வெங்காயத்தைப்பார்ப்போம்.

கார்ப்பரேட்களை வளர்த்தது போதும்.

விவசாயத்தை வளர்ப்போம்.

வெங்காயம் உரித்தால் தான் கண்களில் தண்ணீர் வரும்.
இப்போது வெங்காயத்தின் விலை யைக் கேட்டாலே இல்லத்தரசிகளுக்கு கண்ணீர் வரும்.
அந்த அளவுக்கு, வெங்காயத்தின் விலை உயர்ந்துள்ளது.
கடந்த வாரம் தில்லி உள்ளிட்ட நகரங்களில் சராசரியாக ரூ.40 முதல் 50 வரை இருந்த வெங்காயத்தின் விலை தற்போது ரூ.70 முதல் 80ஆக கிடுகிடுவென உயர்ந்துள்ளது.

   2013 மற்றும் 2015ஆம் ஆண்டுகளில் பருவ மழை காரணமாக வெங்காயத்தின் விலை அதி கரித்தது. அதன்பின்னர் மீண்டும் வெங்காயத்தின் விலை வரலாறு காணாத அளவுக்கு உச்சத்தை தொட்டுள்ளது.

இதே நிலை நீடித்தால் இன்னும் ஒரு சில தினங்களில், முக்கிய நகரங்களில் வெங்காயத்தின் விலை ரூ.100ஐ  தொடும் என்று வியாபாரிகள் கூறுகிறார்கள்.
நாட்டில் அதிகமாக  வெங்காயம்  பயிரிப் படும் இடம் மகாராஷ்டிர மாநிலம் நாசிக். இதன் சுற்றுவட்டாரப் பகுதிகள் மற்றும் இதர மாநிலங்க ளில் விளைச்சல் செய்யப்படும் வெங்காயம், நாசிக்கின் மிகப்பெரிய வெங்காயச் சந்தைக்கு வரும்.

 அங்கிருந்து தான் மற்ற மாநிலங்களுக்கு ஏற்றுமதி செய்யப்படும். தற்போது வெங்காயத்தின் விலை வெகுவாக உயரக் காரணம் பருவமழை என்று மத்திய அரசு கூறுகிறது.
ஆண்டுதோறும்  ஜூன் முதல் செப்டம் பர் வரை தென்மேற்கு பருவமழை பெய்வது வழக்கம். அதனால் வெங்காய விளைச்சல் பாதிக் கப்பட்டு விட்டதாக கூறுவதை ஏற்கமுடியாது.
அப்படியே இருந்தாலும் விளைச்சல் அதிக மான காலத்தில் தேசிய வேளாண் கூட்டுறவு சந்தையிடல் சம்மேளனம் (நாபெட்) முன்கூட்டியே போதுமான அளவு வாங்கி இருப்பு வைத்திருந்தால் இந்த பிரச்சனை எழுந்திருக்காது.

கட்டுப்படியான விலை கிடைக்காததாலும் வெங்காய விதைகள் அழுகியதாலும் கடந்த ஆண்டு நாசிக்கில் விவசாயிகள் வெங்காய விதைகளை பயிரிட முடியாமல் சாலையில் வீசி எறிந்தனர்.
வெங்காய உற்பத்தி பாதிக்கப்பட்டுள் ளது குறித்து அரசுக்கும் வலியுறுத்தினர்.
 ஆனால், அரசு இதற்கு செவி சாய்க்கவில்லை.
விளைவு வெங்காய விலை மீண்டும் உயர்ந்துள்ளது. பீகார், மகாராஷ்டிரா மாநிலங்களில் வெங்காய திருட்டு அதிகரித்துள்ளது.
மதிப்புமிக்க பொருளாக வெங்கா யம் மாறிவிட்டது என்பதையே அது காட்டுகிறது.

விலை உயர்வை அடுத்து, உள்நாட்டு சந்தை களில் வரத்தை அதிகரிக்கவும், வெங்காயத்தின் விலை மேலும் உயர்வதை கட்டுக்குள் வைக்கவும் மத்திய அரசு நடவடிக்கை எடுத்திருக்க வேண்டும்.
 கடந்த காலங்களில் பாகிஸ்தானில் இருந்து வெங்காயத்தை இறக்குமதி செய்த போது ஊழல் நடந்தது.

எனவே அதுபோன்று இனி யும் நடைபெறாமல் இருக்க நாபெட் நேரடியாக கொள்முதல் செய்து மாநில அரசுகள்   மூலமாக விநியோகம் செய்ய நடவடிக்கை எடுக்க வேண்டும்.
மாநிலஅரசும் வெங்காயத்தை வெளி மாநிலங் களில் இருந்து கொள்முதல் செய்து கூட்டுறவு நியாய விலைக்கடைகள் மூலமாக குறைந்த விலைக்கு விற்க முன்வரவேண்டும்.

வெளிச் சந்தையில் அத்தியாவசியப் பொருட்களின் விலை உயரும் போது அதனை கட்டுப்படுத்த ஒதுக்கப்பட்ட விலைக் கட்டுப்பாட்டு நிதியை இதற்கு பயன் படுத்தவேண்டும்.

----------------------------------------------------------------------------------------------------------------------------------

 ரெயில்வேயை அடுத்து காப்பீட்டுத்துறை தனியார் மயம்?

சமூக பாதுகாப்புத் துறைகளான தொழிலாளர் வருங்கால வைப்பு நிதி (EPF) அலுவலகம் மற்றும் தொழிலாளர் அரசு ஈட்டுறுதி காப்பீட்டு நிறுவனம் (ESI)ஆகியவை தொழிலாளர் நலனுக்காக செயல்படும் தன்னாட்சி நிறுவனங்கள் ஆகும்.


நாடாளுமன்ற விதிகளின் கீழ் உருவாக்கப்பட்ட இந்த இரண்டு துறைகளையும், தொழிலாளர் மற்றும் வேலைவாய்ப்புத்துறை அமைச்சகம் நிர்வகித்து வருகிறது.

