வரலாறு தெரியாமல் பொய்கள்
ரூ.2000 தாள்களை வங்கிகளில் மாற்றுவதற்கான கால அவகாசம் இன்றுடன் முடிவடைகிறது.
"திமுகவுக்கு யார் போட்டி என்பதில்தான் அதிமுக, பாஜ இடையே மிகப்பெரிய போட்டி"- அமைச்சர் உதயநிதி ஸ்டாலின் பேட்டி .
"தமிழ்நாட்டில் சிறந்த மருத்துவ கட்டமைப்பு" குஜராத் மருத்துவ குழு பாராட்டு.
பேச்சுவார்த்தைக்கு பின்னர் இடைநிலை ஆசிரியர்களின் 12 நாள் போராட்டம் நுறுத்தம்.
பட்டியலின தலைவர் பதவியேற்பு விவகாரம் ஆர் யன் ரவிக்கு திமுக கண்டனம்."வரலாறு தெரியாமல் தவறாகப் பொய் பேசக்கூடாது."
தமிழ்நாட்டில் 15 மாவட்டங்களில் மிதமான மழைக்கு வாய்ப்புசென்னை வானிலை ஆய்வு மையம் அறிவிப்பு.
ஆசிய விளையாட்டுப் போட்டி.கபடி பிரிவில் தங்கம் வென்ற இந்தியா - மொத்தமாக 100 பதக்கங்களை குவித்தது.
- திமுக எம்.பி. ஜெகத்ரட்சகனுக்கு சொந்தமான இடங்களில் 2வது நாளாக தொடர்ந்த வருமான வரித்துறையினர் சோதனை - முக்கிய ஆவணங்கள் சிக்கியதாக தகவல்
- பட்டியலின பெண்ணுக்கு நீதி மறுக்கப்படுவதாக ஆளுநர் ஆர்.என்.ரவி குற்றச்சாட்டு ."ஆளுநர் பதவி விலகிவிட்டு “அரசியல் தலைவராக” தன்னை மாற்றிக் கொண்டு பேசட்டும்" என அமைச்சர் துரைமுருகன் கண்டனம்
- பள்ளிக் கல்வித்துறை செயலாளர், தொடக்கக் கல்வி இயக்குநர், பள்ளிக் கல்வித்துறை அமைச்சர் ஆகியோர் பேச்சுவார்த்தை - போராட்டத்தை வாபஸ் பெறுவதாக இடைநிலை பதிவுமூப்பு ஆசிரியர்கள் சங்கம் அறிவிப்பு
- செமஸ்டர் தேர்வு கட்டணம் உயர்வு எதிரொலி - திருவள்ளுவர் பல்கலைக்கழகத்தை கண்டித்து திருவண்ணாமலையில் 2000 மாணவர்கள் போராட்டம்
- நாகையில் இருந்து இலங்கைக்கு கப்பல் போக்குவரத்து வரும் அக்டோபர் 10ம் தேதி தொடக்கம் - ஒரு நபருக்கு 6500 ரூபாய் கட்டணம் நிர்ணயம்
- சனாதனம் பற்றி தொடர்ந்து பேசிக்கொண்டே இருப்பேன் என அமைச்சர் உதயநிதி ஸ்டாலின் திட்டவட்டம்.
- டாஸ்மாக் கடைகளுக்கு புதிதாக மதுபானம் வாங்க வருபவர்களை தடுத்து நிறுத்தும் விற்பனையாளர்களுக்கு பரிசு - அமைச்சர் முத்துசாமி அறிவிப்பு
- தண்டவாள பராமரிப்பு பணி காரணமாக நாளை (அக்டோபர் 8) சென்னை கடற்கரை - தாம்பரம் வரையிலான 44 மின்சார ரயில் சேவைகள் ரத்து
- கணக்கெடுப்பு தொடர்பான விவரங்களை வெளியிட்ட பிகார் அரசு விளக்கம் அளிக்குமாறு மாநில உயர்நீதிமன்றம் நோட்டீஸ்.
