குஜராத் மாடல்?
தெற்கு ரயில்வேயில் கடந்த நிதியாண்டில் அதிக வருவாய் ஈட்டிய ரயில் நிலையங்களில் சென்னை சென்ட்ரல் முதலிடம்.
குஜராத் மாடல்?
நாட்டின் போதை பொருள்களின் கேந்திரமாக இருந்து வருகிறது என்கிற குற்றச்சாட்டை நிரூபிக்கும் வகையில் நேற்று முன்தினம் பா.ஜ.க. ஆளும் குஜராத் மாநிலத்தில் ரூ.600 கோடி மதிப்பிலான 86 கிலோ போதைப் பொருள் பறிமுதல் செய்யப்பட்டுள்ளது.
தேர்தல் பிரச்சாரத்தின்போது பிரதமர்மோடியும் பா.ஜ.க. வினரும் தேவையின்றி உண்மைக்கு மாறாக தமிழ்நாட்டில் போதை பொருள் கலாச்சாரம் பெருகி வருகிறது என்று குற்றச்சாட்டு கூறி வந்தனர்.
ஆனால் உண்மையில் குஜராத் மாநிலம் தான் போதை பொருளை உற்பத்தி செய்யும் மாநிலமாகத் திகழ்கிறது என்பதை அண்மையில் நடைபெற்று வரும் சம்பவங்கள்நிரூபிக்கின்றன.
இந்நிலையில் நேற்று முன்தினம் ரூபாய் 600 கோடி மதிப்புள்ள போதை பொருளை அரபிக் கடலில் படகு ஒன்றிலிருந்து பறிமுதல் செய்துள்ளனர்.
இது தொடர்பாக இந்திய கடலோரக் காவல் படை தெரிவித்துள்ளதாவது:–
அரபிக்கடல் வழியாக போதைப்பொருள் கடத்தப்படுவதாக தகவல் கிடைத்தது. இதையடுத்து, ஞாயிற்றுக்கிழமை மேற்கொள்ளப்பட்ட போதைப் பொருள் தடுப்பு நடவடிக்கையில் கடலோரக் காவல் படையின் கப்பல்கள் மற்றும் விமானங்கள் ஈடுபடுத்தப்பட்டன.
இந்திய கடலோர காவல் படையின் ஐசிஜி கப்பல் ராஜ்ரத்தனில் இருந்த குஜராத் பயங்கரவாத தடுப்புப் படையினர், தேசிய போதைப் பொருள் தடுப்பு பிரிவு அதிகாரிகள் சந்தேகத்துக்குரிய மீன்பிடி படகை அடையாளம் கண்டனர்.
இந்திய கடலோர காவல் படையிடம் அந்தப் படகு சரணடைந்ததைத் தொடர்ந்து, போதைப் பொருள் தடுப்புக்கான சிறப்பு குழுவினர் அந்தப் படகை சோதனையிட்டனர்.
அப்போது, அந்தப் படகில் 78 பொட்டலங்களாக மொத்தம்86 கிலோ போதைப் பொருள்கள் இருந்தது கண்டுபிடிக்கப்பட்டது.
இந்திய கடற்படையும் குஜராத் பயங்கரவாத தடுப்புப் படையும் இணைந்து கடந்த 3 ஆண்டு களில் மேற்கொண்டுள்ள 11- ஆவது நடவடிக்கை இது என இந்திய கடலோர காவல் படை தெரிவித்துள்ளது.
இந்த நடவடிக்கை தொடர்பாக குஜராத் மாநில காவல் துறை தலைவர் விகாஸ் சாஹே செய்தி யாளர்களிடம் கூறுகையில், ‘இந்திய கடற்படையும் மாநிலத்தின் பயங்கரவாத தடுப்புப் படையும் வீரத்துடன் பாகிஸ்தான் மீன்பிடி படகை அணுகியுள்ளனர்.
படகில் இருந்தவர்கள் மீது கடலோர காவல் படை அதிகாரி துப்பாக்கிச் சூடு நடத்த வேண்டிய சூழல் ஏற்பட்டது.
இதில் அந்தக் குழுவின் தலைவர் காயமடைந்தார்.அதன்பிறகே அவர்கள் சரணடைந்தனர். காயமடைந்தவருக்கு சிகிச்சை அளிக்கப்பட்டு வருகிறது.
கைது செய்யப்பட்ட அனைவரும் பாகிஸ்தானின் பலூசிஸ் தான் மாகாணத்தைச் சேர்ந்தவர்கள்’ என்றார்.
இந்நிலையில், குஜராத் கடல் பகுதியில் 2-வது நாளாக நேற்றும் ஐசிஜி, என்சிபி மற்றும் ஏடிஎஸ் அதிகாரிகள் தீவிர கண்காணிப்புப் பணியில் ஈடுபட்டனர்.
அப்போது, சந்தேகப்படும் வகையில் வந்த இந்திய மீன்பிடி படகை இடைமறித்து சோதனையிட்டனர். அதில் இருந்த 173 கிலோ போதைப்பொருளை பறிமுதல் செய்தனர். மேலும் அந்தப் படகில் இருந்த 2 பேரை கைது செய்தனர்.
கடந்த மாதம் ரூ.400 கோடி மதிப்பிலான போதைப்பொருளுடன் வந்த படகை இந்திய கடலோர காவல் படை பறிமுதல் செய்தது. அதில் இருந்த 6 பாகிஸ்தானியர்களை கைது செய்தது. இதுபோல கடந்த பிப்ரவரி மாதம் ரூ.3,300 கோடி மதிப்பிலான போதைப்பொருள் பறிமுதல் செய்யப்பட்டது. அத்துடன் 5 பேர் கைது செய்யப்பட்டனர் என்பது குறிப்பிடத்தக்கது.
பா.ஜ.க. ஆளும் குஜராத் மாநிலத்தில் இவ்வாறு அடிக்கடி போதைப் பொருள்கள் பிடிபடுவதுகவனிக்கத்தக்கது. இதன் மூலம் மோடியின் பொய்ப்பிரச்சாரம் வெளிச்சத்திற்கு வந்துள்ளது.இந்தியபோதையின் தலைநகரம் குஜராத் தான் என்பது மீண்டும் நிருபணமாயுள்ளது.
தமிழ்நாடு சங்கிகளுக்கு பின்னால் தீ வைத்துள்ளது.
