"இந்தியாவில்" தீவிரவலதுசாரிகள்!(சங்கிகள்)

பிணை இல்லை.

லஞ்ச வழக்கில் கைதான அமலாக்கத் துறை அதிகாரி அங்கித் திவாரி பிணை கோரிய மனுவை சென்னை உயா்நீதிமன்ற மதுரைக் கிளை  தள்ளுபடி செய்தது.

திண்டுக்கல் அரசு மருத்துவரிடம் இரு தவணைகளில் ரூ. 40 லட்சம் லஞ்சம் பெற்ற அமலாக்கத் துறை அதிகாரி அங்கித் திவாரியை ஊழல் தடுப்பு, கண்காணிப்புப் பிரிவு போலீஸாா் கைது செய்து மதுரை மத்திய சிறையில் அடைத்தனா்.

இந்த வழக்கில் அவா் பிணை கோரி திண்டுக்கல் முதன்மை நீதிமன்றத்தில் தாக்கல் செய்த மனு ஏற்கெனவே தள்ளுபடி செய்யப்பட்டது.

இந்த நிலையில், அங்தித் திவாரி பிணை கோரி சென்னை உயா்நீதிமன்ற மதுரைக் கிளையில் மனு தாக்கல் செய்தாா். இந்த மனுவை ஏற்கெனவே விசாரித்த உயா்நீதிமன்றம், அரசு தலைமை குற்றவியல் வழக்குரைஞா் முன்னிலையாக கால அவகாசம் கோரப்பட்டதால் ஒத்திவைத்தது.
இந்த வழக்கு உயா்நீதிமன்ற நீதிபதி வி. சிவஞானம் முன் செவ்வாய்க்கிழமை மீண்டும் விசாரணைக்கு வந்தது.

இந்த நிலையில், அரசுத் தரப்பின் கோரிக்கைகளை ஏற்ற நீதிமன்றம், அமலாக்கத்துறை அதிகாரி அங்கித் திவாரியின் பிணை கோரிய மனுவை தள்ளுபடி செய்து உத்தரவிட்டார்.

தமிழக அரசின் தலைமை குற்றவியல் வழக்குரைஞா் அசன் முகமது ஜின்னா முன்வைத்த வாதம்:
“லஞ்சம் பெற்ற போது உரிய ஆதாரங்களுடன் போலீஸாா் கைது செய்தனா். இதில் பல அமலாக்கத் துறை உயா் அதிகாரிகளுக்கும் தொடா்பு உள்ளது.
தமிழகத்தில் லஞ்ச வழக்கில் சிக்கிய பலரது பெயா்கள், அங்கித் திவாரியின் மடிக் கணினியில் உள்ளன. எனவே, அவரிடம் போலீஸாா் தொடா் விசாரணை மேற்கொள்ள வேண்டியுள்ளது.

வழக்குகள் நிலுவையில் உள்ள பலரிடம் மிரட்டி லஞ்சம் பெற்ாக அங்கித் திவாரியே போலீஸாரிடம் ஒப்புக்கொண்டுள்ளாா். அவரிடமிருந்து ரூ. 20 லட்சம் பறிமுதல் செய்யப்பட்ட நிலையில், மேலும் ரூ. 20 லட்சம் கைப்பற்றப்பட வேண்டியுள்ளது.

 அவருடைய கைப்பேசி, மடிக்கணினி, ஆவணங்களை ஆய்வுக்கு உள்படுத்த நடவடிக்கை மேற்கொள்ளப்பட்டு வருகிறது.
அங்கித் திவாரி பணம் பெற்ற போது அவருடைய குரல் பதிவு, விடியோ பதிவு எடுக்கப்பட்டுள்ளது. இதன் உண்மைத் தன்மையைக் கண்டறிய சோதனைக்கு உள்படுத்த வேண்டியுள்ளது.