- வெள்ளத்தால் சிக்கி தவிக்கும் சிக்கிம் - உயிரிழப்பு மற்றும் காணாமல் போனவர்கள் எண்ணிக்கை நாளுக்கு நாள் அதிகரிப்பு
- 4வது முறையாக ரெப்போ வட்டி விகிதத்தில் மாற்றம் இல்லை - ரிசர்வ் பேங்க் ஆஃப் இந்தியா அறிவிப்பு
- மும்பை அடுக்குமாடி குடியிருப்பில் பயங்கர தீ விபத்து.. 7 பேர் உயிரிழப்பு, 40க்கும் மேற்பட்டோர் படுகாயம்
- 5 மாநில சட்டமன்ற தேர்தலை நடத்துவது தொடர்பாக, தலைமை தேர்தல் ஆணையம் ஆலோசனை
- எதிர்க்கட்சிகளை அச்சுறுத்த பொய் வழக்குப் போடுவதாக டெல்லி முதலமைச்சர் அரவிந்த் கெஜ்ரிவால் குற்றச்சாட்டு
- குர்திஷ் கிளர்ச்சியாளர்கள் முகாம் மீது துருக்கி ராணுவம் வான்வழி தாக்குதல் - 15 பேர் உயிரிழப்பு
- இங்கிலாந்தில் ராணி எலிசபெத்தை கொல்ல முயன்ற இந்தியருக்கு 9 ஆண்டுகள் கடுங்காவல் சிறை தண்டனை விதிப்பு
- நியூசிலாந்தில் உள்ள குயின்ஸ்டவுன் விமான நிலையத்தில் வெடிகுண்டு இருப்பதாக மிரட்டல் - தாமதமாக புறப்பட்ட விமானங்களால் பயணிகள் அவதி
- சிங்கப்பூரில் கடந்த இரு வாரங்களில் 2 ஆயிரத்துக்கும் மேற்பட்டோர் கொரோனா தொற்றால் பாதிப்பு - கட்டுப்பாடுகளை கடைபிடிக்குமாறு சுகாதாரத்துறை எச்சரிக்கை.
- --------------------------------------------------------------------•
ஊடகத்திற்கு பாஜக மிரட்டல்
பிரபீர் புர்காயஸ்தா - அவசர நிலைக்காலத்தில் ( 1975) 18 மாதங்கள் சிறையில் இருந்த போராளி ஆவார்.
இடதுசாரிச் சிந்தனை கொண்டவர். அமித் சக்ரவர்த்தி – ஒரு மாற்றுத்திறனாளி. இவர்கள் இருவரும்தான் கைது செய்யப்பட்டுள்ளார்கள்.
என்ன குற்றச்சாட்டு அடிப்படையில் இந்த நடவடிக்கையைச் செய்துள்ளார்கள் தெரியுமா?
அமெரிக்க நாளிதழான ‘நியூயார்க் டைம்ஸ்’ ஒரு செய்தியை வெளியிடுகிறது. அதில், ‘நியூஸ் கிளிக் நிறுவனம், சீனாவிட மிருந்து நிதி பெறுகிறது’ என்று குற்றச்சாட்டு சொல்லி இருந்தார்களாம்.
இதை வைத்து இந்த கைது நடவடிக்கையாம்!
நியூஸ் கிளிக் ஊடக நிறுவனம் வெளியிட்டுள்ள அறிக்கையில், “எங்களது இணையதளம் சுதந்திரமானது.
சீன நிறுவனங்களிடம் இருந்து நிதி பெற்றுக் கொண்டு செய்திகளை வெளியிட்டதாகக் கூறப்படும் புகார்களுக்கு எந்த அடிப்படையும் இல்லை. சீனாவுக்காக பிரச்சாரம் செய்யும் எந்த செய்தியும் எங்கள் இணையதளத்தில் வெளியிடப்பட வில்லை.
2021ஆம் ஆண்டு முதல் நியூஸ் க்ளிக் நிறுவனத்தின் வங்கிக் கணக்குகள், வரவு – செலவுகள், வெளிநாட்டுத் தொடர்புகள் குறித்து ஒன்றிய அரசின் பல்வேறு விசாரணை அமைப்புகள் ஆய்வு நடத்தி உள்ளன. இந்த ஆய்வுகளில் எந்த முறைகேடுகளும் கண்டுபிடிக்கப்படவில்லை.
நியூயார்க் டைம்ஸ் பத்திரிகையில் உள்நோக்கத்துடன் வெளியான கட்டுரையை மட்டும் அடிப்படையாகக் கொண்டு, எந்த ஆதாரமும் இல்லாமல் ‘உபா’ போன்ற கடுமையான சட்டங்களின் கீழ் எப்படி வழக்குப் பதிவு செய்ய முடியும்?” என நியூஸ் கிளிக் கேள்வி எழுப்பியுள்ளது.
“சீன நிறுவனங்களிடம் இருந்து பெருமளவில் நிதி பெற்ற ‘பி.எம்.கேர்ஸ்’ ஐ நிர்வகிப்பவர் மீது ஏன் ஒரு நடவடிக்கையும் இல்லை?” என உச்சநீதிமன்ற வழக்கறிஞர் பிரசாந்த் பூஷன் கேள்வி எழுப்பியுள்ளார்.
2021 ஆம் ஆண்டு இந்த நிறுவனத்தில் அமலாக்கத்துறை சோதனை நடத்தியது. இதன் முதன்மை ஆசிரியர் பிரபீருக்குச் சொந்தமான வீட்டை முடக்கியது.
