அதானி&செபி?
ஆக.16 முதல் நாகையில் இருந்து இலங்கைக்கு கப்பல் சேவை.
ராஜஸ்தானில் கனமழைக்கு 20 பேர்கள் பலி.
78வது சுதந்திர தின கொண்டாட்டம் சென்னை கோட்டையில் ஏற்பாடுகள் தீவிரம்: முதல்வர் மு.க.ஸ்டாலின் தேசியக்கொடி ஏற்றுகிறார்.விருதுகள் வழங்குகிறார்.மணிப்பூர்கலவரம்முன்னாள்எம்.எல்.ஏ.வின் மனைவி குண்டு வெடித்து பலி.
அதானி-செபி தலைவர் பங்கு?
உலகில் நடைபெறும் நிதி மற்றும் நிர்வாக முறைகேடுகள் குறித்து ஆய்வு செய்யும் நிறுவனம் ஹிண்டன்பர்க். இந்நிறுவனம் கடந்த சில மாதங்களுக்கு முன் அதானி குழு நிறுவனங்கள் மீது கூறிய குற்றச்சாட்டு பரபரப்பை ஏற்படுத்தி இருந்தது.
அதானி குழுமம் பங்கு முறைகேடு, பங்கு மதிப்பை உயர்த்திக் காட்டி, அதன் மூலம் அதிகக் கடன் பெறுதல், போலி நிறுவனங்களைத் தொடங்கி, வரி ஏய்ப்பு செய்தல் உள்ளிட்ட முறைகேடுகளில் ஈடுபட்டதாக அறிக்கையில் தெரிவித்தது. இதனைத் தொடர்ந்து, ஹிண்டன்பர்க்கின் அறிக்கை வெளியான உடனேயே, அதானி குழும நிறுவனங்களின் பங்குகளில் விலை மாபெரும் சரிவை சந்தித்தன. 86 பில்லியன் அமெரிக்க டாலர் அளவுக்கு அதானி குழுமத்தின் பங்குகள் சரிவை சந்தித்தன. இதனால் அதானி குழுமத்திற்கு பல ஆயிரம் கோடி நஷ்டம் ஏற்பட்டது.
இதனிடையே தங்கள் குழுமத்தின் மீதான ஹிண்டன்பர்க்கின் கூற்றுக்கள் அனைத்தும் ஆதாரமற்றவை என்று அதானி குழுமம் மறுப்பு தெரிவித்தது. ஆனால், தங்களது இந்த அறிக்கை தவறானது என்று கருதினால், அதானி குழுமம் தங்கள் மீது வழக்குத் தொடரலாம் என்று அதானி குழுமத்திற்கு ஹிண்டன்பர்க் அழைப்பும் விடுத்திருந்தது.
அதானி மீதான குற்றச்சாட்டுகளை சிறப்பு புலனாய்வு அமைப்பு விசாரிக்க கோரி சுப்ரீம் கோர்ட்டில் வழக்கு தொடரப்பட்டது. இந்த கோரிக்கையை நிராகரித்த சுப்ரீம்கோர்ட்டு செபி விசாரணை நடத்தினால் போதும் என கூறியது. உண்மையில் ஹிண்டன்பெர்க் ஆய்வறிக்கை என்பது அதானி குழுமத்துக்கு பெரும் பிரச்சினையை உருவாக்கியது.
இந்நிலையில் ஹிண்டன்பர்க் ரிசர்ச் நிறுவனம் நேற்று தனது எக்ஸ் வலைதள பக்கத்தில், “விரைவில் இந்தியாவில் பெரிய சம்பவம் நடக்கபோகிறது..” என்று பதிவிட்டிருப்பது
பரபரப்பை ஏற்படுத்தி உள்ளது. ஹிண்டன்பர்க் நிறுவனம் இந்தியாவின் ஒரு முன்னணி நிறுவனம் குறித்த மோசடிகள் மற்றும் முறைகேடுகளை வெளிப்படுத்தும் என்று கூறப்படுகிறது.
இந்த விவகாரம் உலகளவில் பேசுபொருளாகி உள்ளது.
-------------------------------
ஆட்சிக் கவிழ்ப்பிற்குப் பிறகு இந்தியாவில் தங்கியுள்ள வங்கதேச முன்னாள் பிரதமர் ஷேக் ஹசீனா, தன்னை ஆட்சியில் இருந்து வெளி யேற்ற அமெரிக்கா சதி செய்ததாகவும், தற்போதைய இடைக்கால அரசாங்கத்தையும் அவர்கள் பயன்படுத்துவார்கள் எனவும் குற்றம் சாட்டியுள்ளது முக்கியத்துவம் பெறுகிறது.