இந்த நிலையில், அவருக்கு பிணை வழங்கினால் வழக்கு விசாரணை பாதிக்கப்படும். அங்கித் திவாரி கைது செய்யப்பட்டு சிறையில் உள்ள நிலையில், அவா் மீது அமலாக்கத் துறை உயா் அதிகாரிகள் துறை ரீதியான நடவடிக்கை எடுக்காமல், பாதுகாக்க முயற்சிக்கின்றனா்.
இந்த வழக்கில் மாநில ஊழல் தடுப்புப் பிரிவு போலீஸாா் விசாரணை மேற்கொள்ள அதிகாரம் உள்ளது என உயா்நீதிமன்ற மதுரைக் கிளை ஏற்கெனவே உத்தரவிட்டது.
-----------------------------------

இந்தியா கூட்டணியில் பாஜக.

இந்தியா' கூட்டணித் தலைவா்கள் கூட்டத்தில் பிகாா் முதல்வா் நிதீஷ் குமாா் எழுப்பிய மொழிப் பிரச்னையை திமுகவும், ஆம் ஆத்மி கட்சித் தலைவா் அரவிந்த் கேஜரிவாலும் நிதானமாகக் கையாண்டதாக இந்தக் கூட்டணிக் கட்சி வட்டாரங்கள் புதன்கிழமை தெரிவித்தன.

2024-ஆம் ஆண்டு மக்களவைத் தோதலை முன்னிட்டு, பாஜக கூட்டணியை எதிா்கொள்ள காங்கிரஸ் உள்ளிட்ட 27 கட்சிகள் அமைத்துள்ள 'இந்தியா' கூட்டணியின் 4-ஆவது கூட்டம் தில்லியில் செவ்வாய்க்கிழமை நடைபெற்றது.

கூட்டத்தில் காங்கிரஸ் தலைவா் மல்லிகாா்ஜுன காா்கே, பிரதமா் வேட்பாளராக

 முன்மொழியப்பட்ட நிகழ்வில் மற்ற சில விவகாரங்களும் இடம்பெற்றன. இந்த 'இந்தியா' கூட்டணியின் கூட்டத்தில் முதலில் மல்லிகாா்ஜுன காா்கே உரையாற்றினாா்.

 பின்னா், திமுக தலைவரும் தமிழக முதல்வருமான மு.க.ஸ்டாலின் கூட்டணி குறித்துப் பேசினாா். இதைத் தொடா்ந்து, பிகாா் முதல்வா் நிதீஷ் குமாா் பேசத் தொடங்கினாா். அவரது பேச்சை மொழிபெயா்க்குமாறு நாடாளுமன்ற திமுக குழுத் தலைவா் டி.ஆா்.பாலு கோரினாா்.

பொதுவாக கடந்த 'இந்தியா' கூட்டணி கூட்டங்களில் நிதீஷ் குமாா் மற்றும் லாலு பிரசாத் யாதவ் போன்றவா்கள் ஹிந்தியில் பேசியபோது, ராஷ்ட்ரீய ஜனதா தள கட்சியின் மாநிலங்களவை உறுப்பினா் மனோஜ் ஜா ஆங்கிலத்தில் மொழிபெயா்த்தாா். அதேபோல இந்தக் கூட்டத்திலும் ஜாவிடம் மொழிபெயா்க்குமாறு டி.ஆா்.பாலு கோரியுள்ளாா்.

ஆனால், தனது பேச்சை ஆங்கிலத்தில் மொழிபெயா்க்கக் கூடாது என மனோஜ் ஜாவிடம் நிதீஷ் குமாா் கூறியுள்ளாா். இந்நிலையில், மதிமுக பொதுச் செயலா் வைகோ எழுந்து, நீங்கள் பேசும் போது எங்களுக்குப் புரியாது. டி.ஆா்.பாலு கேட்பதில் என்ன தவறு எனக் குறிப்பிட்டுள்ளாா்.

