைச் செய்து வருகிறார்கள்.
டெல்லிமுதலமைச்சர் அரவிந்த கெஜ்ரிவால் அவர்களைக் கைது செய்திருப்பதுஅத்தகைய நடவடிக்கைதான்.
அரசியல் பழிவாங்கும் எண்ணத்துடன் டெல்லி துணை முதல்வர் மணீஷ் சிசோடியா கைது செய்யப்பட்டு 13 மாதங்களாகச் சிறையில் இருக்கிறார். ஜார்க்கண்ட் மாநில முதலமைச்சர் ஹேமந்த் சோரன் கைது செய்யப்பட்டுள்ளார்.
தெலுங்கானா மாநில முன்னாள் முதலமைச்சர் சந்திரசேகர ராவ் அவர்களின் மகள் கவிதா சில நாட்களுக்கு முன்னாள் கைது செய்யப்பட்டுள்ளார். இதன் தொடர்ச்சியாக டெல்லி முதலமைச்சர் அரவிந்த் கெஜ்ரிவாலையும் கைது செய்துள்ளார்கள். இது அப்பட்டமான பழிவாங்கும் நடவடிக்கையே.
இந்தியா முழுமைக்கும் நாடாளுமன்றத் தேர்தல் களம் சூடாகி வருகிறது. பிரதமர் நரேந்திரமோடி மீதான மக்களின் கோபம் நாளுக்கு நாள் அதிகமாகி வருகிறது.
தேர்தல் பத்திரங்கள் என்ற பெயரால் மாபெரும் முறைகேடுகளில் இறங்கி உச்சநீதிமன்றத்தால் குற்றவாளிகூண்டில் நிறுத்தப்பட்டுள்ளது பா.ஜ.க.‘தேர்தல் பத்திரங்கள் தொடர்பானஅனைத்து விபரங்களையும் தேர்தல் ஆணையத்திடம் ஒப்படையுங்கள்’ என்று பாரத ஸ்டேட் வங்கிக்கு கடுமையான உத்தரவைப் போட்ட பிறகும் அவர்களைச்செயல்பட விடாமல் தடுத்து வந்தது பா.ஜ.க. அரசு.
இறுதி வரை உச்சநீதிமன்றம் தனது பிடியை இறுக்கமாக வைத்திருந்த நிலையில்அனைத்து விபரங்களையும் பாரத் ஸ்டேட் வங்கி வழங்கிவிட்டது.
இந்தவிபரங்கள் முழுமையாக வெளியானால் பா.ஜ.க.வின் முகத்திரை கிழியும்என்பதால் அதைத் திசை திருப்புவதற்காக டெல்லி முதல்வர் அரவிந்த் கெஜ்ரிவாலை கைது செய்துள்ளார்கள்.
பா.ஜ.க.வின் யோக்கியதையை ஆம் ஆத்மி கட்சி அம்பலப்படுத்தி இருக்கிறது.
“மதுபான வழக்கு குற்றவாளியிடம் இருந்து ரூ.55 கோடி நன்கொடை பெற்ற பா.ஜ.க. தலைவர் நட்டாவை அமலாக்கத்துறை கைது செய்ய வேண்டும்”என்று கோரிக்கை வைத்துள்ளது ஆம் ஆத்மி கட்சி.
“மதுபான முறைகேடு புகாரில் கைது செய்யப்பட்ட அரவிந்தோ ஃபார்மா இயக்குனரிடம் பா.ஜ.க. ரூ.55 கோடி தேர்தல் நன்கொடை பத்திரத்தைப் பெற்றுள்ளது.
ரூ.55 கோடிக்கு பா.ஜ.க.வுக்கு தேர்தல் பத்திரம் வழங்கிய பின்னர் அரவிந்தோ ஃபார்மா இயக்குனர் ஜாமீனில் விடுவிக்கப்பட்டிருக்கிறார். மதுபான வழக்கு குற்றவாளியிடம் இருந்து ரூ.55 கோடி நன்கொடை பெற்றது குறித்து பிரதமர் மோடியும், பா.ஜ.க. தலைவர் நட்டாவும் விளக்கம் அளிக்க வேண்டும்.
