மறைக்கப்பட்ட உண்மை !

 இந்திய ஜீ.டி.பி கணக்கு !

பிரதமரின் தலைமை பொருளாதார ஆலோசகராக பணியாற்றிய அரவிந்த் சுப்பிரமணியன் 2011-12 மற்றும் 2015-16 ஆண்டுகளுக்கிடையே கணக்கிடப்பட்ட ஜீ.டி.பி. 7 % என்பது மிகைபடுத்தப்பட்டது என்கிறார். 

4.5% தான் உண்மையான ஜீ.டி.பி என்கிறார்.
அப்படியென்றால் எங்கு தவறு நடந்தது.?

இந்தியா, உலகில் வேகமாக வளர்ந்துவரும் ஜீ.டி.பி. கொண்ட நாடு என்ற கூற்று தவறாக இருக்கலாம் என்று முன்னாள் தலைமை பொருளாதார ஆலோசகரான அரவிந்த் சுப்பிரமணியன் நேற்று வெளியிட்ட தனது ஆய்வில் தெரிவித்துள்ளார். 

மேலும் 2011-2012 , 2016-2017 ஆகிய பொருளாதார ஆண்டுகளுக்கிடையே (Fiscal year) கணக்கிடப்பட்ட ஜீ.டி.பி அளவானது மிகைபடுத்தப்பட்ட அளவாக இருக்கலாம் எனவும் தெரிவித்துள்ளார்.

இது குறித்து அவர் கூறுகையில்,
”2011-12 மற்றும் 2016-17ஆம் ஆண்டுகளுக்கிடையேயான அதிகாரப்பூர்மாக வெளியிடப்பட்ட ஜீ.டி.பி அளவு 7 % ஆக கணக்கிப்பட்டது. ஆனால் அது எங்களின் கணக்கீட்டின்படி 4.5% ஆக இருக்கலாம்" என கூறியுள்ளார்.

பாஜக ஆட்சியில், குறிப்பிட்ட இந்த காலகட்டத்தில் தான், அரவிந்த் சுப்பிரமணியம், பிரதமர் மோடியின் தலைமை பொருளாதார ஆலோசகராக பதவிவகித்தார் என்பது குறிப்பிடத்தக்கது.

2015 ஆம் ஆண்டு ஜீ.டி.பி. கணக்கிடப்படும் முறை மாற்றப்பட்டது. இந்த குளறுபடிகளுக்குக் காரணம், ஜீ.டி.பியை கணக்கிடும் இந்த புதிய முறை தான் என்றும் கூறியிள்ளார். 

இந்த கணக்கீட்டு முறையில் உள்ள குறைபாடுகளை அரவிந்த் சுப்பிரமணியம் மட்டும் சுட்டிக்காட்டவில்லை. இதற்கு முன்பே, முன்னாள் ரிசர்வ் வங்கியின் கவர்னரான ரகுராம் ராஜன் சுட்டிக்காட்டியுள்ளார். வளர்ச்சியை மட்டும் கணக்கிடும் முறை தவறு என்றும் கூறியிருந்தார்.

2016ஆம் ஆண்டு இந்திரா காந்தி வளர்ச்சிக்கான ஆய்வு நிறுவனத்தில் உரையாற்றிய போது ஒரு கதை ஒன்றை கூறியிருந்தார் ரகுராம் ராஜன்.

இரண்டு பெண்களுக்கு குழந்தை பிறக்கிறது.

 இருவரும் மற்றவரின் குழந்தையை பார்த்துக்கொள்கிறார்கள். அதற்காக ஒருவருக்கொருவர் சம்பளம் கொடுத்துக்கொள்கிறார்கள் என்று வைத்துக்கொள்வோம். 

இறுதியில் இருவருமே சமமான அளவில் சம்பாதித்திருக்கவேண்டும் அப்படி இல்லை என்றால் எங்கோ தவறு நடந்திருக்கவேண்டும் என்று அர்த்தம் என்று கூறியிருக்கிறார்.

சரி ஜீ.டி.பி.யின் இந்த கணக்கீடு நமக்கு அப்படி என் சேதத்தை விளைவித்துவிடப்போகிறது என்று கேட்கிறீர்களா?

