பழனிக்கு என்னவாச்சு

 வெளிநாட்டில் இருந்து தமிழகம் வருபவர்களுக்கு குரங்கம்மை பாதிப்பு உள்ளதா என தீவிரமாக கண்காணிக்கப்படும்: அமைச்சர் மா.சு தகவல்.

மயிலாப்பூர் நிதி நிறுவனத்தில் ரூ.525 கோடி மோசடி செய்த விவகாரம் பாஜ வேட்பாளர் தேவநாதனுக்கு சொந்தமான 12 இடங்களில் போலீசார் சோதனை.

தாம்பரம் யார்டில் மேம்பாட்டு பணி நிறைவு: சென்னை விரைவு, மின்சார ரயில் சேவைகள் சீரானது.

தமிழ்நாட்டில் கடந்த 4 ஆண்டுகளில் 10500க்கும் மேற்பட்ட குழந்தை திருமணம் தடுத்து நிறுத்தம்: தகவல் உரிமைச் சட்ட ஆணையத் தகவல்.

தகுதி நீக்கம்.

பா.ஜ.க, வின் பங்கு

கடந்த ஆண்டு, பா.ஜ.க.வின் முன்னாள் நாடாளுமன்ற உறுப்பினர் பிரிஜ் பூஷன் மீது, கடுமையான பாலியல் குற்றச்சாட்டு வைத்தவர் வினேஷ் போகத். பா.ஜ.க.வின் தலைமையால், தொடர்ந்து புறக்கணிக்கப்பட்டவர் வினேஷ் போகத்.

இந்திய பண்பாட்டை பேணுகிறோம் என மேடைக்கு மேடை பேசும் பா.ஜ.க, பெண்களுக்கான சுதந்திரத்தை பேணாமல், பாலியல் வன்கொடுமை செய்பவர்களை தான் சுதந்திரமாக நடமாட பேணிக்காத்து வருகிறது என்ற முழக்கத்தை நாடறிய செய்தவர் வினேஷ் போகத்.

அதற்காகவே, பல பதக்கங்களுக்கு சொந்தமானவரான வினேஷ் போகத்திற்கு, கிடைக்கப்பெற்றிருக்க வேண்டிய ஒலிம்பிக் தங்கம், தகுதிநீக்கம் என்கிற பெயரில் பறிக்கப்பட்டதா என்ற கேள்வியும் ஒருபுறம் வலுத்து வருகின்றன.

இந்நிலையில், தகுதிநீக்கத்திற்கு எதிரான தகுந்த நடவடிக்கை எடுக்க வேண்டிய இந்திய ஒலிம்பிக் அமைப்பும், ஒன்றிய பா.ஜ.க அரசும், தேவைக்கு மாறாக வினேஷ் போகத்தை விமர்சித்தது. 

தன் தேசத்தின் மகள் என்ற எண்ணம் இல்லாமல், வினேஷ் போகத்தின் அலட்சியம் தான், தகுதிநீக்கத்திற்கு காரணம் என்ற குற்றச்சாட்டை வைத்தனர் பா.ஜ.க.வினர்.

இதனால், வினேஷ் போகத் தகுதிநீக்கத்தில், பா.ஜ.க.வின் பங்கும் இருக்கிறதா? என்ற கேள்வியும் எழத்தொடங்கியுள்ளது.

அக்கேள்விக்கான விடையாகவே, வினேஷ் போகத்தின் வருகையில் பா.ஜ.க.வின் புறக்கணிப்பு நடவடிக்கையும் அமைந்துள்ளது. எனினும், பா.ஜ.க செய்ய தவறியதை, எதிர்க்கட்சியாக இருந்து இந்தியா கூட்டணி செய்து வருகிறது.

வினேஷ் போகத்தை, வரவேற்ற முதல் ஆளாக, அரியானா காங்கிரஸ் மக்களவை உறுப்பினர் தீபேந்தர் சிங் ஹூடா இருந்தார்.

இதனையடுத்து, செய்தியாளர்களை சந்தித்த மல்யுத்த வீராங்கனை வினேஷ் போகத், “எனக்கு மல்யுத்த போட்டிகளில் தொடர விருப்பம் உள்ளது. எனினும், தற்போதைய அளவில் என்னால் எந்த முடிவும் எடுக்க முடியவில்லை. 