 தொழிலாளர் நலத்துறை அமைச்சர், இத்துறைகளின் தலைவராகவும், தொழிலாளர் நலத்துறைச் செயலர், துணைத் தலைவராகவும் இருந்து வருகின்றனர்.

இந்நிலையில், இவ்விரு துறைகளையும் கார்ப்பரேட் மயமாக்கும் வகையில், மத்திய அரசு விதிமுறைகளை மாற்றியமைக்க உள்ளதாக செய்திகள் வெளியாகியுள்ளன.
இதற்கான வரைவுச் சட்ட மசோதா, தற்போது பொதுமக்கள் கருத்துக்காக வெளியிடப்பட்டு இருப்பதாகவும் கூறப்படுகிறது.

இந்த புதிய வரைவுச் சட்ட மசோதாவின்படி, இனி இந்த இரு துறைகளுக்கும் தனித்தனியே தலைமைச் செயல் அதிகாரிகள் நியமிக்கப்பட உள்ளனர்.
இந்த அதிகாரிகள் ஐஏஎஸ் அதிகாரிகளாக இருப்பார்கள்.
குறிப்பாக, இபிஎப், இஎஸ்ஐ ஆகிய இரண்டு நிறுவனங்களும் இனிமேல் கார்ப்பரேட் நிறுவனங்களாக செயல்படும் என்று கூறப்படுகிறது.

------------------------------------------------------------------------------------------------------------------------------------

 குற்றம்சாட்டியவரே கைது.

உத்தரப்பிரதேச மாநிலத்தைச் சேர்ந்த பாஜக தலைவரும், மத்திய முன்னாள் அமைச்சருமான சின்மயானந்தா  தன்னை பாலியல் துன்புறுத்தலுக்கு உள்ளாக்கியதாக, ஷாஜகான்பூர் எஸ்.எஸ். சட்டக் கல்லூரி மாணவி (23) ஒருவர் அண்மையில் பரபரப்புக் குற்றச்சாட்டு எழுப்பினார்.
இதுதொடர்பாக சுமார் 11 மணி நேரம், சிறப்பு புலனாய்வுக் குழு முன்பு ஆஜராகி வாக்குமூலம் அளித்த மாணவி, 43 வீடியோ ஆதாரங்களையும் ஒப்படைத்தார்.
 இவ்வளவு ஆதாரங்களை அளித்த பிறகும், உ.பி. பாஜக அரசின் சிறப்பு புலனாய்வுக் குழுவினர், சின்மயானந்தாவைக் கைது செய்யவில்லை.
இதனால் விரக்தியடைந்த மாணவி, ஒருகட் டத்தில் தீக்குளிக்கப் போவதாக எச்சரிக்கை விடுத்தார்.

இதையடுத்து சின்மயானந்தாவை செப்டம்பர் 20-ஆம் தேதி கைது செய்த உ.பி. பாஜக அரசு, தற்போது புகார் கொடுத்த மாணவியையும், அவரது நண்பர்களையும் கைது செய்து, அதிர்ச்சி அளித்துள்ளது.
அதாவது, சின்மயானந்தாவிடம் மிரட்டிப் பணம் பறிக்க முயன்றதாக இரண்டு நாட்களுக்கே முன்பே, மாணவி மீது வழக்கு பதிவு செய்யப்பட்டிருந்தது.

இந்தக் குற்றச்சாட்டை மாணவி உறுதிபட மறுத்தார். “நான் 5 கோடி ரூபாய் கேட்டேன் என்று சின்மயானந்தாவின் வழக்கறிஞர் கூறுகிறார்; அது சுத்தப் பொய்; அவரிடம் இதுபற்றி விசாரணை நடத்த வேண்டும்” என்று அவர் கூறினார்.
எனினும், முன்னெச்சரிக்கை அடிப்படையில், ஷாஜகான்பூர் நீதிமன்றத்தில் முன்ஜாமீன் மனுவும் தாக்கல்செய்தார். இந்த மனு வியாழக்கிழமையன்று விசாரணைக்கு எடுத்துக் கொள்ளப்படும் என்று கூறப்பட்டிருந்தது.
ஆனால், அதற்கு முன்னதாகவே செவ்வாய்க்கிழமையன்று இரவு, மாணவியை தங்களின் கட்டுப்பாட்டில் கொண்டுவந்த சிறப்புப் புலனாய்வுக்குழுவினர், புதன்கிழமையன்று காலை அவரைக் கைது செய்து, நீதிமன்ற ஆஜர்படுத்துதலுக்குப் பிறகு, சிறையில் அடைத்துள்ளனர்.

இவ்வழக்கில், முக்கியக் குற்றவாளியான சாமியார் சின்மயானந்தா, 2 நாள் மட்டுமே சிறையில் இருந்தார். தற்போது நெஞ்சுவலி என்ற பெயரில் லக்னோ சஞ்சய் காந்தி மருத்துவக் கல்லூரி மருத்துவமனையில் சிகிச்சை பெற்று வருகிறார்.
சின்மயானந்தாவை காப்பாற்றும் விதமாக, அவர்மீது பாலியல் வல்லுறவு வழக்கு பதிவுசெய்யப்படாமல், அதிகாரம் செலுத்தி உறவு வைத்துக்கொண்டார் (IPC 376C) என்று மட்டுமே குற்றச்சாட்டு வைக்கப்பட்டுள்ளது.
 மேலும், இந்தியத் தண்டனைச் சட்டம் 354 னு (பின்தொடருதல்), 342 (சட்ட விரோதமாக அடைத்து வைத்தல்) 506 (கிரிமினல் மிரட்டல்) உள்ளிட்ட பிரிவுகளின் கீழ் தான் வழக்குப்பதிவு செய்யப்பட்டுள்ளது.
ஆனால், சின்மயானந்தாவால் பாதிக்கப்பட்ட மாணவி, அவசர அவசரமாக கைது செய்யப்பட்டு சிறையில் அடைக்கப்பட்டுள்ளார்.
 மாணவியின் நண்பர்களான சஞ்சய், சச்சின், விக்ரம் ஆகிய 3 இளைஞர்களும் கைது செய்யப்பட்டுள்ளனர்.
இதுதான் காவிமய சட்டம் &ஒழுங்கு லட்சணம்.