ஷேக் ஹசீனா நாட்டை விட்டு வெளியேறும் முன்பு இறுதியாக உரையாற்ற இருந்ததாகவும் ஆனால் கலவரக்காரர்கள் அவரது அரசு இல்லத்தை முற்றுகையிட்டதால் அந்த உரை நிகழ்த்தப்படவில்லை எனவும் தற்போது அவர் தமது அவாமி லீக் கட்சியினருக்கு அந்த செய்தியை வெளியிட்டுள்ளார் எனவும் தெரிவிக்கப்பட்டுள்ளது.
“வங்காள விரிகுடா கடல் பகுதியில் அமைந் துள்ள வங்கதேசத்தின் செயின்ட் மார்ட்டின் தீவை அமெரிக்காவின் ஆதிக்கத்திற்கு விட்டுக் கொடுத்திருந்தால் எனது ஆட்சியை தக்க வைத்துக்கொண்டிருக்க முடியும்” எனவும் “புதிய இடைக்கால அரசாங்கத்தை அமெரிக்கா பயன் படுத்திக்கொள்ளும்” ஷேக் ஹசீனா அச்செய்தி யில் எச்சரிக்கை விடுத்துள்ளார்.“அவர்கள் மாணவர்களின் பிணங்களை வைத்து அதிகாரத்தைக் கைப்பற்ற விரும்பினர். நான் பதவியை ராஜினாமா செய்யாமல் அங்கு இருந்திருந்தால் இன்னும் அதிகமான மாணவர் களின் உயிர் போயிருக்கும். அதில் எனக்கு விருப்பம் இல்லை. அதனால் தான் நான் எனது பதவியை ராஜினாமா செய்தேன்” என அவர் குறிப்பிட்டுள்ளார். ஷேக் ஹசீனா அரசு அமெரிக்கா வின் ஆதிக்கத்திற்கு எதிராகவும் இந்தியா - சீனா வுடன் உறுதியான அரசியல், பொருளாதார உறவு களையும் மேற்கொண்டு வந்தது. அதேநேரத்தில் நவீன தாராளமயக் கொள்கைகளையே அமலா க்கியது. இதன் காரணமாக வேலையின்மை உள் ளிட்ட கடும் நெருக்கடிகள் சூழ்ந்தன. இதனால் இயல்பாகவே எதிர்ப்பு இயக்கம் எழுந்தது. அதை அமெரிக்கா பயன்படுத்தி கொண்டு ஆட்சிக்கவிழ்ப்பை அரங்கேற்றியுள்ளது என விபரங்கள் உறுதி செய்கின்றன.
புதிதாக அமைந்துள்ள வங்கதேச இடைக் கால அரசில் அங்கம் வகிக்கும் வங்கதேச தேசிய வாதக் கட்சி (BNP), ஜமாத்-இ-இஸ்லாமி அமைப்பு களின் உறுப்பினர்கள் உள்ளிட்ட 17பேர் கொண்ட குழுவில் அமெரிக்கவுடன் நேரடித்தொடர்பில் உள்ள நபர்களும் அடங்கியுள்ளனர் என வங்க தேச அறிவுஜீவிகள் எச்சரிக்கை விடுத்துள்ளதும் கடந்து செல்லக் கூடியது அல்ல.
இடைக்கால அரசாங்கத்தை வழிநடத்தும் நோபல் பரிசு பெற்ற முகமது யூனுஸ், அமெரிக்கா வுடன் வலுவான உறவுகளைக் கொண்டுள்ளார் என விக்கிலீக்ஸ் புலனாய்வுச் செய்திகளை வெளி யிட்டுள்ளது. அவர் தொடர்ந்து பலமுறை வங்க தேச அரசியல் சூழல் குறித்து அமெரிக்கத் தூதரக அதிகாரிகளுடன் விவாதித்துள்ளார் எனவும் விப ரங்கள் வெளியாகியுள்ளன. அமெரிக்க ஏகாதி பத்தியம், ஆசியாவைச் சுற்றி வளைத்துக் கொண் டிருக்கிறது என்பதற்கான சாட்சியம் இது.