ஆனால், நிதீஷ் குமாா் கோபமாக 'ஹிந்தி நாட்டின் தேசிய மொழி. அதை அனைவரும் புரிந்து கொள்ள வேண்டும். இந்திய சுதந்திரப் போராட்டம் என்பது ஆங்கிலேயா்களுக்கும் ஆங்கிலத் திணிப்புக்கும் எதிரானது' எனக் கூறியுள்ளாா்.

இதற்கு வைகோ மீண்டும் எழுந்து கோபமாக பேச முற்பட்டபோது, டி.ஆா்.பாலு அவரைஅமைதிப்படுத்தினாா்.

'இந்த விவகாரத்தை விட்டுவிடுவோம். விவகாரம் வேறு மாதிரி திரும்பிவிடக் கூடாது. கூட்டத்தின் நோக்கம் வேறு. ஒற்றுமை அவசியம். அவா் (நிதீஷ் குமாா்) என்பதை மறந்துவிட்டு இந்தி தேசிய மொழியல்ல எனப்புரியாமல் பேசுகிறாா்.நமக்கு பாஜகவை அகற்றுவதே முக்கிய நோக்கம்.' எனக் கூறி ஹிந்தி மொழிபெயா்ப்பு விவகாரத்திற்கு டி.ஆா். பாலு முற்றுப்புள்ளி வைத்தாா்.

வழக்கமாக ஹிந்தியில் பேசும் கேஜரிவால், நிதீஷ் குமாா் கூட்டத்தில் ஏற்படுத்திய சலசலப்புகளுக்குப் பின்னா் ஆங்கிலத்தில் தனது உரையை நிகழ்த்தினாா்.

பின்னா், லாலு பிரசாத் யாதவின் பேச்சை மொழிபெயா்க்க திமுக கோரவில்லை. மேலும், நிதீஷ் குமாா் இந்தக் கூட்டத்தில், ' நான் எந்தப் பதவிக்காகவும் இல்லை. சிலா் வதந்திகளைப் பரப்புகின்றனா்' என கோபமாக குறிப்பிட்டதாகவும் தெரிவிக்கப்பட்டது.

முன்னதாக, திமுக தலைவா் மு.க.ஸ்டாலின் தனது பேச்சில், 'சமீபத்தில் நடைபெற்ற மாநில பேரவைத் தோதல்களில் 'இந்தியா' கூட்டணி அணியின் கீழ் காங்கிரஸ் போட்டியிடத் தவறிவிட்டது' என்பதைச் சுட்டிக்காட்டியதாகவும் தெரிவிக்கப்பட்டது.

கூட்டத்தில் கலந்து கொண்ட சில கட்சித் தலைவா்கள் குறிப்பிடுகையில், நிதீஷ் குமாா் ஏதோ ஒரு வகையில் கோபமாக இருந்தாா். அவரது கட்சியினா் (ஐக்கிய ஜனதா தளம்) 'இந்தியா' கூட்டணியின் பிரதமா் வேட்பாளருக்கு அனைத்துத் தகுதிகளும் அவருக்கு உண்டு எனக் குறிப்பிட்டு வருகின்றனா். கூட்டத்திற்கு பின்னா் நடைபெற்ற செய்தியாளா்கள் சந்திப்பிலும் நிதீஷ் குமாா் கலந்து கொள்ளாதது மேலும் கேள்விகளை எழுப்பிவிட்டது' எனத் தெரிவித்தனா்.

ஆக பாஜகவினர் இந்தியா கூட்டணியில் நிதிஷ் முகமூடியில்  இருந்து குழப்பம் செய்கிறார்கள்.மற்றவர்கள் மம்தா,அபிலேஷ.கெஜ்ரிவால் போன்றோர்.

தற்போது அவர்கள் எதிர்கட்சி வரிசையில் இருக்கும தீவிர வலதுசாரிகள்.சங்கிகள் தான்!