மோசடியின் பலன் யாருக்கு?
கனமழை காரணமாக தூத்துக்குடி, நெல்லை, கன்னியாகுமரி, தென்காசி மாவட்டங்களில் பள்ளிகளுக்கு இன்று விடுமுறை அறிவிப்பு.
50 பணயக்கைதிகளை விடுவிக்கிறது ஹமாஸ் காசாவில் 4 நாள் போர் நிறுத்தம்:-இஸ்ரேல் ஒப்புதல்.
திருச்சி அருகே வெடிகுண்டு வீசி எஸ்.ஐயை அரிவாளால் வெட்டி தப்ப முயன்ற பிரபல ரவுடி என்கவுன்டரில் சுட்டுக்கொலை.5 கொலை வழக்கு உட்பட 53 வழக்குகளில் தொடர்புடையவன்.
ஜம்முவில் தீவிரவாதிகள் தாக்குதல். 2 ராணுவ கேப்டன்கள் உள்பட 4 வீரர்கள் பலி: கூடுதல் படைகள் குவிப்பு.கடும் சண்டை .
உத்தரகாண்ட் சுரங்கத்தில் சிக்கிய 41 தொழிலாளர்களை மீட்கும் பணி இறுதிக்கட்டத்தை நெருங்கியது.இன்னும் 12 மீட்டர் துளையிட வேண்டும்.
ஆவின் பச்சை பால் பாக்கெட் இனி இல்லை! ஊதா நிற ஆவின் டிலைட் பாலை முன்னிலைப்படுத்துவது தொடர்பாக அமைச்சர் மனோ தங்கராஜ் விளக்கம்.
நடுக்கடலில் துல்லியமாக இலக்கை தகர்த்த பிரமோஸ் ஏவுகணை.இந்தியக் கடற்படையில் இணைப்பு.பெரும்பாக்கம் ஏரி மதகு உடைந்து நீர் வெளியேற்றம்.200 ஏக்கர் நீரில் மூழ்கியது .
மோசடியின் பலன் யாருக்கு?
இணைய,டிஜிட்டல் பயன்பாடு அதிகமான பின் தற்போது நாடு முழுவதும் ஏதாவது ஒரு வகையில் விதவிதமாக மோசடிகள் அரங் கேற்றப்படுகின்றன.
அந்த மோசடிகளில் ஈடு படுபவர்கள் எல்லாம் பெரும்பகுதி பாஜகவில் நிர்வாகிகளாக உள்ளனர்.
அல்லது ஏற்கெனவே மோசடி, கொலை, கொள்ளையில் ஈடுபட்டவர் கள் பெரும்பாலும் பாஜகவிலேயே இருக்கின்ற னர். மோசடி என்றாலே பாஜக, பாஜக என்றாலே மோசடி எண்ணுமளவிற்கு மக்களிடையே பாஜக ‘சிறப்புப்’ பெற்றிருக்கிறது.
ஒன்றிய அரசு புதிய தாராளமயக் கொள் கையைத் தலையில் தூக்கி வைத்துக் கொண்டு, சிறு, குறு மற்றும் நடுத்தரத் தொழில்துறையை ஏற்கெனவே கை கழுவிவிட்டது. கட்டுப்பாடற்ற அந்நிய நிறுவனங்களின் போட்டி ஒரு புறம், மறுபுறம் உயர் பண மதிப்பு நீக்கம், ஜிஎஸ்டி வரி என பலமுனை தாக்குதலால் இந்தத் துறையே நிலைகுலைந்திருக்கிறது.
கடந்த 5 ஆண்டுக ளாக இந்தத் துறையின் வளர்ச்சி பூஜ்ஜியம்.
ஏற்கெனவே வாங்கிய கடனை திரும்பச் செலுத்த முடியாமல் பலரும் தற்கொலை செய்து வருகின்றனர்.
தொழில் உரிமையாளர்கள் கூலித் தொழிலாளியாக மாறியிருக்கின்றனர்.
