இடைத்தேர்தல் வரம்?

 கர்நாடகா பெண் அமைச்சர் லட்சுமி ஹெப்பால்கர் குறித்து இழிவாக பேசிய விவகாரத்தில் சி.டி.ரவி கைதுகர்நாடக பாஜக தலைவர் .

பைக் டாக்​சியை தடை செய்​யக்​கோரி ஆட்டோ ஓட்டுநர்கள் பேரணி.

ராகுல் காந்தி தன்னை தாக்கியதாக நாடகம் ஆடிய பாஜக எம்பி பிரதாப் சாரங்கிதான் பாதிரியார் கிரஹாம் ஸ்டெய்ன் குடும்பத்தை உயிருடன் எரித்து கொண்று கொலைகாரன் என்பது உண்மைத் தகவல்.

ராஜஸ்தான் மாநிலம் ஜெய்ப்பூரில் பெட்ரோல் பங்கில் ஏற்பட்ட பயங்கர தீவிபத்து: 4 பேர் உயிரிழப்பு.10க்கும் மேற்பட்டோர் காயம்

இடைத்தேர்தல் வரம்?

தமிழ்நாடு காங்கிரசின் முன்னாள் தலைவர், முன்னாள் மத்திய அமைச்சர் ஈ.வி.கே.எஸ். இளங்கோவன் மரணம் அரசியல் வட்டாரத்தில் துயரத்தை உருவாக்கியதுடன், அடுத்தகட்ட நகர்வு குறித்த ஆலோசனைகளுக்கும் வாய்ப்பாக அமைந்துவிட்டது. 

பெரியாரின் அண்ணன் மகன் ஈ.வெ.கி.சம்பத்தின் மகனான இளங்கோவனுக்கு தமிழ்நாடு அரசு சார்பில் உரிய அரசு மரியாதையுடன் இறுதி நிகழ்வுகள் நடைபெற்றன. 

இளங்கோவன் ஈரோடு கிழக்கு தொகுதியின் சட்டமன்ற உறுப்பினர் என்பதால் அந்தத் தொகுதியின் இடைத்தேர்தல் குறித்த ஆலோசனைகளும் தொடங்கிவிட்டன. ஈரோடு கிழக்கு தொகுதி காலியாக உள்ளது என்று தேர்தல் ஆணையமும் முறைப்படி அறிவித்துவிட்டது.

2021ஆம் ஆண்டு நடைபெற்ற தமிழ்நாடு சட்டமன்றத் தேர்தலில் ஈரோடு கிழக்கு தொகுதியில் தி.மு.க. கூட்டணி சார்பில் காங்கிரஸ் வேட்பாளராக போட்டியிட்டு வெற்றி பெற்று சட்டமன்ற உறுப்பினரானவர் ஈ.வி.கே.எஸ்.இளங்கோவனின் மகன் திருமகன் ஈவெரா. உடல்நலக் குறைவால் இளம் வயதில் அவர் இறந்ததால், 2023ஆம் ஆண்டு இடைத்தேர்தலை சந்திக்க நேர்ந்தது ஈரோடு கிழக்கு தொகுதி. கூட்டணிக் கட்சியான காங்கிரசுக்கே தி.மு.க. இந்த தொகுதியை ஒதுக்க, மகனுடைய இடத்தில் தந்தை இளங்கோவன் வேட்பாளராக களமிறங்கினார். 

அ.தி.மு.க.-பா.ஜ.க. கூட்டணி சார்பில் கே.எஸ்.தென்னரசு போட்டியிட்டார். மற்ற சில கட்சிகள் சார்பிலும் சுயேட்சையாகவும் வேட்பாளர்கள் களம் கண்டனர்.

தமிழ்நாட்டின் ஒட்டுமொத்த பார்வையும் ஈரோடு கிழக்கு தொகுதியின் மீதுதான் இடைத்தேர்தல் முடியும் வரை பதிந்திருந்தது. ஆளுங்கட்சி கூட்டணி சார்பில் அமைச்சர்கள் கே.என்.நேரு, முத்துசாமி, செந்தில்பாலாஜி உள்ளிட்டோர் வகுத்த வியூகத்தை முறியடிக்க அ.தி.மு.க-பா.ஜ.க சார்பில் எடப்பாடி பழனிசாமி, அண்ணாமலை ஆகியோர் பெரும் முயற்சிஎடுத்தனர்.

 ஆளுங்கட்சியினர் பணத்தை வாரி இறைத்து அத்துமீறுவதாகக் குற்றம்சாட்டினர். ஒரே இடைத்தேர்தல் என்றால் அதன் இலக்கணமே பணமும் அத்துமீறலும்தான் என்றாகிவிட்டது.

இடைத்தேர்தல் வாக்குப்பதிவுக்கு முதல்நாள் வரை ஈரோடு மாநகரம் திருவிழாக் காலம் போல இருந்தது. 

