பார'தீய' (தேர்தல் )ஆணையம்?
பார'தீய' தேர்தல் ஆணையம்?
தேர்தல் ஆணையர்களே, தற்போதைய தேர்தல் ஆணைய அதிகாரிகளை விமர்சிக்கும் அளவிற்கு, தேர்தலின் போது பல்வேறு வகையான அட்டூழியங்கள் தலைவிரித்து ஆடுகின்றன.
குழந்தைகளாலும், வில்லத்தனமான ஆட்களாலும், வாக்கு இயந்திரங்கள், விளையாட்டுப் பொறிகளாக கையாளப்படுகின்றன.
ஆளும் கட்சி என்ற ஒற்றை காரணத்திற்காக, தாங்கள் என்ன வேண்டுமானாலும் செய்து விடலாம் என்ற மனநிலையை எட்டியுள்ளனர் பா.ஜ.க.வினர்.
அதன் ஒரு பகுதியாகவே, பா.ஜ.க நிர்வாகிகள், தனது சிறுவயது மகன்களை, வாக்குச்சாவடிக்குள் கூட்டி சென்று வாக்களிக்க வைப்பது; 16 வயது சிறுவன் தானாகவே மற்றவர் அடையாளத்தை எடுத்துக்கொண்டு, பா.ஜ.க வேட்பாளருக்கு 8 முறை கள்ளத்தனமாக வாக்களிப்பது;
வாக்களிக்க உதவுகிறேன் என இயலாதவர்களை கூட்டிச்சென்று, வாக்காளர்கள் விருப்பத்திற்கு மாற்றாக பா.ஜ.க.விற்கு வாக்களிப்பது; வாக்குச்சாவடிகளை சூறையாடுவது; சிறுபான்மையினர்களை வாக்களிக்க விடாமல் தடுப்பது; வாக்கு இயந்திரங்களுக்கு வழிபாடு செய்வது என ஜனநாயகத்தை சீரழிக்கின்ற அனைத்து செயல்களும் ஒன்றன் பின் ஒன்றாக அம்பலப்பட்டு வருகிறது.
இவை அம்பலப்பட காரணமாய் இருப்பது கூட, குற்றம் செய்தவர்களாக தான் இருக்கின்றனர். ஏனென்றால், குற்றம் செய்து சிக்கியவர்கள் அனைவரும், தாங்கள் செய்ததை தாங்களே காணொளியாக படம் பிடித்து, இணையத்தில் பீத்திக் கொள்ள நினைத்தவர்கள்.
இதனால், விளம்பரப்படாத குற்றங்கள் எத்தனை அரங்கேறியிருக்கிறதோ என்ற கேள்வியும் வெகுவாக பெருகத்தொடங்கியுள்ளது.
அவ்வாறு கேள்விகள் பெருகும் வகையில் தான், தேர்தல் ஆணையத்தின் நடவடிக்கைகளும் அமைந்துள்ளன. அதற்கு ஒன்றிய பா.ஜ.க அரசின் அதிகாரத்துவ அழுத்தமும் பல வகையில் காரணம்.
12ஆம் வகுப்பில் தேர்ச்சி பெற்ற மாணவர்கள் எழுதும், நீட் நுழைவுத் தேர்விற்கே, சோதனை என்கிற வகையில், பல அரக்கத்தனங்கள் காணப்படுகிற நாட்டில்,
தேர்தலின் போது, 18 வயது கூட நிறைவுறாத பலரை வாக்களிக்க வாக்குச்சாவடிக்குள் அனுமதிப்பது, கடும் பேச்சுப்பொருளாகியுள்ளது.
இதற்கு, தி.மு.க, காங்கிரஸ், சி.பி.ஐ.எம், சி.பி.ஐ, திரிணாமுல் காங்கிரஸ், சமாஜ்வாதி, இராஷ்டிரிய ஜனதா தளம், ஆம் ஆத்மி, ஜம்மு - காஷ்மீர் மக்கள் ஜனநாயக கட்சி என அதிகாரத்துவம் வாய்ந்த கட்சிகள் கண்டனம் தெரிவித்து வந்தாலும்,
ஒன்றியத்தில் ஆட்சிபுரிந்து வரும் பா.ஜ.க, ஒற்றை நேரத்தில் பல சிக்கல்களை உண்டாக்கி, ஒரு சிக்கலுக்கு, மற்றொரு சிக்கல் என தீர்வு கண்டு வருவதும், அவை அனைத்திற்கும் தேர்தல் ஆணையம் மறைமுகமாக துணை போவதும் கடுமையாக விமர்சிக்கப்பட்டு வருகிறது.