ஜீ.டி.பி என்பது ஒரு நாட்டின் எல்லைக்குள், குறிப்பிட்ட காலவரையரைக்குள், செய்யப்படும் மொத்த உற்பத்தியின் சந்தை மதிப்பு. இந்த கணக்கீட்டுக்கு இறக்குமதியையும் இடைநிலைப் பண்டங்களையும் எடுத்துக்கொள்ளமாட்டார்கள். இடைநிலைப் பண்டம் என்பது ஒரு பொருளை உற்பத்தி செய்யத் தேவைப்படும் மற்றொரு பொருள்.

உதாரணமாக பஞ்சு என்பது இடைநிலைப் பண்டம், தலையணை என்பது இறுதிப் பண்டம். இவைகளைத் தவிர்த்துவிட்டு மற்ற அனைத்து உற்பத்தியையும் கணக்கிடுவதுதான் ஜீ.டி.பி. இந்த ஜீ.டி.பி.யை கொண்டுதான் நாட்டின் பொருளாதார வளர்ச்சியை கணக்கிட முடியும்.

இந்த அசல் ஜீ.டி.பியை கணக்கிட அடிப்படையில் இரண்டு வழிமுறைகள் உள்ளன.  

அவை:

1. காரணச் செலவுகளைக் கொண்டு கணக்கிடுவது (factor cost)
2. சந்தைபடுத்திய செலவுகளைக் கொண்டு கணக்கிடுவது (market cost)

2014 ஆம் ஆண்டு வரை, நாம் காரணச் செலவுகளைக் கொண்டு கணக்கிட்டு வந்த ஜீ.டி.பி முறையை, 2015ஆண்டு முதல் சந்தைபடுத்திய செலவுகளைக் கொண்டு கணக்கிட தொடங்கினர்.

காரணச் செலவுகள் என்றால் உற்பத்திக்கு ஆகும் செலவுகள். 

இதை புரிந்துக் கொள்ள ஒரு தலையனை உற்பத்தியை உதாரணமாக எடுத்துக்கொள்வோம். இந்த உற்பத்தியை ஆரம்பிக்க தேவையான நிலம் வாங்கப்படுகிறது. 
பின்னர் ஆலையை திறக்க தேவையான முதலீடு, தொழிளாலர்கள், அவர்களுக்கு சம்பளம். 

இந்த ஆலையை நிர்வகிக்கத் தேவைப்படும் செலவுகள். இவையெல்லாம் சேர்ந்தது தான் காரணச் செலவுகள்.

இதை அடிப்படையாகக் கொண்டுதான், 2015ஆம் ஆண்டு வரை (factor cost) முறையில் ஜீ.டி.பி கணக்கிடப்பட்டு வந்தது. ஆனால் 2015ஆம் ஆண்டுக்குப் பிறகு (market cost) முறையில் ஜீ.டி.பி கணக்கிடப்பட்டுள்ளது.

market cost முறைப்படி கணக்கிடுவதால், காரணச் செலவுகள் (factor cost) மட்டுமின்றி, மறைமுக வரி, கிளை வருவாய், ஆகியவற்றையும் சேர்த்து கணக்கிடப்படும். அப்போது முதல் முறையை விட அதிகமான எண்களைக் காட்டும்.

ஏற்கனவே கூறியது போல 2004-05 முதல் 2011-12 வரை (factor cost) முறை பின்பற்றப்பட்டு வந்தது. 

பின்னர் 2011-12 முதல் 2014-15 ஆண்டு வரை (market cost) கூறப்பட்ட முறைப்படி கணக்கிடப்பட்டது.

இந்த இரண்டு முறைகளும் சரியான வழிமுறைகள்தான். 
ஆனால் பிரச்சனை எங்கிருந்து வந்ததென்றால் இரண்டு ஜீ.டி.பி.யும் ஒப்பிட்டு புதிய இந்தியா பிறந்துவிட்டது என்று கூறியபோதுதான்.

இரண்டு முறைகளும் வெவ்வேறு பயன்பாடுகள் கொண்டவை.

 இதை ஒப்பிடுவது மிகவும் அபத்தமானதாகும். 

அதைத்தான் ஆரவிந்த சுப்பிரமணியம் குறிப்பிட்டிருக்கிறார். 

யார் மீதும் தவறு இல்லைதான்.  

ஆனால் இரண்டு ஜீ.டி.பிகளையும் ஒப்பிட்டு பார்த்து இந்தியா வளர்ந்துவிட்டது,புதிய இந்தியா பிறந்த விட்டது என்பதுதான் பொருளாதார அபத்தம்.

 --------------------------------------------------------------------------------------------------------------------
 மதிப்பெண் .
வெறும் எண்கள் விளையாட்டுதான்.