பல மாவட்டங்களிலிருந்தும் ஈரோட்டுக்கு வந்து தேர்தல் பணியாற்றியவர்கள் தங்குவதற்கான ஹோட்டல் அறைகள் நிரம்பிவிட்டதால், திடீர் சர்வீஸ் அபார்ட்மெண்ட்டுகள் உருவாகின. ஈரோடுவாசிகள் சிலர் தங்கள் வீட்டின் மாடிப்பகுதியை வாடகைக்கு விட்டனர். நகரத்தைத் தாண்டி சுற்றுவட்டாரத்தில் உள்ள கிராமப்புறங்களில்கூட வீடுகள் வாடகைக்கு எடுக்கப்பட்டன.

ஈரோடு முழுவமும் உணவகங்கள் நிரம்பி வழிந்தன. அந்த ஊரின் சிறப்பான காலை உணவான இட்லி-குடல்கறி எல்லாப் பக்கமும் மணந்தது. இரவு நேரத்தில் சாலையோர உணவகங்கள் பெருகின. வயல்வெளிகளிலும் பண்ணை இல்லங்களிலும் கட்சியினர் பந்தல் அமைத்து, கிடா விருந்து கொடுத்து தொண்டர்களை உற்சாகமாக களத்திற்கு அனுப்பினர். 

டாஸ்மாக் மது விற்பனையும் பல மடங்கு உயர்ந்தது. உணவகம், இருப்பிடம், அத்தியாவசியத் தேவைகளுக்கான கடைகள் நடத்துவோரின் கைகளின் பணம் புரண்டது. உள்ளூர்க்காரர்கள் அதிலும் குறிப்பாக பெண்களுக்கு ஒரு நாள் தேர்தல் வேலைக்கான ஊதியமாக 500 ரூபாயும் மூன்று வேளை உணவும் கிடைத்தது. ஒரு சில நாட்களில் புதுப் புடவையும் வழங்கப்பட்டது.

இடைத்தேர்தலில் ஈ.வி.கே.எஸ். இளங்கோவன் பெரும் வெற்றி பெற்றார். அ.தி.மு.க வேட்பாளருக்கு டெபாசிட் கிடைத்ததே பெரும்பாடு என்றாகிவிட்டது. மற்றவர்கள் கட்டுத்தொகை இழந்தனர்.

 இன்னும் அந்த சுவடுகள் மறையாத நிலையில், மறுபடியும் ஓர் இடைத்தேர்தலை ஈரோடு கிழக்கு சந்திக்க வேண்டிய கட்டாயத்திற்குள்ளாகி இருக்கிறது. 6 மாதத்திற்கு மேல் ஒரு தொகுதியை காலியாக வைத்திருக்க முடியாது.

 தமிழ்நாடு சட்டமன்றத்திற்கு ஏறத்தாழ ஒன்றரை ஆண்டுகால ஆயுள் இருப்பதால் இடைத்தேர்தல் நடைபெறுவதற்கான வாய்ப்புகளே அதிகம்..

பணம் கொடுப்பது என்பது இந்தியாவில் தேர்தல்கள் நடைமுறைக்கு வந்த 1950களிலேயே தொடங்கிவிட்டது என்றாலும், 2003ஆம் ஆண்டு நடைபெற்ற சாத்தான்குளம் இடைத்தேர்தலில் அது வெளிப்படையாக நடைபெற்றது.

 அதனைத் தொடர்ந்து கும்மிடிப்பூண்டி, காஞ்சிபுரம் இடைத்தேர்தல்கள், புகழ்பெற்ற மதுரை திருமங்கலம் இடைத்தேர்தல், ஜெயலலிதா பதவி இழந்ததால் தேர்தலை சந்தித்த ஸ்ரீரங்கம், ஜெயலலிதா போட்டியிட்ட ஆர்.கே.நகர், அதே தொகுதியில் டி.டி.வி.தினகரன் போட்டியிட்ட இடைத்தேர்தல் என கடந்த 20 ஆண்டுகளில் தமிழ்நாடு சந்தித்த இடைத்தேர்தல்கள் ஒவ்வொன்றும் பெரும் பணச் செலவை எதிர்கொண்டன. வாக்குகளுக்கு 1000, 2000 என விலை நிர்ணயிக்கப்பட்டது. ஈரோடு கிழக்கு, விக்கிரவாண்டி இடைத்தேர்தல்கள் வரை இதே நிலைதான். இதன் தாக்கம் பொதுத்தேர்தல்களிலும் எதிரொலித்தது.

எப்போது தேர்தல் வரும் என்று அரசியல் பிரமுகர்கள் எதிர்பார்த்த காலத்தைக் கடந்து, வாக்காளர்கள் எதிர்பார்க்கும் நிலை உருவானதுடன், எங்க தொகுதிக்கு இடைத்தேர்தல் வராதா என்று எதிர்பார்க்கின்ற அளவுக்கு நிலைமை வீக்கமடைந்துள்ளது.

அமித்ஷா யார்?

🟠 2010 -இல் போலி என்கவுண்டர் துப்பாக்கிச்சூடு வழக்கில்,முக்கியக்  குற்றவாளி.