-------------------------------------------------------------------------------------------------------------------------------------
இனி, ஒரு எண் கூட
நாளுக்கு நாள் அலைபேசியை  பயன்படுத்துபவர்களின் எண்ணிக்கை அதிகத்திவருவதனால் 11 இலக்கமாக மாற்றலாம என டிராய் ஆலோசனைகள் நடத்தி வருகிறது.

தற்போதுள்ள  அலைபேசி எண்கள் அனைத்துமே 9, 8, 7 ஆகிய எண்களில் தொடங்கும். 

இதில் மொத்தம் 210 கோடி எண்கள் உருவாக்க முடியும். 

ஆனால் தற்போது  அலைபேசி போன்கள் பயன்படுத்துபவர்களின் எண்ணிக்கை அதிகரித்து வருகிறது.

மேலும் பலர் இரண்டு அலைபேசி வைத்துள்ளனர்.

குடும்பத்தில் உள்ள அனைவருமே தனித்தனியாக வைத்துள்ளனர்.

 இதே நிலை தொடரும் போது 2050க்குள் 260 கோடி எண்கள் தேவைப்படும்.

 இதனால் இலக்கங்களைப் 11ஆக அதிகரிக்கும் போது கூடுதல் எண்கள் கிடைக்கும்

------------------------------------------------------------------------------------------------------------------------------------
இந்நாளில் 
முன்னால்
உலக கடல்சார் தினம்

கர்நாடக இசை அறிஞர் பாபநாசம் சிவன் பிறந்த தினம்(1890)
இந்திய முன்னாள் பிரதமர் மன்மோகன் சிங் பிறந்த தினம்(1932)
கவிமணி தேசிய விநாயகம் பிள்ளை நினைவு தினம்(1954)
ஏமன் அரபுக் குடியரசு அமைக்கப்பட்டது(1962)

 பண்பாட்டுக்கு கட்டிடங்கள்.

1687 - மிகப்புகழ்பெற்ற பண்டைய கிரேக்கக் கட்டிடமான பார்த்தினன், மோரியப் போரில் சேதமுற்றது. வெனிஸ் குடியரசுக்கும், ஒட்டோமான் பேரரசுக்குமிடையிலான இப்போரில், மோரியாவை வெனிஸ் குடியரசு கைப்பற்றியதால் இது மோரியப்போர் என்று குறிப்பிடப்படுகிறது.
மோரியா என்பது தற்போதைய கிரீசின் தென்பகுதியிலுள்ள பெலப்பனீஸ் தீபகற்பத்தின் அக்காலத்திய பெயர். புனித ரோமப் பேரரசின் ஹாப்ஸ்பர்க் அரசர்கள், போலந்து-லிதுவேனியா, வெனிஸ், ரஷ்யா ஆகியவை அடங்கிய புனிதக்கூட்டணிக்கும், ஒட்டோமான் பேரரசுக்குமிடையே 1683-99 காலத்தில் நடைபெற்ற பெரும் துருக்கியப்போரின் ஒருபகுதியாக இப்போர் நடைபெற்றது.

பார்த்தினன் என்பது அறிவு, கைவினைத்திறன், போர் ஆகியவற்றின் கிரேக்கக் கடவுளான ஏதெனா-வின் ஆலயமாகும். பழைய கிரேக்கக் கட்டிடக்கலையின் எஞ்சியுள்ள அடையாளங்களில் மிகமுக்கியமானதாகக் குறிப்பிடப்படும் பார்த்தினன், கி.மு.447இல் தொடங்கப்பட்டு, 438இல் கட்டி முடிக்கப்பட்டாலும், அழகுபடுத்தும் பணிகள் 432வரை தொடர்ந்தன.
பார்த்தினன் கட்டப்பட்ட இடத்தில் ஏற்கெனவே ஏதனாவுக்கு ஓர் ஆலயம் இருந்து, கி.மு.480இல் பாரசீகப் படையெடுப்பில் அழிக்கப்பட்டது.

 கிரேக்கக் கட்டிடக்கலையின் டோரிக் முறைப்படி கட்டப்பட்ட  பார்த்தினன், கிரேக்கச் சிற்பக்கலையின் மிகச்சிறந்த சிற்பங்களைக்கொண்டிருந்தது.
 கிரேக்கத்தின் நடு, மேற்குப்பகுதிகளிலிருந்து  டோரிக், கிழக்குப்பகுதி யிலிருந்து அயானிக், பின்னாளில் உருவானதும், மூன்றிலும் அதிக அழகாக அலங்கரிக்கப்பட்டதுமான கோரிந்தியன் ஆகிய முறைகள் கிரேக்க கட்டிடக்கலையில் காணப்படுகின்றன.

பெரும்பாலான கிரேக்க ஆலயங்களைப் போலவே, நகரின் கருவூலமாகவே பயன்படுத்தப்பட்டுவந்த பார்த்தினன், கி.பி.6ஆம் நூற்றாண்டுகாலத்தில் கன்னி மேரிக்கான கிறித்தவ தேவாலயமாக மாற்றப்பட்டது. 1400களின் இடைப்பகுதி யில், ஏதென்சை ஒட்டோமான் துருக்கியர்கள் கைப்பற்றி யதையடுத்து, இது ஒரு மசூதியாக மாற்றப்பட்டது.
பார்த்தினன் அமைந்திருந்த கோட்டை நகரான ஏதெனியன் அக்ரோபொலிஸ் என்பதன் வெடி மருந்துக் கிடங்காக இதனை துருக்கியர்கள் பயன்படுத்தி வந்த நிலையில், 1687 செப்டம்பர் 26 அன்று, ஃபிலோபாப்பஸ்  மலையிலிருந்து வெனிஸ் படையினர் சுட்ட குண்டு விழுந்ததில், இதன் ஒரு பகுதி சேதமுற்றது.

