ஏப்ரல் ஏற்றம்?
- இணைப்பைப் பெறுக
- மின்னஞ்சல்
- பிற ஆப்ஸ்
தேசிய மருந்து விலை நிர்ணய ஆணையம் ஏப்ரல் 1-ம் தேதி முதல் அத்தியாவசிய மருந்துகளின் விலை உயரும் என்று அறிவிப்பு இன்று முதல் அமலுக்கு வருகிறது.
அதன்படி, குறிப்பிட்ட மருந்துகளின் அதிகபட்ச சில்லறை விலை 0.00551 சதவிகிதம் வரை உயர்த்தப்பட்டுள்ளது. கடந்த ஆண்டு 12 சதவிகிதமும், அதற்கு முந்தைய ஆண்டு 10 சதவிகிதமும் மருந்துகளில் விலை உயர்த்தப்பட்டது.
குறிப்பிடத்தக்கது. அதேநேரம், 2017ம் ஆண்டு மேற்கொள்ளப்பட்ட விலை உயர்வை விட தற்போதைய விலையேற்றம் குறைவாகும்.
இந்த விலையேற்றத்தின் தாக்கம் அத்தியாவசிய மருந்துகளில மட்டுமின்றி, வலிநிவாரணிகள், நுண்ணுயிர் எதிர்ப்பு மற்றும் தொற்று எதிர்ப்பு மருந்துகளின் மீதும் அடங்கும் தெரிவிக்கப்பட்டுள்ளது.
புதிய நடவடிக்கையால் 800 மருந்துகளின் விலை அதிகரிக்கும்.
அந்த பட்டியலில், பாராசிட்டமால், அசித்ரோமைசின், வைட்டமின்கள், தாதுக்கள், கோவிட்-19 நோய்த்தொற்றுக்கு சிகிச்சையளிக்க உதவும் சில மருந்துகள் மற்றும் ஸ்டீராய்டுகள் ஆகியவையும் அடங்கும்.
மேலும், அமோக்ஸிசிலின், ஆம்போடெரிசின் பி, பென்சாயில் பெராக்சைடு, செஃபாட்ராக்சில், செடிரிசின், டெக்ஸாமெதாசோன், ஃப்ளூகோனசோல், ஃபோலிக் அமிலம், ஹெப்பரின், இப்யூபுரூஃபன் போன்ற முக்கியமான மருந்துகளும் விலையேற்றம் கண்டுள்ளன.
இந்த மருந்துகள் அனைத்தும் அத்தியாவசியமாக குறிப்பிடப்படுகின்றன. அரசு மருத்துவமனைகளிலும், சில்லறை விற்பனையிலும் முக்கியத்துவம் வகிக்கின்றன.
வலி நிவாரணிகள்: டிக்லோஃபெனாக், இப்யூபுரூஃபன், மெஃபெனாமிக் அமிலம், பாராசெட்மால், மார்பின்- காசநோய் எதிர்ப்பு மருந்து: அமிகாசின், பெடாகுலின், கிளாரித்ரோமைசின்
- வலிப்பு எதிர்ப்பு மருந்துகள்: க்ளோபாசம், டயஸெபம், லோராசெபம்
- நச்சுக்கான மாற்று மருந்து: செயல்படுத்தப்பட்ட கரி, டி-பெனிசில்லாமைன், நலாக்சோன், பாம்பு விஷம் எதிர்ப்பு சீரம்
- நுண்ணுயிர் எதிர்ப்பிகள்: அமோக்ஸிசிலின், ஆம்பிசிலின், பென்சில்பெனிசிலின், செஃபாட்ராக்சில், செஃபாசோலின், செஃப்ட்ரியாக்சோன்
- கோவிட் மேலாண்மை மருந்துகள்
- இரத்த சோகைக்கான மருந்துகள்: ஃபோலிக் அமிலம், இரும்பு சுக்ரோஸ், ஹைட்ராக்ஸோகோபாலமின்
- பார்கின்சன்ஸ் மற்றும் டிமென்ஷியா: ஃப்ளூனாரிசைன், ப்ராப்ரானோலோல், டோனெபெசில்
- எச்.ஐ.வி மேலாண்மை மருந்துகள்: அபாகாவிர், லாமிவுடின், ஜிடோவுடின், எஃபாவிரென்ஸ், நெவிராபின், ரால்டெக்ராவிர், டோலுடெக்ராவிர், ரிடோனாவிர்