மேலும், கடந்த இரண்டு ஆண்டுகளாக பாலியல் வன்முறைக்கு எதிராக போராட்டத்தில் ஈடுபட்டு வருகிறோம். அதற்கான நீதி இன்றளவும் கிடைக்கப்படவில்லை. எங்களது போராட்டம் தொடரும், உண்மை வெற்றியடையும் என நம்புகிறேன்” என தெரிவித்தார்.

இ.பழனிக்கு என்னவாச்சு?

கலைஞரை இந்திய ஒன்றியமே கொண்டாடுவதையும், முதல்வரின் சாதனைகளை பொறுத்துக் கொள்ள முடியாமலும் காந்தாரி போல எடப்பாடி பழனிசாமி கதறுகிறார் என ஆ.ராசா கண்டனம் தெரிவித்துள்ளார். 

இது குறித்து திமுக துணை பொதுச்செயலாளரும், எம்பியுமான ஆ.ராசா வெளியிட்ட டிவிட்டர் பதிவு: கலைஞரின் நூற்றாண்டை சிறப்பிக்கும் வகையில் இந்திய ஒன்றிய அரசு 100 ரூபாய் நாணயம் வெளியிட்டு சிறப்பித்திருக்கிறது. 

இந்தியாவில் நாணயம் மற்றும் ரூபாய் நோட்டுகளை வெளியிடுவது ஒன்றிய அரசுதான் என்பதால், ஒன்றிய அரசில் பாதுகாப்புத்துறை அமைச்சராக உள்ள ராஜ்நாத்சிங் கலந்து கொண்டு சிறப்பிப்பதில் என்ன பிரச்சினை எடப்பாடி பழனிசாமிக்கு.

கலைஞரின் உருவம் பொறித்த நாணயத்தில் இந்தி எழுத்து ஏன் இருக்கிறது என்று எடப்பாடி பழனிசாமி கேட்பதால் அவருக்கு என்ன ஆச்சு என்ற கவலை மேலும் அதிகரிக்கிறது.

இந்தியாவில் உள்ள நாணயங்கள் எதுவாக இருந்தாலும் அதில் ஆங்கிலமும் இந்தியும் இருப்பது வழக்கம். அதிமுக.வை உருவாக்கிய எம்.ஜி.ஆர் அவர்களுக்கு நாணயம் வெளியிடப்பட்டிருப்பதையும் அதிலும் இந்தி எழுத்துகள் இருப்பதையும் கூடவா எடப்பாடி பழனிசாமி அறியவில்லை,

கலைஞர் நாணயத்தில்தான் ‘தமிழ் வெல்லும்’ என்ற எழுத்துகள் பொறிக்கப்பட்டுள்ளது. இதைக்கூட உணராமல் எடப்பாடி பழனிசாமி உளறியிருப்பதால் அவரை எந்த லிஸ்ட்டில் சேர்ப்பது எனப் புரியவில்லை.

எதையாவது சொல்ல வேண்டும் என்பதற்காக, தமிழ்நாடு அரசின் சார்பில் கலைஞருக்கு நிறுவப்பட்ட சிலையை, பா.ஜ. தலைவராக ஒரு காலத்தில் இருந்த இந்திய குடியரசு துணைத் தலைவர் வெங்கையா நாயுடு திறந்து வைத்ததை இப்போது விமர்சிக்கிற எடப்பாடி பழனிசாமி, திராவிட முன்னேற்றக் கழகத்தின் சார்பில் அண்ணா அறிவாலயத்தில் நிறுவப்பட்ட கலைஞர் சிலையைத் திறந்து வைத்தது காங்கிரஸ் தலைவராக இருந்த அன்னை சோனியா காந்திதான் என்பதையாவது அறிவாரா.

உறவுக்கு கை கொடுப்போம்-உரிமைக்கு குரல் கொடுபபோம் என்பதே கலைஞர் எங்களுக்கு கற்றுத் தந்திருக்கும் அரசியல் இலக்கணம். அந்த வகையில்தான் ஒன்றிய அரசின் நாணயம் வெளியீட்டு விழாவும், ஆளுநரின் தேநீர் விருந்தும் நடைபெற்றது.

தி.மு.க மாவட்டச் செயலாளர்கள் கூட்டத்தில், தமிழ்நாட்டிற்குரிய நிதியை வழங்காமலும்-தமிழ்நாட்டிற்கானத் திட்டங்களை செயல்படுத்தாமலும் வஞ்சிக்கும் ஒன்றிய பா.ஜ. அரசைக் கண்டித்து நிறைவேற்றப்பட்ட தீர்மானத்தை எதிர்க்கட்சித் தலைவர் ஒருமுறையாவது படித்துப் பார்க்கட்டும்.