இது குறித்து அமலாக்கத்துறையும் விளக்கம் அளிக்க வேண்டு "என்று ஆம் ஆத்மி கட்சி கோரிக்கை வைத்துள்ளது.
இதைப் பற்றி இதுவரை பிரதமரோ, உள்துறை அமைச்சரோ வாய் திறக்கவில்லை.
தனக்கு எதிராக ‘இந்தியா’ என்ற வலிமையான கூட்டணியை எதிர்க் கட்சிகள் அனைத்தும் சேர்ந்து அமைத்தது முதல் நிலை கொள்ளாமல் தவறுகளுக்கு மேல் தவறுகளைச் செய்து வருகிறது பா.ஜ.க. தலைமை.
இது போன்ற கைதுகள், அரட்டல், மிரட்டல்கள் அனைத்தும் ‘இந்தியா’ கூட்டணியை வலிமையாக ஆக்கியதே தவிர பலவீனப்படுத்தவில்லை.
அரைக்க அரைக்க சந்தனம் மணப்பதைப் போல, தாக்குதல் அதிகமாக அதிகமாக கூட்டணியும், கூட்டணித் தலைவர்களும் வலிமை அடைகிறார்கள். இதைத்தான் இந்தியாவின் அனைத்து மாநிலங்களிலும் பார்க்கிறோம்.
சி.பி.ஐ., அமலாக்கத்துறை உள்ளிட்ட விசாரணை அமைப்புகளை தவறாக பயன்படுத்தும் பா.ஜ.க.வை கண்டித்து மார்ச் 31 ஆம் தேதி ‘இந்தியா’ கூட்டணி சார்பாக டெல்லியில் போராட்டம் நடைபெற இருக்கிறது.
சி.பி.ஐ., அமலாக்கத்துறை உள்ளிட்ட விசாரணை அமைப்புகளைதேர்தல் ஆணையத்திடம் கட்டுப்பாட்டில் வைக்கவும் இக்கட்சிகள் வலியுறுத்தி இருக்கிறார்கள். அரவிந்த் கெஜ்ரிவால் கைது, நடுநிலையாளர்களை மட்டுமல்ல; பா.ஜ.க. ஆதரவாளர்களையும் சிந்திக்கவைத்துள்ளது.
‘ஐயோ! இதனால் பா.ஜ.க.வுக்கு கெட்ட பெயர் ஏற்பட்டுள்ளதே’ என்று பா.ஜ.க. ஆதரவாளர்களும் பதறத் தொடங்கி இருக்கிறார்கள்.
தேர்தலை மக்கள் மன்றத்தில் எதிர்கொள்ள முடியாமல் அமலாக்கத்துறை, சி.பி.ஐ., வருமானவரித்துறை போன்ற புலனாய்வு அமைப்புகளின் மூலமாக எதிர்கொள்வது கோழைத்தனம் ஆகும்.
இவை அரசியலில் இருபக்கமும் பாயும் ஆயுதங்கள் என்பதை யாரும் மறந்து விட வேண்டாம்.
டெல்லி முதலமைச்சர் அரவிந்த் கெஜ்ரிவாலை கைது செய்வதன் மூலமாக ‘இந்தியா’ கூட்டணித் தலைவர்களை மிரட்டிப் பார்க்க நினைத்தால் பிரதமர் நரேந்திரமோடி அவர்கள் ஏமாந்து போவார்கள்.
நாடு முழுவதும் நடக்கும் அனைத்து அசைவுகளையும் மக்கள் உன்னிப்பாக கவனித்துக் கொண்டுதான் இருக்கிறார்கள்.
அடக்குமுறை மூலமாக யாரும் வென்றதாக வரலாறும் இல்லை.
ஆணவக்காரர்களின் ஆட்டத்தை மக்கள் அனுமதித்ததும் இல்லை