🟠 அதனால்,குஜராத்தில்  தன்னுடைய உள்துறை அமைச்சர் பதவியை இழந்தவர்.

🟠 காவல்துறை தேடுதலில் இருந்து தப்பிக்க, மாறுவேடத்தில்20நாள்கள்தலைமறைவானவர்.

🟠போலித் துப்பாக்கிச்சூடு வழக்கின் சாட்சிகளைக் கலைத்துவிடுவார் என்பதற்காக, நீதிமன்ற உத்தரவின் பேரில், குஜராத்தில் இருந்து வெளியேற்றப்பட்டவர்.

🟠 துளசி பிரஜாபதி என்பவரின் போலி என்கவுன்டர் கொலை வழக்கிலும், குற்றவாளியாக சி பி ஐ -  யால் குற்றப்பத்திரிகை தாக்கல் செய்யப்பட்டவர்.

🟠 குஜராத்தை விட்டு வெளியேறி, உத்திரப் பிரதேச மாநிலப் பொறுப்பாளராக  நியமிக்கப்பட்டு, முசாபர் நகர் கலவரத்தை நடத்திய புகாருக்கு ஆளானவர்.

🟠 சிறுபான்மையினருக்கு எதிரான வெறுப்பையும், ஆத்திரத்தையும் தூண்டிய பேச்சால், உத்திரப் பிரதேச தேர்தல் ஆணையம், இவரது பரப்புரைக்குத் தடை விதித்தது.

🟠 2002 ல் குஜராத் மாநிலத்தில் உள்துறை அமைச்சராக இருந்த போது,  ஒரு பெண்ணை உளவு பார்த்த வழக்கிலும் தொடர்பு கொண்டவர்.

🟠அதே ஆண்டில் நடந்த கலவரத்தில் 3000 இஸ்லாமியர் படுகொலைக்கு முதல்வர் மோடியுடன் இவரும் காரணமானவர்,என்று விமர்சித்த நீதிபதி லோயாவின் மர்ம மரணத்திற்குக் காரணமானவர்.

🟠நீதிமன்றத்தால் "தடிபார்" (ரௌடி) என விமர்சிக்கப்பட்டவர்.

🟠உலகின் பிரபலமான ஊடகவியலாளர் ரானா அயூப் சொன்ன மோடிக்காக எதையும் தாக்கும் வேட்டை நாய்.வார்த்தை முற்றிலும் பொருந்தும்.

காற்றுவெளிப் பாதை

வங்கக்கடலில் நிலை கொண்டுள்ள காற்றழுத்த தாழ்வுப்பகுதி அடுத்த 12 மணி நேரத்தில் காற்றழுத்த தாழ்வு மண்டலமாக வலுப்பெறும் என்று அறிவிக்கப்பட்டுள்ளது. ஆந்திராவில் இன்று ஓரிரு இடங்களில் கனமழைக்கு வாய்ப்பு இந்திய வானிலை ஆய்வு மையம் தகவல் தெரிவித்துள்ளது.

 டிசம்பர் 18 ம் தேதி தென்மேற்கு வங்கக்கடல் பகுதிகளில் நிலவிய ஆழ்ந்த காற்றழுத்த தாழ்வு பகுதி நேற்று தென்மேற்கு மற்றும் அதனை ஒட்டிய மத்தியமேற்கு வங்கக்கடல் பகுதிகளில் நிலவியது. 

இது அடுத்த 12 மணி நேரத்தில், வடமேற்கு திசையில் வடதமிழகம் மற்றும் தெற்கு ஆந்திரகடலோரப்பகுதிகளை நோக்கி நகர்ந்து, அதற்கடுத்த 24 மணி நேரத்தில், வடக்கு திசையில், ஆந்திர கடலோரப்பகுதிகளை ஒட்டி நகரக்கூடும்.

தென்மேற்கு வங்கக்கடல் மற்றும் அதனை ஒட்டிய மத்திய மேற்கு வங்கக்கடல் பகுதிகளில் நிலவி வரும் இந்த ஆழ்ந்த காற்றழுத்த தாழ்வுப்பகுதி வரும் 22ம் தேதி காற்றழுத்த தாழ்வு மண்டலமாக வலுப்பெற வாய்ப்பு உள்ளது என இந்திய வானிலை ஆய்வு மையம் தெரிவித்தது. 

இந்நிலையில் வங்கக்கடலில் நிலை கொண்டுள்ள காற்றழுத்த தாழ்வுப்பகுதி அடுத்த 12 மணி நேரத்தில் காற்றழுத்த தாழ்வு மண்டலம் என்று அறிவிக்கப்பட்டுள்ளது.

 இதன் காரணமாக இன்று தமிழகத்தில் ஓரிரு இடங்களிலும், புதுச்சேரி மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும். அதிகாலை வேளையில் ஓரிரு இடங்களில் லேசான பனிமூட்டம் காணப்படும்.