பா.ஜ.வை எப்படியாவது தமிழ்நாட்டில் வளரச் செய்ய வேண்டும் என்று சொந்தக் கட்சியான அ.தி.மு.க.வையே அழித்துக்கொண்டிருக்கிறார் என்று அவரது கட்சித் தொண்டர்களே குமுறுகின்ற நிலையை மறைப்பதற்கு, தி.மு.க. மீது பழி போட்டுத் திசை திருப்ப நினைக்கும் எடப்பாடி பழனிசாமியின் நாடகத்தை பொதுமக்கள் நம்பமாட்டார்கள். அத்திக்கடவு-அவினாசி திட்டம் என்பது மேற்கு மாவட்ட மக்களின் நெடுங்கனவு.

அதனை 1972ம் ஆண்டில் முதன்முதலில் செயல்படுத்த முனைந்தவர் கலைஞர்.

அதன் தொடர்ச்சியாக மேற்கொள்ளப்பட்ட நடவடிக்கைகளையும், ஒவ்வொரு முறையும் தி.மு.க ஆட்சி அமைந்தபோது மேற்கொள்ளப்பட்ட செயல்பாடுகளையும், எடப்பாடி பழனிசாமி தலைமையிலான அ.தி.மு.க. ஆட்சியில் அந்தத் திட்டம் எப்படி செயல்படுத்தப்பட்டது என்பதை மேற்கு மாவட்ட மக்கள் அறிவார்கள்.

முதல்வர் தலைமையிலான அரசுதான் உறுதியான நடவடிக்கைகள் மூலம் அத்திக்கடவு-அவிநாசி திட்டத்தை நிறைவேற்றியுள்ளது. 

கலைஞரை இந்திய ஒன்றியமே கொண்டாடுவதையும், மேற்கு மாவட்ட மக்களின் நெடுங்காலக் கனவை திராவிட மாடல் அரசு நிறைவேற்றியிருப்பதையும் பொறுத்துக் கொள்ள முடியாமல் ‘காந்தாரி’ போலக் கதறுகிறார் எடப்பாடி பழனிசாமி. பதற்றத்தில் அவர் பேசுவதெல்லாம் பிதற்றலாக உள்ளது.

இவ்வாறு அவர் கூறியுள்ளார

--------------------------------------

தமிழக அரசின் 50 வது புதிய தலைமைச் செயலாளராக என்.முருகானந்தம் நியமிக்கப்பட்டு அதற்கான அறிவிப்பை அரசு வெளியிட்டுள்ளது.

நடப்பாண்டில் தமிழகத்தின் தலைமைச் செயலாளராக சிவ்தாஸ் மீனா பொறுப்பு வகித்து வந்த நிலையில் தற்போது அவர் மாற்றம் செய்யப்பட்டு புதிய தலைமைச் செயலாளராக ஐஏஎஸ் அதிகாரி என்.முருகானந்தம்நியமிக்கப்பட்டுள்ளார்.

1991 ஆம் ஆண்டு ஐஏஎஸ் குழுவைச் சேர்ந்த முருகானந்தம் தமிழக அரசின் பல முக்கிய பொறுப்புகளில் பதவி வகித்துள்ளார். 

திருநெல்வேலி சார் ஆட்சியாக பணியைத் தொடங்கிய முருகானந்தம், கடந்த அதிமுக ஆட்சியில் தொழில்துறை முதன்மைச் செயலாளராக இருந்தார். தொடர்ந்து 2022ல் தமிழ்நாடு நிதித்துறையின் முதன்மைச் செயலாளராக நியமிக்கப்பட்டார். அதனைத் தொடர்ந்து முதலமைச்சரின் முதன்மைச்செயலராகவும்பணியாற்றினார்.

இந்நிலையில் ஏற்கனவே பல்வேறு ஐஏஎஸ் அதிகாரிகள் மற்றும் ஐபிஎஸ் அதிகாரிகள் பணியிட மாற்றம் செய்யப்பட்டு அதற்கான அறிவிப்புகளை தமிழக அரசு தொடர்ந்து வெளியிட்டு வந்த நிலையில், தற்பொழுது ஷிவ்தாஸ் மீனா மாற்றம் செய்யப்பட்டு புதிய தலைமைச்செயலராகமுருகானந்தம் நியமனம் செய்யப்பட்டுள்ளார்.