இந்நிலையில் வெந்த புண்ணில் வேல் பாய்ச்சுவது போன்று இவர்களைக் குறிவைத்து பாஜக கும்பல் இந்தியா முழுவதும் இதுபோன்ற மோசடிகளில் ஈடுபட்டிருக்கிறது.
சமீபத்தில் தமிழகத்தில் சிறு, குறு மற்றும் நடுத்தரத் தொழில் நிறுவன ப்ரமோஷன் கவுன்சில் என்ற பெயரில் பல நூறு கோடிகளை பாஜக நிர்வாகிகள் சுருட்டியிருக்கின்றனர்.
இந்த மோசடியின் வலைப்பின்னல் பாஜக மாநிலத் தலைமை வரை பரந்து விரிந்திருக்கிறது என்பதுதான் சிறப்பு.
இந்த போலி அமைப்பின் நிகழ்ச்சிகளை பாஜக வின் தமிழக ஊடகப் பிரிவே நடத்தியிருக்கிறது.
ஆனால் தற்போது ஒன்றிய அமைச்சர் நாராயண் டி.ரானே, எம்எஸ்எம்இ புரோமோசன் கவுன்சில் என்கிற அமைப்பு ஒன்றிய அரசின் அங்கமோ, அங்கீகாரமோ பெற்றது இல்லை.
இது போன்ற அமைப்புகளை நம்பி மக்கள் ஏமாறக் கூடாது என அறிவுரை கூறியிருக்கிறார்.
அப்படி யென்றால் அந்த அமைப்பினர் மீது புகார் வந்த பின்னரும், ஏன் அந்த அமைப்பினர் ஒன்றிய அரசின் நிகழ்ச்சிகளில் சிறப்பு விருந்தினராக அழைக்கப்பட்டனர்? எதற்காக பாஜக தலை வர்கள் மற்றும் ஒன்றிய அமைச்சர்கள் அவர்க ளோடு போஸ் கொடுத்து அந்த அமைப்பை புரோ மோட் செய்தனர்?
மோசடிக் கும்பலுக்கு ஒன்றிய அரசின் குற்றத்தீர்ப்பாயங்களின் வழக்கறிஞரும், பாதிக்கப்பட்டவருக்காக ஒன்றிய அரசின்அமலாக் கத்துறை வழக்கறிஞரும் ஏன் ஆஜராக வேண்டும்?
இந்த மோசடி பணம் பாஜக தலைவர் அண்ணாமலை நடத்திய என் மண், என் மக்கள் நடை பயணத்திற்கும் சென்றிருப்பதாக இந்த போலி அமைப்பின் தேசிய தலைவரே உண்மையைப் போட்டுடைத்திருக்கிறார்.
இதிலிருந்தே ஏன் பாஜக பதறு கிறது என்பதைப் புரிந்து கொள்ள முடியும். தமிழகக் காவல்துறை இந்த மோசடிக் கும்பலை கூண்டோடு பிடிக்க வேண்டும்.
கிரிக்கெட்டையும் கெடுத்த பா.ஜ.க.ஒன்றிய அரசு!
உலகக் கோப்பையை இந்திய கிரிக்கெட் அணியால் இம்முறை பெற முடியவில்லை. அதனால் என்ன?
இரண்டு முறை உலகக் கோப்பையை வென்ற நாடு இந்தியா.
இம்முறை பெற முடியாமல் போய்விட்டது. அடுத்தமுறை வெல்லும். எனவே, இத்தோடு அனைத்தும் முடிந்துவிடப் போவது இல்லை.
ஆனால் இப்படி யோசித்துப் பாருங்கள்... உலகக் கோப்பையை இந்திய அணி வென்றிருந்தால் என்ன நடந்திருக்கும்?
ஏதோ மொத்த ரன்னையும் பிரதமர் நரேந்திர மோடி தான் எடுத்ததைப் போலக் குதித்திருப்பார்கள்.
குஜராத்தில் நடந்ததால் இந்த வெற்றி –- நரேந்திர மோடி மைதானத்தில் நடந்ததால் இந்த வெற்றி –- மோடி பிரதமராக இருப்பதால் வெற்றி –- அவர் விளையாட்டைப் பார்க்க வந்ததால் வெற்றி –- அமித்ஷா மகன் ஜெய்ஷா கிரிக்கெட் போர்டு செயலாளராக இருப்பதால் வெற்றி -– என்று சொல்லி உயிரைக் கொடுத்து விளையாடிய மொத்த வீரர்களையும் அவமானப்படுத்தி இருப்பார்கள்.