 உயரமான என்ற பொருளுடைய அக்ரோன், நகரம் என்ற பொருளு டைய பொலிஸ் ஆகிய கிரேக்கச் சொற்களிலிருந்து உருவான அக்ரோபொலிஸ் என்பது,  கிரேக்கத்தின் கோட்டை நகரங்களின் பொதுவான பெயர் என்றாலும், பார்த்தினன் அமைந்துள்ள ஏதென்சின் அக்ரோபொலிசைக் குறிக்கவே அச்சொல் தற்போது பயன்படுத்தப்படுகிறது.

1975இல் தொடங்கிய  பார்த்தினன் உள்ளிட்ட கிரேக்கக் கட்டிடக்கலைச் சின்னங்களை மறுசீரமைக்கும் பணி 2020இல் முடிவுறும் என்று மதிப்பிடப்பட்டுள்ளது.

---------------------------------------------------------------------------------------------------------------------------------------

நினைவில் கொள்ளுங்கள்.

 செப்டம்பர் .
 23 - 27 - எஸ். எஸ். சி., ஜூனியர் இன்ஜினியர் தேர்வு
29 - ஐ.பி.பி.எஸ்., ஆபீஸ் அசிஸ்டென்ட் மெயின் தேர்வு

அக்டோபர் 
.12,13,மற்றும் 19, 20 - ஐ.பி.பி.எஸ்., பி.ஓ.,முதல் நிலைத் தேர்வு

நவம்பர் .
17 - என்.டி.ஏ., தேர்வு
30 - ஐ.பி.பி.எஸ்., பி.ஓ., மெயின் தேர்வு

டிசம்பர் 
.1 - இந்திய வனத்துறை மெயின் தேர்வு
7,8,மற்றும் 14,15 - ஐ.பி.பி.எஸ்., கிளார்க் முதல் நிலைத்தேர்வு
நபார்ட் வங்கியில் வேலை.


 மத்திய அரசின் தேசிய வேளாண்மை மற்றும் ஊரக மேம்பாட்டு வங்கி நபார்டு. இங்கு 'டெவலப்மென்ட்' உதவியாளர் (82), 'டெவலப்மென்ட்' உதவியாளர்/இந்தி (9) என 91 காலியிடங்கள் நிரப்பப்பட உள்ளன.

வயது: 18 - 35. வயது வரம்பு தளர்ச்சி உண்டு.

தகுதி: * ஏதேனும் ஒரு பட்டப்படிப்பு, 69 சதவீதம் மதிப்பெண் எடுத்திருக்க வேண்டும்.
* இந்தி பிரிவுக்கு விண்ணப்பிக்க விரும்புவோர், இந்தி அல்லது ஆங்கில பிரிவில் 50 சதவீத மதிப்பெண்ணுடன் பட்டப்படிப்பு படித்திருக்க வேண்டும்.

சம்பளம்: ரூ.32,000

கடைசி நாள்: 2.10.2019

விண்ணப்பிக்கும் முறை: ஆன் லைன்

தேர்வு முறை: எழுத்துத் தேர்வு (ஆன் லைன்), நேர்முகத் தேர்வு

விபரங்களுக்கு: https://www.nabard.org.
 --------------------------------------------------------------------------------

 ரிசர்வ் வங்கிப் பனி.

ரிசர்வ் வங்கியில் பல்வேறு காலிப்பணியிடங்களுக்கான அறிவிப்பு வெளியாகியுள்ளாது. ஆபிசர் கிரேடு பி (டிஆர்) –பொது, ஆபிசர் கிரேடு பி (டிஆர்)- டிபிஇஆர் மற்றும் ஆபிசர்ஸ் கிரேடு பி (டிஆர்)-டிஎஸ்ஐஎம் போன்ற பதவிகளுக்கு காலிப்பணியிடங்களுக்கு அறிவிப்புகளை வெளியிட்டுள்ளது. இந்த காலிப்பணியிடங்களுக்கு ஆன்லைன் முறையிலேயே விண்ணப்பிக்க முடியும்.

ஆன்லைன் முறை விண்ணப்பம் தொடங்கும் நாள் – செப்டம்பர் 21, 2019

விண்ணப்பிக்க வேண்டிய கடைசி நாள்- அக்டோபர் 11, 2019

விண்ணப்பிக்க வேண்டிய முறை –  www.rbi.org.in என்ற இணையதளத்தில் சென்று எந்த பதவிக்கு விண்ணப்பிக்க வேண்டுமோ அதைத் தேர்ந்தெடுத்து விண்ணப்பிக்கலாம். 

அடிப்படை தகுதிகள்

வயது – 21- 31 வயதுக்குள் இருக்க வேண்டும்

ஆபிசர்ஸ் கிரேடு பி (டிஆர்) பொதுப் பதவிக்கு ஏதேனும் ஒரு பட்டப்படிப்பு முடித்திருந்தால் போதுமானது.

ஆபிசர்ஸ் கிரேடு பி (டிஆர்)- டிஇபிஆர் பதவிக்கு பொருளாதாரம்/ எகானாமெட்ரிக்ஸ்/ குவாண்டிடேட்டிவ் எகானாமிக்ஸ்/ கணித பொருளாதாரம் பைனான்ஸ் போன்ற பிரிவுகளில் முதுநிலை பட்டப்படிப்பு படித்திருக்க வேண்டும்.

ஆபிசர்ஸ் கிரேடு பி (டிஆர்)- டிஎஸ்ஐஎம் பதவிக்கு புள்ளியியல்/ கணித புள்ளியியல்/ கணித பொருளாதாரம்/ எகானாமெட்ரிக்ஸ்/ புள்ளியியல் மற்றும் இன்பர்மேட்டிக்ஸ் ஆகிய பிரிவுகளில் முதுநிலை பட்டப்படிப்பு முடித்திருக்க வேண்டும்.