- பூஞ்சை எதிர்ப்பு: க்ளோட்ரிமாசோல், ஃப்ளூகோனசோல், முபிரோசின், நிஸ்டாடின், டெர்பினாஃபைன்
- கார்டியோவாஸ்குலர் மருந்துகள்: டிலிடாசெம், மெட்டோப்ரோலால், டிகோக்சின், வெராப்ராமில், அம்லோடிபைன், ராமிபிரில், டெல்மிசார்டன்
- தோல் மருத்துவ மருந்துகள்
- பிளாஸ்மா மற்றும் பிளாஸ்மா மாற்றுகள்
- வைரஸ் எதிர்ப்பு மருந்துகள்: அசைக்ளோவிர், வால்கன்சிக்ளோவிர்
மலேரியா மருந்துகள்: ஆர்ட்சுனேட், ஆர்டெமீதர், குளோரோகுயின், கிளிண்டமைசின், குயினைன், ப்ரிமாகுயின் - புற்றுநோய் சிகிச்சை மருந்துகள்: 5-ஃப்ளூரோராசில், ஆக்டினோமைசின் டி, ஆல்-டிரான்ஸ் ரெட்டினோயிக் அமிலம், ஆர்சனிக் ட்ரை ஆக்சைடு, கால்சியம் ஃபோலினேட்
- கிருமி நாசினிகள் மற்றும் கிருமிநாசினிகள்: குளோரோஹெக்சிடின், எத்தில் ஆல்கஹால், ஹைட்ரஜன் பெராக்சைடு, போவிடின் அயோடின், பொட்டாசியம் பெர்மாங்கனேட்
- ஹாலோத்தேன், ஐசோஃப்ளூரேன், கெட்டமைன், நைட்ரஸ் ஆக்சைடு போன்ற பொது மயக்க மருந்துகள் மற்றும் ஆக்ஸிஜன் மருந்துகள்
பட்டியலிடப்பட்ட மருந்துகள்:
இந்திய சந்தையில் சுமார் 6,000 மருந்து வகைகள் கிடைக்கும் நிலையில், அவற்றில் சுமார் 18 சதவிகிதம் பட்டியலிடப்பட்ட மருந்துகளாக வகைப்படுத்தப்பட்டுள்ளன.
அவற்றின் விலை தேசிய மருந்து விலை நிர்ணயஆணையத்தால்நிர்ணயிக்கப்படுகிறது.
தர்மயுத்தம் நடத்தி கச்சத்தீவை மீட்பேன்' - ஓ.பன்னீர்செல்வம் .
தமிழ்நாட்டில் 7 சுங்கச்சாவடிகளில் நள்ளிரவு முதல் கட்டண உயர்வு அமல்.
தனுஷ்கோடி பகுதியில் கடல் சீற்றத்துடன் காணப்படுவதால் சுற்றுலாப் பயணிகளுக்கு தடை.
மாண்புமிகு 29 பைசா மோடியை செல்லா காசாக்கி வீட்டுக்கு அனுப்புவோம்: சிதம்பரத்தில் திருமாவளவனை ஆதரித்து உதயநிதி ஸ்டாலின் பேச்சுதேர்தல் அறிக்கை தயாரிக்க மறந்த பாஜ: கடைசி நேரத்தில் குழுஅமைப்பு.காங்கிரஸ் கிண்டல்.
ஊழல் குடுமி பாஜ கையில் இருப்பதால் பழனிசாமியால் ஒருபோதும் பாஜவை எதிர்க்க முடியாது .தேர்தல் நெருங்க நெருங்க, தோல்வி பயத்தில் செய்யக்கூடாததை எல்லாம் மோடி செய்கிறார்: முதல்வர் மு.க.ஸ்டாலின் .
வரி பயங்கரவாதம்
பா.ஜ.க. தலைமையும், பிரதமர் நரேந்திர மோடியும் நிலைகுலைந்து போயிருக்கிறார்கள் என்பதற்கு உதாரணம், தவறுக்கு மேல் தவறு செய்து கொண்டு இருக்கிறார்கள். வருமான வரி கணக்கில் முரண்பாடு இருப்பதாகச் சொல்லி காங்கிரசு கட்சிக்கு 1,823 கோடி ரூபாயை அபராதம் விதித்துள்ளார்கள்.
இந்தியக் கம்யூனிஸ்ட் கட்சிக்கு அபராதம் விதித்துள்ளார்கள். நாடாளுமன்றத் தேர்தலில் இவர்கள் நிம்மதியாக பங்கெடுக்கக் கூடாது என்பதுதான் இதன் நோக்கம், வேறு எதுவுமில்லை!