இதற்கு இன்று (20.05.24) நடந்து முடிந்துள்ள, 5ஆம் கட்ட மக்களவை தேர்தல் வாக்குப்பதிவும் விலக்கல்ல என்பது, உத்தரப் பிரதேசத்தில் அரங்கேறிய சிக்கல்கள் வழி உறுதியாகியுள்ளது.
அவ்வகையில், 5ஆம் கட்ட வாக்குப்பதிவு தொடங்கியது முதலே, சிக்கல்களும் தொடங்கின. அதற்கு எடுத்துக்காட்டுகளே,
காங்கிரஸ் மூத்த தலைவர் ராகுல் காந்தி போட்டியிடும் உத்தரப் பிரதேசத்தின் ரேபரேலி தொகுதியில், சுமார் 43 வாக்கு இயந்திரங்களில் கோளாறு ஏற்பட்டு, 3 மணிநேரத்திற்கும் மேல் மக்கள் கடும் வெயிலில் காத்திருக்க வேண்டிய சூழல் உருவாகியது.
அதே தொகுதியில் அமைந்துள்ள 312ஆவது வாக்குச்சாவடியில் பா.ஜ.க.வினர் கும்பலாக சென்று, காங்கிரஸ் வாக்குச்சாவடி முகவரை வெளியேற்றிய புகாரும் எழுந்தது.
உத்தரப் பிரதேசத்தின் பதேபூர் பகுதியில், சைக்கிள் சின்னத்திற்கு வாக்களிக்க சென்றபோது, தனக்கு உதவுவதாக கூறி, பா.ஜ.க சின்னத்தில் வாக்களித்ததாக பெண் வாக்காளர் ஒருவர் புகார் அளித்துள்ளார்.
மும்பையில், 2000 வாக்காளர்களுக்கு ஒதுக்கப்பட்ட வாக்குச்சாவடியில் ஒரே ஒரு வாக்கு இயந்திரமே இருந்ததால், 2 - 3 மணிநேரம் வரிசையில் காத்திருந்து வாக்களிக்க வேண்டிய சூழல் உருவானது ஆகியவை.
இந்த குளறுபடிகள் அனைத்தும், இந்தியா கூட்டணிக்கு ஆதரவு அதிகமுள்ள இடங்களில் இடம்பெற்றதும் குறிப்பிடத்தக்கது.
இதனால், தனக்கு சாதகமான பல செயல்களை செய்து வரும் பா.ஜ.க.விற்கு கண்டனங்கள் குவிந்து வருவதோடு, தேர்தல் ஆணையத்திற்கும் அதற்கிணையான கண்டனங்கள் குவிந்து வருகின்றன.
--------------------------------------------------
கார்டியன் கட்டுரை.
இங்கிலாந்தில் இருந்து வெளியாகும் ‘கார்டியன்’ இதழ் அமித்ஷாவிற்கு மக்களை பயமுறுத்துவது பிடிக்கும் எனவும் மோடியின் வலதுகரமாக உள்ள அவர் இந்தியாவை எவ்வாறு கொண்டு செல்கிறார் எனவும் கட்டுரை ஒன்றை வெளியிட்டுள்ளது.
அதுல் தேவ் என்பவர் எழுதியுள்ள அந்த கட்டுரை யில் மிகப்பெரும் தாதாவாக இருந்த சோராபுதீன் மற்றும் அவரது மனைவியை கொலை செய்த வழக்கில் குற்றம் சாட்டப்பட்ட காவல்துறை அதிகாரிகளுடன் அமித்ஷா தொடர்பில் இருந்தார் எனவும் அவர்களை கடத்தியது முதல் கொலையான நாள்வரை, கொலையில் தொடர் புடைய காவல் அதிகாரி ஒருவருடன் அமித்ஷா தொலைபேசியில் தொடர்ந்து உரையாடலில் இருந்துள்ளார் என சி.பி.ஐ. சமர்ப்பித்த குற்றப் பத்திரிகையையும் அந்த கட்டுரையில் குறிப்பிட்டுள்ளது.
மேலும் அமித்ஷா 40 ஆண்டுகளாக மோடியின் நம்பிக்கைக்குரிய நபராக இருப்பதோடு மோடியின் வலது கரமாகவும் அனைத்தையும் கண்காணிக்கும் நபராகவும் உள்ளார். கட்சி உத்தரவுகளை அமல்படுத்தும் நபராகவும், அவரது உத்தரவை அமல்படுத்துவதற்காக ராணுவம் போல அக்கட்சியின் தொண்டர்களும் உள்ளனர். 2014 இல் ஆட்சி அமைத்தவுடன் அவர் மீது இருந்த அனைத்து வழக்குகளையும் அரசியல் உள்நோக்கம் கொண்டது என பா.ஜ.க. தள்ளுபடி செய்தது.