காலிப்பணியிடங்களின் எண்ணிக்கை

1. கிரேடு பி (டிஆர்) பொதுப் பதவி – 156 இடங்கள்
2. ஆபிசர்ஸ் கிரேடு பி (டிஆர்)- டிஇபிஆர் – 20 இடங்கள்
3. கிரேடு பி (டிஆர்)- டிஎஸ்ஐஎம் – 23 இடங்கள்

கட்டணம்

பொதுப்பிரிவு/ஓபிசி/பொருளாதாரத்தில் பின் தங்கிய பிரிவு – ரூ.850

எஸ்சி/எஸ்டி/பிடபிள்யூபிடி – ரூ.100

தேர்வு முறை

ஆபிசர்ஸ் கிரேடு பி பதவிகளுக்கான தேர்வுகள் இரண்டு கட்டமாக நடைபெறும். முதல்நிலை தேர்வு மற்றும் இறுதித் தேர்வு என இரண்டு கட்டமாக நடைபெறும். 

இந்தத் தேர்வுகள் முழுக்க ஆன்லைன் முறையிலேயே நடத்தப்படும். நவம்பர் 9-ம் தேதி முதல் நிலை தேர்வு நடைபெற இருக்கிறது. 

சம்பளம்

ரிசர்வ் வங்கியின் கிரேடு பி அதிகாரிக்கு அடிப்படைச் சம்பளம் 35,150 ரூபாயாக நிர்ணயிக்கப்பட்டுள்ளது. இதுவே 35150-1750 (9)-50900-இபி-1750 (2)-54400-2000 (4)-62400 என்ற முறையில் வழங்கப்படும்.

*--------------------------------------------*---------------------------------------*--------------------* 

ஆயுள் காப்பீட்டு கழகம் ( Life Insurance Corportaion LIC) நிறுவனத்தில், காலியாக உள்ள 7 ஆயிரத்திற்கும் மேற்பட்ட உதவியாளர் பணியிடங்கள் நிரப்பப்பட உள்ளன. 

இந்த பணியிடங்களுக்கு பட்டப்படிப்பு மட்டுமே போதும் என்பதால், பட்டதாரிகள் விரைந்து விண்ணப்பிக்குமாறு கேட்டுக்கொள்ளப்படுகிறார்கள்.

மொத்தக் காலிப்பணியிடங்கள் : 7,871 பணியிடங்கள்

மண்டல வாரியாக பணியிடங்கள்
வடக்கு மண்டலம் – 1544
மத்திய வடக்கு மண்டலம் – 1242
மத்திய கிழக்கு மண்டலம் – 1497
கிழக்கு மண்டலம் – 980
மத்திய மண்டலம் – 472
மத்திய தெற்கு மண்டலம் – 632
தெற்கு மண்டலம் – 400
மேற்கு மண்டலம் – 1104

சம்பளம் : மாதம் ஒன்றிற்கு ரூ.14,435
கல்வித்தகுதி : பட்டப்படிப்பு

தேர்வு முறை : முதனிலை தேர்வு,
 முதன்மை தேர்வு மற்றும்
நேர்முகக்காணல்  மூலம் தகுதியுள்ளவர்கள் தேர்ந்தெடுக்கப்படுவார்கள்.

முக்கிய தேதிகள் :
பணியிட அறிவிக்கை வெளியான நாள் : செப்டம்பர் 17, 2019
ஆன்லைன் விண்ணப்பத்திற்கான இறுதிநாள் : அக்டோபர் 01, 2019
விண்ணப்பத்தை சமர்ப்பிப்பதற்கான இறுதிநாள் : அக்டோபர் 22, 2019

விண்ணப்ப கட்டணம் :
எஸ்.சி மற்றும் எஸ்.சி பிரிவினருக்கு ரூ.85 + ஜிஎஸ்டி
மற்ற பிரிவினருக்கு ரூ.510 + ஜிஎஸ்டி
ஆன்லைனில் விண்ணப்பிப்பதற்கான நேரடி லிங்க் : //ibpsonline.ibps.in/licastaug19/

 -----------------------------------------------------------------------------------------------------------------------------------
ஜக்கி வாசுதேவ் நம்பத் தக்கவரல்ல.

ஈஷா  ஜக்கி வாசுதேவ்  ‘காவேரியின் கூக்குரல்’ என்ற பிரச்சாரத்திற்கு ஆதரவு தெரிவித்து சமீபத்தில் ஹாலிவுட் நடிகர் லியானார்டோ டிகாப்ரியோவைக் கேட்டுக்கொண்டதால் மரம் நடுவதை ஆதரித்து   ஃபேஸ்புக் பக்கத்தில் பதிவொன்றைச் செய்தார். 

அதற்கு தற்போது  இந்தியாவில் உள்ள சூழலியல் அமைப்புகள் எதிர்ப்பு தெரிவித்தும், அவருடைய ஆதரவைத் திரும்பப்பெற வலியுறுத்தியும்  கடிதம் ஒன்றைக் கூட்டாக அனுப்பியுள்ளனர். 

அதற்கு ஜாக்கி வாசுதேவ் ஆசிரமம் என்ற பெயரில் நடத்திவரும் மோசடிகள்தான் காரணம்.

இதற்கு முன்னர் மிஸ்ட் கால் கொடுங்கள் நதிகளை இணைக்கிறேன் என்று கதை விட்டு மக்களை ஏமாற்றி தன்னார்வ நிறுவனங்களிடம் கோடிகளில் பணம் நன்கொடையாகப்பெற்றார்.பின்னர் சேலத்தில் 9லட்சம் மரங்களை நடப்போவதாக அரசிடம் மானியம்,கார்ப்பரேட் நிறுவங்களிடம் நிதி பெற்றார்.

இப்போது காவிரியின் கூக்குரல் என்ற பெயரில் தனது அடுத்தத்தக்கட்ட மோசடியை ஆரம்பித்துள்ளார்.தலைக்காவேரியில் இருந்து காவேரி கொள்ளிடம் வரை கொடிக்கணக்கில் மரங்களை நடப்போவதாக கூறினார்.அதற்கு மரத்துக்கு 42 ரூபாய கேட்டு வருகிறார்.அதற்கு மொத்தம் ரூ 14000 கோடிகளை குறியீடாக கொண்டு வசூல் வேட்டை நடத்திவருகிறார்.இதற்காக நடிகர் ,நடிகைகளிடம் களிடம் காவேரியின் கூக்குரல் என்ற அட்டையை கையில் கொடுத்து படம் பிடித்து மக்களை ஏமாற்றி வருகிறார்.