அவரது நிரந்தர வைப்புத் தொகையை முடக்கியது. பெரிதாக ஆதாரம் இல்லாததால், நியூஸ் கிளிக் மற்றும் அதன் உரிமையாளர் மீது எந்தவிதமான நடவடிக்கையும் எடுக்கக்கூடாது என உச்சநீதிமன்றம் உத்தரவிட்டது.
இதன் தொடர்ச்சியாக இந்த இணைய ஊடகத்தைக் குற்றம் சாட்டி ஒன்றிய அமைச்சரே நாடாளு மன்றத்தில் பேசினார். இதைத் தொடர்ந்து கடந்த அக்டோபர் 3 அன்று சோதனை நடத்தி கைதும் செய்து விட்டார்கள்.
‘நியூஸ் கிளிக்’ ஊடக ஊழியர்கள் அனைவரும் விசாரணைக்கு உள்ளாக்கப்பட்டு இருக்கிறார்கள். மூத்த பத்திரிகையாளர் ஊர்மிளேஷ், விசாரணைக்கு அழைத்துச் செல்லப்பட்டுள்ளார். ராஜ்யசபா டிவியின் முன்னாள் ஆசிரியர் இவர்.
‘நியூஸ் கிளிக்’ என்பது இடதுசாரிச் சிந்தனை கொண்ட ஊடகம் ஆகும். பா.ஜ.க. அரசின் போலியான முகத்தை தொடர்ந்து அம்பலப்படுத்தி வந்துள்ளது. இதுவரை ஆங்கிலத்தில் செய்திகளை வெளியிட்டு வந்தவர்கள், சமீப காலமாக இந்தியில் செய்திகளை வெளியிடத் தொடங்கி உள்ளார்கள்.
‘இந்தி’ பேசும் மாநிலங்கள் விழிப்புணர்வு பெற்றுவிடக் கூடாது என்பதில் பா.ஜ.க. எப்போதும் தெளிவாக இருக்கும். அந்த மாநில மக்களை இருட்டில் வைத்து, வாக்கு வேட்டையாடும் கட்சி அது. எனவே, ‘இந்தி’யில் செய்தி வெளியிடுவதைத் தடுக்க நினைத்துள்ளார்கள்.
‘இந்தியா’ கூட்டணி சார்பில் வெளியிடப்பட்டுள்ள கூட்டறிக்கையில், “மோடி தலைமையிலான ஒன்றிய பா.ஜ.க. அரசு, கடந்த ஒன்பது ஆண்டுகளில், பிபிசி, நியூஸ் லாண்ட்ரி, டைனிக் பாஸ்கர், பாரத் சமாச்சார், காஷ்மீர் வாலா, தி வயர் போன்ற ஊடகங்களை ஒடுக்க புலனாய்வு அமைப்புகளைப் பயன்படுத்தியது.
தற்போது நியூஸ் கிளிக் செய்தி நிறுவனத்தை ஒன்றிய அரசு குறிவைத்துள்ளது. மோடி அரசு ஊடக நிறுவனங்களைக் கையகப்படுத்துவதன் மூலம் தங்கள் கட்சியின் கருத்தியலுக்கு ஊடகங்களை ஊதுகுழலாக மாற்ற முயற்சிக்கிறது.” என்று பகிரங்கமாகக் குற்றம் சாட்டி உள்ளார்கள்.
‘அழுத்தத்துடன் பணிபுரிகிறோம்’ –- என்று உச்சநீதிமன்ற தலைமை நீதிபதிக்கு, டிஜிபப் நியூஸ் இந்தியா ஃப்வுண்டேஷன் (Digipub News India Foundation), இந்தியன் வுமன்ஸ் பிரஸ் கார்ப்ஸ் (Indian Women’s Press Corps), பிரஸ் கிளப் ஆஃப் இந்தியா (Press Club of India) உள்ளிட்ட பல்வேறு அமைப்புகள் இணைந்து கடிதத்தை எழுதியுள்ளன.
“சட்டவிரோதச் செயல்கள் தடுப்புச் சட்டத்தின் கீழ் வழக்குப்பதிவு செய்ய, பத்திரிகைப் பணி ஒன்றும் தீவிரவாதப் பணி அல்ல. எனவே, பத்திரிகைத்துறைக்கு ஏற்பட்டிருக்கும் அச்சுறுத்தல்களை உச்சநீதிமன்றம் தலையிட்டு தடுக்க வேண்டும்” என அவை வலியுறுத்தி உள்ளன.
“மக்களுக்கு நன்மைகள் எதுவும் செய்ய மாட்டோம், இதை யாராவது குறை சொன்னால் அவர்களை விடவும் மாட்டோம்” -– இதுதான் பா.ஜ.க. பாணி ஆட்சி முறையாகும்.
இவைகளுக்கு உறுதியாக எதிர் வினை பலன் கிடைக்கும்.
-------------------------------------------------------