ஐ.நா.சபையே இதனைக் கண்டித்து விட்டது. “ஒரு நாட்டில் மக்களின் அரசியல் மற்றும் சிவில் உரிமைகள் பாதுகாக்கப்பட வேண்டும். இந்தியாவில் அனைவரின் உரிமைகளும் பாதுகாக்கப்படும் என்று எதிர்பார்க்கிறோம்.
இந்தியாவில் சுதந்திரமான மற்றும் நியாயமான முறையில் தேர்தல் நடைபெறுவதை உறுதி செய்ய வேண்டும்” என்று ஐக்கியநாடுகள் அவை சார்பிலான அறிக்கை, மோடிக்கு எதிரான கண்டன அறிக்கையாகவே வெளியாகி உள்ளது. காங்கிரஸ் கட்சியின் வங்கிக் கணக்கை முடக்கியதையும், அபராதம் விதித்ததையும், டெல்லி முதலமைச்சர் அரவிந்த் கெஜ்ரிவாலை கைது செய்ததையும் சுட்டிக் காட்டி ஐ.நா. இந்த அறிக்கையை வெளியிட்டுள்ளது.
உலகநாடுகளால் பாராட்டப்படும் பிரதமர் என்று மோடியைச் சொல்லிக் கொள்கிறார்களே, அவர் ஐ.நா.அறிக்கைக்கு பதில் சொல்ல வேண்டாமா? உலக நாடுகள் மத்தியில் இந்தியாவின் மானம் காற்றில் பறக்கிறதே?
இதற்கு யார் காரணம்? மோடிதானே!
காங்கிரஸ் கட்சி 2018-–19 ஆம் நிதியாண்டுக்கான வருமான வரிக் கணக்கை 44 நாட்கள் தாமதமாகத் தாக்கல் செய்து விட்டதாம். அதனால் அந்தக் கட்சியின் 4 வங்கிக் கணக்குகளை முடக்கி இருக்கிறார்கள். அதற்கு 210 கோடி ரூபாய் அபராதம் விதித்துள்ளார்கள்.
2017-–18
,
2018 – -19
,
2019- – 20
2020 – -21 -– ஆகிய நான்கு நிதியாண்டுகளுக்கான வருமான வரிக் கணக்கிலும் முரண்பாடுகளாம். இதை வைத்து 1,823 கோடி ரூபாயை அபராதமாகச் செலுத்த வேண்டும் என்கிறார்கள்.
இதில் 1,076 கோடியே 35 லட்சம் ரூபாய் அபராதம்.மீதி உள்ள தொகை அதற்கான வட்டித் தொகையாம். இவை ஏற்கனவே நீதிமன்றத்தில் தாக்கல் செய்துள்ள வழக்குகள் ஆகும்.
டெல்லி உயர்நீதிமன்றத் தீர்ப்பை எதிர்த்து தடை வாங்க காங்கிரஸ் கட்சிக்கு உரிமை இருக்கிறது. அதற்கான நேரத்தை காங்கிரஸ் கட்சி பயன்படுத்திக் கொள்ள அனுமதிக்காமல் அபராதம் போட்டுள்ளது.
பச்சை அரசியல் பழிவாங்குதல் அல்லவா?
தேர்தலில் காங்கிரஸ் கட்சியை பங்கெடுக்க விடாமல் தடுக்கும் சூழ்ச்சி இது.
காங்கிரஸ் கட்சியை அரசியல் ரீதியாக மக்கள் மன்றத்தில் எதிர்கொள்ள தைரியம் இல்லாமல், இப்படி கொல்லைப்புறம் வழியாக காங்கிரஸ் கட்சியை பலவீனப்படுத்தப் பார்க்கிறது பா.ஜ.க. ‘வரி பயங்கரவாதம்’ என்று குற்றம் சாட்டி இருக்கிறார் ராகுல் காந்தி.
தேர்தல் பத்திர ஊழல் வழக்கில் சிக்கியது முதல் விழிபிதுங்கிக் கிடக்கிறது பா.ஜ.க. ரூ.8 ஆயிரம் கோடி பணத்தை தேர்தல் பத்திரங்களின் மூலமாக சுருட்டி இருக்கிறார்கள்.
“தேர்தல் பத்திரங்கள் வழியாக நன்கொடை வழங்கியதன் மூலம் 38 கார்ப்பரேட் நிறுவனங்கள், 179 முக்கியமான ஒப்பந்தங்கள் மற்றும் திட்டங்களை மத்திய மற்றும் பா.ஜ.க. ஆளும் மாநில அரசுகளிடம் இருந்து பெற்றுள்ளது.