ஹாலிவுட் நடிகர் லியானார்டோ டிகாப்ரியோவை சிலர் மலம் அணுகி தான் தன்னலம் கருதா சமூக சேவைகள் செய்வதாகக் கூறி ஆதரவாக சமூக வலைத்தளங்களில் இடுகைகளை இடக்கேட்டுக்கொண்டதால் ஜக்கியின் சுயரூபம் தெரியாத அவரும் முகநூலில் கடிதம் எழுதியுள்ளார்.அதற்குத்தான் இந்தியாவில் உள்ள சமூக ஆர்வலர்கள்,அவரை ஆதரவை திருப்பிப்பெற கோரி கடிதம் எழுதியுள்ளார்கள்.

 அக்கடிதம் :

அன்புள்ள திரு டிகாப்ரியோ,

 பழங்குடி மக்களின் உரிமைகளைக்  காப்பதற்கும், காட்டுயிர்களைக் காப்பதற்கும், முக்கியமான சுற்றுச்சூழல் பாதுகாப்பு உத்திகளை விளம்பரப்படுத்தவும், புவி வெப்பமயமாவதைத் தடுப்பதற்கும் மிகப்பெரிய அளவில் பொறுப்போடு செயலாற்றி வருகிறீர்கள். 

உங்களுடைய நடவடிக்கைகள் சர்வதேச அளவில் தாக்கம் செலுத்தக் கூடியவை; மனித உரிமைகள் மற்றும் சுற்றுச்சூழலைக் காப்பதற்கான நேர்மறையான விளைவுகளை உண்டாக்கக் கூடியவை. 

அதனால் அதை நீங்கள் தேவையான முன் எச்சரிக்கையோடு முன்னெடுப்பீர்கள் என நம்புகிறோம். ஆனால் ஜக்கி வாசுதேவ் முன்னெடுக்கும் ஈஷா நிறுவனத்தின் ‘காவேரியின் கூக்குரல்’ பிரச்சாரத்திற்கு ஆதரவு தெரிவிப்பது குறித்து உங்களுக்குச் சரியான முறையில் ஆலோசனை வழங்கப்படவில்லை  என ‘இந்திய சுற்றுச்சூழல் நீதிக்கான கூட்டமைப்பான’ எங்களுக்குத் தெரிகிறது.

கர்நாடகாவின் குடகு  மலையில் தொடங்கும் காவேரி, தென் இந்தியாவில் மொத்தம் 81,000 சதுர கிலோமீட்டர் தூரம் வரை பாய்கிறது. 

வாழ்வைச் செழிப்பாக்கும் காவேரி இல்லை என்றால் பல லட்சம் விவசாயிகள், மீனவர்களின் வாழ்வாதாரம், விவசாயம், நகரங்கள் இவையெல்லாம் பேரழிவுக்கு உள்ளாகும். அது மட்டுமல்லாமல் காடுகள், புல்வெளிகள், டெல்டா பகுதிகள் இவையெல்லாம் அழியும்.

கடந்த சில ஆண்டுகளாகக் காவேரியின் தண்ணீரை, வீரியமாக முன்னெடுக்கப்படும் விவசாயத்துக்கும், மின்சாரம் தயாரிக்கவும், தொடர்ந்து பெருகி வரும் தொழிற்சாலை மற்றும் நகர்ப்புற திட்டங்களின் தேவைக்காகவும் பெரும் அணைகளைக் கட்டி மடைமாற்றப் பல திட்டங்கள் முன்னெடுக்கப்பட்டுள்ளன.

 இந்த திட்டங்கள் அனைத்தும் எந்த ஜனநாயக அமைப்பின் கருத்தைக் கேட்காமலும், முன் அறிவிப்பில்லாமலும் செய்யப்படுகின்றன.

இதனால் நகரங்களிலிருந்தும், தொழிற்சாலைகளிலிருந்தும் வெளியாகும் கழிவு நீர் மீண்டும் காவேரிக்கே சென்று கலக்கிறது. இதன் மூலமாக இந்தியாவின் மோசமாக மாசு ஏற்படுத்தப்பட்டுள்ள ஆறுகளில் ஒன்றாகக் காவேரி மாறியுள்ளது. 

இருந்தும் இந்தியாவின் 4 மாநிலங்களுக்குக் காவேரித் தண்ணீர் என்பது மிகவும் முக்கியமானதாக உள்ளது. இதற்காகக் கர்நாடகா, தமிழ்நாடு உள்ளிட்ட மாநில மக்கள் சண்டையிட்டுக்கொள்வதும் தொடர்ந்து நடக்கிறது. 

சரியாக சொல்ல வேண்டும் என்றால் என்னென்ன உதவியெல்லாம் பெறமுடியுமோ, அத்தனை உதவிகளையும் காவேரி பெற வேண்டிய கட்டாயத்தில் உள்ளது.

காவேரியின் கூக்குரல் பிரச்சாரம் காவேரி நதியின் எதார்த்தத்தையோ, அவளுடைய எதிர்கால நலனையோ புரிந்துகொண்ட ஒன்று அல்ல. மாறாக காவேரியை அவள் கரைகளிலும், அவளின் கிளை நதிகளின் கரைகளிலும் மரங்களை நடுவதன் மூலம் காப்பாற்றிவிடலாம் என எளிமையாக முன்வைப்பதாக உள்ளது.

மரம் நடுவது வரவேற்கத்தக்கதே. 

ஆனால் அவற்றின் தேவை எங்குள்ளதோ அங்கு உகந்த வகை மரங்களை நடவேண்டும். 

அதுவும் உள்ளூர் தேவைகளைக் கேட்டறிந்து செய்யவேண்டும். 