தேர்வில் பெறும் மதிப்பெண்கள் மட்டும் எதிர்கால வாழ்க்கையை தீர்மானிப்பதில்லை என எவ்வளவோ கவுன்சிலிங்குகள் கொடுக்கப்பட்டாலும், 10ம் மற்றும் 12ம் வகுப்பு மாணவர்கள் மற்றும் அவர்களின் பெற்றோர் பலரின் காதுகளுக்கு அவை சென்று சேர்வதில்லை.
 இந்த பொதுத் தேர்வுகளில் தோல்வியடைந்து விட்டாலோ அல்லது குறைந்த மதிப்பெண்களைப் பெற்று விட்டாலோ அவ்வளவு தான், வாழ்க்கையே முடிந்து விட்டது என மூலையில் முடங்கி விடுகின்றனர். சிலர் வாழ்க்கையையே முடித்துக் கொள்கின்றனர்.

இப்படிப்பட்டவர்களுக்கு விழிப்புணர்வு ஏற்படுத்துவதற்காக வித்தியாசமாகச் செயல்பட்டு பாராட்டுகளைப் பெற்றுள்ளார் சட்டீஸ்கர் மாவட்ட ஆட்சியர் அவானிஷ்.

கடந்த 2009ம் ஆண்டு ஐஏஎஸ் ஆனவர் அவானிஷ் சரண்.
 தற்போது இவர் சட்டீஸ்கர் மாநிலத்தில் உள்ள கவார்தா மாவட்ட ஆட்சியாளராக உள்ளார். கடந்த சில தினங்களுக்கு முன்பு இவர் தனது ஃபேஸ்புக் பக்கத்தில் பதிவு ஒன்றை வெளியிட்டார்.
அதில்,

“தேர்வு என்பது வெறும் நம்பர்களின் விளையாட்டு மட்டுமே. உங்கள் திறமையை நிரூபிக்க உலகில் வேறு அதிகமான களங்கள் உள்ளன. எனவே தேர்வுகளில் தோல்வியடைந்தால் அங்கேயே தேங்கி விடாமல், தொடர்ந்து முன்னேறி உங்களுக்கான களங்களைத் தேர்ந்தெடுங்கள்,” என அவர் தெரிவித்திருந்தார்.

வெறும் அறிவுரைகள் மட்டும் போதாது என, தானும் அப்படி நம்பர்களின் விளையாட்டைக் கடந்து வந்தவன் தான் என்பதை தெளிவுப்படுத்த, இந்தப் பதிவில் அவர் தனது 10ம் மற்றும் 12ம் வகுப்பு மதிப்பெண் சான்றிதழ்களையும் இணைத்திருந்தது பலரது கவனத்தையும் ஈர்த்தது.

ஒரு மாவட்டத்தையே ஆளக்கூடிய பணியில் இருக்கும் அவானிஷ், 
தனது பத்தாம் வகுப்புத் தேர்வில் 44.5 சதவீத மதிப்பெண்களையும்,
 பன்னிரண்டாம் வகுப்புத் தேர்வில் 65 சதவீத மதிப்பெண்களையும் பெற்றுள்ளார்.
 இதன் மூலம் மிகக் குறைந்த மதிப்பெண் பெற்று விட்டேனே என முடங்கிப் போய் இருந்தால் இன்று தான் ஒரு மாவட்ட ஆட்சியாளராக உருவாகி இருக்க முடியாது என தன் வாழ்க்கைப் பாடம் மூலம் அவர் மாணவர்களுக்கும், அவர்களது பெற்றோருக்கும் மறைமுகமாக அறிவுரை கூறி இருக்கிறார்.

இப்படி அதிரடியாக தனது மதிப்பெண் பட்டியலை அவானிஷ் வெளியிட்டதன் பின்னணியில் ஒரு உருக்கமான காரணம் உள்ளது.
கடந்த வாரம் சட்டீஸ்கர் மாநில பொதுத்தேர்வு முடிவுகள் வெளியானது. அத்தேர்வில் தோல்வியடைந்த மாணவர் ஒருவர், சோகத்தில் தற்கொலை செய்து கொண்டார்.
அந்தச் செய்தியைப் படித்து வேதனையடைந்த அவானிஷ், மாணவர்களுக்கு தன்னம்பிக்கை அளிக்கும் விதமாக இப்படி ஒரு பதிவை வெளியிட்டுள்ளார்.