‘உலகம் வென்ற மோடி –- உலகக் கோப்பையை வென்றார்’ என்று சொல்லி இருப்பார்கள்.
இரண்டு ஆண்டுகளுக்கு வரும் 2ஜி மாநாடுகளின் தலைமைப் பதவியையே பெரிய சாதனையைப் போலக் காட்டி ஓராண்டு முழுக்க -– அனைத்து மாநிலங்களிலும் விழா எடுத்தவர்கள், உலகக் கோப்பையில் வென்றால் விட்டு வைப்பார்களா?
‘2023 உலகக் கோப்பை– -2024 மூன்றாவது முறையாக பிரதமர்’ என கற்பனையில் மிதப்பார்கள்.
இவை எதுவும் நடக்கவில்லை.
அதனால்தான் கிரிக்கெட் தோல்வி கூட, வாழ்க்கைத் தோல்வியாக உருவகப்படுத்தப்படுகிறது.
உலகக் கோப்பை கிரிக்கெட் விளையாட்டுப் போட்டியை வைத்து அரசியல் செய்ய நினைத்தது பா.ஜ.க. இறுதிப் போட்டியை நடத்த புகழ்பெற்ற மும்பை வான்கடே மைதானம், கொல்கத்தா ஈடன் கார்டன் மைதானம், டெல்லி மைதானம் ஆகியவை இருக்கிறது.
இவை அனைத்தையும் விட்டு விட்டு அகமதாபாத் அழைத்துச் சென்றார்கள்.
பிரதமரின் மாநிலத்தில், பிரதமர் பெயரால் அமைந்த மைதானத்தில் நடந்தப்பட்டு இந்தியா வெற்றி பெற்றால் ‘மோடியே வெற்றி பெற்றதாக அர்த்தம்’ என காட்ட நினைத்தார்கள்.
அந்த மைதானம் உலகக் கோப்பை விளையாட்டு நடக்குமளவுக்கு இன்னும் முழுமையாகத் தயார்படுத்ப்படவேவில்லை.
இறுதிப் போட்டி நடத்தப்படும் மைதானமானது, கிரிக்கெட் விளையாட்டுக்கு நன்கு பழக்கப்பட்டிருக்க வேண்டும்.
ஆனால் அகமதாபாத் மைதானத்திலோ வெறும் 32 போட்டிகள் மட்டுமே நடத்தப்பட்டுள்ளது.
அங்கே விளையாடியாக வேண்டிய நெருக்கடியை உருவாக்கினார்கள். இதேபோல், இறுதிப் போட்டிக்கு முன்பு போர் விமானங்கள் சாகச நிகழ்ச்சி, டிரோன்கள் மூலம் ஒளி வடிவம், கலை நிகழ்ச்சி ஆகியவை நடத்தப்பட்டதும் இந்திய வீரர்களுக்குத் தேவையில்லாத அழுத்தத்தைக் கொடுத்துவிட்டது என்றும் சொல்லப்படுகிறது.
இறுதிப் போட்டியைக் காண பிரதமர் மோடி நேரில் வந்ததால், அவரைமகிழ்விக்க கிரிக்கெட் வாரியமும், குஜராத் பா.ஜ.க. அரசும் செய்த பல்வேறுஏற்பாடுகளால் கவன திசை திருப்பல்கள் அதிகம் நடத்தப்பட்டன.
இந்தியா, ஆஸ்திரேலியா உலகக் கோப்பை இறுதிப் போட்டிக்கு முன்பு, உலகக் கோப்பையை ராமருக்கு மோடி அர்ப்பணிக்கும் வகையில் புகைப்படம் வெளியாகியிருந்தது.
நீல நிற உடையே இந்திய வீரர்களது அடையாளம். ஆனால் பயிற்சியின் போது காவி நிற பனியன்களை அணியக் கட்டாயப்படுத்தப்பட்டார்கள்.