 அதுவும் சட்டப்பூர்வமாக அதிகாரமளிக்கப்பட்டுள்ள பஞ்சாயத்துகள், வன உரிமை குழுக்கள், பல்லுயிர் குழுக்கள், வார்ட் குழுக்கள் உள்ளிட்டவற்றின் கருத்தைக் கேட்டுத் தகுந்த முன்னெடுப்போடு செய்யப்பட வேண்டும்.

மரம் நடுவது என்பது ஆறுகளைக் காப்பதற்காகச் செய்யப்படும் பல செயல்பாடுகளில் ஒன்று. 

அது மட்டுமே காவேரியைக் காக்கும் கடினமான அந்த பணியைச் செய்துவிடாது. 

மரங்களை நட்டாலும், வளர்ச்சி என்ற பெயரில் முட்டாள்தனமாகக் காடுகள், ஓடைகள் போன்ற நீர்நிலைகளை அழிப்பது போன்றவற்றை கண்டிப்பாக நிறுத்தவேண்டும்.

ஈஷா இத்திட்டத்தின்படி, 242 கோடி  மரக்கன்றுகளை நடுவதற்கு மக்களிடம் பணம் நன்கொடையாகக் கேட்டுள்ளது வேண்டுமென்றால் கவர்ச்சியாக இருக்கலாம். இதை ஆழமாக ஆராய்ந்தால் இது இந்திய மக்கள் நீண்ட காலத்திற்கு முன்பே எதிர்த்த, நிலவொளியை மறுசீரமைப்பு செய்யும் ஒரு ஒற்றைக்கலாச்சார கருத்தியல் என்பது புரியும். 

அது மட்டுமல்லாமல் இது போன்ற ஒரு திட்டம் தேவையில்லாத, எதிர்பாரா சமூக மற்றும் சூழலியல் விளைவுகளை ஏற்படுத்தும். உதாரணத்திற்குப் புல்வெளிகள், சமவெளிகளில் மரங்களை நடுவது ஓடை, சிற்றாறு உள்ளிட்டவற்றை வற்றவைக்கும். மேலும் ஆக்கிரமிப்புகளுக்கும் இட்டுச்செல்லும்.

மனித உரிமைகள் மற்றும் சுற்றுச்சூழல் சம்பந்தமான சட்டங்களைப் பொறுத்தவரை ஈஷா நிறுவனத்தின் நம்பகத்தன்மை மிகக் குறைவாகவே உள்ளது.

 இந்தியாவின் தலைமை கணக்காயரே (சிஏஜி) , ஈஷா நிறுவனம் அதனுடைய தலைமை அலுவலகத்தை யானைகளின் வழித்தடத்திலும், ஆதிவாசி மக்களுக்குச் சொந்தமான நிலங்களிலும் கட்டியுள்ளதாக புகார் தெரிவித்துள்ளார். 

அதே போல் பல பொதுப் பிரச்னைகளுக்கு ஜக்கி வாசுதேவும், ஈஷா நிறுவனமும் எளிமையான, ஜனரஞ்சகமான முறைகளைத் தீர்வாக முன்வைப்பது, சமூக நீதி மற்றும் சுற்றுச்சூழல் பிரச்னைகளுக்கான உண்மையான தேவையான தீர்வுகளை மலிவு படுத்தும் ஒன்றாகும்.

‘காவேரியின் கூக்குரல்’ சம்பந்தமாகக் கர்நாடக உயர் நீதிமன்றத்தில் பொதுநல வழக்கு தொடரப்பட்டுள்ளது. நீங்கள் உங்கள் பேஸ்புக் பக்கத்தில் பகிர்ந்துள்ள செய்தியின் மூலம் இந்த திட்டத்துக்காக ரூபாய் 10,000 கோடி ஏற்கெனவே வசூல் செய்யப்பட்டிருப்பதாக தெரிகிறது. 

இது போன்ற நம்பகத்தன்மை குறைவான ஒரு தனியார் நிறுவனத்திடம் இவ்வளவு பணம் சேர்ந்திருப்பது உண்மையில் வருத்தம் அளிக்கிறது.
 இந்தியாவின் தண்ணீர் மனிதர் ராஜேந்திர சிங், ஜக்கியின் ‘காவேரியின் கூக்குரல்’ பெயரும், பணமும் (14000கோடிகள்)ஈட்டுவதற்காகவே செய்யப்படுவது எனத் தெரிவித்துள்ளார்.

இந்த விஷயத்தில் உங்களை ஏமாற்றியுள்ளனர்.

 தவறான , மோசமாக அறிவுரை உங்களுக்கு வழங்கப்பட்ள்ளது.

அல்லது காவேரியின் கூக்குரல் திட்டத்தை முன்னெடுப்பவர்களின் பின்னணியை தனிப்பட்ட முறையில் நீங்கள் ஆராயத் தவறியிருக்கலாம். 
உங்கள் ஃபேஸ்புக் பக்கத்தில் “பல சிற்றாறுகள் அழிந்துவருவதால், இந்திய ஆறுகள் அழியும் தறுவாயில் உள்ளன. 

 ஈஷா நிறுவனத்தோடு இணைந்து காவேரியைக் காக்கும் அவர்களின் போராட்டத்தில் இணையுங்கள்.” என்று நீங்கள் பகிர்ந்திருக்கும் செய்தியின் முதல் பாதி உண்மையே. 
ஆனால் அதில் இரண்டாம் பாதியை நீங்கள் திரும்பப் பெறவேண்டும் என உங்களை வலியுறுத்துகிறோம். 

இது கண்டிப்பாகக் காவேரியைக் காப்பதற்கான முன்னெடுப்பு அல்ல. மேலும் இது மோசமான முன்னுதாரணத்தை ஏற்படுத்திவிடும். 

காவேரி நதியைக் காப்பதற்கு எவ்வளவு கடின உழைப்பு தேவைப்படும் என்பதை உணர நாங்கள் உங்களுக்கு அழைப்பு விடுக்கின்றோம். நேரில் வந்து அதை நீங்களே உங்கள் கண்களால் உணருங்கள்.