இது தொடர்பாக இந்தியன் எக்ஸ்பிரஸுக்கு அளித்த பேட்டியில்,

“இன்றைய சூழலில் மாணவர்கள் தங்கள் இலக்கை அடைய எவ்வித தடையும் இல்லை. ஏராளமான வாய்ப்புகள் கொட்டிக் கிடக்கின்றன. பள்ளி மதிப்பெண்கள் மட்டும் எதிர்காலத்தை தீர்மானிப்பதில்லை. மதிப்பெண்கள் மட்டுமே வாழ்க்கை என்ற மனநிலையில் இருந்து மாணவர்கள் மாற வேண்டும்,” எனத் தெரிவித்துள்ளார் அவானிஷ்.

ஆண்டுதோறும் லட்சக்கணக்கான மாணவர்கள் பொதுத்தேர்வு எழுதுகின்றனர்.

அவர்கள் அனைவருக்குமே வெற்றி சாத்தியப்பட்டு விடுவதில்லை. அனைவராலுமே முதல் இடத்தை பெறுவது என்பது இயலாத காரியம்.

எனவே, ஏட்டுச் சுரைக்காய் கறிக்கு உதவாது என்பதை பள்ளிகள் மட்டுமல்ல, பெற்றோரும் தங்கள் பிள்ளைகளுக்கு புரிய வைக்க வேண்டும்.

அதை விடுத்து மதிப்பெண்கள் தான் வாழ்க்கை என்ற மனநிலையை மாணவர்களிடத்தில் விதைக்கக் கூடாது என்பதற்காகத் தான் அவானிஷ் தனது மதிப்பெண்களை சமூகவலைதளத்தில் வெளியிட்டுள்ளார்.

வாழும் உதாரணமாக மாணவர்களின் நலனுக்காக அவானிஷ் வெளியிட்டுள்ள ஃபேஸ்புக் பதிவு தற்போது இணையத்தில் வைரலாகியுள்ளது.
அவானிஷை நெட்டிசன்கள் பாராட்டி வருகின்றனர்.
 ‘நிச்சயமாக நீங்கள் பல மாணவர்களுக்கு உத்வேகம் தரும் முன்னுதாரணமாக இருப்பீர்கள்’
என அவர்கள் தங்களது கமெண்டில் தெரிவித்துள்ளனர்.

அவானிஷைப் போலவே வாழ்க்கையில் வெற்றி பெற்ற மேலும் சிலரும் தங்களது கல்வி குறித்து பொது தளங்களில் வெளிப்படையாக பேசினால், வளரும் தலைமுறைக்கு மதிப்பெண்கள் மட்டுமே வாழ்க்கையைத் தீர்மானிப்பதில்லை என்ற தெளிவு இன்னும் மேம்படும்.
-----------------------------------------------------------------------------------------------------------------------
மீ டு பிரகாஷ் எம்  சுவாமி
 கிழக்குப்பதிப்பக உரிமையாளரும்,மூத்த பத்திரிகையாளரூம்,தீவிர வலதுசாரி-பாஜக ஆதரவாளருமான   பிரகாஷ் எம் சுவாமி மீதும் ,அவரது நெருங்கிய தோழி விஸ்வதர்ஷினி மீதும் நடிகை காயத்திரி சாய் என்பவர தன்னை பாலியல் தொந்தரவு செய்வதாக கொடுத்தார்.
 பலநாட்களாக வழக்குப்பதிவு செயல் வைத்திருந்த காவல்துறையினர் பலரின் கோரிக்கைக்கப்பின்னர் மே மாதம் பெண் வன்கொடுமை சட்டத்தின் கீழ் வழக்குப்பதிவு செய்தனர்.
பிரகாஷ் சுவாமியின் நெருங்கிய தோழியான விஸ்வதர்ஷினி, நேற்று சைபர் கிரைம் போலீசாரால் கைது செய்யப்பட்டுள்ள நிலையில் பிரகாஷ் எம்  சுவாமி சென்னை உயர்நீதிமன்றத்தில்  பிணை கேட்டுட்டுள்ளார்.
 பிரகாஷ் எம்  சுவாமி நிலையை பார்க்கையில் ஊருக்கெல்லாம் நியாயம் சொல்லுமாம் பல்லி கடைசியில் விழுந்ததாம் சாக்கடையில் துள்ளி  சொலவடைதான் நினைவுக்கு வருகிறது.
----------------------------------------------------------------------------------------------------------------------