இதனை அரசியல் தலைவர்கள் கண்டித்து கருத்துகளை வெளியிட்டார்கள். மேற்குவங்க மாநிலம் மத்திய கொல்கத்தாவில் நடந்த ஜகதாத்ரி பூஜையில் கலந்து கொண்ட அம்மாநில முதல்வர் மம்தா பானர்ஜி பேசுகையில்,“ஒன்றிய பா.ஜ.க. அரசு, நாடு முழுவதும் காவி வர்ணம் பூச முயற்சிக்கிறது.
இந்திய கிரிக்கெட் அணியின் ஜெர்சியின் (வீரர்களின் உடை) நிறத்தை மாற்றியது ஒரு அரசியல் நடவடிக்கையாகப் பார்க்கிறேன். விளையாட்டை காவி நிறமாக்க ஒன்றிய அரசு முயற்சிக்கிறது.
இந்திய கிரிக்கெட் வீரர்களை நினைத்துப் பெருமையடைகிறோம். அவர்கள் உலகக் கோப்பையில் வெற்றி பெறுவார்கள் என்று நம்புகிறேன்.
வீரர்களுக்கு ஜெர்சி நிறத்தை மாற்றியது போன்று, மெட்ரோ ரயில் நிலையங்களுக்கு காவி வர்ணத்தை பூசியுள்ளார்கள்” என்றார் மேற்கு வங்க முதலமைச்சர் மம்தா பானர்ஜி.
கிரிக்கெட் விளையாட்டு வீரர்களின் வெற்றியை தங்களது வெற்றியாகக் காட்ட பா.ஜ.க. நினைப்பது பொதுவெளியில் அம்பலம் ஆனது.
சிவசேனைக் கட்சியின் (உத்தவ் தாக்கரே பிரிவு) மாநிலங்களவை உறுப்பினர் சஞ்சய் ராவத் கூறும்போது, “நரேந்திர மோடி பந்துவீசி, அமித் ஷா பேட்டிங் செய்வதைப் போல உலகக்கோப்பை இறுதிப்போட்டியை ஒரு காவி கட்சியின் நிகழ்வு போன்ற போலித் தோற்றத்தை ஏற்படுத்தி ருகின்றனர் பா.ஜ.க.வினர்.
கிரிக்கெட் விளையாட்டில் அரசியலைக் கொண்டுவரவேண்டிய அவசியமில்லை. ஆனால் அகமதா பாத்தில் நடைபெறும்போட்டியில் அரசியல் கலக்கப்படுகிறது.
பிரதமர் மோடி கலந்துகொண்டதால்தான் இந்தியா உலகக்கோப்பையை வென்றது என பா.ஜ.க.வினர் கூறுவதற்கும் வாய்ப்புள்ளது. அவர்கள் அப்படிக் கூறினாலும் எனக்கு ஆச்சரியமில்லை.
இந்த நாட்டில் எது வேண்டுமானாலும் நடக்கலாம்.” என்று சொன்னார். இவை அனைத்தும் உண்மையில் நடக்க இருந்தவைதான்.
“ஆளும் பாரதிய ஜனதா கட்சி ‘அரசியல் நிகழ்வை’ நடத்த விரும்பியதால், கிரிக்கெட் விளையாட்டில் நாட்டின்பாரம்பரிய அதிகார மையமாக இருந்த மும்பையிலிருந்து குஜராத்தில் உள்ள அகமதாபாத்திற்கு மாற்றியது” என்றும் அவர் சொன்னார்.
அந்த வகையில் தனது நரேந்திர மோடி ஸ்டேடியத்தில் தோற்றது இந்திய வீரர்கள் அல்ல. பா.ஜ.க.வின் அரசியல் தந்திரங்கள்தான் தோற்றுள்ளது.
விளையாட்டுப் போட்டியை அரசியலாக ஆக்க நினைத்த பா.ஜ.க. தோற்றிருக்கிறது. அதன் தொடரும் தோல்விகளில் இதுவும் ஒன்று.
------------------------------------------