 அந்த நதியோடு பின்னிப் பிணைந்துள்ள மனித உணர்வுகளையும், அதனுடைய அற்புதமான இயற்கை வளங்களைக் காணவும் இது உங்களுக்கு ஒரு அரிய வாய்ப்பு. அதே நேரத்தில் ‘காவேரியின் கூக்குரலுக்கு’ நீங்கள் கொடுத்துள்ள ஆதரவைத் திரும்பப்பெற வேண்டும் என கோரிக்கை வைக்கின்றோம்.

இப்படிக்கு,

லியோ. எஃப். சல்டானா, ஒருங்கிணைப்பாளர்,

சுற்றுச்சூழல் ஆதரவுக் குழு,

இந்தியச் சுற்றுச்சூழல் நீதிக்கான கூட்டமைப்பு.

இந்த கடிதத்தைப் மேலும் பல சுற்றுச்சூழல் அமைப்புகள், தன்னார்வ தொண்டு நிறுவனங்கள், சூழலியல் அறிஞர்கள், சூழலியல் ஆர்வலர்கள் வழிமொழிந்து கையொப்பமிட்டுள்ளனர்.

மேலும் இது போல் பலர்,பல உண்மையான மக்கள் னால அமைப்புகள் இதில் பங்கேற்ற நடிகர்கள்,அதிகாரிகள்,அரசுக்கு கடைதாங்க அனுப்பி வருகின்றனர்.

---------------------------------------------------------------------------------------------------------------------------------

 மத்திய அரசுத் துறையில் காலியாக உள்ள சுருக்கெழுத்தாளர் பணியாளர்களுக்கான அறிவிப்பை மத்திய அரசுப்பணியாளர் தேர்வாணையம் (எஸ்எஸ்சி) வெளியிட்டுள்ளது. 

கிரேடு "சி" மற்றும் "டி" பகுதிகளுக்கு ஆட்கள் தேர்வு செய்யப்பட உள்ளனர். 

இதில், சுருக்கெழுத்தாளர் கிரேடு "சி" யில் ஆண், பெண், மாற்றுத்திறனாளிகள் என அனைத்துத் தரப்பினரும் விண்ணப்பிக்கலாம். 

சுருக்கெழுத்தாளர் "டி" பிரிவு ராணுவம் தொடர்பான பணி என்பால், ஆண்கள் மட்டுமே விண்ணப்பிக்கத் தகுதியானவர்கள்.

நிர்வாகம் : மத்திய அரசுப்பணியாளர் தேர்வாணையம் (எஸ்எஸ்சி) 

பணி : சுருக்கெழுத்தாளர் கிரேடு சி மற்றும் டி 

கல்வித் தகுதி : 12-வது தேர்ச்சி பெற்றவர்கள் இப்பணியிடங்களுக்கு விண்ணப்பிக்கலாம். 

 வயது  : கிரேடு "சி" பணியிடத்திற்கு விண்ணப்பிக்க விரும்புவோர் 18 முதல் 30 வயதிற்கு உட்பட்டு இருக்க வேண்டும். 

கிரேடு "டி" பணிக்கு 18 முதல் 27 வயதிற்கு உட்பட்டு இருக்க வேண்டும்.

 அரசு விதிமுறைகளின்படி எஸ்சி மற்றும் எஸ்டி பிரிவினருக்கு 5 வருடங்கள், ஓபிசி பிரிவினருக்கு 3 வருடங்கள், மாற்றுத்திறனாளிகளுக்கு 10 ஆண்டுகள் என வயது வரம்பில் தளர்வு அளிக்கப்படும். விண்ணப்பிக்கும் முறை :- விண்ணப்பதாரர்கள் https://ssc.nic.in/ என்னும் அதிகாரப்பூர்வ இணையதளத்தில் விண்ணப்பம் பெற்று அதனை பூர்த்தி செய்து விண்ணப்பிக்க வேண்டும். 

நாடு முழுவதும் பல்வேறு முக்கிய நகரங்களில் தேர்வு மையங்கள் அமைக்கப்பட்டுள்ளது. 

 தமிழகத்தைப் பொறுத்தவரையில், சென்னை, கோவை, மதுரை, திருச்சி, திருநெல்வேலி, புதுச்சேரி ஆகிய இடங்களில் தேர்வு மையங்கள் அமைக்கப்படுகிறது.

 விண்ணப்பக் கட்டணம் : இதற்கு விண்ணப்பிக்க ரூ.100 விண்ணப்பக் கட்டணமாகச் செலுத்த வேண்டும். தேர்வு முறை : எழுத்துத்தேர்வு, நேர்முகத் தேர்வு, சான்றிதழ் சரிபார்ப்பு ஆகியவற்றின் அடிப்படையில் விண்ணப்பதாரர்கள் தேர்வு செய்யப்படுவர். 

 தேர்வு விபரம் : 2020 மே 5ம் தேதி முதல் 7ம் தேதி வரையில் இதற்கான தேர்வுகள் நடைபெறும். மொத்தம் 100 மதிப்பெண்களுக்கு 2 மணி நேரம் தேர்வு நடைபெறும். 

தவறான ஒவ்வொரு வினாக்களுக்கும் 0.25 நெகட்டிவ் மதிப்பெண்கள் உண்டு என்று குறிப்பிடப்பட்டுள்ளது. முக்கிய நாட்கள் : விண்ணப்பப் பதிவு செப்டம்பர் 20ம் தேதி முதல் அக்டோபர் 18ம் தேதி வரை.

ஆன்லைன் வழி விண்ணப்பக் கட்டணம் செலுத்துவதற்கான தேதி அக்டோபர் 18 

 வங்கி செலான் வழியாக விண்ணப்பக் கட்டணம் செலுத்துவதற்கான கடைசி தேதி அக்டோர் 22 

தேர்வுகள் 2020 மே 5ம் தேதி முதல் 7ம் தேதி வரையில் நடைபெறும்.

 இப்பணியிடம் குறித்த மேலும் விபரங்களை அறியவும், விண்ணப்பப் படிவத்தினைப் பெறவும் இங்கே கிளிக் செய்யவும். https://ssc.nic.in/
 ------------------------------------------------------------------------------------------------------------------------------------