மேலும் தீவிர இந்துத்துவா அமைப்பாக உள்ள ஆர்.எஸ்.எஸ்.–பா.ஜ.க. வின் இந்துத்துவா திட்டங்களை விரிவுபடுத்திய திலும், இந்திய அரசியல் சூழலை மாற்றியதிலும் அமித்ஷா வின் பங்கு முக்கியமானது என குறிப்பிட்டுள்ளார். மேலும் அரசை விமர்சிக் கும் அனைவரும் அமித்ஷாவின் அரசியல் செல்வாக்கு மூலம் மிரட்டப்படு கின்றனர் என்றும் அவரால் அனைவரும் தொடர்ந்து கண்காணிக்கப்பட்டு வருகின்றனர் என்றும் ‘கார்டியன்’ கட்டுரையில் குறிப்பிடப்பட்டுள்ளது.
கூட்டணி அமைப்பது, எதிர்க்கட்சிகளின் வேட்பாளர்கள், உறுப்பினர்களை விலைக்கு வாங்கி எதிர்க்கட்சியை பலவீனப்படுத்துவது என தந்திரமாகச் செயல்படுவதில் அவர் முக்கிய
நபராக உள்ளார் எனவும் கூறப்பட்டுள்ளது.
கட்சி நிதி!
குறிப்பாக இதற்கு இரு உதாரணங்களையும் அந்த கட்டுரையில் அதுல் தேவ் குறிப்பிட்டுள்ளார். அதாவது கடந்த 10 ஆண்டுகளில் மோடி 2019 ஆம் ஆண்டு மட்டும் ஒரு முறை செய்தியாளர் சந்திப்பு நடத்தியுள்ளார். அதில் அவரை நோக்கி வந்த கேள்விகள் பலவற்றுக்கு பெரிதாக அலட்டிக்கொள்ளாமல் அமித்ஷா பக்கம் திருப்பிய தையும் அந்த கேள்விகளை அமித்ஷா கையாண்டு பதில் கொடுத்ததையும் குறிப்பிடுகிறார்.
மற்றொன்று கார்ப்பரேட்டுகளுக்காக அரசுடன் பேரம் பேசும் நபர் ஒருவர், மத்திய அமைச்சர் ஒருவரிடம் அவர்களது கட்சிக்கு நிதி கொடுத்ததாகவும், அப்போது அந்த அமைச்சர் பணத்தில் ஒரு பகுதியை யாரும் கண்டுகொள்ள மாட்டார்கள் என எடுத்து வைத்துக் கொண்டதாகவும் சிறிது நேரத்திலேயே அமித்ஷா விடம் இருந்து அழைப்புவர உடனடியாக அந்த பேரம் பேசும் நபரிடமே பணத்தை கொடுத்து அதையும் கட்சி வங்கிக்கணக்கில் செலுத்தக் கூறியதாகவும் பெயர் சொல்ல விரும்பாத ஒருவர் தெரிவித்ததை கட்டுரையில் தேவ் குறிப்பிட்டுள்ளார்.
2019 ஆம் ஆண்டு இரண்டாவது முறை மோடி ஆட்சிக்கு வந்த பிறகு இந்தியாவின் சூழல் குறித்து சர்வதேச மனித உரிமை அமைப்புகள், ஊடகங்கள் உள்ளிட்டவை கவலைப் படத்துவங்கின. இந்தியாவின் அந்த கவலைகளுக்கு காரணமே அமித்ஷா தான் என்றும் தெரிவித்துள்ளார் கட்டுரையாளர். 2021 ஆம் ஆண்டு ஒரு பிரபல பத்திரிகை நிறுவனம் அமித்ஷாவுக்கு எதிரான அனைத்து ஆதாரங்களையும் தனது பத்திரிகையின் முகப்பில் பட்டியலிட்டு இன்னும் இவர் ஏன் சுதந்திரமாக இருகிறார் என கேள்வி கேட்டு இருந்தது. இன்று அவ்வாறு எந்த பத்திரிகையாவது கேள்வி கேட்க முடியுமா எனவும் கேள்வி எழுப்பியுள்ளார்.
இந்தியாவில் பத்திரிகையாளராக இருப்பவரால் ஒரு எல்லைக்கு மேல் பணியாற்ற முடியாது. இதுவரை இந்திய ஊடகங்கள் சந்திக்காத நெருக்கடியை இன்று சந்திக்கின்றன எனவும் அவர் குறிப்பிட்டுள் ளார்.
மேலும் சில உச்சநீதிமன்ற நீதிபதிகளுக்கே உச்சநீதிமன்றத்தில் என்ன நடக்கிறது என தெரிவதில்லை என பதிவு செய்துள்ளார்.