இந்த நிறுவனங்கள் பா.ஜ.க.வுக்கு தேர்தல் பத்திரங்கள் மூலமாக ரூ.2,004 கோடி நன்கொடை வழங்கியதன் மூலமாக மொத்தம் ரூ.3.8 லட்சம் கோடி மதிப்புள்ள திட்டங்கள் மற்றும் ஒப்பந்தங்களைப் பெற்றுள்ளன.41 கார்ப்பரேட் நிறுவனங்கள் மொத்தமாக 56 முறை, அமலாக்கத் துறை, சிபிஐ, வருமான வரித்துறை சோதனைகளுக்கு ஆளாகியுள்ளன.
இந்நிறுவனங்கள் பா.ஜ.க.வுக்கு ரூ.2,592 கோடி கொடுத்துள்ளன. இதில் ரூ.1,853 கோடி விசாரணை அமைப்புகளின் சோதனைக்குப் பின்னர் கொடுக்கப்பட்டுள்ளது”என்று ஜெய்ராம் ரமேஷ் குற்றம்சாட்டி இருக்கிறார்.
இவை எல்லாம் வெளியில் பரவி வருகிறது. பா.ஜ.க.வின் ஊழல் முகம் அம்பலம் ஆகி வருகிறது. அதில் இருந்து திசை திருப்பவும் இதுபோன்ற நடவடிக்கையைச் செய்கிறார்கள்.
“மதுபான முறைகேடு புகாரில் கைது செய்யப்பட்ட அரவிந்தோ ஃபார்மா இயக்குனரிடம் பா.ஜ.க. ரூ.55 கோடி தேர்தல் நன்கொடை பத்திரத்தை பெற்றுள்ளது. ரூ.55 கோடிக்கு பா.ஜ.க.வுக்கு தேர்தல் பத்திரம் வழங்கிய பின்னர் அரவிந்தோ ஃபார்மா இயக்குனர் ஜாமீனில் விடுவிடுக்கப் பட்டிருக்கிறார்.
மதுபான வழக்கு குற்றவாளியிடம் இருந்து ரூ.55 கோடி நன்கொடை பெற்றது குறித்து பிரதமர் மோடியும், பா.ஜ.க. தலைவர் நட்டாவும் விளக்கம் அளிக்க வேண்டும். இது குறித்து அமலாக்கத்துறையும் விளக்கம் அளிக்க வேண்டும்” – என்று - ஆம் ஆத்மி கட்சி கோரிக்கை வைத்துள்ளது. பா.ஜ.க.வின் யோக்கியதை இதுதான்.
டெல்லி முதலமைச்சர் அரவிந்த் கெஜ்ரிவால் கைது செய்யப்பட்டுள்ள மதுபான கொள்கை வழக்கில் மிக முக்கியக் குற்றவாளி ஒருவரின் பெயர் ரகாவா மாகுண்டா. இவர் அப்ரூவராக மாறிவிட்டார்.
இவரது தந்தை ஸ்ரீநிவாசலு, தெலுங்கு தேசம் கட்சி வேட்பாளராக ஆந்திராவில் போட்டியிடுகிறார். அவரை ஆதரிக்கிறது பா.ஜ.க. கட்சி. இவர்களது யோக்கியதை இதுதான்.
ஏர் இந்தியா –- இந்தியன் ஏர்லைன்ஸ் இணைப்பு வழக்கில் குற்றம் சாட்டப்பட்டு அமலாக்கத்துறை விசாரணையில் இருப்பவர் பிரபுல் படேல். இவர் இப்போது பா.ஜ.க. கூட்டணியில் இருக்கிறார். இந்த வழக்கை முடித்துக் கொள்கிறோம் என்று டில்லி ரோ அவென்யூ நீதிமன்றத்தில் சி.பி.ஐ. மனு போட்டுள்ளது.
அவ்வளவு தான் பா.ஜ.க. வாஷிங் மிஷினில் பிரபுல் படேல் வெளுக்கப்பட்டு விட்டார். வெளியே வந்துவிடுவார். இவர்களது யோக்கியதை இதுதான்.
இதையெல்லாம் மறைக்கவே காங்கிரஸ் கட்சியின் வங்கிக் கணக்குகள் முடக்கப்படுகிறது. முடக்குவோர், விரைவில் முடக்கப்படுவார்கள்.
- இணைப்பைப் பெறுக
- மின்னஞ்சல்
- பிற ஆப்ஸ்
